هاتعملى إيه لو كنتى مكانها [الأرشيف]

فجر

08-08-2002, 07:39 PM

السلام عليكم و رحمة الله و بركاته

مواقف كتير بتقابلنا و مش بنعرف نعمل فيها إيه لأسباب كتير منها عدم الخبرة بالحياة او المفاجئة الى أخره و علشان ده انا جات لى فكرة و هى عرض بعض المواقف هنا و تحطى نفسك مكان صاحبة الموقف و فكرى لو انتى مكانها هاتعملى إيه و انا هأقوم بعرض موقف جديد كل فترة و لو اى واحدة فيكم إتعرضت قبل كده لموقف ما عرفتش تعمل فى إيه ممكن تعرضه لنا .

و الفكرة دى يا جماعة أنا عملتها بغرض الإستفادة من خبرات بعض و إستشارة بعض إذا ما تعرضت واحده فينا فى يوم من الأيام لأحد هذه المواقف. و فى الأول و الأخر انا فى إنتظار تعليقكم على الفكرة.

الموقف الأول:

فتاة على قدر كبير من الجمال و بعد فترة جالها إبن الحلال و تزوجت و لكن بعد أشهر قليلة من الزواج أمرها زوجها بخلع الحجاب و هددها بالطلاق إذا لم تفعل !!!!!!!!!!

فماذا تفعلين لو كنتى مكانها :?small: :?small: :?small: :?small:

فى إنتظار مشاركاتكم و أرائكم
إختكم فى الله
فجر

و السلام عليكم

sshy

08-08-2002, 08:21 PM

فجر موضوعك أكثر من رائع و فعلا فكرة ممتازة
بصراحة الموقف هيبقي صعب جدا
هو الصح ان الزوج لو عمل كدة فيحق للزوجة ألا تطيعة و لو أجبرها علي فعل ذلك فيحق لها طلب الطلاق لكن طبعا هي مش هتحب تبقي اسمها مطلقة مهما كان و او اني مرة سمعت عن واحدة طللقت من زوجها فعلا لانة لم يوافق لها علي لبس النقاب و هي كانت مقتنعة انة فرض و قالت انا مش هادخل النار عشانة و لا علشان حد و فعلا متهيألي طلقت منة
و الزوج اللي يحب بصراحة ان زوجتة تبقي شيك و ستيل أمام الرجال يبقي مش محترم أبدا
و لا عندة غيره و لا دين و لا حتي دم
و الصح في موقف زي اللي ذكرتية ان الفتاة تحاول قدر الامكان أختيار شخص متدين يشدها لفوق مش لتحت
و بعدين حتي لو لم تكتشف انة كدة غير بعد الزواج يبقي تحاول أنها تقنعة و تهدية و تصلحة و لكن متخرجش من البيت أبدا
و تقولة انها أوكي مش هتخرج من البيت بالحجاب لكن مش هتخرج برضة من غيرة
و لو جة حد عندهم مش هتقابلة بالحجاب لكن مش هتقابل حد من غيرة
و تدعو الله كثيرا جدا جدا جدا جدا و بصدق و يمكن ربنا يصلح لها زوجها لو رأي منها صدقا
لكن لو زوجها فضل علي حالة يبقي الصح انها تتركة و لو بأي ثمن لانها احسن لها تعيش مطلقة و تعيسة علي أن تخلد في نار جهنم بسبب تركها لفرض الحجاب و ربنا مش هايعذرها لاي سبب كان
و يارب مفيش أي بنت تتحط في الموقف دة أبدا أبدا أبدا يااااارب لانة فعلا موقف صعب جدا
بحييكي مرة تانية يا فجر علي الفكرة
و في أنتظار أراء الاخرين كمان يمكن حد يدينا رأي تاني أفضل
و ياريت نسمع رأيك كمان يا فجر :wub: :wub:

موناليزا

08-08-2002, 09:27 PM

:wub: انا رأي من رأيs (كفاية حرف واحد دة كله اسم)
وهي برده تحاول تقنعه بالقرآن والأحاديث وتاتي له برجال العلم الذين يملكون قدرة عالية على الاقناع وان لم يقتنع ف.........السلام عليكم هو الخسران حلوين الكلمتين دول يللا بـــــــــاي موناليزا مؤقتا :wub: :wub:

سبيل الله

08-08-2002, 09:43 PM

أنا طبعا من راي my sister موناليزا لأن "ما عندكم ينفد وما عند الله باق " فاذا هي تركت زوجها هذا واختارت ما عند الله فسيكون ذلك هو الخير كله ولا تبالي بشرور الدنيا ومفاتنها ولا مانع من حمل لقب مطلقة اذا كان في رضى الله :roses: :tulip:

فجر

08-08-2002, 10:22 PM

السلام عليكم و رحمة الله و بركاته

بجد انا سعيدة جدا بإهتمامكم بالفكرة و الحمد لله انها وجدت هذا الصدى لديكم و أرائكم كلها حلوة و جميلة و كلامك جميل جدا و مقنع يا syyh_222 يا حبيبتى لانك متزوجة و أدرى و شكر خاص و عميق جدا لمشاركة أختى الحبيبة موناليزا و الأخت هريدى تو و بكده لازم تشاركونا فى اى موقف جديد.

اما عن رائى فأنا هاخليه فى الأخر ، و ياريت يا جماعة كمان العضوات المتزوجات ما يحرموناش من رائيهم و خبرتهم برضوا و فى إتنتظار مشاركة أكثر و حماس أكثر.

و تحياتى لكم جميعا

و السلام عليكم

سبيل الله

08-09-2002, 05:45 PM

الفكرة جميلة وزودي المواقف واحنا نقول رأينا وانت كمان عرفينا رأيك :h2: :wub:

فجر

08-09-2002, 07:05 PM

السلام عليكم و رحمة الله و بركاته

يعنى خلاص كده محدش عايز يضيف رائيه او حتى تعليق :?small: :?small: :?small:

على العموم فرصة اخيرة على أخر النهار اذا لم يضيف احد سأضيف رائى و نبدأ موقف جديد

و شكرا لإهتمامك هريدى تو :wub:

و السلام عليكم

فجر

08-10-2002, 02:01 AM

السلام عليكم و رحمة الله و بركاته

هاااااااااه اخر كلام يا جماعة نقفل باب المناقشة فى الموقف دة..................
ألا أونه
ألادو
ألاتريه
خلاص انا هاضيف رائى و طبعا هو زى رائى اى واحدة فيكم انا اصلى ماليش اى خبرة بصراحة فى اى حاجة و لعلكم انا عملت الفكرة دى لانى فعلا فى حاجة لخبراتكم جداااااااااا يعنى الموضوع مصلحة برضوا ;) بس المصلحة هنا مشتركة :D
المهم انا رائى اولا ان الحل يكون من البداية يعنى من اول الإختيار ان يكون اللإختيار من البداية صح و التركيز فى الاختيار على أخلاق و تدين الزوج و كمان البنت ما تنساش صلاة الإستخارة بالذات فى الموضوع ده و طبعا الإستخارة مهمة فى كل شئ فى حياتنا .
اما و قد حددث ما حدث فلن نبكى على اللبن المسكوب و نقول يارتنى فكرت و إخترت كويس من الأول المهم دلوقتى ان فى حياة و عشرة و أسرة كاملة فى إيد زوج و زوجة و دى مش حاجة سهلة نضيعها لازم تحطها الزوجة فى إعتبارها و هى بتفكر هاتعمل إيه و لكن فى نفس الوقت لازم تحط فى تفكيرها ان لا طاعة لمخلوق فى معصية الله و انها تحاول مع زوجها بالحب و الكلام اللين و تقنعه و تشوف من يحبه و يحترمة و يقدره و لا يرفض له رأى و تطلب وساطته فى الامر لإقناع الزوج و قد تلجأ لاحد الشيوخ فى المساجد او تسمعه شريط الحجاب و فضل الحجاب و العقاب الذى سينالها فى الأخرة إذا ما تخلت عنه و تقول له ( إذا كنت فعلا تحبنى هل ترضى لى هذا العذاب و هذا فى المصير فى الأخرة ام انه من الأفضل ان ألتقى انا و انت فى الجنة ، النعيم الباقى الخالد) . و طبعا لاتنسى الدعاء لان يهديه الله.

و أذا أستمر على عناده فأعتقد ان افضل طريقة هى طلب وساطة الاهل و ان كنت ارفض ان يعرف الاخرين اى شئ عن حياة الزوج و الزوجة مهما كان بينهم من خلافات و لكن هذا سيكون اخر السبل لان الموضوع ليس بالهين و ربما يكون هذا هو الحل المقنع و قد نجح كبار العائلة فى إثنائه عن تفكيره.

اخر شئ بعد كل هذا يكون هو الذى يسعى لدمار هذه الإسرة الأمنة و لا تلام الزوجة بعد كل ما فعلت و هنا ترفضة كلامها و تصر على حجابها و فكرتك يا حبيبتى الغالية syyh_222 انها لو مش هتخرج من البيت بالحجاب لكن مش هتخرج برضة من غيرة.

و أسأل الله الا تتعرض اى واحدة لهذا الموقف الصعب ابدا يارب

المهم الان إستعدوا للموضوع الجديد ....................

مستعدين B)

الموقف الثانى:

هى فتاة جميلة جدا و متزوجة و سعيدة فى حياتها الزوجية و شديدة الثقة فى زوجها ، و فى أحد الأيام أتتها صديقتها و الأنتيم و تؤام روحها لتخبرها و هى مصدومة و منهارة ان زوجها على علاقة بإخرى منذ فترة :ohmy: :ohmy: :ohmy:

فماذا تفعلين لو كنتى مكانها سواء كان هذا زوجك او خطيبك :?small: :?small: :?small:

و فى أنتظار أرائكم و يارب عد المشاركين يزيد :wub: :wub: :wub:

و شكرا مقدما لكل من ستشارك :wub: :wub: :wub:

و السلام عليكم

بنت الإسلام

08-10-2002, 03:09 AM

أنا مبسوطة جدا من فكرتك يافجر :) :)
بالرغم من إنى لسة صغنطوطة إلا إنى ممكن أقول رأى :blush:
للموقف الأول من رأى إنها تناقشه وتقنعه بان الله أمر بذلك وإن لم يقتنع فتقبل حل الطلاق :o
لكى ترضى الله أولا فمن واجب إطاعته هو أم الله؟!!!!!! :exec:
وتتأكد أن الله معها وان زوجها هذا لايحبها لأنه يريدها أن تظهر شعرها أمام الناس بما فيهم الرجال
وهل يقبل أى زوج ذلك على زوجته بالأخص أنها شديدة الجمال؟
وهل تقبل هى أن تعيش مع زوج لا يحبها أو يغير عليها :( :( :(
مع تحياتىmmll

مصرية

08-10-2002, 03:14 AM

السلام عليكم
اولا احييكى على الموضوع الرائع
اما بالنسبه للمشكله فارى انت تفعل الاتى:
1-ان لا تظهر للزوج اى شئ
2- تحاول التأكد من صحة هذا الموضوع بطرقها الخاصه
3-اذا كان الموضوع خطأ فتنسى تماما ولا تجعل الشك يتملكها
4- اذا كان الموضوع صحيح فلتواجه الزوج بهدوء وتحاول ايجاد حل لهذه المشكله يرضى جميع الاطراف

جزاكى اختى الله كل خير

موناليزا

08-10-2002, 06:52 AM

بصي يا ستي ربنا قال في القرآن الكريم (يأيها الذين آمنوا إذا جائكم فاسق بنبأ فتبينوا عسى ان تصيبوا قوما بجهالة فتصبحوا على ما فعلتم نادمين) صدق النور الهادي
ممكن تكون الصديقة دي غيرانة منها او وسوس لها الشيطان لما وجد السعادة اللي بينهم علشان تهدها هي نيابة عنه اصله مش عاوز يظهر في الصورة أعوذ بالله منه ...............لذا عليها أن تتبين مع اني لسه صغيرة واحتمال رايي يكون مش سليم بس اهي كلمة من عيلة صغيرة............ :wub: :wub:

فجر

08-11-2002, 04:03 PM

السلام عليكم و رحمة الله و بركاته

شكرا ليكم يا بنانيت القهوة الحلوين على المشاركة و اهلا بيكى mmll انتى و مصرية و سعيدة جدا بإنضمامكم لنا و ان الفكرة عجبتكم و شكرا على الرد
و طبعا شكر خاص لحبيبتى موناليزا و دايما نفسك معانا يا جميل
و المشاركة مفتوحة للكل كبار و صغار المهم أعرف وجهة نظركم و نستفيد كلنا
و فى إنتظار المزيد من المشاركات علشان نكمل باقى المواقف :) :)

و شيدوا حيلكم عايزة حماس اكتر :wub:

و السلام عليكم

ليالي

08-11-2002, 04:20 PM

:unsure: انا من رأيى انها تعمل تحريات وتشوف ان كان الكلام ده صح <_< و تفاتح جوزها ومن رد فعله حتتأكد الكلام ده صح ولا غلط :woot: وبعد كده ده هيعتمد على شخصيتها هى انا كانت هتطلب الأنفصال :unsure: او هتستمر وتحاول تقويم جوزها

hallol

08-11-2002, 04:32 PM

اهلا يا فجر
انا راي بصراحه انها اول حاجه تتاكد من صحة المعلومه اللى وصلتها بعد كده لو طلع الكلام ده مضبوط تتريث جدا فى مواجهته لان الرجاله عنيدين ولو هو فعلا غرقان مع واحده ثانيه يبقى مشهتعرف تخلصه بالعافيه لان الراجل لو مش مقتنع مش هيسيبها ولو حتى بالتهديد انها تسيب البيت او تتطلق منه ولكن هى لازم تبقى هاديه قوى وكول وتبص لنفسها الاول هى اكيد فيها نقص مخلى جوزها يبص لغيرها دة لو كان الراجل مش من عادته انه يعرف عليها قصدى يعنى لو هو اصلا محترم لو كان بقى غير كده فحاجه من الاثنين ياما تستحمل وتسكت واهى عايشه وخلاص ياما لو كرامتها بتوجعها وماعندهاش ولاد منه تسيبه خالص لانه لو ساب واحده دلوقتى هيعرف غيرها بعد شويه

فجر

08-12-2002, 11:59 PM

السلام عليكم و رحمة الله و بركاته

اهلا بيكى يا ليالى انتى و hallol منورينا و الله :) :) :) و سعيدة جدا بإنضمامك و اتمنى تستفيدوا معنا و شكرا على رائيكم و إيه الكلام الجميل ده يا hallol ده إحنا متمكنين قوى ;) و كلامك فى السليم :shifty:

و أعتقد انه كده خلاص ما حدش ناوى يشارك تانى و نبدأ العد التنازلى

ألاونه
ألادو
ألاتريه

خلاص .........
اما عن رائى الشخصى فانا شايفة ان التفكير فى الموضوع ده مش هايكون سهل زى ما إحنا متصورين لاننا هنا هانكون بين نارين نصدق مين و نكذب مين إتنين بتحبيهم جدا و بتثقى فيهم جدا هايكون من الصعب تعرفى تشكى فى مين .
فانا بقترح انها تقوم أولا بالتأكد عمليا من الكلام ده من خلال مراقبة تصرفاته و التى قد تكون قد تغيرت و لكنها لم تعر هذا إهتماما مثل طريقة معاملته معها كلامه مثلا بإهتمام عن إحدى زميلاته او قريباته او اى واحدة ست ، طريقة كلامه او إنتقاده لها بدون مبرر و حاجات تانية كتير تقدر بغريزتها تحسها و زى ما بنقول البنات دايما عندهم حاسة سادسة فى الموضوعات دى .
ثانيا: لو ما قدرتش تحس ممكن تلجأ للمراقبة المباشرة و متابعة تحركاته دون ان يدرى
اما و ان تأكدت من هذا فهنا عليها أولا و من خلال معرفتها لشخصية زوجها تحليل الامر إذا كان مجرد نزوة عابرة نتيجة إهمالها له ام ان الامر اكبر من هذا و ان هذا طابع فيه ، فإن كانت مجرد نزوة عليها اولا ان تعاود النظر فى حياتهما معا فربما انها قد تغيرت او أهملت فى نفسها و حق زوجها و تحاول ملاطفته و إستعادة دفء علاقتهما مرة اخرى.
اما و ان كان الامر طبع فيه فيمكنها إستعمال الحل السابق و إذا لم يفلح فعليها مواجهته بهدوء و ود و حب أيضا و لا تظهر لها غضبها لان الامر قد يتحول الى مجرد عناد و مكابرة بينهما .

و أسأل الله الا تتعرض اى واحدة منا و لا من بنات المسلمين جميعا لهذا الموقف

و لكن الإحتياط واجب و الخبرة برضوا واجبة ;)

هاه كالعادة هل انتم مستعدين للموقف الجديد......................... B)

إبدأ.................... :unsure:

الموقف الثالث:

و بصراحة و بينى و بينكم انا نفسى إتعرضت للموقف ده من كام يوم كده و كنت ساعتها خيبة قوى بس الحمد لله إتصرفت و لكن مش ها أقولكم عملت إيه غير لما أسمع رائيكم.

و الموقف كالتالى

إختكم اصلها متخرجة من كلية تربية قسم إنجليزى السنة اللى فاتت بتقدير جيد جدا و بدور على شغل المهم أثناء رحلت بحثى و لفى على المدارس الخاصة ذهبت لمدرسة ثانوى مشترك و المهم وافق المدير على تعيينى بعد إختبارى و كان الإختبار عمليا لمدة إسبوع لان هناك طلبة راسبين من أولى ثانوى و يستعدون لإمتحان الدور الثانى المهم كانوا كلهم أولاد حوالى 6 أولاد و مطلوب منى أقعد معاهم فى المدرسة أشرح لهم . طبعا مش محتاجة أقولكم مدرسة خاصة و ولاد كان إسلوبهم إزاى

المهم بدون تطويل بعد يومين نجحت انى أكسب إحترامهم و تقديرهم و بقوا بيستنوا معاد الحصة ، و لكنى لاحظت إهتمام من ولد معين منهم بي المهم كان مرة سألنى انتى ساكنة فين المهم رديت عليه عادى قالى و انا ساكن قريب من حضرتك و تانى يوم لاقيته مستنينى عند المحة اللى بركب منها و فقلت صدفة ، تكرر الموضوع فى اليوم التالى و بعدين لاقيته بيعرض عليه ان يوصلنى البيت و أصبح مهتم جدا بمادتى رغم انه أبلد واحد فى المجموعة و اى كلمة أقولها ينفذها على طول و حاجات كده . و الواد لسه عيل و بقى يسرح لى فى الحصة . :o :o :o
أظن فهمتوا المشكلة :?small: :?small: :?small:

ياترى لو كنتم مكانى كنتوا عملتا إيه :?small: :?small: :?small: :?small:

و فى إنتظار أرائكم بسرعة

و السلام عليكم

NABAWEEYA

08-13-2002, 12:30 PM

:wub: اهي حاجة محرجة بس انا في رايي انها اتكام احد من اخواته او اهلها وقولول شتبي واهي لازم ما تعطي وي[FONT=Impact]

sshy

08-14-2002, 05:58 AM

it is normal fagr i think for this to happen in this boy`s age
i think that you should not shout at him or treat him bad nor treat him good
just be normal very very normal
and don`t give him any extra attention as by this you are giving him hope for something
treat him like everybody else or a little bit less than anybody else
also try to benefit from the situation by talking to these boys about religion and mention that there is nothing called love between a male anf female and that love only exists between people who are married and talk to them about religion
and by this u will be indirectly telling the guy that u can never have a relationship and also that u may be able to make out of these boys better .
people in their relationship with GOD

i wish u all the best fagr but try to work with females if u can it is much much much better dear

i just want to say i am sorry ladies coz i write in english but i am outside egypt now and i can`t write arabic as i don`t have the arabic alphabet on my keyboard but i will try to use the arabic keyboard haridy supplied us with but until then i hope u will be patient.thank u :wub:

فجر

08-14-2002, 03:28 PM

السلام عليكم و رحمة الله و بركاته

اهلا بيكى نبوية معانا و انا سعيدة جدا بأن اول مشاركة لك كانت هنا فى موضوعى و اتمنى يارب تقضى وقت مفيد و جميل معنا و اهلا بكل اهل الكويت الكرام.
و لكنى كنت اتمنى اعرف إيش تسوى لو كنتى مكانى و لكنك إكتفيتى بالتعليق فقط و أتمنى اعرف ردك قريبا :)

اختى الحبيبة sshy :wub:
الف حمد لله على سلامة الوصول يا حبيبة قلبى و ترجعى لنا بألف سلامة و متقلقيش من موضوع الكتابة بالإنجليزى انت تكتب براحتك يا جميل ;)
و تسلمى على رائيك انتى عندك حق طبعا و دايما بتعجبنى أرائك و تسلم يا جميل على تثبيت الموضوع لتعميم الفائدة و جزاك الله كل خير . و انا فى إنتظار اعرف أراء باقى الأخوات الحبيبات علشان اقولكم انا بقى عملت إيه.

هاه و عايزة حماس اكتر يا بنات فين رودودكم :ohmy:

و السلام عليكم

موناليزا

08-15-2002, 08:59 PM

انا اول ما قراته مكنتش عارفة ارد ازاي بس رد sshy كان فيه الكفاية بس قوليلي عملتي اية معاه :wub: :wub: :wub: :wub: :wub: :wub: :wub: :wub: :wub: :wub: :wub:

فجر

08-16-2002, 05:04 AM

السلام عليكم و رحمة الله و بركاته

واضح ان الموقف محرج لدرجة ان مفيش كتير علقوا عليه

على العموم انا شايفة ان راى sshy افضل رأى و بصراحة انا لم اعطى نفسى فرصة لاى تصرف فقد فضلت الإنسحاب و تركت المدرسة لانى بجد وضعت فى موقف لا احسد عليه . بدون سابق إنذار و قصرت بحسى بعد ذلك على مدارس إبتدائى فهذا أضمن :D

الموقف الجديد و اتمنى مشاركة أكثر

مستعدين :ph34r:

إبدأ :lol:

الموقف الرابع:

هى فتاة متدينة و على خلق تقدم شاب لخطبتها و لكن بعد فترة من الإرتباط إكتشفت انه شاب كاذب و مخادع و ليس متدين . فقررت فسخ الخطبة ، ثم فوجئت بعد فترة انه تقدم الى احدى صديقتها و وافقت عليه و هى متعلقة به و حاولت نصحها و تحذيرها منه و لكنها لم تصدقها و لن تسمع لكلامها. :ohmy: :ohmy: :ohmy:

ماذا تفعلين لو كنتى مكانها :?small: :?small: :?small:

و فى إنتظار تعليقاتكم و أرائكم

و السلام عليكم

أم علي

08-16-2002, 06:17 PM

هههههههههههههههه :D :D :D ....شكله معجب بيكي يا فجر او يمكن بيتهيأله انه بيحب
ممممممم صحيح انا صغيرة ومابفهمش في الحاجات دي بس هقول رأيي يمكن يفيد
انتي حاولي تفهميه انه زي أخوكي الصغير ^_^ وفي نفس الوقت حاولي ماتخسريهوش يعني لازم يفضل يحترمك كمدرسة ويعملك اعتبار ويسمع كلامك ...بس انتي فهميه انه أخ ليكي ..وانه تلميذك ..ولما يسرح في الحصه زعقيله وقوليله لازم تنتبه للدرس وبطل تسرح...وقوليله انا مابحبش الطلاب اللي بتسرح في الحصص :angry:
بس اهم حاجه يقتنع ان اللي هوه فيه ده وهم وان انتي معلمته وانه تلميذك وزي أخوكي الصغير ولا ايه؟؟
:wub:
;) ممممممم بصراحه موقف صعب برضو ...يلا ربنا يعينك :) :)

أم علي

08-16-2002, 06:26 PM

بصراحه انا لو مكانها هحاول أنصح صاحبتي جامد وأدعيلها كمان وأنصحها انها تصلي صلاة استخارة...وأحاول اقنعها انه مش كويس وانه مش متدين اومال اتفسخت الخطوبة ليه؟
وأحاول معاها مرة واتنين وعشرة
بس لو ماافتنعتش زنبها على جمبها وأظن انها في فترة الخطوبه هتشوف منه حاجات سيئه برضو تخليها تسيبه....أو ممكن تدعي للشاب نفسه ان ربنا يهديه أما ازا فضل على حاله فربنا مابيسبش حد وان شاء الله هيعوض البنت خير وتلاقي احسن منه وتقتنع بانه مش متدين ده طبعا مع الدعاء لها
وربنا يهدينا جميعا
والسلام ختام

sshy

08-17-2002, 04:33 PM

و الله هي مش هاتقدر تمنعها من شئ عاوزة لانها ليس لها سلطة عليها ثم ان ممكن البنت تفتكر انها غيرانة منها و انها لسة بتحبة و عاوزاة لنفسها و هو اللي سابها اساسا مش هي و الفيلم الهندي دة
هي و الله تنصحها و تقول نقدها بالادلة و المواقف سواء من مواقفة معها او مع صاحبتها و ممكن تقول الكلام دة لوالدة البنت و تقسم لها انة لو اخر واحد في الدنيا مش هتتزوجة لكن هي خايفة علي صاحبتها
و الله اقتنعوا خير و بركة مقتنعوش هما احرار بس البنت بقي ساعتها تقفل الكلام تماما و لا تتكلم عنة مطلقا سواء بخير او شر علشان متبقاش هي "الكخة" "الحقودة"
و اخيرا مقدرش امشي من موضوعك يا فجر يا حبيبتي الا لما احيكي اكبر تحية و اكبر سلام و تقدير لكي و لكل الاخوات الفاضلات العزيزات :wub: :h2: :wub: :h2: :wub: :h2:

a.i

08-18-2002, 03:09 AM

السلام عليكم
يارب يا فجر تكونى بقي عرفتينى ومش هستنسينى تانى ابدا باذن الله
انا لو مكانها انا هنصحها كويس واشرحلها كل حاجة بجد حصلت وادعيلها وممكن كمان اقول لمامتها او اهلها واخواتها وابين لهم حقيقة الولد دا
وربنا يسهل ;)

تقى

08-18-2002, 03:24 AM

السلام عليكم ورحمة الله وبركاته0000 انا لو كنت مكانها اول حاجه هنصحها وان لم تقطنع ابلغ والدتها :wub: :h2: :wub: :h2: وبكده عملت اللي عليه والباقي عند ربتا

mido 18

08-18-2002, 05:03 AM

انا معجب جدا بالموضعات دى :D :D ولونها بناتية ;) ;) لكن ممتعة اه نشوف البنات بتفكر ازاى.. :D :D
ياريت تفتكرى الولاد بكام موضوع :sniff: :sniff: :sniff:
بالنسبه للموضوع الرابع.... ان الواجب يلزم انصاح الصديق بكل الوسائل ....حتى تقولى اللهم بلغت الهم فشهد
وكده تكونى فعلا عملتى الى عليكى تمام :hehe: :hehe:

موناليزا

08-18-2002, 06:08 AM

:h2: للاسف فجر وبدون زعل انتي غلطي لما سيبتي المدرسة علشان طالب لو كنتي صدتيه او نصحتيه كان افضل ...............لكن قدر الله وما شاء فعل خلاص خلصت المشكلة
لكن المشكلة المطروحة حاليا ...سامحيني لا استطيع ان ابدي فيها برأي لأني لا اعلم كيفية حلها.....المشكلة القادمة بإذن الله سأحاول الرد
صافي يا لبن....... :h2:

فجر

08-19-2002, 01:04 PM

السلام عليكم و رحمة الله و بركاته

أولا احب أشكركم جدااااااااا أخواتى الغاليات جداااااااا على مشاركاتكم و أرائكم الجميلة، و احب أرحب بأم على و a.i و تقى معنا الف مرحب بيكم منورينا و الله :lolo: :lolo: :lolo:

أم على
يا حبيبة قلبى انا يهمنى راى الكل مفيش فرق بين كبير و صغير لان معظمنا هنا مالوش خبرة فى التعامل مثلا مع مثل هذه الموقف لهذا انا قررت انها تكون مرجع لنا لتشارك الأراء :) و تسلم على رائيك يا جميل فكرة برضوا ;) و الله كلامك زى العسل و سعيدة جدا برائيك و يارب معنا دايما برائيك فى كل المواقف :wub:

sshy يا حبى اولا انتى وحشانى موووووووووووت :wub: :wub: :wub: و نفسى أعرف اخبارك ثانيا كالعادة و زى ما انتى عارفة قد إيه انتى رائيك دايما بيعجبنى و كلامك حكم :wub:

a.i يا عسولة طبعا يا حبى انتى بقتى ما تتنسيش ابدااااااا :wub: :wub: :wub: و تسلمى على رائيك و مشاركتك اللى أسعدتنى جدااااااااا :) :) :) و تسافرى و ترجعى لنا بألف سلامة :rolleyes:

تقى تسلمى على مشاركتك و يارب كده دايما معنا بأرائك و منورانا :h2: :h2:

mido 18
رغم ان الموضوع بناتى بس انا سعيدة انه عجبك بس معلش ده للبنات بس :o و على العموم شكرا على رائيك اما بالنسبة انى اعمل حاجات كده للولاد :woot: ما افتكرش ينفع لان الولاد ادرى ببعضهم زى البنات فما ينفعش بنت تكتب لهم فكر انت و حاول تفيدهم :)

موناليزا يا قمرة واحشانى مووووووووت :wub: :wub: :wub: بقالك فترة يعنى مش بتسألى ماشى ماشى إتنسينا :sniff: :( بصى يا مونمون انا ماسبتش المدرسة غير لما صليت صلاة إستخارة و حسيت كمان ان نفسى قفلت منها و شوفت فى هذا رؤية واضحة لا تقبل لشك فقلت و على إيه ربنا بيحذرنى اهوه :o فلحقت نفسى . و ربنا يستر بعد كده لانى اكيد إستفدت من الموقف ده و اتمنى تكونوا إستفدتوا انتوا كمان :wub:
بس كان نفسى أعرف رائيك فى الموقف الجديد انتى عارفة انا بحب أرائك قد إيه و أتمنى اشوف رائيك المرة دى :) :) :)

و احنا طول عمرنا صافى يا لبن قشطة :h2: :h2: :h2:

اما عن رائى فهو نفس رأيكم بالظبط و أختى الحبيبة طبعا شرحت الحل بالتفصيل و مبرارته فعلا البنت دى لو كانت متعلقة بيه جداااااا كما هو ظاهر هنا سوف تظن انى انا الغيورة الحقودة و ارغب فيه لنفسى فأحاول نصحها بطريقة عادية فى البداية و إذا ما اصرت على موقفها احاول إقنع و الدتها او من تثق فى رائيهم و نظرتهم للامور و أثبت لهم زيف شخصية هذا الشاب و بكده اكون عملت اللى عى و لا ألام بعد هذا .

الموقف الجديد يا ترى مستعدين :?small: :?small: :?small:

:ph34r: يعنى أبدأ :unsure:

طيب على بركة الله
الموقف الخامس :)

هى فتاة طيبة جدااااا و على خلق متزوجة منذ فترة و هى صديقة مخلصة و وفيه جداااااا لهذا لها عدة صديقات و لكن هناك صديقة منهم تعتبرها تؤمها لا يفترقان ابدا منذ طفولتهما تأخذ رائيها فى كل كبيرة و صغيرة حتى بعد الزواج لدرجة انها أصبحت و احدة من العائلة تدخل البيت و تقضى معهم أوقاتهم و تأكل معهم . و بعد فترة و جدت ان زوجها قد لف هذه الصديقة جداااااا و انها هى أيضا أصبحت تتقرب الى الزوج و تكثر من مدحه على غير العادى و تتصل به تليفونيا أثناء غياب الزوجة بحجة السؤال عن صديقتها. فبدأت تشعر بالقلق :o :o :o

ماذا تفعلين لو كنتى مكانها :?small: :?small: :?small:

يلا بسرعة انتوا لسه قاعدين عايزة أعرف ردكم :) و فى إنتظاره بشوق :wub:

و السلام عليكم

أبو دومة

08-19-2002, 01:38 PM

الجواب واضح يا أخت فجر ...

لا طاعــة لمخلــوق في معصيــة الخالق

وربنا يهدي شبابنا وفتياتنا

بنت اليـمن

08-19-2002, 02:52 PM

فجر يا حبيبة قلبي دايما مميزة بكل ما تخطة يمينك ( اوعي تكوني يسرى ) موضوع جميل فعلا و تسمحيلي اشترك يعني حتى لو ما سمحتيليش برررررررضة حاشترك لززززززززززززقة وما بتخلصيش

شوفي يا فجر حكاية الصحاب دي مشكلة كبيرة لانة فعلا دايما بتحصل ان الصديقة بتلف على زوج صديقتها و لسة حصلت القصة دي عندنا لوحدة اعرفها اتاخد جوزها من اعز صديقات وكانت دايما بتضيفها عندها في البيت وفاتحة لها بيتها على البحري

عموما من البداية المفروض الوحدة ما تقربش صديقاتها من زوجها او تتكلم عليهم كثير قدامة ومع ذلك لو دة حصل كويس انة لسة ممكن يتلحق يعني تحاول بقدر المستطاع تلفت نظر جوزها ان الحكاية دي بتضايقها و لازم يحافظ على شعورها وتحاول شوية شوية لو هي حاسة ان صديقتها دي مش مؤتمنة تبتعد عنها وتخلي في حدود بعلاقتها معاها يعني دة راي الغير مسبوق بتجربة اتمنى انة ينال استحسانكم

بنت اليمن العسولة :rolleyes:

mido 18

08-20-2002, 06:16 AM

شكرا على ردك فجر وفعلا موضيعك هيلة
بالنسبة على الموضوع المفروض ان الفرد عامة يكون واثق فى هذه الصداقة من البداية حتى لا يندم
واذا شك ان فى هذة الصداقة اى مشاكل قد تؤثر على البيت او العائلة يجب قطع هده العلاقة وبسرعة

sshy

08-20-2002, 02:44 PM

الاخ الفاضل ميدو شكرا علي مشاركتك معنا
فجر اعتقد ان دة اصعب موقف ذكرتية لانة مش بس هتحس ان زوجها بيحب غيرها و كم هو مؤلم لا و كمان حاسة ان اختها و انتيمتها خانت ثتها و تناست كل ما بيهم و الموقف مش بقي صعب لا دة شنيع
قبل ما اقول رايي احب اوضح ان جميع الاراء اللي كتبناها كلنا هي مجرد تصورات للوضع الامثل بعد المشكلة و تصورات مثالية شوي بس الله اعلم هل تطبيقها بيكون في سهولة كتابتها??!! يعني لو لا قدر الله حد اتحط في موقف من دول هتصرف كدة و لا لا??!!!!
نجي لراي المتواضع جدا انا اولا عاوزة انبة ان يا جماعة التزامنا بشرع الله بيجنبنا مشاكل تيرة جدا ممكن تكون اكبر من احتمالنا و احنا بنفتكر ان الالتزام بهذة الاشياء تقييد رغم انة في الواقع تحرر بس مش بالمعني المباشر اي انة تحرر من الذنوب و من النار اولا ثم تحرر من القلق و المشاكل و العقد
ربنا خلقنا و هو ادري بنا من انفسنا الا يعلم من خلق و هو العليم الخبير?
ربنا قال الاختلاط حرام و الحجاب الصحيح فرض و غض البصر و عدم اللين في الكلام و حرام المراة تصف امراة اخرها لزوجة كانة يراها!!!طي ما احنا لو التزمنا بكل دة اكثر من نصف مشاكل حياتنا ستنتهي و لو الاطراف الثلاثة التزموا بشرع الله كان محدش من الثلاثة تعب زي ما هم اكيد في موقف زي دة كلهم تعبانين

لية يكون في اختلاط بين رجال و نساء و هذا محرم و كمان في زماننا حيث كثرت الفتن و النفوس الضعف و الحقد و الحسد والتبرج و عدم الالتزام بشرع الله مش بعيد انة الزوج يعجب بصديقة الزوجة او اختها او قريباتها او غيرة او العكس طب لية نخالف امرة تعالي ثم نجئ نبكي!!!

مضطرة امشي الان و هادخل تاني اليوم لكتابة راي بقي في كيف تتصرف هي :unsure: :unsure: :unsure: :unsure:

شروق

08-22-2002, 09:59 PM

السلام عليكم
ٍٍsshy بصراحة لا كلام بعدك ورائي من رايك
نسيت اقول لفجر الجميلة تسلم ايدك علي المواضيع المفيدة
سلام

فجر

08-23-2002, 04:07 AM

السلام عليكم و رحمة الله و بركاته

mido 18
شكرا لإهتمامك و رائيك جزاك الله كل خير :)

حبيبة قلبى sshy :wub: :wub: :wub:
طبعا انتى معاكى حق انا كمان بقول يارب ساعة المواقف دى ما تواجهنا فعلا ( و أسأل الله الا نتعرض لها ابدا) ياترى هايكون التصرف سهل كده زى ما بنتكلم :?small: :?small:

طبعا لا بس على الاقل ناخد خبرة لما يمكن على الاقل نعمله او ننح بيه من قد تواجهها مثل هذه المواقف

و انا فى إنتظار رائيك الزوجة هنا هاتتصرف إزاى :?small: :?small:

شروق الغالية هنا منورة مش معقول :lolo: :lolo: :lolo:
اهلا بيك يا حبى تسلمى لى انتى و تسلملى ردودك بس انا عايزة اعرف رائيك هاتعملى ايه لو تعرضتى لمثل هذا الموقف

انا فى إنتظار ردكم يالا بسرعة :wub: :wub: :wub:

و السلام عليكم أخواتى الحبيبات :wub: :wub: :wub:

قطر الندى

08-25-2002, 01:47 PM

انا لو كنت مكانها اروح امسك هذه البنت واقول لها انها لازم تبتعد عنه وماتدخل في شؤنه و.................. للأن هذا مش من التصرفات الحسن...والا اقطع العلاقة بيننا -_- .
:وبعدين أروح اتكلم مع الزوج وقوله انه لازم يخرج من البيت ويتأخر قدر الأمكان لين يروحون صديقاتي
ويتجنب الالتقاء بهم والتحدث معهم الا عند السلام طبعا..................للأن هذا عيييب عيييب عيييب
:wub: : ---------------------------------------------------------- :unsure: -
ولو كانت تلك صديقة بحق فعليها أن تتقبل هذا الكلام :huh:
ولو كان الزوج مخلصا للزوجة يحترم الراي الصائب ويتمسك بالدين الاسلامي فلابد له بالموافقة :ohmy:
وهذا طبعا اختبار ممتاز لمعرفة اخلاص الصديقة والزوج.................. :shifty:
ولة ايه رايكم ياوردات الجوري وانت أولهم يا فجر :wub: :wub:
:roses:
وتسلمي على الموضوع الرائع :h2:

فجر

08-30-2002, 04:05 AM

السلام عليكم و رحمة الله و بركاته

شكرا لكل من شارك برائيه فى الموقف و ان كنت اتوقع مشاركة اكبر بس يمكن زى ما قالت shhy ان ده اصعب موقف انا ذكرته بص و الله بتحصل و لهذا انا عرضت الموقف علشان اعرف موقفكم منه و كيف ستواجهونه.

و شكرا لإشتراكك قطر الندى و يارب تستمرى معنا فى التعليق على المواقف ، بس انا اختلف معك ده مش حل عملى لانى ذكرت فى الموقف ان دى تعتبر صديقتك الانتيم و اكتر من اختك لذلك سمحتى لها بكل هذه المساحة من حياتك و حياة زوجك . و لا يمكن فى يوم و ليلة تنقلبى عليها و تقولى ما تعمليش كده او ماتدخليش بيتى ممكن ترد عليكى و تقولك ده العادى ما انا طول عمرى كده انتى إزاى تشكى فى و تقلب الموقف تماما ، و كمان نفس الشئ مع الزوج المواجهة الحادة قد تؤدى الى نتائج عكسية و عناد .

لذا فانا ارى ان تكون الزوجة حكيمة و تفكر اولا بطريقة لطيفة غير ملحوظة تبعد بها صديقتها عن حياتها الخاصة منها مثلا عند طلبها زيارتكم تحججى بالخروج و ان كنتى مش خارجة او انك تعبانة يمكن تحس من نفسها ، اما إن كانت من الصنف إياه اللى مش بيحس و ممكن تطب عليكى من غير معاد و إضطريتى لإستقبالها لا تحسنى وفادها مثل كل مرة و لكن بحجة تعبك و ليس بقلة ذوق قد يجعل زوجك يعاتبك على هذا ثم مثلا إهمل التحدث معها و تحدثى مع زوجك بكل رقة حديث عذب امامها يشد إنتباهه لك و يجعلها تشعر بالحرج .
و فى ذات الوقت كثفى إهتمامك بزوجك و حاولى ان تنقلى الى نفسك الصفات التى اعجب بها فى صديقك و أشعريه انه كل حياتك و انك لا شئ بدونه و كونى رقيقة دائما معه.

هذا رائى و طبعا قابل للمناقشة لو اى واحدة ترغب فى الإضافة او التعليق :wub:

هاه نبدأ الموقف الجديد :unsure:

يالا بينا على بركة الله :)

الموقف السادس -_-

و هذا الموقف على عكس السابق

هى فتاة خجولة و رقيقة تود و تحب كل الناس و الناس تحبها لبساطتها و طيبتها و هى على عكس اختها سبحان الله كل الناس لاتصدق ان يجتمع هذان النقيضان فى إختين. و هذه الاخت متزوجة و لكنها دائما على خلاف مع زوجها بسبب حدة طبعا :angry:
و كثيرا ما كانت تذهب الفتاة و هى الاخت الصغيرة لقضاء بعض ايام عند اختها المتزوجة و هى كعادتها تتحدث بلطف مع زوج اختها و تصبره على طبعا و كذا تحاول الإصلاح بينهما.
و لكنها بدأت تلحظ ان زوج اختها بدأ فى التقرب إليها على غير العادى بحجة الفضفضة و إنه بيرتاح لما بتكلم معاها و يتطرق الى مدحها و كيف انها على عكس اختها :o :o :o

:?small: :?small: :?small: هاه هاتعملى إيه لو كنتى مكانها

فكروا و قولولى :wacko:

و فى إنتظار أرائكم :wub:

و السلام عليكم

sshy

08-30-2002, 04:43 AM

راي ان ازوجةتتصرف ازاء الموقف بعقلانية يعني اولا تمنع تماما الاختلاط سواء ان كان مع صديقاتها او اهلها و تاني حاجة تحاول تشد زوجها لاسرتة تاني تشغلة بحضور دروس دينية و خروج و زيارات عائلية بدون اختلاط و بها و تتجمل لة و تحاورة و تشغلة كذلك بعملة و هواياتة و اولادة ثالث شئ لا تخبرة بعلمها او احساسها بما يحدث لان ذلك ربما يزيدة تمسكا بالاخري

تخبر صديقتها بمنتهي الوضوح انها تعلم و انها حزينة جد و لم تتوقع ان تلقي هذة الضربة من اعز صديقاتها و ان زوجها يحب بيتة و اولادة و لن يتخلي عنهم ابدا و ربما كان انجذابة لها مجرد اعجاب عابر او بسبب بعض نواحي التقصير منها و لكن هي متمسكة للنهاية و تخبرها انها لن تقبل هذا الوضع لنفسها فلم ترضاة لغيرها و تطلب منها الابتعاد عنة تماما و الا تنسي بقي اسمها و صداقتهم دي خالص و تكلم زوجها عادي و طبعا لا تخبر احد

و يا سلام بقي لو بعد فترة قدرت تلاقي عريس مناسب لصاحبتها و تزوجها يبقي خير و بركة و يارب محدش يحصل معاة الموقف دة ابدا

و في انتظار الموقف الجديد بس يا حبذا لو يبقي في موضوع منفصل و كانة الحلقة التانية و نثبت التاني و نشيل الاول

فجر

08-30-2002, 04:02 PM

السلام عليكم و رحمة الله و بركاته

shhy تسلمى حبيبة قلبى على الرأى و انا دايما زى ما قلت بيعجبنى تفكيرك العقلانى :wub:

و على فكرة انا نزلت امبارح الموقف الجديد و مستنية رائيك فيه :)

اما بالنسبة للإقتراح فانا شايفة انه لما يكون المواقف كلها مع بعض احسن و مثبته بحيث تكون مرجع لكل الفتيات كما ذكرت من القبل اما تجزئة المواقف و تفرقها هايخليها تتوه و تتراجع فى الصفحات و اللى هايحتاجها هايغلب على ما يلاقيها. فانا افضل تجمعها هنا و لا إيه رائيك :)

و يالا يا بنات شيدوا حيلكم مستنية أرائكم فى الموقف :wub:

و السلام عليكم

قطر الندى

08-30-2002, 05:38 PM

صديقتي فجر انت فهمتيني غلط الكلام الي دار بين البنت وصديقتهافي الموقف 5 لم يكن تهديدا بل كان عبارة عن اعطائها بعض النصائح وان قطاع الصداقة كان تخويفا أما طريقة الكلام فقد كان يحمل معاني اللطف والحكمة وكذلك مع الزوج أتمنى أنك فهمت قصد كلامي........ :wub: :wub: :wub: :wub:

سبيل الله

08-30-2002, 09:03 PM

فـــــــــــــجـــــــــــر ,,,, ازيك من أول موضوع مادخلتش اعذريني انا اسفة بس الكمبيوتر عطل فترة وبعدين انشغلت بحاجات تانية على فكرة انا اول مرة ادخل على صفحتك وعرفت انك قدي من مواليد 80 بس انا نوفمبر ..........
بالنسبة للمواقف انا قراتها كلها والاراء جميلة ومقنعة جدا ........اما للموقف السادس فالاخت الصغيرة ممكن تعرف زوج اختها بطريقة ما انه اخ اكبر ليها وبس وتحاول مع اختها انها يكون اسلوبها افضل مع زوجها وتحاول قدر المستطاع انها تقلل زياراتها لاختها وتحاول بردة مع اختها بالحسنى لتغيير اسلوبها وتعرفها ان زوجها ممكن يبعد عنها بسبب الاسلوب ده ..وممكن اذا اختها ماتغيرتش تحاول تتدخل والدتها بس من غير ما تعرفها التفاصيل لان التفاصيل ممكن تعمل مشاكل .....مش عارفة بقى اذا كان رايي هايعجبك ولا لأ..........والسلام عليكم :h2: :h2: :h2: :h2: :h2: :h2:

تراب الجنه

08-31-2002, 03:43 AM

السلام عليكم ورحمه الله وبركاته
http://smilies.sofrayt.com/1/r/smile.gif

انا اخت فى الله ( لسه جايه جديد ) http://smilies.sofrayt.com/1/f0/shy.gif
اختى فى الله فجر ما شاء الله موضوع جميل جدا كما عهد ته منكى ( بما انى متابعه المنتدى من زمان ) فى باقى الموضوعات .
وان شاء الله سأ شارك فى محوله الوصول الى حل للموقف السادس( 3...2..1.... 0 انطلقhttp://smilies.sofrayt.com/1/j0/type.gif[Automated by GetSmile

1-اول حاجه الاخت دى تعملها انها تقلل زيارتها لبيت اختها قد ما تقدر - وفى ذلك اشاره لزوج اختها من بعيد لرفضها ما يفعله.

2- وطبعا خلال الزيارات التى ستقللها ومش هقول اللى هطقتعها حتى يحل الموقف بطريقه طبيعيه من غير ما اختها تحس او تعرف - لانها تبقى مشكله تانيه خالص لو اختها حست بشئ او عرفت - تحاول تيجى مع والدتها .

3-ان منفعش عليها انها تحاول تقعد اكبر وقت ممكن مع اختها اثناء الزياره . ومن الطبيعى ان الكلام يدور بينهم فتستغلها فرصه انها تتطرق للمشاكل التى بينها وبين زوجها
فمثلا تقولها لحد امتى هيفضل فى مشاكل بينك وبين جوزك وان فى حدود للمشاكل دى وان زوجها ممكن يمل وهوكده يبقى عنده حق ..... وتقولها كمان ان هو مش لازم يقولها الكلام ده عشان تتغير ولكن عليها انها تحاول تعدل من تصرفاتها وانها ممكن تعبر عن غضبها او عدم رضاها عن موقف معين مش عاجبها بطريقه اخرى ...... الخ ومتنساش تقولها ان زوجها يحبها _ وانها مرآه لاختها لازم تقولها على الحلو والوحش اللى فيها .

زهقتوا ولا لسه بس لسه عندى حاجات عايزه اقولها

4- واذا حاول زوج اختها يكلمها ياريت تقصر كلامها معاه وكمان متقعدش معاه لوحدهم .

5- تخلى زيارتها لاختها خفيفه وتكون يوم واحد وبلاش حكايه ايام لانها تعتبر اجنبيه .

وهذا ما استطعت ان اصل اليه خلال 3 ساعات عصر فى المخ وياريت يكون كلامنا خفيف .

nano

09-01-2002, 05:49 PM

بسم الله الرحمن الرحيم
أختي الحبيبة و صديقتي العزيزة فجر
السلام عليكم و رحمة الله و بركاته
هذة أول مشاركة لي في هذا الموضوع الشيق و أتمني أن تكون مشاركتي مجدية
أما يا ستس بالنسبة للموقف الصعب دة فأنا رأي كالأتي :
1 - أن الاخت الصغرى تجعل زيارتها لأختها قليلة و ممكن كمان تزورها بس في الأوقات التي لا يتواجد فيها زوج أختها في المنزل
2 - تبدأ تنبة أختها أن زوجها يمكن أن يعرف واحدة تانية لو هى فضلت علي نفس طريقتها
3 - ممكن تختلق قصة و تحكيها لأختها عن واحدة صديقتها بتعمل زيها كدة و بعدين أكتشفت أنه متزوج عليها يعني تخليها تخاف شوية
4 - هذا بالأضافة طبها أنها هتبتهد تماما عن زوج أختها و لو جمعت بينهم المناسبات و صار بينهم حديث يمكن أن تقول لة كم هي تحب أختها جدا وأنة زي أخوها الكبير بس طبعا من غير ما يشعر أنها بتقول هذا الكلام لغرض أو تحسسة كدة أن في عريس هيتقدم قريب و أنها موافقة أو بتحب حد يعني المهم تفهة بالباقة أنها مش بتفكر فية خالص غير أنه جوز أختها .
و علي الله التوفيق
و السلام عليكم و رحمه الله و بركاتة

سبيل الله

09-02-2002, 11:29 PM

الرد ده مش لفجر بس لنانو عايزة أسألك عن النونو عامل ايهوانشاء الله تكوني بخيرونقول حلاقتك برجالاتك قريب :h2: :h2: :h2:

nano

09-03-2002, 12:28 AM

الحمد لله يا هريدي تو أنا كويسة و النونو كمان كويس و الحمد لله بس لسة يجي 6 شهور علي ما نقول برجلاتك و دعواتك بأة علشان ربنا يتم عي نعمتة علي خير
و ميرسي خالص علي سؤالك الرقيق علية
و السلام عليكم و رحمة الله و بركاتة

حكايتى حكايه

09-03-2002, 04:05 AM

انا الحمد لله جوزى بيحبنى جدا لكن لو كنت مكانها بصراحه هكدبها لكن لما انفرد بنفسى هنهاااااااااااار ومش بعيد اتشل قبل حتى مااعرف افكر فى حاجه لكن بعد مااهدا هفكر واحاول اتقصى الحقيقه ولو اتاكدت( وعلى فكره الست بتعرف كويس جوزها ان كان مشغول ولا خالى على راى عبد الوهاب )
هنهههههههههههههههههههههههار برضه

نائله

09-03-2002, 06:40 PM

ارى ان هذا الزوج يخيرها بينه وبين الله
لذا اعتقد ان تحاول معه وتقنعه بأن هذا مستحيل :o لكن إن أبى فلا طاعة لمخلوق فى معصية الخالق
حينها يعد فراقا بينها وبينه :(

فجر

09-05-2002, 01:30 AM

السلام عليكم و رحمة الله و بركاته

حبيبتى قطر الندى :wub: معلش اصلك موضحتيش فانا فهمت غلط و فهمتك يا جميل و تسلمى حبيبة قلبى على المشاركة و عايزة تعرف رائيك فى الموقف الجديد :)

حبيبة قلبى هريدى تو انتى فين و حشتينى خااااااااالص :wub: :wub: :wub: و حمد لله على سلامة الكمبيوتر :D و انا سعيدة إننا من مواليد نفس السنة بس انا الكبيرة :D ب، 6 شهور :P و تسلمى حبيبة قلبى على كلامك اللى زى السكر :wub: و رائيك الجميل اللى اتمنى تشاركينا بيه دايما :wub:

الاخت الجديدة العزيزة نورس :wub:

تسلمى حبيبتى على الكلام اللى زى السكر ده ، و رائيك الخطيييييييير فى حل الموقف طبعا مش نتيجة جهد 3 ساعات عصر مخ شكرا يا حبيبى و اسفة إذا كنت تعبت مخك معانا :wub: و اهلا بيكى معنا و عايزة على طول اسمع رائيك فى المواقف :)

اختى الحبيبة الغالية و صديقتى العزيزة نانو :wub:

حمد لله على السلامة يا حبى نورت المنتدى و شكرا على أرائك الجميلة دى إيه ده إنك لمتمكن ;)
ايوه كده إرجع نورنا تانى يا جميل و عايزاك معايا هنا فى المواقف على طول مفهوم :angry: :wub: :wub: :wub:

أختى العزيزة حكايتى حكايه
انتى بتتكلمى على اى موقف بالظبط :?small:
انا اعتقد إنك تقصدى موقف الزوجة التى تخبرها صديقتها بان زوجها على علاقة بإخرى :huh:
بس الموقف ده عدى خلاص و احنا تناقشنا فيه :wacko:
على العموم شكرا لمشاركتك بس تابعى معنا ردنا على الموقف ده و باقى المواقف و قوليلى رائيك ى اخر موقف معنا :wub:

أختى العزيزة نائلة :wub:
حتى انتى يا نائلة :o :o :o إيه يا جماعة هوه الزمن واقف عندكم :D :D :D ( بهزر طبعا مفيناش من زعل)
بس بجد ده كان اول موقف يا نائلة و إحنا دلوقتى فى السادس :woot:

تابعى و قوليلى رائيك و ميرسى على سؤالك يا جميل معلش اصلى كنت مشغولة شوية :wub: :wub: :wub:

و شكرا لأرائكم الجميلة جداااااااااااااا و بجد هيه حلول رائعة و عمليه مش عارفة أقولكم إيه غير ربنا يخليكوا لى و لا يحرمنى منكم ابدا :wub: :wub: :wub: :wub: :wub: :wub:

أحبكم جميعا فى الله

و السلام عليكم

تراب الجنه

09-11-2002, 06:20 PM

السلام عليكم ورحمه الله وبركاته
# جزاكى الله خيرا على كلامك الجميل ده اللى هيشجعتى ان شاء الله على الاستمرار

# بس ايه ده انتى رحتى فين ؟ عايزه الموقف اللى بعديه عشان اواصل مسيره العسر فى المخ
يله بسرعه انا مستنيه على احر من الجمر .

سبيل الله

09-12-2002, 07:08 PM

فجر انتي فين مش تردي علينا بقى وتقولي موقف جديد ولا انتي نستينا ومشغولة بحاجات تاني احسن بعدين نزعل ................... يلا بقى يا فجر ادخلي على الموقف الجديد وردي على الموقف القديم :wub: :wub: :wub: :wub: :wub: :wub: :wub: :wub: :wub: :wub: :wub:

فجر

09-13-2002, 12:35 AM

السلام عليكم و رحمة الله و بركاته

إخواتى الحبيبات و حشتونىىىىىىىىىى جدااااااااااااااااااااااااا :wub: :wub: :wub: :wub: :wub: :wub: :wub: :wub: :wub:
بجد وحشتونى قوىىىىىىىى عاملين إيه :wub: :h2: :h2: :h2: :h2: :h2:

نورس حبيبة قلبى :wub:
انتى تستاهلى كل خير الله يحميكى و يبارك فيكى :h2: و عنيه انا جاية و معى الموقف الجديد ;) علشان تبدئى العصر :D

أختى الغالية جدااااااا هريدى تو :wub: :wub: :wub:

ده برضوا كلام يا دودى انا اقدر أستغنى عنكم يا حبى :unsure: طبعا ما أقدرش :wub: و لا اقدر على زعلك انت بالذات يا جميل :h2: :h2: :h2: و أدى الموقف الجديد جاهز و مستنى أرائكم فيه ;) و شكرا حبيبى على سؤالك و إهتمامك إنتى و نورس :wub: :wub: :wub: :wub: :wub:

اما عن رائى فى الموقف السابق فبسم الله ما شاء الله عليكم و فتوه كل حقة و بصراحة بعد كلامك مش لاقيه حاجة أقولها :blush: تسلمولى يارب و الله لا يحرمنى منكن حبيباتى :wub: :wub: :wub: :wub: :wub:

ندخل بقى على الموقف الجديد :lolo:

الموقف السابع :huh:

هى فتاة مهذبة و متدينة و هذه الفتاة لها صديقة تعتبرها إختها و هى مخطوبة لشاب صالح و طيب جدا ، و بعد فترة فوجئت الفتاة بصديقتها تحكى لها عن شاب بدأ يتقرب إليها و إنها تشعر بالميل إليه و إنه معجب بها و يحبها جدا و إنهما يتقابلان و تخرها انها لم تعد تشعر تجاه خطيبها بأى مشاعر و إنه اصبح بالنسبة لها إنسان عادى و إنها متعلقة جدا بالشاب الجديد هذا . و لكن فى نفس الوقت خطيبها هذا يحبها حب جنونى و لا يتصور الحياة بدونها و متعلق بها لابعد الحدود. :o :o :o

ماذا تفعلين لو كنتى مكان الفتاة :?small: :?small: :?small:

هاه يالا إعصروا مخكم محتاجين مساعدتكم :mellow:

و فى إنتظار أرائكم الجميلة

و السلام عليكم

لحظة صمت

09-13-2002, 01:01 AM

السلام عليكم ورحمة الله وبركاته
بالنسبه للبنت اللي حست بميل تجاه شخص غير خطيبها مع انه انسان صالح وبيحبها اكيد البنت دي مادامت غيرت شعورها لخطيبها اكيد بعد فتره شعورها هيتغير تجاه الشخص اللي مالت له الوقتي
انصحها تستخير الله وتحسب حسابها الف مره قبل ما تجرح حد
وتحاول تتاكد من مشاعر خطيبها ولو كان محترم وعلى دين وخلق وبيحبها هيه تطلب ايه اكتر من كده وتحاول تتناسى مشاعرها تجاه الاخر لكن لا انصحها انها ترتبط بحد وفكرها مع حد لان التعاسة هتكون مصيرها...............
...............................ولكم حبي واحترامي :wub: :h2: :wub: :h2:
صديقتكم:لحظة صمت.................................... :book: :roses: :book: :roses:

sshy

09-13-2002, 06:44 AM

Originally posted by لحظة صمت@Sep 12 2002, 11:01 PM
السلام عليكم ورحمة الله وبركاته
بالنسبه للبنت اللي حست بميل تجاه شخص غير خطيبها مع انه انسان صالح وبيحبها اكيد البنت دي مادامت غيرت شعورها لخطيبها اكيد بعد فتره شعورها هيتغير تجاه الشخص اللي مالت له الوقتي
انصحها تستخير الله وتحسب حسابها الف مره قبل ما تجرح حد
وتحاول تتاكد من مشاعر خطيبها ولو كان محترم وعلى دين وخلق وبيحبها هيه تطلب ايه اكتر من كده وتحاول تتناسى مشاعرها تجاه الاخر لكن لا انصحها انها ترتبط بحد وفكرها مع حد لان التعاسة هتكون مصيرها...............
...............................ولكم حبي واحترامي :
رأي من رأي لحظة صمت
رأيك جميل و اسمك جميل اكتر و اكتر
فجر انت دخلتي مؤخرا علي موضوع نتائج المسابقة
طب الله يكرمك روحي ألقينظرة هناك
وحشاني يا بنتي فينك؟
انا خلاص رجعت مصر و نفسي اشوفك بقي :wub:

سبيل الله

09-13-2002, 03:07 PM

تعرفي انا شفت الموقف ده على الطبيعة بس لله الحمد صاحبته بعيدة عني وكمان مش بتحبني ..........

بس البنت دي لازم تنصح صديقتها انها ترجع لربها وتستغفر وتبعد الشيطان عنها وأكيد رأي" لحظة صمت" صح عشان هي حبيبتي من 15 سنة ولازم نكون متفقين في الرأي ...........

ولحبيبتي لحظة صمت انا لما شفت اسمك فرحت جدا أهلا وسهلا بيكي في القهوة...................... :lolo: :lolo: :lolo: :lolo:

فجر ردي علينا بقى ......... عشان أنا بحب رأيك

وعلى فكرة ممكن ابعتلك رسالة خاصة عشان عايزة اكلمك في حاجة
:roses: :roses: :roses: :roses: :roses: :roses: :roses:

تراب الجنه

09-13-2002, 06:56 PM

السلام عليكم ورحمه الله وبركاته
اختى فى الله فجر انا مصدقتش عيونى عندما دخلت ولقيتك . والله مكنتش اعرف انك غاليه عليه
اوى كده الا دلوقت .
- انا عرفت ايه اللى شغلك وربنا يعينك . ويرزقك كل الخير الذى يحبه ربى ويرضاه .
انا دلوقتى على اتم استعداد للجواب على الموقف . وعصر المخ جاهز معايا
------------------------------------------------------
1-اول حاجه تفهمها انها فى وضع غير مظبوط وغير صحيح بالمره حتى فى النحيه النفسيه لها .
اولا من نحيه علاقتها مع هذا الشاب ليس لها اى صفه من الصفات .= والنحيه الثانيه انها مخطوبه ( و و ما تفعله يعتبر خداع لخطيبها ) . وخطيبها هذا يعلم الله انه من الشباب النادر هذه الايام ؛ ودى
فرصه قلما تجدها فتاه .

2- ولوقالت لها اتركى هذا الشاب هتحس انها مظلومه وقد ينعكس هذا بالسلب على علاقتها مع خطيبها
ولو قالت لها اتركى خطيبك يبأى هى كده ظلمت خطيبها وضيغت منها فرصه كالعمله النادره .

3- فليس امامها الا ان توضح لها ان الزواج مش لازم يكون اساسه الحب . وانه يكتفى بالقبول بين
الطرفين ؛ ما دام ارتضيا كل منهما صفات الاخر .

4- وبعدين تقولها انها لالزم تقطع علاقتها مع الشاب الاخر علشان متدبهدلش فى علاقه ملهاش لازمه
وكمان علشان تعرف حقيقه مشاعرها تجاهه .( هل هى حقيقيه ام وقتيه )

5- ومن جانب آخر لازم تعرفها قيمه خطيبها وانها ممكن لا تجد هذه الصفات فى الشاب الاخر.
6- وبالتالى هى هتكون امامها خياران وعليها التفكير كويس لان ده مستقبلها والحكايه مش لعبه
وتقوم بالستخاره لانها بين امرين محيرين .

7- وان حست بعد كل ده انها لسه تميل الى الشاب فهى وصلت لنقطه فاصله فى علاقتها مع الاثنين.
فعليها باخبار والدتها بالامر ويجئ هذا الشاب ويتقدم لها -ياريت يكون من غير علم خطيبها- فان
كان صالحا وهذا وارد رجحت كفته . وكان الله فى عون خطيبها لان الامور دى قسمه ونصيب
-ووالله الموقف ده بيحصل كتير -

8- اما ان كان الشاب ده غيرصالح فطبعا ليس امامها سوى خطيبها -وده يكون افضل-وتكمل معاه المشوار و طبعا تنسى علاقتها مع الشاب الاخر .

معلهش الرد كبير قوىىىىىىىىىىىى بس ما عرفت اختصره

فجر

09-14-2002, 12:53 AM

السلام عليكم و رحمة الله و بركاته

حبيباتى الغاليات و حشتونىىىىىىىى جداااااااااااااااااااا جدااااااااااااااااااااااااا :wub: :wub: :wub بجد بجد خلتونى هابكى :sniff: من مشاعركم الرقيقة و حبكم الكبيييييييييير قوى الذى أشكر الله عليه و احمد حمدا كثيرا لانه رزقنى بأخوات صالحات و رقيقات مثلكن بارك الله فيكن جميعا :wub:

أختى فى الله لحظة صمت
إسمك راااااااائع و رقيق قوى اهلا بيكى معنا و نورتى موضوعى بمشاركتك الجميلة و أتمنى يعجبك الركن الوردى و القهوة كلها و تصبحى صديقة عزيزة و أخت فى الله :lolo: الف اهلا و سهلا خاصة و إنك صديقة أختى الحبيبة هريدى تو يبقى اكيد هانكون بإذن الله اصدقاء و شكرا على رائيك و كلامك اللى بؤيده جدااااااا طبعا و أتمنى اشوف أرائك معنا على طول و مشاركاتك فى القهوة و ما تنسيش موضوعنا و مواقفنا هنا ;)

أختى و حبيبة قلبى sshy :wub:
و حشنى جوى جوى جوى يا جميل :h2: :h2: :h2: و الف حمد لله على السلامة مصر نورت :lolo: :lolo: :lolo: :lolo: انا كمان ياحبى نفسى اشوفك :wub: و اما موضوع المسابقة و الجايزة دى يا جماعة انا ما أستحقها انتوا بجد أحرجتونى :blush: بس اكتر شئ فرحنى مشاعركم الرقيقة الحلوة تجاهى الله لا يحرمنى منكم :wub: و بينا رسايل علشان نتفق على اللقاء بإذن الله و اللى اتمنى يكون فيه اكبر عدد من بنانيت القهوة و اللى تحب تحضر تقولى او تبعتلى رسالة خاصة لتنظيم الموضوع :wub:

دودى حبيبتى :h2: :wub:
:wub: انا كمان و على فكرة الموقف ده من الواقع و عن تجربة شخصية لصديقة عزيزة على بس الحمد لله إختكم إتصرفت بس مش هاقول عملت إيه غير لما أسمع أراء الجميع ;)
بس إحمدى ربنا يا دودى إنك كنتى بعيد عن الموضوع لانه ماكانش سهل ابدااااااااااااا :wacko:
و اهلا بصديقتك العزيزة لحظة صمت إحنا كمان سعداء جداااا بإنضمامها و نشكرك على هذا :)

و انا فى إنتظار رسالتك الخاصة بسررررررعة يالا :wub: و انا عيونى ليكى حبيبتى :h2:

أختى نورس الرقيقة :wub:

انتى بجد اللى أسعدتنى بوجودك هنا معى و مشاركتك الجميلة التى تظهر شخصيتك الحلوة . انا سعيدة جداااااااااا بصداقتك و انى غالية عندك كده ربنا ما يحرمنى منك :wub:
و دعواتك لى نورس ان ربنا يعنى :) و تسلمى على تقدريك للموقف و على عصر المخ ;) :P و ما شاء الله عليكى انا بس مش عايزة اغشش بس كلامك جزء فعلا من اللى انا عملته فى حل المشكلة دى لا واضح انك إستاذ يا جميل ;) إيه ده تفكير ميه ميه
شكلك كده هاتشتغلى معايا فى باب حل المشاكل الخصوصى اللى انا فاتحاه :D :D :D
و تسلم يا جميل على عصر المخ الله لا يحرمنا من هذا العصير الذرى الخطيييييييييييير :D

و تسلموا جميعا حبيباتى بجد بجد انتوا بنانيت زى العسل و حبى و سلامى و قبلاتى لكم جميعااااااااااااا :k: :k: :k: :k: :k: :k: :k: :k: :k:

و السلام عليكم

موناليزا

09-15-2002, 12:46 AM

واضح ان الرأي الجيد كان للحظة صمت وواضح ان في اتفاق في الراي بيننا وهذا شئ طبيعي
لاني ايضا على علاقة وثيقة بها منذ 15 سنة مثل هريدي تو وهذا لسبب وهو..........................
وادام الله افكاركم ونصائحكم وايمانكم
ومع حبي وتقديري لصديقتي sshy ,فجر

فجر

09-15-2002, 02:07 AM

السلام عليكم و رحمة الله و بركاته

إمممممممممممم ................... فزورة دى <_< <_< <_< طيب مين يحل لنا هذا اللغز و يفسر لنا العلاقة الخفية و التى تربط ما بين العميل هريدى تو و العميل الجديد لحظة صمت و العميل المزدوج موناليزا <_< <_< <_< و من يعرف الحل

يتصل بى فوراااااااااااا :D

و شكرا لمشاركتك حبيبة قلبى موناليزا :wub: :wub: :wub:

و السلام عليكم

سبيل الله

09-15-2002, 10:51 PM

حبيبتي فجر احب أوصلك لحل اللغز بس حاولي تفكري :o :o :o :o :o .............

اذا أردت ان تعرف الحل اتصل على 09999990989999099

بس استني شوية وانا أقولك وما تكلفيش نفسك المكالمة ...................... :lol: :lol:

موناليزا دي تبقى أختي............... :h2: :h2: :h2: :h2: :h2: ودي قلتها قبل كدة لو فاكرة في أول الموضوع :wub: :wub: :wub:

كويس.......... :angry:

نرجع بقى لحظة صمت دي............ :h2: :h2: :h2: :h2:

تبقى .............. :?small: :?small:

ايه ..........؟؟؟؟؟؟؟؟؟؟؟؟؟؟؟ :lol: :lol:

نسيت....................... :lol: :lol:

روح قلبي و................ :h2: :h2:

بنت خالتي ............هيه :h2: :h2:

حلو الحل ده وعلى فكرة عمرها 15 سنه في 1 /10 :h2: :h2:

عرفتي الحل لو كان حد غيرك سأل ما كنتش قلتله بس انتي فجر ومسكتيني من الحتة اللي بتوجعني وهي اني بحبك :h2: :h2: :h2: :h2: :h2: :h2:

موناليزا

09-16-2002, 12:04 AM

اه يا هريدي بس لما امسكك.............
هفعصك.............
دي كانت مسابقة زي بتاعة sshy ......
كان اللي هيحلها هياخد 5 جنيه خشب ..........
انا هديكي انتي بقة 5 .............
عرفتي اللغز يا فجر خلاص كانت هتبقى هديتين بس هريدي كشفها خلاص مرة تانية
حظ اوفر في المرات القادمة..... :h2: :h2: :h2: :h2: :lol: :lol: :lol: :lol:

تراب الجنه

09-16-2002, 05:55 AM

السلام عليكم ورحمه الله وبركاته
يعنى انا دورت على كلام اقوله ليكى ......... بس والله ما وجدت كلام يوفى حق كلامك
جزاك الله خيرا ............جزاك الله خيرا ........... جزاك الله خيرا
واسمحيلى اقولك " انى احبك فى الله" .
- بس انا عايزه اوريكى تعبيرات وجهى عند قراءه كلامك
http://smilies.sofrayt.com/1/r/girlie.gif

http://smilies.sofrayt.com/1/f0/shy.gif[Automated by GetSmile]

http://smilies.sofrayt.com/1/c0/haha.gif

nano

09-16-2002, 06:25 PM

بسم الله الرحمن الرحيم
أختي الحبيبة فجر
أخواتي في الله كل المشاركات في هذا الركن البناتي خالص :mellow: :blush: :blush:
أنا سعيدة جدا بيكم و بتمنى تقبلوني أخت لكم في الله -_- -_- طبعا يا فجر أنت قبلتيني أخت لك من زمان و لا ايه ...........
المهم يا ستي الموضوع ده الحقيقة شائك جدا لأن لو هي صديقتي بجد يمكن اتخانق معاها و أزعل منها جدا لأن مبدأ أنها تقابل واحد غريب غير خطبها ده مرفوض و غلط 100% لأن دي تعتبر خيانة لخطيبها و هو معملهاش حاجة بل بالعكس بيحبها جدا :angry: :angry: :angry:
لكن بعد ما أتخانق معاها بتهيألي لازم أفكر كويس مممممممممم
أنا بعتقد أن الرجل الذي يعرف واحدة مخطوبة لازم يكون أنسان مش كويس لأنه كدة بيتعدي علي حرمة غيره و ممكن جدا يكون بيتسلى بيها و ده الاحتمال الاكبر و هتصرف علي هذا الأساس يعن ممكن أقول لصديقتي تقولة أنها سوف تترك خطيبها علشان هو يتقدم لخطبتها و تشوف رد فعله هيكون أزاي و انا متأكدة أنا هيدور أسطةانة " انا ميهمنيش غير سعدتك و راحتك و أنا مستهلكيش و انا مش مستعد للأرتاط دلوقتي .............. :ohmy: :ohmy: :ohmy: ألخ ألخ "
و أعتقد انها في اللحظة دي هتعرف مقدار خطيبها و هيكون درس متنسهوش طول عمرها . .>< .><
و السلام عليكم و رحمه الله و بركاته

تراب الجنه

09-18-2002, 07:08 PM

السلام عليكم ورحمه الله وبركاته
ربنا يعينك يا فجر ........... بس وحشتينا
على فكره انا غيرت اسمى من نورس الى تراب الجنه علشان الناس اتلخبطت فيه ....... مش عارفين
انا ولد ولا بنت ...

انا مستنيه الموقف التالى بشغف ....... وياريت تحطيه بدرى علشان انا هسافر علشان الدراسه
[/color][/FONT][/SIZE]

فجر

09-23-2002, 02:56 AM

السلام عليكم و رحمة الله و بركاته

حبيبات قلبى و الله مشاعركم الرقيقة دى و قلوبكم الشفافة ما تتصوروش أسعدتنى قد إيه و أشكر الله شكرا كثيرا طيبا مباركا فيه انه رزقنى أخوات فى الله مثلكن الله لا يحرمنى منكن :wub: :wub: :wub: :wub: :wub: :wub: :wub: :wub:

هريدى تو شكرا لحل اللغز اللى كان هيجننى :wacko: و تسلم يا قمر انا كمان بموت فيكى :wub: :wub: :wub:

موناليزا يا بندقة معلش يا حبيبة قلبى اصلى كان هايحصلى حاجة لو معرفتش :D

تراب الجنة :wub: :wub: :wub:
الله الله الله على الإسم الجميل ده الله يكرمك حبيبتى الإسم جميل و صاحبته اجمل

احبك الذى احببتنى فيه و انا ايضا احبك فى الله حبيبتى :wub: :wub: :wub:

و سامحينى على غيابى لكن المر كان اقوى منى اله يسامح اللى كان السبب و جزاك الله كل خير عنى على سؤالك المستمر على حبيبتى :wub:

أختى و حبيبتى نانو :wub: :wub: :wub:

هيه دى حاجة فيها إيه برضوا :wub: :wub: :wub: انتى عارفة انا بحبك قد إيه :h2:

و تسلم حبيب قلبى على رائيك المية ميه :)

الموقف بإذن الله إنتظروه غدا مع تعليقى على هذا الموقف

اتركم برعاية الله حبيباتى الغاليات :wub: :wub: :wub:

و السلام عليكم

سبيل الله

09-24-2002, 10:10 PM

عدى يومين يا فجر ولسة ما ردتيش انت فين :wacko: :wacko: أنا اتحولت من التدوير عليكي وحشتيــــــــــــــــــــــني يلا بقى ردي علينا وهاتي الموضوع الجديد :wub: :wub: :wub: :wub: :wub: :wub: :wub: :wub: :wub: :wub: :wub:

وماتغبيش علينا عشان بنقلق :h2: :h2: :h2: :h2: :h2: :h2: :h2:

sshy

09-24-2002, 11:34 PM

انا رأيي ان المواقف التالية تركز شوية عن مشاكل الزوجين مع بعض ربنا يكفينا شرها :rolleyes: يعني كيف تتصرفين لو كان زوجك بخيل أو عصبي أو غير متدين أو بصباص أو لا يحب أهلك أو يتحكم فيكي أو غيرة من المواقف <_< <_<
<_< و مافيش مانع اننا كمان نشرك الشباب معنا يعني في الحالة دي نقول العكس بقي:
ماذا تفعل لو كانت زوجتك بخيلة أو عصبية أو نكدية أو غير متدينة أو لا تحسن معاملة أهلك أو غيرة من المواقف لان المواقف دي شيقة و كمان مفيد جدا اننا نفكر لو اتحطينا فيها نعمل أية
تحياتي لفجر حبيبة قلبي :wub: و لجميع البنانيت :wub: :wub:

سبيل الله

09-27-2002, 04:14 AM

يا جماعة المشكلة دالوقتي والمفروض طرحها
فــــــــــــــــ :o فجر :o يــــــــــن

ليه مش بترد اذا حد يعرف يوصل لها يقول ويطمنا عليها :waa: :waa: :waa: :waa: :waa:

رهم

09-27-2002, 06:19 AM

يا ستي يا فقجر اطعتولي نفسي والله :wakooo: من كتر الجري علشان الحقكم انا اليوم فتحت النت ووجدت المواضيع الرهيبه دي تسلم ايدك لكن المشكله هيه كل ما اقرا موضوع وعايزه ارد عليه الاقيكي كتبت رايك وهكذا لكن انا مصره على كتابة رايي ولا عايزاني ابقي كده :ya3: :ya3: :ya3: :ya3: لكن انا رغايه ومش حاقدر :sweat:
بالنسبه للموضوع الاول فكانت ليه صديقه عدت بالموقف دا واللي عملتو كان لو تاثير وهوه انها اخدت زوجها الى المطبخ وولعت البوتجاز وقالتلو قرب ايدك وطبعا اتلسع فكان جوابها لو انتي قدرت تستحمل دا طبعا لا فيف تريدنيان استحمل نار الاخره لو كنت تحبني ما ترمينيش فيها بسببك فكان لو تاثير عنده طبعا
اما الموضوع التاني فمن تجربة قريبة صديقتي انها كما كان رد الاغلبيه تتاكد اولا للكن هيه فكرت انو لازم يكون هناك دليل حي وبدات بمراقبة هاتفها بالتسيجل اشرطه الى وقع المسكين في شر اعماله فما كان منها الاانها جمعت اهلها واهله وسمعتهم الخيبه اللي كان فيها ويكسسسسسسسسسوفو وكان يتمنى انو الارض تتشق وتبلعوا من الكلام الي كان بيقولو
اما بالنسبه للموقف الثالث فهو يجب ان تصارحيه بالتريج وتبيني انك كاسلوب امه واباه كثيرة النصيحه له وهذا السن يكره كثرة النصايح وحيمل طبعا منك وهذا المطلوب وعنو ما رضي لان العمر دا ورا مشاكل كثيره المهم انتبهي لنفسك منو
وتحياتي للجميع