البنات دايماً غلابة [الأرشيف]

Simple Girl

08-03-2002, 03:35 PM

عايزين يا بنات الموضوع ده يتملي بمميزات البنات وعيوب الولاد ، كل واحدة عايزينها تساهم ان شاء الله بجملة واحدة، وأنا هأبتدي:

أنا عندما أكذب أعرف أني كاذبة لكن الرجل لا يعرف فهذه طبيعته.
ذاكرتي قوية ولا أنسي أبدا فأقوي ما في المرأة وأضعف ما في الرجل: الذاكرة.
حبي لا نهاية له فحب الرجل سطر وحب المرأة صفحات.
أنا مخلصة بطبيعتي لكن الرجل عندما لا يجد فرصة للخيانة يصبح مخلصا.
المرأة تحتاج إلى رجل واحد لكي تفهم كل الرجال والرجل يحتاج إلى الف امرأة لكي يفهم واحدة.
هكذا هم الرجال
الرجال صعب إرضائهم :
إذا تجادلتي معه قال عنك عنيدة وإذا جلستي صامته قال انك غبية.
إذا لم تحبيه يحاول أن يمتلكك وإذا أحببتيه سوف يتركك.
إذا أخبرتيه عن مشاكلك قال عنك مزعجه وإذا لم تخبريه يقول انك لا تثقين به.
إذا لم تفي بوعدك فأنتي مراوغة أما إذا أخلف هو وعده فحجته دائما أنه كان مضطرا لذلك.
إذا نجحتي في عملك يقول أنه الحظ وإذا نجح هو فيقول أن السبب ذكاؤه.
إذا جرحتيه فأنتي قاسية وإذا جرحك هو فأنتي حساسة جدا.

طبعاً كل البنات موافقني :wub: طيب مستنية مشاركاتكم

teto2002

08-03-2002, 03:56 PM

عفوا يا انسه كلامك كله غلط
و 10000000000000غلط
لانه معروف ان نسبه ذكاء المراه اقل من نسبه ذكاء الرجل
فطبيعي ان انك تفهمي الرجال غلط
باختصار البنات فيهم شوية غباء :D :D :D :D :D
وشكرا

Simple Girl

08-03-2002, 04:12 PM

طيب لما الولاد أذكية كده، ايه اللي دخلك موضوع مكتوب عليه ممنوع دخول الجنس الخشن، وإلا انتم استعملتوا كريم نيفيا الجديد :D :D :D

kimo9119

08-03-2002, 05:48 PM

الانسة Simple Girl
كلامك غلط x غلط
1 - الكدب من طبيعة االبنات
2 - اقوى شيئ فى الرجل ذاكرته بدليل اننا الى مسكين البلد اما انتو فعبارة عن صفر على الشمال
3 - الراجل بيحب كتير علشان قلبة يسع من الحبايب الف والفان اما انتو فواحد كفاية وتحمدو ربنا علية
4 - الخيانة الخيانة انتى مبتتفرجيش على برنامج خلف الاصوار (الخيانة = المراءة )
5 - المرأة تحتاج إلى رجل واحد لكي تفهم كل الرجال دا دليل على ان الرجال :h2: ابيض زي الورد
اما بخصوص ان الرجل يحتاج إلى الف امرأة لكي يفهم واحدة هذا كلام غلط احنا يا معشر الرجال (حد يرض على السؤال ده علشان خطري)
6 - الرجال صعب إرضائهم (كما قال teto2002)
سلام
على العموم انا هقولك حاجة الرجالة احلى من الستات فى كل حاجة فى الشغل و الحب وووووووو
كل حاجة :P :P :P :P :P :P :P :P :P :P :P :P :P :P

الست شربات

08-03-2002, 06:13 PM

كلامك مظبووووووووووووووووووووط 30000 فى الميه يا
simpl girl
وعنوان الموضوع يسد عين الشمس يا شبااااااااااب :P :P

قلنا للبنات وبس :angry: :angry:

قولى قولى واطربينى يا simpl girl
:tu: :tu:

Simple Girl

08-03-2002, 06:16 PM

أنا مش عارفة يا ربي هو مش أنا كاتبة للبنات فقط، انتوا فين يا بنات سايبيني لوحدي :unsure:
يا سي كيمو كلامي صح الصح
1 - الكدب من طبيعة الرجالة
- مين اللي بيكدب ويقول للبنت انت حياتي ويكمل اليوم مع واحدة تانية.
- مين اللي بيكدب على مراته لما بيخونها ويقولها عندي سفرية كام يوم وهو مع واحدة تانية في الغردقة.
2 - اقوى شيئ فى الرجل ذاكرته (معاك) بس في حاجة وحده بس انه يقول (أنا جدع) ويفضل فاكر الجملة دي ،أما حكاية مسكين البلد دي فأنا معاك بس لسبب لأن الستات حنينين وعاطفيين فلو واحدة مسكت الحكم وجوزها خانها هتعمل مجزرة في البلد وهتعدم كل الرجالة. :skul: :skul:
3 - وأديك اعترفت بنفسك ان الراجل بيحب كتير وقلبه يسع م الحبايب ألف وألفين يعني (مبصبصاتي- خاين- فاضي - جشع - مغرور- لا يؤتمن)، واحنا فعلاً واحد كفاية علينا لأن لينا قلب واحد بس وماشيين مع الطبيعة البشرية اللي ربنا خلقنا بيها (فيه اعتراض؟؟) B)
4 - أما حكاية خلف الأسوار دي فمش من طبيعة البنت انها تتفرج على البرامج اللي مليانة اجرام ودم، لكن لو حتتكلم عن الخيانة اتفرج على برنامج "بين الناس"
5 - المرأة بتحتاج لراجل واحد عشان تفهم كل الرجال لأن الراجل بطبيعته تفكيره سطحي وبيقلد أي نموذج لأي راجل قدامه فبقوا كلهم دماغ واحدة .
اما بخصوص ان الرجل يحتاج إلى الف امرأة لكي يفهم واحدة فده عشان كل امرأة ليها شخصية متفردة لا يمكن الواحد يلاقي واحدة زاي التانية (وده يمكن السبب الرئيسي اللي بيخللي الرجالة يدوروا دايماً على واحدة تانية تغيير شخصبات يعني)
6 - الرجال صعب إرضائهم أنا معاك انت وتوتو في الحكاية دي لأن الرجالة مش بييجوا بالطرق المباشرة لازم بضحك عليهم (أول ما واحدة تقوله ده انت اللي لية في الدنيا من غيرك أنا ولا حاجة سامحني) يسامحها علطول بس يرسم شوية تقل مش لايقين عليه. بس زاي ما قلت بطريقة غير مباشرة.
سلام
على العموم انا هقولك حاجة البنات احلى من الستات فى كل حاجة فى الشغل (مابيتطلعلهمش صوت بيعملوا في صمت) و الحب (ما فيش أحن منهم) وبس :wub:
كفاية عليكوا كده اعملولكم بقى موضوع خاص بيكم :D

الست شربات

08-03-2002, 06:23 PM

غلوش غلوش :o :o تا تا تا تا ....

"غلطة مطبعية فى السطر قبل الاخير هتضيعنا ياsimple :hehe: :hehe: يا رب ما حد ياخد باله من الاعداء...

وتانى بقولك ان كلامك مظبوط خالص جدا للابد :tu: :tu: :tu:

Simple Girl

08-03-2002, 06:41 PM

ميرسي يا ست شربات ع المساندة وعملت بنصيحتك وعدلت السطر اياه :ph34r:
حلو كده :blush:
أمال فين البنات راحوا فين؟؟؟؟؟؟ :unsure:

nmnm

08-03-2002, 07:03 PM

يا عسل ياورد ياقمر ياكل حاجة خدى خدى :f: :f: :f: :f: :f: :f: :present: :present: :present: :roses: :roses: :roses: :roses: :roses: :roses: :roses: :roses: :tulip: :tulip: :tulip: :tulip:
اه الكلام العسل ده يابنتى كلام صح 100%

:lol: :lol: :lol: :lol: وكشفناكم :ph34r: :ph34r: مستخبيين من عمايلكم

طيب طيب :spank: :spank: :spank: :spank: :kiss2:

قمر

08-03-2002, 08:12 PM

ايوة مين بينادي على البنات؟؟؟
انا بنات..
اه!!
بالمناسبة الكلام دة فيه بعض الاعتداءات على الرجال!!
ماهو اصل همة كمان بشر..
و كمان ماعتقدش انهم اذكى من البنات!!
عندي اسبابي الخاصة!!
قمر

MR.NICE GUY

08-03-2002, 09:44 PM

يا جماعة حرام عليكوا تضيعوا وقتكم فى معركة ملهاش لزوم00000المفروض اننا -صبيان و بنات -نستغل مساحة الحوار المتاحة لنا علشان نفهم و نعرف أكتر عن بعض0000و الحكاية مش حرب000وياريت يا بنات تقولوا لنا ايه اللى بيعجبكم و ايه اللى بتكرهوه فينا واحنا كمان حنقول لكم0000مش أحسن برضه من اننا نشتم بعض؟؟؟؟؟0000و لا ايه رأيك يا simple girl???

ليل

08-04-2002, 01:20 AM

يا جماعة الموضوع ميتخدش كدة خالص
ربنا خلقنا جميعا بشر و مظلمش نوع على حساب نوع . كل نوع فيه الكويس و فيه الوحش , فيه الغبي و فيه الذكي
مافيش نوع بالكامل شياطين و نوع بالكامل ملائكة
في سيدات أذكياء و متفوقات و في مراكز عليا في البلاد و في سيدات مش كدة
و نفس الشئ بالنسبة للرجال في رجال أذكياء و متفوقين و في مراكز عليا و رجال مش كدة
ده شئ بيرجع للشخص نفسه .
و حتى على مستوى الشخص نفسه كل واحد فينا في مميزات و عيوب و ده شئ ملوش علاقة ده رجل و لا مرأة . في رجال خونه و في سيدات خائنات و في رجال مخلصين و في سيدات مخلصات .
و بعدين يا جماعة نفتكر كلنا أن أنثى= ماما الى حملتني و ربتني و سهرت على راحتيو ذكرها ربي في القرآن.
= أختي الى بخاف عليها
= بنتي الى بحبها
= زميلتي و و و و و و و و و و
و ذكر = بابا الى رباني و بيحبني
= أخويا الى بيخاف عليا
=أبني الى بعتمد عليه
= زميلي و و و و و و و و
كل نوع فيه نماذج سيئة بس غلط أننا نحكم على نوع بالكامل بسبب شخص أو أتنين أو حتى ألف لأن لسه في ألوف و ملايين تانيين مش معني وجود مائة رجل أو مرأة خائن أو خائنة أو كل الرجال أو النساء في الأرض خونة.
حاجة أخيرة عييييييييببببببببببببب جدا جدا جدا يا teto2002 أنك تستخدم شتائم في كلامك
simple girl عرضت رأيها و وجهه نظرها بتحضر و رقي و مش معنى أن كلامها مش متفق مع كلامك أنك تستخدم كلمة زي (غباء) عيب . ناقشها بالحجة و مش بطول اللسان .... ده مثلا مثال للرجل الى بيهاجم بالشتائم و مش بالمناقشة الموضوعية و الحجة ده طبعا مش معناة أن كل الرجال كدة
فمثلا برضة mr nice guy قال كلام في منتهى الجمال كلام موضوعي راقي جدا .. شكرا ليك
أنتم ايه رأيكم يا جماعة

za3amboty

08-04-2002, 06:33 AM

البنات وحشييييييييييييييييين

نورا

08-04-2002, 06:49 AM

قال يعني الشباب هم اللطاف بعدين يا جماعة مسألة الذكاء هي شيء معروف عن البنات حتى أنو بالقران موجودة (إن كيدهن عظيم)
فلا تحاولو يا شباب تسوقوا فيها الموضوع مو محتاج مناقشة البنات :
أذكى ألطف أجمل أرق ...
يا خشنين
على كل لا تزعلو حطو ششششششششششوية نيفيا بركي بتطروا شوي هه :D :D

kimo9119

08-04-2002, 07:09 PM

يا جماعة اسمعو هذا الكلام كويس
الرجالة والستاتا ميستغنوش عن بعض :wub: واحنا فى الاخر صحاب منتدى واحد
وكفا الله المؤمنين شر القتال
سلام

sokara2010

08-05-2002, 05:55 AM

بصى يا Simple Girl مش كل الرجالة فيهم الصفات اللى بتقولى عليها فى البعض منهم بس

مش شرط ان انتى شوفتى واحد او اتنين بالصفات دى يبقى كل الرجالة كدة وعمر ما الرجال يعرف يستغنى عن الست ولا الست تقدر تستغنى عن الراجل

دة حتى ربنا قال فى كتابة العزيز :- وخلقنا من انفسكم ازواجا تسكنو اليها

واللى شايف فى كلامى حاجة غلط من البنات او الولاد يقول راية بكل صراحة

وكمان يا Simple Girl فى بعض البنات عايزين الحرق مش معنى كدة انا بقول البنات وحشين والرجالة هما اللى حلوين على الرغم من انى بنت بس اعرف افكر اذا كان اللى قدامى كويس ولا فية الصفات اللى انت بتقوليها اذا كان ولد او بنت ولا اية يا جماعة اظن ان كلامى لحد دلوقتى مظبوط

Simple Girl

08-05-2002, 12:51 PM

يا جماعة هدوا شوية انتوا قلبتوها حرب :unsure:
أنا فتحت الموضوع ده بحيث نذكر محاسن البنات وعيوب الرجال مش معنى كده ان كل البنات حلوين وكل الولاد وحشين :blush:
وأنا مع MR.NICE GUY في كلامه.
لكن ده ما يمنعش ان الرجالة خاينين، أنا مش متعقدة بس تقدروا تقولوا اني شفت علاقات كتيرة لأصحاب وقرايب كتيرة انتهت عشان خيانة الراجل، يمكن عشان البنت سحرها قوي :wub: أو يمكن عشان هو ضعيف أمام وسوسة الشيطان :blink: مش عارفة!!!
بس عشان ماحدش يزعل أنا هأتكلم مرة عن الرجالة الوحشة ومرة عن البنات الوحشة ، نبتدي بالرجالة عشان هم "قوامون" :D
هأكلمكم على صفات الرجل وازاي تعرفي صفاته من حركاته:
إللي يدخن سيجاره بعد الأكل ..... راجل بتاع مزاج
إللي تزمرله بعربيتك في شارع عام و مايمشيش ....... أناني
إللي كل كلامه عن البنات ...... انسان فاضي ماوراهوش حاجة يعملها
إللي يتكلم بنعومه مع إبتسامه بناتيه ...... لاتعليق
إللي يموت و يتعرف على واحده و ما يلاقيش ... منحوووووس
إللي يروح بلاد الخليج علشان الروسيات ..... صايع
إللي تسيبه حبيبته علشان واحد ثاني ..... مغفل
إللي كل يوم بيتمشى في شارع الهرم.... غاوي مراقص
إللي يغازل واحده محجبة ..... وقح
إللي غاوي قعدات على البحر ..... شاعري
إللي كل شوية يفرك في بقه.... متوتر
إللي يقعد يدخن بشراهة ...... مواعد له واحده
إللي يصدق حب صديقته ...... أبله
إللي يهدي حبيبته ورده ....... كله ذوق
إللي يقول لصديقته أحبك ..... إستغلالي
إللي ماياخذ كلامي بحسن نيه... غلطان
إللي يشوف نفسه حلو ..... واثق
إللي يقولك عند الكاشير بعد العشا أنا رايح الحمام .... مفلس
اللي يواعد واحدة في مكان عام ... مغامر
إللي كل ماتكح يبحلقلك... مبااااااااااحث.
أللي يشرب مية..... عطشان
إللي كتبت كل ده ..... فاضية
اللي قرا كل ده .... ما وراهوش حاجة
بس يا جماعة دول بقى الرجالة المرة الجاية هأكلمكم عن البنات الوحشين عشان ماحدش يزعل مني :wub:

kimo9119

08-05-2002, 02:09 PM

صباح الخير على الاصدقاء
اولاً انا بحي الصديقة sokara2010 على مخها الكبير وفهما الموضوع وكلامها الصريح فى هذا الموضوع وعدم تحيزها الى طرف من الاطراف زي الصديقة Simple Girl الى فى اول الامر شنت حرب على الرجالة زي حرب USA على الارهاب
ونرجع تاني للانسة Simple Girl وكلامها الى زي ............
1 - الراجل الى بيدخن سيجارة مش راجل بتاع وزاج دا راجل علية ضغط من وحدة ست وبيخرج الضغط بتاعة فى السيجارة
2 - واحد راجل تعبان من الشغل طول اليوم علشلن الهانم الى فى البيت يريحها ويصرف عليها ماشي فى الشارع مش حاسس بالعالم الى حوالية وتعبان من الشغل يبقى لما تزمرله بعربيتك يبقى اناني (عايز حد يقولى فين الانانية الى فى الموضوع ده اى عايز يمتلك الشارع)
3 - إللي كل كلامه عن البنات دا انسان بينقض شكل وافعال البنات مش انسان فاض
4 - الى بيتكلم بنعومة انا فاهم قصدك لكن بردة فى ستات بيكلمو زي الرجالة صح ولا غلط
5 - إللي يروح بلاد الخليج علشان الروسيات دا مش صايع دا اهبل وعبيط مهم موجدين فى سيناء وشرم الشيخ
6 - ههههههههه إللي تسيبه حبيبته علشان واحد ثاني دى تبقى انسانة خاينة خاينة خاينة صح ولا غلط اعترفى
7 - إللي كل يوم بيتمشى في شارع الهرم دا راجل رياض ومحب للاهرمات وابو الهول
8 - انا معاكي ان الى يعاكس واحد وحجبة دا انسان مش وقح وبس دا يستاهل القتل انا معاكي ليكي نقطة
9 - إللي غاوي قعدات على البحر دا انسان فعلاً شاعري كلامك كويس
10 - التوتر موجود فى كل البشر فى الرجالة والستات
11 - الى يقعد يدخن بشراهه دا انسان عمال بيعد انفاسة نفس طالع ونفس نازل
12 - إللي يصدق حب صديقته (حب اى الى جاية تقولى عليه )
13 - إللي يهدي حبيبته ورده كله ذوق ( كلامك صح الصح ومليون صح هو دا الكلام )
14 - إللي يقول لصديقته أحبك إستغلالي ( اما نستغل مين مش ممكن نستغل بعضنا )
وعجبي ........سلام

medooooooo

08-05-2002, 02:12 PM

عندك حق............................ يا بنتى ده البنات اجمل الكائنات. :wub: :wub: :wub: :wub:

Simple Girl

08-05-2002, 05:18 PM

يا جماعة انتوا قلبتوها حرب :blink:
يا kimo9119 يا سيدي أنا قلت في آخر كلامي إللي ماياخذ كلامي بحسن نيه... غلطان
وكمان أنا قلت اني هأتكلم عن البنات زاي ما هأتكلم عن الولاد، فأنا هأضطر أبتدي أتكلم عن البنات ( بس مش عايزة البنات كمان يزعلوا مش ناقصة :D )
والنهاردة هأتكلم عن أنواع الحب عند البنات:

حب ( أبو يوم ) : يعني ايه؟ أنا أقولك ..
تتعرف عليك لمدة يوم واحد بس بعدها ولا تسأل عن (( سحنتك)) !! :D

حب (أبو أسبوع) : نفس النظام لكن المدة هنا تختلف !!
والنوع ده ممكن لو شافك في مكان عام يبصلك بنص عين ! :ph34r:

(حب الزهق ) : يعني ايه ؟؟ البنت تلاقي نفسها زهقانة
تقوم تقولك (( أنا حاسه ان فيه شيء جديد في حياتي))
الصراحه يا (( 000 )) أنا بحبك و يكون لا حب و لا يحزنون :(

حب ( مصالح ) : وطبعاً ده مفهوم يعني عندك BMW .. LANSER.. TOYOTA.. آخر موديل .. يعني البنت تمشي معاك حلاوة وماتنساش يكون معاك (( كاش)) في جيبك لزوم الفسح والكافي شوبس و ده يعتبر أحط الأنواع!! :angry:

حب ( العمر كله ) : يعني الحب الحقيقي الطاهر اللي نهايته زواج ... (( خيال؟؟؟))
مين عارف يمكن دي اللي تقع تحت ايدك وساعتها تبقى أمك داعيالك :lolo:

حب (( نص عمر)) : بالبلدي كده ! تكونو نازلين في بعض حب و دلع وتضحيه و في الاخر ما تقدرش تتزوجها ... ظروف بقى و لكل شخص ظروفه !! ( ويمكن ده هو الحب الشائع اليومين دول نظراً لظروف البلد الاقتصادية.. وربنا ع الحرامية :(

حب ( صداقة) : ازاي؟!! يعني تقولك البنت انا بحبك .. بس احنا أصدقاء (دول بقى الصنف اللي يجيب الضغط) الولد يفرح ويزأطط على أمل انها فعلاً بتحبه ووقت الارتباط تقوله "أنا مش قلتلك احنا أصدقاء وبس" :blink:

حب ( مالوش لازمة) : مفهوم مش محتاج تعليق !! :D

حب (فضى) : البنت تبقى فاضيه ما وراهاش لا شغلة ولا مشغله
تتعرف عليك وتقولك بحبك و تعيش نفسها في حب إسمه ((وهم))

حب ( مظاهر ) : وده بيبقى مع ناس معينة لاللي عندهم سكسوكه.. شعر يروح يمين شمال .. عيون عسليه .. جسم (( عضلات)) و وعنده موبايل آخر موديل .. حاجة كده يتباهوا بيها ده غير حب المصالح طبعاً :unsure:

حب ( توريطه ) : يعني بعد ما تطفش منها .. تتصل على البيت و تقول لأمك أو أبوك والله لموا ابنكم و تعملك مشااااكل مع اهلك !! وتبقى فضيحتك بجلاجل :lolo:

حب ( إستبن )=(إحتياط) : وده بيسموه حب تحطيم المشاعر!! عارف كيف؟
تتعرف عليك و تكون تعرف واحد قبلك ما تديلكش وش ..

و لما يروح اللي قبلك (( تديك الوش الناعم)) و لما تتعرف على غيرك ترجع ماتديلكش وش تاني.. وهلم جرة .. حب يفقع القلب :crazyy:

(حب طرف واحد) : الحب ده اذا كان صادق .. بيبقىأصعب حب على رأي خالد عجاج .. وتكون انت ميت ع البنت و هي ولا الهوا .. :(

حب ( تلي نت) : وده المنتشر اليومين دول، يعني تكون بتحبها وانت ولا شايفها ولا حاجة، وممكن تكون عارفة واحد تاني وانت متقرطس وفي الضباب :ph34r:

حب ( غلط) : وده طبعاً عارفينه... بلاش أفسر.. عيب :blush:

حب ( قلابي ) : يعني لما تطفش منك و تزهأ تقلب عليك و تتعرف على غيرك!!
بس قبل ما تمشي تعملك فيلم هندي خطير!!!!
تقولك مثلاً أنا بطلت أكلم ولاد حرااااام
أو بابا شافني ومنعني من الخروج والكلام في التليفون
و اتمنى انك ما تنسانيش وشوية تحابيش ( يعني السم في العسل) زاي ما بيقولوا ^_^

كفاية عليكوا كده ولو حد من الولاد عنده نوع تاني، يتحفنا بيه
وبلاش زعل صافي يا لبن :blush:

safty factor

08-05-2002, 05:42 PM

حب زى حب افلام الرعب :sniff:
بيبقى خطييييييييييييييييييييييييييييييييييييييير :cry:
أسال مجرب اللى عايزنى احكيله يبعت رساله خاصه ^_^

مصطفى

08-06-2002, 09:29 AM

ياة دا انتوا دماغكم فاضية اوي
عموما يا بنات سهلة اوي فعلا الرجالة وحشين جدا جدا
انا لو منكم ماليش دعة بيهم خالص و مش هكلم حد فيهم و لا هتجوز منهم
تقدروا و بكل بساطة تستغنوا عنهم خالص

Knight

08-06-2002, 11:43 AM

بقى ده الموضوع اللى كان ممنوع على الولاد دخوله ؟

طب أنا دخلت أهوه

لقيت قمة التحيز والعنصرية

ازاى تقارنى بين مميزات البنات وعيوب الولاد ؟ فين وجه المقارنة ؟

هطل ده ولا تسموه ايه ؟ (الناضورجية يمتنعون لحد ما أخلص كلامى)

ازاى تقلوى الرجال خاينين ؟ عشان انتى شفتى منهم كده ؟ شفتى ايه انتى فى الحياة ؟ خبرتك كام سنة وشفتى فيهم علاقات قد ايه ؟ حاولتى تحللى اللى بتشوفيه ولا اكتفيتى بالفرجة والسمع ؟

وكنتى عايزة تمنعى دخول الولاد عشان محدش منهم يرد ؟

الموضوع مايستاهلهش انى أكمل كلام .. كده كفاية عليكو قوى .

medooooooo

08-06-2002, 12:26 PM

فيه ايه يا ابنى هى خناقة............................ :blush: :blush: :blush: :blush:

Simple Girl

08-07-2002, 12:52 PM

على رأي medoooo يا عم knight
هو احنا داخلين خناقة؟؟ على العموم احنا ماطلبناش من الرجالة ترد ومادام فيه هنا ديمقراطية يبقى نقول اللي احنا عايزينه من وجهة نظرنا مادام مابيخصش شخصك، احنا بنتكلم عن الرجالة الوحشين، هو انت منهم؟؟؟ طب محموق ليه؟؟ :D

سيدالحب

08-07-2002, 02:05 PM

من القال ان البنات غلا به دهم الينصبو اكثر من الرجال هم الي يفرو راس الرجال ائل جنس ناعم
انا مثلا اعتبر المرئه خدامه وادا اتكلمت اجيبها كف على وجهها مين يو اقني في الراي وكلامك غلاط
%%%%% جنس ناعم ينضف جزامات الرجال وانا سيد الحب اتحدا اي واحد يقول غير دللك
وانا اتحمل مسئوليه هدا الكلام اي اعتر اظ
الجنس الناعم كداء :shoe: :shoe: :shoe: :shoe: :shoe: :shoe: :shoe: :shoe: :shoe: :woot: :woot: :woot: :woot: :woot: :woot: :woot:

Simple Girl

08-07-2002, 02:22 PM

أعتقد ان فيه ذوق في الكلام أحسن من كده وفيه آداب للحديث، فيه معارضة بس من غير تجريح وشتائم ، أرجو من سيد الحب انه يراجع اللي كتبه، لأن كده عيب :(

سيدالحب

08-07-2002, 02:48 PM

اسف اد كان الكلام يجر اح البنات بس هدا الصحيح :woot: :woot: :woot: :woot: :woot:

ni3na3a

08-07-2002, 03:05 PM

هي ايه الحكايه؟؟؟؟؟
ولا تزعلو
والرجالة جدعان وحلوين بس غلسين ووحشين خالص
و انت سا ياسي سيد الحب حاسب على كلامك :angry: :angry:
هو انت ترضى زوج اختك يعمل كده مع اختك حببتك؟ :shoe: :shoe:
ولا ده كلام وبس واذا كان كلام فحاسب على كلامك
كان من الاولى بيك انك تعمل زي الرجالة اللي جاوبو قبلك
وتحاول تقنعنا بالغلط لو كنا غلطانين
مش تخليها ظلمة وبدل منغير راينا
نتمسك بيه
ومفيناش من زعل احنا كلنا هنا اخوان واخوات
ومافيش حد احسن من حد
ست ولا راجل كلو محصل بعضو

contact

08-07-2002, 03:20 PM

هو فية اية لكل دة

انا شيفاكم بتتخانقو قوى

والله انا اعتقد اننا كلنا بنى ادمين
يمكن بنا فروق ( بين الراجل والمرأة) ودة لحكمة الخالق

لكن فى النهاية لكل منا اخطائة وحسناتة

sokara2010

08-07-2002, 10:56 PM

انا مش شايفة داعى لكل الكلام دة حول الموضوع

لان كل فرد لية وجهة نظر متعارضة مع الاخر ولو روحنا ولا جينا الرجالة رجالة والستات ستات وكل واحد مش هيغير نظرتة للجنس التانى

محبط جدا

08-07-2002, 11:05 PM

تصدقى بالله .............

قولى امنت بالله ..................

قولتى ..........

انتى بجد حتة سكرة .......... اه والله

sokara2010

08-09-2002, 03:58 AM

شكرا يا محبط جدا اخجلتم تواضعى :wub:

انا مش شايفة ان انا قلت حاجة غريبة الكلام دة هو الصح

MR.NICE GUY

08-10-2002, 05:19 AM

السلام عليكم 00000احب أولا أشكر(ٍsokarah2010)و(ليل) لأنهم قالوا كلام فى منتهى الجمال والنضج000
لى تعليق على كلام simple girl عن أنواع الحب عند البنات-على حد تعبيرها-00:أنا رأيى ان الحب حاجة من اتنين:
اما حب أو لا حب00 الحب مافيهوش أنواع ولا مقاسات000مفيش حاجة اسمها حب يوم وحب أسبوع أو
حب استبن و حب توريطه0000دى تبقى كارثةلو كل البنات بيفكروا بالطريقة دى0000000000

Simple Girl

08-10-2002, 12:51 PM

أنا معاك يا MR.NICE GUY في ان يا اما فيه حب يا اما مافيش لكن احنا هنا بناخد الموضوع بطريقة لذيذة ، يعني أكيد أنواع الحب دب مش بتعتبر حب بالنسبة للبنت لكن أكيد بالنسبة للرجل ، وأنا هنا بأبين بعض أفكار البنات الوحشين عشان الولاد ياخدوا بالهم لأحسن يفتكروه حب، وبرده اديت بعض الملاحظات على الرجالة (الوحشين بس) عشان برده البنات تاخد بالها من التصرفات.
احنا مش بنقول دول كلهم وحشين ولا دول كلهم حلوين ، كل جنس فيه الوحش والحلو، ولو الاتنين كانوا وحشين ماكانش بقى فيه جنة من أصله.
لكن احنا هنا بنركز على الوحش لأننا كلنا عارفين الحلو ونقدر نعرفه، لكن الوحش دايماً بننخدع فيه :blush:
تحياتي

sokara2010

08-13-2002, 04:20 AM

هو فعلا يا Simple Girl الكلام اللى انت قولتية صصح بس انت فى الاول كان الهجوم اكتر على الرجالة المفروض كنتى وضحتى عيوب الطرفين فى موضوع واحد

وشكرا يا MR.NICE GUY على كلامك بس اللى انا قولتة دى الحقيقة

Simple Girl

08-17-2002, 05:57 PM

هو حد ادالي فرصة :unsure:
نزلوا علية تريقة لما هروني :blush:

نخلة

08-19-2002, 02:02 PM

لا حول ولا قوة الا بالله :blush: :blush:

فتكوا بعافيه :wacko:

desa4love

08-20-2002, 02:30 AM

ايه يا حاجه مالك نازله تلطيش فينا ليه ده احنا غلابه
يمكن كلامك ده ينطبق على ناس قليلين لكن الاغلبيه غير كده
بصراحه كده انا شايف انك من غير زعل حاجه من ثلاثه
1_ يأما مجربتيش تتعاملى مع راجل يقدرك ويحترمك
2_يأما انت مغروره
3_يأما انت بتكرهى الرجاله كده وخلاص
وفى الثلاث حالات انت اللى غلطانه
وارجو انك متزعليش لاننا كلنا هنا اخوات
وياريت نثبت كلنا كده لبعض
وسلام

قطر الندى

08-20-2002, 01:47 PM

الموضوع حلو واجد تسلمي وانا متفقى معاك :rolleyes:
واسمعوني يا أولاد يامزعجين الموضوع خاص بالبنات وبس
فليش دخلتوا (انا قلت الأولاد مو الرجال يعني ماقلتها بصورة عامة)
وبالمناسبة اذا عملتم موضوع خاص فيكم سوف ندخله وننغص عليكم
عشان تعرفوا الاصول ...... :angry:
--------------------------------------------
الى teto :
احب انبهك ان البنات مو اغبياء وخاصتا اللاتي في المنتدى -_-
بس احنى طبعا لن ناخذ الأمر على محمل الجد لاننا مشتركون كلنا في منتدى واحد ....صح؟؟ :wub:
وشكر ل(ليل) و sokarah
: ---------------------------------------- --
مع تحياتي:
:wub: قطر الندى :wub:
:sleepy: (الصداقة كنز لايفنى) :sleepy:

Simple Girl

08-21-2002, 12:30 PM

الى dasa4love
أنا ولا واحدة من الحالات الثلاثة وأنا مش بكره الرجالة أنا بأكره أسلوبهم وبأعتبر اللي تلاقي صفتين بس حلوين في الراجل على بعضهم يبقى لقت أخيراً راجل كويس، أما البنات بقى فماتعدش على صفاتهم اللي على رأسهم الحنان، الطيبة، الرقة، التواضع،....... الخ -_-

desa4love

08-21-2002, 06:36 PM

انا عايز اسألك سؤال بزمتك فى واحده فيها الصفات دى غير امى اى الحاجه مامتى
ولو فى ونبى شوفيلى وحده فى سنى اتجوزها لو بالمواصفات دى
سلام

Simple Girl

08-21-2002, 06:53 PM

عندي كتير ومش معنى انك ما قابلتش البنت اللي فيها كل الصفات دي انها مش موجودة ، لو عايز قوللي مواصفاتك وانا اجيبلك بدل الواحدة ألف :)

واد زي العسل

08-21-2002, 07:52 PM

يا عالم ياهوووو مفيش حد احسن من حد دا انا لو كنت مكانك كنت معملتش كدة في الأولاد الشتيما و الحرب العالمية 2 هو الي حصل بين اعضاء قهوة كتكوت يا جماعة داحنا كنا حلوين و متعاونين :wub: :wub: :wub: :wub: :cry: :cry: :cry:

nmnm

10-18-2002, 06:07 PM

simple girl

:blink:

انتى عسل سكر كللللل حاجة تتخيليها

كلامك صح الصح الصح كمان والى مش عاجبوا انا عاجبنى حتى لو غلط 100%100

انا مقتنعة برأيك مليون المية ايه يابنتى ده دنتى اسطورة

دنتى كلامك فى الميزان هو ده الى كلام الصح

:lolo: :wub: :lolo: :lolo: ربنا يخليكى لمجتمع النساء دنتى فصصتيهم

Simple Girl

10-19-2002, 05:52 AM

ياااااااااااااه يا جماعة :o ده أول موضوع كنت كتبته في المنتدى ايه اللي فكركم بيه ؟؟ :D
بس يمكن عشان موضوعه حاجة مش وقتية حاجة بتحصل في مجتمعنا كل يوم -_-

desa4love
مش مامتك الحاجة كانت في يوم م الأيام بنت صغيرة برده؟؟؟ بنات الأيام دي بكرة تكبر وتبقى حاجة طيبة برده زاي مامتك :)

واد زاي العسل
أنا مانزلتش شتيمة في الأولاد ولا حاجة أنا ذكرت عيوب البنات زاي ماذكرت عيوب الأولاد :)

nmnm
ربنا يخليكي انت رفعتي من معنوياتي :wub: وأكدتيلي ان كلامي بريزيدون (صح الصح) ربنا يخليكي انت للبنات والبشرية :D

((((ام بورعي))))

10-19-2002, 06:02 AM

بصراحه ياسمبل انا اتبسطت :D لما قريت عنوان الموضوع بتاعك لاكن اتصدمت :wacko:
لما ادخلت ولقيت الردود اغلبها من الجنس الخشن
هو كل ممنوع مرغوب ولا ايه
بس على فكره الستات مش غلابه عارفه ليه :blink:
لاننا بناكل ما بنتوكلش :closeeye:
وفي فرق بين الاتنين ;)

Simple Girl

10-19-2002, 04:10 PM

صح كلامك يا أم برعي يا عسل( بس يا ريت تغيري صورتك لأحسن دي مرعبة) وعلى رأيك احنا فعلاُ اللي بناكل (بس برده غلابة)
وعشان كده أنا هأدي للبنات الغير مرتبطات نصائح عشان يوقعوا الراجل في دباديبهم:

أولا : الولد بيحب البنت الرقيقة
رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . ز عيطى كتير . العياط دليل على الاحساس المرهف . أوائى له .. نكدى عليه الليلة .

ثانيا الولد بيحب البنت الرومانسية
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة .

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله :دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه .
ملحوظه : لو مشعارفه ايه الموضه اختارى لك واحدة معينة او مذيعة و قلديها .. خليكى نسخة منها .

خامسا :الولد بيحب البنت الدلوعة
ادلعى ياختى انت و هى . ما تبقوش دكر .

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه .

النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك .

الصفا و المروة

10-19-2002, 09:47 PM

والله العظيم ......
انت اكيد كلامك يا Simple Girl صحيح بس ده من وجهة نظرنا احنا ....
عشان كل واحد بيبقي شايف عيوب الي قدامه ومش شايف عيوبه...
بس الي انا شايفاه ان الراجل في عيوب والبنت كمان فيها عيوب...
بس بجد بقة المفروض ان احنا هنا كان كل بنت هتقول الي نفسها فيه عن الجنس الاخر بحرية لكن الي اكتشفته من عيوب في الرجاله انهم فضوليين جدا جدااااااااااااااا

السلوى

10-20-2002, 04:10 AM

حرام عليكي يا سيمبل كل ده نعمل مرة واحدة ........آه يا ني أجيبك منين يا ظولة بالي

عموما وقع موقعش عنه ماوقع هما هيتشرطوا كمان
يالا نعمل اللي علينا وربنا يكرم

بس شربتات يا سيمبل بجد شربتات خالص

mohamedgamal45

10-20-2002, 05:04 AM

يا جماعة صلوا علي النبي ربنا زي ماخلق الرجل خلق الست
ومن المعروف ان ربنا خلق حوا من ضلع ادم
والذكاء ليس حكرا علي رجل او ست
وعلي فكرة نفسي موت اتجوز واحدة ذكية علشان ان باكره البنت الغبية
وربنا يديم المعروف

وباقول لليل فينك من زمان

جدو

10-20-2002, 06:59 AM

انا ليه رد على كلام سمبل الولد بيعجب بالبنت على طبيعتها مش البنت اللي بتتكلف حركاتها هوه بس بينجذب ليها شويه لغاية ماتقدم وخلاص وطبيعي لو تكون ذكيه مثقفه يبقى اكيد هيموت فيها ومفيش احلىمن الصراحة.وبدل الجري ورى الموضه نجرى ورى معلومة جديدة والتقليد دايما مينفعش .

المرحوووم

10-20-2002, 01:04 PM

إذا كانت الخيالنة من الرجال فأن الدافع لذلك هو فقدانه الحنان والامان من زوجته التي تتعرف على غيره مما يدفه لذلك بالطبع
الكذب هذا من صفاتنا المحمودة ولولا الكذب ماكان انحب
النسيان من كثرة الصرف عليكن والتعب على راحتكن

Simple Girl

10-20-2002, 09:18 PM

الصفا و المروة
شفتي فعلاً زاد على صفاتهم الفضول "الفضول قتل القط" بدل ما يقعدوا يقولوا احنا بنحب في البنت كذا وكذا قاعدين برده يتريقوا :unsure:

s@losy
ربنا يخليكي على كلامك الحلو، طبعاً البنات أصلاً دلوقتي عاملة اضراب بس النصايح دي للبنات اللي لسه مخهم فاضي وبيفكروا في الحاجات دي :D

mohamedgamal45
كلامك ده هو اللي احنا بنقوله من بدري بس احنا مخصصين الموضوع ده لذكر صفات الولاد والبنات الوحشين بس :blush:

جدو
للأسف كلامك ده اللي بيقوله 100% م الرجال واللي بينفذوه 1% فقط. عمر الراجل ما يحب البنت على طبيعتها ، هو يقول كده آه لكن لما يرتبط بياخد البنت اللي عايشة في دور الرقة ولو اتكلمت بطبيعتها حتى لو كانت رقيقة يقول في نفسه "ايه البنت الدكر دي؟؟" ;)

المرحوووم
انت بقى كل كلامك مش صحيح، ليه؟؟
كتير الراجل بيخون حتى لو مراته مولعاله صوابعها العشرة شمع :( ولما بيخون بيخون عشان يحصل على حنان دوبل (مضاعف ) يعني مش عشان هو فاقده :shifty:
وكمان عمر ما الراجل يخون مراته عشان هي عرفت واحد تاني؟؟ ليه؟؟
لأنه ببساطة بيفسخ الارتباط لو عرف انها مرتبطة بغيره ولو حتى كشك، مش هيلاقيها بتخونه يقوم هو خاينها، لأ طبعاً ده مش بيحصل :closeeye:
عمر الكذب ما كان م الصفات المحمودة ، الكذب ده وسيلة الضعفاء لأنه وليد الخوف، اللي يكذب بيبقى خايف ودي قاعدة ثابتة :unsure:
والنسيان مش م الصرف علينا ماهم بيبقوا لسه مااتجوزوش وبينسوا يعني لا صرفوا ولا يحزنون :blink:
وعلى فكرة انت جيت تدافع عن الرجالة بوظت الدنيا يعني (جيت تكحلها عمتها) :D

strangerico

10-21-2002, 09:18 PM

:h2: :h2: :h2: :h2: :h2: :h2: :h2: :h2: :h2: :h2: :h2: :h2: :h2: :h2:

سمبل جريل ..

موضوعك هايل ..

بس علشن نبقي حقانين ..الصنفين..فيهم الوحش والحلو ..
اي نعم انا مشفتش الحلو اللي فيهم لحد دلوقتي بس اكيد هلاقي..
الامل كبير في ربنا ...
كل واحد لما بيكون الطرف اللي قدامه مش فرق معاه كتير بيعاملة بالطريقة اللي قولتي عليها
بس تعالي دوري علي اثنين بيحبوا بعض بجد ..
شوفي الدنيا بتبقي عاملة ازاي ..
خلاص ..وفا ..تضخيه ..هتلاقي كل شء جميل ..
بس الفكرةالوحشة دي الناس وخداها عن بعض علشان كل واحد بيرود وسط القش علي النص بتاعه ومش لاقيه يقوم لازق في اي نص يطلع غلط الدنيا تخرب..
ويسبه ويسبب له جرح ..ويفضل كدا لحد ما يلاقي النص بتاعه ..
بس يكون كام شخص عرف انه خاين ومش بتاع حب ومش جد..

سمراء النيل

10-26-2002, 06:34 AM

خليكوا يا جماعه اخوات حلوين احسن

واتصلحوا بقى :lolo: :lolo: :lolo: :lolo:

انتوا متقدروش تستغنوا عن بعض

ولا يقدر جنس يعيش من غير جنس

مش كده ولا ايه :shifty: :shifty: :shifty:

أم علي

10-26-2002, 06:18 PM

:tng: لا انا اقدر :tng:

سمراء النيل

10-26-2002, 07:02 PM

معتقدش يا ام علي 000 ^_^

تقدري يعني تقعدي من غير علي :tng: :tng:

Simple Girl

10-28-2002, 03:38 PM

يا جماعة دول جنس نمرود طب خدوا النصايح والحكم دي كمان واتعظوا -_-
- الزوج لا يري عادةً ما تصنعه زوجته له وإنما يري ما لا تصنعه. :ph34r:
- حالة واحدة يهتم فيها زوجك بكلامك حينما تتحدثين عن رجل غيره. :argue:
- يعتبر الرجل الزواج إحدى المحطات الاختيارية و بعدها يستأنف حياته. :D
- من تتظاهر بأنها تفهم زوجها فهي غبية ومن تحاول أن تفهمه فهي أكثر غباء. :stu:
- وراء كل امرأة محترقة الأعصاب زوج هادئ الأعصاب :cupid:

واليكم بعض الأمثلة التي قيلت عن الرجال:

أبنك على ما تربيه وجوزك على ما تعوديه 0
يامأمنه للرجال يامأمنه للمياه فى الغربال 0
ياوخده القرد على ماله يروح المال ويبقى القرد على حاله 0

البحيري

07-14-2003, 11:15 AM

ياجاااابببببر هات لكل واحد من البنات والولاد كباية عصيبر قصب علشان يهدوا اعصابهم علشان نعرف نتكلم .

ها ايه الاخبار هديتوا اللعب ونعرف نتكلم .

ياجماعة انتوا ليه عاملين كل الدوشة دي مع ان الموضوع بسيط لو فكرنا فيه بالعقل ، كل جنس من الاثنين فيه الكويس وفيه الوحش والنسبة متساوية لأن مثلا لكل رجل خائن امرأة يخون معها ، فعندما نتكلم عن الخيانة يصبح الموضوع متساوي بين الطرفين وهذا ينطبق على كثير من الامور .

و أعتقد أن سبب الاخلاف هنا هو اعتقاد المرأة بأنها أقل من الرجل دائما مما يجعلها دائما تحاول أن تثبت عكس ذلك بشتى الطرق ، مع أن الصحيح أن الرجل له مهام لا تستطيع المرأة أن تؤديها وكذلك المرأة لها مهام لا يستطيع الرجل أن يؤديها ، ومن هذا يتضح أن الاثنين مكملين لبعضهما .

وأسأل هنا أختنا صاحبة الموضوع لماذا لم نجد الرجال مثلا متذمرين من انهم هم اللذين يعملون وينفقون على الزوجة والأبناء ولماذا خرجت المرأة فقط لتتذمر وتحتج على أوضاعها ؟؟؟؟؟

أعتقد أنه لو تفهم كل شخص رجلا كان أو امرأة طبيعته التي خلق عليها لما حدث هذا الخلاف فمملكة الإنس تتكون من الرجل والمراة ولكل نفس الحقوق والواجبات ولكن الأختلاف فقط في المهمة الموكلة لكل منهم .

فلقد اختص الله المرأة بصفات الجمال والرقة والضعف و العاطفة واختص الرجل بالقوة والخشونة والعقل وليس العقل هنا معناه الذكاء ولكن معناه القدرة على فصل العاطفة عند اتخاذ القرار ، فالذكاء قدرات بشرية يتساوى فيها الرجل والمراة على حد سواء .