جرب معايا وبيع فى أحلام البلد

[ابراهيم حندولة]

عشرين سنة
عمال بأدور فى البلد عن أى خير
ما لقيتش خير
عشرين سنة
عمال بأدور ع الضمير
ما لقيت ضمير
جرب معايا وبيع فى أحلام البلد
تلقى الكبار هما اللى باعوا
والصغار زيك وزيي
هما دول بس اللى ضاعوا
والصغير فى البلد دى لما يكبر يفترى
والمشكلة مش فى البياعة
المشكلة مش فى البضاعة
المشكلة مين يشترى
جرب معايا وبيع فى أحلام البلد

مين هناك
عشرين سنة
الحلم م القلب اتسرق
والجفن م الدمع اتحرق
حتى الرغيف
م الحلق دايما يتخطف
حتى الحبيبة
لما حبيت للأسف
كان نفسها تاخد وبس
جرب معايا وبيع فى أحلام البلد

بالكررسي
ماتقولش هتضيع البلد
ماهى أصلها ضايعة
وضيعة يعنى عزبة
وعزبة يعنى صاحبها اقطاعى وكبير
طب ليه ماتبقاش الكبير
تلقى الخزاين تتفتح قدام عنيك
دايما بنسأل
ليه يكون ابن الملك ... هو الملك؟
وليه يكون ابن الرئيس... هو الرئيس؟
طب بص للشعب الكبير
ابن الغنى ... بيكون غنى
وابن الفقير ... بيكون فقير
وابن المدير بيكون مدير
وابن الوزير بيكون وزير
اشمعنى يعنى ابن الرئيس؟؟!!!
السهم واصل للمواجع كلها
مش فارقة بين ندل وخسيس
اشمعنى يعنى ابن الرئيس؟؟؟!!!
اشمعنى يعنى ابن الرئيس؟؟؟!!!
جرب معايا
وبيع فى أحلام البلد

[رشا عبد الرازق]

يسعدني وأشرف أن أكون اول من تسجل اعجابها لهذا الابداع

قلمك ثري جدا

رائعه قصيدتك بكل المقاييس

وعلى رأي الدكتوره ... وأساتذتنا في العاميه

لقائنا بعد المخمخه يوه بقى

ضمت حروفك كام وجع ؟

ما شاء الله

قلم رشيق أخي ابراهيم .....

تقديري وتحياتي

[ابراهيم حندولة]

الشاعرة جدا رشا
شرفنى أكثر أن تكونى أول من يمر بكلامى
وشرفنى من قبل الرد على لا تتحدانى يا فارس حنا للسيف وأتمنى أن تكون قد أعجبتك
وأنا أشتاق لما بعد المخمخة
فإلى لقاء

[أيمن عماره]

أخى ابراهيم

كلماتك ليست فى حاجه لثناء ..... فشرف لنا أن نقرأها .... تسلم ايدك وخد دى ورردة

[الفرعون العاشق]

الكلام حلو ككلام منظم
ولكن ليه بتبيع احلام البلد
على فكرة يجب ملاحظ التلقد الذى تمر به البلد مع الربط الى الظروف التى مرت بها
ولا يجب ان تنتظر اى شئ من اى حد
يجب ان تعتمد على نفسك لتكون
ابن الفقير بيفضل فقير لان الفقر عجبة مش لانه فقير او معندوش وسطة
الغنى بيفضل غنى لانه متعود على كدا بس مش دائما لان فى اغنية كتير افلسوا
متعلقش مشاكلك او طموحاتك اللى مش قادر توصلها على شماعه اسمها البلد

حب بلدك حب كل حبة رمل فيها
حتى لو لم تستفيد اى شئ من بلدك يكفيك شرف الانتماء لها
الكلام دا يجب ان يشعر به الانسان الطبيعى لحبة لوطنة ايا كان هذا الوطن
وشكرا
اخوك احمد
ahmed_elsayed130@hotmail.com
0101301190 002






ألا فاشمتي إن كنت شــامتة هند ... فهذا المصاب الفذ مابعده بعدُ
وقولي إذا مارمتِ فيه شمــاته ... لقد ذهب الخصم الذي ماله ند
مضى طاهر الاثواب عار عن الخنا ... به تأنس الدنيا وتفتخر البرد
وقد كان يمضي ضاحكا غير عابئ ... بمن غّره التصفيق أو غّره العد
سيذكره الاقوام إن جد جدهم ... فينكسر المولى ويستبشر الوغد

[رشا عبد الرازق]

هتبيع بكام ؟؟
ومين يا صحبي هيشتري ؟
طب هو فيه في جيوبنا كام ؟
مانا بردو زيك
قوللي كام ومتتكسفش
حبة قروش ؟؟؟
طب ما تجاوبش
اللي معاه في زمانا هو المفتري
أنا وانت فرجه في المزاد
سنيده خايبه ومنساويش
أكتر من الحرف اللي بنحطو ونبكي لما
بيتقري

ألاقونا ع الحلم اللي ضاع
ألاقونا كسبان اللي باع
ألاقونا ع االزرعه اللي سموا جدورها أولاد الرعاع
ألاقونا وبرخص التراب باعوا توبنا آه
ولبسنا توب مشقوق
مش عارفه مين
مين كان لقاه
أو مين ف قلب النيل رماه
أو مين بألوان الهوان في الليل ملاه؟؟

ليك حق تستعجب من اللي بيعملوه
بتقوللي مين ؟
أنا قصدي أصحاب المناصب
اللي لمّوا كل أحلامنا وعبّوها ف زكايب
بيلملموا حتى (الضمير)
فين هتلاقيه ؟؟
أربع حروف
مليانا خوف
تتقال ما بينا على المصاطب
الدين خلاص أخد (الضمير) ومضوا انصراف
مكتوب على جبين النهار
ان الحقوق ضاعت وصحب الحق غايب
لأ لأ دا صحب الحق خايف
بيقول في عز الضهر
هو الضي فين؟
مع انو شايف
مع انو عارف فين طريقو وسكتو
والله عارف
سادد ودانو من هوانو
بس سامع
(السهم صاب) صح (المواجع)
هيلف لفه ولينا راجع
وف رجعتو هيكون أشد
لازم نعافر لجل نبني ف وشو سد
ليه بس مصمصة الشفايف
هيه تبقى أقوى رد
لازم نرجع للولد
كل اللي راح
جوا المزاد
أصل اللي راح جواه كتير
أيوا اللي راح
(احلام بلد)


أخي الكريم ابراهيم

كلماتك تثير في النفس ألف وجع كما ذكرت ....... تحمل مفراداتها لنا ألف حقيقة ... وألف الف ألم .....

وتحمل للأديباتيه فنا رائعا نشرف بمصافحته

شكرا للفرصة التي أتحتها لكلماتي

والشرف لي ولك امتناني على اطرائك


تقبل تقديري

[ابراهيم حندولة]

أخى الفرعون العاشق
أعتقد أنك تسرعت فى الحكم
فمن يستشعر الألم ويبغضه ويتحدث عنه هو أكثر المحبين للحياة
ومن تؤلمه آلام وطنه هو شاعر أكثر حبا لهذا الوطن ممن يغنى له ويردد أمجاده
فهو ينتظر اليوم الذى يخلو وطنه فيه من هذه المنغصات ويتمناه جنة فى الدنيا تضارع جنة الآخرة
من هنا كان تناول قصيدتى حبا للوطن وبغضا لسلبياته
ومتأكد من كون حبى لوطنى أكبر كثيرا من الذين صفقوا له وتغنوا باسمه
عموما
شكرا لمرورك بكلماتى فهذا شرف لى أيا كان اختلافنا

[ابراهيم حندولة]

كلماتك الشاعرة
وردك الشاعر أيضا
لم يتركا لى فرصة للتعليق
شرفت جدا بردك على قصيدتى والذى انتظرته
: هيه:
وأتمنى أن أعرف رأيك فى ردى على قصيدتك
وكما يقولون
نورتى قصيدتى بردك عليها
ونورتى كلامى بقراءتك له
شكرااااااااااااا
ودمت لنا شاعرة متميزة
بجد قشطة ياما

[هدهد]

جرب معايا نشتريها نلمها
حاول ياهيمة ما انت
بردك ابنها...
شوف يا هيمة انت بتحبها انا عارف بس المشكلة ان احنا بردك مليانين عيوب ومعلش
انت حقك تقول اكترمن كدة كمان انت انسان جميل
ممكن تحاول معايا
نشتريها
نلمها
هى والله اكثر من رائعة وربنا يوفقك وتكتب احسن منها و اتمنى لك التوفيق......
وسلام مؤقت

[الفرعون العاشق]

يا اخى الفاضل
الموضوع مش محتاج مناقشة
كلنا بنحب اوطانا
بس المهم منطايقش من اى حاجة فيها حبها ذى مهيا لانك مش هتغير حاجة
انا عارف ومتاكد انك بتحب بلدك ومعترض على اشياء كثيرة بداخلها
وهذا الذى دفعك لكتابة الشعر الذى كتبته

اخوك احمد
ahmed_elsayed130@hotmail.com
0101301190 002

[ابراهيم حندولة]

والله بحبها زى ما هيه
بس برده بتضايق من حاجات كتير فيها
والأصعب لو حاجات من الشعب
نفاق يعنى
كلنا بنقول ليه الرئيس يعين ابنه
واحنا كل يوم بنتوسط لولادنا عشان يتعينوا حتى لو خدوا حق مش حقهم
بذمتك مش حاجة تضايق
اشمعنى يعنى ابن الرئيس
هو ده سؤالى
ومش معنى كده انى موافق عليه
أنا رافض اللى بيعمله الشعب نفسه
الشعب اللى أنا واحد منه ... منعا للخلط

[الفرعون العاشق]

كلنا عرفين اللى انت حاسس بيه
وكلنا حسين بيه
بس مفيش فيدة

[معتقل برة]

هاتبيع في ايه يا اللي متباع م البداية
لو كنت فاكر ان لسه فيه مزاد
أو ان لسه البيعة فيها كام حكاية
اسمح لى تبقىلسه ما فهمت المراد
و ان انت زيي و زيهم جوة الباكتة ملفوفين
مع نيلنا ويا الكهربا
و آثار جدودنا و أرضنا
جوة الرحاية
طول عمر شعبي ويا أرضي منداسين تحت النعال
و القول دا صعب لكنه هوه للأسف أصل الرواية
طول عمر كبرات البلد ماليين كروشهم من عرقنا و دمنا
و دا اختصار لحلمنا
و أمل بلادي لكنه طبعا زينا
جوه الباكتة
أمل بلادي اتباع يا صاحبي من سنين
من عهد مينا لعهد بوش و الكل عارف
المقابل راح لمين

[الفرعون العاشق]

جميل جدا يا اخى
وفقق الله واتمنى ان تصير شاعر كبير جدا

[محمد فارس]

اخى ابراهيم
رائع00كلمة غير كافية
ماشاءالله
قلم منطلق كالسهم
ماقام به قلمك هو تشريح لواقع معاش
صدقت يااخى
واسمح لى بتحية للمتألقة رشا 00
فقد كانت مداخلتها فى غاية الابداع

وكذلك الاخ/ مختار الحادى
فقلمه ماشاءالله عليه0

حفظكم الله جميعا

[سلسبـيل]

اخي ابراهيم
رائع بكل معني الكلمة
الافكار مترابطه ومؤثرة جدا
وتعكس صورة لواقعنا
حفظك الله اخي
تحياتي

سلسبيل:انجغة:

[ابراهيم حندولة]

أخى مختار الحادى
أختى رشا
شكرا لكم على إبداعكم
ويسعدنى جدا أن تكون قصيدتى ما أثار فى النفوس هذا الوجع وعلى الأوراق هذا الإبداع
دمتم لنا

[ابراهيم حندولة]

شكرا

[عادل سلامة]

وحشتونى جدا
للاسف الشغل واخدنى من اجمل ناس فى العالم ( رواد قهوة كتكوت )
وهارجع قريب ان شاء الله
لكن اللى مصبرنى
انى فايت ورايا رجاله زى محمود الرخم وابراهيم حندوله صاحب هذا المزاد المؤلم
يا هيمة احنا اتعلمنا نشترى وبس
ونتسرق وننسى
ونسقف


وانت سرقت منى زوار اعمالى

وانا بسقفلك

بس ودينى راجعلك تانى


حلوة قوى القصيدة يا هيمة زى ما اتعودت منك

الا قولى اخبار بكالوريوس الطب ايه يا دكتور الشعرا


واحشنى موووت ويا اما تنزلى القاهرة يا اما اجيلك المنصورة
قللب قللب قللب

[ابراهيم حندولة]

مستنيك فى المنصورة
: هيه:: هيه:: هيه:
بالكررسيبالكررسيبالكررسي

[DESIGN|STUDIO]

جرب معايا وبيع فى أحلام البلد..

على فكره يا ابراهيم لو انته محتار و مش عارف تبيع ادلك على طريقة قشطة ياما من الاخر
شوفلك مندوب مبيعات يكون شاطر كده و اديلو نسبه حلوة من المبيعات و تانى يوم مش هتلاقى ولا حلم كررست بس ابقى سيب بطنيه و سرير و مش مهم نقضيها نوم من غير احلام و البطانيه عشان تعرف تنام اصل الجو هنا بررر

[ابراهيم حندولة]

على فكره يا ابراهيم لو انته محتار و مش عارف تبيع ادلك على طريقة من الاخر
شوفلك مندوب مبيعات يكون شاطر كده و اديلو نسبه حلوة من المبيعات و تانى يوم مش هتلاقى ولا حلم بس ابقى سيب بطنيه و سرير و مش مهم نقضيها نوم من غير احلام و البطانيه عشان تعرف تنام اصل الجو هنا بررر
10-06-2003 10:34 PM



على فكرة بقى
موافق
بس المهم إن مافيش لا سرير ولا لحاف
كل اللى موجود أحلام بس زى كل ولاد بلدنا الطيبين
ايه رأيك
الحل إيه؟؟؟؟

[حناطى]

اخي ابراهيم .. وتحية من القلب اليك .. بجد نص جميل نابع من تلقائية وصدق
لمسني ايضا المقطع الذي تكلمت فيه عن الحبيبة التنقل من الخاص الى العام جاء موفقا وغير أن النص ربما لطبيعته لم يكن محملا بصور شعرية ملفته غير أنه وفي نظر نجح لبساطته ووضوح فكرته
وبعيدا عن السياسة مرحبا بك يا براهيم شاعرا جميلا ً وتحياتي لجيل المنصورة الشقي كما اسميه