افتراءات؟ تهبيل؟ مش عارفة اسميه ايه بصراحة

[غــفــران]

السلام عليكم و رحمة الله و بركاته،

منذ دقائق طلع علينا في برنامج على الهوا من تقديم جمال الشاعر على قناة النيل الثقافية شخص يُدعى احمد عرفه و قد خلع على نفسه لقب باحث في النصوص الدينية و قد ثار نقاش بينه و بين الدكتور اسماعيل الدفتار و كانت افتراءات و ادعاءات المدعو احمد عرفة كالتالي:

1- المقصود بالاسراء هو هجرة رسول الله صلى الله عليه و سلم من مكة الى المدينة بناء على انه ليس هناك ما يثبت ان المسجد الأقصى المقصود به هو المسجد الموجود في فلسطين.

2- بناء على نقطة رقم 1 فان المسجد الموجود في فلسطين و الناس كلها معتقدة ان هو ده المسجد الأٌقصى فان ما فيش حاجة في القرآن تثبت ان هو ده المسجد الأقصى!!!

3- و بناء على النقطتين الفائتتين فإن الرسول صلى الله عليه و سلم قد أُسري به (هاجر) من المسجد الحرام (مكة) الى المسجد الأقصى (مسجد اسعد بن زرارة بالمدينة). و قد استشهد على ذلك ان رسول الله صلى الله عليه و سلم عندما أتى للمدينة حاول الناس الأخذ بخطام الناقة و لكنه قال لهم دعوها فانها مأمورة و قد بركت عند هذا المسجد.

4- بناء على نقطة رقم 3 و على حد قوله فان المسجد الأقصى اللي كل المسلمين هيموتوا نفسهم عشانه مش هو المسجد الأقصى المذكور في القرآن اصلا و لكنه مسجد بناه عبد الملك بن مروان و على هذا فلا داعي لكل الحرب مع اليهود دي و نوصل معاهم لاتفاق احسن (ده كلامه بالنص)

5- رفض هذا المدعو احمد عرفة ان يصلي على رسول الله صلى الله عليه و سلم و لو لمرة واحدة اثناء الحديث مبررا بذلك اننا يجب ان نعلم ما يقوله رسولنا و ننفذه ثم نصلي عليه "مش نازلين طالعين صلى الله عليه و سلم صلى الله عليه و سلم و احنا مش بنفذ كلامه" (ده كلامه) و على هذا فان المذكور كان عندما يذكور النبي صلى الله عليه و سلم كان يقول "محمد" فقط!!!!

و الآن أود ان اسأل، الا من احد يرد على هذه الافتراءات؟ و لماذا الدين اصبح عرضة لكل من هب و دب يشكك في ثوابت بهذه الطريقة؟

[هريدي يابووووي]

و اللي كان مصتضيفه ماكانلوش أي تعليق على الكلام ده؟ هممم

[غــفــران]

جمال الشاعر كان مستنكر طبعا انما فين الرد؟ فين الحجة بالحجة؟ فين ضحد الافتراءت دي و الرد عليها؟

الشيخ الدفتار كان بيحاول يرد انما كان مش عارف يلاحق كلام التاني خالص :أخخخ:

و الناس اللي كانت بتتصل كانت بتهاجمه بغضب و تهاجم اسلوبه و هو بيقول يا جماعة ناقشوا الفكر اللي باقوله و ردوا عليه و ما تضيعوش وقتكوا في مهاجمة اسلوبي.

[hanod]

ماحدش يحوالغلط مش من اللي استضافه اللغلط على اللي خلى الحلقه تتذاع اساسا ممممممممم

[هريدي يابووووي]

والله يا جماعة الرد بسيط جدا :)
حديث الإسراء و المعراج بيقول "بيت المقدس" و أعتقد بيتالمقدس طول عمره في فلسطين مش في المدينة :)
و لما الرسول"ص" حكى عن الرحلة للمشركين ذكروا المدة اللي بتستغرقها القوافل لبيت المقدس و ليس ليثرب :)
يعني الإفتراض أساسا مغلوط.. ده واحد ماشي بنظام خالف تعرف :)

[غــفــران]

يا حاج هريدي يا طيب، ده ما استشهدش بحديث واحد و كل كلامه "هاتلي من القرآن ما يثبت" و بيقول انه ما بياخدش دينه من أشخاص (البخاري و مسلم) و انه بياخده من القرآن!!!!

[هريدي يابووووي]

لأ ده شخص متعالم.. أو نصف عالم. و ده أخطر من الجاهل..
يبقى سيبك منه خالص.. هايروح زي ماراح غيره كتير..
زيه زي طه حسين و ادونيس و سلمان رشدي.. فقاعة و بتنتهي.. و دين الله غالب :)

[غــفــران]

المشكلة بس يا ريس في ضعاف النفوس اللي ممكن يصدقوا كلام زي ده سنيف

و كمان للأسف الدين (الاسلامي طبعا) بأه ساحة مفتوحة لكل من يحاول بلبلة الأفكار تحت اسم "حرية الفكر" و نسيوا ان حرية الفكر و التعبير برضه تشمل الكلام عن نظام الحكم في البلد، و سياسة الدولة في رغيف العيش و الجنيه اللي فقد هيبته تماما و الدولار الفك المفترس و الضحية اللي اسمها المستهلك او بمعنى أدق المستهلَك بفتح اللام عشان الانصاف بس سنيف

كل ده ممنوع الكلام عنه و لا يدخل ضمن حرية الفكر... ده كلام برضه؟ :أخخخ:

[Yahya_Ayash]

:هع:ببساطه يا أخت غفران أنا ممكن أجاوب عن سؤالك اللي فالعنوان..حضرتك ممكن تسميه (تهييس)..منين الراجل بيقول لازم أنفذ كلام الرسول الأول بعدين أصلي عليه..وبعدين ميعجبهوش الأحاديث النبوية؟!..
بالمناسبة..الراجل ده لازم يدخل موسوعة جينيس بصفته أبخل رجل فالعالم..
اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد

[غــفــران]

اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد
صلى الله على محمد صلى الله عليه و سلم

[جهـــJeHaDـــاد]

اه ياني

وجمال بيه الشاعر موش فاهم ان اللي بيتكلم قدامه ده بيعتنق فكر المعتزلة؟

بيستمد الاحكام من القران وينكر السنه

اصلا مين اللي ادي واحد زي ده الاهليه انو يخش في نقاش اسلامي

ال باحث ال
ده باحث عن مكان في مقبره

اللهم صلي علي محمد وعلي ال محمد عليه الصلاة والسلام

[محمود الأزهري]

كاتب الرسالة الأصلية : شهيد الحق
ايه ياجماعة فيه ايه
فيه حاجه اسمها السنة العملية المتواترة
يعنى اثبات أن المسجد الأقصى هو المسجد الذى فى بيت المقدس امره سهل جدا
فتح عمر بن الخطاب للقدس .. ومن بعده خلفاء المسلمين وصلاح الدين الأيوبى .. وكل هذا التاريخ .. وصلاة المسلمين فيه منذ عهد عمر وحتى يومنا هذا .. والحروب التى دارت حوله مع الصليبين والرومان وغيرهم .. وتواتر ذلك عند العالم كله دون منازع .. فلم بدع أحد من اليهود أو النصارى أو غيرهم أن هذا ليس هو المسجد الأقصى ورد ذكره فى القرآن .. فتواترالخبر بأن المسجد الأقصى الذى فى القدس هو المذكور فى القرآن الكريم .. تواتر يتساوى من حيث قوة الإثبات مع تواتر القرآن نفسه


تحياتى
ربنا يجزيك خير يا عم شهيد..
وفى شئ تانى..
لو سيادته كان واعى للى بيقوله ومش مبلبع حاجة .. كفار قريش اعترضوا على رحلته -صلى الله عليه وسلم - لبيت المقدس فى فلسطين مش لمسجد اسعد بن زرارة..
واللى فات سيادته كمان- وده بيأكد إنه فعلا مبلبع حاجة- إن مسجد أسعد بن زرارة مكانش موجود ساعة رحلة الإسراء..
وسيادته إذا كان بيقول ان القرآن هو مصدره .. طيب إيه معنى قول الله جل وعلا ( ليلا) ومقالش ليه فى ثلات أيام لما هو يقصد الهجرة ..؟؟.. وإيه الإعجاز فى كده ؟
وبعدين سيادته واللى زيه مصيرهم مزبلة التاريخ..
ياريت محدش يخاف من الكلام اللى بيقوله الشخص ده .. لأنه ببساطة ( يأبى الله إلا أن يتم نوره).
مش ده اللى هيطفى نور ربنا ولو حمل كل ظلام الدنيا فى قلبه وكلامه..
ربنا يهديه ويهدى كل مبتلى بداء الشهرة وغثارة الشبهات

[بخ...اتبخوا]

لا اله الا الله
ده كدة بينكر سورة من سور القران متسمية باسم الحادث العظيم ده
ويعني ايه ما فيش سنة؟؟؟؟؟؟؟؟؟مش فاهمة

وازاي اصلا يسمحوا لواحد زى دة يقول الكلام دة في تلفزيون دولة اسلامي

ولا مش عارفين يقولوا ان فيه حرية تعبير غير لما ينشروا الافكار الهدامة دي؟؟؟؟؟؟؟؟؟

وحسبي الله ونعم الوكيل

[cizer_shnider]

انا بصراحه اول ماشوفت الموضوع ماحبتش ارد واوجع دماغي بس لما لاقيتكم كلكم بتحرقوا في دمكم صعبتم عليا ن وحبيت اقلكم نصيحه
ياجماعه الناس دي عارفه انكم متاكدين وهما انفسهم متاكدين من صحه الروايه بس هما بيذيعوا حاجه زي دي ليه لان دي كلها اتجاهات امريكيه انها تخلى الاجيال الجديده المسلمه متشككه في دينها فياريت بقا تهدوا كده وماتخلوش ناس زي دي تشككوا وتحرق دمكم ولو جمال الشاعر فيه خير مكنش استضافه ولا هو اصلا من قبل البرنامج مايعرفش اتجاهات الضيف الحقير ده ؟ فكروا كويس وخليكم اذكى منهم وماتخليهومش يضحكوا عليكم ويلعبوا بيكم

[سندريلا اليوم]

انا لله و انا اليه راجعون...

انا بجد دمي دمي فااار قننبلة

اللهم ارحمنا ممن اعداء دينك ..

اللهم ثبتنا و اهدنا و اهدهم يا رب العالمين..

[moe_22]

السلام عليكم

احبتى فى الله اعضاء قهوة كتكوت او الكتاكيت اللفظ دة انا بحبة جدا

اشهد الله على محبتى لكم جميعا فى الله و انا لا اعرف احد منكم

يا اخوانى بالنسبة للموضوع دة هوة فين المشكلة اصلا ؟؟؟؟؟؟؟

المشكلة يا جماعة هى ليست اثبات حادثة الاسراء و اين هو المسجد الاقصى

و لكن المشكلة فى هولاء الناس الذين ظهروا على شاشات الاعلام يفتوا فى دين الله و يضلوا الناس بهذا الفكر المسموم و لكن اين شيوخنا و علمائنا ليردوا على هولاء الجهال

و ليس كتاب هرمجدون عنا ببعيد مما حشر فية من تخيلات و افتراءات لاحد هولاء الجهال

بس كل دة بسبب عوامل كتير نحن لسنا بصدد طرحها و لكن نحن بصدد كيفية التصدى لها

1 - ان لا نعير لهولاء اسماعنا و لا ابصارنا لان الناس دى هدفها جلب الانظار و الاسماع اليها من اجل جنى الاموال بعد كدة يعنى واحد زى الكاتب بتاع هرمجدون كسب من وراء الكتاب بتاعة دة ملايين لية لان الناس اتكلمت كتير عن الكتاب و عن ما بداخل الكتاب شايفين يا جماعة ان احنا ممكن نكون بنروج للفكر دة من غير ما نأخد بالنا لية لاننا اعطينا للموضوع اهمية ليست لة

2-ان يتصدى علمائنا الكرام الازهريين و غير الازهريين لهولاء الجهلة الذين هم ضلوا و للاسف يضلوا الناس لسبب هام جدا و هو الوتر الذى لعب علية هولاء و هو انعدام الثقافة الدينية عند الشعب المصرى او العربى و الثقافة الدينية تختلف كثيرا عن التدين طبعا انتم فاهمين قصدى .


3- ان نتحرى عن من نأخذ العلم و لمن نستمع و للاعلام دور هام جدا و للاسف لقد همشت الدولة دور كبار العلماء و الدعاة و اقفلت الباب امامهم حتى لم يتبقى الا هولاء الجهال يفتوا فى الناس فضلوا و اضلوا.


و الله اسأل ان يعصم امة محمد من الفتن و الضلال

و السلام عليكم

[najjar]

شااكوش
الراجل ده من وجهه نظره السياسيه ووجهه نظر الساسه العرب بيتكلم صح

هو مبيتكلمش دين دى سياسه قال يعنى لما يقول كده هنقوم احنا نفكر في

كلامه ونقول خلاص بقي مفيش داعى نحرر القدس مدام طلعت مش هيه

قال يعنى حضرته شايفنا مش مبطلين جري ورا القدس فجى حضرته يزيد

الطين بله.



نحن على العهد باقون .

[BOBA]

1 - ان لا نعير لهولاء اسماعنا و لا ابصارنا لان الناس دى هدفها جلب الانظار و الاسماع اليها


3- ان نتحرى عن من نأخذ العلم و لمن نستمع و للاعلام دور هام جدا و للاسف لقد همشت الدولة دور كبار العلماء و الدعاة و اقفلت الباب امامهم حتى لم يتبقى الا هولاء الجهال يفتوا فى الناس فضلوا و اضلوا.

فعلا كلامك مضبوط قشطة ياما


يا جماعة انا مش عارفة انتو مضاقين نفسكوا ليه . ده انا اول ما قرأت الموضوع قعدت اضحك . احنا ناقصين بلاوى .:lol: :lol: :lol:


مين ده اصلا علشان يخليكم تناقشوا الكلام العجيب بتاعه !!!!!!

ربنا يصلح حال المسلمين :صلاة::صلاة::صلاة:

[عابدة]

لك حق يا غفران يتحرق دمك واللى أسمه أحمد عرفة ده مسلم ياترى ولا يهودى عموما المشكلة فى أن يستضاف أصلا فى برنامج يشاهده الملايين وسيتحمل من إستضافه الوزر معه فالمشكلة الآن هى أن كل من يهاجم الإسلام أو يتجرأ على الله ورسوله صلى الله عليه وسلم وكتابه أصبحت تفتح لهم القنوات الإعلامية لعرض أفكارهم المنبوذة ولا يتاح لغيرهم الرد عليهم وأنا أذكر هنا مقالة بالبنط العريض فى أحد الجرائد (المفكر الإسلامى حسين أحمد أمين يقول الحجاب ليس فريضة إسلامية ) لا أعرف من جعله مفكر إسلامى لمجرد أن والده هو الأستاذ أحمد أمين صاحب ظهور الإسلام وما كلام إقبال بركة عن الحجاب منا ببعيد لولا أن رد عليها المفتى أحمد الطيب بمقال طويل سفه فيه كلامها وأثبت فرضية الحجاب0

[محمد حبيب]

أهو دول الجهلانيين :) ..

الرسول صلى الله عليه وسلم قال :

تركت فيكم ما إن تمسكتم به فلن تضيعوا بعدي أبداً ., كتاب الله وسنتي ..

أو كما قال

أصدق الرسول "ص" ولا أصدق المدعو أحمد قِرفة ده ؟ :)

وبعدين هو اسمه المسجد الأقصى ليه؟ لأنه كان بعيد عن مكة والمدينة وقتها.. فأقصى الشئ أبعده.. وأدناه أقربه.. يبقى ازاي يكون هو مسجد الرسول وهو فركة كعب من المسجد الحرام (الكعبة) ؟؟


ولكن..


لا حياة لمن تنادي هاااوم

[ماهيله]

السلام عليكم

أيه اللى بيحصل ده يا جماعه؟

فعلآ فى حاجات بالشكل ده
فعلآ فى بنى آدميــــن كده؟
طيب أزاى ما سمعناش أن حد رد :curse: عليهم فى الجرائد ولا فى برنامج أذاعى بيدين كلام المزعوم ده
طيب والعلماء الأزهر فين من الموضوع ده ؟
أزاى مأهدروش دم الرجل ده
لازم يقام عليه الحد شااكوش
دى فوضى يا جماعه


اللى يشكك فى قرآنا بالطريقه دى ......وقول الله تعالى ده أذا كان قرأه أصلا
يظهر أنه نسى معجزات السنه كمان مش بس القرآن
حنقول أيه؟
بس لاء مش لازم نسكت ونتكتم و نكون سلبيين يا سيزر :surrender
الموضوع ماتحطش علشان نسكت ونطنشه لازم يكون فى حل
آخـــــــــــــ يا نارى جمجم :maaat:
حسبى الله ونعم الوكيل

[Nile Hawk]

كاتب الرسالة الأصلية : cizer_shnider
انا بصراحه اول ماشوفت الموضوع ماحبتش ارد واوجع دماغي بس لما لاقيتكم كلكم بتحرقوا في دمكم صعبتم عليا ن وحبيت اقلكم نصيحه
ياجماعه الناس دي عارفه انكم متاكدين وهما انفسهم متاكدين من صحه الروايه بس هما بيذيعوا حاجه زي دي ليه لان دي كلها اتجاهات امريكيه

فعلاً واضح أن المؤامرة وسعت قوى و لازم نوقفها مش لازم منحرقش فى دمنا لأن لو موقفناهمش الجيل الجديد حيطلع مسح أكتر ما هو ماسح

[هوبى العسولة]

كاتب الرسالة الأصلية : بخ...اتبخوا
لا اله الا الله
ده كدة بينكر سورة من سور القران متسمية باسم الحادث العظيم ده
ويعني ايه ما فيش سنة؟؟؟؟؟؟؟؟؟مش فاهمة

وازاي اصلا يسمحوا لواحد زى دة يقول الكلام دة في تلفزيون دولة اسلامي

ولا مش عارفين يقولوا ان فيه حرية تعبير غير لما ينشروا الافكار الهدامة دي؟؟؟؟؟؟؟؟؟

وحسبي الله ونعم الوكيل
والهى يا اختى معاكى حق
اية الكلام الفاضى دة
علية افضل الصلاة والسلام
بصراحة يا جماعة من وانا صغيرة اتعلمت ان اول ما اسمع محمد رسول الله
اقول بدون ادنى تفكير علية افضل الصلاة والسلام لنبينا حبيبنا محمد علية الصلاة والسلام شفيعنا وكان بابا بيقولى لما انت بتصلى على النبى هو بيقوم يرد عليكى
انا ببكى دلوقتى من اثر الكلمة فى نفسى ازاى ناس زى دى تخش تخرب عقول شبابنا وانا اقصد السباب اللى لسة مش عرفوا طريق الصلاح ازاى هما يعملوا كدة لو جمال الشاعر بيستضيف الناس دى البرنامج دة يتلغى افضل

[أبو معاذ]

هو مش عايز دليل من القرءان يقول ان كلامه ده غلط؟؟؟



طيب



بسم الله الرحمن الرحيم

لا تتخذوا اليهود والنصارى اولياء من دون الله بعضهم اولياء بعض

صدق الله العظيم



بس خلاص
يبقي لا نحل المشكله مع اليهود ولا كلام من ده
سواء في اقصى او مفيش(من وجهه نظره يعني)