انا زهقت خلاص و هفرقع

[غــفــران]

الحقوووووووني........ غيتوووووني..... انا خلاص طلعت روحي من الاحتفالات المبالغ فيها دي اللي التليفزيون عاملها بمناسبة اليوبيل الذهبي لثورة 23 يوليو :(

ده كتير اوي يا جماعة.... ايه الجنان الرسمي اللي همه فيه ده؟ و ايه الميزة اما يمر 50 او حتى 100 سنه على الثورة.... هوه المهم فات كام سنه و لا الأهم الثورة دي حققت أهدافها و لا لأ؟

انا كل ما أجيب قناة الاقي يا اما واحد قاعد يتكلم عن الثورة و أيام الثورة يا اما أغاني عن الثورة يا اما أغنيات مالهاش اي علاقة بالثورة زي اخترناه و أول طلعة جوية :ohmy: ايه اللي جاب الثورة للطلعة الجوية؟ :o :o :o

لأ و انا كمان عندي دش.... أمال يا عيني اللي ماعندهمش دش يعملوا اييييييه؟ :unsure: لأ و بيسألوا عن سبب انتشار الدشوش في البلد؟

و بيسألوا حوادث الانتحار بتزيد ليه في شهر يوليو و أكتوبر؟ ما هو من اللي بيحصل فيهم للمواطن المصري الغلبان الله يعينه. :(

[امير البحار]

بكره يجى يوم

ويعملو قبر المتفرج المجهول

ويزرو كل سنة :D

ابسط شى اطفى التليفزيون

لان الكلام معهم مش حيجيب
نتيجة

دى ناس فاضية

[سلفي أنا]

السلام عليكم

فيم اعتراضكم ؟ على الثورة ؟!!!! ، هذه ثمرات الثورة:
طرد ملك وتعيين آلاف الملوك.
القضاء على الباشوات واحلال باشوات بدبابير.
القضاء على الإقطاع وتوزيع الاقطاعيات على الباشوات اياهم.
انقاذ الشعب المصري من وطأة حكم الباشوات ووضعهم تحت حكم ( البيادات) النعال العسكرية الأكثر رحمة
من حوافر خيل الباشا وناظر عزبته.
وانجازات الثورة كتيرة بس احنا ما بيطمرش فينا ، المفروض ان الواحد مننا يحمد ربنا ويبوس ايده وش وضهر ويقول يارب كل يوم ثورة. وعمار يا مصر

[وائل]

لا نسيتوا
الهدف اقامة جيش قوى
والنتيجة كارثة 67

والهدف
اقامة حياة ديمقراطية سليمة
والنتيجة .......... معروفة

ولا بناء الانسان المصرى ... والكرامة والعزة
والنتيجة برضه .................


الله يسامحك ياغفران
ما احنا ساكتين

[الباشمهندز]

ياااااااه, ده بس إللي هيطققك خلاص من التلفزيون؟؟؟

دانت طيبه أوي!! :blink: :blink: :blink: :blink: :blink:

[غــفــران]

بس الموضوع كده زايد عن حده اوي :angry:

بس الموضوع كده زايد عن حده اوي دول زي اللي عامل عملة و بيداري عليها بالزيطة الزيادة :woot:

[سلفي أنا]

السلام عليكم

هو كده بالضبط فيه مصيبة وبيداروا عليها ، المصيبة ان كل شيء منهار ، الاقتصاد ، الأمن ، الاعلام
مين يقول ان ده الاعلام المصري اللي كل العرب اتعلموا منه ؟؟؟؟؟؟؟؟؟؟؟؟؟ فضايح
نواب القروض ، الاعلاميون المرتشون ، موردو الأدوية النفعيون ، التجار اللصوص ، تصورا المؤسسات المالية الخربانة كل رؤساءها بيتحاكموا بعد خراب مالطة ، واللا الاحزاب المستأنسة لأ مستأنسة ايه متواطئة ، الدنيا مقلوبة والأحزاب والنخبة السياسية مشغولين بالتنظير في الإعلام الخارجي ، حتى في عز خروج الشارع تفاعلاً مع الانتفاضة الاحزاب الورقية كانت مدارية ، اللهم ابرم لهذا الوطن أمر رشد يعز فيه أهل طاعتك ويذل فيه أهل معصيتك ، اللهم انتقم من الزمرة الفاسدة ، التي أهلكت الزرع والضرع ، اللهم عليك بهم فإنهم لا يعجزونك ، اللهم أرنا فيهم يوما أسودا كيوم فرعون وهامان ، الله اهلك الظالمين بالظالمين وأخرج هذا الشعب المغلوب على أمره من بينهم سالمين.
الله يسامحكم قلبتوا علينا المواجع.

[نفرتارى]

ليه بس يا غفران يا حبيبتى؟؟ انتى مش بتحبى الجيل الصاعد و حكايه شعب و لا ايه؟؟

الثوره دى اصلا من اولها لاخرها كلام فارغ 000

المشكله الوحيده كانت فى وجود الاحتلال الانجليزى00

كان فيه احزاب قويه00كان التعليم كويس جدا بدليل ان بكالوريا زمان كانوا خريجيها مثقفين و قراء جيدين جدا اما الان خريج الجامعه مش عارف لا وزرا و لا رؤساء دول00

و انا مريت بتجربه كده لمل كانوا صحابى متقدمين لامتحان الاى تى اى و ده فيه معلومات عامه بيقولولى تخيلى سؤال عن اسم رئيسه اندونيسيا فقولتلهم ميجاواتى و انا بضحك00يا جماعه دى جايه بعد ما قلشت واحد و كان الموضوع لسه طازه00نظام انتى بتتكلمى فى ايه00

و كان ساعتها جزء منهم امتحانوا تانى يوم00سهرنا سوا 00و جبتلهم خريطه العالم فردناها و كل دوله اقول اخر احداث حصلت و تانى يوم دخلول لقوا الاسئله عن الحاجات اللى قلتها00ده مش عشان انا محصلتش00الفكره ان ماما عاوزانى بعد ما اخلص دراسه التحق بالسلك الدبلوماسى -انسى يا عمرو بعد الحجاب-00لكن زمان كان مستواهم الثقافى عالى00
يا جماعه دول بيبقوا خريجى اداب انجليزى و بيغلطوا فى الجرامير و انا جدتى اللى متخرجه من اداب انجليزى من ييجى خمسين سنه مفيش غلطه لدرجه ان ماما متعقده و بتفكر تاخد كورسات00

اما الثوره اللى بيتغنوا بيها كل مرحله كان فيها كارثه

عبد الناصر:قمع لكل الحريات و الاراء و معتقلات للى يتكلم و اهله و و و 00

السادات:عكس العمليه و فتحها ع البحرى فالحراميه استفادوا

مبارك:استلمها خربانه كان هيعمل ايه بس صراحه محدش ينكر ان حصل كذا حاجه فى مصلحه الناس الغلابه00و السرقه مستمره هيقبض على نص البلد؟؟ و الديمقراطيه؟؟ ما هو خلاص اتعودوا على كده00

عاش الجيل الصاعد عاش و ربنا يسامحك يا غفران كلنا هنتلم فى بوكس واحد00

[فالكون]

:?small: انا مش فاهم انتوا زعلانين ليه :?small: :?small:
الثورة ليها إنجازات ضخمة :( حتى شوفوا
http://www.afaqarabia.com/asp/Article.asp?...ArticleNO=13381 (http://www.afaqarabia.com/asp/Article.asp?Header=18&Title=من%20مآثر%20ما%20يسمي%20بثورة%20يوليو%20(4)&SectionNo=18&SelArticleNO=13381)
وربنا يجعله عامر

[غــفــران]

انا سمعت كام الله يسامحك يا غفران في الموضوع ده? استنوا... ادي 1...2...3 :o

3 مرات يتقالي الله يسامحك في موضوع واحد? :huh: ليه ياخوانا هوه انا اللي عملت الثورة? ده انا غلبااااان انا :waa: :waa: :waa:

و بعدين تعالي هنا يا ست نفرتاري.... مالهم بتوع اداب انجليزي? :ph34r: :ph34r:

و كمان بيغلطوا في الجرمر?.... لا من هنا و رايح احترسي نفسك كويس.... ماشي? :ph34r:

[وائل]

ياغفران
الله يسامحنا كلنا

حد طايل ان ربنا يسامحه؟

لكِ تحياتى

[نفرتارى]

ايه ده؟؟ هوا انتى خريجه اداب انجليزى؟؟

انا بتكلم بناء على مواضيع قريتها فى مجله الشباب00

ثم اه فى بعض خريجين مش جنابك طبعا000

فين الفار اللى بيجرى يا ام العيال00

[غــفــران]

تعرف يا وائل اني كنت متاكده انك هتقول كده? :D

ربنا يا سيدي يسامحنا و يعفو عنا كلنا يا رب :)

يا ستي لا فار و لا دياولو (الا هوه مين دياولو ده?)

انتي بالذات يا نفرتاري كل اللي تقوليه على قلبي زي العسل :rolleyes:





<!--EDIT|Ghofran|Jul 21 2002, 01:37 PM-->

[Basbosa]

و الله كلنا حنفرقع و لكن ما باليد حيله :wacko:
ربنا و لا تؤخذنا بما فعل السفهاء منا

[نفرتارى]

هوا انا كان قصدى ان خريجى اداب لغه عربيه بيغلطوا فى النحو00

مش تقولى انك اداب انجليش انا فاكراكى تجاره انجليش00

و بعدين دى الدكتوره جت فى من سيربح المليون و ما عرفتش عدد الاسنان اللبنيه00

انا قصدى اوضح ان بقى فيه فرق بين حاملى الشهادات المتوسطه زمان و العليا دلوقتى00

:h2: ما انا عارفه انك قلبك كبير برضه00

[وائل]

ايه ده ياغفران
أنا للدرجة دى كتاب مفتــــــــــــــــــــوح :?small: :?small:

على فكرة انا معترض على كلمة

انتى قلتى شهر أكتوبر
لا بقى نصر أكتوبر مختلف
وأنا فخور بيه لانتصارنا على اليهود وإذلالهم

ده وضع تانى خاص

[غــفــران]

و انا معاك يا وائل في موضوع نصر أكتوبر و ازاي يكمن يكون هوه ده الحاجة الوحيدة اللي بتحسس الواحد بالعزة و الكرامة.

لكن انا اعتراضي أصلا على طريقة الاحتفال المبالغ فيها سواء بثورة يوليو او نصر أكتوبر :donno: لأ و دول كمان بينتهزوا فرصة الاحتفال بذكرى نصر أكتوبر عشان ينافقوا الحاكم الحالي :angry:

بس يا سيدي..... و الله المستعان

[وائل]

كلامك صح
احتفالات مبالغ فيها وفلوس بتترمى واحنا محتاجينها
ونفاق
وتعظيم
وتبجيل على ودنه

المهم ماجاوبتيش على كتاب مفتوح :D

على فكرة انا بحب فى شهر اكتوبر اسمع قصص عن الحرب
ولا تتخيلى انا معنوياتى بتبقى مرتفعة جدا جدا فى شهر اكتوبر كل سنة :exec:

[غــفــران]

لأ مش لدرجة كتاب مفتوح انما انا قبل ما اكتب موضوع الله يسامحك يا غفران, راجعت نفسي فيها, و أما كتبتها ماعرفش ليه قلت في نفسي ان لو حد راجعني فيها هايكون وائل B)

بس كده :rolleyes: