المساعد الشخصي الرقمي

مشاهدة النسخة كاملة : عمل المرأة

مدينة
03-25-2002, 12:47 AM
من الملاحظ جدا هذه الأيام أن المرأة تقوم بأعمال ومهام كثيرة جدا. و أنا أرى ان هذا أدى بالسلب على المجتمع. فالمرأة العاملة غير المتزوجة تعمل لأنها مسئولة عن نفسها ولكنها عندما تتزوج فإنها غالبا ما تستمر في عملها وتتحمل أعباء العمل والزواج وتربية الأطفال والبيت. وبالطبع هذا يؤثر سلبا على البيت والزوج والأطفال والمرأة نفسها. و في كثير من الأحيان يؤدي هذا للطلاق، ويصبح أبغض الحلال، مع الأسف أسهله :td: ومع هذا فأنا أرى أن الكثير من الشباب يفضلون المرأة العاملة. والأكثر من هذا يبدو أن المرأة تستمتع بهذا، وترى أن عملها هو الذي يرسم ملامح شخصيتها و يعطيها الثقة في النفس، فتتحول المرأة إلى كيان هالك بشتى الأعباء، مع أن دين الإسلام العظيم كرم المرأة بالآية الكريمة "وقرن في بيوتكن". ومن هنا أريد أن أتعرف أكثر على وجهة نظر الشباب و البنات في هذا الموضوع مع الأخذ بالمنظور الإسلامي. شكرا.
Fares
03-25-2002, 02:23 AM
انا هختصركوا موضوع عمل المرأه

شوفوا خروج المرأه عن وظيفتها الاساسيه ادى اللى انهيار المجتمع الغربى والعربى بكل المقايسس فشل كااااااااااامل
بنت النيل
03-25-2002, 08:10 AM
ممممممممممم عمل المرأه
من اعتقادي ان عمل المرأه يكسبها نوع من التجدد والاحتكاك بالناس ولكن

ركزوا على كلمه لكن ديه اوي اوكي

لا يجب على المرأه ان تعمل الااذا اقتضى الامر وشرط ان يكون عملها يتلائم ويتوافق مع الدين ويجب قبل كل هذا من موافقه ولي الامر ( الوالد ان كانت انسه والزوج ان كانت مدام )

لان مفيهاش حاجه ابدا ان تساعد المرأه زوجها وتعينه على هذا العصر الردئ
واعتقد ان كان الزوج موافق فلا توجد اي مشكله اما ان كان هناك اطفال فيجب على المرأه ان تجلس في المنزل لتراعي ابنائها لان ان كانت هى بالعمل وزوجها ايضا اذا من الذي سيعتني بتربيه الاطفال

هذا رأيي :twink: :twink:
NOOR
03-25-2002, 10:15 AM
كلامك ميه ميه يا بنتي (اصل اسمك بنت النيل طويل :tng: )

و انا معاكي في كل اللي قلتيه :tu: :tu:

و على فكره مع اني عايشه في بلد غربي الا ان معطم ستات شارعناقاعدين في البيت و بيربوا اولادهم :oo: مش بكدب والله
فرفوش النعكوش
03-25-2002, 10:55 AM
سبقتينى يا بنت النيل وقلتى الى كنت عايز اقوله و انا ماتفق معاكى تماما فى كل الى قلتيه:cheers: :tu:
بنت النيل
03-25-2002, 01:08 PM
نور وفرفوش مش عارفه اشكركم ازاي انا طبعا عارفه ان ده رأيكم انتم كمان بس انا سبقت :twink: :twink: :twink: :twink:
حنين
03-25-2002, 06:05 PM
ايه ده..
كلامك مليوووووون بالمية غلط..الا اول حاجة قلتها وثالثة حاجة..:agressive :agressive :agressive :agressive

هي ربنا خلقها عشان تكون المخلوق اللي من دون كيان واحساس:agressive ...هو احنا نسينا نساء الرسول وبناته عملوا ايه في الحروب والاستهاديات والمتعلمات والعالمات والمفتيات وما بنذكرش غير العكس بس وما يهمناش الاساس ايه؟؟..:updown: :updown: :updown: :updown: :updown: :updown: :updown:
مدينة
03-26-2002, 01:19 AM
شكرا لكل من شارك بإعطاء رأيه سواء كان مخالفا أو موافقا لرأي الذي طرحته. لكن ما ألاحظه من الآراء البنات مع عمل المرأة و الشباب متزمت جدا. أنا لا أعني أن تحبس المرأة ولا تعمل شيء بل أريد أن تصان كرامتها في بيتها وأن تعطي الله حقه في الدور الذي خلقها له. شكرا.
أبوعبدالرحمن
10-11-2002, 03:52 PM
أنا عن نفسي أشجع عمل المرأة وبشدة
وأدعو لذلك وأحب أن تكون زوجتي كذلك
قد تستغربون
ولكني فعلا أشجع عمل المرأة في بيتها وبيت زوجها :D
محدش يضرب :unsure:


أما العمل خارج البيت فأنه يجوز ولكن له ضوابط
وضوابط مهمة جدا
منها أنها لازم هي تكون راضية ومش مجبورة على العمل
وكمان لازم يكون مجال العمل مباح مش حرام
وشيي مهم جدا وصعب جدا أن يتوفر هذه الأيام إلاّ فيما ندر وهو ان الشغل ميكونش مختلط، مفهوش اختلاط الرجال بالنساء
وشيء آخر مهم، وكل نقطة طبعا مهمة، هو أن تلتزم بالحجاب الشرعي الكامل
هذه بعض النقاط في شروط عمل المرأة، لو حد عنده أي إضافة يتفضل
ولو حد عنده اعتراض على كلامي يتفضل برضه بس من غير ضرب :D
مدينة
10-11-2002, 05:26 PM
أنا أؤيدك 200 في الميه وأعتقد إن غفران كمان مع الموضوع ده. أنا زعلت الأول لما لقيت إنك مؤيد لعمل المرأه بس لما كملت فهمت. بارك الله فيك.

أصل اليومين دول معظم الرجال بيشجعوا أن المرأة تعمل خارج بيتها. مش عارفة ليه. <_<

أنا صحيح بأعمل دلوقتي لكن إن شاء الله الموضوع ده مش حيستمر إن شاء الله لما يظهر ابن الحلال :blush:
أبوعبدالرحمن
10-11-2002, 06:55 PM
ربنا يوفقك

الحمد لله جت سليمة ومحدش اتهور :D
Arabian_Knight
10-12-2002, 03:16 AM
Originally posted by عبقرينو@Oct 11 2002, 02:52 PM
أما العمل &nbsp;خارج البيت فأنه يجوز ولكن له ضوابط
وضوابط مهمة جدا
منها أنها لازم هي تكون راضية ومش مجبورة على العمل
وكمان لازم يكون مجال العمل مباح مش حرام
وشيي مهم جدا وصعب جدا أن يتوفر هذه الأيام إلاّ فيما ندر وهو ان الشغل ميكونش مختلط، مفهوش اختلاط الرجال بالنساء
وشيء آخر مهم، وكل نقطة طبعا مهمة، هو أن تلتزم بالحجاب الشرعي الكامل
:tu: :tu: :tu:


و أنا متفق معاك تماما يا أخى عبقرينو
و أحب فقط أضيف إن عمل المرأة خارج البيت- حتى مع توافر الضوابط السابقة- لا يفضل إلا لو كانت مضطرة لظروف مادية و إجتماعية مثلا أو لو كان عملها مطلوب شرعا - مثلا مدرسات البنات و طبيبات أمراض النساء -
زلابيا
10-12-2002, 03:44 AM
ليل نهار نتكلم عن السلف الصالح .. الصحابه .. رجال حول الرسول .. وكم نتمنى ان نقتدى بهم :) عشان كده وباختصار شديد احب اذكر حضراتكم واكيد كلكم بتحبوا سيدنا عمر بن الخطاب و تعجبون به و بنصرته لدين الاسلام .. اذكركم ان عمر بن الخطاب ولى امراه تدعى الشفاء قاضيه على السوق .. السوق ده طبعا كان فيه رجال .. بالاحرى كان فيه رجال اكثر ما فيه نساء :) فيا ترى انتم ليه مش بتقتدوا بيه فى التفكير ده !! و السلام عليكم :)

على فكره نسيت اقول شئ :) مش عارفه ليه بيكون عمل المراه قبل الزواج مباح و حلو بينما بعده بيكون هو جلاب المصايب !! اظن انه لو الفتاه المسلمه تعمل قبل الزواج فده معناه انه الموضوع مش حرام ولا عيب .. موضوع عملها بعد الزواج و كيفية تاثير العمل على البيت هو اللى فيه كلام و يختلف من امراه لاخرى .. صح؟ :blink:



<!--EDIT|زلابيا|Oct 11 2002, 11:47 PM-->
غــفــران
10-12-2002, 03:21 PM
السلام عليكم و رحمة الله و بركاته,

الموضوع ده اتناقش قبل كده في حوالي 5 صفحات في الموضوع ده اسفله لمن يرغب في الاستزادة:
عمل المرأة بين مؤيد و معارض (http://www.haridy.com/ib/index.php?s=93f420c336589ab5af3bce33185968ba&act=ST&f=1&t=15083)

و السلام عليكم جميعا :)