قتلتى كام 00 وجرحتى كام 00 وكام اسير فى هواكى ؟؟؟

[محمـد حمـوده]

بريئه


لما انتى بريئه ومش قاصده وكللك احسـاس
طب ليـه تلعــبى صده ورده بقلوب الناس
قتلتى كام ؟؟
وجرحتى كام ؟؟
وكام أسير فى هوا كى ؟؟؟؟
-------
كده رمش يوقـع واحـد
تغـمزى غمـزه
توقعـى خمسـه
أمال الهمســـه ... ح تعمل ايـه ؟؟
عشاقـك دول كام واحـد
ويا عينى بريئــه
جدا و رقيقـــه
لو كنتى جـريئـه ... كان جرى ايـه ؟؟
-------
انا وا حد من ضحاياكى
هى التسبيــله
منك يا جميــله
وف نفس الليـله ... جفـانى النــوم
صحانى اللى ما صحاكى
وانا زيى ألــوف
ح نعيش ونشوف
قلبـك ملـهـوف ... واهو جايلـك يـوم
------
لو كنتى بريئه ومش قاصده
طب ليـه تلعبى صده ورده
قتلتى كام ؟؟
وجرحتى كام ؟؟
وكام أسـير فى هوا كى ؟؟؟؟

[آيات الجارحى1]

ما شاء الله كلماتك دايما جميلة بجد..
والحس عندك عالى وبلاقى الصراحة نوع من الاستمتاع بمتابعة كتاباتك:tu:
بس ياترى الصفات اللى فى كلماتك دى تنطبق على مرسيدس عيون وللا ايه؟؟؟:thinky:

[محمـد حمـوده]

[QUOTE]كاتب الرسالة الأصلية : آيات الجارحى1
[B]ما شاء الله كلماتك دايما جميلة بجد..
والحس عندك عالى وبلاقى الصراحة نوع من الاستمتاع بمتابعة كتاباتك:tu:
بس ياترى الصفات اللى فى كلماتك دى تنطبق على مرسيدس عيون وللا ايه؟


اشكرك يا أخت ايات 00 ودايما فاتحه نفسى ومشجعانى:flowers:
الحقيقه هى تنطبق اكتر على الفولكس الخنفسه 00 شكلها غلبانه ومسكينه 00 لكن ايه
قد النمله وتعمل عمله
دايما دمك شربات ( اسكندرانى) :brb: ::drive: :

[most@faguild]

بارع حقا

[محمـد حمـوده]

كاتب الرسالة الأصلية : most@faguild
بارع حقا

أشكرك يا أخ مصطفى
عجبنى قوى ماقل ودل 00 رأيك فى كلمتين 00
شرفتنى واسعدتنى

[مرمورة]

رقيقه جدا كلماتك وبتوصل للقلب بسرعه وبتأثر في اللي يقراها


امال لو كانت جريئة كانت حتعمل ايه اكتر من كده


فعلا يا حمودة كلماتك معبرة وجميلة جدا

وربنا يوفقك وبتمنالك التفوق والتميز

[نسيم الليل]

والله حلو اوى
بس يعنى ليه كده بس
ديه اكيد مطلعة عين الناس كلها
بس بجد حلوة اوى انا عجبتنى موت وحسيت فيها بالشجاعة
استمر وربنا يوفقك








سلام






وكل ما تكتب حاجة قولى علشان اضيف رد



يعنى ياجماعة ابقو فكرونى كده
اصلى بنسى




يالا باى

[BuBz BunnY]

يعني ماشاء الله عليك


شكلها طالعه من قلب:inlove:


الله يدوم علينا كلامك الحلووووووووووووو مرررررررررررررره:flowers:


اخخخخخخخخخخخخخخخخخخخخخخخختك الهبله > بوزه >

[محمـد حمـوده]

كاتب الرسالة الأصلية : مرمورة
رقيقه جدا كلماتك وبتوصل للقلب بسرعه وبتأثر في اللي يقراها


امال لو كانت جريئة كانت حتعمل ايه اكتر من كده


فعلا يا حمودة كلماتك معبرة وجميلة جدا

وربنا يوفقك وبتمنالك التفوق والتميز

لو كانت جريئه 00 شوفى انتى بقى كانت عملت ايه ؟؟؟
فى ناس كده شكلها برىء وساذج لكن تحت السواهى دواهى ربنا يكفينا شرهم
عموما يا أخت مرموره أشكر تشجيعك الدائم لى

[محمـد حمـوده]

كاتب الرسالة الأصلية : نسيم الليل
والله حلو اوى
بس يعنى ليه كده بس
ديه اكيد مطلعة عين الناس كلها
بس بجد حلوة اوى انا عجبتنى موت وحسيت فيها بالشجاعة
استمر وربنا يوفقك


سلام






وكل ما تكتب حاجة قولى علشان اضيف رد



يعنى ياجماعة ابقو فكرونى كده
اصلى بنسى
يا سلام !!! انتى تؤمرى !! بس يا ريت تفكرينى عشلن اقولك انى كتبت حاجه !!؟؟؟؟!!
اشكر مرورك وخفة دمك :)


يالا باى

[محمـد حمـوده]

كاتب الرسالة الأصلية : BuBz BunnY
يعني ماشاء الله عليك


شكلها طالعه من قلب:inlove:


الله يدوم علينا كلامك الحلووووووووووووو مرررررررررررررره:flowers:


اخخخخخخخخخخخخخخخخخخخخخخخختك الهبله > بوزه >


اشكرك يا اختى الهبله !!!!!!!
لكن لو انتى هبله وعجبك كلامى 00 مش دى حاجه ماتطمنش ؟؟؟؟؟
ربنا يجعل كلامى خفيف عليكى مررررررررررره

[نسيم الليل]

ايه ده يعنى محدش فينا هيفتكر؟:blink::blink::blink::blink::blink:
طيب اعمل ايه انا دلوقتى؟
خلاص ماشى انا كل مرة هدور على اسمك لو لقيته هعمل نفسى نسيت
ماشى؟:confused::confused::confused::confused:
اتفقنا؟
خلاص ماشى اتفقنا:clap::clap::clap::clap::clap::clap::clap::c lap:





يلا سلام

[مامتكم]

ايه ده ياحمودة ياولدى انت عتكلم واحدة بنت باللى عتجوله

واااااااااااااااه يابوى النار ولا العار ياشفيجة

بلاش الكلام ده ياولدى الولد (الاولاد يعنى) جتتهم مش خالصة عتكون انت كمانى عليهم

انا افتكرتك عتتكلم عن امريكا والله

شوف لنا مودوع تانى غير البنات ده ماعادش حد بيهمس واصل كله خلع برجع الحيا وعيتجصعو بالبنطلونات فى الشوارع

الا من رحم ربى

اسلوبك ممتاز وتلقائى وظفه لله احسن يا حموده

[محمـد حمـوده]

كاتب الرسالة الأصلية : emas40
ايه ده ياحمودة ياولدى انت عتكلم واحدة بنت باللى عتجوله

واااااااااااااااه يابوى النار ولا العار ياشفيجة

بلاش الكلام ده ياولدى الولد (الاولاد يعنى) جتتهم مش خالصة عتكون انت كمانى عليهم

انا افتكرتك عتتكلم عن امريكا والله

شوف لنا مودوع تانى غير البنات ده ماعادش حد بيهمس واصل كله خلع برجع الحيا وعيتجصعو بالبنطلونات فى الشوارع

الا من رحم ربى

اسلوبك ممتاز وتلقائى وظفه لله احسن يا حموده
************************************************** ******
الاخت الفاضله ايماس
كرم منك ان تضعى بصماتك على كلماتى .. و.... أقبل منك النصيحه بنفس راضيه ..
مدركا حسن مقصدك ونبل هدفك .... ولكن ... وااااه من لكن....
1- ان هذه القصيده كتبتها ( مثل غيرها ) منذ زمن بعيد.. كانت فيه المشاعر متأججه والمشاغل متناسبه مع سنوات العمر..
2- اقول هذا اقرارا لواقع وليس اعتذارا عما كتبته أو خطه قلمى يوما..فهو جزء منى ومن تكوينى النفسى اعتز به ( والا ما كنت نشرته ) ولا املك القدره او الشجاعه على حرقه وابادته ( اذا كان فى ذلك شجاعه ) !!!
3-لى كتابات سابقه فى ( اكتب عامى ) يبدو انها لم تحظ بشرف متابعتك لها ...مثل :
( والله وبقينا ملطشه ) عن حال العرب والمسلمين كما اراه اليوم .. و ..( يا بختك يا عم )
عن جمال الجسد وجمال الروح وفيها اثمن واقدر جمال الروح ... و ... ( رجعت تانى ) وهى عن الغربه والوحده وفراق الاحبه ... و .. ( سهمك فى القلب ) وهى عن مصر أم الدنيا ... و...( اجرى الحق ) وهى عن السباق المحموم الذى نخوضه من اجل المكاسب الماديه وطموحاتنا التى لا تنتهى الا بانتهاء العمر ..
سيدتى ... فى جعبتى الكثير .. ولكن لن اطيل عليك ..فى انتظار تعليقك بعد ان تقرأى ما ذكرته من اعمال ... واشكرك فى كل الاحوال

[محمـد حمـوده]

ما زلت منتظر ردك يا أخت emas40
وطـــال الانتظـار ..
اسمحى لى
انت بتعليقك هذا .. وعدم العوده للا طلاع على ردى ...
زى طفل بيضرب جرس باب الجيران ويطلع يجرى...
عفوا للتشبيه ....