View Full Version : تأملات في كتاب الحياة !!! ( جلسات روحية على الله تنفع !!!)
almustafa
12-21-2003, 11:48 PM
http://albums.masrawy.com/Photos/I78541R67171612U52181.JPG
التأمل الأول : نشرة الأخبار
---------------
دائما ما يستهوينى الجلوس أمام شاشة التليفزيون لمشاهدة نشرات الأخبار على مختلف المحطات و بمختلف اللغات حتى لو لم أفهم ما يقال.
مشاهدينا الكرام و قد حضر إلى أرض الوطن الوفد الفولانى المكون من السيد الرئيس فلان الفولانى جفظه الله و الوزراء الفلانيين و كان فى استقبالهم على سلم الطائرة رئيس دولةأفسوس العربية أعانه الله و الوزير فلان و رئيس الجامعة الفلانية الدكتور فولان و معهم فولان و فولان و فولان............
هذا و قد تم إستقبالهم فى صالة كبار الزوار بمطار أفسوس الدولى.
لطالما يسترعى انتباهى هذا النوع من عناوين الأخبار و لطالما تمنيت أن أكون فردا من ضمن أفراد هذا الوفد... الفولانى بردو
و بدأت حلمى بأن أكون رئيسا لجمهوريتنا جمهورية أفسوس
و ما ان بدأت بالتفكير و الحلم حتى صدمتنى نشرة أخبار أخرى..
مشاهدينا الكرام اليكم هذا الخبر الهام:
نوفى مساء أمس جلالة الملك فولان الفولانى و قد تسلم مقاليد الحكم من بعده ولى العهد و نجل الملك فولان الاولانى جلاة الملك فولان الفولانى..هذا و قد حدث نفس الشىء بدولة كذا مساء أمس الأول حيث تم اغتيال الملك فولان على يد أعداء الدولة و أعداء النجاح و قد تسلم مقاليد الحكم نجله ولى العهد فولان السادس...
هذا و قد قام أمس السيد الرئيس فولان الفولانى بأداء اليمين الدستورى و تسلم مقاليد الحكم خلفا لوالده فولان الفولانى و مع ان نظام الدولة جمهورى إلا أن الشعب العظيم مهانتش عليه العشرة و بم انه شعب حكيم فانه أخذ بحكمة هذا الشبل من ذاك الأسد و قام بنتخاب الابن بكل حرية و ديمقراطية و قد تم تغيير الدستور بناء على رغبة الجماهير.. هذا و قد تقدم عدد كبير من شعب هذه الدولة بطلب لسماع اغنية جرب نار الغيرة لوردة بعد النشرة مباشرة.
و بذلك و بالطبع فقدت كل الأمل فى أن أصبح رئيسا للبلاد فتنازلت عن بعض طموحى أملا فى اللحاق بالوفد...الفولانى طبعا
فكرت فى أن اكون وزيرا و امرى لله
و كنت لى موعد مع نشرة اخبار جديدة
مشاهدينا الكرام و قد حذر الرئيس فولان الفولانى فى اجتماعه السنوى بطلاب جامعة كهرمان من ازدياد عدد السكان و ارتفاع نسبة البطالة .
هذا و قد قال بالحرف الواحد:
يعنى هجيب لكم كلكم شغل منين
ملكمش شغل عندى بالصلاة على النبى
انا مش هقطع نفسى.
و بعدها طبعا فقدت الأمل ليس فقط فى كرسى الوزارة و لكن فى العمل من أساسه و ضاع بالفعل الأمل فى التواجد فى الوفد الفولانى و أمثاله من الوفود
لا كرئيس ولا كوزير ة لا حتى كشيال فى المطار.
كعادتى اكتأبت
فدخلت أصلى ركعتين و دعيت ربى أن يعوضنى عن هذه الأحلام و الأمنيات خيرا
و خلدت الى النوم
و ما ان غلبنى النعاس الا و اجدنى ارى نشرة أخبار أخرى من نوع خاص و غريب.
مشاهدينا الكرام و قد تجمعت حشود عديدة لمشاهدة الوفد الكبير من المتقين و الصالحين أرى منهم السيد يعنى انا اللى ناقص و السيد انا ناقص ياخويا و اللواء اشتغالة و غيرهم الكثير و الكثير
اراهم الآن متجمعون عند الحوض ليشربوا من يد رسول الله شربة لا يظمؤون بعدها أبدا بعد أن أخذ كل منهم كتابه بيمينه.اللهم ارزقنا. هذا و قد تجمعوا مع بعضهم البعض بعد أن قضى كل منهم ساعة الحساب و كأنها ركعتين خفيفتين .
أرى و قد أقبل عليهم من بعيد ابو بكر الصديق و عمر بن الخطاب و على بن ابى طالب و غيرهم الكثير و الكثير
اراهم يتحدثون و كأنهم على معرفة من زمن بعيد جدا على بعضهم البعض
و هم الآن مشاهدينا الكرام فى طريقهم إلى أماكنهم الخالدة فى جنة النعيم فى انتظار أن يكشف الله تعالى لهم عن نور و جهه و يقرأ عليهم آيات سورة الرحمن
مشاهدينا الكرام هذو و سوف نواليكم بأهم التطورات فى النشرات القادمة بإذن الله
ثم أنهى مذيع النشرة هذه الفقرة بقوله تعالى
" يَوْمَ نَحشُرُ المتقِينَ إلَى الرحمَنِ وَفْدا"
سورة مريم اية 85
بعدها استيقظت من نومى
عفوا
أقصد من استيقاظى؟؟؟؟؟؟؟؟؟؟؟؟؟----------------------------------------------------------
dr_sho
12-23-2003, 12:11 AM
قال ابن قيم رحمه الله فى تحفته (إغاثة اللهفان ).
أصل كل خير وسعادة لكل حى ناطق كمال حياته ونوره
(أومن كان ميتا فأحييناه وجعلنا له نورا يمشى به فى الناس كمن مثله فى الظلمات ليس بخارج منها)فجمع الأصلين الحياة والنور
فبالحياة تكون قوته وسمعه وبصره
وبالنور تنكشف له صور المعلومات وحقائقها على ماهى عليه فيستبين حسن الحسن بنوره وكذلك قبح القبيح
وارى الطب لا ينبغى له ان ينحصر ويحفل بالحياة فقط ويضع كل همه فى صحة الأبدان ولكنى اراه يمتد إلى نطاق النور ويهتم بصحة القلوب
وهذه التأملات تندرج تحت الشق الثانى من الطب
وهو طب الأرواح
والهدف منها توجيه البصائر نحو النور
فيتم لنا بإذن الله الأصلين الحياة والنور
شكرا لعملاقى الفكر وأستاذى التأمل
الباشمهندس حسام والدكتور مصطفى
جعل الله هذا لهم زخرا
وقد تم تثبيت الموضوع بواستطى حتى يتم لهما إستكمال تاملاتهما فى كتاب الحياة
almustafa
12-23-2003, 03:30 PM
كاتب الرسالة الأصلية : dr_sho
قال ابن قيم رحمه الله فى تحفته (إغاثة اللهفان ).
وارى الطب لا ينبغى له ان ينحصر ويحفل بالحياة فقط ويضع كل همه فى صحة الأبدان ولكنى اراه يمتد إلى نطاق النور ويهتم بصحة القلوب
وهذه التأملات تندرج تحت الشق الثانى من الطب
وهو طب الأرواح
والهدف منها توجيه البصائر نحو النور
فيتم لنا بإذن الله الأصلين الحياة والنور
شكرا لعملاقى الفكر وأستاذى التأمل
الباشمهندس حسام والدكتور مصطفى
جعل الله هذا لهم زخرا
وقد تم تثبيت الموضوع بواستطى حتى يتم لهما إستكمال تاملاتهما فى كتاب الحياة
شكرا على التثبيت و لو انى ارى انه جاء مبكرا جدا
فحتى الآن لم يرد سواكى يا دكتورة
عموما انا عايز اعرف رأيك فى الموضوع ايه
التأمل ده حلو ولا وحش ولا هيودينى فى داهية لا ايه؟
عايزين نعرف قبل التامل اللى جاى
almustafa
12-23-2003, 03:58 PM
طبعا كعادتى دائما أفضل أن اكون بعيدا كل البعد عن اى شىء طبيعى
و بم انه من الطبيعى ان تكون المقدمة قبل أول حلقة
فأنا فضلت ان اكتبها بعدها
و قد كان
كتبت أول حلقة
و واحد بس اللى رد
عادى
و اليكم المقدمة
هى مش مقدمة بالمعنى الطبيعى
و لكن أحب أن أوضح فقط بعض الأشياء
هذه التأملات قد تكون فكرة
خاطرة
أمنية
أو حتى حلم
و لكنها من واقع حياتنا
واقعنا الذى نعيشه
قد يكون النفكير او التأمل نوع من انواع الخيال
او الاستحالة
و لكننا سنجده ممكنا بإذن الله فى كتابنا
قد يكون ممكنا
و لكننا سنجده أكيدا فى كتابنا
قد يكون خاطئا
و لكننا سنجد ما يرده فى كتابنا
قد يكون مريضا
و لكننا سنجد له الدواء فى كتابنا
و هكذا
و انى اجد الآن كتابنا قد أصبح كتابين . كتاب الخيال و كتاب الواقع
بل ثلاثة
حيث أصبح ختام كل حلقة بالقرآن الكريم
بل انى اقول
ان كتاب الحياة هو موسوعة كتب كاملة
لا نقدر على حصرها الآن
قد نحصرها فيم بعد
لى رجاء الآن
الى كل من قرأ الحلقة
بعد ان قرأ التعقيب
أن يرجع للحلقة و يقرأ التأمل مرة أخرى
سيجد معانى مختلفة عم سبق
فالتأمل هنا ليس دينى أو روحانى فقط
و لكنه قد يمتد الى ان يكون سياسى فى بعض الأحيان
ربنا يستر
شكر خاص لحسام
سوف يكون له الدور الأعظم فى هذا الموضوع
ليس بحماقته يوه بقى
و لكن ببراعته و خفة دمه
أخيرا
أحب أن اشكر ايمان شكر خاص جدا
فقد كان لها دور كبير فى فكرة الموضوع من غير ماتعرف
بس مش هقوله دلوقتى
بعديييييييين
يلا يا حسام
فين التأمل الثانى؟؟؟؟؟؟:knight:
emanff
12-23-2003, 07:40 PM
انا كمان دخلت الموضوع يا مصطفى بس عالطاير و مقريتهوش كويس الا بعد ما قرات المقدمة !!!
من ذكرياتى و تخيلاتى !!!!
السنة اللى فاتت رحنا مدرسة اختى عشان نحضر تكريم المتفوقين اللى هى منهم و تخريج (الثانوية العامة)...
ابتدو بالمتفوقين و تكريمهم ,,,
وطبعا الحدث الاكبر هو دخول المتخرجين ,,,
و ,,, دخلو ,,
كما كان قد نظم لهم
لابسين الباس الخاص بتاعهم ,, احمر قاتم و ذهبى و ما الى هنالك
دخلوا بطريقة معينة و قعدوا بطريقة معينة على المسرح عشان كوووولنا نشوفهم .
واحنا كوووولنا بنتفرج ,, هم اللى كلنا عيونا عليهم ,,,
اللى ما تخرجش لسة (بيقول فى سرو امتى اقعد زيهم) ,, و الاهالى بيفكرو ( متى ابنائنا و بناتناواخواتنا -فى حالتى- يقعدو زيهم و نصفق لهم و نفتخر بهم و و و و و و و
بعدين و انا انظر لهم
(فكرت) ,,
يوم القيامة ,, الناس اللى تاتى و هى تلبس تيجان من نور
كلنا سننظر اليهم
نتمنى لو كنا مثلهم
نسال ( كيف هو شعورهم)
كم سنحسدهم (او نغبطهم)
وكم سنتحسر على انفسنا
و نحن نقف ناس عاديين ,, مليئين بالذنوب و الخطايا
نتسال ماذا عملو لياتو بتيجان من نور
نتمنى وكم سنتمنى ان نكون مثلهم
لو اننا عملنا ,, لو اننا قدمنا لحياتنا
وكم سنندم
هل جربتم الندم ؟؟؟
الندم اسوء شيىء ممكن ان يحسة الانسان
يحطم الانسان بطريقة .........
لو جربتم الندم فى الدنيا , و تعرفونة جيدا
اسالو انفسكم كم سنندم عندما نرى اللذين يمشون (يوم الحشر) بحلل النور و يلبسون تيجان النور !
:luck: :luck: :luck:
الذكرى الثانية ,,,
على الحوض ,, و الناس كلها تذهب لتشرب من يدة .....
يدة هو ,, لاغير .....
ناس و ناس و ناس باملايين,,, جماعات و جماعات
وانا , اتى ,,, ابتسم ,,,متلهفة........
فينظر لى ....
و ,,,,,,,,,,,,,
يعرض بوجهةعنى ,,
اقول لة ,,
جئت اشرب
فيعرض بوجهة
الن اشرب .... الن تسقينى ...
فيعرض بوجهة
ان لا
لن تشربى
لن تشربى
اقف .....
انظر الية .......
انة حتى لم ينظر لى ..........
الصمت يكاد يقتل المكان
ولكنى هالكة لا محالة ........
ماذا قدمت لحياتى
وماذا اسلفت
هل ينفع السؤال الان؟؟
لا
انا اعرف ماذا فعلت
فامشى
اجر نفسى ورائى
امشى مبتعدة و الجميع يقتربون منة
كم ساكون شقية .......
وهل تعرف ما هو الشقاء ؟؟
هل تعرفة فعلا ؟؟؟
هذة ,, احدى ذكرياتى المؤلمة !!!
اذنبت مرة ,,, و تذكرت لقائى بة على هذا الوجة... تألمت كثيرا
و ... تمنيت لو ان نفسى ليست نفسى
انا اغبط من يحس انة فعلا سيشرب من يدة !!
اما انا ......
فانى اكتب ,, و احس و ابكى
و لكن ............
لكنى اعرف (نفسى)
أنا ناقص ياخويا
12-23-2003, 07:48 PM
للأسف الشديد
أنا قريت التأمل قبل ماينزل وأبديت رأيي فيه بظبت
بس أحب أضيف حاجة لمصطفى
congratulations :clap:
أنا حسيت بالرعشة اللي قصدك عليها لما قريته تاني مرة
بالنسبة للتأمل التاني
عايز بس أعرف رأيكم في حاجة
ايه رأيكم في اللوجو :crazyy:!!!!!!!!!!!!!!!!!!!!
emanff
12-23-2003, 07:53 PM
بصراحة , اللوجو ,, بيلخبط
اصل اول شيىء افتكرت ,, ان الموضوع ( فعلا تاملات فى الحياة)
وبعدين لما شفت اللوجو ,, فكرت ان الموضوع , هو تاملات فى القران (على خسب فهم انة كتاب الحياة )
يا حسام انت فوت انك تقرا تعليقى , لان حضرتك عالنت ,, و الظهر انك كتبت ردك فى نفس الوقت اللى انا كتبت فية ردى !
دا طبعا لو كنت عاوز تقرى اللى انا كتبتة !
آيات الجارحى1
12-23-2003, 08:13 PM
:blink::blink::blink:
الله عليكوا ...
بجد تجننوا
بقى انا قلقانة وعمالة اقول ياترى يا هل ترى وانتوا قاعدين تكتبوا تأملات..
وبعدين ايه حلل النور دى يا ايمان؟؟
وبعدها حاطة ايقونة السبانخ:luck:
مرديتيش على الموبايل ليه لما اتصلت بيكى:box:
كويس ان الرنات مش بفلوسيوه بقى
يا حسام انا اتفق مع ايمان فى كلامها على التصميم..
توتو المتأمل...
احيانا تضيق بى نفسى بشدة...
لا اجد مكان اذهب اليه سوى ذلك المكان المحبب الى نفسى...
اكون فيه بمفردى...
لا اسمع سوى حديث صمتى وهمس افكارى...
اسمع صوت مياه تترقرق...
اغوص لابحث بداخلى عن تلك الكينونات المبهمة فى حياتى...
ربما انجح فى اكتشاف احدها..
ربما تشدنى حرارة المكان ودفئه وتلهينى عن التفكير..
وكأن لابد للزمن ان يتوقف احيانا...
اشعر بسعادة بالغة..
ربما شعرت اننى احلق من الغوص فى داخل ذاتى..
ولكننى اتذكر ان لا معرفة لى بالعوم والابحار..
فافيق من تأملى..
واحاول ان امشى على ارض الواقع الزلقة..
اكاد اسقط فلا ارى امامى..
ضباب يحيط بى ويلفنى واكاد لا ارى يداى..
اختنق..
لا اتنفس...
اهرول..وافتح النافذة قليلا...
وامشى بحذر خوفا من السقوط الى ان استقر تحت الدش ذو صوت الماء الهادر.. ولكن يفسد تأملاتى.. ان مياه السخان السوخنة قد انتهت فى رحلة تأملى تلك.. ولابد ان ارتعش واتجمد تحت مياه تفتر تدريجيا الى ان تصل واصل لتحت الصفر..
فتصطك اسنانى ...واصاب برعشة نفسية وعصبية(ربما تلك التى تتحدثون عنها عندما قرأتم).. واخرج اقسم بالله اننى لن اكرر تلك الحماقة..
ولكن سرعان ما يهمنى امرا لابدأ رحلة تأمل جديدة فى الحمام:hurry:
dr_sho
12-23-2003, 08:35 PM
فحتى الآن لم يرد سواكى
دعنى اهمس فى اذنك يا اخى
أن الموضوعات القيمة هى تلك المهجورة من قبل الجميع
ولكى أريد أن اعرف قيمة الموضوع قبل أن أدخل لأقرأه أنظر إلى عدد الردود فإن رأيتها قليلة إستبشرت خيرا
وتثبيتى لهذا الموضوع وإن لم يرد عليه احد لأننى لا أثبت بعدد الردود بل بقيمة الموضوع
التأمل ده حلو ولا وحش ولا هيودينى فى داهية لا ايه؟
دول سؤالين :confused:
الأول حلو ولا وحش ؟
مش هارد عليه لإن أكيد حضرتك عارف الإجابة :)
هيوديك فى داهية ولا لأ؟
هيوديك وهيودينى إن شاء الله فى 60 داهية
بس ساعتها هنقول
أنا من انا جنتى فى صدرى
حبسى خلوة
وقتلى شهادة
وإخراجى من بلدى سياحة:D
من ذكرياتى و تخيلاتى !!!!
هو أنا قلت قبل كدة إن البنت دى جميلة :thinky::thinky:
لكنى اعرف (نفسى)
وللأسف أنا أيضا أعرف تلك الساكنة فى أعماقى
ايه رأيكم في اللوجو
رأيي من رأى الدكتورة إيمان
ولما قريت المقدمة بتاعة الدكتور مصطفى
حسيت إننا فعلا قدام 3 كتب كتابين منهم بيستمدوا نورهم من الكتاب الأعظم
نفسى المعنى ده يتحط فى لوجو
حلوتهم
12-23-2003, 08:39 PM
أن يكشف الله تعالى لهم عن نور و جهه و يقرأ عليهم آيات سورة الرحمن
يريت لو حد يعرف _ ان الله سوف يقرأ سوره الرحمن علي عباده عندما يدخلون الجنه _موجوده في حديث ايه وسنده ايه او موجود في اي كتاب لاني دورت عليه مش موجود خالص لو حد يعرف هوا في اي كتاب يقولي
أنا ناقص ياخويا
12-23-2003, 09:18 PM
التأمل الثاني : نداء الطبيعة
----------------
مـامـا : "أنا ناقص ياخويا" "أنا ناقص ياخويا" !!!!!
أنا ناقص ياخويا : ثانية واحدة يا ماما
مـامـا : يبني انت فين؟؟
أنا ناقص ياخويا : معلش اصبري عليا بس شويا
مـامـا : بتعمل ايه بس؟؟
أنا ناقص ياخويا : أنا في الحمام؟؟
مـامـا : بتنيل ايه في الحمام؟؟
أنا ناقص ياخويا : حاكون بنيل ايه في الحمام يا ماما؟؟
مـامـا : بتتوضأ مثلا؟؟
أنا ناقص ياخويا : عليكي نوووور..بتوضأ!!..سيبيني بقة شوية
مـامـا : طب بسرعة عشان "أهه انت اللي حمار" عايزك على التليفون
أنا ناقص ياخويا : ألووووووو
أهه انت اللي حمار: ألوووو..ايه يبني كل ده؟؟ انت كنت فين؟؟
أنا ناقص ياخويا : كنت في الحمام؟؟
أهه انت اللي حمار: كنت بتنيل ايه في الحمام؟؟
أنا ناقص ياخويا : انتو مالكو النهارده؟؟ كنت في الحمام وخلاص.. عايز ايه؟؟
أهه انت اللي حمار: تصدق ياخي انها حاجة غريبة؟؟
أنا ناقص ياخويا : اللهم طولك ياروح.. ايه اللي غريب يا حاج E t !!!
أهه انت اللي حمار: المفروض والمتعارف عليه انك لما تقولي كنت في الحمام .. أفهم ماشرة انت كنت بتعمل ايه.
أنا ناقص ياخويا : وبعدين؟؟
أهه انت اللي حمار: أصل انت مثلا لو كنت في الحمام لأي سبب آخر غير اللي انت كنت فيه دلوقتي..كنت قلتلي على السبب مباشرة بدون مناورات
أنا ناقص ياخويا : قصدك ايه؟؟
أهه انت اللي حمار: مثلا لو كنت بتتوضا.. أو بتغسل..كنت قلت كنت بتوضأ..أو كنت بغسل. علطول..مش كده؟؟
أنا ناقص ياخويا : صح!!!
أهه انت اللي حمار: لكن نداء الطبيعة بذات بتقول عليه..كنت في الحمام!!.. وحتى لما تيجي تدخل الحمام للسبب ده..تقول أنا داخل الحمام..في حين انك لو كنت رايح تتوضا..حتقول أنا رايح أتوضأ..تفتكر ليه؟؟
أنا ناقص ياخويا : نعم ياخويا؟؟
أهه انت اللي حمار: ليه الحكاية ده بنحاول انا نهرب من اننا نقولها..مع انها شيئ طبيعي جدا..و اللغة العربية مش حارمانا من حاجة.. ونقدر نعبر عن الحالة بكل سهولة؟؟
أنا ناقص ياخويا : أيوه ماهي نقصااااك.. أنا ناقص ياخويا..عايز ايه؟؟
أهه انت اللي حمار: تصدق نسيت أنا كنت عايزك ليه..آه بص يا سيدي . إلخ إلخ إلخ إلخ ....
خلصت المكالمة..بس فيه سؤال مفتوح أعترف انه تردد في رأسي للحظة..ليه بنهرب؟؟ وطبعا نسيت الموضوع في اللحظة التالية علطول!!!
5
6
5
0
0
5
ترررن...ترررن..
مامة صاحبي : ألوووو؟؟
أنا ناقص ياخويا : ألووو .. ازي حضرك يا طنط.. صاحبي موجود؟؟
مامة صاحبي : آ يا حبيبي.. ثانية واحدة..
أسمع من بعيد هذا الحوار
مامة صاحبي : "صاحبي" "صاحبي" !!!!!
صاحبي : ثانية واحدة يا ماما
مامة صاحبي : يبني انت فين؟؟
صاحبي : معلش اصبري عليا بس شويا
مامة صاحبي : بتعمل ايه بس؟؟
صاحبي : أنا في الحمام؟؟
مامة صاحبي : بتنيل ايه في الحمام؟؟
صاحبي : حاكون بنيل ايه في الحمام يا ماما؟؟
مامة صاحبي : بتتوضأ مثلا؟؟
صاحبي : عليكي نوووور..بتوضأ!!..سيبيني بقة شوية
مامة صاحبي : طب بسرعة عشان "أناقص ياخويا" عايزك على التليفون
صاحبي : ألووووووو
أنا ناقص ياخويا : ألوووو..ايه يبني كل ده؟؟ انت كنت فين؟؟
صاحبي : كنت في الحمام؟؟
أنا ناقص ياخويا : كنت بتنيل ايه في الحمام؟؟
صاحبي : انتو مالكو النهارده؟؟ كنت في الحمام وخلاص.. عايز ايه؟؟
أنا ناقص ياخويا : تصدق ياخي نفس الموقف ده حصل معايا من كان يوم؟؟
صاحبي : موقف ايه؟؟
أنا ناقص ياخويا : موقف الحمام ده.. لحد كده مارديت عليك!!
صاحبي : حصل مع مين؟
أنا ناقص ياخويا : مع "أهه انت اللي حمار" بس هو اللي كان طالبني وانا اللي كنت في الحمام..يوميها طرح عليا سؤال غريب جدا..ليه احنا بنتكسفنقول كنا بنعمل ايه في الحمام.. وبتكتفي نقول كنا في الحمام رغم اننا ممكن نكون في الحمام عشان أي حاجة تانية؟!! فاهمني ولا؟؟
صاحبي :فاهمك بس معتقدش انك مكلمني عشان كده!!!!!
أنا ناقص ياخويا : لأ طبعا.. بس حاجة غريبة مش كده؟؟
صاحبي : ولا غريبة ولا نيلة!!!
أنا ناقص ياخويا : ليه؟؟
صاحبي : عشان ده حاجة مقرفة بعيد عنك.. وبتيجي في الدماغ بالصوت والصورة.. ومش لازم يعني بيني بينك
أنا ناقص ياخويا : يعني ايه..ماحنا برده مهربناش من الصورة لما قلنا " أنا في الحمام"
صاحبي : ماشي.. بس ده أرحم شويه.. وبعدين عشان تبقى عارف.. العملية الطبيعية ده هي والجنس..ربنا حطهم فين عشان نقف عند حدنا!!
أنا ناقص ياخويا : ازاي؟؟
صاحبي :مهما طلعت ولا كبرت ولا حكمت الكون..لازم يجي عليك الوقت..المثانة تمتلئ..أو القولون يهيج عليج بعد أكلة كشرى بايظة..وتلاقي نفسك غصب عنك في هذا الوضع المحرج..وساعتها الجلالة ماتخدكش..و تعرف انك مهما طلعت ولا نزلت.. في الآخر إنسان.. حتى الأنبياء والمرسلين كلهم..كلهم بلا استثناء كانو بيدخلو الحمام !!!
أنا ناقص ياخويا : فعلا عندك حق.. بس فيه حاجة في كلامك.. معجبتنيش..
صاحبي : ايه؟؟
أنا ناقص ياخويا : يعني..حاسس ان الأنبياء ماتجيش سيرتهم في موضوع زي ده!!
صاحبي : والله عندك حق.. بس عشان أوضحلك.. وبعدين أنا قلت كانوا بيدخلو الحمام.. ماقلش مثلا كانو ب.. ولا ب.. ولا حتى ب..
انا ناقص ياخويا : عارف والله.. بس برده حاسس ان ماينفعش..
صاحبي : طب انت رأيك نقول ايه على الأنبياء.. نداء الطبيعة؟؟
أنا ناقص ياخويا : مش عارف.. بس اكيد في حل..
صاحبي :يبني عادي ..لا حرج في الدين.. وده كلام عادي.. احنا مش آلهه ولا أنبياء عشان يعني نحاسب قوي كده.. عادي يعني
انتهت المكالمة مرة أخرى.. ولكن بسؤال جديد؟؟
كيف ؟؟ كيف نحترم الأنبياء بالقدر الكافي..سواء في هذا الموضوع او غيره.. كيف نعبر عن مواقف محرجة يواجهونها دون المساس بصورتهم المقدسة؟؟
لم أجد إجابة..وطبعا نسيت الموضوع في اللحظة التالية مباشرة!!!!!!
الساعة دلوقتي 2 بعد نصف الليل.. يادوب أنام
وادي إذاعة القرآن الكريم
الله.. الحصري
حبيبي
سمعت صوته وأنا أكاد أغرق في النوم وهو يقول لمن يدعوب بألوهية المسيح وأمه :
مَّا الْمَسِيحُ ابْنُ مَرْيَمَ إِلاَّ رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلاَنِ الطَّعَامَ انظُرْ كَيْفَ نُبَيِّنُ لَهُمُ الآيَاتِ ثُمَّ انظُرْ أَنَّى يُؤْفَكُونَ
سورة المائدة 75
ابتسمت على الرغم مني..
لقد عرفت الإجابة..
عرفتها من رب.. يحافظ لأنبيائه ورسله على صورتهم المقدسة
ويحب عباده أجمعين
و
و
هاااااوم
و
لاشئ
آيات الجارحى1
12-23-2003, 09:25 PM
الله عليك بجد بجد ما اروع كتاباتكم وتاملاتكم...
اجمل حاجة ان المقدمة دايما ملهاش علاقة بالنهاية...
الله ينور..
بجد الله ينور..
و الله مش عارفة اقول اية :clap:
تاملات اكتر من رائعة و سلسة جدا.
الله ينور زي ما توتو قالت :flowers:
almustafa
12-24-2003, 12:34 AM
فعلا و الله رائعة
اعتقد ان ايات المفروض بقى تفهم
مش عار ف فيه ايه
بقولك
سلم لى على اهو انت اللى حمار كتير
مشوفتوش من زمان
اوعى يكون مات من اربع سنين هو كمان!!!!!!!!!!!!!
almustafa
12-24-2003, 12:38 AM
كاتب الرسالة الأصلية : ماسة
و الله مش عارفة اقول اية :clap:
تاملات اكتر من رائعة و سلسة جدا.
الله ينور زي ما توتو قالت :flowers:
أخجلتم تواضعنا
ده اذا كنا متواضعين اساسا!!!!!!!
emanff
12-24-2003, 12:40 AM
فى البداية كنت كدة
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
:lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
وبعدين ساعة الجد ....
الانبياء ....
الكثير منا يقف عند بعض الاشياء و مع انها من الدين و من الواجب معرفتها الا ان البعض يشعر بالحرج منها,, مع انة لا حياء فى الدين
وخصوصا اننا يجب ان نقتدى بالرسول الكريم (ص) فى كل اوجة حياتنا
ولهذا السبب ايضا قال احد يهود المدينة (بما معناة) بان الرسول(ص) علم اصحابة كل شيىء حتى ما يفعلون فى الخلاء .
ولو لاحظتم ان امنا السيدة عائشة(رض) قد حرصت ان تنقل لنا الكثير الكثير من دقائق و تفاصيل حياة الرسول(ص)
هذا لانها تعرف انة فعلا علينا معرفة كل شيىء
فهو ليس كاى انسان عادى ,, ولكنة معلم وهادى هذة الامة
ونحن فى حياتنا نمر بكل شيىء ,, فاذا لم يخبرنا رسولنا عنها ,, من اذا ؟؟؟؟
هل ننتظر احد البرامج ليعلمنا الايتيكيت ؟؟
واذا كان سيعلمنا ,, فهل سيدخل الى اداب دخول الحمام والخروج منة ؟
ام سيعلمنا كيفية الغسل بعد الحيض او الجنابة , او بين الجنابة و الاخرى
او ما اذا اراد الانسان النوم بدون غسل او تنظيف الثوب او... او ... او
يستحيل !!!
هل سيتقبل احد ؟؟؟ طبعا لا .
اذا ,, نحن قعلا نحتاج الى (اب) و (ام) ختى يعلمونا
ومن احسن من امهاتنا امهات المؤمنين , و رسولنا الذى لنا فى منزلة الوالد.
آيات الجارحى1
12-24-2003, 01:10 AM
لما اقول كده ده معناه ان بداية الكلام فى التأمل.. والعنوان..
نداء الطبيعة..
وسرد الاحداث..
لما تختم بالنهاية اللى حسام كتبها..
يبقى انا اودام مبدع .. ودى مش جديدة عليكوا..
لما انت تكتب عن(الفولانى).. وتنتهى باللى انت كتبته..
يبقى ماتريكس ما قصر ابدا..
التميز فى كتابتكم ان البداية دايما وسرد الاحداث مش بيخلى الناس تتوقع او تعرف انتوا عايزين توصلوا لايه..
أنا ناقص ياخويا
12-24-2003, 01:28 AM
كاتب الرسالة الأصلية : آيات الجارحى1
:box:
بدليل منا بتصل ومرديتيش عليا:viking:
مصطفى:box:
طب ما كان اوفر لك بدل ما تتصل بايمان من عندى تروح على بلدها على طول ترنلها من المطار يا راجل بقى جاى من مصر للكويت عشان تتصل بيها من عندى:crazyy:
ايوة ايوة ترانزيت فى الكويت..
كلام مصطفى مش جاي في وقته خالص يا آيات..مش كده ؟؟ :brb::brb:
أنا ناقص ياخويا
12-24-2003, 01:35 AM
كاتب الرسالة الأصلية : emanff
اذا ,, نحن قعلا نحتاج الى (اب) و (ام) ختى يعلمونا
ومن احسن من امهاتنا امهات المؤمنين , و رسولنا الذى لنا فى منزلة الوالد.
إيمان
حسألك سؤال صريح
فهمتي أنا كنت أقص ايه بالنهايه ده؟؟
أصل مصطفى شككني ان قصدي صعب انه يوصل للقارئ بسهولة
أعمل ايه
حاولت اعمل فيها ماتريكس يوه بقى
دانا حتى كنت ناوي أكتب الآية وخلاص وعليكو بقى الباقي
الله يكون فعون مؤلف ماتريكس على هذا الحال :pirate:
هريدي يابووووي
12-24-2003, 12:05 PM
ماشاء الله :)
موضوع رائع الحقيقة..:tu:
بس هو مكانه العيادة؟:hot:
dr_sho
12-24-2003, 12:13 PM
بس هو مكانه العيادة؟
وايه وجه الإعتراض بس يابيج بوص
إن وظيفتنا صحة القلوب وصحة الأبدان
وقد إعتنوا أطباء الإسلام القدامى بالشقين معا
وقد ذكر الله الشقين سويا فى كتابه
قال ابن قيم رحمه الله فى تحفته (إغاثة اللهفان ).
أصل كل خير وسعادة لكل حى ناطق كمال حياته ونوره
(أومن كان ميتا فأحييناه وجعلنا له نورا يمشى به فى الناس كمن مثله فى الظلمات ليس بخارج منها)فجمع الأصلين الحياة والنور
فبالحياة تكون قوته وسمعه وبصره
وبالنور تنكشف له صور المعلومات وحقائقها على ماهى عليه فيستبين حسن الحسن بنوره وكذلك قبح القبيح
وارى الطب لا ينبغى له ان ينحصر ويحفل بالحياة فقط ويضع كل همه فى صحة الأبدان ولكنى اراه يمتد إلى نطاق النور ويهتم بصحة القلوب
وهذه التأملات تندرج تحت الشق الثانى من الطب
وهو طب الأرواح
والهدف منها توجيه البصائر نحو النور
فيتم لنا بإذن الله الأصلين الحياة والنور
الطب ليس دمعة ألم فقط
emanff
12-25-2003, 11:52 PM
كاتب الرسالة الأصلية : أنا ناقص ياخويا
إيمان
حسألك سؤال صريح
فهمتي أنا كنت أقص ايه بالنهايه ده؟؟
أصل مصطفى شككني ان قصدي صعب انه يوصل للقارئ بسهولة
أعمل ايه
حاولت اعمل فيها ماتريكس يوه بقى
دانا حتى كنت ناوي أكتب الآية وخلاص وعليكو بقى الباقي
الله يكون فعون مؤلف ماتريكس على هذا الحال :pirate:
انت قصدك ان شكلى ما فهمتش !!!؟؟؟؟؟؟؟؟؟ :confused:
انا فهمت ان الرسل اناس عاديين
ولكننا ننزههم عن ان نتكلم عليهم بما لا يجوز,,,,
ولكنهم
يتزوجون و ينجبون و يمرضون و يموتون ,,,
يعنى صحيح ناس وبشر زيينا
ولكن لهم احترامهم
انا مش عارفة اشرح نفسى !!!!!!:blink:
بس انا فكرت انى فهمت ,, لانى فعلا ,, بطلت ضحك على طوول
وفعلا حسيت ,,,بمكانة الانبياء
انا فعلا مش عارقة اعبر عن نفسى ,, افهمها انت بقة !!!!
:hat:
emanff
12-26-2003, 01:52 AM
كاتب الرسالة الأصلية : dr_sho
[
الطب ليس دمعة ألم فقط [/B][/QUOTE]
:flowers:
:tu: :tu: :tu: :tu: :tu: :tu: :tu: :tu: :tu:
صح 100 %
علاج المريض يبدا من فهم نفسيتو اول ما يدخل ,,
تعالجية بالكلام و باراحة النفسية قبل العلاج ,,
فما لالك لو تعالجى (روحة)
قرات كتاب doctors<< for,,(erick segil)
؟؟؟؟؟؟؟؟ :confused:
almustafa
12-26-2003, 07:19 PM
التأمل الثالث : يوم عائلى خاص جدا.... يادى الفضايح!!!!!
---------------------------------
فى يوم من أيام الاسبوع الثمانية
متستغربوش
فعلا تمانية
ماهو اليوم ده مر عليا كأنه يومين
و يمكن اكتر
المهم
فى اليوم ده مريت بمواقف غريبة جدا
و بم اننى رغاى و بتكلم كتير فأنا قررت انى احكى لكم اللى حصل لى
صحيت فى يوم "اللى هو من ايام الاسبوع التمانية" الصبح بدرى على دوشة جامدة قوى و زعيق و صيحات مش بسمعها الا فى الافلام الامريكانى بتاعة فان دام و جاكى شان و الناس الغريبة دى
متتخضوش
ده كان صوت اخويا الصغير
كان بيتدرب على أهم الحركات القتالية
اصله لاعب كاراتيه قديم
بينى و بينكم خفت اكلمه
خفت يدينى ضربة فى وشى ولا حاجة و انا داخل على امتحان شفوى
سكتت متكلمتش
بس كان فيه حاجة غريبة
أخويا و هو بيتدرب كان ماسك فى ايده كتاب
اتضح بعد كدة انه كان بيذاكر فيه
مانا نسيت اقوللكم انه فى ثانوية عامة
سألته و انا منكمش فى الحيطة و حاطط ايدى على دماغى:
ـ انت بتعمل ايه؟
ـ زى مانتا شايف بتدرب الماتش كمان ساعتين
ـ ايوة بس ايه الكتاب ده؟
ـ زى مانتا شايف بذاكر عندى امتحان فى الدرس كمان 4 ساعات
خفت اتكلم معاه ساعتها و قلت استنى لما يرجع بالليل اصله كان متفق مع اصحابه انه يروح يركب خيل معاهم بعد الدرس
قلت اسيبه يكسر فى الاوضة لوحده و اطلع اصبح على اختى فى اوضتها
كانت بتكلم واحدة صاحبتها على الموبايل و بايديها التانية بتكوى هدومها
كانت متأخرة على شغلها و بتكلم صاحبتها تشوف هيتقابلوا فين و يروحوا الشغل سوا
مقلتش غير صباح الخير
شاورت بم معناه انى اطلع من دماغها الساعة دى
رجعت لاخويا اشوفه وصل لفين لقيته لابس و شايل 3 شنط على كتافه
طبعا انتوا عارفين ليه
سلمت عليه و دعيت له ربنا يوفقه فى اى حاجة من الحاجات الكتير اللى هو رايحها اتقفل باب الشقة من هنا و سمعت صرخة مدوية من هنا !!!!!
متتخضوش!!!!!
كانت اختى
اصلها حرقت هدومهااللى كانت بتكويها
رحت اشوفها
لقيت الدخان طالع من كل حتة فى الهدوم !!!
هديتها !!!!
و قلت لها :
- كلمى صاحبتك بس و قوليلها انك هتتأخرى
مش هى معاها موبايل؟
صرخت تانى :
- الموباااااااااااايل
ـ ماله اتحرق هو كمان؟
ـ بس انا اصلى كنت بكلمهاو سبت التليفون من ايدى فجأة من غير ما اقفله
رحت اشوف التليفون فين و رنيت منه
لقيت واحدة بترد عليا بتقول :
عفوا لقد نفذ رصيدكم!!!
سبت التليفون مكانه
ـ مالك يا مصطفى سكت ليه فيه حاجة؟
ـ لا ولا حاجة
خرجت جرى من اوضتها و طبعا سمعت صرخة مدوية أخرى منها
قلت اروح اشوف أمى فين
كانت فى المطبخ
بردو مقلتش غير صباح الخير
ـ بقولك ايه الفطار عندك اهه افطر و متقعدليش كدة انا مش ناقصاك
باباك لو جه و ملقاش الغدا هتبقى مشكلة
اقولك روح له و عطله شوية و متخليهوش ييجى دلوقتى
و انت ماشى هاتلى التليفزيون الصغير و شغلهولى . عايزة اشوف حلقة منى عامر الجديدة.
قلت لنفسى : صباح النور
رحت لابويا شغله
لقيته ماسك الموبايل على ودنه اليمين و تليفون المكتب على ودنه الشمال و قدامه واحد تانى خالص بيتكلم معاه
لقيت مرة واحدة قايم يزعق:
- انت يا زفت يا ايمن انت لسة مبعتش الفاكس؟
و انت يا زفت يا اشول انت لسة مكلمتش الشركة
و انت يا نيلة يا اوسط انت لسة مسافرتش؟
بعدها بحوالى 3 ساعات كدة اخد باله انى موجود قدامه من ساعتها
قاللى :
- نعم
ـ نعم الله عليك يا ابويا يا حبيبى انا بس جاى اقول صباح الخير
ـ صباح الخير الساعة 2 الظهر؟ طبعا مانت مش حاسس بحاجة
ـ طب مش عايز حاجة؟
ـ رايح فين؟
ـ هحاول احس بأى حاجة فى اى حتة
خرجت و انا بكلم نفسى
هو محدش ناقصنى ليه؟
هما ليه كلهم كدة؟
متسربعين على ايه؟
مش مركزين ليه؟
اتمشيت شوية مع نفسى
و حاولت احس بأى حاجة زى ما قلت لابويا
فعلا
حسيت بحاجات كتير
لكن مش هشرحها دلوقتى
بعدين
فى التأملات الجاية ان شاء الله
روحت البيت
لقيت سكوون تاام
- ايه يا ماما؟
أخبار الأكل ايه؟
ـ الاكل اتحرق
-ازيك يا بابا اخبار ايمن ايه؟
ـ و هو بيبعت الفاكس الفاكس ولع منه
- و الاخ اشول؟
- و هو بيكلم الشركة الشركة بردو ولعت من الناس اللى هناك -
- طب و اوسط اخباره ايه؟
ـ ده بقى و هو مسافر جاله اكتئاب فانتحر على طول
دخلت اوضتى و قلت استنى اخويا
اكيد اكيد هو اللى هيكون معاه الأمل
بعدها بشوية لقيته داخل عليا و هو بيعرج
ـ مالك يبنى اوعى يكون الماتش
ـ لا متقلقش ده من الحصان يعنى حاجة بسيطة متتخضش
ـ طب و ايه اخبار الماتش يا بطل؟
ـ اتغلبت. كنت براجع فى دماغى حتة من المنهج عشان الامتحان فخدنى اللى قدامى على خوانة
ـ اه يلا ولا يهمك . المهم الامتحان
ـ مانا اكتأبت من الماتش و مروحتش الامتحان :maaaad:!!!!!!!!
سقطت فى غيبوبة فورا
و فى الغيبوبة سمعت:
إِنَّ رَبَّكُمُ اللّهُ الَّذِي خَلَقَ السَّمَاوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُدَبِّرُ الأَمْرَ مَا مِن شَفِيعٍ إِلاَّ مِن بَعْدِ إِذْنِهِ ذَلِكُمُ اللّهُ رَبُّكُمْ فَاعْبُدُوهُ أَفَلاَ تَذَكَّرُونَ
سورة يونس اية 3
فقت منها و انا اردد
ثم استوى على العرش
ثم استوى على العرش
ثم استوى ..
ثم ..
ثم ..
ثم اغمى عليا تاني !!
انتوا ناس فنانة :clap:
خدوا دي :flowers:
آيات الجارحى1
12-26-2003, 10:10 PM
ما شاء الله..
بس معلش ليه الغيبوبة التانية بعد استوى:confused:
تـــــــوتو وتأمولاتووووووووووو....:انجغة:
شتاء 1993...
ديسمبر...
اومال يعنى هيبقى يوليو...:crazyy:
الساعة 10 بالليل..
ربما لاتهمكم التفاصيل المملة...
وربما لا تهمنى ايضا ولكنها الذاكرة الالماظ التى تحتفظ لى بكل شىء :sniff:
ممددة مغمضة العينيين..ربما كنت مفتحاهم لكن متفرقش كتير عشان كنت من غير النضارة..يوه بقى
الراديو كالعادة تحت وسادتى..على اذاعة القران وقتها..
تأملت فى خلق الله...
ما ابدعك ياربى..
خلقت الدنيا بكل ما فيها..
لا تنام وتعلم ما فى نفس كل خلقك..
تحصى خلقك جميعا وتعرفهم وتراهم..
تبتسم لهم ولا يرونك..
تغضب منهم ولا يرونك..
ما الطفك بنا ياربى..
تحيط بعلمك كل شىء..
نعم انت الله...
ولا ارتضى لى بإله غيرك..
ياربى انت اله اعلى فئات الناس..
نعم كل المجتمعات لها كبارها..
والمسلمين كبار الدنيا بالايمان بك يا الله..
لا نسجد لحجر ولا بقر ولا شجر..
هو انت وحدك من نسجد لك فتعزنا بعزتك ...
نحن اعزة بك ياربى..
يا بديع السماوات والارض..
يا من خلقت كل شىء..
واذا بزائر يفسد كالعادة اى شىء جميل..اذا به الشيطان يجعلنى اتساءل..
ومن خلقك ياربى؟؟؟...
وصمتت لبرهة.. وكأن الله اراد ان يصمتنى.. فإذا بى اسمع مذيع اذاعة القرآن الكريم.. يقول حديث..عن الحبيب رسول الله عليه الصلاة والسلام.. فيما معناه..((لا يزال الشيطان بالانسان يقول ربى خلق كذا وكذا الى ان يقول فمن خلق الله))...
صعقت وانتفضت والله من مكانى...
تلك اللحظات التى تخيلتها تأمل وروحانية وحب لله كان الشيطان هو الذى يشرح لى عظيم ابداع الله حتى يجر اقدامى الى تلك الهوة..
حتى اذا ما سالت وتعمقت وبحثت يبدأ بتشكيكى..
ومن ثم تغيبى عن اسلامى وهويتى وربى...
ياتى الشيطان فى ابهى صور التفكير والتأمل وحب الله كى يغوينى ليصدنى عن التصديق بربى..
هنا سكتت مرة اخرى..
ادركت ان الله لم يخلقنا سدى..
لم يجعل الجنة بروعتها وحلاوتها ومالا عين راتها الا لانها جزاء من قاوم الشيطان..
ليس بالضرورة ان يأتى الشيطان فى صورة تفكير فى الحرام ايا ما كان..
ولكنه ياتى ذلك الطيب المتدين الذى يضمر نواياه للنهاية..
هو يقوم بدوره..
هو لا يعلم انت من اى فئة..
ستنقاد له ام تولى منه...
هو يحاول..
وانت ...
تثبت او تنهار.....
وعلمت ان الله يطلع على كل كل ما يجرى فى نفس عباده..
الله سمعنى...
الله علم الدور الذى يؤديه شيطانى معى..
الله منذ البداية جعلنى افتح الراديو على اذاعة القران الكريم..
لان بها طوق نجاة ساحتاجه وانا لا اعلم..
الله الهم المعد والمذيع باختيار الحديث هذا بالذات...
لاسمعه انا بالذات..
فى ذلك الوقت بالذات..
هنا قلت لا اله الا الله ..
لا اله الا الله..
اللهم انى استغفرك واتوب اليك..
فإذا بى مرة اخرى...
واقسم بالله العظيم ان كل حرف اكتبه هو ما حدث بالنص والله يارب ولا افترى على الله...
اقسم بالله العظيم اننى ما ان انتهيت من قول لا اله الا الله واللهم انى استغفرك واتوب اليك حتى سمعت المذيع يقول...
قال رسول الله صلى الله عليه وسلم((يقول الشيطان: اهلكت بنى ادم بالذنوب واهلكونى بالاستغفار وقول لا اله الا الله))....
هنا قمت فزعة من سريرى.. ابكى...
انتحب..
ارتجف...
ابكى..
ابكى بشدة..
اسمعنى الله ما قاله الشيطان بعد ان وسوس لى...
اسمعنى الله ما تم فى تلك اللحظة التى كنت انا محجوبة فيها عن العوالم المحيطة ولست الا فى الدنيا..
تم نوع من التواصل من البداية بين الله وبينى وبين شيطانى..
وسوس شيطانى..
فنبهنى ربى..
استلمت التنبيه وتفكرت فيه..
استغفرت..
اهلكت الشيطان وانا لا ادرى..
وقال كلام لم اسمعه بحكم اننى فى عالم الدنيا ومحجوبة عن العوالم الاخرى..
رد على ربى بالحديث الذى اجراه على لسان المذيع بما قاله الشيطان....
ربى...
حبيبى ياربى...
لم اعمل ما استحق به رحمتك والجنة..
ولكنى احبك...
واحب جوارك..
واحب انك انت ربى والهى...
احبك ياربى..
أنا ناقص ياخويا
12-26-2003, 10:42 PM
كاتب الرسالة الأصلية : آيات الجارحى1
ما شاء الله..
بس معلش ليه الغيبوبة التانية بعد استوى:confused:
أعتقد يا مصطفى بعد سؤال آيات ده
مش حتكتب تاني :doctor:
هايل يا آيات والله.. بس أنا متخيل مصطفي دلوقتي حاطط مسدس في نافوخه وبيستعد للضرب :فتكوا بعا
الفكرة يا مصطفى غير طبيعية بالمرة
بس فظيعة في نفس الوقت
خفة الظل واضحة في الأسلوب..ولكن في النفس الوقت.. خلفية حزينة من حال هذا الفتي اللي مش لاقي مكان يروح فيه
وده من وجهة نظري
قمة العبقرية في الكتابات الخفيفة
الشفاء البدني موجود في الطب
وفي القرآن برده
لكن شفاء الدنيا مش موجود غير هنا
في القرآن
وبس
أنا خايف الناس تكون خدة بالها من 6 أيام.. وماخدتش بالها من ثم استوى
معلش يا مصطفى
بس بعد اللي عملته فيا دكتورة إيمان
انا مضطر أشرح شوية
الشفاء المقصود يا جماعة في ( ثم استوى )
وبالأخص في (ثم)
وحسب كلام مصطفى المنقول عن الشيخ سيد قطب.. ان من يحاول يتخيل صورة هذا الاستواء.. فقد أتى أمر من أمور الكفر
ولكن الواضح
أنه ثم استوى
ثم
أي عندما عملية الخلق في 6 أيام.. لم يكن مستو على العرش.. لأنه ( ثم استوى )
وهذا وإن دل ..فعلى ماذا يدل...
على ماذا؟؟
على الاهتمام بالعمل.. الحركة النشاط التركيز .. الهمة..
مش كل واحد بيعمل 50 ألف حاجة في نفس الوقت لما باظت كل حاجة..
كل هذا لكي يعلم البشر
سبحان الله.. وهو الخلاق العليم
فهمتي حاجة يا توتو؟؟
ايه نوع المصاصة اللي بتشربيها ؟؟:brb::brb:
على فكرة يا آيات
غصب عني والله
بس تأملاتك للأسف الشديد
أثرت فيا جدا جدا جدا :inlove:
كلام رائع حق
وخاصة هذا الجواب الإلهي السريع على سؤلك
هذا وإن دل
فيدل على حب من الله سبحانه وتعالي
آيات الجارحى1
12-26-2003, 10:50 PM
:blink:
يادى النيلة:viking:
هو انتوا عشان عباقرة متخيليين ان احنا اغبيا:box:
منا فهمت المعنى ..
لكن انا بستغرب الغيبوبة التانية...
لان اتفهم المعنى فالمفروض من وجهة نظرى بعدها انتباه مش غيبوبة تانية ..
ده اللى قصدته بسؤالى..
مش معناها انى مفهمتش:viking:
يلا يا يعنى انا اللى ناقص تعال رد علينا...
على فكرة يا جماعة الدكتور مصطفى المفروض اسمه(يعنى انا اللى ناقص):crazyy:
placebo
12-27-2003, 02:07 AM
انا اول مرة ادخل هنا .. وقرأت كلام حلو اوى وتأملات وخواطر تحتاج لنقاش ووقفة مع النفس .. ومستنى اقرأ الباقى
الاخ "انا ناقص يا اخويا" .. فى وجه شبه جامد بينك وبين الفنانة عبلة كامل ... متفهمنيش غلط .. استنى لما اشرح لك ..
تقريبا مفيش حد شاف عبلة كامل الا وقال الممثلة دى بتدينى احساس انها زى ماتكون واحدة قريبتنا او جارتنا اللى ساكنة فوقينا .. يعنى دائما بتدى احساس بالالفة
انت كمان يا دكتور "انا ناقص ياخويا" بتدى نفس الاحساس بتأملاتك دى اللى بتكون دائما دارت فى عقل كل منا فى يوم من الايام وعجز معظمنا عن التعامل معها او الامساك بها او حتى سردها فى صورة كلام مفهوم .. وهنا يأتى دور الموهبة فى القدرة على وصف خواطر واحاسيس نمر بها كلنا وتختلف باختلاف مراحل العمر
مش كده وبس .. انت زى ماتكون بتعرض شرايط تسجيل لما يدور فى عقلك من حوار بين طرفين ( انا والشخص الذى يعيش فى دماغى)
انا مش فاكر اذا كنت انت نفس الشخص اللى قالت عليه اختنا آيات واللى كتب "رحلتى من الايمان للشك للايمان" والتى قرأتها فى موقعها الاصلى منذ عدة شهور على حلقات " نظرا لان كاتبها كان فى الجيش تقريبا وبيكتب كل جزء عند نزوله الاجازات"
بس لو هو انت الشخص المذكور . فتبقى فرصة عظيمة جدا اننا نشوفك هنا
والسلام
dr_sho
12-27-2003, 02:12 PM
ثم استوى ..
ثم ..
ثم ..
بصراحة معنى أكتر من رائع
الإسلام دين التوحيد
وبدون توحيد
يبقى ما فيش دين
توحيد العبودية
توحيد المنهج
توحيد المبدأ
توحيد الإتجاه
ليه التوحيد؟
علشان
ما جعل الله لرجل من قلبين فى جوفه
وربنا خلق العين موحدة (بكسر الحاء)
بمعنى حاول تركز بصرك على أكتر من صورتين قدامك فيه بينهم مسافة كافية مش هتقدر أبدا
جايز هتشوفهم الإتنين
لكن البصر متركز على واحدة بس فيهم
والأذن كمان موحدة
حاول تسمع وتميز وتفهم كويس قوى صوت التلفزيون مع صوت صاحبك اللى فى التليفون هتلاقى فيه تشويش فى عقلك اللى اتعود ياخد أمر واحد بس فى نفس الوقت علشان يترجمه
والعقل كمان
حاول تفكر فى فكرتين مختلفتين فى نفس اللحظة وبنفس قدرة التركيز
مش هتقدر
يعنى العقل البشرى بكل ما أوتى من قوة وإعجاز ما تقدرش مراكز البصر فيه تقوم بحاجتين فى نفس الوقت
ما تقدرش علشان ربنا خلقها إنها تتقن عملها
ولو حاولت معاك تشوف الصورتين مش هتشوف ولا واحدة فيهم
ولو حاولت تفكر فى فكرتين فى نفس الوقت يبقى إنت مريض
عقلك مشوش
ده معنى التوحيد
التوحيد اللى مش بس عبادة
لأ
المفروض أخلاق كمان
وزمان قالوا
صاحب بالين كداب
وما جابوش حاجة من عندهم
ده مبدأ إسلامى
توتو الجارحى
بصراحة مش عارفة أقولك ايه؟
انتى هزتينى فعلا
أنا ناقص ياخويا
12-27-2003, 02:23 PM
كاتب الرسالة الأصلية : placebo
انا اول مرة ادخل هنا .. وقرأت كلام حلو اوى وتأملات وخواطر تحتاج لنقاش ووقفة مع النفس .. ومستنى اقرأ الباقى
الاخ "انا ناقص يا اخويا" .. فى وجه شبه جامد بينك وبين الفنانة عبلة كامل ... متفهمنيش غلط .. استنى لما اشرح لك ..
تقريبا مفيش حد شاف عبلة كامل الا وقال الممثلة دى بتدينى احساس انها زى ماتكون واحدة قريبتنا او جارتنا اللى ساكنة فوقينا .. يعنى دائما بتدى احساس بالالفة
انت كمان يا دكتور "انا ناقص ياخويا" بتدى نفس الاحساس بتأملاتك دى اللى بتكون دائما دارت فى عقل كل منا فى يوم من الايام وعجز معظمنا عن التعامل معها او الامساك بها او حتى سردها فى صورة كلام مفهوم .. وهنا يأتى دور الموهبة فى القدرة على وصف خواطر واحاسيس نمر بها كلنا وتختلف باختلاف مراحل العمر
مش كده وبس .. انت زى ماتكون بتعرض شرايط تسجيل لما يدور فى عقلك من حوار بين طرفين ( انا والشخص الذى يعيش فى دماغى)
انا مش فاكر اذا كنت انت نفس الشخص اللى قالت عليه اختنا آيات واللى كتب "رحلتى من الايمان للشك للايمان" والتى قرأتها فى موقعها الاصلى منذ عدة شهور على حلقات " نظرا لان كاتبها كان فى الجيش تقريبا وبيكتب كل جزء عند نزوله الاجازات"
بس لو هو انت الشخص المذكور . فتبقى فرصة عظيمة جدا اننا نشوفك هنا
والسلام
شكرا لاسلوبك الجميل في الكلام
بيفكرني بأسلوب عبلة كامل بظبت :chr24:
لأ فعلا شكرا وربنا يكرمك يا سيدي
تابع معانا وماتزهقش
انت قلت حاة جميلة جدا في الأول
قلت :
وقرأت كلام حلو اوى وتأملات وخواطر تحتاج لنقاش ووقفة مع النفس
تمام؟؟
وده والله اللي احنا عايزينه
نقاااااااش
حاولنا ( د. مصطفى وأنا ) اننا نكتب بألوب يخلي اللي بيقرأ يحاول يشغل دماغه.. وماتجيلوش كل حاجة على الجاهز..عشان لما يوصل لحاجة من التفكير الفردي.. حيحس ان كن ليه دور في اللي اتكتب.. وبالتالي.. حيشفي نقطة معينة في تفكيره.. ويوصل لحل.. زي بظب لما تشوف فيلم اجنبي.. ولاراجل يسيبلك المهاية مفتوحة.. بس محددة في نفس الوقت.. ويكون عايز منك انك توصل لحاجة في دماغه.. وحاجة واحدة بس.. لوما توصله .. وبعدين هو يصرح بيها في حديث صحفى ولا حاجة وتعرف ان اللي توصلتله صح.. تفرح!!
وأعترف لك.. ان اهدافنا في كل تأمل حتى الآن.. لم يتوصل إليها أحد
حتى الدكتورة إيمان :maaaad::maaaad::maaaad:
عشان كده حنا لحد دلوقتي حسين ان الموضوع سلبي جدا
احنا مش عباقرة عاملين حاجة متتفهمش
بالعكس
احنا بس حسين بكسل القارئ وكلفته في القراءة.. لو ركز شوية.. حيفهم الحوار
يعني حديك مثال
في تعليقي على التأمل الثالث.. وضحت ايه قصد مصطفى بإنه يقفل الحلقة على ( ثم استوى )
وده ماحدش علق عليها الله إلا آيات ( ومش عارف لح دلوقتي غذا كانت فهمت ولا لأ :-" )
في آخر التأمل الثاني .. أنا سألت سؤال . وجاوبت عليه في الآية.. ومع ذلك محدش فهم خالص أنا قصدت ايه
ده مش عيب في حد لا سمح الله
ولكن و مش التقاء فكرى لا أكثر ولا أقل
وجيت بقة حضرتك وقلت... تملات محتاجة لنقاش
وده اللي اكتشفناه فعلا
لازم نقاش حول كل نقطة
قد يكون هناك من له فكر آخر
وقد يكون هناك من يعترض
وقد يكون هناك من له رأي آخر
وقد يكون هناك من يوافق
وأكيد هناك الذي لم بفهم بعد
بس أكيد المحصلة النهائية من كل نقاش حول كل تأمل
هو الوصول لشفاء
سواء لنا أو لكم
جزاء الله خيرا يا أخ بلاسيبو
على فكرة.. انت flash designer جميل جدا
بس قولي
التوقيع بتاعك ده.. خط؟؟ ولا انت رسمه.. ولو خط.. قولي أعمله download منين
شكراااااااا
آيات الجارحى1
12-27-2003, 03:07 PM
انا حاسة انى بتهزأ...
ماشى..
شوف يا حسام:viking:
نوعية كتاباتكم اجمالا غريبة..
احنا مش متعودين عليها..
وبالتالى طبيعى ان مش شرط نفهم قصدكم الدفين من ورا التأمل..
لان مصادفناش نوعية الكتابة دى ..
رغم بساطتها فى السرد لكن فيها زوايا خفية وانتوا عايزين نتناقش فيها...
متلومش علينا..
ولا انا بلومك..
لكن رفقا بنا..
ورفقا بكم..
عندك الدكتورة شو كاتبة رد اكتر من رائع معتقدش انك لحقت تقراه عشان اكيد كنت هترد عليه.. اهو شوية بشوية احنا بنفهم نوعية الكتابة والحوار..
انت ضربت مثل بالفيلم اللى نهايته مفتوحة..
ومين قاللك ان كل المشاهدين لازم يفهموا المعنى اللى الكاتب يقصده..
وبالتالى متحبطش..
عندك مثلا فى التأمل بتاع نداء الطبيعة..
اللى انا فهمته مش مجرد احترام الرسل..
انا بتكلم على وجهة نظرى..
لكن من الممكن استخدام مقدمات لكلامنا قد لا تصف الفعل المقصود غير فى مرحلة تليها..
فهمت برضو..
الرسالة الموجهة لمن يفترون على الله ويقولون ان عيسى ابن الله..
فهمت برضو تنزيه الله سبحانه وتعالى على ان يكون من البشر كما يدعى النصارى
ومش شرط اى حاجة من دول تكون اللى انت تقصدها..
المفروض الصراحة يبقى فى تفاعل من الناس هنا فى المنتدى اكتر من كده فى الموضوع..
والمفروض بعد النقاش انك توضح وجهة نظرك..
فى الجزء بتاع ثم استوى...
ربما انا الى الان مفهمتش المعنى اللى مصطفى عايزه..
انا فاهمة معنى ثم استوى..
لكن مفهمتش سر الغيبوبة التانية..
emanff
12-27-2003, 10:19 PM
من كلام ايات ,,,
0((((الرسالة الموجهة لمن يفترون على الله ويقولون ان عيسى ابن الله..
فهمت برضو تنزيه الله سبحانه وتعالى على ان يكون من البشر كما يدعى النصارى)))
حسام اعتقد مش حتكتاب ,لانك لقيت اللى فهم جزء من المراد من (نداء الطبيعة)
طبعا الجزء الاخر (كما شرحت لى) ان اللة حيى,
حيى من عبادة
ولهذا كانت (ياكلون الطعام) ,,
مفال مما قرات لك ,, ان اللة لما تكلم عن الزواج او الانجاب ,, كانت الكلمات (حيية) ,, و ليس كما هو مكتوب فى الانجيل (المحرف , )
مثلا ,, لفظ (فلما تغشاها ,,,,) و ردت فى القران
وليس الكلمات الصريحة كما ورد فى كتاب (المزامير ) بتاع ( المسيحيين و اليهود)
معليش انا شكلى ما وضحتش الفطرة كويس ,, :shutup:
انت عارف (وضعى)
لو انا غلطانة ,, او فية معلومة ناقصة او مشوهه , انت اكتيبها :book:
لان زى ما انت شايف ,و ما فيش داعى تزعل ,,
:flowers:
المفكر
12-28-2003, 05:06 PM
السلام عليكم ورحمة الله وبركاته
بصراحة عمل رائع وجزاكم الله خيراً عليه
رغم إني لسه في حاجات بحاول أقرأها أكثر من مرة عشان أقدر أستنبط منها حاجة مفيدة أو أوصل لهدفكم منها, بس للأسف أنا في الشغل وحضراتكم كده ضيعتوا ييجي ساعة من وقت الشغل في قراءة موضوعكم وطبعاً لما وصلت للتأمل بتاع ثم استوي قلت متهيألي كده إني فهمت حاجة :confused:
يعني مثلاً أنا قاعد بشتغل وفتحت موضوعكم لقيته جميل... شدني وحاولت أكمله بس في نفس الوقت عندي شغل لازم يخلص... أصبحت مش مركز في الشغل ولا في موضوعكم:crazyy:
بس لفت نظري تعليق الدكتورة شو يمكن ده ركزت فيه شوية , وخصوصاً النقطة اللي بتقول إن العقل البشري لا يستطيع التفكير في فكرتين في نفس الوقت, ربما يتساءل معظم المتعاملين مع الجهاز العجيب اللي اسمه الكمبيوتر إزاي بيقدر يشغل أكتر من برنامج في نفس الوقت, هل تفوق العقل الإلكتروني علي العقل البشري؟!!!! سؤال ربما يخطر لبعض من يناقش هذا التأمل وهذا التعليق ومن الممكن أن تكون إجابته معروفة للبعض ومجهولة للبعض الآخر, وأحب أن أوضحها هنا بصفتي متخصص:
الحقيقة هي أن الكمبيوتر لا يستطيع أن ينفذ أكثر من برنامج في نفس الوقت, الذي يحدث هو أنه يتم تقسيم وقت الكمبيوتر علي البرامج الكثيرة التي يحتاج أن ينفذها المستخدم وفي جزء الوقت المخصص لبرنامج معين يكون كل التركيز والانتباه لهذا البرنامج فقط, ولكن نصيب كل برنامج من الوقت يكون متناهي في الصغر لدرجة تجعلنا لا نلاحظه ونظن أن الكمبيوتر ينفذ كل هذه البرامج في نفس اللحظة.
هذه هي الإجابة وأتمني أن تكون بسيطة وواضحة وأن تخدم موضوعكم بشكل أو بآخر, واسمحوا لي أتابع الموضوع لعل وعسي أقدر أوصل لحاجة.
أنا بفكر أغير اسمي بقي عشان شكلي بقي وحش قوي :cry:
dr_sho
12-28-2003, 11:26 PM
الحقيقة هي أن الكمبيوتر لا يستطيع أن ينفذ أكثر من برنامج في نفس الوقت, الذي يحدث هو أنه يتم تقسيم وقت الكمبيوتر علي البرامج الكثيرة التي يحتاج أن ينفذها المستخدم وفي جزء الوقت المخصص لبرنامج معين يكون كل التركيز والانتباه لهذا البرنامج فقط, ولكن نصيب كل برنامج من الوقت يكون متناهي في الصغر لدرجة تجعلنا لا نلاحظه ونظن أن الكمبيوتر ينفذ كل هذه البرامج في نفس اللحظة.
سبحان الله
حتى الجهاز المعقد اللى يعتبر قنبلة فى التكنولوجيا موحد
التوحيد قاعدة لازم نمشى عليها لو عايزين نتقن عملنا
وياريتنا نفهمها
ياريت
المفكر
ما تغيرش الأسم
لإنه على مسمى
تحياتى
أنا ناقص ياخويا
12-29-2003, 01:04 AM
فعلا.. المعلومة ده صحيحة جدا
زمهما ظهر ان الكمبيونر بيتصرف بسرعة وبيعم 5000 حاجة في وقت واحد..
ولكن هو في الأصل بيعملهم ورا بعض وبسرعة شديدة
عشان نوضح الموضوع ده.. ونتكلم ببساطة شديدة
الكمبيوتر بيسلك أكثر من طريقة عشان يحقق الموضوع ده
أشهر هذه الطرق المسماه ب first come first served
أو " اللي ييجي الأول يتخدم الأول "
يعني الكمبيوتر ياخد الأوامر.. ينفذها بترتيب وصولها ليه
ندي مثال:
فتحت ال word .. وقبل ما يفتح.. فتحت ال winamp
لو المسألة شغالة first come first served أو fcis ..
فعلا ال word يفتح الأول
فيه algorithm تاني ال proccessor بيشتغل بيه كتير وهو shortest job first أو sjf
أو بالبلدي كده اللي حياخد وقت قليل.. يتنفذ الأول
نفس المثال
فتحت ال word .. ونفترض مثلا ان ال word عايز 10 ثواني عشان يتفتح ( مثلا )
وفي الثانية الخامسة فتحت ال winamp .. نفترض ان ال winamp عايز 3 ثواني..
كده فاضل 5 على ال word و 3 على ال winamp
كده يغير الكمبيةتر اتجاهه وينفذ الwinamp الأول وبعدين يرجع للword ما لم يصدر أمر آخر
الأمثلة ده للإيضاخ فقط وان كانت تفتقر للجانب العلمي الصحيح عشان ده مش هو الغرض
أنا بس عايز أول لحاجة
ياريت نتعلم من الآيات
ويبقى فيه نظام نمشي عليه.. سواء بقة fcis أو sjf أو م م م أو أي حاجة
بس يبقى فيه نظام تحطه عشان متلخبطش نفسك.. وفي الآخر تلاقي نفسك معملتش أى حاجة.. عشان كده كانت ولازم تكون " ثم استوى على العرش "
لازم تركز في شغلك..
ده حتى الكمبيوتر.. علرف هو حيعمل ايه عشان يركز في شغله
ممكن جدا تكون عايز تعمل حاجات ومش عارف تبدأ ازاي
حط لنفسك مبادئ وأولويات..وكمل عليها
وأكرر
ثم استوى على العرش
أنا ناقص ياخويا
12-29-2003, 03:54 PM
التأمل الرابع : الموقف الجديد!!!!
-------------------
معظم بلدان جمهورية مصر العربية المحترمة والغير محترمة تشهد نقطة تحول مشتركة
مصطلح جديد يظهر إلى الوجود
الموقف الجديد!!!!
حركة جيدة بالفعل وهي نقل مواقف السيارات إلى خارج المدن وجعلها على أطرافها
حدث هذا
في مصر ( او القاهرة كما يطلق البعض عليها !!!!!!! )
اسكندرية
طنطا
حتى كفر الشيخ
بل والادهى
في بلدتي المتواضعة!!!!!
كفر المهابيل!!!
جميع هذه المواقف مشتركة في اسمها
الموقف الجديد
كله اسمه الموقف الجديد
اللهم إلا في مصر (المشهورة بالقاهرة ) .. تحول الإسم تدريجيا وأصبح اسمه موقف عبود!!
ماعلينا !!
كما تشترك هذه المواقف في اسمها ..
فيوجد عامل آخر شديد الأهمية تشترك فيه جميع هذه المواقف بلا استثناء ..
الرائحة!!!
نعم الرائحة
جميع هذه المواقف تحمل نفس المعالم ونفس التنظيم و
ونفس الرائحة
ويؤسفني أن أقول لكم.. ان موقف بلدتي المتواضع هو أكثرها إشعاعا لهذه الرائحة!!
رائحة غريبة... لا تسطيع أن توصفها سوى بأن تقول
"رائحة الموقف الجديد" "eau de toilette" !!!
ريحة لا انت عارف هي حلوة ولا وحشة..!!
ولا غالية ولا رخيصة !!
لماذا
لأنها مزيج
بين السمك واللبن والتمر هندي
العرق والمسك والone man show الأصلي والمضروبة والمجاري والhugo
بالإضافة إلى رائحة البيض والبط والوز الفراخ والأرانب..
ولا بأس ببعض المحاصيل الزراعية.. وحبذا بأحد الركاب الحاملون للقنبلة الجرثومية شديدة الفتك
واسمها العلمي الفسيخ
وغيرها من المركبات الكيميائية التي يقف أمامها أعتى علماء العالم ويجثو على ركبتيه عجزا أما العبقرية المصرية !!
ولكي تصل إلى محتوى وتركيب هذه الرائحة.. عليك أن تلعب دور الكلب البوليسي الفرنسي الشهير.. وتتشمم كل جزء وكل راكب وكل شنطة وكل بؤجة..
بس حاسب حد يشوفك!!!
فأنا لا أتحمل أن أجد أحد المعاتيه يقف خلفي ويتشمم قفايا العزيز بكل عناية..
مش عشان حاجة غريبة !!
لأ !!
عشان بغير !!!!!
المهم
نعود للرائحة
تركب المواصلة المنشودة.. سواء البيجو 7 راكب أو الأتوبيس أو الميكروباص
وانت وحظك بقة
ماهو أكيد فيه حد حيبارك جوارك بالجلوس!!
وأكيد بيحمل إحدي المركبات التكوينية لرائحة ( الموقف الجديد ) الشهيرة!!
وأكرر
انت وحظك
ممكن يكون حامل لل one man show
وممكن يكون حامل لمرض العرق..
وممكن يكون حامل في فمه لفيروس البصل..
أو قد يكون حامل للجرب نفسه!!!
بس المهم.. مايكنش حامل لثاني أكسيد الفسيخ!!
عشان ده بقة.. ولا الإيدز!!!!
الميكروباص
نعم
الميكروباص هو أخطر العلب المواصلاتية لنشر الرائحة على ركابه..
لم أعرف السبب حتى الآن!!!
مع إن ال 7 راكب أضيق
لكن بعد تجارب مثيرة مع وسائل المواصلات استغرقت ما يقرب من 5 سنوات.. اكتشفت أن الميكروباص هو الأخطر على الإطلاق..
لست أدري لماذا تتفاعل الرائحة بهذا الشكل مع الجو الداخلي للميكروباص.. وتغطي الجميع لكي تعطيك شعورا رائعا..
بالغثيان!!!!!!
عشان كده على فكرة يا جماعة سواقين الميكروباص أكتر ناس بتعمل حوادث
بيكونو نامو من الريحة يا عيني!!!
حد فيكو ركب ميكروباص أرياف؟؟
أي ينتقل بين القرى والريف
اتفقنا أن هناك أكثر من شق في تكوين رائحة ( الموقف الجديد )
في هذا الميكروباص.. ينعدم شق المسك وال one man show وغيرها من الأشياء التي قد تهون عليك حياتك
ولا يبقى سوى شق واحد فقط ..
وهو أخطرها على الإطلاق...
هذا الشق كفيل بجعل أي واحد (ابن ذوات) أن يغمى عليه.. وهو مرتاح الضمير
والحمد لله .. لست ابن ذوات.. فقط يكفيني شعور قارص بالغثيان ورغبة في البكاء لا حدود لها..!!
شوفتو القوة.. ؟؟هااععع !!!!!
أمامك خيارين وأنت تركب هذا الميكروباص
- إما أن تأتي على ركاب.. فتستقبل الهبو بأنفك.. وتركلك الرائحة خارج الميكروباص !!!
وساعتها تعرض نفسك لسخرية لا حصر لها
ايه ده.. ياع.. ده مش جادر يركب من الريحة.. ده باين عليه فافي جوي.. وهكذا!!
- أو ان تكون اول من ركب..ويتوافد عليك الغرباء واحد تلو الآخر.. فيقتلك الهبو في الداخل!!
دلوقتي بقة..
سدو مناخيركو وللأسف برده بقكوا عشان الريحة فتاكة..مابترحمش..
لوتقدرو تسدو المسام.. ماتترددوش!!!
اتفضلوا معايا
تصادف مرة وأنا في أحد علب السردين هذه المتنكرة في شكل ميكروباص
لمحت واحد ابن ذوات ركب..
الميكروباص 11 راكب
1 بجوار السواق و10 بالخلف..
ال10 دول مقسمين على 4 في الكنبة الخلفية و 3 و 3
ماشي؟؟
تمكن السائق بعون الله وبقدرة السائق الغريبة على الشخط في الزباين والتهديد بالسلاح وجهل الكثير..
من أن يقوم بتحميله ب 18 راكب فقط..!!!!!!!
وكان نفسه في المزيد
أوصفلكم ال 18 راكب
1 العبد لله.. يجلس في الكنبة الخلفية بجوار الشباك الموازي للسائق
4 بجواري.. بالترتيب كده يحملون المركبات التالية :
عرق ، عرق ، رنجة ، عرق.
5 أمامي يكفي أن أقول لكم أن اثنان منهم محملين بثاني أكسيد الفسيخ
4 أمامهم.. مايتخيروش عنهم
1 ابن الذوات بجوار ال خمسة السابقين
3 بجوار السائق
بالإضافة للسائق نفسه الذي تستطيع أن تشتم رائحته المعبأة بالسجائر اللي أكيد شاحتها من على بعد 22 كيلو!!!
أخرجت رأسي على أد ما اقدر من الشباك الخلفي..لكن دون جدوى..الريحة واصلة واصلة
لو نظرت في وجه كل واحد فيهم.. ستجد البؤس والغلب والشقاء يرفرف كالحمامة الناصعة البياض!!
تجد وجوه مألوفة وأيدي خشنة كلت من كثرة الفحت والردم والحرث و ..و.. و..
تجد الجلباب والعمة الفلاحي الشهيرة
ولولا الرائحة.. لقبلت أيديهم واحد تلو الآخر !!!!!!
ولكن أقول لكم
لا تخدعكم المظاهر
انتوا ماتعرفوش لؤم الفلاحين !!!!
المهم
أخذت نفس عميق كاد يقتلني.. وحاولت أن أفكر في أي شئ.. المسافة قصيرة صحيح.. لكن بدت كأنها أيام!!
وفجأة..
سمعت الصراخ ..
نزلوووووووونييييييييييييي.. آآآآآههههههه
حرااااااام عليكوووووووووواااا
تقمص السائق شخصية مايكل شوماخر وهو يقف بالميكروباص فجأة بالفرملة الأمريكاني الشهيرة.. ونظر للصارخ
طبعا عرفتو انه ابن لذوات الغلبان
- فيه ايه يا بيه؟؟
- نزلونييييي!!
- انزل يا بيه.. بس هات الأجرة.. ماله ده؟؟
نزل الرجل من الميكروباص ويادوب خرج دماغة من هنا.. وسقط على الأرض في نوبة قيئ شديدة.!!
وطبعا تسمع همهمات غير مفهومة من داخل الميكروباص ممكن انك تميز منها بعض العبارات على أمثال :
- ماله ياخويا .. ده عيل تايه دا ياخويا ولا ايه؟؟
- طالما هو فافي كده بيركب ليه هنا
- ايه سوسو ده كمان اللي وجعلنا دماغنا ده..
وهكذا...
طبعا ساعتها نسيت موضوع بوس الأيادي ده!!!
أفاق الرجل والجميع ينظر إليه بتهكم وسخرية.. ولا ينظر إليه بشفقة سواي
نظر إلى الجميع وقال الآتي:
- حرام عليكو ياجماعة والله
حرام عليكو فعلا.. حتخسروا حاجة لو استحميتم؟؟ لو نضفتم هدومكم وشيلته الريحة المتعلقة فيها بقالها 1000 سنة ده؟؟
خلاص؟؟ لازم تجيب فسيخ في لفة مفتوحة معاك؟؟حتخسر حاجة لو لفيتها كويس؟؟
حيحصل حاجة لو جبت بتاعت أصنص ب2 جنيه من على باب اي جامع عشان ريحة العرق؟؟
حيجرالكو حاجة لو احترمتو غيركو؟؟
ولا انتوا خدتو على كده؟؟
حيحصل حاجة لو قبل ماتنزل من بتكم تتشطف كويس؟؟
ولو كنت عند حد.. حيحصل حاجة لو طلبت منه انك تدخل بس تنضف نفسك؟؟
حتاخد منك وقت لو بقيت نظيف؟؟
ياجماعة النظافة من الإيمان
والله لا يكتمل إيمانكم طول مانتم بالشكل ده.. حرام عليكم
يا سيدي مش لازم تفوح بكل الخير طول مانت ماشي.. بس مش لازم تاكل بصل وانت مسافر
مش لازم تبقى هدومك طالعة من على الحبل.. مش لازم تحط ريحة ب500 جنيه
بس على الأقل اطهروا
نضفوا نفسكم
نضفو هدومكم
اغسلوا اديكم
أي حاجة.. صدقوني أكيد حيبقى الحال أحسن من كده بكتيير
منكم لله
ياناس ده كان الأمر التالت.. ده كان الأمرالتالت.. الأمر التالت !!
والغريب..عاد للقئ مرة أخرى
طبعا لن أقول لكم على سيل الشتئم الذي انهال عليه..سيل من الشتائم يحتاج إلى قصيدة أخرى!!
وتحركت العربة بدون الرجل الذي جلس على قهوة مجاورة يستنشق الهواء..
طوال رحلتي وانا أتساءل.. ماذا يقصد بالأمر التالت؟؟..
لم احاول أن أسأل أي أحد من هذه الكائنات الجالسة بجواري
ولكن ظل السؤال يطاردني
ماذا يقصد بالأمر الثالث ؟؟؟
عدت ليلا من مشوارى
ويشاء القدر.. ان يكون نفس السائق
مازلت لا أعرف.. ما هو الأمر الثالث..؟؟
وقف السائق على القهوة التي كان يجلس عليها بن الذوات عند الظهيرة لكي يحتسي كوبا من الشاي!!!!
جاء صبي القهوة ويبدو عليه الحزن وهمس في أذن السائق وتعمد الا يسمعه أحد:
- مش اخينا بتاع العصر مات؟؟
- أخينا ميين؟؟
- الراجل اللي نزل من عربيتك يرجع الظهر!!!
- يانهار اسود..ماات ازاي؟؟
- بعد ما خد نفسه.. قام يعدي الطريق عشان ياخد عربية راجعة.. جت عربية خدتوا!!!!ومن ساعتها ياخي وانا مشغل قرآن ، و...
لم أسمع الباقي
لم أسمعه إطلاقا
ولم أرد أن أسمعه
تعلقت أذني بصوت القرآن المتصاعد من المذياع :
يَا أَيُّهَا الْمُدَّثِّرُ {1} قُمْ فَأَنذِرْ {2} وَرَبَّكَ فَكَبِّرْ {3} وَثِيَابَكَ فَطَهِّرْ {4}
سورة المدثر
وفهمت الآن
بالفعل
كان الأمر الثالث
في عز ما بيقول لرسوله .. قم فأنذر وربك فكبر
بس اوعى تنسى!!
وثيابك فطهر!!
نظف نفسك.. عشانك وعشان غيرك.. أكيد الطهارة هنا.. مقصود بيها الكثير والكثير !!!
يا خبر..
أد كده الموضوع ده مهم؟؟
اد كده الموضوع ده اساسي لدرجة أنه يبقى الأمر الثالث في التكليف الإلهي في الرسالة المحمدية؟؟
أد كده..؟؟؟
يعني الراجل ده لو ماكنش قرف.. كان ممكن ...
ماهو أصلو لو كان فضل في العربية ..
لا حول ولا قوة إلا بالله0 العلي العظيم..
الله يرحمه..
