الشباب يدخلوا .... ممكن؟ [الأرشيف]

الباشمهندز

07-16-2002, 02:51 AM

السؤال ده شوفتع كتيييييييير قوي, المهم.

تربيه اللحيه سنه, إيوه سنه.

الدعوه إلي الله فرض ؟ أيوه فرض!

الفرض أولي ولا السنه؟؟

الفرض طبعا.
ولو كان القيام بالسنه هيعطل الفرض, يبقي تربيه اللحيه يمكن تركه.
واحد صاحبي كان راجع من السعوديه, وقفوه في المطار 4 ساعات عشان كان مربي دقنه.
وأخويا أول ما راح أمريكا ربي دقنه , لإنها هناك مفيهاش حاجه, لما جه مصر في المطار قرفوه, ولولا الباسبور الأمريكي, مكانشي خلص.
طبعا ده غير إن لو دخلت الجامعه وإنت مربي دقنك وشكلك مش روش "يعني مربيها تدين مش روشنه" هتبقي في مرمي بصر جميع مخبرين الجامعه, وده في حد ذاته مش كويس لو فيه حاجات عايز تعملها من غير ما الساده البصاصين يشوفوك.
طبعا ده مش معناه إن إحنا لازم نحلق دقننا, ولكن إللي شايف إن ده هيأثر عليه أو علي دعوته, أو علي حياته, يبقي معذور, ولما ربنا يفرجها, يبقي ساعتها لازم.
"حرية شخصية .. " طبعا حقك, لاكن مش دايما الحريه الشخصيه هي الفعل المثالي.

غــفــران

07-16-2002, 01:34 PM

جزاكم الله خيرا جميعا لاهتمامكم بالرد و اسفة اذا كنت بسال اسئلة شخصية

الاخ الريق ربنا يكرمك لالتزامك بسنة المصطفى صلى الله عليه و سلم و يثبتك يا رب :tu:

اما بخصوص موضوع النقاب فانا يسعدني لو انت عملت موضوع عنه و نتناقش فيه لاني انا بصراحة محتارة محتاره فيه فيه هوه كمان :donno:

Knight لا تعليق :donno:

الباشمهندز "تربيه اللحيه سنه, إيوه سنه.

الدعوه إلي الله فرض ؟ أيوه فرض!

الفرض أولي ولا السنه؟؟

الفرض طبعا"

ده كلامك و هوه صح طبعا.... لكن هوه حضرتك بتدعو الى الله و اعفاء لحيتك هيعمل لك اعاقه?

الباشمهندز

07-16-2002, 02:05 PM

تقريبا كده, متهيألي كان واضح من كلامي.

نفرتارى

07-16-2002, 02:29 PM

الحقيقه انا بس عاوزه احيي غفران على الموضوع ده00

نايت انت يا ابنى اللى هتقضى عليا00يعنى انت عرفت و مع ذلك انت مش فارق معاك؟؟

الصراحه من اللى انا شايفاه حواليا ان كذا زميل كانوا ربوا لحاهم و بعدين حلقوها بضغط من الاهل

الرايق زوج و رب اسره 00قراراته من دماغه00لكن كثير من الاسر و منهم اسرتى بيرفضوا اطلاق اللحيه و يمارسوا الضغوط من ترغيب حبه و ترهيب حبه00

بس كده 000ربنا يهدى الجميع

و ربنا يوفقك يا باشمهندس فى مجال الدعوه و يا ريت فى باب كن داعيا تدينا شويه نصايح 00و اهو جزاك الله خيرا00

Knight

07-16-2002, 02:43 PM

لا يا نفرتارى ..

أنا أصلا مش مقتنع أن حلق اللحية حرام

غــفــران

07-16-2002, 02:58 PM

يا باشمهندس انا مش باستفذك و لا حاجة طبعا.... انا زي ما قلت قبل كده اني عايزه افهم.

حضرتك قلت ما معناه ان اللحية ممكن تعوقك في دعوتك الى الله بس مافهمتناش ازاي... ممكن توضح لو سمحت :):

نفرتاري تحياتي لك :)

Basbosa

07-16-2002, 03:46 PM

السلام عليكم و رحمة الله و بركاته ،،

تسمحولي اقولكم رأيي
يا جماعة السنة و اتباعها شئ رائع و لا شك
و إطلاق اللحيه اقتضاء برسول الله (ص) شرف
و لكن عدم إطلاقها مش اثم لأن السنن لا نحاسب علي عدم القيام بها ما نحاسب عليه الفرض و إذا عملناها نؤجر عليها و إذا لم نقم بها فلا اثم علينا .

غــفــران

07-16-2002, 03:53 PM

يا بسبوسه اعفاء اللحية مش مجرد سنة.... ده امر واضح من الرسول صلى الله عليه و سلم و يجب الالتزام به

Knight

07-16-2002, 05:28 PM

بقولك ايه طيب .. طالما أنتى مصرة أنه أمر ويجب الألتزام به ..

ممكن تروحى تقولى الكلام ده لعمر خالد ؟

ونشوف رده هيكون ايه عليكى ؟

وائل

07-16-2002, 06:37 PM

السلام عليكم ورحمة الله وبركاته
الأخت الفاضلة غفران

موضوع مهم جدا
انا للاسف غير ملتحى
رغم انى حريص على دينى قدر الامكان

اللحية فى الوقت الحالى موضوع افكر فيه جديا
ولكن مايدور فى ذهنى

اولا
الناس والعامة على وجه الخصوص تنظر للملتحى على انه شيخ
فانا لا احب ان ألتحى قبل الوصول لمستوى دينى يليق باللحية

ثانيا
بحكم موقعى فى العمل بالجامعة هذا الموضوع شائك على كل المستويات الامنية والقيادية
ولمست ذلك شخصيا بنفسى

ثاللثا
أخى مثلا ملتحى منذ زمن بعيد وليس له انتماءات ولكن لا يمنع ذلك ان له ملف فى امن الدولة واحيانا يستدعونه
رغم ان والدى الله يرحمه لواء شرطة
واخى هذا طبيب

رابعا
اعفاء اللحى سنة مؤكدة على حسب اراء كثير من العلماء ...(رغم ان البعض الاخر قال انها فرض)
فلنلزم بالسنن الكثيرة التى اهملناها وفى الوقت الماسب
وسبحان مغبر الاحوال قد تتغير الأمور فى بلادنا
ونقهر ضعفنا الشخصى
ونطلق اللحى

مازلت اعترف انه تقصير منى

وجزاكم الله خيرا

نفرتارى

07-16-2002, 08:24 PM

عجبا لك يا زمن00

دلوقتى نايت بيستشهد بعمرو خالد00

عمرو قال نفس الكلام اللى قاله الباشمهندز لانه داعيه بالفعل00

اما انت؟؟؟يعنى هل انت داعيه برضه؟؟؟

:inv:

ساجد لله

07-16-2002, 09:53 PM

السلام عليكم
انا لي رأي يا اخواني وأخواتي
اجرأكم على الفتوى .. أجرأكم على النار
ياريت بلاش نخوض في الافتاء لأننا مش أهل لذلك وألا كان افتى أخونا في الله عمرو خالد
فيه شيوخ متخصصين دارسين الدين اكتر مننا نسألهم بارك الله فيكم جميعا عشان ما نحملش نفسنا أوزار من غير ما نحس
علي رأي احد علمائنا ليه لما بتكون عاوز تبني بيت بتروح للمهندس ما بتبنيهوش بنفسك وليه لما بيكون عندك مشكله في سنانك بتروح لدكتور سنان مبتعالجهاش ليه لوحدك هو الدين ده الحيطه الواطيه اللي الكل يفتي فيها ؟؟

هم أهل الفتوى نسأل من نثق في رأيه
والله اعلم
وأعتذر اذا كان كلامي ضايقكم :f:

ni3na3a

07-16-2002, 10:40 PM

هو انتو ليه بتخانقو على موضوع اللحية
وده حاجة واضحة هي سنة مؤكدة
وبلاش نقول سنة مؤكدة مش الرسول عليه الصلاة السلام
كان بيعفى لحيتو هم انت لما تعفيها اقتداءا بالرسول ده حاجة هايلة خالص.
وفي ناش تخاف على شكلها
ياناس يا هوه انا شفت ناس كتير عندهم لحية وليقة عليهم
وناس شيك خالص
مش تخليها زي المكنسة ده حتبقى منفرة والناس اكيد حتشك فيك
بس انت لو اعتنيت بيها مفيش اي مشكلة وربما تكون هي سبب الناس تحترمك بيه اكتر
طب ليه في الغرب الناس بتعفي لحيتها ولا حد بيكلمهم دول بيعتبروها حورية شخصية
ولكم دينكم ولي دين
فبقى احنا يا مسلمين بنهاجم اصحاب اللحية ده هو الاتم بعينو
وربنا يهدك يا بعيد :skul: :kiss2:
ولا اقول........,....... ربنا يهديك احسن

الباشمهندز

07-16-2002, 11:11 PM

أنا موافق علي كلام وائل, وأبصم عليه بالعشره,

وموافق كمان علي كلام نعناعه.

وعلي فكره أنا نفسي كنت أربي دقني, لإنها بتزيد من الوقار (غالبا), وفوق كل ده إنها سنه.

مثلا جرب كده (بالذات لو في الجامعه) تكلم واحد وإنت مربي دقنك, هيبقي بيبصلك كده بصه مش ولابد, وهيديك ودن من طين وودن من عجين.
طبعا ده مش سبب رئيسي , كلم مهم برضه.

ملاحظه : أنا أول ما هلاقي إن تربيه اللحيه (أنا نفسي أربيها) مش هيأثر علي حاجه, هربيها علطول,
بس طبعا مش هحليها منفره زي بعض الناس ما بتعمل.

وائل

07-16-2002, 11:34 PM

ياجماعة بعد اذنكم
لاحظت حاجتين
أولا يقال اجرؤكم على الفتيا
وكأننا قاعدين نفتى
الأمور اللى بنتكلم عنها قتلت بحثا
من العلماء وكل افتى برأيه
وهناك من قال سنة مؤكدة
ومن قال من سنن الفطرة
ومن قال واجب

فعندما ينقل احدنا رأى هذا او ذاك لا يكون بيفتى
والا فمش هانتكلم من اصله فى اى حاجة
حتى لو من الاساسيات

ثانيا
ايه حكاية مكنسة
ومنفرة
اللى بتقولوها على اللحية
الرسول صلى الله عليهه وسلم ثبت عنه
ان لحيته كانت عظيمة

عارفين يعنى ايه عظيمة؟
كان الصحابة بيعرفوا الرسول خلص تلاوة فى الصلاة وهم فى ظهره من حركة لحيته الكثيفة

فليحذر ايا منا ان يطلق وصفا على حال اللحية بدون ان يعلم هيئتها عند الرسول صلى الله عليه وسلم
وعند الصحابة

وجزاكم الله خيرا

هريدي يابووووي

07-17-2002, 12:33 AM

الإخوة الأعزاء..
أجمع كل العلماء على ان حالق اللحية آثم... حتى عمرو خالد نفسه قالها.. و عذر الدعوة ده مش عذر الحقيقة.. لأنه خلاص اتعرف بدليل ان فيه جهات عليا متابعاه و وقفت درسه فى الصيف.. يعنى بقى مكشوف قدام الجميع.. يعنى حلق اللحية مابقاش تخفى ولا حاجة.. لكن برضه الواحد يلتمس له العذر..
مش معنى اننا نكون غلطانين اننا مانعترفش بالغلط.. انا مش ملتحى.. جربت التحى فترة و لقيت الناس فعلا بتعاملنى على انى شيخ.. الحقيقة ده ضايقنى لأنى يعنى برضه مش قوى .. بس الواحد بيتعلم و بيجاهد نفسه.. المهم ماقدرتش غير انى احلقها.. لكنى اقر ان حالقها آثم..
مافيش حاجة اسمها حرية شخصية.. مافيش حاجة اسمها مش مقتنع..
مشكلتنا اننا دايما بنقلل من قدر السنة.. مابنعترفش غير باللى فى القرآن و بس.. لكن كلام الرسول عليه الصلاة و السلام الناس بتبص له للأسف على انه second hand و ده خطأ كبير..
أوامر الرسول عليه الصلاة و السلام بنفس منزلة القرآن.. السن و السنن المؤكده هى ما رآه الصحابة من أفعال الرسول عليه الصلاة و السلام و لم يأمر بها.. لكن الرسول أمر بشكل قاطع لا يدع مجالا للشك باعفاء اللحى.. و ليس لنا الا ان نقول سمعا و طاعة.. و ندعوا لأنفسنا ان يعيننا الله على انفسنا..
واللى مابيقتنعش غير بالقرآن و بس.. آدى القرآن بيأمرنا أمر صريح بطاعة الرسول عليه الصلاة و السلام.. :

"يا أيها الذين آمنوا أطيعوا الله وأطيعوا الرسول وأولي الأمر منكم فإن تنازعتم في شيء فردوه إلى الله والرسول إن كنتم تؤمنون بالله واليوم الآخر ذلك خير وأحسن تأويلا"

"من يطع الرسول فقد أطاع الله ومن تولى فما أرسلناك عليهم حفيظا"

"ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا"

"وأطيعوا الله وأطيعوا الرسول واحذروا فإن توليتم فاعلموا أنما على رسولنا البلاغ المبين"

"قل أطيعوا الله وأطيعوا الرسول فإن تولوا فإنما عليه ما حمل وعليكم ما حملتم وإن تطيعوه تهتدوا وما على الرسول إلا البلاغ المبين"

"يا أيها الذين آمنوا أطيعوا الله وأطيعوا الرسول ولا تبطلوا أعمالكم"

ده فيض من غيض طبعا..
الحقيقة.. احنا عمرنا ما هانتبع الرسول (ص) الا إذا احببناه.. لكن لللأسف.. احنا المصريين بالذات.. بنقول اننا بنحب النبى.. و حبك يا نبى دوبنى دوب و توبنى توب.. و باحب النبى.. و اصحاب النبى..الخ الخ الخ
و يمكن احنا الشعل العربى الوحيد اللى بيحلف و يقول "و النبى.. و من نبى النبى نبى" .. و النبى برئ من الكلام ده كله..
حل كل مشاكلنا.. اننا نتعلم ازاى نحب النبى.. انا عمرى مافكرت انى التحى فى يوم من الأيام غير لما اتعلمت احبه و اشتاق لرؤيته و مصاحبته فى الجنة... يعنى الواحد بيتبعه حبا فيه.. و لو ماحبيناهوش.. هانحب مين تانى... سؤال مهم.. لازم نواجه نفسنا بيه..

ربنا يكرمكم جميعا و يعزكم..

سلفي أنا

07-17-2002, 02:22 AM

السلام عليكم

هناك للأسف من يقلل من شأن السنة وأثرها على العبادات ، وهذا فهم خاطيء ، لأن السنة المصدر الثاني للتشريع ، وهناك عبادات لم تفرض إلا من خلال السنة ، كالصلوات الخمس وكيفية أدائها وعدد ركعات كل منها ، هل ممكن أحد يبين لنا كيفية الصلاة من القرآن ؟ لا توجد . هناك حديث يقول : صلوا كما رأيتموني أصلي , وعلى هذا الأساس فالسنة مثل القرآن في التشريع ، واعفاء اللحية فيها أحاديث معروفة أمر فيها الرسول صلى الله عليه وسلم باعفاء اللحية وحلق الشارب.
ثم من يستنكر على الملتحين غزارة لحاهم ، كان الرسول صلى الله عليه وسلم كث اللحية.
بقي أمر خطير وهو أن السخرية من أي سنة حتى ولو كانت عن السواك مثلاً ، يؤدي إلى الكفر لأن الرسول صلى الله عليه وسلم لا ينطق عن الهوى ان هو إلا وحي يوحى.
أما الحجج التي يسوقها البعض من أن الظروف الأمنية تقتضي حلق اللحية فكل واحد أدرى بحاله ولكن الله جل وعلا عليم بما في الصدور ان كنت أحلقها لخوف من الشرطة أو حياءً من الناس وتعليقاتهم أو عدم قناعة. ومن لم يقتنع بأمر الرسول صلى الله عليه وسلم ، فلا حظ له في الإسلام.

Knight

07-17-2002, 03:17 AM

Originally posted by nefertari79@Jul 16 2002, 04:24 PM
عجبا لك يا زمن00

دلوقتى نايت بيستشهد بعمرو خالد00

قلت كذا مرة أنى مش ضد الرجل .. أنا ضد المبالغة فى الدعاية له .. ده أولا ..

ثانيا أنا لم أستشهد به ولا حاجة .. لأنى لم أكن أعرف رأيه .. قلت له روحى قولى له ..

على أساس أنها من المتابعين لدروسه .. وهو غير ملتحى .. وهى ترى وجوب اطالة أو اعفاء اللحية ..

مفهوم ولا نقول كمان ؟

الرايق

07-17-2002, 03:37 AM

سؤال صغير أدى لحوار كبير

موضوع ان الناس بتعامل الملتحي كشيخ ده شئ انا شايف ان ايجابياته اكتر من سلبياته
بمعنى إخر ده يؤدي بك الى الإلتزام و يحث على زيادة العلم حتى تكون على المستوى المتوقع منك

موضوع الملفات في امن الدولة حقول لحضراتكم هو مين مالوش ملف هناك

اما الأخت نفرتاري فأقول لها انا ملتحي من ايام الكلية

أما الأخت غفران فأعتقد ان منة الله سوف تناقش معكم موضوع النقاب لأنها بعد ما تنقبت تنقبت والدتها أيضاً

محمود

07-17-2002, 05:37 AM

سلامو عليكم
سامحوني اني مش ح اقدر ارد
لاني لقيت في رد هريدي كل حاجة كنت عايز اقولها
و بارك الله فيك يا هريدي

sshy

07-17-2002, 12:53 PM

هل يجوز اخذ العلم من طرف إنسان حالق اللحية ومسبل للثياب؟

المفتي : حامد بن عبد الله العلي

الاجابة :

حلق اللحية محرم لأمر النبي صلى الله عليه وسلم بإعفائها ، ولا يقدَّم حالقها في العلم ولا يكون قدوة للناس...

وكذلك إسبال الثياب للخيلاء هو محرم من كبائر الذنوب ،ولغير الخيلاء محرم أيضا في أصح القولين والقول الآخر أنه مكروه ، والعلماء يجب عليهم التنزه عن مثل هذا لأنهم قدوة للناس ، وفي الجملة إنه ما لم يضطر المسلم لأخذ العلم على من وصف حاله في السؤال فالواجب أخذ العلم من غيره ، فإن لم يكن غيره في العلم الذي يحسنه أو في المكان الذي يوجد فيه ، فلا بأس من الاستفادة من علمه وترك الاقتداء به فيما أساء وخالف فيه السنة...

والله أعلم

فتوي خطيرة جدا للشباب للعلامة الكبير لن باز
و هو من الذين يأخذون دوما بالاحوط و هو عالم كبير
اسمعوها يا شباب الاسلام :em:
هدانا اللة و اياكم!!!!!!!!!!!!! :h:

http://www.islamway.com/bindex.php?section...wa&fatwa_id=965 (http://www.islamway.com/bindex.php?section=fatawa&fatwa_id=965)

و دي

http://www.islamway.com/bindex.php?section...a&fatwa_id=1010 (http://www.islamway.com/bindex.php?section=fatawa&fatwa_id=1010)

و لو لقيت فتاوي اخري اكيد هاكتبها هنا
و لو لسة فس حد مش مقتنع ممكن اجيبلة الفتوي من كتب و مجلدات و هو يشوفها فيهم بنفسة و يقرأ الرد او الفتوي بالتفصيل
اللهم بلغت اللهم فأشهد شباب مفيش حد لة عذر اطلاقا
و العذر الوحيد اللي ممكن يعافيك من الاثم و العذاب انة لو التحيت هايموتوك او هيعذبوك فهل دة موجود؟
لو اة و مظنش انة اة يبقي اوكي ليك عذرك
لو لا يبقي أسال اللة ان يهديك و اتقي اللة و اطع رسول اللة

يا أيها الذين آمنوا أطيعوا الله وأطيعوا الرسول وأولي الأمر منكم فإن تنازعتم في شيء فردوه إلى الله والرسول إن كنتم تؤمنون بالله واليوم الآخر ذلك خير وأحسن تأويلا"

"من يطع الرسول فقد أطاع الله ومن تولى فما أرسلناك عليهم حفيظا"

"ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا"

"وأطيعوا الله وأطيعوا الرسول واحذروا فإن توليتم فاعلموا أنما على رسولنا البلاغ المبين"

"قل أطيعوا الله وأطيعوا الرسول فإن تولوا فإنما عليه ما حمل وعليكم ما حملتم وإن تطيعوه تهتدوا وما على الرسول إلا البلاغ المبين"

"يا أيها الذين آمنوا أطيعوا الله وأطيعوا الرسول ولا تبطلوا أعمالكم"

اللينك دة كمان لازم و لابد و أمانة تسمعوة يا شباب
http://islamway.com/bindex.php?section=les...directory=ishaq (http://islamway.com/bindex.php?section=lessons&lesson_id=6548&scholar_id=32&scholar_name=%C3%C8%E6+%C5%D3%CD%C7%DE+%C7%E1%CD%E 6%ED%E4%ED&scholar_directory=ishaq)

تحياتي للجميييييييييييييييييييييييييييييييييييييع :D

غــفــران

07-17-2002, 01:51 PM

اولا اود ان احيي كل من شارك في الموضوع و اهتم بالرد :)

و احيي ايضا وائل و هريدي لشجاعتهم في الاعتراف بتقصيرهم في موضوع حلق لحاهم و لو ان لية عتاب على هريدي بالاخص لانه مش في مصر.... يعني مش معقول انك تجيلك فرصة انك تطبق سنة من سنن النبي و ماتستغلهاش و على فكرة عمرو خالد بيسيب دقنه لما يكون بره مصر

و بعدين موضوع انهم يقولوا عليك شيخ مين عارف? مش يمكن يكون خير ليك وتلاقي نفسك بقيت شيخ بجد B)

اما عن موضوع اطلاق اللحية و ملف امن الدولة فدي مش قاعدة و على سبيل المثال انا زوج اختي ملتح من زمان ومالوش ملف في امن الدولة و لا عمره راح هناك وعلى فكرة في الشغل مسميينه الشيخ احمد :)

الاخ الرايق انا في انتظار موضوع منة الله

syyh_222 جزاكي الله خيرا لمجهودك و اظن ان ردك هذا موجه للاخ knight

sshy

07-17-2002, 02:55 PM

جزاني و اياكي لانك انتي اصلا اللي فتحتي الموضوع المفيد جدا دة
كنت بس عاوزة اقول ان كلامي موجة للكل مش نايت علي وجة الخصوص
لان متهيألي انة برضة مش هيعجبة الكلام
و يمكن اصلا ميحاولش يكمل قراية او يفتح اللينكس و يسمع ما فيها
و يمكن يخيب ظني و يفتحهم
و عموما انا اقصد ان تعم الفايدة مش هدفي حد معين
تحياتي و حبي لكي عزيزتي :wub:

المهندس

07-17-2002, 03:15 PM

:em:
السلام عليكم ورحمه الله و بركاتة،
ان الرسول صلى الله علية و سلم امر بأعفاء اللحي، فيجب ان نلتزم بما امر و الا نكون عاصين
انا شخصيا بدات بلحية مهذبة و جميلة، و عندما اتيت للسعودية و زادت ثقافتى الاسلامية و اختلط بالشيوخ
عرفت ان لازم اعف اللحية و قد فعلت ، و تصوروا امس تركت عملى ، مع العلم انهم كلمونى كذه مرة
ان المدير لازم يدير باله على شكله و يخفف لحيتة، فسألت كذا شيخ بالموضوع و كلهم قالوا عف اللحية، و امس بعد ما تركت العمل حدثتنى نفسي بتخفيفها ، و اليوم على صلاة الفجر و انا ذاهب للمسجد كذلك
و بعد الصلاة اخذت غفوة فحلمت اننى قصقصت من لحيتى و رأيت نفسى في المرآة ، و كرهت نفسى
و زعلت جدا، فلما افقت قلت الحمد لله ، لن افكر في الموضوع ابدا. اللى خلاني افكر ان لحيتى تزداد
طولا كل يوم و اصبحت قبضة يد.
بعدين اقول لكم ان الرسول صلى الله علية و سلم كانت لحيتة عظيمة و كذلك ابو بكر و عمر و علي،
و دول هم قدوتنا، يعني لما نأخد القدوة تكون كاملة مش ناقصة.
و السلام ختام.
على فكرة يمكن احضر للقاهرة و زيارة للأهل و مش عارف ردة الفعل بعد.
:sm:

وائل

07-17-2002, 03:44 PM

جزاك الله خيرا يالمهندس
ووفقك الله للعمل الفرائض والاقتداء بالنبى صلى الله عليه وسلم والصحابة

وحفظك من كل سوء

منة الله

07-17-2002, 09:27 PM

السلام عليكم و رحمة الله و بركاته
ليس لى أى إضافة إلا فى نقطتين
أولا
بخصوص تخوف كثير من الناس من ان يلحقه ضرر بسبب مظهره المتدين من دون سبب حقيقى :!big:
قال تعالى: ( ألم أحسب الناس أن يتركوا أن يقولوا آمنا وهم لايفتنون ولقد فتنا الذين من قبلهم فليعلمن الله الذين صدقوا وليعلمن الكاذبين)
أقول لهؤلاء أتخشون الناس و الله أحق أن تخشوه :!big: :!small:
فالأذى والمضايقة بسبب التدين ضريبة الإيمان وثمن الجنة ألم تروا المسلمين الأوائل كيف تحملوا الإيذاء فى سبيل الدعوة حتى لو عذبوا أو قتلوا أين نحن من هؤلاء

ثانيا
بخصوص حب الرسول و كلام الأخ هريدى

حل كل مشاكلنا.. اننا نتعلم ازاى نحب النبى.. انا عمرى مافكرت انى التحى فى يوم من الأيام غير لما اتعلمت احبه و اشتاق لرؤيته و مصاحبته فى الجنة... يعنى الواحد بيتبعه حبا فيه.. و لو ماحبيناهوش.. هانحب مين تانى... سؤال مهم.. لازم نواجه نفسنا بيه..

يقول صلى الله عليه وسلم :
لا يؤمن أحدكم حتى أكون أحب إليه من نفسه و ماله وولده
هذا ما علمنا رسول الله صلى الله عليه و سلم ان يكون حبه أحب الينا من انفسنا و اموالنا و اولادنا
من منا حب الرسول أحب اليه مما سواه
و ما الدليل على اننا نحب النبى
الدليل على ذلك تطبيق سنته و السير على نهجه فى كل شئ و التاسى به

أمثلة بسيطة:
لو لى ولد بلغ السابعة من عمرة و أمرته بالصلاة و عند بلوغه العاشرة و لم يصلى ضربته عليها أكون بحب النبى
لو لى بنت و أمرتها بالحجاب و عرفتها أومر دينها أكون بحب النبى
لو تأسيت بزوجات النبى فى حجاب ساتر للجسم كله حتى الوجه و الكفين أكون بحب النبى
لو حاولت القرأة فى سنته و الصلاة عليه دائما أكون بحب النبى
و للرجال من اطلق لحيته تأسيا به و اجتهد فى العبادات كما ورد فى السنة يكون بيحب النبى

يعنى عندما تكون أوامره و سنته فوق أهوائى ( كلامه هو اللى يمشى ) أكون طبقت الحديث المذكور مش بالاغانى و الكلام زى ما البيج بوس قال

و أخيرا أذكر ان للاستاذ عمرو خالد حديث عن حب الرسول ارجو من يجده يكتب لنا اين

--------------------

محمود

07-17-2002, 11:15 PM

منة الله
رابع درس من فوق
النبي صلي الله عليه وسلم (http://www.forislam.com/ar/amr/modules.php?name=Downloads&d_op=viewdownload&cid=6&min=10&orderby=&show=10)

منة الله

07-17-2002, 11:23 PM

جزاك الله خيرا يا أخ محمود

muslem80eg

07-18-2002, 01:08 AM

بسم الله الرحمن الرحيم...
السلام عليكم ورحمة الله وبركاته....

الرد على موضوع تربية اللحيه الذى تكلمت عنه الأخت غفران...جزاها الله خيرا..

على فكرة أنا زبون دائم فى القهوة بس ماليش مشاركات كتير و بفضل سماع آرائكم...
أولا موضوع اللحيه موضوع شائك ....
وأنا اللى فهمته بعد البحث والسؤال وترجيح العقل إنه سنه مؤكدة يأثم تاركها فهى واجبه...
وعلى فكرة لازم اللى يربى لحيته يبقى أولا بيحب الرسول صلى الله عليه وسلم.. وأيضا
مقتنع بيها وعايز يجاهد نفسه قبل ما يجاهد اليهود ، وأيضا عاوز يبقى قدوة كويسه لأهله
وللناس من حوله .... وعلى فكرة تربيتها بتساعد كتير على الإلتزام...
غير كده إن تربية اللحيه دى سنه جميع الأنبياء والمرسلين عليهم جميعا السلام...
وتخيل يا أخى إن الرسول صلى الله عليه وسلم جه وقال لك حف الشارب وأعفى اللحيه...
يا ترى حتسمع الكلام وللا حتطنش...؟؟؟؟طب ما هو الحديث موجود يعنى هو بيقول لك كدة فعلا...
أما بالنسبه لموضوع الشكل ، فإن الله خلقنا فى أحسن صورة وهو اللى أمرنا بتربية اللحيه
يعنى أكيد شكلك وإنت باللحيه أفضل من شكلك بدونها حتى لو إن الناس شايفاه مش عادى
أو شكل شاذ بس هو ده الصح .
وبالنسبه لحكاية المخبرين فدى خوف من جوى الواحد بس وأكيد لو إنت مقتنع بيها ومش خايف
مفيش حد حيضايقك وربنا حيثبتك و ينصرك...إن تنصروا الله ينصركم ويثبت أقدامكم...
وعل العموم لو حسيت إن فى ضرر إبقى إحلقها يا سيدي على الأقل تبقى أطعت الله فترة
الصيف مثلا..وكمان ليه تقدر البلاء قبل وقوعه زى ما بيقولوا...
أيضا اللحيه تعتبر صدقه جاريه يعنى عمال تاخد فى حسنات من غير ما تعمل حاجه ولو حلقتها يبقى العكس...طب ليه..؟؟ بدون سبب قوي ومقنع ليه تحلقها...؟؟؟

أخوكم محمد 22 سنه خلصت الكلية السنه دى وعندى لحيه بس قصيرة شوية وخفيفه ( خلقه ربنا )
وأخيرا قال تعالى ( آمن الرسول بما أنزل إليه والمؤمنون كل آمن بالله وملائكته وكتبه ورسله لا نفرق
بين أحد من رسله وقالوا سمعنا وأطعنا غفرانك ربنا وإليك المصير)
( لايكلف الله نفسا إلا وسعها لها ما كسبت وعليها ما إكتسبت ...)
( ربنا آتنا من لدنك رحمه وهيء لنا من أملرنا رشدا..)
والسلام عليكم ورحمه الله وبركاته....

مجاهد انا

07-18-2002, 01:48 AM

يا جماعة انا و الله العظيم باعاني من الحكاية دي ...
كل العيلة بتنتقدني ..
و بيقولولي انت لسه زفت الطين صغير ...
انا فعلا باعاني ...

ارجوكم شوفولي حل ..

nmnm

07-18-2002, 02:43 AM

انا كمان برده اصلى لسة صغيرة ونفسى اتنقب اصلى عندى14 سنة وفى شهر
اكتوبر هتم الـ15 يعنى لسة صغيرة
واهلى مش منقبين غير واحدة وقريبة امى بنت عمتها
وجوزها ملتحى بس امى مش منقبة ومش ممكن تتنقب
وانا عايزة اتنقب اصل انا محجبة وحجابى يسترنى جيدا ولكن وجهى ملفت للنظر
جدا جدا ومش عارفة اعمل اه وبحب النقاب
ففكرت انتظر لما اكبر
بس مين ضامن عمره

منة الله

07-18-2002, 02:55 AM

أختى الصغيرة :tweety: nmnm بارك الله فيك و أكثر من أمثالك
الحمد لله أنا منقبة منذ أكثر من سنتين و سعيدة جدا به و بحس و أنا لابساه بالحماية و الامان و منتهى الراحة النفسية :ph34r: و لم اتغير فى مظهرى الذى فيه وقار و فى نفس الوقت شياكة و تجديد
قبل ما ارتديه انتابنى شعور كلما خرجت كاشفة وجهى و بحجابى العادى انى آثمة آثم شديد و كأننى متبرجة
سأكمل لك تجربتى مع النقاب فى موضوع منفصل على قضايا و حوار بإذن الله لعله يكون دافع للكثيرات أمثالك ان شاء الله

nmnm

07-18-2002, 03:25 AM

متشكرة يامنة
انا كمان بحس نفس الاحساس ده
بس انا كمان عايزة اسأل الى عنيها ملفتة او حلوة تعمل اه
اصلى لما بلبسه سعات وانا رايحة الجامع بشوف معاكسات سخيفة
وامى تقول علشان عينك........... فأذاى اغطى عينى يعنى
وكمان عايزة اتكلم فى الموضوع ده اكتر

ساجد لله

07-18-2002, 12:48 PM

السلام عليكم
الاخت غفران .. نشكرك على اثارة هذا الموضوع الهام كعادتك
الاخ وائل.. بارك الله فيك وفي ارائك ولي تعليق على جمله لك
[QUOTE]
أولا يقال اجرؤكم على الفتيا
وكأننا قاعدين نفتى
الأمور اللى بنتكلم عنها قتلت بحثا
من العلماء وكل افتى برأيه
وهناك من قال سنة مؤكدة
ومن قال من سنن الفطرة
ومن قال واجب

فعندما ينقل احدنا رأى هذا او ذاك لا يكون بيفتى
والا فمش هانتكلم من اصله فى اى حاجة
حتى لو من الاساسيات

واقول يا اخي انه لا مانع من ان نأتي بفتيا الشيوخ في هذا الصدد لا مانع ابدا ولكن أي شيوخ؟ اليس من الواجب ان تذكر في طرحك لهذه الفتوى هي لمن من الشيوخ ؟ او اين قرأتها ؟ قد يكون شيخا ممن لا نثق في فتواهم وما اكثرهم هذه الايام ، او قد يكون هناك موقع للفتوى تعرض اللينك بتاعه مثلا مثل ما فعلت أخت في الله ( shhy ) عرضت العديد من اللينكات كنوع من التأييد لحديثها بارك الله فيها
لانك بهذه الطريقه تفرض رأي هذا الشيخ او ذاك ويقتنع به كثير من الشباب ومنهم من هو حديث العهد بالدين والتدين هنا في هذا الموقع ، واتفق مع ردك على موضوع المكنسه ;)

الاخ مسلم 80 .. بارك الله فيك ردك جميل ومقنع..
الاخت منه الله .. جزاكي الله خيرا ذكرتي العديد من النقاط الهامه وخاصة في حب الرسول عليه افضل الصلاه والسلام
الاخ مجاهد.. بتقول انك بتعاني.. العيله بتنتقدك وانت لسه صغير.. ماينتقدو يا أخي وفيها ايه.. اعد قرائة كلام الاخت منة الله السابق عن خشية الله وخشية الناس بهدوء وتركيز (بتاريخ 17 يوليه)
وتأكد انك هاتتعب معاهم شويه في الاول وبعدين هايتعودوا على شكلك بل بالعكس ستجد من هو يشجعك ويمكن ستجد من العيله كمان من يحاول ان يفعلها مثلك بس لازم تعرف انها التزام .... وانت عارف طبعا يعني ايه التزام
بارك الله فيكم جميعا على هذا الحوار البناء

فرفوش المنكوش

07-18-2002, 03:02 PM

انا عايز اقول حاجه السنن لازم تتبع لان الانسان علي دين قدوته( من تشبه بقوم فهو منهم)
علي فكره انا مش مربي لحيتي للاسف :waa: لسبب تافه انها مش بتطلع كلها :wako: يعني شكلها مش حلو :skul: وانا عارف اني اثم وناوي ان شاء الله اول ما اوصل لدرجه معينه من قوة الايمان والالتزام اني اربيها :ya3:

غــفــران

07-20-2002, 12:06 AM

عارفين يا جماعة؟ انا مبسوطة جدا جدا من الردود على الموضوع ده :):

عارفين ليه؟ عشان دي من المواضيع النادرة اللي بتحقق الهدف منها :rolleyes:

عارفين ليه برضه؟

انا هقولكم :colon:

انا كنت عايزه اعرف الشباب فين من سنة النبي.... هل لا يبالوا اطلاقا؟ هل مهتمين فعلا بس في ظروف تحول دون ذلك ام هل يطبقون السنة في جميع الأحوال؟ و جاءت النتيجة كما رأيتم و هي بالنسبة لي نتيجة مطمئنة الحمد لله :)

يعني مافيش حد قال انه مش مقتنع بان اعفاء اللحية واجبة غير واحد بس و الباقي ما بين نفسه يربيها و مش قادر و ما بين مربيها فعلا ما شاء الله :tu:

بس كده :) و جزاكم الله خيرا جميعا و هداكم الى سواء السبيل :)

و السلام عليكم و رحمة الله و بركاته

يمونة

07-28-2002, 12:47 PM

السلام عليكم و رحمة الله و بركاته
الجواب باين من عنوانه بس ليه طابين عندكوا:
1-اللى فرضها يقول دليل من السنة واللى ما يفرضها برضه يقول
2-يا جماعة الله يخليكوا لو اختلفتوا على موضوع اللحية متعملوش زى موضوع النقاب حصل كلاش جامد أوى :o وأنا والله زعلت بس الله يخليكوا بلاش فىالموضوع ده باذات هتحسسونى بالذنب :( :(

بس يا ريت تردوا عليه بسرعة :happiii: :rol:

غــفــران

07-28-2002, 12:59 PM

شوفي يا ستي الموضوع ده اتناقش قبل كده في قضايا و حوار في الرابط ده:

http://www.haridy.com/ib/index.php?act=ST&...15cd2862a435d88 (http://www.haridy.com/ib/index.php?act=ST&f=1&t=9423&hl=&s=2cab39cd9e332072115cd2862a435d88)

و لو الكلام ده ما ردش على سؤالك قوليلي و انا انقله لقضايا و حوار لان ده مكانه الطبيعي

يمونة

07-28-2002, 06:33 PM

السلام عليكم و رحمة الله و بركاته
جزاكى الله خيرا أختى غفران :D أنا قريت المناقشة و على حسب حد فهمى أنها طلعت سنة مِؤكده و دى بتبأه على حسب حد علمى برضه زى الفرض
طيب بصى يا ستى أنا أقولك المشكلة فى ايه:............فى أخويا. (يا رب مايقرأش الموضوع لحسان حضرتى حتروح فى توكر)اسمعوا بأه

هوالتزم من فتره و بعد ما تعرف على بعض الشباب الملتزمين أوىأوى بدأ يطلقها بابا و ماما كانوا معارضين الموضوع ده فى الأول لأنهم خايفين عليه من البهدلة فى الأقسام بس بعد كده سابوا براحتوا لحد ما جيه يوم اتقالنا أن فى بعض من أصحابه طب عليهم بتوع القسم "زوار الليل " زى ما بيقولوا
وخدوا منهم شوية. .. الحمد لله ربنا ستر عليهم و على أخويا...أخويا متخدش أصلا وهم كل واحد راح القسم بيت ليلة و رجع.....ماما طبعا عرفت كده من هنا وفضلت أعده قلقانه لأسبوع قدام و خلته لازم ينزل يصلى فى مسجد تانى لأن الأولانى كان فى مخبرين حتى فى الكليه فى امتحانات الشفوى بيضايقوهم
: :officer: :officer: :officer: :officer:
يس الموضوع ده يا جماعة قلقنى جدا :sniff: :sniff: :wacko: لأنه اخويا و حقى أنى أخاف عليه و بعدين المفروض و لا تلقوا بأيديكم الى التهلكة :war: :war: .ولا أنتوا عندكوا رأى تانى :?big: :?big: :?big:

ممكن يا غفران تنقلى الموضوع فى قضايا و حوار من فضلك .........وجزاكى الله خيرا
:tulip: :tulip: :tulip: :tulip: :tulip: :tulip: :tulip: :tulip: :tulip: :tulip:

muaze amod muaze

07-28-2002, 08:55 PM

السلام عليكم ورحمة الله وبركاته اللحية والله أعلم فرض على الرجل المسلم لماذا؟
عن بن عمر عن النبي صلى الله عليه وسلم قال ( خالفوا المشركين وفروا اللحى وأحفوا الشوارب) وكان بن عمر إذا حج أو اعتمر قبض على لحيته فما فضل أخذه.متفق عليه وزاد البخاري وكان بن عمر إذا حج أو اعتمر.........
هنا يأمر رسول الله صلى الله عليه وسلم بإطلاق اللحية في كلمة وفروا اللحى والأمر للوجوب مالم يصرفه عن الوجوب صارف بمعنى أنه إذا أمر رسول الله صلى الله عليه وسلم بأمر ما كان أمرا واجبا لابد من فعله أما إذا امر بشيئ ما ثم جاء يوم ولم يفعل ما أمر به كان هذا الأمر للإستحباب وليس للوجوب ولم يأتي حديث يوضح أن رسول الله صلى الله عليه وسلم حلق لحيته من قبل ولهذا فهي واجبة أو فرض.
وقد نقل ابن حزم في كتابه مراتب الإجماع إجماع العلماء أن اللحية مثلة لا يجوز حلقها أي مثل اليد مثلا لا يجوز قطعها وبهذا فإعفاء اللحية فرض .
ولا أنكر أن هناك اختلاف في هذه المسألة ولكننا مع أمر رسول الله صلى الله عليه وسلم.
فعلى أخوكي أن يتجنب التجمعات وأن يصلي في مسجد غير الذي يصلي فيه أصحابه وأن يتكر التحدث عن الحكام والسياسة والبلد ولا يتحدث في تلك الأمر حتى مع أصحابه فإن وجد أنه لا فائدة وأنه قد يعذب مثلا فليحلق لحيته ويأخذ حكم المضطر وحلق اللحية ليس بكبيرة والله أعلم

IORI YAGAMI

07-30-2002, 05:00 AM

السلام عليكم ورحمه الله وبركاته

اللحيه سنه مأكده وفرض وواجب الألزام به لأنه امر من الرسول صلى الله عليه وسلم
وذكر فى احاديث كثيره صحيحه ومتواتره وذكرت بخمس الفاظ
هى :
أوفروا اللحي
وفروا اللحي
أرخوا اللحي
أرجوا اللحي
أعفوا اللحي

إذن هو أمر من الرسول وواجب فعله وتنفيذه

وليس مثلا كحديث الرسول عن النوافل قال : صلوا ركعتين قبل صلاه العشاء وبعدهما

قال الرسول صلى الله عليه وسلم صلوا ركعتين (أمر ) ثم عقب وقال لمن شاء

لكن بالنسبه للحيه لم يقل لمن شاء

قال تعالى " وما أتاكم الرسول فخذوه وما نهاكم عنه فأنتهوا "

IORI YAGAMI

07-30-2002, 05:25 AM

السلام عليكم ورحمه الله وبركاته

ما كان بدى اكتب فى هالموضوع حرف والله
بس كتبت لسبب واعلم انى ممكن ان اهاجم

المهم
عن اللحيه فأنا كتبت فى موضوع أخر اثباتتها

ولكن ما لفت انتباهى هو انى فى موضوع عن عمرو خالد هنا فى القهوه تكلمت عن لحيته وانه واجب عليه كداعى إلى الله ان يتركها
فهوجمت من الأخت غفران وقالت انه ترك الصغيره للكبيره وهى الدعوه إلى الله واعفته من الأثم !!
والأن هى من تقول ان تاركها أثم
والأخ هريدي اوضح ذلك فى هذا الموضوع مع انه كان رافضه فى كلامى على عمرو خالد

سبحان الله

السلام عليكم

الباشمهندز

07-30-2002, 07:48 AM

بصوا يا جماعه إن الله يكره القيل والقال وكثره السؤال, الموضوع ده إتلت وإتعجن فيه كتير قوي..

أيام قتل سيدنا الحسين (سبط رسول الله), سأل رجل شيخ (لا أتذكر إسمه) هل دم البعوضه ينقض الوضوء؟

قال له الشيخ: أتهتم بدم البعوضه, ولا تهتم بدم سيدنا الحسين الذي قتل.!!!

أولا الكلام في هذا الموضوع إتناقش في القهوه خمستلاف مره قبل كده, وكل مره يخلص بإختلاف آراء, "لا يودي ولا يجيب ولا يسر عدو ولا حبيب".

"حتى فى الكليه فى امتحانات الشفوى بيضايقوهم" الصبر الصبر الصبر.

داقت فلما إستحكمت حلقاتها فرجت وكنت أظنها لا تفرج.

ياأخوانا فيه مواضيع أهم من ده لازم تكون هي مدار كلامنا!!

الكلام ده خلص من زماااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااان, وعندك آراء مختلفه خذ ما تريد وأرض ما تريد, ولكن لا تجعل هذا الموضوع شغلك الشاغل.

هريدي يابووووي

07-30-2002, 08:53 AM

أخى العزيز يورى.. انت خلطت الأمور..
انا عمرى ماقلت ان تارك اللحية غير آثم..
لكن قصدى ان الدعوة فرض عين على كل مسلم.. و مش معنى ان المسلم غير ملتحى انه يترك الدعوة..

غــفــران

07-30-2002, 11:06 AM

و ده نفس اللي انا كنت اقصده من كلامي يا اخ يوري.... و بعدين انا مش بهاجم حد.... هوه انا لما اقول ان لوواحد ترك سنة من سنن النبي صلى الله عليه و سلم من اجل فرض مايكونش اثم ابقى باهجمك? طب ازاي?

لانا

07-30-2002, 12:05 PM

إخوتي وأ خواتي في الله.........

هذا الموضوع ليس من باب الفضول , وزيادة الكلام .... بل هو والله مشكلة نعاني منها في تقييم الآخرين ....... مما أثر على دعوتنا للغير ......

لأننا .... دائما نقدم سوء الظن بالآخرين ..... وكأنه هو المنهج الصحيح ......

بل بعضنا تهاون في هذا الأمر وأخذ يطلق العنان للسانه في الخوض في أعراض المسلمين والمسلمات حتى يصل به الأمر _ في بعض الأحيان –إلى إخراجهم من الدين ...... ووصفهم بالنفاق ...... مع أن هذا الوصف لا يتجرأ عليه كبار العلماء فضلا عن عامة الناس ودهمائهم

وذلك راجع الى قلة الفقه في الدين .... وقلة الورع.... وضعف التربية الاسلامية .........

والمشكلة تكمن في النظرة الضيقة للآخرين فمجرد أننا نلاحظ أي خطأ أو تقصير على أي شخص فإننا نصنفه تصنيفاً سيئاً مما يفقد ثقته بنا ...... وبالتالي عدم قبول دعوتنا.......

مع أننا لو نظرنا إلى هذا الشخص نظرة متكاملة لوجدنا أن هذه السيئة مغمورة في بحر حسناته ........ والتي ربما ليست ظاهرة عليه ...... ولكننا تربينا على إساءة الظن بأهل المعاصي والتقصير ....... والحقيقة أن هذا الميزان وهذا التقييم يقابله تقييم آخر ....... من نوع آخر....... فعندما نرى من ظاهره الصلاح أحسنا فيه الظن – وهو الواجب _ لأنه ليس لنا إلا الظاهر ولكن يجب أن يكون الميزان متكافئاً...........؟؟؟؟
ولعل المثال يوضح المقال .../

عندما يرى البعض منا شخصا حالقاً للحيته فأول ما يتبادر إليه سوء الظن به ...... لأن عليه مظهر مخالف وانه غير ملتزم بالدين وتعاليمه.......
لكن لو تأملت حياة هذا الرجل لوجدته محافظا على صلاة الفجر بل ومن السابقين إليها ..... أو لوجدته من المسارعين في الصدقة وبذل المال للفقراء بدون تردد ...... أو لوجدته باراً بوالديه براً عجيباً ..... وهلم جرا ....... وبالمقابل ترى شخصا ملتحياً لم يأخذ منها شعرةً واحدةً .....؟؟؟؟. لكنه لا يصلي الفجر في المسجد إلا يوماً أو يومين في الأسبوع...؟؟؟؟!!
أو تجده يتهاون في أكل الحرام ....؟؟ أو تجده عاقاً لوالديه .......؟؟ أو تجده دائماً مغتاباً ...... نماماً......؟؟
أيها الأخوة والأخوات / صارحوني ......اصدقوني....

أيها أعظم عند الله حلق اللحية أم ترك الصلاة مع الجماعة تهاونا وكسلا ...... ؟؟؟أو حلق اللحية ..... أم أكل الحرام والغش في المعاملات؟؟؟؟ أو حلق اللحية ..... أم عقوق الوالدين ....؟؟

وكذا الحال ....تلك الفتاة التي ربما غفلت عن هدفها في الحياة وتاهت في عالم الموضة......أو حب الفن ....أو الرياضة...أو....أو....فلربما أن لديها أعمالاً صالحةً لا يعلم منزلتها إلا الله....فلم نخسرها...؟؟؟ لم لا نحاول ان نأخذ بيدها ونرشدها الى الطريق الصحيح لماذا لا نهديها0.لم نبتعد عنها ؟؟؟؟ .....فتجد الدعوة لها من قبل( بعض) الداعيات بالتوبيخ والزجر والإنكار الغليظ وينسين الدعوة باللين والإقناع...؟؟؟ لماذا نكرهها في الالتزام والحجاب والستر

إخوتي وأخواتي ...... إن هذه النظرة الخاطئة جعلتنا نخسر بعض فئات المجتمع ..... بسوء الظن وبسوء المعاملة معهم... بل وأكسبتنا الغرور بأنفسنا ..... وازدراء الآخرين ......؟؟ لأننا نحن الأكمل ... وغيرنا الأنقص .... ومن هنا قلت البركة في الدعوة والعمل عند بعض الملتزمين....والملتزمات....
تنبيهات***
· أنا لا أعترض على كمال المظهر فلا شك هو مطلب نبوي فمن أكمل مظهره وأتم مخبره فهذا هو الكمال ...... في الالتزام.
· الكلام في الرجال نفسه الكلام في النساء بين النساء...
· فلنحسن الظن بالآخرين ولو كانوا مقصرين ظاهرياً فالبواطن عند الذي يعلم السر وأخفى...
· حديث شريف (( إن الله لاينظر إلى صوركم ولا إلى أشكالكم ولكن ينظر إلى قلوبكم وأعمالكم..))

ــــ هذا جهد من عندي أصيب فيه وأخطىء فمن وجد خطأً فليرده علي وليوجهني للصواب جزاه الله خيراً....ــــــــــــ