من روبي ... إلى مجلس إدارة القهوة [الأرشيف]

روبى 2

01-20-2004, 08:20 PM

باين يا دنيا خلاص بقى .. كل اللي فيكي ممتحن
باين عليكي فيكي ناس .. مش راضية تسلاها المحن
يصعب عليكي يفرحو .. ساري ف دماهم الشجن

كلمة وقالوها زمان جدودنا .. مافي نبي في بلدو مٌصان
كلمة حفرناها بايدنا .. لما علي صوت الجبان

في يوم دخلت القهوة دي .. وانا فاكرة اني دخلت جنة
اتاريني كان عندي أمل.. جنة وعشمان فيها حنَّا
برة وجوة ... ياهوو سيان
مالناش كلام ولا شورة إحنا

مقهور مشي .. مش عارفة ليه
لو حد فيكو عرف يقولي ..
واقع حياتنا .. رضينا بيه
مابقاش في حد يقول" يا خلي"

لو برة غيرو في الوزارة ..
او دمروا كام ميت منارة
يسكت لساننا .. ويهوي حالنا
من أعلى أجدعها عمارة

قلنا خلاص .. هنا لينا صوت
مش ناس وعايشة في قلب موت
لو اعترضنا على الرياسة
صوتنا يسمّع مالبيوت

بس الحكاية باينها .. برة وجوة يا ناس سيان
يمشي أخونا ويختفي .. ومالوش أثر جوا الميدان

ولا حد يسأل .. يمشي ليه
ولا صوت علي لاجل يناديه
ولما جالنا من الرياسة ..
صوت .. وف غاية الحماسة
لاقيتو صوت بيداري شبهة .. مش محترم فينا فراسة

طب فهمونا ايه الحكاية
ليه هيا دي كات النهاية
مش ترمو قنبلة وتقولولنا
فسروها من البداية!!!!!!

مافيناش ياعالم دجالين
ولا حد مرة فتحلو مندل
عايزين نكون متحضرين
ويكون لنا .. الحق نسأل

مقهور مشي .. ليه ؟! وبتاع ايه ؟!
نفهم ونعرف اي الحكاية
وعايزيننا نبقى مؤثرين .. في الدنيا ويكون لينا غاية؟؟؟!!!!!!!!

القصة مش مقهور مشي
القصة اننا عالهوامش
عايزين نكون في هريدي شعب
مش نستلقى رصاص وطايش

انتو اللي احييتو في قلوبنا
امل في شعب يكون طليق
ما تجوش في لحظة تهدو سورنا
وتحطمو الحلم البريء

هريدي يابووووي

01-20-2004, 08:33 PM

يا قهلاً يا قهلاً يا قهلاً :cry: يا قهلاً يا قهلاً يا قهلاً
يا قهلاً يا قهلاً يا قهلاً :cry: يا قهلاً يا قهلاً يا قهلاً
بتقلبي المواجع ليه :cry: ماتخليني ساكت أحسن
ده كمان يا قهلاً يا قهلاً :cry: و ألف قهلاً و قهلاً

أم أحمد

01-20-2004, 08:33 PM

ما شاء الله يا روبي:flowers:

جميل جداً ومعبر جداً جداً

الكلام بإذن الله يوصل لأخونا العزيز الغائب مقهور:flowers:

ويوصل لمجلس إدارة القهوة:wink:

وتتصلح الأمور وتهدى النفوس ان شاء الله :flowers:

لفتتك جميلة غير مستغربة منك يا روبي:flowers:

ويا رب الغايب يرجع:rolleyes:

روبى 2

01-20-2004, 09:06 PM

إقتباس :
اقتباس:

يا قهلاً يا قهلاً يا قهلاً يا قهلاً يا قهلاً يا قهلاً
يا قهلاً يا قهلاً يا قهلاً يا قهلاً يا قهلاً يا قهلاً
بتقلبي المواجع ليه ماتخليني ساكت أحسن
ده كمان يا قهلاً يا قهلاً و ألف قهلاً و قهلاً

يا معلقاتك يا بوص

ايه ياعم الهنا ده

يا قهلا بيك يا بوص

المهم الرسالة وصلت وللا ننزل بالترجمة :chr24::chr24::chr24:

يا قهلا بمجلس الادارة كله .. متشكرين عالريزبونززززززز السريع يا باشا :انجغة::انجغة:

dr_sho

01-20-2004, 09:07 PM

روبى
بصراحة أول حاجة المفروض اقولها
ماشاء الله
تعبير مبدع عن المشاعر
حاسة إنك فتحتى قلبك وأنا فعلا بصيت جواه

