تصميم بعد غياب طوييييييل

[اخو السفاح بتاع كرموز]

السلام عليكم :hat:

انا لقيت شوية مصممين جامدين في الفترة الأخيرة في جرافيكا و شجعوني عشان انزل التصميم ده :chinese:

اللي لفتوا نظري الحقيقة اتنين هما هكور بيه و ديزاين ستوديو باشا :euro::euro:

ما علينا :thinky:

اتفضلوا التصميم ده في السريع معمول بثري دي ماكس 5 :hat:

http://www.7ayah.com/karmooz/q.jpg

بالراحة عليا يا جدعان انا مبتدئ يوه بقى

[آيات الجارحى1]

ما شاء الله بجد بجد تسلم ايدك..
وكده مبتدىء.؟؟؟؟
اومال لو مش مبتدىء كنت عملت ايه؟؟
بس تحفة بجد الله ينور...
وايه الازازة دى بتاعت ايه؟؟؟؟

[إنديان]

وعليكم السلام والرحمة والبركات،،،

ايوة كده اظهر وبان واكشف المستور اللي عندك انت واخوك المستخبي ومخبي معاه بلاوي اكتر من دي :shifty:

يا تطلعوا كل الي عندكم يا هبلغ عنكم :police:

يا جماعة الأخوة الكراميز دول -ماشاء الله عليهم- بيعملوا هوائل بس بيخافوا من الحسد :55:

يلا بقى عاوزين الي بعده واتطمنوا كلنا هنقفل عينينا ومش نشوف تصاميمكم الجديدة عشان محدش يحسدكم B)

بس كده انتوا فتحتوا نفسي للثري دي ماكس مرة تانية وفكرتوني بالذي مضى :sniff:

[هكور]

يسعدني ان اقول انه تم انضمام فنان محترف جدا الي القهوة :tu::tu::tu::tu:

[TOMYBOY]

:tu:
الله ينور يا عم بسام بجد تصميم روعة

:clap:
ربنة يزيدك

:55:

[At2OoTa]

:)
ما شاء الله..
تصميمك عجبني أوي:)
اصل أنا بحب الكاروهات:)
و الأبعاد الثلاثية:)
تسلم ايدك...
nice work:wink:
,, تحياتي يا أخو السفاح.....:wink:

:flowers:

[placebo]

اهو ده شغل المحترفين ولا بلاش .. انا آخر مرة لعبت على ثرى دى ستوديو كان قبل الماكس ماينزل .. وبعد كده جيتلى سديهاية ثرى دى ماكس فيرجن 2 ولحد دلوقتى مانزلتهاش !!!

[اخو السفاح بتاع كرموز]

:hat:

ربنا يخليكوا يا جماعة رفعتوا روحي المعنوية فوووووق :bb:


آيات الجارجي .. و الله مبتدئ :D اصل البرنامج ده عايز خبرة جامدة اوي و يطلع احسن من كده بمليون مرة :rolleyes:
و الإزازة فيها فيييييييييل :brb:

الباشا الجامد اوي اللي نور جرافيكا انديان بيه اللي مبيردش على اي موضوع خالص :chinese: رد على موضوعي :blush): ربنا يخليك :rolleyes: و تعيش و ترد على موضوعاتي .. هنزل تصميمات يا باشا كويس انك طمنتني :D

هكووور :sniff: يا باشا محترف مييين :nug: انت مشوفتش حاااجة :cry: ربنا يكرمك رفعت معنوياتي اوي :tu:

TomyBoy تايسون :chr24: يعني اسكندرية :bb: و شباب اسكندرية :tu: يا بيه ربنا يخليك للغلابة :chr24:

At2OoTa ربنا يكرمك على كلامك الجميل ده و هنزود الكاروهات عشان تعجبك كل مرة:D

placebo :luck: بيقولك ثري دي ماكس 6 نزل يا ريس :D صح النوووم :pirate: ربنا يخليك لمصر :eg:

[Life_Trap]

يا حلاوة يا عيــــــــال :clap:

شغل كبير أوى اوى اوى


اه :surrender

انا اتعقدت خلاااااااااااااص :blink:







بس بجد بجد بجد الله ينور يا بسام :tu:

و الغياب ممنوع :shak:

[الرحالة]

كمستوى مبتدئ في الماكس روعه :tu:

بس لو حاب تسمع ملاحظات خد عندك

الافضل البرتقال تكون محببة من بره شوية

والفتاحة لونها يتغير شوية عن البرتقاله وتحاول تستخدم رندر فيه شوية عروق كده تشبه عروق في التفاح عشان تبقى اكثر واقعية

معدن السكين عايزله رندر اكثر واقعيه كمان

والباقي روعه برايي ..

بس سؤال .. انت عامل الموديلز دي ولا موفقها ؟

لو انت عاملها تبقى مش مبتدئ تبقى فاضلك على الاحتراف سنة :tu:

ولو موفقها يبقى اختيار رائع وبداية موفقه جدا ..

بس على فكرة كانه ظل الزجاجة مش ماشي مع ظل الفاكهة < ايه حكايتي مع الظل اليومين دول :brb:

[السفاح بتاع كرموز]

كاتب الرسالة الأصلية : الرحالة


بس على فكرة كانه ظل الزجاجة مش ماشي مع ظل الفاكهة < ايه حكايتي مع الظل اليومين دول :brb:

و الله عارف انك هتتكلمي في الظلال :brb: و على فكرة بسام عمل بزور خفيفة في البرتقان بس مش باين من بعيد :closeeye: و هو اللي عامل الموديلينج طبعا :-".. ده اخو السفاح يا اخوانا << تعليمي :chr24:

طيب هو التصميم جميل يا بسام بس هقول هنا عشان الناس برضو يستفادوا :knight:
خد عندك :nug:

اول حاجة المفرش اللي على الترابيزة تقيل شوية:huh: مش شوية .. ده تقيل خالص :angry:
تاني حاجة الكرسي عالي أو الترابيزة واطية :dry:و محدش هيعرف يقعد ياكل البرتقان ده:cry:
بالاضافة طبعا لملاحظات الرحالة بتاعت الظلال :brb:

غير كده التصميم منتااز منتاز :D

و اكتبلي اسمك في ورقة :euro:

[إنديان]

ايوة كده انا كنت مستنى الفنانين الكبار بتوع القهوة يقولوا كلمتهم الفنية في رسمتك B)
ودلوقتي اذا تسمح لواحد هاوي بسيط جداً في عالم الثري دي يقول رأيه :blush):

معلش يا كرموز التاني اتحمل النقد بتاعنا واحنا واخدينك بالراحة زي ما طلبت :zzzz:

بالنسبة للظلال انا كنت منفض ايدي منها لأني كنت متوقع من الأخت الرحالة انها تقوم بالواجب :D
انا طبعا مش فاكر المصطلحات للمسميات في البرنامج لأني اشتغلت عليه زمان ايام الدوس :rolleyes:
بس فيه حاجة مهمة جدا وهي الإضاءة :idea: .. ودي كانت مغلباني معاها جداً :curse:

عموما قبل ما ابدأ انا هقولك ايه هي نظرتي للصورة وازاي انت وزعت الإضاءة فانت قولي بس هل كلامي صح ولا لأ :rolleyes:

اعتقد انك استخدمت لمبتين في الإضاءة وحدة فيهم عامة والتانية متركزة .. المتركزة جت آثارها بوضوح على التفاحة والبرتقالة لأنك عامل نقطة المركز في الإضاءة في وسط الصورة والي هو على صحن الفاكهة .. والسكينة بالتالي اختفت معالم المعدن فيها بسبب قوة الإضاءة وظهرت في شكل انعكاس للضوء .. ومش بعيد تكون البروز الخفيفة على البرتقالة مش باينة بوضوح بسبب قوة الإضاءة عليها برضه،،

واعتقد برضه انك مقرب الإضاءة على الترابيزة شوية وحاططها في نقطة وسط بين الزجاجة والفاكهة وعشان كده حصل الإختلاف البسيط في الظل بين الزجاجة والفاكهة،،

اذا كان كلامي صحيح فحاول يعني أولاً تبعد الإضاءة شوية... وثانياً تخفف الإضاءة المتركزة وتقوي الإضاءة العامة والبعيدة بحيث انهم يكونوا في اضاءة متقاربة نسبياً :elec:

اما اذا كان كلامي غلط فسيبك مني وخليك مع الخبراء ربنا يكرمهم :tu:

بس مجرد نصيحة من واحد تعب مع الإضاءة كتير :hot: ان دايما في عالم الثري دي حاول تتخيل نفسك في الموقع اللي بترسمه .. يعني هل في اوضة مغلقة أو فيها شباك .. ولا هل الموقع برة في الشارع .. وفي الليل ولا في النهار .. وازاي المفروض تكون الإضاءة في الموقع من ناحية البعد المنطقي عن الجسم المراد توضيحه، وقوة اللمبة بحيث تتوافق على حسب الوضع الزماني والمكاني..... وكل ده بس عشان تعطيها واقع منطقي وأقرب مايكون للحقيقة ^_^

هو ماشاء الله عليك من حيث الرسم اتقنت رسم الأشكال بشكل جيد :tu: .. بس الإضاءة دي بقى محتاجة تتعلمها لوحدها وتبذل فيها جهد و وقت خاص بيها :yep: .. لأن اهميتها تقريبا مش اقل من اهمية اي حاجة بترسمها في شكل ثري دي .. لأنها في الآخر بتعطي الإنطباع العام للصورة وما تحتويها من اشكال واسطح والوان وغيره... :chr73:

وأحيانا فعلا بتكون صعوبة توزيع الإضاءة اكتر من صعوية رسم الأشكال الثلاثية الأبعاد :hot:

امال ليه بنلاقي في هندسة الديكورات ناس متخصصين في هندسة اسمها هندسة الإضاءة :elec:

انا مش عايز اعقدهالك لأن المسألة بإذن الله هتلاقيها في الآخر سهلة ومن ابسط ما يمكن بس زي ما قلتلك انت اعطيها حقها من الوقت وإن شاء الله هتشوف نفسك بتعرف تظبتها بسرعة ازاي وفي ثواني :tu:

[DESIGN|STUDIO]

ماشاء اخونا العزيز شغل جميل

بالنسبه للنقطه اللى اخوك اتكلم فيها ان المفرش تخين فى ماكس خمسه امكانيه تخفيف الملابس و دى ماكنتش موجوده قبل كده فى الماكس قبل الاصدار 5

بالنسبه للظلال اعتقد ياشباب فى الماكس احنا مالناش دعوة خالص بالظلال
كل اللى بتتعامل معاه هوة الاضاءات و بالتالى هيه اللى بتأثر على الظلال
يعنى احنه مجرد متحكمين فى كميه الاضاءات و اتجاهها و الماكس بيقوم بتحليل كل دا فى عمليه الريدندرينج..
يعنى لو مثلا ظهر عندك عيب فى الظلال شوف الاضاءات اللى انته حاططها ايه ظروفها لكن فى الماكس مالناش علاقه ابدا فى الظلال اى نعم ممكن تتحكم فى الوان الظلال و طريقه الريندرينج بتاعها
لكن اتجاهتها و طريقه حسابها بتتعلق بالاضاءات فى علاقه عكسيه

بس فى العموم شغلك جامد ياعم استنى اما ارقيك:55:
و خد دى:flowers:
الا بالمناسبه انتو فعلا اخوات ؟ و صوره مين اللى على اليمين دى اللى انته حاطها انته و اخوك ؟ حد معرفه ؟؟
كنت سامع فعلا ان ماكس نزل بس ما نزلش السوق الشركه نزلت الاصدار و ادوه لمنتجين فيلم X men2
و عملو بيه الخدع اللى فى الفيلم بس دا مجرد كلام قريتو على النت مش متأكد من صحتو

و بالتوفيق يا اخونا

[إنديان]

بالنسبه للظلال اعتقد ياشباب فى الماكس احنا مالناش دعوة خالص بالظلال
كل اللى بتتعامل معاه هوة الاضاءات و بالتالى هيه اللى بتأثر على الظلال
يعنى احنه مجرد متحكمين فى كميه الاضاءات و اتجاهها و الماكس بيقوم بتحليل كل دا فى عمليه الريدندرينج..
كلام مية مية :tu:

وهو ده كان قصدي من الإضاءة الواقعية لإظهار الصورة بشكل منطقي :elec:

وممكن نقول ان رسمتك يا بسام واقعية وصحيحة اذا تخيلنا نفسنا قاعدين على الكرسي عند الترابيزة وبناكل الفاكهة وجايبين ابجورة بقوة 100 وات وحطيناها في الطرف التاني من الترابيزة ومفيش مسافة متر بينها وبين الترابيزة وموجهينها ناحيتها .. كده بس هتكون الصورة واقعية .. والدنيا هتكون ولعة بحرارة اللمبة :hot:

يوه انا شديت قوي على الكرموز التاني وكفاية عليه كده :blush):

[HR]
كنت سامع فعلا ان ماكس نزل بس ما نزلش السوق
اذا كنت بتقصد 3D Studio MAX 6 يا أخ ديزاين فده نزل رسمياً في الأسواق من حوالي شهرين :yep:
http://a248.e.akamai.net/f/248/5462/2h/www.digitalriver.com/v2.0-img/operations/discreet/thumbnail/3/d/s/3dsmax6_detail.jpg

وعندي النسخة دي وهي عبارة عن 3 سيديهات .. إذا النسخة دي مش موجودة في مصر فممكن ابعتها لشخص واحد فقط بس يقولي ابعتها ازاي او مع مين من السعودية من جدة لحد عنده وبإذن الله هتوصله :flowers:

بس بشرط :closeeye:

لا لا مش عايز ولا مليم :drop2:

الشرط هو ان الي ياخد النسخة فلازم يبعت للأخوة الكراميز نسخة منها والا مش هبعتله :dead: .. واذا اي حد من القهوة من مصر عاوزها فيتكرم ويبعتهاله ومش يتلكك :wink:

اما اذا كانت موجودة عندكم في مصر فياريت حد فيكم يتكرم ويبعت نسخة كرموزية للتوأم الكرموزي :hat::hat:



وخدوا عندكم دي هدية لمحبين الثري دي ستوديو ماكس وشوفوا الإمكانيات الجديدة الي بيعملها البرنامج في نسخته السادسة وطريقة عملها .. وهتلاقوها في شكل ملفات فيديو تعليمية Video Tutorials :tv:
http://www.discreet.com/3dsmax/tutorials.html

[الرحالة]

انديان .. جزيت كل خير انا شخصيا استفدت من الي كتبته .. ولو ان الماكس تطور جداااااااا عن ايام دوس :)

مكنتش اعرف انكم متابعين معايه موضوع الظلال شكلي زودتها بجد :brb::brb:

على فكرة قلتها مرة وبعيدها .. انت بروفيسور ياانديان الله يحفظك :tu:

بالنسبة لملاحظاتي انا طبعا مبتدئة لسه جدا جدا في الماكس يعني يادوب فاندمنتال .. ورايي كان من منطلق رؤية فنية مش اكتر .. لكن التكنيك دي على المصمم بقى .. وعامة انا جربت اعمل بامبد ونويز وتكستشر ماب وضبطت معي .. قصدي على البرتقاله .. فممكن عشان تظهر الخامة اكتر تضيف تكستشر ماب حتى لو تعمله بالفوتوشوب عشان يديك المؤثرات الطبيعية اللي بالفاكهة ..

ربنا يوفقك يارب وعقبال لما اوصل للمستوى ده يارب واكون مشهد كامل :pray:

[الرحالة]

مافهمتش يعني انت فين في جدة ؟ ولا فين ؟

[اخو السفاح بتاع كرموز]

كاتب الرسالة الأصلية : DESIGN|STUDIO
الا بالمناسبه انتو فعلا اخوات ؟ و صوره مين اللى على اليمين دى اللى انته حاطها انته و اخوك ؟ حد معرفه ؟؟

و بالتوفيق يا اخونا

ايوة اخوات و دي مش صورة واحدة .. ركز بس :D
ربنا يكرمك و فعلا كلامك مظبوط في موضوع الظلال حتى لو في مصدرين للضوء و ظلالين برضو واقعي يعني ممكن الحاجة يبقى ليها ظلالين و تلاتة و اربعة

عمي انديان .. كل ده عشان التصميم الغلبان ده :thinky:
كلامك معظمه مظبوط خصوصا الحتة بتاعت اي حد معاه ماكس 6 يديه للكراميز :D

الرحالة .. عملتي نويز و بامب و تكستشر مااب :huh: جربي النويز لوحده كفاية اوي اعتقد و انا برضو هجرب اعمل بامب و تكستشر ماب و نويز :thinky:
و ربنا يوفقك :tu:

[إنديان]

كاتب الرسالة الأصلية : الرحالة
انديان .. جزيت كل خير انا شخصيا استفدت من الي كتبته .. ولو ان الماكس تطور جداااااااا عن ايام دوس :)
ياااااه هو كلامي كان للدرجادي مفيد لحد ما المعلمة والأستاذة الكبيرة في جرافيكيا الرحالة ذات نفسها تقراه وتستفيد :clap:

طبعاً أكيد الماكس متطور بشكل أكبر من بتاع الدوس وانا اشتغلت عليه شوية بعد الدوس على النسخة التالتة من الماكس على الويندوز .. بس لأن الكمبيوتر وقتها كان بيشتكي من قلة الرامات قمت شيلته و وقفت منه خالص .. وبعد كده لما نزل الرابع والخامس ودلوقتي السادس فضلت اركب كل واحد فيهم واتفرج عليه شوية وبعد كده اشيله واقول اخليه لبعدين لما الاقي وقت فاضي :unsure:

ولحد دلوقتي مش ملاقي الوقت الفاضي ده :انجغة:

مافهمتش يعني انت فين في جدة ؟ ولا فين ؟
ايوة في مدينة جدة بوابة الحرمين الشريفين ومسقط رأسي :bang:

[HR]
كاتب الرسالة الأصلية : اخو السفاح بتاع كرموز
في موضوع الظلال حتى لو في مصدرين للضوء و ظلالين برضو واقعي يعني ممكن الحاجة يبقى ليها ظلالين و تلاتة و اربعة
بالظبت كل ده ممكن بس المهم ابعد الإضاءة عننا شوية احسن الدنيا هتولع حر موت من حرارة اللمبات :hot:
او تعوضها بإنك توفرلنا مناديل كلينكس :hot::hot::hot:
ومعاها نظارات شمسية B) B) B)

كل ده عشان التصميم الغلبان ده :thinky:
انا قلت خليني الحق الواد المكرمز احسن كل الناس نازلة مديح فيه وقلت خليني اطلع كل العيوب الي فيه عشان يكون فيه توازن في الأمور :juggle:

كلامك معظمه مظبوط خصوصا الحتة بتاعت اي حد معاه ماكس 6 يديه للكراميز :D
اييييييييه عجبتك آخر حتة بس :ch9:

طيب بس خلي اي حد يتكلم الأول وبعد كده ربنا يسهل :zzzz:

[DESIGN|STUDIO]

حبوبى كرموز الاخ
انا لما قلت ان المسأله تتعلق بالاضاءات ماكنش قصدى على عملك او نقد ليه
لا دا تصحيح مفهوم الاخت الرحالة ذكرتو و انا اتكلمت عامه
و بالمناسبه ياكراميزو
التصميم عامل زى الفلسفه كلو صح حتى لو وصل للتضاد لان كل واحد صح من وجهه نظرو :) اتمنى تكون وصلت الفكره
بالنسبه لاخونا انديان طالما هوة نزل انشاء الله هورفرلكم لينك ان شاء الله
او طريقه لتنزيلو لو كان متاح على من برامج الداونلود اللى زى كزا و اي منكى
او ايميش
و متشكرين تعبك معانا (سلام مربع :dots:و مدور :ballon: لاخونا انديان)
و سلام لشبابنا

هههههههه انتو طلعتو توأم ولا شبهه بعض كدا و مش توأم ...سبحان الله بجد اول مره اخد بالى انا فكرتو نفس الشخص بس مرحلتين سنيه مختلفه ماختش بالى انهم شخصين مختلفين ماجتش فى بالى يالا بقى عشان لو توأم خدو كل واحد وحده :flowers::flowers:

[DESIGN|STUDIO]

هلا شباب
ممكن تنزلو الترايل فرجن الموجود على الموقع و هوة بيشتغل 30 يوم بس
و كمان جبت الكراك بتاعو
عشان تجيب البرنامج من على الموقع الرسمى للبرنامج
http://www.discreet.com/3dsmax/
هتلاقو على الشمال كلمه 30 day trial اضغط هتطلعك صفحه بوب اب كل اللى اللى المفروض تعملو .. بتملى ابلكيشن سابسكراب صغيره و بيبعتلك اللنك على ايميلك
و دا اللى جالى على الايميل
اتفرجو
http://nct.discreet.com/fulfill/0049.009/download/2003-b4d2bea4bb19cb09c14459e21e99343e-3


بعد ما تنزلو ...
اتفضلو ادى الكراك
حمل الكراك و ادعيلى (http://www.elbaha.com/img/vr6.zip)
و اى خدعه احنه هنا:-"

[DESIGN|STUDIO]

كاتب الرسالة الأصلية : آيات الجارحى1
وايه الازازة دى بتاعت ايه؟؟؟؟

هههههههه دى عشان ينسى و فى روايات اخرى
عشان يجى يلاعبنى ههههه

[الرحالة]

كاتب الرسالة الأصلية : إنديان
ياااااه هو كلامي كان للدرجادي مفيد لحد ما المعلمة والأستاذة الكبيرة في جرافيكيا الرحالة ذات نفسها تقراه وتستفيد :clap:

طيب بس خلي اي حد يتكلم الأول وبعد كده ربنا يسهل :zzzz:

الشهاده لله كل رد لك بالمنتدى بستفيد منه :) دي نقطة

تاني نقطه .. ياخونا انا مش استاذة ولا معلمة والله :) انا مجرد طالبة علم :book: وعندي وجهة نظر :chinese: وده اطراء منكم وكرم اصل الحقيقة :) ..

ثالث حاجة .. انا هانزل السعودية كمان شهر لو عرفت اجيبه من المنطقة الشرقية يبقى كويس معرفتش هاتتفضل مشكورا تبعتهولي على هناك :) وانا هارجع باذن الله في نفس الشهر وابقى ابعت نسخة للكراميييز :tu: التوءمان السياميان .. قصدي الفنانان بتوعنا :)

جزيت كل خير على الكراك اخي ديزاين :tu:

[الرحالة]

بس ده باين بتاع 4 و 5 انت جربته؟

[DESIGN|STUDIO]

و سته كمان :)

[إنديان]

كاتب الرسالة الأصلية : الرحالة
الشهاده لله كل رد لك بالمنتدى بستفيد منه :) دي نقطة
ياكثوفي :blush):

انا مجرد طالبة علم :book:
طب ايه رأيك ان انا لسه لا ازال طويلب علم :انجغة:
وكل الي بتقرأيه ده في ردودي مهواش الا عبارة عن قراءاتي ومشاهداتي من مختلف المصادر لا أكثر ولا أقل :read: :lemo: :wshwsh:
يعني مخترعتش حاجة ولا قلت حاجة من عندي وكلها يا مترجم يا مقتبس :ninja:
وكل الي بعمله اني ادبلجه باللهجة المصرية :nanana:

والحمد والفضل كله لله أولاً وآخراً :pray:

انا هانزل السعودية كمان شهر لو عرفت اجيبه من المنطقة الشرقية يبقى كويس معرفتش هاتتفضل مشكورا تبعتهولي على هناك :) وانا هارجع باذن الله في نفس الشهر وابقى ابعت نسخة للكراميييز :tu: التوءمان السياميان .. قصدي الفنانان بتوعنا :)
افرح يا كرموز :clap::clap:
زغرط يا كرموز :lolly::lolly:

ان شاء الله كلها شهر ونص او شهرين بالكتير وتوصلكم البضاعة ونبلغ عنكم البوليس :clap::police::clap:

وانا في انتظار اي رسالة منك يا اختي الرحالة في حالة ملقيتيش البرنامج :)

وبإذن الله توصلي وترجعي بالسلامة :flowers:

[الرحالة]

ربنا يكرمك ماقلناش انك اخترعت :) بس اعجبني فيك سعة علمك .. والانسان طول ماهو عايش بيتعلم وبيطلب العلم .. لكن ماشاء الله لاحظت ان ثقافتك واسعه .. ومعلوماتك في الصميم تبارك الله ..

وفعلا مفاجأة لي انك مش مصري :chinese:.. بس واضح انك بتحب الانديانز اوي :pirate:

باذن الله الاقيه ومااكلف عليك :) واذا مالقيته هانتواصل ان شاء الله ونشوف كيف نوصله للاخوة الكراميز

تحياتي
الرحالة

[إنديان]

كاتب الرسالة الأصلية : الرحالة
وفعلا مفاجأة لي انك مش مصري :chinese:.. بس واضح انك بتحب الانديانز اوي :pirate:

نص كلامك صح والنص التاني جت أوت :nanana:

اصل اذا كنتي لاحظتي على اليمين تحت اسمي هتلاقي ( الدولة: من بلاد الأفيال والبهارات ) :sindbad:

وبعد تصحيح جملتك ينتج التالي:
وفعلا مفاجأة لي انك هندي :turban:.. بس واضح انك بتحب الاجيبشنز اوي :eg:

لأني هندي مولود في السعودية ومقيم فيها طول حياتي كهندي ولا زلت .. وعشت بين مختلف الأجناس وكان للأخوة المصريين نصيب الأسد لأني اتعلمت على ايادي اساتذة من مصر :cleo:

بس مش أكتر من كدة :D

[الرحالة]

سبحان الله :)

لاعجب اذن في سعه علمك :)


عامة انا ماجاش على بالي ابدا ابدا مع اني شايفة فعلا انك كاتب البلد ايه .. بس برضه ماتخيلتش ..

تشرفنا ياانديان :flowers: