هريدي يابووووي
10-22-2003, 05:46 PM
بسم الله الحمن الرحيم
ان الحمد لله نحمده و نستعينه و نستهديه و نستغفره و نعوذ بالله من شرور أنفسنا و سيئات أعمالنا..
من يهده الله فلا مضل له.. و من يضلل فلا هادي له..
و أشهد أن لا اله الا الله..
و أن محمدا عبده و رسوله..
محمد صلى الله عليه و سلم..
الحبيب "ص"...
و عودة مع سيرة الرسول "ص"..
الحقيقة بقالي أكتر من سنة دايخ.. السيرة مادة ثرية جدا جدا... مش عارف ادخلها منين بالظبط..
لدرجة ان انا جبت كل كتب السيرة اللي لقيتها.. و حطيتها قدامي كده آخر ما غلبت.. و حطيت ايدي على خدي..و جالي احساس اني مش هاعرف آخد منها لا حق ولا باطل..
و قلت لازم نحدد الأول احنا عاوزين ندرس السيرة ليه.. عاوزين منها ايه بالظبط عشان نقدر نبدأ فيها صح..
هل احنا عاوزين ندرس تاريخ؟.. التاريخ مهم أكيد.. لكن هل معرفة تفاصيل تفاصيل التفاصيل ضرورة ملحة دلوقت؟. والا محتاجين الخطوط العريضة اللي نقدر نطلع منها بالدروس المستفادة.. اللي نقدر نطلع بيها بمنهاج الرسول "ص" لكل مسلم؟..
ايه هو المنهاج ده؟.. المنهاج ده هو معجزة الإسلام..
و هنا نعرف قاعدة مهمة جدا..
كل الرسالات من قبل الإسلام تنتصر بمعجزات خارقة.. طوفان نوح.. سيدنا هود و ريح صرصر عاتية.. سيدنا صالح و الصيحة.. سيدنا موسى و شق البحر..
إلا أمة النبي "ص".. الأمة دي ماعندهاش معجزة خارقة تنصر الدين.. امال عندها ايه؟..
عندها مدرسة محمد "ص".. أبلغ اسم لقيته بصراحة لهذا المنهاج.. اسم يذكرنا بالشيخ كشك رحمه الله..
ايه مدرسة محمد دي؟..
ده منهاج.. اسمه القرآن.. ييجي مجموعة من البشر.. من واقع بعيد عن الإلتزام و التدين.. يقرأوه..يؤمنوا بيه.. يطبقوا مافيه.. يحملوا أمانة هذا الدين.. و يجتهدوا و يخططوا و يعملوا.. فيعلم الله في قلوبهم الصدق... فينصرهم..
هو ده مفتاحنا للسيرة..
محتاجين نعيش مع الرسول "ص" مربيا.. و مجاهدا. و قائدا...محتاجين نعرف ازاي الصحابة اللي الدين ده قام على أكتافهم اتربوا على يدي الرسول "ص"..
عشان كده مش هانخوض كتير في تفاصيل تاريخية.. و لكن هايكون لنا محطات ووقفات تربوية مع الرسول "ص" و الصحابة من حوله..
و النهاردة في أول لقاء لينا.. بنتكلم عن المعلم الأول .. الرسول "ص"..
و نبدأ بمختصر للأحداث التاريخية من مولد الرسول "ص" الى بعثته..
الأحداث التاريخية من المولد إلى البعثة
1-أنه ولد في أشرف بيت من بيوت العرب، فهو من أشرف فروع قريش، وهم بنو هاشم، وقريش أشرف قبيلة في العرب، وأزكاها نسبا وأعلاها مكانة، وقد روي عن العباس رضي الله عنه، عن رسول الله "ص" أنه قال: « إن الله خلق الخلق فجعلني من خيرهم من خير فرقهم، وخير الفريقين، ثم تخير القبائل، فجعلني من خير قبيلة، ثم تخير البيوت، فجعلني من خير بيوتهم، فأنا خيرهم نفسا، وخيرهم بيتا».
ولمكانة هذا النسب الكريم في قريش لم نجدها فيما طعنت به على النبي "ص" لاتضاح نسبه بينهم، ولقد طعنت فيه بأشياء كثيرة مفتراة إلا هذا الأمر.
2-أنه نشأ يتيما، فقد مات أبوه عبد الله وأمه حامل به لشهرين فحسب، ولما أصبح له من العمر ست سنوات ماتت أمه آمنة فذاق "ص" في صغره مرارة الحرمان من عطف الأبوين وحنانهما، وقد كفله بعد ذلك جده عبد المطلب، ثم توفي ورسول الله "ص" ابن ثمان سنوات، فكفله بعد ذلك عمه أبو طالب حتى نشأ واشتد ساعده، وإلى يتمه أشار القرآن الكريم بقوله: {أَلَمْ يَجِدْكَ يَتِيمًا فَآوَى} [الضحى:6].
3-أمضى رسول الله "ص" السنوات الأربع الأولى من طفولته في الصحراء في بني سعد، فنشأ قوي البنية، سليم الجسم، فصيح اللسان، جريء الجنان، يحسن ركوب الخيل على صغر سنه قد تفتحت مواهبه على صفاء الصحراء وهدوئها، وإشراق شمسها ونقاوة هوائها.
4-كانت تعرف فيه النجابة من صغره، وتلوح على محياه مخايل الذكاء الذي يحببه إلى كل من رآه، فكان إذا أتى الرسول "ص" وهو غلام جلس على فراش جده، وكان إذا جلس عليه لا يجلس معه على الفراش أحد من أولاده (أعمام الرسول)، فيحاول أعمامه انتزاعه عن الفراش، فيقول لهم عبد المطلب: دعوا ابني، فوالله إن له لشأنا.
5-أنه عليه الصلاة والسلام كان يرعى في أوائل شبابه لأهل مكة أغنامهم بقراريط يأخذها أجرا على ذلك، وقد ثبت عنه "ص" أنه قال: « ما من نبي إلا قد رعى الغنم» قالوا: وأنت يا رسول الله؟ قال: « وأنا» وفي رواية أخرى أنه قال: « ما بعث الله نبيا إلا رعى الغنم» فقال له أصحابه: وأنت يا رسول الله؟ فأجاب: « وأنا رعيتها لأهل مكة على قراريط» ثم لما بلغ من عمره خمسا وعشرين، عمل لخديجة بنت خويلد في التجارة بما لها على أجر تؤديه إليه.
6-لم يشارك عليه الصلاة والسلام أقرانه من شباب مكة في لهوهم ولا عبثهم، وقد عصمه الله من ذلك، فقد استفاض في كتب السيرة أنه سمع وهو في سن الشباب غناء من إحدى دور مكة في حفلة عرس، فأراد أن يشهدها، فألقى الله عليه النوم، فما أيقظه إلا حر الشمس، ولم يشارك قومه في عبادة الأوثان، ولا أكل شيئا مما ذبح لها، ولم يشرب خمرا، ولا لعب قمارا، ولا عرف عنه فحش في القول، أو هُجر [قبحٌ] في الكلام.
7-وعرف عنه منذ إدراكه رجحان العقل، وأصالة الرأي، وفي حادثة وضع الحجر الأسود في مكانه من الكعبة دليل واضح على هذا، فقد أصاب الكعبة سيل أدى إلى تصدع جدرانها، فقرر أهل مكة هدمها وتجديد بنائها، وفعلوا، فلما وصلوا إلى مكان الحجر الأسود فيها اختلفوا اختلافا شديدا فيمن يكون له شرف وضع الحجر الأسود في مكانه، وأرادت كل قبيلة أن يكون لها هذا الشرف، واشتد النزاع حتى تواعدوا للقتال، ثم ارتضوا أن يحكم بينهم أول داخل من باب بني شيبة، فكان هو رسول الله "ص" فلما رأوه قالوا: هذا الأمين، رضينا بحكمه، فلما أخبر بذلك، حل المشكلة بما رضي عنه جميع المتنازعين، فقد بسط رداءه ثم أخذ الحجر فوضعه فيه، ثم أمرهم أن تأخذ كل قبيلة بطرف من الرداء، فلما رفعوه وبلغ الحجر موضعه، أخذه ووضعه بيده، فرضوا جميعا، وصان الله بوفور عقله وحكمته دماء العرب من أن تسفك إلى مدى لا يعلمه إلا الله.
8-عرف عليه الصلاة والسلام في شبابه بين قومه بالصادق الأمين، واشتهر بينهم بحسن المعاملة، والوفاء بالوعد، واستقامة السيرة، وحسن السمعة، مما رغب خديجة في أن تعرض عليه الاتجار بمالها في القافلة التي تذهب إلى مدينة (بصرى) كل عام على أن تعطيه ضعف ما تعطي رجلا من قومها، فلما عاد إلى مكة وأخبرها غلامها ميسرة بما كان من أمانته وإخلاصه، ورأت الربح الكثير في تلك الرحلة، أضعفت له من الأجر ضعف ما كانت أسمت له، ثم حملها ذلك على أن ترغب في الزواج منه، فقبل أن يتزوجها وهو أصغر منها بخمسة عشر عاما، وأفضل شهادة له بحسن خلقه قبل النبوة قول خديجة له بعد أن جاءه الوحي في غار حراء وعاد مرتعدا: كلا والله لا يخزيك الله أبدا، إنك لتصل الرحم، وتحمل الكل (الضعيف)، وتكسب المعدوم، وتقري الضيف، وتعين على نوائب الحق.
9-سافر مرتين خارج مكة، أولاهما مع عمه أبي طالب حين كان عمره اثنتي عشرة سنة، وثانيتهما حين كان عمره خمسا وعشرين سنة، متاجرا لخديجة بمالها، وكانت كلتا الرحلتين إلى مدينة (بصرى) في الشام، وفي كلتيهما كان يسمع من التجار أحاديثهم، ويشاهد آثار البلاد التي مر بها، والعادات التي كان عليها سكانها.
10-حبب الله إليه عليه الصلاة والسلام قبل البعثة بسنوات أن يخرج إلى غار حراء - وهو جبل يقع في الجانب الشمالي الغربي من مكة، على قرب منها- يخلو فيه لنفسه مقدار شهر - وكان في شهر رمضان- ليفكر في آلاء الله، وعظيم قدرته، واستمر على ذلك حتى جاءه الوحي، ونزل عليه القرآن الكريم.
11-نزول الوحي على الرسول "ص" لما تم للنبي "ص" أربعون سنة، نزل عليه جبريل بالوحي في يوم الإثنين لسبع عشر خلت من رمضان، ويحدثنا الإمام البخاري رضي الله عنه في « صحيحه» بالسند المتصل إلى عائشة أم المؤمنين رضي الله عنها عن كيفية نزول الوحي عليه، فتقول:
أول ما بدئ به رسول الله الر"ص" رؤيا الصالحة في النوم، فكان لا يرى رؤيا إلا جاءت مثل فلق الصبح، ثم حبب إليه الخلاء، وكان يخلو بغار حراء يتحنث فيه - وهو التعبد- الليالي ذوات العدد قبل أن ينزع إلى أهله، ويتزود لذلك ثم يرجع إلى خديجة، فيتزود لمثلها، حتى جاءه الحق وهو في غار حراء،
فجاءه الملك فقال له:اقرأ. فقال: ما أنا بقارئ.
قال: فأخذني فغطني حتى بلغ مني الجهد ثم أرسلني فقال: اقرأ. فقلت: ما أنا بقارئ.
فأخذني فغطني الثانية حتى بلغ مني الجهد ثم أرسلني فقال: اقرأ. فقلت: ما أنا بقارئ. فأخذني فغطني الثالثة ثم أرسلني فقال: {اقْرَأْ بِاسْمِ رَبِّكَ الَّذِي خَلَقَ، خَلَقَ الْإِنسَانَ مِنْ عَلَقٍ، اقْرَأْ وَرَبُّكَ الْأَكْرَمُ، الَّذِي عَلَّمَ بِالْقَلَمِ ، عَلَّمَ الْإِنسَانَ مَا لَمْ يَعْلَمْ} [العلق: 1- 6]، فرجع بها رسول الله "ص" يرجف فؤاده، فدخل على خديجة بنت خويلد رضي الله عنها، فقال: زملوني، زملوني، فزملوه حتى ذهب عنه الروع، فقال لخديجة وأخبرها الخبر: لقد خشيت على نفسي، فقالت خديجة: والله لا يخزيك الله أبدا؛ إنك لتصل الرحم، وتحمل الكل [الضعيف]، وتكسب المعدوم، وتقري الضيف، وتعين على نوائب الحق. فانطلقت به خديجة حتى أتت ورقة بن نوفل بن أسد بن عبد العزى، وكان ابن عم خديجة، وكان امرءا تنصر في الجاهلية، وكان يكتب الكتاب العبراني، فيكتب من الإنجيل بالعبرانية ما شاء الله أن يكتب، وكان شيخا كبيرا قد عمي، فقالت له خديجة: يا ابن عم، اسمع من ابن أخيك، فقال له ورقة: يا ابن أخي ماذا ترى؟ فأخبره رسول الله "ص" خبر ما رأى، فقال له ورقة: هذا الناموس -صاحب الوحي وهو جبريل - الذي نزل على موسى، يا ليتني فيها جذعا -شابا قويا – ليتني أكون حيا إذ يخرجك قومك، فقال رسول الله "ص" أو مخرجي هم؟ قال: نعم، لم يأت رجل قط بمثل ما جئت به إلا عودي، وإن يدركني يومك أنصرك نصرا مؤزرا، ثم لم ينشب [يلبث] ورقة أن توفي وفتر الوحي».
وفي رواية ابن هشام عن ابن إسحاق: أن جبريل جاءه وهو نائم في غار حراء بنمط - وعاء - من ديباج [حرير] فيه كتاب، فقال: اقرأ..إلخ. قال: فقرأتها، ثم انتهى فانصرف عني وهببت من نومي، فكأنما كتبت في قلبي كتابا، قال: فخرجت حتى إذا كنت في وسط من الجبل سمعت صوتا من السماء يقول:
يا محمد أنت رسول الله، وأنا جبريل.
قال: فرفعت رأسي إلى السماء أنظر، فإذا جبريل في صورة رجل صافٍّ قدميه في أفق السماء يقول: : يا محمد أنت رسول الله، وأنا جبريل.
قال: فوقفت أنظر إليه، فما أتقدم وما أتأخر، وجعلت أصرف وجهي عنه في آفاق السماء فلا أنظر في ناحية منها إلا رأيته كذلك، فما زلت واقفا ما أتقدم أمامي وما أرجع ورائي، حتى بعثت خديجة رُسُلها في طلبي.. إلخ.
12-كان أول من آمن به ودخل في الإسلام زوجه خديجة رضي الله عنها ثم ابن عمه علي رضي الله عنه وهو ابن عشر سنين، ثم مولاه زيد بن حارثة ثم أبو بكر الصديق رضي الله عنه، وكان أول من أسلم من العبيد بلال بن رباح الحبشي وعلى ذلك تكون خديجة أول من آمن به إطلاقا، وقد صلى رسول الله صلى الله عليه وسلم معها آخر يوم الإثنين، وهو أول يوم من صلاته، وكانت الصلاة ركعتين بالغداة وركعتين بالعشي.
13-ثم فتر الوحي بعد ذلك فترة من الزمن اختلفت الروايات في تقديرها، فأقصاها ثلاث سنوات، وأدناها ستة أشهر وهو الصحيح، وقد شق انقطاع الوحي على الرسول "ص"
وأحزنه ذلك كثيرا، حتى كاد يخرج إلى الجبال فَيَهُمُّ بأن يترى من رؤوسها ، ظنا منه أن الله قد قلاه بعد أن اختاره لشرف الرسالة، ثم عاد إليه الوحي بعد ذلك كما يروي الإمام البخاري في « صحيحه» عن جابر بن عبد الله الأنصاري عن النبي "ص"
« بينما أنا أمشي إذ سمعت صوتا من السماء، فرفعت بصري فإذا الملك الذي جاءني بحراء جالس على كرسي بين السماء والأرض، فرعبت منه، فرجعت فقلت: زملوني، فأنزل الله تعالى: {يَا أَيُّهَا الْمُدَّثِّرُ ، قُمْ فَأَنذِرْ} إلى قوله: {َالرُّجْزَ فَاهْجُرْ} فحمي الوحي وتتابع .
14- بدأ رسول الله "ص" بعد ذلك يدعو إلى الإسلام من وثق بعقله ثلاث سنوات كاملة، حتى أسلم عدد من الرجال والنساء ممن عرفوا برجحان الرأي وسلامة النفس.
____________________________________
دي الأحداث باختصار شديد جدا..
نطلع بإيه منها ؟..
1-أول نقطة نقف معاها هي.. ليه أشرف بيت من بيوت قريش؟..
في القادسية.. يقف المغيرة بن شعبة بين يدي يزدجرد.. فيقول له:
(فبعث اللّه إلينا رجلاً معروفاً، نعرف نسبه ونعرف وجهه. ومولده، فأرضه خير أرضنا، وحسبه خير أحسابنا، وبيته أعظم بيوتنا، وقبيلته خير قبائلنا. وهو بنفسه كان خيرنا 00) .
سنة الله في خلقه.. الناس عادة بيزدروا المصلحين.. بيستهزئوا بيهم..
لكن لما يكون الداعية لله من أصل.. و شرف في النسب.. مش شرط يكون غني.. يعني يكون له مكانة اجتماعية... بيكون له أثر قوي جدا في النفوس..لأن ماحدش يقدر يطعن فيه أساسا.. كل طعنهم في النهاية بيظهر في صورة افتراءات هزيلة..
ولذلك كان أول ما سأل عنه هرقل أبا سفيان بعد أن أرسل الرسول إلى هرقل كتابا يدعوه فيه إلى الإسلام هو وقومه: كيف نسبه فيكم؟ فأجاب أبو سفيان وهو يومئذ على شركه: هو من أشرفنا نسبا، ولما انتهى هرقل من أسئلته لأبي سفيان، وسمع جوابه عنها، أخذ يشرح له سر الأسئلة التي توجه بها إليه حول محمد « رسول الله صلى الله عليه وسلم» فقال له هرقل: سألتك كيف نسبه فيكم؟ فزعمت أنه من أشرفكم نسبا، وكذلك لا يختار الله النبي إلا من كرام قومه، وأوسطهم نسبا.
هل معنى الكلام ده ان الإسلام بيقيم الناس حسب أنسابهم؟..
لأ..الإسلام لا يقيم وزنا لشرف الأنساب تجاه الأعمال..و لكن احنا دلوقت بنتكلم عن موازين الناس و ليس موازين الله.. موازين الناس اللي تخليها تتأثر أكثر بشخص له مواصفات معينة.. عشان كده ربنا سبحانه و تعالى لما يبعث رسول للناس.. أو داعية.. لازم يتحلى بالمواصفات دي .. المؤهلات اللي تؤهله لحمل الدعوة و التأثير في الناس..
و لكن ده لا يمنع ان شرف النسب اذا اجتمع مع شرف العمل أحيانا انه يرفع الشخص عند الله أكثر.. ازاي؟.. لما ربنا يديك الدنيا.. ولا تصدك هذه الدنيا عن الله.. تبقى في ايدك مش في قلبك.. و تدفعك أكثر للتقرب الى الله..شتان بين واحد آتاه الله الدنيا و المال فاستغلهم لمعصية الله.. وواحد تاني أوتيهما فاستغلهما للقربى من الله أكثر و أكثر..
و نقطة تانية مهمة.. ألا و هي حاجة الدعوة لمن يحميها..
و نتذكر سويا سيدنا لوط عليه السلام..
" قَالَ لَوْ أَنَّ لِي بِكُمْ قُوَّةً أَوْ آوِي إِلَى رُكْنٍ شَدِيدٍ" سورة هود (80)
و الركن الشديد هو لجوءه الى الله تعالى
قال رسول اللّه "ص" تعقيباً على قوله: " رحم اللّه لوطاً كان يأوي إلى ركن شديد، وما بعث اللّه بعده نبياً إلا وهو في ثروة من قومه " (حسن).
وشعيب عليه الصلاة والسلام كان في منعة من قومه وهم الذين خافهم الكافرون فقالوا:
"قَالُواْ يَا شُعَيْبُ مَا نَفْقَهُ كَثِيراً مِّمَّا تَقُولُ وَإِنَّا لَنَرَاكَ فِينَا ضَعِيفاً وَلَوْلاَ رَهْطُكَ لَرَجَمْنَاكَ وَمَا أَنتَ عَلَيْنَا بِعَزِيزٍ" سورة هودج (91)
سنة الله.. عشان كده يشاء الله سبحانه و تعالى أن رسوله الى العالم كله.. شاء الله أن يكون أشرف مخلوق في الوجود..
زي ما أي دولة يوم مابتختار سفراء بتختار أكثر الناس لياقة اجتماعية و ثقافية و نفسية الخ.. فما بالك بسفير الله الى العالمين؟..
و عشان كده نلاقي الـ 13 سنة المكية يحياها الرسول "ص" في منعه من أهله و عشيرته من بني هاشم و المطلب.. و تخوض قريش كلها حرب عنيفة على هذه الدعوة.. لكن لا يتمكنون من النيل من النبي "ص" و هو في منعة قومه..
و هانشوف سوا ان شاء الله حادثة عجيبة جدا.. الحصار و المقاطعة في شعب أبي طالب.. 3 سنين من الحصار و المقاطعة و التضييق على المسلمين..
مش غريب ان المسلمين ينحازوا الى الشعب مع الرسول و يتحملوا مالاقوا من الجهد 3 سنين..
لكن العجب كل العجب.. أن يصبر كفار بني المطلب على العذاب ده 3 سنين و أن ينحازوا الي الشعب مع الرسول "ص" أيضا.. كان صبر بدافع العصبية و القبلية.. لعظمة الرسول "ص" في نفوسهم و إجلاله في قلوبهم على الرغم من ثباتهم على الكفر..
كانوا رجالة حتى مع كفرهم..دي المعادن النفيسة اللي حكالنا عنها النبي "ص"
يقول النبي "ص" :
"الناس معادن كمعادن الذهب والفضة، خيارهم في الجاهلية خيارهم في الإسلام إذا فقهوا".
الناس معادن.. ياريتنا نفهم النقطة دي كويس جدا..
للأسف في ناس بتلتزم و تفتكر انها كده خلاص..يعتزلوا بقى المجتمع تماما لأن الناس مادام مش ملتزمين يبقوا مش كويسين.. ياسبحان الله.. امال مين اللي يحمل هذه الدعوة؟.. و كيف يحملها من يكره الناس؟..
للأسف شباب بالذات مابيقدرش يلقط المعنى الدقيق ده.. معنى أن تحب الشخص.. و تكره معصيته..
المسلم لا يكره أخاه المسلم .. و لكن يكره معصيته..و يتمنى له الهداية..
عمر الدعوة ماتيجي بالكره أبدا.. و لكن دعوة الإسلام دعوة حب.. فالناس جبلت على حب من أحسن اليها..
يعني نطلع من النقطة دي بايه.. اننا ننتقي من الناس العناصر ذات المعدن الطيب.. ندعوهم.. ناخد بايديهم.. مش معنى ان الإنسان على معصية انه مش كويس و اني انا أحسن منه.. سبحان الله.. حد فينا ضامن ربنا يختم له بخير؟.. نسأل الله حسن الخاتمة..
و قدامنا نماذج حية في أيامنا دي من ناس هداهم الله.. فبعد أن كانوا أعلاما في المعصية.. أصبحوا أعلاما لهدايةالناس .. كل واحد بيحاول يبذل جهده قدر استطاعته و قدر علمه.. على قد ماكانوا طاقة في الصد عن سبيل الله.. و كثير منهم بيكون في الموقف ده عن دون علم.. يعني مابيبقاش بقى مبيت النية ان هو يصد عن سبيل الله و يكره الناس في الدين و و و.. و لكن الناس فعلا مش لاقية اللي يعرفها دينها.. و ان لقت .. بيقابلوا منفرين كتير.. سبحان الله.. "ان منكم منفرين"..
أحد الفنانين اللي هداهم الله..يحكي و يقول.. انا كان اللي بيصدني عن الطريق انك تحس ان الشخص الملتزم ده بيكرهك لشخصك.. فطبيعي تنفر من شخص بيكرهك.. لكن ربنا كرمنا بناس.. ماقالولناش الفن حرام ولا انتوا صفتكم كذا و نعتكم كذا.. قالوا لنا حاجة واحدة بس.. "ان ربنا كويس.. ان ربنا كريم. ان ربنا بابه مفتوح... ان ربنا.. بيحبنا" قللب..
لما رسخ المعنى ده في قلوبنا.. لقينا نفسنا على الطريق لوحدنا..
الناس كلها فيها جانب من نفسها نفسه يقبل على الله.. الروح عطشانه للدين يا جماعة.. لكن بيلاقوا اللي بيصدهم..
انتقوا المعادن النفيسة من الناس.. و حببوهم في الله.. خذوا بالأسباب.. و سيبوا النتائج على الله..على من خلق القلوب..
2-و يشاء الله تعالى أن ينشأ النبي "ص" يتيما.. من يتم الى يتم.. يموت أبوه و هو في بطن أمه.. و تموت أمه و سنه 6 سنين.. و يموت جده و عمره 8 سنين..
ليه يا رب؟.. حكمة الله عز و جل.. عشان ماحدش من البشر يتدخل في تربيته.. عشان ماحدش ييجي زي ماناس بتقول دلوقت ده محمد اتعلم الدين بتاعه من فلان أو فلان..
عشان مايتشربش بأي من أخلاق الجاهلية..
عشان يبقى تربية الله عز و جل.. زي سيدنا موسى عليه السلام لما قال الله له
"وَاصْطَنَعْتُكَ لِنَفْسِي " سورة طه (41)
" وَلِتُصْنَعَ عَلَى عَيْنِي " سورة طه (39)
و عشان يحس بآلام اليتامى .. واقع عاشه بنفسه.. و مش أي يتيم.. يتم الذكرى مع أبوه.. و يتم عاشه واقعا و معاناة في وفاة أمه و جده أمام عينيه.. عشان يكون أب لكل اليتامى حتى يقول قولته : " أنا وكافل اليتيم في الجنة كهاتين ".
من يربيك يا محمد؟.. الله.. و من يؤويك يا محمد؟.. الله
" أَلَمْ يَجِدْكَ يَتِيماً فَآوَى (6) وَوَجَدَكَ ضَالّاً فَهَدَى (7) وَوَجَدَكَ عَائِلاً فَأَغْنَى (8)" سورة الضحى
و مش بس كده.. ده لسة في الآخرة كمان يا محمد.. " وَلَسَوْفَ يُعْطِيكَ رَبُّكَ فَتَرْضَى (5)" سورة الضحى
3- و تكون رضاعته "ص" في ديار بني سعد.. حتى يكون أفصح العرب.. الفصاحة.. من سمات الداعية الناجح.. و السفير الناجح..
كما قال أبو بكر رضي اللّه عنه: يا رسول اللّه ما رأيت أفصح منك. فقال: " وما يمنعني، وأنا من قريش وأرضعت من بني سعد " ، هيأ اللّه تعالى له تلك الرضاعة ليحمل إلى البشرية أفصح كتاب .. كتاب الله.. القرآن..
الفصاحة.. اللي من غيرها سيدنا موسى احتاج لهارون يكون وزير له و يبلغ الدعوة عنه..
" وَأَخِي هَارُونُ هُوَ أَفْصَحُ مِنِّي لِسَاناً فَأَرْسِلْهُ مَعِيَ رِدْءاً يُصَدِّقُنِي إِنِّي أَخَافُ أَن يُكَذِّبُونِ "سورة القصص (34)
دي طفولة النبي.. ماذا عن شبابه؟..
قضى الشباب ازاي؟..
كان يعمل..
عمل بالرعي.. و ما أرسل الله نبيا الا و رعى الغنم.. و كأنما هي حكمة الله.. ليتعلم من خلال رعي الغنم الصبر و الرحمة و الحماية و المسئولية.. و يتعلم خلق اللين و العطف و الحدب ليكون راعي هذه الأمة ..
" فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ.... " سورة آل عمران (159)
و كما قال : " السكينة في أهل الشاء " .
و عمل أيضا في التجارة..
ياترى أخبارك مع العمل ايه؟.. أخبار الشباب و العمل ايه؟..
أنا اشتغل؟؟.. ليه؟.. بس انا مش محتاج.. أهلي الحمد لله بيصرفوا عليا و مش مخلييني محتاج حاجة.. لسة ان شاء الله كده لما اخلص جامعة ابقى اشتغل..
و مين قال ان الشغل عشان الفلوس بس؟..
عاوز تدعو الناس؟.. هاتدعوهم ازاي من غير ماتحتك بيهم في مجال الواقع و من غير ماتتعلم تحمل المسئولية.. و من غير حتى ما يكون ليك دخل خاص و لو بسيط..
الشغل له دور مهم جدا جدا في بناء الشخصية.. فرق شاسع في النضج بين شاب بيشتغل.. و شاب مابيشتغلش.. و فرق شاسع في الشخصية و تكاملها و خبرتها في الحياة.. و فرق شاسع في السعادة..
ما انساش أول مرة اشتغلت فيها في حياتي.. كان في الكلية..
ماتتخيلش قدر السعادة و الراحة اللي بتحسها.. لما تحس انك بتعمل حاجة في حياتك.. و تحس ان ليك هدف.. و انك بتحقق خطوات في حياتك و لو بسيطة.. أيا كان الشغل.. و سواء كان حاجة مركز و برستيج والا شغلانة بسيطة تقضي بيها الصيف..
و الواحد حس بالفرق بين الشباب في دمياط مثلا و اسكندرية..
دمياط مافيهاش حاجة اسمها بطالة.. المفهوم ده مش موجود.. الكلمة مش في قاموسهم اساسا.. الواحد بيشتغل من و هو في ابتدائي.. و مش شرط يكون محتاج.. و بيفضل يشتغل.. و حتى و هو في كليته.. يستنى الدراسة تخلص و الصيف يبدأ و يجري يدور على شغل والا يتعلم صنعة..و تخلص الكلية و هو بيشتغل.. و في نفس الوقت بيدور على وظيفة بمؤهله..
انما في محافظات تانية مالهاش الطبيعة الصناعية دي.. بتحس فعلا بمعاناة الشباب.. في فترة الدراسة هو مشغول فعلا.. فمش حاسس بحاجة.. لكن تيجي الأجازة.. تلاقي الكل بيشتكي من الملل.. و الفراغ.. و الإكتئاب.. و الزهق.. و بيحاول بكل الطرق يضيع الوقت بالنوم او الخروج او القهاوي.. و هل هو سعيد مع كل ده؟.. ما اعتقدش.. على الأقل في الحالات اللي لمستها بنفسي و عايشتها.. صحيح اللي بيشتغل بيتعب.. لكن بيبقى أسعد كتير من اللي مابيشتغلش..
أسعد و أنضج و أكثر خبرة في الحياة و أكثر تأثيرا في الناس.. و كل ده محتاجاه الدعوة.. عاوز تكون شخص مؤثر.. عاوز تكون داعية.. اشتغل.. ووري الناس ازاي المسلم الملتزم بيشتغل.. و بيجتهد..
و انت طالب.. و ماعندكش وقت تشتغل.. اجتهد في دراستك.. ووري الناس ازاي الطالب المسلم الملتزم بيجتهد.. ازاي متفوق.. و بالرغم من ده كله بيصلي و بيحفظ قرآن و بياخد بايدين زمايله..
عاوز ربنا يحبك؟.. اشتغل .. يقول النبي "ص" : "إن الّله يحب المؤمن المحترف يحب الذي يأكل من كسب يده (وأن نبي اللّه تعالى داود كان ياكل من كسب يده ).
4- نقطة تانية نلاحظها في شباب الرسول "ص".. ألا و هي عصمة الله له.. فلم يتلوث بأي أدران الجاهلية.. دي عصمة الله سبحانه و تعالى لنبيه.. طيب و احنا؟.. ياترى ممكن ربنا يعصم حد فينا؟..
ارجع لنفسك كده و راجع نفسك..
مافي حد فينا الا و ربنا عصمه من ذنب معين... فهناك من أدى شكر هذه العصمة بصيانتها.. و هناك غلبت عليهم شقوتهم..
اللي طلع و لقى نفسه مابيدخنش.. لوحده.. يعرف ان ربنا عصمه.. فليؤدي شكر هذه العصمة..
اللي طلع و لقى نفسه بيغض بصره.. لوحده.. من غير مايكون له يد في كده.. فيه ناس مش محتاجة تجاهد نفسها عشان تغض بصرها.. هو عامل بلوك عنده تماما من الـ Mother board ..يعرف ان ربنا عصمه.. فيؤدي شكر هذه النعمة بالمحافظة عليها..
ازاي احافظ عليها؟.. ما انت ممكن بالرغم من ان ربنا سبحانه و تعالى أعانك.. و يسرلك الإستقامة.. بالرغم من ده انت تصر على المعصية.. ازاي؟..
المعصية مش أصل فينا.. فطرة الإنسان النقية بتنفر من المعصية.. لكن سبحان الله فيه ناس بيغصبوا نفسهم على المعصية.. لغاية مايعتادوها..
هو اللي بيدخن أول مابيدخن.. بيحصل له ايه؟.. و بيفضل يعافر و يحاول لغاية مايبقى حريف..
نفس النموذج بيتكرر من أصغر الصغائر لأكبر الكبائر..
اللي بيزني أول مرة بيبقى مقبل على معصية الله و نفسه مستريحة ليها؟.. أبدا.. و ياما ناس فضلوا يسعوا ورا المعصية لغاية ما اتيسرت لهم الخلوة.. منهم من عصمهم الله.. و منهم من غلبت عليهم شقوتهم و انجرفوا فيها..
أبسط مثال.. الأغاني.. و مش قضيتنا دلوقت مسألة الحلال والحرام. على الأقل العلماء مجمعين تماما ان أغلب مايقدم الآن من أغاني تدعوا الى معصيةالله حرام..
المهم.. حوار دار جنبي بين اتنين اصحابي.. واحد بيقول للتاني.. سمعت شريط فلان الجديد؟.. ده كده.. خطير...
التاني قال له لأ بصراحة سمعته و مش قوي..
رد عليه التاني و قال له لأن انت عارف.. شرايط فلان لازم تسمعها أكتر من مرة عشان تعجبك!!!!
انا بقى شدتني الجملة دي و استغربت جدا.. فسألت.. هو فيه ناس انت لازم تسمعهم اكتر من مرة عشان يعجبوك؟.. الإتنين قالوا لي ايوة.. زي فلان و فلان و فلان..
قلت لهم جميل.. يعني انت لما بتسمعهم أول مرة أول انطباع بيكون عندك هو انك مش مبسوط.. و مش راضي عن اللي بتسمعه.. قالوا أيوة.. فقلت لهم و بالرغم من انك مش عاجبك اللي بتسمعه بتفضل تعيده و تسمعه لغاية مايعجبك!!!.. انت يعني "بتغصب" على نفسك انك تحب حاجة مش عاجباك اساسا؟؟ ياترى عملتها مع القرآن؟.. والا أول مابتطلع العربية بتشغل القرآن دقيقتين و بعدين تقول صدق الله العظيم و تقوم محول؟..
نفس النظرية... سبحان الله.. الناس بتغصب نفسها على المعصية غصبا.. لكن الطاعة.. و العمل الطيب الميسر ليك.. بتبعد عنه..
راجع نفسك.. و تأمل في نفسك.. و شوف انت ربنا كرمك و عصمك من ايه.. قارن حالك بحال اللي حواليك كده.. و قول الحمد لله.. لازم أؤدي شكر النعمة دي.. و أحافظ عليها..
ده شباب النبي "ص" ..
و تمر السنين.. حتى يبلغ النبي "ص" 40 سنة.. و هو في كل يوم يزداد نفوره و كرهه لمظاهر الجاهلية و الوثنية من حوله.. فما الحل؟.. و ما العمل؟.. كيف ينأى بنفسه عن هذا التلوث؟..
الخلوة بالنفس..و التأمل في خلق الله..
وجد النبي "ص" ضالته في غار حراء.. يتحنث فيه الليالي ذوات العدد.. يتجه بقلبه و عقله وكيانه كله الى الله..
و ما أحوجنا نحن الى هذه الخلوة.. أن تخلو بنفسك و لو 10 دقايق كل يوم.. تحاسب نفسك.. تراجع حساباتك مع الله.. تتأمل في حال نفسك.. تستقرئ رسائل الله اليك.. و ياسلام لو ليك حظ من تهجد أو قيام ليل.. أجمل خلوة.. تختلي فيها بالله عز و جل.. عشام كده كان قيام الليل في بداية الدعوة فرض.. كان فرض على النبي .. ان ناشئة الليل هي أشد وطأً و أقوم قيلا..
و مايحسش بقيمة الخلوة دي الا اللي جربها.. تحس قد ايه انك بقيت خفيف.. لما تعيد حساباتك.. و تحس قد ايه الدنيا صغيرة قوي.. ولا حاجة..
الدنيا بتاخدنا .. دوامة.. لو نزلت فيها صعب تطلع.. حتى بيسموها "متلازمة شلالات نياجرا".. بمعنى انك وقت مادخلت في التيار بيشدك بعنف.. خصوصا المنطقة اللي قبل الشلالات مباشرة.. بتبقى عنيفة و بتجرفك بسرعة نحو الحافة.. عشان كده لازم تشد نفسك.. اطلع برة التيار ده شوية..اختلي بنفسك.. فكر شوية.. عيد تشكيل قناعاتك..
5- "ليتني أكون فيها جذعا"..
يا ريتني يا محمد كنت شاب لسة بقوتي عشان انصرك..
ياليتني أكون فيها جذعا..و هنا نقطة مهمة جدا.. أهمية الشباب في الإسلام..
و هنا الكلام للشباب.. فترة الشباب اللي احنا فيها دي هانتسأل عنها يوم القيامة و هانتحاسب عليها بشده..
لا تزولا قدما عبد حتى يسأل.. عن عمره فيما أفناه.. و عن شبابه فيما أبلاه..
أبليت شبابك في ايه؟.. في طاعة الله؟.. والا في معصية الله؟..
الحقيقة يا بخته اللي عاش شبابه لله و استغل كل لحظة فيه لطاعة الله و الدعوة الى سبيل الله..
يابخته اللي أحلى سنين عمره.. اللي كان ممكن يعصى فيها الله.. يابخته اللي عاشها لله.. ييجي يوم القيامة كده بكل فخر.. و هو بيسأل .. عن شبابه فيما أبلاه.. أبليته فيك يا رب.. في طاعتك يا رب.. في الدعوة الى سبيلك يا رب.. في إصلاح و تزكية نفسي و الأخذ بإيد غيري يا رب..
انا ممن صدقوا الرسول "ص" و اتبعوه يا رب..
يقول الرسول "ص" : "بعثني الله تبارك و تعالى فصدقني الشباب و كذبني الشيوخ.."
و يا بختك كده يوم القيامة و انت مع السابقين الأولين ممن صدقوا الرسول من الشباب..
و هانشوف سوا في محطاتنا مع الصحابة.. كان عمرهم قد ايه.. احنا لو جينا نبص على أوائل المسلمين مانلاقيش فيهم غير سيدنا أبو بكر بس هو اللي كبير.. الباقي كلهم شباب صغير.. اللي قام صرح الإسلام على اكتافهم هما الشباب..
سيدنا علي يسلم عنده 7 سنين.. و يهاجر و عنده 20 سنة..
الزبير بن العوام 12 سنة..
طلحة بن عبيد الله 13 سنة..
مصعب بن عمير.. سفير الإسلام في المدينة .. 21 سنة..
هي دي الناس اللي قام على أكتافها الإسلام..
الحقيقة الإسلام كرم الشباب جدا..
داروين قال ان الإنسان اساسا حيوان..
و بناءا عليه جه فرويد يفسر كل حاجة تفسير حيواني.. فصورلنا الشباب و المراهقين على انهم قنبلة جنسية متحركة.. طاقة جنسية لازم تطلق.. ماتكبتش والا يبقى غلط.. يحصل عندهم عقدة.. يجيلهم مرض التهيؤات بتاع حسن يوسف في فيلم "للرجال فقط"
و يهمل الجانب الروحي تماما.. اللي هو أقوى بكثير عند الشباب و المراهقين من الجانب الجنسي.. الناحية الروحية عندهم عالية جدا.. الشاب أو المراهق لما يؤمن بقضية أو مبدأ بيخلص له جدا و ممكن يستميت عشانه.. سبحان الله.. ياترى هل كان اغفال علم النفس الحديث للجانب الروحي عند الشباب مقصودا.. أم سهو؟.. الله أعلم..
الحقيقة اتقي الله في شبابك..
اتق الله لتكون يوم القيامة من السبعة الذين يظلهم الله في ظله يوم لا ظل الا ضله.. لتكون شابا نشأ في طاعة الله..
6- ونقف أخيراً عند الجواب العظيم لورقة بن نوفل وهو يحدد خط سير الدعوة. (ولتكذبنَّه، ولتؤذينَّه، ولتقاتلنَّه. قال (أوَمُخرجيَّ هم؟)
قال: نعم، ما جاء أحد بمثل ما جئت به إلا عودي، ولئن أدركنى يومك، لأنصرنك نصراً مؤزراً).
لم يأت أحد بمثل ما أتيت به إلا عودي.. قانون ورقة بن نوفل.. و كأنما ربنا سبحانه و تعالى سايبه لهذا السن عشان يحط القانون ده و يعرفه للنبي "ص" .
لم يأت أحد بمثل ما أتيت به إلا عودي يا محمد .. سنة من سنن الله.. زي الشمس و القمر.. زي الأفلاك في الفضاء..
سنة الله.. ان النبي يبعث.. يكذب و يضطهد و يؤذى و يضرب.. أصحابه و أتباعه يؤذوا و يتبهدلوا و يتعذبوا .. يصبروا.. يدخلوا الجنة.. فلما يروا نعيم الجنة.. و يسألهم الله .. يا عبادي.. هل رأيتم شرا قط؟.. لا يا رب لم نر شرا قط..
هل السنة دي خاصة بالأنبياء بس؟..
هل القانون ده خاص بسيدنا محمد "ص" فقط؟..
لا والله.. احنا حملنا أمانة الدعوة بعد النبي "ص" .. و المسلمين متبهدلين في العالم كله..عشان مش فاهمين القانون ده..
مش فاهمين ان الدين ده بيتحارب من الدنيا كلها.. حتى من المسلمين نفسهم..
الملحدين.. اللي بيقولوا مافيش الله ..و مافيش دين اساسا.. تلاقيهم مايعادوش لا اليهود ولا النصارى.. عدائهم و مجهودهم كله موجه للإسلام..
المسلمين نفسهم.. أخ حكالي الحكاية دي قبل التزامه.. يقول لي قبل التزامي كنت باتلذذ اني أأخر حد ملتزم عن الصلاة.. أو اسمعه اغنية بالعافية و هو معايا في العربية.. أو اخليه يشوف منظر حرام.. كنت ابقى مبسوط جدا.. و الحقيقة دلوقت بعد ماربنا هداني.. ندمان جدا.. واللي تاعبني أكتر اني مش عارف كنت باعمل كده ليه.. مش لاقي اي مبرر.. لأن حتى في لحظتها كنت عارف كويس جدا اني غلط و هو صح..
النموذج ده موجود و منتشر.. بنشوفه في كل واحد يتيريق على واحد رايح يصلي.. و كل واحد تقول له تعالى صلي معايا يقولك يا عمي.. انت عاوز تاخد حسنات على قفايا!!!
فاعرف القانون ده كويس جدا.. لمجرد انك مسلم.. هاتتحارب... حتى لو مسلم بالإسم..
يا قوم.. هل جربتم علي كذبا قط؟.. لا يا محمد ما جربنا عليك كذبا قط.. هو فيه زيك يا محمد؟.. ده انت الصادق الأمين يا محمد.. ده احنا ودائعنا كلها عندك يا محمد..
طب يا جماعة اني نذير لكم بين يدي عذاب أليم..
تبا لك سائر اليوم يا محمد.. أهذا ما جمعتنا اليه؟..
لمجرد انك مسلم.. هاتحارب..
تعرف ايه عن المسلمين في العالم؟
البوسنة..و الشيشان. ربنا معاهم..
تعرف ايه عن المسلمين في البوسنة؟.. انت متخيل انهم مسلمين زينا كده؟.. دول كانوا مسلمين بالبطاقة كده.. ناس عاديين جدا.. لكن ولو.. لمجرد انهم ينتمون للإسلام لازم يبادوا..
تعرف ايه عن المسلمين في الأرض غير البوسنة؟.. الحقيقة حال المسلمين و مآسيهم في التاريخ و في الدنيا كلها تشيب له الولدان.. و تتعجب الحقيقة ازاي ان ماحدش يعرف حاجة عن الكلام ده..
تعرف ايه عن المسلمين في العالم؟..
تعرف ايه عن مآسي المسلمين في الإتحاد السوفييتي السابق؟.. عشرين مليون مسلم يبادوا في 50 سنة.. ستالين لوحده قتل 11 مليون مسلم.. مدن بحالها يتناقص عدد سكانها من 8 مليون الى نصف ملون فقط.. لأنهم مسلمون..
تعرف ايه عن مذابح اليهود للمسلمين في فلسطين؟.. مذبحة الشيخ.. و دير ياسين.. و خان يونس.. و غيرهم و غيرهم.. و قرى بكاملها تباد و تحرقبيوتها و يقتل سكانها عن بكرة أبيهم..
مذبحة صابرا و شاتيلا سنة 82 و 3500 قتيل مسلم..
مذبحة المسجد الأقصى سنة 90 و 150 قتيل من المصلين في الحرم القدسي..
مذبحة المسجد الإبراهيمي في الخليل سنة 94 و 29 قتيل مسلم مصلي صائم في شهر رمضان..
تعرف ايه عن محمد الدرة و ايمان حجو؟
تعرف ايه عن مذبحة قانا في جنوب لبنان؟
تعرف ايه عن مذبحة بنجلاديش سنة 71 و قتل 10 آلاف عالم مسلم و 100 ألف من طلبة المعاهد الإسلامية و قتل ربع مليون هندي مسلم هاجروا من الهند الى باكستان قبل الحرب ..
تعرف ايه عن مليون مسلم قتلوا في يوغوسلافيا.. و 12 الف قتلوا في مسجد فوجا شرق البوسنة و 6 آلاف مسلم ذبحوا في جسر فورا..
تعرف ايه عن 360 الف مسلم صيني قتلوا في مدينة كاشجر في الصين الشيوعية..
تعرف ايه عن مآسي المسلمين في الحبشة؟.. و خطة الطاغية هيلاسيلاسي لإنهاء المسلمين في خلال 15 سنة..الخطة اللي تباهى بيها أمام الكونجرس الأمريكي.. الخطة اللي لتنفيذها حرق الشيوخ و النساء و الأطفال بالنار في قرية جرسم.. و أمر بالتعقيم الإجباري للمسلمين رجالا و نساءا..
تعرف ايه عن أكتر من ألف مسلم تفتح عليهم النيران و هم يصلون في نهار رمضان في أوجاوين في الحبشة؟
تعرف ايه عن اكتر من 30 الف مسلم قتلى في الفلبين من رجال و نساء و شيوخ و أطفال.. تقطع رؤوسهم و تبقر بطونهم بالخناجر؟
تعرف ايه عن 53 الف مسلم قتيل في حكومة أنديرا غاني في الهند؟.. تعرف ايه عن 300 امرأة هندية مسلمة تحرق حية بالنار؟
تعرف ايه عن اخوة ليك في تايلاند يحرقوا أحياء بالنار ..
تعرف ايه عن 44 الف مسلم قتيل في كشمير؟
تعرف ايه عن مذبحة حماة في سوريا سنة 82؟
تعرف ايه عن مذابح الأفغان على أيدي الروس؟..
تعرف ايه عن أكتر من 100 مسجد في ليبيريا تحرق.. و يقتل أئمتها.. و تقطع ألسنة مؤذنيها بالخناجر..
تعرف ايه عن معسكرات الإغتصاب الجماعي للمسلمات على يد الصرب في البوسنة؟
تعرف ايه عن مذبحة سربيرينيتسا و 20 الف قتيل مسلم في منطقة آمنة تحت حماية الأمم المتحدة..
تعرف ايه عن 700 الف مسلم مشردين في كوسوفا بيموتوا من الجوع و البرد و المرض؟
تعرف ايه عن أنهار من دماء المسلمين تجري في الشيشان.. تعذيب.. و تقطيع..و تمثيل بالجثث... و حرق الأطفال.. و غتصاب النساء و الرجال..
تعرف ايه عن آلاف المسلمين بيذبحوا و يحرقوا في اندونيسيا؟
أحكي ايه والا ايه.. كل ده غيض من فيض..
و احنا بنتفرج بعينينا اللي هاتشهد علينا يوم القيامة.. بنتفرج على اخوة لينا.. هايمسكوا في رقابنا يوم القيامة.. يارب نسونا حتى من دعائهم..
دي سنة الله.. لازم نفوق.. لازم نحس ان فيه حرب على دينا.. لو ماحسيناش ان الإسلام محارب نبقى الحقيقة عايشين في دنيا تانية..
واللي الحقيقة مامرش عليه لحظة مابكاش فيها عشان الإسلام و المسلمين يعرف ان ايمانه لسة عليه بدري..
اللي فاهم الإسلام انه صلاة و صوم بس يبقى مش فاهم الإسلام.. واللي فاهم ان رمضان اعتكاف و قيام و دعاء بس.. اللي فاكرة الإسلام انه حجاب و بر والدين بس..
الإسلام انك تعيش للإسلام.. لدين ربنا.. لحظة بلحظة.. تسأل نفسك.. انا ربنا عاوز مني دلوقت ايه؟....
اشمعنى المسلمين اللي بينضربوا؟.. اشمعنى دم المسلمين ارخص دم في الدنيا؟..أصل هما أصحاب العقيدة..
كسنجر وزير خارجية.. اللي عمل اتفاقية كامب ديفيد.. مألف كتاب اسمه "مابعد سقوط الشيوعية".. بيقول فيه بالنص : "لم يبقى أمامنا الآن إلا الإسلام".. "لم يبقى أمام الغرب شئ يخيفه بعد سقوط الشيوعية إلا الإسلام"..
ليه مرعوبين من الإسلام؟.. لأن الإسلام لو صحى في القلوب.. لو كلمة "جهاد " صحيت في القلوب.. هاترجع الأندلس من تاني.. هايرجع الإسلام يحكم العالم من تاني.. يبقى لازم يقضى عليه تماما..
"لم يأت رجل قط بمثل ما أتيت به الا عودي"..
الم.. أحسب الناس أن يتركوا أن يقولوا آمنا و هم لا يفتنون؟..
ولقد فتنا الذين من قبلكم .. فليعلمن الله الذين صدقوا و ليعلمن الكاذبين..
ليه يارب؟؟.. امال يتعرف الصادق من الكاذب ازاي؟.. امال نختلف في الجنة ازاي؟..
احنا اتخلقنا عشان ايه؟.. ايه قضيتنا؟..
سعد بن أبي وقاص يقول اني لأسمع بالسحابة تمطر في اليمن و أنا في العراق فيفرح قلبي.. قيل و لم؟.. قال خير نزل على المسلمين..
و احنا؟.. الفلسطينيين.. و احنا مالنا؟..و المسجد الأقصى؟؟ و انا مالي؟..
و ناس يقولوا لك احنا كبرنا دماغنا لأننا مؤمنين ان الفلسطينيين هما اللي هايحرروا فلسطين..
مين اللي قال؟.. فلسطين اللي هايحررها المسلمين.. مش الفلسطينيين.. ولا العرب..
اللي هايحررها المسلمين أيا كانت جنسيتهم..
كم للمسلمين من دعواتكم؟..
ده الدعاء ببلاش .. و مع ذلك.. كم منا يدعو للمسلمين في صلاته.. و كم منا يدعو الله أساسا..
طول ما احنا مش فايقين.. لسة المآسي جاية.. و ستذكرون ما أقول لكم..
الآية واضحة.. كيف وان يظهروا عليكم لا يرقبوا فيكم إلا ولا ذمة.. مش هايرحموكم.. لسة المآسي جاية كتير..
لا يرقبوا فيكم إلا ولا ذمة.. مش هايراعوا فيكم عهود ولا اتفاقيات.. و كم من مدن اسلامية تحرق و تباد تحت سمع و بصر الأمم المتحدة.. و كم من مسلمين يقتلون و يحرقون و هم صائمون ساجدون..
بس شوف الآية تقول ايه.. و إن تصبروا.. و تتقوا.. لايضركم كيدهم شيئا.. الحل في التقوى..
أن نربي التقوى في القلوب..
"لم يأت رجل بمثل ما أتيت به الا عودي"..
آه ده النبي.. مش احنا..
ده احنا قاعدين نتبهدل عشان الكلمة دي مش فاهمينها.. مش فاهمين ان القصة مستمرة الى يوم القيامة..
النبي "ص" ياخد الكلمتين دول و يعود من عند ورقة بن نوفل و هو يعلم خلاص.. انه نبي هذه الأمة ولازم يستعد لهذه المهمة الكبيرة..
7-و الغريب ان بعد الموضوع ده يفتر الوحي..
6 شهور الوحي مابينزلش.. و النبي "ص" يتعب جدا.. و يموت ورقة..
و كأنما ربنا بيدي للرسول "ص" فرصة يراجع حساباته.. يستوعب الأمانة و المسئولية اللي هو مقدم عليها.. و يستوعب كلام ورقة بن نوفل.. ان الطريق مش سهل.. و ان يا محمد على قد ما الرسالة دي غالية و الدين ده غالي.. على قد ما التمن هايبقى غالي قوي و الطريق مش هايكون مفروش بالورود..
لكن.. كل ده يهون يا محمد.. لأنك مش لوحدك..
و تتنزل الايات على قلب الحبيب "ص" .. سورة الضحى.. سورة من أرق و أجمل سور القرآن..
" و الضحى و الليل إذا سجى "
أنا اسيبك يا محمد؟.. ازاي؟.. انا اللي بارعاك طول عمرك.. هو مين اللي رعاك و انت يتيم يا محمد؟.. هو مين اللي هداك للصراط المستقيم و اصطفاك للرسالة يا محمد؟..
و كأن ربنا بيعلم الحبيب "ص" من بداية طريق الجهاد.. يا محمد.. لا تبتأس أبدا.. ربنا دايما معاك.. و هايكون معاك في الطريق و في الرحلة.. زي ماكان معاك طول عمرك..
و يتعلم النبي "ص" الدرس و يعيه.. عشان كده في الهجرة زي ما هانشوف ان شاء الله.. و هو في الغار مع ابو بكر.. و المشركين متربصين على باب الغار.. يهمس النبي "ص" لأبي بكر و ملء قلبه اليقين.. يا أبا بكر.. ماظنك باثنين.. الله ثالثهما.. ماكانتش كلمة.. انما كان يقين يملأ قلب الرسول "ص"
و درس يعلمنا اياه..
لما الدنيا تسود في عينيك و تبقى حواليك مصايب كتير افتكر سورة الضحى.. و افتكر نعم ربنا عليك.. قول لنفسك انا كنت فين.. انا مش كنت ضال و ربنا هداني؟.. انا مش كنت ولا حاجة و ربنا خلاني حاجة؟.... يبقى معقولة يضيعني؟..
ده كفاية نعمة الهداية.... فان الله يعطي الدنيا لمن يحب ومن لا يحب.. و لا يعطي الدين الا لمن يحب.. فمن أعطاه الله الدين فقد أحبه..
8- و يتتابع الوحي بعدها و يشتد.. و يقوم النبي "ص" مجاهدا على طريق الدعوة .. و يبدأ الدعوة سرا.. ينتقي من الناس من يثق في صلاحهم.. و كانت آيات القرآن تنزل على القلوب التي استودعت بذور الإيمان كما ينزل المطر على التربة الخصبة
" وَتَرَى الْأَرْضَ هَامِدَةً فَإِذَا أَنزَلْنَا عَلَيْهَا الْمَاء اهْتَزَّتْ وَرَبَتْ وَأَنبَتَتْ مِن كُلِّ زَوْجٍ بَهِيجٍ (5)" سورة الحج
ان الحمد لله نحمده و نستعينه و نستهديه و نستغفره و نعوذ بالله من شرور أنفسنا و سيئات أعمالنا..
من يهده الله فلا مضل له.. و من يضلل فلا هادي له..
و أشهد أن لا اله الا الله..
و أن محمدا عبده و رسوله..
محمد صلى الله عليه و سلم..
الحبيب "ص"...
و عودة مع سيرة الرسول "ص"..
الحقيقة بقالي أكتر من سنة دايخ.. السيرة مادة ثرية جدا جدا... مش عارف ادخلها منين بالظبط..
لدرجة ان انا جبت كل كتب السيرة اللي لقيتها.. و حطيتها قدامي كده آخر ما غلبت.. و حطيت ايدي على خدي..و جالي احساس اني مش هاعرف آخد منها لا حق ولا باطل..
و قلت لازم نحدد الأول احنا عاوزين ندرس السيرة ليه.. عاوزين منها ايه بالظبط عشان نقدر نبدأ فيها صح..
هل احنا عاوزين ندرس تاريخ؟.. التاريخ مهم أكيد.. لكن هل معرفة تفاصيل تفاصيل التفاصيل ضرورة ملحة دلوقت؟. والا محتاجين الخطوط العريضة اللي نقدر نطلع منها بالدروس المستفادة.. اللي نقدر نطلع بيها بمنهاج الرسول "ص" لكل مسلم؟..
ايه هو المنهاج ده؟.. المنهاج ده هو معجزة الإسلام..
و هنا نعرف قاعدة مهمة جدا..
كل الرسالات من قبل الإسلام تنتصر بمعجزات خارقة.. طوفان نوح.. سيدنا هود و ريح صرصر عاتية.. سيدنا صالح و الصيحة.. سيدنا موسى و شق البحر..
إلا أمة النبي "ص".. الأمة دي ماعندهاش معجزة خارقة تنصر الدين.. امال عندها ايه؟..
عندها مدرسة محمد "ص".. أبلغ اسم لقيته بصراحة لهذا المنهاج.. اسم يذكرنا بالشيخ كشك رحمه الله..
ايه مدرسة محمد دي؟..
ده منهاج.. اسمه القرآن.. ييجي مجموعة من البشر.. من واقع بعيد عن الإلتزام و التدين.. يقرأوه..يؤمنوا بيه.. يطبقوا مافيه.. يحملوا أمانة هذا الدين.. و يجتهدوا و يخططوا و يعملوا.. فيعلم الله في قلوبهم الصدق... فينصرهم..
هو ده مفتاحنا للسيرة..
محتاجين نعيش مع الرسول "ص" مربيا.. و مجاهدا. و قائدا...محتاجين نعرف ازاي الصحابة اللي الدين ده قام على أكتافهم اتربوا على يدي الرسول "ص"..
عشان كده مش هانخوض كتير في تفاصيل تاريخية.. و لكن هايكون لنا محطات ووقفات تربوية مع الرسول "ص" و الصحابة من حوله..
و النهاردة في أول لقاء لينا.. بنتكلم عن المعلم الأول .. الرسول "ص"..
و نبدأ بمختصر للأحداث التاريخية من مولد الرسول "ص" الى بعثته..
الأحداث التاريخية من المولد إلى البعثة
1-أنه ولد في أشرف بيت من بيوت العرب، فهو من أشرف فروع قريش، وهم بنو هاشم، وقريش أشرف قبيلة في العرب، وأزكاها نسبا وأعلاها مكانة، وقد روي عن العباس رضي الله عنه، عن رسول الله "ص" أنه قال: « إن الله خلق الخلق فجعلني من خيرهم من خير فرقهم، وخير الفريقين، ثم تخير القبائل، فجعلني من خير قبيلة، ثم تخير البيوت، فجعلني من خير بيوتهم، فأنا خيرهم نفسا، وخيرهم بيتا».
ولمكانة هذا النسب الكريم في قريش لم نجدها فيما طعنت به على النبي "ص" لاتضاح نسبه بينهم، ولقد طعنت فيه بأشياء كثيرة مفتراة إلا هذا الأمر.
2-أنه نشأ يتيما، فقد مات أبوه عبد الله وأمه حامل به لشهرين فحسب، ولما أصبح له من العمر ست سنوات ماتت أمه آمنة فذاق "ص" في صغره مرارة الحرمان من عطف الأبوين وحنانهما، وقد كفله بعد ذلك جده عبد المطلب، ثم توفي ورسول الله "ص" ابن ثمان سنوات، فكفله بعد ذلك عمه أبو طالب حتى نشأ واشتد ساعده، وإلى يتمه أشار القرآن الكريم بقوله: {أَلَمْ يَجِدْكَ يَتِيمًا فَآوَى} [الضحى:6].
3-أمضى رسول الله "ص" السنوات الأربع الأولى من طفولته في الصحراء في بني سعد، فنشأ قوي البنية، سليم الجسم، فصيح اللسان، جريء الجنان، يحسن ركوب الخيل على صغر سنه قد تفتحت مواهبه على صفاء الصحراء وهدوئها، وإشراق شمسها ونقاوة هوائها.
4-كانت تعرف فيه النجابة من صغره، وتلوح على محياه مخايل الذكاء الذي يحببه إلى كل من رآه، فكان إذا أتى الرسول "ص" وهو غلام جلس على فراش جده، وكان إذا جلس عليه لا يجلس معه على الفراش أحد من أولاده (أعمام الرسول)، فيحاول أعمامه انتزاعه عن الفراش، فيقول لهم عبد المطلب: دعوا ابني، فوالله إن له لشأنا.
5-أنه عليه الصلاة والسلام كان يرعى في أوائل شبابه لأهل مكة أغنامهم بقراريط يأخذها أجرا على ذلك، وقد ثبت عنه "ص" أنه قال: « ما من نبي إلا قد رعى الغنم» قالوا: وأنت يا رسول الله؟ قال: « وأنا» وفي رواية أخرى أنه قال: « ما بعث الله نبيا إلا رعى الغنم» فقال له أصحابه: وأنت يا رسول الله؟ فأجاب: « وأنا رعيتها لأهل مكة على قراريط» ثم لما بلغ من عمره خمسا وعشرين، عمل لخديجة بنت خويلد في التجارة بما لها على أجر تؤديه إليه.
6-لم يشارك عليه الصلاة والسلام أقرانه من شباب مكة في لهوهم ولا عبثهم، وقد عصمه الله من ذلك، فقد استفاض في كتب السيرة أنه سمع وهو في سن الشباب غناء من إحدى دور مكة في حفلة عرس، فأراد أن يشهدها، فألقى الله عليه النوم، فما أيقظه إلا حر الشمس، ولم يشارك قومه في عبادة الأوثان، ولا أكل شيئا مما ذبح لها، ولم يشرب خمرا، ولا لعب قمارا، ولا عرف عنه فحش في القول، أو هُجر [قبحٌ] في الكلام.
7-وعرف عنه منذ إدراكه رجحان العقل، وأصالة الرأي، وفي حادثة وضع الحجر الأسود في مكانه من الكعبة دليل واضح على هذا، فقد أصاب الكعبة سيل أدى إلى تصدع جدرانها، فقرر أهل مكة هدمها وتجديد بنائها، وفعلوا، فلما وصلوا إلى مكان الحجر الأسود فيها اختلفوا اختلافا شديدا فيمن يكون له شرف وضع الحجر الأسود في مكانه، وأرادت كل قبيلة أن يكون لها هذا الشرف، واشتد النزاع حتى تواعدوا للقتال، ثم ارتضوا أن يحكم بينهم أول داخل من باب بني شيبة، فكان هو رسول الله "ص" فلما رأوه قالوا: هذا الأمين، رضينا بحكمه، فلما أخبر بذلك، حل المشكلة بما رضي عنه جميع المتنازعين، فقد بسط رداءه ثم أخذ الحجر فوضعه فيه، ثم أمرهم أن تأخذ كل قبيلة بطرف من الرداء، فلما رفعوه وبلغ الحجر موضعه، أخذه ووضعه بيده، فرضوا جميعا، وصان الله بوفور عقله وحكمته دماء العرب من أن تسفك إلى مدى لا يعلمه إلا الله.
8-عرف عليه الصلاة والسلام في شبابه بين قومه بالصادق الأمين، واشتهر بينهم بحسن المعاملة، والوفاء بالوعد، واستقامة السيرة، وحسن السمعة، مما رغب خديجة في أن تعرض عليه الاتجار بمالها في القافلة التي تذهب إلى مدينة (بصرى) كل عام على أن تعطيه ضعف ما تعطي رجلا من قومها، فلما عاد إلى مكة وأخبرها غلامها ميسرة بما كان من أمانته وإخلاصه، ورأت الربح الكثير في تلك الرحلة، أضعفت له من الأجر ضعف ما كانت أسمت له، ثم حملها ذلك على أن ترغب في الزواج منه، فقبل أن يتزوجها وهو أصغر منها بخمسة عشر عاما، وأفضل شهادة له بحسن خلقه قبل النبوة قول خديجة له بعد أن جاءه الوحي في غار حراء وعاد مرتعدا: كلا والله لا يخزيك الله أبدا، إنك لتصل الرحم، وتحمل الكل (الضعيف)، وتكسب المعدوم، وتقري الضيف، وتعين على نوائب الحق.
9-سافر مرتين خارج مكة، أولاهما مع عمه أبي طالب حين كان عمره اثنتي عشرة سنة، وثانيتهما حين كان عمره خمسا وعشرين سنة، متاجرا لخديجة بمالها، وكانت كلتا الرحلتين إلى مدينة (بصرى) في الشام، وفي كلتيهما كان يسمع من التجار أحاديثهم، ويشاهد آثار البلاد التي مر بها، والعادات التي كان عليها سكانها.
10-حبب الله إليه عليه الصلاة والسلام قبل البعثة بسنوات أن يخرج إلى غار حراء - وهو جبل يقع في الجانب الشمالي الغربي من مكة، على قرب منها- يخلو فيه لنفسه مقدار شهر - وكان في شهر رمضان- ليفكر في آلاء الله، وعظيم قدرته، واستمر على ذلك حتى جاءه الوحي، ونزل عليه القرآن الكريم.
11-نزول الوحي على الرسول "ص" لما تم للنبي "ص" أربعون سنة، نزل عليه جبريل بالوحي في يوم الإثنين لسبع عشر خلت من رمضان، ويحدثنا الإمام البخاري رضي الله عنه في « صحيحه» بالسند المتصل إلى عائشة أم المؤمنين رضي الله عنها عن كيفية نزول الوحي عليه، فتقول:
أول ما بدئ به رسول الله الر"ص" رؤيا الصالحة في النوم، فكان لا يرى رؤيا إلا جاءت مثل فلق الصبح، ثم حبب إليه الخلاء، وكان يخلو بغار حراء يتحنث فيه - وهو التعبد- الليالي ذوات العدد قبل أن ينزع إلى أهله، ويتزود لذلك ثم يرجع إلى خديجة، فيتزود لمثلها، حتى جاءه الحق وهو في غار حراء،
فجاءه الملك فقال له:اقرأ. فقال: ما أنا بقارئ.
قال: فأخذني فغطني حتى بلغ مني الجهد ثم أرسلني فقال: اقرأ. فقلت: ما أنا بقارئ.
فأخذني فغطني الثانية حتى بلغ مني الجهد ثم أرسلني فقال: اقرأ. فقلت: ما أنا بقارئ. فأخذني فغطني الثالثة ثم أرسلني فقال: {اقْرَأْ بِاسْمِ رَبِّكَ الَّذِي خَلَقَ، خَلَقَ الْإِنسَانَ مِنْ عَلَقٍ، اقْرَأْ وَرَبُّكَ الْأَكْرَمُ، الَّذِي عَلَّمَ بِالْقَلَمِ ، عَلَّمَ الْإِنسَانَ مَا لَمْ يَعْلَمْ} [العلق: 1- 6]، فرجع بها رسول الله "ص" يرجف فؤاده، فدخل على خديجة بنت خويلد رضي الله عنها، فقال: زملوني، زملوني، فزملوه حتى ذهب عنه الروع، فقال لخديجة وأخبرها الخبر: لقد خشيت على نفسي، فقالت خديجة: والله لا يخزيك الله أبدا؛ إنك لتصل الرحم، وتحمل الكل [الضعيف]، وتكسب المعدوم، وتقري الضيف، وتعين على نوائب الحق. فانطلقت به خديجة حتى أتت ورقة بن نوفل بن أسد بن عبد العزى، وكان ابن عم خديجة، وكان امرءا تنصر في الجاهلية، وكان يكتب الكتاب العبراني، فيكتب من الإنجيل بالعبرانية ما شاء الله أن يكتب، وكان شيخا كبيرا قد عمي، فقالت له خديجة: يا ابن عم، اسمع من ابن أخيك، فقال له ورقة: يا ابن أخي ماذا ترى؟ فأخبره رسول الله "ص" خبر ما رأى، فقال له ورقة: هذا الناموس -صاحب الوحي وهو جبريل - الذي نزل على موسى، يا ليتني فيها جذعا -شابا قويا – ليتني أكون حيا إذ يخرجك قومك، فقال رسول الله "ص" أو مخرجي هم؟ قال: نعم، لم يأت رجل قط بمثل ما جئت به إلا عودي، وإن يدركني يومك أنصرك نصرا مؤزرا، ثم لم ينشب [يلبث] ورقة أن توفي وفتر الوحي».
وفي رواية ابن هشام عن ابن إسحاق: أن جبريل جاءه وهو نائم في غار حراء بنمط - وعاء - من ديباج [حرير] فيه كتاب، فقال: اقرأ..إلخ. قال: فقرأتها، ثم انتهى فانصرف عني وهببت من نومي، فكأنما كتبت في قلبي كتابا، قال: فخرجت حتى إذا كنت في وسط من الجبل سمعت صوتا من السماء يقول:
يا محمد أنت رسول الله، وأنا جبريل.
قال: فرفعت رأسي إلى السماء أنظر، فإذا جبريل في صورة رجل صافٍّ قدميه في أفق السماء يقول: : يا محمد أنت رسول الله، وأنا جبريل.
قال: فوقفت أنظر إليه، فما أتقدم وما أتأخر، وجعلت أصرف وجهي عنه في آفاق السماء فلا أنظر في ناحية منها إلا رأيته كذلك، فما زلت واقفا ما أتقدم أمامي وما أرجع ورائي، حتى بعثت خديجة رُسُلها في طلبي.. إلخ.
12-كان أول من آمن به ودخل في الإسلام زوجه خديجة رضي الله عنها ثم ابن عمه علي رضي الله عنه وهو ابن عشر سنين، ثم مولاه زيد بن حارثة ثم أبو بكر الصديق رضي الله عنه، وكان أول من أسلم من العبيد بلال بن رباح الحبشي وعلى ذلك تكون خديجة أول من آمن به إطلاقا، وقد صلى رسول الله صلى الله عليه وسلم معها آخر يوم الإثنين، وهو أول يوم من صلاته، وكانت الصلاة ركعتين بالغداة وركعتين بالعشي.
13-ثم فتر الوحي بعد ذلك فترة من الزمن اختلفت الروايات في تقديرها، فأقصاها ثلاث سنوات، وأدناها ستة أشهر وهو الصحيح، وقد شق انقطاع الوحي على الرسول "ص"
وأحزنه ذلك كثيرا، حتى كاد يخرج إلى الجبال فَيَهُمُّ بأن يترى من رؤوسها ، ظنا منه أن الله قد قلاه بعد أن اختاره لشرف الرسالة، ثم عاد إليه الوحي بعد ذلك كما يروي الإمام البخاري في « صحيحه» عن جابر بن عبد الله الأنصاري عن النبي "ص"
« بينما أنا أمشي إذ سمعت صوتا من السماء، فرفعت بصري فإذا الملك الذي جاءني بحراء جالس على كرسي بين السماء والأرض، فرعبت منه، فرجعت فقلت: زملوني، فأنزل الله تعالى: {يَا أَيُّهَا الْمُدَّثِّرُ ، قُمْ فَأَنذِرْ} إلى قوله: {َالرُّجْزَ فَاهْجُرْ} فحمي الوحي وتتابع .
14- بدأ رسول الله "ص" بعد ذلك يدعو إلى الإسلام من وثق بعقله ثلاث سنوات كاملة، حتى أسلم عدد من الرجال والنساء ممن عرفوا برجحان الرأي وسلامة النفس.
____________________________________
دي الأحداث باختصار شديد جدا..
نطلع بإيه منها ؟..
1-أول نقطة نقف معاها هي.. ليه أشرف بيت من بيوت قريش؟..
في القادسية.. يقف المغيرة بن شعبة بين يدي يزدجرد.. فيقول له:
(فبعث اللّه إلينا رجلاً معروفاً، نعرف نسبه ونعرف وجهه. ومولده، فأرضه خير أرضنا، وحسبه خير أحسابنا، وبيته أعظم بيوتنا، وقبيلته خير قبائلنا. وهو بنفسه كان خيرنا 00) .
سنة الله في خلقه.. الناس عادة بيزدروا المصلحين.. بيستهزئوا بيهم..
لكن لما يكون الداعية لله من أصل.. و شرف في النسب.. مش شرط يكون غني.. يعني يكون له مكانة اجتماعية... بيكون له أثر قوي جدا في النفوس..لأن ماحدش يقدر يطعن فيه أساسا.. كل طعنهم في النهاية بيظهر في صورة افتراءات هزيلة..
ولذلك كان أول ما سأل عنه هرقل أبا سفيان بعد أن أرسل الرسول إلى هرقل كتابا يدعوه فيه إلى الإسلام هو وقومه: كيف نسبه فيكم؟ فأجاب أبو سفيان وهو يومئذ على شركه: هو من أشرفنا نسبا، ولما انتهى هرقل من أسئلته لأبي سفيان، وسمع جوابه عنها، أخذ يشرح له سر الأسئلة التي توجه بها إليه حول محمد « رسول الله صلى الله عليه وسلم» فقال له هرقل: سألتك كيف نسبه فيكم؟ فزعمت أنه من أشرفكم نسبا، وكذلك لا يختار الله النبي إلا من كرام قومه، وأوسطهم نسبا.
هل معنى الكلام ده ان الإسلام بيقيم الناس حسب أنسابهم؟..
لأ..الإسلام لا يقيم وزنا لشرف الأنساب تجاه الأعمال..و لكن احنا دلوقت بنتكلم عن موازين الناس و ليس موازين الله.. موازين الناس اللي تخليها تتأثر أكثر بشخص له مواصفات معينة.. عشان كده ربنا سبحانه و تعالى لما يبعث رسول للناس.. أو داعية.. لازم يتحلى بالمواصفات دي .. المؤهلات اللي تؤهله لحمل الدعوة و التأثير في الناس..
و لكن ده لا يمنع ان شرف النسب اذا اجتمع مع شرف العمل أحيانا انه يرفع الشخص عند الله أكثر.. ازاي؟.. لما ربنا يديك الدنيا.. ولا تصدك هذه الدنيا عن الله.. تبقى في ايدك مش في قلبك.. و تدفعك أكثر للتقرب الى الله..شتان بين واحد آتاه الله الدنيا و المال فاستغلهم لمعصية الله.. وواحد تاني أوتيهما فاستغلهما للقربى من الله أكثر و أكثر..
و نقطة تانية مهمة.. ألا و هي حاجة الدعوة لمن يحميها..
و نتذكر سويا سيدنا لوط عليه السلام..
" قَالَ لَوْ أَنَّ لِي بِكُمْ قُوَّةً أَوْ آوِي إِلَى رُكْنٍ شَدِيدٍ" سورة هود (80)
و الركن الشديد هو لجوءه الى الله تعالى
قال رسول اللّه "ص" تعقيباً على قوله: " رحم اللّه لوطاً كان يأوي إلى ركن شديد، وما بعث اللّه بعده نبياً إلا وهو في ثروة من قومه " (حسن).
وشعيب عليه الصلاة والسلام كان في منعة من قومه وهم الذين خافهم الكافرون فقالوا:
"قَالُواْ يَا شُعَيْبُ مَا نَفْقَهُ كَثِيراً مِّمَّا تَقُولُ وَإِنَّا لَنَرَاكَ فِينَا ضَعِيفاً وَلَوْلاَ رَهْطُكَ لَرَجَمْنَاكَ وَمَا أَنتَ عَلَيْنَا بِعَزِيزٍ" سورة هودج (91)
سنة الله.. عشان كده يشاء الله سبحانه و تعالى أن رسوله الى العالم كله.. شاء الله أن يكون أشرف مخلوق في الوجود..
زي ما أي دولة يوم مابتختار سفراء بتختار أكثر الناس لياقة اجتماعية و ثقافية و نفسية الخ.. فما بالك بسفير الله الى العالمين؟..
و عشان كده نلاقي الـ 13 سنة المكية يحياها الرسول "ص" في منعه من أهله و عشيرته من بني هاشم و المطلب.. و تخوض قريش كلها حرب عنيفة على هذه الدعوة.. لكن لا يتمكنون من النيل من النبي "ص" و هو في منعة قومه..
و هانشوف سوا ان شاء الله حادثة عجيبة جدا.. الحصار و المقاطعة في شعب أبي طالب.. 3 سنين من الحصار و المقاطعة و التضييق على المسلمين..
مش غريب ان المسلمين ينحازوا الى الشعب مع الرسول و يتحملوا مالاقوا من الجهد 3 سنين..
لكن العجب كل العجب.. أن يصبر كفار بني المطلب على العذاب ده 3 سنين و أن ينحازوا الي الشعب مع الرسول "ص" أيضا.. كان صبر بدافع العصبية و القبلية.. لعظمة الرسول "ص" في نفوسهم و إجلاله في قلوبهم على الرغم من ثباتهم على الكفر..
كانوا رجالة حتى مع كفرهم..دي المعادن النفيسة اللي حكالنا عنها النبي "ص"
يقول النبي "ص" :
"الناس معادن كمعادن الذهب والفضة، خيارهم في الجاهلية خيارهم في الإسلام إذا فقهوا".
الناس معادن.. ياريتنا نفهم النقطة دي كويس جدا..
للأسف في ناس بتلتزم و تفتكر انها كده خلاص..يعتزلوا بقى المجتمع تماما لأن الناس مادام مش ملتزمين يبقوا مش كويسين.. ياسبحان الله.. امال مين اللي يحمل هذه الدعوة؟.. و كيف يحملها من يكره الناس؟..
للأسف شباب بالذات مابيقدرش يلقط المعنى الدقيق ده.. معنى أن تحب الشخص.. و تكره معصيته..
المسلم لا يكره أخاه المسلم .. و لكن يكره معصيته..و يتمنى له الهداية..
عمر الدعوة ماتيجي بالكره أبدا.. و لكن دعوة الإسلام دعوة حب.. فالناس جبلت على حب من أحسن اليها..
يعني نطلع من النقطة دي بايه.. اننا ننتقي من الناس العناصر ذات المعدن الطيب.. ندعوهم.. ناخد بايديهم.. مش معنى ان الإنسان على معصية انه مش كويس و اني انا أحسن منه.. سبحان الله.. حد فينا ضامن ربنا يختم له بخير؟.. نسأل الله حسن الخاتمة..
و قدامنا نماذج حية في أيامنا دي من ناس هداهم الله.. فبعد أن كانوا أعلاما في المعصية.. أصبحوا أعلاما لهدايةالناس .. كل واحد بيحاول يبذل جهده قدر استطاعته و قدر علمه.. على قد ماكانوا طاقة في الصد عن سبيل الله.. و كثير منهم بيكون في الموقف ده عن دون علم.. يعني مابيبقاش بقى مبيت النية ان هو يصد عن سبيل الله و يكره الناس في الدين و و و.. و لكن الناس فعلا مش لاقية اللي يعرفها دينها.. و ان لقت .. بيقابلوا منفرين كتير.. سبحان الله.. "ان منكم منفرين"..
أحد الفنانين اللي هداهم الله..يحكي و يقول.. انا كان اللي بيصدني عن الطريق انك تحس ان الشخص الملتزم ده بيكرهك لشخصك.. فطبيعي تنفر من شخص بيكرهك.. لكن ربنا كرمنا بناس.. ماقالولناش الفن حرام ولا انتوا صفتكم كذا و نعتكم كذا.. قالوا لنا حاجة واحدة بس.. "ان ربنا كويس.. ان ربنا كريم. ان ربنا بابه مفتوح... ان ربنا.. بيحبنا" قللب..
لما رسخ المعنى ده في قلوبنا.. لقينا نفسنا على الطريق لوحدنا..
الناس كلها فيها جانب من نفسها نفسه يقبل على الله.. الروح عطشانه للدين يا جماعة.. لكن بيلاقوا اللي بيصدهم..
انتقوا المعادن النفيسة من الناس.. و حببوهم في الله.. خذوا بالأسباب.. و سيبوا النتائج على الله..على من خلق القلوب..
2-و يشاء الله تعالى أن ينشأ النبي "ص" يتيما.. من يتم الى يتم.. يموت أبوه و هو في بطن أمه.. و تموت أمه و سنه 6 سنين.. و يموت جده و عمره 8 سنين..
ليه يا رب؟.. حكمة الله عز و جل.. عشان ماحدش من البشر يتدخل في تربيته.. عشان ماحدش ييجي زي ماناس بتقول دلوقت ده محمد اتعلم الدين بتاعه من فلان أو فلان..
عشان مايتشربش بأي من أخلاق الجاهلية..
عشان يبقى تربية الله عز و جل.. زي سيدنا موسى عليه السلام لما قال الله له
"وَاصْطَنَعْتُكَ لِنَفْسِي " سورة طه (41)
" وَلِتُصْنَعَ عَلَى عَيْنِي " سورة طه (39)
و عشان يحس بآلام اليتامى .. واقع عاشه بنفسه.. و مش أي يتيم.. يتم الذكرى مع أبوه.. و يتم عاشه واقعا و معاناة في وفاة أمه و جده أمام عينيه.. عشان يكون أب لكل اليتامى حتى يقول قولته : " أنا وكافل اليتيم في الجنة كهاتين ".
من يربيك يا محمد؟.. الله.. و من يؤويك يا محمد؟.. الله
" أَلَمْ يَجِدْكَ يَتِيماً فَآوَى (6) وَوَجَدَكَ ضَالّاً فَهَدَى (7) وَوَجَدَكَ عَائِلاً فَأَغْنَى (8)" سورة الضحى
و مش بس كده.. ده لسة في الآخرة كمان يا محمد.. " وَلَسَوْفَ يُعْطِيكَ رَبُّكَ فَتَرْضَى (5)" سورة الضحى
3- و تكون رضاعته "ص" في ديار بني سعد.. حتى يكون أفصح العرب.. الفصاحة.. من سمات الداعية الناجح.. و السفير الناجح..
كما قال أبو بكر رضي اللّه عنه: يا رسول اللّه ما رأيت أفصح منك. فقال: " وما يمنعني، وأنا من قريش وأرضعت من بني سعد " ، هيأ اللّه تعالى له تلك الرضاعة ليحمل إلى البشرية أفصح كتاب .. كتاب الله.. القرآن..
الفصاحة.. اللي من غيرها سيدنا موسى احتاج لهارون يكون وزير له و يبلغ الدعوة عنه..
" وَأَخِي هَارُونُ هُوَ أَفْصَحُ مِنِّي لِسَاناً فَأَرْسِلْهُ مَعِيَ رِدْءاً يُصَدِّقُنِي إِنِّي أَخَافُ أَن يُكَذِّبُونِ "سورة القصص (34)
دي طفولة النبي.. ماذا عن شبابه؟..
قضى الشباب ازاي؟..
كان يعمل..
عمل بالرعي.. و ما أرسل الله نبيا الا و رعى الغنم.. و كأنما هي حكمة الله.. ليتعلم من خلال رعي الغنم الصبر و الرحمة و الحماية و المسئولية.. و يتعلم خلق اللين و العطف و الحدب ليكون راعي هذه الأمة ..
" فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ.... " سورة آل عمران (159)
و كما قال : " السكينة في أهل الشاء " .
و عمل أيضا في التجارة..
ياترى أخبارك مع العمل ايه؟.. أخبار الشباب و العمل ايه؟..
أنا اشتغل؟؟.. ليه؟.. بس انا مش محتاج.. أهلي الحمد لله بيصرفوا عليا و مش مخلييني محتاج حاجة.. لسة ان شاء الله كده لما اخلص جامعة ابقى اشتغل..
و مين قال ان الشغل عشان الفلوس بس؟..
عاوز تدعو الناس؟.. هاتدعوهم ازاي من غير ماتحتك بيهم في مجال الواقع و من غير ماتتعلم تحمل المسئولية.. و من غير حتى ما يكون ليك دخل خاص و لو بسيط..
الشغل له دور مهم جدا جدا في بناء الشخصية.. فرق شاسع في النضج بين شاب بيشتغل.. و شاب مابيشتغلش.. و فرق شاسع في الشخصية و تكاملها و خبرتها في الحياة.. و فرق شاسع في السعادة..
ما انساش أول مرة اشتغلت فيها في حياتي.. كان في الكلية..
ماتتخيلش قدر السعادة و الراحة اللي بتحسها.. لما تحس انك بتعمل حاجة في حياتك.. و تحس ان ليك هدف.. و انك بتحقق خطوات في حياتك و لو بسيطة.. أيا كان الشغل.. و سواء كان حاجة مركز و برستيج والا شغلانة بسيطة تقضي بيها الصيف..
و الواحد حس بالفرق بين الشباب في دمياط مثلا و اسكندرية..
دمياط مافيهاش حاجة اسمها بطالة.. المفهوم ده مش موجود.. الكلمة مش في قاموسهم اساسا.. الواحد بيشتغل من و هو في ابتدائي.. و مش شرط يكون محتاج.. و بيفضل يشتغل.. و حتى و هو في كليته.. يستنى الدراسة تخلص و الصيف يبدأ و يجري يدور على شغل والا يتعلم صنعة..و تخلص الكلية و هو بيشتغل.. و في نفس الوقت بيدور على وظيفة بمؤهله..
انما في محافظات تانية مالهاش الطبيعة الصناعية دي.. بتحس فعلا بمعاناة الشباب.. في فترة الدراسة هو مشغول فعلا.. فمش حاسس بحاجة.. لكن تيجي الأجازة.. تلاقي الكل بيشتكي من الملل.. و الفراغ.. و الإكتئاب.. و الزهق.. و بيحاول بكل الطرق يضيع الوقت بالنوم او الخروج او القهاوي.. و هل هو سعيد مع كل ده؟.. ما اعتقدش.. على الأقل في الحالات اللي لمستها بنفسي و عايشتها.. صحيح اللي بيشتغل بيتعب.. لكن بيبقى أسعد كتير من اللي مابيشتغلش..
أسعد و أنضج و أكثر خبرة في الحياة و أكثر تأثيرا في الناس.. و كل ده محتاجاه الدعوة.. عاوز تكون شخص مؤثر.. عاوز تكون داعية.. اشتغل.. ووري الناس ازاي المسلم الملتزم بيشتغل.. و بيجتهد..
و انت طالب.. و ماعندكش وقت تشتغل.. اجتهد في دراستك.. ووري الناس ازاي الطالب المسلم الملتزم بيجتهد.. ازاي متفوق.. و بالرغم من ده كله بيصلي و بيحفظ قرآن و بياخد بايدين زمايله..
عاوز ربنا يحبك؟.. اشتغل .. يقول النبي "ص" : "إن الّله يحب المؤمن المحترف يحب الذي يأكل من كسب يده (وأن نبي اللّه تعالى داود كان ياكل من كسب يده ).
4- نقطة تانية نلاحظها في شباب الرسول "ص".. ألا و هي عصمة الله له.. فلم يتلوث بأي أدران الجاهلية.. دي عصمة الله سبحانه و تعالى لنبيه.. طيب و احنا؟.. ياترى ممكن ربنا يعصم حد فينا؟..
ارجع لنفسك كده و راجع نفسك..
مافي حد فينا الا و ربنا عصمه من ذنب معين... فهناك من أدى شكر هذه العصمة بصيانتها.. و هناك غلبت عليهم شقوتهم..
اللي طلع و لقى نفسه مابيدخنش.. لوحده.. يعرف ان ربنا عصمه.. فليؤدي شكر هذه العصمة..
اللي طلع و لقى نفسه بيغض بصره.. لوحده.. من غير مايكون له يد في كده.. فيه ناس مش محتاجة تجاهد نفسها عشان تغض بصرها.. هو عامل بلوك عنده تماما من الـ Mother board ..يعرف ان ربنا عصمه.. فيؤدي شكر هذه النعمة بالمحافظة عليها..
ازاي احافظ عليها؟.. ما انت ممكن بالرغم من ان ربنا سبحانه و تعالى أعانك.. و يسرلك الإستقامة.. بالرغم من ده انت تصر على المعصية.. ازاي؟..
المعصية مش أصل فينا.. فطرة الإنسان النقية بتنفر من المعصية.. لكن سبحان الله فيه ناس بيغصبوا نفسهم على المعصية.. لغاية مايعتادوها..
هو اللي بيدخن أول مابيدخن.. بيحصل له ايه؟.. و بيفضل يعافر و يحاول لغاية مايبقى حريف..
نفس النموذج بيتكرر من أصغر الصغائر لأكبر الكبائر..
اللي بيزني أول مرة بيبقى مقبل على معصية الله و نفسه مستريحة ليها؟.. أبدا.. و ياما ناس فضلوا يسعوا ورا المعصية لغاية ما اتيسرت لهم الخلوة.. منهم من عصمهم الله.. و منهم من غلبت عليهم شقوتهم و انجرفوا فيها..
أبسط مثال.. الأغاني.. و مش قضيتنا دلوقت مسألة الحلال والحرام. على الأقل العلماء مجمعين تماما ان أغلب مايقدم الآن من أغاني تدعوا الى معصيةالله حرام..
المهم.. حوار دار جنبي بين اتنين اصحابي.. واحد بيقول للتاني.. سمعت شريط فلان الجديد؟.. ده كده.. خطير...
التاني قال له لأ بصراحة سمعته و مش قوي..
رد عليه التاني و قال له لأن انت عارف.. شرايط فلان لازم تسمعها أكتر من مرة عشان تعجبك!!!!
انا بقى شدتني الجملة دي و استغربت جدا.. فسألت.. هو فيه ناس انت لازم تسمعهم اكتر من مرة عشان يعجبوك؟.. الإتنين قالوا لي ايوة.. زي فلان و فلان و فلان..
قلت لهم جميل.. يعني انت لما بتسمعهم أول مرة أول انطباع بيكون عندك هو انك مش مبسوط.. و مش راضي عن اللي بتسمعه.. قالوا أيوة.. فقلت لهم و بالرغم من انك مش عاجبك اللي بتسمعه بتفضل تعيده و تسمعه لغاية مايعجبك!!!.. انت يعني "بتغصب" على نفسك انك تحب حاجة مش عاجباك اساسا؟؟ ياترى عملتها مع القرآن؟.. والا أول مابتطلع العربية بتشغل القرآن دقيقتين و بعدين تقول صدق الله العظيم و تقوم محول؟..
نفس النظرية... سبحان الله.. الناس بتغصب نفسها على المعصية غصبا.. لكن الطاعة.. و العمل الطيب الميسر ليك.. بتبعد عنه..
راجع نفسك.. و تأمل في نفسك.. و شوف انت ربنا كرمك و عصمك من ايه.. قارن حالك بحال اللي حواليك كده.. و قول الحمد لله.. لازم أؤدي شكر النعمة دي.. و أحافظ عليها..
ده شباب النبي "ص" ..
و تمر السنين.. حتى يبلغ النبي "ص" 40 سنة.. و هو في كل يوم يزداد نفوره و كرهه لمظاهر الجاهلية و الوثنية من حوله.. فما الحل؟.. و ما العمل؟.. كيف ينأى بنفسه عن هذا التلوث؟..
الخلوة بالنفس..و التأمل في خلق الله..
وجد النبي "ص" ضالته في غار حراء.. يتحنث فيه الليالي ذوات العدد.. يتجه بقلبه و عقله وكيانه كله الى الله..
و ما أحوجنا نحن الى هذه الخلوة.. أن تخلو بنفسك و لو 10 دقايق كل يوم.. تحاسب نفسك.. تراجع حساباتك مع الله.. تتأمل في حال نفسك.. تستقرئ رسائل الله اليك.. و ياسلام لو ليك حظ من تهجد أو قيام ليل.. أجمل خلوة.. تختلي فيها بالله عز و جل.. عشام كده كان قيام الليل في بداية الدعوة فرض.. كان فرض على النبي .. ان ناشئة الليل هي أشد وطأً و أقوم قيلا..
و مايحسش بقيمة الخلوة دي الا اللي جربها.. تحس قد ايه انك بقيت خفيف.. لما تعيد حساباتك.. و تحس قد ايه الدنيا صغيرة قوي.. ولا حاجة..
الدنيا بتاخدنا .. دوامة.. لو نزلت فيها صعب تطلع.. حتى بيسموها "متلازمة شلالات نياجرا".. بمعنى انك وقت مادخلت في التيار بيشدك بعنف.. خصوصا المنطقة اللي قبل الشلالات مباشرة.. بتبقى عنيفة و بتجرفك بسرعة نحو الحافة.. عشان كده لازم تشد نفسك.. اطلع برة التيار ده شوية..اختلي بنفسك.. فكر شوية.. عيد تشكيل قناعاتك..
5- "ليتني أكون فيها جذعا"..
يا ريتني يا محمد كنت شاب لسة بقوتي عشان انصرك..
ياليتني أكون فيها جذعا..و هنا نقطة مهمة جدا.. أهمية الشباب في الإسلام..
و هنا الكلام للشباب.. فترة الشباب اللي احنا فيها دي هانتسأل عنها يوم القيامة و هانتحاسب عليها بشده..
لا تزولا قدما عبد حتى يسأل.. عن عمره فيما أفناه.. و عن شبابه فيما أبلاه..
أبليت شبابك في ايه؟.. في طاعة الله؟.. والا في معصية الله؟..
الحقيقة يا بخته اللي عاش شبابه لله و استغل كل لحظة فيه لطاعة الله و الدعوة الى سبيل الله..
يابخته اللي أحلى سنين عمره.. اللي كان ممكن يعصى فيها الله.. يابخته اللي عاشها لله.. ييجي يوم القيامة كده بكل فخر.. و هو بيسأل .. عن شبابه فيما أبلاه.. أبليته فيك يا رب.. في طاعتك يا رب.. في الدعوة الى سبيلك يا رب.. في إصلاح و تزكية نفسي و الأخذ بإيد غيري يا رب..
انا ممن صدقوا الرسول "ص" و اتبعوه يا رب..
يقول الرسول "ص" : "بعثني الله تبارك و تعالى فصدقني الشباب و كذبني الشيوخ.."
و يا بختك كده يوم القيامة و انت مع السابقين الأولين ممن صدقوا الرسول من الشباب..
و هانشوف سوا في محطاتنا مع الصحابة.. كان عمرهم قد ايه.. احنا لو جينا نبص على أوائل المسلمين مانلاقيش فيهم غير سيدنا أبو بكر بس هو اللي كبير.. الباقي كلهم شباب صغير.. اللي قام صرح الإسلام على اكتافهم هما الشباب..
سيدنا علي يسلم عنده 7 سنين.. و يهاجر و عنده 20 سنة..
الزبير بن العوام 12 سنة..
طلحة بن عبيد الله 13 سنة..
مصعب بن عمير.. سفير الإسلام في المدينة .. 21 سنة..
هي دي الناس اللي قام على أكتافها الإسلام..
الحقيقة الإسلام كرم الشباب جدا..
داروين قال ان الإنسان اساسا حيوان..
و بناءا عليه جه فرويد يفسر كل حاجة تفسير حيواني.. فصورلنا الشباب و المراهقين على انهم قنبلة جنسية متحركة.. طاقة جنسية لازم تطلق.. ماتكبتش والا يبقى غلط.. يحصل عندهم عقدة.. يجيلهم مرض التهيؤات بتاع حسن يوسف في فيلم "للرجال فقط"
و يهمل الجانب الروحي تماما.. اللي هو أقوى بكثير عند الشباب و المراهقين من الجانب الجنسي.. الناحية الروحية عندهم عالية جدا.. الشاب أو المراهق لما يؤمن بقضية أو مبدأ بيخلص له جدا و ممكن يستميت عشانه.. سبحان الله.. ياترى هل كان اغفال علم النفس الحديث للجانب الروحي عند الشباب مقصودا.. أم سهو؟.. الله أعلم..
الحقيقة اتقي الله في شبابك..
اتق الله لتكون يوم القيامة من السبعة الذين يظلهم الله في ظله يوم لا ظل الا ضله.. لتكون شابا نشأ في طاعة الله..
6- ونقف أخيراً عند الجواب العظيم لورقة بن نوفل وهو يحدد خط سير الدعوة. (ولتكذبنَّه، ولتؤذينَّه، ولتقاتلنَّه. قال (أوَمُخرجيَّ هم؟)
قال: نعم، ما جاء أحد بمثل ما جئت به إلا عودي، ولئن أدركنى يومك، لأنصرنك نصراً مؤزراً).
لم يأت أحد بمثل ما أتيت به إلا عودي.. قانون ورقة بن نوفل.. و كأنما ربنا سبحانه و تعالى سايبه لهذا السن عشان يحط القانون ده و يعرفه للنبي "ص" .
لم يأت أحد بمثل ما أتيت به إلا عودي يا محمد .. سنة من سنن الله.. زي الشمس و القمر.. زي الأفلاك في الفضاء..
سنة الله.. ان النبي يبعث.. يكذب و يضطهد و يؤذى و يضرب.. أصحابه و أتباعه يؤذوا و يتبهدلوا و يتعذبوا .. يصبروا.. يدخلوا الجنة.. فلما يروا نعيم الجنة.. و يسألهم الله .. يا عبادي.. هل رأيتم شرا قط؟.. لا يا رب لم نر شرا قط..
هل السنة دي خاصة بالأنبياء بس؟..
هل القانون ده خاص بسيدنا محمد "ص" فقط؟..
لا والله.. احنا حملنا أمانة الدعوة بعد النبي "ص" .. و المسلمين متبهدلين في العالم كله..عشان مش فاهمين القانون ده..
مش فاهمين ان الدين ده بيتحارب من الدنيا كلها.. حتى من المسلمين نفسهم..
الملحدين.. اللي بيقولوا مافيش الله ..و مافيش دين اساسا.. تلاقيهم مايعادوش لا اليهود ولا النصارى.. عدائهم و مجهودهم كله موجه للإسلام..
المسلمين نفسهم.. أخ حكالي الحكاية دي قبل التزامه.. يقول لي قبل التزامي كنت باتلذذ اني أأخر حد ملتزم عن الصلاة.. أو اسمعه اغنية بالعافية و هو معايا في العربية.. أو اخليه يشوف منظر حرام.. كنت ابقى مبسوط جدا.. و الحقيقة دلوقت بعد ماربنا هداني.. ندمان جدا.. واللي تاعبني أكتر اني مش عارف كنت باعمل كده ليه.. مش لاقي اي مبرر.. لأن حتى في لحظتها كنت عارف كويس جدا اني غلط و هو صح..
النموذج ده موجود و منتشر.. بنشوفه في كل واحد يتيريق على واحد رايح يصلي.. و كل واحد تقول له تعالى صلي معايا يقولك يا عمي.. انت عاوز تاخد حسنات على قفايا!!!
فاعرف القانون ده كويس جدا.. لمجرد انك مسلم.. هاتتحارب... حتى لو مسلم بالإسم..
يا قوم.. هل جربتم علي كذبا قط؟.. لا يا محمد ما جربنا عليك كذبا قط.. هو فيه زيك يا محمد؟.. ده انت الصادق الأمين يا محمد.. ده احنا ودائعنا كلها عندك يا محمد..
طب يا جماعة اني نذير لكم بين يدي عذاب أليم..
تبا لك سائر اليوم يا محمد.. أهذا ما جمعتنا اليه؟..
لمجرد انك مسلم.. هاتحارب..
تعرف ايه عن المسلمين في العالم؟
البوسنة..و الشيشان. ربنا معاهم..
تعرف ايه عن المسلمين في البوسنة؟.. انت متخيل انهم مسلمين زينا كده؟.. دول كانوا مسلمين بالبطاقة كده.. ناس عاديين جدا.. لكن ولو.. لمجرد انهم ينتمون للإسلام لازم يبادوا..
تعرف ايه عن المسلمين في الأرض غير البوسنة؟.. الحقيقة حال المسلمين و مآسيهم في التاريخ و في الدنيا كلها تشيب له الولدان.. و تتعجب الحقيقة ازاي ان ماحدش يعرف حاجة عن الكلام ده..
تعرف ايه عن المسلمين في العالم؟..
تعرف ايه عن مآسي المسلمين في الإتحاد السوفييتي السابق؟.. عشرين مليون مسلم يبادوا في 50 سنة.. ستالين لوحده قتل 11 مليون مسلم.. مدن بحالها يتناقص عدد سكانها من 8 مليون الى نصف ملون فقط.. لأنهم مسلمون..
تعرف ايه عن مذابح اليهود للمسلمين في فلسطين؟.. مذبحة الشيخ.. و دير ياسين.. و خان يونس.. و غيرهم و غيرهم.. و قرى بكاملها تباد و تحرقبيوتها و يقتل سكانها عن بكرة أبيهم..
مذبحة صابرا و شاتيلا سنة 82 و 3500 قتيل مسلم..
مذبحة المسجد الأقصى سنة 90 و 150 قتيل من المصلين في الحرم القدسي..
مذبحة المسجد الإبراهيمي في الخليل سنة 94 و 29 قتيل مسلم مصلي صائم في شهر رمضان..
تعرف ايه عن محمد الدرة و ايمان حجو؟
تعرف ايه عن مذبحة قانا في جنوب لبنان؟
تعرف ايه عن مذبحة بنجلاديش سنة 71 و قتل 10 آلاف عالم مسلم و 100 ألف من طلبة المعاهد الإسلامية و قتل ربع مليون هندي مسلم هاجروا من الهند الى باكستان قبل الحرب ..
تعرف ايه عن مليون مسلم قتلوا في يوغوسلافيا.. و 12 الف قتلوا في مسجد فوجا شرق البوسنة و 6 آلاف مسلم ذبحوا في جسر فورا..
تعرف ايه عن 360 الف مسلم صيني قتلوا في مدينة كاشجر في الصين الشيوعية..
تعرف ايه عن مآسي المسلمين في الحبشة؟.. و خطة الطاغية هيلاسيلاسي لإنهاء المسلمين في خلال 15 سنة..الخطة اللي تباهى بيها أمام الكونجرس الأمريكي.. الخطة اللي لتنفيذها حرق الشيوخ و النساء و الأطفال بالنار في قرية جرسم.. و أمر بالتعقيم الإجباري للمسلمين رجالا و نساءا..
تعرف ايه عن أكتر من ألف مسلم تفتح عليهم النيران و هم يصلون في نهار رمضان في أوجاوين في الحبشة؟
تعرف ايه عن اكتر من 30 الف مسلم قتلى في الفلبين من رجال و نساء و شيوخ و أطفال.. تقطع رؤوسهم و تبقر بطونهم بالخناجر؟
تعرف ايه عن 53 الف مسلم قتيل في حكومة أنديرا غاني في الهند؟.. تعرف ايه عن 300 امرأة هندية مسلمة تحرق حية بالنار؟
تعرف ايه عن اخوة ليك في تايلاند يحرقوا أحياء بالنار ..
تعرف ايه عن 44 الف مسلم قتيل في كشمير؟
تعرف ايه عن مذبحة حماة في سوريا سنة 82؟
تعرف ايه عن مذابح الأفغان على أيدي الروس؟..
تعرف ايه عن أكتر من 100 مسجد في ليبيريا تحرق.. و يقتل أئمتها.. و تقطع ألسنة مؤذنيها بالخناجر..
تعرف ايه عن معسكرات الإغتصاب الجماعي للمسلمات على يد الصرب في البوسنة؟
تعرف ايه عن مذبحة سربيرينيتسا و 20 الف قتيل مسلم في منطقة آمنة تحت حماية الأمم المتحدة..
تعرف ايه عن 700 الف مسلم مشردين في كوسوفا بيموتوا من الجوع و البرد و المرض؟
تعرف ايه عن أنهار من دماء المسلمين تجري في الشيشان.. تعذيب.. و تقطيع..و تمثيل بالجثث... و حرق الأطفال.. و غتصاب النساء و الرجال..
تعرف ايه عن آلاف المسلمين بيذبحوا و يحرقوا في اندونيسيا؟
أحكي ايه والا ايه.. كل ده غيض من فيض..
و احنا بنتفرج بعينينا اللي هاتشهد علينا يوم القيامة.. بنتفرج على اخوة لينا.. هايمسكوا في رقابنا يوم القيامة.. يارب نسونا حتى من دعائهم..
دي سنة الله.. لازم نفوق.. لازم نحس ان فيه حرب على دينا.. لو ماحسيناش ان الإسلام محارب نبقى الحقيقة عايشين في دنيا تانية..
واللي الحقيقة مامرش عليه لحظة مابكاش فيها عشان الإسلام و المسلمين يعرف ان ايمانه لسة عليه بدري..
اللي فاهم الإسلام انه صلاة و صوم بس يبقى مش فاهم الإسلام.. واللي فاهم ان رمضان اعتكاف و قيام و دعاء بس.. اللي فاكرة الإسلام انه حجاب و بر والدين بس..
الإسلام انك تعيش للإسلام.. لدين ربنا.. لحظة بلحظة.. تسأل نفسك.. انا ربنا عاوز مني دلوقت ايه؟....
اشمعنى المسلمين اللي بينضربوا؟.. اشمعنى دم المسلمين ارخص دم في الدنيا؟..أصل هما أصحاب العقيدة..
كسنجر وزير خارجية.. اللي عمل اتفاقية كامب ديفيد.. مألف كتاب اسمه "مابعد سقوط الشيوعية".. بيقول فيه بالنص : "لم يبقى أمامنا الآن إلا الإسلام".. "لم يبقى أمام الغرب شئ يخيفه بعد سقوط الشيوعية إلا الإسلام"..
ليه مرعوبين من الإسلام؟.. لأن الإسلام لو صحى في القلوب.. لو كلمة "جهاد " صحيت في القلوب.. هاترجع الأندلس من تاني.. هايرجع الإسلام يحكم العالم من تاني.. يبقى لازم يقضى عليه تماما..
"لم يأت رجل قط بمثل ما أتيت به الا عودي"..
الم.. أحسب الناس أن يتركوا أن يقولوا آمنا و هم لا يفتنون؟..
ولقد فتنا الذين من قبلكم .. فليعلمن الله الذين صدقوا و ليعلمن الكاذبين..
ليه يارب؟؟.. امال يتعرف الصادق من الكاذب ازاي؟.. امال نختلف في الجنة ازاي؟..
احنا اتخلقنا عشان ايه؟.. ايه قضيتنا؟..
سعد بن أبي وقاص يقول اني لأسمع بالسحابة تمطر في اليمن و أنا في العراق فيفرح قلبي.. قيل و لم؟.. قال خير نزل على المسلمين..
و احنا؟.. الفلسطينيين.. و احنا مالنا؟..و المسجد الأقصى؟؟ و انا مالي؟..
و ناس يقولوا لك احنا كبرنا دماغنا لأننا مؤمنين ان الفلسطينيين هما اللي هايحرروا فلسطين..
مين اللي قال؟.. فلسطين اللي هايحررها المسلمين.. مش الفلسطينيين.. ولا العرب..
اللي هايحررها المسلمين أيا كانت جنسيتهم..
كم للمسلمين من دعواتكم؟..
ده الدعاء ببلاش .. و مع ذلك.. كم منا يدعو للمسلمين في صلاته.. و كم منا يدعو الله أساسا..
طول ما احنا مش فايقين.. لسة المآسي جاية.. و ستذكرون ما أقول لكم..
الآية واضحة.. كيف وان يظهروا عليكم لا يرقبوا فيكم إلا ولا ذمة.. مش هايرحموكم.. لسة المآسي جاية كتير..
لا يرقبوا فيكم إلا ولا ذمة.. مش هايراعوا فيكم عهود ولا اتفاقيات.. و كم من مدن اسلامية تحرق و تباد تحت سمع و بصر الأمم المتحدة.. و كم من مسلمين يقتلون و يحرقون و هم صائمون ساجدون..
بس شوف الآية تقول ايه.. و إن تصبروا.. و تتقوا.. لايضركم كيدهم شيئا.. الحل في التقوى..
أن نربي التقوى في القلوب..
"لم يأت رجل بمثل ما أتيت به الا عودي"..
آه ده النبي.. مش احنا..
ده احنا قاعدين نتبهدل عشان الكلمة دي مش فاهمينها.. مش فاهمين ان القصة مستمرة الى يوم القيامة..
النبي "ص" ياخد الكلمتين دول و يعود من عند ورقة بن نوفل و هو يعلم خلاص.. انه نبي هذه الأمة ولازم يستعد لهذه المهمة الكبيرة..
7-و الغريب ان بعد الموضوع ده يفتر الوحي..
6 شهور الوحي مابينزلش.. و النبي "ص" يتعب جدا.. و يموت ورقة..
و كأنما ربنا بيدي للرسول "ص" فرصة يراجع حساباته.. يستوعب الأمانة و المسئولية اللي هو مقدم عليها.. و يستوعب كلام ورقة بن نوفل.. ان الطريق مش سهل.. و ان يا محمد على قد ما الرسالة دي غالية و الدين ده غالي.. على قد ما التمن هايبقى غالي قوي و الطريق مش هايكون مفروش بالورود..
لكن.. كل ده يهون يا محمد.. لأنك مش لوحدك..
و تتنزل الايات على قلب الحبيب "ص" .. سورة الضحى.. سورة من أرق و أجمل سور القرآن..
" و الضحى و الليل إذا سجى "
أنا اسيبك يا محمد؟.. ازاي؟.. انا اللي بارعاك طول عمرك.. هو مين اللي رعاك و انت يتيم يا محمد؟.. هو مين اللي هداك للصراط المستقيم و اصطفاك للرسالة يا محمد؟..
و كأن ربنا بيعلم الحبيب "ص" من بداية طريق الجهاد.. يا محمد.. لا تبتأس أبدا.. ربنا دايما معاك.. و هايكون معاك في الطريق و في الرحلة.. زي ماكان معاك طول عمرك..
و يتعلم النبي "ص" الدرس و يعيه.. عشان كده في الهجرة زي ما هانشوف ان شاء الله.. و هو في الغار مع ابو بكر.. و المشركين متربصين على باب الغار.. يهمس النبي "ص" لأبي بكر و ملء قلبه اليقين.. يا أبا بكر.. ماظنك باثنين.. الله ثالثهما.. ماكانتش كلمة.. انما كان يقين يملأ قلب الرسول "ص"
و درس يعلمنا اياه..
لما الدنيا تسود في عينيك و تبقى حواليك مصايب كتير افتكر سورة الضحى.. و افتكر نعم ربنا عليك.. قول لنفسك انا كنت فين.. انا مش كنت ضال و ربنا هداني؟.. انا مش كنت ولا حاجة و ربنا خلاني حاجة؟.... يبقى معقولة يضيعني؟..
ده كفاية نعمة الهداية.... فان الله يعطي الدنيا لمن يحب ومن لا يحب.. و لا يعطي الدين الا لمن يحب.. فمن أعطاه الله الدين فقد أحبه..
8- و يتتابع الوحي بعدها و يشتد.. و يقوم النبي "ص" مجاهدا على طريق الدعوة .. و يبدأ الدعوة سرا.. ينتقي من الناس من يثق في صلاحهم.. و كانت آيات القرآن تنزل على القلوب التي استودعت بذور الإيمان كما ينزل المطر على التربة الخصبة
" وَتَرَى الْأَرْضَ هَامِدَةً فَإِذَا أَنزَلْنَا عَلَيْهَا الْمَاء اهْتَزَّتْ وَرَبَتْ وَأَنبَتَتْ مِن كُلِّ زَوْجٍ بَهِيجٍ (5)" سورة الحج