افكــار رومانسية

[سارونا]

((حبيت اقدم لكم بعض الحركات والمداعبات بين الزوجين علشان يستمتعوا بحياة سعيدة ومواصلة الحب بينهم ))


لما تكونوا موجودين وسط مجموعه من الاقارب او الاصدقاء خد... مراتك على جنب واهمس في ودنها بجملة رقيقه زي ( أنت أجمل واحدة النهاردة فيهم ) .

* لما تتمشوا في السوق .. وقف وقل لها وانت بتبتسم ( انا سعيد جداً لأنك مراتي ) .

* حط بطاقة دعوة فرحكم في اطار جميل ... وعلقها في غرفة الصالون ... فده بيعطيها احساس قوي بأنك بتعتز بمناسبه زواجكم فعلاً .

* استخدم كلمات الحب ... لما تلاقي الفرصه ... وحط عليها أسماء جديده غير مسمى زوجه سميها ( حبيبـــــه ) مثلا .

* نفس الشي للزوجه .. افتكري دايماً الايام الاولى لزواجكم ... وهيامك فيه وفكري نفسك بكل مشاعرك الدافيه فيالأيام اللي مرت ... وهترجع ليك المشاعر نفسها بنفس الحراره .

* حطي عقد زواجكما في اطار وعلقيه على الحيطة زي ما بيعمل الاطباء بشهادات التخرج فده بيؤكد له مدى اعتزازك بزواجكما .

* أطبعي نسخه من عقد الزواج وارسليها له في البريد مع عبارة بتقول
(( تتذكر اليوم ده ؟؟ )) .

* في ذكرى زواجكما ارسل لها باقه ورد نسخه طبق الاصل عن باقه الورد اللي كانت تحملها يوم فرحها .

* كبر اجمل صوره لمراتك ولفها بورق هدايا جميل وقدمها هديه لنفسك وافتح الهديه قدامها وخليها تنتشي برؤية الهديه اللي اخترتها لنفسك ... صدقني هتدمع عينيها من التأثر .

* روحوا شهر عسل ثاني وثالث .

* افتكروا أول لحظات شفتوا بعضكم فيه ... فده هيرجع لكم مشاعر ده اليومواللي تميزت بيه من حداثه واثاره وخوف وفرح وحب .

* مهما مر على زواجكما من سنين ... ليه ما تناديش زوجتك بين وقت والتاني
بـ ( عروووستي) ؟

* روحوا لنفس الاماكن التي كنتوا بتروحوها اول ايام زواجكم

* خصصوا يوم في الاسبوع للخروج لوحدكم للسهر ... أو تناول العشاء في مطعم فاخر
( يعني حسب الميزانية ) ممكن تناولوا العشاء فيه على ضوء الشموع ... وعلى الانغام الحالمه... البسوا فيه اجمل الملابس عندكم ... وكأن دي اول مره تطلعوا فيها مع بعض ... التزموا باليوم ده ... فمجرد معرفة كل واحد فيكم ان هناك يوم هتخروجوا فيه مع بعض بصوره خاصه ... فسوف يداعب ذلك اليوم خيالكم ويرسم ابتسامه على شفايف كل واحد فيكم ... انتظاراً لتلك السهره الشاعرية .

* الاكثر شاعريه من الخروج هو تناول العشاء في البيت ... على ضوء الشموع والموسيقى ... خصصوا يوم لده ... بحيث انك تطبخي أكله خاصه بايديك وتلبسي فستان جميل يعجبه وتتعطري... وتقعدي معاه ( من دون الاولاد ) وفكره حلووه لما تكون لليلة دي ميزة معينة زي ... الليلة الهندية يكون الاكل واللبس والجو كله شرقي هندي ... او ليلة مصرية ... او مغربية او صينية او ليله تتعشوا في الهوا الطلق ... في حديقة البيت تحت النجوم وكل وحده وشطارتها بأه

* رتبوا اجازه خاصة بيكم ( زي ما بنقول دايماً من غير الولاد) حتى لو مدة يومين تكونوا فيه لوحدكم فيها فده بيعيد الحياة لزواجكما وينعشه وما فيش داعي للسفر ... ممكن تروحوا فندق بعيد ... او اي مكان تكونوا فيه لوحدكم وما تحاصركم المسؤليات والاهل وقلق ومشاكل الولاد
او ممكن عكس الاية ... يعني بدل ما انت تروحوا بعيدا ... ترسلوا الولاد لبيت جدهم او خالتهم او عمتهم او اي بيت بتثقوا فيه ... وابقوا لوحدكم في البيت ... زي ايام زمان .. في بدايه الزواج وقبل ما يجي الولاد ... وتمتعوا بالحرية والهدوء من دون مقاطعة الاولاد للاوقات الخاصة وهتعرفوا ساعتهاانكون كنتوا متباعدين رغم وجودكم مع بعض في بيت واحد .

* قدم لها في ذكرى زواجكم ورقه سيرتك الذاتيه ... تذكرها فيها بكل صفاتك وقدراتك ورغباتك في اسعادها ... مع ملء خانة الوظيفة بالجملة التالية :
( ان اكون زوجك وحبيبك لسنه اخرى واخري ولكل العمر ) .

* مش مهم تقدم لها ايه في ذكرى زواجكم ... المهم ازاي تقدمه
قدم لها خاتم كهديه ... او ورده لم تتفتح بعد في داخلها الخاتم الثمين وخليها تحط الورده في كوباية مايه قرب السرير لمده يومين ولما تتفتح تشوف الخاتم الجميل ... وهتشوف انبهارها وسعادتها وامتنانها لك
( هي اصلا هتشوف ان الورده ثقيله وهتعرف ان فيها حاجه )

* حاول انك تفتكر انواع الحلوى اللي تحبها واشتري منها كميات كبيره وفاجئها بها من دون ما تطلب منك تشتريها ... حطها في شنطة إيدها ... او على المخدة او بين ملابسها .

* اذا كان في دوامه حاولي ان تنتهي من الطبخ بسرعة وتستحمي وتعطري أجواء البيت بأبهى الزيوت العطرية الفواحة ... أو أنك تصنعي بنفسك أكياس قماش صغيرة وتحطي فيها الورد المجفف وعطرك المفضل..

* ممكن تحطي بعض الأكياس دي في عربيته وتعلقيها على مراية العربية الأمامية..

* قومي بمفاجأته من وقت للتاني بهدية يحبها ..
وتلازمه طوال وقته..
زي ..سبحة من أي محل تختاريه ... وحطيها في علبه بعد ما تغرقيها بدهن العود ... او اي عطر بيحبه
أو ..
بطاقة تصنعينها بنفسك فيها عبارة جميلة بالكمبيوتر اذا كنت جيدة في التصميم وحطي فيها صورة واحد من ولادك مثلاً بحيث يكون حجمها حجم الميدالية وقومي من أي مكتبه بتغليفها بالبلاستيك الحراري.
وحطيها مع سلسة مفاتيح زوجك..
أو...
محفظة جلدية للنقود عند احد المحلات المختصة بينقش عليها بالحفر اسم زوجك ..أو كنيته أو كلمة أحبك حتى..
يعني حاولي الابتكار..

* ممكن تجمعي أنواع الشموع اللي عندك في البيت ذوات الروائح العطرية وتحطيها ..قرب بانيو الحمام..وحواليها بعض الزهور ... ودفي له المايه وفيه زيت اللافندر أو البابونج للاسترخاء..أو رغوة الفواكه المنعشه.. ( دلعيه يا ستي )

* اذا كان بيملك جهاز كمبيوتر في البيت قومي بوضع عبارات المحبة له في شاشة التوقف ..

* على مراية التسريحة في الغرفة ثبتي ورقة فيها بعض عباراتك الدافية أو في كتاب اتعود أنه يقرأه....




وفي النهاية ... بتمنالكم حياة سعيدة

[محب الصداقة]

كلام جميل قوى
ولما اتجوز ان شاء الله هاعمل كدة

انا اول مرة اجى القسم ده هو ينفع ولا للبنات وبس

[princcesa]

مبروك مقدما يا محب الصداقة :clap::clap:

طبعااا أهلا و سهلا للجنس الأخ في الركن الوردي, مهو في كلام للجنسين!
فمش هنقفل القسم و نخليه للبنااات فقط:D

تنور في أي مكان ....


الموضوع جميل ياا ساورنا و ملم فعلا بنصائح غاليه ... ده لو كل 2 طبقوهااا مكنش سمعنا عن طلاق بوتاتتاااا:D

تحياتي

[إيمان محمود]

بس فين الراجل اللي يعمل كده
مفيش بوتاتا :brb:

[محب الصداقة]

انا اهو ده رومانسى موت وبحب كل حاجة عن الرومانسية
والكلام الحلو ده انا كنت ناوى اعملو من غير وصاية
وشكرا سارونا على الموضوع الجميل


وميرسى princcesa على كلامك الحلو

[Bassoom]

كلام جميل جدا :tu:

بس مين فاضى يطبق :confused:

[alsalheen]

ربنا يبارك فيك
فكرتينى بالذى مضى :cry:

بس عندك استعداد تخدى العيال يومين تلاتة :confused: علشان اقدر انفذ

[شجون القمر]

مشكورة اختي

ان شاء الله يوم تنزوج نسويه ونجربه
تسلمين

[forat]

مشكوره عيوني تسلمين..

فـروته.. :nanana::nanana:

[واسطة خير]

كاتب الرسالة الأصلية : إيمان محمود
بس فين الراجل اللي يعمل كده
مفيش بوتاتا :brb:

نعم نعم :angry:
قولى هى فين الست اللى تعمل كده :فتكوا بعا

فعلا ستات زى القطط تآكل وتنكر :angry:

[@esl@m@]

بس فين الراجل اللي يعمل كده
مفيش بوتاتا

نعم نعم
قولى هى فين الست اللى تعمل كده

فعلا ستات زى القطط تآكل وتنكر
متزعلوش نفسكوا مفيش لا رجاله ولا ستات بتعمل كده
لسه هتاعدوا ترموا المسؤليه على بعض الراجل يرميها على الست والعكس
مع ان لو واحد منهم بدا احتمال كبير التانى يتاثر بيه
ابدء ب:luck:
سلام:flowers:

[سارونا]

مع ان لو واحد منهم بدا احتمال كبير التانى يتاثر بيه

معاك حق يا@esl@m@
ليه منبتديش احنا بالكلمة الحلوة
ليه ما نبتديش بالمحبة ... والإهداء
ليه دايمأ منتظرين الطرف التاني
ولو اهدينا بننتظر المقابل

[@esl@m@]

سارونا
سمحينى نسيت اهنيكى على الموضوع الجميل ده
:tu::tu:
وانا بيتهيالى ان الانسان بطبعه بيتاثر بالبيئه اللى حوليه يعنى لو الزوج (بيتهيالى هو عليه المسؤليه الاكبر)حاول يحسس زوجته انها جميله هى بدرها هتحاول تحافظ على احساسه ده وتزوده كمان
صح و لا :)
سلام:flowers:

[بنوته مصريه2007]

:rosy: ميرسي يا سارونا ع النصائح الحلوه دي

[سما اسكندرية]

ميرسي ياسارونا ليكي على النصايح
ولو في حد بيعمل كده مكناش فعلا هنسمع عن الطلاق ده بوتاتا

[Maro Maro]

حلو اوي ياسارونا بجد
اتمنى السعاده لكل اتنين متجوزين يارب عشان هما لو كانوا سعداء هيعرفوا يربوا ولادهم صح وبالتالي هيبقه مجتمعنا مجتمع في حب وموده

[drfatema]

في رجالة بيعملو كدة والله وفي ستات كمان
كل واحد ونصيبه
الف شكر على النصائح
ربنا يجعلها في ميزان حسناتك

[rosha189]

علي فكره الموضوع جميل وكل حاجه بس فيه شويه مبالغات
انا رومانسيه جدا جدا ما تتخيليش قد ايه بس لما قريت الموضوع افتكرت فيلم اسعاد يونس وحسين الشربيني لما كانوا متجوزين:wink3: :wink3:
يعنب لو اي واحد اخد مراته علي جنب وسط مجموعه كل الناس هتفهم هما بيقولوا ايه وهيبقوا مسخره القاعده
بعد كده ليه يعلق دعوه الفرح وكل اللي داخل واللي خارج يشوفها مايحتفظ بيها في بطاقته مثلا او وسط ورقه المهم
العشا الرومانسي في البيت وسط الشموع جميل بس لو بقي كل اسبوع هيفقد قيمته وممكن يبقي حاجه عاديه مع الوقت فالاحسن انه يبقي كل فتره مثلاشهر شهرين ولازم يكون في حاجه سبيشيال كده في المناسبات مثلا اول لقاء يوم الخطوبه عيد الزواج يوم الفلانتين
بس ليه يعني تكون ليله هندي وليه صيني يعني مثلا لو ليله ياباني البس كيمونو و امشي زييهم ولوليله هندي البس هندي واغني هندي وكمان ارقص هندي دي تبقي حفله تنكريه مش حفله رومانسيه
وعلي فكره اغلب الناس ما عندهاش حديقه بيت
وكمان ليه جوزي يقولي يا عروستي ما يقولي يا حبيبتي احلي

انا معاكي انهم يسافروا سوا اويقضوا يوم سوا من غير العيال وربنا يخلي لينا امهاتنا بس في بيوت كتير ما فيهاش حد الاب والام يسيبهولهم العيال طب دول يعملوا ايه وانا مش معاكي انهم يسيبوهم عن الخال او الخاله العم او العمه
لان ما حدش بيستحمل عيال حد لو الخال وافق طب ايه زنب مراته تستحمل شقاوه طفل تاني

حلوه فكره الحمام الدافئ بس كتير من الرجاله ما عندهومش وقت لكده زي جوزي مثلا يعني لوفي وقت يقضيه معايا احسن بس هاحاول معاهو لوفي الاجازات اللي هي قليله جدا

عارفه ايه اجمل حاجه كمان ان الست دايما تبص لجوزها زي ما يكون احسن ضيف تهتم دايما بيبتها وترتبه قبل ما يجي وتتقن الاكل علي قد ماتقدر وتتزوق قبل ما ييجي زطبعا الكلمه الطيبه صدقه :friends: