الحب والحقد [الأرشيف]

محمد فارس

01-14-2004, 12:15 PM

الحب قابل الحقد
مَدلّـــه إيده وسَــلّـم
وفَرَد له دراعاته
وبأحلىَ ماعنده اتكلم
وقَالّـه ياحقد مسامحك
مَـعَـنّــىِ ِ مِنـّـك متألم
وسماحى مش عن ضعف 00وآه لو تراهنىِ
تاخدلك حِتـة دَرس
تفوُق بعده وتتعلـــــــــم

هدايه

01-14-2004, 12:23 PM

الحب قابل الحقد
مد ايده وسلم

دى كفاية لوحدها تعمل قصيدة

صغيرة لكن معناها رائع

جميلة اخى هراس

stubborn emmy

01-14-2004, 12:24 PM

وعجبي
:D

دي تتمة الكلام الحلو الي بتقول هي ااستاذنا

حكم يا ناس :D

ان اقلت اسجعل اعجابي والحق ابقى اول من يرد عشان انال الشرف
:flowers:

بس خلاص

محمد فارس

01-14-2004, 12:56 PM

الاخت / هداية

مشكورة على التواجد والكلام الطيب0

محمد فارس

01-14-2004, 12:59 PM

ايمى00
اولا نقولك00ربنا يوفقك انت واالى مثلك فى الامتحانات
ثانيا 00احنا مقدرين ظروف الامتحانات وتيجوا فى اى وقت 00
ربنا يوفقكم

وبس خلاص

هريدي يابووووي

01-14-2004, 12:59 PM

إنت فين يا مرزوق تيجي تشوف الكلام ده:elec:

الغزال الشارد

01-15-2004, 03:28 AM

كاتب الرسالة الأصلية : هراس

الحب قابل الحقد
مَدلّـــه إيده وسَــلّـم
وفَرَد له دراعاته
وبأحلىَ ماعنده اتكلم
وقَالّـه ياحقد مسامحك
مَـعَـنّــىِ ِ مِنـّـك متألم
وسماحى مش عن ضعف 00وآه لو تراهنىِ
تاخدلك حِتـة دَرس
تفوُق بعده وتتعلـــــــــم

الحب قابل الحقد

مدله إيده و سلم

وبحب و نيه صافيه

فرد دراعاته و إتكلم

ولو يا حب تعرف.....

ده الحقد متلون

واللؤم فيه م الطبع

والطبع عمره ما يتحوِّل

يا حب يا مسامح...يأبو قلب صافي كبير

لو حتي مليون درس..........

عمره ما يتعلم.......

وعجبي........

بنوتة مصرية

01-15-2004, 12:40 PM

استاذى العزيز وأخى الكبير هراس

مهما احاول اكتب طبعا لن يرقى لمستوى كلماتك فارجوا انك تسمحى لى انى اشارك بحاجة بسيطة على قدى

الحب قابل الحقد
مد ايده وسلم
وضحك له ضحكة صافيه
وقال له تعالى نقعد ونتكلم
تعالى نداوى جراح
عيشنا فيها نتألم
ليه نعيش فى الماضى
وبكرة جاى أجمل
ليه نعيش أحزان
ممكن لفرح تتحول
دة الى يعيش فى الحقد
يا ما يشوف يتحمل
أزية وحزن وألم
ومالفرح عمره ما اتأمل

خالد المصرى

01-15-2004, 12:55 PM

وقَالّـه ياحقد مسامحك
مَـعَـنّــىِ ِ مِنـّـك متألم
وسماحى مش عن ضعف 00وآه لو تراهنىِ
تاخدلك حِتـة دَرس
تفوُق بعده وتتعلـــــــــم

تحياتى لك يا هراس على كلماتك وجمال اسلوبك .

ولكن فقط اخالفك وجهة نظر فليس من المعقول ان يكون شخصان فى مواجهة

احدهما يحمل مسدسا والاخر يلوح له بوردة ...فتوازن القوى يا عزيزى

هو هنا لب الموضوع ......فان كان الحب يريد تعليم الحقد دراسً لن ينساه

فلبفيق الحب نفسه اولاً ويرى لما استفحل الحقد ا...ثم يواجه بمبدأ توازن القوى .
فالصفح عن قوة يختلف تمام الاختلاف عن التسليم بالامر الواقع .

رنـranimـيم

01-16-2004, 01:53 PM

اواجه نعم ...اصافحه لا
كم من عدو تتطلب الظروف ان اتعامل معه ولكن ان احبه ..لا
..فالتسامح والتصافح للسيئه نعم ولكن كيف اقابل اقابل اقبح القبائح بالود

هى مغامره ..فرد الدراع ليس دائما العصا السحريه التى تقنع الحقد بالعدول عن شره ...فهذا المحارب للخير سيظل الجدال حوله وحتى نهاية العالم
اشفق على الحب ولاارفض المواجهه بينه وبين الحقد ولكن مالااقبله ان لايفطن الحب الى خطورة هذا المدمر ..فلابد من محاربة الحقد بالحب>> لا اهادنه ولا اقبل معه تصالح او عهدا وانما هو تحدى صارخ لن يلتقى الحب والحقد ابدا وسيظل الحاقد يسعى دائما ان يهشم كل معانى الحب مادام هناك من لم يظفر بقلب ينبض وضميرا ينتفض فان الحب لن يعرف الراحه ابدا وستظل مركب الحياه تمضى مع الرياح التى يتناوب على دفعها الحب والحقد متصارعان على سياده لن تدوم لاحدهما حتى تقوم الساعه

تحياتى لك هراس ادام الله عليك نعمة الحب وباعد بينك وبين الحقد والحاقدين ...امين

رنيـــــم

محمد فارس

01-25-2004, 01:05 AM

كاتب الرسالة الأصلية : هريدى يابووووى
إنت فين يا مرزوق تيجي تشوف الكلام ده:elec:

مرزوق00مرزوق00مرزوق
اه 00قصدك مرزوق0

محمد فارس

01-25-2004, 01:09 AM

كاتب الرسالة الأصلية : الغزال الشارد

وعجبي........

فعلنننن ياغزال00وعجبى0
وعجبى على تفاعلك السريع وكلماتك الجميلة0
والكلام الكبير000XXL اللى فى ردك

اشكرك

محمد فارس

01-26-2004, 09:01 AM

بنوته مصرية

بالعكس00
كلماتك راقية ومترقية وعايزة اللى يرقيها كمان0
وادعو الله ان ينزع الحقد من قلوبنا وان يكون الحب هو النبت البديل 0

محمد فارس

01-26-2004, 09:33 AM

ولكن فقط اخالفك وجهة نظر فليس من المعقول ان يكون شخصان فى مواجهة
احدهما يحمل مسدسا والاخر يلوح له بوردة ...فتوازن القوى يا عزيزى
هو هنا لب الموضوع ......فان كان الحب يريد تعليم الحقد دراسً لن ينساه
فلبفيق الحب نفسه اولاً ويرى لما استفحل الحقد ا...ثم يواجه بمبدأ توازن القوى .
فالصفح عن قوة يختلف تمام الاختلاف عن التسليم بالامر الواقع

""خالد المصرى""

كلام كبير قوى ياعم خالد0
انت كدا بتفكرنى بهوجة المواجهات بين الحكومة وبعض الجماعات فى مصر00حيث نادت اقلام كثيرة بأن تسأل الحكومة نفسها عن الاسباب التى دفعت بالجماعات الى هذا المسلك " اضرب المثل مع الفارق00فالحكومة لم تكن حبا والجماعات لم تكن حقدا"

لن يكون الحب حبا ان سلّم بأمر فيه اعوجاج 00فتسليم بأمر واقع فيه اعوجاج فيه امتهان لقيمة الحب وهذا مالم اقصده0
والصفح والعفو ليسا تسليما بأمر واقع ، بل هما سمو بمن صفح ودرس لمن تم الصفح عنه0
ووالحب والصفح والعفو مع انها قيم انسانية جميلة 00فإنها قبل ذلك قيم دينية حثنا ديننا الاسلامى على التمسك بها0

خالد المصرى
لك حبى

محمد فارس

01-27-2004, 12:12 PM

اواجه نعم ...اصافحه لا
ده مطلع اغنية يارنيم ولا ايه00بس كدا العجارمة يزعلوا00

وايه المانع انى اواجه واصافح واصفح كمان0
اصفح ولا اصفع00

وليس مطلوبا منى ان احب من صفحت عنه000فقط العفو والسماح 00

اشفق على الحب ولاارفض المواجهه بينه وبين الحقد
قد نتخوف 00لكن الغلبة فى النهاية لمن يعفو ويصافح00

اتفق معك فى الاطار العام 00

اشكرك على مداخلتك القيمة

بنت الماضي

01-29-2004, 02:09 AM

انا بقى مش هقولك زي استاذي خالد المصري ولا اختي الكبيرة رنيم
انا هقولك ان الحب كده ديما بيسامح ويغفر وينسى اوال سموه حب ليه؟؟؟
علشان بيقابل كل واحد بكل ود
فمفيش تعارض بين انو يقابل الحقد بحب برضو ولا ايه يااستاذ خالد؟؟؟؟
دي وجهت نظر مش اكتر
:55:

gelly

01-29-2004, 01:55 PM

جملتين أيوه

لكنهم نفذو نفاذ السهم ف خيبة العلاقات الأنسانيه القويه:inlove:

أستـــــــاذى

دمت لنا :flowers:

و دام لنا قلمك :flowers:

محمد فارس

01-30-2004, 01:42 AM

كاتب الرسالة الأصلية : بنت الماضي
مفيش تعارض بين انو يقابل الحقد بحب برضو ولا ايه يااستاذ خالد؟؟؟؟
دي وجهت نظر مش اكتر
:55:
وكمان هى وجهة نظرى مش اكتربرضه00ولا ايه يااستاذ خالد00
رد يااستاذ00

محمد فارس

01-30-2004, 01:47 AM

[QUOTE]كاتب الرسالة الأصلية : gelly
[B]جملتين أيوه
:inlove:
رجعت تانى وعديتهم00لقيتهم جملتين و3 كلمات و 4 حروف00
وحلوة حكاية العلاقات الانسانية دى0

اشكرك