ليه بتحتفلوا بعيد الميلاد!

[أبوعبدالرحمن]

<span style='font-family:tahoma'><span style='color:blue'>


السؤال:


ما حكم الاحتفال بمرور سنة أو سنتين مثلاً أو أكثر أو أقل من السنين لولادة الشخص وهو ما يسمى بعيد الميلاد ؟ أو إطفاء الشمعة . وما حكم حضور ولائم هذه الاحتفالات ، وهل إذا دعي الشخص إليها يجيب الدعوة أم لا ؟ أفيدونا أثابكم الله .

الجواب:

الحمد لله
قد دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها . وقد قال الله سبحانه وتعالى: ( أم لهم شركاء شرعوا لهم من الدين ما لم يأذن به الله ) وقال سبحانه : ( ثم جعلناك على شريعة من الأمر فاتبعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .
وقال سبحانه : ( اتبعوا ما أنزل إليكم من ربكم ولا تتبعوا من دونه أولياء قليلاً ما تذكرون ) .
وصح عن رسول الله صلى الله عليه وسلم ، أنه قال : ( من عمل عملاً ليس عليه أمرنا فهو رد ) أخرجه مسلم في صحيحه . وقال عليه الصلاة والسلام : ( خير الحديث كتاب الله وخير الهدي هدي محمد صلى الله عليه وسلم ، و شر الأمور محدثاتها وكل بدعة ضلالة ) . والأحاديث في هذا المعنى كثيرة.
ثم إن هذه الاحتفالات مع كونها بدعة منكرة لا أصل لها في الشرع هي مع ذلك فيها تشبه باليهود والنصارى في احتفالهم بالموالد . وقد قال عليه الصلاة والسلام محذراً من سنتهم وطريقتهم : " لتتبعن سنة من كان قبلكم حذو القذة بالقذة حتى لو دخلوا حجر ضب لدخلتموه : قالوا يا رسول الله : اليهود و النصارى ؟ .. قال : فمن ) أخرجاه في الصحيحين . ومعنى قوله " فمن" أي هم المعنيون بهذا الكلام وقال صلى الله عليه وسلم : "من تشبه بقوم فهو منهم "


(فتاوى إسلامية 1/115) (www.islam-qa.com)

http://63.175.194.25/index.php?ln=ara&ds=q...e&QR=1027&dgn=3 (http://63.175.194.25/index.php?ln=ara&ds=qa&lv=browse&QR=1027&dgn=3)


=======

استطعت أن أعرف أن أمي وهي غير مسلمة تخطط أن تُقيم لي حفلة مفاجئة في تاريخ ميلادي . ما الحكم في هذا ؟ إن لم يكن جائزا فكيف لا أسيء لأمي (عند الرفض) ؟.

الجواب:

الحمد لله
أولاً :

أما بالنسبة لهذا العيد الذي يسميه الناس ( عيد الميلاد ) فقد أفتى فيه الشيخ ابن عثيمين رحمه الله تعالى فقال :

كل شيء يُتخذ عيداً يتكرر كل أسبوع ، أو كل عام وليس مشروعاً ؛ فهو من البدع ، والدليل على ذلك : أن الشارع جعل للمولود العقيقة ، ولم يجعل شيئاً بعد ذلك ، واتخاذهم هذه الأعياد تكرر كل أسبوع أو كل عام معناه أنهم شبهوها بالأعياد الإسلامية ، وهذا حرام لا يجوز ، وليس في الإسلام شيء من الأعياد إلا الأعياد الشرعية الثلاثة ، عيد الفطر ، وعيد الأضحى ، وعيد الأسبوع ، وهو يوم الجمعة .

وليس هذا من باب العادات لأنه يتكرر ، ولهذا لما قدم النبي صلى الله عليه وسلم فوجد للأنصار عيدين يحتفلون يهما قال ( إن الله أبدلكم بخير منهما : عيد الأضحى وعيد الفطر) رواه النسائي 1556 وأبو داود 1134 وصححه الألباني في سلسة الأحاديث الصحيحة برقم 124 ، مع أن هذا من الأمور العادية عندهم . انتهى نقلاً من شرح كتاب التوحيد 1/382 ، انظر السؤال رقم (1027) .

ثانياً :

أما كيف تتصرفين مع أمك فالذي أرى أن تصارحيها بحقيقة الأمر ، وتعرفيها أن هذا العمل لا يأذن به الله تبارك وتعالى ، وأن دين الإسلام يمنع منه ، وإذا كان كذلك فأنت لا يمكنك أن تقدمي عليه ، وقولي لها لولا أن الله لم يأذن فيه لكنت مسرورة فيه شاكرة لك ، ولكن الأمر ليس إليّ ولا إلى أحد البتة وإنما هو إلى الله الذي يقضي ونحن –المسلمين- علينا أن نسلم ولا يجوز لنا أن نناقش في ذلك طالما هو أمر الله العليم الحكيم سبحانه .

أبلغيها كل ذلك بأحسن الأساليب وأرق الطرق ، فإن اقتنعت وقدّرت ذلك فالحمد لله ، وإلا فاحرصي على أن تكوني خارج البيت وقت هذا الاحتفال حتى لا يضايقك أحد بطلب المشاركة أو تضعف نفسك ولا شيء عليك فيما تقوم به أمك ، ورضى الله فوق رضى كل مخلوق ، وتأكدي أن أمك إن رفضت هذا الأمر بشدة اليوم فلعل الله أن يُرضيها عنك في المستقبل بإذن الله تعالى .



الإسلام سؤال وجواب (www.islam-qa.com)

http://63.175.194.25/index.php?ln=ara&ds=q...&QR=26804&dgn=3 (http://63.175.194.25/index.php?ln=ara&ds=qa&lv=browse&QR=26804&dgn=3)


======


وجزاكم الله خيرا

</span> </span>

[وائل]

من المعلوم انه لا يجوز لمسلم الاحتفال بعيد الميلاد
واقامة الحفلات
وايقاد الشموع

هذه فى الأصل بدع الكفار فى الغرب
وتم نقلها ضمن ما تم نقله من عادات هناك لا اصل لها فى الدين
بل وأحيانا تعارض الدين

عندما قال النبى صلى الله عليه وسلم
هذا يوم ولدت فيه
وقصد به يوم الاثنين
لم يكن نوعا من الاحتفال
وهل نحن الان نحتفل بعيد الميلاد بأن نصوم فيه؟
:D :D :D

وعندما نسمع هذا الكلام من النبى ونريد ان نقتدى به فنصوم مثله يوم الاثنين
لا ان نخترع
ونقيم الحفلات
وندعو الاصدقاء
ونتبادل التهانى

فلم نسمع ان الصحابة كانوا يتجمعون عند الرسول صلى الله عليه وسلم كل اثنين ليهنئوه على يوم ميلاده
ولم نعرف ان الصحابة كانوا يحتفلون بالمولد النبوى الذى هو الاخر بدعة نعانى منها حتى الآن
ياللا بالمرة :D

ولم يأتى احد من الخلفاء الراشدين واحتفل بيوم ميلاده وقال هذا عيد ميلادى تعالوا نحتفل به

طبعا كل الناس دلوقتى بتجهز الردود واللى هايقول العصر اختلف

طيب
هل شيوخنا الافاضل الذين ننقل منهم يحتفلون بأعياد ميلادهم؟
الشيخ الألبانى
والشيخ القرضاوى
والشيخ ابن عثيمين
والشيخ ابن باز؟

ولا احنا لازم نستميت فى الدفاع عن الخطأ وخلاص

اعتذر عن قوة الرد
ولكننى واجهت ردودا كثيرة عند مناقشتى لهذا الامر مع الكثيرين
ومن خلال منديات ايضا

وبعض هذه الردود كنت اقولها زمان لما كنت لا اتبين الحقيقة وانا فى عمر صغير :D

تحياتى لأخى الحبيب عبقرينو
وجزاه الله خيرا عنا

وبطلى عصبية يانفرتارى
وراجعى الامر فى دماغك قليلا هتلاقى فعلا الكلام منطقى

[أبوعبدالرحمن]

<span style='font-family:tahoma'><span style='color:blue'>
نفرتاري
اتخنقت من إيه؟
مني ولا من الفتوي؟
ممكن تحددي :D
وخدتي حبة الهوا ولا لسّه :rolleyes:

الزحنون
الله المستعان

مجاهد
أنا عارف انك مش قصدك حاجه
بس أنا هقول لك كلمتين بصراحة ومفناش من زعل :D
يعني مثلا هتجيب رايك ولاّ رأيي لرأي المشايخ
وبصراحة يكفي اسم الشيخ ابن عثيمين رحمه الله
وأنا عايز أديك مثال لتقريب المسألة
دلوقتي لو جاني مريض بألم في بطنه وقررت ان عنده الزايدة ولازم له عملية دلوقتي
يقدر هو أو حد من أهله يرفض ويقول لأ دا مفهوش حاجه مش هنعمل العملية " ممكن واحد مش بيفهم يعمل كده وهو هيتحمل النتائج"
مقدرش حتى أجيب دكتور تخصص تاني يعمل العملية بتاع الباطنية هيودي المريض في داهية :D لازم دكتور جراحة
يعني التخصص مهم
يقوم لما الكلام أعلاه يصدر من متخصصين احنا منقدرش نفتح بقنا إلاّ لو كان بين متخصصين بعضهم البعض وده يعتمد على العلماء المعروفين الثقة
إن شاء الله تكون وجه نظري وصلت


سوزي
طيب

وائل
جزاك الله خيرا
كفيت ووفيت :)
وحكاية الصيام، هذه سنة سنها النبي ونحن نتّبع لا نبتدع
وكل خيرٍ في اتباع من سلف - وكل شرٍ في ابتداع من خلف

مجاهد
يا أخي ردك الأخير ملهوش لازمه وفيه حساية زايده عن اللزوم
هو ميقصدش حاجه خالص
ومتزعلش منّا دحنا اخوان
وعايز أشوف في ردك الجاي ابتسامة عريضة كده :D
</span> </span>

[نفرتارى]

ايه يا دوك الكلام ده؟؟؟ عمليه الزايده؟؟؟

لم نسمع عن ان حد من الصحابه عملها و 0000

بدعه برضه؟؟؟

يا عم استفتى قلبك و لو افتوك00

المهم احنا بنعمل ايه فى اليوم ده؟؟ ايه مظاهر احتفالنا؟؟ لو كان بطاعه و خير و سعاده00

يبقى خلاص00و لا الشعور بالسعاده بدعه؟؟؟؟

لسه مخدتش اكسجين كفايه00لما ارجع هرد تانى00

[أبوعبدالرحمن]

<span style='font-family:tahoma'><span style='color:blue'>
نفرمفتري
دنتي غلباوية بشكل!
على فكرة انت شكلك تايب إيه وعصبية أوي!
أنا بأه تايب بي ونفسي طويل :D

على فكرة أيام الرسول صلى الله عليه وسلم كانوا بيتعالجوا، وكان فيه كي وحجامة وتطور العلاج للعمليات الجراحية مش بدعة "العبي غيرها :tng: "

حديث استفت قلبك "مش استفتي :tng: "
‏عن ‏ ‏وابصة بن معبد الأسدي ‏قال ‏ ‏أتيت رسول الله ‏ ‏صلى الله عليه وسلم ‏ ‏وأنا أريد أن لا أدع شيئا من البر والإثم إلا سألته عنه وحوله ‏ ‏عصابة ‏ ‏من المسلمين يستفتونه فجعلت ‏ ‏أتخطاهم قالوا إليك يا ‏ ‏وابصة ‏ ‏عن رسول الله ‏ ‏صلى الله عليه وسلم ‏ ‏قلت دعوني فأدنو منه فإنه أحب الناس إلي أن أدنو منه قال دعوا ‏ ‏وابصة ‏ ‏ادن يا ‏ ‏وابصة ‏ ‏مرتين ‏ ‏أو ثلاثا ‏ ‏قال فدنوت منه حتى قعدت بين يديه فقال يا ‏ ‏وابصة ‏ ‏أخبرك أو تسألني قلت لا بل أخبرني فقال جئت تسألني عن البر والإثم فقال نعم فجمع ‏ ‏أنامله ‏ ‏فجعل ‏ ‏ينكت ‏ ‏بهن في صدري ويقول يا ‏ ‏وابصة ‏‏ استفت ‏‏ قلبك ‏ ‏واستفت ‏ ‏نفسك ثلاث مرات ‏ ‏البر ما اطمأنت إليه النفس والإثم ما ‏ ‏حاك ‏ ‏في النفس وتردد في الصدر وإن أفتاك الناس وأفتوك
ورد في مسند أحمد وقريب منه في سنن الترمذي
هذا في حالة عدم وجود حكم أو دليل شرعي قاطع
"وليس المراد بقوله: ((وإن أفتوك)) أي: إن نقلوا إليك الحكم الشرعي فاتركه وانظر ما يفتيك به قلبك؛ فإن هذا باطل، وتقوُّل على التشريع الحق، "
قلبي إلى ماضرني داعي - يكثر أسقامي وأوجاعي
كيف احترازي من عدوي إذا - كان عدوي بين أضلاعي

لمزيد من الفائدة
http://www.dorar.net/htmls/titles.asp?sect...d=35&book_id=10 (http://www.dorar.net/htmls/titles.asp?section_id=35&book_id=10)







الاوكسجين عايزاه ماسك ولا حقن :D
</span> </span>

[نفرتارى]

خلاص دلوقتى هخلع القناع -بتاع الاكسجين -و اتكلم00

يا جماعه اولا لو قصدكو عيد الميلاد الى هوا الكريسماس يبقى صح منحتفلش بيه00

اما لو قصدكو عيد ميلاد كل واحد فينا لا معلش00انا مش عارفه عبقر بيجيب الفتاوى دى منين صراحه00يعنى كلام جميل كلام معقول بس مين لجنه الفتوى ديه؟؟؟ يعنى هل هيا دى الى كلامها ماشى على كل الدول الاسلاميه؟؟ مجمع بحوث و فتاوى يعنى؟؟؟

و برضه انا مصره على استفت قلبك و لو افتوك لانها مش بدعه00زى ما قال الرسول عليه الصلاه و السلام كان بيصوم يوم الاثنين00جايز انا بحتفل بعيد ميلادى بقيام ليل او صدقه00طاعه و قرب من الله00ايه المشكله؟؟

التورته -حاجه حلوه-و الشمع و ماله؟؟؟ يعنى لو مناسبه بتتجمع فيها الاسره و يكون بسببها اضفاء روح سعاده و مرح على الموجودين ايه الحرام فى كده؟؟؟ ايه الحرام فى ان الى حواليا يقولولى احنا فاكرينك و يوم ميلادك ده يوم خاص و يستاهل الاحتفال؟؟؟ مش صواريخ فى الجو و نظام اعلانات فى الجرايد لكن مسج او مكالمه تليفون تعرفك ان فى ناس بتحبك و فاكراك فى اليوم ده00

لا اكل التورته حرام و لا نفخ الشمع حرام00بلاش الكلام ده من فضلكو00انا حقيقى بحس بالحزن00ايه الهيافه ديه؟؟؟ -مش قصدى علي حد- انا قصدى لو ده تفكيرنا00الساعه فى اليمين و لا الشمال00نقعد على سفره و لا ع الارض00نحتفل باعياد ميلادنا و لا لا00رنات الموبايل حلال و لا لا00ايه ده ؟؟؟فين الامور الفقهيه الى بجد؟؟؟ معقول فى شيوخ بيجتمعوا عشان كده؟؟؟

شوفوا انا من ساعه متولدت و انا كل سنه بحتفل بعيد ميلادى00منكرش ان زمان مكنش بيبقى صح لاننا كنا بنقضيها ميوزيك و تهييص و فى سنه اصلا جبنا بيانيست و نظام سلو اند اولد سونجز -و ده طبعا كان اقتراح خالتى-المهم لكن من كذا سنه كانت بتبقى لقاءات مع صديقاتى و قضاء وقت سوا سعيد 00وو نتكلم كلام كويس و بناء00و ناكل تورته و نطفى الشمع00و نغنى اى سو يو ات ذا زو00ايه يعنى؟؟

لو فى حد من صحباتى او العيله نسيت اهنيه يوم عيد ميلاده بتبقى زعلايه و شغلانه00يعنى بجد الناس مستنيه اليوم ده عشان تقول لهم بحبكو و انتو دايما على بالى00امتى تانى يتاح لك الفرصه ديه؟؟ انا ليا صحاب من المدرسه ممكن منكلمش بعض غير فى عيد الفطر و الاضحى و اعياد ميلادنا و راس السنه-نسيبنا من ديه عارفه انها غلط- المهم ان بتاع 5 مكالمات بس بجد انا ببقى سعيده اكتر يوم عيد ميلادى00اصل العيد ما كل الناس عارفه ان ده عيد لكن يوم عيد ميلادى مناسبه خاصه بيا و اكيد الى فاكرنى ابقى انا ف باله حتى لو مش على اتصال00

معنى الاحتفال بعيد ميلادنا ده معنى جميل و فيه حب و تاخى00و مظنش ان المعانى ديه فيها حاجه حرام000

قولوا انكو عاوزين توفروا تمن التورته00و بعدين يا سيدى يا دوك يا بتاع تايب ايه و بى00لا مذاكر كومينيتى00ريسك فاكتورز للكوروناريز00

[وائل]

لا لا لا يانفرتارى
اسمحيلى بالرد عليكى

اصل اساسا انا باعتبر انا وعبقرينو واحد
وتعالى هنا بس مافيناش من زعل من أولها

أولا
ايه كلمة
ايه الهيافة دى
لا لا من فضلك اسحبيها ولا تصح ان تقال ابدا ونحن نناقش امر دينيا ورأى الدين فى مسألة ما
أولا الإسلام عندما جاء اهتم بكل أمر من أوامر الحياة
صغيره وكبيره
الظاهر والباطن
المظهر والجوهر

ولم يغفل شئ على حساب الآخر

وعرف عن المسلم الحق انه فى كل أمر من أمور حياته يرجع إلى مرجعيته الأبدية
إلى دينه
هل هذا العمل يتفق ودينه أم لا

وليس من حق اى مفتى فى العالم اذا سئل فى مسألة ان يقول مثلا لا
هذه مسألة تافهة ليس للدين راى فيها

بل بالعكس يجب ان يقول رأى الدين


والقول بأتن هذا شئ تافه لا يجب ان تبحثه لجان الفتوى
هو امر لا يمكن الاخذ به

وإلا بقى العملية ستفتح مدخلا لكثير من الامور فى نظر الانسان تافهة
ولكن للاسلام رأى فيها
ممكن نلاقى واحد يقول
المولد النبوى
أعياد الميلاد
الصنادل للنساء
دبلة الزواج عموما والذهب خصوصا للرجال
الاهتمام باللغة العربية فى كلامنا
الخروج فى البلكونات للمحجبات بس من غير حجاب

كل هذه امثلة
وكلها ممكن القول عليها مسائل بسيطة

يعنى ياعم فوت

الدين مافيهوش ياعم فوّت

هذا ردى فقط على جملتلك ايه الهيافة ديه

صراحة كلمة لا تخرج من واحدة مثلا يانفرتارى

بجد كلمة صدمتنى
ورجاء تسحبيها
وعلى الاقل مايصحش نناقشك فى موضوع وتكون دى احد المصطلحات المستخدمة فى النقاش
هاتقولى انك ذكرتى انك ماتقصديش حد
انتى بتقولى ان لو كان تفكيرنا كده
طيب احنا ياستى تفكيرنا كده
مش معقول هتصرى على الكلمة دى


أما الرد على باقى كلامك
جاى فى السكة ان شاء الله

[نفرتارى]

انا اسفه انا مكنش قصدى انى اقول هيافه على الفتوى او العلماء 00و اكيد الاشخاص و الاخوه الاعزاء الى بيتناقشوا فى هذا الموضوع00

انا اقصد انه موضوع يعنى ميستاهلش 00بصراحه اكتر شايفه ان الموضوع نفسه ميستاهلش يطرح كموضوع لاصدار فتاوى00

اصل ده common sense

يعنى قول لى ايه مظاهر احتفالك باليوم ده اقول لك حرام و لا حلال مش نعمم كده و خلاص!!!!

بس ارجو انى مكنش اسات لحد

اسفه مره تانيه

[وائل]

جزاكم الله خيرا يانفرتارى

كما العهد بكِ دائما

ردك الأخير فعلا ما هو إلا ترجمة لمعرفتى بشخصيتك من خلال كتاباتك

المهم نرجع لموضوعنا استلمى بقى :) 3 أجزاء

مقدمة
لقد جاء الإسلام ليعلم البشرية كلها
لكى ينقلوا منه

وبالتالى فالمسلمون كلهم معنيون بنقل الاسلام لباقى الأمم
لا أن ينقلوا من باقى الأمم

طبعا البعض سيقول جاء لينقل القيم والأخلاق
نعم

جاء لينقل كل قيمه ومظاهره لباقى الأمم
هذه هى أمة الإسلام كما أرادها الله ورسوله

وإلا فبم نفسر قول الرسول خالفوا المشركين
وخالفوا اليهود
فى أكثر من موضع ودائما كان يتبع هذا الأمر الواضح بمخالفتهم
بأن يأمرنا بشئ من المظاهر
كاعفاء اللحى وحف الشارب
كالصلاة فى النعال
وغيره الكثير

بعد هذه المقدمة ندخل فى الموضوع
عندما دخل الرسول المدينة وجد اهلها يحتفلون فتساءل ما هذا
فقالوا له هذا يوم نحتفل به لكونه كذا وكذا .....
فلم يتركهم الرسول ليحتفلون
ولا قال طالما لا تفعلون شيئا فى احتفلاتكم من المحظورات فلا بأس

وانما قال ما معناه
ان الله قد ابدلنا بعيدين خير مما سواهما
عيد الفطر ويوم الأضحى

انتهت القصة
والخلاصة

ان فى الإسلام عيدين فقط
كلام واضح وصريح

أما بالنسبة لكلامك
احتفلى بقيام الليل ماحدش يعترض
والإقتداء بالرسول للعلم يكون بصيام يوم الإثنين كما صامه هو

لا أن نصوم فى يوم ذكرى الميلاد لكل منا ولو كان هذا خيرا لأمر به الرسول صلى الله عليه وسلم
على سبيل السنة مثلا

ولكن أرجع أقول لم نسمع مثلا أن عمر بن الخطاب كان يصوم فى يوم ذكرى ميلاده ولا أحد من الصحابة

التورتة طبعا حلال
والفرحة حلال
والبالونات حلال

ما المانع ان تفرحى فى اى يوم من السنة
لا ان تخصصى يوما بعينه للاحتفال :?small:

فتخصيص يوم الميلاد للاحتفال هو نفس الفعل الذى ذكرنا فى القصة الماضية وهو يوم عيد كما يطلق عليه
وحتى لو لم نطلق عليه عيد الميلاد فهو عيد يقام له الاحتفال

ويتلقى صاحب العيد التهانى
والهدايا

وبالتالى لا يجوز ان نتخذ لنا عيدا كمسلمين غير العيدين الذين أشارا لهما الرسول صلى الله عليه وسلم

وأرجع لكلامك
ما المانع ان يتذكرك صديقاتك واقاربك طوال العام لا فى يوم بعينه
او كلما اتيحت الفرصة؟ بصراحة انا مش شايف ان التذكر فى يوم ما بالرغم من انه يسعدك مبررا لاتخاذ عيدا جديدا لم يأتى به الإسلام
وممكن الواحد يحب الشخص طول العام
ويفتكره لما ينجح ويقوله مبارك
ولما يجوز ويقوله بارك الله لكما وبارك عليكما وجمع بينها فى خير
ولما يرزق بطفل
وعند الترقية مبارك
وعند الحج
وعند العمرة

كل دى مناسبات خاصة بيكى مش لازم يوم

ولما ييجى رمضان
والعيد
والعيد الكبير

وفى أى يوم وكل يوم بقوله إنى احبك فى الله
وممكن يرنله فى كل الاوقات دى:)
صح :?small:


ومش هاعلق على راس السنة دى :unsure:

ثم هل نحن ننقل من الغرب عاداته وتقاليده (لا ننكر ان أعياد الميلاد بدعة غربية وليست من اختراع المسلمين) أم نتمسك بما قاله الرسول صلى الله عليه وسلم

على فكرة كل ما قلته حتى الان بغض النظر عن طريقة الاحتفال يانفرتارى
عشان انتى بتقولى بالاحساس (sense) انا باتكلم على المبدأ


اما فتح هذا الباب ففعلا سيفتح الباب
ايه بقى غلط فى الاحتفال بالكريسماس؟
والمولد النبوى
وشم النسيم
و.....
وعيد جلوس الملك والأمير
ولا ممكن كل ده بس حسب طريقة الاحتفال؟

لا اعتقد انكِ ستقولين هذا

مش هاطول عليكى :D
هاندخل فى المؤخرة

هل فعلا مرور عام من العمر المحدود فرصة للاحتفال أم فرصة لتصحيح الوضع
أما كل يوم يمر علينا يقول وانى لن اعود عليكم ابدا
فما بالك بسنة كاملة تمر :?small:


أرجو أن تتقبلى كلامى بقلب وعقل مفتوحين كما العهد بكِ
ومنتظر مزيد من المناقشة :D

[نفرتارى]

اوكى قريت كل كلامك00

بس فى كذا تعليق00

اولا الرسول عليه الصلاه و السلام اتكلم مع اهل المدينه على عيد كان بيحتفلوا بيه كلهم يعنى لو جاز مثلا نقول زى شم النسيم- الى انا بحتفل بيه ^_^ شوف انا غاويه احتفالات- المهم يعنى كان عيد جماعى فقال الكلام الى ذكرته لكن دى حاجه شخصيه00

ثم افهم من كده انك مش بتحتفل بعيد جوازك؟؟؟ ما انا قلت شكلها توفييييير00

المهم انا معاك يا وائل انى لازم ابقى على اتصال بصحباتى بس طبيعه الحياه مخليه فى ناس على طول بيننا اتصال و لو مر يوم متصلناش يبقى انتى كنتى فين و قلقتينا و كلام من ده00لكن فعلا فى ناس موسميه بس بعزهم و احب يبقى دايما بيننا اتصال00

طبعا انا عارفه ان كل دقيقه بل كل نفس بنتنفسه مش راجع تانى بس ده ميخلنيش قاعده بستوب ووتش و يااااه نص ساعه يااااااه ساعه و نص00المفروض انى منظمه وقتى فى طاعه الله و ارجع و اقول ليه نحسب وقت الاحتفال وقت ضايع؟؟ هوا مش ممكن يبقى بنيه حب فى الله و صله رحم و وو يعنى جايز كمان اخد ثواب00

انا مصره ان ده كومن سينس 00و احنا محتاجين زى استراحه من ان لاخر من روتين الحياه و التمتع بصحبه الناس الى بنحبهم00اما موضوع يوم معين يعنى مش دايما بيبقى نفس اليوم لان مش دايما يناسب الكل يوم العيد ميلاد بالضبط بالضبط00

اما عن اعياد ميلاد الصحابه و كده مظنش ان كان عندهم دفتر احوال يا دوب لما يقولولك ده اتولد فى عام كذا او بعد عام كذا بكام سنه00لكن احنا عندنا تدوين و تسجيل و كل واحد عارف هوا مولود يوم ايه سنه ايه و الساعه كام كمان000

i insist on celebrating my birthday

مغروره بقه و حاسه انه يوم يستاهل الاحتفال 00

[زلابيا]

مناقشه ظريفه جدا جدا

انا شخصيا -او لنقل عائلتى الكريمه يعنى- بنتلكك للاحتفال باى شئ .. مش بس اعياد الميلاد .. لا والله بنحتفل كمان بذكرى الوفاه بتاعة اعزائنا :( و طبعا من قبل ما حد يقول لا بنلطم و لا بنصوت ولا الكلام الفارغ ده .. احنا بنجيب تورته و نجتمع فى بيت احد خالاتى او اخوالى مثلا و نتذكر مآثر الفقيد و نطلب له الرحمه و نقرا القرآن على روحه و نحن سعداء و مبسوطين و بناكل التورته كمان :) يا ريت محدش يقول ايه العيله المجنونه دى :maaad: بس فعلا احنا بنعمل كده فقط للاستمتاع بالاجتماع العائلى و التغيير فى نمط الاجتماع المعتاد .. يعنى بدل ما ناكل مكرونه زى كل مره ممكن ناكل فول و طعميه و بعدين جاتوه و شاى و كده .. مش عشان احنا حاطين فى دماغنا ان ده عيد ميلاد فلان او ذكرى وفاة علان انما لاننا نريد ان نشعر ببعض السعاده كما قالت نفرتارى و الله اعلم بالنيات :)

[ام عمرو]

يعنى انتم سايبين فى حياتنا حاجات كتيره غلط
وجايين تتكلموا على عيد ميلاد ولا عيد جواز ولا خلافه :mellow:
فى حاجات اكبر فى حياتنا لابد من تصحيحها اولا حتى يتسنى للجيل الصغير يشب على الحق والصح ومدمت لا اغضب ربى ونيتى بها كل الخير لاسرتى وطاعه لربنا واذا اختلفتوا على الاسم نسميه يوم بلاش عيد يوم تبقى الاسره مجتمعه على حاجات حلوة ومشاعر جميله ويمكن جعل اليوم به ذكر الله ليحقق افاده اكثر وتحياتى لنفرتارى وزلابيا
واليكم جميعا واخى الفاضل عبقر :)

[وائل]

لا لا كده هاتتعبونى خالص :D
الأخت نفرتارى الفاضلة
جزاكم الله خيرا على الرد المرتب

ولكنى اذكرك بالرد على المقدمة:)

انما ازاى انتى عرفتى ان حكم الرسول صلى الله عليه وسلم يسرى على الاعياد الجماعية دون الشخصية؟
مش بديهية ولا واضحة

بالعكس الأمر يحتاج للتفكير ليه الرسول منع وقال ان الاسلام جاء بخير منهم
اليست هذه اشارة للنهل من الاسلام
وليس للنقل من الغرب؟

ماعلينا
يعنى انتى متفقة على الاحتفالات العامة
ولا هانكرر المناقشة ساعة عيد الأم
وعيد الحب
والحاجات من دى :D

وطبعا مش ممكن اقول كل الردود اللى فاتت واطلع احتفل بعيد الزواج؟
ماهى نفس الفكرة
وبرضه فكرة منقولة من الغرب
ومش توفير

لأنك لو تعرفى العيديات اللى بتدفع فى العيدين منى انا بس لكل العائلة مش هاتصدقى رغم انى دخلى مش عالى وعادى جدا


على فكرة هو انا جبت سيرة ان الاحتفال وقته يعتبر وقت ضايع؟
لا انا باقولك مناسبة الاحتفال
انك كبرتى سنة
مر من عمرنا سنة بحالها
يبقى المفروض مش نحتفل على قد ما نستعد؟
انما لم أنكر ان الانسان بحاجة للفرح والترويح كمان
كل فترة
وطالما منظم وقته ايه المانع
الترويح الملتزم من الدين فعلا


وصلنا للمفيد
مش لازم يكون فى يوم الميلاد بالضبط
ولا لازم كمان يبقى بمناسبة عيد الميلاد اصلا
بجد ليه مش تنظمى لقاء لكل العائلة سنويا فى يوم الاغلبية توافق عليه عشان يبقى المواعيد
يوم بدون مناسبة معينة
يوم لصلة الرحم
وتقضوا يوم سعيد بعيدا عن الاحتفال بمناسبة
وحتى تتقوا شبهة البدع

ايه المانع
ولا لازم ننقل من الغرب بالحذافير؟

عموما المناقشة مثمرة
ولعل البعض يفكر ويعيد حساباته

على فكرة انا كنت زيك زمان احاول ادافع
بالرغم انى ماكنتش اعمل لنفسى عيد ميلاد مثلا من ساعة ماخلصت 4 ابتدائى مثلا
انما كنت ممكن اخد هدايا نقدية من اخواتى :D

بس فعلا بالتفكير
وازاى الاسلام ينأى بأهله ان يقلدوا الكفرة

وبمراجعة الفتاوى
لقيت انى كنت غلط

على فكرة هناك العديد من تواريخ ميلاد الصحابة مسجل فى كتب السيرة وتواريخ الوفاة باليوم
وممكن بالزمن عصرا ولا ظهرا ولا مساءا كمان
مش حجة يانفرتارى


هو فعلا يوم ميلادك يانفرتارى حدث علشان شخصية ممتازة زيك جاءت للدنيا
بس انا الفت نظرك بكل وضوح ان الاحتفال به

بدعــــــــــــــــة

[وائل]

يااااااااااااااه
حتى انتِ يازلابيا

عموما انا شرحت بالتفصيل فى الردود السابقة ياريت تراجعيها
وتفكرى شوية فى الامر

لقاء العائلة طبعا لا غبار عليه

بس حبذا لو بعدنا عن المناسبات
سواء وفاة او ميلاد

حتى نتجنب البدع

وعلى فكرة مهما كانت النية
فكم من عمل نعمله ونيتنا طيبة ولا نقصد به شئ ونكتشف بعدها انه بدعة
والأمثلة كثيرة

وطالما النية حسنة
لماذا لا تقودنا النيه هذه الى تغيير العادة ونلتقى كعائلة فى يوم عشوائى حسب ما كل واحد يجد وقته متاحا


عموما تحياتى لكِ

[وائل]

الأخت الفاضلة أم عمرو

أحب أن اقول لكِ
أن الإسلام كما اهتم بالأمور العظيمة
اهتم أيضا بالأمور البسيطة

وكما اجتمع العلماء لهذه الأمور التى نناقشها الآن
فلم يقصروا فى أى امر عظيم آخر

وإلا فما هى الاساسيات التى لم يتكلم فيها العلماء مثلا؟؟؟

معكِ حق فى ان الجيل الصاعد لابد من تنشئته بطريقة صحيحة
ولنهتم بهذا
وهذا لايمنع اهتمامنا بالامور التى ترينها بسيطة
حتى لا يأتى احد ويقول اننى نشأت على ان احتفل بيوم كذا ولا استطيع التغيير

يجب ان نعلمهم ان الولاء لأمر الله وسنة الرسول
لا ان نقلد الكفرة فى احتفالاتهم

واحنا كلنا متفقين ان اجتماع الاسرة بيبقى يوم حلو وجميل:)
بس مش لازم نربطه باحتفال بمناسبة لم ينزل الله بها من سلطان

حتى نتجنب البدع

الأمر بسيط والابتعاد عن البدع أبسط :D

تحياتى وتقديرى لكِ

[أبوعبدالرحمن]

إيه ده؟!
المسألة وسعت أوي! :D
أنا متوقعتش كل الجدل والإعتراض ده من الإخوة ولاّ أقول الأخوات ;)

مش عارف أرد إزّاي ولاّ على مين!
أعتقد وائل رد جزاه الله خيرا
بس أنا هيكون لي بعض الملاحظات والتعليقات السريعة

أول حاجه أقول للأخت الست شربات
جزاك الله خيرا
انا صغرت الخط، ياترى كده أحسن؟
وبرضه فيه شوية مسافات، بس مش بين كل سطر وسطر عشان المنظر والترتيب العام :)

أرجع لكلام الأخت نفرتاري
عن البدعة في عملية الزايدة، أو الشعور بالسعادة أو ....
باختصار
البدعة في الشرع غير البدعة في اللغة
يعني شرعا تكون عبادة أحدثها الناس ملهاش أصل
لقوله صلى الله عليه وسلم: من أحدث في أمرنا هذا ما ليس منه فهو رد، متفق عليه
لكن في اللغة هي كل محدث ملوش مثال قبله، وهي مش ممنوعة إذا مكنتش لها أي مانع شرعي في الدين
يعني الزايدة هنا تدخل في التعريف اللغوي مش الشرعي، بل بالعكس هي من الأشياء المفيدة المطلوبة :D
وأعياد الميلاد تدخل في المنع لانها لها مانع شرعي، وارجعي للفتوى :)


الأخ مجاهد ووائل
اللي حصل بينكم يضايق
مش مهم مين الغلطان، أنا ضايقني اللي حصل :(

[أبوعبدالرحمن]

<span style='font-family:tahoma'><span style='color:blue'>
الأخ وائل
جزاك الله خيرا على تكفلك وتعبك في الرد، جعله الله في ميزان حسناتك
واعتبر الموضوع موضوعك :) وخذ راحتك


زي ما سبق وقلت مش هرد على الردود كلها لأن وائل تكفل بمعظم الحاجات
بس أنا هشبط في بعض الجمل اللي معجبتنيش من البعض :D
اتحملوني :D


طبعا لازم أبدا بالأخت نفرمفتري :D
"معلش00انا مش عارفه عبقر بيجيب الفتاوى دى منين صراحه00يعنى كلام جميل كلام معقول بس مين لجنه الفتوى ديه؟؟؟ "
أنا مش عارف بتتكلمي جد مش عارفة لجنة الفتوى؟! !
اللجنة الدائمة للبحوث العلمية والإفتاء متفرعة من هيئة كبار العلماء، وتعمل على إعداد البحوث وتهيئتها للمناقشة من قبل هيئة كبار العلماء، وإصدار الفتاوى في الشؤون الفردية وذلك بالإجابة على أسئلة المستفتين في شؤون العقائد والعبادات والمعاملات الشخصية
ورد في المادة الثامنة من اللائحة المنظمة لعمل اللجنة ما نصه ( لا تصدر الفتاوى عن اللجنة الدائمة إلاّ إذا وافقت عليها الأغلبية المطلقة من أعضائها على الأقل ، على أن لا يقل عدد الناظرين في الفتوى عن ثلاثة أعضاء ، وإذا تساوت الأصوات يكون صوت الرئيس مرجحاً )

ومسألة استفت قلب أنا رديت عليها، وصراحة أعتقد ردي كافي B)
بس كويس كتبتيها صح :)
أما مسألة الهيافة، فانا هقول دي زلة لسان منك ومش هركز عليها :)



</span> </span>

[أبوعبدالرحمن]

زلابية
صراحة، من أغرب الحاجات اللي سمعتها!!!
حاس ان المسألة فيها حاجة غريبة، حتى بغض النظر عن حكم المسألة شرعا، هي حاجة غريبة :blink:


أم عمرو
مالك داخله شمال كده! احنا نتكلم في اللي احنا عايزينه، ومحدش له دعوه :D
بس هذه الأشياء تكلم فيها كبار العلماء، إلاّ لو قصدك أنه كلامنا احنا مش كلام العلماء ملهوش لازمه، ساعتها أقول معاكِ حق فعلا
هي الحاجة مش مستاهله فعلا أننا احنا نتجادل فيها لانه بالفعل العلماء تكلموا فيها
واحنا ناخذ برأيهم
وانتهى الأمر :D
وجزاكِ الله خيرا

اسكندراني
شكرا لمروركم

[الموناليزا]

السلام عليكم ورحمة الله
جزاك الله خير اخى عبقرينو على هذا الموضوع
ماشاء الله عليك يااخى الفاضل وائل منجد كفيت ووفيت
طبعا ان اوافقكم الرئ في الاحتفال بى اى عيد كان كلها بدعه
اما بالنسبه للاخوات والاخوه الذين لديهم شك فااقول لهم ابحثوا فى الامر وسالوا العلماء ذوى الثقه مع انى اعتقد بالاجزم ان الشيخ ابن عثيمين رحمه الله هو احدهم .
اخ ايوري من زمان عن مشاركاتك .
والسلام عليكم

[نفرتارى]

لا يا عبقر ايورى بيتكلم عليا انا مش على وائل00

اما بخصوص لجنه الفتوى فانا فعلا بسال بيجتمعوا فين ومين دول؟؟ بس يعنى اصل اللجان كتيره00

اما بخصوص تقليد الغرب يا وائل فلا طبعا ملهاش علاقه00

اما ايورى فلو عاجبك العربى ما تغير اسمك و لا بس تقريع و تانيب للعالم؟؟؟ ثم انا معرفتش اقول ايه بالعربى00يعنى لما العربى بيخوننى بضطر اكتب انجليزى مش اكتر يعنى00

و زى ما قلت هحتفل بعيد ميلادى لانى مش شايفه فيها حاجه و هحتفل باعياد ميلاد صحابى00
حريه شخصيه00مش عند و لا تحدى للفتوى00لكن يا ما فى فتاوى00يعنى ما فى فتوى ان البنوك وفوايدها دى حلال و فى فتاوى ان لا حرام00

بس اهى دى مثلا ناس متخصصه و اخد بالاحوط لكن بقه اعياد الميلاد هما اصلا تلاقيهم فاكرين انها عرى و مسخره00

بس خلاص الى عاوزه اقوله قلته00 :zzzz:

اه رجعت اقول بس انى مش متاكده مكتوب مسلمه فى البطاقه و لا لا هبقى اتاكد و اقول لك يا ايورى00تصدق انت فعلا محتاج الاجازه الى انت فيها و ميرسى يا عبقر على الرد00



<!--EDIT|نفرتارى|Aug 12 2002, 08:56 AM-->

[زلابيا]

والله يا اخوانى نحن نجتمع بالفعل بدون مناسبه دائما .. لكن تحديدا يوم وفاة جدتى يحلو لابنائها -اللى امى واحده منهم- ان يجتمعوا لتذكرها و الحديث عنها وعن ذكرياتهم .. بس كده .. يعنى الاجتماع مش للاحتفال بالوفاه مثلا ..

اى واحد فينا لا يستطيع ان يمنع نفسه فى احيان كتيره انه يقول مثلا "من سنه حصل لى كذا .. ومن خمس سنين فى نفس اليوم ده حصل لى كيت" فهل هذا يعنى الاحتفال به !! وكما قلت باعلى نحن لا نحتفل بذكرى الوفاه بل نحاول ان نتذكر اوقات جميله مرت بنا ومحدش ادعى ان الامر له علاقه بالدين ..

[غــفــران]

جزاكم الله خيرا يا جماعة لطرح هذا الموضوع :)

يا ريت يا جماعة نلتزم الهدوء في مناقشة الموضوع و في الاخر محدش هنا بيفرض على حد حاجة.

نفرتاري.... بالراحة شوية على اخوانك لحسن يزعلوا بجد.

:) اخ يوري.... ماتزعلش من كلام نفرتاري... دي زي السكر و عمرها ما بتقصد اي حاجة وحشة. :)

اما بخصوص موضوعنا الاساسي فانا مش باعمل عيد ميلادي و لا باحضر اعياد ميلاد و الحمد لله.... لكن عندي سؤال... هل معنى هذا اني مقولش حتى لحد كل سنة و انت طيب? و لما حد من اصحابي يقوللي كل سنة و انتي طيبة (و ده اللي احنا متعودين عليه) اقولها ايه?

[ni3na3a]

طب ده كلام يا ام العيال؟
مش عارفة تقولي ايهلو قلولك كل سنة وانتي طيبة؟
قولي ياستي وانت طيب وفي صحة وسلامة
خفو شوية على بعض

[ni3na3a]

سوري قصدي غفران

[وائل]

والله تحياتى للجميع بلا استثناء
جزاكم الله خيرا

لجميع من دخل وقرأ ولم يرد
أو لمن رد سواء معى او ضدى

فقط الأخت نفرتارى
ازاى مالهاش علاقة بالغرب؟

اذا كان عادة الاحتفال بعيد الميلاد اتت علينا من الغرب ومن الكفرة هل سنصر عليها؟
وهل جدلا اذا اكتشفتى انها عادة صهيونية بحتة؟ ستصرين عليها؟

أنتظر منك اجابة بعد التفكر:)

أنا عارف انه صعب عليكِ جدا لأنك معتزة اوى بيوم ميلادك
وعلى قدر مشقة الابتعاد عن مثل هذا الاحتفال

على قدر الثواب الذى نرجوه من الله لك عند الامتناع لوجه الله واستبداله بشئ آخر :)

[وائل]

الأخت غفران
أعتذر نسيت الرد عليكِ

أنصحك بعدم الاهتمام بالتهنئة فى اعياد ميلاد الأصدقاء او الاخوة حتى
لتبرأى إلى الله من كل بدعة وكل ما يتصل بها

أما اذا تلقيتى التهنئة
فتعاملى بذكائك المعهود
بينى لهم انكِ أصبحتى لا تهتمى ولا تنتظرى هذا اليوم وانتهزيها فرصة انك تبصرى الآخرين بخطر الوقوع فى البدع

[نفرتارى]

يا وائل للمره الاخيره مش تقليد للغرب دى معناها ان انا مش بقلد الغرب00

ثم بلاش عيد الميلاد نسميها ذكرى ميلادنا زى ما قالت زلابيا يعنى منخليهوش عيد00

حدث فى مثل هذا اليوم00المهم يعنى زى اليوم ده حصلت حاجه و هوان ربنا سبحانه و تعالى ادانى نعمه الحياه000

بس خلاص00و زى ما قلت ان النقاش بالنسبه لى انتهى00انتوا متمسكين بفتوى معرفش ايه ظروفها و على اى اساس الشيوخ اصدروها 00و انا بقول ايه الى بنعمله فى اليوم ده؟؟ هل خير؟؟ هل حلال؟؟

بس كده00و الى ان افقه شئ فى الاسلام و ابقى اتكلم احسن من كده هبقى ارد00

يا غفران اخف ايه بس؟؟ انتى مش شايفه الطوب؟؟؟؟ هوا ده اسلوب حوار؟؟؟ و انا بقصد شخص معين لا وائل و لا عبقر00ده كويس قوى انى اكتفيت بردى عليه كده000

الموضوع ده بالنسبه لى اتقفل00انا اسفه 000 :zzzz:

[مجاهد انا]

السلام عليكم ...
ما كنتش عايز اتكلم في الموضوع ده ..
بس .. مش قادر ..
يا اخ عبقرينو انا كمان متضايق اكتر منك ...
ما علينا ...
نسيت اقولكم ..
انا عيد ميلادي يوم 4 الشهراللي جاي ..
وحاقولكم انا ناوي اعمل ايه ..
انا ناوي اصوم اليوم ده إن شاء الله .. و اكثر من الطاعات و النوافل ..
و اكثر من الذكر ..
و ...
و أجيب تورتة ..
اظن ده مش حرام ولا بدعة ..

و عقبال يوم اربعة الشهر الجاي ..
يا ريت مالقيش فتوى بتقول ان التورتة من الموبقات السبع ..
بلاش بئه الموضوع يا خد اكتر من حقه ...

[محمود]

السلام عليكم
بصرة يا مجاهد
نفس كلامي
انا كمان ماكنتش عايز ادخل الموضوع ده لاني ببساطة متناهية عندي شوية مبادىْ عنه اكدها ردود كل من زلابيا و غفران ومجاهد
و المبادىء دي انا استوحيتها من الاسلام يعني مش من تفكيري الغلبان
ياجماعة
ماذا يمنعنا في يوم ان نتذكر اخ لنا و ان ندعو له
او ان يكون هذا الاخ مثل مجاهد و ان يتذكر نفسه بمزيد من الطاعة
اولا
ان بسميه ذكرى ميلاد لانه لا بارك الله في قوم كثرت اعيادهم
ثانيا
انا لما بعوز اهني و ف الغالب كل تهنئتني هنا للزباين لاني برة نادر جدا لما بلاقي حد من صحابي فعلا بيهتم بذكرى ميلاده,بقول لما بعوز اهني مش بقول حاجة وحشة
ولاحظوا معايا ردودي
انا لاقيت كل الناس بتقول عقبال 100 سنة وعقبال الف سنة
قلت لا
ما هي ال100 سنة دي اكيد قصده فيها على الدنيا
يعني عقبال ما تمد حياتك 100 سنة
ليه طيب الدعوة ما تبقاش احسن من كدة
بقيت بقوله عقبال دخولك الجنة و خلودك فيها
لاني بكدة ابقى ضمنت الدعاء بالخلود(اللي كان 100 سنة) و الدعاء بالسعادة في هذا الخلود(ما ادراني ان حياه ال 100 سنة ستكون كلها سعادة)
ثالثا
بالنسبة ليا انا و من باب تخفيف حدة النقاش
ذكرى ميلادي توافق يوم 6 اكتوبر من كل عام
يعني الحمدلله كفاية عليا قوي احتفالات الاعلام :D :D :D :D
ف اليوم ده انا بنتهز الفرصة
و بعتبره يوم مراجعه لسنة فاتت
و يوم حزن لسنة فاتت
ويوم فرح لسنة قادمة
المراجعة لاني بقعد افتكر ايه اللي انا استفدته و ايه اللي غلطت فيه و ايه اللي كان مفروض اعمله و ما عملتوش و هل تزودت علما ام لا يعني
و الحزن لانني دائما اجد نفسي مقصرا في كل ذلك
اما الفرح
فهو يتمثل في هذه القصة
"سأل حكيم يوما رجلا كم مضى من عمرك فقال مضى 30 عاما
فقال له:إذن انت تمشي الى الله منذ 30 عاما
وصلت؟
يعني لو عمر الراجل ده 31 سنة
يبقى فاضله سنة واحدة و يقابل رب العالمين
و انا فرح في هذا اليوم لانه يقربني من لقاء حبيبي رب العالمين

رابعا
دي بقى مجرد ملاحظة
التشديد في النقاش لا يفيد و اخذ الكلمات الصعبة مع من يجب علينا مراعاة ظروفهم و مراعاة احاسيسهم نهايته الفشل في النقاش
اتمنى ان يتغمدكم الله جميعا برحمته
و السلام عليكم

[نفرتارى]

:zzzz:

[IORI YAGAMI]

:rolleyes:

[مجاهد انا]

السلام عليكم ..
و بدأت حرب الاشارات ...
بقولكوا ايه ..
قفلوا على الموضوع ده بئه ..
انا خلاص مش جاي هنا تاني ..
مش عشان حاجة إلا عشان ردود الاخ ايوري ..
بلاش العصبية دي في الحوار ..
كل واحد يبص في نفسه هل نقدر ندعو كافر للإسلام بهذه الطريقة ؟؟
فكيف إذا عاملت اختك او اخوك المسلم ..

نسيت اقولكم ..
انا ناوي الساعة 10:30 يوم اربعة الشهر الجاي .. ( العة اللي طلعت فيها للدنيا )
اسجد سجدتين شكر .. لله .. :)
و السلام عليكم ..



<!--EDIT|lyg_mojaheed|Aug 13 2002, 03:26 PM-->

[ام عمرو]

القابض على دينه كالقابض على جمره من النار
يا ترى كلنا نقدر
احنا بشر ولنا قدره تحمل ونسعى الى التقرب الى الله بما استطعنا
صراعات الحياه تدخل وما تربينا عليه ونشانا عليه فى بلدنا وكثير منها يتعارض مع ديننا
نحاول ان نفعل ما نراه صح ونقول ان دينا يسر وليس عسر ونحاول ونحاول

بسم الله الرحمن الرحيم


الحمد الله الذى هدانا لهذا وما كنا لنهتدى لولا ان هدانا الله
صدق الله العظيم

[بيسان]

انا والله عايزه اقترب من الله والاخوه كلهم ماعنديش شك انهم عايزين يقتربوا من ربنا .....بس يا اخ

ايوري لازم المتنور في دينه زيك وزي الاخ وائل يقيدولنا شمعه عشان نعرف نمشي على هداها ......

صدقني ان من زمان لا احتفل بعيد ميلاد اولادي طبعا ميلادي وميلاد زوجي لا نشعر بمرورهما ولكن

المدرسه عندها نشاط لصاحب عيد الميلاد واولادي يتحججوا انهم زعلانين على اخوتهم اطفال فلسطين

والشهداء ويقولوا للمسيحيين اصحابهم عشان اهلنا في فلسطين احنا لا نحتفل باعياد ميلاد ....يعني مش

عارفه اواجههم انها حرام ....لاني حدخل في متاهه انا مش قدّها ......

بالنسبه لتارك الصلاة عن اهمال وكسل الشيخ الكبيسي لا يكفره ولا يدعو لاقامة الحد عليه بل ندعو له ان يهديه ولكن لو ترك الصلاة وهو منكر لها وغير مؤمن بوجوب الصلاة يبقى ساعتها شيء آخر

تقبل تحياتي ...انا والله باغبطك على غيرتك على ديننا

[وائل]

الأخت بيسان جزاكم الله خيرا على حسن ظنك بى

ما أنا الا واحد منكم واتعلم والله من هنا وهناك

ولست بأحسن منكم

المهم كان لى نصيحة لحضرتك

مهم قوى انم تتخيرى الوقت والاسلوب المناسب لتفهمى الاولاد اننا نمتنع لأن هذا هو الإسلام
سواء فى النقطة دى
أو اى نقطة أخرى

لأنك مسئولة بتعليمهم الإسلام

ومهما قابلك من دوامات فاحتسبى الأجر من الله
وعلى قدر المشقة يكون الأجر
وجزاكم الله خيرا


طبعا حكاية الصلاة مش موضوعنا هنا خالص

[أبوعبدالرحمن]

بعض الردود السريعة :)

الأخت غفران
نفرتاري زي السكر! أخاف كمان زي الضغط! :blink:
يعني ده مدح ولاّ ذم :D
على العموم جزاك الله خيرا، وأعتقد وائل مقصرش ورد :)

أخ مجاهد
وعليكم السلام
بالنسبة لتخصيص يوم ميلادك للصيام، أو بعبادة معينة
فأرجو أن لا تخصص هذا اليوم لهذا السبب بالصيام وتقول أن الرسول صام يوم مولده
هو سنّ صيام الاثنين والخميس وأيام أخرى، ولم يرد عنه صلى الله عليه وسلم بأن حثنا على صيام يوم مولدنا! ولم يرد عن الصحابة أو التابعين أنهم كانوا يصومون يوم مولدهم!
إذا فهو لا أصل له، فالصيام مستحب في أي يوم والتخصيص بيوم معين لا أصل له

محمود
دي مش بصرة
دي بقت بصارة :D
وطلعت آوت :tng:
وكلامك كله عن الدعاء والتذكر وغيره، لماذا تخصصه بيوم معين :)
وحتى مراجعة النفس ينطبق عليه نفس الشيء





أنا عدلت هنا بعض من الرد لانه خرج عن سير الموضوع
وجزاكم الله خيرا
عبقرينو



<!--EDIT|عبقرينو|Aug 18 2002, 01:39 PM-->

[أندلس]

إخوتي في الله .......أنا أقوم بمتابعة هذا الموضوع منذ بدايته عن بعد ، وترددت في المشاركة خاصة

بعدما كثر اللغط وبدأ البعض في التراشق بالاتهامات.......

يا إخوتي .....يجب ألا ننسى أننا إخوة في الله و أننا نلتقي على هدف وحيد أسمى وهو إرضاء الله و أن تكون سمتنا التراحم لا التنافر و التباغض

كذلك فقد نسي كل منا وهو يعرض رأيه....أن الأئمة الأربعة رحمهم الله كانت آراؤهم متباينة....وكل منهم

لهم حجته الدامغة في القرآن أو السنة......و لم يرو عنهم أنهم تنازعوا و اتهم كل منهم الآخر بأي من

الاتهامات......بل إنه لما كان يجتمع اثنان منهم كان يصلي احدهم على مذهب الآخر إكراما له

والإمام الشافعي كان يقول رأيي صواب يحتمل الخطأ و رأي غيري خطأ يحتمل الصواب.......فالاختلاف في

الأمور الفقهية في ديننا كان على الدوام رحمة....نختار أي الآراء أنسب لنا على أن يكون صادرا من

علماء ثقات وهم كثر والحمد لله

أما إن كان الرأي الفقهي متفق عليه بين جميع العلماء ....فلا جدال ولا نزاع في الحق........و من لم

يستطع أن ينفذ ذلك الأمر فليقر به وليطلب من الله أن يهديه للالتزام به

أطلت عليكم....أرجو أن أكون قد أوصلت لكم ما أردت قوله.......اللهم افتح بيننا بالحق و أنت خير الفاتحين

[مسلم أنا]

السلام عليكم و رحمة الله و بركاته
أندلس بارك الله فيك
لقد قلتما ما كان على لسانى


:tu: :tu: :tu: :tu: :tu: :tu: :tu: :tu: :tu: :tu:
بارك الله فيك مرة أخرى

أخوكم فى الله

[أندلس]

بارك الله فيك أخي مسلم أنا و جزاك كل خير

[وائل]

أخى الفاضل كريم

كلامك ممتاز وواضح وفى الصميم

جزاك الله خيرا
وتحياتى لك

[مسلم أنا]

السلام عليكم و رحمة الله و بركاته
الحمد لله أنا هديت عن امبارح
حتى شوفوا انا هادى ازاى دلوقت :tooth: :tooth: :tooth: :tooth: :tooth:
أنا امبارح بصراحة اتضايقت جدا من الردود و التراشقات اللى شفتها أمامى فى الموضوع ده
الموضوع للاسف اتقلب لتراشقات بين الاعضاء الكرام
عموما انا أسف على ردى اللى قلته امبارح :wub: :wub: :wub: :wub:
أخى الكريم كريم ردك كان ممتاز
بس هاضيف تنبيه محدش يا جماعة يخرج فى الموضوع ده عن المفروض انه بيناقش و يقلبه لتزقيل طوب
ملحوظة أخيرة
عبقرينو زيارة القبور لم يكن لها علاقة بعيد الميلاد
فاهمنى طبعا
:D :D :D :D :D :D :D
اتمنى من الله ان نظل اخوان فى الله
آمين
أخوكم فى الله

[أبوعبدالرحمن]

الأخ مسلم أنا
وعليكم السلام ورحمة الله وبركاته
جزاك الله خيرا
بس على فكرة مش أنا اللي فتحت موضوع زيارة القبور امبارح :D
أنا للأسف رديت عليه بس :blink:
على العموم مفيش تزقيل بالطوب ولا حاجه
ده مجرد تفاهم أخوي بسيط والضحايا الحمد لله مستعد أستقبلهم في العيادة الهريدية وببلاش كمان :D

[مجاهد انا]

السلام عليكم ..
أخي ايوري .. و الله بهد الرد بتاعك ..
حسيت اني غلطت فيك ...
انا اسف .. و ربنا يعلم انى الان احترمك .. جدااااا
..
يا عم عبقر ايه الكلكعة دي ؟؟
الرسول ماقالش نصوم يوم عيد \ميلادنا يعني هو الرسول نهى ؟؟؟؟
ولا دي من عادات الكفار ؟؟؟

ما كفاية بئه ...

ابااااااااااااااي ...
انا والله دماغي خاتفرقع من الصداع .. ( عندي برد قاتل )
بس اولت اجي اشوف الناس العسل ..
الاقي الردود العنيفة دي ؟؟؟
يلا بئه ..
انا غلطان ..
انت اللى صح على طول .. بس التفكير ده هايتعبك ...

سلام

[IORI YAGAMI]

السلام عليكم ورحمه الله وبركاته
ولا يهمك أخى الكريم مجاهد على العموم حصل خير وانا مش متضايق من ردك
والموضوع أظن انه انتهى وبان حلاله من حرامه
ووافر التحيه للجميع
سلام الله عليكم

[زلابيا]

يا اخ عبقرينو .. يا ترى انت ترتدى الجلباب طول الوقت؟ السؤال ده طبعا مش فضول منى انى اعرف نوعية الملابس التى تفضلها لكن حيث ان الدبله تعتبر تشبه بالغرب طيب ما الملابس اللى زى البنطلون و القميص دى بردو غربيه ومش من ازيائنا الاصليه !! اريد ان اعرف لم تصبح بعض الاشياء فى مصاف تقليد الغرب مثل استخدام الدبله بينما ارتداء الملابس الغربيه لا غبار عليه رغم انه ممكن نعتبر الدبله و الملابس انواع مختلفه من الملبوسات .. يعنى كله لبس !!

[غــفــران]

يا جماعة مع احترامي لكل اللي شاركوا و كل اللي اتقال..... لكن الموضوع كده خرج عن اطاره و تشعب تماما.... يعني موضوع اللبس و الدبلة ده بقى موضوع منفصل عن الموضوع الأصلي اللي هوه.... لو لسه فاكرين كان اسمه ليه بتحتفلوا بعيد الميلاد... صح؟

عبقرينو و زلابية.... لو هاتبتدوا مناقشة في موضوع اللبس.... يفضل لو تعملوله موضوع جديد و نقفل موضوع عيد الميلاد ده بأه عشان اصله تشعب و بوخ اوي.... و لا ايه؟

[زلابيا]

معنديش اى مانع
ولو انى محرجه انى افتح موضوع اسميه لم تلبس بنطلون ولا تلبس خاتم !! يعنى اصله مجرد سؤال عابر بس طبعا يا ريت لو احظى باجابه له لان موضوع تقليد الغرب و تحديد ما يقلد وما لا يقلد زاد جدا فى الفتره الاخيره فى القهوه و احب اعرف الراى الصحيح :) وشكرا للاهتمام ..

[مجاهد انا]

:lol:

السلام عليكم يا أخي العزيز عبقرينو ..
انا مش شامم حاجة خالص كل شوية اعطس ..
يا عم خلاص بص انا حاخد رأيي ده و اطلع اقعد على باب القهوة بلا مشاكل انا عارف انا طول عمري كده ...
ما تزعلش مني هه ؟؟ :D


سلام يا ناس يا فل

[زلابيا]

يا اخ عبقرينو انا سالت سؤال محدد جدا
لم اسال عن حكم لبس الخاتم
سالت اذا كان لبس الدبله من تقاليد الغرب طيب ما مثلها ارتداء البنطلون !! فلم ترتدونه !! بس كده ..

[مجاهد انا]

اوباااااااا

جامدة اوي يا أخت زلابيا ..
ما قولتلك حاتتعب يا عم ..
والله ما كنت عايز اكتب حاجة بس هي النفس كده بئه ..
يا أخي العزيز عبقر انا مش حاتعب نفسي و اشوف الغرب بيعمل ايه ..
انا حاعمل كل ما استطيع ان اقلد الرسول - صلى الله عليه وسلم -

سلام :lol:

[زلابيا]

اخى الفاضل
هو البنطلون بس اللى اصبح غير قاصر على الغربيين وصار ارتداؤه امر لا يخصهم وحدهم !! طيب ما ده حال الدبله .. ثم اسمح لى قبل ان ينتشر ارتداء البنطلون ويصبح عاده كان ارتداؤه حرام بينما اصبح حلال الآن لانتشاره !! اللى اعرفه ان الحرام بيفضل حرام و الحلال يفضل حلال .. ولا الامور دى قابله للتغير مع الزمن !! ده سؤال مش استنكار على فكره ..

وكمان مانا افترضت ان الدبله زيها زى انواع الملابس الاخرى .. وتندرج تحت بند العادات مثلها مثل الملابس .. وطبعا انا لا ادافع عن استخدام الدبله لانها مش هتفرق معايا انما اتحدث عن موضوع "ده تشبه بالغربيين" اللى بنطبقه فى احيان و ننساه فى احيان اخرى .. معلش انا آسفه لو كنت خيبت املك فى موضوع وضوح الموضوع ده .. لانى لست مقتنعه ودى طبعا مشكلتى انا مش مشكلة حد تانى :(

[مجاهد انا]

اوبا اوبا اوبااااااااااااااااااااااااااا
ميه ميه يا زلابيا فينك من زمان ..
هاهاها
و الله انت راجل عسل يا عبقرينو انا كده اموت في النقاش اللي ما فيهوش خناقة ..
بس صراحة امت مقتنع بكلام الاخت لقمة القاضي جدااااااااااااااااااااااااا
ليه ؟؟
لأن اكيد لما كان واحد بس في البلد لابس بنطلون ..
قالوا بدعة وتشبه بالكفار ..
لكن لما ما حدش يقدر يستغنى عنه يقولوا لا دب للمسلمين والكفرة ..


سلام بئه اشوفك الجنازة الجاية :brb: :brb: :brb: :brb: :brb:

[أبوعبدالرحمن]

نسيت أقولك
لو أنا عسل يبقى انت سكر :D
وخلي نفرتاري تقول لك يعني إيه سكر :brb: :brb: :brb:

[غــفــران]

يا عبقرينو.... اصل انت مش عارف زلابية.... انا بأه عارفاها عشان كده قلت نعمل موضوع جديد... زلابية أصلها مش بتسلم بسهولة ;)

[مسلم أنا]

السلام عليكم و رحمة الله و بركاته
يا عبقرينو و يا زلابية
لو عايزين تكملوا كلام فى الفرق بين الدبلة و البنطلون يبقى يا ريت فى موضوع مختلف
بالنسبة لموضوع اعياد الميلاد فى الفتوى دى احتمال تنفعكم
لاحتفال بالأعياد القومية.
المفتى : فضيلة الشيخ عطية صقر.
مايو 1997 المبدأ : القرآن والسنة.
سئل : ما رأى الدين فى احتفال بعض الدول بأعياد مثل أعياد النصر
وعيد العمال وعيد رأس السنة وغيرها ؟.
أجاب : فى بحث طويل فى الجزء الثانى من كتاب " بيان للناس من الأزهرالشريف " جاء أن كلمة الأعياد تطلق على ما يعود ويتكرر ، ويغلب أن يكون على مستوى الجماعة ، سواء أكانت الجماعة أسرة أو أهل قرية أو أهل أقليم ، والاحتفال بهذه الأعياد معناه الاهتمام بها ، والمناسبات التى يحتفل بها قد تكون دنيوية محضة وقد تكون دينية أو عليها مسحة دينية، والإسلام بالنسبة إلى ما هو دنيوى لا يمنع منه ما دام القصد طيبا ، والمظاهر فى حدود المشروع ، وبالنسبة إلى ما هو دينى قد يكون الاحتفال منصوصا عليه كعيدى الفطر والأضحى، وقد يكون غير منصوص عليه كالهجرة والإسراء والمعراج والمولد النبوى ، فما كان منصوصا عليه فهو مشروع بشرط أن يؤدى على الوجه الذى شرع ، ولا يخرج عن حدود الدين ، وما
لم يكن منصوصا عليه ، فللناس فيه موقفان ، موقف المنع لأنه بدعة ، وموقف الجواز لعدم النص على منعه ، ويحتج أصحاب الموقف المانع بحديث النسائى وابن حبان بسند صحيح أن أنسًا رضى اللّه عنه قال : قدم النبى صلى الله عليه وسلم المدينة ولهم يومان يلعبون فيهما، فقال " قد أبدلكم اللَّه تعالى بهما خيرا منهما ، يوم الفطر ويوم الأضحى " فكل ما سوى هذين العيدين بدعة ، ويرد عليه بأن الحديث لم يحصر الأعياد فيهما ، بل ذكر فضلهما على أعياد أهل المدينة التى نقلوها عن الفرس ، ومنها عيد النيروز
فى مطلع السنة الجديدة فى فصل الربيع ، وعيد المهرجان فى فضل الخريف كما ذكره النويرى فى " نهاية الأرب " وبدليل أنه سمى يوم الجمعة عيدا. ولم يرد نص يمنع الفرح والسرور فى غير هذين العيدين ، فقد سجل القرآن فرح المؤمنين بنصر اللَّه لغلبة الروم على غيرهم بعد أن كانوا مغلوبين " أوائل سورة الروم ".
كما يردُّ بأنه ليس كل جديد بدعة مذمومة ، فقد قال عمر فى اجتماع المسلمين فى صلاة التراويح على إمام واحد " نعمت البدعة هذه ". فالخلاصة أن الاحتفال بأية مناسبة طيبة لا بأس به ما دام الغرض مشروعا والأسلوب فى حدود الدين ، ولا ضير فى تسمية الاحتفالات بالأعياد ، فالعبرة بالمسميات لا بالأسماء.
ده يا جماعة رأى الشيخ الجليل فى الاعياد القومية
و لما قرأت ما كتب فى بيان للناس لازهر الشريف الجزء الثانى فى الاعياد و الاحتفالات عامة و ليست القومية فقط و هو كتاب أنزل فى عهد الشيخ السابق جاد الحق رحمه الله
وجدتهم يناقشون موضوع البدعة فى الامر و الاختلاف بين البدعة اللغوية و البدعة الشرعية
و أيضا وجدت عندى كتاب فى علم الابتداع للشيخ ابن عثيمين و ان شاء اله ساحاول أن اتم قراءته فى الايام القادمة و أنزال موضوع يبين الفرق بين البدع الشرعية و اللغوية لانه بالفعل موضوع شائك صعب الالمام به
أما بالنسبة للموضوع الاساسى فهم يرون أنه لا حرمانية فى الاعياد عامة ذات المناسبات السعيدة فى حياة الفرد أو الجماعة طالما لم تخرج عن الاطار الشرعى و لا ضرر فى ذلك
أخوكم فى الله

[مسلم أنا]

السلام عليكم و رحمة اله وبركاته
أخى العزيز ايورى
أعتقد أنك أكملت قراءة الفتوى و فضيلة المفتى عطية صقر يقول بعدها
وما
لم يكن منصوصا عليه ، فللناس فيه موقفان ، موقف المنع لأنه بدعة ، وموقف الجواز لعدم النص على منعه ، ويحتج أصحاب الموقف المانع بحديث النسائى وابن حبان بسند صحيح أن أنسًا رضى اللّه عنه قال : قدم النبى صلى الله عليه وسلم المدينة ولهم يومان يلعبون فيهما، فقال " قد أبدلكم اللَّه تعالى بهما خيرا منهما ، يوم الفطر ويوم الأضحى " فكل ما سوى هذين العيدين بدعة ، ويرد عليه بأن الحديث لم يحصر الأعياد فيهما ، بل ذكر فضلهما على أعياد أهل المدينة التى نقلوها عن الفرس ، ومنها عيد النيروز
فى مطلع السنة الجديدة فى فصل الربيع ، وعيد المهرجان فى فضل الخريف كما ذكره النويرى فى " نهاية الأرب " وبدليل أنه سمى يوم الجمعة عيدا. ولم يرد نص يمنع الفرح والسرور فى غير هذين العيدين ، فقد سجل القرآن فرح المؤمنين بنصر اللَّه لغلبة الروم على غيرهم بعد أن كانوا مغلوبين " أوائل سورة الروم ".
كما يردُّ بأنه ليس كل جديد بدعة مذمومة ، فقد قال عمر فى اجتماع المسلمين فى صلاة التراويح على إمام واحد " نعمت البدعة هذه ". فالخلاصة أن الاحتفال بأية مناسبة طيبة لا بأس به ما دام الغرض مشروعا والأسلوب فى حدود الدين ، ولا ضير فى تسمية الاحتفالات بالأعياد ، فالعبرة بالمسميات لا بالأسماء.
و ليس معنى هذا ان الاعياد الاخرى صحيحة كعيد الحب أو عيد شم النسيم و غيرها من الاعياد التى دخلت علينا هنا فى مصر
أمر البدعة كما قلت من قبل موضوع شائك و القول بما هو بدعة و بما هو ليس بدعة صعب ابداء الراى فيه بسهولة
و هناك من قال أن البدعة هى كل ما جد عن عهد رسول الله صلى الله عليه و سلم و هم من ينادةا بالاتجاه السلفى و هناك من قال أن البدعة فى كل أمر دينى من امور العقيدة و الفقه و الشرائع و لا تسرى على باقى الامور الدنيوية
و كما قال الامام الغزالى فى احياء علوم الدين الجزء الاول :
كم من محدث حسن كما قيل فى إقامة الجماعات فى التراويح إنها من محدثات عمر رضى الله عنه وإنها بدعة حسنة ، وإنما البدعة المذمومة ما تصادم السنة القديمة أو ما يكاد يفضى إلى تغييرها ، وأن البدعة المذمومة ما كانت فى الدين ، أما أمور الدنيا فالناس أعلم بشئونها ، مع صعوبة الفصل بين أمور الدين وأمور الدنيا ، لأن دين الإسلام نظام شامل ، الأمر الذى جعل بعض العلماء يقصرون البدعة على العبادى دون العادى ، وعممها البعض الآخر
و حاول بعد المشايخ مثل الشيخ العز ابن عبد السلام تقسيم البدع الى مكره و مندوب و واجب
فقد قسم البدعة إلى واجبة كوضع العلوم العربية وتعليمها ، وإلى مندوبة كإقامة المدارس ، ومحرمة كتلحين القرآن بما يغير ألفاظه عن الوضع العربى ، ومكروهة كتزويق المساجد ومباحة كوضع الأطعمة
ألوانا على المائدة
و أكرر للمرة الثالثة الموضوع موضوع شائك من الصعب القول فى كل أمر انه بدعة
و أذكر اننا فى المعهد حكى لنا على يد احدى المشايخ قصة حدثت مع الشيخ سيد سابق رحمه الله
فقد جاءه احد الاخوة و قال له أن الملعقة حرام
فقال له الشيخ لمه
قال لانها لم تكن موجودة فى عهد رسول الله صلى الله عليه و سلم
فقال له الشيخ أنت كنت موجودا فى عهد رسول الله صلى الله عليه و سلم
فقال له لا
قال اذن أنت بدعة
أخوكم فى الله

[زلابيا]

رائع ..
رد اكثر من رائع يا اخ مسلم .. والله يا اخى حضرتك يعنى بسم الله ما شاء الله ولا حول ولا قوة الا بالله :) ما شاء الله فعلا .. ربنا يزيدك من العلم ..



<!--EDIT|zalabia|Aug 15 2002, 11:18 PM-->

[أندلس]

يا إخوتي في الله........ هناك نقطة فاصلة لابد أن نضعها في الحسبان ونحن نعرض الآراء الفقهية حاولوا بأمانة استيعابها معي
لو أن هناك مثلا عشرون عالما و فقيها موزعون في بلاد المسلمين ، كلهم لا غبار عليهم وهناك تماثل بينهم في الفقه والعلم و الأمانة ، وظهرت مسألة فقهية ما و طلب إلى كل منهم أن يدلي بفتواه في هذا الشأن ، فاجتمع كل خمسة منهم مثلا على رأي ما ، وكل منهم له أدلته الصحيحة ، كيف لنا أن نجزم أن أحد الآراء هو الصحيح دون الآراء الأخرى......ليس لنا ذلك أبدا ، و إنما يقوم كل مسلم باتباع الراي الذي يطمئن له و يناسب قوته وشدته على نفسه و قوة احتماله

أرجوكم ألا تتناسوا تاريخ الفقه الإسلامي ، وأعيد فأكرر فقهاء المذاهب الأربعة ، والذين لم و لن يأت من هو في مثل ثقلهم في العلم و وثيق صلتهم بالله تعالى ، والذين يستند العلماء في معظم فتاواهم على ما تركه لنا هؤلاء من العلم ، ما من مسألة إلا و اختلفوا فيها ، و لا يجرؤ أحد أن يقول أن أحدهم قد جانب الصواب........ولم نسمع أن من لا ياخذ بمذهب احدهم ويأخذ بمذهب الاخر يكون جاهلا بدينه أو متهاونا فيه.......أو أن من أخذ بالرأي الأشد يكون متعصبا متزمتا .

إذا كان لكل منا إمام أو فقيه أو مجموعة من الفقهاء يرتاح إلى فتياهم ويحب العمل بها( خاصة إذا كان يشهد لهم بالعلم و الأمانة) ، فلا يعني ذلك أن رأي غيرهم من العلماء غير جدير بالاتباع .......وكم من الفتن حدثت في التاريخ الإسلامي بسبب فرض رأي فقهي معين دون وضع الآراء الأخرى في الحسبان

أما ما ثبتت عليه معظم آراء العلماء بما يقارب الإجماع ، فالأحرى اتباعه دون غيره و إن أجيز أيضا اتباع غيره من الأراء ذات الوجاهة إذا اقتضت مصلحة المسلمين ذلك

الإمام الشافعي غير بعضا من مذهبه الفقهي عندما انتقل من الشام إلى مصر .......فهناك أيضا اعتبار لظروف المكان والزمان واعتبارات كثيرة مهما قرأنا في الدين لا نسطيع إدراكها كما يفعل العلماء......سواء كانوا من مصر أو السعودية أو الهند أو الشام أو أي بلاد المسلمين

الإمام القرضاوي وهو من هو ....المشهود له بالعلم و الأمانة ، لمجرد أنه اختار الأيسر في منهجه خاصة في كتابه الحلال و الحرام .....تهكم عليه المخالفون له في الرأي مطلقين على كتابه : الحلال و الحلال وأنا لا أظن أن من شيمة المسلم السخرية من رأي أخيه إذا خالفه الرأي

أطلت و استفضت .....ولكن أملي أن أكون قد أضفت ولو النذر القليل مما يجعلنا نفهم الفقه الإسلامي و طبيعته

[مسلم أنا]

السلام عليكم و رحمة الله و بركاته
أختى العزيزة أندلس
أنها لاول مرة احس أن معنا هنا على المنتدى مشروع فقيه
أظن ذلك و لا أزكى على الله أحدا
و نعم القول قلت
أخوكم فى الله

[أندلس]

بارك الله أخي مسلم أنا وجزاك الله كل خير ، و أسأل الله أن يفقهنا جميعا في الدين ، و أنا أقلكم علما و

فقها ، فكم من الإخوة و الأخوات يفضلونني في كل شيء

ولكن كل ما ارتجيته أن يكون ما قلته قد قريء و وعي و لو أن أحدا من الإخوة له تعليق عليه فلا

يحرمنني من تبادل الأراء

أسأل الله أن يعيننا على خدمة دينه و العمل على طاعته

[وائل]

كيف يمكن القول ات الرسول صلى الله عليه وسلم لم يحصر الأعياد فى عيدى الفطر والأضحى
لو كان الأمر هكذا
لم لم يترك الرسول صلى الله عليه وسلم أهل المدينة يحتفلون
ولم أنكر عليهم

والله الحديث واضح وصريح


1+1=2
إذا كان الرسول يرضى بإقامة أعياد أخرى
لكان رد فعله مختلف
لتركهم يحتفلون
ولاحتفل معهم

ياجماعة الخير المسلمون تركوا كل الاعياد ولم يبقى لهم إلا العيدين
فقط يحتفلون بعيد الفطر وعيد الأضحى
لدرجة ان أحدا لا يعلم بأى مناسبة كان أهل المدينة يحتفلون عندما نهاهم الرسول صلى الله عليه وسلم واوضح لهم أن لنا عيدين فقط

:D

كذلك جاء الصحابة من بعده والتابعين وتابعى التابعين
فلم يذكر أحد أنه استحدث عيدا وخرج عن أمر الرسول

أما أن يسلط سلاح البدعة على كل ما هو حديث فهو كلام غير منطقى طبعا
كالسيارة والملعقة

فالبدعة فى تعريفها
كل أمر استحدث فى الدين ويقصد به التقرب إلى الله مع انتفاء الدافع ووجود المانع

فمسألة أمر عمر بن الخطاب للمسلمين بصلاة التراويح فى جماعة
لا يكون بدعة
لأن المانع غير موجود هنا الذى من أجله لم تصلى فى المسجد فى عهد الرسول
وهو الخشية من أن تفرض على المسلمين

كذلك جمع القرآن فى عهد ابو بكر
كان هناك دافع وهو الخشية من موت حفظة القرآن دون أن يدون
فالدافع موجود للحفاظ على القرآن
رغم ان هذا لم يحدث فى عهد الرسول صلى الله عليه وسلم

وبالتالى لا الملعقة ولا الطائرة أو السيارة أو الكمبيوتر يطلق عليهم بدعة إلا من جاهل
لأنهم لا علاقة بالتقرب من الله انما جاء لمصلحة العامة والخاصة وبتطور الحياة

طيب؟
وهل الاعياد تقرب إلى الله
نعم رغم انها احتفال إلا انها الله شرعها للمسلمين للترويح عن أنفسهم
والاحتفال بها نوع من العبادة

وفى النهاية أيضا اذكر بالحديث الذى تكرر هنا كثيرا والذى أمر فيه الرسول أهل المدينة ان يتركوا أى اعياد أخرى لأن الله استبلهما بما هو خي منه
عيد الفطر
وعيد الأضحى

[مسلم أنا]

السلام عليكم و رحمة الله و بركاته
يا جماعة احنا بنتناقش فى ايه ؟
أولا المفتى بتلك الفتوى رجل قد بلغ من العمر عتيا و من العلم مبلغا واسعا عسى أن نكون فى مثل علمه
ثانيا هو يناقش الموضوع من وجهة نظر فريقين فريق راى بتحريمها و فريق راى بابحتها
من حرمها علماء و فقهاء لهم مبالغ من العم لم يبلغها احد منا على هذا المنتدى بعد و انى لارجو لكل منا الوصول لتك المكانة العلمية
و كذا من أباحها فهم أيضا فقهاء و علماء لهم مكانتهم و علمهم
فكوننا نحن نتناقش فى ذلك فهذا من سبيل النقاش مش الرد على هؤلاء العلماء
و على فكرة أنا عن نفسى لا احتفل بعيد ميلاد و لا أحضر عيد ميلاد
و لا تعجبوا فلى فى تلك الامور التى يختلفوا فيها أهل العلم أسلوب سمعته من أحد المشايخ و أطبقه دائما
و هذا الاسلوب يتلخص كما يلى
تخيلوا اننا الان فى يوم القيامة
و و ضع الميزان
و جاء رب العالمين ليحكم فى هذا الامر
فاتى بالفريق الذى أباح الامر بمن تبعهم جانبا
و كذا بالفريق الذى حرم و بمن تبعهم فى جانب أخر
و قال الله تعالى كلمته
فن كان الفريق الذى حرم على حق فالاخر سوف يعذب بما قال فى النار بعض الوقت و كذا من تبعهم
و اما اذا كان الفريق الذى أباح على حق فكلا الفريقين باذن الله فى الجنة
فالاضمن و الاسلم لى أن اتجه الى جانب الفريق الذى حرم
تلك وجهة نظرى فى هذا الامر
و لكنى لا استطيع ان اجزم اى الفريقين على حق لان كل منهم له حجتع و مرجعيته
هذا ما لدى
أخوكم فى الله

[نفرتارى]

فالخلاصة أن الاحتفال بأية مناسبة طيبة لا بأس به ما دام الغرض مشروعا والأسلوب فى حدود الدين

الله يكرمه الشيخ عطيه صقر00و جزاك الله خيرا يا مسلم و يا اندلس

:zzzz:

[وائل]

الشيخ عطية صقر شيخ فاضل
نجله ونحترمه
وهو عرض رأى الفريقين

ولكن
عندما عرض رأى الفريق الآخر لم نرى كيف استندوا على الاباحة
مع أن الرسول قال بالنص
قد أبدلكم اللَّه تعالى بهما خيرا منهما ، يوم الفطر ويوم الأضحى

ما معنى ابدلكم هذه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل معناها احتفلوا كما شئتم وضموا لهم يومى الفطر والأضحى؟

ولماذا المسلمون عنئذ امتنعوا عن الاحتفال بأى عيد عدا الفطر والأضحى؟

هذه اسئلة تحتاج لإجابة
فاذا جاءت فتوى دون ان تجيب على هذه الأسئلة وتذكر أن الأمر فيه اختلاف

فالعقل يرجح أن نتبع الرسول وصحابته من بعده
لا أن نبتدع أعيادا أخرى جديدة لم ينزل الله بها من سلطان


هذا ما أردت قوله
وهذا ليس معناه التقليل من مكانة شيخ له فى القلب مكانة عظمى

[أندلس]

بارك الله فيك يا نفرتاري.......لكنني لم أقصد بكلامي مسألة الاحتفال بعيد الميلاد أو مسألة بعينها وإنما

قصدت إيضاح أنه فيما يتعلق بالمسائل الشرعية يجب أن نفتح أذهاننا لتقبل الاختلاف بين الآراء الفقهية

المختلفة بالنسبة للمسألة الواحدة

[وائل]

وتكملة لكلام الأخت الفاضلة أندلس

ثم ننظر لأدلة كل فقيه

ثم ... لا الخطوة الأخيرة دى أندلس قالت عليها قبل كده
فلاداعى للتكرار




<!--EDIT|وائل|Aug 16 2002, 10:59 PM-->

[أبوعبدالرحمن]

جزاكم الله خيرا

بس ياريت الردود الخارجة عن الموضوع يحذفها أصحابها
ماشي! وبعدها أنا هحذف أي رد لي على هذه الردود الخارجة عن الموضوع :)

أما بالنسبة لموضوعنا نفسه
فاعتقد هريناه كلام
وتم عرض الرأي المحرِّم والرأي الغير محرم
وإن كنت مع الفقهاء الذين يرون بالحرمة، لقوة أدلتهم وحجتهم مقارنة بالآخرين
ولكني لن أجبر أحد منكم على أن يتبع رأي هؤلاء المشايخ جزاهم الله خيرا أو رأيي
ولكني أدعوا الله لنا ولهم بأن يبصرنا ويهدينا لما يحب ويرضى وما فيه مصلحتنا دنيا وآخرة
ونقطة أخيرة
بصراحة ارى من البعض بدون ذكر أسماء تعصب وربما عناد في رأيه
الله المستعان

[هريدي يابووووي]

والله جبت التايهة من الآخر يا عبقرينو.. جزاك الله خيرا..
الموضوع قتله العلماء بحثا.. و اختلفوا.. فانا مش عارف احنا مختلفين على ايه اساسا.. اللى عاوز ياخد برأى الفريق ده .. ماشى.. او العكس.. برضه ماشى.. لكن نغلط فى بعض و نخسر بعض.. هل ده فى ميزان حسناتنا والا ميزان سيئاتنا...؟
كمان حبيت اعلق على نقطة.. هل الصحابة احتفلوا برأس السنة الهجرية زى ماقال أحد الأعضاء؟؟

[أبوعبدالرحمن]

جزاك الله خيرا هريدي
ووجود اسمك في الرد فرحني :D


من المشاكل ان الموضوع يبدا عن شيء معين وبعدين ينحرف في اتجاه آخر، بل يتشتت في عدّة اتجاهات أخرى
والرد على سؤالك طبعا معروف انه لم يحتفل به أحد من الصحابة أو التابعين أو حتى تابعي التابعين
بس بيني وبينك لو رد هنا على سؤالك هيبقى تشتيت جديد للموضوع :D :D
ولا يهمك أنا بهزر :rolleyes:

[أندلس]

أخي دكتور عبقرينو........أرجو أن توضح قصدك جيدا بالنسبة لحذف الردود الخارجة عن الموضوع لو

كنت تقصدني لأنني الوحيدة التي استجدت في الموضوع فأنا أعتقد أن ردي في صميم الموضوع و لا

أعتقد أن هناك داع لحذفه.......واعتبروه ولو حتى من قبيل التعبير عن الرأي

أما إذا كنت لا تقصدني.......فحتى لو تم الخروج بعض الشيء عن الموضوع فهذا أمر غالبا ما

يحدث في المنتدى سواء بقصد أو بغير قصد من الجميع

وعلى العموم أشكرك على حسن استضافتك وسعة صدرك للآراء المختلفة.....أختك في الله

[أبوعبدالرحمن]

<span style='font-family:tahoma'><span style='color:blue'>
الأخت أندلس
جزاك الله خيرا على ردودك
بالعكس أنا لم أقصدك، وكويس انك قلتي ومشلتيش في خاطرك :)
بصراحة كده أنا قصدي الردود عن موضوع الدبلة والبنطلون "وأنا أحد المتهمين :D "، لأنه خلاص تم فتح موضوع جديد عنهم وأنا كمان فتحت موضوع عن التشبه بالكفار، بس مش للنقاش أنا عرضت بعض النقاط المهمة عنه
ومرة أخرى جزاك الله خيرا
</span> </span>

[أندلس]

شكرا أخي دكتور عبقرينو على التوضيح لأنني لم أرد أن اظن ظنا سيئا فآثرت التحقق منك......جزاك الله

كل خير :)

[أبوعبدالرحمن]

جزاكم الله خيرا

أنا حذفت ردودي الخارجة عن الموضوع
وعدلت بعض الردود الأخرى أيضا التي خرجت عن سير الموضوع

أرجو من باقي الإخوة عمل نفس الشي

وجزاكم الله خيرا مرة أخرى

[هريدي يابووووي]

جواب نهائى :D
تم عرض جميع الآراء....
وواضح ان الرأى الذى يرى بالحرمة.. مستند بكل ثقله على موقف الرسول عليه الصلاة و السلام مع أهل المدينة بالنسبة لأعيادهم.. فى حين انه واضح جدا من الحديث.. أن هذه الأعياد الجاهلية كانت اعيادا وثنية اساسا.. فتحريمها شئ طبيعى جدا.. و فى نفس الوقت.. فى الحديث لم ينه الرسول عن الإحتفال بمناسبات أخرى تستحدث فى الإسلام..
يعنى اساسا الكلام كله لا سند له لمن يتفكر قليلا فى الموقف و الحديث..
الرأى الآخر.. يقول بأن العبرة بطريقة الإحتفال و هل سيحتفل بالمناسبة بوسيلة حرام أم حلال.. و ذا كلام يقبله العقل و المنطق و الشرع.. طبقا لموقف الرسول عليه الصلاة و السلام من صيام يوم الإثنين..
نقطة أخيرة.. إحقاقا للحق..
يبقى....مناسبة الإحتفال ذاتها...
وعلى سبيل المثال لا الحصر..يجب أن لا يكون فيها تعظيم لفرد من الأفراد.. مثل اعياد جلوس الملك الفلانى على العرش او تولى القائد الفلانى دفة القيادة.. لأن توليه اياها ليس شرفا.. بل مسئولية.
و ويجعله عامر..
أغلق المحضر فى وقته و تاريخه :)

[زلابيا]

انا عارفه طبعا من غير سؤال ان الاخ عبقرينو يقصد موضوع الدبله و البنطلون :)
واعتذر عن التشتت اللى حصل ده لكنه كان بسبب البساطه التى طرح بها رايه فى موضوع الدبله وكيف انها حرام للاسباب التى ذكرها .. يعنى انا لم اقصد اى خروج عن الموضوع لاثارة موضوع ارتداء البنطلون انما كان السبب الرئيسى هو موضوع التشبه بالغرب عموما ومتى يكون مذموما ومتى يكون غير ذلك .. و شكرا لكم جميعا :D

[MOHAMMED2222]

السلام عليكم محمد حموده من ليبيا

[MOHAMMED2222]

لا لا لا يانفرتارى
اسمحيلى بالرد عليكى

اصل اساسا انا باعتبر انا وعبقرينو واحد
وتعالى هنا بس مافيناش من زعل من أولها

أولا
ايه كلمة
ايه الهيافة دى
لا لا من فضلك اسحبيها ولا تصح ان تقال ابدا ونحن نناقش امر دينيا ورأى الدين فى مسألة ما
أولا الإسلام عندما جاء اهتم بكل أمر من أوامر الحياة
صغيره وكبيره
الظاهر والباطن
المظهر والجوهر

ولم يغفل شئ على حساب الآخر

وعرف عن المسلم الحق انه فى كل أمر من أمور حياته يرجع إلى مرجعيته الأبدية
إلى دينه
هل هذا العمل يتفق ودينه أم لا

وليس من حق اى مفتى فى العالم اذا سئل فى مسألة ان يقول مثلا لا
هذه مسألة تافهة ليس للدين راى فيها

بل بالعكس يجب ان يقول رأى الدين


والقول بأتن هذا شئ تافه لا يجب ان تبحثه لجان الفتوى
هو امر لا يمكن الاخذ به

وإلا بقى العملية ستفتح مدخلا لكثير من الامور فى نظر الانسان تافهة
ولكن للاسلام رأى فيها
ممكن نلاقى واحد يقول
المولد النبوى
أعياد الميلاد
الصنادل للنساء
دبلة الزواج عموما والذهب خصوصا للرجال
الاهتمام باللغة العربية فى كلامنا
الخروج فى البلكونات للمحجبات بس من غير حجاب

كل هذه امثلة
وكلها ممكن القول عليها مسائل بسيطة

يعنى ياعم فوت

الدين مافيهوش ياعم فوّت

هذا ردى فقط على جملتلك ايه الهيافة ديه

صراحة كلمة لا تخرج من واحدة مثلا يانفرتارى

بجد كلمة صدمتنى
ورجاء تسحبيها
وعلى الاقل مايصحش نناقشك فى موضوع وتكون دى احد المصطلحات المستخدمة فى النقاش
هاتقولى انك ذكرتى انك ماتقصديش حد
انتى بتقولى ان لو كان تفكيرنا كده
طيب احنا ياستى تفكيرنا كده
مش معقول هتصرى على الكلمة دى