يا بختك يا عم **سؤال عن الجمال

[محمـد حمـوده]

الجمال ** هل هو وجهات نظر ** المؤكد ان الجمال نسبى زى كل حاجه حوالينا **
وهناك جمال خارجى شكلى برانى يعنى **وجمال داخلى جوانى
****اليكم رؤية فى الجمال
====================
كل ما حد يشوفنى يقولى ** يا بختك بجماها يا عم
فاكرين انى معاكى تملى ** متهنى وغرقان فى نعم
ما يعـرفوش ان جمــالـك
دعوه عليكى مش دعوه لـك
غـرك وغـير احـــوالك
خلا حياتى معاكى ألـم
حسبوا الجمال عين و شفايف
وقـد ع العشـــاق لايف
ولا يسوى لو انا مش شايف
طيبه ورقه وخفة دم
جمـالك اللـى يشد النـاس
صوره وخاليه من الاحساس
والشكل عمره ماكان مقياس
ده الطبع بالنسبه لى اهم
الدنيـا فيها جمـال الـوان
جمـال يزول بتاريخ وأ وان
وجمـال بطول عمر الانسان
يشفى القلوب ويزيل الهم



********** وعجبى

[آيات الجارحى1]

بس الشكل ده برضو مهم..
يفتحلك نفسك ما يغم...
ولا اكمن الطيب نادر..
يبقى الفيل اهون م الهم..
يوه بقىيوه بقىيوه بقى
والكلام لكى يا جارة:-":-"
كلماتك كل يوم بتزيد روعة عن اليوم اللى قبله وبداية بيننا رائعة وجميلة بجد..
تحياتى لكل ما تكتب:flowers::flowers:

[محمد فارس]

حموده

ماشاء الله عليك
انت بجد مكسب لينا فى اكتب عامى 00


بس ممكن اسألك00

اخلاقها عاليه 00عاليه وفوق
يعنى الادب00فوق منه الذوق
حُوله شمال 00و طرشه يمين
ويوم تشوفه00انت يا مين؟؟
بينها وبينه00حيكون شوق؟؟
0000

[محمـد حمـوده]

الاخت ايات ** انا باقول انتى نفسك حلوه والله وبترضى بقليله ودايما بتشجعى حتى الناس
التعبانين والشعراء النص كم اللى زى حالاتى **
جعلك الله ذخرا للمساكين
والشعرا الغلابه التعبانين
قولوا يا ناس ورايا امين


الاخ خراس **ياعم الله يكرمك ويجبر بخاطرك ** ارجع واقول انا تلميذ فى مدرستك** وردا على ردك الرائع اقول ان هى

زى ما رب الكون سواها
يمكن تكون مش حلوه لكن
كل الوفا والخير جواها
والجمال ف القلب ساكن

[محمد فارس]

كاتب الرسالة الأصلية : mo7amouda

الاخ خراس **ياعم الله يكرمك ويجبر بخاطرك
خراس خراس خراس خراس
خراس خراس خراس
خراس خراس
خراس


يطلع مين خراس ده ياحموده
يابخته بالدعاء الحلو

[محمـد حمـوده]

انا اسف ياباشا **غلطة كيبورد (الهاء جنب الخاء ) العتب ع النظر
خرمت خراس !!:)

[مرمورة]

فعلا عندك حق والله يا حمودة


الشكل مش كل حاجة في كتير وحشين ومن جواهم

احلى من احلى انسان


وفي ناس كتير حلوين وصفاتهم بتوحشهم


وكلامك كله عبرة وعظة


وفي منتهى الروعة

[محمـد حمـوده]

شكرا يا مرموره
واحب اقول انى لا انكر اهمية الشكل الخارجى أو جمال المظهر ** فهو اول ما يشد انتباهنا الى اى انسان**ولكن ما انكره هو الحكم على البشر من خلال مظهرهم الخارجى ** واعرف شخصيا واحد متجوز واحده تعتبر ملكة جمال ** ولكنه ليس سعيدا معها **كان منبهرا بجمالها ** ومع الوقت ضاع الانبهار واصبح يرى هذا الوجه كل يوم ** وبدأ يبحث عن ما هو أعمق وأهم من الشكل **فلم يجد الا غرور ونرجسيه **

[na7Lh]

كلام حلو يا mo7amouda
بالفعل الجمال .. قد يغر الانسان بجنسيه الذكري والانثوي ويغيره


والادهى من ذلك اذا صاحب جمال الجسم خواء روحي .. وفكر خالي!!

اللهم اعزنا بالاسلام!!

تحياتي
na7Lh

[محمـد حمـوده]

شكرا يا نحله 00 كلامك ززززززززززززى ( العسل ):flowers:
وانا موافق على رايك طبعا :tu: واتمنى يكون الورد اللى فى جنينتى المتواضعه عجبك
اشكر مرورك