مسابقة يا جدعاان :hub: [الأرشيف]

السفاح بتاع كرموز

12-10-2003, 05:04 AM

السلااااااام عليكم :blink3:

جتلكوا النهاردة و معايا مفاجأة جامدةة جداان :bb:

مسابقة كبييييييرة جدا و فيها جوايز اكبر من اي مسابقة عملناها

الكل كسبان يا جماعة :clap: حتى لو مش انت الأول :D

الموضوع ان جمعية روضة الأبرار لرعاية الأيتام و مقرها المهندسين بالقاهرة محتاجين لوجو جبار ميقدرش عليه غير كتاكيتنا الجامدين :clap:
المسابقة دي فيها لجنة تحكيم بإذن الله و اللجنة سرية محدش هيعرفها :chains:

عدد التصميمات للكتكوت الواحد غير محدود .. يعني صمم لوجوهات براحتك مفيش مشكلة

مستنيين التصميمات :crazyy:

و اللي هيسبقني و يحط اول لوجو هيزعل :dead:

و انا زعلي وحش :viking:

TOMYBOY

12-10-2003, 01:54 PM

و اللي هيسبقني و يحط اول لوجو هيزعل

ماشى وانا موافق يا سفحنا لما نشوف بقى :maaaad:

:chr24:

:box:

هكور

12-10-2003, 11:12 PM

انا سبقتك يا سفاحي ابو الكراميز :nanana:

قولي رايك يا بيه هو لسه ناقصله شوية رتوش بس حبيت اسبقك :nanana:

على فكرة ده ممكن مايكونش داخل في تايب اللوجو يعني لازم يكون فيكتور بس عجبتني الفكرة قوي والتصميم عاملته برزليوشن عالي قوي يعني ما حدش يقلق
والشمس بالفوتوشوب :)
التصميم
http://hakkorno0.jeeran.com/kids.jpg

تحياتي..:flowers:

السفاح بتاع كرموز

12-11-2003, 03:18 AM

يا هكور يابني الابداع شئ قليل :surrender

ما شاء الله رهيب .. رهيب و الله رهيب :clap:

طيب بص بما انك لسه بتصممه و في مرحلة التجهيز اسمحلي عشان خاطري حاول تخلي "روضة الأبرار" مميزة شوية عشان هي محور التصميم :thinky:

او شوف انت ناوي تعمل ايه و استناني يا انا يا انت يا هكور :sniff:

شهرزاد

12-11-2003, 04:31 AM

حبيت أبدي إعجابي بالتصميم يا هكوووووووور :clap::flowers:

تحياتي,,
شهرزاد:blush):

الرحالة

12-11-2003, 05:30 AM

:clap: ياسلام على الكلام ..

روعه ياهكور بداية مشجعة .. استنوني بقى :sniff:

Nour

12-11-2003, 04:28 PM

أنتظرونى واسالوا الرحاله عن لوجوهاتى :nanana: :nanana:

بس مافيش اى معلومات تانيه غير اسم الجمعيه :blink:

وعاوزة الاسم الرسمي انجليزي كمان لو سمحتوا :confused:

وامتى اخر ميعاد :crazyy:

الرحالة

12-11-2003, 04:42 PM

اخخ رحنا فيها :D

ايوه صح زي ماالغالية قالت .. عايزين مووور انفو

Cappuccino

12-11-2003, 05:26 PM

ربنا يسهل
استعنا على الشقا بالله:55:

TOMYBOY

12-11-2003, 06:35 PM

لوجو رائع يا هكور .. الله ينور عليك :clap:
بس لسه محتاج شغل .. :tu:

وانتظرونى قريبا ..
:bb:

السفاح بتاع كرموز

12-11-2003, 07:17 PM

انا خلصت اللوجو تقريبا بس زي ما نور قالت كده محتاج الانجليش نيم من عم عبده المهم
و ياريت مووووور انفو :thinky:

و استنوني يا بشرية هتتقطعوا :dead:

Nour

12-11-2003, 07:25 PM

لما نشوف يا سفاح :chr24: :chr24:

ولا زمان يا مسابقات :D

عبده المهم

12-11-2003, 11:32 PM

برافوووووووو ياجماعة أحلى شغل
بس عايزين أسرع ورونا الهمه والفـــن يارجاله ولا انتوا مش عايزين الجايزة أنتوا نيسيتوا ولاايه....
القصر اللى فى الجنة
ولاتنسوا النية
أما بالنسبة للمور إنفوا
فإسم الجمعية
RAODAT ALABRAR
أى معلومة حد يحتجها يسأل علطول ما يتكسفش

وربنا يكرم الجميع ويبارك فيكم

السفاح بتاع كرموز

12-12-2003, 12:35 AM

كاتب الرسالة الأصلية : عبده المهم

أما بالنسبة للمور إنفوا
فإسم الجمعية
RAODAT ALABRAR

لألأ يا عم عبده احنا نقصد ترجمة لاسم الجمعية :D
انا كنت كتبت في اللوجو بتاعي Pious Garden Orphanage بس مش عارف صح ولا غلط :nug:
على العموم مستني تأكيد معاليكم للاسم الانجليزي
طيب هي Rawdat ولا Raodat :cowboy2:
طيب عايزين نعرف كمان في مقاس معين للتصميم ؟
هو هيتحط فين ؟ :pirate: يعني في يافطة ولا كروت صغيرة ولا ايه :thinky:

على العموم انا تصميمي اللي هيكسر الدنيا هاجز :chr24: بس مستني التأكيد يا ريس في موضوع الانجليزي ^_^

السفاح بتاع كرموز

12-12-2003, 12:39 AM

كاتب الرسالة الأصلية : Nour
لما نشوف يا سفاح :chr24: :chr24:

ولا زمان يا مسابقات :D

:pirate::pirate::pirate::pirate:

السفاح بتاع كرموز

12-12-2003, 12:45 AM

معلش توضيح كمان محتاجه من عم عبده المهم جدا
انت عايز حاجة زي تصميم هكور كده ولا تصميم لوجو بمعايير معينة بحيث يكون ختم للجمعية
يا ريت لو مش عارف تستفسر عشان الناس تبتدي تشتغل بسرعة
:فتكوا بعا

عبده المهم

12-12-2003, 01:19 AM

بصراحة الجمعية ملهاش اسم رسمى بالإنجليزى فاحنا ان شاء الله هانعمله
اما بالنسبة لمكان اللوجو ده لوجو لجمعية تبع الشئون الإجتماعية فتبعا ليها ختمها خلاص
يعنى اللوجو ده هيتحط على الأوراق الخاصة بالجمعية (جوابات - اعلانات - تبرعات - ...)

عبده المهم

12-12-2003, 01:24 AM

أما بالنسبة لتصميم اللوجو عايزينوه يبقى حاجة بسيطة معبرة ويكون سهل التعامل معاه مثلا يترسم على لوحة أو على دعايات (ماديلية - أكواب - شنط - ....ز) فيبقى حاجة سهلة فى الخياطة أو الطباعة
وربنا يكرمكم

Nour

12-12-2003, 01:35 AM

كلام هايل يا عبده باشا المهم

:clap: :clap: :clap:

السفاح بتاع كرموز

12-12-2003, 04:47 AM

ماشي يا عم عبده يا مهم خالص :bb:

دي اخر حاجة قدرت اوصلها يا رب ينفع :hot:

لو التصميم كسب ان شاء الله يبقى قوللي عشان اعمل صورة كبيرة للوجو بس اللي تحت ده :thinky:

التصميم يا جماعة معمول بـ 3dmax5 و photoshop 6me

شوفوا بقى http://www.7ayah.com/karmooz/g.jpg

مش قولتلكو هتتقطعوا ؟ :brb:

:eat:

شهرزاد

12-12-2003, 05:04 AM

ممممممممممممم

حلو يا سفااااااااااح :D

:flowers: ربنا يكرمكم ..

تحياتي,,
شهرزاد:flowers:

السفاح بتاع كرموز

12-12-2003, 05:18 AM

ربنا يكرمك يا شهرزاد ده من ذوق معاليكي حضرتك سعادتك جدا طبعا :D

هكور

12-12-2003, 11:34 AM

السفاح بتاع كرموز
تسلملي يا عسل انت :inlove:
هارد عليك في الاخر علشان ليك قاعدة مع تصميمك :انجغة:

شهرزاد
ربنا يكرمك يارب :pray:

الرحالة
تسلمي يارحالة :flowers: ومستني اشوف عملك

Nour
نور بجلالة قدرها ننسحب يعني ولا ايه :D

Cappuccino

ما بشوفكش غير في المسابقات :flowers:

TOMYBOY
ربنا يخليك

في ملاحظات عايز استفسر عنها انا ضد ان الجمعيات الخيرية او الرعايات الموجودة في مصر او في العالم العربي عموما تكون ليها اي اسامي بالانجليزي علشان يعني ملهاش معنى غير انها بتدي منظر مش اكتر دي وجهة نظري يعني مش ضد حد انا هنا من الاعضاء :)

تاني ئ عبده المهم انت قولت عايز لووجو يترسم على كل حاجة طيب يبقى انت كده عايز حاجة بسيطة يعني زي الفيكتور علشان تكون سهلة في الطباعة وكده
تلاقي اللوجو الكبير(هو مش فيكتور) ده ممكن يطبع وبدقة عاليا في اليفط والاعلانات والتيشرتات وغيره وممكن في الورق علشان هو لونين فاهمني الاحمر وتدرجاته والاسود وممكن لوغيرت الاسود يبقى ابيض برده عادي بس ريحت وعملت واحد على صغير وانا صراحة كان نفسي اضيف حاجة في التصميم بس مش عارف ايه :confused:

http://hakkorno0.jeeran.com/kidsd.jpg

عمي الكبير سفاح
ياباشا تصميمك روعة يفوق الخيال بس انا لية ملاحظة صغنتوتة اد كده هو
مش شايف ان تصميمك يليقك اكتر في المصرية للاسمنت :chains:
انت فكرتك حلوة قوي بس لو تسمحلي لو كنت عملت بيت صغير كده بالماكس او حتى فيكتور احسن من الطوب وغير كده الطوب لونه ازرق :sniff:
بس انت عامله باحتراف جامد قوي :tu: بس الفكرة مش راكبة او راكبة بس انا اللي دماغي بايظة :drool:

غصب عني والله اصل اول ما شفتوه جت في بالي على طول الاعلان اوعى تزعل مني لاموت نفسي :es3af:

تحياتي..:flowers:

السفاح بتاع كرموز

12-12-2003, 05:44 PM

كاتب الرسالة الأصلية : هكور
عمي الكبير سفاح
ياباشا تصميمك روعة يفوق الخيال بس انا لية ملاحظة صغنتوتة اد كده هو
مش شايف ان تصميمك يليقك اكتر في المصرية للاسمنت :chains:
انت فكرتك حلوة قوي بس لو تسمحلي لو كنت عملت بيت صغير كده بالماكس او حتى فيكتور احسن من الطوب وغير كده الطوب لونه ازرق :sniff:
بس انت عامله باحتراف جامد قوي :tu: بس الفكرة مش راكبة او راكبة بس انا اللي دماغي بايظة :drool:

غصب عني والله اصل اول ما شفتوه جت في بالي على طول الاعلان اوعى تزعل مني لاموت نفسي :es3af:

تحياتي..:flowers:

عمي هكور :D تحية طيبة و بعد .. :brb:
لا يا ابو الهكاكير متستحيل ازعل منك ابداان :D
اولا ربنا يكرمك على الكلام اللي زي العسل ده :blush): كتير علينا يا عمي :انجغة:
يا عمي الطوب ده لما عملته كنت شايف انه في مكانه فعلا :sniff: يعني كانت فكرتي ان الطوب هو اساس بناء الايتام دول -_- و كنت فرحان بالفكرة اوي :cry: و الطوب ازرق عملته مخصوص عشان دايما بشوف تصميمات دار الايتام بتكون كئيبة اوي و تخلي الواحد يعيط :nug: انا قولت اعمل حاجة تدعو للتفاؤل و ملقيتش احسن من الازرق و الاصفر :cry:

او راكبة بس انا اللي دماغي بايظة :drool:
الظاهر كده :chr24:

عبده المهم

12-12-2003, 11:35 PM

يا جماعة انا مش عارف اقولكم ايه الشغل كله رائع بس عايزين نشوف افتكاسات اكتر من كده يا كتاكيت القهوة :D
وتصميمك يا سفاح حلو بس لو ركزت على الجزء اللى تحت هيكون أجمد :clap: :tu:
أنا عارف ان معظم الناس عندها امتحانات وربنا معاكم ويوفقكم

الرحالة

12-13-2003, 12:59 AM

التصميم رووووووووعه ياسفاح .. تسلم الايادي :tu:

بس ملاحظة هكور في محلها ايه رايك تستبدل الطوب بحاجة زي اللي في المرفقات كده

NeMrA_2

12-13-2003, 01:40 AM

السلام عليكم
ما شاء الله يا جماعه انا شايف ان كل اللى فى المنتدى ده عايزين ياخدوا القصر بس
انا على فكره صديق عبده المهم وعامل نفس المسابقه ديه فى منتدى تانى .وانشاء الله هاناخد احسن تصميم فى المنتدى ده واحسن تصميم فى المنتدى التانى ونختار انهى واحد احسن .
بس انا كان ليه ملاحظه على الشعارات :
1-احنا يا جماعه عايزين شعارات مش تصميمات .
2- عايزينزا الوانه هاديه وشكله حلو وبسيط عشان ما يخدش مساحد كبيره من الورقه اللى هايطبع عليها .
3-وعايزين كمان اخر طلب التصميم مايكونش فيه حاجات كتيره عشان لما يصغر حجمه يظهر .
بس هو ده كل اللى انا عايز اقوله .
...................جزالكم اله خيرا.......................:D

الرحالة

12-13-2003, 01:49 AM

جزاك الله كل خير على التوضيح وده رايي برضه واهلا بك في قهوة كتكوت :flowers:

السفاح بتاع كرموز

12-13-2003, 04:41 AM

عم عبده المهم:hat: .. تقصد ايه بالجزء اللي تحت ؟ على العموم انا كنت اقصد ان الجزء اللي تحت العربي هو اللوجو يعني لو عجبكم قوللي و انا اعمله بحجم اكبر من كده :bb:

الرحالة ربنا يكرمك .. انا فعلا جربت موضوع المكعبات و الله بس زهقت و قفلت البرنامج
بس هي فكرتها جميلة طبعا و هحاول تاني ان شاء الله بس يا رب مزهقش :blush):

عمي NeMrA_2 يا باشا طيب كانت فين كل الشروط دي يا عمي بس :sniff:
يلا حصل خير و ياريت الكتاكيت اللي لسه مصمموش يلتزموا بالشروط دي :elec:

يلا يا جماعة الهمة شوية المسابقة قربت تخلص :surrender

NeMrA_2

12-13-2003, 03:32 PM

السلام عليكم
يالا يا جماعه مفيش حد هنا ولا ايهع عايز ياخد الجايزه بتاعه المسابقه ديه

(القصر والحسنات والحسنه بعشر امثالها والله يضاعف لمن يشاء )

الناس اللى فى المنتدى التانى عاملين شغل تمام .احنا عايزينكوا انتم كمان تعملوا شغل احسن عشان نشوف من هيكسب فى الاخر
وانشاء الله يكون واحد من هنا .
وانا على فكره سعيد جدا بالمشاركه معاكم هنا فى المنتدى الجامد
مووووووووووووووووووووووووووووت ده وانشاء الله تدوم المشاركه الحلوه ديه وناكل عيش و ملح مع بعض

................................:وجزالكم الله جميعا خيرا .....................:scooter:

عبده المهم

12-13-2003, 07:38 PM

اسمحولى يا جماعة اتعدى على تخصصكم واعرضلكم لوجو انا عملتة
بس بلله عليكم اللى عنده اى ملحوظة يقولها وكل واحد هنا ليه الحق انه يأخد اللوجو و يغير فية زى ما هو عايز (من غير حقوق طبع)

http://tifa_eng.europe.webmatrixhosting.net/logo1.jpg

http://tifa_eng.europe.webmatrixhosting.net/logo2.jpg

http://tifa_eng.europe.webmatrixhosting.net/logo3.jpg

http://tifa_eng.europe.webmatrixhosting.net/logo4.jpg

http://tifa_eng.europe.webmatrixhosting.net/logo5.jpg

عبده المهم

12-13-2003, 08:13 PM

الأولانى هو اللوجو الأصلى والباقى مجرد أفكار لسه ما كمليتش
للى يحب يطورها
ويلى شدو حيلكى شوية :scooter:

Nour

12-13-2003, 10:57 PM

أخى عبده المهم انا فى فكرتين فى دماغى بدات فيهم شغل وكنت محتاجه شكل بيت
اللى عندك فى اول واحد اسمحلى اخده انا كنت حارسمه رسم بس كده اسهل :nanana:

عشان اخلص اللى عندى

يلا سلام مؤقتا :انجغة:

lamonata

12-14-2003, 01:38 AM

السلام عليكم... ما شاء الله يا جماعه شغلكوا جميل جدا:tu:... بس عندي ملاحظة للسفاح ...بس ياريت من غير زعليوه بقى... أسماء الأماكن لما نكتبها با لإنجليزي ما بتترجمش... يعني بتكتب بنطقها زي ما هي... يعني لما نكتب شارع السلام مثلا ما ينفعش نكتب peace street ... أما كتابة الكلمه فبتهيئلي انها تبقى RAWDET EL-ABRAR
ليه ملاحظه تانيه ... التصميم جميل طبعا... بس لازم يبقى فيه حاجه من موضوع الأيتام عشان الناس يبقى عندها ولو تصور عن الموضوع

أما الأخ هكور أنا معجبه بتصميمه جدا ... بس عندي ملاحظه بردو:shutup: اللون الأسود و الأحمر و درجاته عامل تأثير غريب ... هو جامد شويه ... الشمس حاميه أوي بالنسبه لموضوع الروضه بس البساطه اللي هتسمح فعلا باستخدامه كشعار عاجباني جدا

أتمنى أن ملاحظاتي تفيدكو في عمل حاجه جميلة :)

Nour

12-14-2003, 01:52 AM

يا جماعه الخير أدى اولى محاولاتى

http://www.eqraa.net/i/l1.jpg

واحب اوضح وجه نظرى فيه

اولا المنابر اللى بلون الأسم أختصار اسم البيت وهو روضه الأبرار يعني دول حرفين ( ر & ا )

ثانيا طبعا الاولاد بيلعبوا ويمرحوا

ثالثا البيت وهى الدار

طبعا الالوان والتصميم قابل للتعديل

فى اتتظار تعليقاتكم لحين ما انفذ الفكرة التانيه

تحياتى

Nour

Nour

12-14-2003, 03:29 AM

http://www.eqraa.net/i/l2.jpg

http://www.eqraa.net/i/l3.jpg

بس يارب يكون التعديل للاحسن :blink: :blink:

السفاح بتاع كرموز

12-14-2003, 03:35 AM

كاتب الرسالة الأصلية : lamonata
السلام عليكم... ما شاء الله يا جماعه شغلكوا جميل جدا:tu:... بس عندي ملاحظة للسفاح ...بس ياريت من غير زعليوه بقى... أسماء الأماكن لما نكتبها با لإنجليزي ما بتترجمش... يعني بتكتب بنطقها زي ما هي... يعني لما نكتب شارع السلام مثلا ما ينفعش نكتب peace street ... أما كتابة الكلمه فبتهيئلي انها تبقى RAWDET EL-ABRAR
ليه ملاحظه تانيه ... التصميم جميل طبعا... بس لازم يبقى فيه حاجه من موضوع الأيتام عشان الناس يبقى عندها ولو تصور عن الموضوع

و عليكم السلام يا عم اللمون كله :D
يا باشا قولنا مش بزعل :pirate:
كلامك مظبوط و في محلة يا ريس :D
على العموم انا هعمل ان شاء الله واحد جديد في اسرع وقت :tu:
بس ادعولي عشان الهارد اللي عليه كل حاجة اتحرق :sniff:

Nour

12-14-2003, 03:52 AM

بس ادعولي عشان الهارد اللي عليه كل حاجة اتحرق

كان الله فى عونك ويعوض عليك خيييييير يارب :pray: :pray:

السفاح بتاع كرموز

12-14-2003, 03:55 AM

الاتنين احلى من بعض يا nour :clap:

بسيط و فكرته حلوة اوي :D بس ملاحظة صغيرة اوي اوي اوي :D
حاسس ان راس الولاد جايه شمال شوية :D

بس منتاز :clap:

اخو السفاح بتاع كرموز

12-14-2003, 07:44 AM

السلام عليكم:hat:
شيل عني يابني اللوجو ده :dry:
http://www.7ayah.com/karmooz/rawda.jpg
اللوجو ده بقى يا جماعه اللي هيكسب ان شاء الله :viking:
معلش انا بحس :shifty:
ربنا معاكو بقى :D

عبده المهم

12-14-2003, 08:32 AM

كاتب الرسالة الأصلية : السفاح بتاع كرموز

يلا يا جماعة الهمة شوية المسابقة قربت تخلص :surrender

أهو هو ده الشغل ...............:clap:بس عايزين من الناس اللى لسه بتصمم يسرعو شوية
وما تنشويش النـــــــــــــــــــــــــــــــــية

وبعدين تعالوا هنا هولية ماحدش رد على تصميمى وقال انه وحش:dry:
ياجدعان ده أول تصميم لية هنا
طب شجعونى من ورايا
ولعلمكم بقى انا حاسس ان التصميم ده هو اللى هايكسب وانا ظنى عمره ما خيبنى

السفاح بتاع كرموز

12-14-2003, 12:14 PM

يا عم عبده يا مهم اعذرنا :closeeye: من كتر ما التصميم ماهو مبهر مش قادر اعلق عليه :D

لأ بجد يا عمي بص .. :D
الفكرة عجباني اوي و الله و مكنتش واخد بالي من ورقة الشجر اللي في نص البيت لولا بس قعدت اركز شوية :huh:
بس كلمة لرعاية الأيتام عايزة تتوسطن :confused: خليها في النص شوية لو تقدر ^_^
و الألوان تتظبط بعد كده مش مشكلة :clap:

و بعدين هو كل واحد حاسس ان تصميمه هيكسب ولا ايه ؟ :crazyy::crazyy:

تصميم بسام جميل بس حاسس انه كئيب شوية ؟ :confused: ممكن برضو تكون مشكلة الوان :D

كده فاضل شوية كتاكيت قالوا جايين و محدش جه زي الرحالة و كابتشينو :closeeye:

ربنا يكرمك يا نور و ان شاء الله و يارب يطلع فايرس بس :cry:

TOMYBOY

12-14-2003, 12:44 PM

:wink:

اسمحولى انا عملت حاجة متواضعة كدة ويا رب تعجبكم :)
وانا بشتغل دلوقتى فى التانيه ..

http://desperato.jeeran.com/tyson/rawda.jpg

:flowers:

:wink:

lamonata

12-14-2003, 05:14 PM

السلام عليكم.... ربنا معاك يا سفاح... :pray:
الأخت نور ....أنا شايفه:blink: ان التصميم جميل ما شاء الله بس بتهيئلي ان لو عملت مزج بين أول واحد و تالت واحد هيطلع حاجه جميله خالص ...يعني تاخدي الأبواب أو المئا>ن (الاتنين اللي جمب بعض) و تستبدلي اللي تحت بيهم... شكلهم بيضفي روح الأبرار أكثر من الأسهم...وشيلي بردو المئ>نه اللي على شكل ألف... استخدام اللون الأخضر في محله عشان كلمة الروضه ... وفكرة الحروف اللي شابكه في البيت من تحت حلوه بردو

الأخ عبده:thinky: تصميمك جميل متكامل تقريبا و بسيط ... عشان كده ماحتجش تعليق... مافيش غير انك تفتكس حاجه أجمل

Nour

12-14-2003, 10:01 PM

وانا بعمل بحث عن الموضوع على النت لقيت اتنين حلوين ممكن حد يتبنى فكره منهم ويكمل عليها

الصور اهى
http://www.emory.edu/PEDS/ENDO/orphan/images/ecc_logo.gif

http://www.ngs.org.uk/graphics/orphan_logo.gif

Nour

12-14-2003, 10:03 PM

عبده باشا تسلم الايادي طبعا تصميمك حلو :flowers:

السفاح بتاع كرموز

12-15-2003, 03:10 PM

تنويــــــــــــــــــه عااااااااااااااااااااااااااااااام :pirate:

اخر يوم للمسابقة يا جماعة يوم الخميس الجاي :doc: عشان الجماعة المسئولين في الجمعية يشوفو اللوجوهات كلها و يختاروا منهم واحد في الاجتماع بتاعهم يوم الجمعة يعني :D
يعني فاضل اربع ايام تقريبا حسب توقيت القاهرة :D
3 ايام حسب توقيت موسكووو :hot:
6 ايام حسب توقيت بغداد :sniff:

ربنا يوفقكم يا جماعة و اي حد عنده افكار يعملها بسرعة مفيش وقت :pirate:

هكور

12-15-2003, 08:12 PM

لوجو في السريع كده بس مش عارف حاسس ان ناقصه حاجة لو حد عايز يكمل عليه يتفضل بسرعة بس علشان نلحق نقدم حاجة كويسة :flowers:

http://hakkorno0.jeeran.com/الروضة.gif

.0البرد0.

12-16-2003, 03:04 AM

ممكن سوال؟؟؟؟؟؟؟؟؟؟؟؟؟؟؟؟؟؟؟؟؟؟
متى تنتهي هذي المسابقه ممكن اعرف؟؟؟؟؟؟
وشكرا

السفاح بتاع كرموز

12-16-2003, 04:10 AM

كاتب الرسالة الأصلية : .0البرد0.
ممكن سوال؟؟؟؟؟؟؟؟؟؟؟؟؟؟؟؟؟؟؟؟؟؟
متى تنتهي هذي المسابقه ممكن اعرف؟؟؟؟؟؟
وشكرا

الخميس :D

السفاح بتاع كرموز

12-16-2003, 04:27 AM

عمي ابو الهكاكير الجامد اوي اوي :clap:
جميل طحن و شديد فرتكة :D
بص يا عم هو محتاج مثلا البتاعة بتاعة الدخان دي فوق البيت و ممكن مثلا ورد صغير بشكل كارتوني كده على الخضرة او شجرة مثلا :thinky:
او اي حاجة مزهزهة كده :D
كيس برسيل مثلا :brb:

:tu:

عبده المهم

12-16-2003, 04:17 PM

ده شعار عملته على السريع ايه تعليكم عليه

http://tifa_eng.europe.webmatrixhosting.net/logo.jpg

عبده المهم

12-16-2003, 04:22 PM

معلش ما خدش بالى من الsize :blush):
ده واحد صغير من اللى فوق
وتعديل صغير على اللوجو اللى فات عايز رأيكم :confused:

http://tifa_eng.europe.webmatrixhosting.net/logosmall.jpg

http://tifa_eng.europe.webmatrixhosting.net/logo11.jpg

السفاح بتاع كرموز

12-16-2003, 04:57 PM

تصميم فيه فكرة برضو يا عبده :rolleyes:

و شكلك تعبت فيه اوي :closeeye:

ابقى خده معاك يوم الجمعة :D
و التعديل جميل بس مش باين خالص عشان الكتابة سودا و خلفيتها زيتي غامق -_-

TOMYBOY

12-16-2003, 06:04 PM

:thinky:

وده اللوجو اللى وعتكم انى حعمله :bb:

http://desperato.jeeran.com/tyson/r4.jpg

وده واحد تانى باشكال مختلفة

http://desperato.jeeran.com/tyson/r2.jpg

http://desperato.jeeran.com/tyson/r3.jpg

http://desperato.jeeran.com/tyson/r5.jpg

:D

:flowers:

فانتاستيك

12-16-2003, 07:02 PM

السلام عليكم:rolleyes:

ماشاء الله تصميمات غايه فى الروعه:clap:
تسلم ايديكوا يا كتاكيتيوه بقى

فانتاستيك..:)

فانتاستيك

12-16-2003, 08:21 PM

معلش ياجماعه:inlove:

ده لوجو عملته..على قدى كدهيوه بقى...سامحونى..اصلى لسه جرفوكه صغيره:drop2::sniff:
طبعا ميجيش حاجه جنب اللوجوهات الروعه دى:rolleyes:

http://namora2003.jeeran.com/الابرار.JPG

عبده المهم

12-16-2003, 11:05 PM

كاتب الرسالة الأصلية : فانتاستيك
معلش ياجماعه:inlove:

ده لوجو عملته..على قدى كدهيوه بقى...سامحونى..اصلى لسه جرفوكه صغيره:drop2::sniff:
طبعا ميجيش حاجه جنب اللوجوهات الروعه دى:rolleyes:

http://namora2003.jeeran.com/الابرار.JPG

هو ده كده على قديك طيب :blink:

بس انا عندى ملاحظتين على اللوجو الرائع ده( بجد ) :flowers:
1. انا فهمت اللى ورا الطفلين انها ايد طفل لو كده صح تبئى نائصة صباع :blush):
2 . الوشوش بتاعت الأطفال مش عارف ..... :confused:

غير كده الفكرة رائعة
ولسة مستنين منك تانى
وأدى قاعدة ............................. :-"

فانتاستيك

12-16-2003, 11:27 PM

كاتب الرسالة الأصلية : عبده المهم
هو ده كده على قديك طيب :blink:

بس انا عندى ملاحظتين على اللوجو الرائع ده( بجد ) :flowers:
1. انا فهمت اللى ورا الطفلين انها ايد طفل لو كده صح تبئى نائصة صباع :blush):
2 . الوشوش بتاعت الأطفال مش عارف ..... :confused:

غير كده الفكرة رائعة
ولسة مستنين منك تانى
وأدى قاعدة ............................. :-"

اخى عبده المهم:police:

شكرا على رأيك فى اللوجويوه بقى

بس..اللى ورا دهه مش ايد...:D....دى شمس
بالنسبه للوشوش بتااعت الاطفال.......:sniff:مالها؟؟:cry::cry::cry::cry:
لو فى اى تعديل انا مستعده اعمله

اختك فانتاستيك:luck:

DESIGN|STUDIO

12-16-2003, 11:27 PM

على فكره عبدو بيه المهم عارف فانتاستيك عندها كام سنه ؟ عندها 10 سنين على ما سمعت.

ماشاء الله اما تطلع منها فكره زى كده يبقا كمان كام سنه مش هنعرف نكلمها
هيه ماشاء الله دماغها شغاله و بتفكر كويس المسأله معاها مسأله وقت مش اكتر بس كدا كدا اتوقع انها تبقى كويسه جدا فى المجال بتاعنا

بس بنصحها انها تتفرج كتييير قوى على قد ما تقدر الذوق العام للفرد بيعلى من كتر ما بيشوف حاجات حلوة و افكار كويسه و مع الوقت هتلاقى انك بتطورى الافكار اللى بتشوفيها و نفس الافكار دى تبدأ تطلعلك افكار جديده
لكن + الفرجعه على التصميمات عايزك تقرى كتير عن المجال دا و لو فى حد اكبر منك شويه ياخد بيدك و يساعدك مثلا فى ترجمه بعض الدروس اللى موجوده فى هلب البرنامج يبقى اجمل و اجمل
و بالتوفيق يا فانتاستيك :)
و ايه رأيك بقى يا فانتاستيك انى هاخد فكرت و اطورهالك و احطها هنا و اللى هحطو هيبقى من حق فانتاستيك عشان انا هنفذ فكرتها :)
انضرونا (على رأى اللبنانيين):D

DESIGN|STUDIO

12-17-2003, 12:58 AM

يالا يا فانتاستيك اول ملفين لتطوير فكرتك
فكرتك مقسمه لقسمين الاطفال و الشمس و هنا انا فصلت منهم فكره
و هيه الشمس و فاضل الطفلين لو لقيت وقت تانى ابقى اعمل اتنين كمان :)

http://www.elbaha.com/IMG/1.gif

http://www.elbaha.com/IMG/2.gif

و دى ملفات ال eps عشان لو عزتها
حمل الملف (http://www.elbaha.com/IMG/eps.zip)

بالتوفيق للجميع :)
بالمناسبه عندى برضو السيستم ضرب تانى بسبب كتر الخطوط و مش قارى غير خطوط السيستم فأبقى غير الخطوط على مزاجك لغايه اما اغير السيستم

و المعلومات اللى هقولها لاختنا الصغيره فانتاستيك مخصوص

مهما كان اللوجو معقد او بسيط الشكل المفروض ما نتطلعش عن 3 لون ويعتر لو وصلنا لل 3 لون اننا كده فى مرحله الخطر
يعنى اللوجو ممكن يبوز فيستحسن لو كان 2 لون و ياسلام لو واحد لون

و عادة المصممين بتصمم اللوجو واحد لون لغايه اما يتعرف شكلو من قبل الناس بعد كده بقى يعملو بوستر
يحولو 3 دى و يحط فيه مليون لون عادى بقى
المهم اللوجو الاولانى ما يعديش 3 الوان و بالتوفيق يافانتاستيك :)

عبده المهم

12-17-2003, 02:10 AM

انا أسف جدا جدا انا ما كانش قصدى كده والله :cry: :cry: :cry: :cry: :cry:

والله العظيم انا كنت معجب بالفكرة جدا بس كل اللى حصل انى كنت عايز افهم حبت حاجات بسس علشان أقدر أبدى تعليقى و انا فاهم

وتانى مرة أنا أسف

وبعدين كده يا فانتاستيك خليتى المواهب تطلع B)
وهانخسر فى المسابقة :hat:
يارب استر وتيجى على أد كده

وده لأختنا فانتاستيك مخصوووووووووووووووووووووووووووص
:flowers: :flowers: :flowers: :flowers: :flowers:

عبده المهم

12-17-2003, 03:04 AM

وبعدين ده لوجو برده على فكرة أختنا فانتاستيك
علشان تعرفوا انى كان قصدى خير

http://tifa_eng.europe.webmatrixhosting.net/logo222.jpg

وأعرف ايه رأيكو ؟ وخصوصا فانتاستيك؟؟؟؟

السفاح بتاع كرموز

12-17-2003, 04:23 AM

عمي عبده عمي عبده
http://tifa_eng.europe.webmatrixhosting.net/logo222.jpg
رااااااااااااائع و ممتاز و عجبني جدا بس مكتوب لرعلية الايتام بدل رعاية الأيتام

:knight:

فانتاستيك

12-17-2003, 12:10 PM

السلام عليكم ورحمة الله

أخى DESIGN STUDIO
اخى عبده المهم...

بجد انا مش عارفه اشكركوا ازاىيوه بقى
بس.....يوه بقى
انا فكرتى انها رسمه لطفل عشان كده اخترت خط ايد:blush):

مره تانيه شكراًيوه بقىيوه بقى...بجد جمايلكوا مغرقانى:flowers::flowers::flowers::flowers:

فانتاستيك

12-17-2003, 01:31 PM

احميوه بقى

ده تصميم تانىيوه بقى

وعلى فكره:D.....انا اللى قاصده اعمله فرى هاند عشان يبان رسمه طفل:blush):
http://3ez.net/up1/roda.JPG

عبده المهم

12-17-2003, 01:47 PM

أدى يا سيدى اللوجو متصلح
http://tifa_eng.europe.webmatrixhosting.net/logo222.jpg

أنا كان عندى رجاء عندى صاحبنا السفاح ياريت لو نقدر نعمله
عايزين نعمل موضوع خاص ونسمية مثلا

تعارف x تعارف
وكل واحد يعرف نفسه فيه

وحتى نخلية فوق بجوار الدروس بحيث كل واحد جديد يشترك يعرف بقيت أصحابه

وكمامن علشان ميحصلش التخبيت ده تانى :blush):

ولا ايـــــــــــــــــــــــــــــــــــــــــــــــه ؟؟؟

السفاح بتاع كرموز

12-18-2003, 03:37 AM

و الله يا فانتاستيك حاسس ان ليكي مستقبل جامد جدا جدا جدا :surrender:surrender:surrender
ما شاء الله ما شاء الله :closeeye::closeeye:
اللوجو رائع و خده معاك يابني يوم الجمعة :chr24:

فكرتك يا عبده حلوة خالص بس عايز توضيح اكتر بعد اذن معاليكم في رسالة خاصة عشان بحب الخس :D

ملحوظة ....

بكره الخميس

:euro:

lamonata

12-18-2003, 05:11 AM

أنا مش لاحقه أخلص:cry:

السفاح بتاع كرموز

12-18-2003, 06:03 AM

كاتب الرسالة الأصلية : lamonata
أنا مش لاحقه أخلص:cry:

لالا ان شاء الله هتلحقي :surrender ده لوجو :huh:

lamonata

12-18-2003, 11:45 PM

http://www.geocities.com/rose000_eg/rawda.tif
السلام عليكم:rolleyes:... ده اللوجو بتاعي... لو سمحتوا يا جماعه يهمني رأيكو أوي عشان أنا أول مره أشارك في القهوه ...أختي قالتلي ان لون النخله فظيع... بس حسيت ان اللون الغامق هيعمل جو كئيب... انتو ايه رأيكو؟؟

أنا استخدمت كورل... بس غلبني عشان العربي و عشان الوضوح بتاع الصوره... :crazyy:

و آخر الكلام... السلام

عبده المهم

12-19-2003, 02:35 AM

شكرا أوى يا جماعة
أنا مش عارف أشكركم قد ايه كل اللى أقدر أقولهولكم هو

جزالكم الله خيرا

والثواب والأجر ليس من عندى ولكنة من عند الله
وذلك لك من شارك معنا برسمة أو بفكرة أو بتعليق أو حتى بنية

ولاتنسوا قول الحبيب
"أما وكافل اليتيم كهاتين "

وتقبل الله منا ومنكم

وان شاء الله أستنا أن وانتوا انعقاد اللجنة السرية اللى قال عليها السفاح علشان يختاروا أحسن لوجو واللى هيفوز ان شاء الله بالقصر الكبير فى الجنة
والفائز الثانى هيفوز بقصر برضه بس صغير شوية :D

واللى القاء فى مسابقات أخرى

والسلام ختام