مهزلة كلية طب........ لو شاطر اكتشف

[نور الاسلام]

]اولاالسلام عليكم
ياريت ماكونش ضيفة تقيلة عليكوا

اختكوا طالبة بالسنوات الاولى بكلية طب....... القا........

لما دخلت الكلية كان عندى احلام كتير وصورة تانية خالص عن الكلية

وفوجئت بتفشى الدروس بطريقة انيل من الثانوية العامة وللاسف الدروس مهمة جدا فى بعض الاحيان يعنى مثلا قبل امتحانات العملى مابيعملوش مراجعات كتير بالسكاشن ونظرا لعددنا الكبير فغالبا ماتشوفش حاجة و تضطر تاخد دروس عملى قبل امتحنات العملى بتاعة الفسيولوجى والهستولوجى وطبعا التشريح لان امتحان الشفوى بيقى مع امتحان الاسبوتنج العملى فكدة كدة انت واخد الحصة لان بالسكشن نادرا لما دكتور يتكلم عن ازاى نحل فى الامتحان دة خصوصا انه جديد علينا خالص دة فضلا عن احنا قبل الامتحان دة بيقى بقالنا حوالى 3 شهور ما دخلناش المشرحة ومش فاكرين خالص الاسبوتنج

اللى انا بقوله دة والله اللى بيعمله تقريبا كل الطلبة

فعلا مهزلة و للاسف انا مشتركة فيهاوانا السنة دى ماخدتش دروس خالص الا فى العملى فقط كانت اللنتيجة ايه؟ انى جبت جيد جدا رغم ان مجهودى كان يؤهلنى للامتياز ولكن طبعا الحمد لله

والاوائل عندنا بالكلية مين؟ من اللى كانوا بياخدوا دروس من اول السنة

طبعا انا مش بعمم لان فى كتير ماخدوش وجابوا امتياز وفى كتير خدوا وشالوا مواد

لكن المشكلة الاساسية بالكلية مش فينا احنا 1700 نفر تخيلوا احنا كتير اوى:maaat: والله الواحد مش عارف المشكلة فى مين

المهم ان كل الناس معتبرة ان دة وضع طبيعى جدا وبتتعامل من هذا المنطلق
وادارة الكلية بتهدد انها هتمنع الدروس وهى لو عملت كدة هتحصل لنا مشاكل بردوة

يعنى من الاخر هى شر لا بد منه

الادهى والامر انهم هينزلوا لطلبة سنة اولى السنة دى فى التشريح بدل كتاب

lower limb هينزلوا كتاب من سنة تانية وهوabdominطبعا معروف ان اللور سهل ومش عارفة بصراحة دى ميزة ولا عيب

وكمان هيبقى اولى وتانية بياخدوا نفس الكتاب ؟ حاجة بردوة مش مريحة مش كدة؟

انا بصراحة عايزة رأيكوا بشدة

وكمان عندى سؤال تانى

انا بحس اناللى انا بدرسه مالوش لازمة كبيرة بعد كدة يعنى حتى لو له لازمة صحيح انا فاهماه لكن ايه الوضع بعد كدة :surrender

وشكرا ليكوا واسفة للتطويل
نور الاسلام[/SIZE]

[نور الاسلام]

قننبلة سنيف
انا بصراحة مش عارفة ؟ هو الموضوع مش خطير؟ دة مستقل بلد ومستقبل دكاترة طالعين ولسه هيطلعوا اعتقد انه يستاهل اكتر من القراءة
وشكرا شااكوش

[Casper]

هو الموضوع مش خطير؟

المشكلة مش فى الدروس او فى ترتيب الكتب اللى هتدرسيها

المشكلة فى الكوسة المنتشرة قوى فى كلية طب بالذات فى كل الجامعات

والمصالح المشتركة بين staff وبعضهم والمصالح اللى بتبان قوى فى امتحان الشفوى بالذات

والمشكلة مش فى ترتيب الكتب اللى هتدرس
انا فى اولى درست lower limb و abdomin مع بعض
المشكلة مشكلة تعليم منهار من زمان ومحدش بيعبر

انا فى جامعة اعتقادها ان الطالب لازم يدرس اكبر كمية نظرى ممكنة ....
طب ليه

مع ان الجزء الإكلينيكى اهم بالنسبة للطبيب

لما دخلت الكلية كان عندى احلام كتير وصورة تانية خالص عن الكلية

كلنا كان عندنا صورة حلوة اتدمرت مع اول محاضرة
قننبلة

وشكرا

[نور الاسلام]

كوورة قننبلة:curse::atiist::lady2:
حضرتك معاك حق يا استاذ كاسبر

الكوسة مش قادرة اقولك طب حتى يستنوا علينا مش من سنة اولى يحسسونا بالكوسة والتظبيط

والجزئية اللى حضرتك اتكلمت عنها بخصوص ان الجزء الاكلينكى اهم هى دى اللى كنت اقصدها

وفعلا معاك حق

وشكرا للاهتمام والرد
وجزاكم الله خيرا

[Ramy_eg]

السلام عليكم و رحمة الله و بركاته
أهلاً بيكى يا أخت نور الاسلام, أنا مثلك تماماً كان أول سنة ليه فى الكلية السنة دى وكنت طبعاً زى أى طالب تايه فى الأول بس الحمد لله اتعودت فى الاخر
و كنت أواجه مشاكل فى المشرحة لكثرة ازدحامها بالطلاب و أ واجه أيضاً مشاكل فى رؤية slides الهستلوجى و التعرف عليها
و بالطبع استغلت ادارة الكلية والدكاترة هذه الفرصة فى عمل المجموعات اللى بأد كده
و اضطريت انى اخد مجموعة فى (Histology(slides
بس الحمد لله ما أخدتش فى Anatomy لأنى اكتشفت ان المشرحة عايزة شوية صبر لا أكثر من ذلك
أما بانسبة لموضوع المواد و أهميتها
فأنا فى اعتقادى أن أهم المواد هى Physiology and Anatomy
وأعتقد أن من أول سنة رابعة نبدأ نحس ان احنا دكاترة بجد لأننا حنبدأ نتعامل مع Patients إسسعاف
و ربنا معانا و يقوينا ان شاء الله
قشطة ياما

[نور الاسلام]

اهلا برامى
اولا احب اعرف انت فى طب اسكندرية ولا القاهرة

ثانيا انت معاك حق بان المشرحة زحمة موت وانا كمان خدت بالهستولوجى والتشريح كمان

وتفتكر ان فى رابعة وبعد كدة هيبقى فيه تعليم كويس نطلعم منه دكاترة بجد

ياريت
وشكرا للرد كميلة: هيه:

[Ramy_eg]

السلام عليكم
أنا فى طب الاسكندرية

أما بالنسبة ان احنا نطلع دكاترة بجد ولا لأ ؟!
فدى حاجة بايد ربنا-سبحانه و تعالى- أولاً
و بالمجهود و المثابرة ثانياً
و بعدين خليكى متفائلة, لازم التفاؤل فى كلية الطب عشان المشوار طويل
و شكراً
آسف للتأخر فى الرد

[eldoctor]

هو موضوع الدروس بقى منتشر كده ؟؟؟ انا فاكر ان ايامنا كانت الدروس على استحياء ... و كنا بنذاكر من كتب كبيرة ...؟؟؟
الوضع بقى منيل فى مصر .... ربنا يكون فى عونكم يا اولاد .. بس على فكرة .. العلم ماوش علاقة بالدروس .. فيه واحد بيذاكر علشان التقدير .. وواحد بيذاكر علشان يبقى دكتور .. وشتان ما بين الاتنين .. يعنى لو بتذاكر علشان التقدير .. حتذاكر العناوين الكبيرة .. او بمبدأ ايه اللى بيتكرر... بس لو جالك عيان ؟؟؟ حتقوله معلش ما ذاكرتش الحتة دى ؟؟؟؟

[امل سالم]

من غير نور الإسلام ونور المسيحية والكلام ده
مشكلتك يا أنسة مشكلة وطن بأكمله
منظومة أخلاق والأخلاق جزء منها مستمد من الدين ده صحيح لكن الأخلاق تربية أسرة ومجتمع
مصر تحتاج لبلد ولشعب ولناس
انتى دخلتى كلية الطب بالدروس مش صح برده انت مش متميزة انتى بتحفظى كويس
بتحفظى صم جبتى 98% ودخلتى طب غيرك كان أكثر عبقرية بس ما بيحفظش دخل معهد فنى تجارى المجتمع فى حاجة إلى إعادة هيكلة
وتصدقى إن بتوع طب القاهرة وعين شمس أكثر الناس تدين -سواء من الأساتذة أو الطلاب-تدين مظهرى وازدواجية وأمام الفلوس يخنعوا ووووووووووو
مشكلتلك انك انتى نفسك مشكلة أوعى تفتكرى انى لا سمح الله بشتمك
أمل سالم

[dada]

يا أخت أمل ...
الموضوع ده كان من 2003 يعنى صاحبة الموضوع ما بقتش موجودة أصلا

وإن كانت المشكلة لازالت قائمة ...

بس ياريت نبقى نبص على تاريخ الموضوع الأول

[د/كتكوته]

بصفتي اتخرجت خلاص من طب:999: :gy0000:
احب اقولك انك مش شايفه لسه غير موضوع الدروس وفاكراه نهاية العالم
شوفي ياا اختي لما ان شاء الله ربنا يديكي الصحه كده وتدخلي سنه رابعه
وتبداي الكلينيكال الي بجد
وتشوفي زحمه زمايلك على الحالات كانهم هياكلوها:beee:
وتشوفي ظلم الدكاتره والكوسا الي على حق:sneer:
وتكتشفي بعد فوات الاوان طبعا ان كل الي درستيه اول تلت سنين ماكانش الا عشان نشرب ميته بالهنا والشفا طبعا بعد ما نبله ا:close_tem
دا لسه غير سنه الامتياز الي كل الناس هتقلك لو متعلمتيش حاجه في امتياز مش هتتعلمي
وابقي قابليني بقى لو اتعلمتي حاجه من النواب:out:
بس والله صدقيني بالرغم من كل ده الحياه حلوه بعد طب
وانا عن نفسي مبسوطه الحمد لله اني خلصت طب من غير اي خساير
ولو عندك اي اسئله عن الحياه الوردي في طب رقبتي سداده:budo:
مع تحياتي
د/مايا

[كوكو الرهيب]

ربنا مع كل اللى فى كلية طب وربنا يستر من الللى ممكن يحصل لوفضلت المهزلة دى

[الواقفة مع قبضة]

لمن تدعى الزحمة في كلية الطب في مصر الله يكون في عونك مع اني مش مواطنة مصرية بس بحمد اللة اني عايشة بدولة اسرائيل لاني من عرب 48 وانا متفوقة جدا في دراستي لكن مشكلتي اكبر من مشكلة اي طالب عربي عايش في دولة اجنبية ( غريبة ) لانو عنا الظروف اصعب فمثلا للقبول لكلية الطب او حتى الصيدلة لازم انو نمر في امتحان يدعى بسيخومتري وهو امتحان موووووووت وبعتمد على السرعة لانه مبرمج على الدقائق عشان هيك انا بقلك اللي بيسمع مصيبة غيره بتهون عليه مصيبته وكفينا شر المصائب وانالله ربنا بيبعد عنك كل مكروه ويعطيك كل اللي ببالك

مع تحيات العضو الجديد في القهوة
" الواقفة مع قبضة" باااااااااي...

[kerry]

اذا كان الكلية نفسها بتعمل فصول تقويه مش عاوزين يبقى فى دروس