النجوم في رمضان... رمضان النجوم... و ناريمان ابو الخير

[غــفــران]

النهاردة انتصيت في نواضري و قلت أشوف برنامج اخبار الناس اللي على القناة الأولى... و هالني ما رأيت رععب

اعلانات مجنونة عن مسلسلات ماجنة و ظهور ماجن لممثلة سينمائية مشهورة (ربنا يهديها) لابسة لبس ماجن، و يعرض هذا المسلسل في رمـــضـــان ممممممممم

يعني هي عشان الآنسة المبجلة الممثلة المشهورة سوقها وقف في السينما تقوم تعمل مسلسلات تعمل فيهم اللي كانت بتعمله في السينما؟ لأ و ايه؟ يعرض المسلسل المبجل في رمضان. انا بصراحة مذهولة، و ذهولي ينبع من الانحدار نحو الهاوية اللي رايحله التليفزيون المصري. زمان ايام ما كنت باشوف مسلسلات في رمضان، اولا ما كانش مستوى الظهور في المسلسلات بالانحدار ده، يعني كان فيه في وشهم شوية دم، كما انهم ما كانوش بيجيبوا اي مسلسلات فيها لبس مكشوف او رقص او حاجات من دي في رمضان. اما الآن... فالموضوع مش محتاج لتعليق سنيف

اما عن البرامج فحدث و لا حرج، طبق النجوم... النجوم في رمضان... ابناء النجوم... نجم و كذا... نجوم في عز الظهر... و خد عندك من ده كتير. انا مش فاهمة ايه علاقة رمضان بالنجوم؟ ماحدش يحو

و على الجانب الآخر اسمع النهاردة خبر وفاة المذيعة الشهيرة ناريمان ابو الخير اثر ازمة قلبية، سبحان الله في عز شبابها و تألقها و ظهورها، يختارها الله لتكون رسالة لكل العاملين في ماسبيرو و العاملات لعلهم يفهموها. ناريمان ماتت قبل رمضان ب 10 ايام وااء

اللهم ارحم أمتك ناريمان ابو الخير و اغفر لها و اهد عصاة المسلمين و بلغنا رمضان يا رب.

[ماسة]

ربنا الهادي :صلاة:
الله يرحم المذيعة ناريمان ابو الخير :صلاة:

[stoneTaker]

على الجانب الآخر اسمع النهاردة خبر وفاة المذيعة الشهيرة ناريمان ابو الخير اثر ازمة قلبية، سبحان الله في عز شبابها و تألقها و ظهورها
شبايها هممم هممم انا قريت فى اخبار النهارده ان عمرها 49 سنه شباب فين بقى هييييه
اللهم ارحم أمتك ناريمان ابو الخير و اغفر لها و اهد عصاة المسلمين و بلغنا رمضان يا رب.
آمين يا رب العالمين

[وائل]

وعلى هذا الأساس
يتم رفع التلفزيون من الخدمة
طوال شهر رمضان
إلى الدولاب رأسا

كل سنة بيثبتولى ان هذا الحل هو الأنسب دائما
والله المستعان :)

[غنوة]

ربنا يهدي الجميع يارب
وانا من اول من سيرفع التلفزيون الى الدولاب ان شاء الله هممم
واله يرحمها يارب ويغقر لها ويهدي المسلمين جميعا :صلاة:

[نفرتارى]

ربنا يرحمها 000ماما اصلا لما بتقول لى الخبر انا اتضايقت جدا لاكثر من سبب

الاول انها ماتت فجاه من غير توبه و مكنتش محجبه

الثانى انها ماتت قبل رمضان بايام معدودات فبرضه حرمت منه
اللهم لا تحرمنا منه اللهم بلغنا رمضان

الثالث انى كنت شايفه انها بنت ناس و محترمه ففيه امل منها يعنى على عكس سوس شخلع و كده طبعا اكيد الهدايه من عند الله بس بزعل فعلا عليهم00

بس فعلا ستون معاه حق يا غفرفر شباب ايه بس!! ده انا اوعى عليها من ايام ما يطلبه الاطفال00

ملاحظه لوائل00يا وائل التلفزيون ده حلاله حلال و حرامه حرام00ما فيه برامج دينيه قيمه جدا بنشوفها عليه 00يعنى برامج قناه اقرا00و فيه برنامج الحبيب على الجافرى ع المحور00و فيه برنامج طريق الهدايه على دريم 00و المسلمون يتساءلون ع المحور 00و الرحمن علم القران على القناه الاولى و و و يعنى الواحد بدل ما ينتقى المسلسلات انتقى البرامج الدينيه يا اخى00حتى جاهد نفسك و كله ثواب00

[وائل]

أهلا يا أستاذة نفرتارى

ماعنديش اصلا فضائيات
وكمان مش هاقعد اترقب وانتقى 1% من البرامج التى قد تكون مفيدة

وبعدين انا جربت قبل كده 3 سنوات
جميل قوى قوى رمضان بدون تلفزيون

:)

والواحد يجاهد نفسه بانه بقى يزيد من الطاعات
والله المستعان

وبلاش جر شكل من أولها :)

[hobbo]

ازيك يا غفران وحشانى جداً والله يا بنتى عندك حق فى التلفزيون ده سبحان الله الحاجه الوحيده اللى البلد كلها والتلفزيون بالذات بيستخدموا فيها التقويم الهجرى هو رمضان عشان المسلسلات وسبحان الله الموضوع واضح أوي انهم عايزين يلهوا الناس بس احنا ما كناش فاهمين مع انها باينه اوى الحمد لله الذيى هدانا فعلا
اما بالنسبه لان احنا نعمل ايه فى التلفزيون فى رمضان فانا شايفه ان حتى المباح منه زى برامج التوك شو فبلاش منها فى رمضان لانها تضييع وقت
انت عارفه محفظة القرآن بتاعتنا كانت مرة بتكلمنا على رمضان فقالت لنا مثال غريب اوى انها كانت مره هى و عيليتها فى ديزنى لاند وكانو قاعدين فى موتيل هناك فكانت فى يوم بتصحى عيليتها فكانو عايزين ينامو وما رضيوش يصحو بدرى فقالت لهم احنا قاعدين هنا كام يوم وماشيين ولما نروح ابقو نامو فى البيت براحتكم فقالت لنا احنا المفروض يا جماعه نتعامل مع رمضان بشعور ديزنى لاند يعنى احنا بعد رمضان نبقى ننام ونعمل اللى احنا عايزينه بس حلال طبعا لانه كام يوم وهيخلص ومش عارفين هنروحه تانى ولا لأ والكلام ده ينطبق على أى حاجه فيها تضييع وقت مش التلفزيون بس زى chatting و gamesو التليفون بس البرامج الدينيه اللى بتساعد الواحد على العباده فى رمضان دى طبعا هايله

[العروسة]

يا أخت غنوة
التليفزيون زي مافيه مصايب و كوارث فيهبرامج دينية هائلة
زي برنامج خوطر قرآنية للشيخ عمرو خالد قبل المغرب بثلث ساعة على قناة إقرأ
وبرنامج ليالي رمضان كمان للشيخ عمرو خالد













إلا قولوا لي مين ناريمان أبو الخير
كانت بتقدم إيه؟

[bigera]

واه يابووو هو فى وقت اساسا للمسلسلات ؟؟
مين الكلية للمذاكرة للتروايح للنوم للسحور للكلية وهكذا مافيش وقت غير العصرية كده بتفرج على قصص الانبياء قشطة ياما جميلة موووت

[غــفــران]

الله يرحم المذيعة ناريمان ابو الخير
آمين يا رب العالمين.
شبايها انا قريت فى اخبار النهارده ان عمرها 49 سنه شباب فين بقى
ماشي يا عم ستون انا بأه قريت انها عندها 45 سنة.انا مش قصدي شبابها شبابها، انا أقصد انها يعني مش في مرحلة الشيخوخة، هو يعني عشان تكون شابة لازم يبقى عمرها 20 او 30 سنة؟ و بعدين ابقى فوت غممزة
وعلى هذا الأساس
يتم رفع التلفزيون من الخدمة
طوال شهر رمضان
إلى الدولاب رأسا
و انا معاك 100% انما الكلام ده للي ما عندوش دش، انما اللي عنده دش و عايز يستمتع فعلا ببرامج دينية في رمضان فده في متناول اليد جدا آآلو

[عابدة]

