... سبـــــــت الكفــــــن ...

[gelly]

تنويه صغنن
سبت ( زى سبت الغسيل )
ويا ( مع )






لسه السبت فوق الدولاب

دبلانه فيه آخر هدوم

و شايله ريحه أب مات

فوق السحاب تحت الحساب

ألفين سبت ويا اللفايف

و تحت الأرض الحجر مبشبش

ولا فوق القدر مدشدش؟؟!

على باب حارتنا مرفوعه يافطه

و الشعار صوان حجر

مكتوب يا أخوانا

الموت علينا قدر


***

بين الشجر مشدوده يافطه

بمتر بافته كاشفها النور

أنزلى ياللى عليكى الدور

أنزل ويا الدايره و دور

تنط النطه تعدى محطه

مهما تلف و مهما تدور

يجيلك دورك زى النور

بسيطه النطه و ف محطات

بعد محطة الشباب شاب

و ف تانى محطه بتكبر

تبيض شعرة ف راسه

و بحراسه يروح للدور



***

يركب ويا النص التانى جناح عصفور

و بعد ما لف الساقيه الطور

بيلحق آخر قطر مسافر

تانى و عافر

أصل القطر ف كل محطه

ليه ركابه

له أحبابه و مش أحبابه

بس ده آخر قطر مروح

صوته يطوح

كل حريم الأرض تنوح

و يركب أبويا قطر مسافر مبيرجعش

يقلع كل هدومه ف طوبه و مبيبردش

ف عز الحر مبيزعقش

و

يسكت أبويا

و نفتحله سبت اليافطه البافته

و لفة أبويا لما يروح أحلى

عطرته بشويه عطر مفوح

و بعد ما وقع الجمل العفى و أطوح

زعق القطر

و آه من القطر أبو رايه تلوح

شد رحاله و ماشى ف حاله

قطر بضاعه و آه ياجماله

يمكن فرحه بطرحه

و طرحه لبنت صبيه

صبيه عروسه

و زفة أبن الحته عريس

بس زفه القطر ماليش

أنا كل دولابى ميكفيش

أصلى بطيش

عملت سباتى جوة سكناتى

يعنى البفته لكل الحته

يعنى دولابى لكل أصحابى

بس ف متر البفته ماليش

و كبر الحلم و دخل الجيش

و القطر شاويش

و فوق القطر عساكر راكبه

راكبه ف راكبه

و الحلم حنين

ارجع يا شبابى

و انا ف الستين معرفش الا انبارح

سر الطين

معرفش الاانبارح سر سبتكو

و سر ثباتكو و سر سكاتكو

لما سبات الدنيا تلملم كل مسافر

يالا نعافر

أمسك سكة قطرك جامد

بس تحاسب

أصل قرار السفر ده حازم

و فر اوتك

أوعى تحاول ترفع صوتك

اصل القطر الجاى ف معاده

عمره ما يمشى بدون ركابه

ولا أحبابه ... ولا أصحابه






و عمر القطر كمان ما يفوتك

[محمد فارس]

جدارية تحمل المزيد من صور الحياة0000000000000000000والموت0
تتداخل الألوان بالجدارية وتتعدد الاشكال00ولكل لون دلالة ولكل شكل ايحاء 0

الجدارية 00وبمزيد من التركيز تجدها قد توشحت باللون الاسود فى احد جنباتها00وبقدر ماكان ذلك اشارة حزن ، فأنه كان ايضا نزوع الى الواقعية 00واقعية الحياة00واقعية الموت0

حملت الجدارية لقطات او لنقل ومضات حياتية 00وتوقفت احيانا لتشد انتباهنا الى امور بعينها0

النزعة الدينية كان لها مكانتها ايضا فى خلطة الالوان 00الامر الذى ادى انطباعا بأننا امام شاعرة متصوفة0

جيلى
كم كنت رائعة

[هريدي يابووووي]

:cry:
هو انا ليه ماباعرفش اقول كلام م اللي بيقولوه العالم بتوع الأدباتية وي اللي الأستاذ هراس بيقوله ده؟:cry:
بس على اي حال..
حاجة كده:tu: والله يا جيلي..
ماتبقي تشرفينا في الموضوع بتاع "فرسان العامية"؟

[مامتكم]

لم اعتد ان اداخل لاجامل او اصفق بدون اقتناع ولكنى اتوقف هنا لانحنى للقلم الذى وظفه الكاتب لفكرة تختمر فى رءوسنا جميعا وتذكرة كلنا بحاجة اليها

البساطة التلقائية خرجت فى منظومة السهل الممتنع

جزاك الله خيرا وجعلها فى موازينك ياجيلى

كما يقول اخونا هريدى فرسان العامية بحاجة لقلمك ومشاعرك وصدقينى لو قراتى او سمعتى الدرس هتطلع كلماتك بدون اى مجهود روحى شوفى سلسبيل كتبت ايه

على فكرة انا ساعات باشخبط عامى لكنه لا يرقى لمستوى ما يكتبه الزملاء

خدى دى :flowers::flowers::flowers::flowers::flowers:

[هدايه]

اختى جيللى

تصوير للحياة وللعمر اللى مبيستناش حد غاية فى السلاسة والابداع

حين يمر القطار
لن ينتظر 00
ان يلبس الراكض معطفه
او المستلقى على اريكته
او الذى فى عينيه دمع000
يودع حبيبته

سيطلق صفارته
لمن ينتبه!!



تحياتى لكى وسأرقب الجديد

[elshimi]

.....
الصدام الرهيب
بين الحنين للاب للسند للمصدر الرئيسى للوجود
وبين محاولات التعايش والتأقلم والرضا بالواقع والايمان بالقضاء والقدر
نتج عنه شظايا شعريه متأججه وحاده اصابتنا فى مقتل
بداتى تخرجى من اطار الرومانسيه
ال عالم الكتابات الوجوديه
وهى علامه امتلاك الادوات والرغبه ف خربشه
الالوان الداخليه للنفس البشريه
استمرى ف مغازله الافكار الصعبه والاحاسيس البعيده
فانتى تتقدمى بقوه من قصيده لاخرى
لى ملاحظه
اختيار يوم السبت تحديدا له مغزى اكيد عندك ف الواقع
ويوافق ميعاد معين لديكى
لكنه وجد صدى مناسب لدى المتلقى فهو يوم بدايه الاعباء
ويتم عمل حسابه والترتيب له من منتصف الجمعه
لقد وفقتى جدا فى اختياره
اشكرك

[محمد فارس]

كاتب الرسالة الأصلية : elshimi
.....
اختيار يوم السبت تحديدا له مغزى اكيد عندك ف الواقع


ياعم شيمى هو مطلعش يوم سبت00
هو طلع سَـبَـت 00حاجة كدا زى المَشَنة00بس ليها سور عالى ومتقفلة 00

[dorbaga]

السلام عليكم ورحمة الله وبركاتة,,,

احنا هنا كفريق عمل اسمة انت معانا ولا مع الاسف الموضوع في المصطبة

ولقد استوقفتنا هذة الابيات لاشيد بها رغم انها لم تكن هينة ومستساغه لان هذه طبيعة النفس ما بالك بمن يذكر بالموت لكن اسلوبك حقيقي ورائع رغم قساوة الحقيقة لك كل تقدير من وفد خليك معانا


ومنجلكمش في سبت ابداً


اخوكم الحكواتي :55:

[رنـranimـيم]

أصل القطر ف كل محطه
ليه ركابه
له أحبابه و مش أحبابه
بس ده آخر قطر مروح
صوته يطوح
كل حريم الأرض تنوح
و يركب أبويا قطر مسافر
مبيرجعش
يقلع كل هدومه ف طوبه و
مبيبردش
ف عز الحر مبيزعقش

كان ياما كان..
..كنت بسد بايدى ودانى
كانت رجلي ماهيش شيلانى
لما عرفت حقيقة انك
مانتش راجع هنا من تانى
ياما احترت وخدنى سؤالى
ليه ياابويا كفنك ابيض وماهوش
اسود لون فستانى
كان لونه اسود لون احزانى
اصل فراقك مر ويوجع
والقى الكل عارف انك
عمرك تانى لهنا ماحترجع
اتعلمت الضحك بحزن
وازاى انك تبقى
ياابويا
ذكرى فى بالى
سراب فى خيالى
وعرفت ان قطارك عدى
وكتير راح غيره يعدى
وياترى اللى انا سمعاه
ده صوت صفارته
ولا ده بكا مين على مين
اه ياعمرى ..ياموال حزين
مين اتدفن ...والحى مين


جيلى ...اجدتى وتفوقتى ...كلماتك وصورك اخذتنى الى حد الشجن واسترجاع صور كانت تحزننى واكتشفت انها مازال مؤلمه الى حد معايشتها رغم مرورها مره اخرى
للموت هيبه وخصوصيه شديده ..له جلال ..رهيب ...مفزع
وحقا ان الموت يشبه القطار وهو يحملنا من محطات متفرقه لننتهى جميعا الى مصير محتوم وغايه واحده ...حتى وان اختلفنا فى مواعيد الركوب الا ان القطار يصل بنا جميعا الى نفس النهايه ...الى يوم اللقاء العظيم
ولكنه قطار يختلف عن ماتعودنا قطار لايعرف الفرق بين الدرجات ..لاغنى ولافقير الكل سواء الكل يركب بنفس الهيئه والشكل ...

جيلى قلمك له سمه خاصه به اشد مايجذبنى فيه الالتزام والصدق

تحياتى لك

رنيـــم

[همسه]

جيللى

و الله أنا مكسوفه منك ...

بس متزعليش منى

أنا قريتها أكتر من مرة

فى الأول

أنا فهمتها

سبت الكفن ـــ يعنى ترك الكفن

و بعدين حسيت أنها


سبت الكفن ـــ يوم السبت


و بعدين أدركت أنها

سبت الكفن ـــ المشنه :blush):


بس مش عارفه ليه حاسه أنها ممكن تتجزأ و يتسمى كل جزء بمدلوله

بينى و بينك انا معظم كلامها تاه منى بس وصلنى الأحساس الى انتى عاوزه تقوليه من خلال جو القصيده ــــــ

ليه سؤال لو هيضايقك مترديش و كفايه انك قريتيه


ليه معظم كتاباتك غامضه و بتقول أكتر من حاجه

انا واثقه طبعا ان ده مش تعالى او انتى قاصده كده بس ــــ مش عارفه

ليه أقتراح

نقط كتير فى القصيده نفسى أفهمها لو ميضايقكيش هبعتها ع الخاص ــــــ ممكن
و طبعا ده قصور منى أستحملينى يوه بقى

:flowers:

[gelly]

كاتب الرسالة الأصلية : هراس
جدارية تحمل المزيد من صور الحياة0000000000000000000والموت0
تتداخل الألوان بالجدارية وتتعدد الاشكال00ولكل لون دلالة ولكل شكل ايحاء 0

الجدارية 00وبمزيد من التركيز تجدها قد توشحت باللون الاسود فى احد جنباتها00وبقدر ماكان ذلك اشارة حزن ، فأنه كان ايضا نزوع الى الواقعية 00واقعية الحياة00واقعية الموت0

حملت الجدارية لقطات او لنقل ومضات حياتية 00وتوقفت احيانا لتشد انتباهنا الى امور بعينها0

النزعة الدينية كان لها مكانتها ايضا فى خلطة الالوان 00الامر الذى ادى انطباعا بأننا امام شاعرة متصوفة0

جيلى
كم كنت رائعة


أستـــــــاذى

صاحب الفضل الأول بعد الله سبحانه و تعالى فيما وصلت اليه فى العامى

بفضل تشجيعك و أحتمالك لكل قلم حتى و لو كان حديث العهد بالكتابه

أشكـــــــرك


و لكن هذه الكلمه لا تصلح للأيفاء بشكرى لك على كلماتك


جداريه مرة واحده

واقع الكلمة علي كان أكبر منى و خصوصا و قد ترددت أكثر من شهر فى وضع هذه الكلمات بالعامى لما تحمله من ألوان حياديه غامقه ربما وجدها البعض مقبضه ....

دمت لنا :flowers:

و دام لنا قلمك :flowers:

[gelly]

كاتب الرسالة الأصلية : هريدى يابووووى
:cry:
هو انا ليه ماباعرفش اقول كلام م اللي بيقولوه العالم بتوع الأدباتية وي اللي الأستاذ هراس بيقوله ده؟:cry:
بس على اي حال..
حاجة كده:tu: والله يا جيلي..



:blush):


البيج بوص بحاله عاجباه خرابيشى الغامقه ... :inlove:


ماتبقي تشرفينا في الموضوع بتاع "فرسان العامية"؟

أنا بصراحه متابعه الموضوع من بعيد لبعيد ...

بس بحاول و ربنا يقدرنى و أقدر أحط و لو كلمة بين فرسان العاميه عن حق ( ما شاء الله عليهم )

انا لسه يا دوب ... ده بس ربنا الى ساترها مع الواحد يوه بقى


شرفنى مرورك العطر و ذادنى ثقه أكرمك الله :flowers:

[gelly]

[][iكاتب الرسالة الأصلية : emas40 [/i]
[B]لم اعتد ان اداخل لاجامل او اصفق بدون اقتناع ولكنى اتوقف هنا لانحنى للقلم الذى وظفه الكاتب لفكرة تختمر فى رءوسنا جميعا وتذكرة كلنا بحاجة اليها

أكرمك الله يا غاليه أنا التى تنحنى لتشريفك موضوعى فما بالك بأعجابك به :blush):



جزاك الله خيرا وجعلها فى موازينك ياجيلى

آميين يا رب :pray:و اياكم :flowers:

كما يقول اخونا هريدى فرسان العامية بحاجة لقلمك ومشاعرك وصدقينى لو قراتى او سمعتى الدرس هتطلع كلماتك بدون اى مجهود روحى شوفى سلسبيل كتبت ايه

الله أكبر و ما شاء الله عليها ... سلسبيل فين و كتابات العبده الفقيره الى الله فين يوه بقى ... أنا متابعاهم ماشاء الله و ربنا يعينهم و يجازيهم عنا خيرا :pray:

على فكرة انا ساعات باشخبط عامى لكنه لا يرقى لمستوى ما يكتبه الزملاء

بتشخبطى :blink:


لما ايماس بحالها تقول كده امال انا أقول ايه :cry::cry::cry:


دمتى لى :flowers:

و دام لنا قلمك :flowers:

[gelly]

كاتب الرسالة الأصلية : هدايه


حين يمر القطار
لن ينتظر 00
ان يلبس الراكض معطفه
او المستلقى على اريكته
او الذى فى عينيه دمع000
يودع حبيبته

سيطلق صفارته
لمن ينتبه!!

:tu::tu::tu:

ما شاء الله يا هدايه

أحسد نفسى لأن موضوعى أثار قلمك

فنزف هذا الأبداع





تحياتى لكى وسأرقب الجديد


تحياتى لكى أنتى وانا من فى أنتظار رائعتك القادمه :inlove:


دمتى لى :flowers:

و دام لنا قلمك :flowers:

[gelly]

كاتب الرسالة الأصلية : elshimi
.....
الصدام الرهيب
بين الحنين للاب للسند للمصدر الرئيسى للوجود
وبين محاولات التعايش والتأقلم والرضا بالواقع والايمان بالقضاء والقدر
نتج عنه شظايا شعريه متأججه وحاده اصابتنا فى مقتل

:blush): كيف دخلت الى ما يعتمل ف النفس البشريه بهذه السلاسه بالفعل هوصدام كمن يحتسى الماء الساخن و يلتسع و يهرع الى شربة ماء بارده فتولد هذا التناقض الذى يشعرنا بآلام أسناننا ...

عذرا للتشبيه و لكن هذا ما جال بخاطرى يوه بقى

بداتى تخرجى من اطار الرومانسيه
ال عالم الكتابات الوجوديه
وهى علامه امتلاك الادوات والرغبه ف خربشه
الالوان الداخليه للنفس البشريه
استمرى ف مغازله الافكار الصعبه والاحاسيس البعيده
فانتى تتقدمى بقوه من قصيده لاخرى

شهادة و تحليل ثرى أعتز بهما ...

و أتلهف مع كل كلمه أن ألمحها فأحافظ على ما وصلت اليه من الدرب:blush):

لى ملاحظه
اختيار يوم السبت تحديدا له مغزى اكيد عندك ف الواقع
ويوافق ميعاد معين لديكى
لكنه وجد صدى مناسب لدى المتلقى فهو يوم بدايه الاعباء
ويتم عمل حسابه والترتيب له من منتصف الجمعه
لقد وفقتى جدا فى اختياره

يوه بقى يوه بقى يوه بقى


حين قرأت تحليلك الثرى لربط الأحداث الحياتيه بوحدة الزمن تمنيت لو انها كانت كذلك

و لكن هذا التوفيق ف الأختيار لم يكن لى


اشكرك

أنا من تشكرك أستاذى الكريم :flowers:


دمت لنا :flowers:

و دام لنا قلمك :flowers:

[gelly]

كاتب الرسالة الأصلية : dorbaga
السلام عليكم ورحمة الله وبركاتة,,,

احنا هنا كفريق عمل اسمة انت معانا ولا مع الاسف الموضوع في المصطبة
يوه بقى طبعا شفت الموضوع و كان نفسى أشترك بس كان مع الأسف جهازى بايظ ساعتها :crazyy:

ولقد استوقفتنا هذة الابيات لاشيد بها

بجد و الله :blush): لا تتخيل مدى سعادتى بأن تنال كلماتى المتواضعه أستحسان فريق العمل ... و خاصة أنى أكن لهم أحترام كبير ...

آدام الله تجمعكم ف الخير:pray: و ظللكم بظله يوم لا ظل الا ظله :pray:

رغم انها لم تكن هينة ومستساغه لان هذه طبيعة النفس ما بالك بمن يذكر بالموت لكن اسلوبك حقيقي ورائع رغم قساوة الحقيقة

أعتذر عن صعوبة بعض المقاطع يوه بقى و أتمنى سلاسه الأسلوب و الفكرة فى المستقبل ان شاء الله يوه بقى

لك كل تقدير من وفد خليك معانا

لهم منى انا كل تحيه و تقدير لشخصهم الكريم و أعملهم المتميزه دوما ...

:inlove: كم أدخلو السرور على قلب مؤمنه :inlove:

أكرمك الله :pray:و أكرمهم :pray:

ومنجلكمش في سبت ابداً
:D:D:D:brb::brb::brb::D:D:D



تحياتى أخى الكريم لمرورك العطر :flowers:


دمت لنا :flowers:

و دام لنا قلمك :flowers:

[gelly]

كاتب الرسالة الأصلية : رنـranimـيم
كان ياما كان..
..كنت بسد بايدى ودانى
كانت رجلي ماهيش شيلانى
لما عرفت حقيقة انك
مانتش راجع هنا من تانى
ياما احترت وخدنى سؤالى
ليه ياابويا كفنك ابيض وماهوش
اسود لون فستانى
كان لونه اسود لون احزانى
اصل فراقك مر ويوجع
والقى الكل عارف انك
عمرك تانى لهنا ماحترجع
اتعلمت الضحك بحزن
وازاى انك تبقى
ياابويا
ذكرى فى بالى
سراب فى خيالى
وعرفت ان قطارك عدى
وكتير راح غيره يعدى
وياترى اللى انا سمعاه
ده صوت صفارته
ولا ده بكا مين على مين
اه ياعمرى ..ياموال حزين
مين اتدفن ...والحى مين[/COLOR][/SIZE]

رنيــــــــــــم

ما أعذبك ...

يسعدنى أن أقولها لكى عاليه و أنا أشرف بهذا الأبداع بين جنبات خاطرتى ...


رنيـــــــــــم


تفوقتى على الموضوع نفسه ...


و تفوق موضوعى بكى ...


أحبك فى الله :pray:


دمتى لى :flowers:

و دام لنا قلمك :flowers:

[gelly]

كاتب الرسالة الأصلية : همسه [/i]
[B]جيللى

و الله أنا مكسوفه منك ...

ولا يهمك مفيش بينا كسوووووووف يوه بقى

بس متزعليش منى

عمرى ما زعلت و الله منك :)

أنا قريتها أكتر من مرة

ده كويس :thinky:

فى الأول

أنا فهمتها

سبت الكفن ـــ يعنى ترك الكفن

و بعدين حسيت أنها


سبت الكفن ـــ يوم السبت


و بعدين أدركت أنها

سبت الكفن ـــ المشنه :blush):

همسه أعذرينى انا و الله الى مكسوفه منك دلوقتى ...

بس أفتكرت قصيده ... كتبتها زماااااااااان ...

كانت أسمها

... بكره ....

:D و جالى فيها برضه 3 أحتمالات

1

بكره ( غدا )

بكره ( كراهية )

بكره ( بكرة خيط )

واضح أن العيب مش فى الى بيقرا ... يوه بقى


الأكيد أن العيب ف الكاتب :D




بس مش عارفه ليه حاسه أنها ممكن تتجزأ و يتسمى كل جزء بمدلوله

انا فاهمه بس مش فاهمه :confused:

بينى و بينك انا معظم كلامها تاه منى بس وصلنى الأحساس الى انتى عاوزه تقوليه من خلال جو القصيده ــــــ

:) ده فى حد ذاته أنجاز و شرف ليا أشكرك عليه :flowers:

ليه سؤال لو هيضايقك مترديش و كفايه انك قريتيه


ليه معظم كتاباتك غامضه و بتقول أكتر من حاجه

انا واثقه طبعا ان ده مش تعالى او انتى قاصده كده بس ــــ مش عارفه

ليه أقتراح

نقط كتير فى القصيده نفسى أفهمها لو ميضايقكيش هبعتها ع الخاص ــــــ ممكن
و طبعا ده قصور منى أستحملينى يوه بقى

أولا أنتى الى يا ريت تستحملينى


ثانيا

أغفرى لى ما عانيتيه فى فهم القصيده

ثالثا

و الله ما هو غرور يمكن علشان انا مبكونش عندى تخطيط مسبق انا بكتب لما بحس انى عايزه اكتب هاويه يعنى مش محترفه يوه بقى


رابعا

أقتراحك ده شئ مفروغ منه لأن ده حقكم عليا ...

بس ليا أقتراح بسيط


ليه الخاص :D


الى انتى عايزه فيه توضيح او شايفه انه غير ملائم أكتبيه ها هنا هتكون أكيد فرصه لأى حد أتكسف يقولى انى مكلكعه :sniff:



مستنياكى :)


دمتى لى :flowers:

و دام لنا قلمك :flowers:

[سلسبـيل]

اختي الحبيبه جيلي
مؤثرة جدااا قصيدتك
لدرجه خليتني..مش عارفه ارد لفترة طويله
مالقيتش كلام اقوله
بس بجد رااائع تصويرك يا جيلي
ابكاني:sniff:
حفظ الله قلمك عزيزتي
وادام ابداعك الذي طالما بهرني:flowers:


سلسبيل

[النيـل]

زعق القطر
و آه من القطر أبو رايه تلوح
شد رحاله و ماشى ف حاله
قطر بضاعه و آه ياجماله
يمكن فرحه بطرحه
و طرحه لبنت صبيه
صبيه عروسه
و زفة أبن الحته عريس
بس زفه القطر ماليش
أنا كل دولابى ميكفيش
أصلى بطيش
عملت سباتى جوة سكناتى
يعنى البفته لكل الحته
يعنى دولابى لكل أصحابى
بس ف متر البفته ماليش
و كبر الحلم و دخل الجيش
و القطر شاويش
و فوق القطر عساكر راكبه
راكبه ف راكبه
و الحلم حنين
ارجع يا شبابى
و انا ف الستين معرفش الا انبارح
سر الطين
معرفش الاانبارح سر سبتكو
و سر ثباتكو و سر سكاتكو
لما سبات الدنيا تلملم كل مسافر
يالا نعافر
أمسك سكة قطرك جامد
بس تحاسب
أصل قرار السفر ده حازم
و فر اوتك
أوعى تحاول ترفع صوتك
اصل القطر الجاى ف معاده
عمره ما يمشى بدون ركابه
ولا أحبابه ... ولا أصحابه


اختي العزيزة جيلي
بجد جميل ما كتبتي ورائع ما سطرتي
وبجد كلام مؤثر جدا جعل العين تدمع
والقلب يخشع... ويتذكر انه له ميعاد
خاص للقطر ولابد وان يسافر في رحلة
مايرجعش....
صدقيني كلام معبر جدا وسلس جدا
ويمس القلب وتعجز الالسنة عن التعبير
عنه ....
اختي العزيزة جيلي
دام لنا قلمك مبدعا ورائعا

اختي لو تسمحيلي بملاحظة بسيطة



بين الشجر مشدوده يافطه
بمتر بافته كاشفها النور
أنزلى ياللى عليكى الدور
أنزل ويا الدايره و دور
تنط النطه تعدى محطه

اختي جيلي في هذا الجزء ارى
الخطاب مذكر الا الشطر الخاص
انزلي ياللي عليكي الدور

فايه رأيك لو الخطاب مذكر ايضا ويكون
انزل ياللي عليك الدور
انزل ويا الدايرة تدور

وتقبلي خالص تحياتي وتقديري


اخوك
النيـل:flowers:

[ماسة]

انا باءة عندي اعتقاد قوي جدا ان الشاعر او الكاتب عموما انسان عبقري جدا لأنة بيقدر يوصل لمشاعرنا اللي جوة اوي اوي و يكتبها بكل ذكاء وسلاسة :tu:
تحياتي ليكي يا جيليو لكل اللي شاركوا في الموضوع الرائع دة :flowers:

[gelly]

كاتب الرسالة الأصلية : سلسبـيل
اختي الحبيبه جيلي
مؤثرة جدااا قصيدتك
لدرجه خليتني..مش عارفه ارد لفترة طويله
مالقيتش كلام اقوله
بس بجد رااائع تصويرك يا جيلي
ابكاني:sniff:
حفظ الله قلمك عزيزتي
وادام ابداعك الذي طالما بهرني:flowers:


سلسبيل


ســـلسبيـــل

كل ده ليه :inlove:

وقعتينى ف خيص بيص :blush):


طب أرد بأيه دلوقتى:thinky:

لكن ما جال بخاطرى و ما هو حاضر بقلمى:thinky:

شهادة أعتز بها يوه بقىمن صاحبة قلم أعشقه و أحبها ف الله :pray:

دمتى لى :flowers:

و دام لنا قلمك :flowers:

[gelly]

كاتب الرسالة الأصلية : النيـل
اختي العزيزة جيلي
بجد جميل ما كتبتي ورائع ما سطرتي
وبجد كلام مؤثر جدا جعل العين تدمع
والقلب يخشع... ويتذكر انه له ميعاد
خاص للقطر ولابد وان يسافر في رحلة
مايرجعش....
صدقيني كلام معبر جدا وسلس جدا
ويمس القلب وتعجز الالسنة عن التعبير
عنه ....
اختي العزيزة جيلي
دام لنا قلمك مبدعا ورائعا :flowers:

أكرمك الله :pray:

شهادة أعتز بها :)

اختي لو تسمحيلي بملاحظة بسيطة

طبعا أتفضل هذا ما أنتظره منكم ف كل عمل لكى أرقى الى مستواكم الأدبي و الفكرى فلا تحرمونى ابدا من ملاحظاتكم :)



بين الشجر مشدوده يافطه
بمتر بافته كاشفها النور
أنزلى ياللى عليكى الدور
أنزل ويا الدايره و دور
تنط النطه تعدى محطه

اختي جيلي في هذا الجزء ارى
الخطاب مؤنث الا الشطر الخاص
انزلي ياللي عليكي الدور

فايه رأيك لو الخطاب مذكر ايضا ويكون
انزل ياللي عليك الدور
انزل ويا الدايرة تدور

بين الشجر مشدوده يافطه
بمتر بافته كاشفها النور
فى هذا الشطر بدأت بتأنيث

لأنها عائدة على اليافطه

:blush): سورى المشكله موش هنا
:thinky:
اهأنزلى ياللى عليكى الدور
الخطاب هنا كان للروح ( كنوع من تأثير الجو الروحانى )

انزل ويا الدايرة تدور
أستطراد مادى للجسد ... و الذى يرمز اليه ككائن مادى ( الأب) ... لربط وحدوية القصيده

يوه بقى أو هذا ما حاولت أن يكون عليه جو القصيده كمشهد ذو واقعين مادى و روحى كائنا فى علم الغيب ولا يصلنا منه الا دلالات بشريه ...
و لأن يصل هذا المعنى بأقناع كان لابد من دمج الواقع الروحى الغير ملموس بدلالات عقليه ماديه ...



وتقبلي خالص تحياتي وتقديري



تقبل أنت وافر أحترامى :flowers:

و يا رب أكون وصلت قصدى يوه بقى

[عيون القمر]

تذكره نحن بحاجه اليها جميعا


شكرا اختى فى الله:flowers:

[النيـل]

أنزلى ياللى عليكى الدور
أنزل ويا الدايره و دور
تنط النطه تعدى محطه

اختي جيلي تعبيرك جميل ولكني ارى وفي حدود نظرتي المتواضعة جدا
بجانب كاتبة مثلك... ان الخطاب ليكون كله مؤنث او كله مذكر
ويمكن ان يكون القصور عندي انا ولكن ايضا تعبر عن وجهة نظر خاصة لي
ولا ينقص من قيمة العمل الادبية والفكرية ايضا....
وتقبلي تحياتي وتقديري لشخصك ولكل ما تخطه اناملك

ودومتي لنا ودام لنا قلمك المبدع دائما


اخوك
النيـل:flowers:

[gelly]

كاتب الرسالة الأصلية : ماسة
انا باءة عندي اعتقاد قوي جدا ان الشاعر او الكاتب عموما انسان عبقري جدا لأنة بيقدر يوصل لمشاعرنا اللي جوة اوي اوي و يكتبها بكل ذكاء وسلاسة :tu:
تحياتي ليكي يا جيليو لكل اللي شاركوا في الموضوع الرائع دة :flowers:


:blush):


:blush):


:blush):


ربنا ما يحرمنى منك ابدا :blush):


:cry: أدمعتى عينى و الله برقة ردك :inlove:

و فعلا أكرمك الله أنا بكرر التحيه و العرفان بالجميل لكل من خطت أنا مله العذبه بفيض الأحساس فى موضوع العبده لله


كهــــــــرمانه

أحبك فى الله :pray:


دمتى لنا :flowers:

و دام لنا قلمك :flowers:

[gelly]

كاتب الرسالة الأصلية : عيون القمر
تذكره نحن بحاجه اليها جميعا


شكرا اختى فى الله:flowers:

عيون :flowers::flowers::flowers::flowers::flowers:

[gelly]

كاتب الرسالة الأصلية : النيـل
اختي جيلي تعبيرك جميل ولكني ارى وفي حدود نظرتي المتواضعة جدا
بجانب كاتبة مثلك... ان الخطاب ليكون كله مؤنث او كله مذكر
ويمكن ان يكون القصور عندي انا ولكن ايضا تعبر عن وجهة نظر خاصة لي
ولا ينقص من قيمة العمل الادبية والفكرية ايضا....
وتقبلي تحياتي وتقديري لشخصك ولكل ما تخطه اناملك

ودومتي لنا ودام لنا قلمك المبدع دائما


اخوك
النيـل:flowers:


النيـــــــــل

أولا

تملك أبصارا حادا ووجهه نظر شعريه تعلمت أنا منها و أحترمها ( ما شاء الله :55:)

ثانيا

ما نوهت عنه أنا لم أقل أنه ليس الأكمل و لكن قلت أنى أردتها كذلك لغرض ما فى نفس يعقوب يوه بقى ربما شرقت و غربت و عملت فيها فزلوكه :dry: بس الأكيد أن الأصح منطقيا تأنيث الخطاب ... أو تذكيره يوه بقى

ثالثا

أكرمك الله :pray: و يا رب فعلا أكون عند حسن ظنكم .. يوه بقى

و أن كتبت فليخط قلمى شيئا و لو صغيرا يضيف معنى جديدا ....

دون أعتبار للقلم و لكن للكلمة

هذا ما تعلمته من أقلامكم أدامكم الله :pray:و أدام مداد القلم:pray:

و كل عام و أنتم بخير بمناسبة عيد الأضحى المبارك أعاده الله عليكم بصحة و عافية

[النيـل]

ايه يا بنتي الكلام ده كله:crazyy:
لا انا لسة بتعلم منك ومن الاخوة:انجغة:
ارجوكي حطيني في نصابي العادل:sniff:
وتقبلي تحياتي وخالص تقديري
اخوك
النيـل:flowers:

[الغزال الشارد]

فوق الدولاب
سره الكبير.....
من و إحنا كنا صغيرين
من يوم ما فتّحنا العيون الحيرانين
فوق الدولاب...
صندوق كبير
كان جدو بيشاور عليه
وكان يقول "سر الحياه"
إوعوم ف يوم
تضحك علي قلوبكوا الحياه

أنا فاكره لمّا ف يوم بعيد
كان جدو راجع م الحجاز
وف عتمة الليل الغريب
حواليه قعدنا ملفوفين
شاور علي شنطة سفر
ولماما قال...
في الشنطه دي "سر الحياه"
ليكي و لإخواتك كمان
ولما بكره ييجي يوم
وتزوري فيه قبر الرسول
إياكي تنسي تشتري "سر الحياه"
إياكي تنسي تشتريه لأجل الصغار

وسألت نفسي.....
وإيه يكون سر الحياه؟؟؟
وإوعانا يوم تضحك علي قلوبنا الحياه؟؟؟
ولمحني جدي......
والعيون الشارده مليانه سؤلات؟؟؟
وبصوت حنون....
همس و قال..يا قطتي..
يام العيون الحيرانين؟؟؟
مالك يا غاليه؟؟
ليه عيونك بالدموع مترغرغين؟؟؟
وف حضن جدي رميت أنا مليون سؤال
فوق الدولاب صندوق كبير
مكتوب عليه " سر الحياه"
وجدي كل يوم يقول..
إياكوا يوم تضحك علي قلوبكوا الحياه
طب يعني إيه؟؟؟؟
وهو إيه؟؟؟؟؟
وبقلب صافي..ضحك و قال
زي النهارده هتعرفي...
وبعد عام...يمكن سنين..راح تفهمي

زي النهارده جدو مات
وسط الدموع.....
لمحته بيمد الإيدين
فوق الدولاب...فتح غطا صندوق قديم
وفرد حرير أبيض كبير
حضن الحرير جدي الحبيب
وسمعت خالي بيبكي ويقول الكفن
طلع الكفن سر الحياه
زي النهارده فهمت أنا..
مهما الحياه تضحك علي قلوب الصغار
ما بياخدو منها غير كفن
إياك يا دنيا تغرري بقلبي البرئ

سر الحياه.......
إنك ف يوم راح تندفن
والدنيا مش راح توهبك
إلا الكفن
وإللي عملته ف دنيتك
يوم تلقي ربك...
راح يكون هو الكفن



ما شاء الله........





ما شاء الله عليكي....مليون مره



:tu::tu:

[أبوعرّام]

:)جلى يا جلى كلامك فى قلبى حلى؟
آه يا سمانا
يا معبية أحزان ..
تمطر علينا بكا..
وتفجر البركان..
ساعة الصفا........
مسنود ع الجدران..
اللى يزيل همى ..
صحبة الاخوان...........:hang:

[gelly]

كاتب الرسالة الأصلية : النيـل
ايه يا بنتي الكلام ده كله:crazyy:
لا انا لسة بتعلم منك ومن الاخوة:انجغة:
ارجوكي حطيني في نصابي العادل:sniff:
وتقبلي تحياتي وخالص تقديري
اخوك
النيـل:flowers:


تحياتى أنا لكل قلم فى القهوة :flowers: و أدام الله تجمعنا تحت ظل الله و الأسلام :flowers:

[gelly]

كاتب الرسالة الأصلية : الغزال الشارد

فوق الدولاب
سره الكبير.....
من و إحنا كنا صغيرين
من يوم ما فتّحنا العيون الحيرانين
فوق الدولاب...
صندوق كبير
كان جدو بيشاور عليه
وكان يقول "سر الحياه"
إوعوم ف يوم
تضحك علي قلوبكوا الحياه

أنا فاكره لمّا ف يوم بعيد
كان جدو راجع م الحجاز
وف عتمة الليل الغريب
حواليه قعدنا ملفوفين
شاور علي شنطة سفر
ولماما قال...
في الشنطه دي "سر الحياه"
ليكي و لإخواتك كمان
ولما بكره ييجي يوم
وتزوري فيه قبر الرسول
إياكي تنسي تشتري "سر الحياه"
إياكي تنسي تشتريه لأجل الصغار

وسألت نفسي.....
وإيه يكون سر الحياه؟؟؟
وإوعانا يوم تضحك علي قلوبنا الحياه؟؟؟
ولمحني جدي......
والعيون الشارده مليانه سؤلات؟؟؟
وبصوت حنون....
همس و قال..يا قطتي..
يام العيون الحيرانين؟؟؟
مالك يا غاليه؟؟
ليه عيونك بالدموع مترغرغين؟؟؟
وف حضن جدي رميت أنا مليون سؤال
فوق الدولاب صندوق كبير
مكتوب عليه " سر الحياه"
وجدي كل يوم يقول..
إياكوا يوم تضحك علي قلوبكوا الحياه
طب يعني إيه؟؟؟؟
وهو إيه؟؟؟؟؟
وبقلب صافي..ضحك و قال
زي النهارده هتعرفي...
وبعد عام...يمكن سنين..راح تفهمي

زي النهارده جدو مات
وسط الدموع.....
لمحته بيمد الإيدين
فوق الدولاب...فتح غطا صندوق قديم
وفرد حرير أبيض كبير
حضن الحرير جدي الحبيب
وسمعت خالي بيبكي ويقول الكفن
طلع الكفن سر الحياه
زي النهارده فهمت أنا..
مهما الحياه تضحك علي قلوب الصغار
ما بياخدو منها غير كفن
إياك يا دنيا تغرري بقلبي البرئ

سر الحياه.......
إنك ف يوم راح تندفن
والدنيا مش راح توهبك
إلا الكفن
وإللي عملته ف دنيتك
يوم تلقي ربك...
راح يكون هو الكفن



ما شاء الله........





ما شاء الله عليكي....مليون مره



:tu::tu:




يااااااااه:blink:

طبعا فاكراه:doc:

و فاكرة كلامه و شهد نصايحه:sniff:

فاكرة الحواديت :blush):

و حرامى السور و ست الحسن:انجغة:

و الغوله و الأمير مندور:inlove:

و بعد ده كله

ازاى ياغزال أنسى دا اليوم

قالها فى همسه

و كلام يمكن يومها انا مفهمتوش:confused:

قال ياولاد اوعو :box:

اوعو تنامو دا العمر سعات

قلت يا جدو ازاى ما ننام:huh:

أنتى يا بت

اصحى يا غزال:maaaad:

مش سامعه جدك:shak:

قال ما حدا ينام:zzzz:

و ضحك منى و ضحكو اللولاد:huh::cry:

و خدنى جدو و على رجليه هدهدنى-_-

قالى انا قصدى الغفله

يعنى اللى السكينه سارقاه:dead:

يعنى نامى انتى يا غزال:-"

بس هتصحى بضحكه تنور :D

لما تفكر :thinky:

لما تدبر:thinky:

وبآخر كلمة تقرر:book:

يارب:pray:

أنا على معصيتك ما اقدر-_-

و انا ف الدنيا عمرى ما افكر

الا ف نورك يوم ما اقابلك

راضى عنى

وبأعمالى ف جنتك أطمع

ربى قدرنى

ما اروح انا بذنبى لقبرى:rip:

يعنى يا جدو اصدك ع الموت:dead::dead::dead:

سكت جدى:chains:

كمل يله:انجغة:

سرح جدى:bye:

و سافرت عيونه هناك:bye:

سافرت وراها:bye:

لقيته باصص للسبت

و من قبل ما اسأل

و من قبل ما أوصل للعشرين

و أنا عارفه ان انا مش قاعده كتير:فتكوا بعا

و عندى

و عندك يا غزال

أيوه بصى كويس فوق الدولاب

هتلاقى السبت

و هتفتكرى العمل

و أفتكرى جدك

أفتكرى خالك

أفتكرى أبويا

اللى بأديه فتحت له آخر سبَت:فتكوا بعا

***


غزال و الأبداع .... الأبداع و غزال ....


جووووووووووووووووووووو:tu:وووووووووووووون


:flowers:

[gelly]

كاتب الرسالة الأصلية : أبوعرّام
:)جلى يا جلى كلامك فى قلبى حلى؟
آه يا سمانا
يا معبية أحزان ..
تمطر علينا بكا..
وتفجر البركان..
ساعة الصفا........
مسنود ع الجدران..
اللى يزيل همى ..
صحبة الاخوان...........:hang:

:blush: :blush:

الله يكرمك

مش عارفه ليه فكرتنى بكلمات عزيزة عليا

تقريبا أغنيه

إن كانلك صاحب يتصاحب فى الفرح يقولك يا مراحب و الجرح .....

مش فاكرة بالظبط آخرها

بس فاكرة معناها الجميل

:flowers::flowers::flowers: