تآلفت مع حد قبل كدة؟؟؟؟؟ [الأرشيف]

محمود

08-15-2002, 11:59 AM

يقول الرسول صلى الله عليه و سلم في المعنى

"ان الارواح جنود الله ما تقابل منها ائتلف و ما تنافر منها اختلف"

كلمات جميلة و معبرة عن واقع نعيشه كل يوم

عمرك شفت حد و كان نفسك تروح تقوله انا بحبك في الله؟؟؟؟

عمرك شفت حد لاول مرة و كان نفسك تقوله انا شفتك فين قبل كدة و تلاقوا ان ولا عنركوا اتقابلتوا؟؟؟؟

عمرك شفت حد و من اول مرة نفسك ارتاحت و قلبك فضفض و فضلت تقول و تتكلم حاجات ماحدش يعرفها لسة؟؟؟؟؟
الحديث جميل المعنى جدا يفسر لنا كل هذه الظواهر في حدود صغيرة لان الارواح تظل محكومة ب
"قل الروح من امر ربي"

هدفي من الموضوع:
ان كل واحد فينا يذكر موقف تعرض فيه للحكاية دي و لقى نفسه بيطبق الحديث و بيتآلف مع الشخص اللي قابله

انا ح اقول موقف سريع كدة

اخونا مجاهد عضو هنا في القهوة

من اول مرة رديت عليه للامانة حسيت اني اعرفه من زماننننننننننن جدا
تآلفت قلوبنا فأحسست هذا الاحساس
لم اصرح له بذلك بعد لذلك اقول له
اني احبك في الله :blush:

الجزء الاخر من الحديث
التنافر
و ارجو ان نكون كلنا من الجزء الاول :rolleyes:
علشان الجزء التاني صعب شوية :D

أندلس

08-15-2002, 12:49 PM

موضوع رائع يا محمود بارك الله فيك.....

اللي حاسيت إني تآلفت معاها أول ما عرفتها ، أسماء أو كيتي :wub: زميلتنا هنا في المنتدى ، كانت

بعثت لي رسالة خاصة تطلب مني التعارف........و رغم إني خجولة وقليلة الصداقات......حسيت إن قلبي

اتفتح لها معرفش ليه......ومن يومها واحنا بنتكلم سوا على المسينجر و في تفاهم كبير بيننا و حب و

الحمد لله.....وأجمل ما فيه......إنه حب في الله بلا أدنى غرض

وكمان ارتحت جدا لغفران :wub: رغم إن مفيش علاقة مباشرة بيني و بينها بس باحس إن قلبها كبير

وأجمل ما فيها إنها ما بتجرحش حد ولا بتهاجم حد....وده أكيد واضح من أسلوبها

أما بقى التنافر .>< .....فبصراحة ما قدرتش أحدد شخصية معينة بس جربت الإحساس ده.......و أنا

عندي حاجة غريبة وهي إني ممكن أحس باللي قدامي من نظرة ومن غير ما أكلمه ساعات كتير باشوف

ناس لأول مرة و من غير ما يتكلموا أقول ( ما باقولش كده إلا لأسرتي ) الإنسان ده مش مريح.....واللي

حواليه يقعدوا يقولولي و إنت تعرفيه أو تعرفيها منين.....وبعد مرور فترة أكتشف إن نظرتي كانت

صحيحة إلى حد كبير

محمود

08-15-2002, 10:15 PM

و جزاكي الله كل الخير يا اندلس
و فرحان جدا بإئتلافك مع سميلي كيتي
الله يوفقكن مع بعض لما فيه البر و التقوى

اما التنافر
فموقفك بيحصل معايا من صغري
بس للاسف
مش بقول لحد
لان غالبا ماحدش بيصدقني
و الحمد لله,نظرتي دايما صح و بيطلع في الاخر ان الشخص ده مش مظبوط فعلا
الله يوفقنا دايما لمصلحة دينه :rolleyes:

مجاهد انا

08-15-2002, 10:39 PM

ايه ده مجاهد مين ..
انا مستعجل المغرب بيأذن يا ريت يكون في جواب عقبال ما اجي .. :wub: :wub:

محمود

08-16-2002, 12:01 AM

طبعا مجاهد اللي توقيعه ده

تقبل الله :) <img src='http://lyg.jeeran.com/walad.gif[/img]

مجاهد انا

08-16-2002, 02:03 AM

السلام عليكم ..
ياااه ..
على قد نا انا سعيد جدا .. على قد ما انا حزين ..
كان نفسي ابدأ عشان دلوقت لو قولت حاجة حتقول منافق او رد جمايل ..

لكن والله العظيم ..
انا بحبك في الله انت الاخ حمود بطريقة لا تتصورها ..
بجد لازم اشوف اي مشاركة ليكم ..
حاسس بحب حقيقي والله ..
ربنا يجمعنا في الجنة ان شاء الله ..
و كمان هريدي ربنا يجزيه خير عنا ..
و كتير و الله ..

اما بالنسبة للأخوات كلهم ميه ميه .
مش حاقول اسامي علشان عارف دماغتهم مطرشقة ..
انسى واحدة تيقى حدوته .. :lol: :lol:

و السلام عليكم

a.i

08-16-2002, 03:46 AM

بارك الله فيكم
فعلا احيانا بحس انى برتاح لحد من اول مرة او حتى لما حد يحكى عنو
والحاجة الى عايزة اضيفها انى مرة واحدة حبتنى جدا جدا بطريقة غير طبيعية و حبتنى فى الله بس المشكلة انى تنافرت معها تماما ومعرفش لية واستغربت اوى ان ممكن تكون واحدة مرتاحة لواحدة والاخرى لا ترتاح لها تماما وطبعا الموضوع دا عمل لى مشاكل كتير جدا جدا
مش هاطول عليكم
السلام عليكم وفقنا الله لما فية كل الخير <_<

محمود

08-16-2002, 03:58 AM

مشكورة فعلا على رد بس نقول الاول وعليكم السلام ورحمة الله
للامانة انتي قلتي حاجة حصلت معاي برده
و يومها لم اجد تفسير معين لهذا الشذوذ عن القاعدة
الا ان قصور تفكيرنا كبشر عاديين يبرر عدم استعابنا لهذه الحالة الخاصة
و على العموم
اللي عنده اي نفسير للحالة الجديدة انا متشوق اسمعه منه
سلام :)

مجاهد انا

08-16-2002, 04:07 AM

اباااااي ..
انا برده حصل معاية الموضوع ده ..
بس انا عندي تفسير .. غبي بس اه اللي عندي

يا جدعان فيه اسباب كتيرة ..
زي ايه يعني ..

يعني مثلا الشخص ده بيعمل حوارات كتيرة .. ماهاش لزمة ..
تحس انه كل هدفه يشوف صندوق الرسايل مليان .. اي حاجة ..
او ممكن كمان يكون عايز يزود مشاركاته بأي شكل ..
او ممكن تكون انت مش حاسس بيه ..
يعني يحكيلك عن مشكلة عويصة .. كل ما تجيبله حل ما فيش فايدة ..
و كمان تلاقيه في نفس الوقت قلبها نكت ...
يعني انت تحس انه مش كويس مجرد احساس ...
الله اعلم بالنفوس

سلام

محمود

08-16-2002, 04:10 AM

طيب و الحل اللي انت بتعمله ايه يا مجاهد؟
بتطنشه ولا بتواسيه و لا بتفضل معاه للاخر؟؟؟؟؟ :huh:

قول و هات حلول علشان الكل يستفيد :)

مجاهد انا

08-16-2002, 04:14 AM

و الله يا محمود انا بفضل معاه للأخر .
حاجة من اتنين يا هو يبطل يا انا ابعد شوية صغيرة يعني احسسه من بعيد لبعيد ..
لأن الله اعلم ممكن يكون اللي عندي مجرد شكوك و اوهام و الراجل يكون كويس

و انت بتعمل ايه يا محمود ؟؟

فجر

08-16-2002, 04:41 AM

السلام عليكم و رحمة الله و بركاته

بصراحة يا جماعة انتوا فتحتوا موضوع فعلا سبحان الله غريب جدااااااااا
انا فعلا بلاقى نفسى برتاح لناس و الله من غير حتى ما أتكلم معاها و فى نفس الوقت أنفر من ناس عمرى ماشفتها قبل كده من اول نظرة.

اما عن إرتياحى للناس فهو بصراحة اكثر من نفورى واما الأمثلة فهى كثيرة جداااااا ما اقدرش أحصيها من أشهرها انى تعرفت على بنات و إرتحت جدااااا لهم و فوجئت بعد ذلك بتشابه فى حياتنا الشخصية غريب ليس له تفسير إلا كما كنت اقول لهن اكيد إحنا إخوات و تهنا من بعض و إحنا صغيرين :D :D
و هم فتاه أعتبرها تؤمى تعرفت عليها من خلال الشات لدرجة ان كنا نقول نفس الشئ فى نفس الوقت و رأينا دايما واحد و ميولنا واحدة و كل شئ تقريبا و إنضمت الان للمنتدى و هى زهرة الإيمان

اما من خلال المنتدى فالأمثلة كثيرة منهن
حبيبة قلبى شروق بجد تشابه كبير بنا فى الميول التفكير :wub:
تؤامى الثالث حجابى هو حصنى تتصوروا حد التشابه فى أسماء إخوتنا و ترتيبهم ، مولودين فى نفس الشهر، نفس ظروف الإلتحاق بالكلية، خالى يسكن بالمنطقة التى تقيم بها و خالها يقيم بالمنطقة التى أقيم بها . نفس ظروف البحث عن العمل . و الكثير بجد أقف امام كل هذا و أقول سبحان الله.
و حبيباتى بالمنتدى كثيرات اخاف أنسى واحدة منهم مثل shhy_222 و نانو حبيبتى الغائبة أعادها الله لنا بألف سلامة يارب :wub: وموناليزا العسولة :wub: و الشهيدةو كيرلى و أم عمرو و غفران و ميشو و سهر و .............. كل بنات القهوة بصراحة اخاف أنسى حد لانى زهنى مش صافى :wub: :wub: :wub:

أتمنى محدش يزعل منى

و طبعا لن أنسى إخوتى فى الله بارك الله فيهم جميعا و أيضا لن أذكر أسماء خوفا من أنسى احد و لكنهم يعرفون أنفسهم.

اما أشهر موقف تنافر حصلى كان موقف فظيع
كنت ذاهبة لزيارة صديقة لى فى عملها و أثناء تواجدى عندها عرفتى بزملائها كان منهم شاب و الله اول ما دخلت و نظرت إليه حسيت بنفور شديد لم اعلم له سبب رغم انه محبوب من كل زملائه هناك المهم و أثناء الحديث أثنى على زملائها و زميلاتها فرددت لهم التحية و طلبوا منى رائى فيهم بصراحة فقلت لهم حقا إحساسى بهم انهم ناس طيبين و عندما صمت سألنى الشخص الذى ذكرته لكم عن رأى فيه خاصة فإستغربت من طلبه و إستغربت اكثر من نفسى و انا ارد عليه بمنتهى الصراحة قائلة : (( انت إنسان شكلك كده مش دوغرى بتحب تحرف فى الكلام و مش مريح ))
و الله زى ما بقولكم كده :woot:
حتى لاقيت كل اللى فى المكتب سكتوا كأن على رؤسهم الطير و أخذتنى صديقتى خارج المكتب و كان يوم لا اعرف كيف مر

و بجد و الله و بدون مبالغة انا عمرى ما غلط فى حد بالعكس دائما كلامى لطيف مع الكل مع من اعرف و لا اعرف و لكنى لم اجد تفسيرا لما فعلت. و لن تصدقوا ما حدث بعدها ، فبعد هذا الموقف بحوالى 3 أسابيع إكتشفت الإدارة ان هذا الموظف مرتشى :ohmy: و الله زى مابقولكم كده
ساعتها قلت لصديقتى شوفتى انا فعلا عمر نظرتى و الحمد لله ما خيبت فى حد :D

معلش طولت بس أعمل ايه الموضوع شدنى

و عايزاكم تقولوا لى انا صح و لا لأ

السلام عليكم

مجاهد انا

08-16-2002, 04:54 AM

السلام عليكم ..
اعتقد ان دي شجاعة نادرة ..
يعني معاك جت عشرة على عشرة 00
بس مش كل مرة تسلم الجرة ..
انا صراحة اخاف اوي .. بجامل في الاول لغاية ما أتأكد ..
بس ميه ميه يا فجر :)

a.i

08-16-2002, 05:17 AM

ماشي يا فجر نسيتى اسمي :o بس والله فعلا مش زعلانة منك لانى اصلا لم اكن اتوقع انك تقولية عشان انا بحس انى مش معروفة اوى فى المنتدى
مش عارفة لية؟؟؟؟ :blush:
المهم انا البنت الى بلاقيها بتقرب منى جدا وانا مش برتاح لها بصراحة بحاول
اوضح لها مشاعرى من الاول بصراحة شديدة عشان مبحبش حد يتعلق بيا وانا فى الاخر مش هاقدر احبها زى ما هى متخيلة
وبارك الله فيكم

ema

08-16-2002, 05:27 AM

السلام عليكم ورحمة الله وبركاتة :)
يمكن محدش يعرف انا مين لانى جديدة فى منتدى هريدى ولو سمحتولى انى اكون صدية ليكم :?small: :?small: :?small: :?small: :?small:
:wub: اولا احب انى اعرفكم بانى متتبعة كل منتدياتكم واعرفكم بانى عندما اشتراكت على منتدى هريدى وكانت دى اول مرة اشارك فيها بمنتدى كان من كتر ما قراءة من موضوعات ليكم والى من خلالها ارتحت ليكم وللمنتدى :blush: ولانى قراءة مضوع اليوم فاسمحولى احكى معكم :wub: :wub: :wub:

:( فى اول الامر اريد ان اقول انىعمرى فى حياتى ما ارتحت لشخص واعطيتة ثقتى بجد واحترامى الا :( :( وكان هم اول الناس الى بينتقضونى ويتخالو عنى :sniff: :sniff: مع انى والهى عمرى ماكنت بازى احد والا بخون امانة احد دا حتى اقرب الناس ليا هما اهلى هما اول ناس كانو بيلجائولى لما يكون عندهم مشكلة وبعد ما احلهلهم القيهم بعدو عنى وحتى عمرهم ما احسو بيا :( تصدقو انى عمرى فى حياتى ماكان ليااصدقاء يحق ان اقول عليهم اصدقاء الطفولة ودا يمكن لانى يمكن زى ما بيقولة انى عايشة فى عالم تانى عالم اية مش عارفة!!!!!!!!!!
:blush: :blush: اسفة لانى طولت عليكم الا انى سعيدة بالمشاركة معكم
سلام
:blush:

محمود

08-16-2002, 06:57 PM

للامانة بصرة لتاني مرة يا مجاهد
لاني بعد كدة ببدأ احبه و غالبا بيطلع انسان طيب جدا ^_^

فجر
قصتك شبيهة بقصة حصلت معايا برده
جه عامل يشتغل في المصنع و من اول مرة انا ما ارتحتش ليه و كنت بتجنبه و كل الموجودين و حتى اصحاب العمل كانوا مبسوطين منه و فاكرينه الولد اللهلوب
و كان دايما يبص لي و يقولي نفسي افهم مش بتحبني ليه
المهم
بعد فترة اكتشفنا انه حرامي كان بيسرق حاجات من المصنع و يبيعها لحسابه <_<

بالمناسبة
انتي صح و كلامك صح و ربنا يجازيكي كل الخير :)

ايه.اي,خليكي صبورة شوية على اللي بيحبوكي يمكن تلاقيهم احسن ناس في يوم من الايام و بارك الله فيكي :)

ايما,ازاي ماحدش يعرفك :)
انا دايما بشوف ردودك هنا في القهوة
بالنسبة لكلامك
انا حاسس ان حياتك ماكنتش في مكان واحد
انا قلت قبل كدة اني لغاية الان عشت في 6 اماكن مختلفة منذ طفولتي الى الان و ده السبب الرئيسي اني مالياش اصحاب معايا من الطفولة
هل انتي كذلك ؟؟؟؟ ;)

سترينج ريكو,اصبري و احتسبي يبدلك الله بما هو خير و اتقى :rolleyes:

فجر

08-16-2002, 09:25 PM

السلام عليكم و رحمة الله و بركاته

أخى العزيز مجاهد شكرا لك انت و محمود رفعتوا من روحى المعنوية بجد من ساعة الموقف ده و كلهم بقوا بيخافوا منى و يقولوا لى انى مش لبقة و مش بعرف أتصرف و لا أقول إيه فى المواقف الإجتماعية :( بس و الله دى كانت اول مرة اقول رائى بصراحة فى شخص مش مرتاحة له فى وجهه لانه أصر و الله انا كنت ناوية اعدى الموقف زى كل مرة و أكتفى بتعليقاتى على ذلك بين صديقاتى و لكنه أصر و بصراحة انا حاولت اسكت اكثر من مرة لكن هو كان الجانى على نفسه :D .

أختى فى الله a.i يعلم الله انه رغم انه كان اول مرة اشوف رد لكى فى المنتدى هو مسابقة العتق من النار و إلا انى إرتحت لك و يمكن اننا فى حاجة نعرف لعض اكثر و لو من خلال مشاركاتك و موضوعاتك و انا أرحب بك صديقة و اخت فى الله و فى إنتظار رسالة خاصة منك لتأكيد هذا :wub: :wub: :wub:

و بجد يا جماعة محدش يزعل لو لم اذكر إسمه فقد قلت إنى احبكم جميعا فى الله و ليست المسألة فقط إرتياح و دول علشانكم :wub: :wub: :wub: :wub: :wub: :wub: :h2: :h2: :h2: :h2: :h2: :h2:

أحبكم فى الله :)

و السلام عليكم

أم العيــــــال

08-16-2002, 10:16 PM

:huh: الظاهر اني محبوبه اوي في المنتدى الا ما حد افتكرني يلا مش مشكله ربنا يعوض عليا خير من عنده :unsure:

بس اوعي يا فجر اكون من الناس اللي بتتجنبيهم عشان بتحكمي عليهم من اول نظره :lol: ربنا يستر :unsure:

انا عن نفسي مش عارفه ليه نظرتي في اللي قدامي بتطلع على غير ما بتوقع يعني من الاول بكون متفائله اوي و اعامل الناس باخلاص جدا جدا و بمحبه وعطاء لكن لما الاقي من الطرف التاني دايما اني منسيه ومحدش فاكرني و دايما منسيه صدقوني اكلم الناس في رمضان محدش يكلمني يعيد علي في العيد :sniff:

اسال عن العيان اللي عندهم محدش يسال علي ولا يقولي سلامتك .... :unsure:

بتحصلي حاجات غريبه يمكن عشان غربه و الناس بايعه القضيه ومش فارق معاهم ... ;)

لكن فعلا فيه ناس اول ما بشوفهم قلبي يوجعني و ساعات بتوصل لان نفسي تغم علي و ابقى سوري عايزه ارجع من كتر القرف اللي طالع من نفوسهم لازق على وششهم.... :ya3:

الناس اللي اتآلفت معاهم من المنتدىبنت النيل و زنوبيا وام عمرو وسالوسي ...... :h2: :h2: :h2:

و فيه ناس حسيت انهم محبونيش وده واضح من اني اذكر اساميهم في مواضيع و ميردوش عليا وده

بيحصل وبيكون واضح لكن انا مش بزعل لاني عارفه ان الناس مش كلها هتتالف مع بعضها وانا في اكيد عيوب ممكن الناس متتقبلهاش بسهوله ....

لكن الغريب اني لما بيحصل و اعاتب حد مثلا و اقول ان ليه انت مش بتسالي عليا طيب انا مزعلاكي في حاجه الاقي ردود مش متوقعه زي بالعكس والله انت حبوبه جدا وكلنا بنحبك و نفسنا دايما نشوفك ونكلمك... :huh: طيب امال ايه ليه مش في بالكم انا :unsure:

انا مسميه نفسي المنسيه ده اكيد ومش بهزر لانه اتكرر كتير احساسي باني منسيه :sniff:

HAMOOOD

08-16-2002, 10:54 PM

بسم الله الرحمن الرحيم

بارك الله فيك اخى العزيز محمود ...... ^_^
موضوعك حلووو مره(رائع)....

الله يجازيك كل خير .....

احبكما بالله اخى مجاهد و محمود...... :wub:

بالحياه الواقعيه ممكن ان تحكم على الشخص من خلال ذاك الشعور الخفى الذى ينتابك(حكم اول مشاهده)......ومن خلال التجربه تؤكد الحكم او تعود عنه......فطنه المؤمن......اللهم اجعلنا منهم برحمتك يا ارحم الراحمين.....لكن كيف لك ان تحكم على الانسان الذى تسمع صوته او تقرأ كلماته..... :wacko:

اتصور انك تحتاج لوقت (طويل) حتى تثق بذاك الانسان..... <_<

فصداقه النت تكون كالحلم.....اذا لم يقابلها تعارف ومقابله........تبقى ضعيفه و متفاوته....

ومن طبعى عدم الحكم على اي انسان الا بعد التجربه......فالتجربه اكبر برهان.....مع انه احيانا انجذب لبعض الاخوان الاحبه.....لكن لا احكم عليهم الا بعد حين.....والحمد لله تكون النتيجه طيبه.....

فالقلوب بين اصبعى الرحمن يقلبها كيف يشاء ....اللهم يا مقلب القلوب ثيت قلوبنا على دينك..... :rolleyes:

احبكم بالله

:wub:

مجاهد انا

08-16-2002, 11:35 PM

السلام عليكم ..
ام العيال انا مارضيتش اقول الاخوات علشان المشاكل .. :)
بس صدقيني والله .. انت محبوبة جدا ..
ده مش مجرد كلام ..
اصل انا قبل ما اشترك .. كنت بعمل احصائيات سريعة للأعضاء اللي مشاركتهم كتير ..
و الله ان مواضيعيك والردودد عليها بتوحي انك محبوبة ..
و بعدين مش انت لوحدك اللي بتاعني من حكاية النسيان دي ..
انا اعرف واحد كل ما يتصل بيا يالتليفون ..
يقولي ايه يا عم .. ايه يابا .. خلاص كبرت علينا مابقناش قد المقام ..
مش بتتصل بيا ليه .. ؟؟
وعتاب طول الوقت ...
اعرفي على طول ده مش صديق ..
طيب انا مش بسأل انت مش بتسأل ليه ؟؟
الصاحب اللي بياخد كل حاجة واحدة بواحدة ميبقاش صاحب ..

بس( بيليف مي ) انت محبوبة ان شاء الله .. :) :)

الاخ حمود كلامك ميه ميه ..
العواطف احيانا بتودي في داهية ..
بس مش دايما :)

والسلام عليكم ورحمة الله وبركاته ..

فجر

08-17-2002, 01:56 AM

السلام عليكم و رحمة الله و بركاته

أم العيال يا قمر :wub:
انتى منسية :o مصدقش فى حد يعرفك يا جميل و ينساك يبقى معلش ما يستهلش صداقتك و لا سؤالك حتى .

انا فعلا حكمت عليكى من اول جلسة قصدى من أول نظرة فين المحامى بتاعك :D

انا بجد حكمت و أظن دلوقتى انتى عارفة حكمى و عارفه السبب و الله انا بجد خجولة إجتماعيا جداااااااا لما لما باخد على حد إنسى بقى بكره فى عشته بصراحة أصلى لازقة و اللى احبة ما سيبوش ابداااااااا و هو الجانى على نفسه :ph34r: و من هنا ورايح انا لزقتلك ما تبقيش بقى تشتكى منى بعد كده :P

و السلام عليكم

بيسان

08-17-2002, 02:08 AM

السلام عليكم ورحمة الله وبركاته

والله وكأن ام العيال بتتكلم عني وعن اللي بيحصلي .....انا من زمان مسميه نفسي (المنسيه)...

بحاول اكون خدومه واخت لكل الاخوات اللي هنا بالمقابل ملاقيش حتى ابتسامه ...لو عزمتهم على اكله حلوه يبقى واجب عليّ ...لو كل يوم اتكلمت في التلفون اسأل عنهم وعن اولادهم لو جبت اولادهم لبيتنا عشان يلعبوا مع الاولاد يبقى واجبي لكن اسألهم ليش بتسألوش عليّ والله الغربه صعبه وعايزين نبقى زي الاخوات يقولولي والله عشان مشاغل ....يا سلام هو انا اللي فضيه ....بس والله على حساب اولادي وزوجي بحاول اني اكون على صله معاهم .....
انا مشكلتي لمّا بحب اخت بحبها بجنون وببالغ بالعطاء عشان هيك لمّا الاقي منها استخفاف او نكران تيجي صعبه على نفسي كتير...زوجي يقول لي اعملي لله مش للعبد طيب لو احتسبت كل شيء اعمله لله مش انا واولادي برضه محتاجين صحبه صالحه ....
انا سني ضحوك بضحك بصوت عالي يبقى الناس عايزه تضحك من تأثير ضحكتي ...الاقي الناس بضحك وترحيب واودعهم بضحك ومحبه العاب اولادي اولادهم يلعبوا فيها براحتهم ....لكن لمّا نروح بيتهم الاقي اولادهم مخبيين العابهم عن اولادي ولاقيهم وكأني ضيف مش مرغوب فيه ......
انا اقرفت من الغربه والناس اللي بالغربه وخايفه اموت هنا واولادي مايلاقوش حد ياخد باله منهم
هذا مع التنويه انه في ناس كويسه جدا بس من بعيد لبعيد ..
انا بحب ناس كتير هنا في الله على رأسهم زلابيه لانها قريبه من تفكيري بس هي اجرىء مني شويه .....ام عمرو الغاليه هي اول واحده اكلمها على المسنجر واخت عزيزه بتسأل عني وعن اولادي ربنا يخليلها اولادها يارب....ميشو ..منةالله ..فراوله ...فجر..بوسبو...غفران... ام العيال انت انسانه خدومه منساش انك علّمتيني الصق الصور ....
كيرلي بنت مجتهده وبحب اقرألها....
سامحوني
تحياتي لكم جميعا

أم العيــــــال

08-17-2002, 07:08 AM

طب بس بقى لحسن قربت الدمعه تفر من عيني :sniff: :sniff: :sniff:

و الله بجد كلكم غاليين علي اخوه و اخوات والله وبدون حلفان انا عمري في حياتي ما ارتبطت بمكان زي

ما ارتبطت بيكوا كلكوا....:wub:

أخي الصغير مجاهد الف شكر على كلماتك المشجعه لي اني اثق في نفسي و حب الناس لي اكثر. ^_^

فجر زي ما قلتليفي الخاص انا موصوفلي فجر تدوشني والزقيلي ولا يهمك هو انا اطول :wub:

حبيبة قلبي بيسان ربنا يبارك لك في اولادك و زوجك واعملي الخير وارميه البحر لو دورنا مين يستاهل

ومين ما يستاهلش صدقيني مش هنعرف اي حد ....... :unsure: لكن طول ما عملك له لا تخافي ولا

تحزني :wub:

محمود

08-17-2002, 09:16 AM

فجر
احبك الله الذي احببتنا من اجله و جزاكي الله كل الخير :rolleyes:
ام العيال
طبعا انتي فقستنيا من قبل ما نتكلم و خليتينا مش عارفين نقولك ايه غير هي هي نفس الكلمة
احنا بنحبك و انتي للامانة بتنوري كل المواضيع و كفاية نشاطك :)
بالمناسبة,فين بنت النيل ؟؟؟؟
ولا هي نسيتنا و بقينا احنا منسيين كمان؟؟؟ ^_^

اخي حمود
كلامك عن النت و الحقيقة صحيح
بس مش مع الكل
مثلا انا الان اوجه سؤالي لك
هل حمود النت هو حمود الحقيقة؟؟؟ ;)
جاوب و قس على اجابتك كل اخوتنا الاحبة هنا الذين نحس بصدق كلماتهم و احاسيسهم
و احبك الله العلي الكريم :rolleyes:

مجاهد مرة اخرى
بيليف مي يو تو از محبوب :P

فجر
يلا بقى وري ام العيال اخلاصك و طهقيها صداقة :D

بيسان
كلماتك موجعة فعلا و ألمك يظهر من بين السطور :blush:
لا استطيع الا ان اسلي قلبك بنفس كلمات زوجك و اقول احتسبي عملك الصالح عند الله تعالى و كوني انتي ملاذ عيالك و صحبتهم طالما ان الظروف منعت عنكم صحبة الاخرين و
عافاكي الله من غربتك :)

ام العيال كلاكيت تاني مرة
و نحن كذلك نحبك في الله :)

بارك الله فيكم جميعا يا اخوان و ياريت يظل الحب في الله شعارنا الدائم :rolleyes:

مجاهد انا

08-17-2002, 09:31 AM

السلام عليكم ...
محمود الموضوع بتاعك ده استاااااااذ بجد استاذ انا حاسس بروحانيات عالية في الموضوع ده ..

الاخت فجر .. انا كمان خجووووول جدا .. و اول مقابلة دايما يقولوا عليا قفل :blink: :blink:
بس بعد كده بتفرج :)

الاخت ام العيال .. انت امنا كلنا ..
بس انا مش صغنون :wacko:
بكره اكبر و ابقى قدك :lol:

الاخت بيسان ..
و الله كلامك اثر فيا ..
بس يليف مي انت صح ..
اجرك عند الله .. :)
و كمان لو عايزة الصحبة الصالحة اظن هنا الاخوات ماشاء الله ..
و انا رغم اني ولا حاجة و اعتقد اني من مئات اللي بيستمتعو بمشاركاتك :) :)

سلام بئه انا رايح اتفرج على دهمان بطه ( مسلسل كرتوون نكته ) :lol:
سلام

محمود

08-17-2002, 10:19 AM

مجاهد باشا
الله يرضى عليك
هذه الروحانيات انما يبثها امثالك هنا
جزاك الله خيرا و ياريت لما ابقى اشوفك اجيب معايا مفتاح :tng:

بالمناسبة
هو المسلسل ده بيجي فين؟؟؟؟ :blush:

مجاهد انا

08-17-2002, 10:24 AM

الله يكرمك يا محمود .. :)
البرنامج ده بيجي على ال mbc ..
بس انا قريت في احد الموضعات انك ماعندكش دش .. :(

محمود

08-17-2002, 10:31 AM

فعلا
بس برده
بحب اعرف كل حاجة عن الامور دي علشان لما ابقى ارجع اهجم عليها :tng: :tng:

المهم
قوللي
عندك استعداد تستقبل رسالة خاصة؟؟؟؟ :)

مجاهد انا

08-17-2002, 10:34 AM

يا خبر ده يبقى يوم الهنا ويوم السعد :)
يا سلام يا ولاد :)
في انتظار الرسالة :)

curly

08-17-2002, 05:38 PM

السلام عليكم
انا حابة اذكر بعض اللواتي في القهوة من البنات اللي انا حبيتهم من كل قلبي :wub:
وشعرت بأن تعارفي بهم كان نعمة من الله عز وجل....
اولهم وحبيبة قلبي هي ندودة اللي كانت السبب في معرفتي لهذا الموقع الحلوووووو
وبعدين توالت الاحداث وعرفت اجمل شله على النت عموما B)
وهم بنت اليمن العسوله...فجر.....موني...منمن..مروة...بنت مسلمة...يمونة...عنونة...شأشأ....غدي
واسفة ازا كنت نسيت حد :blink:
اللهم اجمعنا في جنتك كما تعارفنا لاجلك ....اللم اّمين :wub: :wub: :wub:

الست شربات

08-17-2002, 05:56 PM

الله..فعلا موضوع جميل جدا..ربنا يكرمك اخى محمود... :rolleyes:

اول واحدة اقع فى هواها فى المنتدى ده كانت ام العيال السكرة... :h2: :h2: اولا لان اسمها ده هو نفس اسم الشهرة بتاع اختى الكبيرة روح قلبى..فكل ما اكنت اشوفلها مشاركة افرح اوى زى متكون اختى اللى كاتباها... لا وكمان لما اكتشفت انها فى نفس البلد فرحت اوى ... لا ومن تانى رسالة تعارف كنت بشكيلها وباخد رايها فى حاجات خاصة وقلقتها وزهقتها ... :D :D

كل الاخوات هنا ماشاء الله عليهم بحبهم جدا وخاصة منة الله وفجر وغفران وطبعا حبيبتى sshy
ربنا يجمعنا كلنا على خير يا رب عند حوض الكوثر...امين يا رب العالمين

فجر

08-17-2002, 06:22 PM

السلام عليكم و رحمة الله و بركاته

كيرلى يا عسولة تسلمى يا حبيبة قلبى و مجموعة طيبة و مشكورة نادودا على إنها عرفتك بالمنتدى و خلتنا نشوفك و يارب دايما مجتمعين على الخير و متحابين فى الله :wub: :wub: :wub:

الست شربات :wub: :wub: :wub: أحبك الذى أحببتنا فيه و ليك حق فى تعلقك بأم العيال و هى تستاهل كل خير و الله و أنا سعيدة جداااااااااا انى واحدة ممن تحبينهم فى الله و أسأل الله اننا نجتمع دائما على طاعته و يجمعنا الله فى رحابه فى الجنة جميعا بإذن الله :wub: :wub: :wub:

و السلام عليكم

نفرتارى

08-17-2002, 08:32 PM

اممم يعنى هتكلم عن مواقف فى الحياه لان هنا ما شاء الله الجميع لا ازكى على الله احدا بس كلكو ما شاء الله ممتازين و على راى مجاهد زمره الجنه00

الحمد لله موضوع التالف و التنافر ده عندى عامل زى الميزان الحساس من اول نظره بقول رايى و بيطلع صح لدرجه انى بقيت مستشاره العيله 00

المهم انى فعلا فى زميله ليا فى الكليه كنت كل ما اشوفها ينشرح قلبى و ابتسم لها بالرغم من اننا مش سكشن واحد و يا دوب معرفتنا بسيطه بس يشاء الله العلى القدير اننا نقرب من بعض بعد التزامى و هيا بقت من احب الناس الى قلبى00

برضه صحباتى الانتيم من اول مره تقابلنا و انا فعلا كنت سعيده و مرتاحه ليهم00

اما عن التنافر فبيحصل لى كتييير اشوف حد و الى هوا مش طايقاه 00و للاسف انا مش بعرف اخبى لدرجه ان لو حد سالنى انتى مش طايقانى اقول اااه00
اخر مره كانت زميله لصحبتى الانتيم فى الشغل و هيا دايما تحكيلى عليها و ازاى انها شخصيه ظريفه و لازم تتقابلوا00المهم فعلا جت صدفه اننا نروح حفله عمر خيرت سوا و مجرد ما سلمت عليها و انا مرتحتش لدرجه ان صديقتنا التالته-حاكم احنا ثلاثى -بتقول لى انتى مش طبيعيه ليه؟؟ قلتلها مش عارفه و كنا لسه فى العربيه 00لما وصلنا لقينا التذاكر فى صفين 00قعدت فى صف تانى غيرها و صحبتى الى معاها فى الشغل هتتجنن منى00المهم كلمتها بليل لما روحت و قلتلها دى مش سهله00كان كلها اسبوع و لقيت صحبتى بتكلمنى بتبكى منها و ازاى انها طلعت مش كويسه و نظام ضربنى و بكى و سبقنى و اشتكى و كده00

المهم انى حمدت الله سبحانه و تعالى انها بعدت عنها00

كمان انفر جدا من اى حد احس انه متكلف لانى بطبيعتى بسيطه و محبش العنطزه او يعنى محبش السنوبز00

للاسف الى بيتعنطزوا موجودين و ردى عليهم بيبقى عنطزه زياده-اصل انا لما احب ببقى تنكه قوىىىى- اما المتكلفين و الى بيحاولوا انهم يلعبوا دور مش بتاعهم فهما اصلا بيبعدوا عنى او مش بيحاولوا يتصنعوا قدامى لانهم عارفين انى مش هسكت00و بالمناسبه احب اقول ان كل انسان لازم يعتز بنفسه و بيئته و اهله لان الكدب مالوش رجلين و لما حد بينكشف كدبه الى كدب عليهم بيبعدوا عنه و كمان الى تعالى عليهم يعنى بيخسر الكل فى الاخر00بس كده

مجاهد انا

08-17-2002, 08:50 PM

السلام عليكم ..
كيرلي ربنا يكرمك انت والاخت شربات 0.. :)
إحنا نسينا واحد مهم اووي .
الاخ هريدي يا بووى يا اخونا تفتكروا لو ما كانتش القهوة كنا حنكون كده الله اعلم ..
بارك الله فيك و ادخلك فسيح جناته مع الحبيب المصطفى ..
====
نفرتاري ..
انا متفق تماما معاك في حتة العنطزة دي ..
بس حاتت انت مش طايقني دي جامدة شوية .. :(

الا صحيح انتا مش طايقاني ؟؟ :blink:
يا رب سلم يا رب سلم

=======
على فكرة انا و الاخ محمود اتكلمنا على المسنجر و كان احسن شات عملته في حياتي :)
والله مش بهزر .. كسر الرقم القياسي للفرحة عندي ..
الفرحة الاولى كانت لما كلمت بنت حلوة (قبل الهداية ) :wub: :blush:
بس الحمدلله الفرحة زادت ..
و الكلام ده يبشر بصديق حميييييييييييييييم جدا على قلبى :)

و السلام عليكم يا زمرة الجنة :) :) :)

محمود

08-18-2002, 02:02 AM

كيرلي
شكرا على مشاركتك
بس نستي تقولي
انتي تنافرتي مع حد قبل كدة لا سمح الله يعني؟؟؟؟ :D

الست شربات
جزاكي الله كل الخير
اخواتك هنا بيحبوكي انتي كمان بس نسيتي برده تقوليلنا على مواقف من حياتك :)

فجر
امين :rolleyes:

نفرتاري
ياسلام عليكي و على ردك المليان ده :D
الظاهر ان في فعلا حاجة اسمها الانطباع الاول و ده باين من اشتراك كل اللي ردوا تقريبا في الحكاية دي
ربنا يوفقنا و يزيدنا من نعيمه

اخي مجاهد
الكلا الجميل ده خلاني اضحك من كل قلبي :D
و فرحتني بس ماكسرتش الحد الاقصى
لاني عامله حديد مسلح :tng:
الله يبارك فيك
للامانة كلماتك هنا كانت اجمل و ارق على قلبي من كلماتي ليك و يارب نكون فعلا من زمرة الجنة ندخلها بدون سابقة عذاب :blush:

بارك الله فيكم جميعا :rolleyes:

princcesa

12-24-2002, 12:31 AM

دعوه متجدده للحب في الله :)

و هوه ده الحب في الله! الحب الصادق و المشاعر الخالصه بدون أي مصالح! :h2: :h2:
انا لو حكيت على المواقف اللي زي دي مش هخلص :wub: . زي ما لقيت حب الله هنا في كتكوت.. لقيته برضه مع ناس تانيه ....

أسأل الله أن يجمعني و إياكم بالدنيا و الأخره إشاء الله .

و أشهد أني أحبكم في الله

cool girl

12-24-2002, 02:57 AM

السلام عليكم ورحمة الله وبركاته ....
موضوع جميل ورائع أخي الفاضل محمود ....

فعلا سبحان الله ..في ناس بمجرد انك تسمع اسمهم تحبهم وترتاح ليهم وناس تانية العكس من قبل ماتشوفها وانت قلبك مقبوض منهم..ودا بيفكرني بالحديث اللي معناه انه ربنا لو أحب عبد ( يارب نكون منهم ) ينادي في أهل السماء أن احبوه وثم ينزل محبته على اهل الارض له ,, والذي يبغضه الله والعياذ بالله ينادي الله في أهل السماء أن يبغضوه و ينزل بغضه على أهل الارض لهذا العبد ..

وانا بااااااااااااااحب كل الناس اللي في القهوة ..باحبكم في الله :h2: :h2:
واخوية [color=crimson]مجاهد..بأحبه في الله :) رغم اني مااعرفه ..وبيفكرني دايما في أول ما اشتركت بالقهوة كان لما احوس في حاجه عبيطه كنت أرسله ويرد عليا :D
وباحب الاخ هريدي في الله ..والاخ محمود ونااس كتيرة

اما من اخواتي فهما كتيييييييييييييييييييييييييييييييييير قوي ..منهم نمسيس حبيبه قلبي حبيتها على طول من اول ماكلمتها وكمان زهرة الايمان من اول ماكلمتها ارتحت ليها ودمها خفيف ..ومنة الله [/color[color=blue]]..انا رسلت لها مرة كنت عاوزة رأيها في سؤال ليا في ركن حب الله نلتقي وردت عليا وارتحت ليها مرررررة وحبيتها في الله رغم اني لا كلمتها ولا حاجه سبحان الله وكمان الدكتتورة الشيماء نفس الحكاية حبيتها في الله من غيرمااتعرف عليها ..

وهكذا الحال مع الباقي ..وانا لو حاكتب الاسامي حاكتبها كلها لأني بجد باحبكم كلكم في الله وباحب اتابع مواضيعكم حتى لو مارديت عليها لأنه أحيانا مايكون عندي رد :wub:
:h2: :h2: :h2: :h2: :h2:

لكن في الحياة العمليه ..طبعا مش كل واحد باحبه <_<
ربنا يجمعنا في الجنة يارب ...
وتحياتي ليك مرة تانية اخي الكريم محمود على الموضوع الجميل دا :rolleyes: </span>

eldoctor

12-24-2002, 05:10 AM

انا والله بدأت اخاف لحسن انا شايف انى من الناس اللى حضورها زى عدمها ...
وانا مش بقول الكلام ده علشان حد يقولى ازاى .. وانت الخير والبركة ... وحاجات تخلى الواحد يفتكر انه حاجة بجد ..
بس اقول لكم على كام موقف ... انا عرفت منهم يعنى ايه تألف ارواح
قريب هنا .. من ساعة ما جيت الكويت .. وانا فى حالى ... بالرغم من انى بيقولوا على شخصية تصادمية .. (مش صدامية .. خدوا بالكم ) و مخى صعيدى شوية خصوصا فى الحق ...(يارب اكون صادق مع نفسى فى دى) ...
انما لما اقابل حد باكون فكرة عنه بسرعة ... و باحس من الاول .. ده فيه خير ولا لا ..
امهم انى معايا زميل .. مصرى ... مسلم ....
من اول ما شفته ماستريحتش له .. مع انى باحاول انى استحمل ..(الصبر على اذى المسلم صدقة) امنا تدور الايام و الشخص ده يحط جدول النبتشيات .. و لقيته سبحان الله .. حاططنى لمدة خمس ايام جمعة متتالية وقت الصلاة .. و فى مكان صعب انى اسيبه .. و حاطط معايا زميل ليا مسلم برضه لسه واصل من مصر ...
يعنى حد مننا مش حيصلى ..
(على فكرة عدد الا طباء فى المكان اللى انا فيه مش قليل .. وعدد الهنود و النصارى يساوى عدد المسلمين ) قلت اكلم رئيس القسم .. لقيته بيرد عليا .. هو كده اذا كان عاجب ... رحت و قلبت الدنيا .. وكانت خناقة لرب السما ...و انا بقوله يعنى جمعة واحدة ماشى .. انما خمسة ورا بعض ...
لقيته بيقولى اذا تعارض الشغل مع الصلاة .. الشغل اهم .. وقتها عرفت ان حكمى الاول كان صح .. وانه مهما يقولى حد عن واحد .. فحكمى الاول صح
المهم ... بدلت النبتشيات بالعافية و بلوى الدراع .. واقصى ما اتعامل به هو كلمة السلام عليكم .. بس بصراحة بتطلع منى .. الناس بتحس انى بقولها بس لله مش عايز ازود كلمة عليها ..
بينما فيه ناس ممكن اتخانق معاها .. و بعدين الاقى انهم ناس محترمة ... زى ناس هنا فى القهوة .. وهم احسن منى مليون مرة .. زى ايورى .. اكتر واحد اتخانقت معاه .. واكتر واحد مفتقده بجد .. كنت بحس انه زى المراية .. ابص فيها اشوف افكارى .. وافهم عيوبى ..
اما اهل القهوة .. فم ماشاء الله نحسبهم جميعا من اهل الخير ...
مش عايز احدد اسماء .. بس فيه ناس بجد فيهم خير كبير .. محمود صاحب الموضوع ..و مجاهد انا .. وهريدى البيج بوس .. و فالكون ...
اما البنات .. غفران ام العيال .. بنت النيل .. الدكتورة شيماء نفرتارى ...
وكتير اهل القهوة كلهم يارب نتجمع فى الجنة .. (ده اذا ماكنتش من اهل النار ..يارب)

بنت اليـمن

12-24-2002, 06:41 AM

والله ماحد منسي في القهوة دي غيري :sniff:

ربنا ما يحرمني منك يا كيرلي يا رافعة معنوياتي يا مشرفاني :D

انا بالنسبة لي فمش عارفة اذا كان هذا هبل والا ايش <_<

بس انجذب لحد و أرتاح لة بحبة من كل قلبي و اثق في الناس بسرعة و لو حد حسسني بمعزتي في قلبة بأبقى مش عارفة اعمل له اية

بس زي ما قالت بيسان لو حسسني بتجاهل او اي شيئ من هذا القبيل بسرعة باتقمص و بانسحب

كمان لو انجرحت من حد مابقدرش أعاتب على طول بابقى اتجنبة و خصوصا لو كان هذا الحد غالي عليا بسرعة اتقمص و لو اتجرحت منه ما بقدرش انسى بسرعة و بتكون حالتي النفسية :wacko: ربنا ما يوريكم

بس والله زي العبط بس كلمتين حلوة او مزحة بتخليني انسى الاساءة :blush:

عموما طولت عليكم و مملتكم عارفة :ya3:

في كمان حاجة انا لما بأبقى مش مرتاحة للي قدامي بيبان عليا و ما بقدرش اخبي و بحس بسرعة باللي ما بيبقاش مرتاح لي و حاسة بدة من بعض أعضاء القهوة اللي ياريت لو اي حد فيهم حس مني باي أساءة بكلمة او موقف من غير ما أشعر يقبل أعتذاري و يسامحني :)

شكررررررا لمحمود المميز صاحب المواضيع المييزة دائما على انك اتحت لي فرصة كنت محتاجاها

أحبكـــم في الله :h2:

مجاهد انا

12-24-2002, 05:48 PM

ربنا يكرمك يا برنسس على احياء التراث الكتاكيتي :)

كوول جيرل احببك الذي احبتنا فيه :)
والله انا بعزك جدا وبحترمك جدا جدا :)

اخي في الله الدكتور حقيقي كل يوم بكتشف في شخصيتك شيء جميل جدا
:) :)

ربنا يكرمك ويعزك

اختي في الله بنت اليمن مين قال انك منسية بس ؟؟
على الاقل بالنسبة لي :) :)

وفي شخصيات محترمة جدا لدرجة مش قادر اوصفها صراحة منهم كول جيرل
واكس جيرل

ولانا :)

ومحمود طبعا :)

وغفران ومدينة اللي بتلخبط فيهم وبحس انهم واحد :)

ونفرتاري واسلامي شخصيات تعشق فعل الخير

والدرة بحبه اوي :)

وحرد تاني اكيد ان شاء الله لأن الموضوع ده بجد من احلى المواضيع الي شاركت فيها :)

cool girl

12-24-2002, 06:05 PM

بنت اليمن اخص عليكي تقولي كده :sniff: :sniff:
انتي منسية :o لا طبعا بالعكس الكل هنا بيحبك B)
تعرفي انا دايما افتكرك لما حد جديد يشترك تقومي ترحبي بيه وتحطي الايقونه دي lolly lolly lolly فاكرة ؟ :D

وانا ماقلتش أسماء كتير عشان ما انسى أحد ..لكن يلا نقول اللي نفتكره :rolleyes:
بنت اليمن ..حبيتها من ردودها ومشاركتها اللي تخش القلب على طول ..وبعدين كلمتها على المسينجر عن طريق اختى الغالية سبيل الله ..وسبيل الله اتعرفت عليها من منتديات مجاهد ( باعملك دعاية يامجاهد اهو :tng: ) ..
واختى في الله newrmin ..ويالاقصى يالجنة ...وغدى اللذيذه اللي تخش القلب على طول :woot: ..وام العيـــــــــــال وبيسان :wub: وبرنسيسا وغفران ومدينه باحبهم وانا ماعمري كلمتهم وكمان نفرتاتي :) ومين كمان ياكوووول مين ..
وشهيده وعزة الاسلام ونور واندلس وبنت الاسلام وبنوته مصرية ....
وشكلي كده نسيت ناس كتير انا عارفه :sniff: لكن لو افتركت حارجع واعدل المشاركه دي :wub:
وفي شخصيات محترمة جدا لدرجة مش قادر اوصفها صراحة منهم كول جيرل
واكس جيرل
:woot: ربنا يكرمك ويخليك يامجاهد دا من زوقك بس .. :blush:
والبنت اكس جيرل باحبها كمان في الله ..بس هيا مختفيه فين :mellow:

والسلام عليكم

بنت اليـمن

12-25-2002, 12:07 AM

ربنا يكرمك يا مجاهد شكرا لك :)

افتكرتي يا كووول دلوقتي :argue:

بهزر حبيبتي ولا يهمك و شكرا ليكي :)

أبوعبدالرحمن

12-25-2002, 01:54 AM

بالفعل كما قال صلى الله عليه وسلم: "الأرواح جنود مجندة، ما تعارف منها ائتلف، وما تناكر منها اختلف"

حصل معايا الحالتين كثير
وأعتقد مفيش حد ممرش بيه أن يتآلف مع حد أو يختلف :)

محمود

12-26-2002, 09:13 AM

الف الف الف شكر لاختنا برنسيسا على ايقاظها لهذا الموضوع الذي احبه فعلا :rolleyes:

ردود الاخوة كانت فيه رائعة و الردود الجديدة لا اجد اجمل منها ^_^

جزاكم الله خيرا جميعا يا اخواني و اخواتي في الله و جزى الله كل من ذكرني بخير

ارجو من الله ان يغفر لي ذنوبي السابقة كلها و ان يتقبلني في عباده الصالحين,

برنسيسا و كوول جيرل و بنت اليمن و الدكتور و مجاهد و عبقر كلكم اخوة و اخوات من صفوة

هذا المنتدى ربنا يديم محبتنا فيه ولا يجعل الشيطان يقربنا ابدا,الله يكرمك رفعتوا روحي

المعنوية جدا بردودكم جميعا,جزكم الله كل الخير يااااااارب ^_^