الله يرحمه0000الذكرى الاولى لرحيله

[محمد فارس]

تعريف بالفقيد
******
ياما الجنيه صالا وجالا
كان له حكاية وقوالا
كان اسمه له شَـنّة ورَنـّة
كان يُغنىِ عن اى سؤالا
***

الحدث
***
كلمنىِ ابنى00 من طابا
قَالـّى صحيح هو يابابا
مات الجنيه ولا اصابة
والجانى مين00قول فـ عُـجالة
***
قُلتله مات 00اخده غُراباَ
غراب كبير ومعاه عصابة
خلّوا البلد زى الغابة
ويقول كلام بلا افعالاَ
***
كداب قوى فـ كل كلامه
حتى ان عمّه فـ يوم لاَمه
وقال له خِف الناس ناموا
واصدق فى بعض الاحوالاَ
***
يابنى تعال 00لما احكيلك
عن الجنيه فـ جيلى وجيلك
وامسح عيونى بمنديلك
لو دمعة نزلت اجلالاَ

***
كان الجنيه دايما سـيّد
فيه رهبـَه له 00يوم كان جيّـد
تُـطلب جنيه يوم ماتعيـّـد
ومعاك جنيه00أغلى امالاَ
***
لا كان دولار 00لا استرلينى
لا فرنك كان ولا كان صينى
يقدر يقول انا آدينىِ
لا حتىَ ين ولا ريالاَ
***
دخل حُمار عالى نهيقه
خرج الجنيه00ضل طريقه
فقد رجولته وبريقه
فرح الحمار00وسكت حالا
***
ايه معنى ده00قالوا التعويم
صار الجنيه00حبّـة تنويم
جات المصايب00بالتكويم
مصايب ملهاش مثالاَ
***
عام الجنيه00واحنا غرقنا
سالت دمانا00نشف ريقنا
ولا فيه نهاية لطريقنا
طول مالبلد فيها خَبَـالاَ
***
عام الجنيه00عوم امريكا
فلا طوق نجاة لىّ وليكاَ
فالعم سام 00قال يحميكا
ويقول تعال00يلاّ تعالىَ
***
جنيهنا بعد اللى جراله
الكل رفضه 00وساء حاله
لا حتى عمـّه او خاله
ولا حتى شاه او زَبّـالا
***
مين السبب طب فـ ده كله
لو كان عدو حب يَشـله
لازم معاه حد يدله
وهل ده حرام ولا حلالا
***
كلام كتير 00ياما سمعنا
ان الجنيه00هو بتاعنا
ولا حد يقدر يلاوعنا
اتاريه كلام00كله هَبَـالاَ
***
حكومتنا نايمة ولا دارية
بايعة البلد00ام له شارية
ولا هى كاتبه ولا قاريه
ايه قالوا عنها00او قالا
***
ماشية فـ طرقها 00آهىِ ماضية
افكار مفيش ودماغ فاضية
مات الجنيه00مات بالقاضية
ياحكومة حان الترحالاَ
***
روح ياعبيد ومعاك والى
روحوا برخيص او بالغالى
طب يلاّ روحوا طوالىِ
روحوا 00كفاية اهمالاَ
***
مات الجنيه الله يرحم
لا حقنة نفعت ولا مرهم
فموته كان00كان له ارحم
اقرولوا فاتحة يارجالة
***
عزاى ليكم ياجماعة
ودعاىِ ليكم دى الساعة
تبعد بعيد عنكو الباعة
دا باعة طلعوا اندالاَ
***
وادعوا معاى 00لكن م القلب
ميكونش بينا ابداً كلب
ولا كل من جا 00هب ودب
ادعو ومفيش حاجة مُحاله
*****



** تم تعويم الجنيه فى 28/1/2003م

[محمـد حمـوده]

مش انا بأقول 00 فارس
ولا كل من ركب الفرس خيال *** ولاكل من رص الكلام زجال
هذا مرور سريع فقط لاقول لك جميل جمال ولا فى الخيال
ايه ده ياعم 00ايه النفس الطويل ده
رائع دايما يا هراس

[هريدي يابووووي]

عام الجنيه00واحنا غرقنا

"عام الجنيه ده غير "عام الحزن " لامؤاخذة؟:thinky:

شديدة فرتكة ياباشا:tu:

[روبى 2]

مات الجنيه الله يرحم
لا حقنة نفعت ولا مرهم
فموته كان00كان له ارحم
اقرولوا فاتحة يارجالة


انا لله وانا اليه راجعون :cry::cry:

ولا حقنة ولا مرهم ولا حتى عملية جراحية

والله يا هراس باشا وجعتنا واحنا مش ناقصين ..:tu::tu::tu::tu:

يمكن اعود بعد الفاصل بش مش ضامنة

انا وظروف الجنيه الصحية بقى :es3af::es3af: عشان انا قاعدة جنبه في العناية المركزة

[أمة الله الفقيرة]

استاذ هراس بنفساويته:clap:
إنت فينك من زمان يا عم
أنا جيت بس أسجل حضور
و بعد كده هافصل نت و استمخمخ فيها براحتي و ابقى اجي ارد عليك
عشان زي ما انت عارف الفاتورة... :blink:
صلام مؤقت

[مامتكم]

:flowers::flowers::flowers::flowers::flowers::flow ers:

فكرتنى بسلفنى تلاته جنيه الله يصبحه بالخير

[أمة الله الفقيرة]

يا لهوتيييييييييييييييييييييييييي:cry:
يا صغير يا اخويا:cry:
ما كانش يومك يوم ما عوموك و انت ما بتعرفش تعوم يا حبيبي:cry:
آه يا صغير:cry:
احم احم... :blush): صوري...آصفة... :blush):أنا بس كنت عايزة أجامل... سلو بلدنا كده:blink:
بس ده مش من شيم المسلمين-_-
و ارجع واقول زي ما روبي قالت ان لله و ان اله راجعون:sniff:

ياما الجنيه صالا وجالا
كان له حكاية وقوالا
كان اسمه له شَـنّة ورَنـّة
كان يُغنىِ عن اى سؤالا
انت هتقولي يا اخويا... است ام بهيجة كل ما تيجي سيرة الجنيه تمسكني انا و الواد عوضين و تشتغل حكواي و ذكريات. مش عارفة سنة كام كان الجنيه بخمس دولار و كان مش عارفة ايه اليي انتو بتجبيوه دلوقتي باتنين جنيه كان بقرشين. و شغلانة

حكومتنا نايمة ولا دارية
بايعة البلد00ام له شارية
ولا هى كاتبه ولا قاريه
ايه قالوا عنها00او قالا
***
ماشية فـ طرقها 00آهىِ ماضية
افكار مفيش ودماغ فاضية
مات الجنيه00مات بالقاضية
ياحكومة حان الترحالاَ
هو أكتب عامي بقى كله ثورين كده ليه:blink:... اكمن كل ما اعدي من جنب الركن الاقي شيخ الغفر قاعد فيه.

مات الجنيه الله يرحم
لا حقنة نفعت ولا مرهم
حاج هراس...أنت مؤمن يا ابني.... ده قضاء و قدر... مش هاقولك لو كانوا جبوه لدكتورة بهيجة كان زمانه خف. لان ده قضاء و قدر... استهدي بالله يا ابني.

بجد الجد حللللللللللللللللللللوة و رائعة يا استاذ هراس:tu: و جت في الجون و جت على الجرح و جت في الصميم.... و انتشرت في جميع الاتجاهات الاماكن.
ربونا ما يحرمنا من ابداعاتك يا بلدينا

تم تعويم الجنيه فى 28/1/2003م
يا سلااااااااااااااااااااااااام... يعجبني في حضرتك إنك مصقف...عشان كده لازم اصقفلك:clap::clap::clap:


روح ياعبيد ومعاك والى
روحوا برخيص او بالغالى
طب يلاّ روحوا طوالىِ
روحوا 00كفاية اهمالاَ
ايه ده؟!:blink: مين اللي كاتب الكلام ده؟! :blink:أنا فين انا ايه اللي جابني هنا؟!:confused:
لامؤاخذة يا اخويا...مش ده بيت است ام مؤنس:blush):
معلش يا ابني انا باينلي غلط في العنوان:surrender

[رشا عبد الرازق]

البقاء لله يا حج هراس:closeeye:

منجلكش يا خويه في حاجه أوحش من كده يا رب :blink3:

بس هو مات واللا اتقتل بسلامته
:chair:

واللا يكونش انتحر :thinky:



في الصميم يا هراس

في الصميم وفي المرتبات وفي خروف العيد وفي معرض الكتاب وفي كل حاجه :cry::cry::cry:


:tu::tu::tu:

[رنـranimـيم]

نعيش ونفتكر ..الحقيقه انا كنت باسمع عنه كل خير ووالدتى بتشكر فيه وبتقول انه كان محترم وسط الناس وكان له هيبه بس الله يسامحهم بقى خدوه يعوموه قاموا غرقوه بركتهم حلت ...وهو يعنى كان قالهم انه عاوز يعوم ولا يستحمه حتى بس حنعمل ايه

دخل حُمار عالى نهيقه
خرج الجنيه00ضل طريقه
فقد رجولته وبريقه
فرح الحمار00وسكت حالا

هو سكت ...اصلى مش واخده بالى:-"

***
روح ياعبيد ومعاك والى
روحوا برخيص او بالغالى
طب يلاّ روحوا طوالىِ
روحوا 00كفاية اهمالاَ

يروحوا فين ...لا هى الحكايه سايبه كده... لا لما نتحاسب ونعرف اللى لينا واللى علينا ولو انى عارفاهم قادرين وقليل لو ماطلعوناش مديونين ليهم

***
مات الجنيه الله يرحم
لا حقنة نفعت ولا مرهم
فموته كان00كان له ارحم
اقرولوا فاتحة يارجالة


يافندم مالحقناهوش بالحقن ولا المراهم ...ده مات بالسكته القلبيه ..بس كان فيه كلمتين قبل مايموت فضل يقولهم وماعرفناش كان قصده ايه ...كان قاعد يقول ...مبارك ...مبارك ...هو كان يقصد مين ياهراس باشا ...يكون قصده على العيد انه عيد مبارك :chinese:


تسلم ايدك ياباشا بس كنت عاوزه اسال سؤال يعنى هو يعنى ايه جنيه؟؟؟


رنيــــــم

[المحارب501]

ياحضرة العمدة...هراس ....هو المغفور له...اتعمله عزاء...يا عنى قمت بالواجب...وروحت حضرت جنازته فى عمر مكرم....المسكين ساب وراءه ..
كوم لحم.....قروش وبرايز وشلانات ....اه ياله ...سبحان من له الدوام...
ويخرب قصور ..من كان السبب...الهى يبتلهيم بانفلونز الدجاج.......:blink3:

[gelly]

مات الجنيه الله يرحم
لا حقنة نفعت ولا مرهم
فموته كان00كان له ارحم
اقرولوا فاتحة يارجالة


آه و الله كان طيب :sniff: كان حنين :sniff: كان بيفتح بيت و بيتين :sniff:


أستــــــــاذى


هـــــــــــراس


لا جديد تحت الشمس :dry:




ما زالت أمطار الأبداع مستمرة على كافة الأنحاء ( ما شاء الله :55:)



و الجو ملبد بلأفكار الساخنه ( برضه ما شاء الله :55:)



و رياح شماليه غربيه موسميه دائمه لسلاسه الأسلوب ( الله أكبر :55:)


و يسود الطقس معتدل دافئ طالل ع الغلابه الى مش لاقيين المرحوم :55:


حيث تشرق عليهم شمس الأبداع من واحد حاسس بالغلابه :tu:


كانت معكم محدثتكم اللتاته الرغايه :brb:


جيلى :drool:


دمت لنا :flowers:


و دام لنا قلمك :flowers:

[روبى 2]

معلش اتأخرت عليو
بس والله الجنيه كانت حالتو مستعصية خاااااااااااااالص والبرد كان عامل عمايلو
:crazyy::crazyy::crazyy:

أنا شفتو كان ماشي امبارح
فوق الرصيف تحت المطرة
قلتللو مالك كدة سارح
قال أصلي خايف من النقرة
اصل انتي عارفة ولامؤاخذة
كام نقرة بتخبي المطرة

مسكت إيده عشان يمشي
في السكة دي من غير ما يخاف
قالي ما تمسكنيش لاحسن
انا اصلي ياختي بقيت خواف
وسط الدولار وسط الصيني
ولا كمان الاسترليني
حالتي بقت ضنك ياعيني
في البرد نفسي يكونلي لحاف

يادوب لمحت حاجة بعيني
في ناحية تانية من الشارع
لاقيتو بيقول شديني
وصوته يادوب كان طالع
بصيتلو تاني لاقيتو مرمي
في حفرة مالهاش حتى قرار
ومية المطرة بترمي
وتزود المية ... أمتار
وهوا فيها عمال يعوم
والمطرة بتقول خد عندك
حاولت ومعايا ناس بالكوم
إني أشدّه من المسلك

قالي سيبيني أنا عمت خلاص
والمطرة لسة شغالة
بقيت أدور في الحراس
مالقيتش فيهم رجالة
عبيد يقول .. الاستصلاح
وغالي بيه قاعد مرتاح
وهوا كدة عمال بيعوم
ويقولي يمكن ييجي صباح
ينشف المطرة شوية
وأقب على وش المية
يمكن ساعتها اعرف أخرج
وتهجر الضلمة عنيا

[موعوود]

عمنا الكبيير
لم اقرأ رائعتك عن الفقيد الغير مأسوف عليه الا بعد ان نزلت عملي مسكين والله يابيه ( اخر كلام للمرحوم ) وانا سعيد لتوارد خواطرنا في موضوع واحد وللحق كل ما كتب هنا عن المرحوم لا يعبر عن الأحياء الميتين ممن لا يجدون الجنيه برغم انه لا يشبع جوعا
سلمت قريحتك يا بطل
ومازلت منتظر ردك علي رسالتي
تحياتي يا صديقي

[محمد فارس]

احبتى
كل عام وانتم بخير
لى عودة مع مداخلاتكم الجميلة 00
فقط00هى ظروف السفر التى حالت دون لقياكم