يا محتار يا محتار ...أسأل يالا ولا تحتار [الأرشيف]

dr_sho

10-19-2003, 11:14 PM

الأحبة الكرام
رواد قهوة كتكوت وجميع الكتاكيت بالخارج والداخل من الخليج إلى المحيط
هذا الموضوع لجميع الأسئلة المتعلقة باى أعراض قد أزعجت احدا منكم
أو اصابته بالضيق
أو أى إستفسار طبى
أى حاجة جت على بالك ..
توجه إلينا بالسؤال....علما بأنه بإذن ربى سيتم الأجابة على أيدى متخصصين سنعلن عنهم
قريبا
ونظرا لأنه أحيانا ما تكون هناك أسئلة محرجة
فقد تم تسجيل عضو بأسم حركى يمكن أن يستخدمه أيا من رواد القهوة للسؤال بدلا من إستخدام الأسم الحقيقى تجنبا للأحراج

العضو: محتار
رقم السر:3333
محتار عضو فى خدمة الجميع
ونحيطكم علما بأن أى سؤال يفرد له موضوعا مستقلا سيتم دمجه بهذا الموضوع مع إخطار صاحبه

وتقبلوا منى كل تحية وإحترام
ودمتم

zoklot

10-20-2003, 04:09 AM

انا بردو اول واحد يرد
كويس
آآلو

ممكن تكلمينا شوية عن الصداع النصفيcommon migrain)
انا عندي الصداع دة من فترة وممكنتش عارف سببهبس الحمد لله ربنا هداني لدكتور كويس و ماشي علي العلاج
بس في مشكلتين:
1-الدوا اللي بخدو بينيم اوي
2-عدم الانتظام في مواعيد لدواء

و علي فكرة انا سمعت ان العلاج بتاع الصداع النصفي علاج و قائي بس
غممزة

إسسعاف

(الحمد لله الذي عافانا مما ابتلي به غيرنا)

dr_sho

10-20-2003, 04:20 PM

http://www.migrainepage.com/images/anguish.gif

الصداع النصفى

الصداع ده شئ معروف ..كله جربه...عبارة عن وجع بالدماغ (وليس وجع الدماغ:هع:)
لكن ايه بقى النصفى دى يمكن نقف عندها حبة
يعنى ايه نصفى ؟
يعنى يصيب نصف واحد فقط من الرأس.

يا ترى ايه أسبابه

السبب الرئيسى للصداع النصفى هو بعض الأوعية الدموية بالعقل وفروة الرأس والرقبة .
وهذا الإتساع لا يظهر هكذا وحده ...
هناك مسببات غالبا ما يتعرض لها الشخص قبل إصابته بالصداع النصفى :
مثل:
1. الضغط العصبى
2.قلة النوم
3.الدخان (كمثل السجائر أو ما شابه)
4.الدورة الشهرية للسيدات..حبوب منع الحمل..الأستروجين
5.الجوع والصيام
6.الجهد الزائد
7. بعض الأدوية

وكل هذه العوامل تؤدى إلى نفس النهاية ألا وهى إتساع الأوعية والشعيرات الدموية وبالتالى تدفق الدم الواصل إلى مناطق معينة مما يصبب الآلآم المبرحة .

ولو تساءلنا كيف يتم ذلك؟
كيف عندما يجوع الشخص أو يجهد تتسع أوردته وشعيراته الدموية ؟

والأجابة تتلخص فى الآتى:
أن الأعصاب الحسية الموجودة بداخل الجسم غالبا ما تستجيب للأعراض الخارجية السابق ذكرها بإن تسبب إنقباض فى الأوعية الدموية الموجودة بالعقل وذلك الإنقباض يقلل الدم الواصل إلى المخ الذى يتذمر محتجا لنقص غذائه فكرد فعل طبيعى أودعه الخالق جل وعلى تقوم بعض الأوعية الدموية بالإتساع لبث مزيد من الدم إلى أنسجة العقل الجائعة.

وجدير بالذكر بأن هناك نوعان من الصداع النصفى :

1. نوع كلاسيكى :

يكون مسبوقا ببعض الأعراض العصبية كأن يرى الإنسان مثلا فلاشات ضوئية أما عينيه أو يفقد بصره مؤقتا.
ويكون هذا النوع مصحوبا بثقل فى النطق وألم بالذراع والرجل وتنميل باليد والوجه
الألم هنا (ألم الصداع بالطبع) ألأم نبضى (أى وكأن شئ ينبض داخل عقلك.
ويبدأ فى نصف الرأس ولكنه غالبا ما يمتد ليصيب النصف الآخر.

2.النوع الشائع:

وقد سمى شائع بالطبع نتيجة لأنه هو النوع المنتشر
وهذا لا تسبقه أية أعراض عصبية ..فقط تغير طفيف بالمزاج وبعض الأجهاد.
وغالبا ما يكون مصحوبا بالآلام البطن وغممان النفس

http://www.permanence-medicale.ch/images/migraine.jpg

ولو تكلمنا على العلاج
فكما قلت يا أخى
أفضل شئ هو العلاج الوقائى
أى إتقاء أسباب حدوث الصداع التى ذكرتها(التوتر العصبى _ الجوع_ وهكذا..)
وبما أن التوتر العصبى هو العنصر الأساسى فإن الأتجاه السائد الآن فى الغرب هو إنشاء مراكز تخصصية لتعليم مرضى الصداع النفسى كيفية الأسترخاء والتحكم فى تأثير التوتر العصبى على الوظائف الداخلية فيما يسمى ب Biofeedback therapy.

أما بالنسبة للعلاج الكيميائى فطبعا لا أستطيع الخوض فيه لعدم توافر العلم والخبرة الكافية لدى لأصف علاجا
وبإذن الله عندما يتم الإتفاق مع أخصئيين سيتم عرض الموضوع مرة أخرى والحديث عنه بشكل واسع النطاق.

وأخيرا شكرا لدكتور أحمد الذى اتاح لنا الفرصة للحديث فى هذا الموضوع
وبالله التوفيق.

zoklot

10-20-2003, 08:44 PM

جزاك الله خيرا كثيرا

سارونا

10-21-2003, 06:21 PM

اسمحيلي يا دكتوره ... اشكرك على الشرح المبسط والمفهوم

بس هقولك على حالة بنتي

وانتي فهميني بس ... سببها ايه

بنتي ... عمرها 14 سنه حالياً

من وهي عمرها 10 سنين ( يعني قبل البلوغ )

وهي بتعاني من الصداع وإلى الآن

سببه ايه بالضبط مش عارفه ... مع اني فحصتها كتير

وقالوا مفيش

بس انا ملاحظه عليها حاجه ... هي بس ترجع كل اللي في بطنها ... يروح

الصداع على طول

في البداية كنت بستغرب ... لكن بعد كده اتعودت

بس نفسي أعرف ايه اللي بيسبب لها الصداع ؟؟

وجزاك الله كل خير

سارونا

10-21-2003, 06:23 PM

آه ... انا نسيت اقول حاجه

انا سمعت مره .... ان احسن علاج للصداع هو الحجامه

بس مش عارفه إذا كان سن بنتي مناسب للعلاج ده ولا لأ ؟؟؟

army m@n

10-22-2003, 02:46 AM

يعنى ايه الحجامة ؟؟؟يوه بقى

dr_sho

10-22-2003, 04:24 AM

أهلا سارونا
منورة العيادة
وألف سلامة على بنوتة حضرتكفتحي يا ور

عارفة أنا إستغربت جدا لما قريت إن نسبة الصداع فى سن الطفولة والمراهقة يصل لدرجة 10% من الأطفال.

كان لى عند حضرتك كذا سؤال

1. الصداع ده نصفى ولا فى الرأس كلها؟
2. الصداع ده شكله ايه...نوع الألم يعنى (جايز ده صعب توصفه كطفلة لكن ممكن تعطى تشبيه له)
3. حضرتك بيجيلك صداع(فيه إستعداد وراثى )؟
4. الصداع ده فى اعراض بتظهر قبله ؟
5. هل هو جامد لدرجة تخليها ما تعملش اللى وراها وما تركزش فى المذاكرة
6.أهم حاجة نظرها ياترى حضرتك إطمأنيتى عليه؟
7. هل هناك دواء معين بتخده طول الفترة اللى فاتت (فترة الصداع) لأن فيه أحيانا بعض الدوية بتسسب صداع

هأستنى إجابة حضرتك
وإن شاء الله بعدها ممكن نتكلم عن الصداع اللى بيظهر فى الأطفال والمراهقين وعن أسبابه على قدر فهمى لها .
وإن شاء الله برضه هنستعين قريب جدا بأستاذ طب أطفال وأستاذ عصبية كضيوف شرف يسعدونا على طول

شكرا يا سارونا
فى إنتظار الأجابة
وأذهب الله عن صغيرتك كل كرب

dr_sho

10-22-2003, 04:39 AM

بالنسبة للحجامة
اللينكين دول فيهم معلومات هايلة
فيلم عن الحجامة (http://www.haridy.com/ib/showthread.php?s=&threadid=22422)

الحجامة من الهدى النبوى (http://www.haridy.com/ib/showthread.php?s=&threadid=14913)

حلوين لك يا دكتور عبد الرحمن

وبالنسبة لموضوع السن
بإذن الله أسأل وأرد على حضرتك يا سارونا

سارونا

10-22-2003, 07:35 AM

1. الصداع ده نصفى ولا فى الرأس كلها؟
لما كانت صغيره ... كان بيجيها نصفي ( ناحية اليمين ) بس لما كبرت ... لأ ... ساعات نصفي وساعات كامل ... والنصفي دايماً ناحية اليمين

2. الصداع ده شكله ايه...نوع الألم يعنى (جايز ده صعب توصفه كطفلة لكن ممكن تعطى تشبيه له)

الصراحة السؤال ده صعب عليه ... معرفتش ازاي نوصف

3. حضرتك بيجيلك صداع(فيه إستعداد وراثى )؟

ايوه كان بيجينيدايماً ... صداع نصفي .. بس بعد ما عملت الليزك ... خف كتير قوي

4. الصداع ده فى اعراض بتظهر قبله ؟
ازاي يعني أعراض ... ما بالحظش حاجه عليها
ساعات بتنام بالليل وحالتها كويسه خالص ... بتصحى الصبح ... مصدعه على الآخر ... ساعات بتروح المدرسه ماشاء الله عليها ... وبترجع .. بالصداع

5. هل هو جامد لدرجة تخليها ما تعملش اللى وراها وما تركزش فى المذاكرة
أيوه جامد جداً

6.أهم حاجة نظرها ياترى حضرتك إطمأنيتى عليه؟
فحصت نظرها ... 6/6

7. هل هناك دواء معين بتخده طول الفترة اللى فاتت (فترة الصداع) لأن فيه أحيانا بعض الدوية بتسسب صداع

لا هي بتصدع من غير دواء ... الحمدالله هي قليل لما تمرض بفضل ربنا
كل اللي كانت تاخده مسكن للألم ... بس لما حسيت ان النسبه بقت تعلى مع الوقت ... بطلت اديها ... وقلت حاولي تتعلمي ازاي تتغلبي عليه من غير مسكن
فكل اللي كانت تقدر تعمله ... انها تستلقي على السرير ... وتطفي النور ... وبحاول اني ابعدها عن اي ازعاج .... لحد ما تحس انها خلاص هتبتدي ترجع
بعد كده ... كل حاجه تمام

بتمنى اجاباتي تفيدك
وتسلميلي يارب ورردة

dorbaga

10-22-2003, 12:52 PM

السلام عليكم ورحمة الله وبركاتة,,,

حاولت اعمل خرو و و ج عشان ارجع ادخل بشخصية محتار معرفتش مش مشكله لا حياء في الدين

سؤالى له شقين شق ديني وشق طبي

في رمضان هل يجوز للسيدات الاستعانة بحبوب منع الحمل لتاخير موعد الطمث لصيام الشهر كامل

وهذا الشق الديني بمعني يجوز ام غير جائز (حرام ام حلال)

السؤال نفسة ما هي الادوية التى تساعد على تاخير موعد الطمث , اسم الدواء وهي يوجد بديل طبيعي

معلش انا عارف انه سؤال محرج لكن عذري ان لا حياء في الدين والعلم

اخوكم الحكواتي :55:

أم منة الله

10-22-2003, 01:35 PM

السلام عليكم
بداية احب اهنى الدكتورة حبيبتى على المجهود الرائع ده قللب
يا رب يجعله فى ميزان حسناتها:صلاة:
سؤالى عن بنتى منة الله و هى عمرها سنتين دلوقتى
هى اتولدت بفتق فى السرة و رحت لدكتور جراحة و كنت خلاص هاعمل لها العملية
بس رجعت استشرت اطباء تانيين سواء جراجة او اطفال محدش نصحنى بعملها
و كلهم قالوا ان فتق السرة عند الاطفال بيروح لوحده
دلوقتى انا محتارة لان الدكتور اللى كان هيعمل لها العملية قالى نعملها افضل بدل ما يحصل اى اعراض احنا فى غنى عنها
مش عارفة انا محتارة هممم

dorbaga

10-22-2003, 03:21 PM

السلام عليكم ورحمة الله وبركاتة,,,

اختي ام منة وبعد أذن الدكتوره اذا كنت تقصدين فتق الولادة الذي يحصل بعد الولادة حصل لبنتي بعد الولادة

ودخت الثلاث دوخات واولهم دكتور مستشار بروفيسير قال ايه لازم نعملها عملية بعد اسبوع ك حد اقصي ولازم يشل السرة انا اتلخمت ورحو وتعال وشيل وحط لحد ما صفي دمي على اخر قطرة

وربنا هداني على دكتوره ربنا يحميها كبيرة في السن بس ايه سالتها قالتى تعال اشوفها

رحت

بعد المعاينة قال انت عاوز تطلعها منيكان او عارضة ازياء تلبسها ميوة البحر

قلتلها لا

قلتلي ممكن تسيبها تكمل سنة وبقى وريني البنت بعد سنة

سبحان الله رجعت كان الفتق خف 90%

قلتلى طب تعال بعد 6+ اشهر

99.99 راح

وقلتلى الفتق هو ضعف في جدار الخارجي او العضل فا المصارين البطن بتتجه المنطقة الضعيفة

بس ادي الحكاية كلها ويارب يخليها ويحميها

قلولى انفع دكتور ولا لا

اخوكم الحكواتي :55:

dr_sho

10-22-2003, 08:14 PM

أهلا بالأخت سارونا

طبعا كل المعلومات اللى حضرتك ذكرتيها مهمة ومفيدة

شوفى حضرتك
هو الصداع فى السن ده ممكن يكون حاجتين إتنين
1.صداع أولى .....
يعنى ما فيش أسباب واضحة بتعمله
مجرد بس عوامل بتساعد على ظهوره زى اللى قلناها فى الصداع النصفى .

2. صداع ثانوى

وهو اللى بتكون له عوامل مباشرة بتؤدى إلى ظهوره
زى مثلا....
إلتهاب الأذن الوسطى ... أو بأغشية المخ ..أو بعض الدواء

لو مسكنا بقى حالة بنوتة حضرتك
هى الموضوع مستمر معاها بقالوه أربع سنين
يعنى مش ممكن يكون ثانوى لمرض تانى
وأنا سألت حضرتك عن الأدوية كانت الإجابة مافيش
يبقى كدة وصلنا لنتيجة مهمة جدا.....
الصداع اللى عنده صداع أولى (primary)

النقطة التانية بقى
الصداع الأولى ده فيه برضه منه نوعين1. الصداع النصفى
2.والصداع الناتج عن الضغط(سواء الضغط العصبى او العضلى )

الفرق بينهم بيتلخص فى النقط التالية

*الصداع النصفى بيكون:

A: فى نصف الرأس(مش مهم أنهو نصف)
B : الصداع بيكون جامد جدا
C:مدة ظهوره قليلة (يعنى دقائق أو ساعات) النوع التانى ممكن يستمر لمدة أيام أو أسابيع.
d:بيكون معاه اعراض معوية (زى الترجيع).
e :أحد الوالدين او كلاهما قد عانى من الصداع النصفى (فيه إستعداد وراثى )f: الصداع بيخف تماما بالنوم

من الأوصاف اللى فاتت هنلاقى حضرتك وصفتيها بالضبط
وحضرتك اللى شخصتى لنا المرض على إنه صداع نصفى : هيه:: هيه:

طيب لو سألنا عن ا|لأسباب
أو العوامل التى تساعد على ظهوره
بإختصار هى ممكن تكون زى الكبار (اللى أنا وصفتهم قبل كدة )

بس فيه بقى حاجات خاصة ومهمة جدا بتؤدى للصداع فى السن ده:

قلة النوم.
التمارين الرياضية المجهدة.
تأخر تناول الطعام أو تجاهل تناول وجبة من الوجبات( ما بتفطرش مثلا).
القلق من المدرسة أو فى البيت
الإمساك.

طيب دى الأسباب
يا ترى العلاج ممكن يكون إيه:

العلاج فى الحالة دى بسيط وسهل وعمره ما بيكون دواء
هى بس كم نقطة كدة بتمشى عليها

1. الحفاظ على طريقةى الحياة المنظمة
يعنى تصحى فى وقت معين وتنام فى وقت معين وتاكل فى وقت معين
والأكل يا ريت يكون طازج
وتشرب حوالى من 4_8 أكواب ماء فى اليوم

2.فيه أنواع معينة من الأكل اللى ممكن تسبب الصداع وتؤدى إلى ظهوره
زى الكافيين اللى موجود فى الكولا
فبلاش كولا: هيه:

3.تاخد كفايتها من النوم(مش أقل من 8 ساعات)

4.نبتعد تماما عن الضغطك العصبى والتوتر
يعنى يكون فيه ساعات راحة ما بين وقت المذاكرة

5. تجنب مشاهدة التلفزيون أو الجلوس أمام الكمبيوتر لفترة طويلة.

