هريدي يابووووي
01-23-2004, 02:27 PM
http://www.islamway.com/bindex.php?section=lessons&lesson_id=27682&scholar_id=406
بسم الله الرحمن الرحيم
ان الحمد لله.. نحمده و نستعينه و نستهديه و نستغفره..
و نعوذ بالله من شرور أنفسنا و من سيئات أعمالنا..
من يهده الله فلا مضل له..
و من يضلل.. فلن تجد له وليا مرشدا..
مازلنا مع سيرة الحبيب المصطفى "ص"..
و اتكلمنا في اللقاء الماضي عن الرسالة.. و مكانة الرسالة..
و اتكلمنا عن مرحلة ماقبل بعثة النبي"ص"
و لكن فيه حدث مرينا عليه مرور الكرام .. محتاجين اننا نفصله أكتر لارتباطه بموضوع النهاردة..
النهاردة هانتكلم عن .. الحب الأول..
عن المرأة الأولى في الإسلام..
أمنا .. السيدة خديجة بنت خويلد.. رضي الله عنها..
اتكلمنا في اللقاء الماضي و قلنا ازاي ربنا سبحانه و تعالى اختار الزمان و المكان و الإنسان لهذه الرسالة..
و ازاي هيأ النبي "ص" نفسيا و فكريا و اجتماعيا..
و النهاردة هانتكلم.. عن ازاي ربنا سبحانه و تعالى اختار له رفيقة الدرب.. الزوجة الصالحة ..
زي ماقلنا في اللقاء الماضي..
ان النبي"ص" اشتهر بين الناس بالصدق و الأمانة.. و الحكمة و رجاحة العقل..
دي كانت شهرته.. كشاب.. و كرجل بين رجال مكة..
فكان هو الصادق الأمين بين الرجال..
و ياترى مين أنسب زوجة للصادق الأمين؟
الطاهرة..
ده اللقب اللي لقبت بيه السيدة خديجة من بين نساء مكة..
السيدة خديجة.. النبيلة.. الحكيمة.. سيدة قريش و أشرف النساء في قريش.. الطاهرة..
ترى في محمد "ص" نموذج الرجولة الحقيقية.. نموذج العقل.. و الحكمة.. و الشرف..و التعالي عن السفاسف..
اتقدملها كتير من الطامعين فيها و في ثروتها من كبار رجال مكة.. فتعرض عنهم .. كلهم..
و تسعى.. لمحمد "ص"..
ايه ده؟.. بقى ترفض الأغنياء و الأكابر... و تسعى لمحمد "ص".. الفقير؟
ايوة..
السيدة خديجة .. كانت قمة في الحكمة.. و العقل..
فشافت في محمد "ص" نبل المعدن.. و الأصل..
لأنها جربته في ميدان.. قليل جدا ما حد ينجح فيه..
ميدان التجارة ..
فاكرين لما قلنا المرة اللي فاتت ان الفلوس لما بتدخل بين الناس.. بتبان المعادن على حقيقتها؟..
و ازاي ان النبي"ص" دخل الأسواق و اشتغل فيها و احتك بالناس و بمعاملاتهم المادية.. فدخل طاهر.. و خرج طاهر زي ماهو..لم تلوثه المادة..
السيدة خديجة لمست النقطة دي بشدة لما جربت محمد "ص" في التجارة.. و شافت منه الأمانة.. و مش بس كده..
ممكن الواحد يبقى أمين في التجارة.. بس خايب و ينضحك عليه. و القطة تاكل عشاه زي ما المثل بيقول..
لكنها لمست في النبي "ص" الأمانة.. و كمان المهارة.. و الذكاء..
بقدر ماكان أمين و صادق في معاملاته.. بقدر ماكان ذكي...و ماهر..
و محمد "ص".. شاب. في عز شبابه.. 25 سنة..و بتُعرَض عليه أرملة أكبر منه بـ 15 سنة..
ايه اللي يخليه يرضى بيها؟..
و مش بس كده..
يرضى بيها.. ومايتجوزش عليها.. و بعد ما يتوفاها الله يفضل متحسر علي فراقها لآخر حياته..
يحس ان كل زوجاته ماعوضوهوش عنها.. ماملوش الفراغ اللي سابته في قلبه..
الشاب منا في عز شبابه.. بيحلم بالمانيكان اللي هايتجوزها..
و يقعد يتخيلها بقى.. عاوزها بيضا و شعرها اصفر و عينيها زرق..وملتزمة محجبة..و حافظة القرآن كله..
انا اعرف واحد والله مأجل جوازه عشان بيدور على واحدة ملتزمة و منقبة و حافظة القرآن.. ايه؟. و مش لاقيها؟.. لأ أصله مشترط انها تكون بيضا..
فيعني ربنا ينوله اللي في باله..
اللي اقصده.. ان أي شاب مننا.. حتى كملتزمين.. غالبا ماعندوش استعداد أبدا لتقديم أي تنازلات على الإطلاق في موضوع شريكة حياته و زوجته ده نهائيا.. و بيعلل ده بانه يقولك مانا لازم اعف نفسي..
أما النبي "ص"..
بعد ده كله.. ممكن يتقال عنه انه شهواني؟.. أوبيبحث عن المتعة أو بينظر للمرأة كمتاع؟
اللي يقول كده بعد كل ده.. يبقى مجرد افتراء هزيل جدا..
محمد "ص" .. كان يبحث عن القلب الحنون..
و في نفس الوقت.. بيبحث عن العقل اللي يقدر يشاركه في رحلته و يفهم ايه اللي شاغل باله..
و احنا قلنا قبل كده ازاي انه كان أكتر حاجة شاغلاه.. هي الدين الحق.. البحث عن إجابة..
كان بيدور على السند.. و السكن.. اللي يسكن اليه و يشاركه افكاره و أحاسيسه.. في عالم.. ظهر الفساد فيه في البر و البحر..
فمين يكون السند.. غير خديجة "ر"..
اللي يقرأ السيرة.. يستشف منها ان السيدة خديجة زي ماتكون حست ان محمد "ص" فيه حاجة..
الشخص ده هايكون له شأن.. ربنا بيعده لحاجة..
فاختارت انها تكون الزوجة.. المؤمنة بزوجها.. فعرضت نفسها على محمد "ص" للزواج..
وتزوجها محمد "ص"..
و تمر الأيام..
محمد "ص" عنده دلوقت 40 سنة..
سن النضج..
و بحثه عن الحقيقة.. بيزيد يوم ورا يوم..
فبدأ يبعد..
ينطلق الى الجبال..
يقضي الأيام و الليالي في غار حراء.. يتأمل..يتفكر.. يقلب وجهه في السماء..
اين الطريق؟
و السيدة خديجة.. المؤمنة بزوجها.. ترضى انها ترعاه من بعيد.. لم تعترض.. ولم تتذمر أبدا..
ما أجمل ان الإنسان يحس ان شريكة حياته عندها نفس القضية و الرسالة ..
يوم مايغيب.. هي الزوجة و الأم و ربة البيت..
و يوم مايرجع.. هي الحب و الود والأنس و السكن..
و هي مؤمنة بيه..
حاسة بيه..
و تمر الأيام..
و ينزل الوحي على النبي"ص" بأول سورة "إقرأ"
و يعود النبي"ص" الى السيدة خديجة بيرتعش من الخوف.. " زملوني زملوني"
فتزمله السيدة خديجة..
و يقبل عليها يحكيلها.. أول شخص يحكيله النبي"ص" عن التجربة الرهيبة دي.. هي زوجته..
...:يا خديجة ((لقد خشيت على نفسي))..
و تشوف موقف السيدة خديجة .. اللي يهزك من جواك..
(( كلا واللّه لا يخزيك اللّه أبداً إنك لتصل الرحم وتقري الضيف وتحمل الكلّ وتكسب المعدوم وتعين على نوائب الحق ))
ياااااه..
ايه اليقين ده..
تخيل..
واحدة.. زوجها يقعد فترة بيعتكف برة البيت أيام و ليالي.. و تصبر..
انما ييجي بعد كده يقولها انا جالي ملك في الغار و نزل عليا وحي من الله..
لأ كده كتير قوي يعني..
انما السيدة خديجة ماشكتش لحظة..
مش باقولك.. ربنا اختارها تكون هي السكن للرسول "ص"..
و مش بس تكتفي بالكلام اللي ينزل كالبرد على قلب النبي"ص" يهديه و يطيب خاطره..
لأ.. دي تاخد موقف عملي.. تتحرك فورا.. تبحث عن أهل العلم.. عشان تتأكد منهم..
و تذهب السيدة خديجة بالنبي"ص" الى ابن عمها "ورقة ابن نوفل"
شيخ كبير. كفيف..لكنه كان تنصر في الجاهلية و كتب الكتاب العبراني و درسه..
فقالت : "يابن عم.. اسمع من ابن أخيك"..
فقال له ورقة : "يابن أخي.. ماذا ترى؟"
فحكاله النبي "ص" على اللي حصل..
فقال ورقة : ((هذا الناموس الذي كان ينزل على موسى. يا ليتني فيها جذعاً - أي ليتني كنت شابّاً- ليتني أكون حيّاً إذ يخرجك قومك))
فقال "ص" مدهوشاً: ((أوَ مخرجيَّ هم))؟!
معقولة؟..
فاكرين كل الكلام اللي قلناه.. الصادق الأمين.. الحكيم.. المحبوب بين الناس.. اللي الناس فرحوا بيه يوم ما حكم بينهم في موضوع حمل الحجر الأسود..
معقولة نفس الناس دول.. يطردوا نفس الشخص ده من بلده؟؟ طب ليه؟
فقال ورقة: ((نعم. لم يأتِ أحد. بمثل ما جئت به إلا عودي. وإن يدركني يومك أنصرك نصراً مؤزراً))
لكن ورقة..مات بعدها بفترة بسيطة..
و كأن ربنا سبحانه و تعالى مد في عمره عشان يقول الكلمتين دول للنبي "ص"..
"لم يأتِ أحد. بمثل ما جئت به إلا عودي"..
دي سنة الحياة يا محمد"ص"..
الناس اتعودت تقدس فكر الآباء و الأجداد.. بخيره و شره..
صعب جدا انك تيجي في لحظة تقولهم سيبكم من كل اللي فات ده.. كل ده غلط..
صعب انك تيجي على التراث و التاريخ ده كله و عاوز تمسحه بأستيكة.. و الناس يتقبلوا منك ده ببساطة..
سنة.. في كل عصر.. و كل أوان..
حتى دلوقت..
في أيامنا دي.. بتسمعها كتير..
لما تيجي تنصح حد.. أو تدعو حد.. ببساطة بيقولك.. أو لو كان مؤدب بيقولها في نفسه و مايبينهاش..
"يعني معقولة انت اللي صح والناس كلها غلط؟؟؟"
زي القصور الذاتي في الطبيعة.. الجسم المتحرك يقاوم السكون.. و الجسم الساكن يقاوم الحركة..
شيل "الجسم".. و حط مكانها "الفكر".. أو "المجتمع"..هايديك نفس النتيجة..
المجتمع اللي اتعود على السكون.. خلاص تراث الآباء و الأجداد غير قابل للتشكيك.. و الدنيا و التاريخ وقفوا لغاية كده..بيقاوموا التغيير سواء كان التغيير ده للأفضل أو الأسوأ..
و فهم النبي"ص" القانون ده من أول لحظة..
فهم ان الموضوع مش بسيط أبدا..
خصوصا انه مش مطلوب منه يغير فكر أهل مكة بس..
ده مطلوب منه تغيير أفكار البشرية كلها..
عشان كده أول ما كلف النبي "ص" بالدعوة زي ماهانشوف ان شاء الله في لقائنا القادم..
بقى لا يكل ولا يمل.. شعلة نشاط في مجال الدعوة..
و في نفس الوقت لأنه فهم القانون ده.. كان بيصعب عليه الناس..
يشفق عليهم.. يعذر جهلهم ((فإنهم لا يعلمون)).
هايموت نفسه في الدعوة عشان الناس تشوف اللي هو شايفه..
عشان ينقذ الناس دول من النار..
بيدعو الناس في كل مكان و في كل وقت..
ده همه..
(فَلَعَلَّكَ باخِعٌ نَفْسَكَ عَلَى آثارِهِمْ إِنْ لَمْ يُؤْمِنُوا بِهَذا الْحَدِيثِ أَسَفاً) الكهف 18/6.
*****************************
دي قصة بداية الوحي باختصار..
وتعالوا سوا نشوف نطلع منها بإيه..
1- أول حاجة..
اللي نفسه ان ربنا يستخدمه.. و يخليه من الدالين على طريق الله..
لو فعلا نيتك خالصة لله.. لازم تكيف حياتك كلها على كده..
لازم توفر لنفسك الظروف اللي تعينك على الطريق.. لأن زي ماقلنا.. الطريق مش مفروش بالورود..
و أول حاجة تدور عليها في طريقك.. الزوجة الصالحة..
و أول حاجة تدوري عليها في طريقك.. الزوج الصالح..
شفت وقفة السيدة خديجة مع النبي "ص"؟؟؟
و شفت طبيعة العلاقة بين النبي"ص" و أمنا السيدة خديجة؟؟
ايه رأيك.. و ايه رأيِك يكون بيتكم بالشكل ده؟ و تكون دي طبيعة العلاقة بين الزوج و الزوجة..
زوجة هي السكن لزوجها.. تعينه على طاعة الله.. و تعينه على الدعوة الى الله..
و زوج يعين زوجته على طاعة الله.. و يعينها على الدعوة الى الله.. و على تربية الجيل اللي ياخد بأسباب النصر.. فيمكنه الله سبحانه و تعالى في الأرض..
ايه رأيك.. و ايه رأيِك تكونوا آدم و حواء جيل النصر؟..
كلنا بنشتكي من حال الأمة و من الجفوة اللي بين الناس و بين الله..
ما آنش الأوان نتحرك و نعمل حاجة بدل الشكوى؟..
و هو فيه عمل أعظم من انك تبدأ بنفسك و ببيتك ..و إنك تبدأي بنفسك و ببيتك.. و تكونوا من الأوائل
ماهم يا ترى اللي بياخدوا النية دي قد ايه في الأمة دلوقت؟.. قليلين..
تخيل كده يوم القيامة...
واحد.. في ايده زوجته.. و في ايديهم أولادهم..و يا سلام بقى لو فيه كمان أولاد أولادهم و ربنا بارك فيهم و نشأوا في طاعة الله وبقوا امتداد لرسالة آدم و حواء أمة النصر..
تخيلهم كده يوم الفزع الأكبر.. جايين ماسكين في ايدين بعض.. و قد أمنهم الله من الفزع..
ماهما عاشوا حياتهم كلها لله..
تخيلهم كده بين يدي الله سبحانه وتعالى..
يا رب.. احنا كنا من الأوائل.. اللي اتحركوا و قالوا لازم نبني المجتمع اللي تحبه.. و يحبك.. و اللي اشتقنا نشوفه..
و يا بختكم. يا بختِك لو لسة ما اتجوزتش و بتسعى في جواز.. تلحق تاخد النية دي من دلوقت و تدور على الأساس ده.. هايسهلك كتير انك تبدأ على أساس صح..
2- تاني حاجة..
دور المرأة و رسالتها في الحياة..
و يمكن أنا أجلت الكلام عن أمنا السيدة خديجة للنقطة دي..
هدية لكل أخت في الله..
شوفي المرأة لما يبقى لها رسالة مؤمنة بيها ممكن تعمل ايه.. و ممكن ربنا يكرمها ازاي..
شوفي السيدة خديجة.. خير نساء الأرض..
النبي "ص" يقول :
" خير نسائها مريم بنت عمران، وخير نسائها خديجة بنت خويلد".
وأشار إلى السماء والارض.
شفنا سوا موقفها و تثبيتها للنبي "ص"..
أول من آمن بالنبي"ص" من البشر..
و أول مصلية في الإسلام..
و هي الوزيرة الأولى للنبي"ص"..
فكان النبي "ص" يلقى ما يلقى في الدعوة.. من شتم و سب و ايذاء و تكذيب..
و لما يرجع البيت.. هي اللي تثبته.. و تهون عليه.. و تخفف عنه..
يشكيلها همومه.. يفضفضلها..
و هي على موقفها.. " كلا واللّه لا يخزيك اللّه أبداً"عاشت عمرها كله للنبي"ص"..
وهبت حياتها .. و مالها "وواستنى بمالها إذ حرمنى الناس " .. و نفسها.. للنبي"ص"..
احنا بنتكلم عن خير نساء الأرض... زوجة سيد ولد آدم..
اللي يبحث في كتب السيرة في المرحلة دي من حياة النبي "ص" مع السيدة خديجة..
يلاحظ حاجة غريبة جدا..
السيدة خديجة بعد نزول الوحي و بعد موقفها مع النبي "ص" و تثبيتها له..
يمكن تقريبا بتختفي أخبارها من السيرة..
