عملية زر عدسة علي العين

[sshy]

حد عندة اي معلومات عن عملية زرع عدسة علي العين لعلاج قصر النظر او عملها او يعرف بتتعمل فين\؟
جزاكم الله خيرافتحي يا ور

[Ban_Za_Hair]

بالنسبة لعلاج حالات قصر النظر جراحيا

حسب درجة قصر النظر

أقل من 8- ===>
1-اكزيمر ليزر Excimer
2-لازيك LASIK بالليزر
من 8- الى 12-
======>الليزك هو أفضل أسلوب
أكثر من 12-
=====> عملية نزع العدسة الطبيعية مع أو بدون زرع عدسة
أو عملية زرع عدسة مع الاحتفاظ بالعدسة الطبيعية

[sshy]

الحقيقة انا ناقص 12
بس الدكتور قاس لي سمك القرنية و قال انه قليل شوية
عين 450
و اخري 500
و قال مينفعش الليزك
لازم اعمل زرع عدسة
قال العدسة اللي بتتزرع خلف العين دي خطر شوية
لكن اللي قدام مضمونة بازن الله
و بعدها ممكن بقي اعمل ليزك لعلاج الاستجماتيزم فقط
ياريت حد يكلمني بصورة تفصيلية عن العملية و اسمها اية بالانجليزي علشان ادور علي معلومات عنها علي النت
و لو حد عملها يبقي خير و بركة يقولي اية الموضوع؟؟!! حققنة
جزاكم الله خيرا كميلة

[Ban_Za_Hair]

العملية إسمها Phakic IOL Implantaion
و العملبة لها تلات أنواع حسب مكان تثبيت العدسة

أ)تثبيت العدسة في الحجرة الأمامية Anterior chamber IOL

1- العدسة تثبت<تحشر> بين القرنية و القزحية Angle-supported lenses

2-العدسة تثبت على سطح القزحية Iris-supported lenses

ب)تثبيت العدسة في الحجرة الخلفية Posterior chamber lenses

العملية تتم بعمل شق صغير جدا في طرف القرنية ثم ضخ سائل خاص ثم ادخال العدسة و تثبيتها <ممكن تحتاج فتحة من الناحية الأخرى للتمكن من تثبيتها > ثم يسحب السائل و تغلق الفتحة

بعد العملية
في الأيام الأولى يفضل ارتداء نظارة واقية أثناء النهار و غطاء للعين أثناء الليل
و الأنتباه أثناء الاستحمام لتجنب دخول المياه للعين

يمنع دعك العين مدى الحياة

يمكن ممارسة الرياضة بعد اسبوعين

يمكن قيادة السيارة بعد يومين

يمكن السباحة بعد شهرين و يمنع الغوص


http://www.emedicine.com/oph/topic668.htm
http://www.eiadeyeclinic.com/Phacoemulsisication.htm

[sshy]

طب هل بتتم بتخدير كلي و لا موضعي؟
و كم تكلفتها في مصر و بتتعمل فين احسن حتت؟؟
بس حضرتك بتقول ممنوع دعك العين مدي الحياة
معرفش انا حاسة انها صعبة الحكاية دي
و دة بيخليني اتسأل هل العملية دي فيها مخاطر او مخاوف من اثار جانبية للعملية بعد مدة طالت او قصرت
و هل بتصلح النظر مية في المية ايا كان؟و الاستجامتيزم مش بتعالجة لازم يتعمل لة ليسك مش كدة؟
انا اسفة لكثرة الاسئلة و جزاك الله كل خير
انا فعلا قلقانة منها
انا كنت خلاص اطمنت لليزك و سمعت انها اسهل شئ و ملهاش اي مخاطر بس دي معرفش مقلقاني شوية
عموما ربنا يخيرني لما فية الخير
:lady2:واه يابووو

[mo7taref7ooda]

والله يا أختى انا عملتها فى عين واحدة حتى الان فى اليمين والنتيجة الحمد لله كويسة لكن انا لسة مكملتش عليها 3 اسابيع حتى الان وطبيا لازم يعدى وقت كافى لاختبار النجاح الكلى وفى اول اسابيع 2 او 3 او شهر كامل بتبقى فى دواير حوالين الانوار والرؤية مش متزنة وكمان ممكن سحابة خفيفة احيانا وده مش علطول ولكن فى اقوات الليل غالبا لكن انتى ممكن تستنى لحد ما يعدى عليا وقت كافى وانا هابلغك ان شاء الله بالنتايج مع دعواتكم جميعا ان شاء الله.

اما عن اماكن عملها ففى القاهرة انصحك بمكانين اولا:
معهد بحوث امراض العيون بجوار مستشفى الرمد بالجيزة بشارع الاهرام وسبب تحيزى له انه مكان حكومى وبياخدوا كل الاحتياطات الواجبة قبل اللعب بالعين بمعنى ادق المادة عندهم مش هيا رقم واحد وده جانب يطمن والدكاترة هناك على مستوى عالى وان كانوا بردو هما نفس الطقم ان صح التعبير اللى فى مغربى لكن مغربى خاصة والمادة لها حسابات اخرى من ناحية انها الاهم ورقم واحد فى المسالة انا مش باتهمم بالتقصير لا سمح الله ولكن دايما الحكومى اضمن طالما العاملين به على مستوى عالى من الكفاءة ولكن ههتواجهك متاعب فى المواعيد بتاعتهم والانتظار وده طابع اى مكان حكومى.
ثانيا:
مغربى وهى غنية عن التعريف بخلاف النقطة اللى اشرت اليها فى الاول فقط يعنى لو ضامنة هناك دكتور ابن حلال اتوكلى على الله وربنا يكرمك يا رب.

اما عن تكلفة العملية فالعدسة الواحدة بالفين ومية جنيه وتكلفة الجراحة الف للعين الا اذا عملتيها على نفقة الدولة فتخصم الالف الخاصة بالجراحة فقط والعدسات كدة كدة على حسابك.
التخدير كلى وبعد العملية بتاخدى قطرا ومضاد حيوى ومرهم لمدة حوالى اسبوع وبعدين بتكملى مع قطرتين بس واحدة لمدة اسبوع تانى والتانية اسبوعين او تلاتة او شهر.

اما عن دعك العين فعادى جدا والغوص عادى والرياضة عادى ولكن كل ده بعد مرور حوالى تلات شهور من العملية او اكثر حسب ارشادات الدكتور ليكى.

باقى ان ادعو لكى بالتوفيق وان تدعوا لنا كل من يقرا بالتوفيق جزاكم الله خيرا

[sshy]

الاخ
mo7taref7ooda

جزاك الله خيرا
و في انتظار المزيد من المتابعه
شفاك الله و عافاك
و شكرا مرة ثانية