المساعد الشخصي الرقمي

مشاهدة النسخة كاملة : عيادة الأسطى عبقرينو


أبوعبدالرحمن
07-10-2002, 12:19 PM
بسم الله الرحمن الرحيم
يسرني ويحزن قلبي، بعد طول الغياب والعودة والإياب
أن أفتتح لكم عيادتي المتواضعة وكلّي فخر وأسى
وكلي أمل في أن أساهم في رفع معنوياتكم وزيادة معاناتكم
ولا تنسوا كتابة الوصية قبل زيارتي في العيادة
ملاحظة مهمة: الدفع مسبق وقبل الكشف
وسلامتكم
أبوعبدالرحمن
07-10-2002, 12:21 PM
أسطى إيه وهباب إيه!
أنا عايز أغير العنوان ومعرفتش :wakooo:
Casper
07-10-2002, 09:34 PM
هتفتح من جديد
هتقطع علينا ليه
احنا دكاترة مع بعض وما نصحش نقطع فى بعض
ولا ايه
:D :D
القهوجى
07-11-2002, 08:25 AM
يا عبقرينو انت كده هتخلينا :argue:
:brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb: :brb:

:agressive :agressive :agressive :agressive :agressive :agressive :agressive :agressive :agressive :agressive :agressive :agressive :agressive :agressive
أبوعبدالرحمن
07-12-2002, 12:04 PM
Casper
لا هنقطع على بعض ولا حاجه
كل واحد منّ يعمل اللي يقدر عليه ليزيد من معاناة الشعب

القهوجي باشا
مالك زعلان ليه؟!
لو بتشتكي من أي حاجه قول لي ومتخفشي
أبوعبدالرحمن
07-12-2002, 10:57 PM
أنا شايف الكل خايف يجيني العيادة!!!
طيب يبقى أنا هطلع لكم بره العيادة
وإن شاء الله هنزل بعض المواضيع اللي أتمنى تفيدكم
وهي مواضيع سبق وطرحتها في منتديات أخرى، ولكن أكتبها هنا للفائدة
أبو دومة
07-13-2002, 04:50 PM
عبقرينو أنته دخلت غلط
عايز رأيي أقفل الورشة احسن .... قصدي العيادة ( المجزر)
أبوعبدالرحمن
07-13-2002, 09:01 PM
نصيحتك على العين والراس
لكن ممكن أعرف ليه عايز تحرم الناس من خدماتي؟!
وياترى إيه أخبار وجع بطنك دلوقتي؟
عايزين نشتغل يا شيخ :D
أبو دومة
07-14-2002, 09:37 AM
ياأسطى عبقرينو .. أيه حكاية وجع بطني دي جبتها من فين :D

ولو كان برده ... لا لا لا لا لا لا لا ياعم خلينا كده صحاب أحسن , وبعدين أنت عايز تجرب فيه ولا أيه

وبعدين قلي بالضبط نوع تخصصك عشان أبعتلك زبائن مبسوط ياعم ياللا عشان تشتغل بأه
أبوعبدالرحمن
07-14-2002, 02:47 PM
يا عم وجع مش وجع أنا لازم أشتغل!
انت اتوكل على الله وميهمكش أي حاجه
واتفضل برجلك اليمين :D
أبو دومة
07-16-2002, 11:42 AM
لايمين ولا شمال ياعم .... خلينا بعيد احسن ولما أعرف نتيجة تجربتك أيه في الناس أبقى اجيلك

سلامو عليكو ..................... يافكيك :sonic:
أبوعبدالرحمن
07-16-2002, 04:26 PM
على فين؟!!!
أنا نصحتك وانت الكسبان
واللي ياكل على ضرسه هيسوِّس
أبو دومة
07-17-2002, 10:25 AM
يسوس ..... يسوس عاجبني ,,,,

وبعدين ماله الطقم أهو بينفع برده :D



<!--EDIT|أبو دومة|Jul 17 2002, 07:26 AM-->
أبوعبدالرحمن
07-18-2002, 06:40 PM
ياعم غلبتني معاك
خلاص مش عايز تتعالج براحتك
وأصلا أنا مش شايف غيرك في العيادة&#33;&#33;&#33;
الباقي فلسعوا من بدري :agressive
badriea88
07-22-2002, 05:55 PM
طبعا هنفلسع أمال عايزنا نعد لك (فيران تجارب)
يا فكيييييييييييييييييييييييييييييييييييييييييييييييي ييييييييييييييييييييييييييييييييييييييييييييييييك
:scared: :scared:
:sonic: :sonic:
أبوعبدالرحمن
07-23-2002, 12:59 AM
الليل ليلٌ والنهار نهارُ - والأرض فيها ماء وأشجارُ
والسماء سماء والنجوم أنوار - والأرض أرض فيها أحجار
القهوجى
07-25-2002, 06:30 AM
واحنا مالنا يعنى :angry:
أبوعبدالرحمن
07-25-2002, 11:42 AM
يا أخ قهوجي
أنا سبق وقلت لك إن أحسن حاجه فيك هي توقيعك -_-
Dr.who
07-25-2002, 12:16 PM
:hehe: [FONT=Times][SIZE=1][COLOR=purple]
السلام عليكم .......
ازيك يا عم الاسطي عبقرينو..... ;) ;) ;)
مش كل واحد بأه يشتغل في شغلته ؟؟&#33;&#33;&#33;
يعني الدكتور دكتور .... و اللي مش دكتور ... مش دكتور :angry: :angry: :angry:
هيا اصل العمليه مش ناقصه..... الداكتره نفسهم مش لاقيين شغل يا باشا ... :( :( :( :(
ما تزعلش مني بس اصل البلد حالها مقلوب
:hehe: :hehe: :hehe:
علي العموم انا عيادتي جنبك ........ اي خدمات عدا الفسح و الاجازات :tng: :tng:
و الدفع مقدما يا اخوانا .... عشان انا استغلالي :huh: :huh:
ياللا سلاحف ...... :stu:
أبوعبدالرحمن
07-25-2002, 01:00 PM
Dr.maz
وعليكم السلام ورحمة الله وبركاته
إيه ده&#33; هوّا فيه دكاتره هنا؟ أنا كنت فاكر إني هاخد راحتي :(
يا عم بلاش فضايح
ويا رايح متكترش من الفضايح :blink:

ياترى الأخ تخصص إيه باطنية ولا جزارة عامة ولا إيه بالزبط؟
safty factor
07-27-2002, 12:51 AM
نق نق نق :huh:
ادخل ؟ ;)
ممكن اقابل الدكنور عبقرينو ؟ :blink:
ايوة :blush:
قوله موضوع الهرش هو هيعرف :shifty:
نعم بالدور ايه بالدور دى :crazyy:
انا حاجز مستعجل ودافع عشروميت جنيه :crazyy:
يله قوله بسرعه :angry:
انا مستنى ................... :zzzz:
أبو دومة
07-28-2002, 04:50 PM
جائنا الآن البيان التالي ..... يتم الآن البحث عن المدعو عبقرينو والمتهم بعدة جرائم جراحية منتحلا بها شخصية طبيب جراح حيث قام بفتح عيادة جراحة يقوم فيها ببيع اللحوم المخلية
.... ( مراسل القهوة ... MBB ) - :hehe:

التليفون بيرن ....
ألو ... ألو .... يادكتور ... يادكتور عبقرينوا إلحـــــــــق نفسك ياحلو وأنا ياما حذرتك.... جيرانك بلغوا عنك أنهم بيشوفوا ناس بتطلع عندك العيادة ومابتخرجش وكمان بيشموا روائح ودخان وبخور على نظام ريا وسكينة كدة يعني .... إلحق نفسك وزوغ

وماتخفش أنا عندي طريقة مضمونة مية المية أهربك بيها بره العالم خالص ... بس قلي أنت فين ؟

التليفون بيرن تاني ....
ألو ... ألو ... أيوة ... مين .... أهالي الضحايا لحظات وأديلكم العنوان بس أوعو يفلت منكو ...

مسكين ياعبقرينو :ohmy:

:D :D :D :D :D :D
أبوعبدالرحمن
07-28-2002, 10:46 PM
أبو دمة خليك على جنب دلوقتي راجعلك :blink:

safty factor
مش معقوووووول
فيه زبون&#33; مش مصدق وداني&#33;

أنا سبق وقلت لك الحل :D
روح موضوعك وشوفه

نتكلم جد
شوف رغم انه مش تخصصي بس أحاول أفيدك
بس لو استمرت الأعراض وكانت تسبب لك مشاكل، لازم تشوف أخصائي جلدية

الأسباب كثيرة
يعني لازم تتأكد الأول انك مبتعانيش من أي مرض أو التهاب جلدي، أو أي مرض قد يسبب الهرش
بس غالبا بيكون كما قالت إحدى الأخوات
حساسية من شيء معين
يعني انت أكيد بتغسل جسمك بشيء أو بتحط على جسمك شيء بعد الإستحمام
يعني مثلا الصابون ممكن يسبب حساسية للجسم، أو أي شيء ثاني يلامس الجسم
حتى لو مثلا الفوطة اللي بتنشف فيها تكون مغسولة بنوع معين من الصابون يسبب لك حساسية
يعني أنا قصدي تحاول تبحث عن سبب معين وشيء يسبب لك الحساسية وتتجنبه
وعلى فكرة أحيانا كثرة الإستحمام في حد ذاتها ممكن تسبب الهرش والحكة
ومن الأسباب هو جفاف الجلد، اللي بيساعد ان أي مادة زي الصابون لو مفيش جفاف مبتأثرش، لكن مع الجفاف ممكن تزيد نسبة حصول الحساسية، ولكن ده غالبا في الشتاء أكثر من الصيف
وقد تعمل المبالغة في الإستحمام على تجفيف الجلد
وخد بالك من حاجه ثانية، وهي الرطوبة بتاعة الصيف
فمن جهة تانية كثرة الرطوبة في حد ذاتها ممكن تسبب حساسية

يعني الأسباب زي ما قلت كثيرة، وانت لازم تحاول تعرف السبب
وممكن اجتماع الحاجات دي مع بعض تسبب لك الحكة دي
ولو عرفت السبب لازم تبعد عنه
وبالنسبة لأعراض الهرش، ممكن تاخذ لها أدوية مضادة للحساسية زي مضادات الهستامين
والله أعلم
وسلامتكم
أبوعبدالرحمن
07-28-2002, 10:48 PM
الضحية الأولى - safty factor
ياترى الدور على مين؟

راجعلك يا بودومة :D
إن شاء الله
fancychick
08-04-2002, 12:08 AM
يا أخ عبقر انت ماقولتش تخصصك ليه.....عايزين نعرف وعلى فكرة أنا صيدلانية وممكن نشتغل الزباين مع بعض وبالمرة أديلهم الexpired الى عندى :wink: :brb: عايزين بقى نبقى نربط مع بعض... :shifty:
أبوعبدالرحمن
08-04-2002, 12:58 AM
أفكر :rolleyes:
القهوجى
08-05-2002, 06:35 PM
انا قلتلكو ده جزاره عامه
ده مفترى :angry:
أبوعبدالرحمن
08-06-2002, 01:02 AM
:brb:
الرايق
08-06-2002, 01:32 AM
عبقر
كل ما أعد على النت أهرش في أنفي :P
أبوعبدالرحمن
08-06-2002, 01:59 AM
إشمعنه :D
القهوجى
08-06-2002, 06:56 PM
بتضحك على يا معلم عبقر المتعبقر ماشى

انا هوريك :angry:



:D :D :D
أبوعبدالرحمن
08-07-2002, 01:18 AM
هتوريني إيه ياقهوجي؟
حاجه حلوة؟&#33; :D
محمود
08-07-2002, 01:22 AM
ح يوريك اللعبة الجديدة اللي جابها :tng:







عبقر
انا اول مرة اشوف موضوعك
قلي على مصادرك علشان الواحد يطمن و هو بيسالك :)
safty factor
08-07-2002, 01:41 AM
ولا هو انت دكتور بصحيح ولا ايه ؟؟؟
نياهاها
08-07-2002, 08:20 AM
لأ يا اسطى دكتور السباحه مبتعملش هرش اسأل مجرب
انا يا اخوي بستحمى يجي 5 او 6 مرا ت في اليوم بس مبهرشش
بس اخونا سيفتي فاكتور دى هرشان من غير حاجه <_<
ولا انا غلطان يا سيفتي يا جربااااااان ^_^
ولا اقولك ده جايز مش قال بموضوع مرأه القهوة انه محتاج يروح عالبحر مع جاموسته يمكن هو ده السبب
نياهاها
أبوعبدالرحمن
08-07-2002, 03:29 PM
يا كابتن نياهاها
مش معنى إن الحاجه دي مبتحصلش معاك، إنها متحصلش مع غيرك
يعني مثلا فيه ناس لمّا تاكل أكله معينه تتعب او يجيلها حساسية
مش كل الناس زي بعض يا كابتن :D

محمود
متخفش
اتوكل على الله واتفضل برجلك اليمين :D
heba mohamed
08-14-2002, 10:59 PM
العيادة (الملحمة) بتعتك دي مش نافعة
:tng: :tng: :tng: :tng: :tng: :tng: :tng: :tng: :tng: :tng:
fancychick
08-14-2002, 11:31 PM
الحالة دى بجد يا عبقرينو....
بص أنا ركبتى وجعتنى من حركة عملتها و بعدين فضلت اسبوع على كده روحت لدكتور قاللى :waa: :waa: :waa: ان احتمال يبقى فى تمزق فى الغضروف و لازم أعمل أشعة رنين مغناطيسى...السؤال بقى هو لو فعلا اتقطع (لاقدر الله) طبعا بيتشال ....عايزة اعرف ايه النتائج بقى الى هتحصل بعد كده...
ودلوقتى بعد الحمد لله على كده و قدر الله ما شاء فعل...عايزة اقول (يا ناس يا شر كفاية قر...و متبصوليش بعين رضية بصوا للى اندفع فيه)
أبوعبدالرحمن
08-15-2002, 03:42 PM
هبه محمد
ليه كده بس؟&#33; :o
ربنا يسامحمك :D

فنكوش ولا مش عارف اسمك إيه :D
قصدك بالغضروف الرباط الصليبي
والرباط الصليبي عبارة غضروفين متقاطعين أمامي وخلفي، على شكل علامة إكس وعشان كده سموه بالرباط الصليبي، والرباط الأمامي هو المسؤول الأكبر عن عملية الثبات للركبة

إصابة الرباط الصليبي بيكون نتيجة ضغط شديد على الركبة وهي مثنية غالبا
والتشخيص بيتم عن طريق معرفة إزّاي حصلت الإصابة مع الفحص
وبالأشعة يتم التأكد

العلاج الأولي عند الإصابة بيكون بوضع ثلج على الركبة
أخذ أدوية مسكنة ومضادة للإلتهاب، مع العلاج الطبيعي لاستعادة القدرة الحركية للركبة

العلاج ينقسم لجراحي وغير جراحي
العلاج غير الجراحي ويعتمد على حاجة المريض كما يقررها الطبيب المعالج - طبيب جراحة العظام اللي بيقرر إذا كانت الإصابة تحتاج عملية جراحية أم لا، وهنا يعني حالة المريض بتكون لا تحتاج عملية
وغالبا تعتمد على علاج طبيعي لتقوية العضلات خصوصا عضلات الفخذ، لأنه بيساعد في تحسن حالة الركبة
أو العلاج الجراحي وقد يكون بالمنظار أو بعملية عادية، ويحتاج المريض بعدها لعلاج طبيعي لإعادة تأهيل الركبة

وإن شاء الله تكون إصابتك جزئية وبسيطة ومتحتجش عملية
وسلامتكم
عبقرى
08-16-2002, 01:46 AM
الس عيكم لام B)
خدوا بالكو يا جماعة ان الاخ عبقرينو (بعتبرة زى اخى الكبير) موقف الناضورجية كلهم عند باب العيادة يعنى مافيش فايدة وهتتعلجوا بالعافية&#33;&#33;&#33; :wacko:
ربنا يستر و اعرف ازوغ&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33; :rolleyes:
wella
08-16-2002, 01:58 AM
ايه يا اسطي قصدي دكتور عبقرينو لو في اي عيان مش عارف تموته قصدي تشخص مرضه ابقي اتصل بي احنا برضه دكاترة
و حاديك نصيحة لو جالك مريض بيشكي من حاجة بتوجعه قوله
"انا امي الحاجه قالتلي يا ابني الصبع اللي يوجعك ما تعالجهوش اقطعه :D :D :D :D
القهوجى
08-16-2002, 09:05 AM
السلام عليكو :D
أندلس
08-16-2002, 09:57 AM
دكتور عبقرينو .......أنا أقترح لك حل يخلصك من كل الأقاويل المغرضة و الزباين المتعبة ;)

حضرتك تعمل لكل حاجة ثمن :mailb:....الاستشارة بثمن ......العلاج بثمن......مجرد دخول العيادة

بثمن.....ليه :?small:

لأن الناس لما بتلاقي كل حاجة ببلاش كده ما بتصدق.........هاتك يا أوامر و تريقه.......ما هو كله

ببلاش

جرب اللي قولتهولك وهاتشوف الفرق هاتلاقي العيادة مليانة زباين و ما حدش بيناقشك في أي حاجة..... :D



<!--EDIT|أندلس|Aug 16 2002, 09:01 AM-->
x girl
09-04-2002, 11:54 AM
هل تناول الفيتامينات بدون سبب له أضرار جانبية؟؟؟

أنا بصراحه ما بحبش آكل الفواكه والخضار أو اي حاجة مفيدة...

عشان كده فكرت آخد فيتامينات من الصيدلية علشان أعوض عن أي نقص بسبب نظامي الغذائي الغبي&#33;&#33;&#33;

فهل اللي أنا عملته صح؟؟ ولا ليه أثار جانبية على المدى البعيد؟؟؟

وشكرا مقدما...
eldoctor
09-05-2002, 11:25 AM
الفيتامينات ليست هى الحل السحرى .. و طبعا لها اضرار .. حسب نوع الفيتامين اللى حتاخديه ..
الغذاء الطبيعى هو الصح ... و تناول الفيتامينات فى الحالة المطلوبة فقط .. و ياريت الناس تفهم كده
أبوعبدالرحمن
10-07-2002, 12:06 AM
معاك حق أندلس
على فكرة الموضوع ده كان تايه مني ولسه ملاقيه دلوقتي
أنا هفكر في الموضوع ده بجد وجديد :D


عبقري
أنا برضه بعتبرك أخويا الصغير " بس انت عمرك كام؟"


wella
نصيحتك على العين والراس :D

القهوجي
وعليكم السلام
فوت علينا امبارح
حماس
10-10-2002, 05:34 PM
السلام عليكم ورحمة الله وبركاته
أنا عندي سؤال يا جماعة ويا ريت لو حد مرت عليه الحالة يحكيلي :sniff:
من كم يوم عملت x-ray للظهر ولما طلعت الصورة الدكتور سألني يا بنتي إنتي كنتي عارفة انه العمود الفقري عندك مايل شوي لليمين :huh: هما بئيسو الموضع بحاجة اسمها L1 ,L2 ومش عارفة شو
أنا قلت مش عارفة :huh:
بس سألته هو هيك طبيعي ولا لأ؟ :mellow:
حكالي إنه مش عارف وراح اتصل بدكتور اختصاصي ما بعرف شو وحكاله إنه لأ ما فيش اشكال
أنا يعني انصدمت من الخبرية :sniff:
ومش فاهمة انه هل أنا كنت هيك من الأول ولا صار معاي هيك لما طأ ضهري السنة اللي فاتت
وأنا مستغربة لأني ما بشعرش بألم في الظهر والموضوع مش مأثر علي ولا باين ظاهريا
حد عنده فكرة أنا مش مستوعبة الموضوع



<!--EDIT|Nemesis|Oct 10 2002, 06:50 PM-->
aggressive
10-10-2002, 05:50 PM
يارتني كنت اعرف بس للاسف مش عارفه :rolleyes: :rolleyes:
بس ان شاء الله سليمه :rolleyes:
حماس
10-10-2002, 06:52 PM
جزاكي الله خيرا يا agressive على ردك :D
اللهم اجعله خير :sniff:
أبوعبدالرحمن
10-10-2002, 07:38 PM
وعليكم السلام ورحمة الله وبركاته

في البداية إنتِ عملتي الأشعة ليه؟ عشان مشاكل في الظهر ولاّ لسبب آخر؟
لو فيه أي مشاكل عليك بزيارة أخصائي عظام
وحتى لو مفيش روحي له برضه عشان هو الأقدر على تحديد مدى الميلان إن كان هناك ميلان من أصله

بالنسبة لميلان العمود الفقري يسمى scoliosis وبالعربي الجنف أو التواء العمود الفقري
ويكون هناك انحناء والتواء في العمود الفقري غير طبيعي، لأنه معروف أن العمود الفقري بطبيعته منحي في تكوينه، وهذا الانحناء الغير طبيعي أحيانا يبدأ أثناء الطفولة ولكن غالبا يكون في فترة النمو والمراهقة وتكون نسبته تقريبا في الإناث ضعف الذكور
والسبب غالبا غير معروف، ولكن هناك عوامل جينية
وهذا الالتواء قد يكون خفيف ولا يُلاحظ من أصله، وقد يكون شديد لدرجة تشويه المنظر وانحناء الظهر مع تسببه في آلام في الظهر
وعلى حسب درجة الانحناء تتحدد شدة المرض
بعض الحالات لا تحتاج أي علاج فقط مجرد المتابعة من قبل اختصاصي العظام من فترة لفترة لتقييم الحالة
وبعض الحالات تحتاج العلاج وقد تصل لدرجة التدخل الجراحي

أما سؤالك عن L1,L2 فدي المقصود بها الفقرات القطنية او lumbar vertebrae
صعيدى والدلع دىدى
10-10-2002, 07:55 PM
والله انت مش هاتسكت غير لما الشرطه تجيب لك الورشه " اقصد العياده" ده عليها علي واطيها
يا ابن الحلال هو انت ناوي تنهي علي زباين القهوه :o
هو انت هتخلص علينا واحد ورا واحد

ربنا يبعدك عننا ويبعدنا عنك " في الطب بس :D "
صعيدي :wub:
أبوعبدالرحمن
10-11-2002, 07:08 PM
بأه كده يا صعيدي ياخويا :(
أنا عايز أساعدكم وأريحكم على الآخر وانتم مش عايزين
دي آخرة اللي يخدم الناس
وعلى رأي المثل يا بخت من وفق راسين في الحلال :blink:
ام نرمين
11-18-2002, 03:50 PM
السلام عليكم ورحمه الله وبركاته
الأخ العزيز عبقرينو شكرا على الموضوع المفيد دة
انا بقى باشتكي من صداع رهيب بيكون في مؤخرة الرأس هو طبعا بيأثر على باقي راسي بس بحس ان البدايه من ورا
ثم يستمر ويستمر ويتوغل وينتشر في جميع راسي حتى اشعر بالغثيان وفعلا في احيان كثيرة اتقيأ وتكون بقى دي المرحله الأخيرة من الصداع بعدها اشعر بوجودة ولكن مع قليل من الألم
وانا قد ذهبي الى دكاترة كتير بسبب الموضوع دة بس للاسف لم اصل لحل
فمرة يقولو عندي نقص في الحديد
ومرة مش عارفه ايه كدة
بس انا فعلا مش عارفه اعمل ايه ؟؟؟؟؟؟؟
eldoctor
11-20-2002, 05:17 AM
بص يا سيدى لازم تقيس ضغطك .. لان الصداع اللى فى مؤخرة الرأس غالبا بيكون بسبب هبوط الضغط ... و ده بينتهى بقىء غالبا
و برضه لازم تعمل صورة دم كاملة .. لان ضعف الدم يسبب صداع .. بس بيكون فى جانبى الرأس ..

معلش يا عبقرينو .. دى باطنة pure
ام نرمين
11-25-2002, 05:38 PM
السلام عليكم ورحمه الله
انا عندي سؤال؟؟؟؟
شخص ما دائما يشكو من العطس المستمر بدون شكوى من برد او خلافه
فهو احيا نا يعطس 20 مرة متواصله وهذا يكون غالبا عند النوم او عند الاستيقاظ
وقد وصف له الطبيب انه عندة حساسيه وهو يأخد لهذا علاج اسمهclarenase
ولكنه لم يفيد
فهل عندكم ما يكون اكثر فاعليه؟؟؟؟
عنونة
12-03-2002, 01:48 AM
السلام عليكم

الله الله الله ايه الزباين دي كلها :blink:
نظام قر بأه :rolleyes:

والله أنا عندي مشكله بس معرفش لو حتقدر تساعدني لأنها عايمه شويه :huh:

باكل ومبتخنش :huh:
الحكايه دي حسيت بيها من شهر 5 إلي فات قلت بعد الإمتحانات حهدا واتخن أو مش أتخن أرد تاني بس متخنتش عماله أخس قلت رمضان دايما بيتخني جه رمضان وقرب يخلص وأنا على حالي وبخس بردو

طولي 156
ووزني 41
كااااااااااااااااااارثه :crazyy:

مع العلم اني أول وحده بتعد على الأكل وآخر وحده بتقوم :eat: وأكلي كله دهون
أمي متتوصاش في الحجات دي وطازه في طازه وباكل سلطه وفاكهه :pizza:
مبخليش

وعيلتي فيها التخين وفيها الرفيع :blink:

بس في حاجه معرفش لو ليها علاقه ولا لأ :unsure:
موتي وسمي الحليب بكرهه أجبان باكل حليب رايب أو اللبن الخاثربشربه إلا الحليب الطازج
وحكايه الدود دي أنا بستبعدها بصراحه :ya3: لأني عملت قبل كده تحليل بس من زمان وطلع مفيش حاجه وعاداتي الغذائيه معتقدش سيئه فتسببلي الإصابه بالدود

أعتقد شرحت حالتي بالتفصيل الممل :D

في أمل يا دكتور :(
أنا ينفخوني أطير :sniff:
أمي بتسميني عصاية الغليه .><

شوفولي حل :crazyy:
محمود
12-07-2002, 04:27 PM
Originally posted by newrealmine@Nov 25 2002, 05:38 PM
السلام عليكم ورحمه الله
انا عندي سؤال؟؟؟؟
شخص ما دائما يشكو من العطس المستمر بدون شكوى من برد او خلافه
فهو احيا نا يعطس 20 مرة متواصله وهذا يكون غالبا عند النوم او عند الاستيقاظ
وقد وصف له الطبيب انه عندة حساسيه وهو يأخد لهذا علاج اسمهclarenase
ولكنه لم يفيد
فهل عندكم ما يكون اكثر فاعليه؟؟؟؟
اقترح عليكي ان ترسلي الموضوع برسالة خاصة الى اختنا الشيماء فهي

طبيبة و ان شاء الله تجدين عندها حلا مناسبا,ايضا الدكتور و نفرتاري و كثير

من اخوتنا دكاترة المستقبل,بس دول اللي جم ف بالي دلوقتي ^_^
عنونة
12-10-2002, 03:28 AM
:sniff:
eldoctor
12-10-2002, 03:31 AM
عمرك كام سنة .. و هل عماتى تحاليل للغدة الدرقية .. وهل فيه اعراض تانية ؟؟ سرعة فى ضربات القلب او عرق او قلق وعدم نوم..؟؟؟؟
عنونة
12-11-2002, 01:37 AM
شكرا يا اخي الدكتور بتكرمك علي في الرد :sniff:

والله معملتش تحليل للغده الدرقيه :huh:
عمري 21 سنه
الحمد لله معنديش أي مشاكل من إلي ذكرتها بس ما هنالك اني بسهر أحيانيا :ph34r:

سؤال تطلع ايه الغده الدرقيه وايه علاقتها :?small:

سلام
أبوعبدالرحمن
12-12-2002, 04:23 PM
newrealmine
وعليكم السلام ورحمة الله وبركاته
معلش اني مردتش إلاّ دلوقتي، بس أعمل إيه أنا بقيت مطلوب للعدالة، وكل ده عشان بحاول أساعد :sniff:
وعلى العموم الأخ الدكتور تكفل بالرد
وهو له موضوع منفرد عن الصداع يمكن يفيد:
http://64.191.34.200/ib/index.php?act=ST&f=40&t=16811
أبوعبدالرحمن
12-12-2002, 04:30 PM
الدكتور
خلا لك الجو فبيضي واصفري ونقري ما شئت أن تنقري :D
بهزر
جزاك الله خيرا على ردك أثناء غيابي
بيني وبينك أنا مبحبش الباطنة :D
أبوعبدالرحمن
12-12-2002, 04:47 PM
عنونه
وعليكم السلام ورحمة الله وبركاته
معلش أني مردتش وذلك لأسباب لا تخفى على الجميع :sniff:
دعواتكم معانا :D

بالنسبة لسؤالك ده ممكن يكون شيء طبيعي فالناس تختلف من شخص لآخر، ناس عندهم استعدادات وراثية تكون تخينة وناس العكس، ولو مبتشتكيش من أي مشاكل معينة يبقى إن شاء الله مفيش مشاكل، بس ميمنعش نستبعد اي سبب مرضي عشان تطمئني :D
الأسباب المرضية ممكن تختلف من مشاكل هرمونات أو في الجهاز الهضمي أو نفسية أو غيرها
وإذا مبتشتكيش من حاجه معينة يبقى زي ما قلت إن شاء الله مفيش مشاكل
بس انتي بتقولي انه من شهر خمسة بس
يعني قبل كده كان إيه الحال؟
يعني من شهر خمسة بس بدأتي تخسي رغم أن أكلك زي ما هو أو زايد؟
طيب انت بتقولي وزنك 41 :woot:
طيب قبل شهر خمسة كان كم وزنك؟
ونقطة معرفة حالة الغدة الدرقية كما ذكر الأخ الدكتور مهمة هنا

وبالنسبة لسؤالك عن الغدة
الغدة الدرقية باختصار من الغدد الصماء في الجسم يعني الهرمونات اللي بتفرزها بتفرزها على طول في الدم
وهي بتقع في الرقبة
وتفرز هرمونين مهمين ضروريين لتوازن الجسم
لو زاد افراز هرموناتها هتعمل على حرق الطاقة، نتيجة زيادة عمليات الأيض، و من أعراض زيادة الإفراز هو نزول ونقص الوزن رغم كثرة الأكل أو زيادة الشهية، وأعراض أخرى زي زيادة العصبية، زيادة إفراز العرق، والشعور بخفقان في القلب "رقعة في القلب يعني" وزيادة سرعته وقد تحدث رجفة في الإيدين، وقد يصاب بالإسهال، تساقط الشعر، وفي بعض الحالات قد يكون هناك جحوظ في العينين، وقد يكون هناك تضخم في العنق "تضخم الغدة نفسها في مقدمة الرقبة"
وللتأكد بسهولة يتم عمل تحليل لمعرفة مستوى هذه الهرمونات في الدم
أبوعبدالرحمن
12-12-2002, 07:02 PM
وعليكم السلام ورحمة الله وبركاته
غالبا دي من اعراض الحساسية، وغالبا تكون ليها مواسم معينة تزيد فيها الأعراض دي زي فترة الربيع والخريف

الدوا اللي تقصديه Clarinase
وله اسم ثاني هو claritine
وهو من أدوية الحساسية
في أدوية ثانية إذا ده مجبش نتيجة، ممكن اللي عنده حساسية يجرب غيرها
بالفعل لاحظت أنه مش الكل بيرتاح مع نفس الدوا، في ناس ترتاح لدوا معين وناس تانية ميجبش معاهم أي نتيجة
في دوا اسمه zyrtec كثير بيرتاحوا له
والإثنين من الأدوية اللي مبتسببش دوخة كعرض جانبي
في أدوية ثانية بس ممكن تسبب دوخة منها Piriton

وقد يكون من المناسب استخدام بخاخ للأنف
مع محاولة تجنب مسببات الحساية إن أمكن طبعا
x girl
12-15-2002, 12:24 PM
عايزة اعرف ايه هو البروفين؟؟؟
ايه تصنيفه؟؟ مهدئ او مخدر وللا مسكن عادي زي الاسبرين؟
ماهي الكميه المناسبه لانسان بالغ 200 أو 400 أو 500 ملجم؟
هل يسبب ادمان؟
هل له اعراض جانبيه؟ هل يفقد تأثيره مع الوقت؟

جزاكم الله خيرا
نازك
12-15-2002, 01:33 PM
المادة الفعالة هي ibuprofen
ةده بيصنف مضاد للالتهابات غير ستيرويدي
و يوصف للروماتويد و مسكن للآلام المتوسطة وآلام الحيض وكمان بيخفض الحرارة.
اما الجرعة للانسان البالغ فهيفتختلف باختلاف الحالة ولكن لا يجب ان تتعدى ما مجموعه 3200 مجم يوميا للبالغين
و لا اعتقد انه يسبب ادمان

اما الاعراض الجانبية فاساسh بتكون تأثيرات ضارة على المعدة و الجهاز الهضمي و دي بتتفاوت حسب حساسية كل شخص

وعموما اي اعراض جانبية لاي دواء بتعتمد بشكل كبير على استجابة الاجسام المختلفة لتاثيره


ارجو اني ما اكونش غلطت في اي حاجة

ولو غلطت ياريت اللي يعرف الصح يكتبه
أبوعبدالرحمن
12-15-2002, 03:10 PM
أعتقد نازك جزاها الله خيرا جاوبت على التساؤلات
بس بالنسبة للإستخدام على حسب الحاجه وتقدير الطبيب
في المستشفى متوفر منه حبوب 200 و 400 مغ، وبيؤخذ كل 8 ساعات وممكن كل 6 ساعات، كله حسب تقدر الطبيب للحالة، ومتوفر منه شراب
وأعتقد متوفر منه كمان حبوب 600 وحتى يمكن 800 مغ بره في الصيدليات
وأهم شيء أنه لايؤخذ على بطن فاضية بل بعد الأكل عشان ميسببش مشاكل في المعدة لأن ده من أهم مشاكله وأعراضه الجانبية
x girl
12-15-2002, 06:50 PM
أشكركم يا دكاتره

بصراحه ما كنتش متوقعه الرد بالسرعه دي :)

جزاكم الله كل خير

ربنا يخليكم لينا وللقهوة ولكل العيانين :wub:
السفاح بتاع كرموز
12-26-2002, 08:39 AM
سلااااامو عليكو
يا سي الداكتووووووور ..
بص يا عم انت و هو
صوابع رجلي في الشتا بتكبر .. بتكبر اوي اوي
و بتألمني جدا جدا و الجزمة داقت .. و الكتش دااااااااق :(
و مش عارف الاقيها منين و لا منين
العيال كبرو و رجلهم بتكبر .. :( و عاوزين كوتشهاااااااااااااات :zzzz:
لالالا بجد و الله .. المشكلة ان صوابعي بتوجعني و كبرت بجد :unsure:
عاوز حل من جهابزة الطب في العيادة دي :)
و يجعله يخف علي اديكو :D
العنتيل الدامد جوووى
12-28-2002, 12:15 PM
تعرف الفيتامينات بأنها مركبات توجد في الأغذية ومهمة في الحياة والصحة العامة للحيوان والإنسان لذلك فان تناول الفيتامينات بكمية مماثلة لما هو موجود في الحميات المختلطة تكون فائدتها كبيرة لذلك فكمية المتناول مهمة جدا حتى لا يحدث تأثيرات جانبية لأن الزيادة في تناول بعض الفيتامينات قد يتحول إلى سموم أما النقص في تناولها من المصادر الغذائية الطبيعية فينتج عنه أمراض نقص العناصر الغذائية ومنها الكساح والعشى الليلي وغيره.
أنواع الفيتامينات:-
تنقسم الفيتامينات ألي قسمين رئيسيين : 1-فيتامينات ذائبة في الماء وتشمل فيتامينات مجموعة ب ومجموعة فيتامين ج هذه الفيتامينات تتميز بأنها ذائبة في الماء وليس لها تأثيرات جانبية بمعنى أن الزيادة في التناول منها غير ضارة لأن الجسم يتخلص من الزائد منها عن طريق البول لذلك أقرت اللجان الوطنية للتغذية في الدول المتقدمة أن فيتامين الثيامين ب1 و الريبوفلافين ب2 و النياسين و البيوتين والبانوفينييك أسيد والبايرودكسين وفيتامين ب12 تعتبر قليلة السمية لذلك لا تراجع معدلاتها
الفيتامينات الذائبة في الدهون
هي مجموعة من الفيتامينات توجد مع الدهون حيث انه تذوب فيها وكذلك المذيبات العضوية ولاتذوب في الماء وهي أربعة ا A - -د D هه E ك K وتتميز بأنه من المهم تحديد المتناول منها حيث إن الجسم يخزن الزائد ولا يتخلص منه بسبب عدم ذوبانها في الماء لذلك الزيادة منها قد تتحول لسموم لذلك يجب الحذر
aggressive
01-01-2003, 09:18 PM
سوري اصل الظاهر الكلام مش عايز يظهر
المهم الفيتامين هو فيتامين واو
وموجود للاسف في الكوسه
eldoctor
01-02-2003, 03:05 AM
نسيت تقول ان الموضوع ملطوش .. قصدى منقول
عابدة
01-02-2003, 12:31 PM
أنا مريضة بضغط الدم ولكنه الان منتظم لانى باخذ الناترليكس لكن لاحظت أن النبض أحيانا يكون 82 وأحيانا ينط يبقى 106 رغم أن الضغط مضبوط افيدونا أفادكم الله وهل لازم أعمل رسم قلب0
السفاح بتاع كرموز
01-04-2003, 12:57 PM
السلام عليكم
يا جماعه .. يا خبراء الطب .. عندي كام سؤال مجنني :blink:
طرقعة الاصابع .. ما التفسير العلمي لها ؟
يعني ايه اللي بيحصل فيظهر هذا الصوت بتاع الطرقعه ؟
و هل هناك خطورة في الطرقعه ؟
يعني انا مثلا عل طول بطرقع صوابعي
و ليه لما بيطرقعو بيفضلو فترة بسيطة 5 دقايق مثلا و بعد كده ممكن يطرقعو تاني؟
____________________________
تاني حاجة
رفة العين .. لما واحد عينه بترف معناها علميا ايه ؟
و هل لها عوامل نفسية ؟
و هل هناك فرق بين رفة العين الشمال من اليمين ؟
__________________________________
الاسئلة دي محيراني جدا
و لو جابوبتولي عليها يبقي فعلا افدتوني و كتر خيركم
و يجعله فاهم :)
ام نرمين
01-04-2003, 02:54 PM
السلام عليكم


ازيك يا سفاح بقالك مدة مختفى ؟؟؟؟؟
تقريبا كدة من آخر جريمه وانت ولا حس ولا خبر :D :D :D :D

تتصور انا برضه نفسي اسأل على الحاجات دى

اصل انا اختى برضه على طووول بترقع واحيانا كثيرة بترقع كدة من نفسها يعني هى مش بتقصد

ومش شرط تستنى مدة عشان تترقع تاني لأ لو فضلت تترقع من هنا للصبح هترقع برضه :D :D :D

وكما مش شرط صوابعها ممكن كمان اي حاجه تانيه تترقع
انا كنت باسمع ان كدة غلط على الاعصاب بس مش عارفه دة صح ولا غلط
كمان هى في الغالب بترقع من اى حركه يعني مش بمزاجها :) :)

اما عن رفه العين B)

دى بقه تخصصى :)
أبو رقية
01-04-2003, 11:24 PM
المفروض ان لا يفتى والدكاترة في القهوة بس أنا عندي الموهبة من زمان وليا مزاج أعالجك يا سفحفح :D

أنا سمعت والعهدة على الراوي ان طرقعة الاصابع هي عبارة عن أربطة بين المفاصل ده صوت تمزقها والاربطة دي بتتكون كل فترة :wub:


هذا والله وأعلم :)
عكننةهانم
01-05-2003, 04:16 AM
تمزق اربطة دا ايييييه حرام عليك:( :( :(
دا مكنش حد طرقع بعد كده :D :D :D
كل الحكاية (على أد معلومتتي يعني) ان في سائل لزج القوام بيبقى موجود عند المفصل عشان يسهل الحركة يمنع الاحتكاك الشديد لعظام المفصل ولما بنتكى على الأصابع شوية أو بنلويها بحركة غير اعتيادية السائل داه يبخرك من مكمنوه ويفرقع كده وبتخدلها شويا لحد ميرجع مكانوه تاني بس ازاي الله أعلم
وربنا يستر ومحدش مختص يدخل يشوف بلاوي التشخيص دي
السفاح بتاع كرموز
01-05-2003, 07:37 AM
:D :D
شكرا يا جماعه علي آرائكو الجميلة دي :)
و يجعله متأكد :)
eldoctor
01-05-2003, 09:52 AM
لا داعى لرسم قلب ولا حاجة ... و مادام لا يزيد عن هذا المعدل 106 فلا داعى للقلق
أم العيــــــال
01-05-2003, 11:23 AM
:wub: ألف سلامة على احلى عابدة في الدنيا......ان شاء الله الناس الوحشين ^_^



بسسسسست يا دوك.... :shifty: :shifty: :shifty:















:woot: والله واشتغلت يا دوك...... :woot:
أبو رقية
01-05-2003, 04:37 PM
معلش يا سفحفح خد الرأيين دول تصبيرة لغاية ما حد من الحكماء يردوا علينا :D

ربنا يحنن قلبكم علينا :)
شريفه
01-07-2003, 05:10 PM
انا من راى ان المسكنات عامه لا تستخدم الا عند الضرورة لانها على المدى البعيد تسبب سيوله فى الدم و انا عن نفسى نصحنى دكتور انف و اذن الا الجا الى المسكنات مهما كان الالم الذى تسببه الجيوب الانفيه لى ربنا يبعد عنكم الانراض كلها :no: :sniff:
عابدة
01-09-2003, 05:46 AM
شكرا يا دوك ربنا يطمنك لكن كنت عايزة شرح لموضوع أرتفاع النبض وأسبابه :unsure: أم العيال أخيرا أنت فين يا حبيبتى واخبار العيال والعزال أيه ربنا يقويك ومنتحرمش من طلعتك البهية0 :wub:
شريفه
01-15-2003, 12:02 AM
اعمل ايه لما بامشى رجلى العضله عند الفخذ بتشد و المفصل كمان بيطاطا

غير كده مشط القدم بيشد عليا زى ما يكون فى stess friction
DreamAngel
01-26-2003, 05:26 PM
ممكن استشارة يا اسطى‍‍‍:

اسمع يا سيدي : والدتي قالولها إن معاها وزمه في الحبال الصوتيه

والتهاب بالحنجرة مزمن...

ونتيجه لهالمرض معاد طلع صوتها وصارت تحكي بس بالهمس مو أكتر

وما بخفيك أنا خايفة كتير عليها وخاصة إنها بتاخد كورتزون من مدة

وخايفين يكون الكورتيزون بيأثر على صوتها وما تقدر تحكي من أول وجديد

فياريت تعطيني رأيك- ولو بدي اتعبك معي شوي-

وبتمنى يكون بسررررعة لأنوقلبي على نار

والله لا يمرضلكن حبيب
elnounou
02-25-2003, 06:36 PM
السلام عليكم و رحمه الله و بركاته :huh:
با جماعه انا النونو خريج جديد من كليه الطب '>دفعه ماما نفرتارى
اى :argue: اى معلش يا نفرنفر :wub:
انا مقصدش والهى يا نفرتارى مه انت الخير و البركه
بس بجد يا حماعه يا ريت تقولونا نعمل ايه فى الأمتياز علشان اخوك اللى هو انا مش فاهم حاجه خالص
انا عارف طبعا دلوقتى الكل بيقول ان انا عاوز اطفال علشان اسمى النونو طبعا انتوا أذكياء جدا
اه فعلا انا عاوز جراحه :unsure:
اى :argue: اى :argue: اى :argue:
معلش يا جماعه مختش بالى اصدى اقول اطفال :tng:
بجد يا شباب يا ريت اصحاب ااخبره يقولونا نعمل ايه :blink:
و طبعا الأجر و الثواب على الله
محدش يقول يحنن
ده انا نونو اد الدنيا </span>
نفرتارى
03-01-2003, 12:05 AM
واضح يا فالح انهم قالوا لك يحنن00

بس انا فعلا بتمنى لو الدكاتره الكبار يحكولنا عن خبراتهم اثناء الامتياز و اهه لو فيها اخطاء لا قدر الله نحاول نتجنبها000

عموما يلا كلها ساعات و كل واحد فينا يستلم شغله يا باشا000

اقسام الجراحه مستنياااااااااك000
eldoctor
03-01-2003, 12:21 AM
بصوا يا اولاد .. نصيحة بجد .. اشتغلوا جامد جدا فى الامتياز... و طلعوا عين النواب .. اسألوا عن كل حاجة ..واعملوا اللى تقدروا عليه ...زايدة فتق .. خراج ... جبس .. كل اللى ممكن انك تعمله اعمله ...و ما تحطش اراء مسبقة عن اى فرع .. كل معلومة ولو صغيرة بتنفع بعد كده والله ... و فى الاخر ابقى احكم .. ايه التخصص اللى انت ممكن تشتغله .. مش اللى انت عايزه بس .. و خلى عندك نظرة واقعية شوية .. يعنى بص لمستقبل الشغلانة .. يعنى مش كل جراح .. حيبقى مجدى يعقوب .. الموضوع عايز مذاكرة تطلع عينك .. ومكان كويس تبدأ فيه ..
انا مش باحبطكم .. انا عايزكم .. ما تاخدوش احكام مسبقة
elnounou
03-01-2003, 03:10 AM
نفرتارى 0000
اولا ربنا معانا النهارده :D
باقى من الزمن سويعات قليله :argue: و نبدأ الحياه العمليه lolly lolly lolly
ربنا يقدرنا عللا الصحيان بدرى كل يوم :blink: :blink: :blink:
elnounou
03-01-2003, 03:17 AM
الدكتور 0000 :D
اولا ربنا يخليك ان جبرت با خاطرى :) و ما كسفتيش قدام :) ماما نفرتارى
لأنها بتقوللى :( :( يا حنن :unsure: :unsure:
و ربنا يقدرنا و نطلع عيون النواب :P :P :P خصوصا بتع الدفعه اللى قبلنا lolly lolly
اظن يا نفرنفر دول ليهم معزة :argue: :argue: خاصه ولا ايه :angry: :angry: :angry:
muslima-ana
04-28-2003, 12:34 AM
السلام عليكم ورحمة الله وبركاته


حد يعرف ليه ممكن الواحد يمشي وهو نايم

ومش المشي وبس لأ ده كلام وضحك وأحيانا صراخ


طبعا الواحد لما بيصحى من النوم مش بيبقى فاكر حاجه خالص

زي ما يكون مش هو اللي عمل كل ده

بس من غير تريأه لو سمحتم

وجزاكم الله خيرا
حماس
04-28-2003, 02:38 PM
السلام عليكم ورحمة الله وبركاته
متخافيش يا مسلمة :D ناس كتير بيصير معهم هالشي ومن ضمنهم أنا كمان :D بس أنا عن نفسي أوقات بتذكر اني مشيت وأنا نايمة وممكن كمان أعمل حوارات ، يمكن قرأت عن الحالة مرة بس الحقيقة لا أذكر أسبابها ، بس اللي بعرفه انه كتير ناس بصير معهم هالشي ولو مرة أو بشكل متكرر :)
محمود
04-29-2003, 07:02 AM
مش فتوى ولا تشخيص

بس يمكن من الحمل الجسدي او النفسي..

يعني هل اناس هادئي البال يحدث معهم هذا الامر.؟؟؟
elmaystro007
04-29-2003, 12:55 PM
لأ دى رغبات مكبوتة

يعنى أنا لو بتكلم بالليل أولع فى نفسى

(مع الاعتذار للى بيتكلموا بالليل)
أنا بتكلم عن نفسى


أما موضوع المشى دة فدى مصيبة تانية
يمكن أهلة بيقعدوة فى البيت كتير علشان كدة تلا قية بيمشى وهو نايم
المهم الحل عندى







ماينامـــش خالـــــص

والحالة بإذن الله مش هاتيجيلوا تانى ويبقى عدى عليا بعد أسبوع
Simple Girl
05-05-2003, 10:49 AM
أنا بقاللي كام شهر كده بتحصلي حاجة او يمكن تكون عندي من زمان بس كانت اول مرة الاحظها من 3 اشهر كده.
لما ابقى قاعدة او نايمة واقوم فجأة ادوخ واترنح كده ويجيلي عمى مؤقت لمده ثانيتين بس هو مش عمى بالضبط يعني زاي لما تكون في حتة منورة وتدخل على حتة مضلمة فجأة او العكس.
يا ترى ده طبيعي بيحصل لكل الناس والا دي حالة شاذة ولو الموضوع كبير ومش طبيعي تنصحوني بايه او اروح لدكتور تخصصه ايه بالضبط.
والف شكر مقدماً
dada
05-06-2003, 12:41 AM
.... يا أختى العزيزة ..:angelnot:.. الكلام ده طبيعى تماما وبيحصل لنا كلنا .:).. ولكن ...

.... ولكن .... :blink:

المفروض أنه ما يحصلش لو الدورة الدموية شغالة كويس .... بمعنى أنه بيحصل لو فيه شوية ضعف خفيف فى الدورة الدموية ..:bang:.. لذلك ...

... أنصحك بحاجتين اتنين ..... :art:

** أولا ... لازم نحاول نقوى الدورة الدموية بممارسة أى نوع من الرياضة وليكن المشى حتى ولو مسافة بسيطة كل الأيام ....
... ولنتذكر دائما أن خير الأعمال أدومها وإن قل ... كما يقول رسولنا الكريم صلى الله عليه وسلم ... بمعنى إننا لازم نداوم على كم معين من الرياضة كل يوم .... .............. حلو الكلام .....

** ثانيا .... لما نيجى قايمين من النوم نقوم واحدة واحدة ..... يعنى نقعد الأول شوية وبعدين نقوم نقف بعد كده ومش هيحصل الموضوع ده تانى خالص بإذن الله .... :turban:

..... ويجعله بالشفا إن شاء الله ..... :blow:
Simple Girl
05-06-2003, 01:16 PM
متشكرة جداً طمنتني انا فعلاً بطلت رياضة من ييجي كذا شهر بس ماكنتش متخيلة ان ده يكون السبب.
الف شكر :)
dada
05-06-2003, 05:46 PM
كميلة

يوه بقى


يوه بقى



أنا فى الخدمة دايما حنا للسيف إسسعاف
أبوعبدالرحمن
05-29-2003, 09:39 PM
يا جماعة أنا أعتذر، الموضوع ده بالفعل أنا نسيته خالص
وانتوا عارفين المشكلة العيادة اتشمّعت بالشمع الأحمر :siiif:
كله من أبو دومة، والناس الغيرانه تويت
ما علينا، ماشاء الله في دكاتره حلوة ردت في الموضوع وطحياطي لهم جميعا
وجزاكم الله خيرا على ردودكم