ادهم الشرقاوى
01-27-2004, 02:18 PM
مشكله
اكيد فى مشكله
حل
اكيد كل مشكله و ليها حل
عرفته
اها طبعا عرفته
و بعدين
ولا قبلين
ازاى يعنى
يعنى ايه ازاى يعنى
هو ايه اللى ازاى يعنى ... فى مشكله و ليها حل و عرفته ... هتعمل ايه بعد كده ... حبييى ادراك المشكله و معرفة الحل مش كفايه ... لازم تنفذ الحل
اه ان شاء الله
امتى يعنى
سبها لظروفها
يعنى هتفضل هربان
طب و انا اعمل ايه اذا كان الهروب مشكلتى
طب ما انت بتقول انك عارف الحل ... مش بتنفذه ليه ... فى حاجه شلاك
يا ريت على الاقل كان يبقى ليا عذر
اومال ايه مالك
مفيش عادى يعنى مكسل حاسس انى مرتخى و ...... امممممم
كمل كلامك
مش عارف ... بس عارف لما تكون على السرير و تصحى تلاقى نفسك فى حاله بين الصحيان و النوم ... نايم مصلوب ايديك مفروده بالعرض رجليك متمدده وشك فى السقف حاسس بالسرير سامع اللى حواليك بس ......... بس عينك مش قادر تفتحها جفنك وزنه اطنان حديد مجهود خرافى علشان تعمل شريط رفيع يدخل منه ضوء لعينك .... بتحاول تلم ايديك المتبعتره مش قادر ولا حتى تتنى صبعك كأن ايدك بقيت جزء من السرير رجليك خلاص من كائن تانى غيرك ... حتى دماغك مش قادر تخليها تدور تبص للى جامبك فى الاوضه علشان يساعدوك ... بتزقها كانها حجر على حافه جبل و هـــــــــــــاه اخيرا مالت على خدك تنده على حد مفيش صوت بوئك متحركشى اساسا تحول ترجع دماغك تانى لوضعها و كانك بترفع كره ارضيه زى الاسطوره اليونانيه ايدين مجهودك متكتفه و نيـــــــاه رجعت مكنها اخيرا لكن كانت حركه اقوى من المطلوب دماغك تميل و تنزل على خدك التانى زى برج بيقع بطوله اهــــــــــه ... عارف انك مش بتحلم عضلات عينك بترتعش من كتر اصرارك و مجهودك بتعرق عضلاتك كلها بتنقبض زى كهربه سخن حرارتك ماشيه فى اتجاه واحد بتعلى ... بس استنى اهدى استرخى انسى مجهودك مقومتك سيب جفنك يترزع على اخوه غوص فى السرير ارتـــــــــــــــاح و انسى عقلك بس شغال بيعد واحد اتنين تلاته اربعه خمسه و ..... نفضه قويه خارقه هايــــه رعت راسى فتحت عينى اه كده بدائت اتمكن من الموقف بهدوء الملم جسمى و نفضه كمان اكون فى الوضع جالسا .... بالطريقه دى ديما كنت بنجح من الحاله القاتله و العذاب ده اللى اتكرر كتير معايا فعلا ....
تخيل بقى لو انك مش فى الحاله دى و لكن مش بتعمل اى مجهود من اللى حصل ده ... شايف بقى العذاب فى الحاله دى ... بشع
اهو هو ده الهروب ... هروب من كل حاجه مفيش التزمات مسؤليات او اى حاجه مجرد هربان ... عارف الحريه حتى انى اكون حر ... مقدرتش اتحمل مسؤليه زى دى .... بصراحه هربت منها ... لاغيت ارادتى .... مجرد قصورى الذاتى هو موتورى
هربان
هربان
هربان
خسران
تايه
عديم القيمه
بمعنى اخر حقير ... الحقاره اصبحت صفه مميزه لشخصيتى ملازمه لكل تصرفاتى دايما سايب الحبل على الغارب لعقلى مفيش توجيه شغال تلقائى حسب ترتيب اشارات الجهاز العصبى اللى فصلته من مؤسستى السيطره ... عقل خاوى فارغ خيالى مهو طبعا لا الخيال له حدود و لا له تكلفه مجرد اشارات عصبيه تانيه مش بتتعب جسديا
محتاج حاجات كتير
حاجات ضروريه نقصانى
مش بس ضروريه دى اوليه
دنيتى محتاجها محتاج انظمها ارتبها اوجهه اهتماماتى لازم يعاد تنسيقها و ترجع كل حاجه لمكنها و مقامها الطبيعى .... ربنا .... صعب انى افضل كده بعيد .... مش حتى بعيد انا اساسا مش موجود علشان ابقى بعيد ... تصرفاتى تصرفاتى محسوبه عاليا لازم افوق و افهم ان حياتى مش حلاقات منفصله ... كلها عقد واحد داير مايدور اللى هاعمله دلوقتى هارجع و الاقيه بكره تانى مفيش حاجه اسمها انى اشترى الماضى و لا حتى اهرب منه ده كمان ده ظاهره فزيائيه زى ضلك ماشى معاك شويه وراك و حبه تحتيك لكن لما يبقى قدامك هتلاقيه بيكبر ضخم زى الهجامه مش هيرحمك و فى نفس الوقت مش هو اللى هيعزبك ... اصعب لو بتفهم ... و لو مش واخد بالك بقولهالك ... هيكون اصعب ابشع
هربان
وعد بحطه قدام نفسى بشهد عليه كل الناس و ربنا مش ممكن يوم اندم تانى مش ممكن يوم حد عرفنى و يندم على المعرفه دى ابدا مش هيحصل ... وعد الحر دين عليه و انا لازم اكون حر و هكون حر بأذن الله حتى لو محققتش حلمى الحقيقى يبقى كفايه انى حاولت و الى هذا الحقير الذى قال يوما لو مقدرتش تكون قدوه حسنه فاعمل اللى يخليك عبره لمن يعتبر عايز اقولك ان المحوله رمز للقدوه الحسنه لكن تياس تهرب تكسل تتنطش تكبر يبقى انت مش محتاج انك تعمل اللى يخليك عبره لمن يعتبر لانك خلاص بقيت كده فعلا
حر
انا حر
انا لازم اكون حر
لازم احول انى اكون حر
و هبقى بأذن الله حر
اكيد فى مشكله
حل
اكيد كل مشكله و ليها حل
عرفته
اها طبعا عرفته
و بعدين
ولا قبلين
ازاى يعنى
يعنى ايه ازاى يعنى
هو ايه اللى ازاى يعنى ... فى مشكله و ليها حل و عرفته ... هتعمل ايه بعد كده ... حبييى ادراك المشكله و معرفة الحل مش كفايه ... لازم تنفذ الحل
اه ان شاء الله
امتى يعنى
سبها لظروفها
يعنى هتفضل هربان
طب و انا اعمل ايه اذا كان الهروب مشكلتى
طب ما انت بتقول انك عارف الحل ... مش بتنفذه ليه ... فى حاجه شلاك
يا ريت على الاقل كان يبقى ليا عذر
اومال ايه مالك
مفيش عادى يعنى مكسل حاسس انى مرتخى و ...... امممممم
كمل كلامك
مش عارف ... بس عارف لما تكون على السرير و تصحى تلاقى نفسك فى حاله بين الصحيان و النوم ... نايم مصلوب ايديك مفروده بالعرض رجليك متمدده وشك فى السقف حاسس بالسرير سامع اللى حواليك بس ......... بس عينك مش قادر تفتحها جفنك وزنه اطنان حديد مجهود خرافى علشان تعمل شريط رفيع يدخل منه ضوء لعينك .... بتحاول تلم ايديك المتبعتره مش قادر ولا حتى تتنى صبعك كأن ايدك بقيت جزء من السرير رجليك خلاص من كائن تانى غيرك ... حتى دماغك مش قادر تخليها تدور تبص للى جامبك فى الاوضه علشان يساعدوك ... بتزقها كانها حجر على حافه جبل و هـــــــــــــاه اخيرا مالت على خدك تنده على حد مفيش صوت بوئك متحركشى اساسا تحول ترجع دماغك تانى لوضعها و كانك بترفع كره ارضيه زى الاسطوره اليونانيه ايدين مجهودك متكتفه و نيـــــــاه رجعت مكنها اخيرا لكن كانت حركه اقوى من المطلوب دماغك تميل و تنزل على خدك التانى زى برج بيقع بطوله اهــــــــــه ... عارف انك مش بتحلم عضلات عينك بترتعش من كتر اصرارك و مجهودك بتعرق عضلاتك كلها بتنقبض زى كهربه سخن حرارتك ماشيه فى اتجاه واحد بتعلى ... بس استنى اهدى استرخى انسى مجهودك مقومتك سيب جفنك يترزع على اخوه غوص فى السرير ارتـــــــــــــــاح و انسى عقلك بس شغال بيعد واحد اتنين تلاته اربعه خمسه و ..... نفضه قويه خارقه هايــــه رعت راسى فتحت عينى اه كده بدائت اتمكن من الموقف بهدوء الملم جسمى و نفضه كمان اكون فى الوضع جالسا .... بالطريقه دى ديما كنت بنجح من الحاله القاتله و العذاب ده اللى اتكرر كتير معايا فعلا ....
تخيل بقى لو انك مش فى الحاله دى و لكن مش بتعمل اى مجهود من اللى حصل ده ... شايف بقى العذاب فى الحاله دى ... بشع
اهو هو ده الهروب ... هروب من كل حاجه مفيش التزمات مسؤليات او اى حاجه مجرد هربان ... عارف الحريه حتى انى اكون حر ... مقدرتش اتحمل مسؤليه زى دى .... بصراحه هربت منها ... لاغيت ارادتى .... مجرد قصورى الذاتى هو موتورى
هربان
هربان
هربان
خسران
تايه
عديم القيمه
بمعنى اخر حقير ... الحقاره اصبحت صفه مميزه لشخصيتى ملازمه لكل تصرفاتى دايما سايب الحبل على الغارب لعقلى مفيش توجيه شغال تلقائى حسب ترتيب اشارات الجهاز العصبى اللى فصلته من مؤسستى السيطره ... عقل خاوى فارغ خيالى مهو طبعا لا الخيال له حدود و لا له تكلفه مجرد اشارات عصبيه تانيه مش بتتعب جسديا
محتاج حاجات كتير
حاجات ضروريه نقصانى
مش بس ضروريه دى اوليه
دنيتى محتاجها محتاج انظمها ارتبها اوجهه اهتماماتى لازم يعاد تنسيقها و ترجع كل حاجه لمكنها و مقامها الطبيعى .... ربنا .... صعب انى افضل كده بعيد .... مش حتى بعيد انا اساسا مش موجود علشان ابقى بعيد ... تصرفاتى تصرفاتى محسوبه عاليا لازم افوق و افهم ان حياتى مش حلاقات منفصله ... كلها عقد واحد داير مايدور اللى هاعمله دلوقتى هارجع و الاقيه بكره تانى مفيش حاجه اسمها انى اشترى الماضى و لا حتى اهرب منه ده كمان ده ظاهره فزيائيه زى ضلك ماشى معاك شويه وراك و حبه تحتيك لكن لما يبقى قدامك هتلاقيه بيكبر ضخم زى الهجامه مش هيرحمك و فى نفس الوقت مش هو اللى هيعزبك ... اصعب لو بتفهم ... و لو مش واخد بالك بقولهالك ... هيكون اصعب ابشع
هربان
وعد بحطه قدام نفسى بشهد عليه كل الناس و ربنا مش ممكن يوم اندم تانى مش ممكن يوم حد عرفنى و يندم على المعرفه دى ابدا مش هيحصل ... وعد الحر دين عليه و انا لازم اكون حر و هكون حر بأذن الله حتى لو محققتش حلمى الحقيقى يبقى كفايه انى حاولت و الى هذا الحقير الذى قال يوما لو مقدرتش تكون قدوه حسنه فاعمل اللى يخليك عبره لمن يعتبر عايز اقولك ان المحوله رمز للقدوه الحسنه لكن تياس تهرب تكسل تتنطش تكبر يبقى انت مش محتاج انك تعمل اللى يخليك عبره لمن يعتبر لانك خلاص بقيت كده فعلا
حر
انا حر
انا لازم اكون حر
لازم احول انى اكون حر
و هبقى بأذن الله حر