ال isdn حد عنده فكره عنه

[m-salah72]

السلام عليكم
يا ترى فيه فرق كبير يستحق بين ال dial up وبين ال isdn يعني يستاهل نحول ل isdn ولو الاجابه باه ياريت عايز تفاصيل...................... :rol: :rol: :rol:

[عموره]

الاخ العزيييييز صلاح
اكيد طبعا في فرق كبير بين ال ISDN و Dial Up وهشرحلك مميزاته بإختصار:

- يتوفر ال ISDN بسرعة 64 كيلوبايت أو 128 كيلوبايت (سرعه كبيرة جدا طبعا)
وتخيل تحميل ملفات كبيرة الحجم في دقائق والانتهاء من تحميل الفيديو المتدفق في ثواني, طبعا الانترنت هتبقى متعه تانية خالص.

- يتيح لك خط ISDN تشغيل أكتر من جهاز على نفس الخط, مثلا لو عندك جهاز فاكس فتقدر تشغله وتستقبل وترسل فاكسات عادي وانت بتستخدم الانترنت, وطبعا ده معناه ان خط تليفونك مش هيكون مشغول أبدا وتقدر تستخدم تليفون المنزل في اجراء المكالمات وانت على النت.

- سبب سرعته العالية هو عدم وجود وقت ضائع كالذي يستغرقه الموديم العادي عند التحويل من الاشارة الرقمية Digital الى الاشارة التماثلية Analoge لكي تمر في خطوط الهاتف ومن ثم يعاد تحويلها مرة اخرى عند الطرف الآخر من اشارة تماثلية الى اشارة رقمية, حيث أن العملية التي تجري في موديم ISDN كلها رقمية, فلا يوجد وقت ضائع في التحويل بين الاشارات.

كيف تشترك في الخدمة:
- هتحتاج موديم ISDN وهو يشبه الموديم الخارجي العادي ولكنه اكبر حجما بقليل, سعره في السوق بيبدأ من 700 جنيه وانت طالع.

- هتحتاج تحول خط تليفونك الى النظام الرقمي Digital عن طريق الذهاب الى السنترال الي انت تابع له وتطلب تغيير نوع الخط الى رقمي, ودي اشتراكها في السنترال 20 جنيه شهريا

- آخر حاجه, شوف شركات تقديم الخدمه في الاسكندرية ISP الي بتوفر هذه الخدمة واشترك فيها, اسعارها تترواح بين 50 أو 60 جنيه للسرعة 64 كيلوبايت و 75 أو 90 جنيه للسرعة 128 كيلوبايت

تنبيه صغير: سعر الساعة اذا قمت بالاشتراك في السرعة 128 كيلوبايت ضعف سعر الساعة للسرعة 64 كيلوبايت, يعني السرعه 64 سعر الساعة فيها جنيه وربع, سعر الساعة في السرعة 128 كيلوبايت 2 جنيه ونص

أرجو اني اكون أفدتك
تحياتي لك



<!--EDIT|عموره|Jul 1 2002, 12:55 PM-->

[m-salah72]

انت منور والله ياعموره..
شكرا على حسن الاداء بصراحه شرح ممتاز فعلا بس ليا سؤال لو اشتركت في ال64 الداونلوود يبقى كام يعني التحميل وال128 يبقي كام انا مثلا لما بحمل من سيرفر 3elm( وطبعا معرفتش انزل حاجه) السرعه في الداونلوود 2 k بالكتير......
وال64 تفرق عن الdial up كتيير وطبعا انت عارف انه 56 k يعني في فرق بينهم يستحق احول لل isdn....................
وشكرا تاني عموره.... :wub: :wub: :wub:

[عموره]

السرعة ال 64 كيلوبايت بتفرق عن سرعة الموديم 56 كيلوبايت, لسببين:

أولا مهما كانت النت سريعة عندك وعندك انضف موديم واحلى خطوط أرضية, فالسرعة عمرها ما هتزيد عن 50 كيلوبايت وده نادرا جدا جدا لما بتحصل, والسرعة الي تعتبر عالية بالنسبة للموديم العادي, بتحصل بس في بداية الاتصال بتاعك, وبعد كده سرعة الخط طبيعي لازم بتنزل وبيحصلها Drop دي حاجه معروفة يعني وبتنزل تقريبا للنص.

بالنسبة للسرعة 64 كيلوبايت لخطوط ISDN فطبعا تعتبر سرعه عالية ومابيصحلهاش Drop, مثلا انا عندي بستخدم احيانا الخط Dial Up عادي, ولما بنزل من سيرفر محمد, السرعه بتوصل ل 5.5 كيلوبت في الثانية, ودي تعتبر سريعة وكويسة بالنسبة للتنزيل من سيرفر لأنها معروفة ببطئها, لكن علشان عندي الخطوط الأرضية جديدة والسنترال حديث والكتروني فخط البيت عندي كويس اوي, ده ب Dial up العادي, فأكيد ال ISDN هيفرق معاك كتير اوي وهتحس بالسرعه دي خصوصا انها ثابتة
وتحت أمرك

[m-salah72]

شكرا عموره حتوكل على الله وادخل الisdn ان شاء الله.... :): :): :):

[Bold]

طب يا عموره سعر ال ADSL عندكم بكام؟ لانه احسن من ISDN بكتير في الداون لود .. انا باعرف ان link بتوفر الخدمه دي عندكم .. بس معرفش تفاصيلها ازاي

[عموره]

خدمة ADSL متوفره بسرعات كتيرة زي ما انت تحب
ابتداء من 128 كيلوبايت لغاية 2 ميجابايت في الثانية

بالنسبة للأسعار:
3500 جنيه سنويا للسرعة 128
4500 جنيه سنويا للسرعة 256
5000 جنيه سنويا للسرعة 512
7500 جنيه سنويا للسرعة 1 ميجابايت
10000 جنيه سنويا للسرعة 2 ميجابايت

طبعا انترنت مفتوحة على مدا 24 ساعة ومافيش تكاليف اضافيه غير انك هتحتاج تشتري DSL موديم وده سعره في الشركة ب 1000 جنيه أو لو تحب اشتريه من بره, انت وراحتك, واشتراك شهري للسنترال ب 40 جنيه

دي كل التفاصيل

[Bold]

يااااااااااااااااااااااااااااااااااااااااارااااااا اااااااااااااااااااااااااااااااااااااجلللللللللللل للللللللللللللللللللللللللللللل
الله يحرق شركة الاتصالات اللي عندنا .. عندنا مافيش غير 384 ودي اللي بيقولو عليها ولكن لما جربت اشوف السرعة على النت ميديك بتطلعلي متردده مابين 384 و 250 يعني مش ثابته وبدفع 250 كل شهر غير ايجار الموديم لو حبيت متشتريهوش ب 50 كل شهر .. والله العمليه عندكوا ظريفه وحلوه هلشان مفيش احتكار .. طب ليه يا msalah72 متشتركش فيها احسنلك .. دي 24 متصل بالنت وممكن تعمل عليها سيرفر زي 3elm.net والداون لود فيها خيالي .. انا من اول ما ركبتها نزلت 30 فيلم وبرامج وفيدوا كليبات .. ال MP3 بينزل معايا على سرعة ما بين 50 و 35 وبتنزل في دقيقه . فكر فيها ومتتسرعش
ودمتم,,,

[عموره]

هي حلاوة مصر بصراحة في كده لو انت مرتبك في الشهر 2500 جنيه مثلا, تقدر تعيش عيشه كويسه جدا وتعمل كل الي نفسك فيه حتى لو كنت مكون اسره وعندك اولاد, يعني 2500 جنيه في الشهر مايخلوش في نفس حاجه فعلا, غير عندكم مرتبك دلوقتي المفروض مايقلش عن 7000 درهم علشان بس تعرف تاكل, غير هنا بصراحة الأسعار رخيصة اوي عن بره, لأني بسمع ان السرقه عندكم علني

بعدين بالنسبة للانترنت بالذات, عندنا في مصر 42 ISP في الجمهورية كلها و 95% منهم في القاهرة بس, فتخيل انت حجم المنافسة الرهيبة ما بينهم علشان يقدموا للمشتركين أفضل سعر واعلى نوعيه في الخدمة بدون خطوط تقطع ولا سرعة تقل ولا الكلام ده ولا بيفرضوا عليك تشتري حاجة من عندم زي ما بيحصل عندكم كده

يله ربنا يكون في عونكم ويسترها علينا كلنا ان شاءا لله
بالتوفيق دايما

[NOOR]

:waa:


:waa:

المشكله في السيرفر يا م صلاح

انا ساعات السرعه عندي بتنزل لاقل من كيلو بت :waa:

Go east go west DSL is the best :tu:

[Bold]

حلوه دي يا نور :brb: :brb: ... بس عندكم في ال T1 وال T2 حريقه .. ولى يمكن مش متاحين لليوزر العاديين ؟
هو فعلا ال DSL ممتاز بس في الداون لود بس .. اما البراوزينج فزيه زي ال ISDN واحيانا اقل .

[m-salah72]

ما ترسونا على حل ال isdn ولا dsl مين فيهم ال is the best ..... :wacko: :wacko:

[حـــامل المسك]

Go east go west DSL is the best

[marsguy]

السلام عليكم ورحمة الله وبركاتة!
الDSL أحسن عشان بيبقى online 24 ساعة . لكن الISDN بيحسب عليك مكالمات برضة , يعني موت وخراب ديااار:devil:
على العموم أقروا الموضوع ده وإنشاء الله هايفيدكم
http://www.haridy.com/ib/showthread.php?s=&threadid=17910

[mohamed.m]

يا جماعة المشكلة ان كل واحد فيكم عنده حد جارة ممكن يشترك معاه انا كل جيراني خليل البخيل


ياريت عاوز حل منكم وانا مش ناوي ادفع حق المودم لا 500 جنيه ولا بدنجان بولييس