مين يحبك قد ربك [الأرشيف]

روبى 2

01-29-2004, 12:21 PM

إخواتي الكتكوتين والكتكوتات :clap::clap:

الموضوع ده كان أول تفاعل حقيقي ليا مع العامي:) ... بعد ما أستاذنا مقهور عمل موضوعه (اللي انا لطشت العنوان بتاعه:انجغة::انجغة:) .. مين يحبك قد ربك ...

وأنا بانزلو تاني دلوقتي مش بس عشان تشوفوه .. لا .. عشان يكون (ولو انه مش قد المقام ):blush): تكريم لاستاذ فاضل .. كان ومازال سبب تعلقي واجتهادي في الشعر العامي

أستاذي الفاضل ..

شكراً :flowers::flowers:

قوللي مرة في يوم يا صاحبي
حد يوم كان حقه ضايع بين ايديك ... راعا امرك
حد يوم غلطت فيه ... من نفسه سامحك
حتى لو قلت القصايد ... واتحايلت عليه يسامح
برضه عمره ما راح يسامحك

شوف هاقوللك... اعتذرله ما تعتذرله
حتى لو قالك مسامحك
برضه تفضل حته شايلة ... جوه قلبه ما يوم تسامحك

بص شوف ربك يا صاحبي
بعد كل النعمة ديا ... الخفية والجلية
نعمة لو حبيت تعد ... عد لما تموت
وبرضه مش حتحصر نعمته الخالصة النقية

شوف كدة لو يوم عصيته
والذنوب صبحت جبال
لو قابلته في مرة وحدك
ودة شيء سهل المنال

ابكي مرة بدمع حرقة
وقوله بس يا رب سامح

يبتسم ربك ويبعت.. ليك رسالة بالتسامح

روح يا عبدي خلاص سامحتك بس اوعى.... الذنب جارح

يمشي اخونا وييجي تاني يوم ويغلط

برضه غلطة هيا هيا
لأ دي جايز تبقى غلطة اعلى منها

يبكي تاني بدمع حرقة
ربي يا رب التسامح
سامح العبد اللي قصر
ابعد الشر اللي عكر
صفو وقفتي بين ايديك

يبتسم ربك ليه تاني
روح يا عبدي خلاص سامحتك واوعى تغلط برضه تاني

وانت كام مرة بتغلط
بس برضه يقول مسامح

شوف كمان لو طلبت تشوف مديرك ... مش رئيس الدولة مثلا
شوف كدة لزماً تعدي بكام موظف
لما توصل للمدير
ييجي يومها يقولك .. اخلص
اصل وقتي مش كتيير
تفضل انت تزوم وتعرق
ده انت في حضرة مدير
تقوم تمسمر كل حته ... من جوارحك في مكانها
اوعى تتحرك كتيير

ييجي بعد دقيقة يزعق
قوم بقة ... لحسن ده عندي .. اجتماع اليوم خطير

يمشي اخونا ... ويفضل معلق ..طلبه
ويمكن بالكتير
يتعرض طلبة في مرة .. بعد كام سنة ... مش كتير

يقبله لو باله رايق
او يقول لأ المدير

شوف بقة ربك.. في اي زمان واي مكان معاك
لو تحب في يوم تقابله
قله بس يارب عايزك
يقوم باعتلك كام ملاك
ويقولك لبيك عبدي
انت في حضرة حبيبك
اللي خالقك واللي عارفك
واللي عمرك يوم ما تطلب منه حاجة
وراح يصدك

لأ وايه.. يمكن انت تكون مزعله بالعبيط
والذنوب واللهي عندك يابني منها كام شريط

بس ربك واحده عالم بيك
وعارف... ان مالك حد غيره

يبقى لازم يابني تعرف حاجة لاجلك
مين يحبك قد ربك؟؟؟

gelly

01-29-2004, 12:30 PM

ماشاء الله :55:

أو تعلمين :blush):

أخرجت كلماتك أكثر من تعبير على وجهى و خفق قلبى أكثر خفقاته تنوعا

كنت سأبكى حينا و خفت و أرتعدت أوصالى خشية فأبتسمت و هدأت نفسى ثم لم ألبث الا أن بدأت أتدبر ف أمرى و أمر دنياى و لكنى رجعت الى الهدئه ف النفس ...

ما أجملك و أجمل رائعتك :inlove:

:flowers::flowers::flowers::flowers:

روبى 2

01-29-2004, 12:37 PM

حبيبتي جيلي

والله اخجلتم تواضعنا ...:blush)::blush)::blush):

أشكر مرورك الكريم

النيـل

01-30-2004, 12:13 AM

روبي بجد جميلة جدا ماشاء الله
دانت كنت اديبة من صغرك ومحدش عارف

قرأتها تاني دلوقتي واكني بقرأها اول مرة
وفي كل مرة بلاقي فيها متعة خاصة ...
وكل مرة اقرأها وبلاقي فيها نغم خاص
واكنها جديدة كل مرة...
ومين يحبك قد ربك

تحياتي
النيـل:flowers:

بنت الماضي

01-31-2004, 06:15 AM

:nanana:
في كل مرة بتثبتلنا انك كاتبه من طراز خاص يا اختي الغالية
كتابات رائعه دائما تتحفنا...
ربي كما تسامح جميع الذنوب وتغفر الخطايا...
اغفر لنا ولاختي في الله
اللهم امين:flowers:

روبى 2

01-31-2004, 04:20 PM

دانت كنت اديبة من صغرك ومحدش عارف

ياعم نيل مش للدرجادي ...

:blush)::blush):
أخي النيل

أشكر مرورك الكريم .. وأشكر تفاعلك مع ما كتبت ...

:flowers::flowers::flowers:

روبى 2

01-31-2004, 04:23 PM

ربي كما تسامح جميع الذنوب وتغفر الخطايا...
اغفر لنا ولاختي في الله
اللهم امين

أختي بنت الماضي

والله لقد أثلجت صدري بهذا الدعاء

اللهم تقبله منها واغفر لي ولها يارب العالمين

أشكر مداخلتك حبيبتي

وأرجو أن أكون عند حسن ظنك:flowers::flowers:

روبى 2

02-03-2004, 01:05 PM

و زي ما بيقولوا
اللي ف قلبك على لسانك
ربنا يخليك

والله يا طاووس مافيش أحسن من ان يبقى اللي في قلبك على لسانك ..

والله يا طاووس .. ليس أغلى من ردك وتفاعلك معي الذي أنتظره دوماً

:flowers::flowers::flowers:

ســانــدى

02-04-2004, 03:56 AM

هايلة جدا يا روبى:clap:

فعلا مؤثرة ...

ذات مضمون ونظم راااائعين

تمنياتى لكِ بدوام التوفيق

http://newfunnies.com/inspiring/morninga/angel2.gif

أرض الميعاد

02-04-2004, 08:30 AM

أختي الحبيبة ... روبي
كل عام وانت بخير
شكر من الاعماق لشخصك الغالي
شكر من الاعماق لهذا الذوق الرفيع
وارجاع الفضل لأهله

كلنا بشوق ... الى استاذنا جميعا ... أخي الفاضل مقهور
من منا لم يستفد من قلمه ... من منا لم يحظ بورد حديقته
العامرة بانبل المشاعر

وفقه الله ووفقك

وزاد قلمك المتألق تالقا
فما اروع عباراتك وهي تصف واقعنا

روبى 2

02-04-2004, 02:22 PM

الأخت ساندي :)

أشكر مرورك الكريم وإطرائك الرقيق

وأدام الله التوفيق رفيقا لدروبنا جميعا

:flowers::flowers::flowers:

روبى 2

02-04-2004, 02:49 PM

الحبيبة أرض الميعاد

أولا أنا عايزة اشكرك من كل قلبي قلبي على رسالتك الرقيقة وسؤالك عليا

والله انا قريت الرسالة وكنت هابتدي ارد ومعرفش لفت نظري موضوع ايه كدة فتهت وسبت الرسايل

حبيبتي انا متشكرة جدا لاهتمامك وكل عام وانتي بافضل صحة وأحسن حال

وأشكر إطرائك وتفاعلك مع موضوعي المتواضع

كلنا بشوق ... الى استاذنا جميعا ... أخي الفاضل مقهور
من منا لم يستفد من قلمه ... من منا لم يحظ بورد حديقته
العامرة بانبل المشاعر

صدقتي والله
لولاه .. بعد فضل الله ما كتبت أنا وما تألق غيري كثير

وادي كام ورداية من جنينته برضو
:flowers::flowers::flowers::flowers::flowers:

yaayoo

02-05-2004, 08:05 AM

ايه الجمال دا كله ياروبى:D

لا موضوعك بقى المرة دى فى الجوووووووووووووون:clap::clap:

وبعدين كويس ان مقهور هو اللى ورااااااااه نشكره والله :brb:

بس بجد عايزة اقولك كلنا بنغلط ودايما نطلب من ربنا انه يسامحنا

لو فكرنا فى عقابه واحنا بنعصاه ماكناش عملناه بس للاسف احنا دايما فاكرين كرمه ورحمته بس

بس هاقولك بدال فى استغفار من القلب يبفى ان شاء الله فى مغفرة
ولا ايه؟:rolleyes:

اشكرك على موضوعك الجميل وياريت تكترى من النوع دا
دا انتى فيه استاذة :box::box:

تحياتى صديقتى واتمنى ات تزيدينا :rolleyes::photo:

^MB^

02-05-2004, 09:25 PM

ياااااااااااااااااااه دة كان من زمان أوى :blush): يا ترى تفتكرى من امتى بالظبط يا روبى ؟؟؟

أول ما شفتة افتكرتة علطول :dry:

شكراً يا روبى فكرتينى بيه :blush):

روبى 2

02-06-2004, 03:23 PM

بس بجد عايزة اقولك كلنا بنغلط ودايما نطلب من ربنا انه يسامحنا

لو فكرنا فى عقابه واحنا بنعصاه ماكناش عملناه بس للاسف احنا دايما فاكرين كرمه ورحمته بس

والله يا يايووووو معاكي حق

احنا دايما بنفتكر ان ربنا غفور رحيم وننسى ... أنه شديد العقاب

حبيبتي يا يايوووو

نورتيني وأسعدتيني :flowers::flowers:

روبى 2

02-06-2004, 03:29 PM

ياااااااااااااااااااه دة كان من زمان أوى يا ترى تفتكرى من امتى بالظبط يا روبى ؟؟؟

:confused::confused:

مين ده يا ولااااااااااد .. MB .. ؟؟؟:lolly::lolly:

رجعت من واق الواق امتى يابني ؟؟

فينك كدة ماحدش عاد بيشوفك :) يالا .. المهم حمدالله على السلامة

والله يا MB أنا أكيد فاكرة .. وما كانش من بعيد قوي .. يعني ما كملش سنة حتى .. أنا بس حبيت أفكر الناس بأسناذنا العزيز مقهور .. ولو اني عارفة ان ماحدش ناسيه خااااااالص

شكرا على مرورك وحمدالله على السلامة ..

^MB^

02-06-2004, 09:59 PM

كاتب الرسالة الأصلية : روبى 2
:confused::confused:

مين ده يا ولااااااااااد .. MB .. ؟؟؟:lolly::lolly:

رجعت من واق الواق امتى يابني ؟؟

المهم حمدالله على السلامة

أنا حبيت أفكر الناس بأسناذنا العزيز مقهور .. ولو اني عارفة ان ماحدش ناسيه خااااااالص

شكرا على مرورك وحمدالله على السلامة ..

أنا مكنتش فى الواق واق ^_^ انا كنت فى بلاد تركب الأموال :knight: والله يسلمك يا ستى ... بس للأسف دى مش عودة دة مجرد مرور لأن موضوع شدنى وحبيت أشارك فيه :blush):
وطبعاً محدش ينسى مقهور أبداً :flowers:

radwakotb

02-09-2004, 04:59 PM

قصيده جميله جدا....:clap:
انت شاعره موهوبه بجد......القصيده اعطتنى شعور غريب وجميل جدا..
استمري....وبالله التوفيق......:flowers::knight:

روبى 2

02-10-2004, 12:26 PM

العزيزة رضوى ..

اهلا بيكي وسطينا .. وأشكرك على مديحك الغالي ... ولو كنتي كمان حضرتي اللي خلاني ارد بالكلام الجميل ده ..كنتي هتقولي عليا ما بفهمش حاجة ..

لان هوا كان الأصل طبعا

أهلا بيكي في موضوعي وشرفتينا :flowers::flowers::flowers:

عيش حياتك

02-10-2004, 02:08 PM

والله جميله وربنا يثوبك عليها خير وهاتى ذياده

عشان أحنا عطشانين قوى حجات جميله زى دى:clap::clap::clap::knight::knight:

روبى 2

02-10-2004, 03:12 PM

أنا بصراحة مش عارفة عيش حك ده ولد ولا بنت ....

بس ما علينا أيا تكون .... ده شرف ليا ان دي تكون أول مشاركاتك

أشكرك وأتمنى أن أكون عند حسن ظن الجميع

:flowers::flowers::flowers:

غــفــران

12-03-2005, 01:00 PM

عجتني جدا، و لسه عاجباني و روبي واحشاني فقلت نقراها سوا تاني :)

فى عينيك عنواني

12-03-2005, 05:44 PM

http://www.w6w.net/album/35/w6w_w6w_200504241449028eb62d4f.gif

راااااااااااااااااائع يا روبى راااااااااااااائع بجد ما شاء الله :rosy:

بجد أمتعتينى فى إنتظار المزيد من مواضيعك اختى
"أختك فى عينيك عنواني "

^MB^

12-05-2005, 01:22 AM

يااااااااااااااااااااااااااااااااااااه دة من زمان أوى :blush2:

والله كانت أيام

شكراً فكرتونا :rosy:

nashwety_n

08-23-2007, 08:32 PM

كل كلامك صح فعلا بارك الله فيك