ارتداء البنطلون بين الحلال و الحرام

[زلابيا]

Ok
الامر لله من قبل و من بعد يا جماعه ..
انا بالامانه لم اكن احبذ فتح موضوع جديد لمناقشة حدود التشبه بالغربيين واين تبدا واين تتوقف وما هو التشبه المحمود و التشبه المذموم لكنى وجدت الاخوه الكرام غفران و مسلم انا بيقولوا اتفضلوا افتحوا موضوع مستكل "مستقل يعنى" .. ليس لدى ما اضيفه بالنسبه لرايى السابق .. وددت فقط ان اوضح للخ عبقرينو ان الامر ليس جدل للجدل و السلام .. يا جماعه اكيد كلكم عارفين ان كل انسان فى حياته امور تشغله عن الجدل اللى هو جدل و السلام .. فمش معقول نفترض ان مناقشتنا للفتاوى هى جدل و خلاص .. يعنى يا اخى الكريم الامر ليس جدل لتضييع الوقت مثلا او الغتاته و السلام .. و الله العظيم الامر ليس هكذا اطلاقا ..

حضرتك قرات "موضوع الجواز بقى صعب ليه؟" فيه جمله فيه وردت بتقول "هى لازم العروسه تلبس فستان ابيض؟ ده تشبه بالغربيين" !! مش شايف حضرتك ان الامر تشعب و اصبح من السهل ان نقول على اشياء كتيره دى بدعه او ده تشبه لنؤيد راينا وخلاص !! يا ترى الشيوخالاجلاء الذين ناخذ عنهم الفتاوى اما جم يجوزوا بناتهم قالوا الفستان الابيض ده اول من ارتداه كان غربى او نصرانى واحنا مش هنقلدهم !! لا اعتقد .. فيا ريت .. يا ريت نوضح هنا وجهة نظرنا فى موضوع النقل و التقليد ده من غير احكام مسبقه :) انا آخر شخص يتكلم فى الموضوعات الدينيه عشان لى سوابق مش ولابد فى الموضوع ده و ناس كتير قد ترى رايى جدلا و السلام بس ربنا اعلم انه ليس هذا هو هدفى و السلام ختام :)

[alameldin2001]

أعتقد من عنوان الموضوع أنه لمناقشة حكم لبس البنطلون؟
بالنسبة للمرأة فأعتقد أن البنطلون يكون ضروري جداً أحياناً
مثلاً إذا كانت تركب المواصلات كالميكروباصات و غيرها فإن البنطال يكون سترة لأن الجيبة أو الفستان ستكون مظهرة لعورة المرأة و ما لا يجب إظهاره
ثم و ما الضرر في أن نأخذ من الغرب أو الكفار ما يفيدنا أما وإن أجاب البعض بغير ذلك فهل لي أن أسألهم أن يتخلوا عن سياراتهم لأنها اختراع الغرب الكافر و ركوبها بدعة..
و أن يعودوا لركوب الناقة و البغال

[زلابيا]

طيب انا ارد على نفسى :) وارجو الا تعتبروا ده بدعه !!

فى رايى -تطبيقا لموضوع النقل عن الغربيين و تقليدهم- انه مش مفروض الرجال يلبسوا بنطلون !! ليه؟ لعدة اسباب .. انه هو الزى الرسمى فى بلاد النصارى وهؤلاء لا يجوز التشبه بهم لانهم كفار .. دى حاجه .. الحاجه التانيه بقى انه من الملابس المثيره للفتنه لانه بنلاقى شباب كتير لابسين بنطلونات ضيقه !! ثالثا اننا لم نر ايا من شيوخنا الاجلاء الافاضل يرتدى البنطلون !! طيب ليه؟ اكيد لانه زى غربى مبتدع والمفروض الا نسير وراء هذه البدع .. بس كده ..

[زلابيا]

والله يا اخ علم الدين الموضوع مش موضوع بنطلون او بلوزه !!
الموضوع عموما للحديث عن حدود تقليد الغرب فيما لا يضر .. و اللى بداه حديث فى موضوع آخر عن عدم جواز ارتداء الدبله !! فقلت طيب ما البنطلون حسب رايى المتواضع له نفس الحكم .. اما بقى موضوع ارتداء المراه للبنطلون .. لااااااااااااااااا ده يتعدى طموحاتى فى المناقشه جدا .. انا باناقش حاجه بسيطه خالص :) ارتداء الرجل للبنطلون ..



<!--EDIT|zalabia|Aug 15 2002, 11:05 PM-->

[alameldin2001]

طب ما هو زي ركوبه العربية؟؟؟؟ :huh: ;) ;) ;) :huh:

[Bosbo]

اختى zalabia ..
يا ريت توضحى الموضوع ده بيناقش ايه بالضبط .. :huh:
لانى بصراحة ... تهت

[زلابيا]

والله يا بسبو عشان كده ماكنتش عاوزه افتح الموضوع :)

ببساطه شديده كما قلت سابقا .. الموضوع يحاول ان يحدد الحدود بين المباح و المذموم فى تقليد الغرب .. يعنى امتى نقول على امر من الامور المعروف ان من بداها نصرانى دى ممكن تقليدها من غير حرمانيه و امتى نقول لا دى حرام لان من بدعها نصرانى ..

الامثله المطروحه حاليا من المناقشات السابقه هى :
الدبله .. التى يرى الاخ عبقرينو ان ارتداء الرجال لها حرام
البنطلون .. اللى انا باشوف انه اذا كانت الدبله حرام يبقى لبس البنطلون للرجال بردو حرام
فستان الزفاف الابيض .. وده راى اوردته الاخت الفاضله نور فى موضوع الجواز بقى صعب ليه اما قالت انه تشبه بالغربيين ..

واى امثله اخرى مرحب بها طبعا لكنى اريد ان اناقش المبدا عموما عشان نعرف نفرق بانفسنا بعد كده بين البدعه الحلال و البدعه الحرام .. وان كان الاخ مسلم قد اورد ردا جميلا جدا فى موضوع الاحتفال باعياد الميلاد اعتقد انه بيرد على كل التساؤلات :) وشكرا للاهتمام :)

[Bosbo]

جزاكى الله خيرا على التوضيح اختى zalabia ..
الموضوع ده سبق و اتناقشت فيه فى فترة الثانوى مع اثنين من صديقاتى ..
عندما نتحدث عن البدعة فاننا لا نجد مسلما يقصد ما وقع فيه من التشبه نفس قصد الكفار .. فالنية تختلف .... ففى المدارس و الملاعب نرى التصفيق مثلا .. و لو دققنا فى الامر لوجدنا ان التصفيق اساسا عادة من عادات الكفار بنص الاية ( وما كان صلاتهم عند البيت إلا مكاء وتصدية ) .. و هنا اختلاف النوايا .. فالكفار - اصحاب بدعة التصفيق و التصفير - نيتهم و هم يفعلون ذلك الصلاة .. فهكذا كانوا يصلوا .. اما فى الملاعب و المدارس فاذا صفق احدهم ليس بنية الصلاة ..
اما اذا كان تشبه المسلمين بالكفار فى امور العباده ايضا فهذا يضاعف حرمة العمل ..
و قد اتفق العلماء انه ما ثبت اخذه فعلا عن الكفار و ان البدعة مبدأها من عندهم لاصبح حرام على اى مسلم ان يفعلها .. و ايضا ان كل ما يفعله المشركون من العبادات وغيرها مما يكون كفرا أو معصية بالنية ينهى المؤمنون عن ظاهره وإن لم يقصدوا به قصد المشركين سدا للذريعة ...
المهم اولا التثبت من ان الامر الذى نتناقش فى كونه بدعة ام لا امرا من امور الجاهليه مبدؤه الكفار ...
و الله اعلم و احكم ,,,

[مسلم أنا]

السلام عليكم و رحمة الله وبركاته
لا يوجد بدعة حلال و لا يوجد بدعة حرام
كل البدع حراااااااااااام و كل بدعة ضلالة و كل ضلالة فى النار
الموضوع اذا دخل فى تلك النقاط الدينية يذهب الى موضوع من استن فى الاسلام سنة حسنة فله أجرها و أجر من عمل بها من بعضه و من سن فى الاسلام سنة سيئة فله وزرها و وزر من عمل بها من بعضه
و لذلك فقابيل و لد أدم له كفل من كل انسان يقتل و ذلك لانه اول من سن القتل
مش لانه عمل بدعة حرام
يا جماعة انا اللى قلته باختصار ان العلماء اختلفوا عن مفهوم البدعة فمنهم من رأى ان البدعة فى شمائل الامور و منهم من رأى ان البدعة فى الامور الشرائعية و العقائدية و الفقهية
و ما زال العلماء حتى الان مختلفين على موضوع البدعة
بالنسبة بقى لمناقشة الامور السابقة فايضا هارد بعض الفتاوى المختلفة التى عندى
بالنسبة لموضوع السراويل ( البنطلون )
فضيلة الشيخ عطية صقر.
مايو 1997 المبدأ : القرآن والسنة.
سئل : هل لبس النبى صلى الله عليه وسلم السراويل ؟ أجاب :
جاء فى شرح الزرقانى على المواهب اللدنية للقسطلانى "ج 5 ص 43" أن العلماء اختلفوا : هل لبس النبى صلى الله عليه وسلم السراويل أم لا ؟فجزم بعضهم بأنه لم يلبسها ، مستأنسين بما جزم به النووى فى ترجمة عثمان ابن عفان من كتابه "تهذيب الأسماء واللغات " أنه لم يلبسها فى جاهلية ولا إسلام إلا يوم قتله ، مخافة أن تظهر عورته ، ثم ذكر القسطلانى حديثا بسند ضعيف جدا أن الرسول صلى الله عليه وسلم اشتراها من السوق ، وأن أبا هريرة الذى كان يريد أن يحملها عنه قال أتلبس السراويل ؟
فأجابه أنه يلبسها فى السفر والحضر وبالليل والنهار لأنه أمر بالستر ولم يجد أستر منها.
ثم ذكر أنه اشتراها من السوق ، بسند صحيح عن أحمد وأصحاب السنن وذلك قبل الهجرة ، وإذا صح أنه اشتراها فهل كان ليلبسها هو أو ليلبسها غيره ؟ ذكر ابن القيم فى زاد المعاد أن الظاهر من شرائه لها أنه كان ليلبسها ، ووافقه بعض العلماء على رأيه وخطأه آخرون. وإذا كان البخارى قد ترجم فى كتاب اللباس من صحيحه باب السراويل ، فقد ذكر سؤال رجل مُحْرِم للنبى صلى الله عليه وسلم عما يلبس عند الإحرام فنهاه عن القميص والسراويل والعمائم والبرانس والخفاف ، وهو لا يدل على أن النبى كان يلبسه ، بل إن بعض الصحابة كانوا يلبسونه ونهى عن لبسه فى الإحرام. ثم ذكر الزرقانى حديثا عن أبى هريرة مرفوعا رواه أبو نعيم أن إبراهيم الخليل أول من لبس السراويل. ولذا كان أول من يكسى يوم القيامة كما فى
الصحيحين.
هذا ما قيل فى موضوع السراويل إذ ثبت أن النبى صلى الله عليه وسلم اشتراها قبل الهجرة فإنه لم ينه عنها لأن البعض كان يلبسها فى المدينة؟ ومنع من لبسها فى الإحرام لكن لبسه لها لم يثبت بطريق صحيح ، وإذا كان عثمان بن عفان أو غيره لم يلبسها فليس معنى ذلك أنه اقتدى فيها بالنبى صلى الله عليه وسلم فقد كان يلبسها قبل إسلامه ، وما دام لم يرد فيها منع عن لبسها فلبسها جائز استصحابا للأصل فى حل ما لم يرد فى تحريمه نص ، أما كون الرسول لبسها أو لم يلبسها فلم يثبت فى ذلك شىء.
ولهذا لا يثار القول عن الاقتداء بالرسول فيه ، والمسلمون يلبسونها من زمن طويل ، ولم ينكر عليهم أحد ممن يعتد بإنكاره وأرى عدم الجدوى فى الكلام فى هذا الموضوع. جاء فى غذاء الألباب "ج 2 ص 201" روى الإمام أحمد بسند جيد عن أبى أمامة رضى اللّه عنه قال : خرج رسول الله صلى الله عليه وسلم
على مشيخة من الأنصار... وجاء فيه فقلنا يا رسول الله إن أهل الكتاب يتسرولون ولا يأتزرون فقال "تسرولوا وأتزروا وخالفوا أهل الكتاب " وهو حديث حسن. ولا عبرة بتضعيف ابن حزم وابن الجوزى له. فى الصحيحين
عن ابن عباس أن النبى صلى الله عليه وسلم خطب بعرفات "من لم يجد إزارا فليلبس سراويل للمحرم " وبهذا استدل الإمام أحمد على أنها كانت معروفة عندهم. وذكر أن إبراهيم كان أول من لبس السراويل حين اشتكى إلى الله حياءه من رؤية الأرض لمذاكيره فهبط جبريل بخرقة من الجنة ففصلها جبريل
سراويل وخاطتها سارة. ثم ذكر اختلاف العلماء هل لبسها النبى أو لا.
فروى أنه لبسها كما لبسها إبراهيم وموسى، وروى عن غير واحد أنه أمر به. وذكر ابن الجوزى وأخرجه ابن حبان عن بريدة أن النجاشى كتب إلى الرسول ، إنى قد زوجتك امرأة من قومك وهى على دينك أم حبيبة بنعت أبى سفان وأهديت لك هدية جامعة قميصا وسراويل وعطافا - طيلسان - وخفين ساذجين فتوضأ النبى ومسح عليهما. وأخرج ابن حبان عن سويد بن قيس قال : جلبت أنا ومخرمة العبدى برا من هجر إلى مكة فأتانا رسول الله فاشترى سراويل ، وثم وازن يزن بالأجر، فقال "إذا وزنت فأرجح " وأخرجه أحمد أيضا من حديث مالك بن عميرة الأسدى...
قال فى الفتح : وما كان ليشتريه عبثا وإن كان غالب لبسه الإزار، وأخرج أبو يعلى والطبرانى فى الأوسط من حديث أبى هريرة : دخلت يوما السوق مع رسول الله فجلس إلى البزازين فاشترى سراويل بأربعة دراهم... وفيه فقلت يا رسول الله وإنك لتلبس السراويل ؟فأجابه أنه يلبسها فى السفر والحضر وبالليل والنهار، لأنه أمر بالستر ولم يجد أستر منها. هذا ، ولولا أن السؤال وُجِّه إلىَّ من بعض البلاد الإسلامية ما أطلت فى الإجابة عليه ، ذلك أن الملابس تخضع لظروف كثيرة لا يمنع منها إلاَّ ما نُصَّ عليه فى المادة والشكل. ومشكلاتنا الضاغطة فى هذه الأيام أولى بالبحث فى إيجاد حَلٍّ لها حتى لا نتخلف عن الركب فى سيره الحثيث.

بالنسبة لموضوع الدبلة

فضيلة الشيخ عطية صقر.
مايو 1997 المبدأ : القرآن والسنة.
سئل : هل صحيح أن دبلة الخطوبة بدعه وحرام ؟.
أجاب : خاتم الخطوبة أو الزواج له قصة ترجع إلى آلاف السنين ، فقد قيل : إن أول من ابتدعها الفراعنة، ثم ظهرت عند الإغريق ، وقيل إن أصلها مأخوذ من عادة قديمة، هى أنه عند الخطبة توضع يد الفتاة فى يد الفتى ويضمهما قيد حديدى عند خروجهما من بيت أبيها، ثم يركب هو براده وهى سائرة خلفه ماشية مع هذا الرباط حتى يصلا إلى بيت الزوجية ، وقد تطول المسافة بين البيتين ، ثم أصبحت عادة الخاتم تقليدا مرعيا فى العالم كله. وعادة لبسها فى بنصر اليسرى مأخوذة عن اعتقاد الإغريق أن عرق القلب يمر فى هذا الإصبع ، وأشد الناس حرصا على ذلك هم الإنجليز وقيل : أن خاتم الخطوبة تقليد نصرانى. والمسلمون أخذوا هذه العادة ، بصرف النظر عن الدافع إليها ، وحرصوا على أن يلبسها الطرفان ، ويتشاءمون إذا خلعت أو غير وضعها ، وهذا كله لا يقره الدين. والمهم أن نعرف حكم لبسها.أما اللبس فى حد ذاته فليس محرما حيث لم يرد نص فى التحريم ، ولم يقصد التشبه بالكفار ، فالتشبه ممنوع وبخاصة إذا كان فى معنى دينى لا يرضاه الإسلام ، ثم نقول : إن كانت الدبلة من فضة فلا بأس بها للرجال
والنساء ، أما إن كانت من ذهب فهى حرام على الرجال حلال للنساء ، وذلك لعدة أحاديث وردت فى ذلك ، منها حديث رواه الترمذى بإسناد حسن "حرم لباس الحرير والذهب على ذكور أمتى وأحل لإناثهم " وحديث مسلم "ونهأنا عن خواتم - أو عن تختم - بالذهب " وحديثه أيضا "يعمد أحدكم إلى جمرة نار فيجعلها فى يده "؟ وذلك عندما رأى خاتما من ذهب فى يد رجل ، فنزعه فطرحه. ومن أراد التوسع فى معرفة تاريخ الدبلة والباعث عليها والعبارات المكتوبة عليها وغير ذلك فليرجع إلى الجزء الأول من كتابنا "موسوعة الأسرة تحت رعاية الإسلام

لكن فى مواضيع السراويل الضيقة للرجال فهذا حرام شرعا بالنسبة لموضوع فستان الفرح لإنا بصراحة لا أعرف ما حكم هذا الامر و لا أعرف ما الذى قالته الاخت نور
أخت زلابية نحن لا نقيس كل الامورالدينية بعقلنا
لان مدرسة واصل بن عطاء العقلية لا تجوز فى حكم الامور
لا يجوز أن ارجع الامور الى عقلى و أقول هذا يصح أو هذا لا يصح
أو اسخدام كلمة العصر استفت قلبك
دون أى وعى أو ادراك للدين
أختى الفاضلة الاجتهاد و الافتاء فى أمور لا يكون الا بعد دراسة مستفيضة
أنت فى مجال عملك أى كان لو جاء أحد لا يفهم فى مجال عملك شئ و قال بالمنطق ان ذلك الامر يسير هكذا أو هكذا فان ذلك لا يكون و اعتقد انك لن توافقى على مثل هذه الامور
أرجو أن تكونى قد فهمت ما أقصد و الله الموفق
أخوكم فى الله

[sshy]

اخ مسلم انا اجابتك جميلة ووافية و لا اري ان اي حد مكن يجد لك فيها ثغرة ليقنع نفسة بان ما يظنة و يراة هو الصحيح

و الصحيح دائما حينما نتحدثعن الدين هو الرجوع الي اراء اهل العلم الثقات فالله يامرنا بذلك حين يقول اسالوا اهل الذكر ان كنتم لا تعلمون
جزاك الله عنا خيرا

[Bosbo]

اخى مسلم انا ..
جزاك الله خيرا على التوضيح ولكن لى تعليق على موضوع الدبلة ..
انا لم افهم من كلامك عنها اذا كانت حراما لا يصح ان نرتديها لكى لا نتشبه بالكفار ام انه يصح ارتداءها ..
بصراحة ارى انها ضرورية فى وقتنا الحالى لاسباب .. يعنى مثلا انت ماتقدرش تعرف اذا كانت اللى قدامك دى مخطوبة او متزوجه غير من الدبلة ... لانك بالطبع مش هتروح تسألها ... اوضح اكتر ..
اخت صديقة ليا اتقدم لها واحد اعجب بها و يوم مااتقدم لها اكتشف انها متزوجه و حامل !!!! و هو ماكانش يعرف لانها مش لابسة الدبلة ..
يبقى قوللى بالله عليه ازاى تعرف اذا البنت دى مخطوبة وللا متزوجه غير من الدبلة ؟؟
مسأله الذهب و الفضة .. طبعا الذهب محرم على الرجال ..
سلام عليكم ,,,

[مسلم أنا]

السلام عليكم و رحمة الله و بركاته
أختى فى الله بوسبو
يبدو انك لن تقرأى الموضوع جيدا
رد الشيخ الجليل عطية صقر يوقل
أنه ليس محرما حيث لم يرد نص بالتحريم كما انها ليس المقصود بها هو التشبه بالكفار فلذا ليس من المحرم ارتدائها

[QUOTE]والمهم أن نعرف حكم لبسها.أما اللبس فى حد ذاته فليس محرما حيث لم يرد نص فى التحريم ، ولم يقصد التشبه بالكفار ، فالتشبه ممنوع وبخاصة إذا كان فى معنى دينى لا يرضاه الإسلام[QUOTE]
هذا ما لدى
أخوكم فى الله

[spider man 2]

يا سلام فعلا رد ناس فاهمة

يا اخ مسلم

و انا رايى ان لبس السروال حرام و بدون جدال

و فيه حديث نبوى يشير الى ان التشبه حرام فمن تشبه بالرجال من النساء و ان تشبه الرجال بالنساء فهو حرام
و البنطال هو لبس الرجال
صراحة انا مش فاكر نص الحديث بس اعتقد ان اخ مسلم يعرفه لخلفيته الواسعة


:D :D :D :D

[ام عمرو]

موضوع عميق يا زلابيا وليس له نهايه :wub:

[مسلم أنا]

السلام عليكم و رحمة الله و بركاته
حراك بالنسبة لمين بالنسبة للفتيات
طيب ما هو طبعا
فى حديث لا أتذكر نصه الان فيما معناه
حرم على نساء أمتى كل محف و مشف
و المحف هو كل ما يحيط باعضاء الجسد و يبين معالمها
نحن كنا نتناقش عنها بالنسبة للرجال و افهم الموضوع جيدا لان زلابيا كانت ترى فيه تقليدا لاكفار اذن فهو حرام
بالنسبة للفتيات فيا أخ علم الدين حرام لبس السرال للفتيات الا من تحت هباءات كما تفعل بعض الاخوات
لكن لبسه فقط ظاهرا للعيان فهذا من سبيل الحرمانية
أخوكم فى الله

[الباشمهندز]

لبس البنطلون للرجل, لا أظن أن أحد أثار هذه المشكله من قبل!!

عالعموم مش مهم,

فيه شروط للبس في الإسلام, الرجل ستر العوره, من السره للركبه.

المرأه, يجب أن يكون لا يشف ولا يصف.

إذا كنت هاتطبق هذه الشورط, يبقي تلبس أي حاجه, تلبس بنطلون, تلبس شوال, إنت حر, وإنتي حره.
بس طبعا حاول تلبس زي أهل البلد إللي إنت عايش فيها (طبعا إذا كان لبسهم بيخضع للشروط إللي فاتت), عشان ميبقاش شكلك مش طبيعي وسطهم.

[زلابيا]

الاخوه الكرام :)

اشكركم جميعا للاهتمام بالرد على الموضوع المتواضع
واحب ان اشرح لكم امرا ما .. بصراحه انا لم يكن رايى فى يوم من الايام ان ارتداء البنطلون بالنسبه للرجال حرام :) بس بردو رايى فى ارتداء الدبله انها ايضا ليست حرام .. وما استفزنى لاثارة هذا الموضوع البساطه التى طرح بها موضوع ارتداء الدبله و فستان الزفاف فى موضوعين آخرين .. يعنى انا مقتنعه طبعا انه مادامت هناك فتوى فى امر ما كما اوردها الاخ مسلم انا فما معنى ان يفتى اي منا هنا فى القهوه و يقول كذا حرام و كيت حلال !! وانا لا استطيع بالطبع ان استغنى بعقلى مهما بلغت قدرته عن الفتوى الصحيحه ولم اقصد اطلاقا استخدامها :) كل ما حاولته ان اتبع نفس طريقة التفكير التى ادت بالبعض الى القول الى ان فستان الزفاف و الدبله حرام .. لانها مفترض توصلنا لنفس النهايه الا وهى ان ارتداء البنطلون حرام لكن هذا ليس رايى اطلاقا :) و الحمد لله ظهرت الرؤيه و شكرا للجميع :) و اعتذر عن الغلاسه بتاعتى دى بس احيان مابيكونش منها بد ;)

[وائل]

الأخت الغالية زلابيا
انا مش هاديلك رد على الموضوع
لأنه تقريبا الموضوع خلص

بس عايز اقولك
ان احنا هنا فى المنتدى عشان نتناقش ونتحاور وننقل ما بداخلنا

فدى مش غلاسة ابدا
وانتِ لكِ قدرك فى المنتدى

وانا يعجبنى اصرارك وطريقة مناقشتك
رغم احيانا اختلافى فى الراى معاكِ

للعلم لا انا ولا زوجتى بنلبس دبل
بس ماقلناش حرام

انما مش هانلبسها :D

[زلابيا]

الاخ العزيز وائل
انا شخصيا ده رايى .. اننا هنا لنتناقش حتى يقنع احدنا الآخر
ولا حتى لم يقتنع احد مفيش حاجه ممكن ننهى الموضوع اصحاب و حبايب بس المشكله ان البعض لا يقتنع بهذا حتى :( ويرى ان المناقشه نوع من الجدل اللى مالوش لزمه !! وهذا هو ما يضايق اى شخص يريد مناقشة اى امر مع اصدقائه .. لان المناقشه هى التمارين الرياضيه التى نمنحها لعقولنا حتى لا تترهل و تشيخ .. خاصة اذا لم تتعد ما اباحه الشرع و الدين طبعا .. وانا اما اتجوز ممكن مالبسش دبله :) يجيب محبس يا سيدى مش هاقول لا :P :P :P شكرا لك على ردك الجميل و تحياتى لك و لزوجتك :)

[Bosbo]

اخى مسلم .. اشكرك على التوضيح ..


ازاى تقولى كده يا زلابيتى :o
احنا هنا - زى ما وائل قاللك - عشان نغلس على بعض .. :D
يعنى لو ما غلسناش على بعض هنجيب حد من برة يغلس علينا :?small:
طب انتى ترضيها ;)


انا بقى هلبس دبلة .. :rolleyes:
ان شاء الله طبعا ... :blush:

[زلابيا]

الله يخليكى يا بسبو يا سكره :)

امبارح قبل ما انام فكرت فى الموضوع و قلت اكيد اكيد الرجال فى القهوه مش عاوزين يلبسوا دبل عشان محدش يعرف اذا كانوا مرتبطين ولا لأ :happiii: :happiii: طبعا يا اخوه انا مش محتاجه اقول انى باهزر احسن حد يقول انى اعترض ولا حاجه :) خلينا احنا نلبس الدبلتين يا بنتى طالما مش حرام .. واحده بتاعتى وواحده بتاعته :)

[Bosbo]

الله :?small: :?small: :?small:
طب واحدة بتاعتك ...
انما ايه بتاعته دى ... :angry:

هما اتنين ..
واحدة بتاعتك و التانية بتاعتى :P

[dinasaid]

السلام عليكم ورحمة الله وبركاته
انا هاتكلم عن الموضوع ده من جانب لبس المرأة للبنطلون
دلوقتى احنا عارفين أن لبس المرأة لابد ألا يصف و ألا يشف
وفى ستات كتير فى مصر محجبات بيلبسوا بنطلون و يقولوا طالما أنه واسع يبقى لا يصف
وانا بس عاوزة كل واحدة بتفكر التفكير ده تعمل حاجتين
أولا تقعد وهى لابسة البنطلون و تبص على منظر رجلها يا ترى يصف و لا لا
أكيد يصف و فعلا بتبقى كل رجل محددة كأنها لابسة استريتش
والحاجة التانية تقارن بين شكل واحدى لابسة بنطلون واسع و شكل واحدة لابسة عباية أو حتى جيبة واسعة
أيهما جسمها متغطى أكتر و مستور؟ :?small:
أنا عارفة أن البنطلون بيدى حرية فى الحركة اكتر بس ممكن الواحد يلبس عباية و تحتها بنطلون
وبعدين أحنا مأمورين باطاعة اوامر ربنا حتى لو كنا هنتعب شوية مش مشكلة
المهم ان احنا نعمل الحاجة اللى ربنا عاوزها

أما عن لبس الرجال للبنطلون
فاعتقد ان هذا الكلام يدخل فيما ليس لى به علم
ولابد من الأخذ بالفتوى و الأخذ برأى جمهور العلماء

اما أن الواحد يفتى من دماغه بدون علم
فاعتقد أن ده مش صح
ولا إيه؟

[وائل]

على فكرة يا اخت زلابية العزيزة
احنا لما تجوزنا كنا لابسين دبل

وبعد كده انا بطبيعتى متمرد
وفكرت فى الأمر
ولما لقيت انها اصلا عادة غربية
ومالهاش لازمة عندة خلعتها

انا مش باقول حرام
بس حسيت لنه تقليد لمجرد التقليد

وانا انأى بنفسى أن أقلد الكفار
وخاصة فيما لا فائدة له عندى


أما بقى الأخت فقيرة إلى الله
الكلام اللى قلتيه بالنص دايما أقوله لدعاة البنطلونات
انتى يا إما توأمى
يإما فى توافق غريب

الكلام بالنص على لسانى دايما

جزاكم الله خيرا
وانا على فكرة فخور بكِ جدا

[زلابيا]

والله يا اخ وائل شئ جميل ان الانسان يكون له راى و نظره فيما يخصه من الامور .. يعنى مايلبسش الدبله لمجرد ان كل الناس لابسينها :) زى ما انت تمردت عليها كده .. مفيش خطوره فى مثل هذا التمرد بس المهم الواحد يكون عارفه الحدود اللى ممكن يتصرف داخلها بحريه .. اقصد يعنى يكون عارف الحلال ايه و الحرام ايه و يتصرف فى حدود المسموح له :)

[أبو دومة]

أختي العزيزة زلابيــا ياأحــلا زلابيــا ... أنا حاسس أنك بتتكلمي في الموضوع بعصبية شوية لدرجة أن في بداية كتابته لم تستطيعي توضيحه لتداخل أفكار كثيرة معاك .. بس أنا عايز أقول شئ وأحسب أنه مهم جدا ...

حكاية لبس الدبلة ... أو لبس البنطلون أو فستان الزفاف الأبيض أو حتى غيره وربطهم بحكاية الحلال والحرام ... دي نقطة خطيرة لأننا نحن أقل من نفتي ونقول حلال أو حرام من أنفسنا ولا داعي للثورة أو الجدال مع من يدعون فيه بالفتوى لأن ذلك شأنهم هم وحدهم .... وأنا أتصور أنهم لن يفعلوا ما يقولون .

ولكن لي رأي بسيط أود طرحه .... إذا نظرنا إلى كل ماحولنا لنعقد الأمور عن بنطلون أو دبلة أو الفستان الأبيض .... فدي نظرة ضيقة جدا لأن كل ماحولنا تغير تغيرا كاملا .

فالسيارة والمتوسيكل والطائرة والإنترنت والتليفون والتلفزيون والموبايل وغيره وغيره وغيره حتى الأكل وطريقته ..... إلخ

كل ذلك لم يكن موجود في عهد الرسول عليه الصلاة والسلام ... فهل نقول أنه تشبه بالنصارى لأنهم هم من إخترعهوه ...! لا لا لا لا لا

تلك نظرة ضيقة جدا .. فدعونا من هذه الكلام ولنهتم باصول الدين الإسلامي وما نقر به في قلوبنا وما يتجرم منه في أعمالنا من عبادة وطاعة ...
هدانا الله جميعا لما فيه كل الخير

[Simple Girl]

أولاً يا جماعة: أنا بيتهيألي ان مافيش مشكلة اننا نقلد حاجات من الغرب مادام لا تتعارض مع ديننا:
1- فستان الزفاف الأبيض: الجوازة مش هتبقى باطلة لو العروسة لبست فستان أحمر مثلاً لكن البنت بتحب تلبس الأبيض في الزفاف عشان دي حاجة بتبسطها وبتضفي فرحة كبيرة وتخلي الليلة بيضة .
2- البناطيل للرجال ايه المشكلة لو كان برده تقليد المهم انه مايكنش ضيق وانه بيساعد على الحركة خصوصاً ان أكتر الجلاليب دلوقتي بتبقى شفافة وبيبقى المنظر مش حلو.
3- الدبلة الدهب حرام طبعاً للرجل بس ايه المشكلة لو كانت فضة وحتى لو كانت تقليد مادامت بتفرح البنت وبتحسسها ان الراجل ده متمسك بحاجة متعلقة بيها كمان الدبلة للراجل والبنت بتجنبنا مشاكل كتير يعني لو واحد شاف واحدة بايدها دبلة هيبعد تفكيره عنها علطول ونفس الحكاية بالنسبة للراجل، يعني حاجة بتفيدنا مش بتضرنا واللي متضرر منها يقلعها دي مش فرض يعني.
ثانياً: اعمل أي حاجة وقلد زاي ما انت عايز بس ما تعملش الحاجة اللي تغضب ربنا و "استفت قلبك" في الحاجة اللي شاكك فيها وابتعد عن الشبهات.
بس خلاص :blush:

[أبو دومة]

نسيت أقول زي ماقالت الأخت Simple Girl فيما يخص الدبلة ( الفضة) طبعا وليست دهب لأن لبس الرجال للذهب حرام شرعا وقد نهانا الرسول صلى الله عليه وسلم عنه هو الحرير .

ولقد أباح الرسول صلى الله عليه وسلم إستخدام الرجال للذهب في شيئين فقط وهما ...

الأول : إستخدامه في صنع الأسنان عوضا عن الأسنان الطبيعية .

ثانيا: لمن فقد أنفه وأستبدلها باخرى من الذهب . وهي واقعة حقيقة في عهد الرسول (ص) حيث كان أحد المسلمين في أحدى الحروب قد فقد انفه حيث قطعت بالسيف في المعركة , فقام بعمل أنف صناعية من الفضة غير أنها كانت تفوح منها روائح كريهة لتفاعل الفضة مع سوائل الأنف لذلك أمره الرسول (ص) أن يستبدلها بأخرى من الذهب .
ونفس الحال مع الأسنان الذهبية لا يصدر عنها أيضا روائح كريهة ...

[مييشوو]

زلابيا
وبعدين معاكي ياماما :angry: :angry:
رح تظلي هيك تفتحي النار عليكي :fire: :fire: :fire:
ياماما خلي هيك مواضيع نحكي فيها مع بعض انا وانتي و صاحبتنا اللي انتي عارفاها :ph34r: :ph34r: على الخاص...
والله انا خايفة عليكي يازلابيا من هاالمواضيع :huh:
على العموم انا حكيت لك رأيي الموضوع على الميل بتاعك وانتي لسه مارديتي علي :angry: :angry:
ليش ياترى ؟؟

:wub: :wub:

[alaanegm]

بصاراحة يا زلابية انا مع سبيدر مان لان فى حديث شريف يقول فيه ان لبس البنطلون حرام لانه تشبه بالرجال, بس انا مش عارفه قصدهم على البطلون ولا ايه تانى بس انا بصراحة لسة بلبس بنطالون :wub: بس لسة عايزة اتأكد من الموضوع ده
:?small: ان شاء الله هعرف الرد و بعدين هبقى اقولك
خلاص؟؟؟؟؟؟؟؟؟؟؟؟؟؟؟؟؟؟؟؟
صديقتكم:ألاء
لولى :h2:

[نفرتارى]

ما شاء الله الموضوع جميل و مفيش اضافه يعنى غير انى اقول لزلابيا و لا تغليس و لا حاجه بالعكس ما شاء الله على حجتك و منطقك يا ريت كلنا نبقى كده00

اممم موضوع البنطلونات ده انا كنت شفت عنه حلقه فى اقرا00و كان الكلام ان علىحسب المكان الى انتى فيه بمعنى ان الرجاله فى سكوتلاند بيلبسوا سكيرتس فلو امراه مسلمه هناك نقول لها لا متلبسيش؟؟؟
الفكره ان ميبقاش الغرض التشبه لكن لو النيه برضه الستر و كده خلاص 00

الى جانب ان البنطلون على شيميز طويل00الستايل الباكستانى حتى فى القعده لا يصف و لا حاجه 00اكيد العبايات جميله و كله بس على حسب نوعيه شغل كل واحده00

بالنسبه للرجال فمش شايفه حرمه فى البنطلونات هما عاوزين يلبسوا كما كان يلبس الرسول عليه الصلاه و السلام فديه حريه شخصيه فى حياتهم00لكن فى العمل مظنش انهم يقدروا يلبسوا جلاليب و كده 00فى شركات كتير بتشترط البدل و الكرافات00و مظنش ان اى حد عاقل هيقول اه البنطلون حرام و الكرافات كمان غير مستحبه00

اممم الدبله و الله مقدرش افتى بس انا اعرف ناس كتير ملتزمين لابسينها00فضه للرجال و ذهب للنساء و فعلا مع الراى انه حتى يوضح ان الست دى متجوزه او البنت دى مرتبطه00فمنعملش زى يحيى شاهين فى اين عمرى 00

و فستان الفرح كونه ابيض ده لان لونه ملائكى مش تقليد للغرب00و بعدين مش لازم نعمل ستايل و موديل الفساتين الغربى00و فى دلوقتى اتيليهات بتعمل ديزاينز مناسبه و اسلاميه00

بس انا مع الراى بتاع المحبس الالماظ الى الذ الذ الذ00 :lol: و يا سلام بقه لو معاه طقم كامل00يلا عقبال ما نهنيكو يا بنات كلكو 00و الولاد كمان00

كلمه اخيره بلاش ننشغل فى امور من ديه و نسيب الاساسيات 00و كمان كل واحد يشوف نيته و صلته مع الله سبحانه و تعالى00و ربنا مطلع على اعمالنا و على احوال زماننا00يعنى الشخصيه النمكيه متنفعش 00توغلوا فى الدين برفق و متتشغلوش بصغائر الامور لان الشيطان هوا الى بيشغلنا عن القضايا المهمه بالكلام ده00و مش قصدى على زلابيا لانى عارفه ظروف فتحها للموضوع00
لكن مش بكره ننشغل فى النمله الى كانت فى قصه سيدنا سيمان كانت ذكر و لا انثى و لا مثلا البيضه قبل الفرخه و لا الفرخه قبل البيضه00

احنا نتناقش فى امور الدنيا اوكى الى ينفع اننا نختلف فيها اما امور الدين فيعنى ممكن كل واحد يرجع لمن يثق فيه من الشيوخ او يبحث فى كتب المذاهب بس كده00

[أبوعبدالرحمن]

الموضوع طويل جدا وأنا اليوم راجع من الشغل بعد أكثر من 30 ساعة في المجزرة :D
ولم اقرأه كله، وأصلا بفتح عيني بصعوبة

ولكن عندي رد عام على مسالة التشبه أفضل أفتح لها موضوع خاص
ومحدش يقول اكتب هنا لأن الردود كثيرة ومش هقدر أقراها دلوقتي

[حنان نور الدين]

لا أجد من الرد المزيد فقد كان كل مل ذكره الأخوة بالقهوة على العـين و الرأس
لكن أحب أؤكد كلام الأخت فقيرة الى الله الذى اؤيـــــــــده تمــاما
و أضيف فقط أن هناك قصة حدثت فى عهد الرسـول الكريم صلى الله عليه وسلم
و هى أن امرأة وقعت من على ظهر فرس (على ما أتذكر)فجرى أحد الصحابة الذى
كان مع رسول الله وقتها ليغطى ساقيها بسرعة فقال له رسول الله (ص):
دعها فأنها متسرولة (أى أنها تلبس سروال----- و هو مثل البنطلون الواسع )
و حينئذ دعا رسول الله لها_______ و هذا معناه أن زى المرأة الصحيح هو الزى
الفضفاض الواسع الذى لايشف ولا يصف وأن الأحوط للمرأة أن تستر ساقيها من
تحت الملابس بالسروال الواسع و أعتقد أن هذا هو ما أكدت وكانت تقصده صديقتى
الفقيرة الى الله

أشكركم على اتاحة الفرصة لى و جزاكم الله عنى خير الجزاء