شوفى ياغالية
مش انا من مجلس إدارة القهوة ؟
والله العظيم لا اعرف القصة كاملة ولم يصلنى منها إلا رتوش بسيطة
ولم أسأل
لإن الهدف مش إننا نعرف الحكاية الهدف إننا نحل المشكلة
القصة ياغاليتى ما بين افراد زى أى أصحاب بيحصل بينهم سوء تفاهم
اتنين أعضاء قبل ما يكونوا ناضورجية
ومافيش فئة عرفت القصة وفئة تانية إتقهرت
ده اللى أنا عايزة اقوله

ولا حد يسأل .. يمشي ليه
ولا صوت علي لاجل يناديه
ولما جالنا من الرياسة ..
صوت .. وف غاية الحماسة
لاقيتو صوت بيداري شبهة .. مش محترم فينا فراسة

ولا صوت على لجل يناديه
بقى موضوعين موجودين فى قسمين كبار ومتثبتين فيهم إعتذار صريح ورغبة صادقة فى الصلح والعفو
كل ده ماحدش نادى

روبى الغالية
بسم الله الرحمن الرحيم
(يا ايها الذين آمنوا لا تسئلوا عن اشياء إن تبد لكم تسؤكم)
صدق الله العظيم

روبى 2

01-20-2004, 09:26 PM

ما شاء الله يا روبي

جميل جداً ومعبر جداً جداً

الكلام بإذن الله يوصل لأخونا العزيز الغائب مقهور

ويوصل لمجلس إدارة القهوة

وتتصلح الأمور وتهدى النفوس ان شاء الله

لفتتك جميلة غير مستغربة منك يا روبي

ويا رب الغايب يرجع

تسلمي يا بارباروسااياااااا .. ويارب ... ده هوا اللي انا نفسي فيه

محمد فارس

01-20-2004, 09:32 PM

اللى بَنَـا
لينا هِنـا
قصر عالى م الغُنــا
بناه بطوب
مخلوط بـحُبـه وحُـبنـا
لو يوم مشى من قصره ده
فالنية0000يسكن قلبنا
وانا قلبى حَبـّــه
والحب ده من ربنــا

روبى 2

01-20-2004, 09:36 PM

شوفى ياغالية
مش انا من مجلس إدارة القهوة ؟
والله العظيم لا اعرف القصة كاملة ولم يصلنى منها إلا رتوش بسيطة
ولم أسأل
لإن الهدف مش إننا نعرف الحكاية الهدف إننا نحل المشكلة
القصة ياغاليتى ما بين افراد زى أى أصحاب بيحصل بينهم سوء تفاهم
اتنين أعضاء قبل ما يكونوا ناضورجية
ومافيش فئة عرفت القصة وفئة تانية إتقهرت
ده اللى أنا عايزة اقوله

اختي عضوة مجلس الإدارة

أولا أشكرك على الرد .. لكن عذرا .. واضح انك ما فهمتيش قصدي ..

ما أردت أبداً أن أعرف سببا لمشكلة أو أعلم ما يدور فيما لا يعنيني حتى لا يسوءني ما لا يبدو لي ..
وما قلتش ان في فئة عرفت القصة وفئةتانية اتقهرت :انجغة: لاننا أصلا ما طلبناش نعرف القصة

هيا اللي اتقالت من غير ما نطلب

والمثل بيقول (ان خفت ما تقولشي وان قلت ما تخافشي)

يعني بالعربي .. اللي بيحكي بيحكي اللي عايزنا نعرفه وييجي في نص الكلام ويقول خلاص مش قايل

ولا صوت على لجل يناديه
بقى موضوعين موجودين فى قسمين كبار ومتثبتين فيهم إعتذار صريح ورغبة صادقة فى الصلح والعفو
كل ده ماحدش نادى

أختي الفاضلة

الجزء من الموضوع اللي انتي اقتبستيه واضح برضو انك ما قريتهوش للاخر
قلت ..
ولما جالنا من الرياسة ..
صوت .. وف غاية الحماسة
لاقيتو صوت بيداري شبهة .. مش محترم فينا فراسة

قلت ان فيه صوت جالنا وما قلتش ان ماحدش نده
بس أظن كلامي اللي يمكن ما وضحش في القصيدة وضحته بالكلام اللي فوق

أختي الفاضلة ..

أشكرك على مداخلتك .. وردك السريع

ولكن صدقني أنا لا أسأل فيما لا يعنيني .. لانه حينما ينتج عما يحدث خلف الكواليس أن يهجرنا عضو وليس مشرفا .. عضو من أعضاء القهوة دون سابق انذار .. يبقى لازم نفهم

أشكرك مرة أخرى

روبى 2

01-20-2004, 09:43 PM

اللى بَنَـا
لينا هنـا
قصر عالى م الغُنــا
بناه بطوب
مخلوط بـحُبـه وحبنـا
لو يوم مشى من قصره ده
فالنية0000يسكن قلبنا
وانا قلبى حبه
والحب ده من ربنــا

أخي الفاضل وأستاذي الجليل هراس

كرمُ أتى به كريم

كلام مش مستغرب من شخص بأخلاقك

وعلى العموم ..
اللي بينا
لينا هنا
قصر الغنا
سابو في ايدين
ءأمن أمين
هيعلي فيه
بحب وهنا

:tu::tu::tu:

مرة أخرى ألف شكر ليك ولمداخلتك .. ومبروك عليك الاشراف يا أستاذنا الفاضل .. فأنت تستحق الخير كله

ودي من جنينة مقهور برضه وانا عارفة انك لسة بترويها :flowers::flowers::rolleyes:

غنوة

01-20-2004, 09:48 PM

فعلا كلمات معبرة جداااااااااااااا
جزاكي الله كل خير يارب
وان شاء الله هايرجع اخونا مقهور باذن الله
وانا على فكره اول مره ادخل للقسم ده بس عرفت انك كاتبه موضوع جميل جدا وكلمات معبره فدخلت :D
ربنا يوفقكم جميعا يارب:D

خالد المصرى

01-20-2004, 09:56 PM

تحياتى روبى .

ودوما الكلام الصادق يصل بالمعنى لعنان السماء دون تكلف .

الاخت دكتور شو

بسم الله الرحمن الرحيم
(يا ايها الذين آمنوا لا تسئلوا عن اشياء إن تبد لكم تسؤكم)
صدق الله العظيم

بصرف النظر عن الموضوع المثار هنا
..وبصرف النظر عن الموضوع الخاص بالادارة برمتها

هل لى بتفسير هذا الجزء منك من الاية الكريمة ولماذا استشهدتى به فى هذا الموضوع ؟؟؟

تحياتى لك

صاحب كتكوت قديم

01-20-2004, 10:13 PM

روبى
أولاً أحب أقولك كلماتك كبيرة وجامدة ومعبرة فعلاً ويمكن قولتى كلام معرفتش أقولة ازاى فتحية ليكى :clap::clap::flowers::flowers:

كاتب الرسالة الأصلية : روبى 2

ولا حد يسأل .. يمشي ليه
ولا صوت علي لاجل يناديه
ولما جالنا من الرياسة ..
صوت .. وف غاية الحماسة
لاقيتو صوت بيداري شبهة .. مش محترم فينا فراسة

لا أرجوكى القهوة أكتر مكان ممكن نأثر بكلامنا فيه ويأثر فينا كلامة دة إن مكانش المكان الوحيد وأكيد بيحترم فينا الفراسة

كاتب الرسالة الأصلية : روبى 2

انتو اللي احييتو في قلوبنا
امل في شعب يكون طليق
ما تجوش في لحظة تهدو سورنا
وتحطمو الحلم البريء

شوفتى حتى انتى بنفسك قولتى أهه ان القهوة هى اللى اديتنا أمل نكون شعب حر وطليق وعمر ما :hang: هيكون موجود هنا والحلم البرىء موجود هنا
يارب يكون مقهور شايفنا وسامعنا ودة بيت القصيد :flowers: وكلمات هراس أبلغ حاجة ممكن تتكتب

كاتب الرسالة الأصلية : هراس

اللى بَنَـا
لينا هنـا
قصر عالى م الغُنــا
بناه بطوب
مخلوط بـحُبـه وحبنـا
لو يوم مشى من قصره ده
فالنية0000يسكن قلبنا
وانا قلبى حبه
والحب ده من ربنــا

dr_sho

01-20-2004, 10:44 PM

ولكن صدقني أنا لا أسأل فيما لا يعنيني .. لانه حينما ينتج عما يحدث خلف الكواليس أن يهجرنا عضو وليس مشرفا .. عضو من أعضاء القهوة دون سابق انذار .. يبقى لازم نفهم

الحبيبة الغالية ربى
تحية طيبة وبعد
يا عزيزتى لم اتهمك بالتدخل فيما لايعنيك
أنا قلت لك لا تسألى
ليه
مش علشان ماتعنيش حضرتك
لأ
علشان ما تسؤش حضرتك
يعنى المراد الحرص عليك حرص أخوى تدفعنى له مودتى ومحبتى لاخت لى فى الله
ده معنى كلامى كله وده قصدى منه
:flowers:

أخى الكريم والفاضل خالد المصرى
كيف انت ؟
أتمنى أن تكون بخير
وكل عام وأنت إلى الله اقرب
وبعد
لقد أوردت بردى السابق على الاخت الفاضلة روبى
الآية الكريمة
بسم الله الرحمن الرحيم
(يا ايها الذين آمنوا لا تسئلوا عن اشياء إن تبد لكم تسؤكم)
صدق الله العظيم
وقد أثارت فى نفس سيادتكم تساؤلين

1. ما تفسير الآية الكريمة منى
هو نفس التفسير الموجود فى كتب المفسرين لإنى لا اعرف لنفسى تفسيرا غيره
توجيه ربانى نزل على المؤمنين من رب البرية لإنه اعلم بما تحمله النفوس البشرية
وقد نزل فيما أذكر عندما كان رسول الله يقول( يا أيها الناس كتب عليكم الحج ) فقال رجل أفى كل عام يا رسول الله فأعرض عنه الحبيب المصطفى
فكررها الرجل
فقال الهادى الأمين ( يا أيها الذين أمنوا لو قلت نعم لوجبت ولو وجبت ما اطقتموها ولو لم تطيقها لكفرتم)
ونزلت الآية الكريمة توجهنا إلى عدم تقصى حقائق الأمور والأجتهاد فى كشف ما خفى عنا لأن فى ذلك فتح ابواب جديدة قد لا نطيق لها دفعا .

2.لماذا إستشهدت به فى هذا الموضوع
يا اخى قرات قصيدةأخت لى تشعر بالحزن والضيق لغياب زميل فاضل (كلنا نفتقده ) وفهمت من كلماتها انها تطلب تفسيرا لرحيله
ولا يكفيها أن يقال ان أخانا الفاضل قد رحل بسبب مشكلة ما
فتساءلت

طب فهمونا ايه الحكاية
ليه هيا دي كات النهاية

وإعترضت غن مافيش تفسير للكلام اللى اتقال

مش ترمو قنبلة وتقولولنا
فسروها من البداية!!!!!!

ولأن لكل سؤال جواب بديهى ان ننتظر جميعا الإجابة والقصة والحكاية
فوضعت لها الآية
لأقول لها لا تسألى
لماذا ؟
ليس لانه من حقها
ولا لأنهرها ان تتدخل فيما لايعنيها
ولا شئ آخر
فقط
لأنه لربما لو عرفت الحكاية ساءها منها شئ.
شئ زى ايه
زى مثلا إننا نقول إن فلان الفلانى نقل كلام من أخت فاضلة لينا لأخانا مقهور فأوغر صدره
أليست معرفة أسم الشخص مثلا شئ يسوء الجميع
خاصة وقد تصدم أنه شخص كنت تقدره

هذا قصدى يا أخى
كانت وراءه نية طيبة وتودد للأخت روبى ليس إلا

تقبلوا منى تحية صادقة
وأعيد
بسم الله الرحمن الرحيم
(يا ايها الذين آمنوا لا تسئلوا عن اشياء إن تبد لكم تسؤكم)
صدق الله العظيم

النيـل

01-21-2004, 12:14 AM

اختي وصديقتي روبي
جميل هذه المشاعر من انسانة جميلة الى اخ لينا كلنا جميل
في صفاته واخلاقه.....
روبي دامت مشاعرك ودام قلمك ودمتي لنا
اخوك
النيـل:flowers:

روبى 2

01-21-2004, 01:01 AM

إخوتي الأفاضل

غنوة

خالد المصري

صاحب كتكوت قديم

واللي مش فاهم حاجة طاووس باشا :D

النيل

أشكر مداخلاتكم وأتمنى معكم عودته بفروغ الصبر
:angry::angry:

الأخت الفاضلة الدكتورة شو .. في البداية بس عايزة أقولك ان اختلافنا في الرأي لا يفسد للود قضية ولكن اسمحيلي بتعليق بسيط

ولا يكفيها أن يقال ان أخانا الفاضل قد رحل بسبب مشكلة ما

لا مع احترامي الجملة هنا مش مظبوطة ... كان لا يعنيني أن يقال مشكلة ما مش لا يكفيني .. بس طالما اتقال ان فيه مشكلة ونتج عنها رحيل عضو من أعضاء القهوة اللي هوا زيي وزيك يبقى من حقي أعرف وافهم

لأنه لربما لو عرفت الحكاية ساءها منها شئ.
شئ زى ايه
زى مثلا إننا نقول إن فلان الفلانى نقل كلام من أخت فاضلة لينا لأخانا مقهور فأوغر صدره
أليست معرفة أسم الشخص مثلا شئ يسوء الجميع
خاصة وقد تصدم أنه شخص كنت تقدره

شوفي يا دكتورة شو ..

ومش ده برضو اللي ضايقني ولا كان غيتي اني اعرف مين

بس الموضوع اتعرض بطريقة تخليكي .. مع احترامي للكل .. تشكي في كل بني آدم حواليكي

تفتكري يعني وبأمانة . هل تقبلين بها طريقة لتزرع الشك في قلوبنا جميعا من بعضنا أختي الفاضلة .. علما اننا جميعا نتسابق لاضافة لقب أختي وأخي في الله :confused::confused:

وبعدين طالما الموضوع لما اتعرض اتعرض على الكل غصب عنهم عشان حاجة معينة تبان بطريقة معينة وتتفهم بطريقة معينة .. يبقى لازم يتفهم كله (زي ما سبق وقلت) عشان لكل من الطرفين او التلاتة اطراف رؤية في القصة .. يعني مقهور اللي هوا طرف ما كنتش هاسمع منه لوحدو برضه .. لان لكل منا في نفسه إحساس أنه مظلوم

اعتقد ان انا دلوقتي اتفهمت كويس .. واتفهم ان غرضي هو ايضاح الحقائق مش بس قعر مجلس عشان نرغي ونعرف الحدوتة يا دكتور

وشكرا للمرة التانية على مداخلتك وتفهمك :flowers:

dr_sho

01-21-2004, 02:24 AM

الأخت الغالية روبى
طبعا متفقة معاك
إختلاف الرأى لا يفسد للود القضية
ومتفقة معاكى برضه فى اللى قلتيه
خاصة الجملة دى

.. يبقى لازم يتفهم كله (زي ما سبق وقلت) عشان لكل من الطرفين او التلاتة اطراف رؤية في القصة .. يعني مقهور اللي هوا طرف ما كنتش هاسمع منه لوحدو برضه .. لان لكل منا في نفسه إحساس أنه مظلوم

صح الكلام
لازم نسمع للأطراف التلاتة
لإن كل طرف له رايه فى القصة
ورأى ام منة وصل
قالته بكل وضوح والكل سمعه
واتكلمت عن الجزء اللى خاص بيها
وقالت أنا غلطانة وبأعتذر
ولو زودت عن اللى قالته كلمة واحدة تبقى غير محقة
طيب الأطراف التانية
مش المفروض تدخل تقول رأيها فى القصة :D
ما هو أم منة ما ينفعش تقول أراء الاطراف التلاتة وإلا ما نبقاش عملنا حاجة
وما ينفعش تحكى الحدوتة على بعضها لإنها هتحكيها من منظورها هى وحضرتك لسة قايلة إن ده غلط

بأضم صوتى لصوتك
عايزين نعرف القصة ونفهمها
بس بشرط كل واحد يتكلم عن نفسه ويقول وجهة نظره
اللى اتكلم طرف واحد
لسة طرفين
أستاذنا الفاضل مقهور
والطرف التالت
مستنيين رأيهم:flowers:

اتعرض اتعرض على الكل عشان حاجة معينة تبان بطريقة معينة وتتفهم بطريقة معينة

بسم الله الرحمن الرحيم
إن بعض الظن إثم
صدق الله العظيم

جهـــJeHaDـــاد

01-21-2004, 02:35 AM

في صالح المجموع يفني الواحد

للاسف:closeeye:

تحياتي روبي:flowers:

النيـل

01-21-2004, 02:52 AM

في صالح المجموع يفني الواحد

للاسف
عزيزي جهاد لم افهم تلك الجملة .. ومع ان الموضوع خاص بالاخت روبي
ولكني ردت فقط افهما
وتقبل تحياتي
النيـل:flowers:

روبى 2

01-21-2004, 11:34 AM

صح الكلام
لازم نسمع للأطراف التلاتة
لإن كل طرف له رايه فى القصة
ورأى ام منة وصل
قالته بكل وضوح والكل سمعه
واتكلمت عن الجزء اللى خاص بيها
وقالت أنا غلطانة وبأعتذر
ولو زودت عن اللى قالته كلمة واحدة تبقى غير محقة

الأخت الفاضلة دكتور شو

هيا فعلا قالت بكل وضوح ما اختلفناش

بس مش موقفها هيا بس .. قالت موقفها ومعه اتهام لاحد الأعضاء بالخيانة والغدر دون ذكر شخصه .. مما يجعل جميع الأعضاء محل شك كما سبق وذكرت .. يعني هيا زودت على موقفها كلام مش زي مانتي تفضلتي بالقول ولو زودت عن اللى قالته كلمة واحدة تبقى غير محقة .. يعني كدة ما استفدناش اي حاجة غير الشك يا أختي الفاضلة .. وان يتعرف قدامنا موضوع كان ممكن أصلا ماحدش يعرف عنه حاجة .. لان انا واحدة من الناس على اتصال بالاخ مقهور وكنت اعلم منه انها رغبته في الانسحاب من القهوة دون أن يذكر أسباب وقد اكتفيت بهذا لانها رغبته .. ولم يطلب احدا منا ان تتفضل الاخت الفاضلة منة الله بعرض الموضوع (الذي لم نكن نعلم أصلا أن لها علاقة به) وهنا ظهر ما يسوءنا جميعا أختي الفاضلة

على العموم .. واضح ان كلامي وصل وفهمتو ان قصدي مش لت وعجن وخلاص :flowers:

إقتباس :
اقتباس:
اتعرض اتعرض على الكل عشان حاجة معينة تبان بطريقة معينة وتتفهم بطريقة معينة

بسم الله الرحمن الرحيم
إن بعض الظن إثم
صدق الله العظيم

معلش بقى انا كمان استشهد باية من القران اشمعنى انا :D

بسم الله الرحمن الرحيم
اتأمرون الناس بالبر وتنسون انفسكم

أنا قصدت ما قلته أختي الفاضل ولم يكن ظنا بأحد لان اي مشكلة اذا عرضت من طرف واحد ستعرض بطريقة معينة وباسلوب فهم معين ... يعني أنا لم أظن في أحد يا أختي وحضرتك اللي ظنيتي فيا مش انا :flowers:

أكرر يا شو .. اختلافنا لا يفسد للود قضية .. أرجو أن يتسع صدرك لهذا ولا أرى سببا أن تنجم بيني وبينك مشكلة واحنا أساسا مش اطراف :D:D مش كدة ولا ايه

خدي دي بقى من جنينة مقهور :flowers::flowers:

روبى 2

01-21-2004, 11:37 AM

في صالح المجموع يفني الواحد

للاسف

لأخي جهاد

والعكس صحيح أيضا .. فكلنا لبعضنا المفروض بناء على كلام الحبيب المصطفى صلى الله عليه وسلم (كالبنيان يشد بعضه بعضا) و (كالجسد إذا اشتكى منه عضو تداعى له باقي الأعضاء بالسهر والحمى)

ولا ايه

حتى الأجانب بيقولو ALL FOR ONE AND ONE FOR ALL

تحياتي جهاد:flowers:

dr_sho

01-21-2004, 02:40 PM

معلش بقى انا كمان استشهد باية من القران اشمعنى انا
حقوق الطبع محفوظة

بسم الله الرحمن الرحيم
اتأمرون الناس بالبر وتنسون انفسكم

صدق الله العظيم
:clap::clap::clap::clap::clap:
تشكراتى على التذكرة يا روبى
ربنا يبارك لك

يعني أنا لم أظن في أحد يا أختي وحضرتك اللي ظنيتي فيا مش انا
يااااه ده أنا طلعت وحش قوى :blush):

اختلافنا لا يفسد للود قضية
موافقون موافقون :tu:

أرجو أن يتسع صدرك لهذا
لأ متسع ومتسع ومتسع
ده رسيبشن كبير قوى
وبعدين بصراحة فيه ناس معينة :blink: معاهم بيبقى رسبشنين فى بعض

ولا أرى سببا أن تنجم بيني وبينك مشكلة واحنا أساسا مش اطراف
هنا بقى انا اختلف معاك
أنا أرى سبب وجيه جدا لأن تنجم بيننا مشكلة
وتكبر
وتستفحل
و

السبب إنه (لامحبة إلا من بعد عداوة )
ربنا ما يجيب عداوة
بس لو آخرها بقى محبة
فياأهلا بالعداوة
وبالمشاكل الناجمة والغير ناجمة :-"
خدى دى :box:
ودى :chair:
ودى:shak:
خدي دي بقى من جنينة مقهور

لأ مش هأخدها
موش عايزة حاجة من جنينة مقهور
وموش عايزة حاجة من مقهور خالص
لأنه قهرنى بصراحة
يامقهورررررررررررررر

وبعدين كان فيه وعد وعدهوللى ولازمن ولا بد ينفذه
ومش مسمحاه لو ما نفذهوش (وعلى فكرة أنا شرانية جدا وقلبى أسود وما بسامحش خالص)
يارب بس يبقى فاكر الوعد ده

مقهور
عد يا أخى
فالكل يحتاج إليك

روبى 2

01-21-2004, 03:13 PM

الغالية دكتورة شو ..

خالص تحياتي لك :flowers::flowers:

وياستي لازم عداوة يعني :crazyy: ما احنا حلوين اهو

خلاص يا ستي

:chair::chair::chair::chair: كفاية دول

نبقى حبايب بقى :D

تحياتي لك ولسعة صدرك اختي اعزيزة

:flowers::flowers: من عند مقهور برضو .. يالا زي بعضه:D

مالك

01-21-2004, 05:28 PM

السلام عليكم
اخونا مقهور الغالي من الاخوه اللي مأثرين في ناس ياما اوي وغيابه تاعب ناس اكتر وانا منهم وروبي واكيد غيرنا ياما
ما تفسير الآية الكريمة منى
هو نفس التفسير الموجود فى كتب المفسرين لإنى لا اعرف لنفسى تفسيرا غيره
توجيه ربانى نزل على المؤمنين من رب البرية لإنه اعلم بما تحمله النفوس البشرية
وقد نزل فيما أذكر عندما كان رسول الله يقول( يا أيها الناس كتب عليكم الحج ) فقال رجل أفى كل عام يا رسول الله فأعرض عنه الحبيب المصطفى
فكررها الرجل
فقال الهادى الأمين ( يا أيها الذين أمنوا لو قلت نعم لوجبت ولو وجبت ما اطقتموها ولو لم تطيقها لكفرتم)
ونزلت الآية الكريمة توجهنا إلى عدم تقصى حقائق الأمور والأجتهاد فى كشف ما خفى عنا لأن فى ذلك فتح ابواب جديدة قد لا نطيق لها دفعا .
اي نعم
لما الموضوع يكون خاص يبقى من حق الفئه المشتركه في خصوصيته انها تسكت انما لما يتحول لموضوع عام وينزل موضوع مثبت في ارجاء المنتدى في المصطبه وفي قسم عامي يبقى معتقدش انه بأه خاص ومعتقدش انه مادام اتكلمنا يبقى نتكلم للاخر مش نقول جزء من اللي حصل وتتم عملية الصمت
تحذير او اعتذار او عتاب او غيره لاخ من الاخوه المشتركين هنا لو كان دا قصد الاخت منة الله فعلى ما اعتقد انها لدرء الشبهات انها تذكر ما حدث ولو كان الرد انه لا يعنينا اللي حصل في شئ يبقى كان الافضل انها متذكرش اي شئ عن الموضوع وتكتفي بالموضوع انه نداء بالعوده وبس وان في مشاكل من غير ما تتم تسمية المشكله بس مش تتم تسمية المشكله وفي الاخر لا نفقه شئ عن ما حدث والمطلوب اننا نحذر من الناس ونناشد اخ كريم بالعوده؟

اختي الفاضله الموضوع لما يتقلب من خاص لعام يبقى من حق الناس انها تعرفه
وتعرفه من كل جوانبه لكي لا تحدث بلبله وعلى ما اعتقد ان في فرق شاسع بين امر الهي لموقف ما وبين موضوعنا دلؤتي
S.L.a.M
سلاموا عليكوم

رنـranimـيم

01-21-2004, 06:25 PM

ولا حد يسأل .. يمشي ليه
ولا صوت علي لاجل يناديه
ولما جالنا من الرياسة ..
صوت .. وف غاية الحماسة
لاقيتو صوت بيداري شبهة .. مش محترم فينا فراسة

بالضبط هى دى المشكله

الحكايه ان الكل هنا ينقسم الى قسمين ..قسم مش عارف الحكايه ولاعارف ايه اللى حصل ...وقسم عارف الحكايه وعارف ايه اللى حصل ..وانا منهم ومعترضه على اللى حصل وشايفه انه مايصحش ولا يليق
طالما الموضوع طرح للمناقشه من قبل الاخت المخطاه فى حق مقهور واللى اعترفت بخطئها وهلل البعض ان بكده الاخت عملت اللى عليها وان على حد تعبيرهم الكوره دلوقتى فى ملعب مقهور الامور لاتؤخذ بتلك السطحيه ولا بهذه البساطه هناك خطا يوجب الاعتذار عنه وفعلا اعتذرت الاخت يتبقى الشئ المهم وهو تصحيح الخطا الذى تسبب فى الاعتذار يعنى ببساطه وبتعبيرهم الكروى الكوره لسه عندهم فى ملعبهم لسه مارحتش لمقهور...والاكثر غرابه هو ان البعض يرى ان مش من حقنا نعرف حاجه لكن بس كل اللى المفروض نعرفه ان الاخت اعتذرت اكتر من كده لا ...طب لا ولا ولا.. الاخت تتفضل مشكوره تروح تعتذر لمقهور لو سمحت وتاخد معاها الاخوات اللى بيباركوا خطوتها وشايفين انها كفايه انما احنا مش عدد ولا حاجه مالهاش راى ...
والاستشهاد بالايه الكريمه التى تشير بالامر للمسلمين بعدم السؤال عن اشياء ربما تحزنهم لو عرفوها ...لااعتقد هذا الاستشهاد مكانه فى تلك الواقعه الا اذا كان يقصد به ان نصبح مجرد صور مش مفروض نفهم حاجه ...رعيه ..مااحنا بره رعيه ..مااحنا طول عمرنا متعودين على كده بس يظهر ان ده قدرنا طول ماحنفضل نتكلم عن حاجات ونعمل حاجات تانيه خالص ...وده اللى ربنا طلب مننا تجنبه الا نقول مالانفعل
لعن الله قوم ضاع الحق بينهم ..لسه .قدمنا كتير قوى قبل مانقدر نقف ونقول بغض النظر عن المصالح والشلليه لشخص وارفع يدى تجاهه واشير عليه واقول له بكل صراحه انت مذنب ..وانما مازلنا نخلط الامور ونضع اعتبارات للعواطف ونراعى العلاقات قبل ان نراعى الضمير ..ونراعى انفسنا ومصالحنا قبل ان نراعى الله
حسبنا يوم ياتى تتقلب فيه القلوب والابصار ونعجز عن رد الحقوق الى اصحابها

سلمت يداك ياروبى ...وقولك الصادق هو كلمة حق احترمك واقدرك عليها
كل الاحترام والتقدير ..فكلمة الحق قد دفع فيها قبلنا وغيرنا وسيظل يدفع فيهل الكثيرون اثمان قد تصل الى حد دفع الحياه ثمنا لها وقد يكون ضئيلا اذا قورن بكلمة الحق ..والساكت عن الحق شيطان اخرس

مقهور ...اخى واستاذى احترمك واعتز دائما انى عرفتك

هراس حقا مايصبرنا عن غياب مقهور هو وجود انسان مثلك وسطنا تحياتى لك

رنيـــــم

dr_sho

01-21-2004, 08:52 PM

:)
احم احم
أنا بس جاية أسلم على الناس الطيبة المتواجدين هنا
بصراحة حاجة هايلة خالص
أجرى الله الحق على السنتكم :clap::clap:
جزاكم الله خيرا :flowers:

وسلام عليكما :flowers:

اللهم ارنا الحق حقا وأرزقنا إتباعه
وأرنا الباطل باطلا وأرزقنا إجتنابه

:flowers: دى من بستان مقهور
(وقولوا للناس حسنا ) دى برضه وردة بس من بستان رب مقهور
(تبسمك فى وجه اخيك صدقة ) ودى وردة تانية بس من بستان النبى المرسل إلى مقهور
(أبنى إن البر شئ هين وجه طلق ولسان لين ) ودى وردة أخيرة من بستان واحد شاعر ابن حلال زميل مقهور

ما تيجى بقى ياعم مقهور :flowers:

روبى 2

01-22-2004, 03:55 PM

أجرى الله الحق على السنتكم
جزاكم الله خيرا

آمين وإياك ان شاء الله :flowers:

mekoo

01-22-2004, 04:12 PM

لا حول ولا قوة الا بالله

خالد المصرى

01-30-2004, 01:32 PM

السلام عليكم ورحمة الله وبركاته

الاخت الكريمه دكتور شو
تحياتى لك واشكر على ردك الذى جاء باجابة على استفسارى ..ورغم تعارض وجهة نظرى
مع هذا الاستشهاد الا انى احييك على مسعاك وفقك الله دوماً .

بادئ الامر حين تسائلت عن سبب الاستشهاد..بهذا الجزء من الاية الكريمة

بسم الله الرحمن الرحيم
(يا ايها الذين آمنوا لا تسئلوا عن اشياء إن تبد لكم تسؤكم)
صدق الله العظيم

كان لعدم قناعتى باساس الاستشهاد نفسه فى هذا الموضوع ...فسواء انا على علم
بتفاصيل الموضوع او على عدم علم بتفاصيله فالامران سواء هنا ...
الامر الاساسى هو سبب الاستشهاد فى موضوعنا المعنى .
ومحاولة ربط هذا الجزء فقط من الاية الكريمة بموضوع النقاش او بمعنى اصح
موضوع التساؤل ...خصوصا ً بعد ربطى تفاسير اجزاء الاية بعضها ببعض.
وعدم الاعتماد على تفسير هذا الجزء فقط .

بالفعل سبب التنزيل الذى ذكرتيه هو صحيحاً وهو احد الاسباب الاربعة
فى التفاسير ولمزيد من الايضاح الرجوع الى
الكتب التفسير الاربعة
القرطبى
الطبرى
الجلالين
ابن كثير .
هذا على سبيل المثال .

اما عن الاستشهاد بهذا الجزء فإن موضوعنا المعنى لا علاقة له بالاستشهاد
وقد تفضل الاخ الكريم لينين بعرض وجهة نظر اتفق معه فيها .

ولمزيداً من التأكد قمت بالاتصال بالشيخ حامد العلى وسؤاله عن هذا الموضوع
وقام فضيلته مشكوراً بالرد

السلام عليكم ورحمة الله وبركاته

هناك خلاف حدث بين شخصين، فجاء شخص ثالث يريد
الإصلاح وكان يسأل عن تفاصيل المشكلة بنية الاصلاح
فقال له شخص ليس له دخل بالمشكلة:

" يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ "
يقصد أن يقول له لا تسأل وليس لك دخل كى لا تسمع ما يسوئك

السؤال هنا هل يجوز الاستشهاد بهذه الآية في هذا المكان
بهذا القصد؟
وجزاكم الله خيرا

رد فضيلة الشيخ

وعليكم السلام ورحمة الله وبركاته
كلا لايصح الاستشهاد بها ، لان الاية في وقت التنزيل فقط
، فنهاهم أن يسألوا عن أشياء قد سكت عنها ، فينزل حكم
بتحريمها بسبب سؤالهم ، أما فيما بين الناس فلا موضع
للاستشهاد بالاية أصلا والله أعلم

تحياتى وكل عام والجميع بخير .

يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ
الْقُرْآنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حليمُُ (المائدة ) اية 101