زمن الحريم بعيد عنكم

[Koger]

:inv: ما رايكم ادام الله فى عمركم اذا كان رئيسك المباشر فى الشركة التى تعمل بها سيدة فرق السن بينكما سنة واحدة فقط ولا تدرى اى شيء عن نوعية العمل التى اصبحت رئيستى فية مع العلم ان خبرتى فى هذا العمل اكثر من 3 سنوات .
ياريت حد من الزباين الملحلحين يقولى ازاى اتصرف مع العلم انى كلمت صاحب الشركة و قاللى ( تعايش مع الوضع ) .


ملحوظة هــــــــــامة :-


ًزوج المديرة صديق شخصى لصاحب العمل :huh:

[مشمشه]

انا مش شايفه اي مشكله نهائيا

وفيها ايه لما تكون مديرتك امراه هي مش من حقها تترقى وتمسك مناصب زي اي حد ولا ايه::nunu0000:

ولا هي الكحكه في ايد اليتيم عجبه:brb: :brb: :brb:

انا مش عارفه ايه الغيره اللي انتوا فيها دي بطلوا حقد شويه وار علينا:beee: :nunu0000: :nunu0000: :nunu0000: :beee: :beee: :beee:

[مسلمة2]

واللةعندك حق يا مشمشة
الكحكة فى ايد اليتيم عجبة مهما واخدين حقهم وزيادة شوية بس تقولى اية ربنا يهديهم:surrender

[مشمشه]

:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:

[فرفوش النعكوش]

هههههههههه
حلوه واخدين حقنا وزياده دى يا مسلمه الى ناقص بقى نقعد فى بيوتنا وانتو تشتغلو بدالنا وممكن كمان نخلف بدالكو:nunu0000: :beee:

يا مشمشه ويا مسلمه الراجل ماعترضش على ان مديرته ست بس هوا بيقول ان هوا اقدم منها و خبره عنها و انتو عارفين ان الاداره عايزه خبره واقدميه فى الشغل و الغريبه انها مش متوفر عندها العنصرين دول و بقت مديره..........طبعا هاتسألو ازاى:budo:

الراجل قالكو ان زوج المديره صديق شخصى لصاحب العمل يعنى من الاخر كوسه.


شوف بقى يا عم كوجر انت لو فى مصلحه حكوميه و ليك الحق و الأسبقيه فى انك انت تبقى المدير حسب لوائح المصلحه الى عندك ....فلازم ترفع عليهم قضيه و تاخد حقك.

أما اذا كنت فى شركه خاصه أو مؤسسه خاصه فسد بقك وكان الله بالسر عليم.

اخوك فرفوش :closeeye:

انا رايي انك تستقيل.......عشان تستريح..لانك كده مش هتعرف تشتغل كويس..


و بعدين الناس اللي يوظفوا واحده علشان خاطر جوزها صاحبهم يبقوا اصلا


قربوا يقفلوها ومش قايلين :chr58: :chr58: :chr58:


فخدها من قصيرها و غير..خيرها فغيرها متندمشي :) :) :)

[هبه]

انا ليا رأى ممكن البنات يضربونى عليه بس هاقول و اجرى
انا بقا شايفه ان الرجاله ليهم اولويه فى الشغل عن الستات بكتير لاعتبارات كتير منها انهم مسئولين عن نفسهم و عن غيرهم فى كتير من الأحيان لكن لو بنت محتاجه بمعنى محتاجه للشغل
ممكن تشتغل فيما عدا ذلك تريح نفسها و تقعد فى البيت وعموما هاتلاقى حد تعيش على قفاه
ولا ايه ؟؟:wink:
:maa: :maa: :maa:

[سوزي]

:tu: :tu: :tu: :tu: :tu: :tu:

معليش ما تزعلوا مني
بس الاحصائيات الغير معلنة بالشام
اكتر من 40% من الشعب ما بيشتغل
بس اديش عدد الشباب من الحصائية
:think3:

برايي خلي الشغل للشباب إذا كنت مرتاحة ماديا:tu:
اما بالنسبة koger معاك حق بس ما تسكتش عن حقك لأنوا
هاد لمضيعنا(الشعب العربي)



إذا عرفت من تكون
فعلم أنك ملكت الكون
سوزي:closeeye:

[Tweety]

