صباح الفل يا هريدي .. أول معانقة .. هل تقبلوها ؟

[واحد بيحب مصر]

بسم الله الرحمن الرحيم
اخوت الأحباء في هذا المنتدى الجميل
السلام عليكم و رحمة الله
حينما وصلتني الدعوة من أخي الكريم هراس لم أتردد لحظة في قبولها
و حبا له و لأصحابي في مصر و المنتدى أشارككم بهذه المشاركة المتواضعة
التي أتمنى أن تنال إعجابكم :

صباح الفل يا هريدي


صباح الفل يا هريدي = أنا جيت لك على القهوهْ
و شايل فرحتي ف.إيدي = و قلب يحب و بيهوهْ
و جبت اصحابي و يايا = و طبينا على سهوهْ
يا ريت كرسي و كبايه = و رشّةْ شاي مع القهوه
ْ***
أنا واحد بحب الناس = و مصر ف.قلبي و عنيهْ
كريم النفس و الإحساس = و باوزن ف. الرجال ميهْ
و مش عاطل و مش هلاّس = كرامتي أحلى ما فيهْ
و لو تقبل زبون حساس = أقدم كلمتي هديهْ
***
كتبت الشعر من قلبي = كلام موزون ولهْ معنى
و لو تقبل تكون صحبي = تلاقي الشعر جمّعنا
كتبت فصيح و بالعمّي = عشان الدنيا تسمعنا
و مش جاهل و لا أُمّي = لكن شعري مجوّعنا
***
و جيتلك بعد جهد كبير = عشان قلبك كريم و كبيرْ
لقيتك زي ما قالوا = هريدي الطبعْ و التدبيرْ
صعيدي كنت ، بحراوي = لكنْ مجدعْ بدون تفكيرْ
عشان مصراوي ألاّوي = حبايبك ف. الحنايا كتيرْ

ـــ

تحياتي و دمتم


واحد بيحبكم و يحب مصر

[محمود الأزهري]

السلام عليكم ورحمة الله وبركاته..
الأخ .. واحد بيحب مصر..
كلمات رائعة وغاية فى الرشاقة.. والحيوية..
بداية موفقة وقوية ان شاء الله..
أخى الحبيب حللت أهلا ونزلت سهلا..
وان شاء الله تكون سعيد معانا وتفرجنا على الحاجات الحلوة على طووووووووووووول..
كان هذا هو أول رد على الماشى بسبب الكلام الحلو اللى هنا..
ولى عودة ان شاء الله

[محمد فارس]

اهلا اهلا يادكتور
شرفت ونورت
البيت بيتك

حبيت اسلم على السريع
ولينا عودة بواجب الضيافة

[بنوتة مصرية]

صباح الورد يا غاليين
صباح الفل والياسمين
القهوة نورت بيكم
وليكم احنا مشتاقيين
كلامك حلو له معنى
على الحب جمعنا
وفى الخير رينا يديمنا
وفى الجنة يجمعنا


يا اهلا وسهلا بيك بين اهللك وناسك وسلم لى على مصر كتير وقولها وحشتينىىىىىىىىى:cry::cry::cry::cry:

[شاب مصري]

سلام حق نفر يحب مصر :clap:
بلد انا ماما

انا في رحب انتا في قهوة حق هريدي بابا
هذا قهوة 100 ,, 100 بعدين انتا مافي روح
قهوة تاني
انتا لازم يكتب هنا :book: على طول
انتا في يكتب كلام مضبوط

[monahassan]

اهلا بيك بنا :flowers:

[هريدي يابووووي]

ياباشا نورتنا و شرفتنا والله:flowers:
جزاك الله كل خير على البداية الرائعة..
و كما قال الشاعر..


:clap::clap::clap:
يا قهلاً يا قهلاً يا قهلاً :clap: يا قهلاً يا قهلاً يا قهلاً
يا قهلاً يا قهلاً يا قهلاً :clap: يا قهلاً يا قهلاً يا قهلاً
و كمان قهلاً و قهلاً :clap: و ألف قهلاً و قهلاً

[آيات الجارحى1]

:viking:
اييييييييييييييه ده..
الموضوع ده هنا من امتى:crazyy:
ايه الروعة دى..
ده ايه الحلاوة دى..
بسم الله ما شاء الله..
بجد كلام من اجمل ما يكون..
تسلم ايدك ياللى بتحب مصر:cry:
يا بيج بوص..
انا خلاص شكلى هعزل من العمارة الناس كل شوية تتفزع والله من صوت ضحكى..:sniff:
تسلم مجايبك يا استاذنا الكبير اوى هراس..:flowers:
بس بجد ما شاء الله حاجة روعة ربنا يحميك ..:pray:

[واحد بيحب مصر]

الأخ الكريم الشيخ زورو
و اله يا أخي الواحد زورو اتنبح من الكلام لكن الظاهر مفيش فايدة
عموما أنا سعيد بوجودي معاكم و بهذه الحفاوة في الأستقبال
و ان شاء الله أكون عند حسن الظن
تحياتي و دمتم

[واحد بيحب مصر]

الحبيب هراس
أنا هنا حسب وعدي
لم أتأخر
شكرا لاستقبال الأحباب الرائع
و دمتم في تألق دائم

[واحد بيحب مصر]

أيها الشاب المصري الجميل

هكلمك هندي على كيفك .....

خلاص ما في مشكل صديك
أنا لازم فيه موجود كل يوم الساعة واهد و نص .
أنا لازم جيب كل هندي نفر عشان لازم كلام سوا سوا
أنا ما في معلوم عربي كلام
بس سويه سويه
بابا كلام مصر دي أم دنيا .
صهيه كلام دي صديك؟
انت فيه معلوم هندي كلام ؟
أنا ما في معلوم .

تحياتي أخي الكريم و أنا سعيد بوجودي بينكم
دمتم على خير

[سلسبـيل]

اولا انا داخله اقول سلام عالطاير
ورااااجعه تاني باذن الله
داخله اقول ايه الروعه دييييييييييييييييي
يااخ بيحب مصر
بسم الله ماشاء الله ولا كسرة وزن


ومش قادره اقول دلوقتي غير الابيات المؤثرة اللي قالها الاخ هريدي ترحيبا بيك

يا قهلاً يا قهلاً يا قهلاً يا قهلاً يا قهلاً يا قهلاً
يا قهلاً يا قهلاً يا قهلاً يا قهلاً يا قهلاً يا قهلاً
و كمان قهلاً و قهلاً و ألف قهلاً و قهلاً

[Nile Hawk]

أيه يا عم الحلاوة دى :clap::clap::clap::clap::clap:

مع أن مكنتش محتاج كل المجهود ده عشان تلاقى ترحيب مننا
بس مش مشكلة زيادة الخير خيرين

أهلاً بك بين أهلك و أخوانك فى الله

تحية موجهه لك من أحد الناضورجية (المشرفين) عسى أنك تشد حيلك و تبقى واحد منهم.

[At2OoTa]

السلام عليكم...
ما شاء الله كتابتك جميلة...
و ربنا يكرمك أن شاء الله..
و احنا شاكرين للأخ هراس لدعوته ليك..
أكرمكم الله جميعا...
,, تحياتي...:flowers::flowers:

[واحد بيحب مصر]

الأخت الكريمة بنوتة مصرية
تحياتي القلبية
و شكرا على ردك الشعري الجميل
هو دا الكلام ولا بلاش
انت كمان سلميلي على مصر عشان وحشتني أوي أوي أوي
الظاهر كلنا أغراب
تحياتي

[واحد بيحب مصر]

الأخت الكريمة منى حسن
تحياتي لكم و أهلا بك
نورتي صفحتي
و سعيد بوجودي معكم
تحياتي

[واحد بيحب مصر]

