الإسلام بيتحارب يا جماعة، خدوا بالكم

[إسلامي]

السلام عليكم ورحمة الله وبركاته

يا جماعة أنا استلمت رسالة على الإيميل الخاص بى نصها كالتالى:

"الأخت العزيزة .... (وكاتب اسمى الحقيقى)
هل انت مسلمة ارجو ان تساعدينى فقد التقطت عنوانك من الأنترنت
ويهىء لى انه اسم مسلم
هل يمكن ان تساعدينى فقد قرأت فى احد المواقع اشياء تثير الأرتباك
(وكاتب اسم الموقع)
هل يمكن ان أسألك عن بعض هذه الأشياء
أم أنك غير متمكنة من ذلك إن كان لايمكن أرجو إرشادى لمن يستطيع الإجابة"

وعندما قمت بفتح اللينك الموجود فوجئت أنه سايت مسيحى تبشيرى هدفه الأساسى تنصير المسلمين وجايب قصص عن مسلمين اتنصروا منهم شيوخ ومنهم ناس كانوا من الإخوان. بصراحة أنا دمى غلى

انطباعاتى:
1 - اللى باعت الإيميل دة باعته باسم moslem masry والإيميل بتاعه باسم alislamy بس أنا متأكدة إنه نصرانى لأن عنوان الإيميل دة غامض والإسم غامض والإيميل غير موقع.

2 - دة أسلوب تبشيرى مسيحى هدفه جر رجل المسلمين للنقاش والسفسطة والجدل وتشكيكهم فى دينهم ولو الإيميل وصل لناس معندهاش فكرة عن الدين وعقيدتها ضعيفة ودول للأسف كتير ممكن يتأثروا بالقصص الخايبة اللى مكتوبة عن الشيوخ اللى اتنصروا ويفكروا يغيروا هما كمان.

3 - بيسألنى لو كنت غير متمكنة إنى أدله على اللى يفيده علشان ياخد عناوين الإيميل بتاع ناس تانية يبعتلهم نفس الإيميل (عاوزنى أنا أساعده فى الدعوة التبشيرية بتاعته!!!!!!).

أنا محروق دمى لدرجة البكاء. ما كنتش متخيلة ان ممكن ديننا يكون بيتحارب للدرجة دى وبالأسلوب دة وان احنا نفسنا ممكن نساعد على كدة من غير ما نحس لأن طبعا ممكن ناس كتير تتعاطف مع الإيميل دة وتبعت له إيميلات ناس ممكن تفيده وإلا عرف منين اسمى وإيميلى.

يا جماعة الإسلام بيتحارب حرب شرسة جدا، دة وقت كل واحد فينا عليه مسئولية وهى الدفاع عن الدين ده، الدفاع عن الوديعة اللى تركها رسول الله صلى الله عليه وسلم أمانة فى أعناقنا.

ياريت كل واحد يخلى باله و اللى يوصله إيميل زى دة ما ينشروش ويحاول ينبه أكبر عدد من الناس يقدر يبلغهم.

ربنا يعينا جميعا على نصرة هذا الدين.
السلام عليكم ورحمة الله وبركاته

[مسلم أنا]

السلام عليكم و رحمة الله و بركاته
الاخت الفاضلة
أحييك اولا على غيرتك الشديدة على الاسلام و هذا الموقع وقع بين يدى من قبل و على فكرة هم يغيرون أسمه من فترة لاخرى
الموقع للاسف معمول للنصارى و المسلمين الذين لا يعرفون عن دينهم شيئا
القصص كانت عندى بالكامل و قرأتها و كانت غاية فى السذاجة بالنسبة لى فرضا
و كنت أرجو لو تنزلى الموقع هنا لاننى هناك قصة أستفذتنى كان اسمها على ما اتذكر توبة أمام جامع و الهمزة فوق الالف
و اريد ان شاء ربى و عشت ليومى هذا ان ابين ما فيها من اخطاء بلهاء و أسلوب ركيك لا يحتاج الا لمسلم يعرف ما يكفى عن دينه و لا يحتاج الى عالم أو شيخ
فللاسف ناقشت هذا الموضوع من قبل عن تهاونا فى معرفة ديننا و التى ادت الى أن يجرؤ مثل هؤلاء الحشرات الى محاولة تشويه الدين بلكلام ليس له صحة من الامر
أرجو ذكر الموقع
أخوكم فى الله

[إبن الشاطىء]

إن شاء الله...
لا هم سينجحون فى تنصير فرد مسلم واحد
ولا هم سينجحون فى دعوتهم الكفرية الباطلة

وجزاكِ الله خيراً يا أختاه على هذه الملحوظة الهامة..

ويجب علينا جميعاً ألا نمرر أية رسائل تصل الينا الى أصدقائنا ، الا بعد التثبت منها ..
وخاصة التى تنوه الى إهانة للاسلام ... فعلينا أن نقضى على ذكر هذه المواقع وألا نمنحهم الدعاية المجانية لمواقعهم القذرة...

أخى مسلم أنا .... أرفض ذكر الموقع هنا ونشره بيننا ... فنحن جميعاً نعرف أن ما به ساذج ولا يرقى لأن يكون شىء من الحقيقة...
فهذا هو بالضبط ما يريدونه: أن ينتشر الموقع بقدر الامكان بين المسلمين .. ومن لن يؤثر فيه هيتحرق دمه طبعاً ... وبعد شويه لازم هيوصل الموقع لحد من ضعاف النفوس .. واللى هيساعده الموقع طبعاً على البعد عن الدين أكتر وأكتر...

بالله عليكم لا تنشرو اسم الموقع أو أية مواقع أخرى تسىء للاسلام ...

ولله الأمر من قبل ومن بعد..



<!--EDIT|إبن الشاطىء|Aug 14 2002, 01:29 AM-->

[إسلامي]

السلام عليكم ورحمة الله وبركاته

الأخ مسلم أنا والأخ ابن الشاطئ

جزاكما الله خيرا على غيرتكما على الإسلام.

والله يا جماعة الإسلام فعلا محتاج لكل إيد تدافع عنه.

بس اسمح لى يا أخى مسلم أنا من رأى الأخ ابن الشاطئ فى عدم نشر اسم الموقع وإن شاء الله سارسله لك على الخاص.

السلام عليكم ورحمة الله وبركاته

[Bosbo]

احمد الله على وعيك اخت myislam و جزاكى الله خيرا على التنبيه ...
مما قلتيه لا اجد الا ان اقول حسبى الله و نعم الوكيل .. فالباطل قد وجد من يعمل لاجله .. و اهل الحق فى غفلة .. يجب على كل مسلم ان يتفقه فى دينه حتى يستطيع رد مثل هؤلاء ..
تصرفك كان سليما 100% ...

نحن نجد اعداء الاسلام مجتمعين على حرب المسلمين عسكرياً وفكرياً وما زال تعاونهم مستمراً لمجابهة المسلمين و ذلك بنشر أفكار الغرب ومنهجه في بلاد الإسلام عن طريق التبشير المدعم بالخطط والإمكانيات المادية والمعنوية.
و انى و الله لاسفة على ما أصاب الأمة الإسلامية من ضعف نتيجة للتسلط الذي شل الدعاه في أرض الإسلام ، و المرجو منهم ان يعيدوا مجد المسلمين .

و كانت وسائل الإعلام في الغالب - و هى الاكثر تأثيرا - في أيدي من صنعهم الغرب ، ورباهم على فكره بالإضافة إلى تغيير و تحريف التعليم في بلاد الإسلام وتقلد مناصب هامة ، وترتب على ذلك انتشار الأمية الدينية بصورة مخيفة فتمكن من نعتوا انفسهم بالتبشيريين من نشر عقيدتهم بين العامة من المسلمين والخاصة أيضاً ، وساعدتهم الظروف و ضعف الدين فى قلوب الكثيرين .
فماذا اصاب دولة الاسلام ؟؟
و ماذا اضعفها ؟؟
و ماذا ستفعل تجاه هذه الحرب العقائدية الشرسة ؟؟

لقد ارسل الينا خير البشر .. محمد صلى الله عليه و سلم .. و هذه نقطة قوة بالنسبة لاى مسلم .. و كان من رحمة الله ان ارسله بالإسلام لهداية الناس وإرشادهم إلى الصراط المستقيم ...
(( إنا أرسلناك بالحق بشيراً ونذيراً وإن من أمة إلا خلا فيها نذير )).
و عن أبي هريرة رضي الله عنه قال : قال رسول الله صلى الله عليه وسلم : (أنا أولى الناس بعيسى بن مريم في الدنيا والآخرة والأنبياء أخوة لعلات أمهاتهم شتى ودينهم واحد) ..

و قام الاسلام ... و ظل قويا يفتح القلوب بسماحة أهله وعدلهم وقيامهم بواجبهم نحو دينهم إلى أن لقى محمد صلى الله عليه وسلم ربه ..
فقام صحابته الكرام رضوان الله عليهم أجمعين بحمل عبء الدعوة إلى الله عملاً بقوله عز وجل ( ومن أحسن قولاً ممن دعا إلى الله وعمل صالحاً وقال إنني من المسلمين ) ، فاستعذبوا المصاعب والآلام في سبيل نشر كلمة الله إلى بعاده وسار على دربهم واقتفى أثرهم سلفنا الصالح فقاموا بإتمام المهمة الملقاة على عاتقهم خير قيام ، ونشروا الإسلام في انحاء العالم ...
وجاء العصر الحاضر .. وقد ابتلي المسلمون فيه بقوة أعداءه .. و اخلاصهم للباطل ..
فعملوا على ان يتقدموا في مجال العلم وميادين الحياة .. و ساعدهم ذلك على إحكام قبضتهم على المسلمين ..
وكل ذلك جعل المسلمين في حيرة من أمرهم .. فانشغلوا عن الدعوة الإسلامية بمحاكاه الغرب ..
و دب الوهن فى قلوب المسلمين فى حين نشط انصار المسيحية .. فاباحوا لانفسهم كل شئ لتحقيق مهمتهم التبشيرية ... و المسلمون ... نايمين فى العسل .. و لكنه عسل مسموم ..
و ما الصورة التى قدمتيها يا اختاه الا ذرة فى جبل عمليتهم التبشيرية .. فنجد انهم استغلوا التكنولوجيا الحديثة بكل ما اوتوا من قوة ... لن اقول ان كل المسلمين نائمون .. انما الاغلب مخدرين و مسحورين بسحر الغرب و الامركة ...
ادعو الله ان يفيقنا من غفلتنا .. و ان يجند منا من يقف لمثل هؤلاء ..
و يجعلنا دائما شوكة فى ظهور من آلت له نفسه محاربة الاسلام و نشر الفكر المتطرف ,,,

[وائل]

جزاكم الله خيرا

موضوع مهم جدا

وحسنا فعلتى أختى الفاضلة بعدم نشر اسم الموقع

لأن طبعا هدفهم هو نشر موقعهم بين المسلمين
وطبعا لو نشرنا موقعهم هنا يبقى خدمناهم خدمة العمر

فعلا يجب التنبه وعدم الاشتراك بنشر الموقع بنية طيبة
لأن هذا هو هدفهم
ونصبح نحن نساعد فى حرب ضد الاسلام بأيديينا

وعموا لا تبكى
فالإسلام دين الحق
يحارب منذ عهد الرسول صلى الله عليه وسلم

هم يدركون قوة الإسلام
ويخشون تجمع المسلمين تحت رايته

فهم مستعدون للتضحية بالغالى والنفيس ليبقى الحال كما هو الآن
بل يريدون الأسوأ

وطبعا شايفين أمريكا وذيولها وكيف يحاربون الإسلام صراحة
فهذا وضع طبيعى ومتوقع منهم

المهم أن نتمسك نحن بديننا
وألا يؤتى الإسلام من قبل أحدنا بسبب تقصيره فى الفهم أو فى الدفاع عن دينه

مرة اخرى
جزاكم الله خيرا

أوجه كلمة للمشرفين
أرجو التنبه والإسراع بحذف أى موقع قد ينشر بحسن نية فى منتدانا هذا

[مصرية]

السلام عليكم
أختى myislam
لا استطيع ان اقول سوى حسبنا الله ونعم الوكيل
والآيه الكريمه:بسم الله الرحمن الرحيم"ويمكرون ويمكر الله والله خير الماكرين"
أختى الاسلام محفوظ
ومن كان دينه ضعيفا فقد كتب على نفسه الفتنه
وهل الاسلام يعبأ بضعاف الدين
لا وألف لا
فان هم اتبعوا خطوات الشيطان فسيكونوا هم الخاسرين
اما عن هؤلاء الذين يحاولون جذب ضعاف النفوس وضعاف الدين
فدعيهم ينفقوا من الاموال والجهد
وكل هذا وحق الله وعزته سيضيع هباء
لكى كل شكرى واحترامى وحفظك الله :tulip: :tulip: :tulip: :tulip:

[IORI YAGAMI]

السلام عليكم ورحمه الله وبركاته

موضوع يستحق الأهتمام والرد عليه
اخوتى فى الله
حرب الإسلام لا تتوقف ولا فيها هواده وليست عن طريق مواقع فقط بل أكثر من ذلك بكثير

وقد تكلمت مع الأخ العزيز وائل حول هذه النقطه على الماسنجر وأجب ان اعيد كلامى
وهذا ما وجدته فى بعض المنتديات وانا لست جديد عليها ولا على النت
* كل من على المنتديات لم نقابلهم قبل ذلك ولا نعرفهم ولا نعلم من مسلم ومن غير مسلم
وجدت ان بعض الأعضاء فى بعض المنتديات يكتبون معنا فى عده أقسام وأيضا القسم الديني ووجدتهم يروجون لبعض الأفكار الغريبه وربما لا تكون ملحوظه وبعضهم يحاول التقليل من الدين او ايجاد الثغرات بطريقه غير مباشره وربما لا يذكرها هو شخصيا ولكنه يوحي بمجرد فكره _كتحليل الحرام وتحريم الحلال_ أو أضعاف معتقدات وأسس فى الإسلام_ ويمشى ورائها من هم ضعيفى الإيمان او من ليس لهم علم بعلوم الدين او ضعفاء فى القرآن والفقه
مجرد ان يحسسهم بالفكره ويتركهم يغوصون هم فيها _ كما يفعل الشيطان تماماً_
وأحب ان احذر منهم فى كل مكان وربما هنا فى القهوه او ربنا تقابلوهم على شات او مواقع أخرى يتثنى فيها النقاش سواء صوتى او كتابه

اللهم أعصمنا ولا تجعل مصيبتنا في ديننا
فأحذروا أخوانى من حرب علينا لا نتوقعها ولا نعلم من أين تأتى

والسلام عليكم

[مسلم أنا]

السلام عليكم و رحمة الله و بركاته
أخواتى و أخوانى فى الله
يا جماعة براحة علياانتم فهمتونى غلط
أنا لا أريد أن اعمل لهم دعاية
انا اللى قلته بالنص انى هنشر قصة من القصص دى و أكتب الرد عليها و ابين كذبها فى كل جزء منها لانى قرأتها قبل ذلك و عرفت ما بها من أكاذيب ملفقة لا تخدع الا نصارى مثلهم أو أناس لا يفقهون شيئا فى الدين
ده اللى أنا قلته
يا جماعة بنفس المبدأ ده كان الشيخ أحمد ديدات رحمه الله حيا أو ميتا
كان يذهب الى مختلف أنحاء الارض ليرد على أمثالهم من مدعى الحق و من الكاذبين
لو كنا قلنا يا شيخ لا تذهب علشان متعملهمش دعاية ما كلن ظهر أمام الناس كذبهم و هشاشة دينهم و زيفهم
ربنا بيقول فى محكم التنزيل
و جادلهم بالتى هى أحسن
أنا مش هاهجم الانجيل و لا هاهجم أفكارهم أنا كل اللى هاعمله انا ارد على افتراءات كاتبينها و الله ان شاء كان موفقى فى ذلم
بس يا جماعة
أخوكم فى الله

[moe_22]

السلام عليكم

الحمد لله اننا نزلنا من بطون امهتنا موحدين لله رب العالمين
بصراحة يا جماعة ان الاسلام مستهدف من كل من هم ليسوا على هذا الدين و لكن السؤال هنا ما هو دورنا نحن هل كل ما علينا فعلة ان نذكر ان الاسلام يهاجم و لا يسع احدنا الا ان يحوقل و يتمتم ببعض كلمات ساحطة ام ان يكون لنا دور ...
و لكن السؤال كيف نرد على هولاء هذا ما اريدة ارجوا من كل المشتركين فى هذا الحوار ان يعطى تصورة عن كيفية الرد على هولاء...
و انا مع رأى الاخ مسلم انا فى كتابة الوقع لاننا لا نخاف من حد على دين الله و لا نخاف على المسلمين و لو حتى من الشك و لكن من اجل الاطلاع على اساليب هولاء و مناقشة كيف نقوم بالرد على هجومهم

و شكرا

[kareem s]

بسم الله الرحمن الرحيم
جزاك الله خيرا يا إسلامي على إثارة هذا الموضوع وهو المواقع النصرانية التي تحاول أن تشكك المسلمين في عقيدتهم ولقد رأيت بعض هذه المواقع وتظهر السمة الأساسية للذين يكتبون المواضيع في هذه المواقع أنهم على جهل بأساسيات الشريعة الإسلامية ولكنهم يتناولن من السيرة مواضيع معينة من وجهة نظرهم يحاولون من خلالها التشكيك في العقيدة الإسلامية مثل أن يكتب أحده أنه قرأ في أحد كتب السيرة أن الرسول صلى الله عليه وسلم كان يزور أحد النصارى في مكة قبل أن يجهر بدعوته وأنه كتب القرآن بناء على القصص التي سمعها من هذا النصراني ، وطبعا هو قرأ كتب السيرة ليبحث عن نقطة ينطلق منها لمحاربة الإسلام دون أن يبحث عن صحة الأسانيد وهل كان هذا الكاتب أو المؤرخ من أهل الثقة في الرواية أم لا لأنه من المعروف أن هناك روايات كثيرة مكذوبة لم تصح عن النبي وأهلها ليسوا أهل ثقة في الرواية أو يحاولون تشويه سيرة الرسول صلى الله عليه وسلم وظهرت كثيرا من هذه الروايات في العصور التي تلت عصر النبوة بعدة قرون ، وهناك في الإسلام علم كامل يتخصص في الأحادبث وصحة الأسانيد وما صح وما لم يصح عن النبي صلى الله عليه وسلم .
ومن الأشياء التي يحاولون أن يشككوا المسلمين من خلالها يتسائلون من خلال موقعهم كيف يقول القرآن (إذا الشمس كورت) وقد أثبت العلم الحديث أن الشمس كروية الشكل ، وهذا طبعا جهل بأبسط قواعد اللغة فلو أن الكاتب كلف نفسه بشراء كتاب ثمنه خمسة جنيهات عن معاني القرآن أو معجم عربي ما سأل هذا السؤال لأنه معنى (التكوير) في اللغة التفاف الشىء على نفسه حتى يضمحل ويتلاشى ويصغر حجمه إذا التكوير ليس بالضرورة أن يكون للأشكال غير الكروية ولكنه يصلح أيضا للأشكال الكروية فمثلا يمكنك أن تمسك كرة من القش في حجم كرة القدم وتكورها حتى تصبح في حجم البيضة.
وأيضا يتسائل أحد الأغبياء كيف يقول القرآن أن القمر منير ( وجعل القمر فيهن نورا ) وقد أثبت العلم الحديث أن القمر يعكس الضوء ولا ينير بذاته وهذا الغبي لو أنه فتح كتاب العلوم في المرحلة الإعدادية لوجد الإجابة وهي أن الجسم المنير هو الجسم الذي يعكس الأشعة الضوئية أو ينير بذاته أما الجسم المضيء في اللغة فهو الجسم المضيء بذاته أي أنه يكون مصدر الأشعة ، ثم يتناولون قضية ان الإسلام يتعارض مع التقدم والحداثة بمجرد كلمات جوفاء ولو أنهم سألوا أنفسهم ماهو تعريف الحداثة لما قالوا مثل هذا الكلام فالحداثة هي أي منهج أو اسلوب أو طريقة تعمل على حل مشكلات أي مجتمع بمعدل أسرع وتضمن تحقيق أكبر قدر من الأهذاف ، وعلى هذا المبدأ لو أننا قارنا بين المنهج الرأسمالي والإسلامي لكان الإسلام أفضل منهاج لحياتنا لأنه المنهاج الذي شرعه الله لنا ، وهذه المواقع النصرانية من السهل على أي مؤمن صادق مدرك لأبسط القواعد الدينية والعلمية أن يدرك كذبها ولكن المصيبة أن أكثر المسلمين لايعرفون أبسط قواعد الدين واللغة وهنا الخطورة ، فالكفار يمكرون ليلا ونهار ليحاولوا أن يفتنوا الناس عن دينهم ، فأنا مثلا لي بريد الكترون يبدأ بإسم محمد (Mohamed…) فوجئت بعدة رسائل تحتوي على صور فاضحة ومواقع جنسية من بنت اسمها (Litania) لااتذكر الأسم تماما والمصيبة أن هذه الرسالة مرسلة إلى خمسين شخص آخرين بريدهم الإلكتروني يبدأ بإسم محمد عن طريق القائمة البريدية وعندما أرسلت لها رسالة عن الإسلام بدأت ترسل الي رسائل جنسية بشكل يومي وفوجئت بأشخاص آخرين يرسلون لي رسائل مماثلة ولا أعرف كيف أمنعهم ؟!! وعموما فضح زيف هؤلاء لايحتاج من الشخص بأن يكون عالما أو فقيها وأمام هذه الهجمات الشرسة بكفة أشكالها يحتاج الإنسان إلى الصبر والإيمان وأن يدرك أن كيد الشيطان ضعيف .
http://www.jehad.net/images/khattab-2.jpg

[وائل]

جزاك الله خيرا يا أخونا الغالى كريم
ردك وافى وشامل
ويعلمنا ويعلم الكثيرين

http://www.khayma.com/wael/azkar/line.gif

أخى الفاضل moe
جزاك الله خيرا

بس همسة فى اذنك
الأغلبية فى العامة قد يخدعون ببعض لك الهيافات التى يشككون بها بطريقة خبيثة
فالأفضل عدم نشر الموقع

http://www.khayma.com/wael/azkar/line.gif

الأخ مسلم أنا
طالما انت على مقدرة بالرد
ونحسبك كذلك ولا نزكى على الله أحد

فالأولى ان تراسل كاتبة الموضوع وتأخذ عنوان الموقع
فى الخاص

ويكفينا أنت سفيرا لنا هناك
واذا أردت فضح حججهم الواهية

فلتقل لنا حججهم والرد عليها

وجزاكم الله خيرا جميعا

[إسلامي]

السلام عليكم ورحمة الله وبركاته

بارك الله فى كل الإخوة والأخوات الذين تفضلوا بالرد فى هذا الموضوع وجزاهم الله خيرا.

بالنسبة للأخ مسلم أنا

والله يا أخى نحن لم نسئ فهمك ولم نشك فى غرضك لحظة ولكن القاعدة الإسلامية بتقول إن دفع الضرر أولى من جلب المنفعة وإذا كنت أنت والحمد لله على درجة عالية من الوعى والعلم تمكنك من فهم ألاعيبهم ومغالطاتهم فغيرك ليس كذلك وممكن يفتن بالفعل وبعدين أنا قمت بالفعل بإرسال اسم الموقع إليك على الخاص والغرض النبيل اللى انت عاوز تعمله ممكن ببساطة تنفذه بدون ذكر اسم الموقع.

وجزاك الله خيرا على نيتك الصالحة وجهدك من أجل الإسلام.

أما بالنسبة لما يجب أن نفعله لهذا الدين ففى رأيى فى كتير ممكن نعمله:

1 – طلب العلم:
كل واحد فينا يتعلم دينه ولا يمل من طلب العلم طول حياته لأن بحر العلم لا ينتهى وأهم حاجة يبدأ بها المسلم القرآن الكريم (تجويد وتفسير) – أحاديث النبى صلى الله عليه وسلم (مبدئيا الأربعون النووية ثم صحيح البخارى .... وكل واحد على قد ما ربنا يفتح عليه) – سيرة النبى صلى الله عليه وسلم – فقه العبادات، ودروس الدين بقت فى كل مكان، فى المساجد وفى التليفزيون وعلى شرائط الكاسيت وعلى الإنترنت وفى الكتب، يعنى مابقاش صعب على اللى عاوز يتعلم وماحدش له حجة.

طلب العلم فريضة ومهم جدا لأن قبل ما نرد على أعداء ديننا لازم احنا الأول نعرف اللى نقدر عليه عن هذا الدين علشان تكون لدينا الحجة.

2 – الأمر بالمعروف والنهى عن المنكر:
اللى يتعلم معلومة يحاول يفيد بيها غيره ويحاول يوصلها للناس بأسلوب مقبول واللى يشوف حد بيعمل حاجة غلط لازم يقول له ويوضح له غلطه ولازم يفهمه ليه اللى بيعمله ده غلط، يعنى يقنعه مش ينهاه عن المنكر وخلاص يبقى كدة عمل اللى عليه وانتهينا. وطبعا الأمر بالمعروف والنهى عن المنكر لازم ما يكونش على الملأ لأن النصيحة على الملأ فضيحة ودة ممكن يخلى اللى انت بتنصحه يعاند وتأخذه العزة بالإثم.

3 – المتدين لازم يكون قدوة:
لأن بعض الناس تقولك ماهو فلانة محجبة وبتعمل كذا وفلان بيصلى الفرض بفرضه وبيعمل كذا، وللأسف دة بيحصل، وبعدين المؤمن لما يكون قدوة بيكون "دعوة إلى الله تمشى على قدمين" يعنى بأخلاقه الطيبة ومعاملته الحسنة بيحبب الناس فى التدين حتى إذا لم يأمر بالمعروف وينهى عن المنكر.

4 – العمل من أجل الإسلام:
يعنى نحاول على قد ما نقدر نخدم الدين باللى اتعلمناه، يعنى أنا قلت فى موضوع آخر اللى بيعرف تجويد يعلم مجموعة أطفال. واللى متمكن ممكن يعلم مجموعات كبار بس طبعا دة ليه ضوابط وكل واحد على قد اجتهاده، كل ميسر لما خلق له.

واللى عنده اقتراحات كمان يضيف، "شمِّروا فإن الأمر جد"

أما بالنسبة للأخت مصرية فجزاكى الله خيرا كثيرا على غيرتك على هذا الدين

بس اسمحي لى اختلف معاكى فى نقطة إن الإسلام لا يعبأ بضعاف الدين
رسول الله صلى الله عليه وسلم بعث بهذا الدين إلى الناس كافة ونشهد أنه أدى الرسالة كما أمره الله وأصبحت مهمتنا من بعده توصيل هذا الدين إلى من لايعلم عنه الكثير. وزى ما احنا لقينا اللى ياخد بإيدينا لحد ما ربنا منّ علينا والتزمنا، يبقى احنا كمان لازم ناخد بإيد الناس لحد ما ربنا يهديهم.

"كذلك كنتم من قبل فمنّ الله عليكم فتبينوا"

جزاكم الله خيرا جميعا

اللهم ائذن لدينك أن ينتصر

السلام عليكم ورحمة الله وبركاته

[فرفوش المنكوش]

اخواني الاحباء انا عندي تعليق مهم ارجو انكم تقراوه للنهايه للاستفاده منه من واقع خبرتي مع الناس دول:
1-الناس دول منظمين جدا وبيشتغلوا بطريقه منظمه ومرتبه وبيتقاضوا اجر علي شغلهم ده
2-الناس دي عباره عن اقباط او مارونيين بيجيدوا اللغه العربيه واصحاب المواقع التبشيريه دول بيستعينوا بيهم علي شان لغتهم العربيه
3-عند الحوار علي برامج فيها تكست وصوت زي البال توك لهم تكتيك مميز وبيقسموا الادوار بينهم كاتالي
:الاول وهو المحاور وهو شخص هاديء معاه ورقه متسجل فيها نقاط محدده غالبا مجهوله لكثير من المسلمين الي غالبا ميعرفوش اي حاجه في الاسلام(اسلامهم اسلام بطاقه) والميزه الي في الناس دي ان الاسلام ولا الدين مش في دماغهم اصلا ولذلك عمرهم ما هيدوروا علي المواقع دي ويروحولها برجليهم ولذلك بيحاول المبشرين انهم يشدوا انتباههم باي وسيله زي طريقة ان فيه شيخ اتنصر وان مش عارف مين كان مسيحي بس كاتم مسيحيته وكاتم ايمانه ومش عارف ايه
ثانيا يكون هناك كذا شخص محاورين بيردوا علي المحاور ويريحوه وياكدوا علي كلامه
ثالثا هناك سخص ثالث هدفه اثارة الضحيه خصوصا المسلمين العارفين في الدين كان يسب هذا الشخص القران او الاسلام او النبي او الصحابه فيرد له المسلم الصاع صاعين فيقول المحاور( وانتا ليه زعلان المفروض يكون فيه حضاره في النقاش وانتم المسلمين همج ومبتحبوش النقد
لان انتم مش مقتنعين بدينكم)
وهدفه من كدا طبعا ان المحاور المسلم يتحول لموقف الدفاع او يرتبك ويكون شكله ضعيف امام المسلمين الموجودين في مكان المحاوره
رابعا يكون في الاماكن الحواريه المرتبه حسب عدد المشتركين زي البال توك الي الرومز بتترتب فيه بعدد المشتركين بيكون فيه سايلنت كمبيوترز يعني اجهزه مشتركه بس معلهاش حد علشان يدو ايحاء ان دي هي اكتر الغرف استخداما
ونصيحه هؤلاء المبشرين الحديث معاهم عقيم تماما وبلا هدف مش بس لانهم معندهمش استعداد يقتنعوا ده كمان لان مستوي معلوماتهم ضحل تماما ولو انتا فندت كل الي مكتوب معاه في الورقه المكتوبه قدامه(ده بفرض انك استحملت كل الاهانات وانهم تركوك تكمل الحوار من غير ما يتلككولك ويطردوك)
فانهم بيبداو في الشتيمه او في الاستهبال في الردود اتجد نفسك في النهايه امام بعض الحقراء وانك كنت بتضيع وقتك من ساعه

[إسلامي]

السلام عليكم ورحمة الله وبركاته

جزاك الله خيرا يا أخ فرفوش على التوعية.

السلام عليكم ورحمة الله وبركاته

[مسلم أنا]

السلام عليكم و رحمة الله و بركاته
يا أخوانى الاعزاء
انا لا عالم دين و لا فقيه علشان أرد على الحاجات دى
أنا اللى قلته أن الحاجات دى أكاذيبها واضحة
لا تحتاج الا الى مسلم يعرف دينه كى يرد عليها
أو بمعنى أصح عامة المسلمين
يعنى بمعنى أصح اللى ميعرفش يرد يبقى يرجع يشوف ايه اللى الغلط جاء منين
أكيد مش بيقرا المصحف على الاقل
أكيد مفيش مرة حضر فيها درس علم
أكيد مفيش مرة فكر يقرا تفسير القران
الكلام ده مش بتاع علماء و لا فقهاء
الكلام ده للمسلم العادى
و انا أرجو من الله أن اكون عالما او فقيها فى يوم ما
و لكنى لسة مسلم عادى
و عموما بدليل عملى
انا هنزل اللى هما كاتبينه
موضوع واحد فقط
و الرد عليه
و هتلاقوا ان ما كتبوه اكاذيب لا تخيل الا على من لا يعرف أى شئ عن دينه
بمعنى أصح
مسلم بالبطاقة
فهمتم مقصدى
أخوكم فى الله

[kareem s]

إسلامي كلام صحيح تماما وأنا ايضا بأيد تحليل الأخ فرفوش

[إسلامي]

السلام عليكم ورحمة الله وبركاته

استلمت اليوم رسالة أخرى على الإيميل من نفس الشخص تحتوى على اسم موقع آخر وأرسل أيضا بعض التساؤلات عن بعض آيات القرأن الكريم من سورة الفاتحة ويشكك فى معناها، وطبعا هو بيقول إن فى حد سأله هذا السؤال و هو مش عارف يجاوبه وعاوزنى أنا أفيده.

طبعا دمى اتحرق تانى وإيديا تلجت وضغطى على وحصلت لى نفس حالة البكاء.

يا جماعة أنا مش متعودة أعمل أى تصرف وأنا واقعة تحت إنفعال معين سواء كان سلبى أو إيجابى، حد يقوللى إيه أحسن تصرف أعمله مع هذا الوغد مع مراعاة أنه بيستعمل أسلوب السم فى الدسم، يعنى الإيميل مهذب جدا ومتمسكن على الآخر ويكاد يكون بيستعطفنى أساعده.

أهزأه وأعرفه إنى فهمت أسلوبه من الأول ولا أسيبه يبعت أعرف منه إيه الثغرات اللى بيلعبوا عليها ولا أعمل له Block Sender ولا إيه؟

من فضلكم يا جماعة ردوا عليا سريعا.

السلام عليكم ورحمة الله وبركاته



<!--EDIT|إسلامى|Aug 15 2002, 04:11 PM-->

[إسلامي]

السلام عليكم ورحمة الله وبركاته

خاطرة يا جماعة جت فى بالى وأنا فى الحالة المنيلة اللى انا فيها دى.

اللهم صلى وسلم وبارك عليك يا رسول الله. تحملت الكثير والكثير.

أنا مش متخيلة إزاى كان النبى صلى الله عليه وسلم بيتحمل إنه يسمع الإهانات التى كانت توجه لدين الله الحق بأذنيه وما كان يقال له وجها لوجه وما كان يتعرض له من إيذاء وهو رسول الله أشرف الخلق.

اللهم صلى عليه فى الأولين صلى عليه فى الآخرين وصلى عليه فى الملا الأعلى فى كل وقت وحين.

السلام عليكم ورحمة الله وبركاته

[وائل]

ردك الأخير يدفعك للتعامل بصبر مع تلك المضايقات

أنا رأيى انك تتركيه يبعث لكِ
وتجتهدى فى الاجابة ولكن لا ترسليها له الا اذا كنتِ متأكدة

وممكنأن يتعاون من لديه القدرة على الرد فى هذا المجال

[إسلامي]

السلام عليكم ورحمة الله وبركاته

جزاك الله خيرا على ردك يا وائل

بس لو دى مضايقات أنا كنت عرفت أرد أو حتى كنت كبرت دماغى ولو اللى بيبعت ده عاوز يعرف فعلا، أنا برضه كنت بدأت أرد عليه أو أسأل له على اللى عاوز يفهمه.

بس الفكرة إنه عاوز يجادل وخلاص لأنه مش غرضه يفهم، غرضه يغلطك انت ويثبت إن دينك ولا حاجة

وبعدين واضح ان دى سلسلة إيميلات مجهزة مسبقا لأنى مارديتش عليه ومع ذلك فوت يوم وبعت لى تانى وبدأ من سورة الفاتحة وواضح إنه ناوى يمسك القرآن سورة سورة.

وكمان لاحظت حاجة أسلوب كتابة الإيميل مختلف عن اللى فات رغم إنه من نفس الراسل يعنى أسلوب الكتابة ركيك جدا وبيكتب كل الكلمات اللى فيها حرف (ذ) بالـ (ز) يعنى مثلا كاتب (إزا) و (مازا) اللى هما (إذا و ماذا).

غير إنه فى وسط كلام المسكنة، كاتب جملة واحدة تبين إن له هدف وهو هز ثقة مستلم الإيميل فى إيمانه بالدين، علشان أوضح الجملة هى: "لمازا لايشبع قلبى الأسلام بكل ما فيه؟" علشان ضعاف الدين يسألوا نفسهم هما كمان :"هل يشبع الإسلام قلوبنا؟"

تخطيط جهنمى

يوووووه بدأت أتنرفز تانى

يا جماعة اللى يعرف يدمر المواقع دى يراسلنى على الخاص أديله أسماءها رجااااااااااااااااااااء.

السلام عليكم ورحمة الله وبركاته



<!--EDIT|إسلامى|Aug 15 2002, 08:53 PM-->

[حنان نور الدين]

ايـه اللى جرى لك يا صديقتىالحبيبة: .............ز

أنا حنان أرجوكى لا تجعلى هذه الهيافات تخرجك عن صوابك فأنتى بذلك تعطيهم الفرصة وتحققى لهم

ما يريدونه هل نسيتى ما حدث لدرسنا الرائـــــع مع أستاذتنا العظيمة جزاها الله عنا خير

الجزاء ؟؟؟؟ هل نسيتى الحرب الشعواء التى شنوها عليها وعلى العظيم الرائع (عمروخالد)

وأخيرا على الأستاذ الفاضل/ الشيخ على الجفرى ؟؟؟ و قريبا و أذكرك بذلك عن قريب ستشن حرب

أخرى على الشيخ الرائع/ محمد هدايـة لقد تعودنا على ذلك هل تنتظرى أن يصفقوا لنا يوما ما

ويقولوا لنا مبروك دينكم هو الذى انتصر فى النهاية طبعا من رابع المستحيلات (ولو انى ما أعرفش

الثلاث متسحيلات الأخرى) المهم بلاش تنشروا اسم السايت وجربى أعملى بلوك سيندر وشوفى

ح يعمل ايـه لما يلاقى مش بتعبريه ويا ريت تقراى ردى على الأخ أحمد رحمى وهو نفس الموضوع

قبلاتى لك صديقتى الغالية وان شاء الله بيننا حديث تليفونى قريبا

أختك فى الله حنونة
(حنان)



اللهم انا نسألك من خير ما سألك به نبيك محمد
اللهم انا نعوذ بك من شر ما استعاذك منه نبيك محمد

[إسلامي]

السلام عليكم ورحمة الله وبركاته

جزاكى الله خيرا يا حنان

واطمئنى أنا لسة فاكرة اللى حصل معاها ومع عمرو خالد واللى لسة بيحصل معاهم ومع غيرهم مانسيتش.

وكمان أنا كويسة بس كل الحكاية أنا محتارة إيه التصرف المناسب اللى ممكن يترد بيه على اللى زى دول.

الواحد يرد عليهم وربنا يعينه على الرد

ولا مايردش ولا إيه؟

عموما أنا ميالة أكتر إنى أرد لما أشوف حيعملوا إيه.

بس برضه حاستخير.

جزاكى الله خيرا يا حنان

السلام عليكم ورحمة الله وبركاته

[kareem s]

يا أختي هل مازلتي حائرة؟
لازم تتعودي بما إنك تعيشين في هذا العالم الغافل الذي نحن فيه على ماترين وتسمعين بل واكثر ، ويجب ان تكون ثقتك في الله اكبر واعظم، وانا لاألومك إن كنت شعرت بهزة من كلام هؤلاء الحاقدين على الدين فهؤلاء القوم يمكرون ليلا ونهارا يحاولون هدم دين الله ومكرهم لتزول منه الجبال كما قال ربنا جل وعلى والمصيبة ان معظم الشباب ونحن منهم قد غيبوا عن الدين ، وعموما حاولي ان تزيدي ثقتك في الله وان تعلمي ان هذا من الفتن والابتلاءات واقلها ضررا فهناك من اخواننا من حرقوا وقتلوا وعرضوا لابشع انواع العذاب
وهذه بعض المواقع ابتيها لهذه الفتاة وقولي لها ان كلامك دا تضحكي بيه على النصارى اللي زيكوا

http://arabic.islamicweb.com/christianity/

http://home.swipnet.se/~w-20479/Audio.htm

http://216.21.156.6/programs/jud.zip
http://barsoom.cjb.net/
http://arabic.islamicweb.com/christianity/...ty_vs_hindu.htm (http://arabic.islamicweb.com/christianity/christianity_vs_hindu.htm)
http://www.geocities.com/errorcross/arabic40.htm
http://arabic.islamicweb.com/christianity/...ts_in_bible.htm (http://arabic.islamicweb.com/christianity/conflicts_in_bible.htm)

[إسلامي]

السلام عليكم ورحمة الله وبركاته

جزاك الله خيرا يا أخ كريم

أحب أطمنك، أنا ثقتى بالله زى ما هى والحمد لله ولم ولن تهتز شعرة بإذن الله وأسال الله أن يثبت قلبى على دينه ويوفقنى إلى طاعته حتى يتوفانى إن شاء الله. وجزاك الله خيرا على شعورك.

هى كل اللى الحكاية إنى بيتحرق دمى لما بأشوف سايتات أو إيميلات من النوع ده، يعنى زى ما يكون عندك كدة ابن بتحبه قوى وييجى حد يشده من شعره حتحس بإيه؟

وكمان ربنا يكرمك إنك بعتلى المواقع دى، ويجعلك ممن يعملون على نصرة هذا الدين دائما إن شاء الله.

على العموم أنا لسة برضه ماقررتش وان كنت أميل للرد، والله المستعان.

السلام عليكم ورحمة الله وبركاته