هو كده يعتبر سرقه ؟؟؟

[ramyshubra]

السلام عليكم

أنا بس جاى أهدى النفوس:55:

ده السايط المصرى http://www.advanced-group.net/

وده السايط الأوروبى http://www.aliger.com/

والسلام عليكم ورحمه الله وبركاته:crazyy:

[ابو الظرفاء]

و عليكم السلام و رحمة الله وبركاته:55:

[سيف العداله]

يا حلاوة المولد :D

ايه دا ..

هم ممكن يكون فرعهم

وممكن برضه يكون إقتباااس ..

فى النت ما فيش حاجه إسمها سرقة ..

فى إقتباس :D

[بزراميتا]

والله في الحقيقة
انا هاقولك يا اخي الكريم
انت بس ازاي جبت السايتين دوول
هو انت قاعد تنكش وراهم ؟؟؟
عارف هما لو يعرفوا انهم هيتفضحو كدة كان عمرهم ما عملوا السرقة أووه
قصدي الأقتباس دا

[سيف العداله]

ايوا شفت

كل الناس عارفة انه اقتباس بس :D

[بستكاني]

آخراااااااااااااااابي ....

ده مش بس حرامي .....

لا و من النوع السئ ...
:brb:

آه و الله ..

يعني ضحكت قوي على انعكاس اللوجو على النني بتاع العين و هوه مش موجود قدامها ..
يا جدع خلي عندك نظر و حسن سرقتك ...

ما تشغلش دماغك يا رامي ...

انا بستفيد من اعمال ناس تانيه في تصميماتي ..
بس مش بلطش كده ..
بستفيد بفكره ..
بجزئيه ...

و عامة حصل خيط..
:D

[DESIGN|STUDIO]

فين الاقتباس؟ :brb:

[السفاح بتاع كرموز]

عالم تعبانين ولا هيوصلوا لحاجة في يوم من الايام
في يوووووووووووووووم من الايااا يااا يااااااام :-"

[هريدي يابووووي]

عيني عليك يا رامي:hat:
حبكت يعني ضميرك ينقح و تيجي تسأل الناس.. اديك فضحت نفسك:brb:

[ramyshubra]

كاتب الرسالة الأصلية : هريدى يابووووى
عيني عليك يا رامي:hat:
حبكت يعني ضميرك ينقح و تيجي تسأل الناس.. اديك فضحت نفسك:brb:

ياعم هو أنا إلى عامله ... صباح الخير

[سندس الجنة]

السلام عليكم ورحمة الله وبركاته ،


اخوتي انا تصفحت الموقعين ودخلت قسم about us واللي بيدي نبذة عن الموقع وامتى تاسس وبيشتغلوا في ايه ................إلخ ولقد وجدت ان الشركة المصرية ومقرها في القاهرة تم تاسيسها في سنة 1997

والشركة الكندية ومقرها تورنتو تم تاسيسها في سنة 2000

يعني مين اللي لازم نرفع قضية عليه؟؟؟؟

[جهـــJeHaDـــاد]

ايوه يااخت سندس ممكن تكون الشركه المصرية قبل الكندية بس السؤال هو مين فيهم عمل السايت بتاعه الاول:)

ممكن يكون شغال من سنه 90 بس السايت من شهر بس
صح؟


ثم المشكله موش في السايت المشكله انو ده تمبليت جاهز موجود وبيتداون لود فري من علي الانترنت ومن غير لمستيعد ان المصمم استخدمه لانو بيبقي صفحات اتش تي ام ال او فلاش مفتوح جاهز بلينكاته وصوره وبس المصمم يعدل الاسماء ويحط البينات ودمتم

[ramyshubra]

كاتب الرسالة الأصلية : جهـــJeHaDـــاد
ايوه يااخت سندس ممكن تكون الشركه المصرية قبل الكندية بس السؤال هو مين فيهم عمل السايت بتاعه الاول:)

ممكن يكون شغال من سنه 90 بس السايت من شهر بس
صح؟


ثم المشكله موش في السايت المشكله انو ده تمبليت جاهز موجود وبيتداون لود فري من علي الانترنت ومن غير لمستيعد ان المصمم استخدمه لانو بيبقي صفحات اتش تي ام ال او فلاش مفتوح جاهز بلينكاته وصوره وبس المصمم يعدل الاسماء ويحط البينات ودمتم

يا (أخ جهاد) الديزين ده مش من بتوع الFree or priceing Templet
الديزين ده معمول بواسطه مصمم
بس أنا حاسس 95% إن الأصل بره
وأنا عارف ومتأكد من كده لما قارنت بين الأثنين كويس
هاتلاقى إن إلى هنا ماغيرش غير من على الوش
والناس الى هنا تحكم:hang:

[Nile Hawk]

بصوا أنا ملياش دعوة بكل الكلام ده أنا عايز دراع السارق أقطعها أتصرفوا هاتوا لى حد حتى و لو كان مسرقش من الأخر انا عايز دراع أقطعها:knight:

لأ يا أخ ياريت تحول نظرك عن دراعى شوية :crazyy:

[السفاح بتاع كرموز]

شبرا شبرا :D

جهاد راااااااااااااااااجل :-"

[Life_Trap]

الموضوع كبير :blink:

اساسا مفيش كليك يمين فى السايت

يعنى لو سارق الحاجات ديه يبقى عمل اكتر من مجرد كليك يمين و save pic as
لازم يخترقه يعنى :thinky:

بس بصوا لقيت ايه فى الsource
<!-- #BeginTemplate "/Templates/main.dwt" --><!-- DW6 -->

ارجح انها template

و ممكن حتى تكون تمبليت فى الدريم ويفر نفسه

بس لو template من الدريمويفر يبقى السايتين تعبانين اوى


عموما انا كنت بفكر معاكو بصوت عالى :-"

[سندس الجنة]

السلام عليكم ورحمة الله وبركاته،،


والله انا لا ليه في الجرافيكا ولا ما يحزنون انا دخلت اقول اللي شفته:confused::confused:


بس شكرا على التوضيح اخ جهاد بس اوعدكم اني حتعلم اللي ما اعرفوش




عشان ادخل قسمكم







واكلمكم بقلب جاااااااااااااااامد :flowers:

[جهـــJeHaDـــاد]

عموما انا متأكد يارامي انها تيمبلت لسبب بسيط

انها عدت علي بالضبط مع اختلاف اللون من حوالي سنتين

وللامانه مكانتش فري تيمبلت كانت بمبلغ تافه موش فاكره