6.فيه بقى حاجة مهمة جدا والهل بيكون لهم دور كبير فيها
يعنى نحاول نشرح للطفل الصداع ده بيجيله ليه.
وممكن يخف إزاى
كأن تقول الم لطفلها ده حاجة سهلة جدا وبسيطة جدا وما فيش منها مشاكل وفيه كتير فى سنك عندهم نفس المشكلة وبتروح ببسشاطة جدا لو نظمت حياتك وعملت كذا وكذا وكذا وبلاش كذا وهى هتروح على طول
وفعلا الكلام ده بيأثر فى المريض لو إقتنع بيه
عندهم هناك فى الغرب ده نظام علاج وليه متخصصين فيه
عندنا بقى فى مصر يمكن حاجة مش مأخؤذ بيها وبيسموها العلاج بالأيحاء.

7. فيه بقى حاجة أخيرة قريتها فى موقع أجنبى
بس أعتقد يعنى إنها مش واقعية
هم علشان ناس فايقة ممكن يعملوها

الطفل بيكون معاه مذكرة أو كراسة خاصة بيه
بيدون فيها الأوقات اللى بيجيلوا فيها الصداع..والأماكن..وكان بياكل ايه وقتها
وكان بيفكر فى ايه....وشم ريحة إيه
وكدة يعنى لغاية ما بيخرج بنتيجة خاصة بيه هو وبيعرف إزاى يتجنب الصداع.

كلمة أخيرة فى الموضوع ده

قريت برضه إن بالنسبة للصداع المزمن المستمر لفترة فيه أعارض معينة لو ظهرت لازم الأم تطلع تجرى بإبنها وتروح للدكتور:

1. الصداع الموجود لو زاد فى الشدة أو فى الوقت اللى الطفل متعود عليه أو زاد فى عدد مرات ظهوره.
2.صداع لا يطاق (لا يستطيع الطفل تجمله بغض النظر طبعا عن دلع الأطفال)
3.لو الصداع ظهرت معاه أعراض ما كانتش موجودة قبل كدة(زى مثلا فلاشات ضوئية أمام العين أو دوخة أوكدة يعنى )
4. لو ظهرت معاه سخنية أو ألم بالرقبة .
5.لو الصداع صحى المريض من نومه.
6.ترجيع فى الصباح الباكر دون أن يسبقه غممان بالنفس(يعنى إتكررت كمذا مرة معاه إنه يوم يرجع من غير ما يقول نفسى بتغم على ).
7.تغير فى شخصية الطفل
8. تعثر فى مستواه الدراسى .
9. فيه مشاكل فى النمو والتطور الطبيعى وإكتساب المهارات

ال9 حاجات اللى فاتوا دول يا سارونا مش عارفة جايز إحنا نستغربهم
مع مراعاة إن الكلام ده أنا جيباه من كتب أجنبية
يعنى حايتهم مختلفة حبة عن حياتنا
هم بيحبكوها حبة وإحنا بنتوكل على الله: هيه:

خلاصة الأمر إن الموضوع بإذن الله سهل وبسيط
وخير إن شاء الله
وبرضه يا ريت كدة فى الويك إند بتاعها حضرتك تخديها على دكتور باطنى
أهو تطمأنى عليها برضه.

dr_sho

10-22-2003, 08:19 PM

أهلا وسهلا
الحكوانى بحاله كدة معانا فى العيادة : هيه:: هيه:
إيه النور ده كله: هيه:: هيه:

حضرتك كدة قلقتنى على إبنى محتار
هو ماله امال مش بيشتغل ليه
ياترى فيه مشاكل فى التسجيل
ياريت تجرب تانى وتقول لنا

بالنسبة بقى للشق الطبى من سؤال حضرتك
مش أنا اللى هأجاوب عليه
هتجاوبنا عليه
المستشارة الطبية لكهوة كتكوت لأمراض النساء والتوليد: هيه:
الدكتورة مرفت خطاب

ودى فرصة مناسبة أشكر فيها الدكتورة مرفت على تلبيتها للدعوة للمساعدة فى إجابة أى سؤال خاص بتخصصها

ربنا يبارك ليها يا رب

سؤال: ايه هى الأدوية اللى ممكن تستخدم لتأخير موعد الطمث؟

الأجابة :السلام عليكم ورحمة الله وبركاته
هناك ادوية وسعة الإنتشار فى السوق المصرى
مثل:
بريمولوت نور
ستيرونات
يوتروجيستون

سؤال: ما هى طريقة الأستخدام يا دكتورة ؟

الأجابة :
تبتدئ السيدة العلاج بحبوب الستيرونات على سبيل المثال قبل الطمث بثلاثة أو أربعة أيام
تأخد حبة واحدة مرتين فى اليوم لمدة لا تزيد عن 10 أو 14 يوم.

السؤال: هل لهذه الحبوب بدائل طبيعية ؟

الأجابة : مجرد وصفات شعبية قديمة غير مضمونة النتائج

سؤال: ياترى هذه الحبوب لها ضرر على الجسم؟

الجابة :
نريد أن نتفق على شئ
أى علاج كيميائى يدخل الجسم حتى لو كان اسبرين له تأثير تراكمى يظهر مع الزمن
يعنى مافيش حاجة إسمها علاج ما بيضرش
فالعلاج اللى له ضرورة الواحد بيأخذه علشان مضطر
يبقى اولى إن إحنا نقلل من العلاج الذى لا ضرورة له
لذا فمن الأفضل أن تترك المرأة نفسها على الطبيعة التى فطرها الله عليها
والله تعالى يحب أن تؤتى رخصه

شكرا جزيلا

بالنسبة للشق الدينى من سؤال حضرتك
فسأرتك الأجابة عليه لزملائى الأفاضل حملة شعلة الدين بمنتدانا العذب
وبإذن الله سوف يتم الأتفاق معهم فى موضوع مشترك ما بين العيادة والأقسام الدينية لنعرض فيها جميع الفتاوى الخاصة برمضان
فترقبنا يا سيدى

ولك تحياتى الصادقة

dr_sho

10-22-2003, 08:20 PM

من ها هنا؟
أم منة عندنا؟
يا مرحبا يا مرحبا: هيه:: هيه:: هيه:

ألف ألف سلامة على منة
وإن شاء الله خير
اللهم أقر عيناك بها وجعلها قرة عينك فى الدنيا والآخرة
اللهم آمين

وبعد
فقد بعثت بسؤال حضرتك لأستاذى الفاضل
دكتور وليد عبد المقصود
مدرس تالجراحة العامة بكلية طب الأسكندرية
وأنا فى إنتظار إجابته

وعلى قدر معلوماتى بهذا الأمر
فإن فتق السرة يظهر فى 20% من الأطفال حديثى الولادة
و70% من هذه الحالات تختفى تماما عند سن سنة ونصف لسنتين

ولكن إذا زادت المدة عن ذلك يصبح التدخل الجراحى أفضل

شكرا للأخ حكوانى على إطلاعنا على نتائج تجربته الشخصية
أثابه الله خير الثواب

سارونا

10-22-2003, 10:46 PM

دكتور واه يابووو

الصراحة ... شرح مفيش زيه

قلتي تفاصيل ... حتى بنتي لما قرتها ... فهمتها ... وان شاء الله هتطبق الحاجات اللي عرضتيها

جزاك الله كل خير يارب

خدي دي ورردة

أبوعبدالرحمن

10-23-2003, 04:55 AM

معلش أنا مرِّيت من هنا لقيت حاجه ممكن أفيد بيها
وأنا مبمرش هنا كل يوم :D
ممكن؟

بالنسبة لسؤال اخي الحكواتي الأول:
"في رمضان هل يجوز للسيدات الاستعانة بحبوب منع الحمل لتاخير موعد الطمث لصيام الشهر كامل"

المسألة تكلم فيها الكثير من المشايخ وسآتي لك بكلامهم
والملخص أنها جائزة لكن بشرط أن تكون عن طريق أهل الخبرة من الأطباء، ولكن مع هذا فالأفضل عدم استخدامها لهذا الغرض
وهنا كلام المشايخ:

هذه فتوى اللجنة الدائمة للإفتاء:
السؤال:
هل يجوز للمرأة استعمال دواء لمنع الحيض في رمضان أو لا‏؟‏
الجواب:
يجوز أن تستعمل المرأة أدوية في رمضان لمنع الحيض إذا قرر أهل الخبرة الأمناء من الدكاترة ومن في حكمهم أن ذلك لايضرها، ولايؤثر على جهاز حملها، وخير لها أن تكف عن ذلك، وقد جعل الله لها رخصة في الفطر إذا جاءها الحيض في رمضان، وشرع لها قضاء الأيام التي أفطرتها ورضي لها بذلك دينا‏.‏
وبالله التوفيق وصلى الله على نبينا محمد وآله وصحبه وسلم ‏.‏
اللجنة الدائمة للبحوث العلمية والإفتاء
عضو‏:‏ عبد الله بن منيع
عضو‏:‏ عبد الله بن غديان
نائب رئيس اللجنة‏:‏ عبد الرزاق عفيفي
الرئيس‏:‏ عبد العزيز بن عبد الله بن باز
الفتوى رقم ‏(‏1790‏)‏

وللشيخ القرضاوي أيضا رأي قريب من رأي اللجنة الدائمة، بأنه جائز مع التأكد من عدم الضرر وذلك باستشارة الخبراء واهل العلم، ولكن الأفضل ان تبقى على طبيعتها

وقد سئل الشيخ ابن باز عن استخدام الحبوب في فترة الحج لتتمكن من اتمام الحج فقال لا حرج في ذلك حتى لا تتعطل

أما رأي الشيخ ابن عثيمين فمختلف قليلا فهو يفضل عدم أخذها
وكان نفس سؤال الأخ الحكواتي سُئل للشيخ ابن عثيمين رحمه الله فقال:
"الذي أراه في هذه المسألة ألا تفعله المرأة وتبقى على ما قدره الله عز وجل وكتبه على بنات آدم فإن هذه الدورة الشهرية لله تعالى حكمة في إيجادها هذه الحكمة تُناسب طبيعة المرأة فإذا منعت هذه العادة فإنه لا شك يحدث منها رد فعل ضار على جسم المرأة وقد قال النبي صلى الله عليه وسلم " لا ضرر ولا ضرار " هذا بغض النظر عما تُسببه هذه الحبوب من أضرار على الرحم كما ذكر ذلك الأطباء فالذي أرى في هذه المسألة أن النساء لا يستعملون هذه الحبوب والحمد لله على قدره وحكمته إذا أتاها الحيض تمسك عن الصوم والصلاة وإذا طهرت تستأنف الصيام والصلاة وإذا انتهى رمضان تقضي ما فاتها من الصوم"

أتمنى أكون أفدتك أخي الحكواطي :)

بالنسبة لسؤال الأخت منة الله
"سؤالى عن بنتى منة الله و هى عمرها سنتين دلوقتى
هى اتولدت بفتق فى السرة و رحت لدكتور جراحة و كنت خلاص هاعمل لها العملية
بس رجعت استشرت اطباء تانيين سواء جراجة او اطفال محدش نصحنى بعملها
و كلهم قالوا ان فتق السرة عند الاطفال بيروح لوحده
دلوقتى انا محتارة لان الدكتور اللى كان هيعمل لها العملية قالى نعملها افضل بدل ما يحصل اى اعراض احنا فى غنى عنها
مش عارفة انا محتارة"

فتق السرة في الأطفال حديثي الولادة غالبا بيتسكر بروحه على سنتين ولهذا لا يوصى بإجراء عملية جراحية قبل هذا السن
ومن الممكن الانتظار على الطفل لسن 3 أو4 سنوات لحد ما يسكّر الفتق بروحه، ولو طوِّل عن كده ممكن يحتاج عملية لاصلاحه
هناك حالات معينة يتم عمل العملية قبل ان يتم السنتين أهمها إذا حصل انسداد في الفتق وهذا يحدث نادرا جدا بالنسبة للأطفال، غير كده حالات يقررها الطبيب
ولكن غالبا كما قلت في البداية لا يحتاج فتق السرة في الأطفال حديثي الولادة إلى عملية لاصلاحه
رأيي من رأي الدكاتره اللي نصحوك بعدم عمل العملية بعد الولادة وانه بإذن الله هيروح لوحده
الآن هي محتاجة متابعة من اخصائي جراحة الأطفال، وهو يفحصها ويشوف مدى التحسن، وبإذن الله يكون الفتق سكّر أو على وشك التسكير :)
إن شاء الله تكون راحت الحيرة
وسلامة منة الله :)

طحياطي :)

dr_sho

10-23-2003, 11:38 AM

شكرا للأخ عبقرينو
جزاك الله خير الجزاء

dorbaga

10-23-2003, 12:52 PM

السلام عليكم ورحمة الله وبركاتة,,,

مبرو و و ك العيادة منورة من تاني يا جدعا ا ان

الو مطافي انزل بالمشاريب على حسابي الخاص وسمعني احلة سلام وتحية لاحلى دكاترة هريدية وشفشق ينفع لا بلاص زبادي خلاص للدكتور عبقر ر ر

اخوكم الحكواتي :55:

أم منة الله

10-23-2003, 01:38 PM

:date:جزاك الله خيرا يا دكتورة شيماء و جزاك الله خيرا يا دكتور عبقرينو
الحقيقة اجابة الدكتور عبقرينو ريحتنى كتير خصوصا ان الفتق خف كتير عن الاول
و الحمد لله
ربنا يكرمكم يا رب و يجعلكم سبب فى اسعاد مرضاكم و التخفيف عنهم و يجعل عملكم فى ميزان حسناتكم اللهم امين :صلاة:

سارونا

10-24-2003, 10:10 AM

دكتورتنا ... اسمحيلي اعرض عليك مشكلة كتكوته عندنا في القهوة

هي مشكلتها انها بتحب الشوكلاته جدا جدا جداااااااااااااااااااااااااااااااا
بس بتعملها مشاكل كتيره زى الحبوب عشان بشرتها دهنيه
فهي عايزه حد يديها اى وصفه تمنع ظهور الحبوب دى بس بشرط محدش يقولها بطلي أكل الشوكولاته

dr_sho

10-24-2003, 11:42 AM

أهلا سارونا

على فكرة قولى للكتكوتة الغالية
إن موضوع الشوكولاتة دى كان قديم وثبت حديثا خطأه
يعنى السنة دى إحنا كان مقرر علينا منهج الجلدية
ودخل الأستاذ الدكتور : محمود الرملى
وقال إن كان فيه أشاعة قديمة بتقول إن الشيكولاتة بتزود الحبوب
وإن الكلام ده مش صحيح إلى حد كبير
هى فيه حاجات تانية معروفة إنها بتزود الحبوب
زى الأكل الحراق والمملح (يعنى اللى بيقولوا عليه بالمصرى هنا الحرش والمسبك)
زى مشروب الكولا والمشروبات الغازية
زى اللب والمحمصات
زى بطاطس الشيبسى
لكن الشيكولاتة
بريئئئئئئئئئة يا بيه

وبإذن الله النهاردة أو بكرة بالمتير
أكون منزلة موضوع عن حب الشباب وإزاى نعالجه
وإزاى نأقلم نفسنا عليه
واللينك يكون عندك يا افندم
ومش هنلاقى اغلى من اختنا سارونا نكتب لها موضوعات
منورة المكان والله
وشكرا ليك

dr_sho

10-24-2003, 12:30 PM

لمعلومات حول حب الشباب
أرجو الأطلاع على الموضوع الآتى

شهــــــــــــاب وحب الشبـــــــــاب (http://www.haridy.com/ib/showthread.php?threadid=23471&goto=newpost)

ana ga3an

10-25-2003, 04:44 PM

السلام عليكم يا حكما
يا ريت لو حد يقدر يديني اجابة للمووضوع اللي عندي دة
انا صباع رجلي الكبير منمل بقالة اسبوع
(تنميل يعني)
و مش عارف اية الحكاية
و الواحد يستشير اي صنف من الدكاترة؟؟

zoklot

10-25-2003, 08:34 PM

بص يا سيدي

المشكلة بسيطة جدا

آآلو

آآلو

آآلو

بص يا سيدي

حط شوية سكر جنب صباع رجلك هتلاقي كل النمل خرج

:compu:

ana ga3an

10-25-2003, 11:50 PM

كان في واحد صاحبي قالي وصفة شبيهة بوصتك يا زقلط
رحت اية
حاطط صباع رجلي في بقة بتاع 3 ايام
لحد ما النمل خرج من رجلي و دخل في بقة ورردة
و كل سنة و انت طيب

الشيماء

10-26-2003, 12:11 AM

كاتب الرسالة الأصلية : ana ga3an
اانا صباع رجلي الكبير منمل بقالة اسبوع
(تنميل يعني)
و مش عارف اية الحكاية
و الواحد يستشير اي صنف من الدكاترة؟؟
اليمين ولا الشمال ياجعحع؟؟؟
عموما اخر الدراسات النفسيه تؤكد ان القدم دي فيها خريطه للانسان ككل...
والصباع الكبير دا بيبقى يمثل الفص الصدغي للدماغ...
الخلاصة طبيب الامراض النفسيه بس هو اللي يقدر يفيدك...
ولو عجز تعاله عندي اقطعهالك على طول وتخف ان شاء الله...
اي خدمة؟؟؟ حققنة
كل سنة وانت طيب ياجعجع سههم
قللب

army m@n

10-26-2003, 05:25 AM

يجب استئصاله على طول قبل النمل ما يزحف على بقية الصوابع

dr_sho

10-26-2003, 08:38 AM

شكرا لأستاذتنا الفاضلة الشيماء

وسلامة صوبع الرجل الكبير لأخانا أنا جعان

محتار

10-30-2003, 04:08 AM

لسبب من اسبابي الخاصة اتعالجت عن طبيبه نسائية
لاحظت علي الطبيبه الخوف الشديد ودا لما اجرت ليا تحليل دم واغمى عليا
غير تصرفات تانيه واضحه عليا
فعرضت علي اني اتعالج عن طبيبه نفسيه تعالج بالجلسات
وقالت انها حتقدر تخرج مني الخوف الكبير دا
انا ما اقتنعت بكلامها
لاني ارى ان الخوف عباده لا تصرف الا لله بس انا فعلا باخاف بس دائما بيخفف من خوفي اني عارفة ان الله معايا
ياترى تقدرو تساعدني في حالتي هادي

dr_sho

10-31-2003, 01:22 AM

السلام عليك يا محتار
لا أراك الله حيرة
وبعد

إن الأحساس بالألم والخوف يتراوح من شخص لآخر وهذا شئ يثبته العلم ويقره
فلربما تألمت أنت من شئ أحتمل أنا المه
وربما كان إحساس الخوف عندك حاد النبرة قليلا عما هو عندى
وهذا طبيعى
ولا قلق منه
ولكن نبتدئ غالبا نقلق عندما يعيقنا إحساس الخوف عن ممارسة حياتنا الطبيعية
كأن يمنعنا النوم
أو يسبب الأرق وفقد الشهية
فتسوء الصحة
أو يعيقك عن التحصيل الدراسى
هذا هو الخوف الذى يستوجب الإستشارة الطبيبة
خاصة وإن كان مصحوبا ببعض الأعراض كالوساوس مثلا أو التهيؤات
أما أن تخاف من وغز الإبر
والحقن
والجراحة
فهو طبيعى خاصة فى الفتايات فى سن الشباب

مسألة الأغماء تحتاج لوقفة
فكيف أغمى عليك؟
هل فقدت الأحساس حقا بكل ما حولك أم أن الأمر لا يعدو عن إحساس بالدوخة ووقوع على الأرض؟
هل هذا الأمر تكرر عند كل مرة تأخذ فيها حقنا أو يسحب منك دما أم أنها أول مرة ؟
وما هى هذه التصرفات الأخرى الواضحة عليك؟

إن الخوف من الحقن والجزع منه فىحد ذاته ليس مشكلة ولا يحتاج إلى الإحساس بإن هناك أمرا غير طبيعى

أتمنى ان تقوم بعرض الحالة كاملة حتى إذا ما عرضتها على طبيب نفسانى أفدناك بالأجابة

إستمرى فى إستعانتك بالله والأحساس بعظمته فهو أصوب دواء من كل داء

ننتظر التوضيح بإستفاضة
عافاكم الله

محتار

10-31-2003, 05:01 AM

السلام عليكم
شكرا اختي الدكتورة
انا سيدة في الخامسة والثلاثين يمكن ازود بسنة اقل بسنة ما تفرقش:tongue3:
حالة الخوف برررما كانت موجودة من قبل
بدات تظهر في فتره متاخره من عمري يعني تقريبا بعد مرض الم بي هو عبارة عن حمى استمرت لمدة تلات شهور(بارا توفئيد)
يعني قبل حوالي تسع سنين
بس الا لاحظتو اني بعد المرض دا اصبت بوسواس
المهم الحاله الا جاتني عند الطبيبه
انها طلبت مني تحليل فانا رفضت وصرت اقولها انا اسفة ما عندي دم انا دمي على قدي يدوب يكفيني لو سمحتي انا ما ابغى احلل انا طيبه تشييز وصرت اتهرب منها واحاول اخرج من غرفة الكشف وهي تقولي انا راح احلل لكي بنفسي انا راح اخد العينه بنفسي وانا راسي والف سيف لا ممكن ابدا وزوجي يحاول يقنعني الى ان اقتنعت ودا طبعا بعد ما سلمت امري لله وجلست اقرا واسبح:صلاة: وتم سحب الدم وانتهت العمليه بسلام حققنة
وبعد شويه عيني جات على الابرة الا مليانه دم طبعا نظرة خاطفه كدة إسسعاف
وبعدين بعد فترة من الزمن فقت على نفسي وانا في اوضة تانيه
بيطمنوني على نفسي ويحاولوا يقنعوني ان اعرض نفسي على الطبيبة النفسية
وعلى فكرة انا ولدت تلات مرات وعمري ما دخت في اي تحليل وبس أوووبس

محتار

11-01-2003, 02:22 PM

السلام عليكم
أنا محتار تاني :confused:
سؤالي اني في بعض أوقات السنه نتيجه للوضوء بتكون الاماكن بين الاصابع القدم ملتهبه جدا و في بعض الاحيان تتشقق وتجرح و أجد في بعض الاحيان قشور بيضاء
فهل لهذا من علاج؟

سؤالي الثاني هو هل يوجد علاج للمناطق البنيه التي تنتج من الاحتكاك في الجسم الابط والفخذين يوه بقى

و جزاكي الله خيرا

dr_sho

11-01-2003, 10:08 PM

كاتب الرسالة الأصلية : محتار
السلام عليكم
شكرا اختي الدكتورة
انا سيدة في الخامسة والثلاثين يمكن ازود بسنة اقل بسنة ما تفرقش:tongue3:
حالة الخوف برررما كانت موجودة من قبل
بدات تظهر في فتره متاخره من عمري يعني تقريبا بعد مرض الم بي هو عبارة عن حمى استمرت لمدة تلات شهور(بارا توفئيد)
يعني قبل حوالي تسع سنين
بس الا لاحظتو اني بعد المرض دا اصبت بوسواس
المهم الحاله الا جاتني عند الطبيبه
انها طلبت مني تحليل فانا رفضت وصرت اقولها انا اسفة ما عندي دم انا دمي على قدي يدوب يكفيني لو سمحتي انا ما ابغى احلل انا طيبه تشييز وصرت اتهرب منها واحاول اخرج من غرفة الكشف وهي تقولي انا راح احلل لكي بنفسي انا راح اخد العينه بنفسي وانا راسي والف سيف لا ممكن ابدا وزوجي يحاول يقنعني الى ان اقتنعت ودا طبعا بعد ما سلمت امري لله وجلست اقرا واسبح:صلاة: وتم سحب الدم وانتهت العمليه بسلام حققنة
وبعد شويه عيني جات على الابرة الا مليانه دم طبعا نظرة خاطفه كدة إسسعاف
وبعدين بعد فترة من الزمن فقت على نفسي وانا في اوضة تانيه
بيطمنوني على نفسي ويحاولوا يقنعوني ان اعرض نفسي على الطبيبة النفسية
وعلى فكرة انا ولدت تلات مرات وعمري ما دخت في اي تحليل وبس أوووبس

أختى المجتارة
بعثت لتساؤل حضرتك إلى الدكتور عمر المديفر وبإنتظار رده
تابعينا من فضلك

dr_sho

11-01-2003, 10:10 PM

كاتب الرسالة الأصلية : محتار
السلام عليكم
أنا محتار تاني :confused:
سؤالي اني في بعض أوقات السنه نتيجه للوضوء بتكون الاماكن بين الاصابع القدم ملتهبه جدا و في بعض الاحيان تتشقق وتجرح و أجد في بعض الاحيان قشور بيضاء
فهل لهذا من علاج؟

سؤالي الثاني هو هل يوجد علاج للمناطق البنيه التي تنتج من الاحتكاك في الجسم الابط والفخذين يوه بقى

و جزاكي الله خيرا

أهلا محتار
لا أراك الله يا أخى حيرة

بعثت تساؤلات حضرتك إلى دكتور مجدى عشماوى أخصائى الجلدية
وننتظر منه ردا
تقبل تحياتى

placebo

11-04-2003, 05:19 PM

الدكتورة العظيمة شو
سلام الله عليك وبركاته
عندى استشارة طبية لحضرتك وياريت الاقى عندك تشخيص لها
بقالى حوالى اسبوعين باشعر بالم غريب فى كعب قدمى اليمنى وهو الم غير مستمر .. يعنى بيروح وييجى ويبقى لمدة ثانية او اتنين بالكتير .. وغالبا بيحصل لما مشط الرجل يكون مشدود .. الغريب بأه ان الالم ده مش فى العظم ولا فى الجلد ولا حتى فيه اى كدمة فى المنطقة دى .. بس باشعر بالظبط كما لو ان فيه قطع عرضى داخلى فى الكعب ... لانه ظاهريا مفيش اى حاجة باينة وامسك كعب رجلى اجيبه يمين و شمال واخبطه مفيش اى الم ولا اى حاجة غير طبيعية ظاهرة !!! .. فهل ده مثلا ممكن يكون اعراض نقرس او زيادة املاح او او او ... مش عارف .. فهل ياترى فيه حاجة زى كده ولا كالعادة اكون توصلت لمرض جديد غير معروف ؟؟
وشكرا

محتار

11-05-2003, 12:06 PM

بسم الله الرحمن الرحيم

سؤالي ليس سؤال طبي, و لكنة طلب مشورة من بعض الاخوة او الاخوات...

أخوتي في الله...

باختصار...زوجتي حملت في بداية الزواج ثم اجهضت في الشهر الثاني و هي الان حامل في الشهر السادس بفضل الله سبحانة و تعالى, وعند الذهاب الي الطبيبة اخبرتها ان الجنين في وضع مقلوب و اذا استمر على هذا الحال سوف تكون العملية قيصرية...المشكلة الان انها تشعر بالام في اسفل البطن عند عمل اي مجهود و لو بسيط....مع العلم انني اعمل بالخارج و زوجتي في مصر حتى الولادة ان شاء الله...اي انها لا تقوم بأي اعمال البيت لأنها مقيمة الان عند ابيها..

ارجو منكم الافادة هل هناك خطورة عليها لاقدر الله من هذا الحمل خاصة انها تتعب كثيرا عند اي مجهود بسيط..؟

ايضا هناك شيء يقلقني بشدة...اريد باذن الله ان يكون طاقم الولادة من الطبيبات...ولقد سألت زوجتي الطبيبة المختصة فأخبرتها ان طبيب التخدير رجل...وقد سألت مرارا و لم تجد سوى رجل لأطباء التخدير...

أرجو من الاخوة و الاخوات الافاضل افادتي...هل هناك مستشفيات متخصصة في الولادة في القاهرة يمكن ان يكون طاقم العملية من الطبيبات؟

اعتذر عن الشق الثاني من السؤال...وارجو الا يسبب اي ضيق او حرج لأحد...
وجزاكم الله كل خير

*********************************************
(ربنا لا تؤاخذنا ان نسينا او اخطأنا):صلاة:
(ربنا ولا تحمل علينا اصرا كما حملتة على الذين من قبلنا):صلاة:
(ربنا ولا تحملنا مالا طاقة لنا بة):صلاة:
(انت مولانا فانصرنا على القوم الكافرين):صلاة:
*********************************************

أستودعكم الله
ورردة ورردة ورردة

dr_sho

11-06-2003, 10:07 PM

مين ها هنا
الباشمهندس بلاسيبو
يا مرحبا يامرحبا
طبعا السعادة والفرحة مش علشان الألم اللى حضرتك بتشعره
أبدا والله
بس علشان الطلة الحلوة دى على ركننا المتواضع

لا بأس طهور بإذن الله
شفيت وعفيت

*بقالى حوالى اسبوعين

*الم غريب فى كعب قدمى اليمنى

*وهو الم غير مستمر

*وغالبا بيحصل لما مشط الرجل يكون مشدود .

*ولا حتى فيه اى كدمة فى المنطقة دى )ظاهريا مفيش اى حاجة باينة )

أنا فهمت من كلام حضرتك إن الموضوع ده أول مرة تشتكى منه
يعنى مش حاجة مزمنة
والنقرس لما بيظهر غالبا ما تكون النوبة الأولى من نصيب الأصبع الكبير
وطبعا بيكون المفصل بتاع الصوبع ملتهب
يعنى إيه ملتهب
يعنى وارم وأحمر ويوجع حضرتك كل ما تلمسه
وده مش موجود عند حضرتك

فيه بقى حاجة منتشرة جدا
منتشرة لدرجة إن أول ما حد يروح للدكتور ويقول آآآآه ياكعبى
يقوم الدكتور قوام يفكر فيها
بس الحاجة دى فيها عرض مهم جدا يساعد فى تشخيصها
العرض ده اسمه first step pain أو ألم الخطوة الأولى
يعنى أول ما حضرتك تقوم من النوم الصبح
وتحط رجليك على الأرض
مع الخطوة الأولى بيكون الوجع شديد

ياترى العرض ده موجود عند حضرتك؟ فى إنتظار الإجابة

لا بأس عليك يا سيدى عافاك الله

dr_sho

11-06-2003, 10:11 PM

باختصار...زوجتي حملت في بداية الزواج ثم اجهضت في الشهر الثاني و هي الان حامل في الشهر السادس بفضل الله سبحانة و تعالى, وعند الذهاب الي الطبيبة اخبرتها ان الجنين في وضع مقلوب و اذا استمر على هذا الحال سوف تكون العملية قيصرية...المشكلة الان انها تشعر بالام في اسفل البطن عند عمل اي مجهود و لو بسيط....مع العلم انني اعمل بالخارج و زوجتي في مصر حتى الولادة ان شاء الله...اي انها لا تقوم بأي اعمال البيت لأنها مقيمة الان عند ابيها

الأخ الكريم
لا أراك الله حيرة وبعد
تم إرسال الجزء الأول من سؤال حضرتك إلى أستاذتى الفاضلة دكتورة الشيماء وفى إنتظار إجابتها
ومرحبا بك دائما معنا
ودمتم

placebo

11-06-2003, 11:01 PM

الدكتورة الغالية شو
شكرا على ردك واهتمامك بالرغم من كثرة امتحاناتك اكثر الله من امثالك واثقل ميزان حسناتك بما تستحقين باضعاف اضعاف ما تمنحينا من وقتك الضنين.
بالنسبة بأه لاستفسار حضرتك بخصوص الصحيان من النوم .. فالحاجة الوحيدة اللى باحس بيها لما اصحى من النوم هى انى عاوز اضرب حد او ادوق طعم زمارة رقبة اللى هيقولى صباح الخير .. وانا كده طول عمرى مش حاجة جديدة ، باصحى من النوم راكبنى 66 عفريت. اما موضوع الكعب ده فمالهوش علاقة خالص بالصحيان من النوم .. هو فقط الم عشوائى التوقيت يستمر لمدة اجزاء من الثانية فى اى وقت من اليوم وهو مش مؤلم لدرجة كبيرة وكما ذكرت باشعر به عادة لما مشط الرجل يكون مشدود وده ممكن يتحقق "احيانا" لما انزل من السرير الصبح واحيانا لأ .. يعنى مش لزاما اشعر به الصبح اول ماصحى من النوم
اما صوابعى فهى زى الفل والحمدلله وشكلها ظريف اوى ومسليانى ومش بتوجعنى خالص غير لما الجزمة تكون ضيقة . بس
اتمنى اكون افدتك بالمعلومات القيمة دى .. وصدقينى انا حاسس بالذنب لانى اجبت على سؤالك بالنفى وصعبت التشخيص عليكى حبتين بس والله مش قصدى

محتار

11-07-2003, 12:43 AM

السلام عليكم وجزاكي الله حيرا علي هذا الموضوع المفيد جدا
حالتي باختصار هي افراز السره لماده شمعيه تشبهه التي تفرزها الاذن!!! و في أحيان كثيره أشعر بحكه شديده فيها و تؤلمني في أحيان أخري
أرجو الافاده
و السلام

dr_sho

11-07-2003, 05:41 PM

.. فالحاجة الوحيدة اللى باحس بيها لما اصحى من النوم هى انى عاوز اضرب حد او ادوق طعم زمارة رقبة اللى هيقولى صباح الخير .

:هع::هع::هع::هع::هع::هع:
ربنا يستر

وصدقينى انا حاسس بالذنب لانى اجبت على سؤالك بالنفى وصعبت التشخيص عليكى حبتين بس والله مش قصدى

هههههههههه
لا يا بيه ولا يهمك

اللينك ده معمول مخصوص علشان حضرتك
حضرتك إقراه بقى وطلع التشخيص براحتك
المهم شكرا إن حضرتك عطتنى الفرصة إنى أتكلم عن الكعب لأنى بأحترمه جدا

محمد بيه كعب الغزال (http://www.haridy.com/ib/showthread.php?threadid=24046&goto=newpost)

dr_sho

11-08-2003, 12:15 AM

إلى الأخ الفاضل محتار صاحب المشكلة الآتية

سؤالي اني في بعض أوقات السنه نتيجه للوضوء بتكون الاماكن بين الاصابع القدم ملتهبه جدا و في بعض الاحيان تتشقق وتجرح و أجد في بعض الاحيان قشور بيضاء
فهل لهذا من علاج؟

سؤالي الثاني هو هل يوجد علاج للمناطق البنيه التي تنتج من الاحتكاك في الجسم الابط والفخذين

لقد تفضل الدكتور مجدى عشماوى أستاذ الأمراض الجلدية بالإجابة على تساؤلات سيادتكم

وكانت إجابته كالآتى :

بالنسبة لموضوع الالتهابات :

تنشيف ما بين الاصابع جيدا باستعمال ورق مناديل
مع دهان **********على الاماكن الملتهبة

اما بالنسبة للون الفخذين فهو ناتج عن الاحتكاك الذى يتسبب اولا فى احمرار الجلد ثم تحوله الى اللون الداكن . للوقاية ينصح باستعمال ملابس داخلية قطنية و مراعاة التجفيف الجيد لهذه النطقة.

العلاج:

-تركيبة

********************

دهان مساء يوميا لمدة 3 شهور

و

- ********************

دهان صباحا يوميا دائما لنع حدوث الاحتكاكات .

بالنسبة لأسماء الأدوية والتركيبات فقد قمت بحذفها بناء على توجيه الدكتور مجدى .
وقد قمت ببعثها على الخاص للعضو محتار
أرجو الرجوع إلى الرسائل الخاصة للعضو محتار لمعرفة تفاصيل العلاج والتركيبات وأسماء الأدوية .

هذا وشكر خاص للدكتور مجدى عشماوى
ودمتم

dr_sho

11-08-2003, 10:13 PM

الأخت الفاضلة محتارة صاحبة المشكلة الآتية

لسبب من اسبابي الخاصة اتعالجت عن طبيبه نسائية
لاحظت علي الطبيبه الخوف الشديد ودا لما اجرت ليا تحليل دم واغمى عليا
غير تصرفات تانيه واضحه عليا
فعرضت علي اني اتعالج عن طبيبه نفسيه تعالج بالجلسات
وقالت انها حتقدر تخرج مني الخوف الكبير دا
انا ما اقتنعت بكلامها
لاني ارى ان الخوف عباده لا تصرف الا لله بس انا فعلا باخاف بس دائما بيخفف من خوفي اني عارفة ان الله معايا
ياترى تقدرو تساعدني في حالتي هادي

لقد قام الدكتور حسان المالح باالأجابة على تساؤل سيادتكم وكان جوابه كالآتى

يبدو ان السؤال يتعلق بالخوف من سحب الدم ..والموضوع واسع الانتشار.
وعلاجه:
1. التطمين والشرح المبسط العلمي لتخفيف الخوف
.2. إضافة إلى الاصرار والتشجيع على أخذ الدم
3..وقد نجحت الطبيبة مع مريضتها بشكل جيد
4..وفي بعض الحالات الشديدة يحتاج الموضوع إلى مراجعة الطبيب وأخذ دواء مساعد
إضافة للأساليب السلوكية التي تهدف إلى مواجهة الخوف والسيطرة عليه..

.. ومن أعراض الخوف المرضي حدوث إغماء أو درجة منه وهذا ليس خطراً عموماً ،أو أن القلق والخوف من سحب الدم يأخذ أشكالاً أخرى ومنها الخوف والقلق الشديد مع ازدياد ضربات القلب والتعرق واصفرار الوجه ومحاولة الهروب من الموقف أو تجنبه أصلاً

وبالتوفيق

حماده الجن

11-13-2003, 05:50 AM

ياجماعه انا شعرى بيقع بصوره وحشه قوى ومش عارف اعمل ايه

رحت لدكتور قاللى انى م اغسل شعرى بميه كتير عملت زى ماقال لكن مفيش فايده مش عارف ايه العمل

على فكره الحاله دى منتشره عندنا فى الاسره رغم إنها مش وراثيه

لو حد عارف ايه المشكله ياريت يقولى

stubborn emmy

11-13-2003, 05:58 AM

انت زميل كفاح باين عليك مش كدا ؟؟؟:هع:

ايمي المصرية
بس خلاص

army m@n

11-13-2003, 07:33 AM

ممكن تعمل تحليل هيموجلوبين عشان الانيميا من احد اسباب سقوط الشعر

dr_sho

11-13-2003, 07:42 AM

تحليل أنيميا
ممتاز يا دكتور

بس برضه يا ريت تسأل لنا الدكتور مجدى
وتقولنا عن أسباب تساقط الشعر وكيفية تفاديه
وشكرا

army m@n

11-13-2003, 09:00 PM

انتى تامرى يا دكتورة

حماس

11-15-2003, 02:35 PM

السلام عليكم ورحمة الله وبركاته

الحقيقة الفترة الأخيرة من أصعب الفترات اللي مرت علي، هلأ أنا بعرف انه الإنفلونزا والبرد والتهابات الشعب الهوائية منتشرة، وطبيعي أي حد يلقط العدوة بهاي الفترة خصوصا اذا كان بدرس سنيف ممكن يقطها من التلاميذ، بس السؤال انه هل من الطبيعي انه تجيني العدوة تلت مرات سنيف يعني أول مرة أصابني رشح من تقريبا شهينر، وقعت فيه حوالي 5 أيام بس الحمدلله ما كان شديد، بعدها بأسبوع تقريبا رجعت مرضت لكن هاي المرة كان التهاب بالحلق مع حرارة وقعدت فيها يوم، وما أخدت مضاد حيوي في المرتين، بعدها بكم يوم أصابني التهاب في العينتين ورجع النهاب الحلق فهاي المرة أخدت مضاد حيوي وقعد الموضوع تقريبا أسبوع ..... بعدها بكمان أسبوع صابني دورح من الإنفلونزا أقوى من الدور اللي أخدته من قبل ومعه حرارة وأخدت اله مضاد حيويي، والحمدلله تقريبا ذهب بعد أسبوع ... لكن بعد مرور كمان أسبوعين، يعني اليوم عندي بدايات رشح سنيف قاعدة أعطس وحالتي حالة سنيف ، يعني مرضت 5 مرات في شهرين، هل هادا شي طبيعي؟ سنيف أم في علّة في المناعة اللي عندي سنيف أنا بعرف انه الواحد بجيه الدور مرة مش تلت مرات متاليات سنيف وأنا ما أهملت أخر مرة مرضت فيها، أخدت عليها دوا سنيف
أفيدوني أفادكم الله سنيف
الله يحميكم جميعا، دعواتكم سنيف

محمود الأزهري

11-15-2003, 02:41 PM

السلام عليكم..
طبعا انا مش دكتور ومقدرش افتى فى الموضوع ده..
انا بس حبيت اقول لابأس طهور ان شاء الله.. وشفاكى الله وعافاكى..
وان شاء الله سليمة..
اسال الله العظيم رب العرش العظيم ان يشفيك
احنا عندنا كام حماس

حماس

11-15-2003, 03:48 PM

السلام عليكم ورحمة الله وبركاته

جزاك الله خيرا أخي الشيخ زورو لدعائك لنا ولحسن استجابتك
الله يبعد عنك وعنا وعن المسلمين أجمعين كل سوء
ويعافي مرضانا ومرضى المسلمين أجمعين
اللهم آمين
جزاك الله خيرا أخي :)

army m@n

11-15-2003, 07:58 PM

باريس: أثبتت دراسة أجريت مؤخرا حول ظاهرة سقوط الشعر لدى النساء /حتى قبل بلوغهن سن انقطاع الدورة الشهرية (سن اليأس)/ أن هناك علاقة وثيقة بين هذه الظاهرة ونقصان الحديد بالجسم
وينصح الأطباء بضرورة قياس نسبة الحديد والإقبال على تناول الارز والخضروات الجافة والكبد والبيض واللحوم الحمراء للقضاء على مشكلة سقوط الشعر

علما بأن الضغط العصبى والعقاقير الطبية والأطعمة غير المتوازنة تعد من بين العوامل التى تؤدى الى سقوط الشعر بين قطاع كبير من النساء

army m@n

11-15-2003, 08:45 PM

اترك الرد لdr_sho ورردة
و الف سلامة عليكى يا حماس
و جعله الله فى ميزان حسناتك :صلاة:

كــهــرمـــانه

11-15-2003, 10:01 PM

أنا كمان جالي الدور كذا مرة

الأول كان عندي رشح و خف

بعدها علطول جاللي إلتهاب في الحلق

أول ما خف تاني يوم جالي إلتهاب في ودني الشمال و لحد دلوقت مارحش

هي ودني سلكت بس بتاكلني و توجعني في نفس الوقت

وبرضو عندي دلوقت كحة فظيعة من غير رشح

وماقدرتش أروح لدكتور عشان عندي أمتحانات

هل الدور دا منتشر و لا أيه ؟؟

تحياتي ورردة

army m@n

11-16-2003, 03:30 AM

كاتب الرسالة الأصلية : محتار
السلام عليكم وجزاكي الله حيرا علي هذا الموضوع المفيد جدا
حالتي باختصار هي افراز السره لماده شمعيه تشبهه التي تفرزها الاذن!!! و في أحيان كثيره أشعر بحكه شديده فيها و تؤلمني في أحيان أخري
أرجو الافاده
و السلام

دهان ************* مرتين يوميا
مع التمنيات بالشفاء العاجل ورردة

حماده الجن

11-16-2003, 08:20 AM

باريس: أثبتت دراسة أجريت مؤخرا حول ظاهرة سقوط الشعر لدى النساء /حتى قبل بلوغهن سن انقطاع الدورة الشهرية (سن اليأس)/ أن هناك علاقة وثيقة بين هذه الظاهرة ونقصان الحديد بالجسم
وينصح الأطباء بضرورة قياس نسبة الحديد والإقبال على تناول الارز والخضروات الجافة والكبد والبيض واللحوم الحمراء للقضاء على مشكلة سقوط الشعر

علما بأن الضغط العصبى والعقاقير الطبية والأطعمة غير المتوازنة تعد من بين العوامل التى تؤدى الى سقوط الشعر بين قطاع كبير من النساء

كلام جميل - كلام معقول مقدرش أقول حاجه عنه

:maaaad::maaaad::maaaad::maaaad::maaaad:
بس والنبى يارجاله يعنى كنت تراعى انى انا راجل في ايه ياعم

: هيه:: هيه:: هيه:: هيه:: هيه:
ماشى شكرا عالنصيحه هأعمل تحليل البتاع اللى انتوا قلتوا عليه دده

انت زميل كفاح باين عليك مش كدا ؟؟؟

ايمي المصرية
بس خلاص
حنا للسيف حنا للسيف

أيوه لو كان قصدك الزقازيق أو الهندسه

انا فيا الخصلتين دول (طالب هندسه - زقازيقى

بس خلاص

سلام

stubborn emmy

11-16-2003, 08:27 AM

ههههههههههههههه لا انا قصدي ثانوية سامة

عموما شكرا يا اخ ارمي عشان المعلومات الي حضرتك حطيتها
دي مفيدةليا
بس كنت تراعي صحيح ان الراجل صاحب المشكلة

ايمي المصرية
بس خلا ص

dr_sho

11-16-2003, 09:35 PM

الغالية حماس
ألف الف الف بعد الشر عليك يا ست الكل
ومازال امر المؤمن كله خير
إن أصابته ضراء صبر فكان خيرا له
أو اصابته سراء شكر فك
ان خيرا له
لا بأس طهوا بإذن الله

شوفى يا حماس
هى مشكلة دور البرد ايه
فيروس بيدخل الجسم
يقوم الجسم قوام يعمل أجسام مضادة يهاجم بيها المعتدى اللى داخل جوة الجسم ويقوله عندك
ده مش مكان عام ولا جنينة تتفسح فيها ده محمية طبيعية ربنا خلقها وحماها وحصنها
وعملية تكوين الأجسام المضادة ضد الفيروس المعتدى
اسمها المناعة الطبيعية
يقوم لما يستجرى الفيروس نفسه يهوب ناحية الجسم تانى يلاقى حرس مستنيه وواقف له
بس فيه بقى حاجة مهمة لازم ناخد بالنا منها
كل فيروس ليه المضاد الخاص بتاعه
وانا عندى بقى مش فيروس واحد ولا اتنين لأ دول يعنى ملايين ومليارات
وفى حالتك دي عندك إحتمالين
إن كل مرة (ويا محاسن الصدف) هاجم جسمك فيروس مختلف عن اللى قبله
ولإن الجسم ما يعرفهوش وما قابلهوش قبل كدة فطبيعى تظهر عندك الأعراض لغاية ما يكون مضادات له
وده يا حماس معناه إن خمس فيروسات مختلفة إتفقوا عليكى دونا عن خلق الله خاصة فى ظل التقلب الجوى الحالى
شوفى بقى إنتى عملتلهم ايه علشان تزعليهم منك كل الزعل ده

الإحتمال التانى
وده شائع جدا
ولازم الناس تاخد بالها منه
وهو المضاد الحيوى
المضاد الحيوى ده سلاح علمى جميل جدا
بس لازم نستخدمه صح
بنظام معين وفى اوقات معينة ولازم الدكتور هو اللى يكتبه
لإننا لو ببساطة اسأنا إستخدامه
هيتحول من سلاح فى صفنا إلى سلاح ضدنا
بمعنى لما أنا الخبط فى مواعيد المضاد الحيوى وأخده يوم آه ويوم لأ
وأستعمله عمال على بطال
الميكروب ذكى
فيعدل نفسه وتظهر منه نسخ جديدة وأجيال جديدة يقوم الجسم يتلخبط وما يعرفهاش
حتى لو كان مكون مضادات أجسام لها

الخلاصة ياحماس
ممكن المشكلة تكون فى أمير الفيروسات اللى حطك فى دماغه وسلط عليك ريعته بس أكيد فيه حاجة فيك اغرته وحسسته إنك ضعيفة وسهل إجتياحك يعنى مثلا
لابسة خفيف
فاتحة الشباك عليك
عندك ضعف عام او انيميا
أو حاجة شبه كدة

وممكن المشكلة تكون إنتى اللى صنعتيها
بإنك على طول تستخدمى المضاد الحيوى وتغيريه وتلخبطى مواعيده وتعطى الميكروبات فرصة إنها تغير شكلها وده بيلخبط جهازك المناعى

يارب اكون قدمت لك تفسير يفيدك
ونرجع نقول
لا باس طهورا بإذن الله

dr_sho

11-16-2003, 09:40 PM

شكرا يا دكتور أرمى
مش عارفة إزاى السؤال ده كان محطوط من مدة وانا مش واخدة بالى
العتب على النظر
B)B)B)

بس إسمح لى
أنا حذفت إسم الدواء وهأبعته على رسالة خاصة للعضو محتار
وعلى صاحب المشكلة التفضل الرجوع إلى الرسائل الخاصة بمحتار

شكرا مرة تانية يا ارمى
ربنا ما يحرمناش
وشكرا للدكتور مجدى عشماوى اخصائى الجلدية على مساعداته الدائمة

aLeX PhArMaCiSt

11-16-2003, 10:20 PM

السلام عليكم ورحمة الله وبركاته

الف لا بأس عليكي يا اخت حماس

الصراحة رد الدكتورة شو ما خللاش حاجة نقولها

وانا متفق مليون في المية معاها في موضوع المضادات الحيوية ده

المشكلة ان كتير من الناس مش مقدرة اهميته وخطورته في نفس الوقت

الصراحة انا مكسوف يوه بقى وانا بقولكم ان فيه بعض الناس بتدخللي الصيدلية عايزين قرص مضاد حيوي..... واه يابووو

تخيلوا فيه ناس متخيلة انه ممكن ياخد قرص وللا اتنين مضاد حيوي ويبقي زي البمب : شجيع:

الناس دي بحاول معاهم عشان يقتنعوا ان لازم الكورس كله علي بعضه... ولو ما اقتنعش بقوله مش بطلع اقراص لوحدها :أخخخ:

المشكلة التانية ان بعض الناس بتكون متخيلة انه بمجرد ما يحس ان الاعراض اختفت يقوم مبطل المضاد الحيوي قبل ما يخلص الكورس بتاعه كله

بالنسبة بقي يا دكتورة شو لحالة اختنا العزيزة حماس

ايه رايك في مصل للانفلونزا؟؟؟ بما انه مستأصدها كده ومعرضة كل شوية للاصابة به

حققنة

army m@n

11-16-2003, 11:36 PM

بالنسبة لصاحب المشكلة حمادة الجن هو مفيش حاجة غير موضوع الانيميا
لان عادة سقوط الشعرالكتير فى الرجال بيكون بداية صلع حتى لو مش وراثى
و اكيد حتلاقى حد اصلع فى العيلة جد او عم او خال.

ممكن تروح لدكتور امراض جلدية و تتعالج عشان توقف الصلع او على الاقل
تقلله . و بالشفا ان شاء الله

dr_sho

11-17-2003, 01:09 AM

حمادة الجن
سلامة شعرك ياجن
وارجو الإطلاع على هذا الموضوع

قرعة بنت اختى (http://www.haridy.com/ib/showthread.php?threadid=24410&goto=newpost)

حماس

11-17-2003, 08:44 PM

السلام عليكم ورحمة الله وبركاته

جزاكم الله خيرا على ردكم الكافي والوافي وعلى اهتمامكم بالسؤال
الحمدلله كان الدور خفيف هذه المرة، وأشعر بتحسن كبير، الحمدلله
أنا الحمدلله لا أخد مضادات إلا بوصفت الطبيب، وأنا شخصيا ما بحب آخد أدوية كتير . بتذكر لما كنت بكندا كانوا ما بعطوامضاد حيوي حتى لو الواحد كان متنيل في ستين نيلا، إلا لما يتأكدوا انه المسبب للمرض بكتيريا مش فيروس، على أساس انه الفيروس ما بأثر فيه المضاد الحيوي....أما عنا، بعطوا مضادات حيوية اذا كان في حرارة مع المرض، ولما أختي سألت دكتورة ليش بعطوا كتير مضادات حيوية ، قالت انه في هالبلاد الفيروس ممكن يتحول لبكتريا :mellow:

الحقيقة أنا ما بعرف ليش اتكرر المرض عندي، أنا عندي سوابق بموضوع ضعف الدم، بس كمان شايفة الناس اللي حوالي عم ياخدوا الدور أكتر من مرة، خصوصا الأطفال
الله المستعان، الله يشفي مرضانا ومرضى المسلمين
وجزاكم الله خيرا :)

dr_sho

11-17-2003, 11:44 PM

أهلا بصيدلى قهوتنا وحتتنا
بالنسبة بقي يا دكتورة شو لحالة اختنا العزيزة حماس

ايه رايك في مصل للانفلونزا؟؟؟ بما انه مستأصدها كده ومعرضة كل شوية للاصابة

لو كنا متاكدين إن السبب هو الإنفلونزا فيروس
http://www.toubibonline.com/Images/HealthProm/A_microbe2.gif
يبقى بقى نتوكل على الله ونروح على الأخت حماس عدل كدة
وأنا هاكتف وحضرتك تعطيها التطعيم

الغالية حماس
ما شاء الله على الوعى الثقافى الطبى اللى عند حضرتك
طبعا أنا كنت بأتكلم عن الفيروسات نيابة عن الميكروبات المسببة لأعراض نزلات البرد واللى هى ممكن تكون بكتريا ولا فيروس
معنى كدة إن أنا لو عندى وجع فى حلقى ممكن يكون السبب بكتريا أو فيروس
أيوة
طيب أفرق بينهم إزاى ؟

الفيروس اكثر انتشاراً في الشتاء
ويصيب اكثر من فرد في الأسرة
وأكثر من جهاز في الجسم
مسبباً احتقانا في العين وإفرازات، واحتقانا في الأنف مصحوباً برشح، واحتقانا في الحنجرة مصحوباً بسعال، وأحياناً الأمعاء محدثاً نزلة معوية,
كما ان الفيروس لايستجيب للمضاد الحيوي بينما البكتيريا تستجيب له خلال 24 ساعة تقريباً
كذلك تظهر اعراض الفيروس تدريجياً بينما تحدث اعراض البكتريا بصورة فجائية.

ولكن يستطيع الطبيب وحده التفريق بين احتقان الحلق البكتيري من الفيروس وبالتالي وصف العلاج المناسب تبعاً للتشخيص .

، قالت انه في هالبلاد الفيروس ممكن يتحول لبكتريا
إزاى يعنى البكتريا هتتحول لفيروس
جايز هى قصدها إن من مضاعفات الإصابة بالفيروسات الإصابات البكترية
اللى بنسميها (secondary bacterial infection)
عند الأصابة بالفيرو س تقل مناعة الجسم فممكن جدا إنه يحصل إصابة بأنواع البكتريا المختلفة .

حماده الجن

11-18-2003, 04:20 AM

شكرا يا dr_sho

بالنسبة لصاحب المشكلة حمادة الجن هو مفيش حاجة غير موضوع الانيميا
لان عادة سقوط الشعرالكتير فى الرجال بيكون بداية صلع حتى لو مش وراثى
و اكيد حتلاقى حد اصلع فى العيلة جد او عم او خال.

ممكن تروح لدكتور امراض جلدية و تتعالج عشان توقف الصلع او على الاقل
تقلله . و بالشفا ان شاء الله

لأ مفيش حد لغايه جدى يعنى أصلع فى العلتين

بس انا هعمل تحليل دم اشوف موضوع الانيميا ده ربنا يستر

شكرا يا جماعه على الاهتمام

Simple Girl

11-18-2003, 01:17 PM

أنا بقالي سنتين في القهوة ودي تاني مرة تقريبا ادخل فيها الركن ده والحقيقة عجبني جداً الموضوع ده جزاكم الله كل خير :صلاة:
أنا كنت كتبت مشكلتي قبل كده في الركن هنا وهي تتلخص في اني ساعات لما بأقوم فجأة من مكاني ألاقي نفسي مش شايفة حاجة مرة ألاقي الدنيا سودة خالص في عنية ومرة تبقى الصورة مزغللة جداً ومش عارفة أحدد حاجة قدامي وساعات الحالة دي كمان كانت بتحصل لما ادخل من مكان منور لمظلم والعكس.
المهم كان الرد علية ان الشئ ده عادي واتحلل طبياً بس انا مش فاكرة تحليله بالضبط.

طيب ايه الجديد؟
المشكلة بقى ان الموضوع ده زاد وماباقاش بيحصلي في الحالات دي بس ولا مرة او مرتين في الاسبوع، لأ ده بقى متكرر بيحصل في اي وقت (يعني لو حد بيكلمني عادي وانا شايفاه فجأة تحصلي الزعلله او العمى ده وافضل مذهولة في الفراغ لحد ما ارجع اشوف تاني واحكاية دي بتاخد مجرد ثواني من 5 الى 10 ثواني كده)
وبقت كمان بتحصلي كذا مرة في اليوم.
يا ترى ايه سبب الحالة دي؟؟ وخصوصاً اني دلوقتي حامل في الشهر الأول أو التاني بس مش هو ده السبب ، لأن الحالة دي جاتلي من قبلها من ساعة ما اتجوزت على طول يعني من حوالي 5 شهور كده.
مستنية ردك بفارغ الصبر :confused:

استشهاد84

11-22-2003, 11:40 PM

بسم الله الرحمن الرحيم
اولا دى اول مره اكتب فيها
ثانيا عندى شويه استشارات طبيه تمام واعتقد انى هستشير كتير
1- انا الحمد لله حاليا لا اشتكى من اى مرض
انا عاده انام بمفردى فى غرفه مستقله ولكن منذ فتره اضطررت للنوم بجوار والدتى
وفى الصباح وجدتها تخبرنى باننى طوال الليل انتفض كثيرا واسعل كثيرا بصوت عالى
ولكن الغريب اننى لا اشعر بذلك مع ان نومى خفيف
وايضا انا لا اعانى من اى مشاكل فى الحنجره او برد او اى شىء يسبب السعال وفى النهار لا اسعل مطلقا
وتكرر هذا الامر اكثر من مره حتى اصبح يحدث تقريبا بصوره يوميه
حتى انه فى الايام الاخيره الماضيه كانت والدتى تسمع سعالى من غرفه اخرى وتاتى لتوقظنى لاشرب الماء
فهل لهذا سبب طبى ؟
وكيف لا اشعر بالسعال وانا نائمه؟

وجزاكم الله خيرا
اختكم الجديده
استشهاد

محتار

11-23-2003, 09:11 PM

الإخوة الأعزاء في موقع هريدي..
جزاكم الله خيرا على هذه الخدمة الرائعة و بارك الله فيكم على هذا المجهود و خصوصا الأطباء الذين كلفوا نفسهم و اقتطعوا من وقتهم للرد على الأسئلة:doctor:

سؤالي بخصوص عمليات شفط الدهون Liposculture..
هل تنصحون بها؟.. و هل لها مضاعفات؟..
الحقيقة قلقت جدا بسبب العديد من البرامج التلفزيونية و التي تقول بأن كثيرا من العيادات تقوم بهذه العملية بشكل غير صحيح بسبب عدم وجود مختصين حقيقيين..
فبرجاء ترشيح عيادات لأطباء موثوق فيهم في مصر..
و جزاكم الله خيرا:luck:

dr_sho

11-24-2003, 03:16 AM

مستنية ردك بفارغ الصبر

يارب ما يكونش الصبر فرغ وتكونى لسة مستنية
وأعتذر للتأخير فى الرد لظروف قهرية خارجة عن إرادتى
وبعد

شوفى يا غالية
أنا فهمت من كلامك إن المشكلة دى مضياقكى منذ فترة مش قليلة
وغالبا لما يكون فيه عرض معين مستمر ومتكرر وخاصة بعض الأعراض زى العمى المؤقت وفقدان الوعى وخاصة برضه لو كان بيزيد مع الوقت فدى حاجات ما يتسكتش عليها
وما تتحولش أهميتها عندى لإستشارة بأكتبها ويا يتجاوب عليها أو لأ
أنا مش قصدى أقلقك
بالعكس ده ممكن يكون حاجة بسيطة جدا زى ما هأقولك
لكن من باب الإحتياط أطلع أجرى على دكتور علشان أطمئن على نفسى
خاصة وإنت واحدة على اعتاب الأمومة يعنى نفسك مهمة ليك ولغيرك
ربى يعافيك من كل سوء ويخليك للغالى المرتقب
بس علشان خاطرى من فضلك
أقرب دكتور فى أقرب وقت

تعالى بقى نتكلم كلام مختصر كدة عن الزغللة والعمى المؤقت
ياترى ايه اسبابه؟
كتيييييييرة ما تعديش
فيه منها أسباب نفسية وفيه منها عضوية (علشان كدة الدكتور مهم علشان أستبعد الأسباب العضوية )

1. عيوب الإبصار زى طول وقصر النظر والإستجماتيسم
2.الإجهاد
3. العياط الكتير (لا للنكد):sniff:
4. نسبة المياه فى الجسم متوازنة لو فيه خلل فى التوازن ده يعنى جفاف أو زيادة
5. المياه البيضاء (الكاتركت )أو المياه الزرقاء
6.فيه حاجة مهمة فى العين اسمها ال(Macula ) مع الزمن والتقدم فى السن بيحصل ليها تحلل وبتعمل زغللة وعمى مؤقت.
7. عرض مهم جدا من أعراض البول السكرى

فيه بقى حاجة مهمة وأعتقد إنها ممكن تكون السبب فى مشكلتك
وشرحها سهل وشيق بس عايز حبة تركيز
يالا نركز .......

فى العين _العضو الإبصارى المتقن الصنع_ ربنا خلق فيها حاجة مهمة علشان يؤدى وظيفت الأساسية اللى هى الإبصار
خلق فيها نوع معين من الصبغات اسمها rhodopsin الصبغة دى مكونة من فيتامين أ وبروتين ولما الضوء ييجى عليها جزء منها بيتكسر وتكسيره ده بيبعت إشارات عصبية للمخ بتقول للمخ العين شايفة الصورة الفلانية والفلانية يقوم المخ يترجمها ويفهمها لحضرتك تقومى تقولى آه أنا شايفة كذا
تخيلى كدة لو الصبغة دى مش موجودة فى عينك بنسبة كافية اللى بيحصل إن عينيك بتقع على الجسم اللى إنتى شايفاه لكن الإشارة اللى بتوصل للمخ بتتأخر فالبتالى المخ ما بيعملش للى العين شايفاه صورة فتفضلى فترة (ثوانى تبقى مش شايفة ولا فاهمة اللى قدامك كأنك فى الفراغ عنيك زايغة ) لغاية لما الإشارة توصل لمخك فيترجمهالك فتعرفيها
فتقولى آه ده أنا ما كنتش شايفة وشوفت

طيب أعمل ايه بس ياربى
مش عايزة الصبغة اللى فى عينى تقل
عايزة أشوف
طبعا حقك
وربنا مش ظالم
خلق الداء والدواء
والدواء موجود فى الطبيعة

http://www.healthcatalog.com/images/croton.gif

عليكى بقى
بحبة بوتاسيوم
على فيتامين أ
على بيتا كاروتين
على ليوتين

ايه العك اللى انا كتباه وبيتجاب منين أقوللك يا غالية

البوتاسيوم وفيتامين أ خوديهم كابسولات (مالية الدنيا )
بيتا كاروتين و ليوتين موجودين فى الفاكهة والخضار الملون يعنى ايه ملون يعنى مش أخضر زى الجزر مثلا

ومن فضلك تانى
روحى لدكتور
وياريت اطمئن عليكى
وبالسلامة وأمنياتى العذبة ليكى وللبيبى

dr_sho

11-24-2003, 03:19 AM

1- انا الحمد لله حاليا لا اشتكى من اى مرض
انا عاده انام بمفردى فى غرفه مستقله ولكن منذ فتره اضطررت للنوم بجوار والدتى
وفى الصباح وجدتها تخبرنى باننى طوال الليل انتفض كثيرا واسعل كثيرا بصوت عالى
ولكن الغريب اننى لا اشعر بذلك مع ان نومى خفيف
وايضا انا لا اعانى من اى مشاكل فى الحنجره او برد او اى شىء يسبب السعال وفى النهار لا اسعل مطلقا
وتكرر هذا الامر اكثر من مره حتى اصبح يحدث تقريبا بصوره يوميه
حتى انه فى الايام الاخيره الماضيه كانت والدتى تسمع سعالى من غرفه اخرى وتاتى لتوقظنى لاشرب الماء
فهل لهذا سبب طبى ؟
وكيف لا اشعر بالسعال وانا

الغالية إستشهاد
أهلا بيكى
وبصراحة أنا فرحانة جدا إن أول طلة ليكى فى منتدانا كانت فى العيادة
مش فرحان إن لا قدر الله فيه حاجة مضيقاكى أو تعباكى
لأ فرحانة إنك نورتى الركن بحاله وطلع نورك من العيادة على بقية اركان البيت
أهلا بيكى مرة تانية

بالنسبة لتساؤلك ليه ما بتحسيش بالكحة وإنتى نايمة ده جايز ومالهوش علاقة بالنوم هل هو تقيل ولا خفيف
زى مثلا لو واحد يصدر صوت الغطيط (الشخير ) وهو نايم والناس اللى حواليه كلها مش عارفة تنام :angry:

بس عارفة كونك ما بتحسيش بالكحة دى فده يطمئنا لحد كبير
لأن الكحة بتاعة بالليل اللى ما بتظهرش إلا بعد لما الإنسان ينام فيه ليها سببين مهمين
واحد فى القلب وواحد فى الرئة (الأزمة )
والأتنين يصحوا العيان من نومه
أمراض القلب تصحيه بعد النوم بساعتين والأزمة تصحيه على وش الفجر

ايه تانى يسبب كحة والعيان نايم
الجيوب الأنفية
العيان ينام من هنا وتبتدى الإفرازات المتجمعة تنزل على زوره وتثير الأطراف الحسية فيبتدى يسعل ويكح

علشان كدة يا غالية انصحك بمراجعة طبيب باطنى وهو هيحولك على طبيب انف واذن لو فيه داعى

بس برضه ما يمنعش إننا نتكلم على وصفتين كدة من الطبيعة اللى خلقها ربنا
وصفتين سهلين عايزاكى تجربيهم وتقوللى النتيجة

*توضع ليمونة في ماء يغلي فوق نار هادئة لمدة عشر دقائق لكي يلين غلاف الليمونة ثم تخرج الليمونة من الماء المغلي وتقسم إلى قسمين ثم تعصر وتوضع في كوب دون إضافة ماء إلي العصير ثم يضاف إلى العصير ملعقتان من الجلسرين (موجود في الصيدلية) وتمزج جيداً ثم يضاف إلي المزيج عسل نحل حتى يمتلئ الكوب ويحفظ هذا المزيج في قنينة مغلقة. وتختلف الجرعة باختلاف نوع السعال ففي حالات السعال التي تصاحب التهاب القصبة الهوائية يؤخذ من الشراب بعد أن يرج جيداً ملء ملعقة شاي. وفي حالة نوبات السعال المزعجة أثناء الليل يؤخذ من المزيج بعد رجه جيداً ملء ملعقة شاي في بداية الليل قبل النوم ومثلها في نهاية الليل. أما في الحالات الشديدة جداً من السعال فيؤخذ من الشراب ملعقة شاي في الصباح عند النهوض من النوم مباشرة، ثم ملعقة ثانية قبل الظهر وثالثة عند العصر ورابعة قبل العشاء فخامسة قبل النوم.

*يؤخذ ملء ملعقة من مسحوق جذور عرقسوس ويوضع في ما مقداره ملء كوب ماء مغلي ثم يشرب بمعدل ثلاثة أكواب في اليوم وعلى الأشخاص الذين يعانون من ارتفاع ضغط الدم عدم استعمال هذه الوصفة

مما سبق يتضح إن الليمون والعرقسوس من أفضل العشاب لعلاج الكحة
وبرضه احب أطمئن عليكى
واهلا بيكى مرة تانية فى بيتك ومطرحك
وفى إنتظار تساؤلاتك

dr_sho

11-24-2003, 03:23 AM

الإخوة الأعزاء في موقع هريدي..
جزاكم الله خيرا على هذه الخدمة الرائعة و بارك الله فيكم على هذا المجهود و خصوصا الأطباء الذين كلفوا نفسهم و اقتطعوا من وقتهم للرد على الأسئلة

سؤالي بخصوص عمليات شفط الدهون Liposculture..
هل تنصحون بها؟.. و هل لها مضاعفات؟..
الحقيقة قلقت جدا بسبب العديد من البرامج التلفزيونية و التي تقول بأن كثيرا من العيادات تقوم بهذه العملية بشكل غير صحيح بسبب عدم وجود مختصين حقيقيين..
فبرجاء ترشيح عيادات لأطباء موثوق فيهم في مصر..
و جزاكم الله خيرا

أخانا محتار لا أراك الله يا أخى حيرة
وبعد
موضوع شفط الدهون موضوع مهم لذا فأسمح لى ان أفرد له صفحة منفصلة سأعلن عنها فى هذا الموضوع بمجرد الإنتهاء من الإعداد لها
وبالنسبة لسؤال سيادتكم عن عيادات الأطباء
فأرجو تحديد المحافظة المعنية حتى اقوم بتوجيه التساؤل إلى سكان المحافظة من اهل كتكوت الكرام

هذا ودمتم

محتار

11-24-2003, 03:34 AM

بارك الله فيكي :)
هو المكان مش مهم .. المكم العيادة تكون موثوق فيها و في مستواها.. و لكن لو وجدت في القاهرة أو المنصورة.. يبقى خير..

Simple Girl

11-24-2003, 11:44 AM

متشكرة جداً ليك يا دكتور
بقى هي الحكاية شكلها صبغة؟؟ طيب يعني اروح لدكتور عيون بقى مش نفسي :D
أنا فعلاً مقلة جدا في الخضراوات سواء الخضرة او الملونة ماليش فيها خالص :crazyy:
بس هأحاول بقى اعمل زاي ما قلتي واروح لدكتور الأول وربنا يستر
متشكرة ليك مرة تانية :flowers:

هريدي يابووووي

11-26-2003, 07:10 AM

يا دكتور شو.... شو أب.. رحت فين و سايبنا حيارى؟:hot:

dr_sho

11-27-2003, 06:47 AM

الطلة دى عملت معاى كتير جدا
ووالله
والله مرورك على هذه الصفحة اسعدنى
وسيكون تواجدى متواصلا من بعد العيد إن أذن ربى بذلك
شكرا مرة أخرى

هريدي يابووووي

11-27-2003, 07:02 AM

انا قلت اطل طلة لقيت ماشاء الله.. الشغل على ودنه:55:
بس خفت تكون المسائل نامت في الآخر :)
بس ماشاء الله.. الناس مصحصحين معانا:knight:

خيّال

11-27-2003, 08:14 PM

ما شاء الله ولا حول ولا قوة إلا بالله
الله أكبر الله أكبر

أنا كل كام يوم أقول اما أعدي يمكن ألاقي سؤال من نفسي أعرف أتكلم فيه ولا أعمل أي منظر بس نعمل إيه بقى الدكتورة شو مقطعة علينا عيشنا ومش سايبة لنا فتفوتة

دائماً للإمام ....................

محتار

11-28-2003, 05:22 AM

هى مشكله يمكن تكون تهم ناس كتير

وهى مشكله التدخين او شرب السجاير

انا بعانى المشكله دى تقريبا من 7سنين

كنت بشرب علبه ونص

حاليا بشرب 5سجاير بس

نفسى فى حل يكون سهل انى ابطلها خالص ياريت تفيدونى
تحياتى

dr_sho

11-29-2003, 11:29 PM

الأخ الفاضل محتار صاحب سؤال شفط الدهون
أرجو متابعتنا فى الموضوع الخاص بالأخت آيات الجارحى والذى كتبته خصيصا من أجل تساؤلك
إقضى على أصعب الدهون بلمعان بريل المضمون (http://www.haridy.com/ib/showthread.php?s=&threadid=24795)

والشق الثانى من سؤالك بعثت إليه لأخت فاضلة من سكان القاهرة وأنا فى إنتظار الإجابة عليه
ودمتم

dr_sho

12-03-2003, 02:00 AM

الإخوة الأعزاء في موقع هريدي..
جزاكم الله خيرا على هذه الخدمة الرائعة و بارك الله فيكم على هذا المجهود و خصوصا الأطباء الذين كلفوا نفسهم و اقتطعوا من وقتهم للرد على الأسئلة

سؤالي بخصوص عمليات شفط الدهون Liposculture..
هل تنصحون بها؟.. و هل لها مضاعفات؟..
الحقيقة قلقت جدا بسبب العديد من البرامج التلفزيونية و التي تقول بأن كثيرا من العيادات تقوم بهذه العملية بشكل غير صحيح بسبب عدم وجود مختصين حقيقيين..
فبرجاء ترشيح عيادات لأطباء موثوق فيهم في مصر..
و جزاكم الله خيرا

الإجابة للأخ الفاضل صاحب المشكلة

يعنى ايه شفط دهون ؟

يعنى بدخل شفاطة (معدنية مش زى بتاعة جهينة )وبأشفط الدهون المتجمعة
وباشفط دى عائدة على الشفاط الطبى الكهربى المستخدم فى العملية وليس على الطبيب لإن الطبيب بيمارس نوع آخر من أنواع الشفط وهى شفط الجيوب :doctor:

بأدخل شفاطة منين يعنى ؟
بأفتحلها فتحات

يااااه دى فتح ومشارط وتشويه
لأ ... الفتحات بتكون صغيرة جدا (حوالى من 5_10 مم) ولو كبرت قوى ما بتعديش السنتيمتر الواحد ده اولا
وثانيا
الدكتور بياخد باله وبيعملها فى ثنية من ثنايا الجسم وفى موضع غير ظاهر حتى لا يكون اثرها واضح

يعنى ما فيش ضربة المشرط اللى بتفضل معلمة طول العمر زى فى عمليات إستئصال الدهون اللى سبق وإتكلمنا عنها

طيب العملية دى ليها أعراض جانبية ؟
طالما عملية
وفيها دكاترة وحجرة عمليات يبقى ما نقدرش نقول مافيش أخطار خالص ..آمنة خالص..100 100 يبقى
على الأقل فيها مشاكل البنج والمشاكل الموجودة فى اى عملية
طيب البنج سمعنا إنه ممكن يتاخد موضعى وده صحيح
يتفضللى الأعراض اللى ممكن تظهر فى أى عملية تانية زى التجمعات الدموية والكدمات وتجمع الماء تحت الجلد (التورم ) واللى بيفضل موجود لفترة بعد العملية وممكن يكون التورم شديدا لدرجة تحتاج إلى مساج أو موجات فوق صوتية للتخلص منه ناهيك عن الإلتهاب الذى قد يصيب الموضع الذى فتح جراحيا لكنه غالبا ما يكون بسيطا ولا يحتاج إلى مضاد حيوى .

طبعا دى تعتبر حاجات بسيطة بالنسبة للعمليات التانية
حاجات ممكن السيطرة عليها وبتروح مع الزمن
وعلشان يبقى كلامنا مكتمل
كانت طالعة إشاعات عن العملية دى إنها ولا قدر الله بتعمل أورام سرطانية (فى مكان الشفط) وانها تسبب العقم لدى كلا من الرجال والنساء
وطبعا دى إفتراءات لا مجال ليها من الصحة وتطبيق العقل والمنطق عليها يجعلنا ننفى بشدة .

طيب الدهون اللى بشفطها كميتها ايه؟
يستحب عدم شفط أكتر من ثلاثة لترات فى المرحلة الواحدة حتى لا يدخل الجسم فى جفاف نتيجة لفقد نسبة كبيرة من السوائل اللى موجودة
فيه ناس دلوقتى التقدم الطبى الموجود عطيها قلب وسمعت عن حالات تم سحب 13 لتر فى مرحلة واحدة:bye:

النتيجة النهائية أحكم عليها فى التو واللحظة ؟
طبعا لأ
لإنها بتظهر بعد شهور من إجراء العملية وبتختلف على حسب طبيعة الجلد والسن

طيب المدة اللى بتستغرقها العملية بتبقى قد ايه؟
بتتراوح من نصف ساعة لساعة ونصف على حسب حسب كثافة الدهن والمنطقة اللى بشفط منها
يعنى لو شفط دهون من منطقة الأرداف هتستغرق حوالى ساعة إلا ربع.

بأقعد قد ايه فى المستشفى ؟
لو الكمية المشفوطة صغيرة خروج فى نفس اليوم
لو الكمية كبيرة الخروج فى اليوم التالى

طيب بعد العملية بقى

* يمكن للمريض مزاولة نشاطه الطبيعى بعد اسبوع من إجراء العملية لكن لا ينصح بالقيام بمجهود شاق أو عمل أى تمارين رياضية إلا بعد مرور عدة أسابيع

*يفضل عدم التعرض لأشعة الشمس (تعرض الجزء المشفوط منه الدهون ) إلا بعد مرور شهور من إجراء العملية لإن التعرض للشمس من الممكن أن يساعد على ترك آثار

* بعد شفط الدهون من الأرداف ينصح بإرتداء( كورسيه ) خاص لفترة معينة ليضغط على منطقة الردفين للحفاظ على شكلهما الطبيعى وتساوى حجمهما ويعمل على إلتصاق الجلد فى المكان الجديد بعد تفريغ الدهون منه .

طيب دلوقتى إحنا عملنا العملية وبقينا حلوين خالص
ناكل بقى براحتنا
طبعا ناكل
بس بقى نيجى نعمل العملية تانى علشان الدهون هترجع تتراكم تانى
يمكن بنسبة أقل من الأول لإن الجراحة دى بتقلل عدد الخلايا الدهنية الموجودة .
بس ما يمنعش إنه ممكن يحصل تراكم تانى علشان كدة العملية هتعتبر حل مؤقت ولازم يكون فيه تنظيم غذائى ورياضة فعالة .

خلاص كدة الحمد لله تقريبا خلصنا
بس فيه بقى كذا نقطة لازم تبقى واضحة

1. عملية شفط الدهون للتجميل وليست للتخسيس

يعنى ايه الكلام ده ؟
إحنا هنهزر ولا ايه؟
الكلام ده هو الوحيد اللى كل الدكاترة متفقين عليه
ومعناه
إن العملية مش بتخفف الوزن ولا بتخسس لأ
العملية دى الهدف الول والخير منها هى الوصول غلى جسم متناسق وذلك عن طريق إزالة التراكمات الدهنية المتجمعة فى بعض الأماكن
زى
تحت الذقن والبطن والخصر والأرداف والفخذين والمقعدة والركبة والساق والكاحل
يعنى لو واحدة عملت رجيم وفعلا والحمد لله خست
بس كان عندها مشكلة
إن الدهون ما أختزلتش من جسمها كله بنسب متساوية
بمعنى وشها رفع وصغر وبقى زى الليمونة
ووزنها نزل فعلا
لكن ما زالت الرداف مثلا فى وضعها الذى كانت عليه
يبقى البديل التانى عندها ايه؟
تروح تعمل عملية شفط الدهون من منطقة الأرداف؟
لأ
لسة فيه خطوة المفروض تعملها
الرياضة
اللى لو كانت بدأتها من الأول وهى ماشية على الرجيم ما كانتش إتعرضت للمشكلة دى
رجيم + رياضة فى نفس الوقت = إختزال الدهون من جميع أجزاء الجسم بدرجة متفاوتة
طيب عملنا رجيم وعملنا رياضة وخسينا لكن لسة المشكلة ذاتها
خلاص
من حقك ...إتفضلى على العملية وربنا يوفقك

ونرجع تانى ونقول

عملية شفط الدهون لا تجرى لشخص يعاني من زيادة كبيرة في الوزن لأنها ليست عملية تخسيس، وإنما هي عملية تخلص الجسم من الخلايا الدهنية التي تتمركز في مناطق لا تنجح معها كل أنواع الريجيم، حيث إن هذا الشخص الذي تجرى له العملية لا يفقد الكثير من وزنه وإنما يفقد من حجمه.

2. حالة الجلد قبل العملية مهمة جدا
لإن لو السن كبير أو الجلد متهدل هتظهر عندى مشكلة اسمها (الجلد المتموج) ومشكلة تانية هى مشكلة تهدل الجلد والمشكلتين علشان أحلهم لازم لهم تدخل جراحى تانى .

3. العملية محتاجة لدكتور متخصص ومعروف بالمهارة رغم إنها عملية سهلة جدا وبسيطة
لإن الدكتور ما بيشوفش الدهن فى المنطقة اللى بيزيله منها بل يستشعره بالجلد ويختار العمق المناسب عن طريق النظر واللمس والضغط على الجلد فقط وهذا يساعد الجلد على سرعة الإلتئام والتماسك من جديد

كما يقوم الطبيب المختص بشد الجلد لإن كان فيه كتلة وشلتها سابت لى فراغ لو ما سدتش الفراغ ده الجلد هيترهل .

وبرضه الدكتور المختص لما يدخل الشفاط الكهربائى ويشفط لازم يكون بعيد عن الأوردة والأعصاب اللى ماشية فى المنطقة (يعنىمش شفط وخلاص).
يتفضلنا سؤالين عن شفط الدهون

تكلف كام ؟
ايه الأماكن اللى موجودة فى مصر مختصة وكويسة ؟
وبإذن الله نجاوب عن السؤالين دول بس لما تيجى معلومات موثوق فيها

ولمزيد من التفاصيل
حول السمنة
وطرق علاجها المختلفة
يمكنك مراجعة الموضوع الآتى
إقضى على أصعب الدهون بلمعان بريل المضمون (http://www.haridy.com/ib/showthread.php?s=&threadid=24795)

ولسيادتكم جزيل الشكر وموفور التحية

محتار

12-03-2003, 02:07 AM

hi doctor
I have a problem regarding my upper right 6
pain with ice cream
should I really quit???????
??

have u ever heard about a dentist called GARFIELD
????

NO NEED TO ANSWER IF U DON'T UNDERSTAND WHAT I MEAN

محتار

12-03-2003, 02:08 AM

أول سؤال :

هل فعلاً حشو الضروس لازم يتغير كل فترة حتى لو كان ثابت و حلو و زي الفل ؟؟

تاني سؤال :

عندي ضرس العقل مسوس و الدكتورة قالت ما يتحشيش عشان المكنة مش حاتوصل ليه هل دا صحيح ؟؟ و قالتلي لازم أخلعه و أنا مش عايزة أخلع

ثالت سؤال :

هل التسوس فعلاً ممكن يخف من تلقاء نفسه

شفت أعلان في التليفزيون عن معجون أسنان بيشيل التسوس

رابع سؤال :

الضرس بياخد وقت أد أيه عشان يتاكل خالص و توصل السوسة للجدور ؟

سؤال كمان ( معلش تقلت عليكو ) :

ممكن يبقى في تسوس تحت الحشو

معلش أسألتي كتير مش عارفة ليه سناني بتسوس رغم أني بغسلها بعد أي أكل حتي لو بسكوته

تحياتي ليكو

emanff

12-03-2003, 11:17 PM

dr -sho
شكرا جزيل الشكر على التعديل اللى عملتية :clap:
بش الاسئلة اللى وردت فى الباب السبق و تم نقلها , نقلت باسم (محتار ),, يعنى غير اسماء الاعضاء الاصليين ,,,
وحتى الرد اللى كتبتوا مش موجود !:confused::confused:

dr_sho

12-03-2003, 11:22 PM

الرد بتاع حضرتك بعثت نسخة منه لحضرتك على الخاص يا دكتورة إيمان
وممكن حضرتك تعمليله كوبى وباست مرة تانية فى الموضوع ده

معلش تعبنا حضرتك
ولو مافيش وقت عند حضرتك الرد بتاعك أنا محتفظة بنسخة عندى ممكن أنزلها باسمك بس افضل إن حضرتك ننزليه

إفتحى الرسايل الخاصة وهتلاقى كل حاجة مشروحة بالتفصيل

emanff

12-04-2003, 01:19 AM

„ اقتباس:
QUOTE]كاتب الرسالة الأصلية : كــهــرمـــانه
(هل فعلاً حشو الضروس لازم يتغير كل فترة حتى لو كان ثابت و حلو و زي الفل ؟؟)QUOTE]

اولا ,, يجب ان اعرف ما هو مفهومك (لثابت و زى الفل) ؟؟
بالنسبة لحميع الحشوات ,, (الامامية و الخلفية __ التجميلية اوالرصاص(الفضة) فالاجابة كالتالى
اذا كانت الحشوة لا تسبب اى الام او حساسية مع الاكل و الشرب
و لاتسبب الام (بدون سبب) ,( يعنى تكونى قاعدة فى امان اللة لا ليكى ولا عليك و فجاة تحسي بالم فى السن )
وعندما يقوم طبيب الاسنان بالفحص الدورى لاسنانك ( ولم يجد شيئا او لم تبين الاشعة اى شيىء يثير الشبهات)
فان الحشوة عندها تكون (زى الفل ) ولا تحتاج لتغيير ,,,
وبالنسبة الى الحشوات التجميلية ( اللى يكون لونها زى لون السن و توضع لللاسنان الامامية
خاصة) .. فانها تكون زى الفل اذا لم يتغير لون الحشوة او لون حد الحشوة)
واذا كان اصلا عاجبك (تناسب لون الحشوة مع لون السن)
وبهذا ,, فانة اذا توفرت كل هذة الشروط فان الحشوة تكون زى الفل و لا حاجة لتغييرها ابدا
و لهذا فاننا عادة نعطى مدة(حياة الحشوة كتالى : الرصاص(الفضة) 5 سنوات ,, على الاقل لانة اذا كانت الحشوة (زى الفل) فانها قد تدوم لمدة 10 - 15 سنة ,, وهناك (case report ) ان فية حشوة فضة دامت اكثر من 70 سنة !!!
وبالنسبة للحشوات الامامية فالمعدل العام هو سنتين ونص ,, وانا رايت حشوات تجميلية( وضعت لسن خلفى) و عمرها اكثر من 10 سنوات ولا زالت موجودة

QUOTE] تاني سؤال :

(عندي ضرس العقل مسوس و الدكتورة قالت ما يتحشيش عشان المكنة مش حاتوصل ليه هل دا صحيح ؟؟ و قالتلي لازم أخلعه و أنا مش عايزة أخلع)QUOTE]
دا صحيح 100% ولااااااااااازم تخلعية
لازم ,لازم,,,,لازم,,,,لازم,,لازم,,لازم,,,لازم,,,لازم

انا مش عايزاك تجينى بعد يومين تقوليلى ( الحقينى ,,, وشى وارم خاااااالص)

وفية مثل بحبوا اوى ( من خاف من اللالم ,, تالم من الخوف)

QUOTE] ثالت سؤال :

هل التسوس فعلاً ممكن يخف من تلقاء نفسه
شفت أعلان في التليفزيون عن معجون أسنان بيشيل التسوسQUOTE]

اااااه,,وانا شفت الاعلان دة ومت على نفسى من الضحك
واللة العظيم كنت خايفة ان احد ييصدق !!!!
لانهم بيورونا سن متسوس اوى !!!!!
شوفى ,,,زى ما قال( twete) ان التسوس اذا كان فى بدايتة ( يعنى فى المرحلة ا ) قبل ان يظهرالنخر فى السن,, نعم يتوقف بالتنظيف الجيد و باستخدام معجون فية الفلورايد
ولكن يجب ان تكونى تحت اشراف طبيب اسنان ,, لانة يلزم اخذ اشعة بين فترة و اخرى للتأكد من ان التسوس لم يزداد ,, وهناك نوع من الطلاء الذى قد نضعة على السن و نقوم بالفحص الدورى على السن

QUOTE] رابع سؤال :

الضرس بياخد وقت أد أيه عشان يتاكل خالص و توصل السوسة للجدور ؟QUOTE]
ياخذ التسوس 3-4 سنوات حتى يطهر (النخر او الحفرة) ,, ولكن بالضبط كم ياخذ عشان يوصل الجذر ,, لا اعرف بس اكيد كتيييييير

QUOTE] سؤال كمان ( معلش تقلت عليكو ) :
ممكن يبقى في تسوس تحت الحشو QUOTE]

انت بس تامرى
صح الحشوة ممكن (اوى) انها تسوس
اذا كانت مادة السن و هى من اقوى المواد يصيبها التسوس ,, الحشوة يعنى هتكون احسن منها !!!!
وبعدين,,, الحشوة ليست هى النهاية ,,,( ويعيش السن فى تبات و نبات) !!
لا,,,, بل على العكس ,,,, صيانة الحشوات قد تكلف اكثر من صيانة الاسنان ,, وتاخذ وقت اطول ,
ولهذا ( علينا العناية الجدية باسناننا و ما فيها من حشوات)
ويلزم مراجعة الطبيب الدورية كل 6 اشهر ومن ثم يقوم الطبيب بعمل جدول زيارات تتناسب مع حالة المريض
على فكرة ,, ايات ,, انا فعلا بشتغل حكومى !!!!!!!)

QUOTE] معلش أسألتي كتير مش عارفة ليه سناني بتسوس رغم أني بغسلها بعد أي أكل حتي لو بسكوته QUOTE]
انا بقة يتخن بسرعة حتى لو اكلت زيتونة !!!!! :bb:
المسئلة ,, مسئلة قابلية ,, و نوع غذاء ,, و وراثة ,, و طريقة تنظيفك لاسنانك و اشياء اخرى ,,,
اعتقد بانة يجب ان تسالى الطبيب ليريك كيف تقومين بالتنظيف بالطريفة الصحيحية و ما اذا كنت تحتاجين لنصائح معينة خاصة بك !

ماشى كدة !!!!
انا مش عارفة لية كنت حاسة ان دمى ثقيل وانا بكتب,,,,
معليش اصل دى حاجات جد وما ينفعش الهزار فيها !!!!

emanff

12-04-2003, 01:26 AM

كاتب الرسالة الأصلية : dr_sho
الرد بتاع حضرتك بعثت نسخة منه لحضرتك على الخاص يا دكتورة إيمان
وممكن حضرتك تعمليله كوبى وباست مرة تانية فى الموضوع ده

معلش تعبنا حضرتك
ولو مافيش وقت عند حضرتك الرد بتاعك أنا محتفظة بنسخة عندى ممكن أنزلها باسمك بس افضل إن حضرتك ننزليه

إفتحى الرسايل الخاصة وهتلاقى كل حاجة مشروحة بالتفصيل

واللة (حضرتك ) متشكرة قوى !!
دا انا اللى تعبت (حضرتك) ,,
اصل ( حضرتك) ,,,:-"
انا مش من الناس اللى بيوصلهم التطور بسرعة ,,, يعنى انا والكومبيتر و النت مش صحاب خااااااااالص !!:chair::chair::chair::chair:
و كمان ( حضرتك).... فعلا مشكورة على الجهود الجباااااارة
انت بتلاقى وقت فين !!!

dr_sho

12-04-2003, 03:20 AM

انت بتلاقى وقت فين !!!

بأجيبه من السوبر ماركت (حضرتك):D

محتار

12-08-2003, 05:38 AM

كنت أريد أن أعرف أى معلومات عن أنيميا الفول

سارونا

12-08-2003, 08:55 AM

انا بس كنت داخله أقول
جزاكم الله كل خير على المجهود الجبار اللي بتبذلوه

army m@n

12-10-2003, 02:27 AM

كاتب الرسالة الأصلية : محتار
كنت أريد أن أعرف أى معلومات عن أنيميا الفول

الاخ محتار
ادخل على الموقع ده و حتلاقى كل اللى انت عايز تعرفه عن انيميا الفول

********************

dr_sho

12-10-2003, 05:26 AM

تم حذف اسم الموقع بواستطى
وجارى إعداد موضوع انيميا الفول بشكل مبسط
لإن التبسيط على القارئ هو الهدف من غنشاء هذا الموضوع

شكرا دكتور أرمى

وأعتذر للأخ محتار وأرجو منه إنتظار الموضوع قليلا

ودمتم

أنا ناقص ياخويا

12-29-2003, 01:30 AM

سؤال سخيف بقة شوية معرقش اتسأل ولا لأ.. أنا ما قرتش ده كله
عندي حالة غريبة من القولون العصبي
حالة بتخليني معرفش أنام أكثر من 4 ساعات وأقوم على وجع فظيع في الكليتين وخاصة اليمني
أقوم أشرب ميه وآخد نفسي وأكمل نوم
الوجع دخ ما بيجيش في أي وقت تاني خالص مالص
هو ساعت النوم بس
الوضوع مالوش دعوة بالكلية وعملت أشعات وتخاليل معلقها على الحيطة
بس أنا عايز روشتة للموضوع ده
خدت روشتة صحيح.. بس بتأكد برده.. ماهو ببلاش بقة
مع العلم بأن الوجع جاى من الغازات المحبوسة التي تضغط على الكلية

dr_sho

12-30-2003, 05:02 PM

خدت روشتة صحيح.. بس بتأكد برده.. ماهو ببلاش بقة

أهلا بالباشمهندس حسام
ألف سلامة عليك

شوف ياباشمهندس
هو الهدف من الموضوع ده مش إننا نكتب روشتات ولا نوصف أدوية
لإن أخلاقيا وطبيا المفروض إن الدواء ما يتوصفش إلا بعد إجراء كشف كامل على المريض
الهدف هنا هو التشخيص وتحويل المريض إلى الطبيب المختص
أو الإجابة العامة على تساؤلات المرضى
يعنى لو حد عايز يعرف معلومات عن مرض كذا بنحط له المعلومات دى وهكذا
ولو كان العلاج دواء آمن ومالهوش أى آثار جانبية بنبعته فى رسالة خاصة للسائل بعد الرجوع إلى الطبيب المختص
إن شاء الله موضوع القولون العصبى تلاقيه بالتفصيل قريب فى العيادة
وطريقة علاجه بشكل عام

وعلى فكرة
الغازات المحبوسة ممتاز ليها جدا الاعشاب التى تحتوى على زيوت طيارة volatile oil ومن الأمثلة للأعشاب دى الزنجبيل
لو شربت منه كوباية الصبح وكوباية بالليل هتفيدك جدا
وتقبل تحياتى

dorbaga

01-05-2004, 05:17 PM

السلام عليكم ورحمة الله وبركاتة,,,

ادعو للجميع بالشفاء وان يتم عليكم ربنا بالصحة والعافية

سؤالى اصيب احد ابنائي بمرض في المعدة وقيل لى انه غير معدي لافاجء بعد ذلك بن جسمة اصيب بجفاف مصاحبة لحالة من الاستفراغ الشديد مصاحبة الى اسهال ايضا لكن وبعد يومين فقط لاجد نفس الاعراض على ابنتي وبعد تنويمهم في المشفي تعافى احدهم ومازال الاخر طريح الفراش وبتحديد نوع الفايروس "روتا فايرس" فهل ممكن ان احصل على اسبابه وطريقة علاجة اذا امكن

منورين يا اهل محتار :flowers:

اخوكم الحكواتي :55:

dr_sho

01-05-2004, 10:04 PM

أهلا بأخى الفاضل فراس
ألف سلامة على الكتاكيت الصغيرين

الروتا فيروس rotavirus
فيروس ومعروفة يعنى فيروس اللى هو أخو البكتريا والفطر اللى هم بيهاجمو جسم الكائن الحى وبيسببوا ليه _لا قدر الله وبعد الشر عن الجميع _أمراض
طيب ايه موضوع الrota ده
هو إتسمى روتا لإنه يشبه العجلة يعنى مدور
وعجلة بالإنجليزى اسمها rota أو wheel
ودى صورة الفيروس المحترم جدا rota
http://web.uct.ac.za/depts/mmi/stannard/rotaboth.gif

الفيروس ده بيكون موجود بكثرة فى براز الشخص المريض
وبيتنقل للمحيطين بيه عن طريق التعامل والإحتكاك اليومى يعنى المريض ما غسلشى إيد يه قوى قوى قوى قوى وبعدين سلم على واحد أو مسك فى كرسى مثلا وجه اخوه مسك فى الكرسى نفسه بعد كدة أو المريض بيحضر الأكل والناس كلت منه وهكذا دواليك
يعنى المرض ده معدى وبيتنقل من شخص لشخص بسهولة
وعلشان كدة دايما بنلاقيه فى الأطفال
وخاصة أقل من 3 سنين
والفيروس ده غالبا بيسبب المرض فى فصل الشتاء

الفيروس بيسبب إلتهاب معوى حاد
يعنى الغشاء المخاطى اللى مبطن جدار المعدة والأمعاء بيلتهب
فبالتالى المريض بيشتكى من إسهال
ويمكن ده اكتر سبب للإسهال عند الأطفال
والأسهال بيبقى حاد وده مش حاجة هينة ولا سهلة
لإن الجسم بيفقد كميات كبيرة من الماء وبالتالى بيكون عرضة للجفاف اللى ممكن يأذى الطفل أذى بالغ .
وخاصة إن المرض بيكون مصحوب بالقئ
يعنى برضه بيفقد ماء عن طريق القئ
غير الإسهال ممكن يكون فيه قئ وغممان نفس
وممكن يكون فيه ارتفاع طفيف فى درجة الحرارة
وممكن برضه يكون فيه مغص

بالنسبة للعلاج
هو وقائى من الدرجة الأولى
يعنى مجرد ما اتعرف إن فيه طفل مريض فى البيت أو فى الحضانة أو المدرسة بيكون الإعتناء بيه زيادة حبة من حيث النظافة بعد دخول دورات المياه
وخاصة بقى الأطفال فى الحضانات والمدارس ممكن يكلوا من بعض ويمسكوا فى بعض ويلعبوا مع بعض
فوارد جدا إن أى طفل يصاب بالمرض ده
وفيه إحصائيات بتقول إن كل الاطفال لازم بيكونوا اتعرضوا للفيروس فى فترة من حياتهم قبل سن ال3 سنين
فالمهم هنا الوقاية
طيب لو حصل وجالى المرض
الإهتمام بيكون منصب على الإسهال وتعويض السوائل المفقودة من الجسم لإن ده مكمن الخطورة عندى والخوف من الجفاف واعراضه اللى لازم الأب والام يكونوا ملمين بيها علشان الموضوع ما يتطورش
أعراض الجفاف
العطش
العصبية
مدروخ (يعنى تحس إنه مش فى كامل وعيه)
العين داخلة لجوة (محلقة يعنى )
تحط إيدك فى فمه تلاقيه ناشف ولسانه ناشف
الجلد جاف
دخوله لدورة المياه أقل (إدرار البول عنده قليل ) وبالنسبة للطفل الصغير هنلاقى برضه إدرار البول عنده قليل وده بيتلاحظ فى جفاف ملابسه لمدة طويلة .

وتقريبا نوات الإسهال بتستمر من 4 ل 8 أيام بعدها الطفل بيتماثل للشفاء بتقدير الله وإذنه إذا تم التعامل مع الإسهال ورعاية الطفل وتعويض الماء المفقود رعاية مثلى .

ربنا يشفى حبايبنا الصغيرين
وتشكراتنا لماما وبابا الحكوانى على تعبهم معاهم ورعايتهم ليهم
ربنا يخليهم لك يا حكوانى
ويجازيك خير

dorbaga

01-06-2004, 10:58 AM

السلام عليكم ورحمة الله وبركاتة,,,

الله يكرمك يا دكتورة وينجحلك جميع مقصدك

كفيتي ووفيتي

ومني ومن ام محمد وورد ومحمد :flowers:

اخوكم الحكواتي :55:

army m@n

01-06-2004, 11:16 AM

الف سلامة على كتاكيتك الصغيرين يا حكواتى و ان شاء الله نسمع عنهم كل خير

hmmm

01-11-2004, 05:19 PM

الدكتورة العسولة شو
ميرسى جدا على وقتك الثمين و على وصفاتك الرائعة:55:
الى أكيد مفيدة:es3af:
و مؤثرة:rip:
نيجى بأة لموضوعنا
أنا بأه يا ستى عندى حساسية فى الجيوب الأنفية..
و الأيام دى بتجيلى كدة زى اللى تقولى نوبات عطس ممكن توصل مدتها لعشر دقايق مثلا و لما تخلص ببقى منهكة جدا و ساعات بتجرح حلقى أو بتجيبلى صداع ..
أنا أساسا عندى الحساسية دى من زمان . بس حاليا بقت مزعجة أوى لأنها بصفة مستمرة و ما بتروحش ..
أه نسيت أنا عندى حساسية صدر و مناعتى ضعيفة جدا بالنسبة للبرد خصوصا..
عندى 17 سنة و داخلة فى ال 18..
أيه تانى؟.. عموما لو فى أسئلة تانية أنا فى الخدمة..:doctor:
و ميرسى على الباب الجميل ده :flowers:

army m@n

01-11-2004, 05:33 PM

انا عندى نفس الحالة بالظبط

بس نوبات العطس بتجيلى فى وقت تغيير الفصول

عشان توقفى النوبات دى حاولى تاخدى دوا للحساسية زى claritine
و حاولى تتجنبى تيارات الهوا و متشربيش حاجات ساقعة و متطلعيش من مكان سخن لمكان دافى بسرعة و لو انتى خارجة اشربى كباية مية او اغسلى وشك بالمية

:flowers::flowers::doc:

hmmm

01-14-2004, 04:51 PM

شكرا جزيلا يا أخ army
بس للأسف أنا جربت الكلارتين.. بمعنى أدق ضيعت زهرة شبابى مع الكلاريتين .. و للأسف ما بيجيبش نتيجة ..
و أنا باخد بالى (صراحة مش أوى) من موضوع بارد و سخن ده بس للأسف ..
الحالات دى تقريبا ما لهاش علاقة بالموضوع ده . لانها ممكن تيجى و أنا فى مكان دافى جدا .. و ما تجيش فى السقعة..
فى الصيف كانت مرتبطة بالتراب .. بس دلوقتى مش مرتبطة بأى حاجة
شكرا تانى على ردك و نصيحتك :luck:

محمد فارس

01-20-2004, 12:38 PM

بسم الله الرحمن الرحيم

اعترف واقر انها اولى مداخلاتى هنا00لكنها لن تكون الاخيرة

*** كلما ذهبت الى طبيب الانف والاذن والحنجرة00تبادر الى ذهنى تساؤال ساذج 0000
لماذا "انف واذن وحنجرة"
هل من رابط بين الثلاثة0000ام انه تقسيم جغرافى00قرار ادارى00
طيب اذا كان تقسيم جغرافى00ماهو فيه حتت تانيه مش داخله الكردون 00ليه

ياترى00التساؤل ده سيظل يطاردنى 00اذا ماقُدر لى مصافحة طبيب الانف والاذن والحنجرة فى المستقبل00ام انى سأجد توضيح له هنا0
اشكركم

dr_sho

01-20-2004, 08:22 PM

الأخت الحبيبة والغالية hmmm
أهلا بيكى ياست الكل
منورة القهوة والعيادة
وسعيدة جدا بوجودك معانا
معلش إعذرينى ما خدتش بالى خالص من مشاركتك وإستفسارك

نسيت أنا عندى حساسية صدر و مناعتى ضعيفة جدا بالنسبة للبرد خصوصا..
شوفى ياغالية
بعض الناس يكون لديهم مجموعة حساسيات إما ان تظهر فى نفس الوقت او تظهر تباعا ودول بنسميهم atopic persons
وغالبا ما يكون هناك فرد آخر من أفراد الأسرة يعانى من نس المشكلة قد يكون اب أو أم أو جد أو خال او عم
أنت فى حاجة ياحبيبة لزيارة دكتور حساسية لأنه له معاكى دورين مهمين جدا
1. هيديك العلاج المضبوط
2. ممكن يحدد معاك ايه مسببات الحساسية (اللى ممكن ما تكونيش واخدة بالك منها ) وبالتالى تعرفى تتجنبيها .

لو حضرتك عايزة أسماء دكاترة حساسية كويسين قوليلى وأنا ابعتهم ليكى على الخاص بعنوان العيادة ورقم التليفون
ألف سلامة عليك يا hmmm
ومنورانا دايما ليس كمريضة بل كأخت وصديقة مطلعة
ودمتى :flowers:

dr_sho

01-20-2004, 08:23 PM

أهلا بالأخ الفاضل هراس عميد العامية وأستاذ مدرسة بيرم
العيادة منورة
وحلولك بها شرف لنا

هل من رابط بين الثلاثة0000ام انه تقسيم جغرافى00قرار ادارى00

تقسيم جغرافى
الأنف والحنجرة طريق واحد تابع للجهاز التنفسى
أول حجرتين من حجرات الجهاز التنفسى
وباقى الحجرات تابعة للأمراض الصدرية
أما الأذن فإن هناك قناة تصل بين الأذن الوسطى وتجويف الأنف .
هذه هى العلاقة ...جغرافية تضاريسية بحتة

طيب اذا كان تقسيم جغرافى00ماهو فيه حتت تانيه مش داخله الكردون 00ليه
زى ايه مثلا يا أستاذ هراس؟

انى سأجد توضيح له هنا0
أتمنى إنى اكون عرفت أوضح
وعموما هأدور على صورة مبسطة بإذن الله وأحطها
منور يا أستاذ هراس:flowers:

هريدي يابووووي

01-20-2004, 08:28 PM

زى ايه مثلا يا أستاذ هراس؟
قناة "سيزوستريس" مثلاً:closeeye:

emanff

01-21-2004, 12:37 AM

د شو
اية اللى عملتييية
فى سن سنانك :blink:

حاجة عظمة على عظمة على عظمة على عظمة على عظمة

:clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:

:tu: :tu: :tu: :tu: :tu: :tu: :tu: :tu: :tu: :tu: :tu:
:tu::tu: :tu: :tu: :tu: :tu: :tu: :tu: :tu: :tu: :tu: :tu:
:tu::tu: :tu: :tu: :tu: :tu: :tu: :tu: :tu: :tu: :tu: :tu:
:tu: :tu: :tu: :tu: :tu: :tu: :tu: :tu: :tu: :tu: :tu:
:tu: :tu: :tu: :tu: :tu: :tu: :tu: :tu: :tu: :tu: :tu:
:tu: :tu: :tu: :tu: :tu: :tu: :tu: :tu: :tu: :tu: :tu:
:tu: :tu: :tu: :tu: :tu: :tu: :tu: :tu: :tu: :tu: :tu:
:tu: :tu: :tu: :tu: :tu: :tu: :tu: :tu: :tu: :tu: :tu:

شيىء مبهر فعلا !!!! :bye:

على راى لؤى

عظمااااااااااااااااا عظمااااااااااااااااا عظمااااااااااااااااا

dr_sho

01-21-2004, 01:46 AM

العظمة الوحيدة اللى فى سن سنانك إنها بقلم الدكتورة إيمان
بعتلك رسالة علشان تقولى لى رأيك لقيتك كاتبة الإجابة
الحمد لله إنه عجبك
خدى دى :flowers:

emanff

01-21-2004, 07:45 PM

عشان خاطر العيون (اللورى),, ولو انى مش فاهمة يعنى اية ,, بس هية كلمة قالتها (سكيننة) فى ريا و سكينة
ف ,,
عشان خاطر العيون (اللورى),, ان شاء اللة حنزل الحلقة الجديدة بسرعة

ولو كنت شاطرة فى النت (زى اسم النبى حارسها و صاينها) د . شو

كنت فرشت القهوة ورد وفلل و ياسمين ,, و مرجيح ,,, (يعنى مولد بحالو)
و كافيار (عشان ,, ادوقو) !!!!!!

Nile Hawk

01-22-2004, 10:48 PM

بسم الله الرحمن الرحيم

السلام عليكم و رحمة الله و بركاته

أنا كان عندى سؤال مانعنى من أنى أعمل عملية و راسى و ألف سيف أعرف أجابته الأول

السؤال هو:
ما هو تلأثير البنج الموضعى و الكلى على المريض و ما هى نوعية المعلومات (التخريف) اللى بيقوله المريض هل هو:
-سر دفين
-تفكير عام
-معلومات قادمة من الأنا العليا..........
و هل ممكن تفادى الإدلاء بأى معلومات بطريقة معينة زى ما الجواسيس بيعملوا أحياناً لما يشربوهم سوكوبالمين عشان يعترفوا؟؟؟

عشان أنا لو دخلت العملية و ربنا ستر و نجحت حتحول على آمن الدولة و حيسجلوا شهادة الممرضة و الدكتور :dead:
ــــــــــــــــــ
نرجو الأجابة بكل مصداقية و ليس للتشجيع على دخول العملية

little^princess

01-25-2004, 01:19 AM

السلام عليكم

لدي سؤال بس ما ادري اذا انطرح او لا .. لان التصفح بطيء وما قدرت افتح كل الصفحات ..http://montada.kuwaitchat.net/msgs/images/smilies/wink.gif

بالنسبة لامراض العيون خاصة الجلاكوما " الماء الازرق "

هل هو وراثي .. وماهي درجة ضغط العين الطبيعية
وهل يكون احد اسباب الصداع ..

