آخـر حـروف(اهـداء لمقهـور)

[النيـل]

لحظـة غـروب الشمـس
خلـص الكـلام .... وانطفـات معانيـه
وقعـت الحـروف.... وتاهـت للقلـم غناويـه
مـرة حـزن ... مـرة فـرح
واللي علمنـي.....
قلبـه انجـرح.....
وقـف القلـم عن الالم ... والتفـت بعيـونـه
وخـاف ان تعبيـره يخـونـه....
ونقـش اخـر حـروف للـي علمـه يخطهـا

مقهـور استـاذي.... علمنـي
احط الحرف جنب الحرف يكلمني
وكـان دايمـا بيقولـي
للكلمــة انـا لازم... اغنــي

الكـل حـدانــا.... بيحبــه
وطالبيــن دايمــا.... وده
ولو سألتنــي عنـه
اقـولـك... اعـرفـه بـورده

جنينتـه دايمـا... عمـرانــه
بالفـل والنـرجـس...مليـانـه
وفـي كـل المواضيـع
خد دي :flowers: خدي دي :flowers:
يهــدي ويشـارك ويـانــا

نـازل تشجيــع.... لينـــا
بيعلــم وينطـق.... فينـــا
ومـع كـل رد
عـايـز الخيــر... لينـــا

مـواويلــه كتيــر......ماتنتيهيــش
اسمـع منـه عم سليـم... ومازهقتيـش
والله عيبــة ... يا نـاس
ولا محمـد صاحبـي..... ماتتنيسيـش

اكتـب عامـي ...ده من تأليفــه
عايـز يحـس....انـك من طيفـه
ولمـا خلـص الـورق..
كتـب سطـر.... والكـل فهمــه

قلمــه... مابيعـرفـش نفـاق
قلبــه... مليـان حـب ووفـاء
للعشـرة دايمـا صايـن
وبيتعامـل مع ... رب السمــاء

[محمد فارس]

لحن الوفــــــاء
ايه الجمال ده يانيل باشا
كلمات جميلة من جميل لجميل 00
قصدى من النيل لمقهور00
هذه ليست كلماتك يانيل
انها كلماتنا 00ايضا
دام تألقك يانيل
ولفتة راقية منك تستحق عليها الثناء0
لك ولمقهور كل التقدير

[سلسبـيل]

لحظـة غـروب الشمـس
خلـص الكـلام .... وانطفـات معانيـه
وقعـت الحـروف.... وتاهـت للقلـم غناويـه
مـرة حـزن ... مـرة فـرح
واللي علمنـي.....
قلبـه انجـرح.....
وقـف القلـم عن الالم ... والتفـت بعيـونـه
وخـاف ان تعبيـره يخـونـه....
ونقـش اخـر حـروف للـي علمـه يخطهـا





خلص الكلام........
من غير كلام
طار الورق
ضاع في الزحام
اما القلم
راح وانكسر
مالقاش مابين
الناس مكان
نزل الضلام
غيم علي
الكون والبشر
كان القدر
ان القمر
مايكونش في
بدره التمام
وان النجوم
تهرب قوام
وعشان كده ...
ضاع الكلام...

اخي الكريم النيل
جزاك الله خيرا علي مشاركتك الهادفه:flowers:
وتحياتي لاستاذي مقهور
ولاستاذي الفاضل هراس فكلاهما له بعد الله سبحانه وتعالي علي فضل كبير
فلهما جزيل شكري واحترامي وتقديري


سلسبيل

[yaayoo]

كلامك جميل اوى:flowers::flowers:


واللى معناهاد ايه بتحب مقهور وغالى عليك :D:flowers::D

بجد كتبت كل اللى نفسنا كلنا نقولوا:clap:

بس زعلانين من غيابه علينا :huh:
من حرمنا من كلامه اللى هايوحشنا :rolleyes:

ربنا ما يحرمكم من بعض :flowers::flowers::flowers:

[النيـل]

استاذ هراس
اخت سلسبيل
خطيبتي يايو

بكل تأكيد الاستاذ مقهور .. سايب فراغ كبير اوي
والكل مشتاق له ومشتاق لكتاباته ومواضيعه الجميلة

تعالى وشوف الشيكابيكا
واعزف معاه عالبوليتيكا
هاتسمع احلى نغم
وخدعوك بماما اميركا

مواضيع كتيرة وجميلة وجريئة .. الجميع اتفاعل معها
وعجبته واثرت فيه وحركت ما هو ساكن بداخله...
مقهور هذا الانسان العظيم .. هذا الانسان الكريم
وكرمه عدى كل الحدود ... واثراءه للمنتدى وحرصه عليه
وعلى مصلحته واضح للجميع... وانا على يقين بان المنتدى
عموما وقسم اكتب عامي خصوصا اتأثر بغيابه ومتأكد ايضا
انه بيحبكم جميعا... تمنياتنا له بكل خير
هذه الصفحة للجميع وليست لي لوحدي من اراد ان يشارك ويوجه كلمة لمقهور فاهلا وسهلا ومن اراد ان يكتم في نفسه مشاعره فاعتقد ان مقهور
متأكد من حبنا له....

خلص الكلام........
من غير كلام
طار الورق
ضاع في الزحام
اما القلم
راح وانكسر
مالقاش مابين
الناس مكان
نزل الضلام
غيم علي
الكون والبشر
كان القدر
ان القمر
مايكونش في
بدره التمام
وان النجوم
تهرب قوام
وعشان كده ...
ضاع الكلام...

جميلة جدا سلسبيل ومشاعر صادقة
:flowers:

[أم منة الله]

:cry::cry::cry::cry::cry::cry:
مفيش كلمة اعتذار توفيك يا مقهور
انا اسفة تانى بقولها

[مامتكم]

أبنائى اعترف لكم اننى عندما دخلت هذا المنتدى لم اكن اعرف اكتب كلمتين على بعض ولا عمرى قريت زجل ولا حبيته ولكن الكلمات الصادقة التى قراتها هنا لاساتذتنا فى العامية شجعتنى وجعلت الكلمات تخرج من بين ضلوعى فاكتب عامى والامس همك وهمى صحيح انى باشخبط ولكن ارجاع الفضل لاهله فضيلة وكلنا نرجع بالفضل بعد الله للاستاذ مقهور لا اطال الله غيبته

[بنوتة مصرية]

مين اللى قال خلص الكلام
انا عارفاه راجع أوام
مقهور جوة قلبه حب
عمره مايضيع فى الخصام
يمكن حد من حبايبه
ضايقة بشوية كلام
لكن قلبه أكيد هايصفى
أصله من شيم الكرام
حتى لو بِعد شوية
شوقه هايجيبه أوام
يرجع يملا قلوبنا نور
نور كلامه فى سطور
فى انتظارك يا مقهور