يا كايد الأزهار .. يا جوري يا مفتّح

[واحد بيحب مصر]

الجوري


شعر د.جمال مرسي


( واحد بيحب مصر )


يا كايد الأزهارْ = يا جوري يا مفتّحْ
فكري معاك احتار= و البال كمان يسرحْ
الليل بيبقى نهار = و العتمهْ تتبدلْ
لو يوم تمر الدار = يا حلو و تصبّح
***
عطشان و مش عطشانْ = و الميهْ من نبعكْ
و السحر فيك ألوان = و التقل من طبعكْ
و السهد و الأحزان = بانت و تتدللْ
لو تشتكي لإنسان = يعمل ما هوش سمعكْ
***
يا ناشر النسمات = و العطر يسحرنا
الناس بقت أشتات = فبلاش تفكرنا
فيهم محب الذات = و الباقي مستندلْ
و العمر عدّى و فات = عجزنا و كبرنا
***
يا كايد الأزهارْ = فتّح بقى و صحصحْ
حواليك أعادي كتار = بتعض و بتدبحْ
خليك كدا زنهار = و اوعك في يوم تدبلْ
لحسن ذئاب الليل = يا جوري فيك تفرحْ


تحياتي و دمتم

[النيـل]

الغزل الزهري وبريحة الورد مرشوش
ايه يا دكتور الجمال الوردي ده كله
يا صباح الورد الجميل بعطر فواح
يسر النفوس....
دكتور جمال بجد جميلة ورائعة وحروفها
سلسة وجميلة وكلماتها خلابة ...
تقبل تحياتي وتقديري وراجعلك تاني
متمشيش...
ايمن
النيـل:flowers:

[محمد فارس]

يَـلّـىِ بتكتب شعر
م القلب من جوه
وتبيعه من غير سعر
مَهمَـن يكون هو
قولّـى ياصاحبى السر
ازاى اكون لـُـوّاَ
أأمر بحور الشعر
وقوافى تجمعلى
وقصايدى اكتبها
لو حتى بالقوة

[واحد بيحب مصر]

الأخ الحبيب أيمن (النيل )
السلام عليكم و رحمة الله
أشكر لك مرورك العذب هنا وعلى قصيدتي ثمن الغربة
سنتواصل إن شاء الله
تحياتي

[خالد المصرى]

عندما يتحدث الابداع وينطق بال(جمال )
المنمق بين ثنايا حروف حالمة بهدهده من المايسترو


فلا يسعنا الا تقديم اخلص تحية منمقة بجورى الربيع
ومعطرة بشذى الياسمين لاديبنا الرائع / جمال مرسى


تحياتى لك على كلماتك وفقط انا هنا لتسجيل التحية والترحيب بحضرتك

وفقك الله دوماً

[واحد بيحب مصر]

يللي بتقرا الشعر
و فرحت من جوه
الفرْح هو السعر
و الشعر مش قوه
الشعر ده احساس
يطلع بلا فتوه
تحياتي اخي الكريم هراس

[واحد بيحب مصر]

الفاضل الكريم الأستاذ خالد المصري
لا يمكن أن يكون هذا الكلام البديع إلا من أديب متألق
و متذوق جميل
تحياتي و بارك الله فيك

[الهداف]

انت مش واحد بيحب مصر00انت احنا واحنا انت وكلامك كلامنا وكلامنا كلامك0
مليش فى كتابة الشعر لكن احبه وخاصة لما يكون جميل كما شعرك0

[واحد بيحب مصر]

الأخ الحبيب الهداف
السلام عليكم
اشكرك من أعماق قلبي على كلامك الجميل
طبعا احنا كلنا اخوة متحابين في الله
و كلنا بنحب مصرنا الغالية علينا
و اللي بتبان غلاوتها جدا في الغربة
تحياتي
د. جمال

[رشا عبد الرازق]

دكتور جمال

أنت مبدع

ستحدث فتنة بين الفصحى والعامي ذات يوم على حقوق الملكية الفكرية لابداعك

جديد هذا النزف الرقيق

دام قلمك

وائذن بخربشة جتائت متواضعة واعترف بهذا لكني أستعيد قلمي العامي بين يدي حروفك




الجوري رد وقال=طبعا بكيد الورد
أصل الجمال مقسوم= والقسمه جت ع الخد
بتقل عشان تحتار =مش غاوي هجر وصد
لجل الوصال ما يكون=كاس شربتو من شهد
لزمن تدوق النار = لما تآسي البعد
ويفضل عبير الروح = ملكك ومن غير حد
أنده على العشاق=وأنا قصدي منهم حد
مسكي أكيد هيروح=لوحد غيرك رد



يوه بقى

متدققش عدي عليه بسرعه الله يكرمك :-"


تحياتي

[رنـranimـيم]

قالوا وزادوا فى وصفهم ليا ان هناك ضيف جديد نور على االادباتيه
لسه يادوب بدخل كده واسمى الا وقالوا ان النور هل كمان على العامى

عذرا دكتور جمال...مااجمل ماكتب قلمك ومااسرع انفعال النفس لما بتقرا لك لكن المشكله عجز القلم ..فتقبل عذرى

http://www.dubaieyes.net/images/warood/w44.gif

رنيــــــم

[واحد بيحب مصر]

هذا تواضع جم منك أختي رشا
فأنت شاعرة مبدعة و متميزة
تدل على ذلك هذه الكلمات الجميلة التي أبدعتيها فأضاءت وجه صفحتي
تحياتي اختي الكريمة
د.جمال

[واحد بيحب مصر]

الأخت الغالية رنيم
المنتدى منور بأهله و بالطيبين أمثالكم
تحياتي و دمت أختا رائعة
د.جمال

[gelly]

واحـــــد بيحب مصـــــر


د. جمال


مكنتش عارفه أنك بتحبها كده


برغم أنى لأول وهله


أخذنى سلاسه الكلمات و أنسيابها ووقعها العذب


الا أنك أستطعت أن تنقل الى خوفى من الأشواك المحيطه بالجورى قصدى الأرض الى مزروع فيها الجورى :فتكوا بعا






يـا كايـد الأزهــارْ
فتّح بقـى و صحصـحْ
حواليك أعـادي كتـار
بتـعـض و بتـدبـحْ
خليـك كـدا زنـهـار
و اوعك في يوم تدبـلْ
لحسـن ذئـاب الليـل
يا جوري فيـك تفـرحْ


ماشاء الله :55:

حققت المعادلة الصعبه :tu:



دمت لنا :flowers:


و دام لنا قلمك :flowers:

[واحد بيحب مصر]

الأخت الغالية gelly
السلام عليكم و رحمة الله و بركاته
رد متأخر مني .. أعرف ذلك و لكن التمسي لي العذر
شكرا على رأيك السليم و الجميل
كل عام و انت بخير
د. جمال

[واحد بيحب مصر]

الأخ طاووس زمانه
السلام عليكم و كل عام و أنتم بخير
شكرا لمرورك الكريم
انت الخير و البركة و وجودك في صفحتي شرف عظيم لي
فقط أريد أن أقول أنه لا أحد فوق النقد
و النقد يثري العمل الأدبي و يزيده رونقا و يوضح للأديب أماكن الضعف و القوة
و لذلك فلا حرج يا عزيزي كلنا بنتعلم
تحياتي و حبي أيها الطاووس الرائع
احترامي و مودتي
د. جمال