الأخ الحبيب هريدي
يا نهارك ابيض متوسط
هو انت بقى هريدي اللي عامل لنا الهيصة دي كلها
بس اعمل حسابك أنا لحد دلوقتي لا شربت شاي ولا قهوه
رغم إني حييتك بحتة قصيدة
عموما أنا و الله العظيم سعيد بوجودي بين أحبابي أبناء وطني الحبيب
اللي وحشني خالص
عارف يا هريدي أول ما آجي بالسلامة هقول له
قهلا قهلا قهلا ... ميت مليون قهلا
تحياتي يا غالي

[واحد بيحب مصر]

لأخت الحبيبة آيات الجارحي
السلام عليكم
الموضوع يا ستي ببساطة اني جيت هنا النهارده بس
ناس حبايبي عزموني على القهوة ما قلتش لا
و كنت جايب معايا القصيدة دي
رحت قايلها على طول
إيه رأيك بقي ؟
ربنا ما يحرمكيش يا رب من الضحك لكن شوية شوية على العمارة .
بلاش تعزلي
الطيب أحسن
أنا أيضا أوجه شكري العميق للأخ هراس على دعوته
و أنا سعيد بوجودي بينكم
تحياتي أختي الفاضلة

[واحد بيحب مصر]

الأخت الكريمة سلسبيل
انا متشكر خالص على زيارتك لصفحتي
فعلا أول معانقة لي و أحس أني بين أهلي و إخوتي الحقيقيين
أما بالنسبة للوزن أنا عارف انه مش مكسور عشان فبل ما آجي أنا وزنت بره
و ارد تحيتك أيضا بأبيات هريدي
يا قهلا يا قهلا يا قهلا
تحياتي

[واحد بيحب مصر]

الأخ الحبيب نايل هوك
السلام عليكم و رحمة الله
أنا عار إن ما كانش لازم الهيصه دي كلها عشان ترحبوا بي
لن أنا قلت يا واد معقول تدخل على اخوانك في قهوتهمو إيد فاضبه.
من غير ما تكون شايل لهم بطيخة .
دورت على البطيخ في السوق ما لقيتش . صحيح .. عشان الشتا
قعدت أفكر أفكر .. ما لقيتش غير الشخبطة الكيبورديه دي .
بيني و بينك لقيتها قصيدة أجمل من ميت بطيخة
قلت خلاص هي دي هديتي لهم.
و الحمد لله أتمنى أن تكون الهديه عجبتكم .
أنا متشكر جدا أخي الكريم على ترحيبكم الرائع
بس حبيت أقولك قبل ما أخلص كلامي أنا كفايه عليا أكون شاعر بيحب مصر
وأهله إللي في مصر .
مش عاوز أكون ناضورجي
تحياتي و دمتم درعا واقيا و سيفا مشحوذا لنصرة الإسلام
و لنا لقاء

[واحد بيحب مصر]

إلى at20ota
ألسلام عليكم
إيه المعاناه دي .. يا ريت تخلي الأسم خفيف شويه عل أخوك الغلبان
شكرا لزيارتك
و أهلا بك
و ربنا يكرمك انت كمان

[Nile Hawk]

دورت على البطيخ في السوق ما لقيتش . صحيح .. عشان الشتا
قعدت أفكر أفكر .. ما لقيتش غير الشخبطة الكيبورديه دي .
بيني و بينك لقيتها قصيدة أجمل من ميت بطيخة
قلت خلاص هي دي هديتي لهم.
يا أخى فى الله ......... زى ما أنتا عارف "بصلة المحب خروف"


أنا متشكر جدا أخي الكريم على ترحيبكم الرائع

أى خدمة يا فندم أنتا تأمر بدل البطيخ بتاعك نبعت لك فول مدمس من بتاع محل أخر ساعة ................ بس أنتا شاور و قول عايز حاجة من ريحة الحبايب.

مش عارف كده عايز أقولك أن فى ناس أول ما بتخش على القهوة بحس بقربهم منى برغم بعدهم عنى ......... و الحمد لله أنك واحد منهم.

:flowers::flowers::flowers:

[المفكر]

السلام عليكم ورحمة الله وبركاته
يا أهلاً وسهلاً يا أخونا الغالي
مرحباً بك بين إخوانك ويارب نكون عند حسن الظن جميعاً
وفعلاً الأخ هراس كان عنده حق لما دعاك للمنتدي
بسم الله ماشاء الله كلام موزون ويدخل الدماغ يعمرها
بس متحرمناش من إبداعاتك
فكرتنا بالغالية مصر
أمال مين اللي لسه قاعد في مصر يا جدعاااااااااااااااااااااان؟

[واحد بيحب مصر]

الأخ الكريم نايل هوك
السلام عليكم و رحمة الله
وشكرا لتواجدكم هنا مرة أخرى
أنت أيضا و جميع الإخوان قريبون من قلبي رغم عدم معرفتي بكم
نحن جميعا إخوة متحابون في الله نحاول أن نوصل الكلمة الطيبةلمن يقرأها
و يعيها
الحقيقة أنني شاعر فصحى أكثر مني شاعر عامية ولكن أردت فعلا عند دخولي منتداكم الكريم أن أنزل عل رغبة أخي هراس في أن تكون أول مشاركاتي بالعامية
فكانت هذه القصيدة الجديدة المعدة خصيصا لكم
وبالمناسبة هي درة غالية قطفتها من أعماق روحي و قلبي و ليست بصلة
فأنا لا أهدي أحبابي غير الدرر الغالية
عموما سعدت بتواصلك و إن شاء الله لنا لقاءات أخرى كثيرة
تحياتي و حبي

[واحد بيحب مصر]

أخي الحبيب المفكر
السلام عليكم و رحمة الله و بركاته
سعيد جدا يا سيدي بمرورك العذب على قصيدتي
و أشكرك على إطرائك العذب
وأحب أن تعرف أن مصر الغالية عامرة و ذاخرة بأهلها و كفاءاتها
و ما نحن إلا بعض هوائها او نيلها الذي سافر في أصقاع الأرض ليروي أهلها
و يستنشقه المحرومون من هذا العبق الجميل
تحياتي
و دمتم

[محمد فارس]

كاتب الرسالة الأصلية : واحد بيحب مصر
الحقيقة أنني شاعر فصحى أكثر مني شاعر عامية ولكن أردت فعلا عند دخولي منتداكم الكريم أن أنزل عل رغبة أخي هراس في أن تكون أول مشاركاتي بالعامية
[/B]

يادكتور
العقد بينا بيقول شاعر عامية00
حكاية فصحى00دى عايزة عقد تانى0
0000

[محمـد حمـوده]

يا عــم ياللى بتحب مصر
ومصر بتحبك أ كيــــد
بنيت في قلب الهرايده قصر
ويوم وصولك احلى عيـد

رائع ومتمكن يا استاذ ****هل من مزيد ؟؟؟؟؟؟؟؟؟

[النيـل]

اخونا الجديد واحد بيحب مصر
والاستاذ الكبير الدكتور برضه واحد بيحب مصر
اهلا وسهلا بيك وسط اصحابك واخوانك
نورت القهوة ونورت الموجودين في القهوة
وجميل جدا هديتك ورقيقة جدا
كلماتك محب لاحبائه....

تقبل تحياتي وتقديري:flowers:
اخوك
النيـل:flowers:

[واحد بيحب مصر]

الأخ الحبيب هراس
و انتو يعني كنتم اعطتوني حاجة من عقد العاميه
لما أتعاقد على الفصحى
عموما كلنا يكتب الشعر حبا في الشعر و ليس الغرض منه أي نفع آخر
إلا حب الله و الأخوة في الله و حب مصر
تحياتي







ـــــــــــ

[واحد بيحب مصر]

الأخ الحبيب mo7و كفاي كده
الباقي مش عارف أقراه
شرفتني و آنستني و أشكرك من أعماق قلبي على أبياتك الجميلة
التي أهديتني إياها
القهوه منوره بأصحابها
لك حبي

[واحد بيحب مصر]

الأخ الغالي النيل
اخترت اسما غاليا على قلوبنا
الله عليك و عليه .. النيل
هذا الفيض الرباني الذي من الله عز و جل به على مصرنا الحبيبة
فسقاها الخير من آلاف السنين.
و انت رويت قلبي بكلماتك الحية النابضة
فدمت لنا و إن شاء الله سنلتقي دائما على الخير
تحياتي

[عادل سلامة]

اهلا بيك يا واحد .. وانت واحد من احلى الناس فى الموقع وهتكون من المحبوبين جدا ان شاء الله .. كلنا مستنين مزيد من القنابل .. والف شكر ياهراس .. وكلنا مستنين مزيد من اصدقائك الجامدين قوى .. صحيح .. الكتاكيت على اشكالها تقع ..
http://www.haridy.com/ib/showthread.php?s=&threadid=26615&perpage=15&display=&pagenumber=1

[النيـل]

و انت رويت قلبي بكلماتك الحية النابضة
فدمت لنا و إن شاء الله سنلتقي دائما على الخير
تحياتي
يسرني ويفرحني بان نتقابل دوما وخصوصا مع شخصية
محترمة مثلك فنان في كلماتك وحساس في مشاعرك
تقبل خالص تقديري وكل احترامي
النيـل:flowers:

[واحد بيحب مصر]

فعلا يا أخي الكريم عادل سلامة
الكتاكيت على أشكالها تقع
صباح الفل يا أحلى كتكوت
انا سعيد جدا بالعشه اللي جمعتنا
بس إياك الواحد ما يطلعش من عندكم يكاكي
تحياتي أستاذي

[واحد بيحب مصر]

الأخ الكريم النيل
فعلا سنلتقي دائما على الخير
تحياتي و تمنياتي القلبية

[موعوود]

يا أهلا بيك وميت مرحب .... تشرفنا علي القهوه
سعادتك بس لو تطلب ..... نشيلك في العيون جوه
.................................................. .....
هنا في القهوه رجاله .... قلوبهم بالايمان عمران
وبيقولوا هنا قواله ..... واكتب عامي ده العنوان
.................................................. .......
وحوا معانا بتشارك .... بكلمه صادقه وقويه
فأهلا بيك وباشعارك... فصحي أو بعاميه
.................................................
اهلا وسهلا يا باشا

[أرض الميعاد]

كالعادة دايما اجي متأخر ومتأخر جدا

فعذرا ....

أخي الفاضل ...

قلمك رائع بلا منازع
واختيارك للكلمات احسست انه يعبر عما نريد قوله جميعا
حبا في هذا التجمع الرائع

وفقك الله ...

[واحد بيحب مصر]

أخي الحبيب موعود
كل عام و أنتم بخير
و أشكرك من أعماق قلبي على كلماتك الجميلة
مؤكد أننا سنلتقي دائما على خير
تحياتي
د, جمال

[واحد بيحب مصر]

الأخت الكريمة أرض الميعاد
صحيح جيتي متأخرة شوية لكن روحك و ظلك و براعة قلمك
كانو كلهم دايما سابقيتك لنا
و تشريفك لقصيدتي سيضفي عليها بهجة و رونقا خاصا
تحياتي

[أبوعرّام]

:h2: سلام مربع وألف تحيه لكلام زين مية المية
شرفففففففففففففففففففففففففففففففففففففففففففففت
يا سيدى وسلام للجدعان:)

[واحد بيحب مصر]

حياك الله أخي أبو عررررررررررررام
و مشكور أن أيقظت هذه القصيدة بعد أن ظننتها في سبات عميق

تحياتي القلبية

د. جمال

[جارة القمر]

يا اهلا بيك يا دكتور
انت نورتنا
مش عارفة مين فينا الى سبق بس بيتهيالى انه حضرتك
بس مش مهم برضه نورت القهوة
وعزماك على مشروب الصداقة اللذيذ
ده صنف سبشيال مخصوص عند هريدى بس
صحسديح هنخليه على الطباشيرة بس مش مهم
الحساب يجمع
:55: