لماذا تريد أمريكا ضرب العراق؟ [الأرشيف]

مشاهدة النسخة كاملة : لماذا تريد أمريكا ضرب العراق؟

mtaha

08-03-2002, 02:25 PM

لماذا تصر امريكا على ضرب العراق ؟؟؟؟
هذه بعض اسباب ذلك الاصرار:

1- الاستيلاء على مخزون البترول العراقي
2- الاتيان بحكومة عميلة تساهم في تطويق المنطقة من الجانب الشرقي
3- شغل الرأي العام الامريكي عن المشاكل الداخلية وفساد الادارة الحالية
4- شغل الرأي العام عن قضية فلسطين
5- القضاء على منظمة اوبك وانهاء سيطرتها على اسعار النفط
6- استمرار تخويف الدول المجاورة للعراق والحصول منها على الاتاوة

ومن الواضح ان الضربة الامريكية قادمة لا محالة رغم كل المرونة التي يبديها العراق مؤخرا وموافقته على عودة المراقبين الدوليين مرة اخرى وحتى لو رجعوا سوف يفتعلوا اي مشكلة لتنيفذ الخطة المعدة مسبقا . وحسب الظروف الحالية فقد يكون الزمن المحدد للتفيذ هو مع بداية فصل الشتاء القادم حيث يكون الجو مناسب وتستكمل الاستعدادات ، وقد سمعت من مصادر موثوقة انه بالفعل بدأ تخزين بعض المؤنات والذخائر والوقود في منطقة الخليج.

أبوعبدالرحمن

08-03-2002, 04:22 PM

أنا مليش في التحليلات دي
بس بالنسبة لواحد وستة هي أصلا منطبقة
وبالذات رقم ستة
يعني لو مكنش البعث بصدامه الغبي موجود وتهديده المستمر لجيرانه موجود
واللي هببه من 12 سنة
كان بقى لهم يد في المنطقة
ربنا يريحنا منه

نفرتارى

08-03-2002, 04:30 PM

هوا 1 و 3 و 6 مضبوطين

بس يا عبقرينو انا رايى ان تغيير الحاكم ده من اختصاص الشعوب مش تيجى دوله اجنبيه تفرض رجالها00

هيا تتلخص فى حكمه "اضرب المربوط يخاف السايب"

يعنى بتورى العين الحمرا لبقيه اعضاء فريق محور الشر - اللى هما مسمينه- سوريا و ايران00

و ادينا مستنيين التطورات00

the young pharoh

08-09-2002, 08:15 PM

الاخوة و الاخوات الاعزاء:
السلام عليكم و رحمة الله طبعا الكل عارف الاسباب التي ستضرب لها العراق و زى ما قولتوا في اول الموضوع ولكن احب اضيف حبة حاجات:
1.امريكا حتضرب العراق باى حجة سواء في مفتشين او مافيش -تقوليش هى الدولة الوحيدة اللى عندها كيماوي "دا اذا كان عندها اصلا" -طب سوال هى اسرائيل عندها ولا لأ ولا عشان اسرائيل دولة سلام....دي نكتة الموسم بقلم بوش الابن
2.امريكا حتضربها عشان يبقى لها قاعدة قرب اعدائها -ايران و سوريا و لبنان و فلسطين -زي افغانستان بالظبط
3.تحقيق اي انجازات في ام الليلة السودا اللي بدات بضرب افغانستان واللي الحماة هناك فشلت في تحقيق اي اهداف من القبض على "بن لادن" او تحقيق الامن للسلطة العميلة لها
4.الثار الشخضي لبوش الابن من صدام بعد فشل بوش الاب
وفي ظل الظروف الحالية اخشى انهم يضموا مصر لمحور الشر
5.ارضاء الطفل السرائيلي المدلل ِشارون
و الان بعد كل الاسباب دى و في الظروف الحالية فان نسبة فشل العملية المريكية 0%
و يبقى للامة العربية جرح جديد و فاسطين تانية
:ohmy: :ohmy: :ohmy: :ohmy: :ohmy: :ph34r: :( :( :sniff:

الاسلام قادم

08-09-2002, 08:44 PM

السلام على من اتبع الهدى:
و الله اعتقد ان اقرب الاسباب و اعقلها لضرب العراق هو وضع حكومة عميلة لها فى المنطقة و ذلك لضرب ايران القوى الموجودة فى المنطقة ثم بعد ذلك تنطلق الى مصر ثم سوريا ثم لان هذه هى الدول الاسلامية الباقية على مستوى العالم العربى و التى تخاف امريكا من خروج الاسلام الحقيقى منها .
لذا سواء رضينا ام ابينا ستفعل امريكا ما تريده .
ولكن .................................................. ................
اقسم بالله العظيم ان الاسلام قادم سواء رضيت امريكا ام لم ترضى سواء رضى الحكام العرب الخائفون منها ام لم يرضوا.
والسلام على من اتبع الهدى.

وائل

08-09-2002, 08:44 PM

انا مثلا واحد من اللى مش بس بيكرهوا صدام
لأ بامقته طبعا بعد اللى عمله فى الكويت
وبعد اللى جناه على شعب العراق المسكين

انما بقى طبعا ضد ضرب العراق
ومتأكد انهم مش هايقدروا يعملوا هناك زى افغانستان

والمحصلة سيبقى الحاكم
ويدفع الشعب الثمن

وستجر أمريكا ذيول الخيبة

ياجماعة الواد اللى اسمه بوش ده ناقطنى
بجد مش طاااااااااايق

امير البحار

08-09-2002, 09:08 PM

السلام عليكم

امريكا بلظبط رى العيل الصغير مفيش حاجة عجبه

بس هى مش حتضرب دلوقتى لانه مش وقت مناسب ليها ثم ان الضرب حيكون بلطيران تهويش يعنى زى كل مرة

ربنا على الظالم

بس ارجع واقول احنا اللى عملنا كده فى نفسنا

لو عندنا ايمان بالله وفى وحدة اسلامية عربية مكنش قدر اى صهيونى يهوب ناحية اى دولة

عربية اسلاميه

the young pharoh

08-09-2002, 09:23 PM

الكلام ده كله 100 % و زى الفل و القشطة بس برضة امريكا حتضرب العراق يعني حتضربها و السوال احنا نقدر نعمل ايه ولا عايزين فلسطين جديدة

زنكلوني

08-10-2002, 07:43 PM

mtaha تحليلك منطقي جدا وانا اويدك فيه ، الاسلام قادم ،، تغيير الحكومة في العراق الى حكومة عميلة ،، يعني الحكومة الحالية هية حكومة اسلامية ولا حتى قومية ؟؟

the young pharoh

08-10-2002, 08:40 PM

صباحكوا زي العسل
ماشتى التحليل منطقي و زي الفل و اللبن الرايب بس السوااااااال الذى يفرض نفسه انتول حللتوا ماشى حنعمل ايه بعد ككككده ؟؟؟؟؟؟ اولولي
و خصوصا بعد ما قاله وزير الدفاع الامريكي الحاج رامسفليد بان امريكا متششككة بان العراق مدكنة سلاح كيماوي -دا اذا كان عندها اصلا- ده العيال هناك شبة الموميات و اعتقد ان الصومال اغنى من العراق دولوقتى طب بالعقل ح يعملوا اسلحة ازاي
والسلام ختام

moe_22

08-12-2002, 04:24 AM

السلام عليكم

يا جماعة بصراحة كدة صدام دة عايز الحرق حد يعمل اللى هوة هببة دة و بصراحة انا شاكك ان الراجل دة اصلا عميل لامريكا اصلا و ان اللى هوة عملة دة كان باتفاق مع امريكا

و انا سمعت قبل كدة ان صدام اختفى فى فترة من حياتة قبل الرئاسة و كان ذلك بعد لقائة ببوش الاب فى القاهرة عندما كان ضابطا بالمخابرات و اللة اعلم

السؤال هنا لية امريكا حتضرب العراق لان دة ملهوش اى لازمة و احنا عرفين لية

المهم احنا حنعمل اية حنفضل طول عمرنا مفعول بينا و لا اتكتب علينا نيجى الدنيا نتفرج على كل الاحداث
و لا حتى نعبر عن سخطنا

اللى عندة حل يقولهولى علشان انا عندى امتحان بكرة

سلالالالالالالالالالالالالالالالالالالالالالالالام

فالكون

08-12-2002, 01:11 PM

يا ريت الموضوع يجى على العراق بس حتى شوفوا النيوز ويك بتقول ايه

النيوزويك الأمريكية : مصادر في البنتاجون تخطط لضرب السعودية واجتياح جميع الدول الإسلامية

مفكرة الإسلام : أكدت مجلة نيوزويك الأمريكية الأسبوعية في عددها الجديد أن هناك مصادر ومسئولين داخل البنتاجون يفكرون بجدية في توسيع مدى الضربة العسكرية الأمريكية للعراق لتطال دولا عربية وإسلامية أخرى ، على رأسها المملكة السعودية وإيران حسبما ذكرت المجلة .
وكشفت المجلة نقلا عن مصادر أمريكية مسئولة عن وجود ضغوط يمارسها أعضاء في إدارة بوش من أجل توسيع قائمة أهداف الضربة بحيث لا تقتصر على العراق .
ونقلت المجلة عن مصادرها أن عدداً من راسمي السياسات في إدارة بوش يضغطون باتجاه تمديد الهجمة لتطال إيران والسعودية.
وطبقاً للمجلة فإن مسئولاً بريطانياً رفيعاً علق على الأجواء في إدارة بوش قائلا : 'الجميع في إدارة بوش يتلهفون على ضرب بغداد، لكن الحقيقيين منهم عيونهم على طهران '.
وأضافت المجلة إن ريتشارد بيرل رئيس مجلس السياسات الدفاعية في إدارة بوش دعا أكاديميا فرنسيا مثيراً للجدل ليحاضر لعدد من المستشارين في واشنطن حول كيفية: [ طرد السعوديين من الجزيرة العربية ] ، وبمجرد تسرب النبأ للصحافة، سارعت الإدارة لإنكار سعيها للإطاحة بالحكومة السعودية.
وأكدت المصادر للنيوزويك أنه رغم الإنكار عبر التصريحات فمازال أعضاء في إدارة بوش يتهامسون حول إمكانية التدخل العسكري لتغيير نظام الحكم في السعودية، وبعدها سوريا ومصر، رغم عدم وجود إجماع في النقاشات الدائرة بشأن الأخيرتين، بالإضافة إلى كوريا الشمالية وبورما.
ونقلت النيوزويك عن كينيث كاتزمان كبير المستشارين في البنتاجون قوله : إن هناك توجهاً قوياً لاجتياح مجمل الدول العربية والإسلامية لتنصيب نظم حكم «ديمقراطية»!! إلا أن الإدارة تحجم عن التصريح خوفاً من فشل جهودها للحشد لضرب العراق أولا، وخصوصاً الخوف من تدخل إيراني ضد القوات الأمريكية في الخليج العربي
http://www.islammemo.com/
حسبنا الله ونعم الوكيل

زنكلوني

08-12-2002, 02:02 PM

لا لا مش ممكن تضرب السعودية وسوريا ومصر ، دول موقعين اتفاقية الدفاع المشترك في الجامعة العربية مع جميع الدول العربية ..

فالكون

08-12-2002, 04:06 PM

يا اخى إتفاقية الدفاع العربى المشترك دى لا تساوى الحبر اللى اتكبت به يعنى كأنها مش موجودة B)
طيب ما امريكا ضربت السودان وليبيا ايه الللى حصل :o ابدا الإسطوانة المشروخة إياها ندين نشجب نندد و هلما جرا و بعدين اليهود عمالين يفرموا فى فلسطين و محدش من الحكام العرب قادر حتى يرسم تكشيرة على وشه :angry: يا عم إحنا بعد كده نطلب طقم تحكيم أجنبي وسلم لى على إتفاقية الدفاع العربى المشترك و يجعله عامر B)

بيسان

08-14-2002, 12:18 AM

السلام عليكم ورحمة الله وبركاته

بعد ما قرأت كل الردود ....لقيت الاخ فالكون كاتب اللي في فكري .....

صدام انسان طاغيه والمعارضه العراقيه مش ملاك يعني لو راح صدام واستلمت المعارضه

مش حيكونوا القلب الرحيم على شعب العراق لانهم اتربوا بحض امريكا ....لك الله يا شعب العراق

http://www.mahjoob.com/index.jpg

princcesa

03-29-2003, 03:32 AM

إذن لماذا؟؟

أم العيــــــال

03-29-2003, 04:22 AM

Originally posted by فالكون@Aug 12 2002, 04:11 AM

وأضافت المجلة إن ريتشارد بيرل رئيس مجلس السياسات الدفاعية في إدارة بوش دعا أكاديميا فرنسيا مثيراً للجدل ليحاضر لعدد من المستشارين في واشنطن حول كيفية: [ طرد السعوديين من الجزيرة العربية ] ، وبمجرد تسرب النبأ للصحافة، سارعت الإدارة لإنكار سعيها للإطاحة بالحكومة السعودية.

اديه خرج بفضيحه ماليه و استقال النهارده...... :yuk:

ياااااااااا برنسيس امبارح انا سمعت في احد البرامج ان مخزون العراق من البترول رهيييب اللي هو كل البترول اللي في العالم يخلص قبل بترول العراق...... :?small:

امريكا جايه احتلااااااااااااااااااااااااااال مقنع مش اكثر....... :exec:

طمع

03-29-2003, 04:23 AM

السلام عليكم

مع احترامي لكل ارائكم الا اني شايفة ان اكثر سبب مقنع هو

اللي ذكر في موضوع الاخ Rawsh اضغط هنا (http://www.haridy.com/ib/index.php?act=ST&f=1&t=29603)

واللي بيأكد الكلام ده الموضوع اللي كتبته اختنا ام العيال اضغط هنا (http://www.haridy.com/ib/index.php?act=ST&f=1&t=29762)

والدليل الواضح هو اصرار بوش على خوض هذه الحرب رغم معارضة الكثير من الدول

ورغم معارضة اغلبية الشعب الاميركي لهذه الحرب

عابدة

03-29-2003, 06:45 AM

Originally posted by زنكلوني@Aug 12 2002, 01:02 PM
لا لا مش ممكن تضرب السعودية وسوريا ومصر ، دول موقعين اتفاقية الدفاع المشترك في الجامعة العربية مع جميع الدول العربية ..
أتفاقيات بعد اللى عملوه فى الحرب دى لسه متخيلين ان أمريكا بتحترم الاتفاقيات الشرعيىة بالملوخية دى للعرب بس مش لأمريكا0

عابدة

03-29-2003, 06:47 AM

Originally posted by طمع@Mar 29 2003, 04:23 AM
السلام عليكم

مع احترامي لكل ارائكم الا اني شايفة ان اكثر سبب مقنع هو

اللي ذكر في موضوع الاخ Rawsh اضغط هنا (http://www.haridy.com/ib/index.php?act=ST&f=1&t=29603)

وأنا معاك ياطمع0