وداعا لرائحة البصل

[مامتكم]

:chef::chef:

معلش هاستفتح نشاطى فالقهوة من المطبخ

رائحة البصل تعنى ان الامن الغذائى مستتب فالبيت:clap::clap:

اذا عاد زوجك من عمله ولم يستمتع برائحة البصل تفوح من يديك الجميلتين فقد يساوره القلق من انك معندكيش ضمير ومعملتيش اكل النهارده:blink::blink:

او عملتى عمله سوده وطلبتى اكل جاهز:sniff::sniff:
او عمله العن وهتاخديه تاكلو عند مامتك (حماته):chair::chair:
ولذلك عليك ان تخبريه انك قد توصلت لوسيلة للتخلص من رائحة البصل قبل ان يقتله القلق

الوصفة:doctor::doctor:
1-انك تعملى الاكل من غير بصل:maaaad:
2-تجيبى طباخ او طباخة:surrender
3-منفعتش الاولى ولا التانية مبدهاش اقولكم السر وامرى لله:shutup:
اجعلى اخر ما تفعليه فى المطبخ هو غسيل الارز فغسيل الارز بعد تقطيع البصل يزيل رائحة البصل طبعا الارز المصرى وليس الامريكى :tu:
طيب مش عامله ارز النهاردة تحطى شوية ارز تنقعيهم فى مياه وتغسلى بيهم ايدك بعد الانتهاء من اعمال البصل والتوم:es3af:
طيب معندكيش ارز غلبتونى:maaaad:
شوية نشا فى مياه تدعكى بيهم ايديكى وبعدين تصبنيها تبقى تمام:chinese:

بتقولى ايه معندكيش نشا:mob: ياسنه سوخة :scooter:

خدى دى تدعكى ايديكى بشوية زيت وبعدين تصبنيها كويس (مفعولها اقل من النشا والارز)
بتقولى ايه ريحة البصل مسكت فهدومك:es3af:
الحل





تغيرى جلابية العجين اللى انت لابساها بقالها شهر دى وطلعى الجلابية النايلو اللى امك جهزتك بيها من 20 سنة بخيها كالونيا 5خمسات والبسيها قبل ماجوزك ييجى ومتنسيش فيه اختراع حديث اسمه الدش ادخلى الحمام بصى فوق هتلاقيه افتحيه واقفى تحتيه شويه قبل ما تقابلى المحروس جوزك وحضرى بصلة تفوقيه بيها يمكن يغمى عليه من التغيير المفاجىء اللى حصل او يفتكر انه غلط فالعنوان

[dorbaga]

السلام عليكم ورحمة الله وبركاتة,,,


:viking: احمل لك اجمل الامنيات بالتوفيق من قسمك قسم العضل :doctor:


المهم طبعاً انا متغرب من عمري 16 سنة ولسة مرجعتش لبيت اهلى الا تخاطيف وكنت بطبخ في الجامعة لستة من الوحوش البشرية اخر فصيلة منهم انقرضت من العصر الجليدي


اكتشفت وعن طريق الصدفة البحتة ان هنالك طريقة لتحفيف من حد ريحة البصل والتقليل من الدموع ع ع :sniff:


عند تقطيع البصل قشري البصلة بأيديك من القشرة الخارجية

لا تحاولى اة تقطعي ذنب البصلة بل اقطعي رائسها المشلشب وابقى ممسكة من الذيل وقطعيه سوف تجدين ان دموعك :cry: لن تنهمر الا بعد البصلة الخامسة وخمسة وخميسة من عيون الى ماتصليش على النبي

وبعدين يا جماعة البصل نص المطبخ خ خ :ballon:


وبيني وبينكم انا احب البصل وجميع اطباق البصل :maaaad:


هل تعرفون كيف تطبخون منسف

لو عرفتم لعرفتم ما هي قيمة البصل



:es3af: بصلة هنا يا جابر



منورة يا دكتورة



اخوكم الحكواتي :55:

[سارونا]

طيب حد منكم يعرف ازاي تتعمل شوربة البصل ؟؟:crazyy:

[dorbaga]

السلام عليكم ورحمة الله وبركاتة,,,

بسيطة جداً واعرف ومش قايل عشان محدش يقول الحكواتي بيتكلم عن البصل في غيابة :blink:


بكرة اكتبلكم المقادير عشان عيوني بدت بتحرقني


الو المطافي شغلنا الشفاط وشفلنا مناديل قطيعة تقطع المطبخ :cry:


اخوكم الحكواتي :55:

[مامتكم]

انا متغرب من عمري 16 سنة

:sniff::sniff::sniff::sniff:

اه ياجوجو ياولدى ياترى عامل ايه لوحدك

والله هى الدموع شغاله علطول والبصل ده حجة بس

جربتها ونفعت طيب اقول الدموع دى من ايه

اجمدى امال يا ام جهاد واللا انتى لسان وبس

معلش ياولاد بعد جهاد عنى خلانى باكلم نفسى

فين شوربة البصل وياريت المنسف كمان:chef::chef::chef:

[jomana mogahed]

emas40

جزاكى الله خيرا..:clap:

و ربنا يقرب البعيد..:mob:

موضوعك على قد ماهو مفيد على قد ما هو ظريف جدا جدا..بالذات اخر حتة من البصلة..أأأ..قصدى من الموضوع:brb::brb::brb:


تغيرى جلابية العجين اللى انت لابساها بقالها شهر دى وطلعى الجلابية النايلو اللى امك جهزتك بيها من 20 سنة بخيها كالونيا 5خمسات والبسيها قبل ماجوزك ييجى ومتنسيش فيه اختراع حديث اسمه الدش ادخلى الحمام بصى فوق هتلاقيه افتحيه واقفى تحتيه شويه قبل ما تقابلى المحروس جوزك وحضرى بصلة تفوقيه بيها يمكن يغمى عليه من التغيير المفاجىء اللى حصل او يفتكر انه غلط فالعنوان


:brb::brb::brb:

موتتنى من الضحك...

و رد dorbaga

على قدماهو مؤثر..بس برضه ظريف جدا جدا:tu:

نـ:hat:ــداء

[مامتكم]

اشكرك يانداء وانتى ياسارونا

على فكرة البصل من الاكلات اللى بتنيم تمام ويظهر انى من ساعة ما نشرت الموضوع كله اكل بصل و:zzzz::zzzz::zzzz::zzzz::zzzz::zzzz::zzzz:

مع البرد كمان فيعنى القهوة نامت

شد البطانية من على الكتاكيت يااااااااااااجابر ونزل عصير بصل بالفراولة على حسابى

[سارونا]

على فكرة البصل من الاكلات اللى بتنيم تمام ويظهر انى من ساعة ما نشرت الموضوع كله اكل بصل و

انا لسه ما اكلتش بصل ... اديني قاعده ومستنيه الشوربه لحد ماتخلص :huh:

[فدائيه]

حتى لا تدمع عيناك
ضعي البصل في قدر فيه ماء قبل تنظيفه لمدة نصف ساعة حتى لاتدمع عيناك عند تقطيعه أو ضعيه في الفريزر لمدة نصف ساعة .


شوربة البصل

المقادير
نصف قالب زبدة
2 بصل مفرومين ناعم
4 أكواب حليب
1 ملعقة طحين
1 كوب جبنة قشقوان مبروشة او جبنة موزاريللا
ملح، فلفل حسب الرغبة

الطريقة
تسخن الزبدة. .1
تحمر البصلة المفرومة حتى يزهر لونها. .2
يضاف الطحين ويحرك حتي يزهر. .3
يضاف الحليب مع التحريك المستمر ويضاف الملح والفلفل. .4
عند الغليان تخفف النار وتترك خمس دقائق. .5
تسكب في طبق عميق خاص بالفرن ويرش على الوجه الجبنة. .6
توضع في فرن ساخن 5 دقائق أو حتى تسيح الجبنة وبالهناء والشفاء. .7

[مامتكم]

اشكرك فدائية على المعلومات والنشيد الجميل

كوب جبنة قشقوان مبروشة او جبنة موزاريللا

ايه القشقوان ده

[سارونا]

اختي الحبيبة .. فدائية

تشكري على الشوربه ... هبقى اجربها وارد عليك ان شاء الله

[أرض الميعاد]

أم جهاد ... موضوع يجنن
الاسلوب رائع والفايده 100%

بس ممكن اقول حاجه ... انا باستخدم مولينكس لتقطيع
البصل والتوم

وداعا للدموع مع مولينكس

[مامتكم]

وداعا للدموع مع مولينكس

غريبة امال ليه بادمع مع البراون هارفع عليهم قضية :chair:

اكيد البصل بعد التقطيع بيدمع العين

بس جربتى وصفة ازالة الرائحة من الايدى ومن جلابية العجين

تحياتى ارض الميعاد :flowers:

سارونا لسه مجربتيش الشوربة واللا بتدورى على القشقوان :eat::eat:

[ام محمود]

موضوع بجد نكتة ويجنن خصوصا موضوع الجلابية دى
اعزرونى لرفعة بعد المدة دى لاكن مقدرتش معلقش

[سمراء]

بجد شكرا جدا جدااااااااااا:rosy:
دا انا كان نفسي في وصفه زي دي لاني بابوش ايدي من كتر غسيلها بجميع انواع منظفات البشره والبرفانات وماكانتش بتروح:chr43:

وداعا ايها البصل:satan:

وعلى فكرة حكاية الدموع دي مش بتحصل لما تاكل لبان وانتم بتقشروا البصل:واه يابوي

[Reeeeeeem 7]

بجد تشكرى عالنصايح دى
انا ما برضاش امسك التوم او البصل ابداا
طول النهار اتخانق انا وماما عالنقطه دى
تقولى امال ها تتجوزى ازاى وتفتحى بيت ازاى


كدة بقا الواحد يتجوز وهو مطمن
:brb::brb::brb::brb: