(محاولة إغتيال جمال مبارك في الإسكندرية )!!!!!!!

[أحمد رحمي]

السلام عليكم ورحمة الله وبركاته
إزييييييييييييييكوا جميعاً ؟ فتحي يا ور
قبل السلامات ...........أنا عايز أسأل سؤال ؟؟؟؟؟
عنوان موضوعي ؛ ياترى حد سمع عنه ؟؟؟؟؟ هممم
أنا تخيلت إني هأدخل هنا ألاقي الموضوع موجود .......
وموجود في السؤال التقليدي اللي أنا شخصياً لازم أسأله في المواضيع اللي زي دي - إنتا مصادرك إيه - ؟؟؟!!!!!
بس دخلت ملقيتش أي حاجة من دي ...فقلت أقول اللي عندي ؟؟!!!!
طبعاً أنا لم أنس حديث النبي صلى الله عليه وسلم :" كفى بالمرء كذباً أن يحدث بكل ما سمع "
ومنسيتش بردوا المشاكل اللي بتيجي من ورا المواضيع اللي مش مؤكدة دي .......
بس الصراحة المصدر بتاعي تقيل شوية ومقدرش أخونه لأنه مش محتاج إنه يكدب عليا وعن طريق مصدر تاني إتأكدت شوية ..!!
الخبر عبارة عن إن جمال مبارك تعرض لإطلاق نار في مطار الإسكندرية الدولي وتوفي أحد حراسه إثر الإطلاق .........والخبر إتعتم تماماً ممممممممم لظروف إنتوا عارفينها ماحدش يحو
عامةً ...حاجة من الإتنين يإما الخبر صحيح وأنا هأروح في داهية ماحدش يحو
يإما هوا إشاعة ...وده طبعاً اللي كلنا بندعوا الله إنه يكون كده علشان جيمي غالي علينا تويت وقلبنا يتقطع لو كان إتخض حتى من صوت الرصاص .......
طيب ..................... هممم
عايزين حاجة بقى ؟؟؟ هممم
في رعاية الله فتحي يا ور
السلام عليكم ورحمة الله وبركاته

[زهــZــرة]

انا قريت الكلام ده في اكتر من منتدى غير هنا

وكمان سمعته من ناس كتير

ياتري دي اشاعة ولا حقيقة هاااوم

الله اعلم

[المفكر]

أنا برضه سمعت الكلام ده -مع اختلاف بسيط وهو إن علاء وليس جمال من تعرض للإغتيال-وشفت حاجات كتير بتحصل في اسكندرية والناس بتفسرها علي إنها بسبب محاولة الإغتيال ولكن أنا أعتقد والله اعلم إنها تجهيز وتحضير لزيارة اللجنة بتاعة الفيفا اللي حتزور مصر عشان كأس العالم 2010

[الطير المصرى]

انا شخصيا معنديش علم بالموضوع ده يا بيه وانا والله مش معاهم
بلاش يا كتاكيت السياسه احنا لسه شباب

[كــهــرمـــانه]

أنا سمعت برضه أن علاء تعرض لأطلاق نار

و بيتعالج بره دلوقت

[أبو معاذ]

وانا سمعت وانا سمعت

الموضوع كله سمع في سمع ولا ايه
وبعدين لو كان الموضوع اتعتم تماما(عشان لجنه الفيفا توافق)احنا عرفنا منين

طيب ايه رايكم بقي
(انا سمعت )انهم ماضربوش نار اساسا
وان كان فيه طقم من الحرس خونه ولاد ...
وكانوا هايفخخوا الطياره بتاعة بابا حسني وابنه جمال

لكن لجل الحظ واحد من الحرس الخونه ولاد ال0000 دوول جاتله غيبوبه قبل العمليه دي بست ساعات وهو في الغيبوبه اتكلم كتير كتير
وطبعا الحكومه عملت حساب للكلام ده
وبعد مالراجل فاق
اتكلم برده كتير كتير(اصله بالتاكيد دخل غيبوبة تانيه)

ومن هنا نستنتج ان افضل وسيله لاستخراج المعلومات هي انك تدخل اللي قدامك في غيبوبه

[جهـــJeHaDـــاد]

احمد رحمي
شكلك رحت في داهية فعلا :)

بس تعرف موضوع الهليوكوبتر وللا محدش قاللك لسه

(ملحوظة:كان في برج العرب موش في مطار اسكندرية)

[كشف المستور]

http://butcher.jiffyseek.com/ultimatum.htmتنظيم مجهول يطلق علي نفسه "المصريون الاحرار" يعلن عن تنفيذ العملية

نجاة الرئيس مبارك ونجليه من محاولة اغتيال في برج العرب

اصابة علاء مبارك بجروح بالغة ومصرع ثلاثة من رجال الامن







تقرير يكتبه صلاح بديوي


تعرض الرئيس المصري محمد حسني مبارك مع نجليه جمال وعلاء لمحاولة اغتيال اصيب خلالها علاء باصابات بالغة . وقعت المحاولة في مطلع الشهر الماضي . كشف المحاولة بيان تلقته " الشعب الاليكترونية" من تنظيم يسمي نفسه " المصريون الاحرار" أعلن أنه يسعي لاسقاط نظام حكم الرئيس المصري بالقوه و يبث الكثير من التقارير و المعلومات المعادية للرئيس مبارك و معاونيه عبر موقع علي الانترنت . و زعم التنظيم المجهول الهوية أن الرئيس مبارك اضطر " لتاجيل زيارته لفرنسا وايطاليا لمدة اسبوعين في الوقت الذي تم فيه نقل ولدي الرئيس الي فرنسا للعلاج ويذكر ان اصابة علاء كانت بالغة وان ثلاثة من الحراس قد قتلوا في المحاوله ،هذا وقد تمكن فريق الاغتيال من الهرب "



وكانت صحيفة الشعب قد انفردت الاسبوع الماضي بنشر خبر يفيد بتعرض النجل الأصغر للرئيس مبارك جمال لمحاولة الاغتيال الا انه وفقا لهذا البيان فان الاسرة الحاكمة تعرضت لتلك المحاوله < با ستثناء حرم الرئيس >

وأوضح تنظيم المصريون الاحرا ر في موقعه علي الانترنت انه منح مبارك مهلة حتي اواخر شهر اغسطس الماضي لكي يتنازل عن الحكم ويتخلي عن مخطط توريث السلطه لنجله جمال, لكن مبارك تجاهل هذا التحذ ير, وازاء هذا التجاهل -والكلام للتنظيم - تم تشكيل محكمة خاصة قررت اعدام مبارك في وقت وفي مكان لا يتخيله , و قال التنظيم ان عسكريين سيشاركون في تنفيذ هذا الحكم . كما قضت المحكمة التي شكلها المصريون الاحرار - حسب اعلانهم - باعدام عدد اخر من المسئولين وحبس المتبقيين .



ونلا حظ فيما سبق ان التنظيم لم يوضح الكيفية التي جري من خلالها اختراق الحراسات المضروبة حول مبارك ونجليه والوصول اليهما في وقت كان مبارك فيه يرتب اوضاع معينة تتعلق بمستقبل ابنائه ,وهو ما جعل الر ئيس المصري يعيش في رعب شديد ويفرض علي تحركا ته تعتيم وحراسة مشددة .

من الجدير بالذكر أن الشارع المصري طوال ايام العدوان علي العراق وحاليا لا يترك تظاهرة الا وهتف الناس فيها ضد مبارك وضد نظامه وضد التوريث وطا لبوه بالتخلي عن السلطه بسبب الغلاء الفاحش وارتفاع الاسعار وانهيار الاجور ونهب اموال البنوك و العدوان علي الحريات وحبس الصحفيين والكتاب واغلاق الصحف وتجميد نشاط الاحزاب وتقديم المدنيين للمحاكمات العسكرية والحكم بقانون الطواري منذ 22 عاما وتاميم النقابات عبر فرض الحراسات عليها واعتقال عشرات الالاف من الشباب المسلم بدون محاكمه والانبطاح ارضا امام اعداء الامه .

