مش هنا"قضايا و حوار؟"

[محمود]

سلامو عليكم
اخواني الاعزاء
لو لاحظ اي عضو فيكم نوعية المواضيع في قضايا و حوار ح يلاقيها اغلبها بتخص"في حب الله نلتقي" او حتى في "كن داعيا" يعني الطابع ديني واضح
يا جماعة المواضيع اللتي تطرح هنا هي قضايا من نوعية موضوع الاخ البلدوزر او اللي بيتكلم على نوال السعداوي او مصروف البيت بتاع كيكو
الدين هو اصل كل الاشياء هذا صحيح
و لكن ما اطلبه من الاخوة هو تنظيم اختيار الركن المناسب للموضوع
انا اول ما قرأت للاخ\لاخت"امل الامة" موضوعها قمت بنقله لانه يتحدث عن اقبال جديد على الاسلام فقمت بنقله لركن "في حب الله نلتقي و ارسلت رسالة خاصة بذلك للكاتب\ة
لكن بعد ان رايت باقى المواضيع
اتضح انه يلزم نقل نص المواضيع تقريبا
ارجو ان يكون المعنى واضح و عافاكم جميعا
سلامو عليكو

[زلابيا]

اعتقد و الله اعلم ان سبب وضع موضوعات كثيره فى باب قضايا و حوار بينما قد لا يكون هو مكانها الصحيح ان الباب يحظى باقبال كبير و متابعه عاليه قد لا تحظى بها باقى الابواب .. و الله اعلم ..

[محمود]

كلامك صح يا زلابيا
و كمان المصطبة برده عايزة تنظيم و السبب فعلا هو الاقبال على الركنين دول ;)

[نفرتارى]

كده صح يا محمود00

فعلا فى مشاركات مكانها النكت و تلاقيها فى المصطبه00

طب سؤال بتبلغ و بعدين لما يوصلك الرد تنقل و لا بتنقل من غير ما تستنى رد من كاتب الموضوع؟؟

[سلفي أنا]

السلام عليكم

هناك مواضيع تخصني خذفت أو نقلت ولم يبلغني أحد.

مبروك يا خالة على رتبة ناضورجي ، خلي بالك معانا بأه ... الواد حشري :lolo:

[نفرتارى]

برضه خاله؟؟؟ المره الجايه هدخل و اغيرها لنفرتارى يا بنتى00ما انا ناضورجيه بقه00

حشرى 00اكيد اندفنوا فى كم المواضيع000عموما انا اى موضوع بنقله فى المهملات بتاعه الناضورجيه مش بمسحه خالص او يتنقل ركن تانى و ببعت لصاحبه ابلغه و اقول له لو عاوزه يرجع قول

اظن عدانى العيب00و لو فى اى حاجه ابعتلى رساله يا حشرى و انا عنيا ليك يا ابن اختى-خاله بقى- :shifty:

[محمود]

انا يا نفرتاري نقلت موضوعين و بعدين على طول بلغت اصحابهم
و الحمد لله واحد منهم رحب و شكرني و التاني لسة ما ردش

[مجاهد انا]

ربنا يبارك فيكم يا جماعة .
فعلا الموضوعات محتاجة شوية تنظيم ..

ربنا معاكم .. :) :)
بالتوفيق :) :)

[امير البحار]

السلام عليكم ورحمة الله


الف مبروك عليكى نفرتارى وانت يامحمود مع انى باركت من قبل بس زاى بعضه انتو تستهلو كل خير



ايوه كده يامحمود ربنا يفتح عليك حاول انت ونفرتارى والباقى وضع المواضيع فى مكانها السليم


وميه ميه انك بتبلغ الكاتب


ربنا يبارك فيكم جميعا

[محمود]

ربنا يسهل يا امير انت و مجاهد و ساعدونا برده بارائكم :rolleyes:

[وائل]

عايزين رأيى
فعلا الموضوع محتاج ترتيب
خاصة خاصة المصطبة

كمان فيه حاجة
لو تسمحولى

هنا فيه اه موضوعات دينية بس تعتبر قضايا حيوية وعايزة فعلا حوار
يعنى ممكن تحتمل انها تكون هنا
او هناك فى باب فى حب الله نلتقى

فمن الممكن تركها

عن نفسى انا هاحاول الفصل ووضع كل موضوع فى مكانه رغم انى مش بازور غير 3 اجنحة بس
هنا
والمصطبة
و فى حب الله نلتقى

وجزاكم الله خيرا يامحمود ويانفرتارى

[سلفي أنا]

السلام عليكم

ما شاء الله ! محمود كمان ناضورجي !؟ الف مبروك يا حودة عقبال - البيج بوساوية - :rolleyes: بيني وبينك هه ، لحسن اللي بالي بالك يسمعنا :D


الى مجلس عموم الناضورجية :
هناك موضوعات تصطبغ بصبغة اسلامية وهي في الأساس اجتماعية ، فلازم تكون في القضايا الجادة ، وياريت نكتفي بنقل الموضوعات الفقهية واللي بيغلب عليها الطابع الوعظي فقط , ومتشكرين على جهودكم سلفاً ، وخاصة مرشحتي عن فئات واللا خليها عن المرأة أحسن ( الدكتورة ) بلا الكلمة اياه لحسن تهديدها يقلب بجد


ويعطيكم العافية

[محمود]

اهلا حشري
كلامك صح
و ان شاء الله يا جماعة كل اللي قلتوه ح ناخد بيه
مكشوووووووووووووووووووووووورين على ايجابيتكم :D

[ساجد لله]

السلام عليكم
مبروك للناضورجيه تاني وشكلكم كده نازلين سخنين ماشاء الله :D محمود ونفرتاري
اتفق معاكم في مسألة التنظيم.. بس فيه لي وجهة نظر .. فيه ناس بعيد شويه عن ربنا .. مش بيحبوا يدخلوا مثلا الاقسام الدينيه زي في حب الله نلتقي او كن داعيا وغيره بتلاقيه علطول في اقسام تاني فلو لقي موضوع ديني خفيف لطيف في الركن اللي هو معتاد يدخله وعمل عليه كليك يمكن يقرأه ويسيب اثر في قلبه ، يمكن تخليه يفكر في ربنا وفي علاقته بربنا يمكن يبدأ يبحث على مواضيع دينيه اكثر عمق
( وهي المواضيع الدسمه اللي المفروض تكون في ركن في حب الله نلتقي ).. يمكن يكون سبب في هدايته في الآخر..
بصراحه مره كنت عاوز انزل موضوع ديني اسمه "هل تعلم" فيه شوية نصايح دينيه خفيفه فقلت ده ينزل في ركن حب الله نلتقي.. وبعدين فكرت شويه وقلت طيب ما كل زوار في حب الله نلتقي واللي هايقرأوا موضوعي ده اكيد كلهم بيعرفوا المعلومات دي.. طيب يبقى كده الموضوع ما حققش الهدف اللي انا كنت عاوزه منه والهدف كان ان الشباب الغافل شويه عن ربنا يمكن لما يقرأه يقف مع نفسه شويه ويفكرفقلت انزله في مكان عام فيه زوار كتير فأعتقد نزلته في المصطبه تقريبا
مش عارف .. ايه رأيكم في اقتراحي ؟ يمكن اكون غلط .. عاعموم هي وجهة نظر

[وائل]

وجهة نظر البلدوزر هى تمام اللى بافكر بيها

ده بقى تلاقى ارواح بقى :D

[غــفــران]

أيوه كده يا جماعة, نفسكوا معانا و ان شاء الله نرتب كل حاجة.

اقتراح البلدوزر جميل فعلا و يستحق النقاش ان شاء الله.

[محمود]

كلام جميل فعلا يا بلدوزر
بس للاسف
لو عملنا كدة يبقى كل المواضيع ح تبقى ف المصطبة ولا عمرنا ح نعرف نحل مشكلة دفن المواضيع
لعله خير
نشوف باقي الاعضاء ايه رايكم ;)

[ساجد لله]

أشكركم جميعا وائل وغفران ومحمود وهداكم الله لما فيه الصالح العام لأخوانكم في القهوه
وطبعا يا وائل الاخوه في الله وتوحد هدفنا تجعل توارد الافكار وتشابهها شئ وارد،
كمان يا اخي محمود ممكن نعتبر هذا الموضوع فقط مسموح للمواضيع الدينيه علشان ما تتلخبطش الاركان والتقسيمه بتاعة القهوة و ليكون الهدف هو الدعوة والتناصح بيننا فممكن تقسيم المواضيع الدينيه الى قسمين ، مواضيع خفيفه فيها شئ من تحبيب الشباب في الدين وفيها شئ من التذكير البسيط بالعلاقه مع الله ودي اللى تكون متنوعه ومتنقله في جميع اركان القهوة المناسبه، ومواضيع أخرى دسمه ومفصله بعض الشئ ودي تكون في ركن في حب الله نلتق او كن داعيا للي يحب يتعمق اكثر
طبعا كلها مجرد افكار

[HAMOOOD]

بسم الله الرحمن الرحيم

ما شاء الله ................ :rolleyes:

الله يا مقلب القلوب ثبت قلوبنا على دينك............. :wub:

عاااافاااااكم يا احبتى.......

الموضوع محتاج وقت.......و الاهم تعاونكم معنا...........


و الله الموفق... ^_^