مابنسمعش عنها غير تلميح.. الى أن نجد خبر وفاتها في عام الحزن..
الواحد كان نفسه الحقيقة يلاقي تفاصيل أكتر عن بيت النبوة.. و بيت السيدة خديجة كان شكله ايه بعد بعثة النبي "ص"..
و لكن.. مافيش حاجة..
اللي يدور في أكثر كتب السيرة تفصيلا.. و في كتب الحديث.. مايلاقيش اكتر من اللي ذكر ده..
ليه يا ترى؟..
قبل البعثة.. السيدة خديجة كانت نجمة بين نساء المجتمع.. و قبل زواجها بالنبي"ص" كانت مطمح آمال الرجال في النساء..
و بعد البعثة.. تختفي أخبارها تماما...
عارفين ليه؟..
السيدة خديجة انقطعت عن أهل الأرض بعد البعثة..
تفرغت لحبيبها النبي"ص" تعينه.. و تشد أزره.. تكون بلسم جراحه..
اذا كان النبي"ص" زي ماقلنا كان شعلة نشاط في دعوته.. ياترى تتوقع ايه من خير نساء الأرض؟.. لازم تكون على نفس المستوى..
عاشت حياتها للدعوة..
لآخر لحظة من حياتها صابرة.. مصابرة..
عاشت أحلك و أسود أيام مرت بيها الدعوة..
عاشت سنين الحصار المرعب في شعب بني هاشم..
سابت الدنيا كلها عشان رسالتها..
"و عجلت اليك ربي لترضى"..
فكانت هي الفائزة الأولى..
زي ماكانت الحب الأول.. و المؤمنة الأولى.. و المصلية الأولى.. و الوزيرة الأولى..
في بداية الدعوة هاتلاقينا بنتكلم كتير عن الأوائل..
كانت أول من بشر بالجنة من نساء المؤمنين.
يرسل الله سبحانه و تعالى جبريل الى النبي "ص" محمل بالسلام و البشرى للسيدة خديجة..
فكانت أول من بشر بالجنة من المؤمنين في حياته..
و مش عارف..
ياترى هل بشرت أمنا السيدة خديجة.. ان بنتها السيدة فاطمة و ثمرة بيت النبوة.. هي سيدة نساء أهل الجنه؟
و يتوفاها الله.. هي و ابو طالب في نفس السنة..
كان لوفاتها أثر شديد جدا على النبي "ص"..
حتى ان المسلمين سموه بـ "عام الحزن"..
عام كامل.. مش اسبوع حزن.. ولا حتى شهر حزن..
و لم تنتهي الذكرى بعد عام الحزن..
فضلت ذكرى مع النبي "ص" لآخر لحظة من عمره..
" إنى لأحب حبيبها"
الذكرى اللي تفيض لها دموع النبي "ص"..
في غزوة بدر.. أسر المسلمون زوج بنت النبي "ص".. "السيدة زينب"..
كان لسة ما أسلمش.. و ماكانش الإسلام لسة حرم زواج المسلمة من غير المسلم..
فأرسلت السيدة زينب بالمال تفتدي به زوجها..
و كان من ضمن ما أرسلت.. قلادة..
و شافها النبي "ص"..
فأخدها.. و ضمها الى صدره..
حضنها و بكى..
قلادة الحبيبة..خديجة..
و انا متخيل النبي "ص" و هو حاضن القلادة.. و الذكريات بتمر قدام عينيه..
تذكر "كلا والله لا يخزيك الله أبدا"
تذكر الحب الأول.. و أم المؤمنين الأولى..
تذكر 25 سنة.. مع السيدة خديجة رضي الله عنها..
فاستأذن الصحابة انه يرجعها لبنته..و طلب من زوجها انه يبلغها.. انها ماتفرطش أبدا.. في قلادة خديجة..
ياترى.. مين نفسها تكون رفيقة السيدة خديجة في الجنة؟..
3- تالت حاجة
النبي "ص" قبل البعثة.. لما شُغِل بالبحث عن الدين الحق.. عمل ايه؟..
بِعِد شوية عن الناس..
كل واحد فينا محتاج يبعد شوية عن الناس..
لحظات ياخد فيها خطوة لورا.. بعيد عن الزحمة..
ماهو لما هانقضي حياتنا كلها مع الناس... امتى نقعد مع ربنا شوية؟..
هو اللي بيحب حد.. مش يحب يختلي بيه شوية؟..
محتاجين نختلي بالله لحظات بسيطة.. بس المهم انها تكون موجودة..
و لو 10 دقايق كل يوم..
تراجع نفسك.. تحاسب نفسك..
تشوف ترمومتر ايمانك أخباره ايه؟
الإيمان.. يزيد.. و ينقص..
ماعندوش تفاهم..
لو مابيزيدش.. اعرف انه بينقص..
ماهياش دعوة لاعتزال الناس..
النبي"ص" ما اعتزلش الناس..
و مارجعش لغار حراء تاني بعد ما كلف بالرسالة..
لأنه خلاص.. وصله الجواب.. بقى بيختلي بالله في الليل.. و في النهار..شعلة نشاط..
و لكنها دعوة لمحاسبة النفس..
ماتهونش من قدر الدقايق البسيطة دي..
صدقني بتفرق كتيير.. مع اللي عاوز فعلا يقرب من ربنا .. و يتغير..
المثل بيقولك.. تعرف فلان.. ايوة اعرفه..
عاشرته؟.. لأ..
يبقى ماتعرفوش..
ياترى.. انت تعرف نفسك؟؟
عاشرتها؟؟
ازاي؟
ماهو انت تقعد مع نفسك شوية و تحاسب نفسك.. عشان تعرفها.. تبقى مراية نفسك..
و من عرف نفسه.. فقد عرف الله
4- رابع حاجة..
الصبر على الناس.. و الترفق بيهم..
النبي عليه الصلاة و السلام كان بيشفق على الناس.. بالرغم من انهم مش مسلمين..
بيشفق عليهم عشان مش شايفين اللي هو شايفة..
ده غير المسلم..
فما بالك بالمسلم العاصي..
الفرق بين المسلم الملتزم و المسلم العاصي هو الرؤية..
ده شايف .. و ده مش شايف..
واحد شايف بنور التقوى.. مشغل الكشافات بتاعت الشبورة..
و التاني مش مركب كشافات أساسا...
دورنا كمسلمين تجاه بعضنا و تجاه الناس هو اننا ناخد بايديهم.. مش نحاسبهم.. احنا مش وكلاء نيابة..
فيه ناس كتير بتنظر للعاصي نظرة اشمئزاز..
بيكرهه..
طب و هو ينفع حد يدعو حد بيكرهه ؟.. ازاي هايأثر فيه و هو مش طايقه أساسا..
نقطة دقيقة جدا..
العاصي.. ماتكرهوش لشخصه.. و لكن تكره معصيته..
ازاي..
مثال..
انت لو شايف واحد كفيف ماشي في الشارع.. ياترى احساسك تجاهه ايه؟
لو جه قالك يابني خد بايدي عديني الشارع.. يبقى احساسك تجاهه ايه؟
لو زقيته و بعدته.. ايه ده.. ايه العالم اللي طالقينها على البشر دول.. و سبته و مشيت..
معقولة؟؟.. هاتعمل كده؟؟
لأ.. الإنسان السوي على الأقل.. هايصعب عليه..و ياخد بايده و يساعده...
و الإنسان الملتزم هاياخد نية لله و ياخد أجر السعي في حاجة لأخ مسلم..
طيب الشخص الكفيف ده.. بتكرهه عشان كفيف؟؟
والا الشخص نفسه بيصعب عليك و بتتمنى تساعده و تكسب أجره.. لكن بتكره المرض اللي فيه..
اهو ده حال العاصي بالظبط..
زي ماقلنا الفرق بين الملتزم و العاصي.. واحد مشغل الكشافات.. والتاني ماعندوش كشافات اساسا..
يبقى اللي كره العاصي لشخصه.. و يبعد عنه.. عمل بالظبط زي أخينا اللي مارضاش يساعد الشخص الكفيف..
و اللي يحاول انه يؤلف قلبه.. و يدور على نقط الخير اللي فيه و يخاطبها و يحاول يصلح من حاله و ياخد بايده.. عمل زي أخينا التاني.. اللي أخد بايد الكفيف و عداه الشارع..
فيه ناس مابتبقاش شايفة الفرق البسيط ده.. فبتنفر الناس أساسا..
طب و هو لما ننفر العصاة.. امال هاندعو مين ان شاء الله؟
عامل زي صاحب المحل اللي بيطفش الزباين بتوعه:)
5- آخر حاجة..
إقرأ..
النبي "ص" في الغار..
لوحده..
بيتأمل و يتفكر في خلق الله..
و يتفاجئ بزائر غريب يقطع عليه خلوته..
لأ و يطلب منه طلب أغرب.. "إقرأ"...
اقرأ ازاي؟..
ما أنا بقارئ!!!!
و الزائر الغريب يحضنه و يضغط عليه بشدة.. حتى ان النبي"ص" يقول : "ظننت أنه الموت".. خلاص كانت روحي هاتطلع من كتر الضغط..
و يكرر الطلب الغريب 3 مرات.. "إقرأ.."..
و النبي "ص" بيعاني..
ازاي يقرأ؟؟؟
ازاي يقرأ و هو أمي
و يقرا ايه؟.. و ليه أساسا؟؟؟
العرب ماكانوش بيهتموا بالقراءة عموما و لم يكونوا يقيمون لها وزناً..
عشان كده محمد "ص" ما اتعلمش القراءة..
و النبي"ص" لسة بيتسائل..
ماذا أقرا؟..
و ليه؟
ايه علاقة القراءة بالشرك و الظلم و الفساد الذي ظهر في البر و البحر؟؟؟
هل القراءة هي الحل؟؟
هل الدين اللي كان بيدور عليه محمد "ص" مفتاحه هو القراءة؟؟؟ اللي العرب أهملوها اساسا؟
و ايه العلاقة بين القراءة.. و الدين.. و الحضارة؟؟
اصل العرب.. النفوس الخام الصافية.. و العقول الخام الصافية.. الطاقة المهدرة دي..
اللي هايشغلها و يخليهم يبقوا هما منارات الهدى في العالم هو "إقرأ"..
إقرأ.. و ربك الأكرم..
شوف في الآية.. ربنا سبحانه و تعالى يقرن القراءة.. بكرمه..
قانون..
بقدر ماتقرأ .. بقدر ماتنال من الكرامة..
فرداً و مجتمعاً
و العكس صحيح..
إهمال القراءة في آيات الله في الكتاب و في الآفاق و في الأنفس هو موطن الداء في تخلف الأمم..
هل عرفت أيها الحبيب المصطفى سرّ المشكلة الآن؟!
البداية كانت بـ "إقرأ".. مش بـ "اسجد" أو "اركع"..
لأن ده المفتاح..
اقرأ و ربك الأكرم..
لو جينا نشوف العالم جغرافيا و تاريخيا.. هاتلاقي القانون واضح..
1-اليونان كانوا أكثر الناس قراءة و كتابة أيام حضارتهم..عشان كده الى الآن.. لا يزال نتاج فلاسفتهم و شعرائهم و حكامهم يشهد على انهم كانوا الأكثر قراءة و انتاجاً في عالمهم.. فأكرمهم الله بأن سيطروا على أكبر رقعة في العالم.. من الهند الى مصر في زمن الإسكندر.. اللي كان تلميذ أرسطو..
2-و جه من بعدهم المسلمين.. معجزة الإنسان.. اللي بدأت بكلمة.. إقرأ..
إلى الآن المؤرخين بيتعجبوا من السرعة العجيبة اللي المسلمين ملكوا بيها العالم.. بالعلم و الإيمان..
لأنهم فهموا يعني ايه "اقرأ باسم ربك الذي خلق".. فطلبوا العلم في كل مكان.. و من كل مصدر..
قرأوا.. باسم الله.. فأكرمهم الله بأن ملكوا الدنيا.. و ملكوا العلم..
3-و في عصرنا ده..لو بصينا ع الخريطة.. هانلاقي ان اكثر الأمم تقدما.. هي أكثرها قراءة.. و ده بناءا على الإحصائيات اللي بتعد المؤلفين و الكتب و الجرايد و المجلات و كم المطبوعات ..
حتى ان "توينبي" يقرر ان أساس تصنيف البلدان في العالم الى دول متخلفة أو نامية أو متقدمة هو نسبة القراءة في هذه البلاد..
4-و في عصرنا ده نموذج واضح جدا.. اليابان..العملاق القزم..
الأمية محيت تماما في اليابان في القرن الـ 19.. يعني من أكتر من 100 سنة..
و ارتفعت نسبة تعليم الفتيات الى 95%..
و مؤسسات النشر في اليابان بتطبع سنويا حوالي 35 الف عنوان جديد من مؤلفات و كتب..و شوف بقى من كل كتاب من الـ 35 الف دول بينطبع كم نسخة..
و ده تقريبا قد اللي بينطبع في أمريكا 4 مرات..
ايه وضع اليابان في العالم؟؟
ثاني أعظم قوة صناعية في العالم....
إقرأ.. و ربك الأكرم..
ايه ده؟.. طب ازاي و هما مش مسلمين؟؟
المسألة مش مسألة مسلمين و غير مسلمين..
ربنا خلق الدنيا بقوانين و سنن ثابته.. اللي يكتشفها و يطبقها.. يوصل للنتيجة بتاعتها..
زي مافيه قوانين ثابته في الفيزيا و الرياضيات..
فيه قوانين ثابتة في الحياة..
و العجيب.. القوانين دي موجودة في القرآن.. و ادي احنا بنتكلم على قانون منهم.. إقرأ و ربك الأكرم..
موجودة بين ايدينا.. بس احنا مابنقراش اساسا..
و خلي بالك انا قصدي قراءة الفهم و الإستيعاب و العمل.. مش قراية الجرايد..
قانون.. زيه زي قوانين كتير اكتشفها غيرنا و اتعلموها و طبقوها..
قانون الله..
(ليس بأمانيكم ولا أماني أهل الكتاب . من يعمل سوءا يجز به ) (النساء /123)
و من يتبع سنة الله .. ينل وعد الله..
( كلاً نمد هؤلاء وهؤلاء من عطاء ربك وما كان عطاء ربك محظوراً ) (الإسراء /20) .
و أضيف على الكلام ده..
إقرأ.. و انتقي..
يعني المسألة مش مسألة كم بس..
يا فرحتي بأمة أغلب شبابها مابيقراش غير روايات الجيب..
أخ لي.. بيقول لي مرة.. انا الكتاب الوحيد اللي باقراه من الجلدة للجلدة.. هو روايات الجيب..
قلتله طبيعي.. ماهو اساسا مابين الجلدتين "هوا" فطبيعي تقراه من الجلدة للجلدة لأنك بتقرا هوا..
قال لي ازاي.. لأ طبعا..
قلتله طب بسيطة.. البينة على من ادعى.. قول لي فايدة واحدة استفدتها من آخر (كتاب) قريته..
هرش في راسه.. و فكر شوية.. و لم يجب الى الآن..
طبعا كلامي مش اعتراض على نوعية اكتب دي..
الإعتراض على اننا مانكونش بنقرا غير الكتب دي بس..
لأن ده معناه اننا ماطبقناش القانون.. لأننا بنقرا للمتعة.. لتضييع الوقت..
انما القانون بيقول ايه؟
"إقرأ.. باسم ربك الذي خلق"... يعني تعلم العلم لله..
النبي "ص" أدرك هذا..
أدرك ان الدين ده.. الدين اللي فيه خلاص العالم.. مفتاحه "القراءة"
القراءة بمعناها الواسع.. القراءة الواعية لآيات الله المكتوبة و المنظورة في الأنفس و في الآفاق
آيات الواقع.. نتأمل التاريخ.. نرى الأسباب.. و العواقب.. في ضوء منهج الإسلام..
و لكننا للأسف ضيعنا المفتاح ده..
احنا اقل ناس بتقرأ في العالم..
و إن قرانا.. نقرأ مالا يسمن ولا يغني من جوع..
اذا كان الأكل غذاء الجسد..
فالقراءة غذاء العقل..
للأسف نحن لا نغذي عقولنا الا بالـ junk food..
و مازلنا نتسائل..ليه احنا في آخر الدنيا؟.. لا نُسأل.. ولا نُستشار في أي أمر من أمور العالم.. ولا حتى في أمورنا احنا..
بل نؤكل.. و يُلعب بنا.. من قبل الأمم التي قرأت أكثر منا..
الأمم التي غلبتنا بـ "حتى يغيروا ما بأنفسهم".. لأنهم اكشفوها.. لأنهم يقرأون..
الأمم اللي غلبتنا بـ" قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ" (العنكبوت 20)هذه الآيات و القوانين الإلهية..
هل نزلت لهم.. أم لنا؟
فيا أمة إقرأ..أما آن الأوان ..أن نرجع لـ "إقرأ" (أَلَمْ يَأنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَما نَزَلَ مِنَ الْحَقِّ) الحد يد: 16
بسم الله الرحمن الرحيم
ان الحمد لله.. نحمده و نستعينه و نستهديه و نستغفره..
و نعوذ بالله من شرور أنفسنا و من سيئات أعمالنا..
من يهده الله فلا مضل له..
و من يضلل.. فلن تجد له وليا مرشدا..
مازلنا مع سيرة الحبيب المصطفى "ص"..
و اتكلمنا في اللقاء الماضي عن الرسالة.. و مكانة الرسالة..
و اتكلمنا عن مرحلة ماقبل بعثة النبي"ص"
و لكن فيه حدث مرينا عليه مرور الكرام .. محتاجين اننا نفصله أكتر لارتباطه بموضوع النهاردة..
النهاردة هانتكلم عن .. الحب الأول..
عن المرأة الأولى في الإسلام..
أمنا .. السيدة خديجة بنت خويلد.. رضي الله عنها..
اتكلمنا في اللقاء الماضي و قلنا ازاي ربنا سبحانه و تعالى اختار الزمان و المكان و الإنسان لهذه الرسالة..
و ازاي هيأ النبي "ص" نفسيا و فكريا و اجتماعيا..
و النهاردة هانتكلم.. عن ازاي ربنا سبحانه و تعالى اختار له رفيقة الدرب.. الزوجة الصالحة ..
زي ماقلنا في اللقاء الماضي..
ان النبي"ص" اشتهر بين الناس بالصدق و الأمانة.. و الحكمة و رجاحة العقل..
دي كانت شهرته.. كشاب.. و كرجل بين رجال مكة..
فكان هو الصادق الأمين بين الرجال..
و ياترى مين أنسب زوجة للصادق الأمين؟
الطاهرة..
ده اللقب اللي لقبت بيه السيدة خديجة من بين نساء مكة..
السيدة خديجة.. النبيلة.. الحكيمة.. سيدة قريش و أشرف النساء في قريش.. الطاهرة..
ترى في محمد "ص" نموذج الرجولة الحقيقية.. نموذج العقل.. و الحكمة.. و الشرف..و التعالي عن السفاسف..
اتقدملها كتير من الطامعين فيها و في ثروتها من كبار رجال مكة.. فتعرض عنهم .. كلهم..
و تسعى.. لمحمد "ص"..
ايه ده؟.. بقى ترفض الأغنياء و الأكابر... و تسعى لمحمد "ص".. الفقير؟
ايوة..
السيدة خديجة .. كانت قمة في الحكمة.. و العقل..
فشافت في محمد "ص" نبل المعدن.. و الأصل..
لأنها جربته في ميدان.. قليل جدا ما حد ينجح فيه..
ميدان التجارة ..
فاكرين لما قلنا المرة اللي فاتت ان الفلوس لما بتدخل بين الناس.. بتبان المعادن على حقيقتها؟..
و ازاي ان النبي"ص" دخل الأسواق و اشتغل فيها و احتك بالناس و بمعاملاتهم المادية.. فدخل طاهر.. و خرج طاهر زي ماهو..لم تلوثه المادة..
السيدة خديجة لمست النقطة دي بشدة لما جربت محمد "ص" في التجارة.. و شافت منه الأمانة.. و مش بس كده..
ممكن الواحد يبقى أمين في التجارة.. بس خايب و ينضحك عليه. و القطة تاكل عشاه زي ما المثل بيقول..
لكنها لمست في النبي "ص" الأمانة.. و كمان المهارة.. و الذكاء..
بقدر ماكان أمين و صادق في معاملاته.. بقدر ماكان ذكي...و ماهر..
و محمد "ص".. شاب. في عز شبابه.. 25 سنة..و بتُعرَض عليه أرملة أكبر منه بـ 15 سنة..
ايه اللي يخليه يرضى بيها؟..
و مش بس كده..
يرضى بيها.. ومايتجوزش عليها.. و بعد ما يتوفاها الله يفضل متحسر علي فراقها لآخر حياته..
يحس ان كل زوجاته ماعوضوهوش عنها.. ماملوش الفراغ اللي سابته في قلبه..
الشاب منا في عز شبابه.. بيحلم بالمانيكان اللي هايتجوزها..
و يقعد يتخيلها بقى.. عاوزها بيضا و شعرها اصفر و عينيها زرق..وملتزمة محجبة..و حافظة القرآن كله..
انا اعرف واحد والله مأجل جوازه عشان بيدور على واحدة ملتزمة و منقبة و حافظة القرآن.. ايه؟. و مش لاقيها؟.. لأ أصله مشترط انها تكون بيضا..
فيعني ربنا ينوله اللي في باله..
اللي اقصده.. ان أي شاب مننا.. حتى كملتزمين.. غالبا ماعندوش استعداد أبدا لتقديم أي تنازلات على الإطلاق في موضوع شريكة حياته و زوجته ده نهائيا.. و بيعلل ده بانه يقولك مانا لازم اعف نفسي..
أما النبي "ص"..
بعد ده كله.. ممكن يتقال عنه انه شهواني؟.. أوبيبحث عن المتعة أو بينظر للمرأة كمتاع؟
اللي يقول كده بعد كل ده.. يبقى مجرد افتراء هزيل جدا..
محمد "ص" .. كان يبحث عن القلب الحنون..
و في نفس الوقت.. بيبحث عن العقل اللي يقدر يشاركه في رحلته و يفهم ايه اللي شاغل باله..
و احنا قلنا قبل كده ازاي انه كان أكتر حاجة شاغلاه.. هي الدين الحق.. البحث عن إجابة..
كان بيدور على السند.. و السكن.. اللي يسكن اليه و يشاركه افكاره و أحاسيسه.. في عالم.. ظهر الفساد فيه في البر و البحر..
فمين يكون السند.. غير خديجة "ر"..
اللي يقرأ السيرة.. يستشف منها ان السيدة خديجة زي ماتكون حست ان محمد "ص" فيه حاجة..
الشخص ده هايكون له شأن.. ربنا بيعده لحاجة..
فاختارت انها تكون الزوجة.. المؤمنة بزوجها.. فعرضت نفسها على محمد "ص" للزواج..
وتزوجها محمد "ص"..
و تمر الأيام..
محمد "ص" عنده دلوقت 40 سنة..
سن النضج..
و بحثه عن الحقيقة.. بيزيد يوم ورا يوم..
فبدأ يبعد..
ينطلق الى الجبال..
يقضي الأيام و الليالي في غار حراء.. يتأمل..يتفكر.. يقلب وجهه في السماء..
اين الطريق؟
و السيدة خديجة.. المؤمنة بزوجها.. ترضى انها ترعاه من بعيد.. لم تعترض.. ولم تتذمر أبدا..
ما أجمل ان الإنسان يحس ان شريكة حياته عندها نفس القضية و الرسالة ..
يوم مايغيب.. هي الزوجة و الأم و ربة البيت..
و يوم مايرجع.. هي الحب و الود والأنس و السكن..
و هي مؤمنة بيه..
حاسة بيه..
و تمر الأيام..
و ينزل الوحي على النبي"ص" بأول سورة "إقرأ"
و يعود النبي"ص" الى السيدة خديجة بيرتعش من الخوف.. " زملوني زملوني"
فتزمله السيدة خديجة..
و يقبل عليها يحكيلها.. أول شخص يحكيله النبي"ص" عن التجربة الرهيبة دي.. هي زوجته..
...:يا خديجة ((لقد خشيت على نفسي))..
و تشوف موقف السيدة خديجة .. اللي يهزك من جواك..
(( كلا واللّه لا يخزيك اللّه أبداً إنك لتصل الرحم وتقري الضيف وتحمل الكلّ وتكسب المعدوم وتعين على نوائب الحق ))
ياااااه..
ايه اليقين ده..
تخيل..
واحدة.. زوجها يقعد فترة بيعتكف برة البيت أيام و ليالي.. و تصبر..
انما ييجي بعد كده يقولها انا جالي ملك في الغار و نزل عليا وحي من الله..
لأ كده كتير قوي يعني..
انما السيدة خديجة ماشكتش لحظة..
مش باقولك.. ربنا اختارها تكون هي السكن للرسول "ص"..
و مش بس تكتفي بالكلام اللي ينزل كالبرد على قلب النبي"ص" يهديه و يطيب خاطره..
لأ.. دي تاخد موقف عملي.. تتحرك فورا.. تبحث عن أهل العلم.. عشان تتأكد منهم..
و تذهب السيدة خديجة بالنبي"ص" الى ابن عمها "ورقة ابن نوفل"
شيخ كبير. كفيف..لكنه كان تنصر في الجاهلية و كتب الكتاب العبراني و درسه..
فقالت : "يابن عم.. اسمع من ابن أخيك"..
فقال له ورقة : "يابن أخي.. ماذا ترى؟"
فحكاله النبي "ص" على اللي حصل..
فقال ورقة : ((هذا الناموس الذي كان ينزل على موسى. يا ليتني فيها جذعاً - أي ليتني كنت شابّاً- ليتني أكون حيّاً إذ يخرجك قومك))
فقال "ص" مدهوشاً: ((أوَ مخرجيَّ هم))؟!
معقولة؟..
فاكرين كل الكلام اللي قلناه.. الصادق الأمين.. الحكيم.. المحبوب بين الناس.. اللي الناس فرحوا بيه يوم ما حكم بينهم في موضوع حمل الحجر الأسود..
معقولة نفس الناس دول.. يطردوا نفس الشخص ده من بلده؟؟ طب ليه؟
فقال ورقة: ((نعم. لم يأتِ أحد. بمثل ما جئت به إلا عودي. وإن يدركني يومك أنصرك نصراً مؤزراً))
لكن ورقة..مات بعدها بفترة بسيطة..
و كأن ربنا سبحانه و تعالى مد في عمره عشان يقول الكلمتين دول للنبي "ص"..
"لم يأتِ أحد. بمثل ما جئت به إلا عودي"..
دي سنة الحياة يا محمد"ص"..
الناس اتعودت تقدس فكر الآباء و الأجداد.. بخيره و شره..
صعب جدا انك تيجي في لحظة تقولهم سيبكم من كل اللي فات ده.. كل ده غلط..
صعب انك تيجي على التراث و التاريخ ده كله و عاوز تمسحه بأستيكة.. و الناس يتقبلوا منك ده ببساطة..
سنة.. في كل عصر.. و كل أوان..
حتى دلوقت..
في أيامنا دي.. بتسمعها كتير..
لما تيجي تنصح حد.. أو تدعو حد.. ببساطة بيقولك.. أو لو كان مؤدب بيقولها في نفسه و مايبينهاش..
"يعني معقولة انت اللي صح والناس كلها غلط؟؟؟"
زي القصور الذاتي في الطبيعة.. الجسم المتحرك يقاوم السكون.. و الجسم الساكن يقاوم الحركة..
شيل "الجسم".. و حط مكانها "الفكر".. أو "المجتمع"..هايديك نفس النتيجة..
المجتمع اللي اتعود على السكون.. خلاص تراث الآباء و الأجداد غير قابل للتشكيك.. و الدنيا و التاريخ وقفوا لغاية كده..بيقاوموا التغيير سواء كان التغيير ده للأفضل أو الأسوأ..
و فهم النبي"ص" القانون ده من أول لحظة..
فهم ان الموضوع مش بسيط أبدا..
خصوصا انه مش مطلوب منه يغير فكر أهل مكة بس..
ده مطلوب منه تغيير أفكار البشرية كلها..
عشان كده أول ما كلف النبي "ص" بالدعوة زي ماهانشوف ان شاء الله في لقائنا القادم..
بقى لا يكل ولا يمل.. شعلة نشاط في مجال الدعوة..
و في نفس الوقت لأنه فهم القانون ده.. كان بيصعب عليه الناس..
يشفق عليهم.. يعذر جهلهم ((فإنهم لا يعلمون)).
هايموت نفسه في الدعوة عشان الناس تشوف اللي هو شايفه..
عشان ينقذ الناس دول من النار..
بيدعو الناس في كل مكان و في كل وقت..
ده همه..
(فَلَعَلَّكَ باخِعٌ نَفْسَكَ عَلَى آثارِهِمْ إِنْ لَمْ يُؤْمِنُوا بِهَذا الْحَدِيثِ أَسَفاً) الكهف 18/6.
*****************************
دي قصة بداية الوحي باختصار..
وتعالوا سوا نشوف نطلع منها بإيه..
1- أول حاجة..
اللي نفسه ان ربنا يستخدمه.. و يخليه من الدالين على طريق الله..
لو فعلا نيتك خالصة لله.. لازم تكيف حياتك كلها على كده..
لازم توفر لنفسك الظروف اللي تعينك على الطريق.. لأن زي ماقلنا.. الطريق مش مفروش بالورود..
و أول حاجة تدور عليها في طريقك.. الزوجة الصالحة..
و أول حاجة تدوري عليها في طريقك.. الزوج الصالح..
شفت وقفة السيدة خديجة مع النبي "ص"؟؟؟
و شفت طبيعة العلاقة بين النبي"ص" و أمنا السيدة خديجة؟؟
ايه رأيك.. و ايه رأيِك يكون بيتكم بالشكل ده؟ و تكون دي طبيعة العلاقة بين الزوج و الزوجة..
زوجة هي السكن لزوجها.. تعينه على طاعة الله.. و تعينه على الدعوة الى الله..
و زوج يعين زوجته على طاعة الله.. و يعينها على الدعوة الى الله.. و على تربية الجيل اللي ياخد بأسباب النصر.. فيمكنه الله سبحانه و تعالى في الأرض..
ايه رأيك.. و ايه رأيِك تكونوا آدم و حواء جيل النصر؟..
كلنا بنشتكي من حال الأمة و من الجفوة اللي بين الناس و بين الله..
ما آنش الأوان نتحرك و نعمل حاجة بدل الشكوى؟..
و هو فيه عمل أعظم من انك تبدأ بنفسك و ببيتك ..و إنك تبدأي بنفسك و ببيتك.. و تكونوا من الأوائل
ماهم يا ترى اللي بياخدوا النية دي قد ايه في الأمة دلوقت؟.. قليلين..
تخيل كده يوم القيامة...
واحد.. في ايده زوجته.. و في ايديهم أولادهم..و يا سلام بقى لو فيه كمان أولاد أولادهم و ربنا بارك فيهم و نشأوا في طاعة الله وبقوا امتداد لرسالة آدم و حواء أمة النصر..
تخيلهم كده يوم الفزع الأكبر.. جايين ماسكين في ايدين بعض.. و قد أمنهم الله من الفزع..
ماهما عاشوا حياتهم كلها لله..
تخيلهم كده بين يدي الله سبحانه وتعالى..
يا رب.. احنا كنا من الأوائل.. اللي اتحركوا و قالوا لازم نبني المجتمع اللي تحبه.. و يحبك.. و اللي اشتقنا نشوفه..
و يا بختكم. يا بختِك لو لسة ما اتجوزتش و بتسعى في جواز.. تلحق تاخد النية دي من دلوقت و تدور على الأساس ده.. هايسهلك كتير انك تبدأ على أساس صح..
2- تاني حاجة..
دور المرأة و رسالتها في الحياة..
و يمكن أنا أجلت الكلام عن أمنا السيدة خديجة للنقطة دي..
هدية لكل أخت في الله..
شوفي المرأة لما يبقى لها رسالة مؤمنة بيها ممكن تعمل ايه.. و ممكن ربنا يكرمها ازاي..
شوفي السيدة خديجة.. خير نساء الأرض..
النبي "ص" يقول :
" خير نسائها مريم بنت عمران، وخير نسائها خديجة بنت خويلد".
وأشار إلى السماء والارض.
شفنا سوا موقفها و تثبيتها للنبي "ص"..
أول من آمن بالنبي"ص" من البشر..
و أول مصلية في الإسلام..
و هي الوزيرة الأولى للنبي"ص"..
فكان النبي "ص" يلقى ما يلقى في الدعوة.. من شتم و سب و ايذاء و تكذيب..
و لما يرجع البيت.. هي اللي تثبته.. و تهون عليه.. و تخفف عنه..
يشكيلها همومه.. يفضفضلها..
و هي على موقفها.. " كلا واللّه لا يخزيك اللّه أبداً"عاشت عمرها كله للنبي"ص"..
وهبت حياتها .. و مالها "وواستنى بمالها إذ حرمنى الناس " .. و نفسها.. للنبي"ص"..
احنا بنتكلم عن خير نساء الأرض... زوجة سيد ولد آدم..
اللي يبحث في كتب السيرة في المرحلة دي من حياة النبي "ص" مع السيدة خديجة..
يلاحظ حاجة غريبة جدا..
السيدة خديجة بعد نزول الوحي و بعد موقفها مع النبي "ص" و تثبيتها له..
يمكن تقريبا بتختفي أخبارها من السيرة..
مابنسمعش عنها غير تلميح.. الى أن نجد خبر وفاتها في عام الحزن..
الواحد كان نفسه الحقيقة يلاقي تفاصيل أكتر عن بيت النبوة.. و بيت السيدة خديجة كان شكله ايه بعد بعثة النبي "ص"..
و لكن.. مافيش حاجة..
اللي يدور في أكثر كتب السيرة تفصيلا.. و في كتب الحديث.. مايلاقيش اكتر من اللي ذكر ده..
ليه يا ترى؟..
قبل البعثة.. السيدة خديجة كانت نجمة بين نساء المجتمع.. و قبل زواجها بالنبي"ص" كانت مطمح آمال الرجال في النساء..
و بعد البعثة.. تختفي أخبارها تماما...
عارفين ليه؟..
السيدة خديجة انقطعت عن أهل الأرض بعد البعثة..
تفرغت لحبيبها النبي"ص" تعينه.. و تشد أزره.. تكون بلسم جراحه..
اذا كان النبي"ص" زي ماقلنا كان شعلة نشاط في دعوته.. ياترى تتوقع ايه من خير نساء الأرض؟.. لازم تكون على نفس المستوى..
عاشت حياتها للدعوة..
لآخر لحظة من حياتها صابرة.. مصابرة..
عاشت أحلك و أسود أيام مرت بيها الدعوة..
عاشت سنين الحصار المرعب في شعب بني هاشم..
سابت الدنيا كلها عشان رسالتها..
"و عجلت اليك ربي لترضى"..
فكانت هي الفائزة الأولى..
زي ماكانت الحب الأول.. و المؤمنة الأولى.. و المصلية الأولى.. و الوزيرة الأولى..
في بداية الدعوة هاتلاقينا بنتكلم كتير عن الأوائل..
كانت أول من بشر بالجنة من نساء المؤمنين.
يرسل الله سبحانه و تعالى جبريل الى النبي "ص" محمل بالسلام و البشرى للسيدة خديجة..
فكانت أول من بشر بالجنة من المؤمنين في حياته..
و مش عارف..
ياترى هل بشرت أمنا السيدة خديجة.. ان بنتها السيدة فاطمة و ثمرة بيت النبوة.. هي سيدة نساء أهل الجنه؟
و يتوفاها الله.. هي و ابو طالب في نفس السنة..
كان لوفاتها أثر شديد جدا على النبي "ص"..
حتى ان المسلمين سموه بـ "عام الحزن"..
عام كامل.. مش اسبوع حزن.. ولا حتى شهر حزن..
و لم تنتهي الذكرى بعد عام الحزن..
فضلت ذكرى مع النبي "ص" لآخر لحظة من عمره..
" إنى لأحب حبيبها"
الذكرى اللي تفيض لها دموع النبي "ص"..
في غزوة بدر.. أسر المسلمون زوج بنت النبي "ص".. "السيدة زينب"..
كان لسة ما أسلمش.. و ماكانش الإسلام لسة حرم زواج المسلمة من غير المسلم..
فأرسلت السيدة زينب بالمال تفتدي به زوجها..
و كان من ضمن ما أرسلت.. قلادة..
و شافها النبي "ص"..
فأخدها.. و ضمها الى صدره..
حضنها و بكى..
قلادة الحبيبة..خديجة..
و انا متخيل النبي "ص" و هو حاضن القلادة.. و الذكريات بتمر قدام عينيه..
تذكر "كلا والله لا يخزيك الله أبدا"
تذكر الحب الأول.. و أم المؤمنين الأولى..
تذكر 25 سنة.. مع السيدة خديجة رضي الله عنها..
فاستأذن الصحابة انه يرجعها لبنته..و طلب من زوجها انه يبلغها.. انها ماتفرطش أبدا.. في قلادة خديجة..
ياترى.. مين نفسها تكون رفيقة السيدة خديجة في الجنة؟..
3- تالت حاجة
النبي "ص" قبل البعثة.. لما شُغِل بالبحث عن الدين الحق.. عمل ايه؟..
بِعِد شوية عن الناس..
كل واحد فينا محتاج يبعد شوية عن الناس..
لحظات ياخد فيها خطوة لورا.. بعيد عن الزحمة..
ماهو لما هانقضي حياتنا كلها مع الناس... امتى نقعد مع ربنا شوية؟..
هو اللي بيحب حد.. مش يحب يختلي بيه شوية؟..
محتاجين نختلي بالله لحظات بسيطة.. بس المهم انها تكون موجودة..
و لو 10 دقايق كل يوم..
تراجع نفسك.. تحاسب نفسك..
تشوف ترمومتر ايمانك أخباره ايه؟
الإيمان.. يزيد.. و ينقص..
ماعندوش تفاهم..
لو مابيزيدش.. اعرف انه بينقص..
ماهياش دعوة لاعتزال الناس..
النبي"ص" ما اعتزلش الناس..
و مارجعش لغار حراء تاني بعد ما كلف بالرسالة..
لأنه خلاص.. وصله الجواب.. بقى بيختلي بالله في الليل.. و في النهار..شعلة نشاط..
و لكنها دعوة لمحاسبة النفس..
ماتهونش من قدر الدقايق البسيطة دي..
صدقني بتفرق كتيير.. مع اللي عاوز فعلا يقرب من ربنا .. و يتغير..
المثل بيقولك.. تعرف فلان.. ايوة اعرفه..
عاشرته؟.. لأ..
يبقى ماتعرفوش..
ياترى.. انت تعرف نفسك؟؟
عاشرتها؟؟
ازاي؟
ماهو انت تقعد مع نفسك شوية و تحاسب نفسك.. عشان تعرفها.. تبقى مراية نفسك..
و من عرف نفسه.. فقد عرف الله
4- رابع حاجة..
الصبر على الناس.. و الترفق بيهم..
النبي عليه الصلاة و السلام كان بيشفق على الناس.. بالرغم من انهم مش مسلمين..
بيشفق عليهم عشان مش شايفين اللي هو شايفة..
ده غير المسلم..
فما بالك بالمسلم العاصي..
الفرق بين المسلم الملتزم و المسلم العاصي هو الرؤية..
ده شايف .. و ده مش شايف..
واحد شايف بنور التقوى.. مشغل الكشافات بتاعت الشبورة..
و التاني مش مركب كشافات أساسا...
دورنا كمسلمين تجاه بعضنا و تجاه الناس هو اننا ناخد بايديهم.. مش نحاسبهم.. احنا مش وكلاء نيابة..
فيه ناس كتير بتنظر للعاصي نظرة اشمئزاز..
بيكرهه..
طب و هو ينفع حد يدعو حد بيكرهه ؟.. ازاي هايأثر فيه و هو مش طايقه أساسا..
نقطة دقيقة جدا..
العاصي.. ماتكرهوش لشخصه.. و لكن تكره معصيته..
ازاي..
مثال..
انت لو شايف واحد كفيف ماشي في الشارع.. ياترى احساسك تجاهه ايه؟
لو جه قالك يابني خد بايدي عديني الشارع.. يبقى احساسك تجاهه ايه؟
لو زقيته و بعدته.. ايه ده.. ايه العالم اللي طالقينها على البشر دول.. و سبته و مشيت..
معقولة؟؟.. هاتعمل كده؟؟
لأ.. الإنسان السوي على الأقل.. هايصعب عليه..و ياخد بايده و يساعده...
و الإنسان الملتزم هاياخد نية لله و ياخد أجر السعي في حاجة لأخ مسلم..
طيب الشخص الكفيف ده.. بتكرهه عشان كفيف؟؟
والا الشخص نفسه بيصعب عليك و بتتمنى تساعده و تكسب أجره.. لكن بتكره المرض اللي فيه..
اهو ده حال العاصي بالظبط..
زي ماقلنا الفرق بين الملتزم و العاصي.. واحد مشغل الكشافات.. والتاني ماعندوش كشافات اساسا..
يبقى اللي كره العاصي لشخصه.. و يبعد عنه.. عمل بالظبط زي أخينا اللي مارضاش يساعد الشخص الكفيف..
و اللي يحاول انه يؤلف قلبه.. و يدور على نقط الخير اللي فيه و يخاطبها و يحاول يصلح من حاله و ياخد بايده.. عمل زي أخينا التاني.. اللي أخد بايد الكفيف و عداه الشارع..
فيه ناس مابتبقاش شايفة الفرق البسيط ده.. فبتنفر الناس أساسا..
طب و هو لما ننفر العصاة.. امال هاندعو مين ان شاء الله؟
عامل زي صاحب المحل اللي بيطفش الزباين بتوعه:)
5- آخر حاجة..
إقرأ..
النبي "ص" في الغار..
لوحده..
بيتأمل و يتفكر في خلق الله..
و يتفاجئ بزائر غريب يقطع عليه خلوته..
لأ و يطلب منه طلب أغرب.. "إقرأ"...
اقرأ ازاي؟..
ما أنا بقارئ!!!!
و الزائر الغريب يحضنه و يضغط عليه بشدة.. حتى ان النبي"ص" يقول : "ظننت أنه الموت".. خلاص كانت روحي هاتطلع من كتر الضغط..
و يكرر الطلب الغريب 3 مرات.. "إقرأ.."..
و النبي "ص" بيعاني..
ازاي يقرأ؟؟؟
ازاي يقرأ و هو أمي
و يقرا ايه؟.. و ليه أساسا؟؟؟
العرب ماكانوش بيهتموا بالقراءة عموما و لم يكونوا يقيمون لها وزناً..
عشان كده محمد "ص" ما اتعلمش القراءة..
و النبي"ص" لسة بيتسائل..
ماذا أقرا؟..
و ليه؟
ايه علاقة القراءة بالشرك و الظلم و الفساد الذي ظهر في البر و البحر؟؟؟
هل القراءة هي الحل؟؟
هل الدين اللي كان بيدور عليه محمد "ص" مفتاحه هو القراءة؟؟؟ اللي العرب أهملوها اساسا؟
و ايه العلاقة بين القراءة.. و الدين.. و الحضارة؟؟
اصل العرب.. النفوس الخام الصافية.. و العقول الخام الصافية.. الطاقة المهدرة دي..
اللي هايشغلها و يخليهم يبقوا هما منارات الهدى في العالم هو "إقرأ"..
إقرأ.. و ربك الأكرم..
شوف في الآية.. ربنا سبحانه و تعالى يقرن القراءة.. بكرمه..
قانون..
بقدر ماتقرأ .. بقدر ماتنال من الكرامة..
فرداً و مجتمعاً
و العكس صحيح..
إهمال القراءة في آيات الله في الكتاب و في الآفاق و في الأنفس هو موطن الداء في تخلف الأمم..
هل عرفت أيها الحبيب المصطفى سرّ المشكلة الآن؟!
البداية كانت بـ "إقرأ".. مش بـ "اسجد" أو "اركع"..
لأن ده المفتاح..
اقرأ و ربك الأكرم..
لو جينا نشوف العالم جغرافيا و تاريخيا.. هاتلاقي القانون واضح..
1-اليونان كانوا أكثر الناس قراءة و كتابة أيام حضارتهم..عشان كده الى الآن.. لا يزال نتاج فلاسفتهم و شعرائهم و حكامهم يشهد على انهم كانوا الأكثر قراءة و انتاجاً في عالمهم.. فأكرمهم الله بأن سيطروا على أكبر رقعة في العالم.. من الهند الى مصر في زمن الإسكندر.. اللي كان تلميذ أرسطو..
2-و جه من بعدهم المسلمين.. معجزة الإنسان.. اللي بدأت بكلمة.. إقرأ..
إلى الآن المؤرخين بيتعجبوا من السرعة العجيبة اللي المسلمين ملكوا بيها العالم.. بالعلم و الإيمان..
لأنهم فهموا يعني ايه "اقرأ باسم ربك الذي خلق".. فطلبوا العلم في كل مكان.. و من كل مصدر..
قرأوا.. باسم الله.. فأكرمهم الله بأن ملكوا الدنيا.. و ملكوا العلم..
3-و في عصرنا ده..لو بصينا ع الخريطة.. هانلاقي ان اكثر الأمم تقدما.. هي أكثرها قراءة.. و ده بناءا على الإحصائيات اللي بتعد المؤلفين و الكتب و الجرايد و المجلات و كم المطبوعات ..
حتى ان "توينبي" يقرر ان أساس تصنيف البلدان في العالم الى دول متخلفة أو نامية أو متقدمة هو نسبة القراءة في هذه البلاد..
4-و في عصرنا ده نموذج واضح جدا.. اليابان..العملاق القزم..
الأمية محيت تماما في اليابان في القرن الـ 19.. يعني من أكتر من 100 سنة..
و ارتفعت نسبة تعليم الفتيات الى 95%..
و مؤسسات النشر في اليابان بتطبع سنويا حوالي 35 الف عنوان جديد من مؤلفات و كتب..و شوف بقى من كل كتاب من الـ 35 الف دول بينطبع كم نسخة..
و ده تقريبا قد اللي بينطبع في أمريكا 4 مرات..
ايه وضع اليابان في العالم؟؟
ثاني أعظم قوة صناعية في العالم....
إقرأ.. و ربك الأكرم..
ايه ده؟.. طب ازاي و هما مش مسلمين؟؟
المسألة مش مسألة مسلمين و غير مسلمين..
ربنا خلق الدنيا بقوانين و سنن ثابته.. اللي يكتشفها و يطبقها.. يوصل للنتيجة بتاعتها..
زي مافيه قوانين ثابته في الفيزيا و الرياضيات..
فيه قوانين ثابتة في الحياة..
و العجيب.. القوانين دي موجودة في القرآن.. و ادي احنا بنتكلم على قانون منهم.. إقرأ و ربك الأكرم..
موجودة بين ايدينا.. بس احنا مابنقراش اساسا..
و خلي بالك انا قصدي قراءة الفهم و الإستيعاب و العمل.. مش قراية الجرايد..
قانون.. زيه زي قوانين كتير اكتشفها غيرنا و اتعلموها و طبقوها..
قانون الله..
(ليس بأمانيكم ولا أماني أهل الكتاب . من يعمل سوءا يجز به ) (النساء /123)
و من يتبع سنة الله .. ينل وعد الله..
( كلاً نمد هؤلاء وهؤلاء من عطاء ربك وما كان عطاء ربك محظوراً ) (الإسراء /20) .
و أضيف على الكلام ده..
إقرأ.. و انتقي..
يعني المسألة مش مسألة كم بس..
يا فرحتي بأمة أغلب شبابها مابيقراش غير روايات الجيب..
أخ لي.. بيقول لي مرة.. انا الكتاب الوحيد اللي باقراه من الجلدة للجلدة.. هو روايات الجيب..
قلتله طبيعي.. ماهو اساسا مابين الجلدتين "هوا" فطبيعي تقراه من الجلدة للجلدة لأنك بتقرا هوا..
قال لي ازاي.. لأ طبعا..
قلتله طب بسيطة.. البينة على من ادعى.. قول لي فايدة واحدة استفدتها من آخر (كتاب) قريته..
هرش في راسه.. و فكر شوية.. و لم يجب الى الآن..
طبعا كلامي مش اعتراض على نوعية اكتب دي..
الإعتراض على اننا مانكونش بنقرا غير الكتب دي بس..
لأن ده معناه اننا ماطبقناش القانون.. لأننا بنقرا للمتعة.. لتضييع الوقت..
انما القانون بيقول ايه؟
"إقرأ.. باسم ربك الذي خلق"... يعني تعلم العلم لله..
النبي "ص" أدرك هذا..
أدرك ان الدين ده.. الدين اللي فيه خلاص العالم.. مفتاحه "القراءة"
القراءة بمعناها الواسع.. القراءة الواعية لآيات الله المكتوبة و المنظورة في الأنفس و في الآفاق
آيات الواقع.. نتأمل التاريخ.. نرى الأسباب.. و العواقب.. في ضوء منهج الإسلام..
و لكننا للأسف ضيعنا المفتاح ده..
احنا اقل ناس بتقرأ في العالم..
و إن قرانا.. نقرأ مالا يسمن ولا يغني من جوع..
اذا كان الأكل غذاء الجسد..
فالقراءة غذاء العقل..
للأسف نحن لا نغذي عقولنا الا بالـ junk food..
و مازلنا نتسائل..ليه احنا في آخر الدنيا؟.. لا نُسأل.. ولا نُستشار في أي أمر من أمور العالم.. ولا حتى في أمورنا احنا..
بل نؤكل.. و يُلعب بنا.. من قبل الأمم التي قرأت أكثر منا..
الأمم التي غلبتنا بـ "حتى يغيروا ما بأنفسهم".. لأنهم اكشفوها.. لأنهم يقرأون..
الأمم اللي غلبتنا بـ" قُلْ سِيرُوا فِي الْأَرْضِ فَانظُرُوا كَيْفَ بَدَأَ الْخَلْقَ" (العنكبوت 20)هذه الآيات و القوانين الإلهية..
هل نزلت لهم.. أم لنا؟
فيا أمة إقرأ..أما آن الأوان ..أن نرجع لـ "إقرأ" (أَلَمْ يَأنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَما نَزَلَ مِنَ الْحَقِّ) الحد يد: 16