نداء لتكوين فريق قهوة كتكوت الطبى [الأرشيف]

dr_sho

10-19-2003, 11:48 PM

أحبتى الكرام
يا من حملتم الراية
وتحملتم الأمانة
أساتذتى الكرام الذين تحفل بهم جنبات قهوة كتكوت
زملائى وزميلاتى
من أطباء وطلبة وجميع من يعمل فى الحقل الطبى
سواء الطب البشرى أو طب الأسنان أو الصيدلة أو البيطرى
ما بالنا لو تعاوننا قليلا
وتشابكت منا الأيدى
وقمنا على قلب رجل واحد
فكلنا يريد الخير لهذا الدين
وللوطن
ولمجتمعنا الصغير الذى ننتمى له

أدعوكم اليوم لتكوين فريق كتكوت الطبى
فأرجو للجميع أن يدخل ويعطينا صوته
يعرفنا بنفسه
من هو ؟
ما هو تخصصه؟
ما هى أحلامه؟
وما الذى يتمنى أن يرى العيادة الهريدية عليه
ففى هذا الركن سيكون لكلا منا وظيفته
ولكل منا هدفه
فيخرج بإذن الله مجهودنا متضافرا منظما جميلا فى معناه
عذبا فى محتواه...
كما أطالب أساتذتى الأطباء المتخصصين بذكر تخصصاتهم حتى يتسنى لى الرجوع إليهم فى أى سؤال أو مشكلة على حسب التخصصات المختلفة
فإيمانى بأن التخصص هو طريق الرقى لا حد له

دمتم يا أحبة
وسلام عليكم

dr_sho

10-20-2003, 12:02 AM

نبتدى بنفسى

أختكم فى الله : الشيماء حسن
فى طريقى للحصول على البكالريوس فى الطب والجراحة العامة جامعة الأسكندرية
بمعنى إنى دلوقتى فى إمتحانات الشفوى للعام الأخير
وإن شاء الله أسبوعين وأخلص إمتحانات

مازلت صغيرة فى عالم الطب لا أكاد احبو
لكن لى آمالى الواسعة أن اتعلم قليلا فقليلا
وحلمى ينحصر فى أن اكون إنسانة قبل أن أكون طبيبة
وما أتمناه لهذا الركن
لعل البعض قرأه فى مواضيع التر شيحات ولكن لا بأس من إعادته مرة أخرى
1

.الكل يعلم كم للمعلومة الطبية ثقلا على الأنفس خاصة تلك التى لا تعمل فى مجال الطب... وللمتأففين فى ذلك كل الحق..فغالبا ما تقدم المعلومة فى قالبا مصمتا منقولة نقلا من كتاب طبى أو موقع إرشادى .
وإيمانا منى بأن ليس كل من يقرأ طبيبا وليس كل من يريد معلومة طبية يريدها لأجل تحضير رسالة دكتوراة فيها بل يريدها متصلة بواقعه تمس حياته
العامة والخاصة ...
فإن لى تجاربى فى تقديم المعلومة الطبية فيما يسمى بفن الطب العامى
حيث أعرضها بشكل زجلى وبقالب عامى خفيف على الأسماع قريب من الأفهام.

2. قبل أن يصل الطب الحديث إلى ما هو عليه الآن فإن فى القراءن والسنة منذ آلاف السنين ما لم يتوصل إليه حتى الآن
وهذا من المفترض أن يجعلنا كمسلمين فى المقدمة
ولنعى أحقيتنا فى تولى ركب التقدم والمضى به قدما
يجب عرض الطب النبوى وكشف الستار عن الطب القراءنى ليصبح واضاحا للجميع ..التداوى بالأعشاب والتداوى بالقراءن والرقيا الشرعية واقعا لا بد منه
فلتعرض إذا بشكل بعيدا عن الدجل والمشعوذين

3.وكما نهتم بسلامة الأجساد فإننا نهتم بسلامة الأرواح والأنفس
وللطب النفسى مكانته التى لا يمكن تجاهلها
وبما ان الطب النفسى تخصص دقيق ويجب عرضه على أيدى متخصصين
فإن بعض التنسيق مع أساتذتى الأفاضل بكلية طب الأسكندرية كفيل بوضع نواة الطب النفسى هاهنا

4. الطب للأسف أصبح الآن تجارة وخرج أصحابه من المعنى الجليل والرداء النبيل ليتكلموا بلغة الدولار والمكسب والخسارة
لذا وجب أن نعود إلى البداية ونعرف من هو الطبيب
أخلاقيات مهنة الطب تعرض لتكون فى أذهان الناشئيين

5.الطب فى فحواه هو الألم
والألم يصقل النفوس ويصفو بالأرواح فتنطلق فتبدع
وكم رأينا فى حياتنا من مريض يصوغ الشعر صوغ الأصحاء ويتغنى بالحياة تغنى الشعراء
وكم رأينا ايضا طبيبا قال الشعر فأبدع وصاغ النثر فأمتع
ومن هنا وجلب ربط الطب بالأدب ربطا وثيقا
وهنا سأقوم بأرفاق آلاف القصائد التى تغنى بها الألم فى صورة من ذاقه

6.الطب ليس دمعة ألم وصرخة تأوه وأنين متوجع فقط
فى الطب بسمة طفل وفرحة كهل وحنين رجال
فى الطب قصص وحكايات من واقع الحياة كان الأمل والأيمان واليقين هم أصل الشفاء وبلسم الجروح.

هذا ومازال الطب بحرا فياضا يموج ولربما أتسع وشمل الكون بمن فيه
الطب رسالة
والمؤمنين بهذه الرسالة هم وقود الحياة

zoklot

10-20-2003, 03:53 AM

السلام عليكم و رحمة الله و بركاته

آآلو

فعلا العيادة محتاجة تنشيط و شغل جامدفكررة

اعرفكم بنفسي: رغااي
انا احمد سليمان من مينة نصر القاهرة
انا في 2 علاج طبيعي 6اكتوبر هييييه
والحمد لله عندي خبر لا باس بها
و كمان اختي مخلصة علاج طبيعي القاهرة
و لي اخت في امتياز في المنيرة كلية الطب جامعة قناة السويس

هوبباا
و انا في الخدمة

:egg:

www.seleman9@hotmail.com

army m@n

10-20-2003, 04:15 AM

انا عبدالرحمن عشماوى اولى طب بشرى جامعة الاسكندرية حققنة
و عندى خبرة طبية لا باس بها خصوصا الامراض الجلدية
والدى اخصائى جلدية

و ربنا يوفقنا انشاء الله فى تطوير و تنشيط العيادة الهريدية
ورردة ورردة

dr_sho

10-20-2003, 04:19 PM

انا احمد سليمان من مينة نصر القاهرة
انا في 2 علاج طبيعي 6اكتوبر
والحمد لله عندي خبر لا باس بها
و كمان اختي مخلصة علاج طبيعي القاهرة
و لي اخت في امتياز في المنيرة كلية الطب جامعة قناة السويس

أهلا وسلا بيك دكتور احمد
إحنا كدة بقى ضمنا عيادة العلاج الطبيعى بالمستشفى الهريدية: هيه:
على إيد واحد ماهر زيك
إتفقنا؟
عايزين بقى أى درس تذاكره وإنت فى الكلية
تيجى كدة تكتب نبذة عنه باللغة العربية
وياريت لو كان المقال صغير وبخط واضح وفيه صور
ياسلاااااام
نبقى شاكريين جدا بإنك تضع نواة الطب الطبيعى هاهنا يا اخى

فلنحيي معا دكتور أحمد سليمان
دكتور الطب الطبيعى بالمستشفى الهريدية .