عارفين ساعات بأفتح القهوة وبأبص على المواضيع بس وردودكم وقلبى فرحان بلمتكم من تانى وبأقول ماشاء الله لا قوة إلا بالله ربنا يبارك فيهم غفران ونفرتارى ووائل وستون وكل الحبايب العائدين لكن أنا معاكم إن التلفزيون زى مافيه الوحش فيه لقاءات عمرو خالد وبعض برامج قناة المجد وكمان قناة إقرأ لكن اللى هأيضعف ويبص على المسلسلات وبرامج تضييع الوقت يسمع كلام وائل ويحطه فى الدولاب أحسن ويسمع شرائط عمرو خالد وإذاعة القرآن الكريم كفاية وياريت نفكر بعض دائما إن الهدف مش إننا لا نعصى فى رمضان ولكن أن نغتنم الأوقات يارب بلغنا رمضان ولا تحرمنا من مغفرتك0

[طـــــارق]

حلوة أوى الكلمة دى
الهدف مش إننا لا نعصى فى رمضان ولكن أن نغتنم الأوقات للطاعات يارب بلغنا رمضان ولا تحرمنا من مغفرتك0
ربنا يباركلك يا عابدة

[Nile Hawk]

بسم الله الرحمن الرحيم

على فكرة للعلم فقط يا أخت غفران أن "ناريمان أبو الخير" الله يرحمها و يغفر لها ذنوبها

كانت على ما أتذكر فى أواخر الأربعينات و أوائل الخمسينات

أنا أحد أقاربها من ناحية والدى (و لكن اللقب مختلف)

و لا يجب أن نقحم سيرة الميت فى مواضيعنا فربما يكون الله غفر لها ذنوبها قبل موتها

و لا يجوز على الميت إلا الرحمة

[أم أحمد]

غفران حبيبتي قللب.. تحياتي على طرح الموضوع الجميل: هيه:

أما بالنسبة لموضوع التلفزيونفتحي يا ور

فببساطة المراقبة الذاتية على النفس ومراقبتنا لله قبل أي عمل نقدم عليه هو مما سيعيننا بالتأكيد على توجيه ما سنختاره من الاعلام العربي سواء جيداً أو غير ذلك ( ان صحت تسميته بالإعلام أصلاً في أيامنا هذه قننبلة ) .. وفي النهاية بالتأكيد كما يعرف الجميع المرغوب من بين كل البرامج سواء الغث أو السمين منها هو الذي سيستمر .. كلنا نعرف تلك البرامج التي نجحت فتكررت بنفس الفكرة في عدة محطات عربية أخرى .. وتعليل كثرة هذه البرامج يكون دائماً المشاهدين هم الذين يطلبون ذلك و لا أعمم في هذه النقطة طبعاً.. لكني أعني أن المسؤولية تقع على عاتق المشاهد بالدرجة الأولى ومن ثم المنتجين أو الإدارات المختصة بهذا الأمر ورردة

و الله المستعان

اللهم ارحم أمتك ناريمان ابو الخير و اغفر لها و اهد عصاة المسلمين و بلغنا رمضان يا رب.

آمين

[ساجد لله]

السلام عليكم

وكل عام وانتم بخير .. اللهم أرحم امواتنا وأموات المسلمين آمين

ماعنديش اصلا فضائيات
وكمان مش هاقعد اترقب وانتقى 1% من البرامج التى قد تكون مفيدة

أخي وائل .. طبعا شيئ جميل ان يتفرغ الأنسان تفرغ كامل للعبادات في رمضان ولا يدع مجالا لأي شئ من الممكن ان يلهيه عن طقوسه التى أعتادها وأحيي فيك هذه القدره والهمه العاليه ..

ولكن توجد العديد من البرامج الدينيه الجيده مثل ما ذكرتها نفرتاري وباقي الأخوه والأخوات قد تساعدهم على استلهام روحانيات معينه وتفيدهم في دينهم كثيرا .. انت تقول ماعندكش فضائيات .. طيب حكمت عليهم أزاي ؟؟

صحيح القنوات الأرضيه المصريه لو كانت عندي بمفردها لفعلت مثلك ورفعت التليفزيون فوق الدولاب .. لا وكمان كنت وديته على دولاب الجيران .. ولكن هناك العديد من البرامج الدينيه والتى يستضيفون فيها كثير من علمائنا الأفاضل الذين يتحدثون في مواضيع قيمه يهم كل مسلم ان يعرفها .. الناس محتاجه تعرف( وبالذات الشباب )الكثير الكثير من أمور دينهم فمثلا هناك برنامج أيمانيات للشيج وجدي غنيم .. أدعوك لأن تراه .. أيضا دروس للشيخ خالد الجندي .. علاوه على دروس عمرو خالد والتي ستثري الساحه الأعلاميه خلال الشهر الكريم .. وبالطبع سيكون متابعة هذه البرامج بعد ان ينتهي الصائم من آداء فروضه على الوجه الأكمل وصلاة السنن والتراويح والقيام بكافة العبادات الرمضانيه

وفي نهاية حديثي بالطبع - وكما قالت الأخت بارباروسا -

فببساطة المراقبة الذاتية على النفس ومراقبتنا لله قبل أي عمل نقدم عليه هو مما سيعيننا بالتأكيد على توجيه ما سنختاره من الاعلام العربي سواء جيداً أو غير ذلك ( ان صحت تسميته بالإعلام أصلاً في أيامنا هذه ) .. وفي النهاية بالتأكيد كما يعرف الجميع المرغوب من بين كل البرامج سواء الغث أو السمين منها هو الذي سيستمر

كل منا رقيب على نفسه فأنا لا أعتقد انني سأجلس أمام شاشة التليفزيون في هذا الشهر الفضيل لأتابع مسلسل حتى لو محترم ومافيهوش اللى بتقول عليه غفران ده لأنه تضييع أوقات ثمينه في شئ ليس له فائده
ضميري سيظل يأنبني ..

فالموضوع برضه ببساطه انا مش باتكلم كده عشان أقنعك بالتليفزيون لا والله ولكن لأبين ان من سيرى التليفزيون بالضوابط المفروضه ليستفيد فلا حرج في ذلك وكلٌ يستلهم روحانياته بطريقته التى لا يغضب الله فيها

واعتذر للأطاله وخد دي ورردة

[وائل]

أخى الحبيب
ساجد لله

لأ حكاية الواحد فى المائة
دى خاصة بالأرضيات مش الفضائيات

:)


انت بس فهمتنى غلط
ده كان فى معرض الرد على
أختى الغالية نفرتارى

وهى بتقولى جاهد نفسك وانت بتنتقى من التلفزيون ماهو مفيد

بجد تجربة رمضان بدون تلفزيون جميلة جدا
لمن أراد التجربة

وربنا يوفق الجميع للطاعة
بالتلفزيون أو بدونه :)

وشكرا على الوردة

[غــفــران]

كاتب الرسالة الأصلية : Nile Hawk
و لا يجب أن نقحم سيرة الميت فى مواضيعنا فربما يكون الله غفر لها ذنوبها قبل موتها

و لا يجوز على الميت إلا الرحمة
يا أخي صقر النيل، ما حدش قال كلمة وحشة عن ناريمان الله يرحمها و يغفر لها. و بعدين مين اللي قال انه لا يجب اننا نقحم سيرة الميت في مواضيعنا؟ امال العظة و العبرة تبقى لمين؟ و التذكرة لمين؟ انت مش شايف ان وفاة المذيعة ناريمان فيها في هذا الوقت بالذات و على هذا الوضع ما هو الا رسالة لنا جميعا؟ و ما أدراك ان وفاتها لم تهز ماسبيرو اللي كان ساعة وفاتها يجري على قدم و ساق استعدادا لرمضان؟ أليس هكذا يهتدي الناس؟ بآخذ العظة من الغير؟

انا بس أقصد أقول ان الأمور لا تُأخذ على اطلاقها كده.

بس ورردة

[Nile Hawk]

المذيعة "الله يرحمها" لم تكن بهذا الصغر فى السن الذى يوعظ الكثيرين

بمعنى أن مفيش أنسان بيموت ناقص عمر

و أن الله سبحانه و تعالى كاتب لها كده

و بعدين إليكى بنصيحة و أنا متأكد منها التليفزيون مش حيتغير للأفضل أبداً

الشيئ الوحيد المفيد اللى ممكن يتعمل لمبنى ماسبيرو أنه يتهد و يتبنى من أول و جديد و يكون أذاعة أسلامية


فى أسئلة أختى فى الله غفران طرحتيها على و انا لن أجيب عليها لسبب و هو أن هناك أشياء لا يعرفها الكثير من الناس و أفضل أن تظل فى طى الكتمان.

[مامتكم]

تجربة خاصة ممكن تنفعكم

فى احد الرمضانات قلت الاولاد يشوفو قصص الانيباء شافوها رععب حلو فكررة

وبعدين قالو ياماما بكار : هيه: شافو بكار واه يابووو حلو فكررة

وبعدين رجعو من المدرسة هوبباا ياماما الكل بيتكلم عن زكية زكريا بولييس

شافو زكية حلو-فكررة

--لا مش حلو الكل تكاسل عن التراويح لانها كانت بتيجى فى نفس الوقت بالكررسيبالكررسيبالكررسيبالكررسي

قمت انا ايه طبعا( احنا هنا فى المباح لاحد رقص ولاغنى) انا حسيت بقسوة فى قلبى إسسعاف إسسعاف حتى التراويح اداء واجب

ايه الحل يام جهاد جبت كيس مخدة جديد والله حجم عائلى ولبسته للمخفى اللى اسمه التلفزيون وقضيت احلى رمضان طبعا حصل احتجاج
من العيال واتهام بالتطرف والارهاب بولييس بولييس لكنى صمدت بفضل الله

السنتين اللى فاتو جبنا دش عشان نشوف الاستاذ عمر خالدرععب

اول سنه كنا بنشوفه والاخبار بس بررر

السنه اللى فاتت للاسف وقعنا فى مصيدة فارس بلا حمار الكل قال بيتكلم على الصهاينه ومش عارف ايه وباندم اشد الندم حنا للسيف حنا للسيف

ان شاء الله السنة دى برامج عمر خالد بس كوورة

وبعدين فيه نقطه مهمة وهى ان نتحول الى سميعة وسقيفة: هيه:: هيه:

بمعنى الواحد يقعد طول النهار يتفرج على برامج دينية كويسة وينسى اوراده

مثلا اقعد اسمع محاضرة للقرنى عن فضل قراءة القران ومحاضرة لعمرو خالد وواحدة للجندى واختمها بواحدة شديدة للجفرى واقول اه والله لازم الواحد يفرا وبعدين اتغطى وانام يبقى عملت ايه ولا حاجة صحيح الفرجة مجلس ذكر لكن لو ضيعت الهدف منها تبقى مدخل من مداخل الشيطان

لازم الترشبد وكذلك الانترنت :compu:ممكت طول النهار اعمل فوروورد لرسائل دينية ولم اجد الوقت لاقرا منها واحدة او انفذ ما فيها

طب والحل:rain:rain

الله هو انا لازم اقول كل حاجة حققنة حققنة ماعلينا

الحل اقوم باورادى الاول كاملة وانسق الوقت اللى فاضل لسماع درس واحد وممكن اسجل الباقى اشوفه بعد رمضان اما المباحات فلا وقت لها فى رمضان بالله عليكم كثرة المباح تلهى القلب وتقسيه إسسعاف

معلهش انا رغاية حبتين استحملونى هوبا تيتو

[Nile Hawk]

كاتب الرسالة الأصلية : emas40

ايه الحل يام جهاد جبت كيس مخدة جديد والله حجم عائلى ولبسته للمخفى اللى اسمه التلفزيون وقضيت احلى رمضان طبعا حصل احتجاج
من العيال واتهام بالتطرف والارهاب بولييس بولييس لكنى صمدت بفضل الله

لازم الترشبد وكذلك الانترنت :compu:ممكت طول النهار اعمل فوروورد لرسائل دينية ولم اجد الوقت لاقرا منها واحدة او انفذ ما فيها

طب والحل:rain:rain

الله هو انا لازم اقول كل حاجة حققنة حققنة ماعلينا

الحل اقوم باورادى الاول كاملة وانسق الوقت اللى فاضل لسماع درس واحد وممكن اسجل الباقى اشوفه بعد رمضان اما المباحات فلا وقت لها فى رمضان بالله عليكم كثرة المباح تلهى القلب وتقسيه إسسعاف


هذا أفضل ما يمكن عمله

يا ريت كلنا نعمل كده

[مامتكم]

ممكن دى تفيدكم فى رمضان

http://www.amrkhaled.net/phpadsnew/banners/questions.gif

[وائل]

الأخت الفاضلة
إيماس

جزاكم الله خيرا
على تجربتك

المقاربة لتجربتى
ولا فرق بين كيس المخدة

وبين الدولاب:)

فعلا باحس براحة
لما اشيله خالص وبعيد عن العين
وعن امكانية الاستخدام


على فكرة قصص الانبياء
وبكار

على اسطوانات كمبيوتر
ممكن نجيبهم فى اى وقت
ويتفرجوا عليهم طول السنة مش بس فى رمضان:)