مولاهم "بوش"00لا رضى الله عنهم ولا عنه

[محمد فارس]

كتروا أعادينا
وعلينا اتكالبوا
حتى اللى كان لينا
له وش راح قالبو
جونا يمين وشمال
وبوش معاه كلبه
الكلب اسمه "بلير"
أسنانه مسعورة
مسعورة مثل شارون
لا رحمة فى قلبه
000
حَطونا فى دماغهم
واحنا ولا حَطين
بترولنا 00بترولهم
واحنا كمان مِطاطين
تاريخنا للحظة
مفهش غير حِطين
كرامتنا مدبوحة
هوية مسلوخة
خدودنا مصفوعة
من ناس مِنحَطّين
000
سَمواتنا مفتوحة
وفيها بيبرطعوا
الضرب فى المليان
فى الجِتة بيقطّعوا
"ابولمعة"أه ياسلام *
له دم ماأنطعه
قال راح لأمريكا
لجل يتوسل
قالتله امريكا
مش قبل ماتخضعوا
000
"ابولمعه" لو محظوظ
كان شاف "ليزا رايس"*
اكيد كان انبسط
كان قال انا هايص
ضيافته حتكون ايه؟
مصاصة مع آيس
خيبتك ياوش الشوم
إحكى ونوّرنا
مين اللى كان راجل
ومين اللى كان مايص
000
"ابولمعة" لو صَلّى
القبلة00امريكا
قِرايته فى صلاته
على مقام سِيكا
ولشعبه قال يدعى
امريكا تِحميكا
صلاته يختمها
سلامه امريكى
سلامها فيه لعنه
كان لىّ ام ليكا
000
"ابولمعه" بشّرنا
قال بوش خطيب جمعه
راح يفتى فـ امورنا
ويحَسّن السمعه
راح يرفع الآذان
وصلاه تكون جَمعا
يوم تسمع الخطبة
منك تسيل دمعه
راح يفتح الابواب
لتوبه جماعيه
الأوله فى بغداد
يقيد فيها شمعه
000
راح بوش بخباثته
قاله ياأروبه
حبيبى يابولمعه
سماح دى النوبه
طَمن اهاليكم
قبلت انا التوبه
راضى انا عنكم
مفيش ولا عقوبة
والشرط00اسرائيل
تكون محبوبة
لا كلمة تحرجها
ولا تحدفوا طوبه
تكون هى الاسطى
منكم تكون "زوبة"
تكون هى السايس
انتم بقى "ركوبة" *
ولو قلتم يا"سولانا"*
يابوش يا مولانا
افرح انا بيكم
يا أحلى سبوبه
000
ملاميعنا* لو حجّوا
بيروحوا امريكا
بيطوفوا بالأبيض
ويلبوا يا"مونيكا"*
ولبوش كمان يدعوا
الله يخلّيكا
الحجة دى عنّك
إسمح لينا بيها
والهدى يوم النحر
بشعوبنا نفديكا

--------------

ابولمعه = وزير خارجية عربى ذهب الى امريكا طارحا سياسة التوسل
ليزا رايس = مستشارة الامن القومى الامريكى
ركوبة = يعنى ركوبة00مع الاعتذار للحمير
سولانا = منسق السياسة الخارجية للاتحاد الاوربى
ملاميع = جمع مِلَمّع00وهم شيوخ حاراتنا

[سلسبـيل]

الاستاذ الفاضل....هراس
رائع بمعني الكلمة
الالفاظ والمعااني والتشبيهات خاصة
حفظك الله لنا
وادام لنا قلمك



كِتروا أعادينا
وعلينا اتكالبوا
حتى اللى كان لينا
له وش راح قالبو
جونا يمين وشمال
وبوش معاه كلبه
الكلب اسمه "بلير"
أسنانه مسعورة
مسعورة مثل شارون
لا رحمة فى قلبه

طول عمرهم زايدين
وبيلعبو بينا
ماحنا لبوش ساكتين
ولكلبه وطينا
رافضين نسيب الذل
ماسكينه بادينا
اصل احنا مش بنمل
والخيبه دي فينا

حَطونا فى دماغهم
واحنا ولا حَطين
بترولنا 00بترولهم
واحنا كمان مِطاطين
تاريخنا للحظة
مفهش غير حِطين
كرامتنا مدبوحة
وهوية مسلوخة
وخدودنا مصفوعة
من ناس مِنحَطّين

ازاي..طب قوللي انت
حاننشغل بيهم
ونحس دا امتي؟
نرفض ف بلاويهم
واخدين علي دماغنا
ونتلزق فيهم
وبياخدو بترولنا
ونبوس ف رجليهم

سَمواتنا مفتوحة
وفيها بيبرطعوا
الضرب فى المليان
فى الجِتة بيقطّعوا
"ابولمعة"أه ياسلام *
له دم ماأنطعه
قال راح لأمريكا
لجل يتوسل
قالتله امريكا
مش قبل ماتخضعوا

ابو لمعه زيه كتير
بينا وساكتينلهم
طب هوه فيه الخير
قال قبل مايروحلهم
اما اخينا التاني
كاتب عقود الذل
قدام مبلغ فلاني
مش ديه حاجه تعل؟؟

ابولمعه" لو محظوظ
كان شاف "ليزا رايس"*
اكيد كان انبسط
كان قال انا هايص
ضيافته حتكون ايه؟
مصاصة مع آيس
خيبتك ياوش الشوم
إحكى ونوّرنا
مين اللى كان راجل
ومين اللى كان مايص

لو شافها كان اتشل
وان حتي كان خاين
خيانتها مالهاش حل
واهو كل شئ باين
اتفنن انه يخون
يمكن يكون زيها
ولا عمرها يوم حايكون
ملعون كبير قدها

"ابولمعة" لو صَلّى
القبلة00امريكا
قِرايته فى صلاته
على مقام سِيكا
ولشعبه قال يدعى
امريكا تِحميكا
صلاته يختمها
سلامه امريكى
سلامها فيه لعنه
كان لىّ ام ليكا

ميت الف لعنه عليه
تاخده وامريكا
وشرفه اللي نسيه
زي مانسيكا
ويبوس جزمه سياده
يسمع ف مزيكا
والله شكله ذليل
وشكله انتيكا

"ابولمعه" بشّرنا
قال بوش خطيب جمعه
راح يفتى فـ امورنا
ويحَسّن السمعه
راح يرفع الآذان
وصلاه تكون جَمعا
يوم تسمع الخطبة
منك تسيل دمعه
راح يفتح الابواب
لتوبه جماعيه
الأوله فى بغداد
يقيد فيها شمعه

سي بوش شيخ الندامه
بنشوره ما يشورنا
ومعلم ميت علامه
علينا وصبرنا
وفتانا كتير وياما
غرّقنا ف بحورنا
بادعي تقوم للقيامه
عشان تحررنا

راح بوش بخباثته
قاله ياأروبه
حبيبى يابولمعه
سماح دى النوبه
طَمن اهاليكم
قبلت انا التوبه
راضى انا عنكم
مفيش ولا عقوبة
والشرط00اسرائيل
تكون محبوبة
لا كلمة تحرجها
ولا تحدفوا طوبه
تكون هى الاسطى
منكم تكون "زوبة"
تكون هى السايس
انتم بقى "ركوبة" *
ولو قلتم يا"سولانا"*
يابوش يا مولانا
افرح انا بيكم
يا أحلى سبوبه

طبعا اكيد فرحان
اصل احنا زي الهبل
واللعبه واكله كمان
عقولنا كده بالسهل
طايرين برضا ابونا
طايعين كمان امره
وان حتي خلونا
نهتف يعيش عصره

ملاميعنا* لو حجّوا
بيروحوا امريكا
بيطوفوا بالأبيض
ويلبوا يا"مونيكا"*
ولبوش كمان يدعوا
الله يخلّيكا
الحجة دى عنّك
إسمح لينا بيها
والهدى يوم النحر
بشعوبنا نفديكا

حجتهم ان كان بوش
عاجباه ورضي عنها
ممكن يخليهم
يكررو منها
ومكافاه يديهم
رحله في جوانتنامو
دايما وزي العاده
وان ما الحج عجبوش
يغضب يسخط عليهم
يجعل فوقها واطيها
هايخليهم ينامو
نوم الظالم ....عبادة

تقبل تحياتي

سلسبيل

[المهندس]

بصراحه الله يبارك فيكما انتم الاثنين
اعطونا كمان
لو اننى استطيع ان اعبر ما بداخلى
لاصبحت منكم

[أرض الميعاد]

مازال الجرح ينزف ... مادام هناك حقير
بدمائنا يتلذذ...
وعلى اصوات الآمنا يتراقص...
وعلى آهاتنا يضبط مؤقت الحقد والاذلال ...

الجرح غائر ...
والخيانة تترأس مصيبة أمة
خذلها الأقربون ..

أخي الكريم ... هراس ...

بعضهم اولياء بعض ...
والله مولانا ولا مولى لهم ....

اقف امام قصيدتك اتأمل الجرح
وانت ترسم لوحة الخيانة
وظلم ذوي القربى ...

تتوه الكلمات ... ولكن انين الثكالى
وحسرات الشيوخ ...
ودموع القهر في عيون الاطفال

لاتضيع ولا تتيه ...
لأن دماء الشهداء تجيب كل مظلوم ....
أن للحق اهل ...
وللوعد ميعاد ...


أخي ....
خير الهموم عظيمها ... وماكان الله فهو انبل واشرف
وأنت تقدم ادواتك وهبات الله
لتبعث فكرة هي (من يحمل هم أمتنا)

لما ابدعت اناملك ... اقدم كل تقدير
وادعوا الله ان يهبك المزيد ...

وفقك الله

[النيـل]

بسم الله الرحمن الرحيم
اخي هراس انها حقا مشاعر صادقة
تعبر عما نعيشه وتجسد ما يدور حولنا
وفاكر انا وزير الخارجية لما راح وقال
انه مفيش حل الا اننا نستجدي امريكا
شوفتوا الحل وشوفتوا الايمان بالله والثقة بنصره
وحسبي الله ونعم الوكيل
وجزاك الله كل خير اخي هراس ودام لنا احساسك
وتحياتي ورردة ورردة ورردة

[الحســــام]

كـتـروا أعـاديـنـا
وعليـنـا اتكـالـبـوا
حتى اللـى كـان لينـا
لـه وش راح قالـبـو
جونـا يميـن وشمـال
وبـوش معـاه كلـبـه
الكلـب اسمـه "بليـر"
أسنـانـه مسـعـورة
مسعورة مثل شـارون
لا رحمـة فـى قلبـه


أخى الحبيب...هــــراس...
حتى جروحنا القوميه التى تعبنا ومللنا من الحديث عنها..خضت فيها ..
وتعاملت معها بقلمك الصادق...
وأخرجت منها ...درتك الاخيره...
صرخة ثائر...أطلقتها فى وقت عز فيه الصراخ..والتزم الكل بالصمت..اما خوفا..او طمعا...

صديقى العزيز...
قلت لك مسبقا...
ما أجدرك ان تكون ملكا متوجا على عرش الشعر السياسى...
تستحقها...وحدك...
دون منازع...
وبلا ادنى منافسه...
دمت لى يا اخى....

حســـام.

[محمد فارس]

[QUOTE]كاتب الرسالة الأصلية : المهندس
[B]بصراحه الله يبارك فيكما انتم الاثنين
اعطونا كمان
لو اننى استطيع ان اعبر ما بداخلى
000000000
اخى المهندس
اشكر تواجدك الذى انار صفحتى
وبارك الله فيك ياأخى وفى الاخت سلسبيل التى اكملت واوضحت الصورة بما كتبت0

اشكرك

حفظك الله

[رنـranimـيم]

ليه ياهراس ..ليه تفكرنا باللى بنحاول ننسى ان احنا فاكرينه


تاريخـنـا للـحـظـة
مفهـش غيـر حِطيـن
كرامتـنـا مدبـوحـة
هـويـة مسـلـوخـة
خدودنـا مصفـوعـة
مـن نـاس مِنحَطّيـن

ايوه كرامه مدبوحه ..مطعونه ميت طاعنه من اللى جوه ومن اللى بره ..نفس

مكسوره..محبوسه ودمعه وخوف على وشوش ضاعت ملامحها

هوية مسلوخه وممسوحه ...خدودنا مصفوعه .... وعيون ماعدناش عارفين

نرفعها...وراس بصه للارض خايفه ولا ده كسوف




سَمواتـنـا مفتـوحـة
وفيـهـا بيبرطـعـوا
الضرب فـى المليـان
فـى الجِتـة بيقطّعـو

ايوه صحيح سمانا مفتوحه لهم لكن القلوب عمرها ما حتتفتح لهم ولو حرقونا

مش بس قطعونا

...
الحـجـة دى عـنّـك
إسمـح ليـنـا بيـهـا
والهـدى يـوم النحـر
بشعوبـنـا نفـديـكـا

اخى هراس
نجحت ان تبكينى





هزتنى وانا ارى كلمات محببه الى نفسى

حجه وهدى ونحر وان اتصورها واسترجعها فى ذهنى ثم اتخيلها ترتبط

باسماءهم فبكيت والله ...وتذكرت جمله سمعتها بعد حرب العراق عندما

قالها احدهم ولا اعرف ان كان فى الحقيقه واقعى ام متشائم وهو يعلن

بسخريه ان غدا سنحصل على تاشيرة العمره من السفاره الامريكيه ويومها

بكيت وانا اتخيلنا وصلت بنا المهانه الى ذلك الحد


شكرا لك اخى ...من اروع ما قرات لك

رنيـــــــــم

[محمد فارس]

كاتب الرسالة الأصلية : سلسبـيل
---------------------
صاروخ الزجل
الاخت سلسبيل

بسم الله 00ماشاء الله
زادك الله من فضله
لم اعد افرق بين مشاركاتك الجديدة ومداخلاتك على مشاركات الآخرين0
الروعه تجمع بين الاثنتين00
الوضوح سمة تغلف كلماتك00
معايشتك 00لمشاركات الاخرين ، تجعل مداخلاتك توضح الصورة اكثر00تعمق الفكرة 00تستكمل ماقد نقص0

واسمحى لى بهذ الرد المتواضع على بعض مقاطع مداخلتك
الخييبة
الخيبة مش راضية
تنزل كمان درجة
بتقول أيالهوى
وقعت انا فـ حرجَ
الخيبة ملهاشى
فى هَرَجَ او مَرَجَ
عربىُ كان عندى
بالأمر قد خَرَجَ
والذل
الذل دا حبيبهم
وهمّا احبابه
لو يوم بعد عنهم
يتمرغوا ترابه

والحل
الحل كان موجود
والرفض جه منا
كلام بلاش منه
بلاش نقول إنَا
دالحل فـ عقولنا
مش بس ابدانا
العلم ده سلاحنا
الفكر والفنّ
حرية وكرامة
لكل بلدانا
لو كل ده يحصل
راح ينصلح حالنا
ونعيش كدا فـ هدوء
عسل على سمنَ
والكل
الكل ابو لمعه
وياريت يكون مكسوف
ده بيعمل العملة
وكمان عايزنا نشوف
لو شفت ابو لمعه
على وشه هات ياكفوف
وليزا
ياما شافها وياما انبسط
ياما قال انا شارى
ابو لمعه00جاك البَلاَ
مهو انت مش دارى
ان كنت لابس توب
او ماشى كدا عارى
اياك تيجينا فى يوم
تسكن هنا جوارى
حاأكلك حلتيت
واشّربك هارى
تفوق كدا شوية
فى ليل وفى نهار
00000000000
سلسبيل
صرت اتلهف للكتابه كى احظى بمداخلاتك الجميلة
حفظك الله

[محمد فارس]

000

[محمد فارس]

كاتب الرسالة الأصلية : طاووس زمانه
وإن كنت اتحفظ على بعض السب العلني الذي أضعف بعض المناطق القوية في القصيدة
أيضا ذكر الأسماء بعينها كان أجمل لو كان أقل من الكم الموجود
هذه هي الأمثلة و لك الحكم
الكلـب اسمـه "بليـر"

كان شاف "ليزا رايس"*
اكيـد كـان انبـسـط
كان قال انـا هايـص
ومين اللى كان مايـص
اخى طاووس زمانه
اسعدنى تواجدك لأول مرة فى صفحة من صفحاتى00
وكلمةحق اقولها00انى منتظم فى قراءة مشاركاتك القيمة 00وكم اجد فيها من متعة حقيقية0

اخى طاووس لك الحق ان تتحفظ 00ولى الحق ان اتحفظ على تحفظك00
وهذا ليس تقليلا من رأيك 00بالعكس فأنا اقدره من حيث انه رأى00ومن حيث انك صاحبه
لكنى اختلف 00معك فيه00فأنا لم اسب على العلن00وان كنت تقصد ذكر الاسماء وتشبيهها بالكلاب00فالقصد كان تحديد اى كلب منهم00فالكلاب كثيرة ياسيدى ومن هنا وجب التحديد0
ثم انه ان كان هناك من يشكو من السب 00فصدقنى 00هى الكلاب التى سبناها عندما ربطنا بينها وبيين هؤلاء0

وعلى العموم انا لي قصيدة في نفس الفكرة في نظري هل تنتظرني قليلا

اخى طاووس انا فى انتظار قصيدتك التى نوهت عنها00

اشكرك

حفظكم الله

[Neagm]

قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما
لكم اتمني
ان تصل اصواتنا الي العالم
ان يستيقظ كل نائم
ان نعدل الموازين المقلوبة
ان نريهم معني الاسيلام و معني العروبة
ان نعيد للاسلام مجده و نرفع علي كل ارض علمه

هل تعرف
هم يكذبون و نحن المصدقون
هم يعزفون و نحن الراقصون
هم اللاعبون و نحن المتفرجون
هم اصحاب القرار و نحن المنفذون

ماذا نحتاج
نحتاج الي ان نعود الي الدين
لنعيد امجاد العراق و فلسطين
نحتاج ان نزرع البذرة و نرويها
نرويها بالقران و الاحاديث و بقلوبنا نفديها
و حين تنمو البذرة و تمتد الجذور
و تنضج الثمار في اعلي الغصون


ستعيد للاسلام مجده و للعروبة رفعتها



قشطة ياما قشطة ياما قشطة ياما
:صلاة::صلاة::صلاة::صلاة::صلاة::صلاة::صلاة::صلاة:

[محمد فارس]

كاتب الرسالة الأصلية : أرض الميعاد
مازال الجرح ينزف ... مادام هناك حقير
المشكلة اختى ارض الميعاد انهم كُثر00وبالتالى قد يستمر النزف طويلا


اقف امام قصيدتك اتأمل الجرح
وانت ترسم لوحة الخيانة
وظلم ذوي القربى ...

نعم ارسمها ولكن بألم00
ارسمها وعيونى تقطر دما0000
وليتها لوحة00بل لوحات00
لا يكفيها معرض 00بل معارض00
ولما المعارض 00ولما اللوحات00
ودولنا صارت معرض مفتوح لكل الوان المهانه 00والخيانه00

ظلمنا الابعدون00
ولكن قبلهم ظلمنا الاقربون00
ظلمنا الاقربون00
لكن قبلهم ظلمنا انفسنا00
والى ان نتخلص من ظلم الابعدين والاقربين00علينا اولا ان نتخلص من ظلم انفسنا لانفسنا0
اختى ارض الميعاد00
اشكرك على المداخلة القيمة00

حفظك الله

[محمد شحاتة]

الحل من جوة وسيبك من الكلام خالص
ماينفع نشتم ونلعن وهو فى دمانا هايص
بسلاحه يكسرنا وأن ماقدرش برشاوى وبلايص"عمولات"
ما نرد الدم بشتيمه دا فكر عاجزوبايظ قننبلة
أصرخ ف وسط الخلاا وقول لدياباة حايص"جمع ديب" هممم
راح ينهشوك كلك ويمكن يسبوا العظم جايز
بقول الحل من جوة ونفهم قرآنا اللى هو
وكتر كلام مانيش عاوز حنا للسيف

صح قولى يا واكل ناسك أنت صعيدى ولا صأيدى
لحسن باين علي أنا الصعيدى الوحيد فى المنتدى ده رعع
ملحوظ"أذا كنت مش صعيدى فواكل ناس ومغسل و..كلها متداوله جدا عندنا ومش شيتمة"
عل عموم ألف مليون جزاك الله خيرا يا أخ هراس قللبفتحي يا ور

[محمد فارس]

اخى / النيل
شرفت ونورت00
وبصراحة مداخلاتك هى الاجمل00
وشوف بقى نتائج سياسة التوسل والاستجداء00
الا بالحق 00هو راح فين صاحبنا ده بتاع التوسل 0000لا حس ولا خبر الايام دى000ميكنش عنده سرحة فى حته تانيه يستجدى ويتوسل حد غير امريكا0000فكره يعملها يعنى0
وليه لا0000

اخى النيل 00
ربنا يهدهم بتوع التوسل دول00
قول امين0




اخى النيل
حفظك الله

[محمد فارس]

--------------
اخى الفاضل / دكتور حسام
ارجو ان تعذرنى انت وباقى الزملاء لتأخرى فى الرد على مداخلاتكم التى انارات موضوعى 00وما كان هذا التأخير الا لأعلان قلمى عصيانه00فى بعض التوجهات0

اخى حسام 00تحرجنى دائما بما يسبغه على قلمكم من كلمات غاية فى الرقة 0
000
الهم القومى صار هو جرحنا النازف00
زادت الهموم وزادت الجراح00
زاد المرض00
والحل 00لم يعد هناك حل 00
فلا علاج 00الا بالأستئصال00
الاستئصال اين له من جراح00
وان كان هناك جراح00فهل يضمن النجاح00
تؤرقنا هموم الغير00وتقض مضاجعنا00
اما همومنا 00
نتعامل معها ببرود00
ببلادة00
بإرتياح00
00000000000
اخى حسام
اين انت الآن00
لماذا هذا التغيب00
نحن فى شوق لجميل كلماتك وجمال تعبيراتك
فى شوق لشعرك الفصحى والعامى 0
فى شوق لصيد قلمك لخبايا الكلمات وخفايا المعانى التى يلتقطها من بين السطور0

اخى حسام
اشكرك
حفظكم الله

[محمد فارس]

كاتب الرسالة الأصلية : رنـranimـيم
ليه ياهراس ..ليه تفكرنا باللى بنحاول ننسى ان احنا فاكرينه

ابدا 00ايتها الاخت الفاضلة00
انا لم اتعمد ذلك 00لم اتعمد ان اذكرك لسبب بسيط000
ان من تحمل قلما جريئا 00وفكرا مستنيرا مثلك لا يمكن ان تنسى كى نذكرها00
كلماتك 00افكارك 00تقول ان قلمك مغموس فى محبرة الهم القومى0
هذا الهم الذى صار هموما00
تخلى عنه الكبار00الكبار بالمنصب 00
وصاروا كبارا بالنصب0
الفاضلة رنيم
لك قلم 00بقدر ماأرى ملمسه ناعما 00فإنى اراه احيانا مفخخا00
وفى الحالين00
سواء كان مخملى النتاج00
او انفجار وارتجاج 00
فإنه قلم يعرف طريقه جيدا


اشكرك
حفظك الله

[محمد فارس]

اختى /Neagm

اسعدنى تواجدك وكلامك اللى فى الصميم0
وثقى تماما ان كل ماتمنيته فى مداخلتك سيحدث بإذن الله اذا ماوقفنا نحن فى وجه الظالم 00

هم يكذبون و نحن المصدقون
هم يعزفون و نحن الراقصون
هم اللاعبون و نحن المتفرجون
هم اصحاب القرار و نحن المنفذون


نعم ياعزيزتى
هم كذلك
لكن سيأتى اليوم الذى نملك فيه ارادتنا 000نملك قرارنا00ننطق بكلمتنا 00
هذا اليوم 00نحن من يملك استعجاله00اذا عدنا الى الله00
اذا نطقنا بكلمة الحق00اذا طالب كل منا بحقه ولم تهاون 0

اشكرك على مداخلتك وكلماتك الثائرة0

حفظك الله

[شهيدة الاقصى]

لاااااااااااااااااااااااااااااااااه انتو تعبتونى معاكو: هيه:: هيه:: هيه:: هيه:
كلكو تحف ادبية حدى مين العشرة على عشرة سنيف
والله ما خلصتش الصفحة دى لسه يوه بقىبس اللى قراته كفاية اوى علشان ابعت الرد ده
ربنا يبارك فيكو كلكم
اختكم

[محمد فارس]

-----------
انت ياواكل ناسك
يامعلن افلاسك
يلى سرحت الغيط
وانسرق منك فاسك
صعيدى انت 000لأ
شوف راسى من راسك
ايه اللى جابك غلط
مين اللى خد كاسك
مين اللى كان لخبطك
مين اللى كان حاسك
مين اللى كان بيجرى
وقطّع انفاسك
سلام ياصاحبى سلام
ده نا واحد من ناسك
000000000000
اخى محمد شحاته
ويلك 000سواد ليلك
لو عملتها تانى
حتقول خلاص ياصاحبى
انساك وتنسانى
0000
ها00عرفت انا منين ولا لسه


اشكرك على المداخلة وخفة الدم ياواكل ناسك

حفظك الله

[محمد فارس]

اختى شهيدة الاقصى
اهلا بك وبتواجدك فى هذا الموضوع

----------------
شهيدة الاقصى
اهلا هنا بيكى
شرفتى بين اهلك
وكلامى ده ليكى
الصفحة مليانه
بنجوم تناديكى
احبة00دول اخوة
بالظبط زييكى
اقرى على مهلك
ماهو عشان القدس
الكل يهديكى
000000000

حفظك الله

[محمد شحاتة]

ويلك 000سواد ليلك
لو عملتها تانى
حتقول خلاص ياصاحبى
انساك وتنسانى
0000
ها00عرفت انا منين ولا لسه


اشكرك على المداخلة وخفة الدم ياواكل ناسك
هوبباا
انساك ازى ياواد عمى انساك ازى
دنا لو نسيت اصلى وفصلى حاعيش ازى
ورردة ورردة
ربنا يزيد ويبارك فى اعمالك ياهراس ياخوووووووووووووى
فى آمان الله

[محمد فارس]

تاتا تاتا00000تاتا تاتا
اخونا محمد ابن شحاته
جه شرفنا وسجل اسمه
مره00اتنين 00كمان وتلاه

[شهيدة الاقصى]

السلام عليكم جميعا
جزاكم الله خيرا اخ هراس:صلاة::صلاة:
بس ربنا يقدرنا ويعيننا
سلااااااااااااام: هيه:
للجمييع ورردة ورردة ورردة

[محمد فارس]

شهيدة الاقصى
ربنا يقدر الجميع واشكرك على التواجد لثانى مرة

تحياتى