سورة البينة

[غــفــران]

انا عندي سؤال يمكن يكون غريب شوية:

انتوا يا جماعة خدتوا سورة البينة في المدرسة؟ انا عن نفسي ماخدتهاش, يعني ما كانتش في منهج الدين اصلا مع انها في جزء عم, و احنا خدنا جزء عم كله ما عدا السورة دي.... يا ترى ليه؟ مش حاجة غريبة برضه؟

لمزيد من التوضيح السورة اهه:


البينة


لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّى تَأْتِيَهُمُ الْبَيِّنَةُ (1) رَسُولٌ مِّنَ اللَّهِ يَتْلُو صُحُفاً مُّطَهَّرَةً (2) فِيهَا كُتُبٌ قَيِّمَةٌ (3) وَمَا تَفَرَّقَ الَّذِينَ أُوتُوا الْكِتَابَ إِلَّا مِن بَعْدِ مَا جَاءتْهُمُ الْبَيِّنَةُ (4) وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاء وَيُقِيمُوا الصَّلَاةَ وَيُؤْتُوا الزَّكَاةَ وَذَلِكَ دِينُ الْقَيِّمَةِ (5) إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا أُوْلَئِكَ هُمْ شَرُّ الْبَرِيَّةِ (6) إِنَّ الَّذِينَ آمَنُوا وَعَمِلُوا الصَّالِحَاتِ أُوْلَئِكَ هُمْ خَيْرُ الْبَرِيَّةِ (7)


الكل يقراها كويس و يحاول يقوللي سبب واحد وجيه ان طلبة الابتدائي يحفظوا جزء عم كله ما عدا السورة دي و لا حتى يسمعوا عنها :o

[نفرتارى]

فعلا احنا مخدنهاش فى منهج الدين000
بس متهيئلى مخدناش الانشقاق و الانفطار0
جايز شايفين ان حفظهم صعب00بس مش معقول دول بيبقوا اطفال و حفظه قران00
00الله اعلم يا غفران00 :unsure:

[غــفــران]

لا يا نفرتاري احنا خدنا الانشقاق و الانفطار (انا عن نفسي خدتهم) و حفظناهم و احنا في ابتدائي و حفظنا جزء عم كله.... كله ما عدا السورة دي مع انها في آخر جزء عم و مش صعبة و لا حاجة و في سور أصعب منها بكتير خدناها و حفظناها.... اشمعنى السورة دي بالذات :?big:

اقري السورة تاني و حاولي مرة تانيه

[غــفــران]

على فكرة يا جماعة اوعوا تفتكروا اننا بامتحنكوا أو باتذاكى عليكوا.... معاذ الله.

انا يا جماعة باطرح تساؤل و عايزة انا و اخواتي في قهوة كتكوت نفكر مع بعض بصوت عالي.... بس

[أحمد رحمي]

السلام عليكم
جزااااااااااكم الله خيرا إنك فتحتى الموضوع ده,مبدئيا أنا كنت بزوغ من حصص الدين فمش فاكر حدتها ولا لأ بس اللى أنا أعرفوه وفهمته منالنفاسير إن الأية دى بتكفر أهل الكتاب للى فضلوا على ملتهم بعد مجىء النبى صلى الله عليه وسلم ,فطبعا إحنا لو درسناها لأطفال إبتدائى هيطلع الواد المسلم و يروح لأخوه(حلوة إخوه دى :D :D :D )و يقولوا إنت كافر فتحصل فتنة طائفية بقى و هلما كبيرة وده طبعا غلط :D :D :D :D لأن الدين لله و الوطن للجميع و إحنا كلنا إخوات و للا إنت إيه رأيك؟؟؟؟؟؟؟؟؟؟؟ :angry: :angry: :angry: :angry: :angry:

[أم العيــــــال]

بيتهيالي انت فاهمه والا مكنتيش تسالتي :): لذا انت بقى اشرحي للجميع ليه ربطتي بين معنى الايات

دي و بين منهج التعليم....... :?big:

[غــفــران]

الأخ ahmedrahmi :tu: :tu:

فهمتيني يا أم العيال :rolleyes:

يعني تخميني طلع صح للأسف :donno:

أنا معنديش تعليق غير حسبي الله و نعم الوكيل :donno:

[نفرتارى]

ايه ده!!!يعنى مدرستنا كانت بتلغى من منهج الدين!!!حسبى الله و نعم الوكيل00
الصراحه الخاطر ده مر بدماغى بس كذبته لان زى ما قلت فى سور تانيه احنا مخدنهاش :!big: :!small:
المهم فى حاله اذا مكنتوش قريتوا فالاستاذ عمرو خالد كل يوم اربعاء فى حوار حى الساعه تمانيه و نص00الموضوع يتعرف يوم الاربعاء00الاسئله تتبعت على فوراسلام00
حتى الان فيه درسين00الشباب و الصيف-العلاقه بين الجنسين و حدود الاختلاط00
انا سمعتهم و هما ظراف جدا و عمرو على سجيته00اسمعوهم00
www.forislam.com
حوار اسبوعى00
سلام :f: :f:

[واحد وخلاص]

يا جماعه المناهج كلها بتتصفى حبه حبه كل حاجه عن اليهود والنصارى بتتسحب
وكمان انتوا عرفتوا ان امريكا الله يلعن اللى خلفوها طلبت تصفيه المعاهد الازهريه فى باكستان واليمن
وبعض البلاد العربيه الاخرى يعنى العمليه مش على اد مصر
هما عايزين اسلام متامرك ( امريكا )
وبعدين احنا كلنا اخوات ويجعله عامممممممممممممممممممممممر

[نفرتارى]

انا مش فاهمه حاجه!!!!البينه مش سوره???? ? ده بجد???

[باكمان]

:o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o :o
ايوري انت بتقول ايه
السوره اللى انت حاططها دى انا عمرى ما شفتها فى اى مصحف اساسا علشان وزاره التعليم تلغيها
ثانيا سوره البينه دى موجوده فى كل المصاحف
فما تحاولش تقنعنى ان كل المصاحف دى مصاحف شيعه
و ربنا قال
بسم الله الرحمن الرحيم
انا نحن انزلنا الذكر و انا له لحافظون
صدق الله العظيم
يعنى السوره موجوده فى المصحف بتاعنا اللى الشيعه بيقولوا عليه ناقص
وبعدين كلام ربنا سبحانه و تعالى بيبان من كلام الناس التانيه
حاجه كده زى الكلام اللى انت كاتبه(اللى الشيعه بيقولوا عليه سوره) بالظبط مالهاش اى معنى


نفرتارى :o سؤالك انتى اللى بجد :?big: :?big: :?big:

[نفرتارى]

طبعا لا 00الغرض الاستنكار!!!

[بيسان]

يا ايوري شو عم تحكي ؟؟؟؟؟؟؟؟؟

المصاحف التي توزعها المملكه العربيه السعوديه فيها سورة البينه وترتيبها 98 وعدد آياتها ثمانية آيات

وهي سوره موجوده في كل مصاحف السنه ولم ارى مصحف واحد يخلو من هذه السوره الكريمه....

وبعدين يا اخي رفقا بنا الله يخليك .....لماذا تخاطبنا وكأننا جهله لا نفهم شيء ....؟؟؟

[IORI YAGAMI]

السلام عليكم
اعتذر بشده يا اخت بيسان على اسلوبى الفظ الملاحظ فى الفتره الأخيره
سامحونى اخوانى
وسأبتعد لفتره حتى املك زمام امورى واعتذر مره اخرى على اسلوبى

[غــفــران]

ايه يا جماعة هو ايه اللي حصل من امبارح للنهارده :o

انا مش فاهمة اي حاجة :donno:

انا اسفة الظاهر ان موضوعي عمل بلبلة :donno:

بس ممكن حد يفهمني ايه اللي حصل?

[7dota masrya]

:exec: يا جماعة سورة البينة انا درستها في المدرسة عادي جدا جدا في دولة الامارات بس مش معنى اني مدرستش سورة معينة يكون معنى ده ان الوزارة حذفتها

احنا درسنا جزء عم بس فعلا مش كله كان حفظ بس عادي اخدناه كله قراءه -_-

وانا رايي ان الموضوع ما عملش بلبلة ولا حاجة ^_^

و بعدين قال تعالى :lb: انا نحن نزلنا الذكر وانا له لحافظون :rb:

مهما حاول حد يغير ولا يلغي ربنا موجود وبقدرته تعالى حافظ للقران

وبعدين نظام التعليم عندنا فعلا متقدم تماما حتى شوفوا :tng:

[غــفــران]

شوفوا يا جماعة :em:

اللي حصل ان انا بدات من كام سنة كده في حفظ القران و قلت ابدا بجزء عم ففوجئت بهذه السورة و لقيت اني اول مرة اشوفها لكني ماخدتش في بالي ساعتها و طنشت و حفظتها و خلاص

لحد ما لقيت السؤال بينط في دماغي تاني: احنا ليه ماخدناش السورة دي في المدرسة? و اشمعنا هيه بالذااات? ووصلت لتصور معين و حبيت اطرح التساؤل ده في القهوة و اشوف مدى تطابق اراء الاعضاء بالتصور اللي انا وصلتله

و قد كان ولقيت رد الاخ ahmedrahmi متطابق مع تصوري

لحد هنا والموضوع كان ماشي كويس... ايه اللي حصل بعد كده معرفش و اعتذر لو كان الموضوع اللي انا طرحته شائك و عمل بلبلة

[الرايق]

أنا مش فاهم حاجه أعتقد إن مداخلات الأخ ايوري إتحذفت فبالتالي الوضوع بالنسبة لي ناقص لأنني لسه شايفه :?big:

حد يفهمني أرجوكم :o

[أم العيــــــال]

مش مشكله ايوري كان كاتب ايه هو نفسه قال سيبوني يومين ارجع لنفسي تاني وارجعلكم....... :):

يا اخواننا حصلت مفارقه غريبه النهارده

كنت بفتح كتاب التفسير عشان ادور على تفسير ايه وسبحان الله اتفتح مني الكتاب على ايه تخيلوا.... :mellow:

فتح على اخر ايات السوره محل النقاش هنا.....والله من غير مقصد ببص لقيت الكتاب مفتوح على اخر ايات في

سورة البينه

عشان كده قررت اكتب لكم التفسير.......بدءا من

الايه رقم 4

(وما تفرق الذين اوتوا الكتاب الا من بعد ما جاءتهم البينه)

يعني بذلك اهل الكتب المنزله عل الامم قبلنا, بعد ما اقام الله عليهم الحجج و البينات تفرقوا,واختلفوا في الذي اراده الله من كتبهم ,و اختلفوا اختلافا كبيرا, كما جاء في الحديث المروي من طرق:"ان اليهود اختلفوا على احدى وسبعين فرقه , و ان النصارى اختلفوا على اثنين وسبعين فرقه , و ستفترق هذه الامة على ثلاث وسبعين فرقه كلها في النار الا واحده",قالوا : منهم يا رسول الله :?small: قال:"ما انا عليه و اصحابي " :!big: :!big:

الايه رقم 6 -8
يخبر تعالى عن مآل الفجار من كفرة اهل الكتاب و المشركين,المخالفين لكتب الله المنزله وانبياء الله المرسله,
انهم يوم القيامه في نار جهنم (خالدين فيها)اي ماكثين فيها لا يحولون عنها ولا يزولون,(اولئك هم شر البريه) اي شر الخليقه التي برأها الله وذرأهاثم اخبر تعالى عن حال الابرار الذين آمنوا بقلوبهم و عملوا الصالحات بابدانهم بانهم خير البريه, وقد استدل بهذه الايه ابو هريره و طائفه من العلماء على تفضيل المؤمنين من البريه على الملائكه لقوله :(اولئك هم خير البريه)ثم قال تعالى: (جزاؤهم عند ربهم)
اي يوم القيامه (جنات عدن تجري من تحتها الانهار خالدين فيها ابدا)اي بلا انفصال ولا انقضاءولافراغ

(رضي الله عنهم و رضوا عنهو مقام رضاه عنهم اعلى مما اوتوه من النعيم المقيم(ورضوا عنه)

فيما منحهم من الفضل العميم



<!--EDIT|om-al'eyaal|Jul 11 2002, 12:45 AM-->

[hhh-hhh]

يجماعة انا برضة ليا نفس التصور
و هوا ان الوزارة مجعلتهاش تدرس عشان متعملش بلبلة
صح
و واضح دة فى كل مناهج الدين لانى مش فاكر ابدا انهم حاطو اى حاجة فةى مناهج الدين عشان يفهمونا زى مالدين بتاعنا بيقول ان المسحيين دول كفرة و اليهود

[غــفــران]

طب بالذمة مش ده حرام؟ يعني همه ممكن يحذفوا آيه واحده من عندهم عشان ما يعملوس بلبلة؟

حسبي الله و نعم الوكيل :angry:

[hhh-hhh]

ماهو طبعا حرام ياghofran
بس المشكلة مين اللى يسمع
و فعلا انا للاسف ليا ناس اعرفهم لسة مش فاهمين ان المسحييين دول كفرة و ربنا قال انهم هايدخلو النار
لو ماتو على كدة يعنى
و دة من سوء التربية فى مصر و عدم تعليم الدين الاسلامى بالطريقة الصحيحة
و دة كان هايغير اوى من نظرة المسلمين ليهم عن دلوقتى

[زلابيا]

معلش يا جماعه لى بعض التعليقات اللى حبيت اؤجلها لبعض الوقت لانشغالى ..

اولا انا اندهشت من تعجب البعض هنا لعدم وجود سورة البينه تحديدا فى كتب الدين الخاصه بالوزاره .. رغم انكم بنفسكم قلتم انه ليس كل جزء عم يدرس فى تلك الكتب فلم تصور ان سورة البينه تحديدا حذفت لغرض فى نفس يعقوب !!! جزء عم لا يدرس بالكامل يا اخوانى ..

ثانيا .. من امتى نحن نتلقى الدين اصلا فى حصص التربيه الدينيه فى الوزاره !! ايه يا جماعه هو بالامانه كده حد اتعلم دين فى مدرسته الا اذا كانت مدرسه اسلاميه اصلا !! انا شخصيا استفدت استفاده محدوده جدا من تلك الحصص ايام ما كنت بالمدرسه !!

ثالثا .. اللى ماشافش سورة البينه من قبل اسمحوا لى اقول انه ليس ذنب الوزاره انه لم يرها .. الوزاره وان كانت حره فى مناهجها فهى لم تحرم ايا منا من الاطلاع على المصحف اللى موجود منه عشرات النسخ فى كل بيت مسلم .. يعنى حتى لو الوزاره نيتها خبيثه فهى لم تمنع ايا منا من رؤية اى شئ بالمصحف .. ولا ايه !!

[hhh-hhh]

ماشى يا zalbia
مهو دليل على ان الحمد لله احنا عرفنا ان احنا شفتنا الصورة فى المصحف الشريف
فدا معناة ان الحمد لله بنفتح المصحف و مش مرتبطين بالوزراة
و لكن فعلا بقى الموضوع دة فتح عينى زى ماقلت ان مش بس هما محطوش السورة دى عشان تبقى ادام كل اللى بيخدو الدين الاسلامى فى المدارس و بس و دا ان ا اعتقد فعلا انة مقصود من الوزراة و خلانى اكرهها زيادة
لا دا كمان انا مش فاكر ان كان فى اى موضوع فى كل السنوات الدراسية بيتكلم عغن حكم اهل الكتاب اللى هما المسحيين و اليهود
ودا برضة اعتقد انة مقصود

[زلابيا]

يا اخى العزيز
انا ماقلتش اننا لا نفتح المصحف
طبعا الموضوع لوحده دليل على اننا بنفتحه
ما وددت ان اقوله ان هناك اشياء فى العباده محتاجه مجهود شخصى منا ولا يجب ان نتوقع ان حد هيجيبها لغاية عندنا .. وبصراحه استغربت من المبالغه فى ظننا ان الوزاره كانت هتحط فى كتابها كل شئ رغم علمنا جميعا ان كتب الوزاره جميعا مش كتاب الدين بس لا تسمن ولا تغنى من جوع ..

ثم لنناقش الموضوع فى حال وجودها فى كتاب الدين .. هل هناك تفسير للسور فى كتب الدين !! ولو وجد كم منا يقراه فى كتاب الوزاره ولا حتى بيبص لها !! يعنى ما الذى تتوقع وجوده تحت عنوان "حكم اهل الكتاب من النصارى و اليهود"؟ انهم كفار مثلا؟ ولا ان طعامهم حلال لنا ولا ان من حق المسلم ان يتزوج كتابيه ولا ايه بالتحديد اللى تتوقع وجوده بشانهم !! احب اعرف لو سمحت ..

[نفرتارى]

بالنسبه لسؤال زلابيا عن حصص الدين و استفادتنا منها00

فى اولى ابتدائى المدرسه نزلتنا المسجد و علمتنا الصلاه و الوضوء00

بس مشوها من المدرسه00

اما باقى سنين ابتدائى و اعدادى كنا مبنخدش حاجه 00او حصه الدين تتقلب عربى لان المدرسه واحده و عاوزه تخلص المنهج او ننزل مع صحابنا المسيحيين اوده درس الدين المسيحى او نزوغ00

ثانوى بقى رجعنا للاستفاده بس ما كانتش استفاده دينيه00

مدرسه الدين ما كانتش محجبه و كانت مدخنه00اه و الله00و الولاد كانوا بياخدوا منها سجاير00

قعدنا شهر فى مناقشه قصه اولاد حارتنا لنجيب محفوظ00و اسبوعين بتعلمنا ازاى نعمل طفاشه و الولاد فعلا نفذوها و رجعوا بشروها انهم فتحوا عربيات اهاليهم00و علمتنا ننفض سريرنا قبل ما ننام و نقرا ايه الكرسى عشان الجن و قعدنا بتاع شهر كلام عن الجن 00و ما فيش مانع انها تحكى عن الخناقات اللى بتتخانقها فى الشارع و انها شايله معاها بنيه حديد فى العربيه00

بس و ثانويه عامه مكناش بنحضر اصلا و تقريبا ما كانش فيه حصص دين00

حسبى الله و نعم الوكيل00

[الرايق]

ممكن اعرف مدرسة دي ولا دار تأهيل الأحداث

[نفرتارى]

مدرسه00و مدرسه خاصه كمان00

هما كانوا مهتمين باللغات الصراحه لكن حصه الدين نووو00

تقريبا المدرسه هيا اللى كانت خريجه الاحداث00

بس و الله يا رايق كل مفتكر حصه الدين و المدرسه داخله لابسه بنطلون سترتش و حطه فى بقها السيجاره و ترمى العلبه و الولاعه ع المكتب ابقى هموت على روحى من الضحك000

ماما لما جت مره اجتماع اولياء الامور كانت فاكراها مدرسه انجليش او ساينس-علوم- الستايل كان يوحى بكده00

اهى اياااام000العيال كانوا بياخدوا السجاير منها و لما كانت تصغرلهم يبوسوا راسها00

[hhh-hhh]

على فكرة يا nefertari79 انتى اسلوبك جميل و ممتع و الله فى السرد
انا اعت اتخيل المدرسة دى و اضححك
و بالنسبة للاخت zalabia
انتى تؤمرى طبعا
احسن حاجة فيكى يا زلابية و اللى انا ملاحظها فى كل اللى فى المنتدى دة انكم شباب لطيف مهذبين جدا فى كلامككم حتى لو فى اختلاف
بصى يا زلابية بالنسبة لموضوعنا:
انا عايز اوصل معاكى لحاجة معينى
انا عارف طبعا ان مناهج الوزارة متنفعش
لكن انا اقصد انهم لم يتطرقو و لو بالسيط جدا لموضوع حكم اهل الكتاب و دة فعلا انا لاحظتة لما الاخ صاحب الموضوع كتبة
مش موضوع مناهج المرة دى ماههو ممكن يدوو حتى و لو نص درس كلمة حتى تبين حكمهم او حديث او اية
لكن دة محصلش
عمرى مافتكر ان دة حصل معايا
اما بالنسبة لمدرسين الدين فانا اللى فاكرة ان كان فى مدرسة طيبة اوى و انا فة خامسة ابتداءى كان اسمها ميس نوال هيا دى الوحيدة اللى كانت فعلا مخليانا مهتمين بالدين زى المناهج التانية بالضبط حتى بعد مالترم الاول ماخلص كان المفروض السورة اللى كانت علينا و هيا سورة القمر كانت خلاص يعنى خلصناها و امتحنا امتحان التيرم و علينا بقى السورة بتاعت النص التانى لكن تسداءو اننا كنا لسة حافظنها حتى فى التيرم التانى و كانت هيا بتفكرنا بكدة و بتعد تسمعهالنا ساعات رغم اننا كنا امتحناها خلاص بس بقيت السنين طبعا و لا فاكر اى حاجة او ماهوا قليل جدا

[فراولة]

يا جماعة انتوا بتناقشوا إيه
الموضوع خلصان من الأول
إذا كانت مادة التربية الاسلامية أصلا مادة نجاح بس
تفتكروا حد من الطلبة حايهتم بيها
طب أنا فاكرة وانا فى تالتة إعدادى كنا فى الامارات وكنت بامتحن فى السفارة والامتحانات كانت بزرميط كلها غش
وكان فى سؤال عن أركان الوضوء
تخيلوا إن فى اللجنة كلها وكنا بيتهيأ لى أكتر من 50 ما حدش كان عارف الاجابة غيرى

[hhh-hhh]

ايوة بس احنا يا فراولة مش بنتكلم على عدم الاهتمام بالمادة التربية الدينية الاسلامية يعنى
لكن فى اخ لاجظ حاجة معينة و احنا بنتناقش فيها
و انا شخصيا فعلا لما فكرت فيها لاقيت انة صح
فياؤيت تقرى الردود الاخيرة و تقولى ملاحزتك تانى يا فرتولة اذا كنتى فهمتى اصدى

[فراولة]

أيوة يا hhh-hhh
أنا طبعا فهمت قصدك
بس اللى أنا أقصده إن الوزارة أصلا مش مهتمية بالتربية الإسلامية أصلا
فما جاتش بأه على سورة البينة ولا الآيات بتاعة المسحيين <_<

[hhh-hhh]

طب كويس ان انتى وصلتى معايا للنقطة دى بقىماهو دة اللى بنتكلم عنة عارفين انهم مش مهتمين بالتربية الدينية الاسلامية
لكن حتى لو فى عدم اهتمام كان المفروض برضة يتعرضو لموضوع حيوى زى دة
هما مش هبل يعنى
معلش ماهو احنا برضة خدنا الزواج العرفى فى منهج الدين
يعنى هما عرفةو اهو يحطو الامور المستجدة فى كتب الديم و مش عارفين يحطو حاجة من صميم العقيدة زى حكم اهل الكتاب من حيث التكفير و كدة
طب ازاى

[فراولة]

Originally posted by hhh-hhh@Jul 23 2002, 09:43 AM
ماهو احنا برضة خدنا الزواج العرفى فى منهج الدين

ويا ريتنا ما خدناه ;)
ماهو كانوا كاتبين عليه إنه مكروه مش حرام :o
يا صلاة النبى :lolo:
لأ وخدناه إمتى فى ثانوية عامة يعنى سن المعمعة :hehe:

[نفرتارى]

يا دكتوره فراوله00

توضيح لابد منه الزواج العرفى اللى هوا زواج و اشهار و كله لكن غير موثق 00يعنى مش فى دفر ماذون00و ده بولى و مستوفى الشروط الدينيه زى دلوقتى القبايل و البدو و كده00

اما اللى الشباب بيعملوه اليومين دول فاسمه زواج سرى و ده غلط ميه فى الميه و مش بيتبعوا شروط الزواج الدينيه و هوا ده اللى حرام00

هيا المداخله دى جايز مش مكانها بس يعنى لازم فيه حاجات تتوضح00و لا ايه؟؟

[hhh-hhh]

كويس و الله يا nefertari79انا استفدت بجد من كلامك
بس انا كنت عايز اءول حاجة على حكاية المدرسة بتاعتك دة بتاعت الدين انا كل مبفتكر كلامك عنها بضحك
دنا حتى عملتsave للصفحة اللى انتى كاتبة عنها فيها و وريتها لصحابى و اعدو يدحكو اوى على كلامك هاها
بس بالنسبة لفلراولة
انا مش فاكر بالضبط و الله يفراولة هما كانو كاتبين اية بالضبط فى الموضوع لكن انا عايز اوصل معاكى لنقطة معينة
انتى شايفة فعلا ان الوزراة مش حاطة اى حاجة تبين حكم اهل الكتاب من حيث يعنى الكفر و كدة فى جميع كتب الدين بمختلف مراحل التعليم بقصدهم و لل دة نتيحة انهم مش مهتمين بالدين ؟

[إنسان]

يا جماعة الموضوع مش منهج التعليم اللي إحنا عارفين كلنا إنه لايسمن ولايغني من جوع.
وبلاش نقعد نقول دي أصلها حملة أمريكية على الإسلام وندخل في مواضيع ثانية.
إذا كان عدم إدراج سورة البينة في منهج الدين مقصود من القائمين على النظام - لأي سبب -
مطلوب مننا إيه نعمله
كلكم راع وكلكم مسئول عن رعيته
دور البيت في التنشئة الدينية أهم مليون مرة من المدرسة , لأن ربنا خلقنا كلنا على الفطرة وهي الإسلام والولد الصغير بيشوف أبوه بيصلي وهو عنده سنتين وثلاثة يقوم يعمل زيه ويصلي ويقول الله أكبر. ليه بيقلد أبوه في السن الصغير ده رغم إن أبوه بيعمل حاجات تانية وممكن مايقلدوش.
والبنت الصغير برضة تيجي تحط على شعرها أي شئ إيشارب .. فوطة .. وتيجي تصلى برضة وتقول الله أكبر ليه ؟ لأنها بتشوف أمها بتعمل كده .. وليه الله أكبر لأن دي هي الفطرة
ويوجد حديث لا أتذكر نصه وأتمني من أحد الإخوة تصحيح ذلك إذا لزم الأم , وفيما معناه " أن الإنسان يولد على الفطرة وأبواه يهودانه أو ينصرانه " . يعني الأساس على الأب والأم وهما الأساس في تزويد الأبناء باللبنات الأساسية في التعليم الإسلامي , وبعدين لما الطفل يكبر يبقى عنده الأساس والوازع الديني ولما يبدأ التمييز بتكون فطرته الإسلامية موجودة داخله وبتأثر على كثير من تصرفاته وأفعاله.
أذكر أنني في سن السابع كنت أذهب إلى المسجد بانتظام , وكان والدي في الإجازة المدرسية يعطيني سورة صغيرة لأحفظها ويسمعها لي بعد عودته في المساء. ووالله ما حفظت شئ كثيرا بعد ما حفظته وأنا صغير.
أتذكر شئ آخر
في الصف الثاني الإبتدائي في مدرستي الحكومية كان مدرس الفصل مسيحي وكان يعطينا مادة التربية الدينية ونحن مسلمون. وحسب ما أتذكر أنه كان يأخذ الموضوع كأنه حصة قراءة ولكن مافيش مانع إنه يقول حاجة كده والا كده , وطبعا إحنا أطفال ومش فاهمين إيه اللي ممكن يتزرع جوانا وإحنا صغيرين.
الموضوع ما استمرش كثير لكن ده حصل لفترة.
الخطأ وارد والفساد موجود في كل مكان. ولكن أين نحن من كل هذا ؟ هل نعتمد على أنفسنا أم ننتظر أن يعطونا ديننا بالملعقة أو في حقن وكبسولات.
أعرف شخصيا من تعرض للوقوع في الخطيئة ولم يرده غير الوازع الديني الذي تعلمه في الصغر.
ماذا ننتظر ؟
سوف يحاسبنا الله على ما فرطناه في ديننا.
علينا أن نبدأ بأنفسنا أولا ثم بأولادنا في الصغر.
والله ولي التوفيق.

[جبيلي]

يقول الرسول صلى الله عليه وسلم فيما معناه ( من أنكر حرفا من القرآن فقد كفر بما انزلعلىمحمد أي كافر خارج من الملة فما بالكم اذا نزعت سورة كاملة من القرآن أو عدم الاعتراف بالسورة لابد من رفع الموضوع للمسؤلين خصوصا ان سورة البينة تدين الكفار وتعرفهم بمصيرهم ان لم يسلموا وشكرا للجميع

[غــفــران]

هو الموضوع ده اتنشط امتى؟؟

[نفرتيتى]

ازيكم انا اسفه جدا جدا على الاسلام والمسلمين انتو ياجماعه بتشككوا كمان فى القرءان اعوذ بالله

[نفرتيتى]

احنا بعدنا اوى عن دينا عشان كده الهلاك نازل علينا من كل اتجاه ومصيبتنا لالاسف فى دينا والكلام ده مننا احنا علشان بعدنا عن القرءان والسنه والاهم ان احنا ننفذ ده كله
العيب مننا احنا مش من حاجه تانيه ونقعد بقى نغنى ونرد على نفسنا

[نفرتيتى]

اخى انسان جزاك الله خيرا على ماقولت وانا متفقه معك فى نفس الرد وقبل القول يجب ان نعمل من اجل الله اولا ثم من اجل رسولنا ثانيا ثم من اجل الاسلام ثالثا واخيرا من اجلك ايها الانسان

[ام سلمى]

الموضوع حلو
بس ماخدش حظه فى المناقشة
واظن انه نظرا للظروف الحالية
مش عارفه هياخد حظه ولا لاء
هو ونصيبه بقه :twee:
حد فيكوا اصلا شاف مناهج الدين اللى بتدرس للمرحلة الابتدائية
حاجة تكسف
وبعدين فيه سور وآيات بعينها
بعد معاهدة السلام
طالبوا وبكل بجاحة حذفها من المناهج التعليمية
وكذلك عدم تكرارها بكثرة فى وسائل الاعلام وده واضح جدا
الله يرحمه الشيخ الشعراوى
ويرحم احاديثه اللى اتشالت من التلفزيون المصرى