قلــــبى صغنـــن........!!.

[سلسبـيل]

http://www.arab3.com/upload/images/Aug03/salsabel_ouPX4H.jpg

قلبي صغنن زي النونو
وعشان كدا انا خايفه عليه
واعدة ابويا باني اصونو
علشان حد مايلعب بيه

قلبي برئ جدا وضعيف
ولاعارف ابيض من اسود
ومالوش دعوه بشاب ظريف
ماشي ف حاله وعمره ما يحود

وسط الشارع هادي وعاقل
ولا بيبص لمين حواليه
ولا ملفوت للناس ولا سائل
لو بينادو ويجرو عليه

مظبوط دايما كدة ورزين
ولا بيهمه فيوم المظهر
ماتشيكش بقاله سنين
عمره ما كان يمشي ويتمختر

وفيوم وانا في طريقي وماشية
بصلي واحد شكله جنان
حدف البسمه ف لحظه عليا
رديتهالو بنظرة كمان

قلبي النايم رفرف فجاه
واستعجبت دا مش من طبعه
مش م عادتة يبص برقه
اعمل ايه دانا خايفه لاطاوعه

انا مانكرش بأني فرحت
وبقيت كده باهتم بنفسي
ويّا مرايتي وقفت سَرَحت
يجي كام ساعة باظبط شكلي

وبقيت افرح لماباشوف
حد يبصلي بصة حيرة
مانا عاجباه وداشئ معروف
خلي اصحابي يموتو م الغيرة

وانا ف البيت شغالة اغاني
حاسة شوية كأني هاطير
والدنيادي ماهيش سايعاني
عايشه ف حلم لكنه خطير

وف لحظة ماخطرت علي بالي
فقت انا من احلامي بسرعة
قلت لنفسي ايه اللي جرالي
ليه فرحانه وللسما طالعة؟؟

فين الوعد اللي وعدتيه
علشان حد ماياكل عقلك
جا الوقت اللي تحافظي عليه
حاسبي لاقلبك حايروح منك

مش علشان بصة اتبصتلك
تتبسطي وتطيري م الفرحة
دا مهوش صح انا عايزه اصارحك
كله حايجي ف وقته يا فالحه

قلبك لسه صغنن نونو
حافظي عليه ولحد مايكبر
اوعي لحد يزغلل عينه
وللا بأي كلام يتاثر


http://www.arab3.com/upload/images/Aug03/salsabel_C5Vxa8.jpg

[ASKNDRANY]

الله الله الله
علي الجمال دة

اسلوب زجلي في منتهي الجمال ما شاء الله القهوة زاخرة بالمواهب الشابة


قلب صغنن نونو لكن عقل كبير مش نونو قشطة ياما

تحياتي يا سلسبيل ورردة

[محمد فارس]

سلسبيل

قلبى صغنن 00الرد عليها عايز مخمخة زى مابتقول د0 الشيماء

راجعين
حفظك الله

[روبى 2]

مانتش قد الحب يا قلبي ولا قد حكاياته ... ليه عايزني من دلوقتي احكيلك رواياته

على راي سعاد حسني

ايه ياواد الدلع ده ... ماشي يا عم بتعايرينا يعني اكمن قلبك صغنن وانتي لسة صغنونة

جمييييييييييييلة جدا جدا جدا يا بيلة يا قمر يا صغنونة

ولازم يكون لنا عودة .. انتي عايزة رد معتبر

خدي دي بقة ورردة ورردة

[خالد المصرى]

بسم الله ما شاء الله


فكرة اكثر من ممتازة وتناول فى منتهى الخفة والاجادة ..

ما شاء الله سلسبيل ..تحياتى لك على فكرتك الرائعه

على المقدمة السلسه البسيطة

على التسلسل الرائع والرسالة الموجهة فى النهاية

ما شاء الله ... ورردة


وف لحظة ماخطرت علي بالي
فقت انا من احلامي بسرعة
قلت لنفسي ايه اللي جرالي
ليه فرحانه وللسما طالعة؟؟

فين الوعد اللي وعدتيه
علشان حد ماياكل عقلك
جا الوقت اللي تحافظي عليه
حاسبي لاقلبك حايروح منك


عتاب بكل براءة ورقه وافاقة من قلب لم تتفتح مسامه بعد


تحياتى عزيزتى

[rose2]

السلام عليكم و رحمة الله و بركاته

ماشاء الله عليكي يا سلسبيل : هيه:: هيه:: هيه:
القلب الصغير بتاعك ده ..... جميل جدا قشطة ياما

فين الوعد اللي وعدتيه
علشان حد ماياكل عقلك
جا الوقت اللي تحافظي عليه
حاسبي لاقلبك حايروح منك

ماشاء الله كلماتك هادفه سلسه رائعه بتجسد لنا مرحله البرأه الي البنت لو محافظتش علي نقاء قلبها فيها و خضعت للكلمات هتضيع منها أجمل شئ وهبه لها ربنا سبحانه و تعالى .. و أمرها إنها تحافظ عليه و للأسف شياطين البشربأو كتير أوى أوى الأيام دى .. مش سيبين حد في حاله .. و على رأى من قال
تحت المدرج مفترى ..
و قدام مدارس البنات كمان ... :هع::هع::هع:
بس إيه طول مأنت محافظه علي وعدك ..... شااكوش عمرهم ما هيقدروا يقربوا هييييه
و لو قربوا ...... نياهاهاها بلغي الحكومه علي طول بولييس .. و حكومه كل إنسان ضميره سممكة


و عدك شرفك
أوعى في يوم تنسى الوعد الي وعدتيه
قلبك ملكك
أوعى في يوم تتنزلى و بإديكي توديه
للى يشاغلك
ماهو لو راجل كان جا و إتقدملك بيه

أدام الله إبداعك قللب
:date:


السلام عليكم و رحمة الله و بركاته

[عيون حائرة]

رائع ما سطرتية ايتها الرقيقة
وبداية غاية فى الجمال


قلبي صغنن زي النونو
وعشان كدا انا خايفه عليه
واعدة ابويا باني اصونو
علشان حد مايلعب بيه

وكل الكلمات متتابعة فى رقة ويسر
من قلم اثبت تمرسة فى الزجل
الفكرة ايضا رائعة عزيزتى
ادام الله لنا ابداعك

[khadiga]

لا يا سلسبيل قلبك مش صغنن ولا حاجة بالعكس ده كبييييير قوى ، وعشان كبير محتاج انسان كبير يملاه( مش فى السن ولا المقام طبعا:هع:) بس انسان يستاهل . ما تستعجليش

كلماتك جميلة معبرة . عبرتى فيها عن مشاعر كل الفتيات . جميل ان الانسان يكون ملئ بالاحاسيس ده. بس الاجمل ان عقله الى يدير الدفة ويوجهها صح ، انا مش خايفة على قلبك لانه مصاحب عقلك . على راى جدتى ربنا يكملك بعقلك

[الحســــام]

أختى العزيزه..سلسبيـــل..
رقيقة كلماتك...كنسمه..
جميلة...كورده...
بريئة ....كبراءة قلبك الصغير الطاهر...
معبرة وهادفة نداءاتك...لكل اصحاب
القلوب الصغيره البريئه مثلك...
أدام الله عليك براءتك ورقتك...
حفظك الله..
ووقاك ...ووقى قلبك كل سوء...

حســـام.

[سلسبـيل]

اخي..اسكندراني

شكرا علي مرورك ورردة
وارجو ان يكون الموضوع قد حاز رضاك ورضا كل من قرأه

تحياتي ورردة

سلسبيل

[رنـranimـيم]

حبيبتى واختى وجارتى العزيزه سلسبيل

اهنيك من قلبى حبيبتى ...قلبك الصغنن ده انا عارفاه وشيفاه وبيكبر قدامى


وانا كمان خايفه عليه...نجاحك يفرحنى ياسلسبيل واعتبره نجاح لى

سلسبيل ...عقلك الواعى يبهرنى ادام الله عليك نعمة العقل ونعمة الموهبه


الجميله التى اثق بان مازال هناك الكثير الذى لا تعلميه انت شخصيا عنها

اعتقد ان مازال هناك جوانب ممتعه فى موهبتك لم تكتشفيها بعد
بارك الله فيك


رنيـــــــــم

[محمد فارس]

[QUOTE]كاتب الرسالة الأصلية : سلسبـيل
[B]http://www.arab3.com/upload/images/Aug03/salsabel_ouPX4H.jpg
[ALIGN=CENTER][B][SIZE=4]
صاروخ الزجل / سلسبيل
ها قد عدت برد بسيط اردت به فقط ان اسجل تواجدى هنا للمرة الثانية0
وبصراحة 00هذه اول مرة اكتب رد بالتقسيط00
مرة اخرى اسجل اعجابى بكتاباتك 00وفى انتظار المزيد0
حفظك الله
----------------------------

قلبي صغنن زي النونو
وعشان كدا انا خايفه عليه
واعدة ابويا باني اصونو
علشان حد مايلعب بيه


هو صغنن لكن واثق
من خطواته فين مامشيتى
عارف ربك هو الرازق
رزقه حيوصل فين مارسيتى

قلبي برئ جدا وضعيف
ولاعارف ابيض من اسود
ومالوش دعوه بشاب ظريف
ماشي ف حاله وعمره ما يحود


براءة قلبك هى القوة
هى دليلك انت وماشية
ماشية لبرّا 00ماشية لجوّا
ماشية معاكى00احبة وحاشية


وسط الشارع هادي وعاقل
ولا بيبص لمين حواليه
ولا ملفوت للناس ولا سائل
لو بينادو ويجرو عليه


وسط الشارع00برّا الحارة
قلبك هو 00زى ماهوّ
مش حتهمه اى اشارة
ولا حيخاف من اى فتوة

مظبوط دايما كدة ورزين
ولا بيهمه فيوم المظهر
ماتشيكش بقاله سنين
عمره ما كان يمشي ويتمختر


رزانة قلبك00هى همومه
عمره مافكر00يوم ف المظهر
رغم ده كله 00الناس بيقولوا
شياكة قلبك 00هى الاشهر


وفيوم وانا في طريقي وماشية
بصلي واحد شكله جنان
حدف البسمه ف لحظه عليا
رديتهالو بنظرة كمان


يوم 20 من شهر يناير
5 مساءا00يوم الجمعه
شافك هو 00بدر وناير
لمحك باسمة0000فرت دمعة

قلبي النايم رفرف فجاه
واستعجبت دا مش من طبعه
مش م عادتة يبص برقه
اعمل ايه دانا خايفه لاطاوعه

غصبن عنك قلبك رفرف
حن شوية للى بيحصل
جات سؤالاته00عايز يعرف
فين السكة00وازاى يوصل





انا مانكرش بأني فرحت
وبقيت كده باهتم بنفسي
ويّا مرايتي وقفت سَرَحت
يجي كام ساعة باظبط شكلي


رفرف قلبك00جاتلك فرحة
امر طبيعى00ليه يتخافى
خايفة يقولوا00انك سارحة
صدق كلامك00حيكون كافى


وبقيت افرح لماباشوف
حد يبصلي بصة حيرة
مانا عاجباه وداشئ معروف
خلي اصحابي يموتو م الغيرة

تعالى بقولك 00انت بديتى
تزيدى شويه فى الموضوع
شايفك00سامعك00تقولى مَليتى
يدك منه من اسبوع


وانا ف البيت شغالة اغاني
حاسة شوية كأني هاطير
والدنيادي ماهيش سايعاني
عايشه ف حلم لكنه خطير


وقفة صغيرة 00كانت مطلوبة
والتفكير لازم يصاحبها
يعنى بجد له محبوبة
ولا مشاعر كان يلاعبها


وف لحظة ماخطرت علي بالي
فقت انا من احلامي بسرعة
قلت لنفسي ايه اللي جرالي
ليه فرحانه وللسما طالعة؟؟


بعد الوقفة00اكيد حتفوقى
قلبك ينبض كالمعتاد
كل مشاغلك00تروح وتروقى
قلبك يمسك له عداد

فين الوعد اللي وعدتيه
علشان حد ماياكل عقلك
جا الوقت اللي تحافظي عليه
حاسبي لاقلبك حايروح منك

انت وعدتِ00لكن برضه
قلبك حر ومن غير وعد
يعرف يحمى ويمشى فى ارضه
عارف امتى معاد السعد

مش علشان بصة اتبصتلك
تتبسطي وتطيري م الفرحة
دا مهوش صح انا عايزه اصارحك
كله حايجي ف وقته يا فالحه


[COLOR=orangered]
اعرف امتى اقوله اتلم
كله ده صح00كله ده ماشى
مهمن اضحك00مش حتخم
قلبى فـ عقلى00عقلى فـ راسى


قلبك لسه صغنن نونو
حافظي عليه ولحد مايكبر
اوعي لحد يزغلل عينه
وللا بأي كلام يتاثر


لو قسناه 00والعمر اساس
قلبك صح 00صغنن لكن
لو قسناه00حكمة واحساس
قلبك عاقل00قلبك ساكن

[سلسبـيل]

الاستاذ الفاضل ....هراس
شكرا علي ردك ورردة
وارجو ان يكون الموضوع قد حاز اعجابك
ومنتظرين المخمخمة


صديقتي العزيزة...روبي

ايه ياواد الدلع ده ... ماشي يا عم بتعايرينا يعني اكمن قلبك صغنن وانتي لسة صغنونة
يوه بقىيوه بقى

ولازم يكون لنا عودة
ماتخافيش هاستناكي غممزة

خدي دي بقة ورردة ورردة
شكرااا
خدي انتي دول ورردة ورردة ورردة ورردة ورردة ورردة ورردة ورردة
ورردة ورردة ورردة ورردة ورردة ورردة ورردة ورردة ورردة ورردة ورردة

شكرا علي ردك قللب

سلسبيل

[سلسبـيل]

استاذي الفاضل...خالد

يسعدني دائما تواجدك في صفحتي
بقلمك الرقيق.....

وكلماتك المحفزة لي
اضعها دائما امامي
في اي عمل اقوم به
ربنا يكرمك...ويخليك

سلسبيل

[سلسبـيل]

حبيبتي روز

ردك علي اسعدني جدايوه بقى
وتواجدك في صفحتي شرف لي
فمن بين كل الردود ابحث عن ردك الجميل الذي طالما انار مواضيعي
اشكرك ياعزيزتي
تحياتي

سلسبيل

[G.S.B]

مرحبا بانتاجك الجديد: هيه:

راااائع ورردة

فكرة ممتااازة وهدف راقي قشطة ياما

و سرد غير عاادي خطير: شجيع:

عايزين من ده كتييييييير حنا للسيف

استمري إسسعاف

[سلسبـيل]

عزيزتي....عيون حائرة
ردك علي القصيدة
ومجاملتك الرقيقة..
وسام اعتز به
حفظك الله
سلسبيل

[ابراهيم حندولة]

ايه الجمال والرشاقة دى
: هيه:
حقيقى كلام رشيق سلس
وجمييييييييييييييييييييييييييييييييييييييل


بصى يا ستى
قلبك عارفه صغنن جدا
بيخاف م الماشيين حواليه
لكن عمره ما يكبر أبدا
لو هتخافى العمر عليه

قلبك لازم مرة يجرب
يلقى حبيبك .. يعنى حبيبه
مرة بيفرح .. مرة بيتعب
فى الآخر هيلاقى نصيبة

لكن عمر الحب ما كان
واحد حلو بيبعت نظرة
نظرة بعتها لغيرك طبعا
يعنى خلقلك مليون ضرة

قلبك لما يحب هيكبر
ويساع كل الناس حواليه
لحظة بلحظة بيكبر أكتر
والخير دايما هتعيش فيه

مين من غير الحب يعيش
مهما يزود م الناس خوفه
عمره يعدى كأنه مفيش
وهيحرمه م الدنيا كسوفه

لو هأسأل كام واحد شعبك؟
يعنى ف قلبك عايش كام
لو منعوكى الناس من حبك
يبقى خلاص حكموا بإعدام

قلبك لسه ضغنن جدا
لكن حبه كبيييير وماليه
سيبى براح فى الدنيا لقلبك
يدى الناس .. والناس تديه

[سلسبـيل]

غاليتي خديجه
اولا:شكرا علي مرورك بصفحتي وردك الجميل
ثانيا:انا فعلا رايي من رايك ان الانسان لابد يحكم عقله
لكن برضه دا ما يكفيش
لابد يكون عنده نوع من الخبرة ودي بيكتسبها علي مر الزمن
وربنا يهدينا جميعا للطريق الصح

سلسبيل

[سلسبـيل]

اخي الكبير العزيز..........حسام
دائما زيارتك لصفحتي تضفي عليها طابعا خاصا
وتضيئها كالعاده بمرورك
وردودك التي تشجعني
تكون حافزا قويا لي علي الاستمرار في الكتابه
حفظك الله لنا يا اخي
لتنير مواضيعي بردودك
تحياتي

سلسبيل

[الطير المهاجر]

الاستاذة / سلسبيل

لو كان ده شغل قلب ضغنن، يعنى الكبير حيكون كيف0
ياريت كل القوب تبقى صغننه كدا0

بصراحة 00جميلة جدا

[رشا عبد الرازق]

لا لا لا ....... شوفي حل في نفسك يا صغننه ؟؟؟؟

وبعدين معاكي

ضيعتينا جنبك

مخمخة ايه بس ما خلاص

يا توته قلبك صغير بس عقلك يجنن .... عقلك دا عقل فنان بيعرف يوظف أحاسيسك صح ... وكل يوم بتزداد موهبتك وتاخد خبره اكتر

وتعقدني اكتر يا صغننه قننبلة

تسلم ايديكي
ويسلم قلبك

وخليكي عارفه .... ان أي شيء نمر بيه لازم نتعلم منه واوعي تصدقي ابدا
ان فيه قلب من غير عقل يراعيه
أو فيه حب من غير كرامه تصونه
أو فيه حد خلص علام وقلبو خلاص كبر واتعلم ومش محتاج خبره جديده
أو ان فيه حلم ممكن يكون حقيقه جميله ... من غير قيمه ومبدأ ..... ونور يضلله


سلسبيل

تتسلم ايديكي ... وجمال قلبك ... وذكاء عقلك .... والفن اللي في قلمك اللي عرف يكلمنا عن كل قلب نونو .... زيك .....بسلاسه وجمال وبراءه وبقيمه حقيقيه ومعنى هادف

لك حبي

تحياتي

[السعودي]

ياوالله انك صادقه

حلوه نغمه الوزن واعجبتني كثير

اتنبأ لك بمستفبل يفرحك وتعقلين بعدها غممزة

[سلسبـيل]

حبيبتي واختي المبدعه الرقيقه....رنــيم

تشريفك صفحتي وردك الرقيق علي موضوعي عني لي الكثير

نجاحك يفرحنى ياسلسبيل واعتبره نجاح لى
والله يارنيم شعور متبادل قللب

سلسبيل ...عقلك الواعى يبهرنى ادام الله عليك نعمة العقل ونعمة الموهبه



الجميله التى اثق بان مازال هناك الكثير الذى لا تعلميه انت شخصيا عنها

حبيبتي رنيم....
شكرا علي مجاملتك الرقيقه
اخجلتم تواضعنا
وانا مهما وصلت
مستحيل اوصل لمستوي اجادتكم ابدا

رنيم الرقيقه
اسعدتني زيارتك لصفحتي
وردك....
ربنا يخليكي ليا قللب


سلسبيل

[Neagm]

: هيه: قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما

بصي يا سلسبيل يا حبيبتي
ممكن تسمحيلي برد
اول حاجة ابدعت يا ستي
و انا حقلك حاجة علي الاد

قلب صغنن ماشي معاك
لكن عقل عارف ربه
طول ما عقلك كدا وياك
عمرك ابدا ما تتوهي عن ضربه

لو قلبك في يوم سرح شوية
بص لواحد ماشي في سكة
واحد بس غاوي اذية
ماشي متعايق باحلي جاكتة

ماشي كدة بيرمي في نظرة
و ضحكة لكل بنت ماشية
و عمال يلم ذنوب بكثرة
فاكر نفسه مالك الدنيا

اكيد عقلك حيقلك حاسبي
لانه عقل كبير و وواعي
ساعتها لا يمكن ابد تجازفي
و قلبك حيبعد لكن لدواعي

يا سلسبيل زجلك رائع
و انا بصراحة مش عارفة اقلك
ممكن تقبلي رضي المتواضع
و لونه اقل كتير من حقك ................

بجد ابدعت يا سلسبيل , وفقك الله دوما لما يحب و يرضي


قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما قشطة ياما

[لحــظة صمت]

يوه بقى
تأخرت كثيرا
حتى كاد الشوق يقطع اوصالي..
قرأت موضوعك كثيرا..
مرارا وتكرارا..
صدقيني عجزت عن التفكير في اطار يحوي ردي
لكني ياصديقتي..
قررت ان احرر قلمي من قيدي..
ليخط القليل القليل من حبر حبك المسكوب في اقلام ضلوعي..
حبيبتي..
انشودة حبك..
شيء من البراءه..تمتزج بالكثير الكثير من نضوج العقل..
لم يكن قلبك فعلا((صغنن))
لكنه كان يحمل وعيا يكفي لمواجهة الحياه الى حد ما
فتحي يا ور
حقا هناك طريق طويل
لابد وان ينمو فيه القلب ويصبح القلب اكثر نضجا
ولكن هذا لايقتضي ان قلبك ضغنن وعقلك ايضا

قشطة ياما
لكن على العكس تماما
خلف سطورك البريئة العذبة..
والحروف الرشيقة..
كم هائل من النضوج
من الفكر الواعي
والتسلسل المنطقي للأحداث

فلم تكوني فقط كاتبة..
او بريئة..
بل كنتي نهرا جميلا..
فيض من نعومه جميلة وانثوية ذكية_جدا_


سلمت يداك وسلم قلبك الجميل الدافيء

[سلسبـيل]

استااذي الفاضل..... هراس

شرفت موضوعي للمرة الثانيه
ووالله انت حيرتني
الواحد لما ييجي يكتب حاجه علي قده
تقوم انت جي تكتب حاجه احلي منه
طب انا ارد عليك بايه دلوقتي؟؟ سنيف

كل اللي عرفت اكتبه
كام بيت ليك
مع اني عارفه انهم مش قد المقام يعني
بس انا قلمي عجز قدام براعه وتمكن قلمك
استااذ هراس
الابيات دي مني لشخصك الكريم وقلمك الرائع

والله انا موضوعي منور
بردود استاذ هراس
وعليها بالف وادور
مليانه كتير احساس

مع اني خلاص باتعقد
من كتر جمالها يا ناس
مش عارفه وراها اردد
ولا اي عباره خلاص

استاذي
ادام الله لنا قلمك
تحياتي


سلسبيل

[سلسبـيل]

اخي السريييييييع جهاد

شكرا علي ردك علي موضوعي
ومجاملتك الرقيقه
ويارب نكون عن حسن ظنكم دايما ورردة

وربنا يوفقك إسسعاف

سلسبيل

[سلسبـيل]

اخي ابراهيم حندوله
شكرا علي مرورك
وردك الجميييييييييييييييييييل جدا: هيه:
وانا ليا رد علي مداخلتك ورردة



قلبك عارفه صغنن جدا
بيخاف م الماشيين حواليه
لكن عمره ما يكبر أبدا
لو هتخافى العمر عليه

ايوة صغنن خالص لكن
ممكن يكبر لو يتشجع
بس الناس بتخليه ساكن
خايف للدنيا داهي يطلع

قلبك لازم مرة يجرب
يلقى حبيبك .. يعنى حبيبه
مرة بيفرح .. مرة بيتعب
فى الآخر هيلاقى نصيبة

خايفه ف يوم لا يجرب مرة
يفضل دايما كده تعبان
ويعيش عمره ف دنيا ومُرة
يتعذب طول ليله كمان

لكن عمر الحب ما كان
واحد حلو بيبعت نظرة
نظرة بعتها لغيرك طبعا
يعنى خلقلك مليون ضرة

لو كان يوم الحب ببصه
يبقي دا لعب واي كلام
بصه شافتها كمان ميت واحده
وعاشت بعدها في الاوهام

قلبك لما يحب هيكبر
ويساع كل الناس حواليه
لحظة بلحظة بيكبر أكتر
والخير دايما هتعيش فيه

ايوة اكيد داحقيقي حايحصل
لما ف مرة خلاص حالاقيه
ولا يوم حد كمان حايقلل
من فرحتي وهنايا دا بيه

مين من غير الحب يعيش
مهما يزود م الناس خوفه
عمره يعدى كأنه مفيش
وهيحرمه م الدنيا كسوفه

الحب دا من غيره مافيش
عالدنيا سعاده واحلام
وانا راح اضحك واجري واعيش
وانسي ف دنيتي اي الام


لو هأسأل كام واحد شعبك؟
يعنى ف قلبك عايش كام
لو منعوكى الناس من حبك
يبقى خلاص حكموا بإعدام

انا لسه مافيش حد شاغلني
بس انا لو راح مرة الاقيه
عمر ماحد فيوم يمنعني
اني افكر واحلم بيه

قلبك لسه ضغنن جدا
لكن حبه كبيييير وماليه
سيبى براح فى الدنيا لقلبك
يدى الناس .. والناس تديه

طيب ماشي هاسيبله براح
بس انا خايفه عليه م الدنيا
لا يعيش فيها ماهوش مرتاح
ويلاقي الناس دول حاجه تانيه

[سلسبـيل]

اخي الطير المهاجر

زيارتك لموضوعي اسعدتني
اشكرك من كل قلبي ...الصغنن

سلسبيل:انجغة:

[جهاد1]

السلام عليكم:siiif:

ايه بقه ............هو كلكو عليا ولا ايييييييييييييه؟؟؟؟ قننبلة

اده اده ايه الحلاوة والجمال ده قشطة ياما

أنا خلاص جات لى لحسة ف عقلى هوبباا هاتجنن ياعاااااااااااالم

ايه الكتاكيت السكرررررررررررررررة دى قشطة ياما

أنا مش عارفة

أكتب ايه

أشكر سلسبيل على إبداعها؟؟؟؟

ولا أشكر أستاذنا هراس على الدويتو الراااااااااائع

ولا أشكر المبدع المحب إبراهيم حندولة

ولا أشكر الدويتو التانى اللى عملتيه يا سلسبيل مع إبراهيم ؟؟؟؟؟

بصو بقه أنا ما قدرتش أشوف الجمال ده و.........أسكت

أنا لو جرالى حاجة يبقى ..........حلاوة كلامكم هى السبب

بجد بجد بجد

أبدعتى يا سلسبيل

وأبدع كل من رد عليكى

انتى عبرتى عن أصحاب القلوب الصغننة - اللىزينا- بكلمات رائعة ورشيقة وهادفة

جزاكى الله كل خير

وأحبك فى الله

و............سلام: فناااااا

كتكوتتكم الغلبانة::raiin:

جهاد1

[stubborn emmy]

والله مانا عارفه اقول ايه
بجد والله رائع جدا
اكثر من رائع
لأ دا يجنن
مش عارفه ارد عليه كويس بس انتي يا سلسبيل بجد ربنا يحميكي ويحفظك وينمي موهبتك ويوجهها الى الهير دايما يارب
ايمي المصرية
بس خلاص

[stubborn emmy]

مش قادرة اسكت تاني ادام براعة الاستاذ الكبير جدا جدا جدا الطيب جدا جدا جدا والاب الحنون اوي هراس
كلماته روعه واحساسه خيال ومشاعره مشاعر فنانا مبدع
الاخ ابراهيم اول مرة اشوف قلمه بس جميل
مش جميل دا رائع ججدا جدا جدا جدا جدا
القهوة كلها مواهب جميلة وجديدة وناشئة وواعية والحمد لله
يا بختك بجد يا بوس على كل الناس الي بتتلم على حسك دي
وكفايا كدا بقى عشان هعيط وااء
ايمي المصرية
بس خلاص

[سلسبـيل]

رشروش حبيبتي
منورة

ضيعت مين يا رشا مين اللي يضيع دا يابنتي
دانتو اللي عقدتوني الله يسامحكم
كنت ف حالي سنيف
لاقيتني بين عمالقه:أخخخ:
كنت اسكت؟؟؟ قلت اجرب حظي
لاقيتكو عقدتوني برضه
وف الاخر تقوليلي ضيعتكوواه يابووو

ماشي
لولا انك حبيبه قلبي الصغنن
كان حايبقي في كلام تاانيبالكررسي

لكن خدي قللب قللب وخدي كمان:date::date:

سههم سههم سههم سههم سههم سههم
رشا قللب
ردك ومجاملتك الرقيقه والله محملاني مسؤليه كبيرة اوي
ارجو اني اكون دايما عند حسن ظنك
شكرا علي مرورك يا حبيبه قلبي الصغنن:انجغة:


سلسبيل:انجغة:

[سلسبـيل]

اخي السعودي

شكرا علي مرورك
تقبل تحياتي ورردة

سلسبيل:انجغة:

[أحباب في الله]

السلام عليكم و رحمة الله


بسم الله ما شاء الله راااااااااائعة يا لولة مش عارفة اوصف روعته و جماله ازاى


و الاستاذ الكبير هراس ما شاء الله على رده خطيييييير


ايه الابداع اللى انتو فيه ده يا شباب


ما شاء الله


بس بجد ابدعتى يا لولة بجد و الله ما شاء الله


ربنا يكرمك ان شاء الله


اختك


احباب فى الله

[فاطمة الزهراء]

السلام عليكم و رحمة الله و بركاته
بسم الله ما شاء الله عليكي يا حبيبتي ...كل مرة تتحفيني اكتر ربنا يكبر موهبتك كمان و كمان و صدقيني دا اصدق وصف انا سمعتوا لفترة المراهقة..

[سلسبـيل]

عزيزتي نجم قللب
اشكرك علي مرورك بصفحتي
وعلي مجاملتك الرقيقه
وردك الجميل
ويارب دايما منورة مواضيعي سههم
تحياتي

سلسبيل:انجغة:

[سلسبـيل]

حبيبتي واختي وصديقتي العزيزة ..لحظه صمت
لم تتتاخري يا عزيزتي
بل ردك الرقيق جاء ليزيد صفحتي نورا
ويزيد من جمال موضوعي
عزيزتي قللب
حقا لم ادر بم ارد عي اطراءك الرقيق
الذي اري انني لا استحق ولو عشره
ومع ذلك
فكلماتك العذبه
حملتني مسؤليه كبيرة
وارجو ان اكون عند حسن ظنك
حماك الله لنا يا حبيبتي

سلسبيل

[سلسبـيل]

حبيبتي جهاااد
والله مش عارفه ارد اقول ايه علي مجاملتك اللطيفه دي
انا فضلت محتارة مش عارفه ارد بايه علي الكلام اللي انتي كتبتيه
كلمه شكر مش هاتكفي
وبجد انتي انسانه رقيقه اوي
ومجاملاتك اعتبرها وسام افخر به
تحياتي يا عزيزتي

سلسبيل

[سلسبـيل]

اختي العزيزة ايمي
انا بجد مش عارفه اقوللك ايه علي رقتك ومجاملتك اللطيفه دي
وربنا ما يحرمني من ردودك عليا

سلسبيل

[سلسبـيل]

اختي العزيزة احباب في الله
شكرا يا جميل علي الرد الرقيق ده
والله الموضوع نور
ربنا يخليكي ليا

خدي دول كلهم عشانك قللب قللب قللب قللب
قللب قللب قللب
تحياتي
سلسبيل

[سلسبـيل]

السلام عليكم و رحمة الله و بركاته
بسم الله ما شاء الله عليكي يا حبيبتي ...كل مرة تتحفيني اكتر ربنا يكبر موهبتك كمان و كمان و صدقيني دا اصدق وصف انا سمعتوا لفترة المراهقة..
حبيبتي فطووومه
شكرا يا جميل علي الاطراء دهيوه بقى
بس مش للدرجادي اوييوه بقى
ربنا يخليكي ليا

خدي دول :date::date:

سلسبيل

[سلسبـيل]

اخي المبدع طاووس زمانه
بل مرورك يا اخي علي موضوعي ملأني بالسعادة واعجابك به جعلني ازهو
بأن شاعرا كبيرا مثلك قد شرف صفحتي

عزيزتي
لا أدري هل من عذر يشفع لي اشتراكي المتأخر أم لا
عموما إن قبلت فأنت أكرم
و إن لم
فأنت محقة
اخي
ردودك تسعدني في اي وقت
ولا داعي للعذر فاشتراكك دائما يشرفني ويزين صفحتي
والمشاركة حقا رائعه ورردة تسلم ايديك
الف شكر
تقبل تقديري وامتناني

سلسبيل