كلام مايصحش نقوله

[غــفــران]

- تور الله في برسيمه
- لا بيرحم و لا بيسب رحمة ربنا تنزل
- يا مستعجل عطلك الله
- كلام زي: الله يقرفك..... الله ينكد عليك
- المثل اللي بيقول: يدي الحلق للي بلا ودان
- مثل حرام جدا بيقول: خلق ناس و تحفهم و كبب ناس و حدفهم :angry: (تعالى الله عما يصفون)


دول اللي حاضرني دلوقتي..... حد عنده تاني؟

[نفرتارى]

الصراحه لا معنديش حاجه لسه اضيفها00

بس بحييكى على الموضوع ده يا غفران00

:wub: فعلا 00انا هستفيد من الموضوع ده جدا00

يا ريت الناس تشارك00

[هريدي يابووووي]

- لا حول الله.
- يا ستاشر يا رب.
- و النبى.
- و شبشب ام عبده.
- والختمة الشريفة.
- شى الله يا بدوى.
- و النعمة.
- وحياتك عندى.
- و شبكة العشرة دول.
- و الحب اللى بيننا.

[أم منة الله]

و المصحف
و تربة بابا
و شرف جوز خالتى
و مقام أم هاشم
و شرفى
خاصيمك النبى
زارنا النبى
شبشب زنوبة( احذرو لان فيه سب للسيدة زينب رضى الله عنها )
شبشب خدوجة( احذرو لان فيه سب للسيدة خديجة رضى الله عنها ّ)

[بنت اليـمن]

والله موضوع بجد جميل يا غفران جزاك الله كل خير

بنت اليمن

[نونو]

ورحمة امي
ورحمة بابا
وحياة العشرة اللي بنا
هو دا الموجود واذا لقيت غيرها حبلغك

[محمود]

مع انك اتاخرتي يا غفران
بس كويس انك عملتي الموضوع برده اخيرا :D
الجماعة حطوا كل اللي ف بالي و خصوصا"لا حول الله" لان فيها نفي الحول(القوة)عن الله و الصح قولها كاملة يعني لا حول ولا قوة الا بالله :rolleyes:

[أبوعبدالرحمن]

جزاكم الله خيرا

- فلان ده شكله غلط
- ربنا افتكره
- ده ميستاهلش اللي بيجراله
- شاءت الظروف
- عباد الشمس

دول على السريع

[كريزة]

رزق الهبل عالمجانين :wacko:

[بنت اليـمن]

افتكرت

لما حد يموت يتقال لة البقية في حياتك دي غلط لانة مافيش حد يموت ناقص عمر والبقية لحياة الثاني

بنت اليمن

[نخلة]

يا نهار اسود
يا نهار ازرق00وبقيه مجموعه الالوان

يادى النهارالمهبب00

الزمن الزفت الى احنا فيه00

عليه الطلاق بالتلاته00

عليه الحرام من دينى00((((استغفر الله العظيم يا رب))))

وطبعا سب الدين0


كفايه لما ابقى افتكر ابقى اقول تانى -_-







وفتكوا بعافيه :h2:

[m-salah72]

وغلط نقول ع الشباشب استغفر الله.... خدوجه وعيوشه وزنوبه لان اليهود هما اللي قالوا الاسامي دي على الحاجات دي ( الشباشب ) لاهانة زوجات الرسول عليه الصلاة والسلام والمسلمين بغبائهم بيرددوا ده زي البغبغانات من غير ما يفهموا هما بيقولوا ايه......

[BLACK_EAGLE 2002]

على كده الواحد هايخش النار بصاروخ موجه سرعته9999999 ك\ث
:fire: :fire: :fire: :fire: :fire: :fire: :fire: :fire: :fire: :fire: :fire: :fire:

[شيكووو]

شباب احب اقولكم علي حاجه في لفظ يلا حول الله
طبعا مافيش واحد وهو بيقولها بيكون قاصد المعني ده لان نيته ساعتها بتكون المعني التاني
انا مابقولش يعني ان اللفظ صح ومدام عارف ان اللفظ غلط خلا ماتقولوش بس انما الاعمال بالنيات ولكل امريء ما نوي ما ظنش ان في حد وهو بيقول لا حول الله يقصد طبعا نفي الحول عن الله بس التعبير بيطلع عفوي ممكن نستبدل كلمه لا بيا ويبقي التعبير مظبوط
بس طبعا التعبير غلط وميرسي ليكي يا غفران موضوعك جميل جدا

[IORI YAGAMI]

السلام عليكم

موضوع جميل وكتبنا مثله فى حب الله نلتقى وهون كمان يكون أفضل تكراره

وحياه ربنا تعالى الله عما يصفون

ورحمه ابويا
وعظم التربه

والميه الطاهره
والنعمه دى

وحياه ابويا

وشنب أمى

والعيش والملح

والنعمه الشريفه

والخاتمه الشريفه

والكعبه

والمصحف


وحياه الغالى عندى

وولادى

وغلاوتك عندى

وحياتى

وشرف جدى


قال صلى الله عليه وسلم : لا تحلف بغير الله فمن حلف بغير الله فقد كفر

قال صلى الله عليه وسلم : إما ان تحلف بالله او تصمت وفى حديث أخر إما ان تحلف بالله او فلتسكت

[IORI YAGAMI]

السلام عليكم


معلش تعليق على كلام الأخت نخله

كلامك صح اكيد
واللى بستغرب له اللى بيقول عليا الحرام من ديني

ماله الحلال يعنى؟؟ فيها ايه لو قال عليا الحلال؟؟


واللى بيحلف بالطلاق على واحد عشان يشرب سيجاره مثلا او يتغذى معاه
طيب مالها زوجتك تطلقها عشان سيجاره او غيره؟؟
لاحول ولا قوه إلا بالله

[وائل]

جزاكِ الله خيرا أختى المتميزة غفران

أحب أن أضيف

كلمة الأديان السماوية
لأنه هو كله دين واحد لله الواحد الجبار

[IORI YAGAMI]

السلام عليكم

صدقت والله اخى العزيز وائل ولقد كتبت موضوع طويل عريض كامل حول هذا الموضوع ولا اعرف هل قرأته ام أنك لم تكن قد اشتركت فى القهوه وقتها

لو لم تقرأه ارسل لى وارسله لك
تحياتى

سلام

[Resident_devil]

أحييكي بشدة يا أخت غفران
موضوع من المواضيع القلائل المفيدة بجد
وياريت ماتحرميناش من موضوعاتك الجميله تاني
وبطلب من الناضورجيه اللي هنا انهم يثبتوا الموضوع دا لانوا يستحق

والســ عليكوا ــلام

:shifty: :h2: :shifty:

[نفرتارى]

الموضوع ابتدى يحلو00

و لو ان ايه الستاشر بتوع هريدى؟؟؟ و ايه حكايه و شنب امى اللى كاتبها ايورى؟؟؟ اول مره اسمعهم

و على راى بلاك الواحد طلع بيقول حاجااااات00ربنا يستر000

فى حلفان الستات فى الصعيد: و مقصوصى الطاهر ده و لا يبقى على راجل000

و يجعله عامر00 :rolleyes:

[غــفــران]

-النبي تبسم
-يشفي الكلاب و يضرك

[حونكلولو]

بارك الله فيكم. موضوع مفيد فعلا.
بس أنا عندي سؤال
لما أقول "والنبي إني عملت الواجب" مثلاً هل هذا حلف أم أنه أسلوب تأكيدي
أنا قصد سؤالي هل المقصود بالحلف في حديث الحبيب - صلى الله عليه وعلى آله وسلم- هو حلف اليمين مثل قول "والنبي لأروح المدرسة" أم أن أسلوب التأكيد بهذا اللفظ أيضا ضمن نطاق النهي؟
أنا بأسأل السؤال ده لأنه من زمان عاوز أعرف إجابته خاصة إن بعض الصحبة - رضوان الله عليهم - كان يؤكد كلامه بكلمة "لعمري" والمقصود هنا المصطفى - صلى الله عليه وعلى آله وسلم- . وشكراً

[TATO ELMOR]

:o أيه ده مين غفران مش ممكن مستحيل :angry:

أيه اللى أنا بسمعه ده

( النبي تبسم - يشفي الكلاب و يضرك )

يا غفران ده أول حاجه قريتها فى موضوعك :(

جريت بسرعه لـ بداية الموضوع أشوف أيه أنتى تقصديه :huh:

والحمد لله :woot: أيوه كده هى دى غفران :D حرام عليكى أنتى صدمتينى

بارك الله فيكى وفمن شارك معكى :)



<!--EDIT|TATO ELMOR|Jul 30 2002, 04:57 AM-->

[ليالي]

يا جماعة الموضوع حلو اوى وتستهلى عليه تهنئة كبيرة اوى يا غفران :tu: :tu: :tu: :tu: :tu: :h: بس للأسف معنديش كلام لأنكم قولتوا اللى اللى اعرفه :rolleyes: .....واللى معرفوش :wub: :wub: :wub:

[mido 18]

دى حجات عالى الماشى :( خد عنك :(
مثل < الى يعوزو البيت يحرم على الجامع >
وعبد النبى ؛ وعبد الرسول
والى يقول احنا غلطنا فى البخارى

[غــفــران]

و خدوا عندكوا دول كمان:

- احنا بنقرا في سورة عبس
- انت مش دريان بالدنيا... عامل زي اهل الكهف

[إنسان]

بعد ما واحد يخرج من حادثة بيقولوا : " إنكتب له عمر جديد "

[غــفــران]

و دول كمان:

- أبلاكاش خشب الله

- من أيام سيدنا خشبة

[مجاهد انا]

ده إحنا زارنا النبي ..
و فيه معلومة .. إن 13 مش رقم نحس ..
ده رقم بيتشلئم منه اليهود ..
لان المسلمين هزموا اليهود في يوم 13 ..
و الله اعلم ..
وكذلك كلمة اليوبيل كلمة يهودية ..

[امير البحار]

بارك الله فيكم جميعا



موضوعك رائع غفران



:roses::roses::roses::roses::roses::roses::roses:: roses::roses:



:roses::roses::roses::roses::roses::roses::roses:: roses::roses:

[باكمان]

-دفن في مثواه الأخير
-الله يظلمك كما ظلمتنني
-الدين لب وقشور
-فلان شكله غلط
-ربنا افتكره
-شاءت حكمة الله كذا

[ام عمرو]

موضوع جميل جدا جدا يا غفران فعلا الواحد كان متعود على كلمات كده والحمد الله نحاول تحاشيها وربنا يباركلك يا رب :f: :f: :f: :f: :f: :f: :f:

[مجاهد انا]

ميه ميه يا باكمان باشا بس معلش ..
هي شاءت حكمة ربنا غلط ؟؟ :huh: :huh:
اصل انا مش عارف .. ( غشيم معلش ) ..
ـــــــــ

[بيسان]

ساعه لألبك وساعه لربك
سايق عليك ربنا ....سايق عليك النبي

[مجاهد انا]

ااه .. إفتكرت كلمة ..

إحنا عملنا اللي علينا و الباقي على ربنا ...
لإن ربنا سبحانه وتعالى هو اللي بيعمل كل حاجة ...
مش الباقي. ..

[باكمان]

ولا يهمك يا مجاهد
اقولك ايه الغلط فيها يا سيدى ..انت اؤمر بس

الغلط يا سيدى ان الحكمه لا مشيئه لها والذى يشاء هو الله سبحانه و تعالى

[غــفــران]

و كمان اما نقول حاجة زي: جائزة السماء (بتاعة عبد الوهاب مطاوع).... عدالة السماء (بتاعة محمود بكر) :D

[غــفــران]

ايه رأيكم يا جماعة في كلمة "أللاوي" و هي تطلق على حاجة كده زي ع البركة او اي كلام او كروته.... او بدون ترتيب مسبق....

انا مش عاجباني.... انتوا ايه رأيكم؟

[مجاهد انا]

الاوي ؟؟
سمعتها كتير فعلا تحير

بس اعتقد مايصحش نقولها

والله اعلم

[princcesa]

جزاك الله كل خير يا مجاهد عل إنك فتحت الموضوع من تاني علشان أنا كنتش موجوده ساعتها :sniff:




جزاك الله كل خير يا غفران و لو إنها جت متأخره

جزاكم الله كل خير جميعا



<!--EDIT|princcesa|Sep 16 2002, 09:09 PM-->

[أندلس]

بعض الناس عندما يجدون نباتا أو شجر و قد شق الأرض دون أن يزرعه أحد و لكن بقدرة الله عز و جل

يقولون....((ده زرع شيطاني)).....و حاشى لله سبحانه لا خالق غيره........فتلك الكلمة فيها شرك بالله

نعوذ بالله منه

و في ذلك يقول تعالى ((أفرأيتم ما تحرثون*ءأنتم تزرعونه أم نحن الزارعون * لو نشاء لجعلناه حطاماً

فظلتم تفكهون)) صدق الله العظيم


أما بالنسبة للتشاؤم من رقم 3 1 و الذي ذكره قبلا الأخ مجاهد أنا ، أريد أن أوضح السبب الذي أعرفه

لذلك التشاؤم و هو أن النصارى فيما يعتقدون أن نبي الله عيسى عليه السلام كان مع حوارييه و كان

عددهم 2 1 و كان ذلك في آخر اجتماع لهم به.....فدخل عليهم شخص وكان هو رقم 3 1 و هو الذي دل

الجنود الرومان على سيدنا عيسى فصلبوه ( على حد زعم النصارى) فاعتبر النصارى منذ ذلك الحين أن

رقم 3 1 هو رقم الشؤم لأنه رقم ذلك الرجل الخائن ، و أشاعوا تلك الخرافة بين الناس حول العالم

على فكرة أنا مولودة يوم 3 1 ديسمبر....حد عنده اعتراض :D

[princcesa]

لا يا أندلس ............... أنا عندي إعتراض :D :tng:
طب يا سيتي: كل سنه و إنتي طيبه مقدما :lolo: :lolo:


هوه فعلا العدد 13 الغرب بتشاؤمه منه... و في هنا بدعه إسمه ""Friday 13
كنت فاكره الحدث اللي بيرتبط باليوم ده.. نصر المسلمين في حرب ما! أو حاجه زي كده :sniff: :sniff: :wub: مش فاكره!

بس لو جد تاني يعرف يقول!

[مجاهد انا]

ايوة ايوة كلام البرنصيصة :lol:

قصدي البرنسيسة صحيح .. او يعني هو ده اللي انا سمعته ..
وعلى ما اعتقد انها كان نصر المسلمين على اليهو او النصارى

لة عرفت حاجة حقولكم :)

[أندلس]

ايه يا برنسيسة.....معترضة على إني اتولدت...و للا على تاريخ ميلادي ....نرجو الإفادة :D

أ ما عن رقم 3 1 فأنا مش فاهمة وجه اعتراض البرنسيسة و مجاهد أنا على روايتي عن سبب التشاؤم

منه.....مع إن القصة دي من مصدر موثوق به ^_^

[nooker]

يقول ايضا بعض الناس
انا اتخنقت من الجو مع ان هذا الجو ملك لله وهو الذى سخره لنا و لا يجب ان نتكلم مثل ذلك الكلام
------ منك
خلاص خنقتنى ... انا ماشى

ايه الراجل الخنقة دا

و كثيرا على موضوع الخنق هذا

و حسبى الله و نعم الوكيل
:(

[princcesa]

ههههههههه....

يا أندلس!!!


أنا لا أعترض!! بس اللي أنا قولته برضه صح!! و أنا معرفش اللي قولتيه علشات أعترضّ

مجاهد مجاهد!!! ممكن يكون دخول صلاح الدين للقدس جمعه 13!! :wacko: صح!

أنا مش عارف

[أندلس]

يعني برنسيسة مش معترضة.....رد قلبي :h2:

[princcesa]

واه إســـــــــــــــــلاماه :D

[مجاهد انا]

الرسالة :lol: :lol: :lol:


في ايه يا جدعان انت قلبتوا الموضوع خناقة :)

يلا يا ماما انتي وهي

كل واحد يشوفلوا كراسة يبص فيها ..

يلاخلونا نرش ميه قدام الموضوع :D :lol: :lol: :lol:

[ammar]

قدر أحمق الخطى...................

لعبده الحامولي

[أندلس]

مجاهد أنا.....احترس نفسك :angry:

:D

[يمونة]

السلام عليكم و رحمة الله
جزاكى الله خيرا غفران على الموضوع :wub:

أنا سمعت ان لما حد يقول يالهوى ترد عليه الملائكة لهوا دائما ان شا ءالله....سمعت....سمعت والله أعلم
:unsure: :unsure: :unsure: :unsure:

وكلمت "يالا" ودى طبعا منتشرة جدا برضه سمعت انها غلط كأنك بتقولى ياالله وتخيلوا مثلا لما الواحد يقول يلا يا جماعةأو يالا بينا شوفوتوا المعنى بقى ازاى :ph34r: :ph34r:

والله اعلم :unsure:

[بنت العراق]

السلام عليكم

احنة بالعراقي عدنة هواية مصطلحات
وداعت بابة
بروح ابوك
عليك الله
عليك النبي
بروح المرحوم فلان
وداعتك
الله ينتقم من الي كان السبب
طيح الله حظك
الله باخذ عمرك
شاللك الله
الله يعرف شغله (تستعمل للانتقام)
الله مة يضرب بحجار (تستعمل للانتقام)

و بعض الشيعة يحلفون
وعلي
و داعت ال البيت
ام حينما يهمون بالوقوف يقولون يا علي بدلا من يالله



بنت العراق

[غــفــران]

Originally posted by بنت العراق@Sep 17 2002, 10:06 AM
و بعض الشيعة يحلفون
وعلي
و داعت ال البيت
ام حينما يهمون بالوقوف يقولون يا علي بدلا من يالله


:sniff: :sniff: :sniff:

[فراولة]

موضوع حلو فعلا يا غفران :P
برافو عليكى :wub:

فى بردو حاجات متهيألى إنها غلط زى
أنا معتمد على ربنا وعليك فى الموضوع ده
أو أنا حاتكل عليك إنك تعملى الحاجة الفلانية
لإن طبعا الااعتماد أو الاتكال يكون على الله وحده

وفى كمان حاجة تانية
كلمة عالله يعنى عالله تحصل
عارفين لو احنا بنقولها واحنا متأكدين فى قدرة ربنا على حدوثها ما كانش يبقى فيها حاجة
لكن عادة بنقولها لما نبقى شاكين فى حدوث الشىء

ولا إنتوا إيه رأيكوا :(

[hanod]

موضوع اكتر من ممتاز
في كمان اللي بيقولوا
انا اصطبحت بوش مين النهارده
اليوم باين من اوله
ولما يشوف وش حد ما بيحبوش ياه ده اليوم النهارده باين من اصحابه <_<

[princcesa]

Originally posted by مجاهد انا@Sep 17 2002, 12:13 AM
الرسالة &nbsp;:lol: &nbsp;:lol: &nbsp;:lol:


في ايه يا جدعان &nbsp;انت قلبتوا الموضوع خناقة :)

يلا يا ماما انتي وهي

كل واحد يشوفلوا كراسة يبص فيها ..

يلاخلونا نرش ميه قدام الموضوع &nbsp;:D &nbsp;:lol: &nbsp;:lol: &nbsp;:lol:
يا حلاوه يا ولاد..... والله عيشنا و شوفنا......


أندلس.. بييييــــــــب.... هشك عليه :D

عيب يا مجاهد إنت قد ولادنا :tng: :tng:



<!--EDIT|princcesa|Sep 17 2002, 07:01 PM-->

[مجاهد انا]

ما انا قولت يلا يا ماما انتي وهي :P

وبعدين انا قد ولادكم ؟؟

يا عواجيييييز :tng: :tng:

[princcesa]

:sniff:

:sniff:

:sniff:

ده أنا غلبــــــــــــان :D

أنا اللي جبتوه ده كله لنفسي :D باين عليك أخدت عليا قوي هههههه

[مجاهد انا]

:brb: :brb:

[princcesa]

Originally posted by مجاهد انا@Sep 17 2002, 07:41 PM
:brb: :brb:
البتاعه دي بتفطسني من الضحك :brb: :brb:

[أندلس]

أنا شايفة ناس بتجيب في سيرتي من و رايا -_- .....أول حرف من اسمهم....مجاهد :lol:


ايه يا برنسيسة.....يعني ايه هشك عليه......أنا مابعرفش لغات :blink:

[مجاهد انا]

اممم مش عارفه ؟؟ :huh: :huh:

طيب تاني حرف من اسمه ايه ؟؟؟ :lol:
===================


على فكرة برده كلمت لبسوه العمة مش مظبوطة

[أندلس]

أنا :lol:

[مجاهد انا]

:huh: :huh: :huh:
مين ده ؟؟

يا ريت تقولي اسمه الثلاثي يكون افضل :lol: :lol:

[أندلس]

قول وأنا أ قول :lol:

[مجاهد انا]

:lol: :lol: :lol:
======

انت مش شايفة الموضوع اسمه ايه ؟؟

كلام مايصحش نقوله :D :D

[غــفــران]

يا سلام :angry:

انتوا قلبتوا الموضوع هزار؟ :angry:

ياللا يا حلوين, كل واحد يهزر أدام موضوعه أحسنله :ph34r:

[مجاهد انا]

Originally posted by غـفـــران@Sep 18 2002, 12:00 AM



كل واحد يهزر أدام موضوعه أحسنله :ph34r:
احسنله ؟؟؟


:wub: :blush: :wub: :blush:

[أندلس]

معلش يا غفران أنا آسفة...سامحيني :blush:

بس أعمل ايه كل ما أتكلم جد ألاقي مجاهد قلبها هزار.....أنا ماليش دعوة :blush:

[فراولة]

أفتكرت حاجة كمان
لما الواحد بيتنرفز من واحد يقول له " يووووه ده انت كفرتنى " :o
مالها زهقتنى يعنى وحشة ولا وحشة :angry:

[مجاهد انا]

وفي كمان الله يحرقك


استغفر الله العظيم منتشرة اووي :(
==================


طيييب يا اندلس بتحطيها فوق دماغي ؟؟


ماشي ماشي <_<

[فراولة]

وفى بردو حاجة أنيل بتتقال على الميت
بدل ما يدعوله ولا يذكروا محاسن موتاهم
يفضلوا يجيبوا فى سيرة الراجل دووود دووود دوووووود
ومش كفاية
لأ
الآخر يقولوا : ياللا الله يجحموا بأه مطرح ما راح :o

[مجاهد انا]

يا خراشي ؟؟؟


والله فعلا بلاوي زرقا بتحصل

يا رب سلم يارب سلم :sniff:

[محمود]

طيب بالمناسبة بقى طالما جبتوا سيرة الميت

دلوقتي لو شخصية عامة و توفت ينفع برده الناس تجيب في سيرتها ولا دول زينا زيهم؟؟؟

[ساجد لله]

السلام عليكم ورحمة الله وبركاته
ازيكم يا اهل القهوه الكرام .. أخوه وأخوات في الله .. وحشتوني كتير كلكم .. واعتذر على انقطاعي المفاجئ .. ظروف اجازه وانشغال في العمل .. واشكر الاخوه والاخوات الذين سألوا عني سواء برسايلهم الخاصه او عالنت .. واحب ان تكون اول مشاركه لي في موضوعك يا غفران اللي عودتينا دايما بموضوعاتك الهادفه .. بارك الله فيكي .. وفي كل المشاركين

لا تقل الولد ده شقي لأنك لا تعرف أهو شقي أم سعيد..
ولكن قل نشيط أو كثير الحركه فلا توجد في اللغه كلمة شقي بمعنى كثير الحركه أو ديناميكي

لا تقل لأحد.. الله يخرب بيتك .. اللي بنستخدمها كتير فمن الممكن ان تؤمن الملائكه على دعائك هذا وتكون أبواب السماء مفتوحه فتقبل الدعوه

لا تقل مشروبات روحيه على الخمور ولكنها مشروبات كحوليه أو قل خمور أو مسكرات

أما بخصوص الميت فلا يجوز ذكره ألا بالخير .. أذكروا محاسن موتاكم

ممممممم .. وفيه حاجات تاني بس لما افتكرها

[Bosbo]

سلام عليكم ..

فى دعاء سمعته كتير هنا فى القهوة و هو ما يصحش نقوله (( ربى لا اسألك رد القضاء و لكن اسألك اللطف فيه )) لان فى تحديد لقدرة الله عز و جل و هذا لا يجوز فالله قادر على كل شئ ...

[مجاهد انا]

:blush: :blush: هو الدعاء ده لا يجوز ؟؟؟

اول مرة اعرف


يا جدعان يجوز ولا لأ ؟؟؟؟

اصل بقوله :blush:

[Bosbo]

احببت ان اضع هنا درسا للشيخ وجدى غنيم اظن انه يضيف شيئا للموضوع ..

و اعتقد ان به اجابة على سؤالك يا باشمهندس مجاهد :)

الدرس هو الاسمــاء و مسمياتهــا (http://www.islamway.net/bindex.php?section=lessons&lesson_id=5359&scholar_id=74&scholar_name=%E6%CC%CF%ED+%DB%E4%ED%E3&scholar_directory=wagdy)

[Bosbo]

يا ريت كمان يا باشمهندس مجاهد تقرأ الجزء الخاص بـ الاخطاء التى تقع فى الدعاء فى اللينك ده ...

فضــل الدعــاء (http://www.khayma.com/Uzkurallah/Arabic/arabicdowaa.htm)

[غــفــران]

جزاكم الله خيرا :)

كمان في حلفان منتشر اوي وهو: "وحياة ربنا"...

مش عاجبني :unsure:

[أم علي]

وحياة أمي
وحياة أبويا
والنبي
وشرفي
أي حاجة فيها حلف بغير الله حرام
امممممم
حرام كمان البقية في حياتك او حياتك الباقية لأنه لا باقي الا الله
ربنا افتكره
انسان مالهوش لازمة في الدنيا(بسمعها كتير)
لعن الاب والام
او يلعب أبو اليوم اللي اتولدت فيه
حرام اللي بيتعمل فيا ده
اشمعنه انا اللي يتعمل فيا كدا
يعني اي كلام زي كدا
مش فاكرة تاني :blush:

[تراب الجنه]

السلام عليكم ورحمه الله وبركاته
وكمان زى ....... انت بتقاضى عمر
وعامل لى فيها الامام الشافعى
وايضا عامل فيها هارون الرشيد
بس مش عرفه ممكن يبقى منهم النبى قبل الهديه ولا ايه؟
وانت لا بترحم ولا بتسيب رحمه ربنا تنزل
وايضا . . خمسه وخميسه

ومعلش بأكد برده على .... والمصحف.....وعلى الطلاق لأنها فعلا من الالفاظ الشبه يوميه وبنسمعها
عمال على بطال.

[Bosbo]

مصطلحات لا يجب استخدامها ...

التقاليد الإسلامية: لا تنبغي لأن شرع الله ليس له تقاليد بل وحي من الله

صدفة : لا تنبغي لأن أي لقاء يتم فهو بقدر الله و ليس صدفة

يا ساتر : لا تصح لأن اللفظ الوارد في الحديث يا ستير

شاءت الظروف و شاءت الاقدار : حرام لأن الظروف و الاقدار ليس لها مشيئة بل مخلوقة و الاصح شاء الله او قدر الله

يا حمار يا كلب : حرام لأن الله كرم الإنسان

حد الله بيني و بينك : لا تنبغي لأنها توهم القطيعة

كلمة حرام عليك : لا تنبغي لأنك فد تحرم شئ أحله الله فتقول على الله بغير علم

فلان شكله غلط : لا تنبغي لأن الله تعالى يقول : و صوركم فأحسن صوركم

توكلت على الله و عليك : حرام لأنها شرك بالله ( فقد أشركت فلان مع الله ) و الاصح ان تقول ليس لى الا الله ثم انت

لولا الله و فلان : حرام لأنها شرك بالله تعالى: إذا انك أشركت فلان مع الله .. و الاصح ان تقول لولا الله ثم فلان

هذا من الله و منك : حرام لأنها شرك بالله تعالى .. و الاصح هذا من الله ثم منك

يلعن يومك أو الله يلعن هذا اليوم أو السنة أو هذه الريح : كل هذا حرام لأن اليوم من الدهر و الله يقدر الخير و الشر في الدهر و سب الدهر سب لله تعالى

أمانه الله عليك : حرام لأن الحلف لا يجوز إلا بالله

من علمني حرفا صرت له عبدا : لفظ منكر لأنها لفظه غير سلميه

اللعن : حرام قال صلى الله عليه و سلم: لعن المؤمن كقتله

الله يظلمك كما ظلمتني : حرام لأن الله عدل لا يظلم احد بل ينتقم من الظالم

بالرفاء و البنين : لا تنبغي الصحيح: بارك الله لك و بارك عليك و جمع بينكما في خير

و الله ما يستاهل : حرام لأن أي بلاء مقدر من الله رحمة للعبد المؤمن و كفاره له و كذلك هذا اللفظ فيه تعالى على الله و اعتراضا على قدره

وجه الله عليك : حرام لأن الله أعظم و اجل أن يستشفع به إلى خلقه

ما صدقت على الله : لا تنبغي لأنها توهم العجز لله تعالى

فلان ربنا افتكره : لا تنبغي لأنها توهم بالنسيان لله و هذا كفر

خسرت في الحج : لا تنبغي لأن المال المبذول في الطاعة ربح لا خسارة

قلعة تقلعك : حرام لأنها دعاء للعن

لا سمح الله : لا تنبغي لأنها توهم أن أحدا يجبر الله على
شئ و الله لا مكروه له و الاصح لا قدر الله

لا حول الله : لا تنبغي لأنها توهم بأنه لا حول لله و لا قوه و الاصح لا حول ولا قوة الا بالله

==========================================
منقــــول ,,,

[غــفــران]

سلمت يداك يا بوسبو :)

و في كمان: ده احنا زارنا النبي

و كمان فال الله و لا فالك يعني ايه دي اصلا... انا مش فاهماها اساسا, لكن مش عاجباني و خلاص.

[غــفــران]

و نعم بالله .... ايه أصلها؟ ايه حكمها؟ طيب ايه معناها؟

[مجاهد انا]

اعتقد انها صيغة تعجب .. بس اللي انا اعرفها انعم بـ

بس على العموم انا بقولها :D

يا ريت اعرف يصح ولا ما يصحش :)

[زلابيا]

Originally posted by بوسبـو@Sep 28 2002, 01:14 PM
بالرفاء و البنين : لا تنبغي الصحيح: بارك الله لك و بارك عليك و جمع بينكما في خير


ليه هى حرام !!!!

[Bosbo]

ماقلناش حرام يا زلابيـا .. قلنا لا تنبغى ..

لان عندنا اللى افضل منها فى ديننا الاسلامى و هو الدعاء اللى بيقول ..
(( بارك الله لك و بارك عليك و جمع بينكما فى خير ))

يعنى تحبى لما تتجوزى يدعولك بكده وللا يقولولك كلمة لا بتزود ولا بتنقص و مالهاش لازمة ؟؟؟

مجرد عادة موروثة

[te3mah]

السلام عليكم

من الكلام المكروه ايضا :
يعني غلطنا في البخاري
ده من زمن سيدنا خشبة
هل تصلي ؟ ..... آه بصلي عالنبي
ربنا خلق فلان بعد ما استكفى (تعالى الله عما يصفون)

وجزانا الله وإياكم كل خير على هذا المجهود الرائع :rolleyes:
أختكم في الله : طعمة :wub:

[زلابيا]

طيب يا بسابيسو يعنى ايه بالرفاء؟

اصلى انا بافهم كلمة البنين هنا على انها دعوه لانجاب اولاد يعنى انما رفاء دى معناها ايه؟ واذا كانت دعوه لمن يتزوج تبقى لا تنبغى ليه !! وكيف لا تقدم او تؤخر !!



<!--EDIT|زلابيا|Oct 2 2002, 09:26 AM-->

[غــفــران]

و في كمان اما حد يكون مفلس يقول انه: "ع الحميد المجيد"..... :angry:

و كمان لما حد يقول لحد الحمد لله التاني يقوله... يستاهل الحمد.... هوه انا مش عارفة مالها تحديدا بس مش بالعاها بصراحة .><

[TATO ELMOR]

هو مش ربنا جل شأنه

يستاهل الحمد على كل حال

مش الشكر كل الشكر لله عز وجل فى السراء والضراء

بس هو ده المقصود بــ يستاهل الحمد

والله أعلم .

.



<!--EDIT|TATO ELMOR|Oct 8 2002, 11:00 AM-->

[غــفــران]

شوف يا تاتو.... انا احساسي تجاه الكلمة دي كان انها كلمة ركيكة و لا يجب انها تقال على الله جل و علا... بس كده :)

طيب في كمان يا جماعة كسبنا صلاة النبي طبعا مايصحش تتقال خالص... ولا ايه؟

[زنوبيا]

نصلح ما افسده الدهر
روى الامام البخاري ومسلم عن ابي هريره رضي الله عنه قال: قال الله تعالى يؤذيني ابن آدم، بسب الدهر وأنا الدهر أقلب الليل والنهار) وفي روايه لمسلم( لايقل ابن آدم ياخيبة الدهر فأني أنا الدهر أرسل الليل والنهار فإن شئت قبضتهما)

[غــفــران]

بارك الله فيكي يا زنوبيا... انا كنت بادور على الحديث ده عشان في ناس كتير هنا في القهوة بتقول عن الزمن و زمن ماعرفش ماله.... عشان كده لزم التنبيه... و مبروك عليكي الثواب باذن الله :)

[باكمان]

يا مستعجل عطلك الله

[غــفــران]

ايوة يا باكمان تسلم ايدك.... انا الكلمة دي بتغيظني اوي.....

عموما انا خلاص بطلتها لكل اللي اعرفهم..... عقبال بأه كل اللي ماعرفهمش :D

[محمود]

:huh:

تصدق يا باكمان

انا كنت داخل عشان اكتب الجملة دي :D

يلا

غيرها ف غيرها

[غــفــران]

بارك الله فيكما يا شباب :D

[باكمان]

انا او انت واحد يا حوده :wub:
ما تفرقش مين اللى كتب المهم نبطلها

[باكمان]

و بارك فيكى يا غفران :)

[زنوبيا]

Originally posted by غـفـــران@Oct 16 2002, 07:44 PM
بارك الله فيكي يا زنوبيا... انا كنت بادور على الحديث ده عشان في ناس كتير هنا في القهوة بتقول عن الزمن و زمن ماعرفش ماله.... عشان كده لزم التنبيه... و مبروك عليكي الثواب باذن الله &nbsp;:)
اااامين يا غفران وربنا يبارك فيكى انتى كمان وان شاء الله ليكى انتى كمان ثواب بنيتك :D

[وائل]

البقية فى حياتك

كلمة معناها غلط تماما

المفروض البقاء لله

[زنوبيا]

فى كمان المرحوم فلان او المغفور له فلان
وده تدخل فى غيب الله سبحانه وتعالى فهو وحده اعلم بمن رُحِم او غُفِرَ له
والاصح اننا نقول فلان رَحِمَهُ الله او فلان غَفَرَ الله له

[لمون]

اعمل خير و ارميه في البحر
هي تقالت ؟؟؟؟؟؟
:o

[وائل]

جزاكم الله خيرا أختى الفاضلة زنوبيا

تعرفى
برضه مايصحش نقول الشهيد الفلانى
أو الشهيدة الفلانية

وفيه حديث عن كده اكتشفته أخيرا
وفى البخارى :?small:

أنا أحاول اشوفه بالنص إن شاء الله

[غــفــران]

و بمناسبة بلوغي المشاركة ال2000 للمرة الثانية فغلاسة كده باجدد مواضيعي و منهم الموضوع ده للافادة :)

ملحوظة: اللي عنده طقطان يقرأ 8 صفحات و يشوف اسماء 98% منهم لم تعد موجودة و موضوع من اكتر من سنة... يدخل الموضوع ده عشان فعلا مفيد :)

[ياسر سويد]

موضوع مفيد جدا قشطة ياما ومبروك وعقبال المشاركه رقم مليوووووووووووووووووووون

[غــفــران]

جزاك الله خيرا يا أخي ياسر :)

الا قول لي انت قرأت ال 108 مشاركة الل في الموضوع؟ هممم

[ياسر سويد]

طبعا قريتهم ما انتيش شايفانى بنهج اه أوووبس حقيقى قشطة ياما قشطة ياما قشطة ياما

[غــفــران]

ما شاء الله لا قوة الا بالله، ده انت بطل : هيه:

جزاك الله خيرا مرة أخرى و يا رب تكون الاستفادة على أد الصفحات :)

[ياسر سويد]

مجبر أخاك لا بطل فالموضوع يستحق عناء القراءة وأهو الفاضى يعمل قاضى

[aLeX PhArMaCiSt]

مش عارف ليه عايز انشط الموضوع ده تاني

بس هو موضوع مفيد جدااااا




خدوا بقي عندكم دول:

انا عبد المأمور !!

هذه كلمة خاطئة لأننا كلنا عبيد لله الواحد الاحد القهار، هي توحي أن قائلها ليس عليه أي ذنب إذا أمره رئيسه بفعل ما يغضب الله ، و الحقيقة غير ذلك ، فكل إنسان مسئول عن أفعاله مسئولية كاملة ، فعن ابن عمر رَضِيَ اللَّهُ عَنهُما عن النبي صَلَّى اللَّهُ عَلَيهِ وَسَلَّم قال: " على المرء المسلم السمع والطاعة فيما أحب وكره، إلا أن يؤمر بمعصية، فإذا أمر بمعصية فلا سمع ولا طاعة " مُتَّفَقٌ عَلَيهِ.




العمل عبادة

عبارة ليس لها أصل شرعى لا من كتاب ولا من سنة وإن كان السعى للرزق والعمل هذا واجب على العبد قال الله: { فَامشُوا فِى مَنَاكِبِها وَكُلُوا مِن رِزِقِه } (تبارك:15).
ونجد البعض إذا قيل له قم الى الصلاة قال العمل عبادة وكأن العمل يتعارض مع الصلاة وهذا غير صحيح ولا بارك الله فى عمل يشغل عن الصلاة
وقد يكون العمل عبادة إذا كان حلالا ونوى صاحبه الطاعة، ككف النفس عن السؤال والنفقة الطيبة على اهله وعياله ولم يشغله عن طاعة ربه

[غــفــران]

للي عنده كلام تاني ما يصحش نقوله.

[دموع القمر]

بجد جزاكي الله خيرا عالموضوع الجميل ده يا غفران
وعملتي خير انك نشطتيه تاني:rosy:
علي فكرة انا قريت كل المشاركات (8صفحات):heat:
لان الموضوع يستاهل
عايزة بأه اضيف:
حنبلي:لان الناس بتقولها تريئه علي الامام احمد بن حنبل

عندنا مثل في مصر لما طفل تتخلع سنته يرميها في وش الشمس ويقول:
يا شمس يا شسموسه خدي سنه الجاموسه وهاتي سنه العروسه
وده طبعا لا يجوز لان الذي يهب هو الله

و ايضا كما قال مشارك:"دعاء اللهم لا اسالك رد القضاء بل اسالك اللطف فيه"
لان فيه تحديد لقدرة الله_عز وجل_
وكان الرسول_صلي الله عليه وسلم _يقول:
"اللهم اني اعوذ بك من سوء القضاء"
و اذا افتكرت حاجه تاني ابقي اقولها:D

[نور محمد]

السلام عليكم ....
ربنا يبارك فيكى يا غفران والله ....:flowers:
موضوع رائع ....




فيه كلمة بقى ...مش بالعاها الصراحة ...
أكل عليه الدهر وشرب .....بنقولها على الحاجة اللى قدمت قوى ......
والدهر هو الله تعالى ...
والله لا يأكل ولا يشرب ....
مش عارفة هى الكلمة مش مريحانى وخلاص:closeeye:








جارى البحث عن كلمات أخرى:think:

[دموع القمر]

ايضا عندما نقول ان شاء الله بعد ان ندعوا لانفسنا او لاحد
كان نقول:جزاك الله خيرا ان شاء الله
و الرسول _صلي الله عليه وسلم_امرنا بان نعزم الدعاء ونلح فيه


وايضا مثل قولنا:
خمسه وخميسه
خمسه في عين الحسود
النهارده الخميس
امسكوا الخشب
كان عندنا كتكوت وكبر

بقصد منع الحسد

ولما افتكر حاجه تاني هبقي اجي:D :D :D

[طـــه]

والدهر هو الله تعالى ...


بصي يا نور الموضوع ده انا كنت سمعت عنه كلام مش عايز اخوض فيه لان انا مش عالم ولا طالب علم

بس مفاده ان الدهر ليس من اسماء الله والا ما كان الله قال عن المشركين

"وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ وَمَا لَهُم بِذَلِكَ مِنْ عِلْمٍ إِنْ هُمْ إِلَّا يَظُنُّونَ " الجاثية - الايه 24


والله اعلم يا ريت حد يفتينا

عموما موضوع جميييييييييييل جدا

شكرا غفران

[SMOOD]

في كمان حاجات غلط بنقولها كثير،

والنبا النبي نبي .....و دة حرام

في حاجة بنقولها في فلسطين لما ما يعجبناش حد

ما هو الله بخلق و بزت ( بيرمي يعني )




بس دة الي فكراة بس افتكر حاجة ثانية حرجع...

بس بجد موضوع جميل جزاك الله كل خير،:flowers:

[ندا]

موضوع فعلا ممتاز يا غفران :rosy: :rosy: :rosy:

[غــفــران]

آدي الله و آدي حكمته
مش عجباني برضه.. يعني ايه آدي الله؟ المفروض نتعامل مع لفظ الجلالة بطريقة احسن من كده، و لا ايه؟

جزاكم الله خيرا جميعا على مشاركاتكوا الفعالة :)

[نور محمد]

روى الامام البخاري ومسلم عن ابي هريره رضي الله عنه قال: قال الله تعالى يؤذيني ابن آدم، بسب الدهر وأنا الدهر أقلب الليل والنهار) وفي روايه لمسلم( لايقل ابن آدم ياخيبة الدهر فأني أنا الدهر أرسل الليل والنهار فإن شئت قبضتهما)
باشمدندس idontcare:ura1:
منور يا فاندم:flowers:
أنا قريت الحديث ده..والله فى الحديث يقول ..." أنا الدهر "
مش عارفة بقى حد يتأكد يا خوانا


































فيه بقى مثل عجيب قوى ..بتقوله الستات " غالبا الكبيره "
هو .....أحم :blush2:













شعرة من جلد الخنزير مكسب
وطبعا معروف من هو الخنزير :أخخخ: ....

الراجل طبعا :closeeye: " خاصة البخيل "

بدون تعليق:surrender

[طـــه]

الاخت العزيزه نور :rosy:

بصي ده كلام الشيخ ابن العثيمين رحمه الله

من كتاب القواعد المثلى في الاسماء والصفات

"القاعدة الأولى: أسماء الله تعالى كلها حسنى: أي بالغة في الحسن غايته، قال الله تعالى: (وَلِلَّهِ الْأَسْمَاءُ الْحُسْنَى)(1). وذلك لأنها متضمنة لصفات كاملة لا نقص فيها بوجه من الوجوه، لا احتمالاً ولا تقديراً . . . . . . . . .

الي ان قال:

وبهذا أيضاً علم أن: "الدهر" ليس من أسماء الله تعالى؛ لأنه اسم جامد لا يتضمن معنى يلحقه بالأسماء الحسنى، ولأنه اسم للوقت والزمن، قال الله تعالى عن منكري البعث: (وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ)(13) يريدون مرور الليالي والأيام. فأما قوله صلى الله عليه وسلم: "قال الله – عز وجل -: يؤذيني ابن آدم يسب الدهر، وأنا الدهر، بيدي الأمر أقلب الليل والنهار"(14). فلا يدل على أن الدهر من أسماء الله تعالى؛ وذلك أن الذين يسبون الدهر إنما يريدون الزمان الذي هو محل الحوادث، لا يريدون الله تعالى، فيكون معنى قوله: "وأنا الدهر" ما فسره بقوله: "بيدي الأمر أقلب الليل والنهار"، فهو سبحانه خالق الدهر وما فيه، وقد بين أنه يقلب الليل والنهار، وهما الدهر، ولا يمكن أن يكون المقلب (بكسر اللام) هو المقلب (بفتحها) وبهذا تبين أنه يمتنع أن يكون الدهر في هذا الحديث مراداً به الله تعالى." انتهى

هذا والله اعلم

و ده اللينك

http://www.binothaimeen.com/modules.php?name=News&file=article&sid=1858

وعموما جزاك الله خيرا :flowers:

و الف شكر على المثل (اللطيف) :nunu0000:

سلام :flowers:

[مشتاق]

جزاكم الله خير.. وانتوا مخليتوش حاجه الواحد يقولها..

[نور محمد]

و الف شكر على المثل (اللطيف) :nunu0000:

سلام :flowers:

ألف الف شكر يا فاندم على الاهتمام والمحاضرة :flowers: .....
وجارى الاستماع لها بعد محاضرة هريدى ان شاء الله رب العالمين:shv:











وبالنسبة للمثل بقى ........هو أكيد لطيف ..هافتكر واحد تانى واكتبه على طول هممم

سلام برده:hot:

[المنسى1]

عملت نفسى بنفسى
اشرب دا مقرى عليه
ميستهلش
ســــــــلام