قناة مصر السياحية

[غــفــران]

حد يا جماعة شاف القناة دي قبل كده؟

مش ممكن تكون دي قناة بتحمل اسم مصر :donno: قولولي انها قناة مدسوسة على مصر و مش قناة مصرية فعلا لكن محدش يقوللي انها قناة بتدعو السياح لزيارة مصر :o

انا مش عارفة طبعا أوصف اللي بييجي فيها, لكن يكفي اني أقول ان القناة دي زي ما تكون بتقول للسياح: تعالوا مصر, اوعوا يغركم اننا اسمنا دولة اسلامية لا لا لا لا احنا عندنا الشواطئ منفتحة ع الآخر, حتى شوفوا (منظر شاطئ منفتح ع الآخر و مليان سياح منفتحين اكتر منه) و عندنا كمان كباريهات و رقاصات انما ايه :tu: حتى بصوا (منظر رقاصة بترقص في منتهى الخلاعة و لبسها منفتح طبعا) :angry:

هيه دي مصر يا عبلة.... أصدي يا اخواني؟ معقول؟ :o :o :o

معلش يا جماعة اني باحرق دمكم لكن انا فعلا دمي محروق بجد :maaad:

يعني يتحرق دمي لوحدي؟

[هريدي يابووووي]

سياحية ايه و بتاع ايه؟؟ انتى ماقريتيش الإسم كويس يظهر..
اسمها "قناة النيل للدعارة" :blink:
و هى السياحة ايه فى حد ذاتها؟؟ السياحة فى بلدنا للأسف هى اننا نجيب السياح الكفار.. و نوفر لهم بنات مسلمات يرقصوا لهم و يقضوا فيهم شهوتهم.. و نغمى عنينا عن المساخر اللى بيعملوها مع السياح مع الـgirl friends بتوعهم.. و نقدم لهم أفخر أنواع الخمور..
هى دى السياحة.. و بعدها بنتسائل ليه ربنا بيعمل كده فى البلد.. و ليه مافيش بركة؟؟ طبعا من حنفية المال الحرام اللى مفتوحة على البلد..
ربنا يعافينا جميعا و يزيل عننا الغمة

[نفرتارى]

الحقيقه ان بمناسبه الموضوع دا00احب احكيلكوا عن موقف حصل لزملاء ليا00احنا المفروض ان الكليه عندنا فيها برنامج تبادل طلابى و هوا ان ييجى ناس نستضيفهم و يروح من عندنا ناس00الموضوع كان ماشى كويس لغايه ما جه جروب سلوفاكيا00بالصدفه اتنين من الجروب صحاب زى ما بالى بالكوا فطلبوا ينزلوا فى اوده واحده00طبعا المسئول من زملاءنا ثار و رفض قاموا طالعين يشتكوا للدكتور المسئول-مصرى-قام هوا استدعى زملاءنا و اتفق معاهم انهم بدل ما كانوا بينزلوهم فى فندق واحد00يودوا البنات سكن طالبات و الولاد فى بيت شباب و طبعا مفيش بنات000متفهموش بقى عن طريق النت بلغوا زملاءهم فى سلوفاكيا و من الحظ ان اللى كانوا مسافرين من هنا بنات00قاموا منزلينهم فى بيت طلبه و كل اللى فيه ولاد00و كام بنت ايطاليه و حمامات مشتركه و مفيش نظام قفل حمامات لانهم كانوا ضمن التهريج يفتحوا الحمامات على بعض00و كاسرين الاقفال00البنات بتوعنا بقوا مقضيينها فى الشارع و يرجعوا يقفلوا اودتهم و سامعين بلاوى و عياط عياط00المهم قابلوا واحد فلسطينى ابن حلال عنده جيم او بتاع صاحبه و اداهم مفتاح و بقوا يستحموا فيه بس بعدين رجعوا نقلوهم بيت طالبات بس بعد اسبوع من مفاوضات و كنا هنا بنودى زمايلهم الاقصر و شرم000
انا عارفه ان دا موضوع مختلف بس هو فيه نفس فكره هريدى ان الاجانب بييجوا هنا و هما معندهمش استعداد لاحترام تقاليدنا و ده لاننا عمرنا ما فكرنا نتكلم او نوصلهم انطباعاتنا دى000
السنه اللى بعديها جم الاتنين اياهم بس متكلموش انهم يناموا فى اوده واحده بس كانوا حبوا مصر00
الصراحه انا بحيي زميلنا اللى خد موقف صلب و ما هموش غير دينه00 يا ريت المسئولين عن القطاع السياحى يبقوا زيه :f: :f:

[غــفــران]

مثال بسيط من ايران:

مافيش حاجة اسمها واحده تمشي في الشارع من غير حجاب لا اجنبية و طبعا و لا ايرانية يعني بيجبروا الأجانب انهم يلتزموا بالزي الاسلامي و هم من هم, شيعة :donno:

[أميرة]

حسبي الله و نعم الوكيل

[فراولة]

كلامكو فكرنى بكلمة كان قالها محمد نجم فى إحدى مسرحياته

كان بيتكلم عن الخمور اللى إحنا بنوفرها للسياح

وراح قايل : قال يعنى يوم القيامة وزير السياحة حايوقف قدام ربنا ويقول له معلش دول حسابهم عندى

[الننوسه]

:td: [FONT=Arial][SIZE=7][COLOR=purple][I][B]
بسم الله الرحمن الرحيم
والله يا جماعه انا ماعارفه اقول ايه المشكله اني مصريه عايشه في السعوديه :exec: :td: ومع ان المفروض ان يكون الناس غايه في الادب والاحترام الا ان الناس بيفكروا ان كل المصريين زي ما بيشوفوا في الافلام والمسلسلات :td: وطبعا معاهم حق لاننا لو بنصدر صوره حلوه عن بلدنا مكنش حد منهو او غيرم من دول اخري كان قدر يقول كلمه واحده :angry: :angry: بس هنعمل ايه لو كان المسؤلين عن البلد وضح المانظر الطبيهيه والشواطئ وغيرها من الاماكن مكنش حد اتكلم ده المصيبه انهم ساعات وفبرامج تذاع علي الفضائيات يظهروا اماكن غايه في القذاره الموجوده في كل بلد لكن الناس بتداري علي شمعتها لكن احنا لازم ننشر غسيلنا قدام الناس ونرجع نقول السياحه مضروبه :mellow: :mellow: طب مهو انتوا السبب ;) ;) بس هنعمل ايه ربنا معانا
والسلام عليكم

[محمود]

فعلا يا جماعة
الننوسة اثارت نقطة مهمة
اغلب الناس اللي بتيجي مصر بتبقى فاكراها زي ما شافت ف الافلام و المسلسلات مع ان الواقع غير كدة خالص
يا رب اهد بتوع الاعلام و لاتعاقبنا بذنوبهم -_-

[أم العيــــــال]

ربنا لا تؤاخذنا بما فعل السفهاء منا................ :(

[غــفــران]

ماهو طبيعي يا جماعة ما دام ما بيظهرش في اي قناة فضائية مصريه سواء خاصة او تبع وزارة الاعلام اي واحده محجبه لا مذيعة و لا غيره- زي ما تكون مصر دي مافيهاش محجبات - و ان ظهرت في مسلسل مثلا فهي للتريقة او انها مسكينة مضللة و محتاجة لحد يفهمها :angry:

[منة الله]

السلام عليكم و رحمة الله و بركاته
لى ملحوظتين على الكلام ده
اولا
يا حضرات فيه واحده علقت على الموضوع ده و هى بتقول حسبى الله و نعم الوكيل و هى بتدعى عليكم تعرفوا ليه لانها شيعة (ارجعوالموضوع زواج المتعة عند الشيعة فى قضايا و حوار و انتم تعرفوا)
ثانيا
بالنسبة لكلام التنوسة اوافقها ان افلامنا شوهت سمعتنا و جعلتهم يتصوروا ان مصر كلها عرى و انحلال و فى الغربة التى اعيش بها بالامارات فقدت احدى صديقاتى و هى من جنسية بلد عربى شقيق للسبب ده فكلما دعوتها لزيارتى قالت انتم يا بنات مصر عادى تخرجوا لوحدكم فأغضبنى ردها لان زيارتها لى لاتستدعى حرس شرف لانها تسكن فى المبنى المقابل لبيتى و انفعلت عليها و عرفتها اننا نراعى الله فى تصرفاتنا و بلاش الطريقة دى فى الكلام طالما طلبت الاذن من زوجها فليس عليها حرج
وخسرتها للابد بعد ذلك لانى طلبت منها المساعدة بان تطمأن زوجى المسافر على لتعطل تليفونى و كررت نفس الكلام اننا متساهلين كيف ست تكلم رجل غريب فقلت لها احنا مش متساهلين انتم اللى واخدين عنا فكرة غلط و اتبعتها بمحاضرة عن مصر و المصريين و قلت لها فوقى بقى من الافلام العربى دى احنا و الحمد لله بخير بس انت اللى جاهلة و قطعت صلتى بها بسبب فهمها الخاطئ عنا مع انها لم ترى منى غيركل خير و كان تعارفنا فى المسجد و ترانى ملتزمة بالزى الشرعى للمسلمة بس اتصدمت ان فيه ناس واخده الفكرة دى عننا

[وائل]

بالفعل والله كلامكم صحيح
المسئولين فى مصر يقومون بكل ما هو مستفز
وإذا تكلم احد يردوا شفت الارهابيين
عايزين يخربوا على مصر وشباب مصر وفرص العمل اللى جاية من السياحة
ونسوا قول الله تعالى
وإن خفتم عيلة فسوف يغنيكم الله من فضله

هل تعلموا يا أخوانى واخواتى أن هذه الآية نزلت عندما امر الله المسلمين بمنع المشركين من الحج لبيت الله الحرام فقال البعض أن الفقر (العيلة) سيصيبهم جميعا وستقف تجارتهم

ولكن من (من المسئولين طبعا ) يسمع ويحاول أن يرضى الله أولا وأخيرا؟؟

الحمد لله أننى لا املك طبقا لاستقبال هذه القنوات وأعتبر نفسى فى نعمة كبرى

طبعا مصيبة منع المحجبات من الظهور على الشاشة تستفزنى
شوف مثلا الاعلان عن جمعية المستقبل
كأن كل شابات مصر غير محجبات مع ان الواقع بيقول العكس تماما

ومع كل ذلك فأنا دائما متفائل لأنى أرى الخير فى هذا البلد
مهما شوهوا صورتنا

[غــفــران]

Originally posted by منة الله@Jul 7 2002, 06:53 AM
السلام عليكم و رحمة الله و بركاته
لى ملحوظتين على الكلام ده
اولا
يا حضرات فيه واحده علقت على الموضوع ده و هى بتقول حسبى الله و نعم الوكيل و هى بتدعى عليكم تعرفوا ليه لانها شيعة (ارجعوالموضوع زواج المتعة عند الشيعة فى قضايا و حوار و انتم تعرفوا)

تقصدي مين يا منه? اوعي يكون قصدك اميرة :o

اميرة دي صحبتي على فكرة و هيه بنوته سكره خالص و مالهاش في اي حاجة :(

انتي مش قصدك اميرة و انا اختلط علية الامر... صح?

[منة الله]

شكرا للتنبيه يا أخت غفران جزاك الله خيرا
اتضح ان هناك 2 اميرة بالقهوة واحدة بالعربى و التانية بالانجليزى
أميرة اعتذز لك لان فيه واحده من الشيعة اسمها amira تدخلت فى موضوع زواج المتعة عند الشيعة و الحوار معها مستفذ و يخلى الواحد نفوخه يغلى
مرة اخرى اعتزر لاميرة( بالعربى) :f: :f: :k: :present: :h: كل دول لها

[الرايق]

مصر السياحية تقدم الحقيقة المرة
تقدم أسوأ ما عندنا و لكنها الحقيقة المرة
لقد كنت أعمل في يوم من الأيام في الشرم و كنا نبكي في رمضان من العري و الخمور و نحن صائميين
أنا أعترض على القناة الإباحية هذه و لكنني أعترض أكثر على ما يحدث داخل مصر

[bakar]

بمناسبة الموضوع دة فى قناة الدريم المصرية برنامج على ما أعتقد هو برنامج يومى بيعرض
على الساعة 4.30 المهم بيعرضوا البرنامج 3 بنات أخر مسخرة لبس أة اللى لبسينة دة والمشكلة
المواضيع المعروضة
كيف للبنت أن تقول للولد أنها تحبة ؟
أخر مسخرة

[منة الله]

بالاشارة للبرنامج اللى ذكره الأخ بكار المرة الوحيدة اللى وقعت عينى عليه و شاهدت الخلاعة و الانحطاط الاخلاقى للمذيعات و سمعت ما لا يرضينى قررت الا اترك لنفسى و اولادى المجال لهذا الفسق و الفساد
اما ما سمعت أعوذ بالله
كانوا بيتكلموا عن الحب و علاقته بالاحترام و انهم يجب ان يقرنوا ببعض و استضافوا يومها دكتور نفسى على ما اعتقد المهم الكلام خد بعضه و سيادة الدكتور المحترم وصل لنقطة هل ممكن اخاف من انسان و احبه فى نفس الوقت زى علاقة الابن بالاب او الام او المعلم ...الخ
و قال لا يجتمع الحب بالخوف ابدا يعنى ازاى مثلا احب ربنا و انا بخاف منه ما ينفعش :!big:
تخيلتم ايها الاخوة من يتحدث و مع من :?big: اترك الاجابة لكم
و يقولوا اعلام هادف

[فراولة]

أختى منة الله
ما تنرفزيش نفسك ولا حاجة
الحكاية ببساطة إن الأسطى الدكتور ده إجابته متوقعة
لإن اللى زى دول لا بيحبوا ربنا ولا بيخافوا منه :donno:

[ام عمرو]

والله يا منه ويا فراوله ويا غفران
هما فاكرين ان الخلاعه دى هى التحضر وهى التكنولوجيا بقى وهى جت على القنوات دى وتنضم اليهم قناه المنوعات بتاعه البايخه السخيفه سلمى الشماع والمذيعات اللى فاكرين نفسهم مذيعات قنوات باريس حتى قناه المحور برضه وعلى رايكم قال اعلام هادف قال
امال لو ماكنش هادف كان يبقى ايه بس
تصوروا قناه المحور مره عملت برنامج عن اللى غنى عادى فى المعادى وكذلك فى الزمالك
اساسا شكله كده استغفر الله العظيم والذيعه بتتراقص معاه وهو كانه شارب حاجه ولا شامم حاجه
وحاجه فى منتهى السخافه بس الحمد الله قلبت لقيت فى دريم محمود الجندى كان بيتكلم عن هدايته وقلت سبحانك يا ربى على التناقض ده ناس ربنا بيهديها وناس ربنا باعدها عنه
ربنا يهدينا جميعا ويقوى ويثبت ايمانننا امين يا رب :f:

[الننوسه]

بسم الله الرحمن الرحيم
يا جماعه للاسف الشديد موضوع الفكره الخطاء اللي العالم العربي واخدها عننا سببها السياسه الاعلاميه الخطاء لان لو الشباب والشابات اللي بيطلعوا بيشوفوا قدوه حسنه من ممثله مشهوره التزمت واتحجبت او ممثل اتجه اتجاه صح في التمثيل كانوا هيطلعوا هما كمان زيهم او علي الاقل نصفهم :tu: :tu: لكن المصيبه الكبري انهم مبيشوفوش الا كل ما هو يشجع علي الغلط وطبعا الاصلاح بيكون صعب :td: :td: يعني لو تتعمل برامج للناس اللي التزموا وتعرض البرامج ده علي القنوات الارضيه والفضائيه المصريه كان العرب اللي يشتموا فينا وبيتهموا غلط :argue: علي نسبه قليله فاكرن ان البلد كلها كده كانوا شافوا الوجه الصح للموضوع :2: لكن للاسف زي ما قلت الاول احنا غاوين ننشر غسيلنا قدام الناس بالرغم من اني هنا بشوف مصايب من بناتهم نفسهم لا يمكن تتوقعوها ولا تشوفوها لكنهم ولا حتي يكتبوا عنها في الجرايد لكن احنا لو فيه ايه تلاقي كل العالم عرف ايه اللي حصل في الحاره الفلانيه في الشارع الفلاني في المنطقه الفلانيه وبالتالي هما مش مبيغلطوش لكن بالعكس دي اخطائهم تفوقنا مليون مره لكن مبيفضحوش نفسهم بس هنعمل ايه رببنا معانا ويرحمنا في غربتنا :wub:
والسلام عليكم
_____________________________________
:f: لو قالوا لك الدنيا جميله لا تصدق **فالدنيا غابه ونحن الوحوش :f:
:f: لو قالوا لك المال سعاده لا تصدق**فالمال ورقه زينتها النقوش :f:
:f: لو قالوا لك الجمال سحر لاتصدق **فالمال ورقه زينتها النقوش :f:

[غــفــران]

كلام الننوسة صح و الدليل على كده ان وزارة الاعلام لما قرروا يعملوا قنوات متخصصة, عملوا اللآتي:

* قناة النيل للأخبار (قناة للأخبار اللي معظمها أخبار بايتة يعني مافيش سبق او انفراد واحد)
* قناة النيل للأسرة و الطفل (قناة للطفل و فرح كليب)
* قناة النيل للممنوعات.... أقصد للمنوعات (بيختاروا و يتحروا بدقة كل ما هو تافه و سخيف و مائع)
* قناة النيل للدراما (قناة شغالة 24 ساعة و مش بتجيب اي حاجة جديدة غير مسلسلين و البقي كله قديم)
* قناة النيل الثقافية (ما بتجبش اي حاجة خالص) :o
*قناة التنوير (معرفش عنها اي حاجة خالص غير انها أكيد تبع وزارة الكهرباء)

كل القنوات دي و نسيوا يعملوا قناة دينية, او ممكن يكونوا ما نسيوش بس لكن لقوا انهم مش هيلاقوا حاجة يجيبوها بعد ما يفلتروا المواضيع اللي هيتكلموا فيها و يبعدوا عن مواضيع فوائد البنوك و الحكم بما أنزل الله, و باقي المواضيع المحرمة دي.

و ممكن كمان انهم يكونوا فكروا يعملوا فناة دينية لكن لقوا ان البلد فيها دين اسلامي و دين مسيحي, فخافوا لا المسيحيين يزعلوا فخدوها من أصيرها و قالوا بلاها القناة الدينية دي اللي هتجبلنا وجع الدماغ.

عرفتوا ليه صورة مصر زي الزفت؟

[7dota masrya]

:closeeye: [COLOR=blue] الحل هو القوة ... قوة الاسلام والمسلم و دينه ولما نغير الي فينا المجتمع كله هيتغير على ايامنا او ايام ولادنا مش مهم المهم نربي صح نزرع الدين بس الدين القويم نركز على الدين نخليه في كل حاجة زي ما الداعية عمرو خالد قال مره ما معناه ان النظافة تدين والمعاملة السمحة الناضحة للغير وعدم زرع كراهية بينا و بين غيرنا ده تدين وكمان العمل اتقان العمل تهذيب النفس نبعد عن مواطن الشبهات
انا رأيي ان التلفزيون مهم بس نوظفه في مكانه.

لما نفهم ديننا كويس ونغير اللي في نفوسنا من ضعف ربنا هيغيرنا بل وهينصرنا ولو كنا قلة بس اي قلة :exec:

قلة فهمت ووعيت

نفسي السطحية تروح مننا في نظرتنا للدين ونسال نفسنا بهدوء ليه اسرائيل احسن مننا برضه بهدؤ لازم نعترف بانهم كده علشان هما مش قضيتهم الدولة لالالالالا اقضيتهم دين دينهم اللي باختلاف فصئلهم اجتمعوا عليه لكن احنا قضيتنا فلسطين مش المسجد الاقصى قضيتنا دولة محتلة مش ارض مقدسة يوم ما الدم يغلي والدين يغلب ضعفنا ويكون قضيتنا في ديننا ربنا هينصرنا و يعز دينه فينا

[ام عمرو]

انا عايزة اسال سؤال انا بشوف ناس كتير رافضه حاجات كتير امال هذا الصوت مش موجود ليه فى الاعلام امال القنوات دى مين بيتفرج عليها وليه صوتنا ده مش واصل
يبقى العيب من فين تفتكروا
:?small: :?small: :?small: :?small: :?small: :?small: :?small: :?small: :?small: :?small: :?small: :?small:

[غــفــران]

الموضوع ده قديييييييييييييييييييم (حتى بصوا على التاريخ كده) :rolleyes:

انما اللي جدده هو عودة قناة مصر السياحية للعمل بعد ما كانوا قفلوها، و للأسف عادت أسوأ من الأول :chair:

و لا زل السؤال مطروح، لماذا ارتبط اسم مصر بالخلاعة و المجون؟ :crazyy:

[ساجد لله]

و لا زل السؤال مطروح، لماذا ارتبط اسم مصر بالخلاعة و المجون؟

والله يا أخت غفران هذا السؤال عميق جدا وهام ويحتاج لتحليل من هم مهتمين بالمجال الفني والمهتمين بتاريخ السينما والفن في مصر للأجابه عليه ..

فعلى حد معلوماتي ان بداية دخول الفن كان على يد اليهود في مصر ومن ورائهم الصهيونيه ونسمع عن أسماء عربيه كانت في أصولها يهوديه مثل ليلى مراد وعمر الشريف وبشاره واكيم ( هذا ماتحضرني به الذاكره ) وفرق البنات الراقصات الذين كانوا يظهروا خلف المغنيات في الأفلام المصريه القديمه والذي مازالت تذاع الى يومنا هذا

ولكن من وجهة نظري المتواضعه ومعلوماتي البسيطه عن الفن لو رجعنا لبدايات دخول الخنى والخلاعه الى مصر والذين يسمونه فنا .. أعتقد ان مصر كانت مستهدفه بحكم انها تمثل قلب الأمه العربيه و ما لها من ثقل سياسي وثقافي وما لها من تأثير يلقي بظلاله على الوطن العربي كله فكان أعلاما موجها ليس فقط لمصر والمصريين ولكن للوطن العربي بكامله .. بدليل ان كل بلدان الوطن العربي تفهم اللهجه المصريه بل ويتحدثون بها بسهوله نتيجه انتشار الأفلام والمسلسلات المصريه في كل مكان وهذا ماعلمته من الكثير من الأخوه العرب المحيطين بنا

و في ظل بعض الظروف السياسيه والحروب الطاحنه التي عصفت بمصر في أوائل ومنتصف القرن الماضي جعلت الشعب في حاله من اليأس و الأحباط ( ويحتاج الى مخدر ) فلجأ بدوره الى أن يخرج من هذه الحاله بالترويح عن النفس بالغناء والرقص والطرب والملاهي الليليه وقد تم تيسير هذا الأتجاه للناس أجمعين حتى يلتهوا فيما هم فيه ويبعدوا عن التفكير في السياسه والحرب والأخذ بالثأر فكانت أم كلثوم كوكب الشرق وعبد الوهاب لمن يداويهم الطرب .. وكانت الراقصات المعروفات في هذه الحقبه مثل تحيه وساميه وسهير وفتكات لمن يداويهم الرقص الشرقي وكانت الأفلام الأباحيه التى تخرج على أعرافنا وعاداتنا وتقاليدنا وكانت موجهه للشعب والشباب والأطفال في البيوت في كل مكان ... كانت مسكن للشعب عن حرب 67 ..

ومازال عدونا يلعب نفس اللعبه القذره معنا في هذه الأيام العصيبه التي نعيشها
فيجب علينا ان نتفهم ما يحاك لأمتنا الأسلاميه من مخططات ونكون لها بالمرصاد حتى لا يعيد التاريخ نفسه علينا مرة أخرى وننتكس انتكاسه أخرى قد لا يكون لنا منها من خراج ..

أشكر لكي يا أخت غفران هذا الموضوع الهام والذي أتى باعضاء قدامى كنا أفتقدناهم

فمن هذا المكان أرحب بأم عمرو وأم العيال لعودة التواصل والمشاركه معنا هنا بالقهوه مرة أخرى