تعدد ا لزوجات [الأرشيف]

وائل

07-30-2002, 12:58 PM

السلام عليكم
بداية اعرف ان رأيى هنا فى الموضوع سيفتح النار علىّ ولكن لم اتعود أن أكتم ما بداخلى وخاصة ان رأيت فهما خاطئا

http://www.khayma.com/wael/azkar/line.gif

أولا الأخت نفرتارى
مين يا أستاذة قالك ان المفروض يكون فيه سبب للتعدد
لا طبعا
جبتى منين رأيك ده
انتى بتقولى بالنص
الموضوع المفروض يكون لسبب فعلى زى مرض الزوجه00العقم00

ده مين اللى قال كده
لأ طبعا
التعدد ليس له شروط سوى العدل
أما بقى اللى بيحط شروط يبقى بيجيب كلام لا اجد له اصلا

http://www.khayma.com/wael/azkar/line.gif

ثانيا اكثر من واحد يقول كيف نعدل
العدل المطلوب فى النفقة والمبيت

أما المشاعر فهى بيد الله لا دخل لنا بها
ثم كيف العدل صعب
ده كلام التلفزيونات بس والجماعة بتوع حقوق المرأة

عندما شرع الله التعدد
فهو السميع العليم الذى يعلم قدرة الانسان
وبالتالى فالعدل ليس مستحيلا
وإلا لم يكن ليأتى تشريع بشء مستحيل تحقيقه على ارض الواقع

http://www.khayma.com/wael/azkar/line.gif

أخى الحبيب حشرى
كلامك صح
وبتاع واحد فاهم كويس
بالفعل التعدد هو الأصل

وهو سنة نبينا محمد والصحابة والتابعين
ماكانش فيهم حد يكتفى بواحدة الا ما ندر
وارجعوا اقرأوا البداية والنهاية لابن كثير وشوفوا عدد زوجات الصحابة

طبعا هانلاقى اللى يقول دول كانوا الصحابة
طيب واللى جم بعد الصحابة
وبعدهم وبعدهم
وبعدهم
لغاية عهد قريب
لما بدأ الغرب يحاول فغقط تشويه الدين

واحنا مكشينا وراهم
بالضبط زى موضوع اللحية
والحجاب وغيرهم كتير

باب البحر

07-30-2002, 03:12 PM

الموضوع الذي حسمه الدين الإسلامي لا أستطيع مناقشته أو إبداء رأيي الخاص فيه.
:mellow:

هريدي يابووووي

07-30-2002, 03:36 PM

:D :D :D :D :D :D :D
على سيرة الحاج متولى.. من يومين كنت راكب ليموزين و السواق كان هندى.. النهم المشوار كان طويل.. فحب يحكى معايا..
سألنى انت منين.. قلت لى مصرى.. قال لى : "أوووووووووووووووووه.. مسرى.. انت هادا حاج موتاواللى أربعة هورمة "حرمة" :D :D :D "
الراجل يا عينى كفر.. بيقول لى كل مايفتح التليفيزيون فى صباح او ليل يلاقى الحاج متولى شغال على قناة شكل :D :D :D :D :D

المهم.. يا جماعة مش ملاحظين حاجة فى الآية بتاعت التعدد؟؟.. انها بدأت بـ "مثنى" ؟؟ و خلى الزوجة الواحدة ده حل أخير يعنى اذا اتزنقت :). يعنى الأساس هو التعدد مش العكس :)
العلماء بيخافوا يقولوا المعلومة دى فى دروسهم احسن ينضربوا لما يروحوا :D
بس هانقول ايه بقى.. اعلامنا خرب عثولنا و خرب علينا ديننا و حياتنا..
ربنا يكرمنا جميعا..

غــفــران

07-30-2002, 03:55 PM

انتوا مش ملاحظين يا جماعة ان كل الانثى الوحيدة اللي اشتركت في الموضوع ده هيه nerfetari و الباقي كلهم رجالة? :D :D :D

دوللى

07-30-2002, 04:04 PM

عاشور عاشور عاشور عاشور

تايجر

07-30-2002, 04:22 PM

والله يا جماعه هوه الموضوع مش محتاج نقاش ده أمر منتهى...ومتحدد فى الشرع...

انا بس ليا تعليق على الجمله ديه :

بس لو عايز رايى الشخصى فانا ناويه ان شاء الله اكتب شرط فى العقد انه فى حاله انه اتجوز عليا يبقى العقد لاغى00او على اقصى الفروض هرفع قضيه خلع

اى عقد زواج يتم كتابة شرط بمقتضاه يفسخ العقد يعتبر عقد لاغى ....

وائل

07-30-2002, 04:56 PM

لا مين قال ان الزوجة لو كتبت شرط فى عقد زواجها يعتبر لاغى؟

لا طبعا بالعكس

يجوز ان تشترط المرأة مثلا الا يمنعها من كذا او كذ1ا

وارجعوا لفتاوى العلماء

نفرتارى

07-30-2002, 05:48 PM

اولا يا وائل انا مش قصدى ان الدين حدد شروط00انا بقول المفروض ان الراجل لما يفكر فى الزواج باكثر من واحده يبقى لسبب مش الجواز من اجل الجواز00

طبعا انا مش هخوض فى ان الصحابه كان الاصل عندهم التعدد00

انا هقول حاجتين

1-سيدنا عثمان لما كان متجوز السيده رقيه رضى الله عنها و ارضاها متجوزش عليها و برضه متجوزش على السيده ام كلثوم رضى الله عنها و ارضاها

2-لما سيدنا على ابن ابى طالب خطب واحده من الانصار -ممكن ابقى اجيب اسماء من كتاب عندى-السيده فاطمه الزهراء زعلت و بكت و اشتكت للرسول عليه الصلاه و السلام اللى طلع المنبر و قال ان ابنتى منى يريبنى ما ارابها و يؤذينى ما اذاها00و رجعوا الناس فى الخطبه و اعتذر سيدنا على للسيده فاطمه00

هوا فى تفاصيل طبعا وراء الموضوع ده ان اللى كان هيخطبها بنت ابى جهل00و طبعا معقول بنت رسول الله و بنت عدو الله يبقوا فى بيت واحد؟؟؟ بس اللى حصل انه متجوزش عليها واحده تانيه لانها كانت رافضه ان يبقى لها ضره00

يا غفران000دخلتى تقولى البنت الوحيده و طلعتى؟؟؟ طب ادلى بدلوك0000 :(

غــفــران

07-30-2002, 05:50 PM

طيب يا جماعة عندي سؤال: ممكن فعلا الراجل يعدد بدون سبب? يعني بدون سبب خالص?

انا قصدي ان المسلم المؤمن السوي اللي معندوش اي مشاكل خالص... لا في زوجته و لا اولاده و لا اي حاجة خالص... بتكون نيته ايه لما قرر انه يعدد?

غــفــران

07-30-2002, 05:53 PM

ماهو لو صبر القاتل ع المقتول يا نفرتاري :rolleyes:

نفرتارى

07-30-2002, 05:57 PM

يا تايجر العقد اللى فيه شروط عقد صحيح و دى مش بدعه و لا حاجه ده من ايام زمان00مش القانون هوا اللى عاملها00انا قريت عن سيدات فى العصور السابقه كانوا حطوا شروط فى عقودهم000و بعدين ما انا قلت على اقصى الظروف لو حصل اختلاف على الشروط -اعرف عريس ساب عروسته فى دار الافتا يوم كتب الكتاب و الناس قاعده عشان قالتله على شرط التعدد ده قفشت معاه و سابها و مشى و دى حاجه حصلت بجد لناس اعرفهم مش قارياها- فيه الخلع دلوقتى00و هوا ده تفكيرى بقه00انا مقلتش البنات تعمل كده00انا قلت انا هعمل كذا00

يا غفران 00الرغبه فى النساء اكيد هيا السبب 00

اه نسيت اقول حاجه00التعدد للصحابه كان دايما من ارامل او بنات مات ابوهم عنهم و تركهم00يعنى كانوا بيحفظوا عرض00و ده لطبيعه الحياه القبليه و كمان عشان يكفلوهم00و ارجعوا لسيره الصحابه و طلعولى جوازه مكنتش عشان كده00

اما دلوقتى فمين بقه بيعمل كده؟؟؟ كله بيتجوز جديد فى جديد00عموما انا فعلا متحيزه فى جانب انه يكتفى بواحده طالما مفيش سبب000اما بقه مزاجه كده يبقى كل واحد يشوف حاله احسن00

وائل

07-30-2002, 06:01 PM

طب يا أستاذة نفرتارى
بعد اللى انتى قولتيه
ما ذا أضاف

هل ده مثلا دليل ان التعدد عليه تحفظات
هو الشرع هاييجى بحاجة عليها تحفظات

ومين اللى هايقول التحفظات

لو هناك اى تحفظات لذكرت صراحة فى القران او السنة

ثانيا
يعنى ايه مش هايتجوز لمجرد الجواز

لأ بقى جواز عادى للجواز
لتحصين نفسه اكتر
لاقامة بيت مسلم اخر

فيها ايه طالما يقدر؟؟؟؟

امال الناس هاتتجوز ليه اذا ماكانش للجواز؟؟؟؟؟؟؟؟؟

وائل

07-30-2002, 06:05 PM

نفرتارى
فانكحوا ماطاب لكم من النساء مثنى وثلاث ورباع

فين بقى لازم تكون ارملة او عندها ظروف

الاية بتقول ما طاب لكم من النساء

ومين اللى قال ان كل الصحابة كانوا بيتزوجوا عشان الارامل فقط

مين قال كده

لا طبعااااااااااااااااااااااااااااااااااا

وائل

07-30-2002, 06:08 PM

غفران
ايوة طبعا بدون سبب

يكون نيته التحصن اكتر

يكون نيته اقامة بيت اخر مسلم

يكون نيته انجاب اولاد مسلمين اكتر

طالما عنده قدرة مالية وصحية

غفران السؤال ليكى بالعكس

هل لو مسلم له زوجة واولاد ومافيش مشاكل

راح تزوج بأخرى

هل يأثم؟؟؟؟

من فضلك جاوبى

TATO ELMOR

07-30-2002, 06:19 PM

ممكن أقول كلمتين :rolleyes:

أولاً : وعلى حسب علمى أن الرسول الله( صلى الله عليه وسلم)

قبل أن يتزوج كان يخبر ويأخذ برأى من يتزوج عليها .

ثانياً : لا يمكن لفرد أو شخص غير رسول الله ( صلى الله عليه وسلم) أن يعدل بين أكثر من واحده

وبالتالى لابد من طاعة الله عز وجل فى قوله(وإن خفتم ألا تعدلوا فواحده)

وكلمة العدل هنا عطيمه يجب أن لا نستهتر بها ونأخذ المعنى القريب.

وأكبر دليل على صدق هذا الكلام الصحابه المقربين لرسول الله( صلى الله عليه وسلم)أكثرهم أكتفوا بزوجه واحده فقط

أنا عن نفسى معنديش أستعداد .

بس أققدر على وحده الأول بعدين أبقه أفكر فى التانيه :hehe:

نفرتارى

07-30-2002, 06:28 PM

يعنى يا وائل ما ردتش على ان سيدنا عثمان و سيدنا على متجوزوش على بنات النبى؟؟؟

و لا رديت على ان السيده فاطمه مرضيتش ان يبقى ليها ضره؟؟؟

و فين الصحابه اللى اتجوزو من اجل الجواز؟؟؟

و بعدين يعنى ايه زياده تحصن؟؟ هوا فى حرب و بيعمل قلعه لحسن يهجموا عليه؟؟؟

انا مش فاهمه خالص زياده تحصن دى000

بيت مسلم اخر؟؟؟ طالما عنده سعه من المال ما يساعد شاب تانى انه يتجوز00و لا ايه؟؟؟

معقول عشان واحد غنى يتجوز اربعه و واحد تانى مش لاقى اوده ؟؟؟

متهيئلى يبقى الاولى مساعده الشباب على الجواز طالما مفيش مشاكل فى الزوجه الاولى00

برافو يا تاتو 00هوا ده كمان اللى كنت عاوزه اقوله 00

يا مدام وائل تعالى شوفى زوجك بيقول ايه00 :blush:

وائل

07-30-2002, 06:39 PM

مما أورده ابن كثير فى البداية والنهاية أن عليا تزوج من ست أو سبع تساء وتوفى عن أربع

وأما عثمان وعمر فتزوج كل منهما بسبع ومات عن أربع أيضا

وائل

07-30-2002, 06:49 PM

ياعم تاتو

الكلام بتاعك صراحة غلط فى غلط
من غير زعل
انت قلت
لا يمكن لفرد أو شخص غير رسول الله ( صلى الله عليه وسلم) أن يعدل بين أكثر من واحده

وبالتالى لابد من طاعة الله عز وجل فى قوله(وإن خفتم ألا تعدلوا فواحده)

الله
امال الصحابة اللى عددوا دول كانوا ايه
والتابعين؟
وتابعى التابعين

وحتى هذا العصر
بس فى الجزيرة العربية لان هنا انصار حقوق المرأة والاعلام عملوا شغل مضاد

وبعدين يا استاذ لو ان هذا الامر خاص بالرسول صلى الله عليه وسلم فقط كان ذكر هذا صراحة فى القرآن
أرجو ان تفتح التفسير الان واقرأ تفسير الاية التى ذكرتها

على فكرة الشهيد صلاح شحادة قائد كتائب عز الدين القسام تزوج من اثنتين
ده بالمناسبة بس

ولنفرتارى
مين اللى قالك بس ان كل اللى لصحابة اتجوزوهم كانوا ارامل
هل يعقل هذا؟
ايه طيب انتى دليلك على كده؟

مساعدة اى شباب؟
هل عندك فتوى تقول ان الاولى ان يتبرع الرجل بماله بدلا ان يعدد ؟
وهل الرغبة فى انجاب اولاد وبنات كثر بهدف تربيتهم على الاسلام ده هدف غير سامى؟

وبعد كده عايزك تجازبى على سؤالى السابق الموجه لغفران
ممكن؟

ساجد لله

07-30-2002, 07:00 PM

السلام عليكم
موضوع التعدد .. دي تالت مره بيتفتح هنا في القهوه وفي خلال شهر ونص بالضبط ..
ياريت برضه الجماعه الناضورجيه بحكم انهم من قدامى القهوه وعارفين باللي بيدور من مواضيع فيها يوجهوا اصحاب المواضيع الجديده المشابهه لبعض المواضيع القديمه وخاصة القيمه منها لمتابعة الردود اللي تمت لانها كانت فيها آراء جميله وسليمه وخاصة ان عم عاشور ناوي يعدد :D
آدي لينك لموضوع منهم للي يحب يتعمق اكتر

http://www.haridy.com/ib/index.php?act=ST&...1a525188016e6f6 (http://www.haridy.com/ib/index.php?act=ST&f=2&t=6484&hl=&s=1cc6c2a06bb2639fc1a525188016e6f6)

انا أميل شويه لرأيك يا وائل .. واعذروني اني جبت لكم رأيي في هذا الموضوع من موضوع آخر لاني لقيت نفسي هاقول نفس الكلام.. كما اني اعتذر للاطاله

مداخلاتكم كلكم رائعه ولا الوم احد علي رأيه لانها كلها آراء شخصيه قابله للخطأ والصواب ومنهم انا ايضا ولكن :rolleyes: نحن امام حقيقه وليست رأي بنو البشر وهي ان التعدد احله الله في كتابه العزيز وعندما يحل الله لنا شيئا او يحرم علينا شيئا فأنه يريد بنا الخير وهو العليم الخبير، وقبل ان اعرض مداخلتي اود ان الفت النظر لمداخلة الاخت syyh لتي يبدو وانها قطعت شوطا كبيرا في التفكير في هذا الموضوع بعقل واتزان واستنتجت ان ما قاله الله ليس بالعبث،
لمذا ننظر للموضوع من جانبه المظلم ؟؟ يجب ان نعي الحكمه الألهيه من وراء هذا التحليل !!! وفي هذا الصدد سأختصر حديثي في نقطتين:
النقطه الاولى ، ان الاصل في الاسلام التعدد (حسب الايات الكريمه المعروفه ) وذلك لان عدد النساء في كل المجتمعات أكثر من عدد الرجال لما يتعرض له الرجال من الهلاك في الحروب وغيره، ففي بعض الدول يصل عدد النساء الى الرجال 13 : 1 (في السويد مثلا ) وفي الفلبين 1:7 وفي الهند 1:5 لدرجه انه في الهند تدفع البنت المهر للعريس كي يتزوجها وفي الخليج كمال في الاحصائيات التي أوردها الاخ كتكوت الغضبان تقريبا 1:2 ، كما ان مشكلة العنوسة وما تتبعها من مشكلات متفاقمه في كثير من دول العالم هي مشكلات جسيمه ومعروفه ، فعندما نقول ان نسبة الرجال للنساء 4:1 هذا يعني ان هناك ثلاثة نساء من اصل أربعة لن و لن تتزوج صح؟؟ :blink: أذن كيف ستعيش هؤلاء النساء حياتهن الطبيعيه؟
أليس من حقها ان يكون لها بيت وزوج واطفال تفرح بهم ( أو حتي نصف زوج .. او ربع :D )؟؟
اليس من حقها ان تمارس الامومه وفطرتها التي فطرها الله عليها؟؟
أليس من حقها ان تشعر بالامان مع رجل يحميها ويعفها ويشعرها بأنوثتها؟؟
أليس من حقها ان كانت أرمله أو مطلقه ان تجد من يحميها و ينفق عليها ويقوم بواجبات الاب نحو اطفالها من توجيه وتربيه؟؟
ام انها المفروض ان تعيش عانس الي ان تموت وكأنه عقاب لها مدي الحياه؟؟
( وهذا طبعا اذا كانت هناك المقدرهعند الرجل بجميع أبعادها )
وهنا يجب ان اوجه حديثي للسيدات الفاضلات المدافعات عن حقوق المرأه، أي حق ان تتزوج هي مثلامن رجل وتبقي اختها الاخرى بدون زوج؟؟هل هذا عدل؟أم انه كان من المفروض عليهم الدفاع عن حقوق المرأه علي المنطق الاسلامي في التعدد مع وضع الضوابط الشرعيه له؟

نأتي للنقطه الثانيه وهي العدل... أباح الله التعدد نعم ولكن شدد علي العدل ثم العدل ثم العدل، وهي اهم نقطه يسأل فيها الرجل نفسه قبل التفكير في الزواج التاني لان الله سيسأله عنها
هل انا قادر علي ان أعدل بين اثنتين؟ هل انا قادر علي الانفاق عليهن وتأمين حياه كريمه لكل فرد من أفراد أسرتي الكبيره هذه؟ هل انا قادر علي تلبية الاحتياجات الزوجيه لكل منهن؟ هل ... وهل .. وهل؟لان موضوع العدل هو اهم ما في الموضوع يا رجاله .. أما موضوع ( ولن تعدلوا ) فسرها بعض علماء الاسلام علي انها ولن تعدلوا في الامور التي تختص بميول القلب لاحداهن علي الاخريأي بالامور العاطفيه كما اوضحها احد الاخوه في مداخله سابقه
وفي النهايه .. الموضوع هو ليس فقط استمتاع جنسي أو حب أمتلاك ولكن الموضوع ارقي وأكبر من ذلك انه موضوع مسئولية رجال عن صيانة المجتمعات من الفساد والخراب و حفظ حقوق العديد من النساء لممارسة حياتها بشكل طبيعي
ويمكن ده يفسر ليه ربنا جعل الرجال عنيهم زايغه حبتين والست لا :rol: :wacko: :wacko: :blink: :blink: :D

ساجد لله

07-30-2002, 07:12 PM

:o أخخخخخخخخ
اسف جدا علي الخطأ اللي حصل الموضوع اتكرر 5 مرات :o :o لانه كان بيديني
كل لما اعمل أضف رد mail error , your comand didnt send
فحاولت كل المحاولات دي
اعتذر مره أخرى ^_^

هريدي يابووووي

07-30-2002, 07:12 PM

الإخوة الأعزاء...
هدوا اعصابكم بس.... مش عارف ليه احنا بنفترض ان البشر المفروض يكونوا ملائكة و ماعندهمش اى شهوة او غريزة...
فى حين ان الغرب اللى بيسمى نفسه متحضر.. اعلنها صراحة.. انا احترم غريزتى و شهوتى.. دى حاجى اتخلقت فيا و من حقى اشبعها.. بالحلال بقى والا بالحرام.. بشكل سوى او شاذ.. مش مشكلة.. المهم اشبعها...
طيب احنا يا مسلمين.. ربنا اللى خلقنا و اعلم بينا و بغرائزنا ادانا طريقة حلال لإشباع الغريزة دى..
طبعا الكلام ده مش لكل الناس.. انا عن نفسى و بشكل شخصى.. لا افكر فى التعدد أبدا لأن العلاقة الزوجية بالنسبة لى روحية اكثر منها غريزية...
لكن فيه غيرى كتير ربنا مديهم صحة و شهوة اكتر من غيره.. و ده مش عيب!! ربنا خلقه كده.. يعنى الراجل يدبح نفسه عشان تتبسطوا؟ :) ..
يبقى الشخص ده.. عشان يشبع غريزته اللى ربنا خلقها فيه.. يخون مراته؟؟ و يشبعها فى الحرام؟؟ والا يعدد.. و تزوج ماطاب له من النساء من حيث الجمال و السن و المال؟؟؟
هل اللى عمل كده يبقى آثم؟؟
مشكلتنا زى ماقلت ان الإعلام خرب تفكيرنا..
مين اللى قال ان شرط العدل المقصود به العاطفة؟؟؟؟؟؟ الرسول عليه الصلاة و السلام لم يستطع ان يعدل فى عاطفته و كان يحب خديجة حتى بعد ما توفت أكثر من زوجاته كلهم.. و كان يحب من الأحياء عائشة اكثر من باقى زوجاته.. العدل هنا المقصود به العدل فى الإنفاق و المعاملة..
كلمة العدل دى كلمة حق اريد بها باطل.. عشان يضحكوا علينا و يقولوا لنا الشرع بيقول..
زى موضوع الخلع.. اختلف عليه العلماء.. و بصراحة من العلماء اللى اثق فيهم.. مالقيتش حد موافق عليه..
يا جماعة... يا ريت نقف مع انفسنا وقفة صدق.. و نفصل بين رأينا الشخصى و رأى الشرع.. زى موضوع اللحية.. انا قلت انا مش ملتحى.. بس ده لا يعنى انده حلال.. لأ تارك اللحية آثم..
احنا دلوقت بناقش القضية شرعيا.. كون كل شخص منا موافق انه يطبقه فى حياته الشخصية والا لأ.. ده موضوع تانى تماما..
دلوقت السؤال....
- هل اللى يتزوج زوجة أخرى جميلة و صغيرة فى السن و بكر .. يبقى آثم؟؟
- حتة ان اللى قادر يعدد يبقى أولى انه يساعد غيره انه يتزوج.. طيب و بعد ما يساعده.. هايساعده كمان يصرف على اولاده و بيته؟؟؟؟؟ الرسول عليه الصلاة و السلام قال من استطاع الباءة فليتزوج.. و من لم يستطع فعليه بالصيام.. و الحقيقة انا ماشفتش ابدا فى حياة النبى و الخلفاء الراشدين ان فيه حد ساعد حد غير قادر على الزواج انه يتزوج او ان فيه حد راح أخد مال من بيت مال المسلمين بهدف انه يتزوج.. و الله اعلم..
- هل ورد فى الشرع من قرآن و سنة.. أن التعدد يجب ان يكون مكن نساء أرامل او, او, او..؟

يا ريت نهدى بس.. و نناقش الموضوع بعقلانية و هدوء.. و شكرا..

:shoe: ااااااااااااااااااااه يا عينى :wacko: ...

Basbosa

07-30-2002, 07:25 PM

السلام عليكم ،،

مع احترامي للجميع و لآرائهم و أسلوب تفسيرهم للآية الكريمة

محدش فيكوا كمل الآيه ( و لن تعدلوا ) نسيتوا أهم جزء في الآية

يا أستاذ وائل أنت بتقول لنفرتاري مين قالك أنه لازم يكون في سبب - الجواز للجواز - يحصن نفسه
تفتكر لو هوه كده فعلا تفسير الآية زي ما أنت بتقول كان ربنا سبحانه و تعالي قال ( و لن تعدلوا )
ده ترهيب و ليس ترغيب
زي الطلاق........... الطلاق حلال و شرع الله .........و لكنه أبغض الحلال

التعدد حلال حلال حلال ....... بس ربنا حلله لحكمه عظيمه و هي استمرار الحياه لما يكون في مشاكل في حياة الزوجين

و بعدين هريدي بيقول الآية بدأت ( مثني و ثلاث ) يعني واحده لما تتزنق
انا مش معاك يا هريدي ......
ربنا لما يتكلم عن التعدد مش حيتكلم عن الزوجه الواحده - لأن ده مفهوم ضمناً طبعاً محدش حيتجوز مثني و هو مش متجوز أولاني و طبعا انت عارف ان القرآن فيه إيجاز رائع للمفاهيم الضمنيه .

TATO ELMOR

07-30-2002, 07:33 PM

يا عـــــــــم وائل

المسئله مش كده الكلام أخد وعطا

يعنى بدل متقولى غلط فى غلط .. قول النقط اللى يمكن معرفتش أوضحها .

كمان أنا كل اللى أقصده أن مافيش إنسان فى زمنا ده يقدر يعدل زى رسول الله عدل من قبل .

وأنا عمرى ما اتجرأ أو أحاول أن أتجرأ وأبدل فى كلام الله عز وجل ... برده أنا كل اللى قولته ان الناس دلوقتى المفروض تخاف من ألا تعدل فيكتفوا بواحده .

أخيراً وليس بأخر ..... ممكن أسألك سؤال..تجاوبنى عليه بصراحه ؟؟

تقدر أنت يا أستاذ وائل تعدل بين أكتر من واحده :?small: :?small: :?small:

شوف أنا من ساعة معرفتك فى القهوه دى وأنا متفق معاك
لكن المره دى أختلفنا :(

أتمنى أن الأختلاف فى الرأى لا يفسد للود الذى بيننا قضيه :rolleyes:

ساجد لله

07-30-2002, 07:43 PM

توضيح بسيط للأخت بسبوسه
ولن تعدلوا المذكوره في الآيه هي لن تعدلوا في الامور العاطفيه وما يختص في ميول القلب لأيهن
وشكرا

وائل

07-30-2002, 07:58 PM

الأخت الفاضلة بسبوسة
فعلا لم يحدد الله ولم يحدد رسوله اسبابا للتعدد
يبقى ببساطة احنا اللى بنخترع حكاية الاسباب

والا فمن فضلك اذكرى نص القرآن او الحديث الذى يقيد التعدد بأسباب اللى قولتيها انتى او نفرتارى

ثم من فضلك افتحى التفسير واقرأى تفسير اية التعدد فى سورة النساء

فانكحوا ماطاب لكم من النساء مثنى وثلاث ورباع فإن خفتم ألا تعدلوا فواحدة

آية 3 سورة النساء

وهوعدل النفقة والاقامة والعدل بين ابناء كل زوجة

ثم تعالى من فضلك بقى
ماذكرتيه ليس تكملة للاية السابقة
فكما تلاحظين الآية السابقة رقم 3

أما الآية التى تشيرين لها

ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة

آية 129 سورة النساء

العدل هنا كما ذكر فى التفسير
يقصد بها العدل فى الحب والميل بالقلب
وهو عدل صعب المنال وغير مطلوب فى التعدد لأن القلوب بيد الرحمن

فى حديث عن الرسول صلى الله عليه وسلم جاء ما معناه انه يطلب من الله ان يسامحه على عدم العدل فى الحب لزوجاته لنه لا يد له فيه (لا أتذكر نص الحديث)

هل لاحظتى التكملة بعد ولن تستطيعوا أن تعدلوا بين النساء ولو حرصتم

لم يكن الحل فى الاية بعد عدم استطاعة العدل هو ان نتجنب التعدد لاااااااااااا
بل فى التكملة فلا تميلوا كل الميل فتذروها كالمعلقة
اى لا تميلوا لواحدة وتعرضوا تماما عن الاخرى فتصبح كالمعلقة

فعليكى انتى بتكملة الآية ولسنا نحن :D

ومازال سؤالى الذى وجهته لغفران مطروحا ولم يجيبنى احد عليه

هل لو مسلم له زوجة واولاد ومافيش مشاكل

راح تزوج بأخرى

هل يأثم؟؟؟؟

من فضلك جاوبى

وائل

07-30-2002, 08:02 PM

ياعم تاتو
والله انا فعلا بحبك

مش مشكلة نختلف

بس برضه امر التعدد صالح لكل زمان ومكان
يعنى ايه ماحدش يعرف يعدل اليومين دول

اكيد الامر مش مستحيل

وصراحة بقى انا فعلا نفسى اعدد
انا حاليا متزوج

وان شاء الله متأكد انى هاعدل :D :D :D

نفرتارى

07-30-2002, 08:44 PM

و يا ترى مراتك موافقه على التعدد يا وائل؟؟؟

اولا يا جماعه التعدد مشروع دينيا و احنا مش هنا عشان نناقش قضيه فقهيه00

متهيئلى كان الهدف ابداء الاراء الشخصيه000

المهم يا وائل انا مليش دعوه ان سيدنا عثمان مات و ساب اربع زوجات و لا سبعه00-ازاى سبعه و ماكسيمم اربعه و لا ده التوتال؟؟-

انا بقولك هما متزوجوش على بنات الرسول و السيده فاطمه مرضيتش يبقى ليها ضره يبقى من حق الى ست انها ترفض ان يكون لها ضره00

ثانيا هما اتجوزوا ابكار و اتجوزوا ارامل لكن فعلا كان معظم الزوجات بعد الاولى من اللى بيكفلوهم بعد موت زوج او اب00

ثالثا يا بوس انت على عينى و راسى بس حديث الخلع مثبت00ردى عليه حديقته00و بعدين سرحوهن بمعروف يا اخى00

رابعا اكرر ان ده راى شخصى فى واحده تقبل و تعيش00و فى واحده متقبلش00انا قلت رايى و قلت ان ده مرفوض بالنسبه لى00مقلتش للنساء000

خامسا هوا عشان ايام الرسول عليه الصلاه و السلام مثبتش انهم كانوا بيساعدوا اللى مش قادر يتجوز يبقى منساعدش؟؟؟ ثم على ما اذكر ان سيدنا عثمان اشترى من سيدنا على درع كان غنمها فى بدر لما جه يتجوز السيده فاطمه بسعر اعلى من تمنها00دى مكنتش مساعده؟؟؟؟

ده انتوااااا ده انتواااا00عاوزين تتجوزوا تانى انتوا حرين00بس نصيحه بقه قبل الجواز تبقوا موضحين النقطه ديه00و بسالك تانى يا وائل مراتك توافق؟؟؟

سادسا انا نسيت اجاوب سؤال المسابقه لا يأثم يا وائل بس انا بسالك و الست اللى تطلق عشان رافضه الضره تاثم؟؟؟؟؟

سلام

أم جهاد

07-30-2002, 08:46 PM

:skul:
يا جماعة نقطة نظام :bell: وإلا هنلاقي في ضرب
أنا متابعة الموضوع من البداية وذي العادة بأتقل علي الرز لحد مايشيط وأهو شاش
:fire:
واحولت المناقشة لصراع بين البنين والبنات :argue:
وهو ده بالظبط المطلوب :tu: مطلوب اننا نفضل دايما في نقار وشجار وميكنش في تفاهم ولو حد اتكلم من الرجالة يتحول المجتمع الى مجتمع ذكوري وطلعت كل العقد الموجودة في المرأة من ناحية الرجل والي سببها التغرييب الي حشى دمغها بدعوى التحرير والمساواه
وهذا الموضوع اكبر مثال بعد كل الكلام الي قاله الأخوة يمكن يسول لبعض النساء ان تسأل نفسها لماذا أحل الله التعدد للرجال دون النساء والله دي تكون مصيبة :lolo:
ياريت أي حد يتكلم في موضوع التعدد ده لا يبدي رأي فيه أو فتوي قبل الرجوع الي المصادر الموثوق بها وتفسير هذه الآيات علشان الرز ميشطش اكثر من كده
اما رأي فهو ما ليس عليه خلاف فالتعدد حلال أحله الله للرجال لأنه أعلم بقدراتهم وتكوينهم ومش علشان ظروف كثير منعت هذا الأمر منذ وقت طويل فعدم التعدد يكون هو الأصل لااااااااااااا :td:
عايزة اوضح نقطة للأخ وائل أو مش عارفة مين بالضبط الى ذكر ان الرسول صلى الله عليه وسلم كان يحب السيدة خديجة أكثر من زوجاته هو ان الرسول لم يتزوج في حيات السيده خديجة ولكن بعد وفاتها
إلا ان كنت تقصد عموما بالنسبة لزوجات الرسول الكريم.
كما أنه أيضا كان يحب السيدة عائشة أكثر من زوجاته وقبلها السيدة خديجة حتى كانت السيدة عائشة تغار من السيدة خديجة حتى وقد ماتت
:waa: :waa: :waa:
عارفة اني هاضرب من كل البنات هنا
ماقصدش من كلامي اني مع التعدد أو اني ضدده لكنه حلال حلال دون شرط إلا العدل " فإن خفتم ألا تعدلوا فواحده" دعونا نعود لأحكام هذا الدين الحنيف وسيكون لنا النصر أن شاء الله
وللمرة التانية متفرحوش اعداء هذا الدين فينا تاني وتسيبوا الأصل وتمسكوا في فرعيات الي أعدائنا عايزنا دايما مشغوليين بها
:scared:
لما اهرب قبل ما اضرب

:f: :f: والله من وراء القصد :f: :f:

دوللى

07-30-2002, 08:49 PM

محدش يجرا اصلا انه يتجوز على مراته
ولا ايه :?small:

أم جهاد

07-30-2002, 09:18 PM

:lolo:
لأ يا دوللي يقدر لو اتوفرت عنده الإمكانيات ادعي ربنا ان الحالة الإقتصادية دي متتغيرش علشان تطمني

هريدي يابووووي

07-30-2002, 09:45 PM

يا جماعة.. ابوس رجليكم.. اقروا الردود كويس جدا قبل ما تضيفوا حاجة...
احسن ده بقى حوار طرشان :)
فيه سؤال برضه ماحدش جتوب عليه.. ليه الست بتدور على احتياجاتها الطبيعية ؟.. لكن الراجل لما يدور على احتياجاته الطبيعية يبقى ظالم و مفترى و عبينه فارغة و ربنا يهده؟؟؟؟ :blink:

غــفــران

07-30-2002, 11:21 PM

انا جيت اهوه يا وائل... عمال تنده من الصبح لحد ما وصل شبرا :)

طبعا الرد على سؤالك مش عايز رد اساسا.... طبعا ما يبقاش آثم..... معاذ الله.

طيب.... كلامكم يا رجالة جميل و ماعليهوش اي غبار....

لكن لية سؤال بعد اذنكم..... هل رضا الزوجة الأولى ذو شأن؟
يعني ياخد رأيها و لا لأ؟ و لو خدت رأيها و رفضت انها تكون زوجة تانية.... برضه يعدد حتى و لو كان الثمن الطلاق؟

زي ما انتوا متعودين من أختكم غفران...... ده مجرد سؤال مش هجوم او موقف مضاد و خلاص.... ياللا جاوبوا.......... جاوب يا وائل :)

إياك نعبد و إياك نستعين

07-30-2002, 11:25 PM

:brb: :brb:

فعلاً سؤال في الصميم يا بيج بوس
كلامك بيفكرني بالرصاص .... زي ما بيقولوا " بترمي كلام زي الرصاص"

أجابتي بقى على سؤالك :

لأن زي ما كل الستات بيقولوا ( و أنا ست يبقى لازم أقول زيهم :D ) ....
هو أنا كنت بقول ايه
آه اللي بيقولوه الستات بقى ايه؟
لأن الرجالة كلهم عينهم فارغة ( آل يعني احنا اللي عنينا مليانة :D )
شوية جد بقى ؟
شوية جد
مش عارفة يا هريدي ... بس فعلاً بحس ربنا خلق الست عشان تكون جمب راجل واحد بس ( مش قرطة رجالة :D ) ... يعني بحس إن ده اللي ربنا خلقنا عليه و اللي المفروض الستات تعمله
و بحس كمان إن زي ما ربنا خلق حواء من ضلع من أضلاع آدم , إن كل ست المفروض انها تحس بكده برضه .... إنها جزء من زوجها و منه و فيه و كله .... فاهمني؟

ممكن بقى إنت تفهمني ؟ :) ... بما إنك راجل ... ليه إحنا بنقول على الراجل إن عينيه فارغة؟ :)

دوللى

07-30-2002, 11:32 PM

يارب يا ام جهاد يارب :h2: :h2: :h2: :h2: :et:

نفرتارى

07-31-2002, 12:20 AM

يعنى ايه احتياجاتها الطبيعيه؟؟؟؟ :mellow:

ده سؤال بجد00اصل انا اعرف ان الغريزه الاساسيه فى المراه هى الامومه00اكتر من الجوع و العطش و الجنس000

و لا انتوا قصدكو على ايه؟؟؟؟

و بعدين الرجاله عينيها فارغه عشان غريزه الجنس عندهم اقوى00

اخيرا 00انا لما فكرت بهدوء قلت هوا احنا بنتخانق على ايه؟؟ قال يعنى خلاص عايشين عصر الفحوله لما الراجل يتجوز واحده و اتنين و تلاته00امال هما اخترعوا الفياجرا ليه؟؟؟ و اهو التلوث بيلعب دور00

على فكره كان فيه فى بريد الجمعه من حوالى شهر واحده باعته بتشتكى ان جوزها عنده السكر و غير قادر من الناحيه الزوجيه يعنى و كانت بتحكى ازاى كان كويس معاها و عندها منه عيال و بتقول انها عاوزه تطلق00انا كان تعليقى انها معندهاش دم00و ان مش هوا ده اساس العلاقه الزوجيه00للاسف كلام وائل عن زياده التحصن خلانى احس ان الرجالخ ده اساس الجواز عندهم 00و دلوقتى انا بقول انها تطلق عشان الحصانه برضه000
:(

وائل

07-31-2002, 01:42 AM

تحياتى للجميع هنا

http://www.khayma.com/wael/azkar/line.gif

طبعا يانفرتارى العدد الكلى 7
بس لم يجمع اكثر من 4 فى وقت واحد طبقا للشريعة

http://www.khayma.com/wael/azkar/line.gif

وبالنسبة لسؤالك ولسؤال غفران
المفروض كلنا دلوقتى قال ان التعدد حلال
وبدون أسباب حلال لأن الرجل لا يأثم بالتعدد

أما أن تطلب المرأة الطلاق أو الخلع فهو من حقها بس لحظة
لا تطلبه إلا إذا كرهت زوجها كرها شديدا

مش مجرد انه يتجوز (لأنه لم يأتى بفاحشة) يعنى لابد أن تجرب المرأة الوضع الجديد
ولا تحكم مسبقا
وتحاول مع نفسها أن تعيش لأن ابغض الحلال عند الله الطلاق
ولتعلم انها محاسبة أمام ربها على قطع ما وصله الله

ماتقولوش ماهو الراجل السبب
لأ لأن الراجل لم يخرج عن الشرع
وطالما سيظل قائم برعاية زوجته واولاده فما الحجة التى ستقولها لربها عندما يسألها لماذا طلبتى الطلاق مع معرفتك بأنه ابغض الحلال وان عرش الرحمن يهتز له :?small: :?small:

<img src='http://www.khayma.com/wael/azkar/line.gif[/img]

أما عن علم الزوجة الأولى فليس ثمة قاعدة شرعية ذكرت فى الكتب ولا فى السنة تقول فلنأخذ رأى الزوجة الأولى أولا أو موافقتها

قد يعلمها الرجل وقد يخفى عليها للمصلحة العامة وحتى يتحين فرصة مناسبة

http://www.khayma.com/wael/azkar/line.gif

أم هل زوجتى ترضى أم لا
ما احنا قلنا مش رأيها هو اللى هايحدد المسار
بس والله ساعات نادرة بتقتنع :D :D :D

<img src='http://www.khayma.com/wael/azkar/line.gif[/img]

أختى الفاضلة أم جهاد رأيك ممتاز قلما يصدر عن امرأة

http://www.khayma.com/wael/azkar/line.gif

أختى الفاضلة إياك نعبد وإياك نستعين مشاركتك حلوة

http://www.khayma.com/wael/azkar/line.gif

أختى الغالية دوللى يعنى ايه لا نجرؤ؟
أمال التعدد شرع لمين؟
لناس من المريخ :D
وبيانفرتارى ماتطمنيش قوى كده
فيه كتير مؤهلين للتعدد :D :D

مسلم أنا

07-31-2002, 05:32 AM

السلام عليكم و رحمة الله و بركاته
يا نهارى
هو الواحد يسيب المنتدى شوية و يرجع يلاقى منتدى تانى
ايه يا جماعة ايه المواضيع الساخنة اللى بتناقش دى
براحة براحة
يا جماعة لتانى مرة هو ايه غرض الموضوع اصلا
واحد بيقول ايه رايكم
كل يدلو بدلوه
ايه لازمة المشادات اللى بتحصل ده
كل واحد فى عقله فكرة سواء ان كان شهوانى او روحانى و كل بيجيب على حسب اقتناعه العملى بالفكرة
اولا يا عم هريدى و معلش بس عند ذكر امهات المؤمنين نبدا بلقب السيدة
و موضوع الخلع موجود شرعا فى الدين الاسلامى
ثانيا يا اخت نفرتارى ايه لازمة الكلام اللى قيل فى الاخر ده فحول و فياجرا ليه بس كدة ؟؟؟؟؟؟؟؟؟
الملافظ سعد يا عبد العال و انت عليك لفظ يهد جبال
و يا نفرتارى موضوع الرجال عينيهم فارغة ده علشان غريزة الجنس عندهم أقوى فهذا كلام ليس صحيح و من المعروف علميا أن شهوة المرأة 24 مرة شهوة الرجل و الا فلماذا كان الختان و ليس هناك داعى للتطرق الى مثل هذه المواضيع مرة أخرى
ام جهاد و اياك نعبد و اياك نستعين
زادكما الله من علمه
يا جماعة الموضوع من ناحية انه حلال فحلال
لكن أنا كرجل شايفه ازاى فهذا يرجع لطبيعة كل رجل و كما قلت شهوانى ام روحانى
و نظرة الفتيات للموضوع أكيد هتكون ان ده ظلم طالما لم يتم الزواج بعد و لم توضع فى هذا الموقف
يا جماعة هو الغرض دلوقت ان كل طرف بيحاول يقنع التانى و لا الغرض ان الكل يقول وجهة نظره
و عموما مش عايز اعكها و اقول أو ما ملكت ايمانهم و ده موضوع محدش تطرق له فى وسط المناقشات دى كلها و هى ان ربنا شرع انه بخلاف الاربع زوجات ممكن يكون له أيضا من يملك ايمانهم و يكونوا حلال لهم و كل هذا شرعه الله ليحصن الرجل من الوقوع فى الزنا اذا كان شهوانى
فلما يبقى الرجل قادر و امراته لا تكفيه حاجته فبدل الغلط و العك من حقه الزواج
و اذا كانت المراة لا تنجب لعيب فيها فمن حقه الزواج
و اذا كان من طراز قيس و لا روميو فلتطمئن الزوجة مش هيتنيل يتجوز عليها
و اذا كان زى المعظم دلوقت صدمان و تعبان و معوش اللى ياكله عيش حاف
فمش هيتجوز أصلا
أخوكم فى الله

NOOR

07-31-2002, 11:52 AM

:sniff: :sniff: :sniff: :sniff:

http://www.islamway.com/bindex?section=art...&article_id=218 (http://www.islamway.com/bindex?section=articles&article_id=218)

يا ريت تقروا اللي فيه كويس من طقطق ل سلام عليكو

الموضوع طويل حبيتين

و يا ريت تركزوا على النقط المهمه ل المرأه برضه

اظن انك ركزتوا على النقاط المهمه من وجهه نظركم (الشباب)

NOOR

07-31-2002, 12:01 PM

ده مش رايي الشخصي على فكره

اما ب النسبه ل المشاكل اللي بتحصل اليومين دول بسبب تعدد الزوجات ف حدث و لا حرج

و انا ممكن امشيها يعني لو ان جوزي يبقى زي الصحابه في تدينه و اخلاقه و خوفه من الله

سلام

NOOR

07-31-2002, 12:11 PM

بشرى ساره يا فتيــــــــــــات

والله تعالى بعدله ورحمته سوف يعوض تلك التي لا تحظى بقدر كبير من الحب أو الجاذبية أو محبة زوجها ، سوف يعوضها إن صبرت واتقت كل الخير في الدنيا والآخرة .. ولعل هذا الوضع يكون اختبارا لها وابتلاء من الله تؤجر عليه إن صبرت وامتثلت لأمر الله ، ونذكر هنا مثل هذه الزوجة بأن بقاءها مع زوجها وتمتعها بقدر منقوص من حبه ، مع كل حقوقها الأخرى وحقوق أولادها ، خير لها ألف مرة من الطلاق البغيض والحرمان التام من كل ذلك .. فالدنيا ليست دار بقاء ومتاعها ناقص وزائل في النهاية ، والنعيم المقيم والسعادة التامة مكانها الجنة وليست الأرض

من مقاله في موقع طريق الاسلام

NOOR

07-31-2002, 12:13 PM

وإذا اشترطت المرأة في عقد الزواج ألا يتزوج عليها ، فإن على الزوج احترام العقد وعدم الاقتران بأخرى إلا برضا الزوجة الأولى وتنازلها عن الشرط .. ففي الحديث الشريف : ( إن أحق الشروط أن توفوا ما استحللتم به الفروج )  [رواه البخاري ومسلم] .. ومعنى الحديث الواضح أن الشروط المدرجة في عقد الزواج هي أولى الشروط بالاحترام والالتزام .

برضه من نفس الموقع :lolo: :lolo: :lolo: :lolo: :lolo: :lolo:

NOOR

07-31-2002, 12:15 PM

مش محتاجين تواصي يا بنات :twink:

سلفي أنا

07-31-2002, 01:57 PM

السلام عليكم
حمدلله على سلامتك يا أخ مسلم أنا ، عودا حميداً

الظاهر ان المعركة الحريمية الرجالية في القهوة ح تنتهي باستعمال الكراسي والترابيزات بس الله يرضى عليكم ابعدوا عن الشيش والكبايات...

شدي حيلك يا دكتورة ( مرشحتي لمقعد المرأة )

نفرتارى

07-31-2002, 02:33 PM

يا حشرى انا سامعه انك لسه مطلعتش البطاقه الانتخابيه :P و لا هوا فض مجالس؟؟

كلام جد بقه

اولا يا وائل برضه انا عارفه الكلام ده و ان ابغض الحلال عند الله الطلاق بس برضه انا عارفه نفسى00انا مش بس هكرهه انا ممكن ااذيه00فليه يعنى اقضى عليه؟؟؟ يبقى اكيد الطلاق افضل 00كل واحد عارف شخصيته00

و بعدين مراتك بتقتنع نادرا؟؟؟ و الله ست طيبه00انا لو منها و لا بلاش اقول00 ^_^

ثانيا مسلم انا 00منورنا و الله00الف حمد لله على سلامتك00انا عبد العال ؟؟طيب00
اعمل ايه بس خرجونى عن شعورى ده انا كنا ناويه اقول اكتر من كده بس قلت لمى الدور00كل واحد انجعص و قال اتنين لا تلاته 00امال الاحصائيات و الحالات اللى بنشوفها جايه من المريخ؟؟؟

موضوع الشهوه 24 مره دى انا اول مره اسمعها منك 00يا ترى ايه مصدرك؟؟ لو حاجه لفرويد سيبك منه00و موضوع الختان ده شوف ردى عليه فى موضوع فكر نوال السعداوى 00انا ضد الختان يا مسلم00و مفيش امر بيه00الحديث كانت الست رايحه فالنبى اوصاها انها لا تنهك 00مش امرها من الاصل انها تروح00

نــــــــور00الله عليكى0000يا ريت يا بوس تكون اقتنعت بموضوع شروط العقد دلوقتى00

عموما زى ما قال مسلم انا كل شخصيه و هيبقالها ظروفها و متطلباتها00

بس كده00و برضه يا مسلم مش قادره امسك لسانى00لما نشوف بقه معدل الجواز هيزيد و لا لا بعد تصنيع الفياجرا المصرى؟؟؟ -و انا اهه و انتوا اهه- :blush:

ميشو

07-31-2002, 03:24 PM

أخوتي في الله جميعاً
السلام عليكم ورحمة الله وبركاته
حسب رأيي ، من ناحية الحلال والحرام فتعدد الزوجات حلال بنص القرآن فعلاً ومافي حدا عاقل بيحرم اللي حلله رب العالمين واكيد رب العالمين له حكمة في هذا مثل مااله حكمة سبحانه وتعالى في كل شئ...

لكن ... :blink: :blink:

بدون مناقشة تفاصيل .... وبدون ما كل واحد فينا يناكف التاني ...
النماذج اللي حوالينا من الرجال اللي عددو في الزوجات معظمها سيئة وبقول معظمها لانه في قلة قليلة اعطت هذا الموضع حقه وعدلت فيه...
أغلب نماذج الرجال اللي شفتهم حولي سيئة واتخذو من مبدأ تعدد الزوجات غاية للوصول الى مآرب سئ ومش لتكوين اسرة مسلمة وتربية اولادهم على منهج الاسلام والدين الحنيف ... مع الاسف الشديد في رجال مجرد ماشاف واحده حلوة بيسيل لعابه وبيعطي لنفسه الحق بالزواج منها عادي وبيقولك الشرع حلل لي الامر... صحيح انه الشرع حلل التعدد لكن هل فعلا كل اللي عم بيعددو ملتزمين بالغاية من تعدد الزوجات؟؟ هل هم ملتزمين بحقوق بيتهم الاول وبيعطو الزوجة الاولى والاولاد حقوقهم ؟؟ في ست عندها دعوى عند الوالد طلقها زوجها لمجرد انه عجبه يتزوج بغيرها وطبعا الجديدة قالت له انا متل الفريك محبش شريك وهيك رمى زوجته واولاده وياريت على هيك وبس ؟؟ كمان حارمهم المصروف المسكينة بتشتغل حتى تدفع ايجار وتربي اولادها...
مثل هيك نموذج مليانين بمجتمعنا الشرقي ويبررو تصرفاتهم بأن الدين سمح لهم بتعدد الزوجات...

اعطوني مثل لانسان مؤمن عدد في زوجاته ومش مقصر بالعدل بين زوجاته وما بقصد العاطفة لأ اقصد العدل في الحقوق والواجبات...
ياناس ياعالم ...
صحيح انه نسبة الاناث الى الرجال اكثر بكثير وظاهرة العنوسة انتشرت في مجتمعنا الشرقي والمسلم ولو كان في فعلا رجال حقيقيين يعدلون ماكان في واحدة خافت على حالها من العنوسة ولاخافت من المستقبل... لكن واقع الحال بيدل على العكس...

على العموم انا رأيي انه اذا كنتو بتناقشو حلال وحرام فالموضوع مش حرام بل على العكس حلال وحلال وحلالااااااااااااااااااااااااااااااااااااااال
لكن انا عن نفسي رح اكون صريحة معاكم الموضوع صعب علي كتير وماأظن اني ممكن اقبل بيه ...
تحياتي واحترامي لكل الاراء

سلفي أنا

07-31-2002, 04:34 PM

السلام عليكم ... للطائفتين

على فكرة يا دكتورة أنا مرة ح فاجئك وأقولك كام عمري. :P
---------------------------------------
شوية جد على الأد:

رأيي ؛ المعددون أربعة :
معدد لمجرد التعدد
ومعدد رغبة في الولد
ومعدد للهروب من وزارة الداخلية - يعني هروب للأمام
ومعدد عملاً بالآية

الأول شهواني ، والثاني أمه بتزن عليه ، والثالث جبان ، والرابع بتاع ربنا

النتائج - حسب الترتيب:
الأول مستعد يطلق اذا تعدى المسموح ولم يحصل على مناه
الثاني كسابقه
الثالث كلما هرب الى الأمام كثرت غراماته - المالية يعني متروحوش بعيد - وزادت معاناته ولم يتخلص من وزاراته ( على فكرة كل واحدة متعرفش عن أي واحدة ) مش قلنا جبان.
الرابع يضع آية العدل بين عينيه ، حتى لا يأت مائلاً أحد شقيه ، يحسن الرعية ، رضاءً لرب البرية ، يرزق الذرية ، يحرص على أن لا تقول احداهن : ياريت يوم ما عرفتك كان يوم المنية.

وعجبي............

كلمة أخيرة ... أنا شايف ان المصريين ميعددون أحسن ، اذا كان الواحدة تعقد خاطبها خمس سنين علشان مفيش شقة ؛ مفيش سيولة ؛ مفيش .................................................. .. فايدة.

معلش : كمان سؤال للمعترضات وأرجو أن يجبن بتجرد وصدق: لو شعرت أن العمر تقدم بك وشارفت على بلوغ الأربعين - مثلاً - هل توافقين على الاقتران برجل متزوج؟ مش عايز رد دبلوماسي

نفرتارى

07-31-2002, 05:14 PM

كام كام يا حشرى؟؟؟ :o

بس حلوه التقسيمات00

يووه نسيت ارد على السؤال00رجعت ارد00

لا طبعا00لا اوافق00اللى مرضاهوش لنفسى مرضاهوش لحد حتى لو هيا من اللى بيوافقوا على التعدد00

محبش ابقى دخيله على حياه حد00محلاها عيشه الحريه الى ان يجئ الرجل المناسب اما لو ما جاش نو بروبلم00الحياه لن تتوقف00

و ده بكل صراحه00

ساجد لله

07-31-2002, 07:31 PM

أسمحولي اتدخلفي الجزئيه دي ؟؟
انتي بتقولي كلامك ده يا نفرتاري عشان انتي لسه صغيره ويمكن في سن الزواج ولكن لما تلاقي القطار فات ;) يمكن هاتكون وجهة نظرك غير
لي صديق .. أثق في كلامه .. حكى لي عن واحده ناظرة مدرسه ووكيلة المدرسه .. اتجوزوا الاتنين حارس الامن بتاع المدرسه .. اي والله الاتنين .. والكلام بجد ومش تهريج
وشكرا

نفرتارى

07-31-2002, 07:54 PM

اكيد يا بلدوزر دول لو كانوا اتسالوا زمان 00كانوا قالوا اه نوافق00

دى بتبقى شخصيات يا اخى000ثم انا صعب جدا اغير اى راى الا لو ثبت لى خطاه00و ملهاش علاقه بالسن00

انا اعرف واحده صاحبه ماما لسه متجوزتش لغايه دلوقتى-من سن ماما - و كان ليها زميل عرض عليها تكون زوجه تانيه و رفضت و كلمت مراته فى التليفون و قالتلها كمان :) 00زى ما قلتلك شخصيات00

فتاكد ان السنين متغيرش رايى00اصلها كمان مساله مشاعر00فده موضوع مفروغ منه00

Basbosa

07-31-2002, 08:12 PM

السلام عليكم ،،

ازيكم كلكم
اخي البلدوزر الحكاية اللي انت بتقولها نادرة الحدوث جدا و يمكن شاذة كمان
انا حتي لاحظت في اسلوبك انك متعجب من الموضوع .......صح

و بعدين انت بتقول لنفرتاري ان ردها ده راجع لأنها لسه صغيرة مع احترامي لرأيك ..بس انا من رأيي ان اللي مببتجوزش و توصل لسن معينه من غير جواز بيبقي صعب عليها جدا تتجوز بعد كده و بتفضل انها تكمل حياتها زي ما اتعودت .

ساجد لله

07-31-2002, 08:15 PM

طب ممكن واحده تعيش كده عمرها كله من غير ما تعرف يعني ايه اسره ويعني ايه بيبي ويعني ايه أمومه ويعني ايه زوجه؟؟ انا شايفها صعبه

ياتري صاحبة مامتك مش حاسه بنقص في هذه المشاعر مثلا ؟؟؟

نفرتارى

07-31-2002, 08:25 PM

و الله هيا طبعا من اكتر صحاب ماما حنانا 00يعنى انا بحبها جدا00

لكن هيا مثلا مامتها لسه عايشه معاها و دايما اخواتها و اولادهم عندهم00فمتهيئلى هيا مشبعه غريزه الامومه دى00

حاجه تانيه جايز بتلعب دور انها هيا اللى رفضت الجواز من اللى اتقدمولها عشان كان دايما فى حاجه مش مناسبه00

يعنى مثلا لو واحده مرفوضه او متقدملهاش حد دى يبقى جواها اسى و ممكن ترضى بالحلول بتاعه الزوجه التانيه او الرضا باول واحد يخبط على الباب لكن اللى رفضت بتبقى عندها ثقه فى نفسها و مش ندمانه00

احسن ما ناخد قرار زى الناظره اياها و تاخد واحد مش مناسب ليها00

بس كده

طبابيشو

07-31-2002, 08:36 PM

[QUOTE] أنا معرفش ليه إنتو عاملين لخبطة قوي على موضوع واضح زي ده؟

خلوني أتكلم.. حاعيد كتير من الكلام اللي اتقال.. بس ببساطة..

-المسألة شرعاً حلال.. الشرع أحل للرجل إنه يتزوج من أربع ستات.. وأتوقع مفيش خلاف على النقطة دي..
- الآية الكريمة اللي أحلت تعدد الزوجات اشترطت العدل بينهم، والعدل بينهم كما ذكر العلماء والفقهاء والمفسرون يكون في الأمور الظاهرية سواء كانت مادية أو معنوية، فإن اشترى هدية لواحدة فلا بد أن يحضر مثلها للأخريات، ولا بد له من العدل في المبيت معهن، فلكل زوجة ليلة على التوالي، ولا بد له في التودد الظاهري ن يعدل بينهن كذلك، ولكن استثنى العلماء من ذلك حب القلب، حيث أنه ليس للإنسان تحكم في من يحب قلبه، ولكن بشرط ألا ينعكس هذا الحب على أفعاله الظاهرية فتحس إحدى الزوجات أنه يفضل الأخرى عليها.
- من الطبيعي أن تكره النساء ذلك، فالغيرة أمر فطري، وكانت نساء الرسول صلى الله عليه وسلم وهن أمهات المؤمنين وأفضل نساء التاريخ يغارون من بعضهن، وهذا موثق في السيرة النبوية، ولم يجبر الإسلام المرأة على قبول زوجة أخرى لزوجها، فيمكنها الاشتراط عليه في عقد الزواج أن لا يتزوج بغيرها وهذا مباح، وإن لم تفعل وأصر زوجها على التعدد فيمكنها طلب الانفصال عنه ودياً أو عبر المحاكم.
- لا بد من أخذ عادات وتقاليد المجتمعات في الاعتبار، وكذلك ظروف الزمان، ووضعنا الحالي في العالم له أوجه كثيرة جداً، وقد يكون التعدد في بعض المناطق أمر طبيعي لظروفه الخاصة، بينما يكون صعباً بل ومرفوضاً في مجتمعات أخرى لظروفها الخاصة كذلك، ففي بعض مدن الخليج، وبعض قرى الشام، وبعض مناطق الصعيد، نجد أن التعدد أمر طبيعي تماماً، بل قد نجد أن أهالياها يستنكرون على من يأتي لمناقشتهم في ذلك، أما في بعض المناطق الأخرى فنجد أن الظروف الاقتصادية جعلت الزواج نفسه صعباً ومعقداً، مما يجعل الزواج بثانية أمر لا يخطر على بال.
- في ظل رفض الكثير من المجتمعات لفكرة التعدد نجد أن الجميع يوافق على هذه الفكرة في ظل ظروف معينة، كأن تكون المرأة لا تنجب، أو أن تصاب بعاهة مثلاً، أو أن تصل بعض النساء إلى سن العنوسة فيقبلن بزوج جيد حتى ولو كان متزوجاً، أو أن يتوفى رجل فيتزوج أخوه بزوجته بعده ليضم أبناء أخيه إلى أبنائه كيلا يفقدوا التربية السليمة والعائل بفقدهم لأبيهم.. وهكذا..

قد يحتاج الأمر إلى توسع أكبر.. ولكن أتمنى أن أكون قد حصرت النقاط الرئيسة للموضوع.. بغض النظر عن رأيي الشخصي..
وسلامي للجميع.. [QUOTE]

ده كلام سبق قلته لما انفتح نفس الموضوع من أشهر كده.. أرجو إننا ننهي الموضوع.. ده صار فيه لت وعجن كتير.

:shoe: آآآآآآآآآآآآآآي!.. :sniff:

ساجد لله

07-31-2002, 09:21 PM

كلام جميل يا طبابيشو.. لميت الموضوع كله كده وفعلا نرجو ان لا يفتح الموضوع ده تاني واللي يدخل جديد تاني وعايز يفتحه تكون دي مسؤلية الناضورجيه اللي يفترض انهم من القدامى هنا وعارفين نوعيه المواضيع اللي قتلت بحثا فيرشدوه عليها ماشي :D ، لان الموضوع ده حساس شويه ومش كل مره نلت ونعجن في نفس الكلام .. بيتهيألي انه اتبلور موقف جماعي من الموضوع ويقدر الاخ عاشور اللي رمى القنبله دي ومشي :D (ماسمعنالوش ولو رد حتى) يقدر يقرر هايعمال ايه

يا عاشووووووووووووووور .... يا عاشوووووووووووووور .. انت مستخبي تحت السرير ولا ايه :D أطلع يا جدع ماتخفش مراتك مش هاتعملك حاجه :tng: :tng: احنا عرفناها غلطك خلاص :D

.. ولعلمكم يا نساء الموضوع ده ، معظم اللي اتكلموا في الموضوع ماحدش فيهم هايعدد ماتخافووش بس هو عملية دفاع عن حق شرعي لهم وتوضيحه بطريقه شرعيه لمن تجهله لا اكثر ولا اقل

ونسدل الستار بعد اذن صاحب الموضوع .. وأذن البوس .. والناضورجيه أذا ماكانش فيه حد عنده مانع

نفرتارى

08-01-2002, 04:19 AM

ملاحظه فى محلها يا بلدوزر000

صاحب الموضوع مفتحش بقه000 :huh:

ساجد لله

08-03-2002, 03:29 PM

ياخوفي يانفرتاري :huh:

عارفه خايف من ايه :huh:

:o

:o :o

لاتكون مراته اللي عايز يتجوز عليها حاطاه دلوقتي في كياس بلاستيك :( :(

:sniff:

نفرتارى

08-03-2002, 03:31 PM

لو هيا ست كويسه و شايلاه فى رموش عينيها00

يبقى يستاهل000 :ph34r:

سلفي أنا

08-03-2002, 03:36 PM

السلام عليكم
يااااااااااااااااه انتو لسه في الموضوع ده.
الواحد ابتدى يخاف من ردود الدكتورة ، بتأيد موضوع الأكياس :o اعتقد اني لازم اراجع موقفي تجاه مقعد المرأة

نفرتارى

12-21-2002, 02:16 AM

حبيت بس انشط الموضوع ^_^ حتى لو مش بردود اهه الناس تقرا الكلام و تكون راى00

a_n_s_2000

12-21-2002, 06:57 PM

إلى الأخ باب البحر على ما أعتقد .. أنا معاك تماما في أن الأمور اللي مثل تعدد الزوجات قطعية ..
يعني بالعربي مو من حقنا نقول يجوز أو ما يجوز .. هذا أمر رباني..
لكن اللي خلانا نتكلم في الموضوع هو الحملة اللي عاملينها الغرب على تعدد الزوجات ...
أولا : هما بيناقشو الفكرة بدون النظر للشروط اللي وضعت للتعدد ومن ضمنها العدل في المعاشرة والمأكل والمسكن ..
ثانيا : هم ما التفتو لنقطة أساسية في أي زواج في الإسلام .
هدف الزواج تكوين أسرة مستقرة وبالتالي مجتمع مستقر. وهذا اللي لا تملكه الأسرة الغربية لو افترضنا انه في شي اسمه اسرة غربية..

ثالثا: نجي لإحصائية بسيطة انعملت على المجتمعات الغربية واسف على بعض الكلمات اللي ما لقيت الطف منها :
"يوجد في انجلترا 4 ملايين سيدة غير متزوجة
وفي المانيا 5 ملايين ..
بينما يصل عددهن إلى 8 ملايين في امريكا *...
ويسأل الشيخ أحمد ديدات في مناظرته أمام القس ستانلي في السويد
"ما هي الحلول التي أوجدتموها"
مشاكلكم تتفاقم وبحسبة بسيطه يوضح لنا حجم المشكلة قائلا :
" في حالة زواج كل رجل أمريكي بإمرأة واحدة سنجد أن هناك 8 ملايين إمرأة في امريكا بدون زوج..
وإذا إستثنينا 25 مليون شاذ أمريكي فيصبح العدد 25 مليون إمرأة بدون زوج زائد الثمانية ملايين ...
وإذا أحصينا الرجال في السجون فسنجد الملايين ايضا..
إذن فما الحل الذي قدمتموه "

الحل موجود إننا نستر بناتنا واخواتنا يا أخواني وحبايبي

سلفي أنا

12-21-2002, 08:33 PM

السلام عليكم

أنا مؤيـ............. أي أي آي أي :spank: معارض

ساجد لله

12-22-2002, 02:26 PM

السلام عليكم
والله يادكتوره الموضوع ده شاغل ناس كتير رجاله وستات ومن كتر ما اتكلموا فيه واتناءروا فيه وصلهم لمشاكل وخلافات لا حصر لها :argue:

يعني هاديكي مثال في شكل حوار

الراجل يقول للست ان الشرع محللي اربعه انا هاتجوز تاني

تقوم هي تاخد الكلام بجديه ( وهو مش جاد في الموضوع ) وتقول له ليه بأه هو انا قصرت معاك في حاجه ولا ناقصك حاجه ؟ :huh:

يقوم يسخن هو ليثبت ( بفتح الثاء ) الفكره والمبدأ في دماغها ويقول لها لا مش ناقصني بس هو مش من حقي اني اتجوز التانيه والتالته وكمان الرابعه؟؟ ها ؟؟ :angry: أعترضي على كلام ربنا بأه :angry:

تقوم قايلاله ونعم بالله انا مابعترضش على كلام ربنا <_< بس لو عايز تتجوز تطلقني <_<

يقوللها لا مش عايز أطلقك عشان انا مأدرش استغنى عنك :tng: يا حبيبتي يا أم ولادي :h2:

تقوم تقول له يا كداب يا بو عين زايغه :sweat: :sweat: ماتقولش حبيبتك :sweat: ولو اتجوزت انسى اني اقعدلك في البيت ده :sweat: تطلقني :crazyy:

يقوم هو واخداه الرجوله شويه ويقع في الغلط ويقوللها :crazyy: مش مطلق :crazyy: وهاتجوز :angry: وانتي مش هاتحرميني حق من حقوقي .. هاه بس

هي بعد الكلام ده :sweat: اهئ اهئ اهئ :sweat: :sweat: :sweat:
خاين غشاش انخدعت فيه اهئ اهئ اهئ :sweat: :sweat: :sweat:

:D

وهو لا ناوي يتجوز ولا حاجه :) وهي صدقته وجادلت معاه لغايه مانقلب الموضوع بينهم بخناءه وجدال طويل :) ويمكن شك وريبه من الزوجه في زوجها o:) ويمكن كمان بلورة الفكره للزوج انه يتجوز تاني o:) ويفضلوا عايشين مع بعض هي على هاجس انه عاوز يتجوز عليها وهو تراوده الفكره اكتر من الأول لمجرد اثبات انه هايستخدم حقه قدامها
فلابد من التعقل من الزوج ومن الزوجه عند مناقشة هذه المواضيع :blow:

fidodido

12-22-2002, 03:07 PM

أنا رأيى ان الموضوع ده يأتى اولا واخير تبعا لمعتقدات كل شخص فى الحياة فبعض الناس ترى ان ارتباطهم بزوجة اخرى يعتبر خيانة لحقوق الزوجة الاولى عليه لانها رضيت به على اساس ان العشرة بينهما فقط ولن يدخل فيها زوجات اخرى
ومنهم من يريد اشباع غريزة او نقص فى شئ لم يجده من زواجه الاول
ومنهم من لا يستطيع ان يفكر فى هذا الموضوع لانه يهيم بزوجته هياما لا اراديا فهى كل دنياه وهذا لا يتطرق به التفكير قط لهذه النقطة

اما بالنسبة لانها مسموح بها دينيا فالحكمة لا يعلمها الا الله وان كنت اظن انها ليست واجب على الكل ان يتزوج مثت\نى وثلاث ورباع ولكنها تناسب الصنف الثانى من البشر اكثر
وربما كانت الحكمة انه كما اظهرت اخر الاحصاءات ان نسبة الاناث تصل الى ثلاثة اضعاف الذكور فكانت حتى لا تزداد نسبة العنوسة بين الفتيات والله اعلم

ماشية معايا

12-22-2002, 03:28 PM

Originally posted by حشري@Jul 30 2002, 06:29 AM
احم احم .... السلام عليكم

مادام الباشمهندز ادانا تطمينات يبقى الواحد ممكن يتكلم براحته ...
شوفوا يااخوانا ... بيني وبينكم التعدد هو الأصل : ( فانكحوا ما طاب لكم من النساء مثنى وثلاث ورباع فان خفتكم ألا تعدلوا فواحدة ... )

يا جماعة الاستشهاد بالآية ما يبقاش كدة فين نصها الاول "وان خفتم الا تقسطوا في اليتامى فانكحوا ما طاب لكم من النساء مثنى وثلاث ورباع." النساء-3
وبعدين فيه الآية دي كمان "ولن تستطيعوا أن تعدلوا بين النساء ولو حرصتُم فلا تميلوا كل الميل فتذروها كالمعلّقة" النساء-

من وجهة نظري ان تعدد الزوجات لابد ان يكون له ظرفا مشددا مثل رعاية الايتام كما هو موضح في الآية الاولى، هناك حرف شرط ثم فعل شرط ثم جواب شرط، فلماذا يتم دائما تجاهل فعل الشرط "ان خفتم الا تقسطوا في اليتامى". بالاضافة الى الاسباب القهرية الاخرى مثل عدم الانجاب أو ما الى ذلك.

أصل العملية مش سبهللة يعني

-عادل

12-23-2002, 02:45 AM

بسم الله الرحمن الرحيم
اخ عاشور الموضوع دة شائك جدا وعلشان تطبق الموضوع دة لازم تعرف ضوابط الشرع في الموضوع دة علشان لا تقع في المحظورات وفقكم الله سبحانة وتعالي

سلفي أنا

12-24-2002, 01:28 PM

السلام عليكم

http://63.175.194.25/index.php?ln=ara&ds=q...&QR=14022&dgn=3 (http://63.175.194.25/index.php?ln=ara&ds=qa&lv=browse&QR=14022&dgn=3)

عابدة

12-24-2002, 08:47 PM

من الناحية الشرعية انا موافقة على وجهة نظر البلدوزر والبوس وطبعا على كلام وائل الدقيق فى تناوله للموضوع بس المشكلة ان الموضوع له جوانب اجتماعية متعددة اولها العنوسة المتزايدة فى المجتمعات من ناحية ومن ناحية اخرى حالات عدم العدل من حولنا وقلة الالتزام الدينى الحقيقى بالاضافة الى ان بعض الرجال يتزوجون ثانية للاضرار بالاولى وكيدا لها يعنى اما اجيب لها زوجة تانية علشان اكسرها اما غير ذلك فان مجتمعنا المصرى مثلا يتسبب زواج الرجل من اخرى فى ان تشعر ويشعرها المجتمع بوجود عيب بها لذلك تزوج رجلها من اخرى فالحل اجتماعيا تناول هذا الموضوع اعلاميا بصورة مكثفة وهذا ما حاولوا فعله فى الحاج متولى لكن بصورة مش دقيقة فالدنيا قامت عليهم ولم تقعد لان الست لما تلاقى كما فى بعض المجتمعات الخليجيةاختها وامها وبنت عمها وجارتها ازواجهم معددين هيسهل عليا الامر مع طبعا الاحتفاظ بالغيرة الطبيعية اما من تسول له نفسه القيام بذلك فى مجتمعنا المصرى حاليا فيتحمل ما سيجرى عليه من مشاكل وقلة هدوء نفسى وعدم استقرار وذنبه على جنبه0 :box: :argue:

عابدة

12-25-2002, 06:46 AM

استكمالا لما كتبته امس حيث ان قراءة 5 صفحات من الاراء امس قد اتعبتنى ده غير مقاطعة زوجى اثناء قراءته لكتاب البداية والنهاية لابن كثير علشان اقرأ له آراؤكم فلم استكمل ردى اولا نحن لا نجادل فى حق الرجل شرعا فى الزواج من اكثر من واحدة وده افضل من الفساد واتخاذ الصديقات فى الحرام كحال الغرب لكن هل مجتمعنا الاسلامى سليم وحتى الملتزمين هل يطبقون الاسلام فعلا فى كل جوانب حياتهم فمثلا الاخ البلدوزر تكلم على مشكلة العوانس والارامل لكن هل سيحل المشكلة اخواننا الراغبين فى التعدد لا اقول هنا ان الهدف من التعدد حل المشكلة دى علشان محدش يفهمنى غلط لكن ده من الكلام اللذى طرح فالرجل حين يرغب فى الزواج من اخرى سيبحث اين كان عمره على فتاة فى اوائل العشرينات ومن تعانى العنوسة فى مجتمعنا تتراوح اعمارهن بين ال30 وال40 اما الارامل فلدى صديقة توفى زوجها وهى فى ال36 وهى الان فى اوائل الاربعينات ولم يتقدم احد للزواج منها لان لديها طفلين فماذا عن فعل الصحابة كان سيدنا ابى بكر متزوج من ام رومان والدة السيدة عائشة فلما استشهد سيدنا جعفر بن ابىطالب وترك اولادا اربعة ابنة وثلاث صبية تزوج سيدنا ابى بكر بارملته اسماء بنت عميس ثم لما مات عنها تزوجها عمر ابن الخطاب ثم تزوجها لما قتل سيدنا على بن ابى طالب وكلنا نعرف القصة المشهورة عندما اختلف ابنها من جعفر مع ابنها من ابى بكر من اباه افضل فقال لها على احكمى بينهما يا اسماء فقالت لابن جعفر كان ابوك خير فتى فى قريش وقالت لابنها من ابى بكر كان ابوك خير شيوخ قريش فقال لها على صدقت ايتام وارملة فى رعاية اب مسلم رضى الله عنهم اجمعين وسيدنا بن عمر رضى الله عنه حين كان يقرا آية( لن تنالوا البر حتى تنفقوا مما تحبون) وكان لديه جارية يحبها حبا شديدا فأعتقها وزوجها من مولاه فأى مقاصد نبيلة واى رقى مصاحب للتعدد ولقضاء الشهوة وقدوتهم سيدنا رسول الله فلم يتزوج بكرا الا عائشة والباقى ثيبات وبعضهن بعيدات عن الجمال مثل السيدة حفصة وبعضهن كبيرات سنا مثل السيدة سودة وام سلمة التى كانت تربى ايتام من اخيه من الرضاعة الشهيد ابى سلمة ونرى العديد من الصحابة عنده الكثير من الاولاد من حفظة القرآن والرجل فى مجتمعاتنا لديه زوجة واحدة والعدد القليل من الابناء وليس لديه الوقت لرعايتهم او تحفيظهم القرآن ده غير اننالم نسمع عن احد الصحابة اثرت عليه زوجته الجديدة واهمل القديمة او قصر مع ابناءه من الزوجة الاولى وما نراه من الصور السلبية فى مجتمعاتنا هو ما يشعل فى قلوبنا الهواجس والتخوف من ان يتزوج رجالنا بأخريات