قبل ان تحاسبوا ..عقوق الوالدين..الجزء الاول

[بيسان]

بسم الله الرحمن الرحيم
انا لسّه جايّه من هناك :waa: :waa: :waa: :waa: الله اكبر معقوله ان يكون في هناك ظلمه

لآباءهم بهذه الطريقه ......هل هؤلاء الابناء اللذين تربوا بتعب وسهرالوالدين بكل سهوله يتنكروا لهم

ويرموهم في بيوت المسنين دون حتى ان يكلفوا انفسهم ويروهم في الاعياد او في رمضان ....

كيف بالله عليكم يقفون هؤلاء الابناء بالصلاة امام الله كيف تخشع قلوبهم لله وهم لم يرحموا

ما امرنا الله برحمتهم الوالدين...(واخفض لهما جناح الذل من الرحمه )

انا ابي وامي متوفيان .....لا املك الاّ الدعاء لهما والتصدق من اجلهما واتذكر حياتي وحياة اخوتي المليئه بتضحيات ابي وامي ......دائما اتذكرهما عندما كانا في كل صلاة فجر بصوتهما الحنون
يدعيان لنا بالتوفيق والهناء والسعاده ....واتذكر كيف كان ابي وامي يذهبان كل 14 يوم لزيارة اخي في سجن الصهاينه وكيف صبروا سنين على هذا مع ان الرحله الى السجن طويله وشاقه ومؤلمه....
ممكن يا احبتي تشاركوني الدعاء للوالدين اولا ...ونتذكر مع بعض اعمالهم العظيمه التي لو فضلنا
نبرهم عليها لن نوفيهم حقهم ......انا بانتظار اسمع منكم ...
السلام عليكم ورحمة الله وبركاته

[زلابيا]

الاخت العزيزه بيسان
احييك بشده على هذا الموضوع المهم
بالحقيقه لا ا درى هؤلاء الذين يعاملون آباءهم و امهاتهم بجحود ما الذى اصابهم بهذا الغباء فيعكرون نبع الحب الصافى الوحيد فى حياتهم .. آباؤنا و امهاتنا هم من يحبونا دون اى غرض وهم من يرجون لنا السعاده حتى لو كانت على حسابهم فكيف نضحى بهذه المشاعر الغاليه و نجحدها !! بجد لا استطيع ان افهم نظرية الجحود ..
فى احيان كثيره كنت احسد امى لان والدها لم يتوف مبكرا كما حدث مع والدى وانها استطاعت فى ايامه الاخيره ان تكون ابنة بارة به و اعطتنا نحن ايضا الفرصه لنغنم هذا الثواب العظيم .. وعندما توفى جدى رحمه الله شعرنا جميعا ان منزلنا افتقد البركه و النور اللذين ظللاه بوجود جدى رحمه الله .. ورغم انه كان كبيرا فى السن الا انه شكل جزءا هاما فى منزلنا مما زاد من شعورنا بافتقاده بعد وفاته .. وكثيرا ما تمنيت لو ان الله اطال فى عمر ابى رحمه الله قليلا حتى استطيع ان ارد له بعض جميله على .. واتمنى ان استطيع ان احج عنه ان شاء الله ..
اما امى .. فمهما قلت او حاولت ان اعبر لها عما تستحق من عرفان و شكر فلن استيطع ان اوفيها ولو جزء يسير مما تستحق .. فقد فعلت من اجلنا الكثير ولولاها بعد الله ما كانت حياتنا لتكون حياه باى شكل من الاشكال .. وبصراحه احيان كتير اشعر انى افضل ان اقضى وقتى معها على ان اقضيه على النت حتى اشعر دائما انى استغللت كل دقيقه من العمر كان يمكن ان نقضيها معا .. فتلك الدقائق لن تعوض بعد فوات العمر .. مع خالص دعائى لجميع الآباء و الامهات بصحه دائمه و عمر مديد و سعيد يا رب :)

[محمود]

"و قل رب ارحمهما كما ربياني صغيرا"
رب ارحمهما كما ربياني صغيرا
اللهم ارحم كل الاباء و الامهات و اهدمهم سواء السبيل و ادخلهم الجنة بسلام
ولا عمري بانسي لما امي كانت بتحط اللقمة في بقى و هي بتقوللي لا انا كلت مع انها ما بتبقاش كلت ولا حاجة
ولا عمري بانسي اني لما بقولها ادعيلي يمة يومها ما بتنام الليل و بتسهر تدعي و تدعي و انا ما استاهل
و كيف انسي عياطها كل ما اسافر و عياطها كل ما اوصل بالسلامة...
و كيف ما انسي خوفها عليا م البحر و من السيارة و من اليهود اولاد الكلب و من البرد و لما بتحمم بتطفي الهواية مع انها بتبقى بتنقط عرق
مين زي الام
ميييييين زي الام
قد ما يحبني اخويا او زوجتي
هل سيقبلوني كما امي؟
اللهم ارحم امي كما ربتني صغيرا
اما الوالد فهو كتوم
بس على مين
نظراتك يابا ولا احنن اب ف الدنيا
مجرد نظرة منك بتقول مليون احبك
بتقول مليون دعوة بس بدون صوت
يابا بلاش تقول
نظراتك كفاية
بتتعب و بتشقى و بتتحمل كل هادا عشانا و بتقول انا وليت و انت في شبابك و بتجمع عشانا
بتصحي بدري يوم الجمعة من الستة الصبح عشان تجيب لنا فطور من برة عشان لما نصحي ما نتعب يوم اجازتنا و نصحي نفطر على طول
دايما بتتعب عشانا
ايش الواحد بدو يقول
لا يجازيهم الا اللـــــــــــــه
اللهم اجزهم يا رب بكرمك و ما اكبر كرمك :blush:



<!--EDIT|mahmoud1308|Jun 26 2002, 09:56 PM-->

[ام عمرو]

موضوع جميل يا بيسان :f: :f: :f: :f: :f:
عمر ما حد يعرف معنى ولا قيمه الاب والام الااللى بعيد عنهم او مش موجودين فى حياته
ياما الواحد ناكف فى امه وابوه وهو صغير ومش عارف ان مهما عملوا ده لمصلحته ياه ه ه ه ه ه
اد ايه دلوقتى جوايا شعور غريب ناحيتهم ربنا يخللكوا امهاتكم وابائكم ويطول فى عمرهم ويخلى لى امى وابويا النسمه كما يطلق عليه الجيران ومش هعرف اقول غير كلماتكم هى دى اللى حساها
وردردكم هو ده اللى شاعره بيه ويا ريت اللى بيعارض اهله يا ريت يعرف ان دول قيمتهم من قيمتك وربنا يخليهم يا رب وكل ام وكل اب يطرح فيهم البركه
وانتى ياب يسان يعوضك اولادك بحنانهم واكيد ان شاء الله نكون من البارين :f: :f: :f: :f: :f:

[بيسان]

السلام عليكم ورحمة الله وبركاته

العزيزه زلابيه ....اللهم احفظ لكم الوالده من كل سوء ويقدرك انشاء الله ان تحجي عن نفسك اولا

ثم عن الوالد رحمه الله ....واحرصي يازلابيه دائما ان تقضي اكثر وقتك مع الوالده حتى لا تندمي ندمي

انا.... فانا اندم على اني لم اقدر ان الازمهم طويلا وحاسّه دايما اني كنت مقصره معاهم ....

اكيد يا زلابيه حياتك انت واخوتك مليئه بتضحيات الوالده ياريت تخبرينا عنها اذا كان ممكن وذلك حتى

نتعلم ونعطي كما كانو وما زالوا يعطون....

الاخ محمود .......جوابك بصراحه خلاّني اعيط ......احكي لنا يا محمود شو ناوي تعمل لاهلك بعد ما

الله ينعم عليك بالتخرج....

اختي ام عمرو ربنا يحفظ لك اهلك من كل شر وتشوفيهم السنه دي على خير يارب....وانا برضه اضم

صوتي لصوتك وادعوا كل من له اب وام وكان جاف معهم ان يلين لهم ويعطف عليهم ....حتى لا يندم بعد

فوات الاوان.


اختكم بيسان

[غــفــران]

بقولكوا ايه يا جماعة :em:

هل ممكن ان الاباء يكونوا السبب في عقوق ابنائهم ليهم?

[بيسان]

السلام عليكم

أختي غفران ..... اللآباء هم بني آدمين وتحكمهم غرائز وعيوب نفسيه زيهم زي اي بني آدم

زي مثلا البخل الشديد حتى على الاولاد تلاقي الاب معاه فلوس والله منعم عليه لكنه حارم ابناءه من

التمتع بهذه النعم ....ومع ذلك ما زال الابن مأمور ببر وطاعة والديه .....

حتى الاب الكافر مازلوا ابناءه مأمورين ببره وليس طاعته بمعصية الخالق .....

في امثله كثيره على تقصير اللآباء في حق ابناءهم اما يكون عن جهل في الدين او عادات موروثه

.....الخ الأ اننا نكاد نكون جازمين ان جميع الآباء يحبون اولادهم ويحنون عليهم .....يكفي انهم تولوا تربيتهم...(كما ربياني صغيرا)


هذا علما اني ممكن اكون مخطئه....

[غــفــران]

انا طبعا مش باوجدلهم عذر في عقوق ابائهم لكن بافترض برضه ان الاباء ممكن بتدليل زيادة او شدة زيادة ممكن يكونوا سبب لعقوق ابنائهم ليهم

صح با بيسو (بادلعك) :twink: و لا غلط?

[محمود]

و الله يا بيسان من هنا انا ما بقدر الا اني ادعيلهم و الحمد لله
اما باذن الله بعد التخرج طبعا ما فضل ف العيلة غيري
عشان هيك انا مش محتار ح ابرهم ازاي
:D
انا ح ابرهم يعني ح ابرهم ان شاء الله
و بتمني تدعولي بالثبات عشان ابرهم
يا رب نبرهم :wub:

[زلابيا]

زلابيا فى برناكج حياتى :2:
والله يا بيسان انا باتكلم عن امى فقط مش عشان تفاخر ولا حاجه بس باحس انه ده جزء من التعبير عن امتنانى الشديد لها عما فعلته من اجلنا ..
شوفى يا ستى .. والدى كان رجل عادى :) اقصد يعنى لم يكن يبدو عليه المرض مثلا او اى شئ بالعكس كان يبدو فى اتم صحه و عافيه .. بدا يشكو من بعض الالم فى بطنه .. وبعد فتره قصيره من الحيره لدى الاطباء عرفوا سبب الالم و اجروا له جراحه كانت خطيره وقتها و نجحت الحمد لله .. المشكله لم تكن فى الجراحه فى حد ذاتها .. انما بعدها مباشرة وهو لسه فى فترة النقاهه بالمستشفى اكتشفوا ان عنده تليف فى الكبد و الموضوع منتهى .. و فعلا الموضوع خلص بسرعه جدا .. يعنى هو دخل المستشفى يوم احد خرج من الدنيا يوم الجمعه من نفس الاسبوع .. يقال ان البنج المستخدم فىالعمليه سرع المساله وقد يكون هذا من رحمة ربنا حتى لا نستيقظ ذات يوم لنجده ميتا فجاه ..

بس بردو الموضوع كان مفاجاه .. وتوالت المفاجآت يا ستى اما اكتشفنا انه عليه ديون كتير لانه كان بيعمل فى التجاره .. يعنى عشان تتخيلى موقف الست الوالده -الله يا يقدر طبعا- انت مسئوله عن ثلاثة ابناء اكبرهم عنده 16 سنه و عليكى ديون كتيييييره و بعضها شفهى لا اثبات له بس مضطره تدفعى عشان زوجك لا يتعذب بالدين لو كان حقيقى .. وكمان مفترض ان تديرى تجارة زوجك الراحل و تربى ابناءك و تصرفى عليهم وووو ومواويل كتيره ..

طبعا ماما تعبت كتير جدا فى الفتره دى .. خاصة ان كلنا كنا فى فترة المراهقه وهى ست غلبانه و طيبه طيب هتعمل ايه !! واصيبت حتى بالضغط خلال هذه الفتره و فقدت الكثير من وزنها .. لدرجة انى يوم ما نجحت فى الثانويه العامه حسيت انى بانجح عشانها مش عشانى والله .. يعنى الخلاصه عشان بس ماطولش عليكم .. احيان كتير اما افكر فى ان امى انفقت علينا كل ما كان لديها و استدانت فى اوقات اخرى و الآن ليست مثل صديقاتها يعنى مش عندها دهب او ممتلكات او فلوس فىالبنك وشقيت فى حياتها كتير اسال نفسى عن ذلك السر الذى يجعل الآباء و الامهات بهذا العطف و الحب على ابنائهم .. سبحان الله ..

[بيسان]

السلام عليكم ورحمة الله وبركاته

اختي زلابيه ....اولا تحياتي للوالده الغاليه ....بتمنى لك انشاء الله انك تقدري تعوضيها عن التعب والشقا

اللي شافته .......مع انه مهما عملنا مش حنوفيهم .....
انا عن جد بتشكرك انك شاركتيني في الموضوع ...اللي كان هدفي فيه ندعي لاهلنا ونتذكر تضحياتهم العظيمه.
..الاخ محمود ربنا يقدرك وتنجح اولا وتبرهم بارك الله فيك .

[زلابيا]

عزيزتى بيسان :)
حاضر من عينى دى و عينى دى اوصل لها السلام و التحيه :2: ربنا يخليكى عليهم :happiii:
انا بس كنت باحاول اشكر امى رغم انها ماتعرفش كتير عن اللى باقوله هنا او على النت عموما .. هى عارفه بس ان مخى طائئ حبتين :blink: بس انا فعلا فعلا باعتز بيها جدا و بكل ما فعلته من اجلنا و يا رب يخليكى يا امى يا ست الحبايب :happiii: :happiii:

[محمود]

نجاة الصغيرة فعلا لازم نعزمها هنا عشان تغنيلنا و تفكرنا
:D "ست الحبايب يا حبيبة يا حبيبة
يا اغلى من روحي و دمي"
و انا كمان يا زلابيا
ابلغي سلامي و احترامي لامرأة قامت بما لا يتحمله الرجال :rolleyes:

[زلابيا]

علم يا فندم وجارى توصيله :2:
انما هى نجاة الصغيره لسه ماكبرتش !! ايوه يا جدعان :tng:
واحب انا كمان اهدى سلامى لمامتك و باباك و الاهل و الخلان و كل الناس الحلوين اللى المنتدى بيعرفنا بيهم يوم ورا يوم :happiii: :happiii:

[محمود]

علم و لم يجر التوصيل بعد لان الفزبة مش شغالة :brb: :brb:
شكرا ليكي يا زلابيا على السلام
سلام :P

[زلابيا]

تيب مفيش حمام زاجل !! :happiii: او حتى كتاكيت زاجله واك واك واك :happiii: :)

[محمود]

لا في
بس مفيش بنزين :haha:
زلابيا
خلاص
ماترديش علياتتتتتتتتتتتتتتتتتتتت -_-
عشان خاطر الموضوع ده
ماشي؟
ما تقوليش ماشي يا فندم
انا سمعتك
خلاص
هس :brb: :brb:

[rewsha]

يا عالم حرام عليكو فتحتوا الجرح المكتوم إلي بحاول إني أكتمة في قلبي
أنا والدي لسه متوفي من أسبوع اه لو تعرفوا قد أيه قلبي وجعني وتالمت لما والدي راح
من بينا انا إتعذبت اكبر عذاب أطيب اب واحن أب هوه كان والدي والدي إلي عمري ما هعوضه
ابدا عشت أيام سوده ومؤلمة أولها لمرضة وللأسف مكنش في وسطنا والفجعة التانية يوم وفاته
انا الوحيده إلي عرفت من خالتي من مكامتها ليه إتحملت الألم ولحسرة لوحدي من غير إخواتي ميعروفوا أجبرت أخبي عليهم لغاية لما النهار يطلع قبل ما يسافر كان حاسس أنه مش هيرجع تاني وباسني بخدي ودعالي دوعوه حلوه لغاية دلوقت بترن في ودني قالي ربنا يسترها معاكي ويسعدك في حياتك يا بنتي وانا قلبي حس بيه حاولت اقاومالإحساس الوحش ده بس ربنا اردا يرجع أمانته .

اه اه يا بابا لو تعرفوا هوه وحشني قد ايه لو تعرفوا انا بحنله قد ايه
ليه إتكلمتوا بالموضوع دا بالذات في الوقت دا

اللهم إن ابي في ذمتك وحبل جوارك فقة فتنة القبر وعذاب النار
وأنت أهل الوفاء والحق فاغفر له وارحمة إنك أنت الغفور الرحيم

اللهم إجعل عن يمينة نورا وعن شماله نورا
ومن أمامه نورا ومن فوقة نورا حتى تبثة أمنا مطمئنا في نور من نورك

اللهم ارزقة بكل حرف من القرأن حلاوة وبكل كلمة كرامة وبكل ايه سعادة
وبكل سورة سلامة وبكل جزء جزاء .


اللهم تقبل الدعاء لوالدي ولجميع أموات المسلمين أمين
وربنا يخليلي والدتي إلي هيه احن من نفسي عليه