اسئلة ثقيلة بس تهمني ..http://montada.kuwaitchat.net/msgs/images/smilies/wink.gif

emanff

01-29-2004, 01:39 AM

د شو الف الف الف الف الف الف الف الف الف الف الف الف الف
مبروووووووووووووك على النيشان :clap:

متشكرين يا هريدى بييية !

queen of love

02-13-2004, 09:14 PM

شكرا على النصائح دى انا عندى مشكلة اتمنى انكم تساعدونى بسرعة انا لية اخت عندها 19 سنة بين كل فترة وفترة جنبها اليمين بيوجعها اوى ابتدى الاول بسيط لما كان عندها 14 سنة لكن بيزيد مع الوقت و اعراضة هية 1 بتحس ببرودة 2 بتعرق كتير 3 و دوخة شديدة و فى اوقات بيغمى عليها و الحد الاقصى للموضوع دة ساعة و بعدين بترجع عادية خالص عملت كل التحاليل والاشعة و مطلعش فى اى حاجة ولسة لحد دلو قتى بتجلها الحالة دى واتمنى انكم تسعدونى

dr_sho

02-14-2004, 07:49 AM

نرجو الأجابة بكل مصداقية و ليس للتشجيع على دخول العملية
يااااااه ياباشمهندس يحيى
قد كدة أنا وحشة
ما شفتش المشاركة دى من ساعة لما إتحطت ليه
ياترى إتحطت من زماااان
أنا آسفة
حقيقى بجد آسفة
إن شاء الله الموضوع ده هينزل لواحده
وبكل مصداقية
مش علشان خاطر العملية
وهأحط اللينك بتاعه هنا :flowers:

little^princess
وعليكم السلام ورحمة الله وبركاته
أهلا بيكى معانا
وآسفة للتأخير فى الرد

هل هو وراثي ؟
على حسب معلوماتى الضئيلة فى طب العيون
مرض الجلوكوما أو المياه الزرقاء فيه منه نوع بيظهر فى السنة الأولى من ولادة الطفل وده اسمه congenital glaucoma وده بيبقى وراثى
وبيظهر فى سن صغير جدا

النوع الثانى من الجلوكوما وهى الجلوكوما المكتسبة (acquired glaucoma)
اللى برضه فيه منها نوعين
1.أولى (يعنى بيظهر لوحده دون مسببات ظاهرة ) وده لقوا غن نسبة كبيرة منه لها دخل بالجينات وغالبا المصاب بهذه الجلوكوما يكون بعض افراد عائلته مصابة بها

2.ثانوى (اللى هو بيبقى نتيجة لأمراض أخرى فى العين ) وده مالهوش إرتباط جينى

وماهي درجة ضغط العين الطبيعية

16 مم زئبقى
لكن لها مجال واسع حبة ومفتوح حبة
الضغط الطبيعى من 10 ل22 مم زئبقى

وهل يكون احد اسباب الصداع ..

نعم قد يكون أحد اسباب الصداع

ولمعرفة معلومات اخرى عن امراض العيون
تجديها فى السلسلة الطبية المبسطة الرائعة للزميل الفاضل دكتور حسام
لم يتطرق بعد للحديث عن الجلوكوما
لكن بإذن الله سيفعل
إضغطى هنا لزيارة ركن العيون
http://www.haridy.com/ib/showthread.php?s=&threadid=27759

مبروووووووووووووك على النيشان
الله يبارك فيكى ويحفظك يا دكتورتنا
شكرا ليكى

شكرا على النصائح دى انا عندى مشكلة اتمنى انكم تساعدونى بسرعة انا لية اخت عندها 19 سنة بين كل فترة وفترة جنبها اليمين بيوجعها اوى ابتدى الاول بسيط لما كان عندها 14 سنة لكن بيزيد مع الوقت و اعراضة هية 1 بتحس ببرودة 2 بتعرق كتير 3 و دوخة شديدة و فى اوقات بيغمى عليها و الحد الاقصى للموضوع دة ساعة و بعدين بترجع عادية خالص عملت كل التحاليل والاشعة و مطلعش فى اى حاجة ولسة لحد دلو قتى بتجلها الحالة دى واتمنى انكم تسعدونى

queen of love
أهلا بك بيننا
أنرتى المكان
ونتمنى ان نجد لك العديد والعديد من المشاركات

سؤال الآن
هل زارت شقيقتك أحد الأخصائيين النفسيين؟
أنتظر الإجابة
ودمتى

Nile Hawk

02-14-2004, 06:37 PM

و لا أسف و لا حاجة يا كتور شو بس مجرد أنى مستنىمن ساعتها و موقف الدكتور على باب أوضة العمليات لغاية ما الرد يريحنى.

لا بجد لا أسف و لا حاجة (بصراحة خير ما فعلت لأنى أصلاً مبحبش العمليات)
بالرغم من أنى أكتر واحد عرفته عمل عمليات هو أنا :maaaad:

مستنى الرد يا دكتور يريحكم ربنا :flowers:

queen of love

02-15-2004, 10:07 PM

شكرا لاهتمامك و بالنسبو للاخصائى النفسى فهى مرحتش لية :blink:

سارونا

02-17-2004, 07:21 AM

اهلاً يا دكتورة شو

الصراحة انا بقالي كتير ما دخلتش الموضوع ده
واكيد فاتني الكتير منه :sniff:

بس هغتنم الفرصة في اليومين اللي جايين واقراة ان شاء الله

واسمحيلي ... اني ازعجك بسؤال ... بس ياريت لو تردي علي برد تفصيلي

انا عاوزه اعرف كل حاجه عن الكوليسترول
من بداية الأعراض ... لحد العلاج ... وياريت لو يكون العلاج جاي من ( الطبيعة ) هكون شاكرة ليك فضلك ومجهودك :)

dr_sho

02-17-2004, 03:39 PM

مستنى الرد يا دكتور يريحكم ربنا
الرد يا باشمهندس يحيى

http://www.haridy.com/ib/showthread.php?s=&threadid=28224

موضوع محتوى الهلوسة وايه بالضبط اللى بيطلع وايه اللى ما بيطلعش ما لقتهوش فى أى حتة الصراحة
بس قولى يا باشمهندس
حضرتك خايف على ايه بالضبط
سرك فى بيييييير
قول قول

شكرا لاهتمامك و بالنسبو للاخصائى النفسى فهى مرحتش لية

ينصح بزيارة الطبيب النفسى لإن اى حاجة ما لهاش أعراض عضوية يبقى لها سبب نفسى :flowers:

اهلاً يا دكتورة شو

الصراحة انا بقالي كتير ما دخلتش الموضوع ده
واكيد فاتني الكتير منه

بس هغتنم الفرصة في اليومين اللي جايين واقراة ان شاء الله

واسمحيلي ... اني ازعجك بسؤال ... بس ياريت لو تردي علي برد تفصيلي

انا عاوزه اعرف كل حاجه عن الكوليسترول
من بداية الأعراض ... لحد العلاج ... وياريت لو يكون العلاج جاي من ( الطبيعة ) هكون شاكرة ليك فضلك ومجهودك

أهلا بيكى ياسارونا
من عيونى

إن شاء الله بكرة بالكتير يكون نازل كل حاجةعن الكولستيرول بالتفصيل
والأضرار اللى بتسببه
وإزاى نتلافى الأضرار دى
شكرا لسؤالك
:flowers:

queen of love

02-17-2004, 04:25 PM

شكرا ليكى يا دكتورة على نصحتك دى وجزاكى اللة الف خير:55:

Nile Hawk

02-17-2004, 04:41 PM

جزاكم الله خيراً أنا رايح أهوه

أرض الميعاد

04-01-2004, 12:35 AM

دكتورة ..شو
الف شكر على مجهودك الرائع
انا بسأل عن الرمد
اسبابه واعراضه وهل يمكن علاجه
متشكرة مقدما

dr_sho

05-03-2004, 02:39 AM

عزيزتى أرض الميعاد
أهلا بك معنا
وأعتذر للتأخير فى الرد

سأوافيك لاحقا بإذن الله:flowers:

جبين القمر

05-08-2004, 03:37 AM

ااااااااااااااااااااااااااااااااه
سخونيه مبتنزلش تحت الاربعين
رشح
لا وكحه
بقالى " ايام
اوجمنتين مش عامل حاجه

اعمل ايه دلونى :sniff:

dr_sho

05-08-2004, 05:10 AM

ألف سلامة عليكى يا جبين القمر :flowers:
طبعا دور برد عشان تغير الجو والصيفى اللى بيطلع والشتوى اللى بيدخل
عليكى بعسل النحل والليمون:)
والمشروبتات السخنة
وولو تعرفى نايت أند داى لى فكرة فيه علاج اسمه نايت أند داى
حباية الصبح بتبقى بيضا ودى مريحة لحد كبير وحلوة وتمام التمام :)
حباية بالليل الصفرا بقى جبارة تاخديها وتدروخى وتنامى يومين فبلاش منها :blink:
بالنسبة للكحة بتختلف إذا كانت كحة ناشفة ولا فيها بلغم
عموما خليكى فى العسل والليمون والحاجات السخنة
والبرد لما يطول معناه إن المناعة مش ولا بد
فكتر من الفيتامينات يا جميل
وسلامتك مرة تانية :flowers:

جبين القمر

05-08-2004, 05:15 AM

الله يسلمك
الكحه سبه الشرقه كده

والرشح هو اللى فظيع

والمضاد الحيوى اوجمنتين مش عامل حاجه فى السخونيه اللى مبتنزلش

مش عارفه ازاى انزلها
حتى البروفين منزلهاش
:doctor:

dr_sho

05-08-2004, 05:34 AM

ايه ده
ماشاء الله
ماقلنا بلاش مضادات حيوية من غير دكاترة
بتقوا الفيروسات علينا وبتخلوها تطلع روحنا بعدكدة
يابنتى ده إنتى كاتبة لنفسك روشتة وماشية عليها كدة :viking:

مها
خدى بالك من نفسك
وإلا
وقد زعجر من جنزر على رأى حسام

جبين القمر

05-08-2004, 05:50 AM

كاتب الرسالة الأصلية : dr_sho
ايه ده

مها
خدى بالك من نفسك
وإلا
وقد زعجر من جنزر على رأى حسام

زعجر من اييييييييييييييييه؟؟؟؟؟:brb:
دك شو الرحمه انا فطست النهارده من الضحكككككككك
:brb:

قال زعجر قال
لا وزعجر مين؟ مش اى حد ده جنزر بنفسه :brb:
ادعىلى دك شو الله يكرمك
^_^

جنات

07-17-2004, 05:09 AM

كشف مجانى؟؟ :واه يابوي موضوع جنان :clap:

dr_sho

07-19-2004, 01:27 AM

يا أفندم سعادتك حضرتك تؤمرى
ولو تحبى كشف منزلى
ياسلاااااام
أحب ما على قلبى والله

mr_croooz

02-05-2006, 03:14 PM

بسم الله الرحمن الرحيم
اخوانى اعزكم اللة تحية طيبة
انا عندى مشكلة كبيرة فلو سمحتم ممكن تسعدونى انى اكون اقوى منها اكون شاكر ليكم جدا مشكلتى انى ما عندى ارادة ارادتى ضعيفة جدا يعنى انا مسلوب الارادة ما اقدر اعمل اى شئ نفسى اعمل حاجات كتير بس ما عندى ارادة لذلك وكمان ما عندى صقة فى نفسى ما عندى صقة خالص هادول هما مشكلاتى فى الحياة لو ربنا كرمنى وقدرت احلهم اكون سعيد جدا فممكن ؟؟؟؟؟؟؟؟

dr_sho

02-06-2006, 05:27 AM

أخي مستر كروز
السلام عليكورحمة الله وبركاته
هذا أولا
وأسأل الله أن يديم عليك نعمة الصحة والعافية وهذا ثانيا

بالنسبة لمشكلتك يا أخي
ارجع لردي الاخير في هذا الموضوع
http://www.haridy.com/ib/newreply.php?do=newreply&p=646461
ردي على الحبيبة ندى
وأفعل مثلما ذكرت لها
من أفضل علاجات اكتساب الثقة محاولة تركيز العقل الباطن على الجوانب الرائعة والمشرقة في شخصيتنا وحياتنا الإجتماعية والأسرية والعملية
الجوانب التي تجعلنا ننظر إلى وضعنا نظرة اطمئنان وراحة
ومن دوافع اكتساب الثقة أيضا
القيام بعملٍ ناجح
فإن النجاح تلو النجاح يعود الفرد منا على طعم الإنجاز الحلو ويجعله موضع ثقة أمام الناس
وبالتالي أمام نفسه

وفقك الله ورعاك
وسدد على الحق خطاك

محتار

01-05-2007, 08:31 PM

السلام عليكم ورحمة الله وبركاته

افيدوني ... عن ... وممكن عاجل ؟ تسلمون

هل يحدث حمل رغم سلامة غشاء البكارة ؟

وهل في حل ..؟؟ (العلاج)

دكتور ميدو

01-07-2007, 05:00 AM

السلام عليكم ورحمة الله وبركاته

افيدوني ... عن ... وممكن عاجل ؟ تسلمون

هل يحدث حمل رغم سلامة غشاء البكارة ؟

وهل في حل ..؟؟ (العلاج)

الأخ العزيز محتار ..

اسمحلي أجاوبك بالنيابة عن الأخت العزيزة د.شو

فض غشاء البكارة ضروري حتى تكون العملية الجنسية كاملة ..

إلا أن غشاء البكارة يحتوي على عدد من الثقوب ( وهي التي تسمح بنزول الطمث)
وبالتالي فهناك إمكانية لوصول السائل المنوي وعبوره للغشاء ومن ثم تحقق الحمل ( رغم وجود الغشاء )

أما في حالة الولادة فيجب على الطبيب إزالة الغشاء لتتم العملية بسلام

لم أفهم القصد بهل هناك حل ..

إن كان التوضيح محرج .. فيمكن إرساله على الخاص .. وشكرا

بني أدم

01-31-2007, 06:09 PM

السلام عليكم ورحة الله وبركاته

لو سمحتم يا دكاتره انا عندي مشكله بقالها اسبوع تقريبا:cry2:

وفعلا الحكايه دي عملالي أرق :sneer:
والمشكله تكمن في ان عيني الشمال فيها حاجه غريبه

والحاجه دي عباره عن عرق في جفن عيني اللي فوق عمال ينبض بشكل غريب بس مش بإستمرار يعني فترات وفترات .

وللعلم انا كنت بستعمل قطره لتنظيف العيون(بروزولين) بس مش كتير استعملتها لمدة يمكن خمسة ايام كل يوم مره واحده.
وبعدين يا دكتور الحكايه دي مخلياني مرووش وحاسس ان في نغز في عيني ومش مركز خالص وحاسس زي ما يكون عيني بترف .
ولكن الحقيقه هي عرق بينبض مش بترف.

مش عارف إذا كنت عرفت اوصلكم الشكوى ولا لأ.:think3:

ومنتظر الرد لو تكرمتم.

آآه صحيح الحكايه دي بقالها اسبوع عندي:chr58:

تحياتي:rosy:

emanff

02-01-2007, 03:35 AM

عندى سؤال اخ بنى ادم ...

لو قالو لك ان فيه دكتور اعمى .. هل تروح وتوريه عينيك عشان يعطيك العلاج الكويس !

طبعا لأ

اذا ... علاجك مش على النت , علاجك انك تروح الى طبيب عيون .. يشوفك !

اتمنى لك الشفاء

بني أدم

02-01-2007, 11:40 AM

أختي الكريمة ايمان

شكرا على اهتمامك وردك عليا:rosy:

عندى سؤال اخ بنى ادم ...

اتفضلي:closeeye:

لو قالو لك ان فيه دكتور اعمى .. هل تروح وتوريه عينيك عشان يعطيك العلاج الكويس !

معتقدش:huh:

اذا ... علاجك مش على النت , علاجك انك تروح الى طبيب عيون .. يشوفك !

انا اصلا بخاف من الدكاتره
:cry2: :cry2: :cry2:

اتمنى لك الشفاء

شكرا اختي ايمان

وانا النهارده الحمد لله احسن من امبارح وعنيا ارتاحت شويه وبطلت الحركات القرعه اللي كانت بتعملها دي:": .

بس انا عرضت مشكلتي هنا قولت اكيد لو في دكتور عيون ولا حاجه قاعد على القهوه ممكن يكون مر عليه حاله مشابهه لحالتي كده:dntknw: .

بس عموما أشكرك مره ثالثه على النصيحه

وتقبلي تحياتي:rosy:

طاقية الإخفاء

02-04-2007, 06:03 PM

لدى مشكلة
فى أصبع السبابة
فجئة ورم ودوحس
وماكنتش عارف إيه السبب
وعالجته بكذا حاجة
من مرهم أسود الى مضادات حياوية
ولبخات بلدية
وغيرها كثير
ومافيش فايدة
لحد ماأهديت إلى السبب
ماوس الكمبيوتر هوالسبب
والكيبورد أيضاً
لان اليومين دول بأستعمل الماوس بكثرة
أكيد ملتهب من الداخل
هل يوجد علاج أكيد
(ماتقوليش خفف الأستعمال)

محتار

02-21-2007, 11:47 PM

السلام عليكم
عندي مشكلة عاملالي قلق..
انا شاب عندي 25 سنة..
مش مدمن للعادة الزفت السرية .. انا بقول من الأول اهو عشان محدش يظن في حاجة..
المهم جات فترة شعرت بآلام في الخصيتين .. آلام بتتراوح درجة شدتها..
لأني دايما محرج ما أسأل حد .. بصراحة فضلت كاتم وساكت ..
المهم زمايلي في الشقة اللي انا ساكن فيها لاحظوا مرة اني مش طبيعي في مشيتي او بتألم من شيء معين.. وحكيت ..
قالولي ان الموضوع ده عبارة عن احتقان في الخصية بسبب ان السائل المنوي محبوس .. وانت مش بتاع العادة السرية يا عم الحج..
طيب والعمل إيه..
كل واحد فيهم حكالي حكاية واحد قريبة.ز ومنهم واحد حكالي انها حصلت معاه والدكتور نصحه بغنه يعمل العادة السرية مرة واحدة في الأسبوع .. عشان يطلّع السائل المنوي..
والله اخوكم خيبة جدا في الموضوع ده..
المهم عملتها وبدات فيها من حوالي 4 شهور .. بشكل منتظم تقريبا يوم في الأسبوع .. ولو حسيت بآلام كنت بعملها يومين ..
لحد ما جيت النهاردة ولقي