أنا معاكم ان شغل الرجل أهم مش شغل المرأة لأنه ملزم انه يصرف على بيت ؛ يعني لو الراجل اشتغل فلوسه هتروح لست بردو أما لو الست اشتغلت ممكن تساهم أو لأ ؛ بس المشكلة ان أغلب الوظائف دلوقتي لو وجدت بتكون بمرتب ضئيل مش يفتح بيت ؛ يعني في شباب كتير مش بيشتغلوا و لو اشتغلوا مرتبهم يادوب بيكون مصروف شخصي ؛ و أنا شايفة ان الوظائف ذات العائد المنخفض ممكن تكون من نصيب الاناث ؛ بحيث انها تكفي مصاريفها الشخصية ؛ ده في حالة انها غير متزوجة ؛
طبعا" ده مش شرط في كل الوظائف و لكني أقصد ان الوظائف منخفضة العائد مش مهم انها تكون للشاب لأنه لازم يبحث عن عمل يعود عليه بدخل يخليه يقدر يفتح بيت ؛
أما بالنسبة لمشكلتك يا كوجر لو لقيت شركة تانيه أو عمل آخر بظروف أفضل طبعا" مش تتردد ؛ لكن لو مافيش مش يبقى قدامك غير انك تستحمل و تدعي ربنا يعدلها لك ؛ و احنا بندعي لك :)

[بنت النيل]

طبعا المفروض الاولويه للرجال

يا جماعه المشكله في العرب نظام الكوسه مش موضوع الاولويه لمين الست ولا الراجل


بص يا كوجر اللي قاله فرفوش صح
بس متسكتش على حقك وكمان لا تيأس فرحمة ربنا واسعه مش يمكن بيمتحن صبرك ؟؟؟؟؟؟؟؟؟؟؟؟ او ممكن برضه مخبيلك في الغيب حاجه احسن ؟؟؟؟؟؟

ربنا معاك وزي ما قالت تويتي الكل هيدعيلك واستحمل ( الدنيا مش عاجبه حد والله)

[hossam]

والله يا جدعان ما اخرنا كل السنين ده للوراء الا موضوع المدير ده المشكلة

كلها لما يكون المدير مش فاهم حاجة ولا يعرف حاجة عن اي حاجة خاصة بالشغل

اللي هو بيشتغله كل ما فى الامر انه تبع فلان او علان ده هى المشكلة اللي

تخلي الواحد يتحول من قمة الذكاء والنشاط فى العمل اللي تطبيق المثل

القائل اربط الحمار مطرح ما يقول صحبه.

لو حد عنده حل للمشكلة دي يقول علشان انا خلاص حنتحر.

ةالله يرحمنا برحمته من المديرين وسيرتهم يجعل كلمنا خفيف عليهم.

والسلام عليكم

[هدير]

أولا الشغل مافيه أقدميه:) احتمال هي شهادتها العلميه أعلى من شهادتك

وبعدين ياهبه شنو فايدة البنت تتعلم علشان تقعد في البيت لا والف لا البنت لازم تشتغل لانها بكذا تساعد أهلها وزوجها في المستقبل **

ولاتنسي ان اعباء الحياة كثيره فلابد من التعاون وبعدين لاننسى الواسطه لها دور لكونك تقول ان زوج المديره صديق شخصي لصاحب العمل


تحياتي وبدون زعل:budo:

[محمود]

يا سيدي ارضى بالنصيب
و تعايش مع الوضع
و صدقني يبقى رئيسك امراة احسن ما يبقى راجل
اسال مجرب :chr58:

[انتفاضة]

بص يا سيدي انت لازم تحدد المشكلة في الاول هل مشكلتك ان رئيسك المباشر امرأة والا مشكلتك ان رئيسك المباشر انت بتفهم اكتر منه
لو كانت المشكلة الاولي فالمرأة العاملة اما امرأة اما عاملة فلو كانت امرأ فهي اكيد دماغها مش حتكون في الشغل وانت تعمل اللي انت عايزه ساعتها اما لو كانت عاملة فحيبقي زيها زي الراجل طالما قبلت ان تشتغل في مكان يوجد به سيدات
اما لو كانت مشكلتك هي التانية ان رئيسك لا يفهم شيئ بتهيئلي ده حينصب راسا علي صاحب العمل اللي يبدو في حالتك انه قطاع خاص وساعتها هو اللي حيروح في داهية
بس خلاص :cool:

:chr58: :chr58: :chr58:

[ندا]

موضوع قديم ولفت نظري وقضية حلوة للحوار الهادف ان شاء الله :flowers:


تم التعديل في الايقونات لكل مشاركة :chr58: بواسطتي :hot:

وموضع حلو بجد :flowers: :flowers: :flowers:

ويللا يا محاورين ورونا الهمة :flowers:

بس من غير ضرب :brb:

[aiman178]

أولا الشغل مافيه أقدميه:) احتمال هي شهادتها العلميه أعلى من شهادتك

وبعدين ياهبه شنو فايدة البنت تتعلم علشان تقعد في البيت لا والف لا البنت لازم تشتغل لانها بكذا تساعد أهلها وزوجها في المستقبل **

ولاتنسي ان اعباء الحياة كثيره فلابد من التعاون وبعدين لاننسى الواسطه لها دور لكونك تقول ان زوج المديره صديق شخصي لصاحب العمل


تحياتي وبدون زعل:budo:

للمعلومة الشغل فيه اقدميات ومعني الأقدمية هو خبرة يعني ايه
أي اعلان بيطلب مدة خبرة في التخصص أو المجال يعني مدة عمل يعني أقدمية
أما فائدة تعلم البنت فهي للمحافظة علي اسرة فالزوجة المتعلمة تستطيع أن تحافظ علي اسرتها وتنشئها تنشئة اسلامية سليمة وصحيحة وتستطيع ان تتواصل مع المجتمع المحيط
اما مساعدة مادية فأشك في ذالك ليه علشان المساعدة المادية الصحيحة هي ان تستطيع المرآة تدبير بيتها وفقا للدخل المتاح من عمل زوجها فلا ترهق نفسها وبيتها بمصاريف مالهاش لازمة والمثل بيقول علي قد لحافط مد رجليك
أما الواسطة فلا علاقة لنا بها فبمجرد دخول الكوسة تبقي العملية خارج نطاق السيطرة

[BlueRose]

كلامي بصفة عامة و ليس للاخ كاتب الموضوع لانني لا افهم ظروفه

الخبرة ليس لها علاقة بالادارة

هناك من خبرته عشرات السنين و ليس مؤهلا للقيادة

الوظائف القيادية تحتاج مواصفات شخصية معينة اكثر من الخبرة

اما الواسطة فصاحب العمل هو اكبر المتضررين من مدير سيء العمل الخاص لا يعرف المجاملات

الادارة ايضا علم مدير معاه MBA و بدون خبرة افضل من موظف 20 سنة لا يعرف الادارة و ما تاخرنا في مجال الادارة الا لاننا لا نقدر ذلك

أما فائدة تعلم البنت فهي للمحافظة علي اسرة راي احترمه واختلف معه كثييييييييييييييييييييييييرا

[red riding hood]

هو فيها حاجه لو كانت ست

وهي هتعملك ايه هتجيلك بليل في المنام تخوفك لا طبعا عادي اوي

يا ريت مش اكون عصبتك او ازعجتك

[samarbreeze]

السلام عليكم,
بداية اين المشكله؟ اهى ان رئيسك امرأه؟ ام ان رئيسك اقل منك فى الخبره و فى جدية العمل؟ ام هى خليط من الاثنين؟
فاذا كانت المشكله هى فى كون رئيسك امرأه,فلن اطالبك باتفتح و لن اطالبك بتغيير وجة نظرك فى المشكله كل ما ساقترحه عليك هو ان تتغاضى عن كونها امرأه تخيل انها رجل الا تستطيع ان تغمض عينك,معندكش نظاره شمس؟
و اذا كانت المشكله فى كونك افضل منها فلتعمل ان تثبت ذلك للمحيطين ,اثبت نفسك فى مكانك ,اعمل باقصى طاقتك,و تذكر(ان الله لا يضيع اجر من احسن عملا) صدق الله العظيم
و اعلم انه سيأتى اليوم الذى يتم تقدير عملك فيه,
و اما اذا كانت المشكله خليط فاخلط الحلين مع بعض؟:flowers:
و تذكر ان المرأه هى الام و الخت و الابنه, و تعامل على هذا الاساس فلا اظن ابدا ان الحسنه ستواجه بالسيئه,ان كان هناك سوء معامله بينك و بيم رئيسك.و السلام,,,,,,,
سمر