ملاحظة : ليه يا احمد الأختيين الفاضلتين لم تدعهما للأنضمام إلينا حتى الآن
ليتك تفعل يا أخى
بارك الله لك

انا عبدالرحمن عشماوى اولى طب بشرى جامعة الاسكندرية
و عندى خبرة طبية لا باس بها خصوصا الامراض الجلدية
والدى اخصائى جلدية

يا أهلا وسهلا بدكاترة إسكندرية وجامعة الأسكندرية
أهلا عبد الرحمن
متهيألى كدة إنى أعرف الوالد (من الأسم كدة)
أهو الدكتور عشماوى المشهور وصاحب العيادة بمنطقة الدخيلة السكنية
وصاحب الأيادى البيضاء على العديد من المرضى ...
أهو كذلك يا أخى؟

كدة بقى ممكن إنت نيابة عنا يعنى تكلم الوالد إنه يبقى أخصائى الجلدية للعيادة الهريدية ونبعت له الأسئلة من خلالاك
يا ريت يا عبد الرحمن

ويا ريت برضه لو عايز أى حاجة من الكلية تكلمنى على الخاصة ممكن اساعدك فى أى حاجة تحتاجها
كتابيين..عضمتيين..أو حتى كلمتين

ويا ريت برضه يا بطل لو تعملنا كدة دروس فسيولوجى و anatomy مبسطة
(شوف كدة اللى قالوه الدكاترة هدى صليب وفريال فتحى وفؤاد هيكل وغيرهم)
يعنى تشارك معانا فى بناء العيادة من غير ما تعطل مذاكرتك

شكرا دكتور عبد الرحمن على إستجابتك
وربنا يوفقك
وزى ما قلت لك أنا أختك الكبيرة وفى الخدمة دايما

zoklot

10-20-2003, 09:11 PM

انا
جاهز
للشغل

و انتظروا المزيد

ايه مفيش اي استفسارات؟؟؟؟؟؟؟؟؟؟؟؟؟ وااء

حققنة

army m@n

10-21-2003, 02:24 AM

اهلا بيكى يا dr_sho
هو فعلا والدى د/ مجدى عشماوى
وهو يرحب باى اسئلة او استفسارات من اى زبون فى القهوة

بس متنسوش الفيزيتا :أخخخ:

اما بالنسبة لموضوع المحاضرات انا يدوب فاهم على ادى
فلو شرحت لاى حد ممكن الخبط الدنيا

و مين فريال فتحى؟؟؟؟
انا مسمعتش عتها خالص

على فكرة انا بهزر فى موضوع الفيزيتا :هع:

و انشاء الله لو احتجت اى حاجة حبعتلك على طول آآلو

ولو فى اى حاجة احنا فى الخدمة و تحت امركو 24 ساعة ان شاء الله بولييس

dr_sho

10-21-2003, 01:45 PM

شكرا يا عبد الرحمن
وشكر خاص للدكتور مجدى : هيه:

يالا يا جماعة
يا ريت الكل يشارك
عايزين نكمل الفريق الطبى فى أسرع وقت

G.S.B

10-21-2003, 07:24 PM

هو في ايييييييييييييه يالضبط ؟؟؟واه يابووو

مش كنا هنعمل نقابه ضحايا الطب ؟؟؟؟؟ سنيف

عموما مش هتفرق انا جهاد سامح كررست

اولى طب بشري جامعة الاسكندرية حنا للسيف

سيكشن يوه بقى جروب بررر

اخباركم اييييييه ؟؟؟ : هيه:

انا عندي خبرة لا بأس بها برضه في الطب بحكم عمل الوالدين فرعين مختلفين تويت

أنا تحت الخدمة و أي خدمة من طب اسكندرية انا جهاد توينتي فووووور اور 24 إسسعاف

ياريت نتعرف على بعض اكتر و كتر ورردة

على فكرة يا د/ عبدالرحمن انا تقريبا و الله اعلم ااعرفك غممزة ورردة

و شكرا يا دكتورة شيماء على الموضوع الجميل ورردة

الدكاترة هدى صليب رعع رعع
إسسعاف:أخخخ: إسسعاف:أخخخ: إسسعاف:أخخخ: حنا للسيف هاقططعه

thekingjijo@hotmail.com

dr_sho

10-22-2003, 02:58 AM

أهلا دكتور جهاد
ماشاء الله جامعة إسكندرية تكسب
إنتم فين يا شباب من زمان
ده الواحد بقى ينادى يلاقى رجالة واقفة وراه
على فكرة جهاد وعبد الرحمن
أنا إحتمال أحتاجكم قريب جدا فى موضوع خيرى كدة بنعمله تبع الكلية لزيارة الأيتام
والسنة دى آخر سنة لينا
وإن شاء الله السنة الجاية بقى إنتم تمسكوا الموضوع ده بدالنا والخير يستمر على إيديكم

جهاد كدة يبقى سيكشن إتنين
وعبد الرحمن يا 3 يا 4
لازم تتقابلوا بقى وتعرفوا بعض

منور يا دكتو جهاد

army m@n

10-22-2003, 03:05 AM

انا سكشن 3

عملتى ايه فى الامتحان النهاردة يا dr-sho??

dr_sho

10-22-2003, 04:31 AM

لأ يا عبد الرحمن
إنهاردة كانت إمتحانات المتخلفين من زمايلنا بتوع السنوات اللى قبل كدة
إحنا خلصنا النظرى
وهابتدي بإذن الله شفوى وعملى يوم الثلاثاء القادم

إدعى لى : هيه:
وزود الدعا حبتين إن الدكاترة يبقوا حنينيين معانا
شكرا لسؤالك

zoklot

10-22-2003, 11:29 PM

ربنا افتح بيننا و بين قومنا بالحق و انت خير الفاتحين

G.S.B

10-23-2003, 12:13 AM

:هع::هع::هع::هع::هع::هع::هع::هع:

أنا سكشن 6 يا شباب يوه بقى

بس مفيش اي مشاكل انا ايميلي مكتوب فوق ضفني على المسنجر و أنا هتفق معاك على المكان و هو الكافيتريا (( معسكري الدائم))
أما الزمان فحسب ما تشوف يا دكتورنا الكبير بس ضفني الاول سنيف

انا مستنيييييييييييييييييييييييك حنا للسيف

دكتورة شيماء شدي حيلك الموضوع سهل
و كله هيدعي بضميييييييير ان شاء الله

ربنا يوفقك و يوفق الجميع ورردة و أنا تحت امركم في أي مشروووووووع هوبباا

army m@n

10-23-2003, 05:28 AM

ربنا يوفقك ان شاء الله يا شيماء :صلاة:
و عايزين نسمع الاخبار الحلوة آآلو

انا معنديش ماسنجر يا جهاد فحبقى ابعتلك عالخاص

و انت لو بتقعد فى الكافيتريا كتير يبقى اكيد تعرفنى كويس و تعرف الشلة كلها

نفرتارى

10-23-2003, 09:36 PM

اختكم نفرتارى طبيبه امتياز بقصر العينى00باقى من الزمن 4 اشهر و ابقى من ارباب النيابات ان شاء الله لو ربنا أذن00

التخصص الحقيقه لسه مش عارفه تخدير و لا باطنه عامه و لا اشعه تشخيصيه و لا اطفال اورام و لا ايه 000

الاستخاره ان شاء الله هتحدد000بس عموما لو حد فى طب بشرى القاهره و عاوز اى حاجه يقول لى00حتى لو كانت توصيه فى امتحان غممزة و لو حد الف بعد الشر تعبان و عاوز اى حاجه من القصر فنحن هنا 000

و انا معاكم ان شاء الله و ربنا يوفقك يا دكتوره شيماء فى الامتحانات000

ورردة

dr_rose

10-23-2003, 10:15 PM

السلام عليكم ورحمة الله وبركاته

فكرة رائعة يا دكتورة , اتمنى ان اكون عضو فاعل في العيادة بس انا لسه سنه تانيه وكمان مش من مصر.....واللي يصعب الموضوع شويه اني جديده بالمنتدى ولا اعرف حاجه بالمنتديات عامة للاسف.

اختكم سنه تانيه طب بشري جامعه الكويت, اتمنى اني اقدر اشارك او اقدم مساعدة باي طريقة ,ربنا يوفقك دكتورة شيماء يا ريت تطمنيني على امتحاناتك وعلى فكره ليا اصحاب معاكي بكليه الاسكندريه باخر سنه (الامتياز)وهايقدموا الاختبارات الشفهي الاسبوع القادم.
ربنا يوفقكم جميعا ....

مع الف سلامة

DoctorX

10-24-2003, 02:20 AM

الدكتور اكس
مجاز دولي في السحر و الشعوذة
فك المربوط بواسطة الجراحة التنظيرية
جلب الغائب عن طريق الرنين المغناطيسي
قراءة الكف بواسطة الليزر
تفضل الزيارة بموعد مسبق
نعتذر عن استقبال ذوي الدخل المحدود
إسسعاف إسسعاف إسسعاف إسسعاف إسسعاف

dr_sho

10-24-2003, 11:50 AM

كاتب الرسالة الأصلية : نفرتارى
اختكم نفرتارى طبيبه امتياز بقصر العينى00باقى من الزمن 4 اشهر و ابقى من ارباب النيابات ان شاء الله لو ربنا أذن00

التخصص الحقيقه لسه مش عارفه تخدير و لا باطنه عامه و لا اشعه تشخيصيه و لا اطفال اورام و لا ايه 000

الاستخاره ان شاء الله هتحدد000بس عموما لو حد فى طب بشرى القاهره و عاوز اى حاجه يقول لى00حتى لو كانت توصيه فى امتحان غممزة و لو حد الف بعد الشر تعبان و عاوز اى حاجه من القصر فنحن هنا 000

و انا معاكم ان شاء الله و ربنا يوفقك يا دكتوره شيماء فى الامتحانات000

ورردة

أهلا دكتورة نفرتارى
العيادة منورة بأهلها وأصحابها
وياريت تنور بمواضيعهم الحلوة
ما هو برضه أهل الطب لازم يتكلموا عنه
علشان الكلام بيطلع منهم زى السكر
العيادة منورة يا أفندم
وإن شاء الله أخلص
وأبتدى حملة الغلاسة عليكم علشان نطلع المواهب المختفية :sick::sick:

وربنا يوفقك فى إختيار تخصصك
وإختيار موفق بإذن الله

dr_sho

10-24-2003, 11:57 AM

كاتب الرسالة الأصلية : dr_rose
السلام عليكم ورحمة الله وبركاته

فكرة رائعة يا دكتورة , اتمنى ان اكون عضو فاعل في العيادة بس انا لسه سنه تانيه وكمان مش من مصر.....واللي يصعب الموضوع شويه اني جديده بالمنتدى ولا اعرف حاجه بالمنتديات عامة للاسف.

اختكم سنه تانيه طب بشري جامعه الكويت, اتمنى اني اقدر اشارك او اقدم مساعدة باي طريقة ,ربنا يوفقك دكتورة شيماء يا ريت تطمنيني على امتحاناتك وعلى فكره ليا اصحاب معاكي بكليه الاسكندريه باخر سنه (الامتياز)وهايقدموا الاختبارات الشفهي الاسبوع القادم.
ربنا يوفقكم جميعا ....

مع الف سلامة

أهلا وسهلا بالدكتورة روز
طبعا شرفتينا ونورتينا
وبعدين حضرتك لسة فى سنة تانية وكمان مش من مصر
طيب ليه لهجة الإعتذار دى
ده حضرتك مش نورتى القهوة بس
ده نورتى مصر كلها
طبعا يشرفنا تفاعلك معنا فى العيادة
وبإذن الله بعد موضوع التعارف
نبتدى نوزع المهام
وشكرا على إهتمامك
ودعوات حضرتك كدة معانا

dr_sho

10-24-2003, 12:02 PM

كاتب الرسالة الأصلية : DoctorX
الدكتور اكس
مجاز دولي في السحر و الشعوذة
فك المربوط بواسطة الجراحة التنظيرية
جلب الغائب عن طريق الرنين المغناطيسي
قراءة الكف بواسطة الليزر
تفضل الزيارة بموعد مسبق
نعتذر عن استقبال ذوي الدخل المحدود
إسسعاف إسسعاف إسسعاف إسسعاف إسسعاف

أهلا وسهلا برجال الأشعة التشخيصية
والرنين والمغناطيسية
وجميع المنتميين إلى لقب (x)
وياسلاااااااام
حضرتك وصلت فى وقتك تماما
وشكرا لعرض حضرتك الكريم اللى بعته لى على رسالة خاصة هييييه
وبتقول فيه إن فيه خصم 50% لجميع رواد القهوة هييييه

بشرى يا جماعة
والتفاصيل لاحقا هييييه ورردة

أهلا دكتور إكس
وياترى
بجد المرة دى
ممكن حضرتك تستقبل مننا أسئلة عن تخصص حضرتك إذا قام أحد الأعضاء بالإستفسار
ياريت يكون عند حضرتك دقيقتين إسبوعيا للعيادة المسكينة

شكرا لك

خيّال

10-24-2003, 12:31 PM

أنا محمد
سنة 6 طب المنصورة
وتحت الطلب
وماليش خبرة معينة في تخصص معين وكن من كل بستان زهرة
المهم إني درست الرمد والأنف والأذن والحنجرة والنساء والتوليد والأطفال ولسه بادئ باطنة وجراحة

يلزم أي خدمة؟؟؟؟؟

مامتكم

10-24-2003, 08:21 PM

وانا ام جهاد

خريجة طب اسكندرية 84 صحة عامة ونساء وتوليد وخبرة بالاطفال :انجغة::انجغة:

حاولت من قبل المشاركة فى العيادة ولكنى طردت منها شر طردة ولذلك حرمت العيادة من خبراتى قننبلة

ممكن اشارك ؟

dr_sho

10-24-2003, 08:27 PM

كاتب الرسالة الأصلية : خيّال
أنا محمد
سنة 6 طب المنصورة
وتحت الطلب
وماليش خبرة معينة في تخصص معين وكن من كل بستان زهرة
المهم إني درست الرمد والأنف والأذن والحنجرة والنساء والتوليد والأطفال ولسه بادئ باطنة وجراحة

يلزم أي خدمة؟؟؟؟؟

أهلا دكتور محمد
العيادة منورة
طبعا يلزم خدمة وخدمة وخدمة
أهلا بيك يا دكتور

dr_sho

10-24-2003, 08:31 PM

أهلا وسهلا بأستاذتنا كلنافتحي يا ورفتحي يا ور
إزاى بس شر طردة
ده أقل تقدير إننا نفرش لحضرتك العيادة ورد وفل وياسمين
بأقول يا دكتورة
إيه رأى حضرتك نعمل مناظرة عن الفرق بين طب الأسكندرية دفعة 84 ودفعة 2004
التعليم كان شكله إيه
والمبادئ اللى الطالب كان متخرج بيها ياترى كانت مادية 100% زى دلوقتى
ياترى يادكتورة ممكن نستعين بحضرتك فى طب النساء والتوليد؟

شكرا جزيلا للمشاركة

والعيادة منورة بناسها الكبيرة

ربنا يبارك لحضرتك

مامتكم

10-24-2003, 08:41 PM

والمبادئ اللى الطالب كان متخرج بيها ياترى كانت مادية 100% زى دلوقتى

بس ياشيماء يابنتى ما تفتحنيش خلينى ساكتة

يرحم زمان وليالى زمااااان

هى دى بقت كلية دى سلخانة بعيد عنك

dr_sho

10-24-2003, 08:43 PM

هههههههههههه
لا والله يا دكتورة
لازم نسمع

لازم ولابد

army m@n

10-25-2003, 04:15 AM

انا والدتى برده دفعة 84

eldoctor

10-25-2003, 05:22 AM

ما شاء الله الجيل الجديد احتل العيادة ...
طيب .. خير و بركة ...و بعدين emasزعلانة و بتقول انها اتطردت من العيادة ... مين اللى طردك يا بنتى .. اذا مكنتش انا اللى كنت ناضورجى قبل كده اتفلسعت ...
على العموم .. رمضان كريم ...
كل سنة و انتم طيبين..

dr_sho

10-25-2003, 06:08 AM

كاتب الرسالة الأصلية : eldoctor
ما شاء الله الجيل الجديد احتل العيادة ...
طيب .. خير و بركة ...و بعدين emasزعلانة و بتقول انها اتطردت من العيادة ... مين اللى طردك يا بنتى .. اذا مكنتش انا اللى كنت ناضورجى قبل كده اتفلسعت ...
على العموم .. رمضان كريم ...
كل سنة و انتم طيبين..

وحضرتك طيب يا دكتور
وبعافية
وصحة موافية
ونورت مكانك ومطرحك

عمر ما الجديد يا دكتور يقدر يحتل مكان القديم
أو الصغير يطول الكبير

ياريت نتعرف بحضرتك ....
وشكرا لك

الحســــام

10-25-2003, 06:27 AM

الاخت الفاضله....د. الشيماء...
احنا كده بقينا نفس الدفعه بس مع اختلاف الكليات...فانا برضه على وشك التخرج مثلك...بس الامتحانات عندنا تبدأ الاسبوع القادم(ادعولى)...وكلها شهرين ونتخرج على خير ان شاء الله...

اسمى : حسام رضوان.....المنصوره...
هوايتى الوحيده الادب(والادباتيه تشهد)...وعلى فكره انتى ما بقيتيش تنورينا هناك ليه يا دكتوره زى زمان.....
التخصص الذى ارغب به.....بالرغم من ان مجموعى هو الذى سيحدد اولا واخيرا....الا اننى افضل الرمد...ربما بالوراثه فالوالد استشارى عيون والوالده تحاليل طبيه(كلينيكال باثولوجى) وهما من محبى العياده الهريديه وقهوة كتكوت...ومستعدان للاستشارات المجانيه بدون حد اقصى...

ممكن انضم معاكم لفريق العياده؟؟؟؟؟ :date:
بس تسامحونى الشهر الجاى لو ما شاركتش كتير... ممممممممم
علشان ظروف الامتحانات يعنى.... سنيف

ممكن؟؟؟يوه بقى

ها؟؟؟ أوووبس

بتقولى ايه يا شيماء؟؟:sick:

ايه؟؟؟ هممم

مش سامع.... سنيف

برضه المشاركه فى العياده الهريديه بالمجمووووووووووع....واه يابووو

انتوا كمان؟؟؟:maaat:

حســـــــام .

الشيماء

10-25-2003, 07:30 AM

السلام عليكم يا جيلنا الجديد...
حدش عايز اختصاصين ؟؟
عندك هنا ياستي واحدة استاذة جراحة عامة وامراض نسا وولادة...
جامعة صنعاء..
وبلاش اسامي وتفاصيل.. آآلو
اي خدمة ياحضرة الناظرة.. ورردة
قللب

dr_sho

10-25-2003, 03:03 PM

كاتب الرسالة الأصلية : عباس الاقرع
الاخت الفاضله....د. الشيماء...
احنا كده بقينا نفس الدفعه بس مع اختلاف الكليات...فانا برضه على وشك التخرج مثلك...بس الامتحانات عندنا تبدأ الاسبوع القادم(ادعولى)...وكلها شهرين ونتخرج على خير ان شاء الله...

اسمى : حسام رضوان.....المنصوره...
هوايتى الوحيده الادب(والادباتيه تشهد)...وعلى فكره انتى ما بقيتيش تنورينا هناك ليه يا دكتوره زى زمان.....
التخصص الذى ارغب به.....بالرغم من ان مجموعى هو الذى سيحدد اولا واخيرا....الا اننى افضل الرمد...ربما بالوراثه فالوالد استشارى عيون والوالده تحاليل طبيه(كلينيكال باثولوجى) وهما من محبى العياده الهريديه وقهوة كتكوت...ومستعدان للاستشارات المجانيه بدون حد اقصى...

ممكن انضم معاكم لفريق العياده؟؟؟؟؟ :date:
بس تسامحونى الشهر الجاى لو ما شاركتش كتير... ممممممممم
علشان ظروف الامتحانات يعنى.... سنيف

ممكن؟؟؟يوه بقى

ها؟؟؟ أوووبس

بتقولى ايه يا شيماء؟؟:sick:

ايه؟؟؟ هممم

مش سامع.... سنيف

برضه المشاركه فى العياده الهريديه بالمجمووووووووووع....واه يابووو

انتوا كمان؟؟؟:maaat:

حســـــــام .

أهلا دكتو رحسام
المكان منور بالدفعة
طبعا نستناك يا دكتور
شد حيلك وربنا ييسر لك
ده الواحد فعلا أيام إمتحانات النظرى ما كانش لاقى وقت يبص فى حتة برة الكتاب
ربنا معاك يا رب
وياسلام
ده إنت جى لنا بعرض مغرى
3 دكاترة مرة واحدة
حضرتك والوالد والوالدة
خلاص بإذن الله تخلص إمتحانات ونقبض عليك علشان نستحوذ على المهارات المختلفة

شكرا دكتور حسام
وربنا يوفقك

dr_sho

10-25-2003, 03:06 PM

كاتب الرسالة الأصلية : الشيماء
السلام عليكم يا جيلنا الجديد...
حدش عايز اختصاصين ؟؟
عندك هنا ياستي واحدة استاذة جراحة عامة وامراض نسا وولادة...
جامعة صنعاء..
وبلاش اسامي وتفاصيل.. آآلو
اي خدمة ياحضرة الناظرة.. ورردة
قللب

أهلا وسهلا بأستاذتنا الفاضة
حمدا لله على السلامة يا دكتورة
القهوة منورة عامة والعيادة خاصة
والحمد لله
جالنا تخصصين حلوين فى وقت واحد: هيه:
ربنا يحفظك ويبارك لك
شكرا لك

رنـranimـيم

10-25-2003, 04:13 PM

الاخت الكريمه د..الشيماء

اقدم لك نفسى

رنيم ...اسمى فى المنتدى

لكن اسمى المدون فى الشهاده التى تعترف فيها كليتى بحصولى على

بكالوريوس الطب والجراحه هو ...هاجر ابراهيم

ايضا بفضل الله حصلت على الجزء الاول من الماجستير فى الباثولوجيا

الاكلينيكيه وايضا بفضله سبحانه وتعالى ناقشت الرساله ولم يتبق الا

امتحان الجزء الثانى ...اعاننا الله جميعا ووفقنا

وانا جاهزه لما يطلب منى وتحت امرك ...بس يارب ااقدر اساعد

رنيــــــم

أبوعبدالرحمن

10-25-2003, 04:46 PM

أحرجتوني يوه بقى أنا مكنتش عايز أرد لأني حاسس اني مش هضيف جديد في وجود هذه الأسماء اللامعة :D
بس لقيت ان شكلي هيبقى وحش أوي لو مردتش على الأقل من باب التشجيع لإخواني وزملائي
بالتوفيق وطحياطي للجميع

G.S.B

10-25-2003, 08:47 PM

نياهاهاهااهلا اهلا

حسام بيه رضوان نقيب و مؤسس نقابه ضحايا الطب : هيه:

و التي انا انشط عضو فيها هوبباا نياهاهاها واحشني يا راجل سنيف
كده الطناش ده قننبلة

مرحبا بالدكاترة الكباااااااااار

د/ رنيم ، د/ عبقرينو ، د/ خيال ، د/روز ، د/zoklot ، د/ أمي emas40 د/ غممزة اتفضلوووووا ورردة ورردة ورردة ورردة ورردة ورردة
و د/ X و د/ نفرتاري و د/ el doctoor منورييييييييين قشطة ياما قشطة ياما

اما ماما الدكتورة الشيمااااااااااااء فتحي يا ور

اقولها منورة بيتك يا ماما سنيف

متغيبيش تاني علينا ورردة ورردة

و كل سنه و الجمييييييييع بخييييييييييييييييييير:date:

DoctorX

10-25-2003, 10:00 PM

بالتلأكيد حصل سوء فهم أنا مش طبيب أشعة و لا حاجة أنا بصراحة جينوكولوجيست يعني بالعربي الفصيح طبيب توليد و أمراض نساء
مع اني ناوي أغير الاختصاص أول ما أوصل بلاد العلوج و ان شاء الله ساتخصص أمراض قلب و أوعية دموية ( كارديولوجيست )
على فكرة أنا على استعداد كامل للمساعدة فيما يخص امتحان USMLE الأمريكي أو امتحان PLAB البريطاني
و قريبا سأطلق موقعي على الانترنت ( في غضون أسبوع أو أسبوعين ) و سيحوي ما يفيد ان شاء الله الاختصاصي و الطالب و المريض يعني عيادة الكترونية شاملة مع خدمة بريد الكتروني مجانية و منتدى طبي ممكن نسميه مشفى كتكوت أو أكزخانة كتكوت
على فكرة فين الصيادلة و أطباء الأسنان هم مش مشمولين بالدعوة و لا ايه

دخلت فتاة الى صيدلية و ناولت الصيدلي ورقة تمعن في قراءتها ثم قال لها : يا آنسة هذه رسالة غرامية و ليست وصفة طبية فأجابته الفتاة : نعم أعرف ذلك لكن خطيبي دكتور

dr_sho

10-26-2003, 07:10 AM

كاتب الرسالة الأصلية : رنـranimـيم
الاخت الكريمه د..الشيماء

اقدم لك نفسى

رنيم ...اسمى فى المنتدى

لكن اسمى المدون فى الشهاده التى تعترف فيها كليتى بحصولى على

بكالوريوس الطب والجراحه هو ...هاجر ابراهيم

ايضا بفضل الله حصلت على الجزء الاول من الماجستير فى الباثولوجيا

الاكلينيكيه وايضا بفضله سبحانه وتعالى ناقشت الرساله ولم يتبق الا

امتحان الجزء الثانى ...اعاننا الله جميعا ووفقنا

وانا جاهزه لما يطلب منى وتحت امرك ...بس يارب ااقدر اساعد

رنيــــــم

أهلا دكتورة هاجر
العيادة منورة
هييييه
رنيم إسم جميل بس يا ترى معناه إيه؟
الحمد لله كدة بقى معمل التحاليل مضمون
شكرا لك يا أختاه ووفقك الله فى إتمام رسالتك

dr_sho

10-26-2003, 08:19 AM

كاتب الرسالة الأصلية : عبقرينو

أحرجتوني يوه بقى أنا مكنتش عايز أرد لأني حاسس اني مش هضيف جديد في وجود هذه الأسماء اللامعة :D
بس لقيت ان شكلي هيبقى وحش أوي لو مردتش على الأقل من باب التشجيع لإخواني وزملائي
بالتوفيق وطحياطي للجميع

إحتجااااااااااج
يا أخى الفاضل
تشجيعاتك أسعدتنا ولكن سنسعد أكثر بالتعرف عليك
فهذه دعوة يا أخى للتعاون على البر والتقوى
أرجو أن تلبيها
بذكر تخصصك أو ما تستطيع تقديمه
شكرا لك

dr_sho

10-26-2003, 08:20 AM

كاتب الرسالة الأصلية : DoctorX

على فكرة أنا على استعداد كامل للمساعدة فيما يخص امتحان USMLE الأمريكي أو امتحان PLAB البريطاني
[/COLOR]

أحمدك يا رب
المستقبل بإذن الله مضمون (وبإيد ربنا طبعا)
أهلا بيك يا دكتور وحضرتك جينوكولوجيست أو كارديولوجيست أو أى لوجيست آخر
العيادة منورة يادكتور
وحقيقى بقى إحنا فعلا مفتقدين عيادة الدكتور x الحديثة الموؤسسة بأحدث وسائل الطب العصرى
ياريت بس يجيلنا كارت دعوة أول ما تتفتح

dr_rose

10-26-2003, 07:34 PM

السلام عليكم عليكم ورحمة الله وبركاته
شكر لكل الدكاترة وشكر للدكتوره شيماء والدكتور جهاد . انا تحت امركم كلكم, مش صيغه اعتذار يا دكتوره بس هو انا لاحظت انه نظام التعليم بيختلف عندكم فانا سنة تانيه هنا لحد دي الوقت ماخدش مواد طبية حقيقية,و غريب انه البكالوريوس بتاخدوه بعد سنه الامتياز يعني كل الموضوع انه ماتتوقعوش مني الحاجات اللي تتوقعوها بطالب سنة تانيه بمصر. الوضع مختلف هنا.

وحبيت اسال سؤال ..هو تقريبا تقريبا تقريبا ....كم طالب طب يتخرج من مصر كل سنة؟(اصل عندنا نظام- ربنا يبعد عندكم -...نظام تصفيات)
وكمان سؤال لو مافيش مانع .....ايه حكاية المجموع يحدد التخصص؟ انا مش فاهمه دي ..تقصدوا انه الطالب مش بيختار التخصص اللي عايزه؟

وربنا يوفق الجميع فتحي يا ور

dr_sho

10-26-2003, 10:17 PM

كاتب الرسالة الأصلية : dr_rose
,و غريب انه البكالوريوس بتاخدوه بعد سنه الامتياز

وحبيت اسال سؤال ..هو تقريبا تقريبا تقريبا ....كم طالب طب يتخرج من مصر كل سنة؟(اصل عندنا نظام- ربنا يبعد عندكم -...نظام تصفيات)

وكمان سؤال لو مافيش مانع .....ايه حكاية المجموع يحدد التخصص؟ انا مش فاهمه دي ..تقصدوا انه الطالب مش بيختار التخصص اللي عايزه؟

وربنا يوفق الجميع فتحي يا ور

أهلا دكتور روز
أول نقطة هو الإمتياز بيتاخد بعد البكالريوس
مش قبله زى ما حضرتك كنت فاكرة
يعنى انا هأتخرج السنة دى وبعدين أبتدى إمتياز

هو من كل جامعة بيتخرج حوالى ألف طالب سنويا
إحنا عندنا حوالى سبع جامعات(كام بالضبط مش عارفة )

لأ هو الطالب طبعا ممكن يختار التخصص اللى هو عايزه
بس مش معقول يعنى يكون جايب مقبول فى المادة أو إمتحانها ويدوبك نجح فيها
ويتخصص فيها
ده بالنسبة لوزارة الصحة
بالنسبة بقى للجامعة التعين فيها بيبقى على حسب التقدير
يعنى مش أكتر من ال30 الأوائل

sshy

10-27-2003, 09:33 PM

الموضوع فعلا مفيد
هو اتقلب تعارف اكتر و دة مش وحش يعني
بس عاوزين احنا الاعضاء العاديين فعلا نعرف كل دكتور هنا تخصصة اية بحيث لو في اي استفسارات و دة كان مفروض يحصل من الاول بس يلا
المهم ياريت الكل يشارك
و اهلا بالجميع
زقلط
اهلا بيك
اختك خلصت علاج طبيعي القاهرة مش كدة؟
انا عارفة اني مزهقاك بس هي خلصتة من كام سنة و كانت مبسوطة و هي في الكلية و لا لا؟
و التقديرات هناك عموما يعني عالية و لا لا؟و اشتغلت علطووول؟معلش اعذرني بس عاوزة اطمن علي اختي
و ياريت يا جماعة لو في بنت لسة في علاج طبيعي القاهرة تبعتلي علي الخاص علشان استفسر منها و لو ممكن اخليها تتعرف باختي يعني و جزاكم الله كل خيرفتحي يا ورفتحي يا ورفتحي يا ور

Heart of Oak

11-11-2003, 11:55 PM

.......

مش عارف بعد اللى اتقال دا كله ممكن أفيد ولا لأ ...

بس أنا Heart ....

ثالثة طب ...

جامعة أسيوط .... و جنوب الوادى .. و محدش يسألنى ازاى ...

من واقع معارفى فالتخصصات المتاحة اللى ممكن أفيد فيها هى ..

النساء و الولادة - الجراحة العامة - المسالك البولية - الأطفال - الرمد

دا المتاح حالياً ..

و أرجو ان يكون وجودى مش زى قلته ...

هواياتى الأدب و الموسيقى ..

و الأدباتية موجودة ... يوه بقى

Heart of Oak

11-12-2003, 12:01 AM

و على فكرة يا جماعة ...

طلبة سنة أولى و تانية ...

اللى عندو مشاكل فى المواد يقولى ...

يعنى ..

ممكن أساعد فى دى برضو .. يوه بقى

حلا

11-12-2003, 12:10 AM

:blink: :blink: :blink:

انا بقى حلا ...... من فلسطيين
دارسه علم نفسسسسسس يعني حلالة عقددددد
من جامعة النجاح الوطنيه..... بنفع يا دكتورة شوووووو

army m@n

11-12-2003, 05:06 AM

هارت انتو بتخدو كلينيكال فى تالتة ولا ايه؟؟؟

Heart of Oak

11-12-2003, 05:11 AM

لا يا آرمى ..

بس التخصصات دى أصدقائى ..

و كمان أنا بحب أقلب كتير ..

و بحب أخدم بتوع كل السنين ..

آيات الجارحى1

11-12-2003, 09:32 AM

ممكن انضم للفريق...
انا هجيب ورد للعيانيين وللدكاترة ورردة ورردة ورردة ورردة ورردة
ممكن وللا امشى؟؟ وااء

dr_sho

11-12-2003, 02:43 PM

أهلا بالدكتور هارت
يا أهلا وسهلا
بس برضه إزاى
ما انا لازم أسأل
يعنى ما ينفاعش أقول انا جامعة إسكندرية والقصر العينى
تيجى إزاى يا بيه
ممكن تكون يعنى حولت من واحدة لواحدة
عموما
جميل

زى قلته
يا راجل ما تقولش كدة
ده إنت من واقع معارفك ماسك الكلينكل فى إيد والأكاديميك فى الإيد التانية

شكرا على مشاركتك يا هارت
وإبقى طل علينا برضه زى الأدباتية
مش ده مكانك وحتتك ولا إيه
نورتنا والله العظيم

dr_sho

11-12-2003, 02:49 PM

ممكن انضم للفريق...
انا هجيب ورد للعيانيين وللدكاترة
ممكن وللا امشى؟؟

تمشى ؟
تمشى فين يا ست الكل يا غالية
لأأأأأأأأأأأأأأأأأأأأأأأأأأأأأأأأأأأأ
هو دخول العيادة زى خروجها
ده أنا ما صدقت لا قيتك
إفضلى يا توتو وااء وااء وااء وااء وااء وااء
ما تمشيش يا توتووااء وااء وااء وااء وااء وااء

اقعدى يا توتووااء وااء وااء وااء وااء وااء
لو بتحبى ربنا يا توتو وااء وااء وااء وااء وااء وااء
شفت موضوعك الجميل يا توتو وااء وااء وااء وااء وااء وااء
وآسفة للتأخير يا توتو وااء وااء وااء وااء وااء وااء
كان عندى إمتحان يا توتو وااء وااء وااء وااء وااء وااء
وهأرد عليه حالا يا جميل
ده إنت تأمر ورردة ورردة

aLeX PhArMaCiSt

11-12-2003, 06:38 PM

السلام عليكم ورحمة الله وبركاته

احب اعرفكم بنفسي

انا أخوكم احمد.... بكالوريوس صيدلة دفعة 2003 جامعة اسكندرية

وكان ليا مشاركات بسيطة في العيادة في بداية اشتراكي في القهوة... حاجة كده علي أد الحال...

يا تري ليا مكان عندكم؟؟؟؟

يوه بقى

مع العلم اني لسه بحبو وبتعلم خطواتي الاولي في دنيا الصيدلة والادوية

مشاركاتي الحالية في القهوة...... مشاركات فنية علي أد الحال برضه يوه بقى

dr_sho

11-12-2003, 09:13 PM

أهلا دكتور أحمد
صيدلى القهوة
عايزين نعمل صيدلية يا دكتور
محتاجينها يعنى

شكرا لمشاركتك
حياك الله

Heart of Oak

11-13-2003, 03:18 PM

ايه دا .. :blink:

آيات .. و Alex ... واه يابووو

لااااااااااااا ...

دا أنا لابد لك فى العيادة هنا بعد اذنك يا د/شو ... نياهاهاها

aggressive

11-16-2003, 03:44 PM

هاي ..
انا صيدلة سنه 4 المستوى السابع ..
جامعة الملك سعود (بس انا مصريه متغربه) ....
ربنا يسهل بقى عشان احنا هنا اقلية في العياده ..:blink::blink:
شكرا..

aLeX PhArMaCiSt

11-16-2003, 05:09 PM

شكرا يا دكتورة شو علي الترحيب....

عايزين نعمل صيدلية يا دكتور
محتاجينها يعنى

وانا مستعد يا دوك... بس قوليلي لو فيه مكان جنب القهوة هنا ينفع صيدلية انا علي اتم الاستعداد واه يابووو

حياكي الله
--------------------------------------------
عزيزي هارت..... ده شئ يشرفني وجودي معكم في نفس الفريق

----------------------------------------

ربنا يسهل بقى عشان احنا هنا اقلية في العياده
والله يا اجريسيف احنا مش اقلية ولا حاجة

ومش مهم عددنا كمان... رغم اني عارف ان القهوة مليانة صيادلة وطلبة في صيدلة

لكن المهم اننا نقدر نتعاون مع بعض كلنا عشان نقدر نفيد ونستفيد من خبرات بعض

وسعدت جدا اني لقيت اخيرا زميلة انضمت ليا هنا كمان....

يا ويلكم يا ويلكم بيكي فتحي يا ور

علي فكرة انا مش عارف يعني ايه...........
صيدلة سنه 4 المستوى السابع

aggressive

11-17-2003, 11:15 PM

ميرسي على الترحيب ..
انا افهمك يعني ايه مستوى سابع :
عندنا في الكليه صيدله عباره عن 5سنين ونص ، كل سيميستر يعتبر level
يعني هم 11 مستوى ، من اول كورس الانجلش ( مستوى 1 ) بعدين سميستر الاعداد (مستوى 2 ) وده موحد لكل الكليات الصحيه ، وبعدين بقية صيدله عادي لحد المستوى العاشر وده التخصص (سنه 5 النص التاني من السنه ) واخيرا اخر level اللي هو التدريب ومن غيره مفيش شهاده وده المستو ال11 اللي هو ا سيميستر ،
دلوقتي ومن الدفعات الجديده اللي هو من دفعتنا واللي قبلنا وطالع ،
هيبقو 6 سنين بحيث ان التدريب يبقى سنه بدل من تيرم واحد .. بس مش عارفه هيعتبروه new level ولا يعتبروه نفس المستوى ال 11..
شكرا اي هوب اني مكنش طولت عليك في الشرح .. :blink::blink:
اذن سنه رابعه التيرم الاول يعني المستوى السابع ..
شكرا .. هييييه
ويدينا ويديك طولت العمر لما نخلص واحنا بكامل قوانا العقلية .. ممممممممم

{عمرو}

11-22-2003, 05:29 AM

فكرة راائعة

انا عمرو أخصائى بصريات

وأى سؤال عن عالم النظارات او العدسات اللاصقة انا جاهز

ولدى ايضا بعض الاقتراحات ومنها

يجب ان تكون الاجابة عن اى سؤال من حق الطاقم الطبى وان يكون لدى كل

عضو بالطاقم الطبى فورمة للأجابة اى توقيع خاص بالطاقم الطبى

وذلك للأمانة الطبية

خالص تحياتى للجميع

emanff

11-28-2003, 03:14 AM

السلام عليكم و رحمة اللة و بركاتة ,,,
هذة ثانى مشاركة لى ,,,
بعنى طازة اوى ’’ :idea::انجغة:
,, اسمى ايمان
طبيبة اسنان كررست كررست
خريجة الهند,, 1998
حاليا ,, احضر دبلوم ,,, :book:
لما احصل على كنز (علاء الدين):eg:
اتمنى اتخصص فى ( علاج الاسنان التحفظى و التركيبات )
اصلى ,, بيصعب عليا اشيل ضرس !!!! :notooth: :notooth: :notooth
و انا بصراحة كنت فكرت انى اعمل
سيناريوهات للمرضى ,,, يعنى ,, انى اعطى المعلومة و لكن على شكل سيناريو ... ولكن فكرت الاول استاذنكوا !

آيات الجارحى1

11-28-2003, 03:18 AM

كلوكلو كلو كوشششششششششششششششششششش

معلش يا جماعة دى الزغروطة فى البلد اللى ايمان عايشة فيها..
اخيييييرا عرفتى تيجى وتسجلى..
الف حمد لله على السلامة يا باشا..
يلا يا عسولة روحى فى قسم المصطبة هتلاقى نداء الى اصحاب المعاطف البيضاء والايادى البيضاء والقلوب البيضاء.. ردى هناك برضو وهتلاقى توتو رادد هناك برضو..:flowers:

dr_sho

11-28-2003, 04:11 AM

الدكتورة الغالية aggressive

يا هلا ياهلا
الصيدلية إكتملت يا جدعان
أحمدك يا رب

dr_sho

11-28-2003, 04:12 AM

الأخ عمرو
بداية يسعدنى الترحيب بك كعضو جديد فى القهوة
وكعضو فى الفريق الطبى الكتكوتى
وإقتراحك فى محله
وإن شاء الله ينفذ بحزافيره

dr_sho

11-28-2003, 04:13 AM

emanff
الدكتورة إيمان من معارف أغلى الحبايب آيات الجارحى
العيادة منورة
والله بجد منورة

و انا بصراحة كنت فكرت انى اعمل
سيناريوهات للمرضى ,,, يعنى ,, انى اعطى المعلومة و لكن على شكل سيناريو ... ولكن فكرت الاول استاذنكوا !

ياعينى على الشغل
تستأذن مين بس يادكتور
بيتك ومطرحك
عيادة الأسنان دلوقتى بتاعتك
والمفتاح اهو
هو فين
فين
هات المفتاح يا هريدى
بأتكلم جد
حضرتك المسوئلة عن قسم الأسنان عندنا
يعنى اى سؤال أو إستفسار حضرتك تردى عليه
أى معلومة حد حطها أو أى موضوع خاص بتخصصك يبقى إنت اللى تعدل وتحكم يادكتور وإحنا فى الخدمة وتحت الطلب
أهلا مرة أخرى

elnounou

11-30-2003, 07:27 AM

السلام عليكم
انا جييييييييييييييييييييييييييييييييييييييييييييييييي يييييييييييييييييت
انا النونو الصغير عاماين أية يا أطباء :doctor::doctor:
انا هشام السعيد :انجغة::انجغة::انجغة:
حاليا فى الأيام الأخيرة :chair:من الأمتياز فى مستشفى القصر العينى أقصد ان انا خريج جامعة القاهرة :chr24:
دفعة نفرتارى دفعة .................:box::box:..............
مش كده يا نفرنفر ......:crazyy:...........:crazyy:....
المهم انا فى الخدمة و تحت أمركوا لو أى مساعدة
بس انا باطنى بتوحعنى
يل مين يقولى على العلاج :doctor::doctor::doctor:
لا والله يا حماعة انا فى الخدمة
بس انا عارف انا كدة نمرة كام فى نقابة كتكوت الطبية

dr_sho

11-30-2003, 08:37 PM

أهلا بدكتور هشام
المكان نور
وشكر خاص للغالية نفرتارى اللى نبهت حضرتك لوجودنا

بس انا عارف انا كدة نمرة كام فى نقابة كتكوت

نمرة وااااااااااحد

سنفور مفكر

12-02-2003, 09:27 PM

سلام يا دكاترة.........
عالسريع جدا

أخوكو من الجامعة الأردنية.زطب بشري.......سنة رابعة

مستعدين

أوامر يا دكتورة شو

أخوكو
سنفور مفكر

twety

12-02-2003, 11:55 PM

:surrenderتويتى
تانية طب اسنان

Heart of Oak

12-04-2003, 12:57 AM

و انت وانت وانت وانت ... :brb: :brb: :brb:

شرفتوا يا دكاترة .. :flowers:

elnounou

12-04-2003, 06:41 PM

الله يخيلك
و كويسان طلعت نمرة واحد
كان نفسى مرة أطلع الأول فى حاجة
طول عمرى أيام المدرسة كنت التانى عمرى ماكنت الأول
عقدة بقه

ازهرى

12-06-2003, 05:12 AM

انا معاكم دايما ان شاء الله

لاسم :مصطفى همام أحمد
فى 3 طب الازهر اسيوط (اكبر كلية فيها مشاكل)
يا ترى ممكن اساعد ازاى

انا فى الخدمة

شهرزاد

12-31-2003, 05:01 AM

إلا قوليلي يا دكتوره شو ....:blink3:

مش عايزين متحدث رسمي للإعلام الداخلي والخارجي بإسم فريق قهوة كتكوت الطبي:confused:

أعمل إيه بقااااااااا ... كلها سنه على رأي أخونا في الله هارت أشتغل فيها تومرجيه وأتخرج طب وأجي أساعدكم:shifty:

:D:D:D
تقبلوا تحياتي,,
شهرزاد:flowers::D:flowers:

سوبر عبده

01-04-2004, 03:50 PM

وهو الواحد يسلى صيامه برضه.....

انا 3 كلية طب بشرى جامعة اسم النبى حارصها و صاينها...ملكة الملكات...عتريس القادم من وراء المحيط......

كل هذا و اكثر...تجدونه حصريا على شاشتكم المفضلة (( جامعة المنصورة )):dry::dry:

معليش انا متنرفز شوية...بس اللى اتعمل فيا السنتين اللى فاتوا مش شوية..

على العموم..انا بعرض خدماتى على اهل القهوة الكرام.....

شرح و اعادة و افاده....و بضرب حقن كدا..وقاموس شامل و كامل لكل انواع الباكتريا و الديدان...و بعرف اعد من واحد لعشره و حافظ ال N/E بتاعة ال TB:police::police:

و تحت امركوا.....اى خدمة انا موجود..انت بس قول يا عبده الف من يقولك ايوة...

و صباح الفل:chinese: