قـــول لأ.... [الأرشيف]

النيـل

01-25-2004, 10:52 AM

انـت ليك في بلـدك حـق
فيهـا ايـه لـو قولـت لأ
قولهـا بعلـو الصـوت
انـت ليك في بلـدك حـق

انطقهـا في وش الكون
انطقها ولو قالوا مجنون
ولا تسكت ابدا عن حقك
مهما عملوا ومهما يكون
انت ليك في بلدك حق
فيها ايه لو قولت لأ

انطقها وخلى العالم يسمع
انطقها لاجل الظالم يخضع
لوحدك يمكن تكون
لكن بكرة الكل وراك يجمع
انت ليك في بلدك حق
فيها ايه لو قولت لأ

لا تسلم رايتك لاناني
اللي خد زمانك وزماني
وكل ما ارفع راسي لفوق
يشتت ويكسر في احلامي
انت ليك في بلدك حق
فيها ايه لو قولت لأ
مد ايديك خد حقك
ولا تطفي امل شمسك
جبال الصبر عديتها
داوي تعالى الم جرحك
انت ليك في بلدك حق
فيها ايه لو قولت لأ
بتنادي اهرامك عليك
وابو الهول فيه شبه ليك
اعلنها كلمة حق
والحرية تجري عليك
انت ليك في بلدك حق
فيها ايه لو قولت لأ
قولها لتسمع صوت الادان
وهو بيرفرف في كل ميدان
قولها بصدق
لتعيش عمرك في امان

انت ليك في بلدك حق
فيها ايه لو قولت لأ

قولها عشان ابنك وابني
قولها عشان لاحلامنا تجني
اعلنها وقول لأ
ليا انا حق في بلدي

روبى 2

01-25-2004, 11:36 AM

آآآآآآآآآآه

وانضم النيل يا اخوانا لطائفة البلاك ليست

فين يايو توصيلك على عيش وحلاوة من دلوقتي :nanana::nanana:

بجد بقى

حلوة قوي يا نيل وجيت عالجرح ..

انا متأخرة عليك الايام دي انا عارفة .. :chair::chair: آآآآآي خلاص بقى قلبك ابيض

معلش بقى

فعلا .. لو اتعلمنا نقول لأ .. هنكون أحسن ناس .. بس المهم نتعلم ازاي نقولها .. لاننا من كتر ما بطلنا نقولها بقت صعبة موووووووووووووووت

هايلة يا نيل :flowers::flowers:

النيـل

01-25-2004, 02:59 PM

آآآآآآآآآآه
وانضم النيل يا اخوانا لطائفة البلاك ليست
فين يايو توصيلك على عيش وحلاوة من دلوقتي

تفتكري هاتعرفني ساعتها:confused:

بجد بقى

حلوة قوي يا نيل وجيت عالجرح ...

عجيبتك بجد ...:blink:
طيب الحمد لله :flowers:

انا متأخرة عليك الايام دي انا عارفة .. آآآآآي خلاص بقى قلبك ابيض

معلش بقى

يا سيتي اللي اخدك مننا :-"... عادي ويهمك وكويس انك عارفة :shutup:

بس اخر مرة:maaaad:

فعلا .. لو اتعلمنا نقول لأ .. هنكون أحسن ناس .. بس المهم نتعلم ازاي نقولها .. لاننا من كتر ما بطلنا نقولها بقت صعبة موووووووووووووووت

شكلك عايزة تيجي معايا:-"

تحياتي روبي وخالص تقديري لشخصك الكريم
وخد دي:flowers:

النيـل

dorbaga

01-25-2004, 03:05 PM

السلام عليكم ورحمة الله وبركاتة,,,

لا

لا
لا
لا
لا
لا بجد اممكن

رائع يا نيل نعم لكل لا اطلقتها

ومعاك معاك لاخر لا ان شاء الله نروح ابوزعبل سعتها بجد اقدر اقول وبعلو صوتي لا معرفوش

اخوكم الحكواتي :55:

النيـل

01-25-2004, 03:34 PM

وعليكم السلام ورحمة الله وبركاته

نعم

نعم

نعم

نعم

نعم

نعم اممكن ويجوز وكل حاجة حلوة انت عايزها

رائع يا نيل نعم لكل لا اطلقتها
ربنا يخليك يا رب ومتشكرين يا عم على رايك اللي بعتز بيه
يعني انت معايا :confused:

ومعاك معاك لاخر لا ان شاء الله نروح ابوزعبل سعتها بجد اقدر اقول وبعلو صوتي لا معرفوش

يا عيني على السلبية :-"

تتجلى هنا السلبية وما حولها :crazyy:
دي اخرتها :sniff: ماشي يا عم الحكواتي :confused:
ويمكن اقولهم ده كلامك :-"

اخوك
النيـل:flowers:

At2OoTa

01-25-2004, 05:09 PM

السلام عليكم..
لأ..

ما شاء الله بجد رائعة...
ايه الجمال دا^_^
تسلم ايدك..
و ربنا يكرمك يا رب ان شاء الله...
,, تحياتي..:flowers::flowers:

صاحب كتكوت قديم

01-25-2004, 07:38 PM

جميلة يا نيل وزى ما روبى قالت كدة إننا من كتر ما بطلنا نقولها بقت صعبة موووووووووووووووت

بس فيه حاجة للأسف دلوقتى بقت كلمة لأ عبارة عن السم المدسوس فى العسل :sniff:

يعنى اية :confused:

يعنى فيه ناس تبع الناس اللى فوق بيقول لأ بس الكلمة بتطلع منهم لها معنى تانى وهدف تانى .... ناس من اللى بتقول الكلام وعكسة فى نفس الجملة :blush):

ازاى:blink:
أقولك ازاى .. زى الناس اللى بتقود حملة إسمها لأ للحكومة وتعلق على الحكومة بس فشلنا إقتصادياً وتتناسى عوامل تانية
زى الناس اللى بتكتب وتحارب الفساد المتمثل فى نواب القروض وسرقة البنوك بيقولوا لأ للفساد ويتجاهلوا فساد أولاد البيج بوص - مع الاعتذار للبيج بوص بتاعنا دة مجرد تشابه أسماء - يعنى كلمة لأ بقت مخدر لعامة الشعب كلمة بتتقال للتخدير وبس
احنا نفسنا ان احنا نقولوها ونقدر نعملها ونعبر عنها

وربنا يديم المعروف :-"

رنـranimـيم

01-25-2004, 08:35 PM

انت ليك في بلدك حق
فيها ايه لو قولت لأ
قولها عشان ابنك وابني
قولها عشان لاحلامنا تجني
اعلنها وقول لأ
انا ليا حق في بلدي

جميله فعلا يانيل ....بس تفتكر لو فيه واحد فضل يسمع كلمة حاضر ونعم اكتر من 20 سنه تفتكر ده ينفع يتقاله لا.. ده حتى السن ماعدش ينفع له الانفعال.. ان ماقولناها فى شبابه وهو يستحملها حنقولها دلوقتى ...
ياللا يانيل حسن الختام يبقوا يقولوها ولادنا ل.ل..ل....لاولاده

رنيــــم

رشا عبد الرازق

01-25-2004, 08:51 PM

لأ يا سيدنا ومليون لأ
نفسي الكلمه دي تعمل فرق
نفسي كبير الناس يسمعها
نفسي السد هناك يتشق ؟
انت بتسأل ايها سد ؟
سد ما بين الصوت والرد
سد الخوف اللي مخلينا
نخرس لحسن يوم نتمد
نسكت على وجعتنا ونرسم
ضحكه غبيه
ورنتها مليانه أسيه
لاهي خارجه من القلب ولا هي
طالعه بصوت شكوتنا بجد
لأ يا سيدنا ومليون لأ

هايله يا نيل

روعه يا أفندم:clap::clap::clap::-"

شفت الأدباتيه يا هراس

طولت راسنا يا نيل الله يكرمك:flowers:

النيـل

01-26-2004, 12:44 AM

اختي العزيزة دايماAt2OoTa

دايما كدة منوراني في صفحتي ودايما كدة بتجمليني

فتقبلي خالص احترامي وتقديري لشخصك وخدي دي:flowers:
لمجملتك

اخوك
النيـل:flowers:

النيـل

01-26-2004, 12:53 AM

صاحب كتكوت قديم
شوف يا اخويا الجديد
انا كاتب كلام بسيط ومفهوم انت بقا عايز تقول ايه:confused:

ازاى
أقولك ازاى .. زى الناس اللى بتقود حملة إسمها لأ للحكومة وتعلق على الحكومة بس فشلنا إقتصادياً وتتناسى عوامل تانية
زى الناس اللى بتكتب وتحارب الفساد المتمثل فى نواب القروض وسرقة البنوك بيقولوا لأ للفساد ويتجاهلوا فساد أولاد البيج بوص - مع الاعتذار للبيج بوص بتاعنا دة مجرد تشابه أسماء - يعنى كلمة لأ بقت مخدر لعامة الشعب كلمة بتتقال للتخدير وبس
احنا نفسنا ان احنا نقولوها ونقدر نعملها ونعبر عنها
وربنا يديم المعروف

ده يا عم مش موضوعنا..:crazyy:...
انا قصدي قول لأ للبيج بوص نفسه:-"

تحياتي وتقديري اخي العزيز:brb::brb:

النيـل:flowers:

النيـل

01-26-2004, 01:11 AM

اختي القريبة رنيــم

جميله فعلا يانيل ....بس تفتكر لو فيه واحد فضل يسمع كلمة حاضر ونعم اكتر من 20 سنه تفتكر ده ينفع يتقاله لا..

هو خد فعلا زمانه وزماننا كلنا :crazyy:... والله ما يستاهل يتسامح:flowers:

وبجد مش عارف هو اخد انه يسمع حاضر وطيب من الناس اللي حوليه
طيب تفتكري الناس اللي حوليه لو اتغيروا هايسمع حاضر وطيب...
ولا هايسمع كلام جديد :confused:....

ده حتى السن ماعدش ينفع له الانفعال..

ايه يا جدتي ... جدتي ايه بس .:crazyy:.. انا جدتي فيها شباب عني :brb:
:confused:
شوفي يا سيدتي كليوبترا :sniff:... وما هو اه حضرتك من ايام امون رع:-"

ربنا يديلك ويديلي طولة العمر والصحة في طاعة ربنا ونروح نحج ونقعد جنب الحيطة .:sniff:...ويقولوا وسع للحجاج .:knight:....وكوم جنب الحيطة:brb:

ياللا يانيل حسن الختام يبقوا يقولوها ولادنا ل.ل..ل....لاولاده

ايوة كدة حضرتك كملتيها :brb:...
طيب ماحنا عايزين نقول لأ عشان مايجيبوش اولاده.:zzzz:...
واولادنا يقولوها لناس تانية:-"

رنيم تحياتي وخالص تقديري لوجودك ومشاركتك الجميلة دي
اخوك
النيـل:flowers:

النيـل

01-26-2004, 01:24 AM

اختي rasha
اخيرا في صفحتي لا لا لا النهاردة عيد
مش معقولة فينك من زمان يا ناضورجية..:55:..
انا قولت راحت تقول( لأ ) مسكوها.. :flowers: ....

اختي العزيزة رشا
سعدت جدا بمشاركتك وبوجودك الممتع والمشاركة الجميلة دي
هايله يا نيل

روعه يا أفندم

شفت الأدباتيه يا هراس

طولت راسنا يا نيل الله يكرمك

شكرا يا عمنا على رأيك ..:انجغة:..
والحمد لله عرفت اطلع من الادباتية بحاجة .:55:..

تقبلي خالص تقديري واحترامي اختي رشا

اخوك
النيـل:flowers:

المفكر

01-26-2004, 02:48 PM

السلام عليكم
فكرة جميلة ودعوة للإيجابية , ولكن من يريد أن يقول لا لا بد أن يجهز نفسه لتبعاتها وأن يجهز نفسه ليكون قادراً علي حمل مسؤليتها
كيف؟!!!
بالعقيدة السليمة يستطيع أي إنسان أن يقول لا في الحق
بأن يعرف أنه "لو اجتمعت الإنس والجن علي أن ينفعوك بشئ لن ينفعوك إلا بشئ قد كتبه الله لك, ولو اجتمعت الإنس والجن علي أن يضروك بشئ لن يضروك إلا بشئ قد كتبه الله عليك, رفعت الأقلام وجفت الصحف"
وأن يؤمن ب "قل لن يصيبنا إلا ماكتب الله لنا"
وأن يؤمن بأن الله هو الرزاق وهو الخالق وهو المحيي وهو المميت
بغير ذلك لن يستطيع أن يقول لا
جزيت خيراً يا نيل, ولا تحرمنا من فيوضاتك. :flowers:

النيـل

01-27-2004, 12:33 AM

بالعقيدة السليمة يستطيع أي إنسان أن يقول لا في الحق
بأن يعرف أنه "لو اجتمعت الإنس والجن علي أن ينفعوك بشئ لن ينفعوك إلا بشئ قد كتبه الله لك, ولو اجتمعت الإنس والجن علي أن يضروك بشئ لن يضروك إلا بشئ قد كتبه الله عليك, رفعت الأقلام وجفت الصحف"
وأن يؤمن ب "قل لن يصيبنا إلا ماكتب الله لنا"
وأن يؤمن بأن الله هو الرزاق وهو الخالق وهو المحيي وهو المميت

اخي وحبيبي المفكر بيه
بجد انت جيبت الخلاصة والموضوع من الاخر ...
وفعلا كلامك صحيح ... هو الموضوع قوة ايمان
وصدق فيه... والتوكل على الله حق توكله..

تحياتي وخالص تقديري لك يا جميل:flowers:

تعالى نقول لأ سوا:-"

النيـل:flowers:

gelly

01-29-2004, 01:26 PM

لأ و ميت ألف لأ

أقولها ف بيتى عن حق

لجل ما ولدى يتشربها

و لجل ما بعلمه يدورها

و بعد لأ يمكن يلاقيلها حل

عودته من صغره يقول رأيه

و يفرق بين الحق و عند أمه:D

و يحاسب نفسه ع الغلطه

قبل ما يركبة قولة لأ

ميسبش خيرها لغيرها

و يسيب غيرنا يدوسها

وغيرنا مالوش فيها حق

و يسيبه من الدنيا

عرفته أنها فانيه

لو نعيشها للمولى

ربنا معانا يسترها

و نقدر ساعتها نعمرها

بما يرضى الله

و عن حق

أخــى فى اللـــه

النيـــــــــــل

طنش خالص :-" ولا كأنك واخد بالك من حاجه يوه بقى سيبك أنت

ما شاء الله عليك :55:

أجرأ لأ أتقالت فيكى يا بلد:tu:

:flowers:

النيـل

01-30-2004, 02:23 AM

اختي العزيزة جيلي

و يسيبـه مــن الدنـيـا

عرفـتـه أنـهـا فانـيـه

لــو نعيشـهـا للمـولـى

ربـنـا معـانـا يستـرهـا

و نقـدر ساعتهـا نعمرهـا

بـمــا يــرضــى الله

و عــــن حـــــق

كلامك جميل ولو كل البدايات في التربية بالشكل ده
كنا عرفنا في يوم نقول لأ واحنا عارفين ان معانا الحق
والحق هو الله.....
ولو امنا بالله وتوكلنا عليه حق توكله ما ولى علينا ظالم ابدا

طنشي انت بقا على الجملة دي ولا اكنك عارفاه....

جميلة هي مشاركاتك دائما اختي جيلي
ودائما تعطي منظور اخر للكتابة ورؤية خاصة هادفة وجميلة
اختي تقبلي خالص احترامي وتقديري لمشاركتك الممتع
والجميل...

دمتي لنا قلم مبدع وممتع

اخوك
النيـل:flowers:

أرض الميعاد

02-05-2004, 04:35 PM

صعبة جدا جدا يا (نيل)
جيل عاش (لايرى .. لايسمع ... لايتكلم)
ممكن اول ما يتكلم .... يقول لأ

لا للاحباط اللي جوانا
وبعدين لأ للعالم حوالينا

ادميت جراحنا أخي الفاضل
بقلمك الرائع

وفقك الله

النيـل

02-06-2004, 03:01 AM

اختي العزيزة والرقيقة ارض الميعاد

صعبة جدا جدا يا (نيل)
جيل عاش (لايرى .. لايسمع ... لايتكلم)
ممكن اول ما يتكلم .... يقول لأ

صعبة ازاي بس:confused: وكل كلامك لا ... لا .... لا
يبقى مش صعبة ولا حاجة..:brb:.. اهو....
وبعدين اول ما نكبر واهلنا يطلبوا مننا حاجة نقولهم لأ وتبقى كلمة شايعة ودارجة على لسانا كلنا..:انجغة:.. يبقى جت في الجد وتبقى صعبة..:-".

لا للاحباط اللي جوانا
وبعدين لأ للعالم حوالينا

هو ده الحل ..:idea:. لازم في البداية اننا نهزم الاحباط وبعدين هنلاقي نفسنا نقول لأ للعالم كله....:shutup:

ادميت جراحنا أخي الفاضل
بقلمك الرائع

ليه بس كدة يا سيتي انا عملت حاجة... :blush):
تشكرات يا افندم على المرور الجميل والعطر هذا واشكرك على رأيك الرائع وعلى وجودك المتميز دئاما بين صفحاتي تزيدي من نورها ومن جمالها...

اخوك
النيـل:flowers: