الباشا بـ 200 مليون....والبيه بـ 100 مليون ...(فكره)

[*عصفور*]

الاخوه الاعضاء الافاضل

فكره بسيطه ممكن جدا تدر عائد ضخم يوجه مباشرة لصالح المعدومين والفقراء

تتلخص الفكره في:

أحياء الالقاب في مصر....!!!!

نعم

عودة الباشا والبيك........رسمي أي بصك

حقيقي أنا لا أسخر أو أمزح

أذا كنا نسمع كلمة باشا وبيه ليل صباح عبر الاذاعة والتليفزيون وفي حتي البرامج الجاده جدا والاخباريه

أذا كنا نسمعها في أقسام الشرطه والمصالح الحكوميه وفي نطاق رجال المال والاعمال

الوزير يخاطب الوزير بـ فلان بيك...وعلان باشا

أذا كانت عودة الالقاب بعد الغائها بقيام الثورة أصبحت حقيقه

فلماذا لا تكون بمستند رسمي؟:think3:

وده ح يحل مسائل كتيره

أولا
لن يكون لقب عادي يتداول بين السفهاء والمرضي النفسيين أو راكبي موجات الغرور والكبر يستعملوه بغير رابط ولا محاسب

ثانيا
سيكون معلوم جدا أن من يحمل اللقب هو أحق به لأنه أشتراه بالفعل من أمواله ويستحقه

ثالثا
سيكون دافع قوي لكل من يحب التفاخر والتباهي بأن يمتلك هذا اللقب لأن يمتلكه عن جداره وأستحقاق

رابعا
رحمة بنا نحن البسطاء من أن نقول لكل من هب ودب يابيه أو ياباشا...وهو في الحقيقه لا يساوي شيء


خامسا

وأهم الاسباب علي الاطلاق

هو توجيه أموال هذه الالقاب الي مشاريع ضخمه توجه خصيصا للفقراء والمعدمي

كأنشاء سلسلة مستشفيات

كأنشاء سلسلة مدارس

ألخ....ألخ

وشيء أخر....يمكن لرئيس الجمهوريه منح من تبرع مثلا بأنشاء مستشفي عدد أسرتها معين...أن يمنحه هذا اللقب بدون ثمن مدفوع

وده ح يشجع كثير من رجال الاعمال علي التسارع للحصول علي اللقب



أيه رأيكم؟؟؟

عارف ح تقولوا عصفور بعقل عصافيري:mosking:

ولكن والله أنا مؤمن بالفكره

أذا كنا غير قادرين علي مواجهة الفساد فعلي الاقل يستفاد منه الفقراء:think3:

[سيادة الرئيس سؤال]

ممكن تحجز لي لقب أفندي
الله يرحم أيام زمان كان لكل حاجه أصل

طيب سؤال ياعمنا
نقنن لقب البرنس :wink2:المنتشر الآن إزاي؟؟؟

كل سنه وحضراتكم بخير

[lonly_wes]

واليوزباشي................
وشيخ المنصل(الحرامي)..........
والمخبر..........
احنا فعلا بلد بتاع الشهادات بصحيح وبنحب الألقاب جدا جدا فوق ماتتخيل
ويمكن بنتجوز كمان حسب اللقب

[marwaaa]

ساعتها محدش هيدفع غير الناس اللي عايزة تتباهى

وممكن يكون منهم البسطاء اللي عايزين يتباهوا برضو

كل واحد هيحب يبقى باشا وبيه

ومش بعيد يبيع اللي وراه واللي اودامه عشان يشتري لقب زي ده

زي الموبايل دلوقتي

بيبقى الاب معهوش يكفي الشهر

وجايب لابنه موبايل بالاف

عشان التباهي والمنظرة

الناس دي هتسعى برضو انها تشتري الالقاب

على أمل انها ترفعهم اجتماعيا وتزيدهم ماديا

وكأن -من وجهة نظر بعضهم -سبب غنى الباشا والبيه هو اسمه والا لقبه


أعتقد ان اخر ناس هتفكر تشتري الالقاب دي هم اللي بالفعل بيلقبوا بيها

لانهم هيفضلوا على حالهم مش خسارانين حاجة

هيفضل البسيط يناديهم ببيه وباشا طول مهو لابس بدلة شيك

وراكب عربية اخر موديل

وليه سلطة على الناس ولو كانت وهمية

الناس اللي اديتهاله وكله بسبب المظاهر اللي بتخدع معظمنا



كل سنة وحضرتك طيب يا أستاذ عصفور

وتحياتي لحضرتك على مساعيك ومحاولة وصولك لفكرة لمساعدة الفقراء

[أنا مسلم]

ماحدش واخد باله من الفكرة

والدى الكريم وأستاذنا الكبير

كل عام وحضرتك بكل خير

ـــــــــــــــــــ

الله من وراء القصد ياكتاكيت

فتح محافظ تلك البطون المملؤة وتفريغ الخزائن المكنوزة

لتيسير الحال وسد أفواه وخدمة مرافق وإيجاد فرص عمل

للقضاء على البطالة ولايبقى فيه محتاج ولا حتى غلبان



لكن تخيل يا بابا المبالغ ديه تتضرب كما سبقها

؟؟؟

يبقى أيه حال الغلابة

!!!

[رِيتاج]

فكرة ممتازة انا عن نفسى اؤيدها:]
بس الكتاكيت ثاروا نقطتين مهمين
الاولى :ان كثير من الناس الغير مستحقين سيحصلوا عليه حتى لو على حساب اقواتهم
الثانية:ان لاموال لن ولم تعود للفقراء:outttt:
ونورت يا باشا:brb:

[*Angel*]

استاذ عصفور كل سنة وحضرتك طيب:rosy:




فكره بسيطه ممكن جدا تدر عائد ضخم يوجه مباشرة لصالح المعدومين والفقراء هى الفكرة بسيطة جدا وممكن تدر عائد مادى ضخم لكنة لن يوجة مباشرة لصالح الفقراء
من امتى وفى افكار فى مصرنا توجة لصالحهم:dntknw:



أولا
لن يكون لقب عادي يتداول بين السفهاء والمرضي النفسيين أو راكبي موجات الغرور والكبر يستعملوه بغير رابط ولا محاسب

ثانيا
سيكون معلوم جدا أن من يحمل اللقب هو أحق به لأنه أشتراه بالفعل من أمواله ويستحقه


استاذ عصفور
بلدنا فى فترة ازهى عصور الديموقراطية الحالية من يملك الاموال المذكورة فى ثانيا هم الفئة المذكورة فى اولا:closeeye:

ثالثا
سيكون دافع قوي لكل من يحب التفاخر والتباهي بأن يمتلك هذا اللقب لأن يمتلكه عن جداره وأستحقاق

اى جدارة و استحقاق يا استاذنا؟
وهل امتلاك الاموال فى عصرنا هذا تعد جدارة واستحقاقا؟:think3:


رابعا
رحمة بنا نحن البسطاء من أن نقول لكل من هب ودب يابيه أو ياباشا...وهو في الحقيقه لا يساوي شيء
وبعد مايشترى اللقب بفلوسة هيساوى شيء:think3:




خامسا

وأهم الاسباب علي الاطلاق

هو توجيه أموال هذه الالقاب الي مشاريع ضخمه توجه خصيصا للفقراء والمعدمي

كأنشاء سلسلة مستشفيات

كأنشاء سلسلة مدارس

ألخ....ألخ

وشيء أخر....يمكن لرئيس الجمهوريه منح من تبرع مثلا بأنشاء مستشفي عدد أسرتها معين...أن يمنحه هذا اللقب بدون ثمن مدفوع


اعتقد ممكن حلم حضرتك يتحقق فى يوتوبيا مش فى مصر:closeeye:


أذا كنا غير قادرين علي مواجهة الفساد فعلي الاقل يستفاد منه الفقراء:think3:
الفقراء هيستفادوا بالفعل يا استاذنا لو واجهنا الفساد وقضينا علية مش العكس:rosy:

[*عصفور*]

ممكن تحجز لي لقب أفندي
الله يرحم أيام زمان كان لكل حاجه أصل

طيب سؤال ياعمنا
نقنن لقب البرنس :wink2:المنتشر الآن إزاي؟؟؟

كل سنه وحضراتكم بخير


استاذنا الريس سؤال...افندي


زمان كان كل شيء واضح ومحدد


أقطاعي...اقطاعي


باشا.... باشا


فلاح...فلاح...افندي...افندي


اما الان....الكذب...والغموض...والتعالي...والفساد....هو سيد الموقف


اما الفقراء والبسطاء....هم وقود الصفات السابقه


بقولك ايه يا برنس...!!


تفتكر كفايه 200 مليون جنيه علي لقب باشا ولا نزود شويه:think3:

وكل سنه وحضرتك طيب....يا راجل يا طيب

[><><ميـاده><><]

ممكن تحجز لي لقب أفندي
الله يرحم أيام زمان كان لكل حاجه أصل

طيب سؤال ياعمنا
نقنن لقب البرنس :wink2:المنتشر الآن إزاي؟؟؟

كل سنه وحضراتكم بخير

لون الخط صعب جدااااااااااا على فكره
:kez_11::kez_11:



ماحدش واخد باله من الفكرة

والدى الكريم وأستاذنا الكبير

كل عام وحضرتك بكل خير

ـــــــــــــــــــ

الله من وراء القصد ياكتاكيت

فتح محافظ تلك البطون المملؤة وتفريغ الخزائن المكنوزة

لتيسير الحال وسد أفواه وخدمة مرافق وإيجاد فرص عمل

للقضاء على البطالة ولايبقى فيه محتاج ولا حتى غلبان



لكن تخيل يا بابا المبالغ ديه تتضرب كما سبقها

؟؟؟

يبقى أيه حال الغلابة

!!!


بالظبط كده
هى الفكره ممكن تكون غريبه شويه بس فعلا دلوقتى تندرج ف نطاق المعقول

المشكله ان الفلوس تتاخد زيها زى فلوس تانيه كتيير من حق الناس البسطاء
وتلف لفتها وترجع لبطون ومحافظ اصحابها تانى

هى المشكله مش ف ايجاد مصدر دخل شرعى للبسطاء دول
المشكله ف الضمائر اللى رافضه تعطى كل ذى حق حقه
:rosy::rosy::rosy:

[*عصفور*]

واليوزباشي................
وشيخ المنصل(الحرامي)..........
والمخبر..........
احنا فعلا بلد بتاع الشهادات بصحيح وبنحب الألقاب جدا جدا فوق ماتتخيل
ويمكن بنتجوز كمان حسب اللقب



الفاضل lonly_wes


خلاص مادمنا بلد شهادات والقاب


يبقي علي الاقل المطحونين ومن يمنحون هذه الالقاب للي يسوي وما يسواش يبقي يحصلوا تمن ما يمنحونه..


ده اسمه العدل..

وكل سنه وحضرتك طيب

[*عصفور*]

ساعتها محدش هيدفع غير الناس اللي عايزة تتباهى

وممكن يكون منهم البسطاء اللي عايزين يتباهوا برضو

كل واحد هيحب يبقى باشا وبيه

ومش بعيد يبيع اللي وراه واللي اودامه عشان يشتري لقب زي ده

زي الموبايل دلوقتي

بيبقى الاب معهوش يكفي الشهر

وجايب لابنه موبايل بالاف

عشان التباهي والمنظرة

الناس دي هتسعى برضو انها تشتري الالقاب

على أمل انها ترفعهم اجتماعيا وتزيدهم ماديا

وكأن -من وجهة نظر بعضهم -سبب غنى الباشا والبيه هو اسمه والا لقبه


أعتقد ان اخر ناس هتفكر تشتري الالقاب دي هم اللي بالفعل بيلقبوا بيها

لانهم هيفضلوا على حالهم مش خسارانين حاجة

هيفضل البسيط يناديهم ببيه وباشا طول مهو لابس بدلة شيك

وراكب عربية اخر موديل

وليه سلطة على الناس ولو كانت وهمية

الناس اللي اديتهاله وكله بسبب المظاهر اللي بتخدع معظمنا



كل سنة وحضرتك طيب يا أستاذ عصفور

وتحياتي لحضرتك على مساعيك ومحاولة وصولك لفكرة لمساعدة الفقراء

اختنا الفضله مروه


200 مليون جنيه........ و 100 مليون جنيه

مبالغ بسيطه تجعل البسطاء يتهافتون عليها....:think3:

بس عارفه حضرتك

فكرتك تؤكد موضوعنا

فعلا ستكون الفشخره دافع للكثيرين للحصول عليها

وده ح يكون مكسب كبير واموال أكثر....لصالح الفقراء والمعدومين

نقطه هامه أثرتيها:

وهي أن اللي بيتقال له هذه الالقاب الان لن يحتاج لشراءها...مادام هناك فقراء يمنحونها

ودي سهل جدا التعامل معها بحملات أعلانيه وتحذيرات مكثفه

لأنه سيكون لقب رسمي يتعرض للعقوبه من أصبغه علي أخر دون حق ويعامل من يجبر الاخرين علي هذا بجريمة أنتحال صفه رسميه


وكل سنه وحضرتك طيبه

[بهية.]

أستاذنا الفاضل عصفور
بما أن حضرتك نوّهت من البداية ان الموضوع مش بغرض السخرية أو المزح
والغاية منه نبيلة
تعال نتخيل مع حضرتك امكانية تطبيق الفكرة دي ... و نتكلم جد






أذا كنا غير قادرين علي مواجهة الفساد فعلي الاقل يستفاد منه الفقراء:think3:






طيب يا استاذنا ماهو ببساطة لو الفقير استفاد من الفساد زي ما حضرتك قلت و(المفسدين) عرفوا-طبعا- ان الفقير هيستفيد من الفساد
ساعتها مش هيبقى اسمه فساد(By definition)

حد فاهم حاجة؟!:think3::think3:


قصدي يعني و بمعنى آخر:
لأن الحكاية في الأول وفي الآخر أزمة ضمير ؛ فرؤوس الفساد هيفضلوا برضه رؤوس فساد ...والفساد هيظل فساد برضه


يعني أبسط مثال.. ايه ضمانتنا ان المستند الرسمي -اللي حضرتك قلت عليه-واللي هيثبت احقية البكوات والبشوات باللقب مش مستند مضروب (كالعادة)؟
أو ان الأختام مش مزورة(كالعادة)؟


أو...أو....(حسب خيالنا ما يسمح بقى)




ثانيا ...


مين هيبقى مسئول عن جمع المبالغ المهولة المدفوعة من قِبل راغبي شراء اللألقاب ..؟



يعني مؤسسة تابعة للحكومة مثلا ولا ايه...؟



أكيد طبعا ..مش الحكومة هي مانحة الألقاب دي





اذن وبديهي لو مؤسسة تابعة للحكومة (اللي هي هتبقى حكومة أصحاب المعالي ساعتها)..
دة معناه ان الايد اليمين لحكومة البشوات هي اللي هتدفع الفلوس والشمال هتقبض


حكمة اليوم....: ((الحداية مبتحدفش كتاكيت!))

[*عصفور*]

ماحدش واخد باله من الفكرة

والدى الكريم وأستاذنا الكبير

كل عام وحضرتك بكل خير

ـــــــــــــــــــ

الله من وراء القصد ياكتاكيت

فتح محافظ تلك البطون المملؤة وتفريغ الخزائن المكنوزة

لتيسير الحال وسد أفواه وخدمة مرافق وإيجاد فرص عمل

للقضاء على البطالة ولايبقى فيه محتاج ولا حتى غلبان



لكن تخيل يا بابا المبالغ ديه تتضرب كما سبقها

؟؟؟

يبقى أيه حال الغلابة

!!!

أبني مصطفي(أنا مسلم)


أه........:think3:

المشكله الكبري...الخوف من مصير هذه المبالغ؟:think3:

نعم

هنا ممكن تكون تبع احدي لجان مثلا الجهاز المركزي للمحاسبات

او تتكون لجنه من رؤساء الجمعيات الخيريه للاتفاق علي المصاريف الخيريه

وهي الهدف الاساسي

وكل سنه وحضرتك طيب

[*عصفور*]

فكرة ممتازة انا عن نفسى اؤيدها:]
بس الكتاكيت ثاروا نقطتين مهمين
الاولى :ان كثير من الناس الغير مستحقين سيحصلوا عليه حتى لو على حساب اقواتهم
الثانية:ان لاموال لن ولم تعود للفقراء:outttt:
ونورت يا باشا:brb:
أختنا الفاضله ريتاج علوش


مش ممكن طبعا ناس غير مستحقين ح يحصلوا علي اللقب علي حساب أقواتهم

المبلغ مش بسيط...ده 200 مليون جنيه..و 100 مليون جنيه

يعني أخوكي عصفور لو عاش علي عمره 1000 ضعف دون أن يأكل هو وأولاده مش ح يحوش 2000جنيه:mosking:

النقطه التانيه


مصير الاموال

دي ممكن تتحول للجنه من رؤساء الجمعيات الخيريه المشهود لها بنزاهة اليد تحت اشراف الجهاز المركزي للمحاسبات

وكل سنه وحضرتك طيبه

[marwaaa]

من ساعة محضرتك رديت عليا وانا عمالة ادور

فين مكتوب 200 مليون و 100 مليون دي

ازاي مشوفتهاش وانا بأرد??

لحد ملاقيتها عنوان الموضوع

:closeeye:



لكن يا استاذ عصفور لو بالأسعار دي محدش هيشتري حاجة

ولا حتى الغني ولنفس الاسباب

:rosy:

[*عصفور*]

استاذ عصفور كل سنة وحضرتك طيب:rosy:



هى الفكرة بسيطة جدا وممكن تدر عائد مادى ضخم لكنة لن يوجة مباشرة لصالح الفقراء
من امتى وفى افكار فى مصرنا توجة لصالحهم:dntknw:


اختنا الفاضله انجل


نحاول كمان مره يا دكتوره

لعل وعسي

يمكن......يكون فيه ابن حلال يوجه هذه الاموال لأصحابها الحقيقيين...!!!



استاذ عصفور
بلدنا فى فترة ازهى عصور الديموقراطية الحالية من يملك الاموال المذكورة فى ثانيا هم الفئة المذكورة فى اولا:closeeye:



عارفه يا دكتوره

حقيقي انا احترت ان اصنفهم أكثر من بند واحد

لأنهم....هم...هم..

بس هي مجرد محاوله اقنع بها نفسي ان هناك اكثر من فئه أستولت علي هذه الالقاب واجبرتنا عليها

(عديها لي المره دي..)





اى جدارة و استحقاق يا استاذنا؟
وهل امتلاك الاموال فى عصرنا هذا تعد جدارة واستحقاقا؟:think3:




يا استاذه

من سرق واستولي علي شيء نهارا جهارا.....دون ان نتصدي له

هو يستحقه عن جداره

قضيه منطقيه

هم استولوا علي الالقاب....ونحن خنعنا ورضينا واصبغناها عليهم

ولأجل هذا

موضوعنا هو اعادة الاشياء الي نصابها.....علي الاقل في هذه الحاله لن تكون سرقه وسلب




وبعد مايشترى اللقب بفلوسة هيساوى شيء:think3:








دكتوره انجل

عارفه سا عتها ح يساوي ايه؟

ح يساوي المبلغ اللي اتحط في المستشفي بسبب شراءه اللقب

علي الاقل يكون عمل حاجه واحده كويسه في حياته المهببه بستين نيله

(طبعا الكلام عن الفاسد بالفعل واللي كون ثروته بطرق ملتويه...أما من حصل علي اللقب بأموال شرعيه....فهنيئا له اللقب والبشويه)



اعتقد ممكن حلم حضرتك يتحقق فى يوتوبيا مش فى مصر:closeeye:





ماهي الا محاولات للتعايش مع الواقع المرير ما دمنا غير قادريين علي التغير الجذري


الفقراء هيستفادوا بالفعل يا استاذنا لو واجهنا الفساد وقضينا علية مش العكس:rosy:

استاذه انجل

اهو ده بقي اللي اصبح حلم بجد صعب المنال

لكن عليا النعمه ..انا وانت..وكل الناس الطيبه...ما ح يهنأ لنا بال الا أذا قضينا علي هذا الفساد

وأدينا قاعدين لهم:outttt:

وكل سنه وحضرتك طيبه

[*عصفور*]

لون الخط صعب جدااااااااااا على فكره
:kez_11::kez_11:





بالظبط كده
هى الفكره ممكن تكون غريبه شويه بس فعلا دلوقتى تندرج ف نطاق المعقول

المشكله ان الفلوس تتاخد زيها زى فلوس تانيه كتيير من حق الناس البسطاء
وتلف لفتها وترجع لبطون ومحافظ اصحابها تانى

هى المشكله مش ف ايجاد مصدر دخل شرعى للبسطاء دول
المشكله ف الضمائر اللى رافضه تعطى كل ذى حق حقه
:rosy::rosy::rosy:

أختنا الفاضله مياده


حضرتك لخصت المشكله في هذه الجمله:

هى المشكله مش ف ايجاد مصدر دخل شرعى للبسطاء دول
المشكله ف الضمائر اللى رافضه تعطى كل ذى حق حقه


فعلا

بس ....نعمل ايه نفضل حاطيين ادينا علي خدنا....

اهو ادينا بنتحايل علي المعايش والواقع

ونعيش مع العالم دي بأدني حدود الكرامه

علي الاقل لو قلت لواحد يا باشا يبقي كرامتي وضميري مستريح انها حق له واني لم افرط في كرامتي


وكل سنه وحضرتك طيبه

[سيادة الرئيس سؤال]

ياعمنا هما عدد 2 لقب
سيد
و
عبد
وبس
أسياد وعبيد
ودوول مش محتاجين وسطه ولا بيع وشراء

يا مياده أنا عارف الخط لون الهباب
بس إجباري بأكتب عربي هنا http://www.islamweb.net/keyboard/keyboard.htm
وانقله إلا وراسه وألف سيف يكون أسودأغيره مايتغيرش حظي كده هباب والحمد لله

[*عصفور*]

لو حملة الألقاب من أجل مصر حيستفيد منها الشعب ، يبقي أنا مؤيدة لها
حد يكره البلد يدخل لها فلوس من الهواء ؟

من سنين مضت ، كان فيه حفلات غنائية تُقام تحت اسم " من أجل مصر "
يا تري فلوس الحفلات دي راحت فين ولـ مين ؟
بالتأكيد يا أستاذنا أن حملة الألقاب من أجل مصر حتلاقي نفس مصيرها

----

لكن تعتقد يا أستاذ أن حد حيسعي للألقاب دي ؟
اذا كان الكهربائي بنقول له باشمهندز
والسباك أصبح باشا
وأي موظف لنا عنده مصلحه بيتحول لـ بيه

الناس حتدفع فلوس ليه بقي ؟ :]]
الألقاب زيها زي حاجات كتير دلوقتي أصبح مالهاش تمن ،، ببلاش

اختنا الفاضله هوب


الباش مهندز السباك والكهربائي في هذه الحاله...ح يتنحوا بحكم القانون

واساسا.......هم ليسوا من ضمن القائمه

سيكون مجرد استخفاف بهم لو لقبوا بهذه الالقاب بعد صدور القرار الرسمي

(انا بناقش المسئله جد...:twee:...والله ممكن)

بس شجعوني يا جدعان

ده احنا ح نلم لم...وممكن يبني في كل محافظه مستشفتان علي الاقل علي اعلي مستوي من هذه الاموال

ونقطه اخري هامه تضاف لما سبق وذكرناه

ان مش معقول عسكري درج اقوله يا باشي او حتي عقيد لانه لو ملك هذا اللقب لسئلناه من اين لك هذا

يعني ح نحد من انتشار الالقاب عاطل علي باطل واللي هم اصلا اشتروها عند التحاقهم بواظئق تمنح عنوه هذه الالقاب لمن ينتسب اليها

اخيرا

(هي ليست مسئلة ضريبة شهره...دي ضريبة اللي يتحاور مع عصفور مثلي بعقل عصافير غير قادر علي شرح فكرته كامله:mosking:....حقكم عليه)


وكل سنه وحضرتك طيبه

[body123]

استاذ عصفور
كل سنه وأنت طيب


ياعمنا

مافيش حد منهم ح يدفع اصلا

اللقب اخدوه ببلاش

وزى ماانت عارف

كلهم بيعرفوا البيزنس كويس

يدفعوا فيه لييييييه ؟....!!!

[اللواء/ 31]

مش عايز ابقى الباشا
أو حتى أكون البيه
كفاية عليا أكون عبد الله...
لقب و راضي بيه




تعس عبد الدرهم

[*عصفور*]

تعال نتخيل مع حضرتك امكانية تطبيق الفكرة دي ... و نتكلم جد







اختنا الفاضله بهيه


نعم يا استاذتنا...والله اتكلم بجد





طيب يا استاذنا ماهو ببساطة لو الفقير استفاد من الفساد زي ما حضرتك قلت و(المفسدين) عرفوا-طبعا- ان الفقير هيستفيد من الفساد
ساعتها مش هيبقى اسمه فساد(By definition)

حد فاهم حاجة؟!:think3::think3:



ايوا................برافوا عليكي.....كده بالضبط ما اردت

يا استاذه وانت سيدة العارفين

الفساد له اشكال كثيره...سرقه...نهب...احتيال...رشوه...اهمال...واسطه ..استغلال نفوذ...ألخ..الخ

ولكن في أعتقادي....أن اخطر انواع الفساد هو أجبار البسطاء علي الرضوخ بغير حق بما يمس الكرامه

يعني يا استاذه....لما يدخل رجل في عمري او عمر والدي قسم بوليس ويقول لطفل عمره 22 سنه ياباشا وهو مجبر علي قولها لمجرد تخليص حاجه ولأنه يعمل في مصنع أو ورشه او حتي علي باب الله

ده أسوأ انواع الفساد........فساد اهدار الكرامه

ما اقصد قوله

لو تقننت هذه الالقاب فلا مانع عندي ساعتها من قولها ولا غضاضه بالعكس هي حق له ولا تهدر كرامتي

والله يا استاذه بهيه

يمكن هذه النقطه هي الاساسيه من موضوعي هذا

نضرب حدايتين بحجر واحد

حفظ كرامة البسطاء

واستغلال أموال هذه الالقاب لصالح نفس الفقراء المطالبين بأن يمنحوا الاخريين هذه الالقاب

ده العدل.......أو محاوله لأيجاد صيغه معقوله للعدل في الحكايه دي





قصدي يعني و بمعنى آخر:
لأن الحكاية في الأول وفي الآخر أزمة ضمير ؛ فرؤوس الفساد هيفضلوا برضه رؤوس فساد ...والفساد هيظل فساد برضه


طبعا هذه الفكره ليس المقصود منها القضاء علي كل اشكال الفساد

ولكن محاوله صغيره للتصدي لجزء من فساد

(علي فكره انا لي موضوع يناقش القضاء علي كل اشكال الفساد في 6 شهور...بس ما حدش سمع كلامي:mosking:)





يعني أبسط مثال.. ايه ضمانتنا ان المستند الرسمي -اللي حضرتك قلت عليه-واللي هيثبت احقية البكوات والبشوات باللقب مش مستند مضروب (كالعادة)؟
أو ان الأختام مش مزورة(كالعادة)؟


أو...أو....(حسب خيالنا ما يسمح بقى)






اه...

أستاذه بهيه

قبل الثوره كانت البشاويه تمنح بمرسوم ملكي

وبنفس الاسلوب يتعمل نفس النظام

بمعني ان الذي سيمنح اللقب قرار جمهوري من رئيس الجمهوريه وبتوقيعه شخصيا وبمستند رسمي

(واعتقد ان الرئيس مبارك لن يتأخر في فعل خير للطرفين)



ثانيا ...


مين هيبقى مسئول عن جمع المبالغ المهولة المدفوعة من قِبل راغبي شراء اللألقاب ..؟



يعني مؤسسة تابعة للحكومة مثلا ولا ايه...؟



أكيد طبعا ..مش الحكومة هي مانحة الألقاب دي





اذن وبديهي لو مؤسسة تابعة للحكومة (اللي هي هتبقى حكومة أصحاب المعالي ساعتها)..
دة معناه ان الايد اليمين لحكومة البشوات هي اللي هتدفع الفلوس والشمال هتقبض





دي ممكن مجموعه منتقاه من رؤساء الجمعيات الاهليه او شخصيات عامه لها قبول شعبي تتولي المصارف باشراف الجهاز المركزي



حكمة اليوم....: ((الحداية مبتحدفش كتاكيت!))


حكمة اليوم...:
( يا مستني التغيير من كلام العصافير...جايز تستني كتييير)


وكل سنه وحضرتك طيبه

[بهية.]

وحضرتك طيب وبخير يا استاذ عصفور

((نعم يا استاذتنا...والله اتكلم بجد))

وأنا والله اقدّر دوافع فكرتك...وضحت الرؤية
.
.
.
.
.
(فاصل):

(((اه...

أستاذه بهيه

قبل الثوره كانت البشاويه تمنح بمرسوم ملكي

وبنفس الاسلوب يتعمل نفس النظام

بمعني ان الذي سيمنح اللقب قرار جمهوري من رئيس الجمهوريه وبتوقيعه شخصيا وبمستند رسمي

(((واعتقد ان الرئيس مبارك لن يتأخر في فعل خير للطرفين)))

حضرتك قلت ان منح اللقب هيبقى من خلال مرسوم ملكي...عفوا...أقصد قرار جمهوري ..(والله ما بتفرق معانا الأسماء على رأي محمد صبحي )

:":سؤال بريء خالص:":

هو حضرتك بقى تقصد هنا اي مبارك فيهم...؟
يعني مبارك الأول ولا مبارك الثاني ولا...؟؟

أصل يعني بما اننا عائدين بقوة -أو عدنا بالفعل- للعصر الملكي لقب (الرئيس مبارك)دة شكله كدة هيطوّل معانا حبتين وهتتوارثه الأجيال:]]]

[noor elsabah]

الأخ عصفور انت فتحت الباب للتفكير بشكل جديد
على سبيل المثال يكتب اسم رجل الأعمال الذي
أنشأ مستشفى او مدرسة
كالتالى
مدرسة كذا
(أنشأها المحسن فلان على نفقته الخاصه وحدة)
ولكن موضوع بيك وباشا فهو غير مرغوب فيه
قال صلى الله عليه وسلم
الناس سواسيه كأسنان المشط
وقال ايضا لا فضل لأعرابي على أعجمي إلا بالتقوى
شكرا لك موضوعك وطريقة التفكير الجديدة

[ميكي ماوس]

حاسس بواحد بيتقلب في قبره عاوز يطلع يأمم بيت الاستاذ عصفور ويدخل تاني
كان محافظ الاسكدنرية عمل فكرة
اللي يجمل ميدان او ينشئ حاجة للمنفعة العامة يحط له لافتة باسمه كدعاية (غالبا بتكون شركة)في المكان المنشأ
واللي خرب الموضوع ان القنصلية الاسرائيلي حاولت تجمل شارع في منطقة لوران
ماعرفش يعمل لهم ايه
يكتب لهم لوران ارض الميعاد؟
ولا ضحكنا عاليهود وخليناهم يذوقوا الحي
الخبر مش مؤكد يعني دي مادة تندر غالبا
انما انا فاكر مدرستي في ثانوي كان على باب المدير لوحة رخام فيها اسماء اللي تبرعوا بانشائها
منهم عمر باشا طوسون اتبرع ب40جنيه ورق
والاميرة فوزية اتبرعت ب30جنيه دهب
الثورة حولت المسجد لمعمل فيزياء في عهد الصاغ كمال الدين حسين:brb::brb:
وفي عهد الرئيس المؤمن عملوا فيها مسجد ياخد الامام واتنين وراه
كل ده مكتوب للتاريخ وللاجيال القادمة
ممكن نعمل لوحات فرعونية على اي منشأة يعملها رجل اعمال على نفقته الخاصة
بس نضمن الفرعون الجاي مش حيحط اسمه عليها؟

[آيـ الإسلام ـة]

تفتكر ياعمو إن اللى رضى
يخاطب العسكرى فى قسم الشرطة بلفظة " باشا "
_ وهو ماينفعش باشا شكلا أو مضمونا _
علشان يساعده فى إجراء بيخلصه لحق من حقوقه

هيمتنع عن مخاطبة الظابط بلفظة " بيه "
علشان يطلعوا براءة من قضية ملفقة
_ لمجرد إنه مش معاه مستند مكتوب فيه ( بيه مع الشكر )_ ؟؟


أعتقد والله أعلى وأعلم المشكلة داخلية فينا احنا

ماحدش مجبر يخاطب السفيه بكلمة " باشا "
_ وإن كنت أنا شخصيا شايفة الألقاب مالهاش أى معنى أساسا _


احنا بس ياعمو نشيل من دماغنا ثقافة
" إن كان لك عند الكلب حاجة "


واحنا نلاقى الكلاب كلها اتلمت
وعرفت إنها كلاب من غير مانفرض عليهم مقابل النباح
اللى بيخلينا نقول " ياسيدى "

المفروض الكلب يقال له ياكلب لو فضل ينبح من هنا للسنة الجاية

والصقر يقال له ياصقر حتى لو عينى ماشافتهوش ولا أعرف شكله



كان نفسى والله أشجع الفكرة دى ياأستاذى

بس صورة أقسام الشرطة وأمن الدولة

واللى بيحصل فيهم

مطبوعة فى ذهنى ومرتبطة ارتباط وثيق بالفكرة دى


علشان كده شايفاها غير قابلة للتنفيذ _ حاليا على الأقل _






(واعتقد ان الرئيس مبارك لن يتأخر في فعل خير للطرفين)







على فكرة ياعمو الجملة دى

خارج إطار الجدية اللى حضرتك كاتب بها الموضوع :brb:


أنا أول ماقريت الجملة كنت عايزة أعمل كده :lolly::lolly:

:]]


مبارك طول عمره باشا وصاحب فضل

وبيضحى باللقمة اللى فى ايده علشان يطعم المسكين

انت باشا يامبارك


باشا:brb:




ربنا المستعان ....

[*النحال]

اخى العزيز الاستاذ عصفور فكرة حلوة خالص
لانها ستجذب مرضى التعالى والتكبر وحب الظهور
وبالتالى هؤلاء عندهم استعداد يدفعوا اى شئ من اجل الفشخرة
وعلى فكرة الحصيلة من هذا ستكون عالية جدا
ولكن هل ستوجه هذه الحصيلة الى المكان الصحيح
ام ستكون مثل المنح وطرق الصرف الجهنمية
وتكون النتيجة صفر كما يحدث دائما

[أنا مسلم]

عارف والله يابابا

موضوعك فكرنى

بــ

بيت المال

الخاص بالمسلمين

يااااااااااااااااااااااااااااااااااااااااااااااااا اااااااااه

قال هموا راحوا فين ؟؟؟

لو يتم فعلآ تشكيل لجنة للمراقبة والمحاسبة

تبقى فكرة ممتازة أهو يبقى شغلنا عدد اخر من العاطلين

وفى نفس الوقت تم تشغيل أموال جامدة وحركنا حسابات عاطلة

زادك الله كل خير يا أستاذنا الغالى

[المشمهندز زيزو]

فكره حلوه يا استاذ عصفووووووور

بس ياريت بقي تضم ليهم كلهم باشمهندس عشان الميكانيكي بقي باشمهندس والسباك بقي باشمهندس:cry2::cry2::cry2::cry2:

[رِيتاج]

أختنا الفاضله ريتاج علوش


مش ممكن طبعا ناس غير مستحقين ح يحصلوا علي اللقب علي حساب أقواتهم

المبلغ مش بسيط...ده 200 مليون جنيه..و 100 مليون جنيه

يعني أخوكي عصفور لو عاش علي عمره 1000 ضعف دون أن يأكل هو وأولاده مش ح يحوش 2000جنيه:mosking:

النقطه التانيه


مصير الاموال

دي ممكن تتحول للجنه من رؤساء الجمعيات الخيريه المشهود لها بنزاهة اليد تحت اشراف الجهاز المركزي للمحاسبات

وكل سنه وحضرتك طيبه


وحضرتك طيب وبخير وسلامة :rosy:

[><><ميـاده><><]

عارف والله يابابا

موضوعك فكرنى

بــ

بيت المال

الخاص بالمسلمين

يااااااااااااااااااااااااااااااااااااااااااااااااا اااااااااه

قال هموا راحوا فين ؟؟؟

لو يتم فعلآ تشكيل لجنة للمراقبة والمحاسبة

تبقى فكرة ممتازة أهو يبقى شغلنا عدد اخر من العاطلين

وفى نفس الوقت تم تشغيل أموال جامدة وحركنا حسابات عاطلة

زادك الله كل خير يا أستاذنا الغالى

بيت مال المسلمين ف القرى محكوم جدا
او للامانه اغلب القرى
وفيه رقابه ذاتيه
احنا عندنا بيت المال ممتاز وبيساعد ناس كتيير
وكمان عملو فكرة القروض اللى بدون فوائد عوضا عن البنك
عندنا ف القرى فى مشاكل فساد كتييييييرة جدا محكومه ومتراقبه كويس
المشكله بتبقى ف المدن اكبر على اساس بيبقى المسؤل عن الحاجات دى موظفين يااما يكونو فاسدين او عارفين ربنا
انما ف الارياف بيكون المسئولين معينين ومعروفين وتحت عنين باقى السكان
سواق المتبرعين او متلقى التبرعات
بجد قريتنا معدش فيها محتاجين
قريتنا ممتااااااااااازة عشان ممشينها تقريبا حكم ذاتى

[أبو جمانة]

الاخوه الاعضاء الافاضل

فكره بسيطه ممكن جدا تدر عائد ضخم يوجه مباشرة لصالح المعدومين والفقراء

تتلخص الفكره في:

أحياء الالقاب في مصر....!!!!

نعم

عودة الباشا والبيك........رسمي أي بصك

حقيقي أنا لا أسخر أو أمزح

أذا كنا نسمع كلمة باشا وبيه ليل صباح عبر الاذاعة والتليفزيون وفي حتي البرامج الجاده جدا والاخباريه

أذا كنا نسمعها في أقسام الشرطه والمصالح الحكوميه وفي نطاق رجال المال والاعمال

الوزير يخاطب الوزير بـ فلان بيك...وعلان باشا

أذا كانت عودة الالقاب بعد الغائها بقيام الثورة أصبحت حقيقه

فلماذا لا تكون بمستند رسمي؟:think3:

وده ح يحل مسائل كتيره

أولا
لن يكون لقب عادي يتداول بين السفهاء والمرضي النفسيين أو راكبي موجات الغرور والكبر يستعملوه بغير رابط ولا محاسب

ثانيا
سيكون معلوم جدا أن من يحمل اللقب هو أحق به لأنه أشتراه بالفعل من أمواله ويستحقه

ثالثا
سيكون دافع قوي لكل من يحب التفاخر والتباهي بأن يمتلك هذا اللقب لأن يمتلكه عن جداره وأستحقاق

رابعا
رحمة بنا نحن البسطاء من أن نقول لكل من هب ودب يابيه أو ياباشا...وهو في الحقيقه لا يساوي شيء


خامسا

وأهم الاسباب علي الاطلاق

هو توجيه أموال هذه الالقاب الي مشاريع ضخمه توجه خصيصا للفقراء والمعدمي

كأنشاء سلسلة مستشفيات

كأنشاء سلسلة مدارس

ألخ....ألخ

وشيء أخر....يمكن لرئيس الجمهوريه منح من تبرع مثلا بأنشاء مستشفي عدد أسرتها معين...أن يمنحه هذا اللقب بدون ثمن مدفوع

وده ح يشجع كثير من رجال الاعمال علي التسارع للحصول علي اللقب



أيه رأيكم؟؟؟

عارف ح تقولوا عصفور بعقل عصافيري:mosking:

ولكن والله أنا مؤمن بالفكره

أذا كنا غير قادرين علي مواجهة الفساد فعلي الاقل يستفاد منه الفقراء:think3:
تاني يا عم عصفور

طيب بقى والنخبة إياها هتعمل ايه؟

هيدفع ليه ولولاده ، وقرايبه حتى الدرجة الثالثة ، والعيال اللي بيحرسوه ..... الخ

الثورة رفعت الألقاب حقد على أصحابها

وبعد كده أول حاجة عملوها لما مسكوا الحكم واتثبتوا فيه
راحوا اتجوزوا من عائلات البشوات والبهوات

عارف حضرتك ليه
عشان هم كانوا حاسين إن أصلهم "وا..."

وبعديها رجعوا البشوية والبهوية بس ببلاش لأنهم جتتهم أخدت على السحت

ايه هو الدنيا اسودت ليه كده ، الظاهر أنا عقلي بيضرب لما تيجي سيرة العالم ..... ولا بلاش!

[noor elsabah]

حاسس بواحد بيتقلب في قبره
عاوز يطلع يأمم بيت الاستاذ عصفور ويدخل تاني


الأستاذ / ميكي ماوس ... بعد التحية ... هل انا noor المقصود بهذا التعليق ؟
أرجو التوضيح ما الغرض من تلك الجملة ... لعلى فهمت خطأ ؟


ممكن نعمل لوحات فرعونية على اي منشأة
يعملها رجل اعمال على نفقته الخاصة


أما تعليقك السابق فقد ذكرته قبلك في تعليقي على الموضوع
كتعديل لكلام الأستاذ عصفور ومشاركة منى لموضوعة وفكرته
وعملا بمبدأ المشاركة الإيجابية وحق الرد لإثراء الموضوع