طب موه ده .. مش ممكن يغير حاجة؟؟
مش ممكن يكون حد استوعب الدرس؟؟
انشالله حتى السواق؟؟
أي حاجة
طب ممكن يكون...
حمد الله على السلامة يا حضرات!!!
التامل دة بيفكرني بموضوع ايات "جلخو يا جلخو ويا عيني عالافروزو و الساكسافيل"
طبعا تناولتوة باسلوب رائع جدا :clap:
بس لفت انتباهي حاجة اهم من موضوع النظافة الشخصية: القدر. ان سبحان الله نزل من الميكروباص عشان يموت
وهو نازل عشان كان حاسس انة هيموت من الروائح.
قعدت افكر يا ترى لو الناس في الميكروباص كانت نظيفة, مكنش زمانة نزل, ولا مات
استغفر الله العظيم,لا اكيد كان هيموت بردة(مش قصدي من الرائحة بس عشان قدرة انة يموت في اليوم دة)
كان زمانة مثلا مات وهو قاعد في مكانة
و مش عارفة لية افتكرت بردة المطربة ذكرى اللي نزلت من بلدها عشان تتجوز واحد هيقتلها
سبحان الله :pray:
شكرا على الموضوع الرائع :flowers::flowers:
آيات الجارحى1
12-29-2003, 04:55 PM
:blink:
حسام الواد مات بجد وللا دى لزوم الابداع؟؟
لما ترد ابقى اعقب بعد ما اقعد اعيط وضغطى يعلى كالعادة.. منكم لله انا ضغطى بقى ولا ناطحات السحاب حرام عليكوا..:sniff:
emanff
12-29-2003, 09:59 PM
ok
ok
:huh:
:thinky:
:chains:
همممممة...
طبعا انا مش حرد ,خايفة لكون فى وادى تانى ,
بس حلو ,, فية يمكن 4 حاجات جو فى دماغى ,,,
طبعا مش حتكلم عنهم :closeeye:
انا افتكرت ان مرة luay sakar وايات كانو عاوزينى اشتغل سواق ميكرو باص
كانو ناويين علية !!!!
معليش
اردهالكو فى الافراح !!!!!
عندى سؤال برة الموضوع دة بس جوة التامل السابق ,,,
ممكن اكتب عنو لسة !!!!!!
فية عندى شيىء عن (مشى مصطفى فى الشارع يبحث ,,,,,,,)
كنت كتبت الشيىء دة سنة 98 (يعنى فعلا من مذكراتى)
:-" :-" :-" :-" :-" :-"
ممكن اكتبة و لا لاء ؟؟؟؟
لية ,,
لان غير ان فية وحدة فى التفكير عند الشخص الواحد , (وكما فى جميع امثلة dr.sho), كمان فية وحدة فى التفكير عند (تقريبا) كوووول الناس
امال ازاى عندنا (كلنا ,, مسلمين و غيرهم) نفس المنطق الذى يرشدنا الى الصواب
وكيف ان اللة تعالى ضرب نفس الامثلة لكل الناس فى كل الازمان
و على السنة الانبياء مهما تباعدت فترات نزولهم
و كيف ان الناس ردوا على الانبياء بنفس ردود من سبقهم من الاقوام
وكيف اننا نتعلم نفس الاستنتاجات مع اختلاف تجاربنا و امكنتنا
وكيف انى (فهمت بعض اللى جواكم) او بالاحرى (حسيت بيكم)
من غير ما اعرفكم.....
مش فكاكاة ,, طبعا ,, بس مجرد ,, التشابة فى ..........
لو عاوزين اللى عندى , قولولى ,,
آيات الجارحى1
12-29-2003, 11:01 PM
طبعا انا تعليقى على التأمل بتاع الموقف الجديد ان زى ما ماسة قالت انه بيدور فى نفس الموضوع بتاع جلخو بس طبعا انت تناولته بطريقة عقدتنى واثارت فيا الرغبة انى اروح امسح موضوعى من المصطبة ولو شاسينج شادو عمال ينزل موضوع كل خمس ثوانى وهيقضى علينا وعلى مواضيع كل الناس..
جرى ايه يا ايمان انت محتاجة عزومة وللا ايه.. ما تقولى:viking:
بالنسبة لثم استوى اللى انا فهمته هو الترتيب والتعاقب ..
حسام ومصطفى بالفعل الموضوع رائع جدا جدا وجزاكم الله كل خير وبالفعل القشعريرة بتزيد كل ما الواحد يتعمق فى قراءة الموضوع اكتر من مرة وكل ما التركيز يزيد..
هو مصطفى معقبش ليه بعد ثم استوى؟؟..
هو من ساعتها حاطط الزناد فى دماغه؟؟
جرى ايه يا مصطفى يا داكتور يا باشمهندس..
ما تعبرنا بقى وتيجى تكلمنا..:viking:
أنا ناقص ياخويا
12-30-2003, 03:09 AM
د. إيمان
انت محتاجة عزومة عشان تجيبي اللي عندك؟؟ :chair:
هاتي ياستي كل اللي عندك
وخاصة لو كانت صيغة :chr24:
انت عارفة كويس كلامك مهم بالنسبة لينا أد ايه
بلاش بقة الحركات ده
أنا قربت أنسي موضوع " كانا يأكلان الطعام خلاص " :chr24:
آيات
حرام عليكي ارحميني :hat:
بقي اتعوج من كتر الضحك :dry: -_- :wink:
أنا لحد دلوقتي مدخلش موضوع جلخو.. وشكلي كده مش حخشو حفاظا على قلبي المريض من الضحك ( مش مريض ولا حاجة )
ربنا يستر على ولادك
رد بقة يا عم مصطفى
طب تصدقو انا معرفش رأي مصطفى لحد دلوقتي في الموقف الجديد؟؟
د. شو
حطلب منك طلب
بعد ما تنزل حلقة.. اشطبي كل اردود في الحلقات السابقة.. فهماني؟؟ يعني أول ما ينزل التأمل الخامس... امسحي كل التعليقات ده .. عشان بس التركيز مش أكتر
almustafa
12-30-2003, 06:35 PM
كاتب الرسالة الأصلية : آيات الجارحى1
طبعا انا تعليقى على التأمل بتاع الموقف الجديد ان زى ما ماسة قالت انه بيدور فى نفس الموضوع بتاع جلخو بس طبعا انت تناولته بطريقة عقدتنى واثارت فيا الرغبة انى اروح امسح موضوعى من المصطبة ولو شاسينج شادو عمال ينزل موضوع كل خمس ثوانى وهيقضى علينا وعلى مواضيع كل الناس..
جرى ايه يا ايمان انت محتاجة عزومة وللا ايه.. ما تقولى:viking:
بالنسبة لثم استوى اللى انا فهمته هو الترتيب والتعاقب ..
حسام ومصطفى بالفعل الموضوع رائع جدا جدا وجزاكم الله كل خير وبالفعل القشعريرة بتزيد كل ما الواحد يتعمق فى قراءة الموضوع اكتر من مرة وكل ما التركيز يزيد..
هو مصطفى معقبش ليه بعد ثم استوى؟؟..
هو من ساعتها حاطط الزناد فى دماغه؟؟
جرى ايه يا مصطفى يا داكتور يا باشمهندس..
ما تعبرنا بقى وتيجى تكلمنا..:viking:
ايوة ايوة
مش ممكن
هلاحق ارد على مين ولا مين بس؟:brb::brb:
اى خدمة يا .....
هو انتى اسمك ايه؟.!!!:box:
اهه رديت اهه يا حسام
اى خدمة تانية؟؟؟؟؟؟؟؟؟؟؟:euro:
أنا ناقص ياخويا
12-30-2003, 06:58 PM
كاتب الرسالة الأصلية : almustafa
ايوة ايوة
مش ممكن
هلاحق ارد على مين ولا مين بس؟:brb::brb:
اى خدمة يا .....
هو انتى اسمك ايه؟.!!!:box:
اهه رديت اهه يا حسام
اى خدمة تانية؟؟؟؟؟؟؟؟؟؟؟:euro:
فعلا يا مصطفى
مش عارف ترد على مين ولا مين
آيات ولا ماسة ولا أنا ولا ماسة ولا آيات ولا أنا..
ربنا يكون فعونك يبني :brb:
dr_sho
12-31-2003, 02:06 AM
الأعزة بهذا الدين
الكلمات المشتقة من كلمة طهر وردت فى كتاب الله فى 31 موضع
وهى تشمل طهارة الجسد وطهارة القلب
الطهارة الحسية والطهارة المعنوية
ونحن هنا بصدد الحديث عن الأمر الثالث الذى لفت حسام إنتباهنا له
فطهارة الثياب كناية عن طهارة الذات التى تحتويها الثياب والطهارة هى ألصق شئ بطبيعة الرسالة الغراء السمحة
وقد ورد فى تفسير الأمر الثالث (وثيابك فطهر ) ثمانية تفاسير
1. طهارة العمل أى وعملك فأصلح
واستدلوا على ذلك بحديث رسول البشرية
(يحشر المرء فى ثوبيه اللذين مات عليهما ) يعنى عمله الصالح والطالح
2.طهارة القلب أى وقلبك فطهر
واستدلوا على ذلك باستخدام العرب لكلمة ثوب ككناية عن القلب ومنها قول امرئ القيس
وإن كنت قد ساءتك منى خليقة فسلى ثيابى من ثيابك تنسل
يقصد بذلك فسلى قلبى من قلبك
3. طهارة النفس أى ونفسك فطهر
وكان أيضا شائعا عند العرب إستخدام لفظ الثوب كناية عن النفس
ومنها قول عنترة
ثياب بنى عوف طهارى نقية أوجههم بيض المسافر غران
يقصد أنفس بنى عوف نقية
4. طهارة الجسم أى وجسمك فطهر
وكان ايضا العرب يستعيضون عن ذكر الجسم بذكر الثياب
5 . طهارة الأهل أى وأهلك فطهرهم من الخطايا بالوعظ والتأديب
وقد ورد فى القراءن الإشارة إلى الأهل باللباس
(هن لباس لكم وأنتم لباس لهن )
6.طهارة الخلق أى وخلقك فحسن
ومنها قول الشاعر
ويحيى لا يلام بسوء خلق ويحيى طاهر الأثواب حر
7 . طهارة الدين أى ودينك فطهر
وأستدلوا على ذلك بحديث رسول الله
(رأيت الناس عليهم ثياب منها ما يبلغ الثدى ومنها ما دون ذلك ورأيت عمر بن الخطاب وعليه إزار يجتره ) قالوا يارسول الله فما أؤلت ذلك ؟ قال: الدين
8 . اخيرا طهارة الثوب بمعناهعا اللغوى وهى تحمل ايضا عدة تفسيرات
طهارة الثوب من الادناس المعلقة به
طهارة الثوب بتقصيره
طهارة الثوب بان يكون من كسب حلال
ومن هنا أن الأمر الثالث قد يكون مقصودا به واحدا من المعانى الثمانية او جميعها ولو أمسكنا معنى معنى وخالفناه وجدنا امراضا تنتج عنه وسأعود لأفصل قولى
وحتى ذلك الوقت منى للمتأملين تحية
أبو معاذ
01-02-2004, 04:03 AM
ارفع قبعتي عاليا لفكركما الادبي
وادعوا لكما بكل خير
لاخلاصكما الديني
اللهم جازيهم خير الجزاء
اسجل نفسي احد المتابعين -الكثيرين-لهذه السلسلة
emanff
01-02-2004, 04:41 PM
مين شاف they
الخ حسام و الاخ مصطفى نصحانى بان اشاهد they
همممممة
ابتدى منين ,,,
ابتدى براى اخوى (الاكبر من نور بسنة) و لا اختى (الاصغر من نور بسنة)
:thinky: :thinky:
لا ابتدى برايى انا ..
:chair: :chair: :chair: :chair:
بقة انا ,, تقولولى اشوفو ,,, و انا طوول الفيلم , اقول ,, لا ,, دول قالولى اشوفو ,, اكيد حيطلع معنى ,, اكيد ,,,
خلص الفيلم ,, و كان كما ابتدى ابيخ فيلم (رعب) شوفتو فى حياتى ,,,
اية دة ,, وحوش تاكل فى الناس من اول الفيلم لنهايتة ,, نفس المشهد
:chair: :chair: :chair: :chair:
بصراحة الحق كلة على انا ,, بقة انا اطاوع ,, واحد عندو 20 و التانى عندو 22 سنة ,, :انجغة:
انا ,,,, :maaaad: :maaaad: :maaaad:
معليش !!!!!!
دى انا بس محترمة نفسى قوى ,,,لانى علهوى !!:drop2:
اشوفكو عل مسينجر !!!! :box: :box: :box:
قولولى ,, شوفتو the ring
:-" :-" :-"
almustafa
01-02-2004, 06:40 PM
كاتب الرسالة الأصلية : emanff
مين شاف they
الخ حسام و الاخ مصطفى نصحانى بان اشاهد they
همممممة
ابتدى منين ,,,
ابتدى براى اخوى (الاكبر من نور بسنة) و لا اختى (الاصغر من نور بسنة)
:thinky: :thinky:
لا ابتدى برايى انا ..
:chair: :chair: :chair: :chair:
بقة انا ,, تقولولى اشوفو ,,, و انا طوول الفيلم , اقول ,, لا ,, دول قالولى اشوفو ,, اكيد حيطلع معنى ,, اكيد ,,,
خلص الفيلم ,, و كان كما ابتدى ابيخ فيلم (رعب) شوفتو فى حياتى ,,,
اية دة ,, وحوش تاكل فى الناس من اول الفيلم لنهايتة ,, نفس المشهد
:chair: :chair: :chair: :chair:
بصراحة الحق كلة على انا ,, بقة انا اطاوع ,, واحد عندو 20 و التانى عندو 22 سنة ,, :انجغة:
انا ,,,, :maaaad: :maaaad: :maaaad:
معليش !!!!!!
دى انا بس محترمة نفسى قوى ,,,لانى علهوى !!:drop2:
اشوفكو عل مسينجر !!!! :box: :box: :box:
قولولى ,, شوفتو the ring
:-" :-" :-"
ماسينجر مين بقى؟
مانتى طلعتى مبتكلميش بيبيهات:angry:
انا بقى شفت matrix و matrix reloaded بس مش هقول رأيى خلاص
و شفت the ring
و بردو مش هقول رأيى خلاص
لأنى الحمد لله
انا و حسام اثبتنا بالدليل القاطع ان الامريكان ممكن يعملووا أفلام مهببة زينا
يعنى مش أحسن مننا فى حاجة
عايز ألحق أنزل الحلقة الجديدة....
بس متردد....
اول مرة حتى يقوللى انى عيل؟؟؟؟؟؟؟ :dead:
placebo
01-02-2004, 06:43 PM
اخوتى الاعزاء .. عاملين ايه ؟
عندى موضوع كده افتكرته لما قرأت تأملات اخونا "انا ناقص ياخويا" "ويعنى انا اللى ناقص" .. هو مش تأملات بالظبط .. بس مش عارف ليه طاف بذاكرتى لما قرأت التأمل الاخير التى دارت احداثه بميكروباص .. يمكن عشان احداث الواقعة التى تذكرتها "او الواقعتين بمعنى ادق" دارا ايضا فى وسيلة مواصلات ايضا منذ زمن بعيد ( كنت طالبا بالمرحلة الثانوية انذاك) .وان كانت تلك الاحداث لا علاقة لها بموضوع الطهارة او النظافة الشخصية.
وانا منذ طفولتى احمل ودا كبيرا لترام المدينة ( معندناش مترو فى اسكندرية) .. كان مجرد ركوب الترام – وهى غير مزدحمة طبعا- من محطتى (سبورتنج) وذهابا لآخر الخط (محطة الرمل) والعودة ثانيا .. كان يمثل لى فسحة لذيذة و متعة ما بعدها متعة لا يضاهيها سوى ركوب عجلة (فرامل رجل بس ) والنزول بها فى شارع منحدر بشكل شديد ومليان نقر !!
ما علينا ..مطولش عليكم – قولوا ..لا طول- الكلام ده كان زمان طبعا وبيدور فى الصيف لان تلك هى الفترة الوحيدة التى ممكن ان تحمل فيها اى ذكريات سعيدة لترام المدينة بالاسكندرية لان الموضوع يختلف تماما فى الشتاء وبداية الدراسة حيث تصبح محطات الترام محطات تفريخ بشرى ومنطقة كوارث وركوب الترام فى تلك الفترة تجربة غير محببة بالمرة .
برضه نقول ما علينا ونرجع تانى لموضوعنا ومعذرة للتطويل والاطناب بس كان لازم احطكم فى الجو.
الواقعة الاولى :
نهار خارجى – راكبا الترام شبه الفارغة وللعجب الشديد كنت جالسا !! .. اى نعم لا يوجد خطأ فى العبارة .. كنت جالسا .. ووجه العجب فى العبارة مش لان الترام كانت شبه فارغة ويوجد مكان للجلوس ولكن لاننى اكره الجلوس بالترام مالم تكن العربة كلها فارغة او يوجد بها ثلاث او اربع ركاب بما فيهم الكمسارى وهذه لحظات نادرةة كما تعرفون ..
المهم ..انا جالس بجانب النافذة اتسلى بعد العواميد التى تحمل كابلات الكهرباء بعد ان فشلت فى عد الفلنكات لانها تختفى بسرعة اكبر من ان الاحقها .. ومن احدى المحطات صعد رجل مسن وبرغم ان العربة شبه فارغة .. الا انه ترك كل هذه الاماكن الفارغة وجاء ليجلس امامى انا بالذات !! .. تجاهلته وواصلت مهمتى من جديد فى عد العواميد الا اننى وجدت ان مجيىء هذا الرجل انسانى الرقم الذى وصلت اليه فى العد .. فقررت ان اغير النظام وابدأ فى عد السيارات المتوقفة بجانب الرصيف على ان انجح فى تخمين لون السيارة التى ستجىء فى رقم 10 وهل ستكون سيارة حمراء ام بيضاء وهكذا دواليك ..
الا ان نظرات الرجل العجوز لشخصى الضعيف كانت مركزة ومزعجة ايما ازعاج .. وانا بطبعى خجول قليل الثقة بالنفس اعشق خصوصيتى واكره تلك النظرات الوقحة المقتحمة .. ولربما هذا هو السبب اننى اكره الجلوس فى الترام حيث لا شاغل لاى من الجالسين امامك سوى الحملقة فيك او معرفة لون شرابك !!
المهم .. افترضت حينها اننى لو نظرت للرجل فى عينه قد يرتدع ويبحث عن شىء آخر يراقبه سواى .. ولكن يبدو اننى كنت شديد الحماقة .. فقد كان هذا هو ما ينتظره الرجل منى ! .. فما ان بادلته النظر والتقت عينانا .. حتى بادرنى بسؤال غريب جدا ..
قال – " انت .. انت اكلت حمام بالفريك ؟ "
وقبل ان افتح فمى لاجاوب رد هو قائلا بفخر .. " انا بأه اكلت حمام بالفريك وملوخية بالارانب وكل اللى نفسى فيه"
ادركت حينها ان الرجل مخبول وانه لاداعى للرد عليه وافهامه اننى لا أأكل تلك الاصناف ببساطة لاننى لا اطيق ان آكل حيوانات محشية بأى شىء .. حيث ان الحمام والبط وحتى الفراخ المحشية باى شىء تذكرنى بجثث الفراعنة المخلية والمحشية بمواد تمنع التعفن الرمى .. وان ملوخية الارانب تبعث فى ذهنى بصور لجثث آدمية طافية فى بانيوهات فورمالين !! (خيال سوداوى بعيد عنكم)
واستمر الرجل فى الحديث دون ان ينتظر منى اى رد ..
"زمان كانت وقة اللحمة مش عارف بكام ورطل اللى معرفش ايه بأد ايه .. والتلاتين بيضة بخمسة تعريفة .. كان الواحد يخلص تعليمه من هنا ويتجوز من هنا .. وكان بدل ما نبيض الشقة كنا نعزل فى واحدة جديدة اوفر .. وكانت كل حاجة موجودة والحياة حلوة .. اى نعم الفلوس كانت قليلة بس الاسعار برضه كانت قليلة والواحد يعرف يجيب اللى نفسه فيه .. لما الخواجات كان ماسكين البلد كانت كل حاجة ماشية صح .. ولما ولاد البلد مسكوها خربوها وقعدوا على تلها"
ياسلااام .. كانت ايام حلوة .. لكن انتم .. ايامكم سودة وآخر هباب.. انتم لسه شوفتوا حاجة .. دى لسه هاتتقندل زيادة وتخرب اكتر .. الله يخرب بيوتكم وبيت عيشتكم السودة !!"
انا بصراحة ذهلت ومعرفتش ارد اقول ايه ساعتها .. لكن الرجل العجوز حلها بنفسه وقام ونزل فى المحطة التالية .. كأنه كان راكب الترام دى بالذات عشان يقولى الكلمتين دول ويسودها فى وشى ويعقدنى فى حياتى وينزل !!
بعدها بكام سنة شاهدت ذلك المشهد الرائع فى فيلم "الارهاب والكباب" للمثل العجوز عبدالعظيم عبدالحق .. عندما كان جالسا فى اتوبيس مزدحم يقرأ الجريدة وبجانبه وقف عادل امام يسأله " فيه ايه النهاردة فى الجرنان" . فاجاب الرجل بمرارة .."مفيش حاجة .. نفس اللى كتبوه امبارح هو اللى كتبوه النهاردة وهو اللى هيكتبوه فى جرنان بكرة" فرد عادل امام .. طب وبتقراه ليه بأه ؟؟ فأنفجر الرجل فجأة صارخا "مرض .. مرض والعياذ بالله" ونهض من مكانه ساخطا يريد النزول من الاتوبيس المزدحم وفؤجى بسيدة بدينة تقف بعرض الممر وهو – عبد العظيم عبدالحق- كما تعرفون رجل قليل الحجم وقلة "بكسر القاف" فصاح بالسيدة .. يا مدام .الستات ميقفوش بالعرض كده فى الاتوبيس .. يقفوا بالورب عشان الناس تعرف تعدى .. وكان منظره وهو يتجاوز السيدة شارحا لها كيفية الوقوف باتوبيس مزدحم منظر مضحك وساخر فانفجر ركاب الاتوبيس كلهم فى الضحك .. فتوقف الرجل ناظرا اليهم بقرف شديد وقائلا " ايوه .. هو ده اللى انتم فالحين فيه .. اضحكوا .. جاتكم ستين نيلة فيكم وفى ايامكم السودة " وهبط من الاتوبيس وهو يبرطم لاعنا الركاب والسواق والكمسارى بل ومصلحة النقل نفسها ..
انتهى دوره فى الفيلم بذلك المشهد القصير وان لم يمحى من ذاكرتى ابدا وظل يذكرنى بواقعتى انا مع ذلك الرجل العجوز الساخط على كل الاوضاع وكل شخص واى شخص لاعنا العيش والعيشة واللى عايشينها !
الواقعة الثانية بأه (معلش استحملونى شوية عارف انى طولت اوى المرة دى)
برضه تدور احداثها فى ترام المدينة ولكن هذه المرة الترام شبه مزدحمة ولا توجد مقاعد شاغرة .. وبينما انا واقف –كالعادة- بأحد الاركان ارى كهلا مسن يصعد سلم الترام بصعوبة شديدة .. ساعدته واخذت منه عصاه ليتكىء على يداى حتى صعد للترام ووقف يستريح من هذا المجهود .. طبعا ساعدته بدون انتظار لاى عبارة شكر او تصقيف حاد من ركاب الترام تحية لى على ما فعلته .. ولكن لا اخفى اننى كنت اتوقع نظرة امتنان على الاقل من هذا الرجل العاجز عن الكلام والآخذ فى النهجان من مشقة صعود السلم ذو الدرجتان .. اكره ان اكون شيئا مسلما به .. خصوصا بعد كل هذا المجهود الذى ابذله كى لا اجذب اى انتباه لوجودى ..ثم اضطر لكسر هذه الشرنقة والخروج لعمل شىء من شأنه لفت الانظار لى (معلش .. استطراد آخر فى غير موضعه) …
المهم .. اعطيته عصاه ليتوكأ عليها بعد ان مد يداه فى اشارة طالبا عصاه .. وسرت معه حتى منطقة المقاعد لعل احد من الجالسين ينهض فيجلسه مكانه .. لكن لم ينهض احد فى التو .. فتركت الرجل مستندا بجانب المقاعد متمالكا لنفسه بعد ان انتهت مهمتى ..وبدأت مهمته هو !!
أخذ فى النظر بعينى صقر لوجوه الجالسين على المقاعد .. مركزا بصره على مجموعة المقاعد ذات اللون الاخضر والمخصصة لكبار السن والمعوقين .. حتى نهض منها رجل يجلس على الحرف بجانب الممر .. كان مسنا هو الآخر وان كان اوفر صحة واحسن حالا من رجلنا بطل الواقعة .. نهض وجلس مكانه الرجل العجوز .. وفجأة نبت له لسان واستطاع الكلام .. بل الصياح والزعيق على وجه الدقة
بدأ كلامه بشكر الرجل الذى نهض ليجلسه هو .. ثم اخذ فى انتقاد باقى الجالسين وكيف انهم لم يرأفوا بحاله وانهم عديمو التربية وانهم سوف يبلغون من العمر ارذله ولن يجدوا من يساعدهم وان هذا عيب عليهم .. ثم زاد من حدة صوته وعلا زعيقه عندما التفت الى يساره واخذ يرمق الشاب صغير السن الجالس جواره – على مقاعد كبار السن والمعوقين- قائلا انه انعدمت الاخلاق واقترب العالم من نهايته بعد ان امتلأ بهؤلاء الشباب الرقيع عديم المسئولية قليل الادب منعدم الاخلاق ..
وبعد ان نفد رصيده من السخط توقف عن الكلام لحظات .. او هذا ما ظننته حينها .. لانه اتضح انه كان ياخذ نفسه فقط ليستكمل موشح الغضب والسخط من جديد .. وكان يتوقف بين الفينة والفينة ليمنح ذلك الشاب نظرات نارية مليئة بالكره والاحتقار .. كأنما هذا الشاب السوى الجسم صحيح البدن لم يجلس فى غير مكانه فقط . بل واستولى على نصيب الرجل العجوز من الصحة ومن كل شىء جميل فى هذه الحياة
لا انكر اننى اخذت على هذا الشاب ما ارتضاه على نفسه من قلة الذوق والانانية عندما لم ينهض ليجلس الرجل المسن مكانه . ولكن كلام الرجل العجوز الساخط زاد عن حده وتجاوز حجم المشكلة بكثير .. والغريب انه لم يتدخل احد فى الحديث ليهدىء من ثورة الرجل العجوز .. بل انضم اليه رجل آخر فى آخر العربة !! وكان لدهشتى جالسا هو الآخر !!!
وبعد حوالى 10 دقائق متصلة من السخط الشديد والكلام زى السم الذى تلقى معظمه الشاب الجالس جوار الكهل العجوز .. نهض من مكانه بدون اى تعبير على وجهه كأن الكلام ليس موجها اليه هو بالذات .. مما رجح كفة الرجل العجوز لدىّ وعدت احتقر هذا الشاب الوقح عديم الاحساس ..
ما ان نهض ذلك الشاب واكتمل وقوفه وأخذ فى التحرك للخروج من مكانه .. حتى لاحظ الجميع ما كان غير واضحا بجلوس ذلك الشاب .. لا اعرف ان كان هذا شلل اطفال ام ان لديه قدم اقصر من الاخرى .. المهم انه كان معوقا !! وان لم يبد عليه ذلك عندما كان جالسا !!! شعرت بتأنيب ضمير شديد جدا وزاد حنقى على العجوز الاحمق سليط اللسان ..
وعندما هبط الشاب فى المحطة التالية .. كان جميع الركاب مثلى متأكدين انها ليست المحطة المقصودة وان الشاب غادر الترام لانه ببساطة لم يتحمل كلام العجوز ونظرات معظم الركاب اليه .. ففضل ان يترك الترام بأكملها على ان يدافع عن تهمة لم يرتكبها وذنب لم يقترفه ، احسست بغصة فى حلقى واردت النزول خلف ذلك الشاب لاحتضنه واطلب منه ان يسامحنى على ما شعرت به ناحيته سابقا بسبب كلام ذلك العجوز الساخط الاحمق .. لكنى بالطبع كنت اجبن من افعل ذلك.
تلك كانت نهاية الواقعة الثانية والاخيرة
الآن .. بما نستطيع ان نخلص من هاتين الواقعتين وما هو العامل المشترك بينهما ؟
واذا اتبعنا اسلوب اخوينا (م/حسام و د/مصطفى) فى تأملاتهما .. فما هى الآية التى تداعت لذاكرتك عند قراءتك لتلك السطور ؟
وهل لو شاء لنا الرحمن ان نعمر ونشيخ حتى نصل لتلك المرحلة فى السن سنكون ساخطين على الدوام ام حامدين وشاكرين ؟
لم استطع ان امنع نفسى من مقارنة ابطال تلك الوقائع بعم فاروق بطل احدى قصص دكتور شو التى كتبتها قديما .. يا ترى اى هذه الفئات اكثر انتشارا ؟
اسئلة انتظر منكم اجابتها .. هذا لو وجد احدكم الصبر ليقرأ كل هذه السطور
والسلام
almustafa
01-02-2004, 07:50 PM
التأمل الخامس: مصر تتحدث عن نفسها 2004
-----------------------------
جلس الخلق يــنــدـبون جمـــيعا....كيف أهدم شوامخ المجد شعبــــى؟
و أمام الأهرام و جـــــهوا الســــهام.... أسئــلة فى قلب قلبـــــــــى
كــنت على رؤوس النـــصر ــتاجا.... و دائما ما كان النصر لعبـــــــــى
فضاع النصر هباءً و أصبح التاج كابا.... و بفضل شعبى .. سامحـــــه ربـــى
أنـــــا إن قـــــدر الالــــه بقــــائى.... فضد من ستكون حربـــــــى؟؟!
ضـــــد عـــدو ظل شــامخـــا بــاقى.... أم ضـــــد شعـــــبى؟
ولـــــو قـــدر الالــــه ذهـابــى.... فإلى أين يكــــون دربـــــى؟
نـــــسيــــا منسيــــا مـثلهـــم....أم لحنا خالدا لبلد عربـــــــى؟
كــم قــســــا شـعـبـــى عــــلــــيا.... و لكم سئمت من سلــب و نهبِ !
و لــكم حـــول نــهـضتى ذكرى.... فغناها بأروع الطـــــــــربِ !
و بــــكــــم باعـــنى و لــمن اشترى.... من خيرى قمحا و فحما و صلبِ !
و لــــكم حــنــوت أنــا عـلــيه.... و صادقته صـــــــــداقة الأب !!
أمــن العـدل أن يتركونى أبكــى هكذا.... و أنــوح وحـــــدى؟!
أمــــن الــحـــق أن يرتـــمونى هــكذا.... و بـــأى قلــــــبِ؟!
فيـــا براكـــين الـــحزن هــزى.... و يا ينابيع الدموع صـــــــبى
فهـــــا هو شعبــــى قد غرق.... فى حب ضربى.. اى و ربــــــى
قد وعدت العـــلا لكل شعبـــى.... فبكل شوق قابل وعــــــدى
و لمـــا سألتـــــــه من تضحية....قابلنى بضــــــيق و رهــــــبِ
و أراد أن يرثـــنـــــى دومــــا....و إنى قد لا زلت أحبــــــــى
على قيد الحيــاة ما زلت أنا.... و أماتنى هو براعةً فــى ندبــــــى
نويت أكتب خطـــابـــا.... و فى أولـه أكتب : إلــــى شعبـــــى!
و فى وسطـــــــــــه أفرش هبابا.... و فى آخره أمضى : مع حبــى!!
كنت على رؤوس الــــنـــصر تاجا.... و دائما ما كان النصر لعبــــــــى
فضاع النصر هباءً و أصبح التـــــاج كابا.... و بفضل شعبى..سامحه ربــــــى.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟............؟؟؟ ؟؟؟؟؟؟؟؟؟؟؟؟؟؟؟؟؟!!!!
إن تَنصروا اللَهَ يَنصركُم وَ يثَبت أقدَامَكم
صدق الله العظيم
سورة محمد (7)
dr_sho
01-02-2004, 09:23 PM
فما هى الآية التى تداعت لذاكرتك عند قراءتك لتلك السطور ؟
(أشحة عليكم فإذا جاء الخوف رأيتهم ينظرون إليك تدور أعينهم كالذى يغشى عليه من الموت فإذا ذهب الخوف سلقوكم بألسنة حداد أشحة على الخير)
وهل لو شاء لنا الرحمن ان نعمر ونشيخ حتى نصل لتلك المرحلة فى السن سنكون ساخطين على الدوام ام حامدين وشاكرين ؟
سؤال سيجيب عليه الزمن
ولكنى ادعو ربى أن يلين جانبى للناس فيتلطف لهم قولى ويبش لهم وجهى
السخط شئ منفر حقا
والأكثر تنفيرا
أن تكون المساعدة حقا مكتسبا
يا ترى اى هذه الفئات اكثر انتشارا ؟
أعتقد أن الفئة الأكثر إنتشارا هى الفئة الساخطة
لقد بيتنا نألفهم ونعتادهم حتى أصبحوا شيئا مستغربا
وحتى عندما تقابل رجل حامد وشاكر وصابر
تقول فى نفسك
اللهم أجعله خير
أخى الأكبر
بلاسيبو
لا أستطيع ان أصف سعادتى بحديثك إلينا اليوم
نفس سعادتى عندما فتحت لنا الدكتورة إيمان قلبها وتكلمت
ما أجمل أن نستمع إلى الإخوة والأحبة والأصحاب
emanff
01-03-2004, 10:12 PM
كنت عايزة ابتدى بمزاح مع بلاسيبو و اقول لة من شعر بيرم !!!
بس مش عارفة يا بلسى ’’ كلامك يخللى الواحد يروح فى (in a transe)
د. شو
انت مين بالزبط
يعنى دكتورة و لا مفكرة و لا يمكن حتى داعية !!!
يعنى بس لو افهم !!!!!
بالنسبة لطلب حسام (قبل ما انسى,, انة طلب انك تحدفى المداخلات اللى بين التاملات)
انا محسش ان دة صح يا حسام !!
لان كل مداخلة تحتوى على تامل لوحدها
يعنى ازاى تحدف حاجة و تخلى حاجة !!!!!!
emanff
01-03-2004, 10:19 PM
خسام , بلاسي و مصطفى !!!
اية يا اولاد النيل مالكو ,,
ما شاء اللة ,, اية التشابة دة !!!!؟؟؟
كلكو زى بعض !!!!
انا بس جتلى فكرة انى افتح (خدمة اجتماعية) للشباب !!!!
بلاسيبو....
لفت انتباهى شبهك بحسام !!!!! (مرة تانية) !!!
وبعدين اية النكد دة يبنى !!!!
انت مش عارف ان الاخوة منكدين الايام دى و لا اية ,,,
كلام الحج اللى انت شفتو فى (الترام) جى عل الجرح عدل (قصدى الجرح عندكو! !!!!!!!!!
وكنت عايزة اقول لك ابيات ( ولو انى مش حافظة الشعر كويس)
ولقيت ان الابيات اللى كنت حقولها ماشية مع نسق شعر مصطفى !!!!
بس و حياتكو ما تزعلوش !!
الشعر اللى جية فى بالى !!
عطشان يا صبايا
عطشان يا مصريين !!!
عطشان و النيل فى بلادكم
متعكر مليان طين
عطشان يا مصريين
بس لاحظت شيىء
كلكو ما شاء اللة عندكو وطنية !!!!
انا مش بهزر !!
اجرى .......:hot:
:scooter: :scooter: :scooter: :scooter:
almustafa
01-03-2004, 10:52 PM
كاتب الرسالة الأصلية : placebo
اخوتى الاعزاء .. عاملين ايه ؟
عندى موضوع كده افتكرته لما قرأت تأملات اخونا "انا ناقص ياخويا" "ويعنى انا اللى ناقص" .. هو مش تأملات بالظبط .. بس مش عارف ليه طاف بذاكرتى لما قرأت التأمل الاخير التى دارت احداثه بميكروباص .. يمكن عشان احداث الواقعة التى تذكرتها "او الواقعتين بمعنى ادق" دارا ايضا فى وسيلة مواصلات ايضا منذ زمن بعيد ( كنت طالبا بالمرحلة الثانوية انذاك) .وان كانت تلك الاحداث لا علاقة لها بموضوع الطهارة او النظافة الشخصية.
وانا منذ طفولتى احمل ودا كبيرا لترام المدينة ( معندناش مترو فى اسكندرية) .. كان مجرد ركوب الترام – وهى غير مزدحمة طبعا- من محطتى (سبورتنج) وذهابا لآخر الخط (محطة الرمل) والعودة ثانيا .. كان يمثل لى فسحة لذيذة و متعة ما بعدها متعة لا يضاهيها سوى ركوب عجلة (فرامل رجل بس ) والنزول بها فى شارع منحدر بشكل شديد ومليان نقر !!
ما علينا ..مطولش عليكم – قولوا ..لا طول- الكلام ده كان زمان طبعا وبيدور فى الصيف لان تلك هى الفترة الوحيدة التى ممكن ان تحمل فيها اى ذكريات سعيدة لترام المدينة بالاسكندرية لان الموضوع يختلف تماما فى الشتاء وبداية الدراسة حيث تصبح محطات الترام محطات تفريخ بشرى ومنطقة كوارث وركوب الترام فى تلك الفترة تجربة غير محببة بالمرة .
برضه نقول ما علينا ونرجع تانى لموضوعنا ومعذرة للتطويل والاطناب بس كان لازم احطكم فى الجو.
الواقعة الاولى :
نهار خارجى – راكبا الترام شبه الفارغة وللعجب الشديد كنت جالسا !! .. اى نعم لا يوجد خطأ فى العبارة .. كنت جالسا .. ووجه العجب فى العبارة مش لان الترام كانت شبه فارغة ويوجد مكان للجلوس ولكن لاننى اكره الجلوس بالترام مالم تكن العربة كلها فارغة او يوجد بها ثلاث او اربع ركاب بما فيهم الكمسارى وهذه لحظات نادرةة كما تعرفون ..
المهم ..انا جالس بجانب النافذة اتسلى بعد العواميد التى تحمل كابلات الكهرباء بعد ان فشلت فى عد الفلنكات لانها تختفى بسرعة اكبر من ان الاحقها .. ومن احدى المحطات صعد رجل مسن وبرغم ان العربة شبه فارغة .. الا انه ترك كل هذه الاماكن الفارغة وجاء ليجلس امامى انا بالذات !! .. تجاهلته وواصلت مهمتى من جديد فى عد العواميد الا اننى وجدت ان مجيىء هذا الرجل انسانى الرقم الذى وصلت اليه فى العد .. فقررت ان اغير النظام وابدأ فى عد السيارات المتوقفة بجانب الرصيف على ان انجح فى تخمين لون السيارة التى ستجىء فى رقم 10 وهل ستكون سيارة حمراء ام بيضاء وهكذا دواليك ..
الا ان نظرات الرجل العجوز لشخصى الضعيف كانت مركزة ومزعجة ايما ازعاج .. وانا بطبعى خجول قليل الثقة بالنفس اعشق خصوصيتى واكره تلك النظرات الوقحة المقتحمة .. ولربما هذا هو السبب اننى اكره الجلوس فى الترام حيث لا شاغل لاى من الجالسين امامك سوى الحملقة فيك او معرفة لون شرابك !!
المهم .. افترضت حينها اننى لو نظرت للرجل فى عينه قد يرتدع ويبحث عن شىء آخر يراقبه سواى .. ولكن يبدو اننى كنت شديد الحماقة .. فقد كان هذا هو ما ينتظره الرجل منى ! .. فما ان بادلته النظر والتقت عينانا .. حتى بادرنى بسؤال غريب جدا ..
قال – " انت .. انت اكلت حمام بالفريك ؟ "
وقبل ان افتح فمى لاجاوب رد هو قائلا بفخر .. " انا بأه اكلت حمام بالفريك وملوخية بالارانب وكل اللى نفسى فيه"
ادركت حينها ان الرجل مخبول وانه لاداعى للرد عليه وافهامه اننى لا أأكل تلك الاصناف ببساطة لاننى لا اطيق ان آكل حيوانات محشية بأى شىء .. حيث ان الحمام والبط وحتى الفراخ المحشية باى شىء تذكرنى بجثث الفراعنة المخلية والمحشية بمواد تمنع التعفن الرمى .. وان ملوخية الارانب تبعث فى ذهنى بصور لجثث آدمية طافية فى بانيوهات فورمالين !! (خيال سوداوى بعيد عنكم)
واستمر الرجل فى الحديث دون ان ينتظر منى اى رد ..
"زمان كانت وقة اللحمة مش عارف بكام ورطل اللى معرفش ايه بأد ايه .. والتلاتين بيضة بخمسة تعريفة .. كان الواحد يخلص تعليمه من هنا ويتجوز من هنا .. وكان بدل ما نبيض الشقة كنا نعزل فى واحدة جديدة اوفر .. وكانت كل حاجة موجودة والحياة حلوة .. اى نعم الفلوس كانت قليلة بس الاسعار برضه كانت قليلة والواحد يعرف يجيب اللى نفسه فيه .. لما الخواجات كان ماسكين البلد كانت كل حاجة ماشية صح .. ولما ولاد البلد مسكوها خربوها وقعدوا على تلها"
ياسلااام .. كانت ايام حلوة .. لكن انتم .. ايامكم سودة وآخر هباب.. انتم لسه شوفتوا حاجة .. دى لسه هاتتقندل زيادة وتخرب اكتر .. الله يخرب بيوتكم وبيت عيشتكم السودة !!"
انا بصراحة ذهلت ومعرفتش ارد اقول ايه ساعتها .. لكن الرجل العجوز حلها بنفسه وقام ونزل فى المحطة التالية .. كأنه كان راكب الترام دى بالذات عشان يقولى الكلمتين دول ويسودها فى وشى ويعقدنى فى حياتى وينزل !!
بعدها بكام سنة شاهدت ذلك المشهد الرائع فى فيلم "الارهاب والكباب" للمثل العجوز عبدالعظيم عبدالحق .. عندما كان جالسا فى اتوبيس مزدحم يقرأ الجريدة وبجانبه وقف عادل امام يسأله " فيه ايه النهاردة فى الجرنان" . فاجاب الرجل بمرارة .."مفيش حاجة .. نفس اللى كتبوه امبارح هو اللى كتبوه النهاردة وهو اللى هيكتبوه فى جرنان بكرة" فرد عادل امام .. طب وبتقراه ليه بأه ؟؟ فأنفجر الرجل فجأة صارخا "مرض .. مرض والعياذ بالله" ونهض من مكانه ساخطا يريد النزول من الاتوبيس المزدحم وفؤجى بسيدة بدينة تقف بعرض الممر وهو – عبد العظيم عبدالحق- كما تعرفون رجل قليل الحجم وقلة "بكسر القاف" فصاح بالسيدة .. يا مدام .الستات ميقفوش بالعرض كده فى الاتوبيس .. يقفوا بالورب عشان الناس تعرف تعدى .. وكان منظره وهو يتجاوز السيدة شارحا لها كيفية الوقوف باتوبيس مزدحم منظر مضحك وساخر فانفجر ركاب الاتوبيس كلهم فى الضحك .. فتوقف الرجل ناظرا اليهم بقرف شديد وقائلا " ايوه .. هو ده اللى انتم فالحين فيه .. اضحكوا .. جاتكم ستين نيلة فيكم وفى ايامكم السودة " وهبط من الاتوبيس وهو يبرطم لاعنا الركاب والسواق والكمسارى بل ومصلحة النقل نفسها ..
انتهى دوره فى الفيلم بذلك المشهد القصير وان لم يمحى من ذاكرتى ابدا وظل يذكرنى بواقعتى انا مع ذلك الرجل العجوز الساخط على كل الاوضاع وكل شخص واى شخص لاعنا العيش والعيشة واللى عايشينها !
الواقعة الثانية بأه (معلش استحملونى شوية عارف انى طولت اوى المرة دى)
برضه تدور احداثها فى ترام المدينة ولكن هذه المرة الترام شبه مزدحمة ولا توجد مقاعد شاغرة .. وبينما انا واقف –كالعادة- بأحد الاركان ارى كهلا مسن يصعد سلم الترام بصعوبة شديدة .. ساعدته واخذت منه عصاه ليتكىء على يداى حتى صعد للترام ووقف يستريح من هذا المجهود .. طبعا ساعدته بدون انتظار لاى عبارة شكر او تصقيف حاد من ركاب الترام تحية لى على ما فعلته .. ولكن لا اخفى اننى كنت اتوقع نظرة امتنان على الاقل من هذا الرجل العاجز عن الكلام والآخذ فى النهجان من مشقة صعود السلم ذو الدرجتان .. اكره ان اكون شيئا مسلما به .. خصوصا بعد كل هذا المجهود الذى ابذله كى لا اجذب اى انتباه لوجودى ..ثم اضطر لكسر هذه الشرنقة والخروج لعمل شىء من شأنه لفت الانظار لى (معلش .. استطراد آخر فى غير موضعه) …
المهم .. اعطيته عصاه ليتوكأ عليها بعد ان مد يداه فى اشارة طالبا عصاه .. وسرت معه حتى منطقة المقاعد لعل احد من الجالسين ينهض فيجلسه مكانه .. لكن لم ينهض احد فى التو .. فتركت الرجل مستندا بجانب المقاعد متمالكا لنفسه بعد ان انتهت مهمتى ..وبدأت مهمته هو !!
أخذ فى النظر بعينى صقر لوجوه الجالسين على المقاعد .. مركزا بصره على مجموعة المقاعد ذات اللون الاخضر والمخصصة لكبار السن والمعوقين .. حتى نهض منها رجل يجلس على الحرف بجانب الممر .. كان مسنا هو الآخر وان كان اوفر صحة واحسن حالا من رجلنا بطل الواقعة .. نهض وجلس مكانه الرجل العجوز .. وفجأة نبت له لسان واستطاع الكلام .. بل الصياح والزعيق على وجه الدقة
بدأ كلامه بشكر الرجل الذى نهض ليجلسه هو .. ثم اخذ فى انتقاد باقى الجالسين وكيف انهم لم يرأفوا بحاله وانهم عديمو التربية وانهم سوف يبلغون من العمر ارذله ولن يجدوا من يساعدهم وان هذا عيب عليهم .. ثم زاد من حدة صوته وعلا زعيقه عندما التفت الى يساره واخذ يرمق الشاب صغير السن الجالس جواره – على مقاعد كبار السن والمعوقين- قائلا انه انعدمت الاخلاق واقترب العالم من نهايته بعد ان امتلأ بهؤلاء الشباب الرقيع عديم المسئولية قليل الادب منعدم الاخلاق ..
وبعد ان نفد رصيده من السخط توقف عن الكلام لحظات .. او هذا ما ظننته حينها .. لانه اتضح انه كان ياخذ نفسه فقط ليستكمل موشح الغضب والسخط من جديد .. وكان يتوقف بين الفينة والفينة ليمنح ذلك الشاب نظرات نارية مليئة بالكره والاحتقار .. كأنما هذا الشاب السوى الجسم صحيح البدن لم يجلس فى غير مكانه فقط . بل واستولى على نصيب الرجل العجوز من الصحة ومن كل شىء جميل فى هذه الحياة
لا انكر اننى اخذت على هذا الشاب ما ارتضاه على نفسه من قلة الذوق والانانية عندما لم ينهض ليجلس الرجل المسن مكانه . ولكن كلام الرجل العجوز الساخط زاد عن حده وتجاوز حجم المشكلة بكثير .. والغريب انه لم يتدخل احد فى الحديث ليهدىء من ثورة الرجل العجوز .. بل انضم اليه رجل آخر فى آخر العربة !! وكان لدهشتى جالسا هو الآخر !!!
وبعد حوالى 10 دقائق متصلة من السخط الشديد والكلام زى السم الذى تلقى معظمه الشاب الجالس جوار الكهل العجوز .. نهض من مكانه بدون اى تعبير على وجهه كأن الكلام ليس موجها اليه هو بالذات .. مما رجح كفة الرجل العجوز لدىّ وعدت احتقر هذا الشاب الوقح عديم الاحساس ..
ما ان نهض ذلك الشاب واكتمل وقوفه وأخذ فى التحرك للخروج من مكانه .. حتى لاحظ الجميع ما كان غير واضحا بجلوس ذلك الشاب .. لا اعرف ان كان هذا شلل اطفال ام ان لديه قدم اقصر من الاخرى .. المهم انه كان معوقا !! وان لم يبد عليه ذلك عندما كان جالسا !!! شعرت بتأنيب ضمير شديد جدا وزاد حنقى على العجوز الاحمق سليط اللسان ..
وعندما هبط الشاب فى المحطة التالية .. كان جميع الركاب مثلى متأكدين انها ليست المحطة المقصودة وان الشاب غادر الترام لانه ببساطة لم يتحمل كلام العجوز ونظرات معظم الركاب اليه .. ففضل ان يترك الترام بأكملها على ان يدافع عن تهمة لم يرتكبها وذنب لم يقترفه ، احسست بغصة فى حلقى واردت النزول خلف ذلك الشاب لاحتضنه واطلب منه ان يسامحنى على ما شعرت به ناحيته سابقا بسبب كلام ذلك العجوز الساخط الاحمق .. لكنى بالطبع كنت اجبن من افعل ذلك.
تلك كانت نهاية الواقعة الثانية والاخيرة
الآن .. بما نستطيع ان نخلص من هاتين الواقعتين وما هو العامل المشترك بينهما ؟
واذا اتبعنا اسلوب اخوينا (م/حسام و د/مصطفى) فى تأملاتهما .. فما هى الآية التى تداعت لذاكرتك عند قراءتك لتلك السطور ؟
وهل لو شاء لنا الرحمن ان نعمر ونشيخ حتى نصل لتلك المرحلة فى السن سنكون ساخطين على الدوام ام حامدين وشاكرين ؟
لم استطع ان امنع نفسى من مقارنة ابطال تلك الوقائع بعم فاروق بطل احدى قصص دكتور شو التى كتبتها قديما .. يا ترى اى هذه الفئات اكثر انتشارا ؟
اسئلة انتظر منكم اجابتها .. هذا لو وجد احدكم الصبر ليقرأ كل هذه السطور
والسلام
أحسدك على أسلوبك الجميل
و اتمنى ان تستمر فى كتاباتك عندنا فى التوبيك ده
اكيد هتضيف حاجة.....
بجد مش بهزر
على الرغم من انك كرهتنى فى كل الاكلات اللى بتبدأ بكلمة محشى
المهم...
انا كنت كتبت التأمل الخامس
مش عار ف قريته ولا لا
اعتقد ان له علاقة بكلامك
عايز اعرف رأيك فيه...
نيجى للمهم
و انا هنا بتكلم عن مصر
لأن دى البلد اللى انا عايش فيها و عارف ناسها كويس....
الناس اللى فيها بينقسموا الى:
ناس معاها كل حاجة و مش فارقة معاها اى حاجة...و دول مفيش منهم فايدة..
ناس معهاش اى حاجة و مش فرقة بردو معاها اى حاجة...و دول كمان مفيش فايدة منهم..
و الاتنين اللى فاتوا مش عاجبهم الوضع مش عارف ليه...و مش بيغيروا حاجة لأنهم اتعودوا على كدة و عايشين و خلاص....
الفئة التالتة هى اللى معاها على قدها و حامدة ربنا و المصيبة انهم مش عارفين يعملوا بيهم ايه....و دول بقى بردو مفيش منهم فايدة...
من الآخر...الساخط هيفضل ساخط و الحامد هيفضل حامد
لأن محدش بيحاول يتغير......
و عشان كدة لازم ننتصر على انفسنا اولا حتى ننتصر على ظروفنا هذه...
و لن ننتصر الا اذا اراد ان ينصرنا الله....
و لن يريد الله ان ينصرنا اتلا اذا نصرناه نحن اولا.....
ان تنصروا الله ينصركم و يثبت اقدامكم...صدق الله العظيم
almustafa
01-03-2004, 10:55 PM
كاتب الرسالة الأصلية : emanff
خسام , بلاسي و مصطفى !!!
اية يا اولاد النيل مالكو ,,
ما شاء اللة ,, اية التشابة دة !!!!؟؟؟
كلكو زى بعض !!!!
انا بس جتلى فكرة انى افتح (خدمة اجتماعية) للشباب !!!!
بلاسيبو....
لفت انتباهى شبهك بحسام !!!!! (مرة تانية) !!!
وبعدين اية النكد دة يبنى !!!!
انت مش عارف ان الاخوة منكدين الايام دى و لا اية ,,,
كلام الحج اللى انت شفتو فى (الترام) جى عل الجرح عدل (قصدى الجرح عندكو! !!!!!!!!!
وكنت عايزة اقول لك ابيات ( ولو انى مش حافظة الشعر كويس)
ولقيت ان الابيات اللى كنت حقولها ماشية مع نسق شعر مصطفى !!!!
بس و حياتكو ما تزعلوش !!
الشعر اللى جية فى بالى !!
عطشان يا صبايا
عطشان يا مصريين !!!
عطشان و النيل فى بلادكم
متعكر مليان طين
عطشان يا مصريين
بس لاحظت شيىء
كلكو ما شاء اللة عندكو وطنية !!!!
انا مش بهزر !!
اجرى .......:hot:
:scooter: :scooter: :scooter: :scooter:
اعتقد انه من تأثير they!!!!!
dr_sho
01-04-2004, 02:26 AM
ان تنصروا الله ينصركم و يثبت اقدامكم...صدق الله العظيم
صدق الله العظيم
د. شو
انت مين بالزبط
يعنى دكتورة و لا مفكرة و لا يمكن حتى داعية !!!
يعنى بس لو افهم !!!!!
تخيلى يا دكتورة إيمان إنى مش ولا واحدة من دول :)
عطشان يا صبايا
عطشان يا مصريين !!!
عطشان و النيل فى بلادكم
متعكر مليان طين
عطشان يا مصريين
مش عارفة يادكتورة إيمان حاسة كدة إنك شربتى من النيل المتعكر طين بتاعنا ده
لإنى عمرى ما جالى إحساس إنك مش مصرية
Yahya_Ayash
01-04-2004, 03:42 AM
السلام عليكم ورحمة الله..
بعد قرأت ما كتبتموه..فكرت..لقد رأيت الكثير في حياتي على صغرها..ألا يوجد ما أكتبه؟..
ووجدته!..وبسرعة..
هنا سأطلب أيضا أن تساعدني الدكتورة شو..وأن يساعدني العديد من أبطال المنتدى..على كتابة ما سأكتبه..
لأنني أعترف..أنه كان موقفا متفردا بالنسبة لي..يوم ذهبت مع قافلة شموع الأمل..لزيارة الملجأ بالاسكندرية..
وكان معنا العديد من أعضاء المنتدى (ولذلك طلبت مساعدتهم لي في الكتابة)..وعلى رأسهم الدكتورة شو..تقودنا ضمن القافلة..
حقيقة هناك الكثير مما تأملته في هذا الموقف..
وسأبدأ بموقف التجمع نفسه..
يا الله..هكذا ناديت عندما تجلى لي الموقف..شاب أتى من الزقازيق..وآخر جاء من دمنهور..وهذا من هنا..وذاك من هناك..يالجلال الله في تقديره!..أكان لأحد أن يتخيل أن يكون بيني وبين هؤلاء جميعا أي تعامل أو معرفة؟!..
الشئ الآخر شديد الغرابة!..تلك الألفة التي كانت بيننا..إننا لم نستغرق وقتا..كأننا كنا أصدقاء منذ زمن..بمجرد أن تعرفت مثلا على اخوة أفاضل كنت أعرفهم في المنتدى..لم أستغرق وقتا للتآلف مع شخوصهم!..وكأنني كنت أعرفهم بالفعل!..يقول لي..أنا عمرو القصاص..فأقول مرحبا بك وأهلا وسهلا.. أنا عياش المنتدى:flowers:..لماذا؟..لأنني لم أعرف عن عمرو القصاص مثلا أو مجاهد أو حبهان أو باجيرا..إلا الخير والصلاح..وهو ما كان كافيا لبث الألفة بيننا!..
ما السبب؟..لا شئ..إلا أنه الحب في الله!..
ألفة سببها أن علمت الخير في هذا الشخص..لم يربطنا من قبل أي علاقة أخرى..ولم نتزاور يوما..أو نتصل ببعضنا البعض..إلا لهذا الحب..أسأل الله العظيم رب العرش العظيم..أن يجعله خالصا لوجهه..وأن يحشرنا على منابر النور يوم القيامة..
أستكمل فيما بعد..متى؟..ربما بعد الامتحانات:rolleyes:..حتى ذلك الحين..أستودعكم الله:flowers:..
آيات الجارحى1
01-04-2004, 04:16 AM
السلام عليكم ورحمة الله وبركاته..
تحية الى كل الاحبة الموجودين هنا..
مصطفى احييك على التامل الرائع والمجهود الواضح فى انتقاء الاحاسيس اكثر من الكلمات..
الصراحة موضوع التأملات ده اكثر من رائع والله..
بيلفت نظر الواحد لايات معينة بصورة انتم الصراحة يعنى ما شاء الله عليكم ربنا يجعل تعبكم فى ميزان حسناتكم..
بلايسبو..
الموقف والاسلوب لكلامك دايما من اروع ما يمكن وانت بالفعل متميز جدا فى الحوار ربنا يكرمك يارب..
الدكتورة شو..
بجد انتى حكاية لوحدك على راى ايمان..
ربنا يبارك فيكى يارب وينفعنا بكلامك وتفكيرك ..
ولى عودة ان شاء الله..
placebo
01-04-2004, 07:17 PM
كاتب الرسالة الأصلية : almustafa
التأمل الخامس: مصر تتحدث عن نفسها 2004
-----------------------------
أنـــــا إن قـــــدر الالــــه بقــــائى.... فضد من ستكون حربـــــــى؟؟!
ضـــــد عـــدو ظل شــامخـــا بــاقى.... أم ضـــــد شعـــــبى؟
:tu: :tu: :tu:
emanff
01-05-2004, 01:34 AM
(ان تنصروا اللة ينصركم ....)
من فترة بسيطة ,, قبل بشوية (من سوء تفاهم حسام و صديقتة)!!!
(تقليد اعمى لاسلوب بلاسي) :viking:
المهم ....
كنت حست انى فعلا شفت بعينى ,,,مش قادرة اقولها !!!!!
الحكاية ,, انى وصلتنى صور من بتوع النت (من مصطفى),, عن صورة حائط كذا و قبر انسان من التاريخ و صورة فرعون (من قصة موسى -علية السلام) و صورة سفينة سيدنا نوح ,,,والخ ..
وانا كان على بالى ,, انى ابتدى اكتب لاصحابى الغير مسلمين عن الدين ولكن بصورة حسنة ( وغير مباشرة) ,, اصلى اول مرة اعملها !!!يوه بقى
فقلت ,, ليش ما اكتب قصة سيدن نوح و على ضوء المعلومات اللى كنت قريتها من (رحلتى من الشك للايمان) بتاعة حسام ,, لان القران ذكر الموقع باتحديد و الانجيل فقط ذكر اسم سلسلة الجبال..
فكتبت القصة (قصيرة) و لاحظت انها تكون بطريقة مرحة ,و طبعا لازم اذكر القران ,,,,, يعنى عملت فيها (ذكية) ,,,:closeeye: :knight:
المشكلة !!!!!!!
اصبحت طويلة يعنى ما يقارب صفحتين !!!!!!:thinky:
طب اعمل ايييية ,, انا اصلا مبقراش القصص اللى تتبعتلى زى كدة !!!!!
طيب ,, ابعتها على حلقتين !!؟؟؟؟
يمكن ما يقروش التانية !!!!!
طيب ابعتها كلها ؟؟؟؟
مش حيقروها ؟؟؟؟؟
:maaaad:
فكرت انى لازم اوريها لحد ,,
طب الساعة تقريبا 1 بالليل ,,,
و انا عاوزة ابعتها دة الوقت ,, لانى لو اجلتها !!
انا اشضمنى انى مش حموت الليلة !!!!!!!!
فقلت فى بالى ,, يا ربى ,, انا حدخل النت ,, و لو ما لقيتش حد اعرفو ,( ,ايات او حسام او مصطفى,, او لبنى- كمان من مصر-), ادخل الخاص بتاع هريدى و لو انى معرفش !!!! (انا هبلة قوى فى استعمال النت) !!!!!!!!
و لو ما عرفتش ,, ادخل اى ساحة حوار ,,
واللى يساعدنى لة نصف اجرى !!
دخلت ,, ما مرتش اقل من دقيقة ,, الا,,,
يا سبحان اللة ,, لبنى (حبييتى فى اللة,و نن قلبى من جوة ننو- مش بس عشان شفتها دة الوقت) :inlove:
يلة يا لبنى , انا حبعت لك الميل و شوفية !!
اوكى,,
وبعد ما يدوب وصل لبنى و قريتو و قالت لى ,, اقدر ابعتة كلو مرة وحدة,
ميييييييين ؟؟؟؟؟؟؟؟؟؟
يدخل حسام و بعدية على طوول ايات !!!!
يعنى ,,,
فهمتو انا عاوزة اقول اية !!!!!
يعنى ,,,,
انا بس كنت عايزة واحد (اى واحد) ,,
اللة اعطانى بدل الواحد (اللى كان ممكن يكون غريب) ,,ثلاثة !!!
ومن اعز الناس الى قلبى .
دة ,, بس لانى ,, كنت فعلا اعمل حاجة !!!
لنفسى و لكن فيها من التعريف بالدين
فساعدنى اللة سبحانة و تعالى !
وغيرو حاجات كتيييير
بعضها خاص ,, وكنت حكتبها ,و بس فكرت ,,
يمكن تقولولى ,و انها من رحمة اللة بى ,,,
طيب مثال بسيط !!!! بس عشان خاطرى
كنت اسكن فى السكن فى الهند ....
وكانت المية احيانا تنقطع ,, فكنا نجيب المية من حنفية فى مكان معين ,
و اغلب الاحيان نخزن المية فى الحمام ,, (لانها لم تكن صالحة للشرب)
طيب ,, فى اكثر من مرة ,,
كنت اروح الحمام ,, و بعدين اتوضى عشان الصلاة,,, وبعد ما اخلص ,,
الاحظ ان الماء انقطع ,, فاذهب لاخبر البنات ,, فيقولو
اصلا المية مقطوعة من زمان !!!!!!!!!!!!!!!!!!!!!!!!!
اة ,, ممكن ,, تقول ان الحنفية لما ما تتفتحش لمدة طويلة , يتجمع الماء فيها و هكذا ,, المية نزلت لك ؟؟؟؟
لا معليش ,,, اهل مكة ادرى بشعابها !!!!!
يعنى ,و لما المية تروح ,, ترووووح
وبعدين ,و لية بس لما اكون عاوزة اتوضى ( و ادخل الحمام , بدون ما اتاكد ان المية موجودة او لا) تنزل المية ,, و لما اكون عاوزة اتاكد ان المية (مش موجودة) فعلا ما تكونش موجودة ,, فاروح اجيب مية من الحنفية اللى برة !!!
انا اقصد من كل هذا ,,
ان اللة معنا ,, معنا ,, معنا ,,,
ولكن ,,,,,,
لازم نكون احنا معاة ,,,
dr_sho
01-05-2004, 03:59 AM
دكتورة إيمان
بعد كلامك اللى قريته فيه مليون معنى فى عقلى
فيه مليون موقف
كله دخل على بعضه
اعذرونى
كلامى ممكن ما يطلعش منسق ولا مرتب ولا مهندم ولا ولا
لكنه دلوقتى طالع منى
أنا من غير أى رتوش
زمااان من حوالى 13 سنة كدة يمكن اقل ويمكن أكتر
مش عارفة بالضبط
كنت فى سنة اولى أعدادى
كانت حياتى كلها بتدور حوالين أصحابى ومدرستى
الدنيا ضاقت فى نظرى وبقت عبارة عن عدة امتار
والوقت كله متجه لحاجة واحدة
المذاكرة
أصلى كنت هبلة اوى زمان
المهم
كنت دايما أطلع الأولى على فصلى
وسمعتى الدراسية زى الطبق البنور بعد غسيله (حتة مصرى فى الصميم ما اعرفش سمعتيها ولا لأ)
فى إمتحان العربى بتاع الشهر جاتللى حالة غريبة
ما عرفتش اكتب ولا كلمة
واللى كتبته كان غلط
والله
والله
والله
كانت ممكن درجتى لو المدرس كرمنى تبقى 15 من 60
كارثة بكل المقاييس
عارفة لما تلاقى فجاة احلامك بتنهار
ولما تحسى إنك داخلة على موقف إنتى مش متعودة عليه
لأ
عارفة يعنى ايه إخفاقات وليدة اللحظة
بالضبط كدة
من فوق لتحت
من قمة لقاع
خلاص الإمتحان خلص والورق إتسلم وإنتهينا
والنتيجة هتبقى فضيحة وبرضه إنتهينا
اللى جه فى عقلى ساعتها إنى أقوم أسأله
مين؟
الوحيد اللى ممكن يكون حاسس بى
أصلى لما رحت وحكيت لبابا وماما فى البيت ضحكوا
وقالوا لى وايه يعنى
تتعوض
مش حياة او موت
فهمنى
يمكن ما حدش فاهم دلوقتى عقلية طفلة عندها 11 سنة
قعدت 3 ليالى متواصلة
أقوم فى عز الليل وادعى وأبكى
اللهم إنى لا أسألك رد القضاء ولكنى أسألك اللطف فيه
كان فيه إخلاص فى قلبى لسة حاسة طعمه
عمرى ما كنت مخلصة وأنا بأسأل زى إخلاصى فى الأيام دى
مع إنى أحوج لربنا مليون مرة عن زمان
يا ترى ايه اللى فهمه القلب الطفل وما اتوصلش اليه القلب الشاب
ايه السر اللى ظهر قدامى وضاع منى بعد كدة مش عارفة
و
ظهرت النتيجة
وكالعادة الأولى
إزاى ما اعرفش
ومش مهم أعرف
مش دى القضية
القضية إنى من ساعتها وأنا حاسة بشعور الإمتنان الشديد تجاه ربى
عارفة لما حد يطلعك من ورطة كنت واثقة إنك لازم هتثقى فيها
حاجة تانية فكرت فيها لما كبرت
يا ترى ايه العظمة اللى تخلى ملك الملوك اللى بيدير شئون كون بحاله
يلتفت لطفلة بلهاء خايفة ما تطلعش الأولى على فصلها اللى موجود فى ركن منزوى من عالم ضخم
لو كان رئيس جمهورية كان قاللى غجرى يابت وأنا فاضى لك بلاش لعب عيال
و
نلف وندور
ونرجع نقول
إن تنصروا الله ينصركم ويثبت أقدامكم
آيات الجارحى1
01-05-2004, 04:04 AM
كاتب الرسالة الأصلية : emanff
:brb::brb::brb::brb::brb::brb:
مش عارفة ليه اول ما قرات الجزء ده مت على روحى م الضحك..
فاكرة فى يوميات ونيس لما طلعت فى دماغه وصحى عياله ومراته بالليل عشان يروح يدور على عمة امه:brb::brb::brb:
والعيال ماشيين معاه فى الشارع نايمين وهو طالع عليه جلالة صلة الرحم:brb::brb:
كاتب الرسالة الأصلية : emanff
[B](وبعدين ,و لية بس لما اكون عاوزة اتوضى ( و ادخل الحمام , بدون ما اتاكد ان المية موجودة او لا) تنزل المية ,, و لما اكون عاوزة اتاكد ان المية (مش موجودة) فعلا ما تكونش موجودة ,, فاروح اجيب مية من الحنفية اللى برة !!!
لا سحر ولا شعوذة:-":-"
أنا ناقص ياخويا
01-05-2004, 03:37 PM
أعتقد يا د شو.. الموضوع أصبح فيه جانب جلسات روحاني كبير بعد ردود إيمان وبلاسيبو وآيات..وطبعا ردود حضرتك,,
أعقد أنه لا حرج لوجوده في العيادة.. أنا عارف انها كانت مشكلة مضيقاكي شوية :)
أنا ناقص ياخويا
01-05-2004, 03:41 PM
التأمل السادس : المقهور !!!
-----------------
الميري ميري ولو على سريري
هذا مثل شعبي مصري معروف ومتدارج بين الجنود والأهالي في مصر
فاختلاف الحال بين المجندين كبير..
ويتدرج من جندي واقف صامد شامخ ليلا في عواصف الصحراء يحارب النوم والهواء والأعداء ويقف بكل قوة لكي يحمي الجميع في نوبة خدمة ليلية..
إلى أن يصل الحال لجندي شاء له القدر أن يكون في منطقة مركزية أو مركز قيادة يقوم بأعمال الشاي والقهوة والتنظيف.. حتى يصل الحال إلى المهندسين المتميزون في أعمالهم ..
ومهما اختلفت أحوال هؤلاء.. فدائما تسمع كلمة واحدة ...
الميري ميري ولو على سريري
ويؤسفني أن أقول.. أنه نادرا ما تجدا مواطنا واحدا.. يفضل الحياه العسكرية عن الحياه المدنية ( الملكية )...
صحيح أن الظروف الحالية من انعدام العمل والبطالة.. جعلت الحياه العسكرية والتطوع هو المهرب الوحيد لحياة أفضل..
ولكن أكيد.. لو وجدت ظروف مناسبة أكثر في الحياة.. لاختلف هذا الكلام..
تجربتي في الجيش واضحة وصريحة...
لن أتكلم عن تفاصيل... ولكني اكتشفت بعد انتهاء مدة خدمتي.. أنني استفدت منه الكثير.. لم أتركه منذ فترة كبيرة بعد لأكتشف هل تضررت منه كثيرا أم لا..
بس المهم اني أقدر أقول...الميري ميري ولو على سريري.
"سيبوني مش عايز أروح المدرسة... أنا عايز أنااااااااام "
هذه صرخة تسمعها كثير في البيوت المصرية..أم تقوم بإيقاذ ابناءها للذهاب إلى المدرسة
صباحا... فتسمع هذا الصراخ المشهور..
لا عجب على هذا الطفل... بالفعل لا عجب...
فهو لن يفضل بأي حال من الأحوال الذهاب على المدرسة على أن يظل في هذا الجو الممطر المثلج في فراشه الدافئ ينعم بنوم هادئ وأكواب من الكاكاو الساخن الذي يثير النشوة في الروح ...
فضلا عن أنه مقهور بالفعل على الذهاب.. نسبة غياب من جانب.. ودروس وحصص من جانب آخر.. والقهر في حد ذاته.. يولد كرها..
للمكان..
وللقاهرين.
المحصلة النهائية.. أنه لا يريد الذهاب..
لايريد أن يستذكر دروسه.. أو يقوم بواجباته..لا يريد سوى اللعب.. اللعب فقط.
"يا جماعة أنا مش شايف نفسي في الطب.. أنا عايز أدخل الهندسة"
خناقة تانية ممكن تسمعها.. الأب والأم مصممون على الطب.. الواد مجموعة عالي يا عيني..
والواد مصمم على الهندسة.. يعمل ايه؟؟
بيكره الكيمياء والأحياء .. وبيحب الرياضة والفيزياء..
وهم نفسهم في الدكتور..
مشكلة برده..
واعتقد ان كل واحد فيهم ليه حق..
الأهالي ليهم حق يشوفوا ابتهم في الصورة اللي هم عايزينها وبيحلمو بيها من سنين طويلة..
والابن له كل الحق في أن يصبح ما يريد.
وهنا يقع الطالب في مشكلة..يرضي أهله ويترك ما يحب..
أو يغضب أهله.. ويصمم على أحلامه..
وفي الغالب.. يتم قهره.. على رغبات الآباء والأمهات.. فليس من السهل أبدا إقناعهم..
وتكون المحصلة.. هي الرسوب المتكرر.. والكره الشديد للطب والصيدلة وطب الأسنان وحتى الهندسة.. بل التعليم كله..
وقد يكون الابن من الشخصيات النادرة التي تستطيع أن تكتم مشاعرها وتظل تحافظ على أحلام أهلها ورجاءها فيهم.. وتستمر في سلسلة التفوق..
ولكن هذه النوعية من البشر حالات شاذة ويندر وجودهم.
أشكال القهر.. كثيرة ومتعددة..
ومن أشكالها هو عدم القدرة على التصريح بكثير منها.. إحم.. ماعلينا.!!!
ولكن هذا هو الحال..
والسؤال الآن.. كيف؟؟
كيف يغلب حبك للشيئ على كرهك لقهرك للذهاب له؟؟
كيف؟؟
ومشكلة من؟؟
هل مشكلة الأهالي..
أم مشكلة المقهور..
أم مشكلة النظام؟؟
أسئلة كثير ومفجعة...
ولكني أعتقد مثلا..
أن الطالب الصغير.. لو وجد شارعا جميلا نظيفا.... سيحب السير فيه أثناء المطر بدلا من الطين اللي مبوظ كل محافظات مصر ده..
وأعتقد أن المدرسة لو بيها من وساءل الجذب والروائح العطرة والخلاق الطيبة والحب والضحك والعلم المفيد مايناسب هذا الطفل.. لما تردد لحظة في أن يحب ما تم قهره عليه..
أعتقد أنه لو أن جميع كليات الجمهورية تقوم بتخريج شباب واعد ( مش صايع ) متفوق ومتفتح وله بصمته.. لما أجبر الأهالي أبناءهم على الطب والصيدلة..
واعتقد أن كليات الآداب والتربية بل والمعاهد لن يكون عليهم اعتراض كما في أي دولة في العالم..
أعتقد وأعتقد و أعتقد...
انها مشكلة الجميع.. القاهر والمقهور والنظام..
ولكن العبء الأكبر.. يقع على عاتق النظام..
لازم الشارع ينضف.. والمدارس تنضف ..والمسئولية تكبر..والحياه تتفتح..
لازم دكاترة الكليات تتلم شوية عن كده عشان حيودونا في داهية ( وودوني أنا شخصيا في داهية قبل كده.. ولكن هذا تأمل آخر ) ..وخاص أنه لا رادع لدكاترة الجامعات.
لازم يبقى فيه مبدأ الثواب والعقاب.. ولا يقتصر الثواب على المتميزين فقط.. بل الفاشلين أيضا!!!!..
فعندما يروا فرحة التفوق.. سيتحول حالهم بالتأكيد!!!
لازم.. و لازم.. ولازم..
حاجات كتير قوي..
فيه حاجات كتير لازم تكون إجبارية في الحياه دون شك..يعني الواد لو سيبته بمزاجه مش حيروح المدرسة أكيد..
بس الشطارة.. إنك تحببه في اللي هو رايحة..بل..وتخليه يموت نفسه عشانه .. وكل لبيب بالإشارة يفهم..
بقة معقول يا جماعة عدينا سنة 2000 ومش عارفين نحط مناهج نفسية أو أسلوب عشان نحبب الناس في النظام؟؟
أعتقد كده وضحت ده مشكلة مين..
وإني لأتساءل لماذا أيضا؟؟
ثمَّ استَوَىْ إلَىْ السمَاءِ وَهِيَ دُخَان فَقَالَ لَهَاْ وِللأَرْضِ ائتِيَا طَوعَاً أَوْ كَرْهَا قَالَتَاْ أَتَيْنَاْ طَاْئِعِيْنْ
سورة السجدة (11)
لماذا ( أتينا طائعين)؟؟
بالطبع.. بالطبع بتأثير الذات الإلهيه القوية لله سبحانه وتعالي وعظمته وقدرته بقوله للشئ كن فيكون..
ولكن هناك جانب آخر..
لقد خيرهما بين الكره والطواعية
اختارا الطواعية..!!
وما معنى هذا..
معنى هذا شيئان متعاقبان..
أولا.. أن ما عند الله خير ..وكويس وجميل ونظيف وعادل و.. و.. و..
ثانيا ..أنهما يحبان الله حبا شديدا ..ولو ما كانا يحبانه.. لكانت كرها وليس طوعا.
الله سبحانه وتعالي بيعلم عبيده
بيعلمهم ازاي تحببو الناس في اللي بتعملوه
حاولو تتعلمو من الله سبحانه وتعالى.. واسألو نفسكم تاني.. ليه السماء والأرض.. ذهبا طوعا لله؟؟
هل يوجد أسباب أخرى.. غير قدرة الله عليهما؟؟
فوقو بقة يا بشر .
almustafa
01-05-2004, 09:29 PM
و الله و جيت على الجرح ....
انت مسافر تكتب عندك بقى يا حسام ولا ايه؟؟؟؟؟؟؟؟؟؟؟؟؟؟؟؟؟؟
emanff
01-06-2004, 05:01 PM
كاتب الرسالة الأصلية : dr_sho
دكتورة إيمان
بعد كلامك اللى قريته فيه مليون معنى فى عقلى
فيه مليون موقف
كله دخل على بعضه
اعذرونى
كلامى ممكن ما يطلعش منسق ولا مرتب ولا مهندم ولا ولا
لكنه دلوقتى طالع منى
أنا من غير أى رتوش
زمااان من حوالى 13 سنة كدة يمكن اقل ويمكن أكتر
مش عارفة بالضبط
كنت فى سنة اولى أعدادى
كانت حياتى كلها بتدور حوالين أصحابى ومدرستى
الدنيا ضاقت فى نظرى وبقت عبارة عن عدة امتار
والوقت كله متجه لحاجة واحدة
المذاكرة
أصلى كنت هبلة اوى زمان
المهم
كنت دايما أطلع الأولى على فصلى
وسمعتى الدراسية زى الطبق البنور بعد غسيله (حتة مصرى فى الصميم ما اعرفش سمعتيها ولا لأ)
فى إمتحان العربى بتاع الشهر جاتللى حالة غريبة
ما عرفتش اكتب ولا كلمة
واللى كتبته كان غلط
والله
والله
والله
كانت ممكن درجتى لو المدرس كرمنى تبقى 15 من 60
كارثة بكل المقاييس
عارفة لما تلاقى فجاة احلامك بتنهار
ولما تحسى إنك داخلة على موقف إنتى مش متعودة عليه
لأ
عارفة يعنى ايه إخفاقات وليدة اللحظة
بالضبط كدة
من فوق لتحت
من قمة لقاع
خلاص الإمتحان خلص والورق إتسلم وإنتهينا
والنتيجة هتبقى فضيحة وبرضه إنتهينا
اللى جه فى عقلى ساعتها إنى أقوم أسأله
مين؟
الوحيد اللى ممكن يكون حاسس بى
أصلى لما رحت وحكيت لبابا وماما فى البيت ضحكوا
وقالوا لى وايه يعنى
تتعوض
مش حياة او موت
فهمنى
يمكن ما حدش فاهم دلوقتى عقلية طفلة عندها 11 سنة
قعدت 3 ليالى متواصلة
أقوم فى عز الليل وادعى وأبكى
اللهم إنى لا أسألك رد القضاء ولكنى أسألك اللطف فيه
كان فيه إخلاص فى قلبى لسة حاسة طعمه
عمرى ما كنت مخلصة وأنا بأسأل زى إخلاصى فى الأيام دى
مع إنى أحوج لربنا مليون مرة عن زمان
يا ترى ايه اللى فهمه القلب الطفل وما اتوصلش اليه القلب الشاب
ايه السر اللى ظهر قدامى وضاع منى بعد كدة مش عارفة
و
ظهرت النتيجة
وكالعادة الأولى
إزاى ما اعرفش
ومش مهم أعرف
مش دى القضية
القضية إنى من ساعتها وأنا حاسة بشعور الإمتنان الشديد تجاه ربى
عارفة لما حد يطلعك من ورطة كنت واثقة إنك لازم هتثقى فيها
حاجة تانية فكرت فيها لما كبرت
يا ترى ايه العظمة اللى تخلى ملك الملوك اللى بيدير شئون كون بحاله
يلتفت لطفلة بلهاء خايفة ما تطلعش الأولى على فصلها اللى موجود فى ركن منزوى من عالم ضخم
لو كان رئيس جمهورية كان قاللى غجرى يابت وأنا فاضى لك بلاش لعب عيال
و
نلف وندور
ونرجع نقول
إن تنصروا الله ينصركم ويثبت أقدامكم
انا فاهمة كل حاجة ,,, اصلى لما افتكرت الحاجات اللى كتبتها و غيرها كتييييير,, فعلا حسيت او تذكرت ,, كيف ان اللة داااائما معنا ,, و كمان تحسى ان,,,, خايفة اخربط فى الكلام و يطلع اللى يقول لى حرام او واحد مثل (بتاكة ,,, يعنى مفرقعة بالكشميرى ,,, يعنى رمضان كريم) :brb:
يعنى ببساطة ,, ان اللة يحبنا ,,, و هو مستفيد اية مننا ؟؟
ولا حااااجة ,, و لا حاجة ,,
احنا نصلى لاننا نريد الثواب و الاجر ,, اوكى صح ,
بس مين بيصلى عشان ربنا ,, بدون ميكون عاوز حاجة ,, لا ثواب و لا اجر ,, و لا لانة خايف ,,,
( خوفا و طمعا) ,, احنا صحيح عيزين كل الحاجات دى ,, ان نامن مكر اللة و غضبة , شيىء لا يجوز ,, و ان نياس من رحمتة ايضا لا يجوز ,,, بس انا بتكلم عن حاجة تانية ,,,
فاهمينى ,,, هو مش عاوز مننا حاجة ,, بس فية مرة صلينا ,, بس عشانو ,, مش بغرض ,,,
يمكن مش عارفة اشرح !!!
اقول لكم شيىء غريب ,,, انا فعلا الايام دى عاوزة اتقرب لة زيادة , و احس بلايمان ,, لانو يخلى الواحد يحس انة (هو من داخل نفسة صح) ,,,
فى رمضان اللى فات ,, فى يوم , جتنى فكرة معينة او سبب معين (مش فاكرة) خلانى اتيقن (مش لانى كنت شاكة ) ,, بس حلو انك تحس انك انت واحد من القرقة الوحيدة الصح من ال70 فرقة اللى الرسول (ص) قال ان المسلمين سيتفرقوهم.
اكرر (مش لانى كنت شاكة) ,,
وحسيت انى صح فى كل شيىء ,,سعادة ,و احساس حلو ,,
ما مضت كم يوم ,, الا نزل على ابليس (لعنة اللة علية) بكل وساوس الشك و وو و
ياريت الشك فى المذهب ,, لا ,
, الشك فى كل شيىء فى الاسلام ,, كل شى ,, اعوذ باللة من الشيطان الرجيم
يعنى ,, حالتى النفسية صارت عدم ,,وما اقدر اتكلم مع احد عشان ما يصبح (خوض فى الباطل) ,,,
اللة يبعد هالشى عن كل مسلم حتى لو كانت فى قلبة اقل من اقل من حبة خردل
الواحد فعلا يصل الى كراهية النفس فى داخلة ,,,
المهم ,, راحت الحمد للة ,,,,فى رمضان نفسو ,, بس بعد مدة مش بسيطة
بفضل اللة , ثم حلقات عمر خالد ودعاوى اللى يحبونى
و الان ,,