ومن هنا, يري المراقبون ا ن اصرا ر مبارك علي الاستمرار في نهجه وفي التمسك بالسلطه جعله الهدف المباشر هو وأسرته للعناصر التي تسعي لاطاحة نظامه بالقوة .



http://www.rezgar.com/debat/show.art.asp?aid=9251

[حلم]

بسم الله الرحمن الرحيم:

هيا اشاعة قديمة نوعا ما ولكنها كانت عن علاء مبارك (حدثت فى برج العرب) فى خلاف مع احدالشركاء..,ان اثنين من الحراس اصيبوا اما هوه فسليم ....
ثم نشر فى جريدة الشعب عن انه هذه المره كان لجمال فى طريق المطار
__________________
وسواء كان حقيقة ام اشاعة فان هناك عدة ملاحظات

*فلوكان حقيقة فهذا يثبت انه لم يعد هناك قدرة على اخفاء الاسرار الكبيرة فكيف اذا بالصغيرة

*واحتمال ان تكون اشاعة
* اما صدرت من اشخاص يحاولون لنيشعروا الشعب انه لا مشكلة من ن يحاول احدغتياله...
*او ان تكون مسربة من الرئاسة نفسها ...لماذا؟؟.....الله اعلم .....ولكن على اى حال ستظهر الحقيقة

*توقيت انتشار الشائعه توقيت غريب: حيث الشعب على وشك الانفجار

ويبقى سؤال هل سيحدث انفجار قريب؟؟؟؟؟

يارب سلم واحفظ هذا الوطن



فى حب الله نلتقى
وبالفردوس الاعلى نجتمع باذن الله
ولاتنسوا اخوانكم من صالح الدعاء
اللهم بارك لنا فى شعبان وبلغنا رمضام

[تركيبه]

انا سمعت بردو ان علاء بيتعالج بره بعد محاولة اغتيال

بس كنت متاكد انها اشاعه

بس لما قراتها هنا فى المنتدى

قلت ابحث عنها بئه

[MOH]

http://mubarak.veryweird.com/
أرجو من الإخوة عدم نشر أي خبر من هذا الموقع والذي يعرف بالمصريين الأحرار فلا هم بمصريين ولا هم بأحرار ومقعهم ملئ بالأكاذيب والمغالطات

نص مقتبس من موقعهم
و المعارضة الدينية تتمسح بالدين و تستغلة و هى لا تعرف الا لغة الارهاب التى تتضمن الارهاب الفكرى الذى يفرض رأيا و توجها ما دون السماح بابداء أراء مختلفة و هذة التيارات اذ وصلت الى السلطة فانها لن تسمح بتداول الحكم كما انها ستنتهك حقوق الانسان و تنكل بمعارضيها و أخطر ما فى الأمر أن معظم قيادات التيار الدينى فى مصر هم من المأجورين من السعودية لنشر الوهابية الفاشية و القائمة تشتمل على من يطلقون على أنفسهم دعاة مثل الشيخ الشعراوى و عمرو خالد و غيرهما و الغريب أن الدعوة لا تكون الا فى البلاد التى لم تصل الرسالة لها فلا يجوز نشر الدعوة فى بلد اسلامى اللهم الا اذا كان ما ينشر هو الوهابية السعودية

و الى من يطالبون بعد كل ذلك بتطبيق الشريعة الاسلامية نقول أن التجربة العملية على مر خمسة عقود أثبتت استحالة انشاء دولة اسلامية اللهم الا اذا اعتبر المنادين بتطبيق الشريعة الاسلامية ان ايران و السعودية و السودان دول تطبق الشريعة الاسلامية الحق نقول بأننا نرفض تطبيقها فى مصر لان ذلك من شأنة أن يجعلنا مثل السعودية و ايران أو حتى أسوأ منهما

[وائل]

أنا كمان خارج القاهرة والأسكندرية
سمعت عن علاء مبارك

والله اعلم بالحقيقة

اما موقع المصريين الأحرار
فطبعا ليس له شعبية تذكر

ولا اعتقد ان لهم نشاط أصلا

[جهـــJeHaDـــاد]

المصريين الاحرار ماهم الا شخص واحد بيشتغل من سايبر كافي

يعني موش واحد ليه ثقل من اي نوع عموما

[z3bola]

بسم الله الرحمن الرحيم
ضحكت كثيراً لما (انا راخر ) سمعت برضه هنا إن عمرو خالد وهابى - بالذمة إيه.
على فكرة برضه أنا سمعت برضه إن لو كان حصلت محاولة إغتيال كان طوب الأرض ذاع هذا الخبر.
على فكرة أنا برضه سمعت اللى مسميين نفسهم المصريين الأحرار ( هما أحرار يسموا نفسهم الأحرار أو يسموا نفسهم بسم فران ) دول بقى عيال عفاريت قوى لما يعملوا حاجة زى كده ومايتمسكش منهم ولا واحد طيب حتى يتعور- الحقيقة طيب مدام هما فتكين قوى كده مايفرجونا على شطارتهم مع إسرائيل ولا خايفين يتلسعوا .

وبعدين فى شرع مين يحاكموا ويحكموا وينفذوا الحكم ده .على كده ممكن لو وصلوا للحكم يعملوا كده فى أى واحد فينا فى القهوة !! لأ ياعم حكم حسنى مبارك أهون.

من قال إن قتل فرد أو أفراد يصلح البلد / الإصلاح لا ياتى إلا بمجموع تضحيات الناس فى المجتمع من أجل الإصلاح - ده بشغله الزيادة وده بوقته وده بفلوسه وهلم جرا .

أوعى حد يفتكر إن كلامى ده دفاع عن حد لكن أنا متأكد إن كلنا كمصريين ضد أسلوب القتل أى كان - أنا شخصياً مع كل المصريين اللى بيرفضوا توريث الحكم لإبن مبارك حتى لو كان ملاك لإن اللى بيسعوا لكده هم مجموعة المنتفعين والحرامية اللى حوالين مبارك الأب اللى عاوزين يفضلوا كاتمين على أنفاس الشعب الغلبان باستمرار الوضع لمصلحتهم زى ماحصل فى سوريا إختفى الأسد الأب وجابوا الإبن علشان يفضلوا قاعدين على تلها - حاجة غريبة كانوا فى منتهى الهمة والنشاط فى تفصيل وتغيير الدستور السورى علشان يخلوا بشار الأسد رئيس - ولما إسرائيل بعتت طياراتها ضربت موقع جنب دمشق ( رغم إن الكل عارفين خطورة ماتتعرض له سوريا من تهديدات سواء من أمريكا أو إسرائيل من الشرق أو من الغرب) ماعرفوش مش يوقعوا طيارة ، لأ ده حتى ماضربوش ولا طلقة حتى فى الهوا - ياعم ده حتى ماضربوش حتى صفارات الإنذار!!!!!! أليست هذه قيادة فاشلة فى حماية شعبها ؟ على الأقل حد يتحاسب ويتشال وزير الدفاع أو أى حد من الحيوانات إياها
طبعا اللى عملته إسرائيل قول فيه زى مانت عاوز بس ده متوقع منها بس عيوبنا إحنا اللىكتيرة ، الغريب لا نسمع حد بيتكلم عن هذا التقصير‍‍‍‍‍ بالذمة حاجة تفقع المرارة ولا لأ؟؟
أنا آسف خرجت عن موضوعنا (من غلبى)

للأخ العزيزاللى قال يمكن خبر متسرب من الرياسة (أو اى حتة تانية) مايمكن لو فكرنا يكون صح علشان معروف عادة الشعوب بيزداد حبها للى بتحصل له محاولات إغتيال ‍‍‍‍‍‍‍‍‍‍‍‍‍‍ غممزة
‍‍‍‍‍‍

[أبو رقية]

وفي رواية أخرى استعراض عضلات من مدير الأمن الجديد وده أغلب الظن :)
دي الكماين في شارع أبو قير وشارع بورسعيد والساعة 1 الضهر يا كتاكيت سنيف
كاتب الرسالة الأصلية : المفكر
ولكن أنا أعتقد والله اعلم إنها تجهيز وتحضير لزيارة اللجنة بتاعة الفيفا اللي حتزور مصر عشان كأس العالم 2010

[زهــZــرة]

ايه آخر الاخبار

طلعت اشاعة ولا حقيقة رععب

[منـــى]

بسم الله الرحمن الرحيم..

بصراحه انا مسمعتش اي حاجه ..
لان زي ما للغربه مساوئ ليها محاسن كتير ..منها ااننا مش بنسمع الاشاعات دي..

وبعدين يللا جت سليمه والف سلامه عليه تويت
وحصل خير يا جماعه مره تصيب ومره تخيب تويت
وعلى رأي المثل الكوره اجوان:football:
والف سلامه على الباشا الصغنن:surrender
وربنا يعدي صباحنا على خير :harp: